<a href="https://kyzylorda-news.kz/">Kyzylorda-news.kz.</a> Бүгін еліміздің басым бөлігінде жаңбыр жауады, деп хабарлайды Қазгидромет.&nbsp;Қазақстанның солтүстік бөлігінде - жаңбыр мен қар жауады, республиканың батысында күндіз қатты жаңбыр жауады.Болжам бойынша, республиканың оңтүстік-батысында ғана көшпелі бұлтты, жауын-шашынсыз ауа райы күтіледі.Қазақстанда синоптиктердің болжауынша, солтүстік, солтүстік-батыс және орталық аймақтарда тұман түсіп, жел күшейеді, көктайғақ болады.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Соңғы 10 жылда халық саны 105 мың адамға көбейіп, демографиялық көрсеткіште оң динамика қалыптасуда. Ал осы жылдың 9 айындағы статистикалық мәлімет бойынша облыстағы халық саны 839,4 мың адамды құрады. Оның 46,9 пайызы қала тұрғындары болса, 53,1 пайызы ауылдық жерде тұрады. Бұл туралы Қызылорда облысының Өңірлік коммуникациялар қызметінің ақпарат алаңында өткен брифингте облыстық статистика департаментінің басшысы Қайрат Әбсұлтанов хабарлады.<blockquote>Биыл облыс экономикасының әлеуметтік-экономикалық даму көрсеткіштері бойынша оң өсім қалыптасты. Атап айтқанда, құрылыс жұмыстарының көлемі 26,4 пайызға, негізгі капиталға салынған инвестиция 25, 6 пайызға, тұрғын үйлерді пайдалануға беру 18,9 пайызға, өңдеу өнеркәсібі 15,8 пайызға, бөлшек сауда 104 пайызға артты. Бұдан бөлек, аймақтың демографиялық көрсеткіші бойынша да өсім байқалады. Нақтырақ айтқанда, осы жылдың 8 айында облыста 13,2 мың нәресте дүниеге келіп, халық саны біршама артты. Ал дәл осы мерзімде 3 мың адамның қайтыс болу дерегі тіркелді. Сонымен қатар көші-қон қызметі ұсынған мәліметтерге сүйенсек, 2023 жылдың қаңтар-тамыз айларында облысымызға 16 мыңнан астам адам тұрғылықты тұруға келген болса, 20 762 адам басқа аймақтарға көшкен. Сондай-ақ, өңірдегі халықтың жұмыспен қамтылу көрсеткіші де айтарлықтар жоғарылаған. Тиісінше, осы жылдың ІІ тоқсанында жұмыс күші 347,7 мың адамды құрады. Жұмыспен қамтылғандардың ішінде жалдамалы қызметкерлер саны 216,5 мың адам, өз бетінше жұмыспен қамтылғандар саны 114,1 мың адам, – деді департамент басшысы Қайрат Әбсұлтанов.</blockquote>&nbsp;

Қызылордада демографиялық көрсеткіш артып келеді

<a href="https://kyzylorda-news.kz/">Kyzylorda-news.kz.</a> Биыл аймақта қоршаған ортаны қорғау саласында 69 субъектіге бақылау шаралары ұйымдастырылды. Қоршаған ортаның ластануының 5 дерегі анықталып қоршаған ортаны қайта қалпына келтіру бойынша 5 субъектімен ремедиация бағдарламасы әзірленіп, табиғат пайдаланушылармен жалпы аумағы 2971,5 шаршы метр ластанған жер қалпына келтірілді. Бұл жөнінде Қызылорда облысы бойынша экология департаменті басшысының міндетін атқарушы Нұрбек Садықов баяндады.<blockquote>Осы жылы «Қазақстан Ғарыш сапары» АҚ-мен жүзеге асырылған ғарыштық мониторинг нәтижесімен 74 рұқсатсыз қалдық орны анықталып, облысымыз Республикада алғашқылардың бірі болып, қысқа мерзімде қалдық орындарын 100% жойды. Департаменттің заңсыз қалдық орындарын болдырмау жөніндегі жұмыстардың нәтижесімен рұқсатсыз тасталған қалдықтардың орындары да жыл сайын азайып келеді. Департаменттің мемлекеттік экологиялық бақылау қызметі «Байқоңыр» кешеніндегі объектілерді де қамтиды. «Байқоңыр» кешеніндегі 9 объектіге жоспарлы тексеріс жұмыстары жүргізіліп, анықталған 5 заң бұзушылықты жою жөнінде ұйғарым берілді, - деді Нұрбек Қыдырәліұлы.</blockquote>«Байқоңыр» кешеніндегі өзекті мәселе – қала және Төретам кентімен Ақай ауылдық округінің маңайындағы құрылыс қалдықтарын жою. Осы мәселе Қазақстан-Ресей арасындағы Байқоңыр кешені жөніндегі 7 үкіметаралық комиссия отырысында қаралды. Комиссия шешімімен 2021-2023 жылдарға арналған Жол картасы бекітіліп, 12 652,7 м3 қалдықтар жойылды.

