<a href="https://kyzylorda-news.kz/">Kyzylorda-news.kz.</a> Бүгін Қазалы ауданының әкімі Мұхтар Оразбаев «Қызылордажылуэлектрорталығы» МКК-ның «Қазалы-Теміржолжылу» филиалына арнайы барып, жылу беру маусымына дайындық жұмыстарын көрді.Аудан орталығы - Әйтеке би кентіндегі бірқатар әлеуметтік нысандар мен жеке секторларды орталықтандырылған жылу энергиясымен «Қазалы-Теміржолжылу» филиалы қамтамасыз етеді.Бүгінде мұнда жылу маусымына дайындық жұмыстарынан бөлек, мұржа қалпына келтіріліп жатыр. «Қазалы-Теміржолжылу» филиалы директоры Еркін Алпысбаевтың айтуынша, жылу маусымы басталғанға дейін мұржаны аяқтауға толық мүмкіндік бар және оған қажетті жабдықтардың барлығы дайын.Аудан әкімі Мұхтар Оразбаев мекеме басшысына әрбір жұмысқа жауапкершілікпен қарап, жылу маусымына дейін барлығын қалыпқа келтіруді тапсырды.Мұнан соң аудан басшысы Әйтеке би кентіндегі Р.Сабырбаев көшесіне аялдады.Қазір аталған көшеге түнгі жарықшамдар орнату жұмыстары жүріп жатыр. Т.Бокин көшесінің қиылысынан бастап, “Тесік көпірге” дейінгі аралықты қамтитын көше бойына барлығы - 35 түнгі жарықшам қойылатын болады.Жұмысқа жауапты мердігер мекеме - “ОрдаМегаСтрой” ЖШС қызметкерлерінің айтуынша, қазір бағаналардың барлығы орнатылуда. Ендігі астына бетон құйылатын болады.Аудан әкімі Мұхтар Оразбаев мердігерге жұмысты тез арада аяқтауды жүктеді. Мұнан бөлек, Әйтеке би кентінің әкімі Қайрақбай Орынбасаровқа барлығын бақылауда ұстап отыру қажеттігін айтты.

Қазалы ауданында жылу беру маусымына дайындық жоғары

<a href="https://kyzylorda-news.kz/">Kyzylorda-news.kz.</a> Бүгін Сырдария ауданы әкімі Берік Сәрменбаев кезектілік тәртібімен жазылған аудан тұрғындарын қабылдап, олардың толғандырған мәселелерін, ұсыныс-пікірлерін тыңдады. Бүгінгі жеке қабылдауға 6 адам келді.Тұрғындардың басым бөлігі тұрғын үй алу, жұмыс және инфрақұрылым тарту мәселелерін көтерді.Аудан басшысы қабылдауға келген азаматтардың мәселелерін тиісті мамандар жіті зерттейтінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар сол жерде заң аясында түсіндірме беріп, шешу жолдарын ұсынды.Айта кетейік, тұрғындар аудан әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.

Сырдария ауданының әкімі тұрғындардың жеке мәселелерін тыңдады

<a href="https://kyzylorda-news.kz/">Kyzylorda-news.kz.</a> Үстіміздегі жылдың 16-17 қыркүйек күндері Астана қаласының 25 жылдығына орай Қызылорда облысының тауарөндірушілерінің қатысуымен ауыл шаруашылығы тауарөндірушілерінің қатысуымен жәрмеңке ұйымдастырылуда.Бүгін Алтын қамбаның алаңынан Астана қаласына ауыл шаруашылығы өнімдері тиелген керуен жолға шықты.Арқа төріндегі тұрғындарға 85 жылдық тарихы бар Қызылорда облысының брендіне айналған ақ күріші, балығы мен ас тұзы, қауын мен қарбызы, ұлттық сусындары жеткізіледі.Жәрмеңкеде аймақта өндірілетін отандық өнімдерді қолдау мақсатында арнайы ауыл шаруашылығы өнімдерінің көрмесі ұйымдастырылады.Сонымен қатар, елордалықтарға ерекше көңіл-күй сыйлау үшін Сыр Елінің өнерпаздарының қатысуымен концерттік бағдарлама қойылады.Жалпы жәрмеңкеде 60-қа жуық Сыр дихандары мен тауарөндірушілері 40 жүк көліктермен жалпы құны 160 млн. теңгені құрайтын 450 тоннадан астам өнімдер тұрғындарға ұсынылады.Атап айтқанда 130 тоннадан астам күріш, 10 тонна ет және 30 тоннаға жуық балық өнімдері, 30 тоннадай көкөніс пен жеміс-жидектер, 230 тонна бақша өнімдері, 3 тонна ас тұзы, 10 тоннадай сүт өнімдері, 5 тоннаға жуық сөк, талқан және кондитер өнімдері жөнелтіледі.

