<a href="https://kyzylorda-news.kz/">Kyzylorda-news.kz</a>. Көпбейінді облыстық балалар ауруханасының бала емдеудегi мүмкіндігi өте жоғары.Аурухана дәрігерлерi бұл бағытта әрдайым бiлiмдерiн жетiлдiрiп, ұдайы алыс-жақын шет ел мамандарымен тәжірибе алмасып отырады. Сондай тәжірибе алмасудың бірі ауруханада үш күннен берi жалғасуда.Ашып айтар болсақ, аурухана реанимация бөлімшесінде «Қарқынды терапиядағы тыныс алуды қолдау» тақырыбында мастер-класс өткiзiлдi. Мастер-классқа арнайы Мәскеу қаласынан Дмитрий Рогачев атындағы «Балалар гематологиясы, онкологиясы және иммунологиясы ұлттық медициналық ғылыми орталығы» Федералдық мемлекеттік бюджеттік мекемесінің Аккредиттеу және симуляциялық орталығының жетекшісі, GISP педиатриядағы симуляция бойынша халықаралық топтың үйлестірушісі, педиатрия және неонатологиядағы тыныс алуды қолдау жөніндегі испан жұмыс тобының нұсқаушысы Лоайса Уго Карлос шақыртылды.Аймақтағы анестезиолог-реаниматолог мамандар қатысқан дәріс балаларға респираторлы көмектегі машықтарын күшейту, жетілдіру, нығайту мақсатында ұйымдастырылды.Үш күнге ұласқан мастер-класста желдеткіш негіздерi негізгі аспектілері, тыныс алу механикасы, өкпені жасанды желдету әдістері мен режимдерінің жаңа классификациясы, балалардың қарқынды терапиясындағы тыныс алуды қолдау тақырыбында тарқатылса, тәжірибелік дағды барысында практикалық мәселелер науқас балалардың нақты клиникасына сәйкес өз шешімін тапты.Көпбейінді облыстық балалар ауруханасында 360 төсек орын стационар және бір ауысымда 300 бала қабылдайтын кеңес беру диагностикалық емхана жұмыс жасайды.&nbsp;Ауруханада 13 клиникалық бөлімше, сондай-ақ 5 төсек паллиативті палата бар. Емдеу орнында күніне шамамен 20-30 бала емделіп, 20 ота жасалады. Мамандар жеткiлiктi. 2020 жылы 60 төсектік реабилитация бөлімі қайта бейіндендірілді. 2022 жылы «Қамқорлық» оңалту орталығы ашылып, жұмыс жасауда.Сонымен қатар, ауруханада 2017 жылы «Балалық шақ ауруларын ықпалдастыра емдеу» оқу орталығы ашылып, медицина қызметкеткерлері дипломнан кейінгі білімдерiн үздіксіз жетілдіруде. Аурухана 94 пайыз медициналық техникамен қамтылған. Емдеу орны компьютерлi томография, когерентный томограф, нанодакт және тб заманауи аппараттармен қамтылған. Ауруханада емделетін науқастар, мемлекет тарапынан бөлінетін әлеуметтік медициналық сақтандыру қоры арқылы тегін ем алады.Дәрі-дәрмек жеткілікті. Ең қуантарлығы – бұрын республикадағы iрi Алматы, Астана қалаларына барып ем қабылдайтын науқас балалар қазіргі таңда жергілікті жердегi балалар ауруханасында емдерін қабылдауда. Бұған мүмкіндік толық қарастырылған. Балалар ауруханасының емдiк шара жүргiзудегi мүмкіндігi жоғары.

