<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен кадрлық өзгерістерге байланысты актив отырысында әріптестері Қызылорда облысының прокуроры болған Нұрлан Бижановты жаңа қызметке құрметпен шығарып салды. 2019 жылдан бері Қызылорда облысының прокуроры қызметін атқарып келген Бижанов Нұрлан Дәуренұлы Астана қаласына ротация тәртібімен басқа қызметке ауысты.Аймақ басшысы Нұрлан Дәуренұлының бастамасымен өңірде ауқымды жұмыстар атқарылғаны, түрлі заң бұзушылықтар жойылып, мемлекет қазынасына қаражат қайтарылғаны үшін оған алғыс білдірді.<blockquote>«Нұрлан Дәуренұлы жауапкершілік жүгі ауыр қызметтік міндетін атқаруда өзін іскер, ұйымдастырушылық қабілеті зор басшы ретінде көрсетті. Аймақтың тұрақтылығы мен қауіпсіздігін сақтап, заң үстемдігін жоғары қойды. Тарқатып айтқанда, прокуратура жүргізген 456 тексеру қорытындысымен 8147 бұзушылық анықталып, оның шеңберінде 2 324 ұсыныс, 479 наразылық енгізілді. Жүйелі жұмыстардың нәтижесінде бюджетке 11 млрд. теңге қаржы өндіріліп, 1,5 млрд. теңгенің мүлкі мемлекетке қайтарылды. Бұл – ауқымды жұмыстың бір бөлігі ғана. Мемлекет басшысының ауыл шаруашылығы мақсатындағы игерілмеген жер учаскелерін мемлекет меншігіне қайтару туралы тапсырмасына сәйкес прокуратура органдарының пәрменді бақылауымен жыл басынан бері 138 мың гектар жайылымдық жер учаскелері анықталды. Бүгінде оның 41 мың гектардан астамы мемлекет меншігіне қайтарылды. Жүргізілген жүйелі жұмыстардың арқасында өңіріміз қылмыс деңгейі төмен 3 облыстың (Маңғыстау, Ұлытау) қатарынан көрініп, жоғары көрсеткіштерге қол жеткізді», – деді Нұрлыбек Машбекұлы.</blockquote>Күрделі салада атқарған жауапты қызметі мен елеулі еңбегі үшін Нұрлан Дәуренұлына Қызылорда облысының Құрмет грамотасы табысталды.Актив отырысында құқық қорғау саласының ардагері Тастемір Рахимов, облыстық мәслихат төрағасы Наурызбай Байқадамов, облыстық ардагерлер кеңесінің төрағасы Серік Дүйсенбаев, мемлекет және қоғам қайраткері Бақберген Досманбетов, облыстық полиция департаментінің бастығы Махсудхан Аблазимов Нұрлан Бижановты құттықтап, жаңа қызметінде сәттілік тіледі.

Облыс прокурорын жаңа қызметке шығарып салды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен облыс әкімдігі жанындағы сыбайлас жемқорлыққа қарсы іс-қимыл мәселелеріне арналған комиссияның кезекті отырысы өтті. Онда энергетика және тұрғын үй-коммуналдық шаруашылығы, жолаушылар көлігі және автомобиль жолдары салаларында сыбайлас жемқорлық тәуекелдерін болдырмау және алдын алу мәселелері қаралды.Аймақ басшысы халыққа қызмет ететін мемлекеттік орган қызметкерлері міндеттерін адал орындауы керектігін атап өтті.<blockquote>«Мемлекет басшысы Қасым-Жомарт Кемелұлы жаңа Жолдауында барлық саладағы негізгі ұстанымымыз – адалдық, ашықтық және теңдік қағидатына негізделуі керек екенін атап өтті. Бүгінгі комиссия отырысына арқау болатын бірнеше мәселеге де қатысты Президент нақты талаптар қойды. Бұл ретте барлық мүдделі органдар мен жергілікті әкімдік қызметшілері міндеттерді мінсіз атқаруға тиіс», – деді Нұрлыбек Машбекұлы.</blockquote>Сыбайлас жемқорлыққа қарсы іс-қимыл агенттігі Қызылорда облысы бойынша департаменті басшысының бірінші орынбасары Асылхан Ашиков облыстық энергетика және тұрғын үй-коммуналдық шаруашылық басқармасы және оған қарасты квазимемлекеттік мекемелерге жүргізген сыртқы талдау нәтижелерін таныстырып, саладағы тәуекелдерге тоқталды. Мұнан бөлек, облыстық энергетика және тұрғын үй-коммуналдық шаруашылығы, жолаушылар көлігі және автомобиль жолдары басқарма басшылары сыбайлас жемқорлықты жою және алдын алу бойынша атқарған жұмыстарын баяндады.Облыстық мемлекеттік сатып алу басқармасының басшысы облыс әкімінің тапсырмасымен мемлекеттік сатып алу жүйесін орталықтандыру нәтижелерін талдағанда жергілікті мекемелер жүктемесі азайып, сатып алу процедуралары айтарлықтай ашық өтуіне ықпал ететінін атап өтті. Жаңа бақылау тетігін енгізу нәтижесімен камеральды хабарламалар саны 30%-ға, әкімшілік жауапкершілік 49%-ға, шағымдар саны 39%-ға төмендегенін айтты. Айта кетейік, бұл тәжірибе алғаш рет Қызылорда облысында қолданылып, қазір тиімділігін дәлелдеді.Жиын қорытындысымен облыстық энергетика және тұрғын үй-коммуналдық шаруашылығы, жолаушылар көлігі және автомобиль жолдары басқармаларына жасалған сыртқы талдауларға сүйеніп, басқармалар мен оған қарасты мекемелерде заң бұзушылықтардың алдын алу бағытында нақты шаралар қабылдау, түсіндірме жұмыстарын күшейту тапсырылды. Ал, мемлекеттік сатып алу басқармасына сатып алу рәсімдеріндегі оңтайландыруды қажет ететін кейбір процестерге талдау жүргізіп, қауіп-қатер туындауы мүмкін мәселелер бойынша құзырлы органдарға ұсыныс енгізу жөнінде тапсырма берілді.

