<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев пен Сыр өңіріне арнайы жұмыс сапарымен келген ҚР Ауыл шаруашылығы министрі Айдарбек Сапаров Сырдария ауданындағы Нағи Ілиясов ауылдық округіне барып, көркейту-көгалдандыру және абаттандыру жұмыстарын көрді.Аудан әкімі Берік Сәрменбаев, Қазақстанның Еңбек Ері Абзал Ералиев ауылдағы әлеуметтік нысандарды таныстырды.2022-2023 жылдары ауыл көшелерін қайта жаңғыртуға Ұлттық қор мен республикалық бюджеттен 525,9 млн теңге, дәрігерлік амбулатория құрылысына 404 млн теңге бағытталды. Мұнан бөлек, «Абзал және К» ТС абаттандыру жұмыстарына жыл сайын 100 млн теңге қаржы бөледі. 2015 жылы Ұлы Отан соғысында қаза тапқандарға арналған ескерткіш құрылысына 44 млн теңге, 2016 жылы ауылдық мешітті жаңартуға 137 млн теңге, 2017 жылы мемлекеттік-жекеменшік әріптестік аясында ауыл әкімдігі ғимаратының құрылысына 134 млн теңге жұмсады. Өткен жылы компания балалар ойын алаңы мен спорт алаңын күрделі жөндеуден өткізуге 23 млн теңге және «Еңбек аллеясының» құрылысына 455 млн теңге бөлді.Айта кетейік, жергілікті кәсіпкерлер, облыстан шыққан меценаттар Мемлекет басшысының туған жерді көркейтуге үлес қосуға шақырған үндеуін барынша қолдап, игілікті бастамаға белсенді атсалысуда. Демеушілік есебінен облыста 31 млрд. 700 млн. теңгенің жобалары жүзеге асырылуда. Атап айтқанда, маусым айынан бері 1 млрд. 100 млн. теңгеге облыс орталығындағы 50 үйдің қасбеттері заманауи панельдермен қапталуда. Қызылордалық кәсіпкер Асқар Әубәкіровтің демеушілігімен Қызылорда қаласының орталық алаңын абаттандыру жұмыстары басталды. Жоба құны 1 млрд. теңгені құрайды.Мұнан бөлек, меценаттардың қолдауымен Сыр өңірінде көптеген әлеуметтік нысандар салынып, қасиетті орындар – Қорқыт ата ескерткіш-кешеніне, Хорасан ата, Оқшы ата және Марал баба кесенелеріне қайта жаңғырту, айналасын абаттандыру жұмыстары жүргізілуде.Маусым айынан бері демеушілердің қолдауымен 1 млрд. теңгеге 20 көпқабатты тұрғын үйдің аулаларын абаттандыру басталған болатын. Аулаларға заманауи спорт алаңдары салынып, тротуарлары, жарық бағаналары жаңартылуда. Бұл тұрғындардың, балалардың демалысына қолайлы әрі спортпен шұғылдануына серпін береді. Абаттандырылған, көркейтілген аулалар жақында аталып өтілетін Қала күні мен Қызылорда облысының 85 жылдығына тарту етілмек.<img src="https://knadmin.beoblood.kz/uploads/376792409_1418748412021380_4709841126274626666_n_d5c4062675.jpg" alt="376792409_1418748412021380_4709841126274626666_n.jpg">