Балалар ауруханасының емдік шара жүргізудегі мүмкіндігі жоғары

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қыркүйектің 2-сі күнгі күн райы болжамын жариялады.Атмосфералық фронталды бөліктердің өтуіне байланысты еліміздің басым бөлігінде күн құбылмалы болады. Еліміздің басым бөлігінде жаңбыр жауып, солтүстігінде қатты жаңбыр жауады. Тек елдің батысында, оңтүстігінде күн ашық, жауын-шашынсыз болады.Республика бойынша найзағай ойнап, жел соғады, бұршақ жауады. Республиканың оңтүстік-батысында шаңды дауыл тұрып, солтүстік-батысында, солтүстігінде тұман түседі.Жамбыл облысында, Қызылорда облысының шығысында, оңтүстігінде, орталығында, Атырау облысының солтүстік-батысында, солтүстік-шығысында, оңтүстігінде, Ақтөбе облысының батысында, Батыс Қазақстан облысының оңтүстік-батысында, солтүстік-батысында, солтүстігінде, шығысында төтенше өрт қауіпі сақталады.Орталықта, Батыс Қазақстан облысының оңтүстігінде, Павлодар, Қарағанды облыстарының оңтүстігінде, Ұлытау облысында жоғары өрт қауіпі сақталады.

2 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде 30 тамыз – ҚР Конституциясы күні және 1 қыркүйек – Білім күніне орай салтанатты жиын өтті.Мерекелік шарада университеттің Басқарма Төрағасы-Ректор Бейбіткүл Кәрімова Ата заң ел тәуелсіздігін айқындайтын, азаматтар құқығының қорғалып, халқымыздың тату-тәтті ғұмыр кешуіне ықпал ететін басты құжат екенін айтты. Сонымен қатар, оқытушы-профессорлар мен білім алушыларды жаңа оқу жылының басталуымен құттықтады.<blockquote>«Еліміздің қарыштап дамуы үшін жоғары білім жүйесі мен ғылым саласында тың идеялар мен жаңа бастамалардың болуы өте өзекті. Әлем елдері бүгінде инновациялық жаңалықтар, технологиялар арқылы ерекшеленуде. 85 жылдан астам тарихы бар Қорқыт ата атындағы Қызылорда университеті жыл өткен сайын жаңа белестерді бағындыруда», – деді Бейбіткүл Сәрсемханқызы.</blockquote>Жаңа оқу жылында университеттің бірқатар қызметкерлеріне ҚР Ғылым және жоғары білім министрлігінің марапаттары, «Қорқыт Ата атындағы Алтын медаль», «Үздік оқытушы» медалі табысталды. Сондай-ақ, университетте білім алып, қазіргі таңда өз саласының кәсіби шебері атанып, ел дамуына үлес қосып жүрген түлектерге «Үздік түлек» медалі табысталды.Жиынға зиялы қауым өкілдері, университет ардагерлері, оқытушы-профессорлар және білім алушылар қатысты.Салтанатты шарада Тұрмағамбет атындағы халық аспаптары оркестрі, «Дидар» халықтық би ансамблі және білім алушылар өнер көрсетті.Айта кетейік, биыл университетте бакалавриат бойынша мемлекеттік білім беру грантын 1248 талапкер иеленді.&nbsp;Білім ордасында осы жылы 10 мыңнан астам студент білім алмақ. Университетте 500-ден астам профессор-оқытушылар құрамы қызмет атқарса, соның ішінде 22 ғылым докторы мен профессор, 38 Phd докторы, доцент, 174 ғылым кандидаты, 220-дан астам магистр сапалы білім беруде.Кадрларды даярлау 5 институт пен 25 кафедра базасында 114 білім беру бағдарламасы бойынша жүзеге асырылады (66 бакалавриат, 35 магистратура, 13 докторантура). Әскери кафедрада Қазақстан қарулы күштері үшін запастағы офицерлерді даярлау 5 әскери мамандық бойынша жүргізіледі.Әрбір жоғары оқу орны қызметінің басты көрсеткіші – даярлаған кадрлары десек, университет құрылғалы бері қоғам мүддесі үшін 100 мыңға жуық кәсіби маман даярланған.