Астана қаласына ауыл шаруашылығы өнімдері тиелген керуен жолға шықты

<a href="https://kyzylorda-news.kz/">Kyzylorda-news.kz.</a> Қалалық мәслихаттың кезекті сессиясының отырысында «Қызылорда қаласының төтенше жағдайлар басқармасының төтенше жағдайлардың алдын алу бағытындағы атқарған жұмыстары» қаралды.&nbsp;Аталған мәселеге орай, Қызылорда қалалық төтенше жағдайлар басқармасының бастығы Жасұлан Түйменов хабарлама жасады. Сонымен бірге депутаттардың сауалдарына жауап берді. Қала тұрғындарының қауіпсіздігін қамтамасыз ету жөнінде ұсынысын жеткізді. &nbsp;

Қалалық мәслихаттың кезекті сессиясында төтенше жағдайлардың алдын алу мәселелері қаралды

<a href="https://kyzylorda-news.kz/">Kyzylorda-news.kz.</a> «Ұлы дала жорығы» марафон-бәйгесініңтоғызыншы кезеңі аяқталды. Шабандоздар белгіленген маршруттың 850 шақырымын басып өтті.&nbsp;Тоғызыншы кезең қорытындысы бойынша, Алматы облысының командасыжеңімпаз атанды. Бұл жолы қостанайлық шабандоздар мәре сызығына екінші болып келсе, Жетісуоблысының командасы үшінші болып жетті. Өкінішке қарай, бұл кезеңде Жамбыл облысы командасымен қоштасуға тура келді. Марафонның бас төрешісі Надежда Купцованың айтуынша, жамбылдық жылқының тұяғы абайсызда шұңқырға кіріп кетіп, ақсап қалған.&nbsp;<blockquote>«Команданың қалғанекі шабандозы командадан тыс Түркістанға дейін жету мақсатын орындайды. Олар осы уақытқа дейін үздіктер қатарында болды. Жарыстан шығып қалуы бәріміз үшін оңай тимеді. Дегенмен дода болған соң, жеңіліс те болады. Қалған 11 командаға мұқият болыңыздар дегім келеді» деп атап өтті бас төреші.&nbsp;</blockquote>Жамбыл командасының шабандозы Олжас Байшонов командасының жорықтан шығып қалғанына өкінетінін жоққа шығармай, келесі жылы тыңғылықты дайындықпен келуге уәде берді.&nbsp;<blockquote>«Өкініш жоқ. Келесі жылдан үміт бар. «Жеңілген күреске тоймайды» демекші, мұнымен қоштаспаймыз. Расында дайындығымыз аз болды. Келесі жылы ең мықты аттарды алып келеміз. Төрешілер 650 шақырымды еңсергеніміз үшін медаль тақты. Атымыз аяқасты аяғын ауыртып алып, жарысты тоқтатуға мәжбүр болдық. Дегенмен біздің екі шабандозымыз Түркістанға дейін бармақ» деді О.Байшонов.&nbsp;</blockquote>Бұдан бөлек Астана қаласы, Маңғыстау, Жетісу, Қостанай облыстарының шабандоздары да 650 шақырымды жүріп өткен тұлпарларымен Түркістанға дейінгі 1300 шақырымды еңсеруді мақсат еткен. Бұл командаға төрешілер «Рекорд» деген атау беріп, арнайы 13-інші команда ретінде тіркеп, нәтижелерін күнделікті белгілеп отыр. «Рекорд» командасының жігіттері діттеген мақсатына жетсе, келесі жылғы жорыққа Гиннес рекордтар кітабының өкілдерін шақырту жоспарда бар.&nbsp; Айта кетейік, алда 5 кезең, яғни 450 шақырым қалды.Тоғызкүннің қорытындысы бойынша командалардың жалпы уақыты: Маңғыстау облысы, 56 сағат 54 минут 19 секунд Қостанай облысы, 58сағат 23 минут 31 секунд Ақтөбе облысы, 58 сағат 56 минут 32 секунд Жетісу облысы, 60 сағат 25 минут 02 секунд Астана қаласы, 62 сағат 25 минут 03 секунд Алматы қаласы, 64 сағат 09 минут 51 секунд Абай облысы, 66 сағат 43 минут 02секунд Алматы облысы, 67сағат 37 минут 55 секунд Түркістан облысы, 68сағат &nbsp;15минут 15секунд Қарағанды облысы, 73 сағат 39 минут 24 секунд Ұлытау облысы, 88 сағат 33 минут 09 секунд11 команда 15 қыркүйекте таңғы сағат 7:00-ден бастап алғашқы 50 шақырымды еңсеруге аттанды. Түскі астан соң 9-кезеңнің кезекті 50 шақырымын бағындыруы тиіс. Сонымен командалар алдында 950-іншішақырымды еңсеру міндеті тұр. Айта кетейік,«Ұлы дала жорығы» республикалық марафон-бәйгесінің бас серіктесі – «Sport Qory» туризм индустриясы мен спортты қолдау қоры. <img src="https://knadmin.beoblood.kz/uploads/63ae6341_8e12_4d15_a000_6988f63b434c_d6d0ecdcbf.jpg" alt="63ae6341-8e12-4d15-a000-6988f63b434c.jpg">

