<a href="https://kyzylorda-news.kz/">Kyzylorda-news.kz.</a> Жуырда Қазалы ауданының Полиция бөлімінің бастығы, полиция подполковнигі Асылбай Аңсатов халық алдында есеп берді. Бұл басқосуға аудан әкімінің орынбасары Дәурен Тлеумбетов қатысты. Полиция бөлімінің басшысы Асылбай Шудабайұлы 2023 жылдың 6 айлық қортындысымен аудан бойынша қылмыстық ахуал мен қылмыстық құқық бұзушылықтың алдын-алу бағытындағы атқарылған жұмыстар туралы баяндады.&nbsp;<blockquote>– Басты міндет – сапалы қызмет, халықпен етене жақын болып, қылмыстардың себептері мен жағдайларын анықтау және олардың алдын алу шараларын қабылдау, – деп сөз бастаған А.Аңсатов: «Жалпы аудан көлеміндегі криминогендік ахуал тұрақты, атқарылған профилактикалық жұмыстардың нәтижесінде, ағымдағы жылдың есепті мерзімінде қылмыстылық деңгейі 65-тен 63-ке яғни -3,1 пайызға төмендеген», – деді.&nbsp;</blockquote>Оның айтуынша, кешкілік патрульдік бағыттарға шығатын қызметкерлер саны көбейтіліп, күнделікті түннің екінші жартысына дейін күшейтілген түрде тиісті профилактикалық жұмыстар атқарылуда. Кісі өлтірудің және басқа да ауыр қылмыстардың алдын-алуда маскүнемдердің жиналуы мүмкін жалғызбасты аудан тұрғындарының тізімі жасалып, күнделікті учаскелік инспекторлармен бақылауға алынған. Қарақшылық, тонау қылмыстарының алдын-алу үшін ақша айналымын жүргізетін банк, пошта, ломбард, май және газ құю орындары зерделеніп, оларда дабыл сигналдары, бейнебақылау камераларының болуы, күзетшілермен толық қамтылуы бақылауға алынған.Жыл басынан аудан көлемінде жолда жүру ережесін бұзған– 4865 құқық бұзушылық анықталды. Оның ішінде 2164 құқық бұзушыға 32,3 млн теңге көлемінде айыппұл салынып, 1706 құқық бұзушыдан 25,1 млн теңге өндірілген. Қоғамдық қауіпсіздік саласы бойынша барлығы 2420 құқық бұзушылық анықталып, 856 құқық бұзушыға 13,2 млн теңге көлемінде айыппұл салынып, 524 құқық бұзушыдан 9,03 млн теңгесі өндірілген.&nbsp;Ал жолда жүру ережесін бұзған 2445 құқық бұзушылық анықталса, оның ішінде 1308 құқық бұзушыға – 19,1 млн теңге көлемінде айыппұл салынып, оның 1182 құқық бұзушыдан 16,1 млн теңгесі өндірілген.&nbsp;Жол апаттылығына тікелей септігін тигізетін жол қозғаласы &nbsp;ережесін өрескел бұзушыларды анықтау бағытында «Қауіпсіз жол», «Автобус», «Мас жүргізуші қылмыскер», «Заңсыз қайта жабдықтау» «Құқық тәртібі» арнайы жедел-профилактикалық іс-шаралары тұрақты өткізіліп келеді.Ағымдағы жылдың 6 ай көлемінде көлік құралын масаң күйде басқарудың 27 дерегі анықталып, әкімшілік кодекстің 608 бабымен тиісті шаралар көрілсе, көлік құралдарын ешқандай құжатсыз басқарып жүргізгендіктері үшін 172 азаматқа ҚР ӘҚБтК-нің 612 /автокөлікті құжатсыз басқарған/ және 230 /міндетті сақтандырудан өтпей автокөлік басқарған/ баптарымен хаттамалар толтырылып көлік құралдары ақылы айып тұрағына қойылды. Жалпы бүгінгі күнге дейін ақылы айып тұрағына әр түрлі құқық бұзушылықтар жасағаны үшін 461 автокөлік қойылған.<blockquote>– Келесі күрделі мәселенің бірі – мал ұрлығы. Бұл бағытта тоқсан сайын «Мал ұрысы» жедел- профилактикалық іс-шарасын өткізу тәжірибесі енгізілді. Мал ұрлықтарына тосқауыл қою мақсатында, бөлім аппаратының, учаскелік полиция инспекторлары және ветеринария қызметімен құрылған арнайы топтармен «Абай, Әлсейіт, Қарлан» көпірлерініңаймақтарына жылжымалы бекеттер қойылып, рейдтер жүргізіліп, тиісті құжатсыз мал тасымалдаған 5 жүргізушіге Әкімшілік кодекстің 406 бабымен шара көрілсе, қараусыз жүрген үй жануарларының иелеріне әкімшілік кодекстің 408 бабымен шара көрілді. Яғни, аудан ішінде тасымалдау үшін міндетті түрде «1-нысандағы» ветеринариялық анықтамасы және тасымалданатын малдың паспорты болу қажеттігін назарларыңызға саламын, – деді бөлім бастығы.&nbsp;</blockquote>Сонымен қатар қоғамдық орындарда, көшелерде масаң күйінде жасалатын қылмыстардың алдын-алу бағытында тиісті жұмыстар атқарылып жатқандығын айтты. 6 ай көлемінде әкімшілік құқық бұзушылық туралы кодексінің 200 бабымен /белгіленген уақыттан тыс уақытта алкоголь өнімін сату/ 5 дерек анықталып, 3 дерек бойынша лицензиялары уақытша тоқтатылды. Биылғы жылы қайталанған жағдайда олардың алкоголь өнімдерін сату лицензияларын айыруға жұмыс жасалатынғын ескертті.<blockquote>– Өздеріңізге мәлім ауданда жергілікті атқарушы органдары басшылары, депутаттар, ауданның беделді азаматтарынан құрылған топтар полиция қызметкерлерімен бірлесіп, түннің екінші жартысында кафелерде, жастар жиналған аумақтарда бірлескен профилактикалық жұмыстарға тартылуда. Қазіргі таңда, өзекті мәслелердің бірі маргиналды жастардың арасындағы құқық бұзушылық деректері. 