Қорқыт ата атындағы Қызылорда университеті жаңа оқу жылына қадам басты

<a href="https://kyzylorda-news.kz/">Kyzylorda-news.kz.</a> Бүгін Мемлекет басшысы Қасым-Жомарт Кемелұлы Тоқаев Қазақстан Республикасы Конституциясының 59-шы бабына сәйкес VIIІ шақырылымдағы Парламенттің бірлескен отырысына қатысып, «Әділетті Қазақстанның экономикалық бағдары» атты Қазақстан халқына Жолдауын жариялады. Бұл Жолдау еліміздің болашақ дамуы мен ертеңгі күнге бетбұрысын айқындап берді. Барлық бағыттардың дамуы, ел тағдыры үшін аса маңызды. Оның арқалайтын жүгі бір күн немесе бір жылмен шектелмейді, ауқымы кең, мазмұны да бөлек.&nbsp;Жолдауда еліміздің демографиялық ахуалының және ұлт саулығының оң өзгерістері туралы айтылды. «Елімізде жыл сайын 400 мыңнан астам бала дүниеге келеді. Жыл соңына дейін халқымыздың саны 20 миллионға жетеді. Өмір сүру ұзақтығы да артып келе жатыр. Былтыр бұл көрсеткіш 74 жастан асты», - деді Президент.Биылғы Жолдауда зиянды еңбек жағдайында жұмыс жасайтын азаматтарға ерекше назар аударылды. Ел Президенті өндірістік жарақат алудың жиілеуі өте өткір мәселе болып отырғандығын атап өтті. Сондықтан Үкіметке 2030 жылға дейінгі қауіпсіз еңбек тұжырымдамасын осы жылдың соңына дейін қабылдауды тапсырды. Бұл құжат жұмыс орнындағы кәсіби сын-қатерлердің алдын алуға және жоюға бағытталуы керек.Кәсіби аурулардың алдын алуда қажетті сауықтыру және емдеу шараларын жүргізе отырып, міндетті алдын-ала және мерзімді медициналық қарап-тексерулердің маңызы зор. Қызылорда облысында 2023 жылдың 1 жартыжылдығында өнеркәсіп, көлік, құрылыс және мұнай өндіру объектілерінде 13689 адам жұмыс істеді, 11919 адам немесе 87,06 % медициналық тексеруге жоспарланды. Барлығы 4447 адам немесе 37,3% медициналық тексерумен қамтылды. Оның ішінде әйелдердің үлесі &nbsp;533 адам немесе 42,6%. Айта кету керек, соңғы жылдары жұмысшыларды арнайы киіммен және зиянды өндірістік факторлардың әсерінен басқа да жеке қорғаныс құралдарымен қамтамасыз ету айтарлықтай жақсарды.Бұдан бөлек, Жолдауда ірі өндіріс орындарынан халық денсаулығына келетін қауіптің алдын алу үшін Үкіметке кәсіпорындардың технологиялық және экологиялық ахуалын, денсаулық сақтау жүйесін жақсарту үшін батыл шаралар қабылдауды тапсырды. Себебі ірі өндіріс орындарына жақын тұратын жұрттың наразылығы күшейіп бара жатқандығын алға тартты. Олар экология нашарлап, денсаулыққа зиян келтіріп жатқанын айтып, шағымдануда. Жұмысшылардың өндірісте мертігуі және қазаға ұшырауы көп болып кетті. Сондықтан ірі өндіріс кәсіпорындары 5 жыл сайын технологиялық және экологиялық аудит жасауы керектігін жеткізді.Бұл өз кезегінде халық саламаттылығын қамтамасыз етуде өз үлесін қосатын болады.Жолдауда айқындалған бағыттар өңіріміздің экономикалық өсімін жеделдетіп, халықтың әл-ауқатын жақсартуда маңызды рөл атқаратыны сөзсіз. Ендеше елдің ертеңіне алаңдаған ел Президентінің жаңа бастамаларына қолдау білдіріп, жүктеген міндеттерге жауапкершілікпен қарап және оның орындалуына біз де бірлесе атсалысайық!Динара ЖАНАБЕРГЕНОВА Қызылорда облысының санитариялық-эпидемиологиялық&nbsp; бақылау департаменті басшысы