«Ұлы дала жорығы»: Алматы облысы командасы екі күн қатарынан жеңді

<a href="https://baq.kz/mams-7-ay-ishinde-95-mln-meditsinalyq-qyzmetti-qarzhylandyrdy-287441/">ФОТО</a><a href="https://kyzylorda-news.kz/">Kyzylorda-news.kz.</a> Жыл сайын өтетін науқан екі ай бойы, 15 қыркүйектен 15 қарашаға дейін созылады. Осы жолы қазақстандықтар бастапқы медициналық-санитарлық көмек көрсететін 1935 ұйымның біріне тіркелуге мүмкіндік алмақ. Атап айтар болсақ, 710 мемлекеттік және 1225 жекеменшік клиника. Биыл қандай өзгерістер мен жаңашылдықтар бар? Әлеуметтік медициналық сақтандыру қорында ең өзекті сұрақтарға жауап берді.Емханасын ауыстырғысы келіп жүрген азаматтар тіркеу науқаны кезінде бұл мүмкіндікті пайдалана алады.&nbsp; Әлеуметтік медициналық сақтандыру қоры 15 минуттық жерде орналасқан емханаға тіркелуді ұсынады. Бұл ең алдымен пациент үшін әрі дәрігерді үйге шақырған кезде тез келуіне ыңғайлы. Мұны, әсіресе кішкентай балалары бар отбасылар, жүкті әйелдер, мүмкіндігі шектеулі жандар, дәрілік терапияда немесе клиникаға жиі баруға мәжбүр пациенттер ескеру керек. Бұл ретте таңдаған медициналық ұйым алғашқы медициналық-санитарлық көмек көрсетуге Әлеуметтік медициналық сақтандыру қорымен шарт жасасқан болуы тиіс. Мекемелердің тізімін Қордың fms.kz сайтында «Клиниканы таңдау» бөлімінен көруге болады. &nbsp;Айта кетерлігі, пациент жаңадан тіркелген емханасында 2024 жылдың 1 қаңтарынан бастап медициналық көмек ала бастайды, яғни 31 желтоқсанға дейін бұрынғы емханасына барады. Ал емханаға тіркеу науқанына қатыспаған азаматтар бұрын өзі қаралған алғашқы медициналық-санитарлық көмек көрсететін ұйымда тіркелген күйі қалады.Емханаға қалай тіркелуге болады?Емханаға тіркелу жолдары өзгерген жоқ. Оның 2 түрлі тәсілі бар. Біріншісі – egov.kz электронды үкімет веб-порталы арқылы «Бастапқы медициналық-санитарлық көмек көрсететін медицина ұйымдарына тіркеу» қызметін пайдалану керек. Ол үшін сайтта авторизациядан өтіп, қызмет түрін таңдап, ашылған бетті толтыру қажет. Осы ретте сізді қызықтыратын емхананың учаскелерінде бос орындардың бар-жоғын алдын ала нақтылап алған абзал. &nbsp; &nbsp;&nbsp; Екіншісі – емханаға барып, өтініш жазу арқылы тіркелу. Айта кететін жайт, бұл тәсілді зейнеткерлер, мүгедектігі бар адамдар, бала кезінен мүгедектігі бар баланың заңды өкілдері, бас бостандығынан айыру орындарында жазасын өтеп жатқандар, студенттер, әскери борышын өтеп жатқандар, шетелде туған балалар, сенімхат бойынша тіркеуді ресімдейтіндер, жетімдер, сәбилер, қарттар үйіндегі жандар, ерікті және жүктелген медициналық сақтандыру шарты бойынша тіркелгендер пайдалана алады.Шетелдік азаматтарды емханаға тіркеу ережелері өзгердіБиыл еңбек мигранттары – шетелдіктерді және олардың отбасы мүшелерін (балалары мен жұбайларын), ЕАЭО-ға мүше елдердің (РФ, Беларусь, Қырғызстан, Армения) бірінің азаматтығы бар, ҚР-да уақытша тұратындарды емханаға тіркеу ережелері өзгерді. Енді алғашқы медициналық санитарлық және шұғыл стационарлық көмек алу үшін шетелдік азаматтардың ерікті медициналық сақтандыру шарты немесе жүктелген медициналық сақтандыру шарты болуы тиіс. Олар шарттың қолданылу мерзімінде емханаға тіркеліп, кейін &nbsp;автоматты түрде медициналық ұйымнан шығарылады. Жаңа ережелер осы жылдың 14 тамызынан бастап күшіне енді.&nbsp; Егер сіздің қосымша сұрақтарыңыз болса, өз емханаңыздағы «Пациенттерді қолдау қызметіне» жүгіне аласыз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз: fms.kz ресми сайты, Qoldau 24/7 мобильді қосымшасы, Telegram-дағы @SaqtandyrýBot, 1414 Бірыңғай байланыс орталығы. Азаматтар мәртебесін келесі қосымшалар арқылы тексере алады: • Qoldau 24/7 &nbsp; мобильді қосымшасы&nbsp; • fms.kz &nbsp;ресми сайты • Telegram-дағы @SaqtandyrýBot &nbsp; • 1414 байланыс орталығы&nbsp; • Damumed мобильді қосымшасы. • Екінші деңгейдегі банктердің мобильді қосымшалары – Kaspi.kz, Halyk, Bcc.kz.Сондай-ақ, Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp;

