<a href="https://kyzylorda-news.kz/">Kyzylorda-news.kz.</a> Биыл 15 қарашада Қазақстанның мемлекеттік егемендігінің маңызды атрибуттарының бірі –«Ұлттық валюта» теңгеге 30 жыл толады. Қазақстандық теңге осы 30 жыл ішінде өзінің өміршеңдігін көрсетті. &nbsp;30 жыл бұрын біздің Ұлттық валютамыз кеңестік рубльді алмастырды.Ұлттық валюта – бұл елдің заңмен белгіленген ақша бірлігі. Өзінің ұлттық валютасын енгізу Қазақстанның тәуелсіздігін нығайтуда және дербес дамуында маңызды рөл атқарады. Теңге елдің қаржылық Тәуелсіздігінің ажырамас символына айналды. Теңгенің тарихы ең алғаш қазақ даласында күміс монета XV-ғасырда Отырар қаласында «таньга» деген атаумен пайда болған. Ал Ұлттық валютамыздың тарихы 1992 жылдан бастау алады. 1992 жылдың 27 тамызы күні Қазақстаның Ұлттық банкі теңге купюрасының үлгілерін бекіткен болатын.Нұрсұлтан Әбішұлының жеке тапсырмасымен отандық суретшілер Тимур Сүлейменов, Қайролла Әбжәлелов, Меңдібай Алин және Ағымсалы Дүзелханов Англияда қазақ валютасының дизайнындағы портретін бекітті. Дизайнерлердің жаңа валюта кескінін әзірлеу жұмыстары Алматы қаласында ерекше құпия жағдайда жүргізілді. Бұл туралы дизайнерлерден басқа мемлекет басшылығындағы санаулы адамдар ғана білген. Осылайша, теңге алғаш рет Ұлыбританияда Harrison &amp; Sons фабрикасындабасылып шықты. Сондай-ақ, жаңа валютаның атауына қатысты да бірқатар ұсыныстар болған. Елбасы «Алтын» атауын ұсынды. Кейіннен жаңа ақшаны ХV ғасырда Отырар қаласында «таньга» атауымен басылып шыққан манетаға ұқсастырып «теңге» деп атау туралы шешім қабылданған.Алғашқы ақшаларды Лондоннан Қазақстанға жеткізу үшін 18 әуе сапары жасалған. Ал алғашқы қазақстандық монеталар Германияда жезден және никель күмістен жасалып шығарылды.Президентпен 1993 жылдың 12 қарашасы күні «Қазақстан Республикасында ұлттық валюта енгізу туралы» Жарлыққа қол қойылып, 15 қарашада ұлттық валютамыз айналымға енгізілді.Ескі ақшаны қазақстандық теңгеге айырбастау 1993 жылы 15 қарашада сағат таңғы 8.00-де басталып, 20 қарашада сағат 20.00-де аяқталды.Ұлттық Банк бастапқыда 1 теңгені сол кездегі 1000 рубльге бағалаған болатын. Дегенмен, еліміздің саяси, әлеуметтік мәселелері және мемлекетаралық қатынастар ескеріліп 1 теңге 500 сомға бекітілді. Теңге бірінші айналымға кірген күні 1 доллар 4,75 теңге болып бекітілді. Алғашқы валюталарымызда, ағартушы Әл-Фараби, күйшілер Сүйінбай Аронұлы, Құрманғазы Сағырбайұлы, ғалым Шоқан Уәлиханов, ақын Абай Құнанбаев, Әбілқайыр хан мен Абылай хан бейнелері бейнеленген.1994 жылы қағаз тиындардың орнына жезден жасалынған 2,5,10, 20 және 50 номиналды монеталар шықты. Ұлттық валюта банкнот және монета түрінде айналысқа енгізілді. Қазір банкнот - Ұлттық Банктің Алматы қаласындағы Банкнот фабрикасында, ал монета - Өскемендегі Монета сарайында шығарылады. Елбасының Жарлығымен 1997 жылдан бері 15 қараша төл валютамыздың күні әрі қаржыгерлер күні болып белгіленді.