Жолдау - жарқын болашаққа батыл қадам

<a href="https://dszn.ru/press-center/news/2953">ФОТО</a><a href="https://kyzylorda-news.kz/">Kyzylorda-news.kz.</a> Бүгінгі жас болашақ Қазақстанның жанды бейнесі. Жастарды білім жолына салып, түзу жолдан тайдырмай, санаға сәуле шашар оқу білімнің тізгінін ұстату мемлекет пен қоғамның міндеті саналады. Келешегіміз жас буынның қолында. Оларға жасалған қамқорлық келешекке құйған инвестиция деп қабылдау керек. Бүгінгі «Әділетті Қазақстанның экономикалық бағдары» атты Қазақстан халқына Жолдауында Мемлекет басшысы ел келешегі балаларымыздың қауіпсіздігі мәселесіне баса назар аударды.&nbsp;Президент өз сөзінде: «Адал азамат және тұғырлы тұлға болудың негізі бала кезден қалыптасады. Сондықтан біз жас ұрпақтың қауіпсіз әрі алаңсыз өмір сүруін қамтамасыз етуге тиіспіз.Мен Мемлекет басшысы ретінде кәмелетке толмағандарға жасалған зорлық-зомбылықтың кез келген түріне қатысты жазаны күшейтуді талап етемін. Жол, ғимарат, киім-кешек, азық-түлік, яғни барлығы балалар үшін қауіпсіз болуы керек. Сондай-ақ өскелең ұрпақтың психикалық саулығы – өте маңызды мәселе.Білім беру мекемелеріндегі психологиялық қолдау қызметін институционалды түрде күшейту қажет. Бірыңғай сенім телефонын ұйымдастырған жөн. Зорлық-зомбылыққа және қысымға, яғни буллингке тап болғандарға көмек көрсетуге арналған бағдарлама әзірлеу керек. Сапалы орта білім алу – әрбір баланың мызғымас құқығы. Мұндағы ең түйінді сөз – «сапа». Сондықтан білім сапасын жақсарту және мұғалімдердің біліктілігін арттыру ауадай қажет»- деп атап өтті.Сондықтан бізде ата-аналар «Адам ұрпағымен мың жасайды» дегендей ұрпағымыздың тәрбиелі, білімді, парасатты болғанын қалаймыз. Егеменді еліміздің болашағы – бүгінгі жас балалар. Сондықтан, бала өмірінің қауіпсіздігіне ата-ана, мектеп, мемлекет пен қазіргі қоғам қатаң жауапкершілікте болуы керек деп ойлаймын.Дәулет ОМАРОВ,&nbsp; «Қоғамдық келісім» КММ директорының орынбасары,&nbsp; философия докторы, PHD

Жолдауда балалардың қауіпсіздігі мәселесіне баса назар аударылды 

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев 4 министрді қызметтерінен босатты, деп хабарлайды Ақорда.Мемлекет басшысының жарлықтарымен:Марат Кәрімжанұлы Қарабаев Қазақстан Республикасының Индустрия және инфрақұрылымдық даму министрі лауазымынан босатылды;Дархан Қуандықұлы Қыдырәлі Қазақстан Республикасының Ақпарат және қоғамдық даму министрі лауазымынан босатылды;Асхат Раздықұлы Оралов Қазақстан Республикасының Мәдениет және спорт министрі лауазымынан босатылды;Зүлфия Болатқызы Сүлейменова Қазақстан Республикасының Экология және табиғи ресурстар министрі лауазымынан босатылды.

Мемлекет басшысы 4 министрді қызметінен босатты

<a href="https://kyzylorda-news.kz/">Kyzylorda-news.kz.</a> Мемлекет басшысының «Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Жарлығымен, жаңадан 5 министрлік құрылды, деп хабарлайды Ақорда.Олар:- Су ресурстары және ирригация министрлігі;- Көлік министрлігі;- Туризм және спорт министрлігі; - Мәдениет және ақпарат министрлігі;- Өнеркәсіп және құрылыс министрлігі құрылды.

