<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының әкімі Берік Сәрменбаев Ақжарма ауылдық округіндегі «Ақжарма-2» шаруа қожалығының жұмысымен танысып, шаруалармен кездесті.&nbsp;Ауданның елді мекендерінің арасында Ақжарма ауылының өзіндік орны бар. Бұл ауыл республика бойынша тірек ауылдардың қатарында. Ауылдағы Марат Бисенов Алдабергенұлы басқаратын «Ақжарма-2» шаруа қожалығы 2012 жылы құрылып, жұмыс жасап келеді. Шаруашылықтың негізгі бағыты – егін егу және мал шаруашылығы өнімдерін өндіру.&nbsp;Бүгінде 92 адам тұрақты жұмыспен қамтылған. Шаруа қожалықтың жер көлемі 5784 гектарды құрайды. Оның ішінде егістік 1267 гектар, жайылымдық 2796 гектар, бөгде жерлер 1721 гектарды құрайды.Шаруашылықта биылғы жылы 1172 гектар күріш, 120 гектар бидай егіліп, 162 гектар ескі жоңышқаны күтімге алынған. Шаруашылықта 162 гектар ескі жоңышқаның І-орымынан 215 тонна мал азықтық шөп жиналды, орта өнімі 15,5 цн/га келді.Кездесу барысында аудан басшысы Берік Әбдіғаппарұлы шаруалардың биыл да егін жинау науқанын дер кезінде аяқтап, ел – халық несібесін молайтуға өзіндік үлес қосатындығына сенім білдірді.Айта кету керек, Мемлекеттік «Ауыл-Ел бесігі» бағдарламасы аясында Ақжарма ауылдық округінде ауқымды жұмыстар жүргізілген. Аталған бағдарлама аясында былтыр жоба құны 186,7 млн теңгені құрайтын Ақжарма елді мекенінің 5 көшесін орташа жөндеу, жарықтандыру жұмыстары жүргізілген.Ауылда аяқ су, ауыз су мәселелері шешімін тапқан. Аймағымыздың экономикасына дамытуда ерекше орын алатын, тіректі елді мекен қатарындағы ауылда толымды тірліктер жүргізілуде.

Сырдария ауданының әкімі шаруалармен кездесті 

Жаңақорғандық жастардың көпшілігі кәсіпкерлікке бет бұрған

<a href="https://kyzylorda-news.kz/">Kyzylorda-news.kz.</a> Арал ауданы орталығынан шамамен 154 шақырым қашықтықта орналасқан 724 тұрғыны бар Жіңішкеқұм ауылдық округі де бүгінде біршама дамыған.<blockquote>Кәсіп бастаймын деген ауыл тұрғындарына мемлекет қайтарымсыз грант бөліп, жыл басынан бері мал басы көбейтіп келеді. Сонымен бірге ауыл көркін келтіретін жарық шамдар орнатылып, бүгінде халық игілігіне жарап отыр. Демеуші есебінен ауыл ішіндегі балалар ойын алаңына, кіші футбол алаңына жөндеу жұмыстары жүргізілген болатынСондай-ақ мердігер есебінен жаңадан 20х40 кіші футбол алаңын салуға &nbsp;сметалық құжаттары жасалынып, бюджеттік өтінім тапсырылды,–дейді ауыл әкімі Мұхансерік Әлішев.</blockquote>Бүгінгі басты мәселелердің бірі – жұмыссыздық екені анық. Атаулы мәселенің алдын алу жұмыстары Жіңішкеқұм ауылдық округінде де жүйелі атқарылып келеді. Жалпы жыл басынан бері жаңа жұмыс орындарына 8 адам қабылданып, 6 адам такси қызметіне патент алып жұмыс жасайды екен. Сонымен қатар атаулы округте 18 адам қоғамдық жұмысқа қабылданып, жұмыс істеуде.Құрылыс саласы бойынша ауылдық окуругте 100 орындық №248 орта мектебінің құрылыс жұмыстары жүргізіліп жатыр.Ауыл көлемінде тазалық және қайырымдылық жұмыстары ауыл жастары, шаруа қожалықтары, жеке кәсіпкерлермен және ауыл тұрғындары қолдауымен бірге жүйелі түрде ұйымдастырылып, өзге де көптеген жұмыстар қоғамдық келісім кеңесімен бірігіп атқарылады. &nbsp;

