<a href="https://kyzylorda-news.kz/">Kyzylorda-news.kz</a> &nbsp; "Ақ жол" партиясының төрағасы Азат Перуашев Орталық сайлау комиссиясының мәжіліс депутаты Асқар Садықовты неліктен мандатынан айырғанын түсіндірді. Бұл туралы <a href="https://stan.kz/bizdin-ademi-balalarimiz-boladi-askar-sadikov-harasment-405776/">Stan.kz</a> ақпарат агенттігі хабарлайды.29 тамызда елдің Орталық сайлау комиссиясы Асқар Садықовты депутаттық мандатынан айыру туралы қаулыны жариялады. Ол да партиядан шығарылды. 2 қыркүйекте парламент отырысында "Ақ жол" партиясының төрағасы Азат Перуашев бұл шешімнің нақты себебін атамады.Алайда 4 қыркүйекте ол өзінің Telegram-арнасында парламент қызметкерінен Садықовтың бірнеше рет харассмент жасағаны туралы мәлімдеме алғанын түсіндірді. Дәлел ретінде хат алмасудың скриншоты жарияланды.<blockquote>– Сәлеметсіз бе? Сізді, Асқар Аманбаевич, бастық шақырып жатыр. Кофе ішесіз бе?, – деп жазған парламент қызметкері.</blockquote><blockquote>– Иә, патшайым, бас тартуға құқығым жоқ. Сенің қолыңнан сірке суын ішсем де, ризамын. Патшайым! Нақ сенен бала сүйгім келеді. Біздің әдемі балаларымыз болады. Сен сөзсіз тамаша ана боласың. Тек перзентханаға дейін тоғыз ай бұрын жағымды нәрсе жасау керек, – деп жазған бұрынғы депутат Садықов.</blockquote><blockquote>“17 сәуірде депутаттан келген хаттарға жәбірленуші мән-бермей, жауапсыз қалдырған. Алайда ол 15 мамырда жымысқы ойын қайталап жазған. Бұдан бөлек оның тарапынан әйелге басқа күндері де хабарламалар жіберіп отырған. Қызметкері Садықовтың депутат ретіндегі қол сұғылмаушылығын ескере отырып, оның үстінен құқық қорғау органдарына шағым түсіре алмаған. Ол анықталған заңсыз әрекеттерге жол берілмейтінін ескертсем де, Садықов өзінің депутат екенін және "айтуға құқығы бар екенін" мәлімдеді. Ол маған "кімге не айтқым келсе де, айтуға құқығым бар" деді. Сондықтан біз бұл "кедергіні" жойдық. Өйткені Садықовты депутаттық мәртебесінен айыру туралы шешім жәбірленушіге өзінің ар-намысы мен қадір-қасиетін қорғауға мүмкіндік береді”, – деп жазды Перуашев.</blockquote>Перуашев бұрынғы депутат Садықовтың лайықсыз әрекетінің басқа да мысалдары бар екенін атап өтті. Олардың кейбіреулері құқық қорғау органдарының назарын талап етуі мүмкін.<blockquote>“Өздеріңіз көріп отырғандай, бұл лас оқиға. Басқалардың хат-хабарларын оқығым келмеді, тіпті оны жариялауды жөн көрмедім. Бірақ кейбіреулер біздің үнсіздікті дұрыс түсінбеді. Садықов өзін "шындық үшін" жапа шеккен 1937 жылғы қуғын-сүргін құрбандарымен салыстырды. Біз шындықтың не екенін көрсетуге мәжбүрміз және маған сеніңіздер. Басқа эпизодтар мен құжаттар бар”, – деп атап өтті “Ақ жол” партиясының төрағасы.</blockquote>Асқар Садықов 2023 жылдың 28 наурызында VIII шақырылымдағы мәжілістің депутаты болды.<img src="https://knadmin.beoblood.kz/uploads/2_c82038c9b7.webp" alt="2.webp"> Фото: Хат алмасудың скриншотын Азат Перуашев Telegram желісінде жариялады

«Сенің қолыңнан уксус ішсем де, ризамын»: Садықов харассмент жасағаны үшін депутаттық мәртебесінен айырылған