Сыбайлас жемқорлықпен күрес мәселелері талқыланды

<a href="https://kyzylorda-news.kz/">Kyzylorda-news.kz.</a> Биыл тарихы өсиетті, қойнауы қасиетті Қызылорда облысының құрылғанына – 85 жыл. Осы мерейтой аясында облыстық «Жастар ресурстық орталығының» ұйымдастыруымен «Orda келбеті» атты облыстық байқауы өткізілмек. Аталмыш байқау аймақтың әлеуметтік-экономикалық, рухани және мәдени дамуы мен шежірелі тарихы туралы жастардың креативті идеяларын танытуға бағытталады. Қатысушылардың ұсынған шығармашылық жұмыстары 20 қыркүйек пен 10 қазан аралығында қабылданады. Бұл туралы Қызылорда облысының Өңірлік коммуникациялар қызметінде өткен брифингте облыстық «Жастар ресурстық орталығы» КММ-нің директоры Талғат Тілес хабарлады.&nbsp;<blockquote>«Сыр елінің 85 жылдық мерейтойы аясында қызылордалық тұрғындардың арасында ауқымды байқау өткізбекпіз. «ORDA» келбеті» байқауы біздің өңірге қатысты жастардың ғана емес, кез келген тұрғындардың креативті идеяларын, өздерінің шығармашылығын танытуға үлкен мүмкіндік деп білеміз. Сонымен қатар, бұл байқаудың бір ерекшелігі тек жастар ғана емес, облыстың кез келген тұрғыны қатыса алады. Осы ретте, аталмыш байқау бүгіннен, яғни 20 қыркүйектен бастау алатынын хабарлаймыз. Байқау жеңімпаздарына бағалы сыйлықтар табысталады, - деді Талғат Оспанұлы.&nbsp;</blockquote>Брифинг барысында «Qosyl» жастар ресурстық орталығының директоры Әліби Басаров байқаудың негізгі ережесіне тоқталып, барша қызылордалықтарды конкурсқа белсенді қатысуға &nbsp;шақырды.<blockquote>«ORDA» келбеті» байқауы келесі бағыттар бойынша номинациялар тағайындалады. Атап айтқанда, «Үздік бейнематериал», «Үздік фото», «Үздік пост». Әрбір номинацияға сәйкес I, II, III орын үздіктері анықталады. Бірінші орынға - &nbsp;«Apple iphone 14 Pro», екінші орынға - «Apple iphone 13», үшінші орынға - «Apple iphone 12» табысталады. Байқау нәтижесін облыстық «Жастар ресурстық орталығы» КММ-нің жанынан құрылған жұмысшы топ анықтайтын болады. &nbsp;Барша Сыр өңірінің тұрғындарын байқауға белсенді қатысуға шақырамын! , - деді Әліби Басаров.</blockquote>Одан әрі облыстық «Жастар ресурстық орталығы» КММ-нің шығармашылық және бұқаралық спортты дамыту бөлімінің басшысы Тоғжан Амануллаева әр номинация бойынша қабылданатын материалдарға қойылатын талаптарды түсіндіріп өтті.<blockquote>«Үздік фото» номинация бойынша қатысатын қатысушылар облыс тарихының кешегісі мен бүгінін және келешегін сипаттайтын сапалы 3 фотоны әлеуметтік желілерге жүктеуі тиіс. &nbsp;Ал «Үздік пост» бағыты бойынша қатысушылар облыстың тарихын және соңғы жылдардағы жетістігін сипаттай отырып, фейсбук желісіндегі жеке парақшасында арнайы хэштегтер арқылы жариялауы қажет. Пост екі тілде де қабылданады. Сондай-ақ, әрбір ұсынған материалдарда облыстың 85 жылдығына арналған логотип қойылуы шарт. Жеңімпаздар әлеуметтік желідегі аудиториясының белсенділігі арқылы таңдалатын болады, - деді ұйымдастыру комитетінің мүшесі Тоғжан Есенгелдіқызы.&nbsp;</blockquote>Айта кетейік, байқау жеңімпаздары 12 қазан күні анықталатын болады.