Ауыл шаруашылығы министрі Нағи Ілиясов ауылын аралады

<a href="https://baq.kz/15-zhas-bala-kutimi-boyynsha-zhardemaqy-qalay-tagayyndalady-287248/">ФОТО</a><a href="https://kyzylorda-news.kz/">Kyzylorda-news.kz.</a> Мемлекет басшысының тапсырмасына сәйкес 2023 жылдан бастап бала күтімі бойынша берілетін мемлекеттік жәрдемақы мен әлеуметтік төлем бір жастан бір жарым жасқа дейін ұзартылған болатын. Осыған сәйкес, 1 қыркүйекте аталмыш төлемді алушылардың саны 30,8 мыңға жетті. Бұл туралы Өңірлік коммуникациялар қызметінде өткен брифингте Қызылорда облысы бойынша Еңбек және әлеуметтік қорғау департаменті басшысының міндетін атқарушы Төреахмет Жолымбетов хабарлады.-Әлеуметтік кодексте балалы отбасыларға әлеуметтік қолдаудың қолданыстағы жүйесін сақтай отырып, оның негізгі параметрлерін өзгерту қарастырылған. Бұл жаңа параметрлер отбасыларға көрсетілетін мемлекеттік қолдаудың ауқымын кеңейтуді көздейді. Бала күтімі бойынша жәрдемақы жұмыс істеймейтін аналарға республикалық бюджеттен, ал жұмыс істейтін аналарға мемлекеттік әлеуметтік сақтандыру қорынан төленуде. Аталмыш төлемді былтыр және осы жылы дүниеге келген бірақ әлі бір жарым жасқа толмаған балалары бар отбасыларға төленеді. Сондай-ақ, бала туған кезде отбасына баланың кезегі бойынша төленетін жәрдемақының екі түрінің мөлшері де өсті. Атап айтқанда, бірінші, екінші және үшінші бала туылғанда берілетін бір жолғы жәрдемақының мөлшері 131100 теңгені құрайды, ал төрт және одан да көп бала туылғанда 217350 теңгеге дейін артты. Одан бөлек, бала бір жарым жасқа толғанға дейінгі күтіміне байланысты берілетін жәрдемақы мөлшері тууы кезектілігіне байланысты биылдан бастап бірінші балаға – 19 872 теңге, екінші балаға – 23 495 теңге, үшінші балаға – 27 083 теңге, төртінші және одан да көп бала туылғанда – 30 705 теңге мөлшерінде берілуде, - деді Төреахмет Сайлаубайұлы.Айта кетейік, Кодекс қолданысқа енгізілгеннен бастап «Алтын алқа» алқасымен, «Батыр ана» атағы бар I және II дәрежелі «Ана даңқы» ордендерімен наградталған аналарға арналған жәрдемақы мөлшері 7,4 АЕК дейін артты. Сонымен қатар, облыс бойынша көпбалалы отбасына берілетін жәрдемақыны 34 мыңнан астам отбасы алады.

Бала күтіміне байланысты жәрдемақы алушылар саны 30,8 мыңға жетті

<a href="https://kyzylorda-news.kz/">Kyzylorda-news.kz.</a> Бүгін облыстағы &nbsp;радиоактивті қалдықтардың экологияға әсері жайлы «AMANAT» партиясы жанындағы аймақтық Экологиялық кеңес отырысында қаралып, талқыланды.Жиынға партияның облыстық филиалының Атқарушы хатшысының орынбасары А.Жарылқасынов, аймақтық кеңес төрағасы Ж.Нұрымбетов, Ұлттық Қауіпсіздік Комитетінің жедел уәкілі Е.Мырзакәрім және уран өндіруші мекемелер басшылары, кеңес мүшелері мен эколог сала мамандары қатысты.Алдымен Кеңес төрағасы Мемлекет басшысы Қ.К.Тоқаевтың «Әділетті Қазақстанның экономикалық бағдары» атты Қазақстан халқына Жолдауынан туындайтын міндеттер жайын атап айтты.<blockquote>«Президент Жолдауы Қазақстанның жаңа экономикалық бағдарын айқындап берді. Мемлекет басшысы өз сөзінде «Әділдік, инклюзивтік және үнемшілдік жаңа экономикалық бағдардың өзегіне айналатынын» атап өткен болатын. Қазіргі ең басты міндет – еліміздің мықты өнеркәсіптік негізін қалыптастыру және экономикамыз өзімізді толық қамтамасыз ете алатын жағдайға жету. Сондықтан өңдеу саласын жедел дамытуға баса мән беруіміз қажет. Біз ел тағдыры үшін айрықша мәні бар бірқатар жобаны жүзеге асыруымыз керек. Экономиканы әртараптандыру бұрынғыдан да маңызды міндетке айналуда»,- деді Ж.Нұрымбетов.</blockquote>Партияның облыстық филиалы Атқарушы хатшысының орынбасары А.Жарылқасынов өндіріс орындары өкілдеріне Мемлекет басшысы Жолдауында ерекше атап өткендей өнідіріс орындарында жұмыс жасайтын азаматтардың денсаулығы, жақын орналасқан елді мекендердің экологиялық ахуалы басты назарда болу керектігін атап өтті.&nbsp; Жиын барысында күн тәртібіне сәйкес &nbsp;өңірімізде уран өндіруші «Байкен-U», «РУ-6», «Қызылқұм», «Семизбай U» мекеме басшыларының азаматтар қауіпсіздігін қамтамасыз ету бағытында атқарып жатқан жұмыстары есебін тыңдап, жұмысты жетілдіру бағытында ұсыныстарын ортаға салды. &nbsp; Кеңес отырысына ұсынылған мәселелер толық қаралып, ұсыныстар хаттамаға енгізілді.&nbsp;Жиынды қорытқан Кеңес төрағасы Жорабек Нұрымбетов айтлған мәселелерге қатысты алдағы уақытта мониторинг жұмыстары жасалатындығын жеткізді.