2024 жылы азаматтар қаралатын емханасын қазір ауыстыра алады

<a href="https://kyzylorda-news.kz/">Kyzylorda-news.kz.</a> Медицинада «алтын сағат» деген ұғым бар. Дәл осы кезеңде медициналық көмек ең тиімді және науқастың өмірін сақтауға мүмкіндігі жоғары болады. Бұл ережені Қазалы көпсалалы орталық аудандық ауруханасының рентген-эндоваскулярлық хирургия бөлімінің мамандары қатаң сақтайды. Дәрігерлердің кәсіби шеберлігі мен ангиографтың арқасында біраз адамның өмірі сақталды.Қазалы ауданы, Әйтеке би ауылының тұрғыны Әскербек Доспенбетов шұғыл түрде ауруханаға түскен. Таңертең 51 жастағы ер адам өзін нашар сезініп, жүрегі ауырған. Оған қарамастан жұмысқа шығып, базарда саудамен айналысқан. Жағдайы күрт нашарлағанда, жедел жәрдем шақырған. Науқасқа ангиограф көмегімен стенттеу мен коронарлық ангиография жасалды.<blockquote>«Сол қолым ұйып қалды, ентігу болды, бірақ оған назар аудармадым. Уақытылы көмек көрсеткені үшін медицина қызметкерлеріне мың алғыс» дейді Әскербек Доспенбетов.</blockquote>Қармақшы ауданы, Төретам ауылының тұрғыны Ақбай Нұрлыбаевтың жүрек тамырларын стенттеу барысында ангиограф оның оң аяғының тамырлары зақымданғанын анықтады.<blockquote>«Жүрекке стент қою кезінде аяқтың қан тамырларының бітелуі анықталды. Одан әрі емдеу үшін хирургқа жіберді. Қазір денсаулығым әлдеқайда жақсы. Айта кетейін, Қармақшы ауданынан Қазалы ауданына дейін көлікпен бір жарым сағаттай жүреміз. Осындай кәсіби медициналық көмек алу үшін алысқа барудың қажеті жоқ болғанына қуаныштымын» дейді Ақбай Нұрлыбаев.</blockquote>Арал ауданы Сексеуіл кентінің тұрғыны Орынкүл Меңдібаева Қазалы аудандық ауруханасына қайта түсті. Бұрын егде жастағы әйелге жүректің ишемиялық ауруына байланысты стенттеу отасы жасалған. Екі жылдан кейін қазалық дәрігерлер ми тамырларына церебральды ангиография (рентгенологиялық зерттеу әдісі) жасап, науқаста аневризма анықталды. Кәзір Орынкүл апа геморрагиялық инсульттің алдын алу мақсатында отаға дайындалуда.<blockquote>«Қазір денсаулығым әлдеқайда жақсы. Үйден бір сағаттық жерде осындай жақсы мамандар мен жоғары дәлдіктегі медициналық жабдықтардың барына қуаныштымын» деді Орынкүл Меңдібаева.</blockquote>Мамандардың айтуынша, 2019 жылы жұмыс басталғалы бері ангиографтың арқасында 1200-ден астам адамның өмірі сақталды. Бұл Қазалы, Арал, Қармақшы аудандарының, Қызылорда, Байқоңыр, Астана, Ақтөбе қалаларының тұрғындары. Науқастардың ең үлкені 90 жаста, ең жасы 35-те.