Сыр өңірінің 85 жылдық мерейтойына орай облыстық байқау басталды

<a href="https://kyzylorda-news.kz/">Kyzylorda-news.kz.</a> Қызылорда облысының 85 жылдығы мен Арал ауданының 95 жылдығына орай құтты мекен Арал өңірінде «Балықшылар слеті» өткізілді. Ата кәсіпті жалғаған айдынды өңірдің балықшылары бұл күн асыға күтетін мерекеге айналған.Теңіз төскейіндегі өлкеде өткен балықшылар слеті «Балықтар базынасы» атты тағдырлары теңізбен ұштасқан жандардың өмірінен сыр шертетін театрландырылған қойылымымен басталды. &nbsp;Салтанатты шараға қатысқан облыс әкімінің &nbsp;орынбасары Серік Қожаниязов тұрғындардың бүгінгі қуанышына ортақтасты.&nbsp;<blockquote>«Қасиетті Сыр елі, өзінің сыр салысы, төрт түлік малымен қатар балығымен де аты шыққан берекелі, құтты мекен. Бүгінгі күні, теңізді өлкенің ата кәсібі - балық шаруашылығының мәні мен маңызы кеміген жоқ. Бұған дәлел, әр жыл сайын &nbsp;өтетін «Балықшылар слеті». Мақсатымыз- балық шаруашылығымен айналысатын азаматтардың еңбегін бағалап, лайықты дәрежеде құрмет көрсету үшін жасалуда. Соңғы уақытта балық шаруашылығы саласы жаңа деңгейде қайта оралып, ерекше қарқынмен дамуда. Өздеріңізге мәлім, Балық шаруашылығын дамытудың 2021-2030 жылдарға арналған өңірлік бағдарламасы бекітілді. Аталған бағдарлама аясында өңірімізде ауқымды істер атқарылуда. Бүгінде Мемлекет басшысы Қасым-Жомарт Кемелұлы Тоқаевтың тапсырмасына сәйкес, республикалық бюджеттен қаржы бөлініп тиісті деңгейде жұмыстар жүргізілуде. Өздеріңіз білетіндей, Ел Президентінің өткен аптадағы Тәжікстанда Халықаралық Аралды құтқару қорының құрылтайшы мемлекеттері басшылары кеңесінде Аралдың қазіргі тағдырын талқыға салды. Алдағы 3 жылда «Халықаралық Аралды құтқару қоры» мемлекетіміздің басқаруына өтіп, теңіздің мәселесінің шешілуіне жаңа бір серпін беретінін атап өтті. Бұл мемлекет басшысының Сыр еліне, Арал өңіріне деген қолдауы ерекше екенін білдіреді. Өткен жылы облыс әкімі Нұрлыбек Машбекұлының қолдауымен бастау алып, биыл екінші кезеңі жүргізіліп, абаттандырылған «Балықшылар аллеясы» барша балықшылар қауымына деген біздің құрметіміз бен ілтипатымыз екендігін жеткізгім келеді», - деп, слетке қатысушыларды бүгінгі мерекемен құтықтады.&nbsp;</blockquote>Сонымен қатар, слеттің ашылу салтанатында ҚР Экология, геология және табиғи ресурстар министрлігі Балық шаруашылығы комитеті төрағасының орынбасары Алмас Асылбеков Арал балықшыларын құттықтап, ізгі тілегін арнады. Слет аясында балық шаруашылығы саласының үздіктері мен ардагерлері марапатталды. Осы орайда балық ісінің қарқынды дамуына өз үлестерін қосып жүрген сала мамандарына Қазақстан Республикасы Экология және табиғат ресурстар министрлігінің «Балық шаруашылығы саласында еңбек сіңірген қызметкер», «Балық шаруашылығы саласына мінсіз қызметі үшін» төсбелгілері, «Құрмет грамотасы» және «Арал өңірінің балықшыларының VII слетінің» арнайы номинациялары мен «Арал ауданының құрметті азаматы» атағы табысталды.&nbsp;Шара соңында ауданымыздың талантты өнерпаздары ән мен жырдан тамаша тарту жасап, көрермендерге мерекелік көңіл-күй сыйлады. Айта кетейік, өткен жылы «Көкарал бөгетін сақтап қалу және Сырдария өзенінің атырауын қалпына келтіру» жобасына сәйкес 500 млн. теңге бөлінді. Аталған қаржыға «Ақлақ» су торабына жөндеу жұмыстарын жүргізіліп, қосымша канал арналарын қазу жұмыстары атқарылды. Ірі көлдер болып саналатын Қамыстыбас, Ақшатау көлдер жүйесін, шабындық және жайылымдық жерлерді суландыру үшін 10 каналдың арнасы тазаланып ұлғайтылып, 6 су тоспаларының құрылысы жүргізілді.&nbsp;Нәтижесінде Арал теңізіне мол су кезіндегі 3 айдың өзінде 1.3 млрд. текше метр су жинауға мүмкіндік болды. Биылда теңізге осы көлемде су түсіру жұмыстары жүргізіледі. Сондай-ақ тағы бір қуанышты жаңалық үш көзді «Мырзас» су тоспасын салу үшін тиісті құжаттар әзірленуде.<img src="https://knadmin.beoblood.kz/uploads/f6ec19a6_87ca_4892_a032_bc7dad59cccf_4280e4b9f4.jpg" alt="f6ec19a6-87ca-4892-a032-bc7dad59cccf.jpg">