&nbsp;Ұлттық валюта кескіні 2006 жылы түбегейлі өзгертіліп, онда бұрынғы үлгіде болған даңқты тұлғалардың бейнелері алынып тасталып, жаңа үлгідегі банкноталар бірыңғай стильде орындалған.2006 жылы 15 қараша күні ұлттық валютамыздың жаңа дизайнмен әрленген 200, 500, 1000, 2000, 5000 және 10000 теңгелік банкноттары қолданысқа жіберілді. Дизайн мемлекеттік рәміздерді, еліміздің сәулет нысандары мен табиғи ландшафтарын бейнелей отырып, Қазақстанның осы заманғы бейнесін береді. Қолайлылық үшін номиналдарды сандық және жазбаша белгілеулер ірі қаріптермен басылған. Мәдениет пен ғылымның және саясаттың әр түрлі салаларындағы Қазақстанның ірі қайраткерлерінің портреттерін ұлттық ою-өрнекпен үйлестіріп шығару туралы шешім қабылданған. Ал артқы бетінде сәулет ескерткіштері мен Қазақстанның әсем көріністері орналасқан.Бұл серияның дизайны қарындаш, акварель және темпер көмегімен қолмен жасалған.&nbsp;2006 жылы теңгенің жаңа нышаны таңдалды - ₸ (коды - U + 20B8). 2006 жылдың қарашасында Ұлттық банкпентеңгенің символын жасауға бәйге жарияланды. 30 мыңнан астам сурет келіп түскен бұл бәйге 2007 жылдың 29-наурызы күні өз мәресіне жетті. Солардың арасынан Вадим Давиденко мен Санжар Әмірхановтардың жасаған жобасы ерекше деп танылған. Нашар көретін адамдар үшін банкноттарда әр жеке номиналға тән жоғары бедерлі арнаулы элементтер пайдаланылған. 2007 жылдың мамыр айында Тайландта өткен валюта конференциясында 10 мыңдық теңгеміз «Үздік жаңа банкнот» аталымы бойынша бірінші орынға ие болды.2011 жылдан бастап ұлттық валютаның төртінші буыны қазақстандықтардың қолына түсе бастады. "Самұрық" сериясына 500, 1000, 2000, 5000, 10000 және 20000 теңгелік банкноттар кіреді. Олардың алдыңғы жағында "Қазақ елі" монументі және ұшып тұрған көгершіндер бар. Артқы жағында суретшілер елорда панорамасын (биліктің бөліну принципін бейнелеуге арналған), Алматы панорамасын, Ертіс өзені мен Үстіртті орналастырған. Теңге 17 қорғаныс дәрежесіне ие: сутаңба, қауіпсіздік жіптері, мөлдір терезе, ультрафиолет қорғанысы, сериялық нөмірлер, сәйкес кескіндер.Сондықтан теңге әлемдегі ең қорғалған валюталардың қатарына кіреді.&nbsp;Қазақстандық ақша әлемдегі ең әдемі ақшалардың бірі болып табылады. Үш жыл қатарынан олар әлемнің үздіктері деп танылды: 2011, 2012 және 2013 жылдары (10 мың, 5 мың және 1000 теңгелік банкноттар). 2007 жылы Ұлттық Банктің 2006 жылғы үлгідегі банкноттарының жаңа сериясы Халықаралық валюта қауымдастығы (IACA) берген Жылдың үздік жаңа сериясы үшін жүлдені жеңіп алды. 2007 жылы Бангкокта "Optiks" элементі бар 10 000 теңге номиналы үшін "үздік жаңа банкнот"номинациясында бірінші орын берілген. Сондай-ақ, 2016 жылы High Security Printing Europe конференциясында номиналы 20 мың теңгелік банкнот та марапатқа ие болды. Ол 2015 жылдың ең үздік аймақтық банкнотасы деп танылды. Сол жылы Халықаралық валюта қауымдастығы (IACA) оны валюта саласындағы ең жақсы техникалық жетістігін айрықша атап өтті.&nbsp;Қасиетті, қастерлі Отанымыздың символы - төл теңгеміз, әлемдік қаржы нарығында – жоғарыдан көріне берсін.А.Иманкулов, Қызылорда облысы бойынша тексеру комиссиясының бас-инспекторы-мемлекеттік аудитордың ассистенті&nbsp; &nbsp;