2023 жылдың 6-айымен кәмелетке толмағандардың заңды өкілдерінсіз жүру деректері бойынша ҚР ӘҚБтК-нің 442 бабының 2 бөлігіне сәйкес 195 дерек анықталып, олардың заңды өкілдеріне ЮПт-ң учаскелік инспекторларымен ескерту жасалды. Есепті мерзімде құқық бұзушылық жасағандары үшін бөлімге 245 кәмелетке толмаған жеткізілді. Бұл балалардың 237 құқық әкімшілік бұзушылық жасаған, - деді бөлім бастығы.&nbsp;</blockquote>Сонымен қатар, жыл көлемінде бірнеше рет құқық бұзғаны үшін 4 кәмелетке толмаған тізімдік есепке қойылса, аудандық сотпен 3 құқық бұзушының мінез-құлқына ерекше талаптар белгіленіп, 1 ата-ана ата-аналық құқығынан шектелді. Сондай-ақ, бейімдеу орталығына - 5 кәмелетке толмаған орналастырылған.Топтық төбелестердің алдын-алу бағытында бөлім қызмектерлері мен облыстық Полиция департаментінің қызметкерлерімен бірлесіп ауданда топтық төбелестің алдын алу бағытында біршама жұмыстар атқарылған. Төбелеске бейім мектеп жасындағы 35-жасөспіріммен профилактикалық түсіндірме жұмыстар жүргізілген. Сонымен қатар оқу орындарына оқушыларға, ата-аналарға жиындар өткізіліп, оларға видео роликтер көрсетіліп, түсіндірме жұмыстар жасалған.Бөлім бастығының баяндауынша, бұрын сотты болған тұлғаларды қайта қылмысқа жібермеу бағытында «Тұрмыс» жедел профилактикалық іс-шарасы өткізіліп, сотты болған тұлғалар үнемі мекен-жайларынан тексеріліп, профилактикалық мәні бар әңгімелесулер жүргізілген. Бөлімнің есебінде шартты түрде мерзімінен бұрын босатылғандар санатында есепте тұрған 3 тұлға бойынша және басқа да профилактикалық есепте тұрған тұлғалармен жеке-жеке профилактикалық шаралар атқарылып, нәтижесінде 1 тұлға сот қаулысымен түзеу мекемесіне кері қайтарылған.&nbsp;Отбасы тұрмыстық қатынастар саласындағы құқық бұзушылықтардың алдын-алу бағытында 91 тұлғаға қатысты қорғау нұсқамлары шығарылып жәбірленушілердің қауіпсіздіктері қамтамасыз етілсе, отбасы жанжалы бойынша 11 тұлғаның мінез-құлықтарына аудандық сотпен ерекше талаптар белгіленіп, профилактикалық шаралар атқарылып, отбасы тұрмыстық зорлық-зомбылықтың алдын-алу бағытында әзірленген арнайы алгоритм парақшалар таратылған. Сонымен қатар, анықталған құқық бұзушылықтар бойынша «Құқық бұзушылықты жасауға ықпал еткен жағдайларды жою туралы» ұсынымхат жолданып, шара қабылдамаған 3 лауазымды тұлғаға ҚР ӘҚБтК-нің 479 бабына сәйкес шаралар көрілді.&nbsp;<blockquote>– Осы жылдың 6 ай көлемінде 96 шетел азаматы тіркелген. Оның 90-ы Өзбекстаннан болса, Тәжікстаннан 1, Қырғызстаннан 1 және РФ-ның 4 азаматы жеке мақсатта келіп, тіркелген. Қазіргі уақытта ауданда нақты 50 шетелдік бар, 39-шетелдік еңбекші мигрант ретінде арнайы рұқсатын алған. Жаз мезгілінде суға шомылу маусымында суға кету фактілерінің алдын-алу бағытында аудандық төтенше жағдайлар бөлімімен бірлесіп, түсіндірме жұмыстары жүргізіліп, тиісті шаралар да көрілуде. Есірткі затын ірі мөлшерде сақтау дерегін анықтау мақсатында және қазіргі таңда өткізіліп жатырған «Қарасора – 2023» жедел профилактикалық іс-шарасына байланысты есірткіні егу дерегімен жан-жақты мәліметтер жинақталып, ауданымыздағы құзырлы органдармен, сондай-ақ, ауылдық округтерге бекітілген учаскелік полиция инспекторлары ауыл әкімдерімен бірлесіп ауылдық округтің сырт аймақтарына аралау жұмыстарын атқаруда. Қазіргі таңда атқарылған жұмыстардың нәтижесінде есірткі егу дерегімен 5-факті анықталып, 7 күдікті құрықталып, оның 4-уі УҰИ-на қамауға алынды. Бұл іс төңірегінде тергеу амалдары жүргізілуде, – деді полиция бөлімінің бастығы.&nbsp;</blockquote>Соңғы уақытта алаяқтық саны көбеюі алаңдатып отырғандығын жасырмаған бөлім бастығы Асылбай Аңсатов есепті мерзімде 8 дерек тіркелсе, олардың басым бөлігі интернет алаяқтығы екендігін атады. Биыл алаяқтық қылмыстарының ашылу көрсеткіші 66,7 пайызды құрап ашылу көрсеткіші былтырғы жылдан жақсарған.&nbsp;Осы ретте алаяқтар, қысқа мерзімде қаражаттарын еселеп қайтарамын деп алдайтындығын, өзгенің сыртынан несие рәсімдеу тәсілдерін қолданатындығын, сонымен қатар соңғы уақытта көбейіп отырған «жақын адамдары қиын жағдайға түсті» деп, ақша сұрап алдаудың белең алғандығын алға тартқан бөлім бастығы тұрғындарды сақ болуға шақырды.&nbsp;<blockquote>– Аудан орталығы Әйтеке би кентіндегі халыққа қызмет көрсету орталығында және құқықтық көмек көрсету орталығының ғимаратында «Жолда қабылдау» республикалық акциясы өткізіліп, тұрғындардың көкейінде жүрген әр түрлі сұрақтар бойынша жауаптар берілді.&nbsp; Баяндаманы қорытындылай келе, көтерілген әрбір мәселе біз үшін өте маңызды, полиция қызметінің негізгі жұмыс критерийі. Сол себепті, жергілікті тұрғындар қауіпсіздігі үшін қолда бар күш-құралдарды барынша пайдаланып, аянбай қызмет атқаратын боламыз, – деген полиция бөлімінің бастығы аудандағы қоғамдық тәртіпті сақтауда өздерінің үлестерін қосқан аудан тұрғындарын марапаттады.</blockquote>Бұдан соң кездесуге келгендер көкейдегі сұрақтарын қойып, ойларын ортаға салды.