«Amanat»: Радиоактивті қалдықтардың экологияға әсері талқыланды

<a href="https://kyzylorda-news.kz/">Kyzylorda-news.kz.</a> Бүгін Қазалы ауданының әкімі Мұхтар Оразбаев Қызылорда облысының жолаушылар көлігі және автомобиль жолдары басқармасының басшысы Жәнібек Сыздықов пен төрт жолақты жолға жауапты “СтандартОйлКзо” ЖШС директоры Әділ Бижановты арнайы ауданға шақырып, аудандық мәслихат депутаттары және қоғамдық кеңес мүшелерінің қатысуымен мәжіліс өткізді.Жиында Әйтеке би кенті мен Қазалы қаласының аралығындағы 4 жолақты жолды қайта жаңғырту жұмыстарын талқыланды.«Жалпы, жобаны толық аяқтау үшін 2023 жылға бюджеттен бөлінген 801,8 млн. теңгенің бүгінгі күнге тек 71,4 млн. теңгесі ғана игеріліп отыр. Құрылыс жұмыстары өте баяу жүруде. Мүлдем жүріп жатқан жоқ десем де қателеспеймін.Сіз тамыз айында аймақ басшысы ауданға іс-сапармен келгенде қазан айында толық аяқтаймын деген уәде бергенсіз. Бірақ, 4 жыл ішінде бітпеген жұмыс бірнеше айдың ішінде аяқталады деп ойламаймын.Осындай мердігердің жауапсыздығынан кент, қала тұрғындары тарапынан наразылықтар туындауда. Қазақ «Көтере алмайтын шоқпарды беліңе байлама» деп бекер айтпаған. Егер қолыңыздан келмейтін болса, неліктен бұл жұмысты мойныңызға алдыңыз. Бір ғана Сіздің жауапсыздығыңыздан көп адамдар зиян шегіп отыр», – деген М.Әуесұлы “Қарлан” учаскесінде салынып жатқан көпірдің де құрылысы тұралап тұрғанын айтты.Мұнан соң Қызылорда облысының жолаушылар көлігі және автомобиль жолдары басқармасының басшысы Жәнібек Шәкімбайұлы жобаның мән-жайын түсіндіріп, барлығы мердігер мекеменің жауапсыздығынан болып отырғанын қозғады.Басқосуда Нұрлан Самұратұлы, Ғазиз Әлмәмбетұлы, Талайлы Әмитжанұлы және аудандық мәслихат депутаттары тұрғындардың 4 жолақты жолға қатысты жан айқайларын жеткізіп, мердігер мекеме директорын қатаң сынға алды. Сонымен қатар, аудандық мәслихат және қоғамдық кеңес атынан мекемеге шара көріп, тиісті құзырлы орындарға жолдау қажеттігін көтерді.Жиын соңында аудан басшысы аймақ басшысы қолдап, бюджеттен қаржы бөлінген жобаны тез арада сапалы аяқтауды жүктеді. Ал жүйелі жұмыстар атқарылмайтын болса, тиісті шаралар қабылданатынын айтты.