15 қараша – Ұлттық валюта күні

<a href="https://kyzylorda-news.kz/">Kyzylorda-news.kz.</a> Қазақстандық синоптиктер 15 қараша, сәрсенбі күні елімізде күн райы қандай болатынын айтты."Қазгидромет" РМК ұсынған мәлімет бойынша, Қазақстанның басым бөлігінде антициклонның екпінімен күн жауын-шашынсыз болады.<blockquote>"Атмосфералық фронттардың өтуімен республиканың батысында және солтүстік-батысында жаңбыр, солтүстігінде жауын-шашын (жаңбыр, қар) жауады деп болжанды", – делінген хабарламада.</blockquote>Сондай-ақ синоптиктер республика бойынша тұман түсіп, жел күшейетінін айтты.

Сәрсенбіге арналған ауа райы болжамы

<a href="https://vera.kz/na-realizaciyu-proekt-auyl-amanaty-v-regione-vydeleno-20-mlrd-tenge/">ФОТО</a><a href="https://kyzylorda-news.kz/">Kyzylorda-news.kz.</a> «Ауыл аманаты» бағдарламасын жүзеге асыруға 2023 жылы республикалық бюджет қаражатынан 100 млрд теңге бөлініп, 17 мың шағын несие беруге жоспарланған. Бұл туралы Ауыл шаруашылығы министрлігі мәлімдеді.Бұл ауылда 18 мыңнан астам жаңа жұмыс орнын ашуға мүмкіндік береді. Бүгінде бөлінген қаражаттың барлығы қаржыландыру жоспарына сәйкес облыс әкімдіктеріне аударылды. Айта кетейік, қаражат ауыл шаруашылығы, қаржы министрліктері мен облыс әкімдіктері арасында жасалатын үшжақты несие шартына сәйкес аударылады.6 қарашадағы жағдай бойынша 88,4 млрд теңгенің 14 284 өтінімі қаралуда, 66,2 млрд теңгенің 10 878 өтінімі мақұлданды; 53,6 млрд теңгеге 8 761 шағын несие берілді. ШҚО-да (1,5 млрд теңге), Қостанай (1,6 млрд теңге) және Павлодар (1,5 млрд теңге) облыстарында қаражат толық игерілді.«Ауыл аманаты» бағдарламасын жүзеге асыру үшін 2024 жылы 2024-2026 жылдарға арналған республикалық бюджетті қалыптастыру аясында 2024 жылы – 100 млрд теңге; 2025 жылы – 50 млрд теңге; 2026 жылы – 50 млрд теңге қарастырылған.Бағдарламаны іске асыру тетігін жетілдіру үшін АШМ «Ауыл аманаты» шеңберінде кредит берудің негізгі шарттары мен тәртібін регламенттейтін қағидалар жобасын әзірледі. Жалпы негізгі шарттар қолданыстағы жағдайларға ұқсас болып қалды, алайда бірқатар өзгерістер бар. Біріншіден, бағдарламаға қатысушылардың нақты тізімі анықталды.Екіншіден, әрбір ауылдық округті несиелендірудің басым бағыттарын анықтау бойынша талаптар қарастырылған. Бұл ретте мал шаруашылығы бағыты бойынша бағдарламаға бөлінген қаражаттың 50% -ынан аспайтын лимит белгіленген.Үшіншіден, жобаларды іріктеудің негізгі өлшемдері анықталды. Бұл шара шағын несиелендіруге арналған жобаларды сапалы іріктеуге мүмкіндік береді және қаражаттың қайтарымдылығын арттырады.Жеңіл автокөлік сатып алуға шағын несие берілмейді; жақын туыстарының ауыл шаруашылығы жануарларын; ауыл халқының табысын арттыру жөніндегі жобаны масштабтау шеңберінде шағын несие беру қаражаты есебінен бұрын сатып алынған ауыл шаруашылығы жануарларын, сондай-ақ кейін жалға беру үшін ғимараттарды, үй-жайларды сатып алуға, тұрғын үйлерді салу немесе басқа да ғимараттарды салуға шағын несие берілмейді.Сондай-ақ, Ауыл шаруашылығы министрлігі облыс әкімдіктерінің несиелерді мақсатты пайдалану туралы есебін автоматтандыру және қарыз алушыға шағын несиелерді беру үшін АӨК-тегі экономикалық саясатты талдау орталығымен бірлесіп, бағдарлама бойынша шағын несиелеудің ақпараттық жүйесін құру жұмыстарын атқаруда.

«Ауыл аманаты»: Бөлінген қаржы 3 облыста толық игерілді

<a href="https://kyzylorda-news.kz/">Kyzylorda-news.kz.</a> Қазақстан Ұлттық Банкі Қазақстанның ұлттық валютасының 30 жылдығына орай 2023 жылғы 15 қарашадан бастап номиналы 10 000 теңгелік мерейтойлық банкнотаны айналымға шығарады, деп хабарлайды Zakon.kz.Банкнотада 19 қорғаныш элементі бар. Монета бейнеленген дизайнда негізгі голографиялық элемент – теңгенің "₸" белгісі қолданылған. Банкнотаның екі жағында да шексіз қозғалыстың символы – "Мёбиус лентасы" бар.Банкнотаның алдыңғы бетінде қазақы ою-өрнекпен дәстүрлі стильде безендірілген Қазақстан картасы аймақтарымен бейнеленген.Банкнотаның екінші бетінде картадағы Еуразия құрлығының жалпы контуры сызылған. Онда 5 мм магнитті қорғаныш жіп пен "₸" белгісі түріндегі Спарк элементі бар.Номиналы 10 000 теңгелік мерейтойлық банкнота өз құнына сай Қазақстанның бүкіл аумағында төлемнің барлық түрі бойынша қабылдануға жатады. Сонымен қатар банктік шотқа салуға, Қазақстанның барлық банкінде аударуға және ұсақталуға міндетті.

10 мың теңгелік мерейтойлық банкнота айналымға шықты

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда облыстық филиалы жанындағы Партиялық бақылау комиссиясының мүшелері өңір тұрғындарын қатты отынмен қамтамасыз етіп отырған кәсіпкерлердің жұмысымен танысып, көмір қорына, бағасына мониторинг жасады.Жалпы, облыс бойынша 41 өңірлік оператор және 11 көмір қоймасы бар. Мамандардың айтуынша алдағы қысқа 238 мың тонна көмір қажет, бүгінде осының біраз бөлігі жеткізілген. Партиялық бақылау комиссиясының өкілдері «Khas com» жеке кәсіпкерлігі қоймасына барды.&nbsp;Байқағанымыздай көмір тапшылығы жоқ. Қоймада 10 мың тоннадан астам «Шұбаркөл» көмірі тұр. 2023 жылға 75-80 мың тоннадай алынған. «Келер жылға тағы 75 мың тонна алуды жоспарлап отырмыз», - дейді «Khas com» жеке кәсіпкерлігінің иесі.<blockquote>«Биыл 80 мың тоннаға жуық көмір алдырдық. Тоннасын 18000 мың теңгеден сатып жатырмыз. Бұл уақытта коймада мұндай көмір болмайтын. Қазір халықтың басым бөлігі табиғи газға қосылғандықтан, алушылар да өткен жылдармен салыстырғанда аз. 6 қараша күні келген көмір бағасы бізге 18200 теңгеден түсті. Дегенмен біз әзірге бағаны өз қалпында ұстап отырмыз. Ендігі түскен көмір бағасы өзгеруі мүмкін», - деді Рустем Хасанов.</blockquote>Партиялық бақылау комиссия мүшелері бағаны тұрақты ұстау жөнінде ұсыныс айтып, қаты отынға тапшылық орын алмауын қатаң бақылауда ұстайтындықтарын жеткізді.&nbsp;<figure class="image"><img src="https://knadmin.beoblood.kz/uploads/402622210_739745708191068_8050439244601466529_n_2faa3c4cf0.jpg" alt="402622210_739745708191068_8050439244601466529_n.jpg"></figure>&nbsp;<figure class="image"><img src="https://knadmin.beoblood.kz/uploads/402634924_739745731524399_729829601943639217_n_e7e8bf0984.jpg" alt="402634924_739745731524399_729829601943639217_n.jpg"></figure>