Қазалыда қылмыстылық деңгейі 3,1 пайызға төмендеген

<a href="https://kyzylorda-news.kz/ru">Kyzylorda-news.kz.</a> Қазалы қаласындағы көгерген талдар мен бақтарда, айнадай тегіс асфальт көшелерде, самаладай жарқыраған шамдарда Мырзахмет Толыбайұлының алақанының ізі бар. Өзі туып, өскен қаланы жиырма жылдан астам уақыт басқарған азамат бүгінде қырық бес жылдық бейнеттің зейнетін көріп отыр.Туған жерге сіңірген еңбегі ескерусіз емес. Ауданның Құрметті азаматы атанды. Бірнеше жыл аудандық, қалалық Кеңестің депутаттығына сайланды. Бүкілодақтық Халық шаруашылығы жетістіктері көрмесіне қатысты. Қазақ ССР Мелиорация және су шаруашылығы Министрлігінің, Қызылорда облысының Құрмет грамотасымен марапатталған азаматпен елге келген кезінде сұхбаттасудың сәті түскен еді.– Мырзахмет аға, туған жерге қош келдіңіз! Әңгімені қызмет сатыңыздан бастасақ. Мамандығыңыздың техник-механиктігіне қарамай еңбек жолыңызды аудандық су шаруашылығы мекемесінде жүргізуші болып бастапсыз, неге?– Қашанда туған жердің қадірі бөлек ғой, шіркін! Елге келсем ерекше күй кешемін.Біздің заманымызда мектеп он жылдық болатын. Мектепті бітірген соң жоғары оқу орнына түсемін деп ойлайтынмын. Сөйтіп 8 класта оқып жүргенімде 11 жылдық оқу жөніндегі реформа шықты. Көптеген кластастарым жетіншіден кейін мектептен шығып, жұмыс істеді, кейбірі училищеге оқуға түсті. Мен де 8 класты бітіріп, емтихан тапсырып, Қазалы ауылшаруашылық техникумының механика бөліміне оқуға түстім. Техникумға өз қатарымнан кеш қабылдандым. Ойланып жүріп, мектептегі оқуды да жалғастыра берейін деп кешкі жұмысшы жастар мектебіне де құжаттарымды тапсырдым. Күндіз техникумда, кешке кешкі мектепте оқыдым.1966 жылы техникумды бітірген соң Қостанай облысына жұмыс істеуге жолдама берді. Бірақ мен ол жаққа бармай елде қалдым. 1965 жылы диплом қорғау кезінде сегіз ай практикада Қазалы аудандық суландыру жүйесі басқармасында өткізген едім. Сол кезде жүргізуші болып тұрып алдым. Арасында мекеме басшысынан сұранып, диплом жұмысын ойдағыдай қорғап шықтым. Осылайша аудандық суландыру жүйесі басқармасында жұмысымды жалғастырып қала бердім. Алайда бар ойым жоғары оқу орнына түсу болды. Су бөлімінде жұмыс істеп жүрген кезімде инженерлер В.Ералиев, К.Шамин, В. Павлочевтермен бірге мені машинамен ылғи жаз айларында каналдағы суды өлшеуге жіберетін. Ол кісілер өз ісінің шебері еді. Солардан нивелирмен, вертушкамен жұмыс істеуді үйрендім. Суды өлшеуді, нивелировка жасауды толық меңгердім және гидротехника саласының кітаптарын оқып, білімімді жетілдірдім. 1967 жылы инженер болдым.Ташкенттегі институтта сырттай оқыдым. Жылына екі рет сессияға барып, техникумда оқыған білімім бар, мамандығым бойынша істеп жүрген қызметім сәйкес келіп, 6 жыл оқуға тиіс институтты 5 жылда бітіріп шықтым.– «Өмір белестерім» деп аталатын кітабыңызда Қазалы қалалық советі атқару комитетінде, қала әкімшілігінде қызмет істеп жүрген кезіңізде ауданнан тыс жерлерге қызметке шақырылғандығыңыз туралы жазасыз. Елден жырақтамауыздың себебі неде?– Ауылшаруашылығын сумен қамтамасыз ету мекемесіндегі атқарған жұмысымды дұрыс бағалап, сол кездегі аудандық партия комитетінің бірінші хатшысы Елеу Көшербаев мені қалалық атқару комитетінің кеңес төрағасы етіп сайлады.Қала халқының өтініш-тілектері маған бұрыннан мәлім болатын. Білек сыбана кірісіп, қызмет еттік. Иә, көп жерге жұмыс бабымен шақыртулар болды. Бәрінен бас тартып, елдің, туып өскен жерді өрге сүйреуге ниетті болдым. Жиырма жыл қаланы басқардым. Белгілі ел азаматтарымен бірге азды-көпті жұмыстар істедік. Туған жерге деген махаббатым мені ауданнан алыстатпады.– Сіз туралы көзкөргендер жұмыстан тыс уақытта бау-бақша өсірумен айналысқандығыңыз туралы көп айтады. Тіпті аулаңызда экологиялық аймақта өспейтін жеміс-жидектер де болыпты. Жерді баптаудағы құпияңыз бар ма?– Ташкенттегі институтта сырттай оқыдым дедім ғой. Сессия кезінде барғанымда сондағы достарым үйлеріне шақырып қонақ ететін. Сол кезде олардың ауласын көріп, таң қалатын едім. Жайқалған жеміс-жидектің түр-түрі көз жауын алады. Кейін отбасын құрып, жеке үй салғанымда аулама жеміс-жидектің бар түрін ектім. Қазалыға жерсіне қоймайтын құрманы да өсірдім. Қызмет бабымен ауданға келген облыс әкімінің орынбасары Б.Жаукебаева ауламдағы құрманы көріп қатты таңданғаны әлі есімде.– Қазір Алматы қаласында тұрасыз. Елмен байланысыңыз қалай?– Елдегі елең еткен жаңалықтың ешбірінен қалыс қалған емеспін. Алматыда жүрсек те Қазалыдағы аудандық, облыстық деңгейде өтетін шаралардың бәріне біркісідей атсалысамыз. Қайда жүрсең де туған жерге бүйрегің бұрып тұрады. 2014 жылы қазақтың ержүрек батыры Жанқожа Нұрмұхамедұлының туғанына 240 жыл толу мерейтойын республикалық дәрежеде өткізу жоспарланғанда Алматыдағы қазалылықтардың ұйымдастыру кеңесінің мүшесі болдым. «Жанқожа батыр» қорына қаржы түсіруге белсене араласып, 7 миллион теңгеден аса ақша жинап, бүкілхалықтық іске лайықты үлес қостық. Бұдан өзге де іс-шараларға қызу қолдау көрсетіп келеміз.Ағайын-туыс, дос-жаранның шақыртуымен жылына 6-7 рет Қазалыға келіп тұрамын. Барлық жағдайың болса да елді аңсайсың. Көшеге шығып, кешке дейін жүрсең де бір адам келіп амандаспайды ғой. Ал елде тіптен бөлек. Мұнда келсең қолыңды қалтаңа салмайсың, көрген адамның бәрі амандасып, хал-жағдай сұрасып жатады. Туған жердің ерекшелігі де осында.– Туған жерге тілегіңіз…– Жері жомарт, халқы ақжарқын ауданның абыройы асқақтап, берекесі ортаймасын. Қазақылықтың қаймағы бұзылмаған қарашаңырақ іспеттес Қазалы көркейіп, гүлдене берсін!– Әңгімеңізге рахмет.