Төрт жолақты жолдың жайы талқыланды

<a href="https://kyzylorda-news.kz/">Kyzylorda-news.kz.</a> Биыл Қазалы спорт клубының құрылғанына – 10 жыл. Тәуелсіздік алған жылдардан бері қарай ауданда алғашқы салынған бұл ғимарат ашылған күннен бастап, мұнда түрлі спорт түрінен республикалық, облыстық, аудандық шаралар өтіп келеді.Сонымен қатар, осыншама жылдар ішінде көптеген спортшылар жаттығып, аудан абыройын асқақтататын саңлақтар қанат қақты.Бүгін соның аясында шағын футболдан спорт мекемелері қызметкерлерінің арасында аудандық жарыс басталды.8 команда қатысқан додаға аудан әкімінің орынбасары Дәурен Тілеумбетов арнайы қатысып, спорт клубтың құрылғанына 10 жыл толуына орай құттықтау лебізін білдіріп, спортшыларға сәттілік тіледі.– Қазалы ауданының спорттағы жетістігі, бағындырған белесі аз емес. Ал сол спортшылардың көпшілігі осы ғимаратта жаттығып, шыңдалды. Соның дәлелі болса керек, биыл спортшыларымыз ҚР-ның чемпионаттарына, халықаралық, республикалық, облыстық жарыстарға қатысып 18 алтын, 26 күміс, 31 қола медальға қол жеткізді.Нысанның ашылғанына 10 жыл толған мерейтойымен баршаңызды құттықтаймын! Соның аясында ұйымдастырылып жатқан жарысқа қатысушы командаларға сәттілік тілеймін, – деді Дәурен Оңғарбайұлы.Мұнан соң ардагер спортшы Нұрлыбек Есбосынов сөз алып, құттықтау тілегін жеткізді.Көп ұзамай командалар алаңға шығып, топтағы үш ұпай үшін таласты бастады.

Қазалыда спорт мекемелері қызметкерлерінің арасында аудандық жарыс өтіп жатыр

<a href="https://kyzylorda-news.kz/">Kyzylorda-news.kz.</a> Қызылордада облысы әкімдігінің ұйымдастыруымен, облыс әкімі аппаратының басшысы Ш.Баймановтың төрағалығымен «Мемлекеттік тіл мәселелері» атты дөңгелек үстел өтті. Оған «Халықаралық «Қазақ тілі» қоғамы» қоғамдық бірлестігінің президенті Рауан Кенжеханұлы қатысты.Жиынға зиялы қауым өкілдері, тіл жанашырлары, облыстық басқармалар, аумақтық департаменттер мен инспекция басшылары, Қызылорда қаласы мен аудан әкімдерінің салаға жетекшілік жасайтын орынбасарлары, аудандық мәдениет және спорт, қоғамдық даму бөлімдерінің басшылары, тіл мамандары, «Халықаралық «Қазақ тілі» қоғамы» қоғамдық бірлестігі облыстық, аудандық филиалдарының және бастауыш ұйымдарының төрағалары, жоғары және арнаулы орта оқу орындарының басшылары, БАҚ өкілдері шақырылды. Аудандар онлайн режимде қосылды.Алқалы жиында мемлекеттік тілдің қолданыс аясын кеңейту, ана тіліміздің мәртебесін арттыру бағытында атқарылатын жұмыстар талқыланды.Шілде айында Астана қаласында Халықаралық «Қазақ тілі» қоғамы» қоғамдық бірлестігінің кезектен тыс құрылтайы өтіп, қоғамдық бірлестік жетекшілігіне Bilim Media Group компаниясының басшысы, «Ұлттық аударма бюросы» қоғамдық қорының директоры Рауан Кенжеханұлы сайланған еді. Ол Уикипедияны қазақ тілінде дамытып, Қазақстандағы бірегей білім беру платформасының негізін қалаған. Осы салада түрлі жобаларды жүзеге асырып, «Жаңа гуманитарлық білім. Қазақ тіліндегі 100 жаңа оқулық» жобасы аясында әлемнің таңдаулы 100 оқулығын қазақ тіліне аударып, басып шығаруға жетекшілік еткен.Дөңгелек үстел басындағы жиында Рауан Кенжеханұлы сөз алып, қазақ тілінің қолданыс аясын кеңейтудегі жұмыстарға тоқталды. Облыстық қоғамдық даму басқармасының басшысы Алмасбек Есмаханов, «Облыста мемлекеттік тіл саясатының жүзеге асырылу барысы және алдағы міндеттер», «Халықаралық «Қазақ тілі» қоғамы» қоғамдық бірлестігі облыстық филиалының төрағасы Сәдуақас Аңсат «Мемлекеттік тілді дамыту бағытындағы өзекті мәселелер» тақырыптарында баяндама жасады.Сондай-ақ, облыстық филиал басқарма төралқасының мүшесі Қазыбай Құдайбергенұлы мемлекеттік тілді дамыту бағытында қоғам тарапынан атқарылатын жұмыстар жайынан сөз қозғады. Оған қоса қазақ тілінің мемлекеттік тіл ретіндегі қолданыс аясын кеңейту, беделін арттыру, қазақ мәдениеті мен ұлттық құндылықтарын насихаттау туралы қатысушылардың ұсыныс-пікірлері тыңдалды.Шараны Ш.Байманов Мемлекет басшысының «Баршамыз тілге құрметімізді құр сөзбен емес, нақты іспен көрсетуіміз керек» деген сөзімен қорытындылады.