Жіңішкеқұм ауылдық округінде 100 орындық мектеп құрылысы жүріп жатыр

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің баспасөз қызметінің хабарлауынша, облыстық онкология орталығы биылғы 19 шiлдеден бастап модульдік инфекция орталығында халыққа қызмет көрсететін болады.&nbsp;Онкология орталығы 2002 жылдан бері пациенттердің стационарлық ем қабылдауына бейімделмеген облыстық көпбейінді аурухананың әкімшілік-техникалық бөлімінде орналасқан болатын. Ендi орталық кең әрi науқастардың ем алуына толық жағдай жасалған 200 төсек-орынға арналған жаңа ғимаратта жұмысын жалғастырмақ.&nbsp;Сондай-ақ, орталықтың емхана бөлімі дәрігер кеңесін алуға және жоспарлы ем қабылдауға жолданған пациенттерді де қабылдайды.&nbsp; Жаңа ғимараттың әр палатасы 2-3 ем алушыға арналған. Пациенттер үшін арнайы санитарлық тораптармен (әжетхана, жуыну бөлмесі), желдеткіш, орталықтандырылған оттегімен қамтамасыз етілген.&nbsp;Жансақтау бөлімі 6 төсек-орыннан 12-16 төсек-орынға дейін кеңейтілген. Жабдықталған 2 операциялық залы бар. Ғимарат қосымша жаңа компьютерлік томограф, заманауи рентген аппараты, видеоэндоскопиялық аппаратпен жабдықталған.Айта кетейік, Көптен күткен Қызылорда облыстық онкология орталығы Қызылорда қаласы Берке хан 49 «А» мекен-жайында орналасқан. &nbsp;<figure class="image"><img src="https://knadmin.beoblood.kz/uploads/361905603_580645474256701_4771661718273674651_n_c0fa941ca4.jpg" alt="361905603_580645474256701_4771661718273674651_n.jpg"></figure>&nbsp;<figure class="image"><img src="https://knadmin.beoblood.kz/uploads/362211376_580645507590031_8881996659815489995_n_6acaac0962.jpg" alt="362211376_580645507590031_8881996659815489995_n.jpg"></figure>&nbsp;<figure class="image"><img src="https://knadmin.beoblood.kz/uploads/362256535_580645397590042_3951736899699927_n_b58bfdfa7d.jpg" alt="362256535_580645397590042_3951736899699927_n.jpg"></figure>&nbsp;<figure class="image"><img src="https://knadmin.beoblood.kz/uploads/361908746_580645420923373_5576627991496616061_n_7f5bee2140.jpg" alt="361908746_580645420923373_5576627991496616061_n.jpg"></figure>&nbsp;<figure class="image"><img src="https://knadmin.beoblood.kz/uploads/361898877_580645407590041_953802843966828802_n_84425de080.jpg" alt="361898877_580645407590041_953802843966828802_n.jpg"></figure>

Модульдік инфекция орталығының ғимараты облыстық онкология орталығының меншігіне берілді

<a href="https://kyzylorda-news.kz/">Kyzylorda-news.kz.</a>&nbsp; Жаз басталысымен балалардың көпқабатты үйден құлау оқиғасы жиілей түседі. Екінші, үшінші және одан да жоғары қабаттан құлағандар көбіне терезедегі торды ұстап, оқыс жағдайға ұшырап жатыр. Тұрғындар терезеге тапсырыс беру кезінде москит торды балалардың бойы жетпейтін жеріне орнатса немесе басқа да қалқандар арқылы сақтық шараларын қатаң қадағаласа, терезеден қатер төнбеуші еді. Жазда асыр салып ойнағанның орнына бүлдіршіндер денсаулығына зақым келіп ауруханада жатыр.<blockquote>Жаз басталса дәрігерлердің кішкентай пациенттерден қолы босамайды. Ал жел қақтыру үшін ашқан терезеден ауып құлаған сәбилердің статистикасы мүлдем қорқынышты. Олардың бірлі-жарымы жарақаттан жеңіл құтылса, бірі мерт болады. Көп жағдайда медицина әлсіз, бала мүгедек болып қалуы мүмкін. Жоғары қабаттан балалардың абайсызда құлау оқиғалары бойынша тіркелген мәліметтерге сүйенсек, олардың жасы әлі беске де толмаған. Еңбекке жарамды азаматтар арасында мұндай жағдайларға көбінесе құрылыс мамандары ұшырайды. Әсіресе, егде жастағы азаматтар үшін құлаудың салдары өте ауыр болады. Ата-аналарға көпқабатты үйлерде балаларды терезеге жақындатпай, мұқият болуларын ескертеміз, – деді облыстық төтенше жағдайлар департаменті бөлім бастығының міндетін атқарушы, азаматтық қорғау капитаны Жанболат Бақбергенов.</blockquote>Статистикаға сүйенсек, қайғылы жағдайлардың көбісі ата-ананың қарауынсыз қалғанда немесе салғырттықтан болады. Ойын баласының кез келген нәрсеге әуестеніп, қолды-аяққа тұрмай, мазасыз болатыны айтпаса да түсінікті. Сондықтан сәбиіңіздің өміріне қауіп төнбес үшін, оның әр қадамына абай болғаныңыз абзал.Мәселен, жақында ғана орын алған оқиғадан көпшілік үркіп қалды. Қызылорда қаласында жеті жасар ер бала бесінші қабаттан құлап кетті. Оқиға 12 шілде күні сағат 12:45 шамасында Жаппасбай батыр көшесіндегі көпқабатты үйдің бірінде болған.<blockquote>Бес қабатты тұрғын үйдің бесінші қабатынан 2016 жылғы ер бала құлап кеткен. Ол алған дене жарақатымен ауруханаға жеткізілді. Жағдайы орташа ауыр деп бағаланып отыр. Тұрғындардан қауіпсіздік шараларын сақтауды сұраймыз, – деді облыстық төтенше жағдайлар департаменті баспасөз қызметінің жетекшісі Айгүл Нұрманова.</blockquote>Ведомство мәліметінше, жыл басынан бері жеті бала көпқабатты үйдің терезесінен құлап кеткен. Оның арасында біреуі алған дене жарақатынан көз жұмды.