Қазақстанда жаңадан 5 министрлік құрылды

<a href="https://kyzylorda-news.kz/">Kyzylorda-news.kz.</a> Кәсіпкерлер палатасының директоры Пірмұхаммед Сыздықов «Жолдаудың жаңалығы – су мәселесімен айналысатын арнайы министрліктің құрылатынында» деп атап өтті.Ол қызылордалық шаруалардың су тапшылығынан айтарлықтай зардап шегіп жатқанын атап өтіп, жаңадан құрылатын салалық министрлік бұл мәселені шешуге мұрындық болса деген пікірде.<blockquote>«Бұл қадам бір жағынан Президент айтқан агроөнеркәсіп кешенінің әлеуетін толық қолдануға да сеп болар еді. Мәселен, оған біздің өңірдің мүмкіндігі жетеді. Биылдан қолға алынған «Ауыл аманаты» жобасы да осы бағыттағы шараларда нәтиже берері сөзсіз», – дейді Палата басшысы.</blockquote>Пірмұхаммед Сыздықов мұнымен қоса Жолдауда айтылған төмендегі шаралар саланы дамытуға айтарлықтай қолдау болатынын жеткізді:- салық саясаты: жазалау емес, ескерту керек; - мемлекет отандық өнім өндірушілерді – ұлттық бизнесті қолдайды; - өндірісте, құрылыста, саудада жергілікті қамту 60%-ға жеткізіледі; - «Бизнестің жол картасы» мен «Қарапайым заттар экономикасы» бағдарламалары бірігіп, шағын және орта кәсіпкерлікті қолдайтын кешенді бағдарлама әзірленеді.<blockquote>«Азамат ретінде атом электр стансасын салу мәселесінің жалпыұлттық референдум арқылы шешілетініне қуаныштымын. Бұл қадам арқылы халықтың көкейінде жүрген сұрақтарға дер кезінде жауап беріліп, тиімді шешім қабылданар еді. Бұл бір жағынан мемлекеттік маңызы бар істе қазақстандықтардың белсенділігін көрсетеді», – дейді Пірмұхаммед Сыздықов.</blockquote>

Пірмұхаммед Сыздықов: Жолдаудың жаңалығы – су мәселесімен айналысатын арнайы министрліктің құрылатынында

<a href="https://kyzylorda-news.kz/">Kyzylorda-news.kz.</a> Қызылорда қаласында жаңа жеке мектеп ашылды.Бүгін 1 қыркүйек – білім күні. Кез келген елдің мүддесі мен болашағына білім саласының маңызы зор. Мемлекет басшысының тапсырмасына сәйкес, ұстаздар жалақысы көбейді. Бұл ілкімді іс білім саласының маңыздылығын тағы да дәлелдей түсті. Қазақ халқының білімге құштар болуына ел азаматтары да үлес қосуда. Мәселен, білім күніне орай Сыр бойында Dostyq School мектебі ашылды. Бұл мектеп 10-11 оқушыларды тереңдетіп оқумен қатар, жеке индивид болуға күш жұмсайды. Қазіргі таңда, бірнеше дамыған мемлекет нарықта элиталық мектептің қажеттілігін көрсетті. Жалпы, элиталық білімнің көмегімен дарынды және амбициялы жастар жаңа кәсіп ашып, инновациялық технологияларды дамытып, білім мен денсаулық сақтау саласының сапасын арттырып, елінің әлеуметтік-экономикалық дамына үлес қосады.<blockquote>«Достық білім беру орталғы бүгінде Достық мектебі болып, ресми түрде ашылды. Қазақстан бойынша 20 жылдық тәжірибесі бар білім беру орталығы екенін білесіздер. Еліміздің түкпір-түкпірінде ашылған орталық 2006 жылы Қызылорда қаласына да келді. Осы күнге дейін 40 мыңнан астам талапкер бізден білім алып, мемлекеттік грантқа қол жеткізді. Әр жыл сайын 2 мыңнан астам оқушымыз Назарбаев зияткерлік мектебі мен Білім-инновация лицейіне грантқа түседі. Достық білім беру орталығы қаншама жылдық тәжірибесін пайдаланып, мектеп болып ашылуды жөн санады. Біз зәулім ғимарат немесе замануи құрылғылармен ерекшеленетін мектеп емеспіз. Ең басты ерекшелігіміз бұл біздің білім берудегі жеке методикамыз. Сол үшін де оқушыларымыз бізді таңдап келді», - деді Dostyq School мектебінің директоры Айдын Асылбекұлы.</blockquote>