Тілге құрметті нақты іспен көрсету маңызды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев пен Сыр өңіріне арнайы жұмыс сапарымен келген ҚР Ауыл шаруашылығы министрі Айдарбек Сапаров Ы.Жақаев атындағы күріш ғылыми-зерттеу институтының қызметімен танысты.Айта кетейік, күні кеше Қармақшы ауданында өткен «Дала күні» семинар-кеңесінде аймақ басшысы күріш өсірушілердің өзекті мәселелерін министрге баяндаған болатын.Аймақ басшысы министрге күріш өнімділігін арттырудың бірден-бір жолы – агротехнологияларды сақтаумен қатар, сапалы тұқыммен қамтамасыз ету екендігін айтып, институт жұмысын жандандыруға қатысты ойларымен бөлісті. Бүгінде аймақта егілетін күріштің небәрі 3 пайызы ғана - отандық сорттар. Өкінішке орай, Қазақстандағы жалғыз күріш институты жаңа, бәсекеге қабілетті сорттар шығаруға қауқарсыз. Оның негізгі себебі - институттың қаржылық және материалдық- техникалық жағдайының төмендігі. Аграрлық ғылымды реформалау шеңберінде Ауыл шаруашылығы министрлігі күріш ғылыми- зерттеу институтының жарғылық үлесін С. Сейфуллин атындағы Қазақ агротехникалық зерттеу университетіне беруді жоспарлауда."Біздің ойымызша, бұл университеттің ғылыми-зерттеу институтын жеткілікті қаржыландыруға мүмкіндігі болмайды. Құрметті Айдарбек Сейпілұлы, министрлік әзірлейтін тұқым шаруашылығын дамытудың кешенді жоспарына күріш тұқымы мәселесін қосуды және қолдауыңызды сұраймын", - деп атап өтті Нұрлыбек Машбекұлы.Мекеме жұмысымен танысу барысында министр аталған мәселелердің мән-жайын зерделеп, алдағы уақытта шешімі қарастырылатынын жеткізді.<img src="https://knadmin.beoblood.kz/uploads/378787667_609383754716206_8780732436004551022_n_e8c3bf29cb.jpg" alt="378787667_609383754716206_8780732436004551022_n.jpg">