Терезеден қатер төнбес үшін сақтық қажет

<a href="https://kyzylorda-news.kz/">Kyzylorda-news.kz.</a> Осыдан бірнеше ай бұрын өңірде жалған банкноттарды сақтау және бірнеше рет өткізу фактісі бойынша қылмыстық іс тіркелді. Осыған орай, ҚМА Қызылорда облысы бойынша департаменті тергеу жұмыстарын аяқтап, іс материалын сотқа жолдаған болатын. Бүгінде 28 жастағы Қызылорда қаласының тұрғыны Қазақстан Республикасының ҚК-нің 231-бабының 2-бөлігінің 2) тармағымен кінәлі деп танылып, оған 5 жыл мерзімге бас бостандығынан айыру жазасы тағайындалды.&nbsp;Сондай-ақ, Қазақстан Республикасының ҚПК-нің 178-бабы 1-бөлігінің талабына сәйкес сотталушыдан мемлекет кірісіне сот-техникалық зерттеу сараптамасына жұмсалған процестік шығын өндірілетін болады. Оған қоса &nbsp;ҚК-нің 98-2-бабының 4) тармағының талабына сәйкес сотталушы жиырма айлық есептік көрсеткіш мөлшерінде 69 000 теңге жәбірленушілерге өтемақы төлейді.&nbsp;Енді айыпталушы жазасын қылмыстық-атқару жүйесінің қауіпсіздігі барынша төмен мекемесінде өтейтін болады.&nbsp;Еске сала кетсек, қала тұрғыны номиналы 20000 теңгелік бірнеше банкноттарды сақтап, оны жанар-жағар май құю бекеті мен автобөлшектер сататын дүкенге өткізіп отырған. Әрі қайтарымына ҚР Ұлттық банкінің түпнұсқа банкноттарын алып отырған.

Жалған банкнот пайдаланғаны үшін қызылордалық жазаланды

<a href="https://kyzylorda-news.kz/">Kyzylorda-news.kz.</a> «Қыстың қамын жазда ойла» деген. Алда қылышын сүйретіп ызғарлы қыстың келері анық. Осы орайда ертеңгі күнді бүгіннен бастап ойлаған аудан басшылығы қатты отын тасмалдайтын кәсіпкерлермен кездесіп, шаруаның жай-жапсарын талқылады.&nbsp;2022-2023 жылғы жылыту маусымына Қазалы ауданы бойынша 20000 тонна қатты отын қажеттілігі жоспарланып, оның ішінде 16500 тоннасы халық тұтынуы үшін, қалған 3500 тоннасы әлеуметтік нысандарға пайдалану көзделген.&nbsp;Жоспардың айға бөлінісі негізінде тамыз айынан бастап 2024 жылдың ақпан айына дейін толық көлемде орындау үшін тиісті жұмыстар жүргізілуде.&nbsp;Соған сәйкес аудан әкімінің орынбасары Жалғас Сүйеубаев аудандағы көмір тасымалдаушылардың әкімшілік ғимараттарына арнайы барып, жылу беру маусымына дайындық жұмыстарын пысықтады.&nbsp;Кездесуде тамыз, қыркүйек айларында көмірге деген сұраныстың туындайтынын айтқан Жалғас Оңғарұлы аудан орталығы Әйтеке би кентінде орналасқан "ТОҒЫС-Аралотын" ЖШС-нің жүк түсіру орнына маусым, шілде айларында 350 тонна, жалпы жыл басынан бері барлығы 900 тонна тасымалданғанын жеткізді.Сондай-ақ, тамыз-қыркүйек айлары үшін ауданға жоспарланған 5000 тонна көмірдің мерзімінде жеткізілуі үшін вагон жетіспеушілігін болдырмау мақсатында ұсыныс жолданғанын айтты.