<a href="https://kyzylorda-news.kz/">Kyzylorda-news.kz</a>&nbsp; Қала әкімі Нұржан Ахатовтың халықпен кездесуі Қосшыңырау және Қарауылтөбе ауылдық округтерінде жалғасты. Кездесуде шаһар басшысы Президентіміз Қасым-Жомарт Кемелұлы Өз Жолдауын жариялағанын, онда азаматтардың тұрмысын жақсартуды көздейтін басымдықтар берілгенін жеткізді.<blockquote>Өздеріңізге белгілі, Мемлекет басшысының тапсырмасымен, Үкіметтің тікелей қолдауымен және облыс әкімінің үйлестіруімен тұрғындардың өмір сүру сапасын жақсарту бағытында қала көлемінде ауқымды жобалар сәтті жүзеге асып жатыр. Қаламыз қарқынды құрылыс алаңына айналды. Көркейту, абаттандыру бағытында да бағалы бастамалар атқарылуда. Бүгін Сіздердің талап-тілектеріңізді тыңдап, оған байланысты тиісті шаралар қабылдауға арнайы келіп тұрмын, – деді кездесу барысында Нұржан Сәбитұлы.&nbsp;</blockquote>Алдымен тұрғындар Досан ауылына жаңа электр желісін тартуды сұрап, бұл жөнінде шаһар басшысы: «Досан ауылын электр желісімен қамтамасыз ету мақсатында республикалық бюджеттен 50 млн. теңге бөлініп, ол толық игерілді. Ал, жұмысты жалғастыру үшін 380 млн. теңге қаржы қажет. Біз осы қаражатты күтудеміз. Қаржы түскен бойда мердігер «Техсервис» серіктестігі жұмысты жалғастырады деп қорытындылады.Тұрғындар талабы бойынша №138 мектепті жөндеу үшін 589 млн. теңгеге жоба сметалық құжаттары әзірленіп, бюджеттік өтінімге ұсынылған.<blockquote>Қарауылтөбе ауылдық округінің тұрғындары жаңадан дәрігерлік амбулатория салуды алға тартты. Нұржан Сәбитұлы: Бұл орынды ұсыныс. Қазір дәрігерлік амбулатория құрылысы үшін жер учаскесі табысталып, құжаттары рәсімделді. Аталған жоба бойынша облыстық құрылыс, сәулет және қала құрылысы басқармасы тарапынан сараптама қорытындысы әзірленуде, – деді.</blockquote>Кездесу барысында тұрғындар учаскелік полиция инспекторының жұмысын күшейтуді, қоғамдық тәртіпке мән берілуін сұрады.Қала әкімі қалаға қарасты елді мекендерге мемлекет тарапынан жасалатын қолдаудың жалғаса беретіндігін, айтылған әрбір ұсыныстың ескерусіз қалмайтындығын жеткізді.<img src="https://knadmin.beoblood.kz/uploads/458445784_3692852360981495_7466872117884490353_n_d41e21613d.jpg" alt="458445784_3692852360981495_7466872117884490353_n.jpg"><img src="https://knadmin.beoblood.kz/uploads/458397808_3692852397648158_4441745686585404442_n_2f8c441820.jpg" alt="458397808_3692852397648158_4441745686585404442_n.jpg">

Тұрғындардың талабы ескерусіз қалмайды

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы Назарбаев Зияткерлік мектебінің педагог-кураторы Малика Искакова және физика пәнінің мұғалімдері Абзал Іскендір мен Еркін Жомартов Кипрдің Никосия қаласында Кипр университетінде өткен XXX ECER-2024 халықаралық конференциясына қатысты.Әлемнің 75 елінен қатысқан 3000 жуық мектеп мұғалімі мен университет профессоры білім берудің өзекті мәселелері төңірегінде жасаған зерттеу жұмыстарының нәтижелерімен бөлісті.Оқушылардың академиялық білім көрсеткішінің төмендеу факторларын анықтап, оны жақсартудың тиімді әдіс-тәсілдерін ұсынған Малика Маратқызы ата-анамен байланыс орнату баланың білім алуына ықпалы туралы тұжырымдар жасады. Осы ретте Финляндияның Хельси университетінің профессоры Аули Тум Қазақстанда зияткерлік мектептерде дарынды балалармен жұмыс жүргізудің ерекшеліктеріне қызығушылық танытып, оң бағасын берді.Абзал Іскендір мен Еркін Жомартов «Проблемалық оқыту жағдайында физика сабағында эвристикалық оқыту әдісін қолдану» тақырыбында педагогикалық ізденістерімен бөлісті. Яғни, есеп шығару дағдыларын қалыптастыру, шығармашылық ойлау қабілеттерін дамытуда проблемалық оқыту моделін пайдалану артықшылықтарын көрсетті.Сондай-ақ, конференцияда инклюзивті білім беру, оқытуда ақпараттық технологияларды қолдану, кәсіптік білім беру мен дамыту, оқушылардың әл-ауқатын арттыру, білім беру үдерісіне заманауи әдіс-тәсілдерді қолдану сынды бағыттар спикерлердің баяндамасында көрініс тапты.