Қызылорда: Алдағы қысқа 238 мың тонна көмір қажет

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың қатысуымен Байқоңыр қаласының кейбір мәселелері бойынша мәжіліс өтті.Аймақ басшысы Байқоңыр қаласының әлеуметтік-экономикалық дамуы, ондағы қоғамдық-саяси ахуал Мемлекет басшысының және Үкіметтің тікелей бақылауында екенін атап өтті.<blockquote>«Бүгінгі күні, қаладағы қоғамдық-саяси жағдайға тікелей әсер ететін және жедел әрі уақытылы шешуді талап ететін азаматтардың тыныс-тіршілігіне байланысты бірқатар жүйелі мәселелер бар. Өз кезегінде тұрғындар тарапынан көтерілген өзекті мәселелерді Үкіметаралық комиссия шешіп келеді. Менің тапсырмама сәйкес құқық қорғау органдары басшыларының қатысуымен кездесулер, азаматтарды жеке қабылдаулар өткізілуде. Қала жалға берілгенімен, мемлекеттік мүліктің барлығы Қазақстан меншігінде. Сол себепті, инженерлік-инфрақұрылым мәселесіне Үкімет ерекше көңіл бөлуде. Қазақстан тарапынан қала толықтай газға қосылған. Іргелес орналасқан Төретам кенті мен Ақай елді мекеніне жыл соңына дейін газ беріледі. Алдағы жылдары да жобаларды жүзеге асыру жоспарлануда. 2024 жылы Байқоңыр қаласында кәріз жүйелерін және су құбырларын қайта жаңғырту жобасы іске асырылады. Бұдан бөлек, электр және жылу жүйелері де тозығы жетіп, 75%-ы ескірген. Қаладағы жылу желілері мен электр жүйелерінің жағдайына зерттеу жүргізіп, қайта жаңғырту бойынша ұсыныстар енгізілуі тиіс. Сонымен қатар, қаладағы 351 көпқабатты үйдің ішкі инженерлік жүйелері де назардан тыс қалмау қажет», - деді Нұрлыбек Машбекұлы.</blockquote>Облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Ырзақұлұлы, Қармақшы ауданының әкімі Жандос Еркінбек, облыстық білім және денсаулық сақтау басқармаларының басшылары қала мәселелерін шешу бойынша қабылданған шаралар барысын баяндады.Жиын нәтижесімен Байқоңыр қаласының инженерлік инфрақұрылым желілерін реконструкциялау, тұрғын үй құрылысын жалғастыру және әлеуметтік нысандарды салу, қазақстандық мектепке дейінгі біліммен қамту мақсатында қаладағы екі балабақшаны іске қосу және медициналық ұйымдарды қажетті мамандар мен құрал-жабдықтармен қамтамасыз ету бойынша тапсырмалар берілді.Айта кетейік, қазіргі таңда Байқоңырда 57 мың адам тұрады. Оның 41 мың адамы немесе 71%-ы Қазақстан азаматтары.

Байқоңыр қаласының кейбір мәселелері бойынша мәжіліс өтті

<a href="https://kyzylorda-news.kz/">Kyzylorda-news.kz.</a> Қызылорда облысында мемлекеттік қызметкерлерді суреттері арқылы бопсалаған алаяқтар тобы анықталды. Шенеуніктердің бірі полицияға көмек сұрап жүгінді, деп хабарлайды <a href="https://kyn.kz/32382/yzylorda-oblysynda-12-sheneunik-zheli-ar-yly-demi-yzdar-a-zhala-ash-suretin-zhiberip-so-ynda-policiyadan-k-mek-s-rady">KYN.KZ</a>.Соттың мәліметінше, алаяқтар әлеуметтік желідегі аватарларына сұлу қыздардың суреттерін қойып, жалған парақшалар ашқан. Сонан соң сол қыздың атынан ер адамдармен әңгіме-дүкен құрған. Уақыт өте келе алаяқтар жалаңаш суреттер жіберіп, шенеуніктен де сурет жіберуін сұраған.Кейін бұл іске банданың басқа мүшелері қосылған, олардың міндеті ақша бопсалау болған. Олар шенеуніктердің суретін көпшілікке жария етеміз деп қорқытып, картасына ақша аударуды талап еткен.Қызылорда облысында 12 мемлекеттік қызметкер алаяқтардың құрбаны болды.Тергеуден кейін 11 жәбірленуші ақшасын қайтарып алғаны белгілі болды: олар азаматтық талап қоюдан бас тартты. Жалғыз Б есімді жәбірленуші кері қайтарылған 500 мың теңгені алмай, бопсалаушыларды сотқа беруге шешім қабылдады.Сот отырысында сотталушылардың кінәсі дәлелденді, алаяқтар кінәсін мойындады.Үш сотталушыға қатысты сот үкімі шығып, олар Қазақстан Республикасы Қылмыстық кодексінің 194-бабының 2-бөлігінің 2 және 3-тармақтарымен кінәлі деп танылды.Олардың әрқайсысына 3 жыл 6 ай мерзімге бас бостандығын шектеу, сондай-ақ үкімді орындау кезінде жылына 100 сағат мәжбүрлі жұмысқа тарту жазасы тағайындалды. Сотталушылардан 500 000 теңге көлеміндегі залал бірлесіп өндірілді. Үкім заңды күшіне енді.