Қазалы: Аудан әкімінің орынбасары қатты отын тасымалдаушылармен кездесті

<a href="https://kyzylorda-news.kz/">Kyzylorda-news.kz.</a> Түркі халықтарының ортақ бабасы саналатын Махмұд Қашқаридың «Кісілік пен кішілік – ұлылықтың белгісі» деген қанатты сөзі бар. Бойына адамгершілік пен кішіпейілділікті, қоғамға деген қамқорлық пен ізеттілікті сыйдырған жандар арамызда аз емес. Солардың бірі – салық саласының ардагері, «Қазалы» газетінің қоғамдық негіздегі тілшісі Кемал Көпжасар десек қателеспейміз.&nbsp;Саналы ғұмырын туған топырақтың өсіп-өркендеуіне арнаған оның өмір жолы да сан қырлы. Баспасөз беттерінде түрлі тақырыпқа, аудандағы өзекті мәселелерге қалам тербеп жүрген аға буын өкілімен ашық-жарқын әңгіме айтып, аз-мұз сұхбат құрған едік.– Құрметті Кемал аға, өмір дейтін ұлы теңізде жетпістің желкенін керіп жатырсыз. Мерейлі мерекеңіз құтты болсын! Осы өнегелі өмірдің бастау бұлағы қай жер?– Мен қарапайым жұмысшы шаңырағында дүние есігін ашқанмын. Әкем теміржол саласының қызметкері. Анам сегіз балаға өмір сыйлаған батыр ана. Оның бірі ерте дүниеден өтті. Бес бала, екі қыз тәрбиелендік. Мен отбасымның тұңғыш перзентімін. Ескі дәстүр жолымен ата-әженің қолында өстім. Туған анам кемпір-шалдың баласы болғаннан кейін бетіме келмей, есімімді де атамай өтті. Ол кісі мені еркелетіп «Тепловоз» деп атайтын. Оның себебі 1950 жылы Қазалыға бірінші тепловоз келген екен. Мені Тәуекел деген әжем өз бауырына басқан.Мектеп табалдырығын 1957 жылы аттадым. Қазіргі №70 мектеп кезінде «№420» деп аталатын. Біз соғыстан кейін дүниеге келген буынбыз. Мектепке қолдан тігілген көйлек, дорба асынып бардық. 1968 жылы Шығыс Ресейдегі Чита деген жерде әскери борышымды өтедім.1972 жылы өмір жолындағы жарым Нәбираға үйлендім. Жұбайыммен бір мектепте, бір сыныпта оқыдық. Содан 63 жыл бойы Нәбирамен қолтықтасып келемін.– Еңбек жолын қалай бастадыңыз?– Алғашқы еңбек жолым ПМК-86 деген мекемеде басталды. 6-7 жылы бойы әртүрлі салада бағымды сынап көрдім. Өмірімнің 36 жылын қаржы саласына арнадым. Қаржыгер болып, кейін салық саласында еңбек еттім. Бұл сала темірдей тәртіп пен асқан қырағылықты қажет етеді. Өмірде жетістікке жеткен, қате кеткен тұстарымда баршылық деп ойлаймын.– Сізді көпшілік салық саласының нағыз майталман маманы ретінде біледі. Аталған салаға келу жолыңыз қалай басталды?– Бұл қызметке тәуелсіздіктен кейін халық жабайы саудамен айналысып кеткен тұста келдім. Екіге бөлінген қаржы бөлімі бюджет және мемлекеттік кірістер болып жұмыс атқарды. Кейін мемлекеттік кірістер бөлімін бөлек мекеме қылып өз алдына шығарды. Қаржы бөлімінде тексеруші-инспектор болып жүрген жерімнен Базархан Ақжігітов деген азамат қазығы қағылмаған, отауы құрылмаған сол мекемеге мені бөлім басшысы қызметіне шақырды. Ол кезде мемлекеттік кірістер бөлімінің аты салық инспекциясы болып айтылатын.– Сіздің маман ретінде толысқан шағыңыз 1990 жылдардағы елдің егемендік алып, экономикалық дағдарыс белең алған тұсына тап келді. Сол кездегі салық саласындағы қиындықтар туралы айтсаңыз…– Егемендік алған елең-алаң тұста мемлекеттің жалпы жағдайы нашар болды. Ол жайында сол кездегі сергелдеңді көрген оқырман жақсы біледі. Мекемелер мен банктер тарап, бәрі банкротқа ұшырған уақыт. Олардың есепшоттарында қаражат болмады. Жұмысшылармен заттай еңбек ақысын есептесті. Ол кезде салыққа да көп қаражат түспеді. Өйткені жалпы халықта ақша жоқ еді. Көпшілік ала дорба арқалап, көшенің әр тұсында салық төлеуден бас тартқан жабайы сауданың дәурені жүрді. Сол кезде біз түсіндіру жұмыстарын жасап, кәсіпкерлікке тіркеп өз дәрежесінде қазынаға ақша түсуін қадағаладық. Тіпті күрішшілердің өзі салыққа қаржы таппай күзгі өнімді жинап, болып есептесетін.– Әрбір адам тұлға болып қалыптасу үшін оған қандай қасиеттер керек деп ойлайсыз?– Кез келген азамат қызметіне үлкен жауапкершілікпен қарау керек. Заңға бағынып, басшының берген тапсырмасын үздік орындауға тырысу қажет. Менің әдепкі бастығым жоғарыда атап өткен Базархан еді. Одан кейін Талайлы Бөріқұлақовпен қызметтес болдық. Сол кісінің тұсында салық саласы көптеген жетістікке жетіп, жақсы нәтижелер көрсетті. Одан кейін Фердоуси інім жақсы қаржыгер болып шықты. Көптеген жігіттер салық саласында жүріп, басшылық қызметке ауысты. Фердоуси Қожабергенов облыстық кәсіпкерлік және туризм басқармасының басшысы, Талайлы Бөріқұлақов мәслихат хатшысы болды. Кейінгі толқыннан Жұлдызхан Ерқосаев Жамбыл облысының басқармасында бөлім бастығы, ал Аян деген азамат Ақтөбе қаласында бөлім басшысылығына тағайындалды. Әңгімемнің басында айтқандай әрбір адам темірдей тәртіпке бағына білу керек. Бауыржан Момышұлы «Тәртіпке бағынған құл болмайды» дегенді бекер айтпаған деп ойлаймын.– Жалпы мамандық таңдау деген кез келген адамның өміріндегі үлкен маңызды іс. Салық саласына келгеніңізге өкінбейсіз бе?– Өкінішім жоқ. Салық саласы мені тәрбиелеп шықты. Халықпен қалай жұмыс жасауды үйретті. Талайлының уақытында аптасына бір рет тәрбие сағаты өтетін. Азаматтармен сауатты сөйлесуді үйрететін. Адам оңай қалтадағы ақшасын шығара қоймайды. Салықтан қашып, қазынаға салық төлемейтін кәсіпкерлер әлі де бар. Көлеңкелі бизнестің кесірін қазір істеп жүрген адамдарды көргенде көңілге кірбің ұялайды. Сондай адамдарға салық төлеттіруді үйрендік.Бақылау кассасы кәсіпкердің табыс мөлшерін өлшейтін аппарат. Сондағы көрсеткішпен олар кварталдық есептерін береді. Кәсіп жасайтындардың 50 проценттен көбі қазір оны пайдаланбайды. Мақсаты-табысын жасыру. Бүгінде біршама өзгеріс бар. Мемлекет үш жылға дейін мораторий жариялап, бір ғана талап қойды. Ол – табыс мөлшерін көрсету. Оны орындамайтындардың саны әлі де азаймай тұрғаны қынжылтады.Салық дегеніміз – бюджетке түсетін орасан қазына. Елдегі әрбір салынып жатқан құрылыстар мен мектеп-балабақша, ауруханалардың барлығы сол қазынадан тұрғызылғанын қаперден шығармауымыз қажет.– Өмірдегі басты ұстанымыңыз қандай?– Адамдарға мейілінше өтірік айтпау. Оларды алдамау. Біздің бір-бірімізге деген сенімнің артында мейірім, адамгершілік деген секілді қасиеттеріміз тұрады. Кейде соны ұмыт қалдырып жатамыз. Осы ретте ізімізді басқан буынға бір-бірлеріңізге деген сенімге селкеу түспесін дегім келеді.