Қызылордалық ұстаздар XXX Еуропалық ECER конференциясында зерттеу жұмыстарын таныстырды 

<a href="https://kyzylorda-news.kz/">Kyzylorda-news.kz</a> Атом энергетикасы және атом электр станциясының (АЭС) құрылысы мәселелерін тереңірек түсінгісі келетін азаматтар үшін порталда Gov.kz eGov mobile мобильді қосымшасында жиі қойылатын сұрақтарға жауап беретін жаңа бөлім құрылды.2 қыркүйекте Қазақстан Президенті Қасым-Жомарт Тоқаев республикалық референдум өткізу туралы Жарлыққа қол қойды, ол еліміздегі алғашқы атом электр станциясын салу туралы шешім қабылдаудағы шешуші кезең болады.Қазақстан Республикасының Энергетика министрлігі Цифрлық даму, инновациялар және аэроғарыш өнеркәсібі министрлігімен бірлесіп <a href="https://www.gov.kz/?lang=kk">Gov.kz</a> порталында және eGov mobile мобильді қосымшасында арнайы ақпараттық бөлімдер әзірлеп, енгізді. Мұнда пайдаланушылар атом энергетикасы, атом электр станцияларының құрылысы мен жұмысы, олардың қауіпсіздігі мен қоршаған ортаға және денсаулыққа әсері туралы өзекті сұрақтарға жауап таба алады.Бұл шаралар әрбір қазақстандықтың атом энергетикасына қатысты барлық аспектілерге объективті баға беріп, референдумға толық және сенімді ақпаратпен қатысуын қамтамасыз етуге бағытталған. <a href="https://www.gov.kz/situations/723/intro?lang=kk ">сілтеме </a>арқылы өтіп бөліммен таныса аласыздар.Фото kapital.kz&nbsp;

Атом энергетикасы мен АЭС құрылысы туралы толық ақпаратты қайдан оқуға болады?

<a href="https://kyzylorda-news.kz/">Kyzylorda-news.kz</a> 3 қыркүйекте Қазақстанның экс-президенті Нұрсұлтан Назарбаевтың немере інісі Қайрат Сатыбалдыұлы бостандыққа шықты, - деп хабарлайды <a href="https://dalanews.kz/">Dalanews.kz</a>.&nbsp;Журналист Михаил Козачковтың сөзінше, Қайрат Сатыбалдыұлын Самат Әбіш күтіп алған.&nbsp;Айта кетейік, Самат Әбіштің өзі 8 жылға шартты түрде сотталған болатын. Сот үкімімен Самат Әбіш ҚР ҚК 362-бабының 4-бөлігінде (Билiктi немесе лауазымдық өкiлеттiктерді асыра пайдалану) көзделген қылмысты жасағаны үшін кінәлі деп танылды.&nbsp;Сот жаза тағайындар алдында Самат Әбіштің кішкентай балаларының болуын және оның шын жүректен өкінуін ескерген. Ал жазаны ауырлататын мән-жайлар анықталмапты.Ал Қайрат Сатыбалды қалған 3 жыл, 3 ай және 7 күн жаза мерзімін Алматыда пробациялық бақылауда болып өтейді.&nbsp;16 тамызда Қайрат Сатыбалдыұлы мерзімінен бұрын бостандыққа шығатыны белгілі болды. Оның жазасын шектеу шарасына ауыстыру туралы өтініші қанағаттандырылған.&nbsp;Бұл туралы Өскемен соты хабарлады.<blockquote>"Өскемен қаласының №2 соты сотталған Қайрат Сатыбалдының жазасының өтелмеген бөлігін жазаның неғұрлым жеңіл түріне ауыстыру туралы өтінішхатын қарады. Қайрат Сатыбалды мүлкі тәркіленіп, мемлекеттік қызмет атқару құқығынан 10 жылға дейінгі мерзімге айырыла отырып, 6 жылға бас бостандығынан айырылған болатын. Сотталған өзінің өтінішхатында жазасының өтелмеген бөлігін неғұрлым жеңіл түріне ауыстыру туралы өтінішхатын беру үшін заңның барлық талаптарын орындағанын атап көрсеткен", - деп жазды сот.</blockquote>Ал бұған дейін мәжіліс депутаты Ермұрат Бапи белсенді түрде активтерін қайтарып жатқан Қайрат Сатыбалдыұлы бостандыққа шығуы мүмкін деп қауіптеніп, артынша оның болжамы орындалды.