Мырзахмет Толыбайұлы: Туған жерге деген махаббатым мені ауданнан алыстатпады

<a href="https://kyzylorda-news.kz/ru">Kyzylorda-news.kz.</a> «Ісім оңсын десеңіз, Сол істің маманы болыңыз. Даңқым шықсын десеңіз, Көпшіліктің адамы болыңыз», – деген нақылды өмірлік ұстаным еткен қазалылық жас Ақмарал Жауынбаева жан-жақты белсенді.Бала кезінен бишілікке бейім ол қазір Қорқыт Ата атындағы Қазалы аудандық балалар музыка мектебінде хореограф. Жұмыспен қатар жеке кәсіп ашып, қыз-келіншектердің тән сұлулығы мен жан сұлулығын тең алып жүруіне септігін тигізіп жүр. Яғни кент орталығынан «CRACIA fitnes» студиясын ашты. Бұнда келушілер қатары күн санап артуда. Бізде фитнес залда болып, жаттықтырушымен тілдесіп қайттық.<blockquote>– Фитнес – дене пішімін емдеу әдісі әрі дене салмағын өзгертуге мүмкіндік береді. Физикалық жаттығуды дұрыс тамақтанумен үйлестіреді. Жаттығу жасау әр адамның дене бітіміне байланысты жеке таңдалады. Газдалған су, майлы тамақ, ұйқы және артық салмақтан арылтатын дәрі немесе шайлардан адам денесі ісініп, артық салмақ пайда болады. Фитнес – тек артық салмақтан арылу ғана емес, денсаулыққа да өте пайдалы. Бұлшық еттің қатаюы, буындардың сырқырауы, бел омыртқа жұмысы мен қан айналымды жақсартады. Сергек әрі жеңіл жүріп, ұйқыдан ерте тұруға әсері мол, – дейді фитнес тренер Ақмарал.</blockquote>Оның айтуынша, фитнеске тек артық салмақтан арылушылар ғана емес, аяғы ауыр келіншектердің де қатысуына болады. Өйткені жүкті әйелдерге де арналған терең тыныс алу жолдары және артық ісіктен арылу жаттығулары бар. Фитнес жас талғамайды. Аптасына үш рет жұмыс істейтін фитнес залда қырыққа жуық қыз-келіншек күніне бір жарым сағат жаттығады. Бағасы да қалтаға қонымды.Жаттығу залындағы келіншектердің бірі Айман: «Аудан орталығында осындай жаттығу залының ашылғанына ризамын. Әйел заты болған соң тұрмысқа шығып, өмірге бала әкелгеніме бақыттымын. Дегенмен дене бітімімде өзгерістер болды. Денімнің саулығымен қатар сыртқы келбет жинақы болғанын да қаладым. Сол себепті осында келдім. Еңбегім нәтижесіз емес», – деп қуанышымен бөлісті.<blockquote>– Көз қорқақ, қол батыр. Кәсіп ашарда үлкен қорқыныш пайда болды. Арманыма қол жеткізуіме қолдау көрсеткен ата-анама, бауырларыма алғысым шексіз. Өмір өзен тәрізді тоқтаусыз, ешкімге білдірмей өтіп жатады. Әркім өз арнасымен ағады, яғни таңдаған жолы бар. Мен де алдыма мақсат қойып, арманыма жетуге жастық күш-жігерімді жұмсаудамын, – дейді Ақмарал Саветқызы.</blockquote>