Кемал Көпжасар: Сенімге селкеу түспесін

<a href="https://kyzylorda-news.kz/">Kyzylorda-news.kz.</a> ҚМДБ-ның Қызылорда облысы бойынша өкілдігі, Қазалы аудандық Орталық «Жанқожа батыр» мешітінің ұйымдастыруымен «Ізгі қоғам» бағытының жоспарына сәйкес «Асаба болу – өз ісің, әдептен озбау – борышың» атты асабалар жиыны өтті.Аталған іс-шараның мақсаты ізгі қоғам құруда қазақтың торқалы тойларының тізгінін ұстап жүрген асабаларға той өткізудің әдебі мен маңызын талқылау болды. Асабалар жиналған келелі кездесуде той-томалақтағы өрескел қателіктер мен кемшіліктер турасында сөз қозғалды.Әртүрлі мәдени шаралардың жүргізушісі, ел ағасы Кенжалы Асқар мен ел ықыласына бөленіп жүрген асаба Нұрлыбек Сүлейменов шариғат пен дәстүрге сай той өткізудің маңызы жайында ойларын ортаға салды.<blockquote>«Той арқылы қазақы дәстүрді дәріптеп, мәдениетімізді арттыруға әбден болады. Мәселен, жиналғандарды күлдіремін деп орынсыз әзіл, тұрпайы ойындар ойнату әдептен озғандық. Бұл арқылы біз қоғамды бұзатындығымызды білгеніміз жөн. Ол жерде қанша халық отырады. Үлкен де, кіші де келеді. Барлығына ортақ әзілдер айтылып, әдемі ойындар ойнатылған жөн. Орынсыз қалжың, арзан күлкі дарақылықтың бір көрінісі. Керсінше, көпшілік жиналған тойда ұлттық аспаптармен дәстүрлі әндерді жиірек орындап, биші қыздардың киімі де көз сүйсінерліктей болуы қажет. Сонда ғана біз ұлттық болмысымызды жоғалтпай, дәстүрімізді өз деңгейінде дәріптей аламыз», – деді асаба Нұрлыбек Байғараұлы.</blockquote>

Қазалыда «Асаба болу – өз ісің, әдептен озбау – борышың» атты аудандық асабалар жиыны өтті