"Самат Әбіш күтіп алған". Қайрат Сатыбалдыұлы бостандыққа шықты

<a href="https://kyzylorda-news.kz/">Kyzylorda-news.kz</a> Тіл - ұлттың тірегі. Оның құдіретін сезіну, тазалығын сақтау, құрметін еселеу елдегі әрбір адамның алдында тұрған парызы. Саяси тұрақтылықтың да негізгі кілті дәл осы ең асыл құндылығымызда. Осыған орай Қазақстан халқы тілдерінің күні мерекесін атап өтудің облыстық іс-шаралар жоспары бекітілді. Бұл туралы бүгін Өңірлік коммуникациялар қызметінде облыстық қоғамдық даму басқармасының басшысы Руслан Каюпов пен Қорқыт ата атындағы Қызылорда университетінің доценті Алдажар Әбілов мәлімдеді.<blockquote>– Шын мәнінде тілдер мерекесі – Қазақстанда тұратын барлық этнос өкілдерінің ана тіліне құрмет көрсететін ортақ мейрам. Осы орайда, Қазақстан халқы тілдерінің күні мерекесін атап өтудің облыстық іс-шаралар жоспары бекітілді. Апталықтың алғашқы шарасы - 3 қыркүйек күні, яғни кеше қазақ тіл білімінің ғалымдары Әбдуали Қайдар мен Рабиға Сыздықтың туғандарына 100 жыл, Шайсұлтан Шаяхметовке - 85 жыл толуына орай қазақ тілі пәнінің мұғалімдері, оқытушылары, сала мамандарының арасында «Ғылымдағы ғұмырлар» тақырыбында облыстық, республикалық деңгейдегі ғалымдардың дәріс сағаттарынан басталды. 5 қыркүйек күні тіл мерекесіне арналған «Тілі бірдің – тілегі бір» атты салтанатты шара, «Тіл-тірегім, Қызылорда - жүрегім» атты облыстық жас ақындар мүшәйрасы, «Тілім менің - тірлігімнің айғағы» атты дөңгелек үстел, «Туған тілім -тірлігімнің айғағы» атты пікірсайыс турнирі, «Өзге тілдің бәрін біл, өз тіліңді құрметте!» тақырыбында мектеп және колледждерде пікірсайыс алаңдары, этнос өкілдерінің қатысуымен «Қазақшаңыз қалай?» байқауы және«Менің тілім – қазақ тілі» мәнерлеп оқу сайысы, жастар арасында «Этно Quiz» интеллектуалды сайысы өткізілетін болады. 6 қыркүйек күні «Мәңгілік елдің мәңгілік тілі» атты дөңгелек үстел, балабақшаларда «Тілді сүю – талбесіктен» атты акциясы, 7 қыркүйек күні балаларға көтеріңкі көңіл-күй сыйлау мақсатында «Арбат» бойында аквагрим шарасы, 10 қыркүйек күні Асқар Тоқмағанбетов атындағы мәдениет үйінде «Рухани болмысты жаңғырту - ұрпақ ұлағаты» атты облыстық ділмар-шешендер байқауы өткізіледі,- деді Руслан Мұхамедәліұлы.</blockquote>Сондай-ақ Қазақстан халқы тілдерінің күні мерекесіне арналған іс-шаралар аудандарда да жалғасын таппақ,<blockquote>– Бұл мерекелердің ішінде ең негізі деп қарайтын күн. Қазақтың ұлан-ғайыр жерін бұрында бабаларымыз қалай сақтап қалды деп кейде ойлаймыз. Ол ақ білектің күші, ақ найзаның ұшы да шығар. Бірақ, негізінен алып қарасақ ол тілдің арқасында. Қазақ тілінде диалект жоқ. Әлем тілдерінің ішіндегі ең қуатты, ең көркем, ең музыкалық тіл – қазақ тілі. Үлкен жұмыстар атқарылып жатыр. Облыс әкімдігінің жобасымен осы ана тіліміздің құдіретін арттыруға бағытталған екі кітап жарық көрді. Кез-келген өзге елден келген адам бірінші асханаға барады ғой. Ал ондағы мәзірдің барлығы орысша. Ал бұл кітап соларды қазақшалайтын құрал іспеттес. Бұдан бөлек те жұмыстар жасалып жатыр. Тіл мәселесіне келгенде шолақ ойламауымыз керек,- деді Алдажар Әбдірасуллеұлы.</blockquote>