Ауыл шаруашылығы министрі күріш институтының жұмысымен танысты

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы Білім басқармасы мен Қызылорда облысының Полиция департаментінің Есірткі қылмысына қарсы іс-қимыл басқармасының қызметкерлері мен Қызылорда қаласы Полиция басқармасының ювеналды полицейлері бірлесіп, Қызылорда қаласы колледждерінің студенттерімен профилактикалық кездесулер өткізілуде.Қылмыстық іс-әрекеттерден аулақ болуға шақыру мақсатында, іс-шара барысында жастарды есірткі құралдары, психотроптық заттарды қолдану мен баулуға, құмар ойындарға тарту себептері мен салдары қаралды, қылмыстар мен құқық бұзушылықтар үшін құқықтық жауапкершілік мәселелеріне, сондай-ақ Интернет желісінде қауіпсіз «жүріс-тұрыс» тәсілдеріне назар аударылды. Орын алған құқық бұзушылықтардың салдары туралы мысалдар келтірілді.Әңгімеге қатысушылар іс-шара соңында қойылған сұрақтарға жауап алып, өздерінің жағымды эмоцияларымен бөлісті.

Қызылордада колледж студенттерімен профилактикалық әңгімелер өткізілуде

<a href="https://kyzylorda-news.kz/">Kyzylorda-news.kz.</a> 8-14 қыркүйек аралығында қазақстандық құрама Грузияда өткен EJOI-2023 информатикадан еуропалық жасөспірімдер олимпиадасына қатысты. Мұнда әлемнің 24 елінен 96 қатысушы өзара бәсекеге түсті, деп хабарлайды ҚР Оқу-ағарту министрлігінің баспасөз қызметі.EJOI халықаралық IOI информатика олимпиадасының ережелері мен стандарттарын ұстанады. Бұл маңызды оқиға, Еуропа Кеңесінің мүше- мемлекеттерінде IT-индустрия элитасының даму сатысы.Оның қорытындысы бойынша Қазақстан құрама командасы төрт медаль жеңіп алды:Алтын - Мамадахунов Мансур - Қызылорда қаласындағы С. Шаухаманов атындағы №9 дарынды балаларға арналған «Білім-Инновация» облыстық лицей-интернатының 9-сынып оқушысы; Күміс - Серікбай Сұңғат - Тараз қаласындағы «Білім-Инновация» дарынды жасөспірімдерге арналған мамандандырылған лицей-интернатының 10-сынып оқушысы; Күміс - Аменов Әлем - Семей қаласындағы «Білім-Инновация» дарынды ұлдарға арналған мамандандырылған лицей-интернатының 9-сынып оқушысы; Қола – Алдамжаров Әлішер - Алматы қаласындағы Республикалық физика-математика мектебінің 10-сынып оқушысы. Құрама жетекшілері: Сатылханов Темірлан Қайратұлы-Astana IT университетінің оқытушысы және Нұрмаш Айдос – халықаралық олимпиадалардың жеңімпазы.

Қызылордалық оқушы еуропалық жасөспірімдер олимпиадасында алтын медаль жеңіп алды

<a href="https://bugin.kz/8082-darynonline-1-050-000-tenhgemen-kasip-ashugha-bola-ma">ФОТО</a><a href="https://kyzylorda-news.kz/">Kyzylorda-news.kz.</a> Қазақстан Республикасының «2021-2025 жылдарға арналған кәсіпкерлікті дамыту ұлттық жобасы» жаңа бизнес-идеяларды іске асыруға мемлекеттік қайтарымсыз грантты иеленген азаматтар өздерінің бизнес-идеяларын жүзеге асыруда.Соның бірі – Қызылорда қаласының тұрғыны, көпбалалы әке Ғалым Нұрланұлы 2023 жылы кәсіппен айналысу мақсатында «Бастау Бизнес» жобасы бойынша кәсіпкерлік негіздеріне оқып, аяқтау туралы электрондық сертификатын алған.Комиссияның мақұлданған шешімі негізінде 2023 жылдың наурыз айында өзінің «Тігін шеберханасын ашу» мақсатындағы бизнес-идеясын іске асыру мақсатында 400 еселенген айлық есептік көрсеткіш мөлшерінде грант жеңімпазы атанған.Қазіргі уақытта, қосымша жұмыс орнын ашып, бір адамды тұрақты жұмысқа қабылдап, өзінің кәсібін дамыту мақсатында жұмыс жасауда.