<a href="https://kyzylorda-news.kz/">Kyzylorda-news.kz.</a> Қазалыда аудандық мәслихаттың тұрақты комиссияларының бірлескен отырысы өткізілді. Комиссия отырысына аудандық мәслихат депутаттары, аудан әкімінің орынбасары, аудан әкімдігіне қарасты дербес бөлім басшылары мен қала, кент, ауылдық округ әкімдері, қаржы ұйымдарының басшылары, мекемелер мен кәсіпорындар басшылары қатысты. Комиссия отырысына аудандық мәслихаттың төрағасы Ғ.Әліш төрағалық етті.&nbsp;Тұрақты комиссиялардың бірлескен отырысының күн тәртібінде екі мәселе қаралды. Атап айтқанда, ең алдымен аудандық полиция бөлімінің 2023 жылдың жарты жылдығы бойынша &nbsp; атқарған жұмыстары мен алдағы міндеттері туралы және &nbsp;Қазалы ауданы бойынша 2023 жылғы шағын және орта бизнесті дамыту бойынша атқарылған жұмыстар туралы мәселелер қозғалды.Бірінші мәселе бойынша полиция бөлімінің бастығы, полиция подполковнигі Асылбай Аңсатов хабарлама жасады. Хабарламадан соң аудандық мәслихаттың төрағасы, депутат Ғазиз Әліш «Батыс Қытай - Батыс Еуропа» автокөлік дәлізінің бойында әсіресе, Майлабыс ауылдық округінің тұрғындары мал жануарларын қараусыз қалдыруда. Соның салдарынан жол көлік оқиғалары орын алып, қайғылы жағдайға душар болудамыз. Сол себепті, ауыл әкімі тұрғындарды тәртіпке шақырып, өз малдарына ие болуы тиіс. Қараусыз қалдырған мал иелеріне қатаң шара көрілу керек. Сондай-ақ, мал ұрлығын анықтау мақсатында әркім өз малдарын арнайы есепке тіркеу қажет. Бұл мәселені алдағы уақытта аудан әкімдігінің мәжілісінің күн тәртібіне енгізуге ұсыныс берілетін болады. Сонымен қатар, жол қауіпсіздік ережелерін бұзған азаматтарға қатаң шара қолдануын ортаға салды.&nbsp;Депутат Жамаладин Өтеев көптеген мал жануарлары жеке шаруа қожалықтарының жеріне кіріп, егістік алқаптарға зиянын тигізуде. Сол себепті, ауыл әкімдерімен бірлесіп пада ұйымдастырылу қажет. Қараусыз жүретін мал жануарларын уақытша ұстайтын орындар (қора) салу керектігін ұсынды.&nbsp;Депутат Әбдуали Рахметов хабарламашының ұсынысына сәйкес жол көлік оқиғаларының алдын алу, жол жүру ережелерінің бұзылмауын, санитарлық тазалықтың сақталуын бақылау үшін және жасалған қылмыстарды дер кезінде ашу мақсатында Әйтеке би кентінің орталығына 20 дана сапалы бейнекамера орнатуға аудандық бюджеттен қаржы бөлуін қолдауға шақырды.Депутат Әділбек Сарабеков құрылыс материалдарын таситын ауыр жүк көліктерінің жол жүру ережелерін бұзбауына және құм, саз, майда тас тиеген жүк көліктері үстін палаткамен жауып, санитарлық тазалықтың сақталуын қатаң бақылауға алуын жеткізді.Депутат Есет Табынбаев орталық базар жанындағы көлік кептелісі мен жабайы сауда түрлерін ретке келтіріп, тәртіп орнатуды және сатушылардың санитарлық тазалықтың сақтауына құзырлы органдар тарапынан қатаң бақылау орнатуын айтты.&nbsp;Депутат Ерболат Мұқаш түнгі мезгілде Қ.Пірімов көшесінің бас жағында автокөліктер қатты жылдамдықпен жүреді. Сондықтан, алдағы уақытта «Жеңіс» саябағының алдына тірек пунктін салу жұмыстары қолға алуды сұрады.Екінші мәселе бойынша аудандық кәсіпкерлік, өнеркәсіп және туризм бөлімінің басшысы Ақтілеу Бөріқұлақовтың хабарламасынан соң депутат Ғазиз Әліш жас кәсіпкерлердің белсенділігін арттырып, кәсіпкерлердің қайтарымсыз грант алуына жәрдемдесуді, жаңадан өндіріс орындарын ашу мақсатында ауданымыздағы жас кәсіпкерлердің қатысуымен шағын және орта бизнесі дамыған оңтүстік өңірлерге барып тәжірибе алмасу жұмыстарын ұйымдастырып, жас кәсіпкерлерге өндіріс саласы бойынша жаңа жобалар әзірлеу мақсатында оқыту курстарын өткізуді жеткізді.&nbsp;Депутат Есет Табынбаев Әйтеке би кентіндегі аялдамаларды кәсіпкерлік мақсатта пайдалану мүмкіндігін қарастыруды және жеке азаматтардың кәсіпкерлік мақсатта алған жерлерін уақытында пайдаланбаған жағдайда кері қайтаруын назарға салды. Комиссия отырысының соңында депутаттардың дауысқа салу қорытындысымен тиісті қаулылар қабылданды.