<blockquote>«Ангиографтың арқасында жүрек, ми, аяқ-қол және басқа да мүшелердің қан тамырларының түрлі патологиясын ерте анықтау айтарлықтай артты. Мәселен, бұрын ай сайын инфарктпен 8 адам түссе, қазір 1-2 адам түседі. Міндетті әлеуметтік медициналық сақтандыру жүйесінің іске қосылуымен халықтың барлық топтары үшін жоғары технологиялық медициналық көмек қолжетімді болды. Бұрын пациенттер жоспарлы түрде облыс орталығында, Астанада, Алматыда ангиографияға өз кезегін бірнеше ай күтетін. Өкінішке орай, уақыт жоғалтқандықтан денсаулық жағдайы да нашарлайды. Денсаулықты сақтаңыздар. Уақтылы диагностикадан өтіңіздер» деп атап өтті рентген-эндоваскулярлы хирургия бөлімінің меңгерушісі Кенесары Баспаев.</blockquote>2022 жылы Қазалы көпсалалы орталық аудандық ауруханасында 8 792 адам ем алды. Осы мақсаттарға әлеуметтік медициналық сақтандыру қорынан 1,2 миллиард теңгеден астам қаржы бөлінді. Биыл 1,8 миллиардтан астам қаражат қарастырылған. <img src="https://knadmin.beoblood.kz/uploads/6_9cf55f2a8e.jpeg" alt="6.jpeg">

Дәрігерлердің кәсіби шеберлігі мен ангиографтың арқасында біраз адамның өмірі сақталды

<a href="https://kyzylorda-news.kz/">Kyzylorda-news.kz.</a> Қызылорда облыстық ҚХА жанындағы медиаторлар кеңесінің ұйымдастыруымен &nbsp;Сырдария аудан орталығында және Шаған ауылында кәсіби медиаторлар және мектеп психологтары, тұрғындарға арналған кездесу өтті.&nbsp;Кездесудің мақсаты - аймағымыздағы медиация институттарының қызметін жетілдіру, оның тиімділігі, күш пен уақытты үнемдеу, шиеленістерді шешудің тиімділігін түсіндіру, отбасы, еңбек қатынастары және даулы мәселелердің алдын алу, сонымен қатар тұрғындарға құқықтық, әлеуметтік мәселелер бойынша кеңес беру болып табылады.Жиында сөз алған «Әділдік жолы» РҚБ-нің Қызылорда облыстық филиал басшысы, облыстық ҚХА жанындағы Медиаторлар Кеңесінің төрағасы, тренер-медиатор Ләззат Бақтыбаева қазіргі таңдағы медиацияның жұмысымен таныстырып, тұрғындарға медиацияның мүмкіндігін түсіндіріп, қандай да бір даулы мәселелер туындаса құқықтық кеңес берілетіндігін, қоғамдық кездесулер өткізіп, әлеуметтік мәселелерін шешуге, медиация кезінде тараптар өкілдерінің арасында қалыпты қарым-қатынастарды сақтап, күш пен уақытты үнемдеу мүмкіндігі әлдеқайда жоғары екенін, отбасылық соттағы өзгерістер мен медиация саласындағы жаңашылдықтарды атап өтті.&nbsp;Қызылорда облыстық қоғамдық даму басқармасының «Қоғамдық келісім» КММ бөлім басшысы Шахизат Абдраманова Достық үйінде арнайы медиация кабинетінің жұмыс жасап жатқандығын, кеңес алу үшін медиация кабинетіне кез келген уақытта жүгінуге болатындығына ерекше тоқталып кетті. Сонымен бірге, құқықтық, әлеуметтік, еңбек мәселелері бойынша кеңес беріліп, медиацияның халық үшін маңыздылығы айтылды.Кездесуге қатысушылар тарапынан сұрақтар қойылып, тиісінше жауап берілді.&nbsp; &nbsp;