Қызылордада рұқсатсыз төгілген қалдық орындары анықталды 

<a href="https://kyzylorda-news.kz/">Kyzylorda-news.kz.</a> 15 қазаннан басталып, 28 қазанға дейін созылатын терең күз маусымы енді. Сенбі, жексенбіде Қазақстанда күн айтарлықтай салқындай бастайды, деп хабарлайды Қазгидромет.&nbsp;Республиканың синоптикалық жағдайын Солтүстік Атлантика циклоны мен Скандинавиялық антициклон қалыптастырып, әртүрлі фазаларда жауын-шашын тудырады және күндізгі жылынуды шектейді.Тек еліміздің оңтүстігінде жаңбыр жауып, таулы аймақтарда жаңбырдың соңы қарға ұласады.Еліміздің солтүстігінде және орталығында түнде -0-5 үсік жүреді, күндіз ауа температурасы +2+12 градусқа дейін жоғарылайды. Ал дүйсенбіде термометр -3 – + 5 градус көрсетеді.Республиканың батысында, оңтүстігінде және шығысында салыстырмалы түрде жылы күн райы сақталады.

Демалыс күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a> «Байқоңыр» кешенінде қызылша ауруына байланысты эпидемиологиялық жағдай нашарлады. Бұл туралы Байқоңыр қаласы әкімшілігінің баспасөз қызметі хабарлады.<blockquote>«Қазақстанда жыл басынан бері тіркелген қызылша ауруының саны 7 мыңнан асты. Қазақстан Республикасында қызылша бойынша қалыптасқан эпидемиологиялық жағдай (жақын маңдағы кенттерді қоса алғанда) «Байқоңыр» кешенінде де нашарлаған. Қаланың ведомствоаралық санитарлық-эпидемияға қарсы комиссиясының мүшелері қызылшаға қарсы вакцинация жұмыстарын күшейту туралы шешім қабылдады», - делінген хабарламада.</blockquote>Ғарыш айлағы мен аттас қаланы қамтитын Байқоңыр кешені Ресейге 20 жылға жалға берілді. «Байқоңыр» кешенін жалға алу кезеңінде елді мекен федералды маңызы бар қалаға сәйкес мәртебеге ие, объектілердің, кәсіпорындар мен ұйымдардың, сондай-ақ азаматтардың қауіпсіз жұмыс істеуінің ерекше режимі бар.