Қазалылық депуттаттар маңызды мәселелерге мән берді 

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев Қарақұм беткейдегі Шәкен ауылына арнайы барып, елді мекен тұрғындарымен кездесті.&nbsp;Аудан басшысы алдымен жыл басынан бері ауданда атқарылып келе жатқан жұмыстарды айтып өтті. Сонымен қатар «Ауыл аманаты» жобасының тиімді тұстарына тоқталды. Мұнан соң жылу маусымына дайындық мәселелерін пысықтап, тұрғындар тарапынан қойылған сауалдарға жауап берді.&nbsp;Басқосуда Шәкендегі жұртшылық жол мен трансформатор жайын көтерді. Тұрғындар жеткізген мәселелерге байланысты аудан басшысы жауап беріп, айтылған ұсыныстарды шешу үшін жүйелі жұмыс жүргізілетіндігін тілге тиек етті.Шәкен ауылына сапар кезінде аудан әкімі Мұхтар Оразбаев №134 мектептің жұмысымен танысып, білім ордасының жаңа оқу жылына дайындығымен танысты. Сондай-ақ, мектеп жанындағы интернатты аралап, ондағы жатын орын, оқу кабинеттерін көрген аудан басшысы мектеп басшылығына ғимаратқа ұқыптылықпен қарауды тапсырды.&nbsp;Мұнан кейін аудан басшысы Шәкен ауылдық округіне қарасты Шилі елді мекеніне жол тартты. Ауылдағы білім ордасының ауласында тұрғындармен кездескен аудан басшысы ел ішіндегі жұмыстарға тоқталып болған соң, ұсыныс-пікірлерге құлақ түрді. Шиліліктердің айтуынша, қазіргі күні ұялы байланыс желісінің сапасын жоғарылату мен аяқсу мәселесі өзекті болып тұр. Одан бөлек, мемлекет тарапынан берілетін жеңілдетілген несиені иеленгісі келетін тұрғындар гранттың қалай алуға болатынын сұрады.&nbsp;Әрбір сауалға жеке-жеке тоқталып, шешу жолдарын түсіндіріп берген аудан басшысы ауылдағы №259 негізгі мектептің жаңа оқу жылына дайындығынан хабар алды.&nbsp;Кездесулерде аудандық қоғамдық кеңестің төрағасы Талайлы Бөріқұлақов сөз сөйлеп, елді ауызбіршілікке шақырды.