Қызылордада мемлекеттік қызметкерлерді бопсалаған алаяқтар анықталды

<a href="https://kyzylorda-news.kz/">Kyzylorda-news.kz.</a> Балықшылар мұз үстіне шығатын уақытты тағатсыздана күтеді. Бірақ, қыс кезіндегі балық аулаудың біршама &nbsp;қауіптілігі бар екендігін ұмытпау керек. Мұз үстіне шығу - қауіпті іс. Шиелі ауданының Төтенше жағдайлар бөлімі, &nbsp;балық аулаушыларға негізгі мұздағы қауіпсіздік ережелерін ұсынады.Мұзда адамның болуының негізгі қауіпсіз жағдайлары мыналар:&nbsp;- ұсынылған салмаққа мұз қалыңдығы сәйкес келуі керек;&nbsp; - бір адам үшін қауіпсіз мұздың қалыңдығы 7 сантиметрден кем болмауы керек;&nbsp; - жаяу өткел үшін қауіпсіз мұздың қалыңдығы 15 см. және одан артық болуы керек;&nbsp; - автокөліктің өтуі үшін қауіпсіз мұздың қалыңдығы 30 см. кем болмауы керек;&nbsp; - судың температурасы 2-3°С кезде адамның суда 5-10 минут болуы оның өмірі мен денсаулығы үшін аса қауіпті.Мұз үстіндегі қозғалыс ережесі:•Мұз үстіне шығу тек тәуліктің жарық кезінде болуы керек;&nbsp; •Су айдынында адамның мұздан өтуі үшін мұздың мықтылығын тексеру қажет. Кәсіпқой балық аулаушыларға арналған жерлерде, тұрақты мұз қалыңдығын өлшеу жүргізіледі. Ол 7 сантиметрден кем болмауы керек;&nbsp; •Балық аулау орнында мұз үстімен жүргенде, қар басқан жерлерден аулақ жүріңіз;&nbsp; •Мұз үсті мөлдір болуы керек. Сүт түстес борпылдақ мұз беті қауіпті болады. Мұз бетімен жылжығанда оның түсіне назар аударыңыз. Неғұрлым мұз ашық түсті болса, ол соғұрлым қалың.Балық аулау барысында:•Мұз бетінде кішкентай алаңда көп топ болып жиналмаңыздар;&nbsp; •Шектеулі жерде көп ойықтар жасамаңыз;&nbsp; •Егер сіз мұз астына түсіп кетсеңіз, үрейленбеуге тырысыңыз. Алдымен мұз астынан мұздың бетіне бір аяғыңызды шығарыңыз, содан кейін екіншісін. Барлық денеңізбен мұз бетіне шыққанда, ақырындап қауіпсіз жерге сырғанаңыз. Киіміңізді ауыстыру үшін мүмкіндігінше су айдынынан тезірек кетіңіз.Құтқарушылардың көмегі қажет болған жағдайда 101, 112 телефондарына хабарласыңыз.&nbsp;