Арал ауданында теңізден маржан сүзген балықшылар қауымының VII слеті өтті

<a href="https://tengrinews.kz/kazakhstan_news/tepluyu-i-suhuyu-osen-prognoziruyut-v-kazahstane-475515/">ФОТО</a><a href="https://kyzylorda-news.kz/">Kyzylorda-news.kz.</a> Алдағы күндері күн райының тұрақсыз сипаты елдің солтүстігінде, шығысында, оңтүстігі мен оңтүстік-шығысында әлі де сақталады. Онымен найзағай мен екпінді жел, бұршақ күтіледі. Оңтүстік-шығыстағы таулы аймақтарда қар аралас жаңбыр болжанады.&nbsp;Бұл туралы&nbsp;<a href="https://www.kazhydromet.kz/post/2354">«Қазгидромет» РМК</a> хабарлайды.21 қыркүйекте – оңтүстікте, 21-23 қыркүйекте – шығыста, 21-22 қыркүйекте оңтүстік-шығыста – қатты жаңбыр, оңтүстік-шығыстың таулы аймақтарында қатты жауын-шашын күтіледі.Қазақстанның тек батысында, солтүстік-батысында, Батыс антициклонының ықпалымен күн райы ашық болады.Елдің батысында, солтүстігі мен орталығында түнгі және таңертеңгі уақыттарда тұман болжанады.Түнде республиканың солтүстігінде, солтүстік-батысында және орталығында топырақ бетінде -1 градус үсік жүреді.Ауа температурасы күндіз батыс өңірлерде 24-30-ға дейін, елдің солтүстік-батысында 15-27-ге дейін көтеріледі. Солтүстік аумақта 10-16 градусқа дейін төмендейді, орталықта 10-23 жылы болады. Шығыста температура бағамы 10-15-ке дейін түсіп, оңтүстікте 20-28-ге дейін жоғарылайды. Оңтүстік-шығыста 12-22 градусқа дейін, таулы аудандарда 2-10 градусқа дейін төмендейді.

