<a href="https://kyzylorda-news.kz/">Kyzylorda-news.kz</a> Қазақстанда микронесиелер бойынша қарыз жүктемесін жеңілдету үшін коллективтік қайта құрылымдау механизмі енгізілмек. Бұл – қарыз алушыларға біраз жеңілдік әкелетін маңызды өзгеріс болмақ, – деп хабарлайды&nbsp;<a href="https://massaget.kz/news/kazakstanda-nesiesn-kaytara-almay-jurgenderge-jenldk-127825/">Massaget.kz&nbsp;</a>тілшісі.Құжат туралыҚаржы нарығын реттеу және дамыту агенттігі (ҚНРДА) «Микрокредит беру туралы шарттың талаптарына өзгерістер енгізу ережесін бекіту туралы» қаулы жобасын қоғам талқысына шығарды. Құжат бірнеше кепілсіз тұтынушылық микронесиесі бар азаматтарға қатысты маңызды жаңалықтарды қамтиды.Ұсынылып отырған өзгеріс қандай?Ең басты жаңалық — қарыздарды біріктіре отырып, бірлескен түрде қайта құрылымдау мүмкіндігі. Яғни, әртүрлі микроқаржылық ұйымдардан екі немесе одан көп мерзімі өткен қарызы бар азаматтар енді сол қарыздарын біріктіріп, жаңа төлем кестесін келісуге мүмкіндік алады.Жоба аясында қайта құрылымдау келесі мүмкіндіктерді қамтиды:микронесиелер бойынша қарыздарды біріктіру; кредиторлармен жаңа төлем кестесін келісу; өтеу мерзімін ұзарту және икемді төлем шарттарын ұсыну. Бұл өзгеріс бұрын бөлек жұмыс істеп келген бірнеше микроқаржы ұйымы мен бір қарыз алушы арасында келіссөз жүргізуге жол ашады.Бұл не үшін қажет?Мақсат — микронесиелер бойынша мерзімінен кешігіп қалған азаматтарға қаржылық қысымды азайту және олардың тұрақтылығын арттыру. Қазірде бір адамда бірнеше ұйымға берешегі болса, әрқайсысы жеке өсімпұл, айыппұл қосып, қысым көрсетеді. Қарыздарды біріктіру – бұл жағдайды жеңілдетеді, әрі адамның жағдайын біршама тұрақтандырады.Кімдер пайдалана алады?Механизмге әртүрлі кредиторлардан кемінде екі кепілсіз микронесиесі бар және олар бойынша мерзімі өткен қарызы бар азаматтар қатыса алады. Бағдарламаға микроқаржы ұйымдары қатысады деп күтілуде.Қашан іске асадыЖоба әзірге «Ашық НҚА» сайтында қоғам талқысында тұр. Қаулының нақты күшіне ену мерзімі қоғамдық пікір мен түпкілікті бекітуге байланысты. Дегенмен, бұл тәсіл қарыз алушыларды қорғаудың басым бағыты ретінде қарастырылып отыр.Мемлекет басшысының тапсырмасыБұған дейін Президент қазақстандықтарға қарыз құрсауынан шығуға көмектесу – «маңызды саяси мәселе» екенін атап өткен. Кейін Ұлттық банк басшысы Мемлекет басшысының тапсырмасын қалай орындайтынын түсіндірген болатын. Құжат бекітілсе, бұл өзгеріс мыңдаған азаматтың қаржылық жағдайын жеңілдетуі мүмкін.Фото: freepik