Мұз үстінде балық аулау қауіпті

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінің &nbsp;25 студенті Қазақстан Республикасы Президентінің стипендиясына ие болды. &nbsp;Президенттік стипендия оқу &nbsp;үлгерімі «өте жақсы» және оқу орнының қоғамдық жұмыстарында белсенділігімен ерекшеленген білім алушыларға тағайындалып отыр. Сондай-ақ, күндізгі оқу нысаны бойынша 3-курстан бастап мемлекеттік білім беру тапсырысы аясында және ақылы негізде тек «өте жақсы» (А, А-) оқитын студенттерге беріледі.«Жерге орналастыру» мамандығының 4-курс студенті Ақбота Әміртайбиыл да Президенттік стипендия иеленді. Ол – үздік оқумен қатар қоғамдық жұмыстарға белсенді араласып, көптеген байқау жеңімпазы атанған.<blockquote>«Университетте білім алумен қатар, ғылыми зерттеулермен айналысып, осы сала бойынша бірқатар жетістіктерге қол жеткіздім. Институттың белсенді тобының мүшесі ретінде қоғамдық жұмыстарға атсалысып, ұйымдастырушылық қабілетім шыңдалды.«Bilim-órkenieti» ұлттық инновациялық ғылыми-зерттеу орталығының ұйымдастыруымен 2021-2022 жылғы еліміздің жас түлектерін қолдау мақсатында ұйымдастырылған «ТМД-ның үздік түлегі – 2022» байқауына қатысып, ІІ дәрежелі дипломмен, марапатталып, мақалам кітап жинаққа енді. Биылдан бастап стипендия көлемінің артқанына қуаныштымын, бұл – жастарға үлкен мүмкіндік», – деді Ақбота Саматқызы.</blockquote>Президенттік стипендия иеленген жастардың барлығы үздік әрі жан-жақты. Олардың қатарында«Қазақ тілі мен әдебиеті»мамандығының 3-курс студентіАқниет Мәулен де бар.<blockquote>«Ақылы негізде білім алсам да, Президенттік стипендияға үміткер болуыма сабақ үлгерімімнің жоғары болуы әсер етті. Оқу орнында сабақпен қатар, түрлі қоғамдық, шығармашылық шараларда ұйымдастырушылық қызметтермен айналысамын. Сондай-ақ, университеттің «Жауқазын» жастар театрының жетекшісімін. Қазіргі таңда, театрдың дамуына үлес қосып, жаңа қойылымға дайындалудамыз», – деді Ақниет Қайратқызы.</blockquote>Стипендия білім алушылардың мынадай санаттарына тағайындалады:1) республикалық және халықаралық олимпиадалардың, шығармашылық конкурстардың, спорттық жарыстардың, фестивальдардың жеңімпаздары немесе жаңалық авторлары; 2) ғылыми еңбек жинақтарында, республикалық және халықаралық ғылыми журналдарда жарияланымдары бар білім алушылар; 3) табыстары дипломдармен, грамоталармен, сертификаттармен, куәліктермен расталған ғылыми-зерттеу жұмыстарымен белсенді айналысатындар; 4) білім беру ұйымының қоғамдық, мәдени және спорттық өміріне белсене араласатындар.Қазақстан Республикасы Президентінің стипендиясын иеленген білім алушылар тізімі:1. Арайлым Алмат – 6В04141-Есеп және аудит, білім беру бағдарламасының 4 курс студенті. &nbsp; &nbsp; 2. Нұрсауле Сейткамалова – 6В01303-Бастауыш оқытудың педагогикасы мен әдістемесі білім беру бағдарламасының 4 курс студенті. &nbsp; &nbsp; 3. Айсұлу Мақаш– 6В01511-Математика-Информатика білім беру бағдарламасының 4 курс студенті. &nbsp; &nbsp; 4. Нұрай Мұхиддин – 6В01511-Математика-Информатика білім беру бағдарламасының 4 курс студенті. &nbsp; &nbsp; 5. Аружан Русланова – 6В07368-Кадастр білім беру бағдарламасының 4 курс студенті. 6. ҒайниКошкинбаева – 6В01303-Бастауыш оқытудың педагогикасы мен әдістемесі &nbsp;білім беру бағдарламасының 4 курс студенті. &nbsp; &nbsp; 7. Гүлназ Оңғар – 6В01516-Химия-Биология білім беру бағдарламасының 4 курс студенті. &nbsp; &nbsp; 8. Ақбота Әміртай – 6В07369-Жерге орналастыру білім беру бағдарламасының 4 курс студенті. &nbsp;&nbsp; 9. Назым Балғараева – 6В01303-Бастауыш оқытудың педагогикасы мен әдістемесі &nbsp;білім беру бағдарламасының 4 курс студенті. &nbsp; &nbsp; 10. Нұрсұлтан Абибуллаұлы – 6В10276-Әлеуметтік жұмыс білім беру бағдарламасының 4 курс студенті. &nbsp; &nbsp; 11. Дина Әділ – 6В01516-Химия-Биология білім беру бағдарламасының 4 курс студенті. 12. Айжан Орынбасар – 6В04139-Мемлекеттік және жергілікті басқару білім беру бағдарламасының 4 курс студенті.&nbsp; 13. Мақпал Абдукаимова – 6В01406-Дене шынықтыру және спорт білім беру бағдарламасының 4 курс студенті. &nbsp; &nbsp; 14. Нұратай Жақсыбай – 6В11279-Өмір тіршілігінің қауіпсіздігі және қоршаған ортаны &nbsp;білім беру бағдарламасының 4 курс студенті. &nbsp; &nbsp; 15. Ұлан Жарылқасын – 6В01510-Математика білім беру бағдарламасының 4 курс студенті. &nbsp; &nbsp; 16. Жанерке Калиева–6В01515-Химия білім беру бағдарламасының 3 курс студенті.&nbsp; 17. Шапағат Кәрімбердиева – 6В01721-Қазақ тілі мен әдебиеті білім беру бағдарламасының 3 курс студенті. 18. Нұрайым Жасұланова – 6В01721-Қазақ тілі мен әдебиеті білім беру бағдарламасының 3 курс студенті. &nbsp;&nbsp; 19. Ақниет Мәулен– 6В01721-Қазақ тілі мен әдебиеті білім беру бағдарламасының 3 курс студенті. &nbsp; &nbsp; 20. Аружан Кенжебекова – 6В10276-Әлеуметтік жұмыс білім беру бағдарламасының 3 курс студенті. &nbsp; &nbsp; 21. Әсел Ахмет – 6В04139-Мемлекеттік және жергілікті басқару білім беру бағдарламасының 4 курс студенті. &nbsp;&nbsp; 22. Нұрайым Қасқырбаева – 6В01510-Математика білім беру бағдарламасының 4 курс студенті. &nbsp; 23. Ұлдана Абдықалық – 6В04139-Мемлекеттік және жергілікті басқару білім беру бағдарламасының 4 курс студенті. &nbsp; &nbsp; 24. ДаниярШаухатбеков – 6В01515-Химия білім беру бағдарламасының 3 курс студенті. &nbsp; &nbsp; 25. АружанШылмырзаева – 6В01517-Биология білім беру бағдарламасының 3 курс студенті. &nbsp; &nbsp; &nbsp;