«CRACIA fitnes» студиясы қазалылықтарға қызмет көрсетеді

<a href="https://kyzylorda-news.kz/">Kyzylorda-news.kz.</a>&nbsp; Арал ауданында жол жөндеу жұмыстары қарқынды қолға алынуда. Әсіресе, моно және шағын қалаларды дамыту бағдарламасы &nbsp;аясында 5,55 шақырым болатын Арал қаласындағы 7 көшенің автожолының құрылыс жұмыстары жүргізілуде. Бұдан бөлек, аудан бюджеті есебінен бөлінген 37,9 млн.теңгеге 1,8 шақырым болатын Бөген елді мекенінің көшелері орташа жөндеуден өткізілсе, 21,3 млн.теңгеге 4000 шаршы метрді құрайтын қала көшелерінің автожолдары ағымдағы жөндеуден өткізілуде. Арал ауданындағы осы және өзге да атқарылып жатқан құрылыс жұмыстарын бағамдау мақсатында Аудан әкімінің орынбасары Қ. Әбсұлтанов және аудандық мәслихат төрағасы Б. Төрахметов бірқатар құрылыс нысандарын аралап, жұмыс барысымен танысты.&nbsp;Алдымен моноқалаларды дамыту бағдарламасы бойынша көшелерді жарықтандыру және жол жөндеу бойынша атқарылып жатқан жұмыстарды бақылады. Аталған бағдарлама аясында Арал қаласындағы 7 көшеге асфальт жабындысы төселіп, жарықтандырылатын болады. Қазіргі таңда Ә.Сатаев көшесіне қиыршық тас жайылып, Төле би көшесі асфальтталуда. Құрылыс басында жол жөндеу жұмыстарымен айналысып жатқан мердігер мекеменің басшысымен тілдеске аудан әкімінің орынбасары жұмыстың сапалы әрі тыңғылықты атқарылуын баса назарға алуды тапсырды.&nbsp;Одан соң аудан әкімінің орынбасары мамыр айында басталған темір жол үстінен өтетін аспалы көпір құрылысының басында болды. Мұнда көпір астына салынатын тіреуіш жар орнатуға әзірлік жүргізулуде. Еске салайық, Арал қаласындағы темір жол үстінен аспалы көпір салу құрылысына мемлекеттік сараптаманың оң қорытындысы алынған болатын. Көпірдің ұзындығы 940 метрді құрайтын болса, қосымша екі жағынан жаяу жүргіншілер жолы мен түнгі жарық шамдары және жақын жерде орналасқан тұрғындарға келеңсіз жағдай тудырмас үшін дыбыс басқыш құрал-жабдықтарымен қамтылатын болады деп жоспарлануда. Жоспарланған жұмыстардың сапалы болуын басшылар қатаң тапсырды.&nbsp;Мұнан кейін аудан әкімінің орынбасары Қ. Әбсұлтанов және аудандық мәслихат төрағасы Б. Төрахметов құрылысы өткен жылы бастау алған «Балықшылар аллеясына» барып, құрылыс жұмыстарымен таныс болды. Өткен жылы Арал қаласының 95 жылдық мерейтойы қарсаңында ашылған «Балықшылар аллеясы» аз уақыттың ішіде қала тұрғындарының сүйікті демалыс орнына айналды. Мүндағы көркейту-көғалдандыру бағытындағы құрылыс жұмыстары әлі де жағасын табуда. Атап өтейік, балықшылар аллесына насос стансасы, маяк, шахмат ойын алаңы мен жаяу жүргіншілер жолы, түнгі жарықшамдар орнатылуда.&nbsp;Арал қаласындағы атқарылын жатқан жұмыстармен таныстқан аудан әкімінің орынбасары, аудандық мәслихат хатшысы, және тиісті сала басшылары құрылыс жұмыстарына жауапты мердігер мекеме басшыларына барлық жұмыстарды сапалы әрі уақытылы аяқтауды тапсырды.

Аудан әкімінің орынбасары құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Мәжілісінің депутаты, «Respublica» партиясының төрағасы Айдарбек Ходжаназаров іссапармен Қызылорда облысына келді. Іссапар барысында өңірдің ауыл шаруашылығы және экологиялық мәселелері талқыланды.Мәжіліс депутаты алдымен Қызылорда су торабына барды. «ҚазСуШар» РМК облыстық филиалының басшысы Р.Ахметовпен, Арал-Сырдария бассейіндік инспекциясы басшысының міндетін атқарушы З.Қазтоғановпен, табиғи ресурстар және табиғат пайдалануды реттеу басқармасының басшысы М.Құрманбаевпен, ауыл шаруашылығы және жер қатынастары басқармасының басшысы Т.Дүйсебаевпен және Қызылорда су торабының қызметкерлерімен кездесіп, аймақтағы су шаруашылығының бүгінгі ахуалымен танысты.Одан әрі, Айдарбек Асанұлы Нағи Ілиясов ауылының тыныс-тіршілігімен танысып, «Мағжан и К» ЖШС-нің егіс алқабына арнайы барды. Аталған шаруашылықта биылғы жылы 4000 гектар жерге күріш дақылы егіліп, күтіп-баптау жұмыстары жүргізілуде.Бұдан бөлек, облыс әкімінің міндетін атқарушы Серік Қожаниязов, Айдарбек Ходжаназаровтың қатысуымен «Қызылорда облысының экологиялық мәселелері» жөнінде дөңгелек үстел өткізіп, судың жетіспеушілігі, күріштің шығымдылығы, көрші мемлекеттермен тәжірибе алмасу және ғылыми тұрғыда сүйемелдейтін кадр мәселелерін жан-жақты талқылады.Сондан соң, БАҚ өкілдерімен кездесіп, аймақтың ауыл шаруашылығы, экология және су шаруашылығы туралы сұхбат берді.Сондай-ақ, Айдарбек Асанұлы «Мағжан және К» ЖШС-нің күріш ақтау зауыты мен «Ассоль» тұз өндіретін зауытының жұмысымен танысты. «Мағжан и К» ЖШС-гі еліміздегі алғашқы цифрлық технологиясы дамыған бірден-бір кәсіпорын. Қуаттылығы жылына 33,6 мың тоннаға дейін күріш өнімін өңдейді. Кәсіпорын күріш өсірумен қатар тұқым шаруашылығында элиталық тұқым өндірумен де айналысады.ҚР Парламенті Мәжілісінің депутаты Айдарбек Ходжаназаров облысқа жасаған жұмыс сапары соңында аймақтың әлеуметтік-экономикалық дамуына оң бағасын беріп, көтерілген экологиялық мәселелердің үнемі назарда болатындығын және оның шешу жолдарын Мәжілістегі қызметінің негізіне алатындығын жеткізді.<figure class="image"><img src="https://knadmin.beoblood.kz/uploads/763caa3e_18b4_46be_9af7_1e6d653f7acf_c882199a76.jpg" alt="763caa3e-18b4-46be-9af7-1e6d653f7acf.jpg"></figure>