Несиесін қайтара алмай жүргендерге жеңілдік жасалады

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасының Премьер-министрі Олжас Бектенов Hong Kong Sino-Science Oil and Gas Co., Ltd. (Geo-Jade Petroleum) компаниясының президенті Ван Вэньтаомен кездесіп, мұнай-газ саласындағы ынтымақтастық және күрделі жолмен алынатын газды өндіру жобасын жүзеге асыру мәселелерін талқылады.Аталған жоба Қызылорда облысындағы «Созақ» кен орнында жүргізілуде.Жиын соңында &nbsp;Олжас Абайұлы жобаны жан-жақты талдап, оны іске асыру үшін арнайы жұмыс тобын құруды тапсырды.Geo-Jade Petroleum – Қазақстанда 10 жылдан астам уақыттан бері қызмет ететін ірі қытайлық мұнай-газ компаниясы. Елімізге 3 млрд АҚШ долларынан астам инвестиция құйып, шамамен 1000 тұрақты жұмыс орнын ашқан.Аймақта көмірсутек ресурстарын өндіру көлемі жыл сайын азаюда. Соңғы 10 жылда мұнай өндірісі 68%-ға төмендеп, 2024 жылы 3,3 млн тонна болды, ал 2025 жылға 3,2 млн тонна жоспарланған. Бұл өңірдің әлеуметтік-экономикалық дамуына кері әсерін тигізуде. Сондықтан мұнай-газ саласын, оның ішінде «Созақ Ойл энд Газ» компаниясының аумағын дамыту маңызды. Мемлекет басшысының инвестиция тарту жөніндегі тапсырмасын орындау мақсатында осы жылдың ақпанында аймақ басшысы Нұрлыбек Машбекұлы бастаған Қызылорда облысының делегациясы Қытай Халық Республикасына жұмыс сапарымен барды. Сол сапарда «Geo-Jade Petroleum» компаниясының басшылығымен кездесіп, өңірдің мұнай-газ саласын дамыту перспективаларын талқылаған болатын.«Созақ Ойл энд Газ» компаниясы 2007 жылы көмірсутектерді барлау және өндіру бойынша келісімшартқа қол қойды. 2011 - 2024 жылдар аралығында "Созақ" кен орнын барлауға 33,8 млрд теңге жеке инвестиция тартылған.«Созақ Ойл энд Газ» аумағында «Оппақ», «Инкай», «Оңтүстік таулы техникалық компания», «Қазатомпром Сауран» сияқты уран өндіруші кәсіпорындар жұмыс істейді. Бұл учаскеде «Маңғышлак мұнай» компаниясына газ өндіруге рұқсат берілген.Фото: Қызылорда облысы әкімдігінің баспасөз қызметі

Қызылорда облысында күрделі газ өндіру жобаларын жүзеге асыру мәселелері талқыланды

<a href="https://kyzylorda-news.kz/">Kyzylorda-news.kz</a> Майғазиевтер әулетіндегі дүбірлі тойда Әділеттің жігіт жолдасы Жанболат пен Жазираның ұлы Қазбек болды, – деп хабарлайды&nbsp;<a href="http://skifnews.kz/">Skifnews.kz</a>&nbsp;ақпарат порталы.Жанболат пен Жазираның тұңғышы досы Әділетке тойына арнап ерекше сый жасады.&nbsp;<blockquote>«Әділет бауырым, есіңде болса осыдан 5-6 жыл бұрын біз өзара уәделескен болатынбыз. Екеумізден кім бірінші үйленсе, үйленбегеніміз соған бал айына жолдама алып береді деген едік. Соған орай сыйлыққа Мальдив аралдарына немесе өздері қалаған елге жолдама. Екеуінің әдемі махаббатырыңа қосқан менің кішкене үлесім болсын. Бұдан бөлек қыз жолдас екеумізден Әдияға соңғы үлгідегі фотоаппарат», – деді ол.&nbsp;</blockquote>Фото: видеодан скрин

«Уәделескен едік»: Жанболат пен Жазираның ұлы Әділет Майғазиевке тосын сый жасады