Медиация саласындағы жаңашылдықтар айтылды

<a href="https://uaqyt.kz/archives/10034">ФОТО</a><a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев еліміздің жаңа экономикалық саясаты алдағы кезеңде, ең алдымен, барлық қазақстандықтың өмір сүруі мен әл-ауқаты жоғары деңгейде болуын қамтамасыз етумен байланысты екенін атап өткен еді. Оның жаңа реформасында Қазақстан даму банкінің жұмыс форматын елдегі шағын және орта бизнесті дамытуға көмектесетіндей қайта қарауды ұсынған болатын.Қазір мемлекет тарапынан мүмкіндік көп. Сол мүмкіндікті тиімді пайдаланған Жалағаш ауданының тұрғыны Серік Тасбергенов 2023 жылы «Іскер» бағдарламасы арқылы жеңілдетілген несие алып, мал шаруашылығының дамуына өз үлесін қосып келеді.&nbsp;Бордақылау мақсатында қорадағы жылқы басын көбейтіп, кәсібінің пайдасын көріп отыр. Қазірде тұрақты тұтынушыларын етпен қамтамасыз етуде. Болашақта мал басын көбейтіп, алаңның көлемін кеңейтуді ойлап отыр. Ал негізгі мақсат – халықты сапалы және қолжетімді бағада етпен қамтамасыз ету.Айта кетейік, Қызылорда облысындағы шағын және орта кәсіпкерлердің саны 37,5 пайызға ұлғайып, 72 685 бірлікке жеткен. Жалпы осы секторда жұмыспен қамтылғандардың саны 18 пайызға артыпты. Қазіргі таңда экономикадағы барлық жұмыспен қамтылғандардың шамамен 35 пайызы шағын және орта кәсіпкерлік саласында жұмыс істейді. Кәсіпкерлік субъектілерінің өсу қарқыны бойынша облыс республикада 4 орында. Биыл кәсіпкерлікті қаржылай қолдауға әртүрлі көздерден шамамен 23 млрд. теңгеге жуық қаржы қарастырылған. Жарты жылда 2 мыңнан аса жобаға қаржылай қолдау көрсетілді. Облыс әкімі кәсіпкерлік және өнеркәсіп басқармасына шағын және орта кәсіпкерліктің негізгі макроэкономикалық көрсеткіштерінің өсімін қамтамасыз етуді және жалпы өңірлік өнімдегі үлесін 21,5%-ға арттыруды тапсырды. Сонымен қатар жауапты басқарма орта бизнестің үлесін 9 пайызға жеткізу бағытында нақты жұмыстарды үйлестірілуі керек.

Мемлекеттен мүмкіндік: Несие алып, мал басын көбейткендер көп

<a href="https://kyzylorda-news.kz/">Kyzylorda-news.kz.</a> 20 жылдан астам тәжірибесі бар ЛОР дәрігері Алмат Байнаев қазірде облысқа танымал «Ақсәуле-Мед» емханалар желісінің негізін қалаушы. 2015 жылы алғашқы емхананы ашу мақсатында «Қызылорда» өңірлік инвестициялық орталығынан 5 млн. теңге жеңілдетілген несие алып, ЛОР мүшелерінің ауруларын емдеуге арнайы құрал-жабдықтарды сатып алды.&nbsp;Алғашында Тасбөгет кентінен ашылған емханада 2 медбикемен бірге жұмыс жасап бастаған. Науқастардың көбеюіне байланысты және ота жасау бөлімдерін іске қосу үшін 2020 жылы «Саяхат» мөлтек ауданында орналасқан емханаға 15 млн. тг. қолдау көрсетілді. 2023 жылы «Мерей» мөлтек ауданынан тағы бір жаңа емхананы заманауи корей техникаларымен қамтамасыз ету мақсатында 25 млн. теңгемен қаржыландырылды. Бүгінгі күні «Ақсәуле-Мед» емханалар желісінде 60 қызметкер жұмыс жасайды. 1 жылда 120 мыңға дейін науқасқа көмек көрсетілуде.<blockquote>«Алдағы уақытта басқа да салаларды дамыту жоспарда бар. «Қызылорда» өңірлік инвестициялық орталығына көп рахмет! «Ақсәуле-Мед» емханалар желісі облыс көлемінде ғана емес, республикалық деңгейде танымал болып қалды», - деді Алмат Байнаев.</blockquote>