5 қыркүйек - Қазақстан халқы тілдері күні 

<a href="https://kyzylorda-news.kz/">Kyzylorda-news.kz</a> ТикТок әлеуметтік желісінде Aidyn деген&nbsp; атпен тіркелген қыз ашулы видео жариялады деп хабарлайды <a href="https://democrat.kz/">Democrat.kz.</a><blockquote>«Биыл универде сабақтарымызды түстен кейінге қойып қойған. Бірінші курста түске дейін оқып, сосын біз өз жұмыстарымызбен айналысушы едік. Енді сабақ 12-50-де басталады. Ал мен бесін, екінті және үйге келгенше шам намазын да оқып үлгермеймін. Не үшін менің бүкіл намазым қаза болуы керек?»- деген Айдын қыз өзі оқитын университеттің діни заңдылықтарға сай еместігіне <a href="https://www.tiktok.com/@aidynnn2/video/7410086404639821062?embed_source=121374463%2C121451205%2C121439635%2C121433650%2C121404359%2C121351166%2C121331973%2C120811592%2C120810756%3Bnull%3Bembed_masking&amp;refer=embed&amp;referer_url=democrat.kz%2Farchives%2Fnege-namazdarym-kaza-boluy-kerek-dep-ashulandy-namazhan-kyz%2F%3Ffbclid%3DIwY2xjawFE4Z5leHRuA2FlbQIxMQABHSD7XGeY7ydgg0_E66l7XCde4FiftubiULszIVif-G7QcJQmWOy6r0EsUQ_aem_1nOOwLpYSFiO08W7RNzCgQ&amp;referer_video_id=7410086404639821062">наразы</a>.</blockquote>Фото видеодан скринделіп алынды.&nbsp;

«Неге намазымыз қаза болуы керек»: Студент оқу орны белгілеген сабақ уақытымен келіспейтінін айтты

Фото: azattyq-ruhy.kz<a href="https://kyzylorda-news.kz/">Kyzylorda-news.kz</a> Тұрғын үйге мұқтаж халықтың кезегінен негізсіз шығарылған І топ мүгедектігі бар сырдариялық азаматтың кезегі қайта қалпына келтірілді. &nbsp;&nbsp;Қызылорда облысының мамандандырылған ауданаралық әкімшілік сотының шешімімен талап қанағаттандырылып, Сырдария ауданы әкімі қаулысының күші жойылған, жауапкерге талап қоюшының тұрғын үй кезегін қалпына келтіру міндеттелген.&nbsp;Алайда, Сырдария ауданының әкімі сот шешімімен келіспей, күшін жоюды сұрап, апелляциялық шағым берген.<blockquote>«Қызылорда облыстық сотының әкімшілік істер жөніндегі сот алқасы істің мән-жайын мұқият зерделеді. Талап қоюшы 2012 жылы мемлекеттік тұрғын үй қорынан берілуге тиіс тұрғын үйге кезегіне қойылған. Бірақ, екі жылдан кейін атына жылжымайтын мүлік тіркелген деген желеумен ол кезектен шығарылған. &nbsp;Дегенмен, 2023 жылы талап қоюшы аталған санат бойынша жаңадан кезекке қойылған», - делінген соттың баспасөз қызметі таратқан хабарламада. &nbsp;</blockquote>Арызданушы мұнымен келіспей, тұрғын үй кезегіне 2012 жылдан бастап қоюды сұрайды. Кезектен негізсіз шығарылып, атында тұрғын үй тіркелмеген. Берілген жер учаскесіне үй салуға ешқандай мүмкіндігі жоқ. Бүгінгі күні &nbsp;ол туыстарының үйін паналап жүр.&nbsp;<blockquote>«Іс құжаттарын қарау барысында арызданушыны бастапқы кезектен шығаруға негіз болған тұрғын үй комиссиясы хаттамасының жоқтығы. Кезектіліктен шығару жөнінде жазбаша өтініш берілмегені, оның атына жылжымайтын мүлікке меншік құқығы тіркелмегені анықталды. Талап қоюшы І топ мүгедегі болуына байланысты тұрғын үймен бірінші кезекте қамтамасыз етілетін азаматтардың қатарына жатады. Осыған байланысты, әкімшілік істер бойынша сот алқасы Сырдария ауданы әкімінің апелляциялық шағымын қанағаттандырусыз қалдырды», - деп хабарлады Қызылорда облысының мамандандырылған ауданаралық әкімшілік сотының баспасөз қызметі.&nbsp;</blockquote>