Байқоңыр кешенінде қызылша жұқтырғандар көбейді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының 85 жылдығы және «Алтын дән – 2023» мерекесі аясында ветеринариялық ұйымдарға 30 қызметтік автокөлік, облыс шаруашылықтарында жоғарғы көрсеткішке қол жеткізген еңбек адамдарына демеуші кәсіпорындар тарапынан 17 автокөлік табысталды.Облыс әкімі Нұрлыбек Нәлібаев жерлестерін аймақтың айтулы мерекесімен және дәстүрлі молшылық мейрамымен құттықтады.<blockquote>«Мемлекет басшысы Қасым-Жомарт Тоқаев 2021 жылғы Қазақстан халқына Жолдауында ветеринария саласын жетілдіруге аса үлкен мән берді. Ветеринария қызметі қазіргі заман талабына сай болмаса, ауыл шаруашылығы өнімдерінің экспортын арттыру мүмкін емес. Бұл түптеп келгенде ауылдағы ағайынның әл-ауқатына және облыстың агроөнеркәсіп саласының дамуына әсер етеді.Бүгінде аса қауіпті 14 түрлі жұқпалы мал ауруына бөлінген ветеринариялық препараттар жеткізіліп, бекітілген жоспарға сәйкес алдын ала егу жұмыстары жүргізілуде. Сапалы жұмыстардың нәтижесінде Дүниежүзілік жануарлар денсаулығы ұйымы өңірімізге аусыл ауруынан таза аймақ мәртебесін берді. Эпизоотиялық ахуалды тұрақтандыру жолында аянбай еңбек ететін ветеринар мамандарға, ақ күріштен тау тұрғызған еңбек озаттарына алғысымды білдіремін. Жаңа автокөліктер игіліктеріңізге қызмет етсін», – деді аймақ басшысы.</blockquote>Облыста соңғы жылдары аса қауіпті мал аурулары тіркелген жоқ, эпизоотиялық тұрақтылық сақталды. Ветеринария саласындағы жұмыстарды ілгерілету үшін «Жол картасы» жасалды. Ал, ұйымдарды материалдық-техникалық жабдықтау мақсатында былтыр облыстық бюджеттен 73 млн теңге, биыл 250 млн теңге бөлініп, автокөлік пен құрал-жабдықтар алынды. Салада жалпы 746 маман қызмет атқарады.Еңбек адамдары құрмет төріне шығып, еңсесі биіктейтін молшылық маусымын асыға күтеді. Ерте көктемнен бері бейнеттен бел жазбаған еңбеккерлер егін-терім қорытындысымен табысқа кенелуде. Діттеген межеге жетіп, мол өнім жинаған озаттар қандай да құрметке лайық. Осы салтанатты шарада олардың бірқатары көлік кілтін иеленді.Айта кетейік, бүгінде барлық саланың материалдық-техникалық базасын нығайтуға басымдық берілуде. Қоғамдық көлік түйткілін шешу үшін 200 автобус, мектеп оқушыларын тасымалдауға 30 автобус, денсаулық сақтау саласына 45 жедел жәрдем көлігі, орманшыларға 470 техника, құқық қорғау органдарына 92 қызметтік автокөлік алынды. «Үлгілі елді мекен» облыстық конкурсының жеңімпаздарына күнделікті тұрмысқа ең қажетті заманауи үлгідегі 14 арнайы техника берілді.<figure class="image"><img src="https://knadmin.beoblood.kz/uploads/392922860_629266476061267_3674736690164562246_n_5fe8e8cb7b.jpg" alt="392922860_629266476061267_3674736690164562246_n.jpg"></figure>&nbsp;<figure class="image"><img src="https://knadmin.beoblood.kz/uploads/392889967_629266316061283_634331667748102960_n_d0d610b389.jpg" alt="392889967_629266316061283_634331667748102960_n.jpg"></figure>&nbsp;<figure class="image"><img src="https://knadmin.beoblood.kz/uploads/392928375_629266129394635_2719263362103559176_n_d67f0f12f1.jpg" alt="392928375_629266129394635_2719263362103559176_n.jpg"></figure>&nbsp;<figure class="image"><img src="https://knadmin.beoblood.kz/uploads/392890312_629266592727922_3686972508492090067_n_87f7401107.jpg" alt="392890312_629266592727922_3686972508492090067_n.jpg"></figure><img src="https://knadmin.beoblood.kz/uploads/392822442_629266509394597_4746813013939720777_n_db8f3443f9.jpg" alt="392822442_629266509394597_4746813013939720777_n.jpg">