Парламент мәжілісінің депутаты А.Ходжаназаров Қызылорда облысына жұмыс сапарымен келді

<a href="https://kyzylorda-news.kz/">Kyzylorda-news.kz.</a>&nbsp; Жыл сайын күн жылысымен кенеден зардап шегетіндер саны артып, аса қауіпті Конго-Қырым геморрагиялық қызбасына шалдығатындар қатары көбейеді. Жыл басынан бері 700-ден астам адам кене шағумен медициналық көмекке жүгінген, арасында аса қауіпті дертті жұқтырғандар да бар. Эпидахуалдың күрделі болуына байланысты «Қоғамдық денсаулық сақтау» ұлттық орталығынан арнайы мамандар іссапармен келген болатын. Бүған дейін мәлімдегеніміздей, жұмысшы топ Шиелі, Жаңақорған, Қармақшы аудандарына барып жағдаймен танысқан болатын.&nbsp;Ендігі кезекте Сырдария, Жалағаш және Қызылорда қаласында болып, жауапты мекемелермен кездесті. Облыстың санитариялық-эпидемиологиялық бақылау саласының эпидемиолог мамандары мен емдеу мекемелері дәрігерлерінің қатысуымен аса қауіпті аурулардың алдын алу мәселелерін талқылады.Аса қауіпті инфекциялық аурудың эпидемиологиялық, эпизоотикалық ахуалын баяндап, аурушаңдықтың алдын алу бағытында санитариялық-эпидемиологиялық бақылау бағытында атқарылып жатқан жұмыстар барысы баяндалды.&nbsp;Күннің жылынуымен табиғатта белсенділігі арта түсетін кенелерді зерттеу жұмыстары, оларға қарсы қолайсыз аймақтарда жүргізілетін залалсыздандыру шаралары мен энтомолог мамандармен жүргізілетін барлау жұмыстары мен өзге де алдын алу шаралары сөз болды.&nbsp; Ауруларды ерте анықтау, өлім жағдайларын болдырмау бойынша атқарылатын жұмыстар талқыланып, проблемалық мәселелер көтерілді, оларды шешу бойынша нақты тапсырмалар берілді.Кененің шағуы неге қауіпті?Жазда жазғы серуендеу, саяхаттау, табиғатта болу кезінде кене шағу қаупі артады. Кене адамға жабысады және анестетикалық затты енгізгендіктен мүлдем ауыртпайды. Аш кене өте кішкентай – көкнәр тұқымының мөлшеріндей ғана болады. Кене адамның денесінде 12 күнге дейін жабысып тұра алады және осы уақыт ішінде диаметрі 2 см болатын шардың мөлшеріне дейін өседі.Кейбір жағдайларда кенелер энцефалит, кене сүзегі, кене боррелиозы, Конго-Қырым геморрагиялық қызбасы сияқты қауіпті аурулардың тасымалдаушысы болып, аллергиялық реакциялар тудыратынын есте ұстаған жөн.Егер кене шағып алса не істеу керек?Ең дұрысы дереу дәрігерлерге медициналық көмекке жүгіну керек.Біріншіден, кенені толығымен өз бетінше алу мүмкін емес. Кененің басы жұлынып, жараның ішінде қалуы мүмкін.&nbsp; Екіншіден, ем-шара кезінде кенені ұсақтауға болады. Жәндіктердің уы денеге тері арқылы да енуі мүмкін. Ем-шараны жүргізушіге жұқтыру қаупі бар.Үшіншіден, егер сіз кенені өзіңіз алып тастасаңыз оның жұқтырғыштығын білу мүмкін болмайды және оны тексеру үшін маманға бару керек.Егер кене шағып алғаннан кейін дене температурасының жоғарылауы, ауырсыну, қатты бас ауруы байқалса, дереу дәрігермен кеңесу керек. Өзін-өзі емдеу қайғылы салдарға әкелуі мүмкін.Жәндіктермен байланыста болудан қалай сақтануға болады? Табиғатқа (жайылымға, егістікке және демалыс орындарына) барған кезде жәндіктердің шағуынан қорғану құралдарын (репелленттерді) өзіңізбен бірге алыңыз.Қатты, ашық түсті киіммен жақсы киініп, дененің ашық жерлерін (бет, мойын, қол, тобық) мүмкіндігінше азайтуға тырысыңыз, жабық аяқ киім киіңіз.