«Туысының үйін паналап жүр»: Мүмкіндігі шектеулі жанды үй кезегінен шығарып тастаған 

<a href="https://kyzylorda-news.kz/">Kyzylorda-news.kz</a> Қызылордада мектеп оқушысы сыныптасының бетінен ұрып, денсаулығына зақым келтірді. Оның бұл әрекеті үшін анасына айыппұл салынды деп хабарлады&nbsp;Қызылорда облысының кәмелетке толмағандардың істері жөніндегі мамандандырылған ауданаралық соты.&nbsp; Әйел сотта мұндай жағдай қайталанбайтынын айтып, әкімшілік құқық бұзушылық туралы хаттамамен келісті. Мектепте бірге оқитын сыныптасының бет тұсынан бір мәрте теуіп, дене жарақатын салған.Қызылорда облысының кәмелетке толмағандардың істері жөніндегі мамандандырылған ауданаралық сотында Қазақстан Республикасы «Әкімшілік құқық бұзушылық туралы» Кодексінің 127-бабы 3-бөлігімен қала тұрғынына қатысты іс қаралды.Анықталғандай, жауапты ата-ана тәрбиесіндегі кәмелетке толмаған ұлы сыныптасының бет тұсынан бір мәрте теуіп, дене жарақатын салып, қылмыстық құқық бұзушылық белгілері бар қасақана іс әрекет жасауына алып келген іс әрекет жасаған.Яғни, жауапты ата-ана ұлының тәрбиелеу және білім беру оның құқықтары мен мүдделерін қорғау жөніндегі міндеттерді орындамау, қылмыстық құқық бұзушылық белгілері бар қасақана іс-әрекет жасауына алып келген іс-әрекетті жасауына жол берген.Сот қаулысымен бұзақылық жасаған баланың ата-анасына Қазақстан Республикасы «Әкімшілік құқық бұзушылық туралы» Кодексінің 127-бабының 3-бөлігімен кінәлі деп танылып, оған 51688 теңге көлемінде айыппұл салынды.&nbsp;Фото: uralskweek.kz

Қызылордада сыныптасының бетінен теуіп, дене жарақатын салған баланың ата-анасы жауапқа тартылды 

<a href="https://kyzylorda-news.kz/">Kyzylorda-news.kz</a> &nbsp;Жыл басынан бері вирустың 79 жағдайы тіркелген. Нақты айтқанда, қаңтар-мамыр аралығында аймақта 76 адамнан COVID-19 жұқтыру дерегі анықталса, мамыр айынан бастап тамызға дейін коронавируске шалдығудың бірде-бір дерегі тіркелген жоқ.Секвенирлеу нәтижесінде Қазақстанда соңғы кезде тіркеліп жатқан короновирус инфекциясының омикрон штамының түрлі нұсқалары екендігі анықталды және ағымы көп жағдайда жеңіл түрде өтіп жатқандығы байқалады,- дейді мамандар. &nbsp;Облыстық денсаулық сақтау басқармасының басшысы Олжас Искаков пен Облыстық санитарлық-эпидемиологиялық бақылау департаменті басшысының орынбасары Әлия Әбдіқайымова Өңірлік коммуникациялар қызметінің ақпарат алаңында вирустың алдын алу шаралары бойынша тың деректерімен бөлісті.<blockquote>– &nbsp;Қазіргі уақыт тұмаудың белең алатын уақыты десек болады. Күннің күрт суып кетуі, қайта жылуы ең басты фактор. Сондықтан Денсаулық сақтау ұйымдарының барлығы дайын. Тиісті қорғаныш құралдары, маскалар, аппараттар барлығы дерлік бар. Біз пандемияны басымыздан өткерген халықпыз. Барлық тиісті жұмыстарымыз дайындалған. Құрметті тұрғындар! Егер осындай тұмаудың белгілері бар болатын болса, үй жағдайының жедел-жәрдем қызметін шақырып, болмаса емхана дәрігерін шақырып көрінгендеріңіз дұрыс. Мүмкіндік болса, халық көп шоғырланған жерлерге бармауларыңызды сұраймыз. Себебі вирустың жұғу процессі күрделеніп кетуі ықтимал,- деді Олжас Ермекұлы.</blockquote>&nbsp;Дүниежүзілік денсаулық сақтау ұйымы халықты тұмаудан қорғаудың жалғыз және тиімді әдісі ретінде тұмауға қарсы вакцинациялауды ұсынады.&nbsp;<blockquote>– Осы мақсатта тұмаудың эпидахуалын тұрақтандыру және ауру деңгейін төмендету бағытында жыл сайын жергілікті бюджеттен тұмауға қарсы вакцина сатып алынады. Биыл 85004 доза вакцина алынатын болады. Тұмауға қарсы иммундауға Ресей елінде өндірілген «Гриппол плюс» вакцинасы қолданылады. Бұл тұмаудың штамдарына қарсы тиімді қорғаныс қалыптастырады. Қазақстан Республикасы Үкіметінің 2020 жылғы 24 қыркүйектегі №612 қаулысымен бекітілген медициналық көмектің кепілдік берілген көлемі шеңберінде міндетті профилактикалық екпелерді жүргізу қағидаларына сәйкес жыл сайын тұмауға қарсы вакцинациялау тиісті контингенттерге тұрғылықты мекен-жайы бойынша емханаларда тегін жүргізіледі. Тұмау өзінің асқынуларымен қауіпті. Сондықтан респираторлық аурулардың бірінші белгілері пайда болған кезде өзін-өзі емдеумен айналыспай, тез арада аймақтық дәрігерлерді үйге шақыртып, дер кезінде ем алу қажет,- деді Әлия Мүтәліпқызы.</blockquote>