Қызылордалық кәсіпкер 60 адамды жұмыспен қамтып отыр

<a href="https://pixabay.com/ru/photos/%D0%BE%D1%81%D0%B5%D0%BD%D1%8C-%D0%BB%D0%B8%D1%81%D1%82%D1%8C%D1%8F-%D0%BB%D0%B8%D1%81%D1%82%D0%B2%D0%B0-%D0%BE%D1%81%D0%B5%D0%BD%D0%BD%D0%B8%D0%B5-%D0%BB%D0%B8%D1%81%D1%82%D1%8C%D1%8F-6188152/">ФОТО</a><a href="https://kyzylorda-news.kz/">Kyzylorda-news.kz.</a> 15 қыркүйекте атмосфералық фронтальды бөліктердің әсерінен еліміздің басым бөлігінде ауа райы құбылмалы болады, күн күркіреп, жаңбыр жауады, дейді Қазгидромет<a href="https://www.inform.kz/kz">.</a>Батыста, шығыста, оңтүстік-шығыста қатты жаңбыр жауады. Еліміздің оңтүстік-шығысындағы және шығысындағы таулы аймақтарда қар аралас жаңбыр жауады.Батыста, шығыста, оңтүстік-шығыста екпінді жел соғады, орталықта және оңтүстік-шығыста бұршақ жауады. Батыста, солтүстікте түнде және таңертең тұман түседі.Қызылордада, Ұлытау облысының оңтүстігінде төтенше өрт қаупі сақталады.

15 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов өрт сөндірушілер мен орманшыларға және қаратерең ауылының тұрғындарына алғысын айтты.<blockquote>«Кеше аудан аумағында төтенше жағдай болып, дала өрті орын алды. Қаратерең ауылдық округіне қарасты Жыланды көл аумағында 16:10 шамасында басталған өрт 600 мың шаршы метрді шарпыды. Оқиға орнына елді мекендегі 1 өрт сөндіру техникасы мен 22 адамнан тұратын еріктілер тобы, Арал орман және жануарлар дүниесін қорғау мекемесінің өрт өрт сөндірушілер мен орманшылары және Қазалы ауданынан өртке қарсы қызметінің өрт сөндірушілері қатысты. Жалпы тілсіз жауды ауыздықтауға 3 техника мен 40-қа тарта адам жұмылдырылды. Нәтижесінде өрт жергілікті уақытпен 23:40-та толықтай оқшауланды.Осы ретте орманшыларға, өрт сөндірушілерге, ауыз бірлігі мығым, ынтымағы ортаймаған Қаратерең ауылының азаматтары мен мектеп ұжымына үлкен ризашылығымды білдіремін. Сіздердің арқаларыңызда жайылымдық және мал азықтық жерлерді сақтап қалу мен экологиялық залалдың алдын алу мүмкін болды. Өздеріңіздің жанашырлықтарыңызбен туған табиғатымызға келетін үлкен зиянның жолы кесілді.Құрметті жерлестер! Өздеріңізге мәлім күз айлары дала өртінің қауіпті кезеңі. Сондықтанда табиғат пен сыртқа демалуға шыққанда тазалық пен сақтық шараларын қатаң ұстануға шақырамын.Туған жерімізді ардақтап, табиғатымызды аялайық» деді ол.</blockquote><img src="https://knadmin.beoblood.kz/uploads/376270826_829194025541367_2444114681737692085_n_f09768ec1b.jpg" alt="376270826_829194025541367_2444114681737692085_n.jpg"><img src="https://knadmin.beoblood.kz/uploads/376234681_829194078874695_1872821868054772566_n_eff54a667d.jpg" alt="376234681_829194078874695_1872821868054772566_n.jpg">

Қазақстан және Қызылорда облысының жаңалықтары