Көпбалалы әке бір адамды жұмыспен қамтып отыр

<a href="https://kyzylorda-news.kz/">Kyzylorda-news.kz.</a> Қазақстан Республикасының «2021-2025 жылдарға арналған кәсіпкерлікті дамыту ұлттық жобасы» жаңа бизнес-идеяларды іске асыруға мемлекеттік қайтарымсыз грантты иеленген азаматтар өздерінің бизнес-идеяларын жүзеге асыруда. Соның бірі – Байқоңыр қаласының тұрғыны, көпбалалы әке &nbsp;Файзулла Өтегенұлы 2023 жылы кәсіппен айналысу мақсатында «Бастау Бизнес» жобасы бойынша кәсіпкерлік негіздеріне оқып, аяқтау туралы электрондық сертификатын алған. Комиссияның мақұлданған шешімі негізінде 2023 жылдың наурыз айында өзінің «Кілем жуу» цехін ашу мақсатындағы бизнес-идеясын іске асыру мақсатында 400 еселенген айлық есептік көрсеткіш мөлшерінде грант жеңімпазы атанған.

Байқоңырлық тұрғын кілем жуу цехын ашты

<a href="https://kyzylorda-news.kz/">Kyzylorda-news.kz.</a> Қызылорда облысында ауыл шаруашылығындағы ең ауқымды іс-шаралардың бірі – Дала күні аталып өтілді. Фермерлер ауылшаруашылығы саласындағы соңғы әзірлемелерді, селекциялық жетістіктерді, сондай-ақ соңғы үлгідегі ауыл шаруашылығы техникаларын көрсете алды. Шаруалардың мерекесі жыл сайын 1000-нан астам ауыл шаруашылығы тауарын өндірушілердің басын қосады.Ауыл шаруашылығы министрі Айдарбек Сапаров іс-шараға қатысушылардың алдында сөз сөйледі. Ол тұтас еліміздің және өңірдің АӨК-нің ағымдағы жай-күйі туралы айтып берді. Биыл Қызылорда облысы сала бойынша дамудың оң серпінін сақтап қалды.Мұнда егін жинау жұмыстары кесте бойынша жүргізіледі. Негізгі күріш егетін өңірде биыл 89 мың гектар алқапқа егілген күрішті жаппай жинау жұмыстары басталып кетті. Жұмыстарды қазан айының ортасына дейін аяқтау жоспарлануда.Ауыл шаруашылығы министрлігі өз тарапынан күріш шаруашылығына барлық қолдау көрсетеді. Атап айтқанда, фермерлерге арзандатылған минералды тыңайтқыштар мен пестицидтер сатылады. Су беру бойынша қызметтер жеңілдікті құны бойынша ұсынылады. Сонымен қатар, егіс және егін жинау науқандарына несие беріледі. Биыл алғаш рет Азық-түлік корпорациясы форвардтық сатып алу аясында 6 мың тонна күріш жармасына келісімшарт жасады.Айдарбек Сапаров өңірдің ауыл шаруашылығын қаржыландыруға биыл 14 млрд теңге бағытталғанын атап өтті. Облыста «Ауыл Аманаты» ауыл тұрғындарына шағын несие беру бағдарламасы танымал болып келеді. Қызылорда облысының кемінде 600 ауыл тұрғыны жалпы сомасы 3 млрд теңгеге жеңілдетілген несие алады.Министр фермерлермен кездесуі кезінде ҚР Премьер-Министрінің атынан өңірдің үздік ауыл шаруашылығы тауарын өндірушілерін алғыс хаттармен марапаттады.<img src="https://knadmin.beoblood.kz/uploads/378502699_3518257801780779_763381607684155713_n_e035152086.jpg" alt="378502699_3518257801780779_763381607684155713_n.jpg">

Қазақстан және Қызылорда облысының жаңалықтары