Облыста эпидемиологиялық ахуал тұрақты

<a href="https://kyzylorda-news.kz/">Kyzylorda-news.kz</a> ​Бүгін қала әкімі Нұржан Ахатов Тасбөгет және Белкөл кентінің тұрғындарымен кездесіп, халықтың талап-тілегін тыңдады.​Кездесуде Мемлекет басшысы Қасым-Жомарт Кемелұлы Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауына байланысты тұрғындарға түсіндірме беріп, Президент Жолдауы – еліміздің болашағы үшін стратегиялық бағдар, экономикадан бастап әлеуметтік саясатқа дейінгі барлық бағыттарда үлкен өзгерістер, әрбір қазақстандықтың өмір сапасын жақсарту үшін нақты қадамдар екенін жеткізді. Сөз барысында күннің жарығы мен жылуы адам баласына қандай қажет болса, АЭС те еліміздің өркениетті мемлекеттер қатарына қосылып, электр жарығына тәуелсіз өмір сүруі үшін өте қажет. Болашақта электр жарығының тапшылық қаупі тұрғанда АЭС салудан бас тартпай, белді бекем буып, ел болып қолдасақ, ең алдымен тасымалданатын жарықтан құтылып, өзімізде өндірілген электр энергиясына қол жеткізу, экологияға зияны жоқ жасыл аймаққа айналдыру көзделгенін түсіндірді.​Қазіргі уақытта Тасбөгеттегі халықтың саны 30 мыңнан асты. Кенттің әлеуметтік-экономикалық тұрғыдан өсімі де қарқынды. Сәйкесінше қажетті инфрақұрылым тартылып, тұрғындардың тұрмыс сапасын арттыруға бағытталған нәтижелі жұмыстар атқарылуда. Дегенмен, Тасбөгет кентінің түрғындары үшін емхана мәселесі өзекті болып отыр. Тұрғындар №4 емхананың ішкі аумағы тар екендігін айтып, оның шешілу жолдарын қарастыруды сұрайды.​Өз кезегінде қала әкімі: «Аталған ғимарат 2006 жылы күрделі жөндеуден өткізілгенімен құрылыс нормалары және талаптарына сәйкес келмейді, яғни типтік емес. Дәрігерлердің қызмет алушыларды қабылдау бөлмелері жеткіліксіз. Бұл мәселе маған белгілі. Сондықтан қажетті шараларды қабылдап, тиісті жұмыстарды жүргізетін боламыз,»- деді.​Тұрғындарды толғандырып жүрген тақырыптардың тағы бірі - апатты деп танылған үйлерді сүріп, орнына жаңа ғимараттар салу. Себебі қаңырап бос тұрған нысандардың қауіптілігі жоғары.<blockquote>​«Көтерілген мәселе өте орынды. Біз апатты деп танылған үйлердің орнына жаңа баспаналар салуды жоспарға енгіздік. Алдағы уақытта ескісі сүріліп, сәйкесінше орнына жаңа құрылыс бой көтереді,»-деді Нұржан Сәбитұлы.</blockquote>​Кенттің ардагерлері орталық бейітке барар жолды жөндеу бойынша ұсыныстарын жеткізіп, шаһар басшысы бұл талап-тілектің де орындалатындығын жеткізді.​Келесі кездесу Белкөл кентінде жалғасты. Жүздесуде тұрғындар ұзындығы 800 метрді құрайтын орталық көшеге аяқ су жүргізу мәселесін көтерді. Орталық көшені қайта жаңғыртуға жобалық-сметалық құжаттары әзірленді. Бұған байланысты бюджеттік өтінім ұсынылған. Яғни, бұл мәселе жаңғырту жұмысымен қатар шешімін табатын болады.<blockquote>​«Кентте мәдениет үйін салу өзекті болатын. Мұның да түйіні тарқатылып, мәдениет үйінің құрылысы бойынша жоба-сметалық құжаттары әзірленіп, бюджеттік өтінім ұсынылды. Қажетті қаражат бөлініп, руханият ошағы бой көтереді,» – деп көпшілікті қуантты қала әкімі.</blockquote>​Тұрғындар тарапынан кенттегі білім беру мекемесінің шатырын жөндеу, көшелерді жарықтандыру жөнінде де ұсыныстар білдірілді. Бұл жұмыстар кезең-кезеңімен шешімін табатыны айтылды. Кент тұрғындары шаһар басшысының жұмысына сәттілік тілеп, ақ баталарын арнады.<img src="https://knadmin.beoblood.kz/uploads/458282812_3692121287721269_2699285672398842065_n_6cd9cf5500.jpg" alt="458282812_3692121287721269_2699285672398842065_n.jpg">