«Алтын дән – 2023»: Еңбек адамдарына 17 автокөлік табысталды

<a href="https://kyzylorda-news.kz/">Kyzylorda-news.kz.</a> Бүгін «Алтын дән-2023» дәстүрлі іс-шарасында аймақтағы егін жинау науқаны қорытындыланды. Облыс әкімі Нұрлыбек Нәлібаев дала еңбеккерлерін құттықтап, ала жаздай еңбек етіп, қамбаны күрішке толтырған шаруалардың адал еңбегін жоғары бағалады.<blockquote>«Алты алашқа ана болған Сыр өңірінің облыс болып құрылғанына биыл 85 жыл. Қызылордалықтар бұл мерейтойға үлкен табыспен жетті. Жақында облысқа іссапармен келген Мемлекет басшысы аймақтың дамуына жоғары баға берді. Қасым-Жомарт Кемелұлы Нағи Ілиясов ауылында өткен еңбек адамдарымен кездесуде: «Шын мәнінде, еңбек адамдары – халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек. Сіздер ақ күріштің атасы – Ыбырай Жақаевтың жолын жалғап жүрсіздер. Сондықтан мен сіздерді қолдаймын»,– деп қошемет білдірді. Президент Сыр өңірінің бренді – күріш өндірісін көру үшін «Алтын орда» зауытында болды. Ауыл шаруашылығы тауарөндірушілерінің өнімдерімен танысып, диқандар мен шаруалардың еңбегіне табыс тіледі. Бұл – барша еңбек адамдарына берілген оң баға, көрсетілген құрмет», – деді облыс әкімі.</blockquote>Нұрлыбек Машбекұлы ҚР Премьер-министрі Әлихан Смайыловтың Cыр диқандарына жолдаған арнайы құттықтау хатын оқып берді.Айта кетейік, аймақта 9 айдың қорытындысымен ауыл шаруашылығы өнімдерінің өндірісі 157 млрд.теңгеге жетті. Жалпы ішкі өнімдегі осы саланың үлесі 6 пайызды құрады. Соңғы 3 жылдың ішінде ауыл шаруашылығының негізгі қорына 32 млрд 700 млн теңге инвестиция салынды. Биыл жалпы құны 7,9 млрд.теңгені құрайтын 11 инвестициялық жобаны іске асыру жоспарлануда. Жыл ішінде салаға 14,0 млрд теңге қаржылай қолдау жасалды. Оның 4 млрд 700 млн теңгесі егін шаруашылығын субсидиялауға бағытталды.Биыл су тапшылығы қатты сезілген жыл болды. Соған қарамастан Сыр диқандары ерен еңбектің үлгісін көрсетті. Егістік көлемі өткен жылмен салыстырғанда 4 мың 800 гектарға ұлғайтылып, 193 мың 400 гектар жерге егін егілді. Оның ішінде күріштік алқап 89 мың 100 гектар. Күні кеше жиын-терім науқаны аяқталып, әр гектардан алғашқы салмақта 56,5 центнерден өнім алынды. Қамбаға 503 мың тонна астық құйылды.Мемлекет басшысы "Әділетті Қазақстанда еңбек адамы ең бірінші орында тұрады. Себебі отаншылдық - ең алдымен туған елінің игілігіне қызмет ету" деген еді. Осы орайда дәстүрлі мерекенің ең басты құрметі еңбек адамдарына көрсетілді. Күрішшілер, сушылар, комбайншылар, механизаторлар, диқандар, малшылар сахна төріне шығып, марапатқа ие болды.Іс-шарада сала қызметкерлері ҚР Премьер-министрінің алғыс хатымен, ҚР Ауыл шаруашылығы министрлігінің «Еңбек ардагері» медалімен, «Ауыл шаруашылығы саласының үздігі» төсбелгісімен, Құрмет грамотасымен марапатталды.Жыл қорытындысымен топ жарған озаттар түрлі номинация иеленді. Төрт түлік өсімін қамтамасыз еткені және өнім өндіруде жоғары жетістіктерге жеткені үшін Арал ауданы марапатталса, «Егін шаруашылығы» номинациясында Шиелі ауданы жеңімпаз атанды. Ауыл шаруашылығы өнімдерін өңдеу саласы бойынша жоғары көрсеткіштерге Сырдария ауданы қол жеткізді. «Агроөнеркәсіп кешенін дамытуда ең жоғарғы көрсеткіштерге қол жеткізген үздік аудан» номинациясы бойынша Жаңақорған ауданы марапатталады.Мерекелік кеш концерттік бағдарламаға ұласты. Сахна жұлдыздары дала еңбеккерлерінің құрметіне әсем ән шырқап, мерекені думанға бөледі.<figure class="image"><img src="https://knadmin.beoblood.kz/uploads/392814255_629245752730006_6729569130833093652_n_c50647996e.jpg" alt="392814255_629245752730006_6729569130833093652_n.jpg"></figure>&nbsp;<figure class="image"><img src="https://knadmin.beoblood.kz/uploads/392923056_629245249396723_8287225907097444141_n_6865f6e1bf.jpg" alt="392923056_629245249396723_8287225907097444141_n.jpg"></figure>&nbsp;<figure class="image"><img src="https://knadmin.beoblood.kz/uploads/392885443_629245616063353_1709329365390118169_n_f4d491af12.jpg" alt="392885443_629245616063353_1709329365390118169_n.jpg"></figure>&nbsp;<figure class="image"><img src="https://knadmin.beoblood.kz/uploads/392867535_629246032729978_5032726153056731310_n_35e93feb2f.jpg" alt="392867535_629246032729978_5032726153056731310_n.jpg"></figure>&nbsp;<figure class="image"><img src="https://knadmin.beoblood.kz/uploads/392865581_629245562730025_4347602123052727999_n_68fc54d73c.jpg" alt="392865581_629245562730025_4347602123052727999_n.jpg"></figure>&nbsp;<figure class="image"><img src="https://knadmin.beoblood.kz/uploads/392864332_629245886063326_2105309138056983067_n_ee8424cd09.jpg" alt="392864332_629245886063326_2105309138056983067_n.jpg"></figure>