21 қыркүйекке арналған ауа райы болжамы

Фото: t.me/aqorda_resmiБҰҰ Бас Ассамблеясының сессиясы аясында АҚШ Президенті Джо Байден «С5+1» форматында алғаш рет Қазақстан, Қырғыз Республикасы, Тәжікстан, Түрікменстан және Өзбекстан президенттерімен кездесу өткізді, деп хабарлайды <a href="https://www.whitehouse.gov/briefing-room/statements-releases/2023/09/19/readout-of-president-bidens-meeting-with-the-c51-leaders-at-unga/">Ақ үй</a>.Мемлекет басшылары қауіпсіздік, сауда және инвестиция, өңірлік байланыстар, сондай-ақ барлық елдің егемендігі мен аумақтық тұтастығын құрметтеу қажеттігі сияқты бірқатар мәселені талқылады.Президент Джо Байден әріптестерінің АҚШ пен Орталық Азия мемлекеттері арасындағы байланыстарды «С5+1» аясында одан әрі нығайту бойынша пікірлерін тыңдап, қарым-қатынастарды ілгерілету ұсыныстарына қолдау білдірді.Атлантикалық кеңес Еуразиялық орталығының ғылыми қызметкері Марк Темницки атап өткендей, Нью-Йорктегі отырыс АҚШ Президенті Джо Байден мен Орталық Азиядағы 5 елдің басшылары арасындағы диалогті жалғастыруға мүмкіндік беретін «С5+1» форматының маңыздылығын көрсетті.<blockquote>«Джо Байден мен Орталық Азиядағы 5 елдің президенттері арасындағы отырыс негізінен символдық сипатта өтті. Дегенмен, бұл тараптардың диалогті жалғастыруға ұмтылысын қуаттайтын «С5+1» форматының маңыздылығын айқындады. Аталған басқосу АҚШ Президентінің Орталық Азия елдерінің көшбасшыларымен алғашқы кездесуі болды. Ол Америка Құрама Штаттарының «С5+1» дипломатиялық платформасына деген ерекше ұстанымын білдіреді», - дейді Марк Темницки.</blockquote>Сарапшы кездесу уақытының шектеулі болуына байланысты қатысушылар басқа да өзекті мәселелерді талқылай алмағанын атап өтті. Алайда, бұл кездесу форматы келешекте жұмысты барынша нәтижелі етуге бағытталған.АҚШ пен Орталық Азия арасындағы диалогті жалғастыру қауіпсіздік және экономикалық саладағы байланыстарды нығайтуға ықпал етпек.Осы орайда, сарапшы биыл Орталық Азия басшыларымен кездескен АҚШ-тың Мемлекеттік хатшысы Энтони Блинкеннің: «Қазірдің өзінде сан салада жұмыс топтары құрылды, бұл АҚШ-тың аймақ елдеріне көмектесуге деген ұмтылысына ықпал етеді», - деген мәлімдемесін еске салды.Марк Темницкидің пікірінше, «C5+1» форматындағы кездесулерден кейін жағдайдың қалай дамитынын кесіп айту әлі ерте.АҚШ басшысы әріптестеріне аймақтық қауіпсіздік мәселелерін шешудегі серіктестігі үшін алғысын білдіріп, шекара қауіпсіздігі, терроризмге қарсы күрес және құқықтық мәселелер бойынша ынтымақтастықты жалғастыруға ниетті екенін мәлімдеді. Джо Байден қолайлы бизнес орта қалыптастыру арқылы америкалық компанияларды ОА-ға тарту бастамасын да талқылады. Сондай-ақ, USAID қазан айында «C5+1» форматындағы Министрлер кеңесін ұйымдастырып, тұрақты экономикалық дамуға ықпал ететін нақты іс-қимылдарды талқылауға шақырды.АҚШ Президенті Джо Байден «С5+1» елдері болашақта энергетикалық ресурстарды игеру және тауар тасымалының тың бағыттарын құру үшін ынтымақтасуы керек екенін атап өтті. Ол үшін «С5+1» форматында диалог бастауды ұсынды. Бұл – АҚШ-тың Транскаспий халықаралық көлік дәлізіне инвестиция салу жұмыстарының жалғасы болары анық. Сондай-ақ, Ақ үй басшысы азаматтық қоғамды және әйелдердің экономикалық мүмкіндіктерін кеңейту жөніндегі қызметті одан әрі қолдау қажеттігіне тоқталды.Аймаққа және елдер арасындағы байланысты нығайтуға бағытталған АҚШ стратегиясы оң бағаға лайық. Бұл пікірді Питтсбург университетінің қоғамдық және халықаралық қатынастар жоғары мектебінің профессоры Дженнифер Муртазашвили білдірді.Сарапшы бұл АҚШ Президенті Джо Байден мен Орталық Азиядағы 5 мемлекет басшыларының алғашқы маңызды кездесуі болды деп санайды.<blockquote>«АҚШ-тың аймаққа және оның елдері арасындағы байланыстарды нығайтуға бағытталған стратегиясына оң баға беруге болады. Өйткені, көптеген жылдар бұрын АҚШ-тың Орталық Азиядағы мүддесі Ауғанстан мен басқа да дағдарысқа бағытталып келді», - деп мәлім етті Дженнифер Муртазашвили.</blockquote>Бұған қоса, сарапшы күн тәртібіне адам құқықтары мен қауіпсіздік саласындағы серіктестіктен басқа экономикалық және өңірлік ынтымақтастық мәселелерін енгізу орынды екенін айтты.<blockquote>«Мұндай интеграция Орталық Азияны нығайтады, сондай-ақ америкалық компаниялар мен фирмаларға ОА-да бизнес жүргізуді жеңілдетеді. Сонымен қатар, АҚШ тарапынан болатын инвестиция ағынын арттыруы мүмкін», - деп қорытындылады сарапшы.</blockquote>Дженнифер Муртазашвили АҚШ-тың Орталық Азиядан алыс екенін естен шығармау керектігіне тоқталды. Тиісінше, бұл өңірдегі мемлекеттердің Ресей және Қытаймен арадағы экономикалық және қауіпсіздік саласындағы байланыстары берік.<a href="https://kaz.inform.kz/">ҚазАқпарат</a>