Қызылордада «Dostyq school» жеке мектебі ашылды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев қызылордалық ұстаздар мен оқушыларды Білім күнімен құттықтады.&nbsp;<blockquote>«Құрметті ағайын! Қадірлі ұстаздар мен оқушылар!&nbsp;Сіздерді Білім күнімен, жаңа оқу жылының басталуымен құттықтаймын!&nbsp; Адамзат баласын өркениетке жеткізетін, ой-сана биігіне шығаратын білім екені белгілі. Мемлекет басшысы Қасым-Жомарт Кемелұлы Тоқаев «Сапалы білім – жетістікке жетудің жолы әрі экономиканы дамытудың басты құралы. Жеті түрлі ілім білетін ұрпақ тәрбиелеу – бүгінгі күннің негізгі міндеті» деп атап өтіп, саланың басты бағытын айқындап берді. Президентіміз бен Үкіметтің қолдауы арқасында Сыр өңірінде жас ұрпақтың білімді, тәрбиелі болып жетілуі үшін ауқымды жұмыстар атқарылуда. Жайлы да еңселі балабақша, мектеп, қосымша білім беру мекемелерінің ғимараттары бой көтеріп, үш ауысыммен оқу мәселесі шешілді. Оқушылар тегін ыстық тамақпен қамтылды. Балалар мектепке қатынау үшін арнайы жабдықталған автобустар жолға шықты.&nbsp; Бүгін облыс бойынша 180 мыңнан астам оқушы алтын ұяларына тағы бір белесті бағындыру үшін оралды, 17 мыңнан астам бала мектеп табалдырығын алғаш рет аттап, «Әліппені» қолға алды. Оларды білім нәрімен сусындататын ұстаздары, қанатын қатайтып, жол көрсететін мектебі күтуде. Мереке күні білім саласының барша қызметкерлеріне еңбектеріңіз жемісті болсын деп тілектестігімді білдіремін. Тәуелсіздігіміз тұғырлы, жас ұрпақ, шәкірттер зейінді болсын!», - деді аймақ басшысы.</blockquote>

Нұрлыбек Нәлібаев: Бүгін 17 мыңнан астам бала мектеп табалдырығын алғаш рет аттады

«Әділетті Қазақстанның экономикалық бағдары»: Президент Жолдауының толық мәтіні

<a href="https://kyzylorda-news.kz/">Kyzylorda-news.kz.</a> Бүгін ҚР Президенті Қасым-Жомарт Тоқаевтың кезекті халыққа Жолдауын Қызылорда облыстық қоғамдық даму басқармасының «Қоғамдық келісім» КММ қызметкерлері мен этномәдени бірлестік мүшелері тыңдады.<blockquote>«Президент Жолдауында елдің әл-ауқатын арттырып, тұрмыс сапасын жақсартуға арналған бірқатар игі бастама жарияланды. Жолдаудың негізгі бөлігі еліміздің әлеуметтік-экономикалық дамуына арналған. Сонымен қатар, мемлекеттік басқару ісін жаңғырту, өнеркәсіпті күшейту, білім және ғылым, бизнес салаларына айқын тоқталды. Мемлекет басшысы еліміздің толыққанды дамуы үшін жасалатын қадамдарды қадап тұрып айтты. Түйінді мәселелер Жолдауда нақты көрсетілді», - деді «Қоғамдық келісім» КММ директоры Бақытжан Камалов.&nbsp;</blockquote>Корей этномәдени бірлестігінің мүшесі, тіл жанашыры Елена Пак білім беру мекемелеріндегі психологиялық қолдау қызметін институционалды түрде күшейту, зорлық-зомбылыққа және қысымға, яғни буллингке тап болғандарға көмек көрсетуге арналған бағдарлама әзірлеу сынды бастамалар бір серпілтіп тастағандығын алға тартты.Жолдауда тіршілік көзінің түйіткіліне тоқталған Президент сырттан келетін судың азайып бара жатқандығын мәлімдеді. Жан-жақты ойластырылған су саясатын жүргізу, трансшекаралық суларды пайдалану мәселелерін шешу – Үкіметтің алдында тұрған аса маңызды міндеттер. Осы ретте неміс этномәдени бірлестігінің белсендісі Светлана Крюгер бұл бастамалар су мәселесін шешуге оң ықпалын тигізеді деген пікірін білдірді.Әлеуметтік жағдайы жақсы елде міндетті түрде қоғамның басқа салалары бойынша да жетістіктері көп болады. Бүгінгі Жолдау соның жарқын бастамасы болды.

Қазақстан және Қызылорда облысының жаңалықтары