 Қызылордада еңбек озаттары марапатталды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен республикалық штаб отырысында өңдеу өнеркәсібіне инвестиция тарту мәселесі қаралып, тиісті тапсырмалар берілді. Жиында Үкімет басшысы инвестиция тарту бойынша көрсеткіші жақсы өңірлердің қатарында Қызылорда облысын да атап өтті.<blockquote>«Инвестиция көлемі өсіп, нәтижелі жобалардың тиімділігін көрген өңірлер бар. Мәселен, Түркістан, Жетісу, Қызылорда, Солтүстік Қазақстан және тағы басқа аймақтар», – деді Премьер-министр.</blockquote>Штаб отырысынан кейін облыс әкімі Нұрлыбек Нәлібаев арнайы мәжіліс өткізіп, өңірге инвестиция тартудың маңыздылығын атап өтті.<blockquote>«Мемлекет басшысы өз Жолдауында мықты өнеркәсіптік негіз қалыптастыру, экономикамыз өзімізді толық қамтамасыз ете алатын жағдайға жету үшін өңдеу саласын жедел дамытуға баса мән беру қажеттігін атап өткен болатын. Өнеркәсіп көлеміндегі өңдеу өнеркәсібінің үлесін арттыру үшін өнім өңдеуге бағытталған жобаларды жүзеге асыруымыз керек. Жаңа жобалар іздестіріп, инвестиция тарту бағытындағы жұмыстарды күшейтіп, тиісті шараларды ұйымдастыру қажет», – деді аймақ басшысы.</blockquote>Мәжілісте облыстық кәсіпкерлік және өнеркәсіп басқармасына Қызылорда қаласы және аудан әкімдерімен бірлесіп, өңдеу өнеркәсібіне бағытталған нақты жобаларды әзірлеу тапсырылды. Қызылорда облысының даму орталығы, «ҚазақИнвест» акционерлік қоғамы Қызылорда облысы бойынша өңірлік директорына облыстық кәсіпкерлік және өнеркәсіп басқармасымен бірлесіп, өңдеу өнеркәсібі бойынша әзірленген жобаларға инвестор тарту жұмыстарын үйлестіру міндеті жүктелді.Аталған жұмыстар облыс әкімінің бірінші орынбасары Серік Қожаниязовтың бақылауында болады.<figure class="image"><img src="https://knadmin.beoblood.kz/uploads/akimat_fb84c7d399.jpeg" alt="акимат.jpeg"></figure>