Қызылордалық 25 студент Президенттік стипендия иеленді

<a href="https://z-taraz.kz/adam-mirine-auipti-kesel/">ФОТО</a><a href="https://kyzylorda-news.kz/">Kyzylorda-news.kz.</a> Бүгін әлемдік жұртшылық БҰҰ-ның халықаралық күнтізбесінде ресми түрде бекітілген және 1921 жылы Чарльз Бестпен бірге инсулинді ашқан Фредерик Бантингтің туған күніне орай таңдалған қант диабетімен күрес күнін атап өтуде.Бұл туралы ҚР Денсаулық сақтау министрлігінің баспасөз қызметі хабарлайды.Дүниежүзілік қант диабетімен күрес күнінің мақсаты - халықтың барлық топтарының аурудың белгілері, мүмкін болатын асқынулар және диспансерлеу мен профилактикалық медициналық тексеруден өту қажеттілігі туралы хабардар ету.Халықаралық диабет федерациясының (IDF) деректері бойынша, әлемде қант диабеті диагнозы қойылған шамамен 537 миллион адам бар. 2045 жылға қарай олардың саны 783 миллионға дейін артады деп күтілуде.Қазақстанда 439 327 мың ересек және 5132 бала қант диабетімен өмір сүреді.Аурудың көріністері: үнемі қатты шөлдеу, жиі несеп шығару, дегидратация, қатты аштық сезімі, шаршау; көру қабілетінің бұзылуы, бұлшықет әлсіздігі, терінің қышуы және тітіркенуі. Егер сіз белгілердің бірін байқасаңыз, дереу дәрігерге хабарласыңыз!Қант диабетінің дамуы организмдегі көмірсулар алмасуының бұзылуымен байланысты. Қант диабеті организм қандағы қант (глюкоза) деңгейін түсіре алмаған кезде пайда болады. Қан қоюланып, уақыт өте келе инфарктке, инсультке, соқырлыққа, бүйрек жеткіліксіздігіне және аяқтың гангренасына әкелуі мүмкін.Көптеген қант диабетімен ауыратындар өздерінің ауруын білмейді және жиі жағдайда ауруы асқынғанда ғана біледі.Қант диабетінің үш негізгі түрі бар: 1 типті, 2 типті және гестациялық қант диабеті. 1 типті қант диабетінің себебі белгісіз және мұндай қант диабетімен ауыратын адамдарға өмір сүру үшін күнделікті инсулин салу қажет. Әлемдегі қант диабетімен ауыратындардың көпшілігінде 2 типті қант диабеті бар, бұл көбінесе артық салмақ пен физикалық белсенділіктің болмауы. Бұрын 2 типті қант диабеті ересектерде ғана байқалған, бірақ бүгінде бұл балалар мен жас ересектерде жиі кездеседі.Гестациялық қант диабеті жүктіліктің уақытша бұзылуы болып табылады және 2 типті қант диабетінің ұзақ мерзімді қаупін тудырады. Сонымен қатар, қандағы қант мөлшері нормадан асады, бірақ қант диабеті диагнозы қойылған көрсеткіштерден төмен.Қант диабетінің барлық түрлері көптеген ағзаларда асқынуларға әкелуі мүмкін және мезгілсіз өлім қаупін арттырады.Көптеген жағдайларда қант диабетімен және онымен байланысты асқынулардың дамуын дұрыс тамақтану, тұрақты физикалық белсенділік, қалыпты дене салмағын сақтау және темекі шегуден бас тарту арқылы болдырмауға болады.ҚР ДСМ Қоғамдық денсаулық сақтау ұлттық орталығының мамандары аурудың алдын алу үшін келесі ұсынымдарды орындауға кеңес береді:Дұрыс тамақтану. Ұйқы безін (инсулин бөлетін) шамадан тыс жүктемеу үшін көмірсулардың тұтынылуын азайтыңыз, сонымен қатар жақсы пішінді сақтау үшін күнделікті тұтынылатын калория мөлшерін азайтыңыз. Қант диабетінің алдын алу үшін мәзірден қант пен құрамында қант бар кез-келген өнімдерді (печенье, табиғи емес шырындар) алып тастау керек.Құсқа, төмен калориялы балыққа, көкөністерге, қантсыз шырындарға артықшылық беру керек. Макарон және ұн өнімдерін, қышқыл, ащы және ысталған тағамдарды тұтынуды шектеу керек. Қуырылған тағамды қайнатылған, пісірілген немесе бұқтырылған тағаммен ауыстыру керек.Күнделікті физикалық белсенділік. Егер сіз күн сайын дене шынықтыру сабақтарына кем дегенде жарты сағат бөлсеңіз, қант диабетінің алдын алу тиімді болады. Дене белсенділігі метаболикалық процестерге пайдалы әсер етеді, соның арқасында майлардың ыдырауы күшейеді, қанның май құрамы жақсарады, дене салмағы айтарлықтай төмендейді. Қант диабетінің алдын алу үшін жаяу жүру, велосипед тебу, билеу, жүзу, футбол және басқа да спорт түрлерімен айналысу керек.Психикалық тепе-теңдікті сақтаңыз. Тұрақты стресс аурудың даму себептерінің бірі болғандықтан, қант диабетінің алдын алу эмоционалдық жағдайды бақылауды қамтиды. Жағымсыз мінезді адамдармен мүмкіндігінше аз қарым-қатынас жасаған жөн, стрестік жағдайлардан аулақ болған жөн.Үнемі медициналық зерттеуден өтіңіз. Қауіп тобындағы адамдар үшін қант диабетінің алдын-алу міндетті түрде алты айда бір рет тест тапсыруды қамтиды.