Кенеге қарсы күрес шаралары өзекті

<a href="https://kyzylorda-news.kz/">Kyzylorda-news.kz.</a>&nbsp; Аймақтағы 330 мектепте (295 мемлекеттік, 24 жекеменшік, 8 кешкі мектеп, 3 арнайы мектеп-интернат) 179 869 оқушы білім алуда.2022-2023 оқу жылының қорытындысы бойынша 11 – сыныпты бітіруші 8 051 түлектің 7 219 – ы немесе 89,6 % - ы ҰБТ-ға қатысты. Түлектердің орташа балы 87-ні құрады.1213 түлек 100 және одан жоғары балл жинаған. Шекті деңгейден өтпегендер саны (49 балдан төмен) – 223. Мемлекеттік грант конкурсына 6996 түлек қатысуда. Облыс бойынша ең жоғары – 137 балды Арал ауданы №220 орта мектептің түлегі алды.Сол секілді Қызылорда қаласының сынақ тапсырушылары 134, Қазалы, Қармақшы, Сырдария аудандары және №9 Білім - инновация лицейінің түлектері 133 балл жинап, жоғары нәтижеге жетті.Оқу жылын 514 түлек «Алтын белгіге» және 823 түлек «Үздік аттестатқа» аяқтады.Жаңа 2023-2024 оқу жылында 1 – сыныпқа 17 543 бала келеді деп күтілуде. Оның ішінде 16 141-і немесе 92 % - ы қазақ сыныбына 1 402 – і немесе 8 % - ы орыс сыныбына оқуға өтініш білдірген.Мемлекет басшысы «Жайлы мектеп» ұлттық жобасы аясында 800 мың орынға лайықталған білім ошақтарын салуға тапсырма бергені белгілі. Ұлттық жоба аясында облыста 2023-2025 жылдары 15 100 орынға арналған 21 мектептің құрылысын салу жоспарлануда.Атап айтқанда, Қызылорда қаласында 8, Арал ауданында 4, Қазалы ауданында 2, Қармақшы ауданында 2, Жалағаш ауданында 1, Сырдария ауданында 1, Шиелі ауданында 1, Жаңақорған ауданында 2 мектеп салынады.Оның ішінде 10 мектеп 2024 жылы, 11 мектеп 2025 жылы пайдалануға беріледі деп күтілуде.Бүгінде аймақта 6 апатты (Арал ауданы №248 мектеп, Қазалы ауданы №94 мектеп, Қармақшы ауданы №105,108 мектептер, Шиелі ауданы №45,133 мектептер), 6 үш ауысымдық оқытуға көшуі мүмкін мектеп (Қызылорда Абай мектебі №3,101,261,264,280) бар .Қазір Арал ауданы Тоқабай елді мекеніндегі апатты №248 мектепті жеке инвестор салуда. Мектеп осы жылы пайдалануға беріледі. 4 апатты мектептің құрылысы (Қазалы ауданы №94 мектеп, Қармақшы ауданы №105,108 мектептер, Шиелі ауданы №45) «Жайлы мектеп» пилоттық ұлттық жобасына енгізілді. Жоспарға сәйкес мектептер 2024-2025 жылдары іске қосылмақ.Сонымен қатар, Шиелі ауданы Жансейіт елді мекеніндегі 100 орындық №133 мектептің құрылысына жоба-сметалық құжаттама әзірленді. Бұл құрылысты Білім беру инфрақұрылымын қолдау қоры есебінен қаржыландыру ұсынылды.Қызылорда қаласындағы 6 үш ауысымды мектеп бойынша былтыр Абай мектебіне 550 орындық, №101 мектеп-лицейге 375 орындық қосымша ғимарат құрылысы басталды. Аталған нысандар жаңа оқу жылында пайдалануға беріледі.Биыл пайдалануға берілетін Жезқазған трассасы бойындағы 600 орындық мектеп есебінен үш ауысымды №261, 280 мектеп мәселелері шешімін табады. Сондай-ақ, №264 мектеп-лицейге 550 орындық, №3 мектеп-лицейге 375 орындық қосымша оқу ғимаратының құрылысы биыл басталды.

Мемлекеттік грант конкурсына 6996 түлек қатысуда

<a href="https://kyzylorda-news.kz/">Kyzylorda-news.kz.</a>&nbsp; Қазгидромет ел аумағында 21 шілдеде болатын қауіпті метеорологиялық құбылыстарға болжам жасады.Атмосфералық фронтальды бөлімдердің өтуіне байланысты еліміздің басым бөлігінде тұрақсыз ауа райы сақаталады, жаңбыр жауады, күндіз Ақмола облысында – қатты жаңбыр, найзағай, бұршақ, дауыл күтіледі. Тек республикамыздың батыс және оңтүстік-батыс бөліктерінде антициклонның әсерінен ауа райы - жауын-шашынсыз.<blockquote>«Күндіз Атырау, Жамбыл облыстарында, Маңғыстау, Қарагаңды, Шығыс Қазақстан, Ұлытау, Абай облыстарының оңтүстігінде 35-38°С қатты ыстық күтіледі.Түркістан, Жамбыл, Шығыс Қазақстан, Қарағаңды, Ұлытау, Жетісу, Абай облыстарының басым бөлігінде, Ақмола облысының оңтүстігінде, шығысында, Қызылорда облысының орталығында, шығысында, Павлодар облысының оңтүстігінде, Ақтөбе облысының оңтүстік-шығысында, Маңғыстау облысының солтүстік-батысында, оңтүстігінде, орталығында, Атырау облысының батысында төтенше өрт қауіпі сақталады», - деп жазды ведомстводан.</blockquote>Алматы облысының, Солтүстік Қазақстан облысының батысында, оңтүстігінде, Қостанай облысының оңтүстігінде жоғары өрт қауіпі күтіледі.