Ынтымақтастықтың жаңа кезеңі: АҚШ пен Орталық Азия елдері көшбасшылары кездесті

<a href="https://baq.kz/shagyn-zhane-orta-biznes-subektileri-artty_213249/">ФОТО</a><a href="https://kyzylorda-news.kz/">Kyzylorda-news.kz.</a> Бүгінде мемлекет тарапынан жастардың кәсіпкерлік бастамасына қолдау білдіру мақсатында жылдық өсімі 2,5 пайыз болатын шағын несие берілуде. Бекітілген ережеге сәйкес, аталмыш бағдарламаға 21-35 жас аралығындағы жастар қатысады алады. Сондай-ақ, шағын несиені алуға ниетті азаматтар жеке кәсіпкер ретінде танылған болса тіркелген уақыты 5 жылдан аспауы тиіс. Бұл жөнінде Қызылорда облысының Өңірлік коммуникациялар қызметінде өтикен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев хабарлады.<blockquote>«Жастарға арналған жеңілдетілген несиені жүзеге асыруға осы жылы 257 адамға 1 млрд 285 млн теңге қаржы қарастырылды. Мұндай көлемдегі қаржы республика бойынша ең ірі – Астана, Алматы қалалары мен Түркістан және біздің облыстың үлесінде екенін айтқым келеді. Аталған қаржы мамыр және шілде айларында игерілді. Жастардың шағын несие алуына сұраныс көбейгендіктен Еңбек және халықты әлеуметтік қорғау министрлігімен бірқатар жұмыстар атқарылып, 200 жасқа қосымша 1 млрд теңге қаржы бөлінді. Қазіргі таңда агрокредиттік корпорация арқылы несие беру жұмыстары жұргізілуде», - деді басқарма басшысы Ғабит Жұмабекұлы.</blockquote>Жеңілдетілген шағын несиені алудың негізгі шарттары мынандай; микрокредит мерзімі – 5 жылға дейін, ал мал шаруашылығы саласындағы жобалар үшін – 7 жыл. Микрокредиттің ең жоғары сомасы – 5 млн теңгеге дейін, ал номиналды сыйақы мөлшерлемесі – 2,5 пайыздан аспайды. Сондай-ақ, кепілмен қамтамасыз ету, негізгі борыш пен сыйақыны өтеу бойынша жеңілдікті кезең микрокредит беру мерзімі үштен бірінен аспайды. Сонымен қатар дара кәсіпкер ретінде мемлекеттік тіркелу мерзімі бес жылдан аз кәсіпкерлер қатыса алады.<blockquote>«Бүгінде өңірдегі 275 жас кәсіпкер 1 млрд 262 млн теңге көлемінде бизнес жобаларды іріктеу жөніндегі комиссияның оң қорытындысын алып, құжаттары агрокредиттік корпорацияға жолданды. Құжаттардың түгел тапсырылуы мен мазмұнын тексеру уақыты өтініш тіркелгеннен бастап 3 жұмыс күні ішінде қаралады. Тапсырылған құжаттар талапқа сәйкес келмеген жағдайда себептерін көрсете отырып кері қайтарылады. Ал талапқа сәйкес келген өтінімдерге 10 күн ішінде бағалау жүргізіледі. Барлық шарттар орындалғаннан кейін бизнес жобаларды іріктеу бойынша конкурс 5 күн бұрын облыс әкімдігінің ресми интернет-ресурсында жарияланады», - деді «Аграрлық несие корпорация» АҚ Қызылорда облысы бойынша филиалының директоры Маханбет Тұрмаханов.</blockquote>

Жастарға арналған 2,5 пайыздық жеңілдетілген шағын несие беріледі

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы жанындағы Журналистер мен сарапшылар клубының ұйымдастыруымен этножурналистика саласындағы «Шаңырақ» шығармашылық байқауының өңірлік кезеңінің жеңімпаздарын марапаттау рәсімі өтті.Шарада облыстық қоғамдық даму басқармасының «Қоғамдық келісім» КММ директоры Бақытжан Камалов бұқаралық ақпарат құралдары өкілдеріне этносаралық татулық пен бірліктің нығаюына қосқан елеулі еңбектері үшін ризашылығын білдірді. Жыл сайын Қазақстан халқы Ассамблеясының қолдауымен барлық өңірлерде ел бірлігін сақтау жолында, қоғамдық келісімді одан әрі нығайту ниетінде кеңінен қалам тербеп жүрген ақпарат құралдарының өкілдері арасында дәстүрлі түрде шығармашылық байқаулар өткізіліп келетіндігін, біздің өңірде 7-ші рет өтіп жатқандығын атап өтті.Мұнан соң Журналистер мен сарапшылар клубының 9 айда атқарған жұмысының көрінісі негізінде арнайы бейнеролик көрсетілді. Бұл байқауда қазылар алқасының құрамында белді де беделді, өз саласының білгірлері «Хабар24» телеарнасының Қызылорда облысы бойынша меншікті тілшісі Нұрлан Жақыпбеков, Журналистер мен сарапшылар клубының төрайымы, Назарбаев Зияткерлік мектебінің баспасөз хатшысы Елена Рыбина және қалалық «Ақмешіт апталығы» газетінің бас редакторының орынбасары Гүлмира Ділдәбекова болып, барлық шығармашылық жұмыстарды қарап, саралап тиісті бағаларын қойды.Нәтижесінде, әділ қазылар алқасының шешімі бойынша «Ең үздік мақала» номинациясы бойынша облыстық «Сыр бойы» газетінің тілшісі Ержан Қожас, «Үздік бейнесюжет» номинациясы бойынша «Қазақстан» ұлттық телеарнасының Қызылорда облысындағы меншікті тілшісі Әділбек Жақанов, «Үздік фоторепортаж» номинациясымен «Сыр медиа» ЖШС фототілшісі Нұрболат Нұржаубай, «Ынтымақ жаршысы» номинациясымен «Хабар24» телеарнасының Қызылорда облысындағы телеоператоры Нұржан Музарапшин, «Бірлік жаршысы» номинациясымен «Қазақстан» ұлттық телеарнасының Қызылорда облысындағы телеоператоры Нұрлыбек Нұрмаханов, «Достық жаршысы» номинациясымен «Qyzylorda TV» телеарнасының журналисі Лемара Иргайбаева &nbsp;марапатталды. Барлық жеңімпаздарға ақшалай сертификаттар мен Алғыс хаттар табысталды.<blockquote>«Үстіміздегі жылдың 1 наурызынан бастап байқауға бірнеше өтінімдер келіп түсті. Республикалық, облыстық, қалалық, аудандық телеарна мен баспасөзден 27 өтінім қабылданып, қаралды. Жыл сайын байқауға қатысушылардың саны көбейіп, шығармашылық жұмыстардың сапасы артуда»,- деп атап өтті Журналистер мен сарапшылар клубының төрағасы Елена Рыбина.</blockquote>Ал бұл жылғы байқаудың ерекшелігіне «Қоғамдық келісім» КММ директорының орынбасары Айбек Дайрабай тоқталып өтті.<blockquote>«Өңірлік «Шаңырақ» шығарашылық байқауына этносаралық қатынастар тақырыбында қалам тербеп жүрген журналистермен қатар фотографтар, операторлар мен монтажерлер, яғни техникалық қызметкерлер де қатысуда. &nbsp;Бүгін міне Қорқыт Ата атындағы Қызылорда университетінің «Журналистика» мамандығы бойынша білім алып жүрген студент жастарда шараға келіп отыр. Алдағы уақытта студенттер де қоғамдық келісімді насихаттау бағытында қалам тербейді деген сенімдеміз», - деді.</blockquote>Сондай-ақ, облыстық ҚХА жанындағы Журналистер клуб мүшелері Ержан Қожас пен Әділбек Жақанов байқау ұйымдастырушыларына алғысын білдірді. Ақпараттық қолдау білдіруге әрдайым дайын екендерін алға тартты. Еске сала кетейік, байқаудағы үздік шығармашылық жұмыстар Астана қаласында өтетін республикалық байқауға қатысу үшін жіберілетін болады. &nbsp;&nbsp;