Сыр өңірі инвестиция тарту бойынша үздіктер қатарында

<a href="https://kyzylorda-news.kz/">Kyzylorda-news.kz.</a> «Қазақстан халқы Ассамблеясы» ұлттық бірліктің мемлекеттік саясатының сенімді тірегі, әрі тұрақтылықты нығайтуда маңызды рөл атқарып келеді. Осы күнге дейін өңірлік ассамблея жұмысына оң баға берілді. Осы бағыттан таймай бірлесіп, иық тіресіп жұмыс жасаймыз деген сенімдемін.&nbsp;Қоғамдық келісім мен ұлтаралық бірлікті нығайту, этносаралық қатынастың негізі ретінде – мемлекеттік тілдің қолданыс аясын кеңейту қажет. Сессияда көтерілген мәселелердің кезең-кезеңімен жүзеге асыру, отбасы құндылығын дәріптеу біздің басты бағатымыз екені айқын. Сонымен қатар жастарды еңбекке баулу мәселесі де алға шығып отыр. Жастар жұмыссыз, бос болмауы қажет. Еңбек теріс іс-әрекеттердің алдын алатыны, жетістікке жетелейтіні сөзсіз. Сондай-ақ, арандатушылыққа жол бермей, осы бағытта тиянақты жұмыс жасауымыз керек. Қоғамдағы өзге де мәселелер бойынша маңызды міндеттерді бірігіп атқаруға атсалысайық.&nbsp;Бақытжан КАМАЛОВ,«Қоғамдық келісім» КММ директоры

«Қазақстан халқы Ассамблеясы» ұлттық бірліктің сенімді тірегі

<a href="https://kyzylorda-news.kz/">Kyzylorda-news.kz.</a> “Mecenat.kz” әдеби байқауының III мауысымына романдарды қабылдау басталды. Өтінімдерді қабылдау 2024 жылдың 14-сәуіріне дейін жалғасады.“Mecenat.kz” әдеби байқауы ІІІ маусымын ашық деп жариялап, өтінімдерді қабылдауды бастады. Қазақстан туралы қазақ немесе орыс тілінде жазылған шығармалар қабылданады. Байқауға қатысатын романның көлемі – бос орындармен есептегенде 150 000 белгіден бастап, 300 000 белгіге дейін болуы шарт. Өтінімдерді қабылдау 2024 жылдың 14-Сәуір күні, сағат 15:00-де (Астана уақытымен) аяқталады.Байқау ережесіне басқа да өзгерістер енгізілген. Байқауға қатысушы өтінімді дұрыс, талапқа сай қылып ұсынуы тиіс екенін, өтінімде қандайда бір қателік болса, қатысушы өзі жауап беретінін ұйымдастырушылар ескертеді. Байқаудың ережелеріне сай келмейтін, ережені бұзған қолжазбалар байқаудың кез-келген кезеңінде шеттетіледі.Байқаудың жалғыз жеңімпазы болады және ол өмір бойына айына 500 АҚШ долларын алып отырады.Байқау шарттарымен <a href="https://mecenatkz.com/?KAZ">сайттан</a> таныса аласыздар!