14 қараша – Дүниежүзілік қант диабетімен күрес күні

<a href="https://inbusiness.kz/kz/last/zhurgizushi-kualigine-sausak-izi-engiziledi">ФОТО</a><a href="https://kyzylorda-news.kz/">Kyzylorda-news.kz.</a>&nbsp; 2024 жылдың 1 қаңтарынан бастап ҚР азаматтары жеке куәлікті немесе төлқұжатты әртүрлі себептермен ауыстырғанда немесе қайта қалпына келтірген жағдайда саусақ ізі тіркеледі. Осылайша, азаматтардың құқықтары мен міндеттері заңмен айқындалады. Бұл жөнінде Өңірлік коммуникациялар қызметінің ақпарат алаңында ОПД Көші-қон қызметі басқармасының басшысы Сағындық Камитбеков хабарлады.&nbsp;<blockquote>Міндетті дактилоскопиялық тіркеу – заңсыз құжаттау фактілерін болдырмауға, құжаттарды қолдан жасауға, өзге де қылмыстық әрекеттерден қорғануға мүмкіндік береді. Сондай-ақ, жазатайым оқиғалар орын алғанда азаматтардың жеке құжаттарын қалпына келтіру жеңілдейді. Одан бөлек, Қазақстан азаматтары үшін мемлекеттік шекарадан өту рәсімін жеңілдетеді және шетелдіктер мен азаматтығы жоқ адамдарды іздестіру оңтайландырылады, - деді Сағындық Убайдуллаұлы.</blockquote>Айта кетейін, саусақ іздерін тапсыруға ешкімді мәжбүрлемейміз. Бұл процесс жеке басын куәландыратын жағдайда Халыққа қызмет көрсету орталықтарында 5-10 минут аралығында жүргізіледі. Осылайша азаматтардың жеке құжаттары одан әрі қорғалады.&nbsp;

Азаматтарды міндетті дактилоскопиялық тіркеу енгізіледі

<a href="https://kyzylorda-news.kz/">Kyzylorda-news.kz.</a>&nbsp; Алпыс жылдық тарихы бар «Қазақконцерт» мемлекеттік концерттік ұйымы Сыр өлкесіне табан тіреді. Қазақ мәдениетінде тарихы алтын әріппен жазылған «Қазақконцерттің» бүгінгі шығармашылық кеші Қызылорда облысының 85 жылдық мерейтойымен тұспа-тұс келіп отыр. Осыған орай, Өңірлік коммуникациялар қызметінің баспасөз алаңында «Қазақконцерттің» өнерпаздары БАҚ өкілдеріне сұхбат берді.<blockquote>Біз өткен жылдан бастап «Ел бірлігі – Жаңа Қазақстан» деген жобаны қолға алдық. Жобаның басты мақсаты – шет аймақтағы елді мекендер мен моно қалалардағы өнер сүйер қауымға өзіміздің шығармашылық кешімізді өткізу болып табылады. Осы жоба аясында Ұлытау, Жетісу, Абай облыстарында шығармащылық кешімізді өткіздік. Енді міне қасиетті Сыр еліне келіп, «Қазақконцерттің» өнерін сағынған халыққа өз өнерімізді ұстындық. Концерт әрі қарай Байқоңыр қаласында жалғаспақ, - деді «Қазақконцерт» мемлекеттік концерттік ұйымының ресми өкілі Ержан Алданазаров.</blockquote>«Қазақконцерт» өнер ордасының тарихы Ш.Жиенқұлова, М.Ержанов, Ж.Омарова, Н.Тапалова, Р.Бағланова, М.Хамзин сынды қазақ музыка мәдениетінің негізін қалаған ірі тұлғалардың есімінен бастау алды. Кейін олардың қатарын Е. Рахмадиев, С.Тыныштығұлова, Ә. Есқалиев, С. Шүкіров, Г.Талпақова секілді көрнекті өнерпаздармен толықты.<blockquote>Қазақ өнерінің қара шаңырағы Сыр өңіріне гастрольдік сапармен келіп қалдық. Туған жерімде ән шырқаған кезде ерекше бақытқа бөленемін. Жалпы, бұл концерттік ұйымда жан-жақты жанрды қамтыған өнерпаздар бар. Сол себепті кеш қызықты өттті - деді ҚР Еңбек сіңірген қайраткері, «Қазақконцерт» мемлекеттік концерттік ұйымының» солисі Жеңіс Ысқақова.</blockquote><figure class="image"><img src="https://knadmin.beoblood.kz/uploads/402640741_17939169029754489_5942208515550621250_n_ce81aca270.jpg" alt="402640741_17939169029754489_5942208515550621250_n.jpg"></figure>&nbsp;<figure class="image"><img src="https://knadmin.beoblood.kz/uploads/402642407_17939169047754489_6763302340714036307_n_881bc47b31.jpg" alt="402642407_17939169047754489_6763302340714036307_n.jpg"></figure>&nbsp;<figure class="image"><img src="https://knadmin.beoblood.kz/uploads/401075403_17939168987754489_8098443029643082680_n_73aca725f2.jpg" alt="401075403_17939168987754489_8098443029643082680_n.jpg"></figure>

Қазақстан және Қызылорда облысының жаңалықтары