Этножурналистика саласындағы «Шаңырақ» байқауының үздіктері анықталды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Темірбекұлы Жалағаш кентінің санитарлық тазалығы мен абаттандыру жұмыстары бойынша берілген тапсырмалардың орындалуымен танысты.Кенттегі санитарлық тазалықты бақылауға алған аудан әкімі Асқарбек Есжанов кәсіптік нысандардың сыртқы жарнама тақтайшаларын жаңарту қажеттігін, қас келбетін әрлеп, абаттандыру жұмыстарын қайта жасауды тапсырды.Сонымен қатар, Жалағаш кентіндегі жаяу жүргіншілер жолында тұрғындар қозғалысына кедергі келтіріп, ескерту белгісіне қарамастан тәртіп бұзған көліктерге авто тұраққа тұру қажеттігін айтты.Сондай-ақ, Асқарбек Есжанов кент көшелеріне орналасқан балалар ойын алаңдары мен спорттық жабдықтардың жұмыс сапасымен танысып, жөндеу қажет ететіндерін қайта қалпына келтіруді тапсырды.Жалағаш кентінің келбетін жаңарту мақсатындағы жаңа жобаларға қосымша өзгертулер енгізіп, айтылған тапсырмалардың орындалуын қатаң бақылауға алуды тапсырды.

Жалағаш ауданының әкімі санитарлық-тазалық жұмыстармен танысты

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Қазақстан халқына» ҚҚ Басқарма төрағасының орынбасары Ләззат Шыңғысбаева білім алушылармен кездесті.&nbsp;Жаңа оқу жылында «Қазақстан халқына» қоғамдық қоры «Қазақстан халқына» білім беру гранттары» қайырымдылық бағдарламасы аясында 818 білім беру грантын тағайындады. Бүгінде Қорқыт ата атындағы Қызылорда университетінде 60-тан астам 1-4 курс студенті «Қазақстан халқына» қорының гранты негізінде тегін білім алуда.&nbsp;Жиында Ләззат Алтынбекқызы «Қазақстан халқына» қоры арқылы ауқымды жұмыстар атқарылғанын, сапалы білім алып, мықты маман атану әрбір студент үшін маңызды екеніне тоқталды. Сонымен қатар, қордың еліміз бойынша алдағы уақытта жүзеге асыратын жаңа жобаларымен таныстырды.Кездесуде университеттің әлеуметтік және тәрбие жұмыстары жөніндегі проректоры Жандос Базартай қордың гранты халықтың әлеуметтік осал топтарынан шыққан талапкерлер үшін үлкен қолдау екенін атап өтті. Студенттер мен ата-аналар тегін білім алу мүмкіндігі үшін қор басшылығана алғысын білдірді.<blockquote>«Әлеуметтік жағдайыма байланысты «Қазақстан халқына» қорының білім грантына ие болдым. «Халықпен халықты, адам мен адамды теңестіретін нәрсе – білім» деп Мұхтар Әуезов айтқандай, жас кезде білім алып, ғылымға ден қою қажет. Сондықтан тегін білім алуымызға қолдау көрсеткен қорға үлкен алғыс білдіреміз, – деді «Құқықтану» мамандығының 1-курс студенті Айшабибі Тоқтарбаева. &nbsp;</blockquote>