Қызылорда қаласының әкімі шаһарға қарасты кент тұрғындарымен кездесті

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында Мемлекет басшысының Қазақстан халқына Жолдауындағы тапсырмаларын орындау мәселелері қаралды.Үкімет отырысынан кейінгі арнайы мәжілісте жауапты тұлғаларға бірқатар міндет жүктелді.Осы жылдың 7 айында өңірге барлық көзден 296,1 млрд. теңге инвестициялар тартылды. Оның 75,6 пайызы – жеке инвестициялар. Жыл соңына дейін жарты триллионнан астам инвестиция тарту жоспарлануда.Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемі өткен жылдың қыркүйек айынан бастап оң динамикаға шықты. Өсім өңдеу өнеркәсібі есебінен қалыптасты. Сыр өңірі өңдеу өнеркәсібіндегі өсу қарқыны бойынша 2022 жылы республикада 11-орында болса, өткен жылдан бастап аймақтар арасында алдыңғы қатардан көрінді.<img src="https://knadmin.beoblood.kz/uploads/457840636_813138677674045_154463068461066444_n_955b8a7e35.jpg" alt="457840636_813138677674045_154463068461066444_n.jpg">Соңғы 2 жылда облыста 19,6 млрд. теңгенің 22 инвестициялық жобасы іске қосылды. Биыл 31,3 млрд. теңгенің 14 жобасын жүзеге асыру, 409 жаңа жұмыс орнын құру көзделуде. Одан бөлек, инвестицияның жаңа толқынын тарту мақсатында 77 млрд. теңгенің 6 жобасы бойынша жұмыс басталды.Жеке кәсіпкерлікті қаржылай қолдауға барлық қаржы көзінен 34,5 млрд. теңге қарастырылды. Екінші деңгейлі банктер мен қаржы ұйымдары арқылы 3 мыңға жуық жоба қаржыландырылуда. Қолдау шараларының нәтижесінде соңғы екі жылда шағын және орта кәсіпкерлікте жұмыспен қамтылған адамдар саны 15,4%, өнім шығару көлемі 1,7 есе, салықтық түсім 45,4% ұлғайып, кәсіпкерліктің жалпы өңірлік өнімдегі үлесі 18,9%-ға жетті.Биыл аймақта 43,3 млрд. теңгеге 300 шақырымнан асатын жол жөндеуден өтеді. Осылайша сапалы жолдардың үлесі 87,5 пайыздан 92 пайызға жеткізіледі. 2025 жылға дейін «Жайлы мектеп» ұлттық жобасы аясында 12 300 орынға арналған 21 мектептің құрылысы жүргізіледі. Жыл соңына дейін 6 900 орындық 10 мектеп пайдалануға беріледі.Өңірде Мемлекет басшысы айқындаған барлық тапсырмалар іске асырылады.<img src="https://knadmin.beoblood.kz/uploads/457748527_813138637674049_4466126660284531127_n_a344a7bdc8.jpg" alt="457748527_813138637674049_4466126660284531127_n.jpg"><img src="https://knadmin.beoblood.kz/uploads/458110795_813138504340729_8968416414049987409_n_683adcea59.jpg" alt="458110795_813138504340729_8968416414049987409_n.jpg">

Қазақстан және Қызылорда облысының жаңалықтары