Үздік роман байқауына өтінім қабылдау басталды

<a href="https://kyzylorda-news.kz/">Kyzylorda-news.kz.</a> Қызылорда облысы әкімі аппаратының басшысы Шахмардан Баймановтың төрағалығымен осы уақытқа дейін «Қазақстан корейлері қауымдастығы» облыстық қоғамдық бірлестігінің төрағасы қызметін атқарған Ким Елена Алексеевнаны шығарып салуға арналған шара өтті.Шараға облыстық этномәдени бірлестіктердің жетекшілері мен белсенділері, облыстық Қазақстан халқы ассамблеясының ардагерлері қатысты.Облыс әкімі аппаратының басшысы Шахмардан Байманов Елена Алексеевнаға өңірдің дамуына қосқан сүбелі үлесі үшін алғысын жеткізді.<blockquote>«Құрметті Елена Алексеевна, этносаралық қарым-қатынас пен қоғамдық келісімді нығайту бағытында атқарған жұмыстарыңыз үшін Қызылорда облысының әкімі атынан зор алғысымды білдіремін. Сондай-ақ облыстың қоғамдық өміріне, өңірлік Қазақстан халқы ассамблеясының қоғамдық-саяси және мәдени іс-шараларына қосқан орасан зор үлесіңіз үшін ризашылығымыз шексіз. Сіздің корей мәдениетін, әдет-ғұрпы мен дәстүрін дамыту, корей этносы өкілдеріне қазақ тілі мен Қазақстан мәдениетін үйретуде, қазақстандық патриотизмге тәрбиелеудегі ерен еңбегіңіз ерекше»,- деді Шахмардан Байманов.</blockquote>Сыр бойындағы руханият саласының дамуына қосқан ерекше үлесі үшін Елена Алексеевнаға Қызылорда облысының ең жоғарғы марапаты «Құрмет» грамотасы табысталды.Облыстық ҚХА ардагері Рахима Ахметова, Юрий Ким, ҚР ақпарат саласының үздігі Жағыппар Қарабала, облыстық этномәдени бірлестіктердің жетекшілері мен белсенділері сөз сөйлеп, Елена Алексеевнаның елге сіңірген ауқымды еңбегі мен мәдениет, өнер саласына қосқан жаңашылдығы, қайраткерлігі және «Алекс» өнер ордасының құрыруда, Қазақстан мен Корея арасындағы сенімді және достық қарым-қатынастарды дамытудағы тынымсыз еңбегі туралы жылы естеліктер және мерейлі мезеттерімен бөлісті.Шара соңында Елена Алексеевна еленген еңбек пен көрсетілген құрмет үшін алғысын білдіріп, барша әріптестеріне этносаралық қарым-қатынасты нығайту бағытындағы жұмыстарына сәттілік тіледі.<img src="https://knadmin.beoblood.kz/uploads/394257923_1880283562367147_7108249234576009937_n_7e60607c97.jpg" alt="394257923_1880283562367147_7108249234576009937_n.jpg">

Этномәдени бірлестік жетекшісіне құрмет көрсетілді

<a href="https://kyzylorda-news.kz/">Kyzylorda-news.kz.</a> Қызылордалық жедел уәкілдер есірткінің ірі партиясын сақтаған азаматты ұстады.&nbsp;Жедел ақпарат бойынша “Қарасора – 2023” жедел алдын алу іс-шарасы аясында Қызылорда облысы ПД есірткі қылмысына қарсы іс-қимыл басқармасы ҚР Ұлттық ұланның “Бүркіт” арнайы мақсаттағы бөлімшесімен бірлесіп, ірі мөлшерде есірткі сақтаған Қызылорда қаласының түрғынын ұстады.&nbsp;Қылмысқа күдіктелген азаматтың тұрғылықты мекенжайынан екі үлкен қапқа салынған есірткі заттары, сондай-ақ полиэтилен пакеттер мен есірті салынған 19 литрлік пластик ыдыстар тәркіленді. Айғақ заттар жеке тұрғын үйдің ауласындаға иттің күркесінен, сондай-ақ үй бөлмелері мен шатырынан табылды.&nbsp;Сараптама қорытындысына сәйкес тәркіленген зат салмағы 6,7 келіден астам ірі мөлшердегі кептірілген марихуана болып шықты. Күдікті уақытша ұстау изоляторына қамалды. Аталған дерек бойынша ҚР ҚК-нің 297-бабымен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру әрекеттері жүргізіліп жатыр.

Қазақстан және Қызылорда облысының жаңалықтары