«Қазақстан халқына» қорының гранты негізінде 60-тан астам студент білім алуда

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде экологиялық мәселелерді шешу жолдарын талқылау мақсатында форсайт-сессия ұйымдастырылды. Жиынға профессор-оқытушылар мен студенттер, шетелдік ғалымдар қатысты. Алдымен Орталық Азиядағы БҰҰ волонтеры, экология және әлеуметтік-экономикалық даму жөніндегі кеңесші Роберто Болтри «Арал теңізінің экологиялық апаты – өткеннің қателіктері және болашақтың шешімдері» тақырыбында баяндама жасады. Жиында кеңесші Арал теңізін сақтап қалуда атқарылған жұмыстарға тоқталды.<blockquote>«Арал теңізін сақтап қалу мақсатында бірнеше жобалар жасалды. Бірақ, барлығы бірдей нәтижелі болды деп айта алмаймыз. Аралдың солтүстігінде үлкен бөгет салынды, ол Кіші Аралға жол ашты. Бұл – жасалған нақты жұмыстардың бірі. Алдағы уақытта бұл бөгетті ұзарту жұмыстарын жасасақ, нәтиже берері сөзсіз. Сонымен қатар, ластанған топырақтарды түрлі өсімдік түрлерімен будандастыру арқылы ормандандыру эксперименттері жүргізілуде, – деді Роберто Болтри.</blockquote>Шара барысында қонақтар Инженерлі-технологиялық институтында орналасқан ҚР Еңбек сіңірген гидротехнигі М.Нәлібаев атындағы су шаруашылығы музейімен танысты. Ал «Climate change» форсайт-сессияда климаттық өзгерістер мен экологиялық мәселелер кеңінен қозғалды. Шараға «Академиялық ұтқырлық» бағдарламасы негізінде Өзбекстан Республикасы «Ирригация инженерлері мен ауыл шаруашылығын механикаландыру Ташкент институты» Ұлттық зерттеу университетінен арнайы шақырылған техника ғылымдарының докторлары Абдурашид Алтиев, Обид Турсунов, Мария Радкевич қатысты. Университеттің ғылыми жұмыстар және халықаралық байланыстар жөніндегі проректоры Майнұр Бөрібаева «Академиялық ұтқырлық» бағдарламасы аясында жүргізілген дәрістер туралы сөз қозғады.<blockquote>«Қазіргі уақытта университетте студенттердің шетелде білім алуына барынша жағдай жасалған. Осы мақсатта «Академиялық ұтқырлық», «Қос диплом» бағдарламалары жүргізілуде. Білім алушылар биыл Қытай Халық Республикасы, Өзбекстан Республикасы, Польша, Түркия, Оңтүстік Корея Республикасында білімін жетілдірмек. Шетелдік профессорлардың біздің елге келіп дәріс жүргізуі екі елдің білім саласындағы ынтымақтастығын нығайтады. Сондай-ақ, ғалымдардың тәжірибе алмасуына үлкен мүмкіндік береді, – деді Майнұр Әбілтайқызы.&nbsp;</blockquote>Айта кету керек, басқосуды «Электр энергетикасы, тіршілік қауіпсіздік негіздері және экология» кафедрасы ұйымдастырды. Шара соңында профессор-оқытушылар мен &nbsp;жас зерттеушілер жаңа идеяларды ортаға салып, экологиялық мәселерді оңтайлы шешу мақсатындағы өз ұсыныстарын жеткізді.<img src="https://knadmin.beoblood.kz/uploads/15b7a094_06a2_45f4_a7af_ed057ce0237d_01432e0df0.jpg" alt="15b7a094-06a2-45f4-a7af-ed057ce0237d.jpg"> &nbsp;

Шетелдік ғалымдардың қатысуымен форсайт-сессия өтті

<a href="https://kyzylorda-news.kz/">Kyzylorda-news.kz.</a> Бұл сүйінші хабар Қызылорда облысы Төтенше жағдайлар департаменті гарнизонын бір марқайтты. &nbsp;Қырғызстан, Тәжікстан, Өзбекстан мен еліміздің төтенше жағдай саласының қызметкерлері бақ сынаған &nbsp;тартысты бәсекеде Қызылорда өңірінен қатысқан құтқарушылар озат атанды, нағыз құтқарушыға тән кәсіби &nbsp;біліктілікті, шапшаңдықты, &nbsp;ептілікті, жоғары дайындықтарын көрсетті.&nbsp;Оқу-жаттығудың қорытындысы бойынша &nbsp;бірінші орынды иеленді. Олар өткен жылғы &nbsp;«Қазқұтқару-2022» республикалық оқу-жаттығуы жиынында 2 орынды алған болатын. Олар «Техногенді апаттар жағдайындағы іздестіру-құтқару жұмыстары», «Акваториядағы іздестіру-құтқару жұмыстары», «Табиғи орта жағдайындағы іздестіру-құтқару жұмыстары», «Орташа қиылысқан жерлер бойынша командалық эстафета» және «Белтемірдегі кешенді күштік жаттығу» секілді дистанцияларда бақ сынаған болатын. &nbsp;Сонымен бірге биылғы оқу-жаттығу жиынының ерекшелігі - &nbsp;еріктілердің республикалық форумының да өтуінде болды. &nbsp;

Қазақстан және Қызылорда облысының жаңалықтары