Жұмаға арналған ауа райы болжамы 

Отбасын қолдау мемлекет назарында

Аралдық ардагерлердің киелі қалаға сапары ұйымдастырылды 

<a href="https://kyzylorda-news.kz/">Kyzylorda-news.kz.</a>&nbsp; Арал қаласында атқарылып жатқан жұмыстар баршылық. Осы кезге дейін жарық немесе жол көрмеген көшелерге сән кіріп жатқанын естігенде кәдімгідей ішің жылып қалады екен. Өз көшемізде болмаса да қырық күн шілдеде шырақ көрмеген көшелердің бойындағы жұмысты көзбен көрмекке қаладағы Төле би көшесінің бойына келгеніміз сол еді, 1 шақырым бойы тартылған тіндей тас жолды көріп, қуанып қалдық. Екінші қайтара төселіп жатқан асфальттың қалыңдығы қолымдағы телефонмен бірдей. Жұмысты жүргізіп жатқан жол салу ісінде көп жылдық тәжірибесі және мүмкіндігі де бар мекеме «Арал құрылысы» ЖШС екен. «Бітер істің басына, жақсы келер қасына» деуші ме еді. Көше бойындағы қызу жұмыстың басында мекеме басшысы, аудандық мәслихат депутаты Мейрамбек Құлмырзаев ағамыз жүр екен. Жасалып жатқан жұмысты бізге қысқаша баяндады да толыққанды ақпаратты жанындағы сенімді өкілі Асқар Келжанов берітіндігін жеткізді.Бұл жолы аталған мердігер мекеме өз жауапкершілігіне сол маңдағы қатар орналасақан үш көшені алған екен. Ә.Сатаев, Төле би және С.Мұханов көшелері енді тас жолмен қатар түнгі жарықпен де қамтылады. Басталған істің бітуіне де көп қалған жоқ. Ісіне тиянақты мекеме қолға алған жұмысты айтылған уақытында бітіруді басты орынға қойған. Ары кетсе бір жарым айдың шамасында біз айтып өткен үш көше толық асфальттанады және жарықтандырылады.<blockquote>– Біз бұл жұмысты 2022 жылы мемлекеттік сатып алу жұмыстары арқылы алдық. Жоба облыстық және республикалық бюджет есебінен қаржыландырылды. Әр көшенің орташа қашықтығы 1 шақырымға жуықтайды десек, үш көшенің жалпы ұзындығы 3 шақырым шамасында деуге болады. Қазір осы жұмыстардың басы-қасында барлығы 10-ға жуық техника жүр. Баста тегістелген шебін жолдың бетіне бірінші қабаты төселді. Енді міне, өзіңіз көріп отырғандай екінші қабаты төселіп жатыр. Екеуінің қалыңды 13 сантиметрдей болады. Біз өз жұмысымызға сөз келтірмеу үшін жұмысты барынша сапалы жүргізуге тырысамыз. Басшылар жұмысты ұдайы бақылауда. Мәселен осы маңда учаске бастығы Әмірхан Бекежанов жүр. Осы жұмыстардың сапалы жүргізілуіне сол кісі жауапты болғандықтан бақылауды басты назарда ұстайды. Алла сәтін салса осы жұмыстарды келер айдың орта тұсына дейін бітіремізбе деген жоспарымыз бар, – дейді А.Келжанов.</blockquote>Күннің мына ыстығында ыстық асфальттың үстінде жұмыс істеу әсте оңай емес. Өйткені төселіп жатқан әлгі асфальттар зауыттан 180 градуста қайнатылған күйі әкелінеді. Оның қызуы тиісті жерге жеткенше басылмайтыны белгілі ғой. Мұндайда ыстық лебтің өтінде жұмыс істейтін оператор укладшиктер Тұрсын мен Нұрсұлтан. Ал Бақытжан болса қызуы кетпеген сол тас жолды тізгініндегі ауыр техникамен тегістеп отырады. Барлық жұмыс басшылық тарапынан ұдайы бақылауда болады.Көше бойындағы қарбалас тірлікті тұрғындар да жақсы ырымға балайды. Өйткені сол көшелердің басымен алдағы уақытта көп жылдардан бері айтылып келе жатқан аспалы көпір өтеді. Оның да алғы жұмыстары басталып кеткен. Қазір көше басындағы алып ойпат пен тау боп үйілген топырақтар қызу тірліктің боямасыз бейнесіндей.<blockquote>– Біздің көше көше болғалы асфальтталған емес. Жарықтың да жыры бітпей келген болатын. Былай келгенде тап осы жұмыстар көше тұрғындарының неше жылдан бергі арманы еді. Енді міне, сол күнді көрер кезге келдік. Қазір жұмыстардың қызу жүргізіліп жатқанына куәміз. Ары-бері өткен сайын техникалардың үнін құлағымыз шалып, тоқтаусыз істеліп жатқан жұмыстарды көзіміз көріп жүр. Бастысы жұмыс басталды. Енді оның бітер уақыты да алыс емес деп ойлаймын. Жұмыс жүргізіп жатқан мекемені де өз ісіне тиянақты әрі тындырымды деп ел айтып жұр. Бәріне уақыт төреші енді. Біз бірақ қаламыздың жарқырап жайнап, жыл өткен сайын жасара бергенін қалаймыз. Енді бір 2-3 жылда бұл маңдағы өзгерісті өзім де көз алдыма елестете алмаймын. Бәрі басқаша болатын сияқты. Лайым солай болсын, – дейі қала тұрғыны А.Қосбармақов.</blockquote>Біз куә болған жұмыстар легі осындай болды. Қысқаша айтқанда Аралда қолға алынып жатқан жұмыстар жеткілікті. Тек оны көруге көз керек, айтуға сөз керек.<figure class="image"><img src="https://knadmin.beoblood.kz/uploads/71f7f033_5558_428c_8d3a_f6a4ef92e5f8_08a0601b15.jpg" alt="71f7f033-5558-428c-8d3a-f6a4ef92e5f8.jpg"></figure>

Қазақстан және Қызылорда облысының жаңалықтары