Қазалы ауданының әкімі Қарақұм беткейдегі Шәкен ауылына барды

<a href="https://kyzylorda-news.kz/">Kyzylorda-news.kz.</a> Ауданымыздың өнері мен мәдениетіне сүбелі үлес қосып, әлеуетін арттыруда халықты өрелі өнермен сусындатып, рухани байлықты толықтыруға және игі дәстүрлерді жалғастыруда Қонысбек Қазантаев атындағы мәдениет үйінің қызметкерлері аянбай еңбек етіп осы саланың мерейін көтеріп жүр. Құлақтан кіріп, бойды алар әсем ән мен тәтті күй, әуезді әуенмен үйлесім тапқан ырғақты би, рухани байлық сыйлайтын таеатр, кітапхана, бәрі де қазір Қонысбек Қазантаев атындағы мәдениет үйінің қызметінің аясына сыйып, тұтас бір елге қызмет етіп, ауданымыздың мәдени өрлеуі жолында жұмыс атқарып келеді.Бүгінде аталған бөлім 6 аудандық және 31 ауылдық мәдениет ұйымдарды құрайды. Оның ішінде 7 мәдениет үйі, 9 &nbsp;клуб, &nbsp;18 кітапхана, тарихи-өлкетану музейі, мәдениет және өнерді дамыту орталығы, руханият орталығы және 9 спорт ұйымы аудан тұрғындарына мәдени және бұқаралық қызмет көрсетіп келеді. Мәдениет ұйымдары ағымдағы жылдың І жартыжылдығында ұлттық мәдениетті ілгерілетуге және дәстүрлерді жаңғыртуға, салауатты өмір салтын насихаттауға бағытталған әртүрлі форматтағы іс-шаралар: театр қойылымдары, шығармашылық конкурстар, фестивальдер, конференциялар, акцияларды ұйымдастырып келеді. &nbsp;Аудандық мәдениет үйінің қызметкерлері қай жағынан алсақ та күн демей, түн демей әркез қызметке дайын екендіктерін көрсетіп жүр. Жүйелі түрде атқарылып жатқан жұмыстардың ең бастыларына тоқталар болсақ, биылғы жылдың басты ерекшелігі мемлекет және қоғам қайраткері Т.Жүргеновтің 125 жылдық мерейтойын атап өту. Қазақ мәдениетінің, руханиятының дамуына зор үлес қосқан тұлғаның есімін халық жадында сақтап, өнегелі ісін жастарға үлгі ету мақсатында «Түркі әлемінің Темірбегі» атты облыстық ақындар айтысы өткізілді.Сонымен қатар еліміздің бірегей тарихи-мәдени мұрасын, тарихи оқиғалар мен ұлы тұлғаларды танымал ететін, ел мәдениеті мен ұлттық құндылықтарымызды дәріптейтін ең тиімді тәсілдердің бірі – кино екені белгілі. Осы ретте мәдениет және өнерді дамыту орталығы аудан тұрғындарына Ел Тәуелсіздігінің тұғырлы көрінісін ұлықтайтын, имандылық, тәрбиелік маңызы бар Қазақстандық патриотизмге үндейтін, рухани-мәдени мұраларды насихаттайтын отандық кино туындыларын үлкен экран арқылы көрсетуде кешенді жұмыстар жасап келеді.&nbsp;Аудандағы мәдениет үйінің бір міндеті – өнерпаздардың шығармашылығын уақыт талабына сай дамытып, оның мән-мағынасына, ерекшелігіне қарай бағыт-бағдар беру, шығармашылық өнердің рөлін арттыру мақсатында жүйелі жұмыстарды жүргізу болып табылады.Жас таланттарды табу, балалар мен жасөспірімдерге шығармашылық және көркем-эстетикалық білім беру бағытында Жаңаталап ауылдық клубы жанынан жаңадан 2 үйірме «Киімдерді үлгілеу, пішу және тігу» заманауи АРТ-индустрия және Қ.Қазантаев атындағы мәдениет үйі жанынан «Балдәурен» балалар драма үйірмелері ашылып, қазіргі таңда мәдениет үйлері мен клуб кәсіпорындарында барлығы &nbsp;95 үйірме жұмыс жасауда.&nbsp;Сондай-ақ аудандық мәдениет үйі былтырғы жылы аудан мәдениетін республикалық мәдени кеңістікке ықпалдастыру, насихаттау мақсатында бірқатар жетістіктерге қол жеткізді.Кітапханада құрылған &nbsp;«English club» үйірмесі де қазір үлкен сұранысқа ие. Сонымен бірге ауылдық, аудандық, қалалық, мектептердің және жоғарғы оқу орындары кітапханалары арасында өткізілген «Jana kitaphana - 2022» республикалық онлайн байқауына Мәдениет ауылдық кітапханасы қатысып, «Заманауи кітапхана» номинациясы бойынша «Қазақстан Республикасының Үздік кітапханасы» атағына ие болған болатын. Кітапхана мен оқырманды, оқырманмен белгілі тұлғалар арасын жақындастыру мақсатында Қазақстан Журналистер одағының мүшесі, өлкетанушы - журналист Б.Нұржановтың &nbsp;«Ауыл жайлы айталық бір әңгіме...» &nbsp;кітабына кітап беташары, &nbsp;«Жалағаштан Ауғанстанға дейін» атты кітаптың авторы Т.Адисұлымен кездесу кеші, 23 сәуір – Дүниежүзілік кітап және авторлық құқығын қорғау күніне орай «Kitap - TIME» &nbsp;фестивалі өткізілді.Ақын, Қазақстан Жазушылар одағының мүшесі &nbsp;Қуат Әдистің өлеңдері Мәскеуде жарық көрген «ТМД &nbsp;елдерінің &nbsp;заманауи әдебиеті» деп аталатын үш томдық &nbsp;антологиясына еніп,орыс тіліне аударылды.Мәдениет саласының қызметі Мемлекет басшысының Жолдауларына, «Ұлттық рухани жаңғыру» бағдарламасына негізделген. Осы бағытта іске асырылған «Шежірелі Жалағаш», «Дәстүр мен таным», «Сыр тұнған Жалағаш», кітапханаларда оқу сауаттылығын арттыру мақсатында «Оқитын өлке», «Өркениетке бастаған туған өлке», «Кітапхана және жастар», «Жүрек жылуы» жобалары бүгінде өз жалғасын табуда.&nbsp;Былтырғы жыл «Балалар жылы» деп аталуына орай арнайы бекітілген жоспарға сәйкес ауданда 38 іс-шара өткізілді. Оның ішінде «Сыйластық өлкесі», «Қоянның үйшігі» &nbsp;ертегілері, «Еңбектеу менің еңбегім» атты бүлдіршіндер арасында байқауы, Тілеген Бекарыстановтың «Бала батыр» ертегі-мюзиклі, «Кешкі кітапхана әлемі» атты мәдени акциясы балалардың қызығушылығын арттырған ерекше іс-шаралар ұйымдастырылған болатын. Мәдениет үйлері мен клубтарының көркемөнерпаздары 2023 &nbsp;жылдың облыстық байқаудан 23, республикалық байқаудан 7, халықаралық байқаудан 7 жүлделі орындарды иеленді. Осы тұста мәдениет үйі қызметкерлерінің шоқтығы биік десек те артық емес.Сондай-ақ 2023 жылы №14 балалар-жасөспірімдер спорт мектебі, №13 олимпиадалық резервтік мамандандырылған жасөспірімдер спорт мектебі және «Наркескен» спорт клубында дене шынықтырумен және спортпен шұғылданатын 7 мен 18 жас аралығындағы балалар мен жасөспірімдер саны 25 пайызға жетіп отыр. №13 және №14 спорт мектептерінде барлығы 1592 оқушы 14 спорт түрімен шұғылданса, «Наркескен» спорт клубында 1044 спортшы 8 спорт түрімен шұғылданып келеді.&nbsp; 2023 жылдың І жартыжылдында спортшыларымыз республикалық және халықаралық жарыстарға қатысып, ҚР чемпионаттарында 7- алтын, 2- күміс, 1- қола медальдарды, облыстық жарыстарда &nbsp;22- алтын, 13- күміс, 20- қола медальдарды жеңіп алды.

Қазақстан және Қызылорда облысының жаңалықтары