<a href="https://kyzylorda-news.kz/">Kyzylorda-news.kz</a> Тағдырында таршылықты да, баршылықты да көрген өз заманының зиялысы Тәкей Есетовтың тас тұғыры 2013 жылы Қызылорда қаласындағы ең ірі білім ұясы – №264 мектеп-лицейінің ауласына орнатылды. Авторы – Қ.Сатыбалдин. Мүсін қола материалынан құйылған. Биіктігі 1,30 метр.Арал ауданы және облыстық партия комитетінің бірінші хатшысы қызметтерін атқарған Тәкей Есетұлы Сыр өңірінің дамуына аянбай қызмет жасаған қайраткер.1969 жылы Арал теңізінің тартылып кету қаупін зерттеп білген Тәкей Есетов Республика Үкіметінің назарын аударып, экологиялық апат туралы ең алғашқы болып қозғау салды.Ол 1978-1985 жылдар аралығында облыс орталығында драма театр, музей, әуежай, басқа да әлеуметтік нысандар құрылысының қарқынды жүруіне күш салды. «Қызылордарисмаш» зауыты, «Шалқия» кеніші секілді өндіріс орындарының жұмысы жандана түсті. Әсіресе, облыс еңбеккерлерін жаңа табыстарға қол жеткізуге ұйымдастыра білді. Кадрларды таңдау, іріктеу, тәрбиелеу, оларды өндірістің шешуші орындарына жұмысқа қою сияқты мәселеде білікті басшы биігінен көрінді. Қайраткер туралы жазылған «Тағдыр мен тағылым» атты кітапта оның өнегелі өмірі жан-жақты суреттелген. Соның ішінде, отбасы бақыты терең тербелген.Шынында, азаматтың бақытты болуы әйелге көп байланысты болса, жары Тазагүл Сейтжанқызы тағдырдың аманатын, аналық ауыр міндетті абыроймен орындады. Сөйтіп өзінің отбасынан он үш жанұя шығарып, шаңырағын көтертті.Мемлекет және қоғам қайраткері 2003 жылы 30 қазан күні дүниеден өтті. Елі үшін еңбек еткен азаматтың еңбегі ескеріліп, Қызылорда қаласында №264 мектеп-лицейгеТәкей Есетұлының есімі беріліп, ескерткіш-кеудемүсіні орнатылған. Қайраткердің еңбек жолы туралы деректі фильм түсірілген.Фото: қала әкімдігі

Тастұғырда – Тәкей ата тұлғасы

<a href="https://kyzylorda-news.kz/">Kyzylorda-news.kz</a>&nbsp; Жалағаш ауданының әкімі Ардақ Ибраимовтың төрағалығымен 2025 жылғы мерзімді әскери қызметке шақыру науқанының барысы қаралды.Жиында аудан көлемінде мерзімді әскерге шақыру жұмыстарының ұйымдастырылу деңгейі баяндалып, алдағы міндеттер айқындалды. Әскерге шақырылушылардың медициналық тексеруден өтуі мен іріктеу тәртібі, сондай-ақ, олардың моральдық-психологиялық дайындығы басты назарға алынды.Аудан әкімі Жалағаш кенті мен ауылдық округ әкімдеріне аудандық қорғаныс істері жөніндегі біріктірілген бөліммен бірлесе отырып, азаматтарды мерзімді әскери қызметке шақыру жұмыстарын күшейтуді тапсырды.Сонымен қатар, шақырылған азаматтардың заңды құқықтарының қорғалуын, олардың денсаулығы мен қауіпсіздігін қамтамасыз ету мәселесін де басты назарда ұстау қажеттігі айтылды.Аудан бойынша 2025 жылғы мерзімді әскери қызметке шақыру жұмыстарын тиімді жүзеге асыру үшін барлық деңгейдегі органдармен үйлесімді жұмыс атқарылатын болады.Фото:&nbsp;Жалағаш ауданы әкімінің баспасөз қызметі

Мерзімді әскери қызметке шақыру барысы қаралды

<a href="https://kyzylorda-news.kz/">Kyzylorda-news.kz</a> Мемлекет басшысы Жолдауында елімізде «Заң және тәртіп» қағидатын біржола орнықтыруда полиция айрықша рөл атқаратынын атап өтті. Қылмыспен күрес, қоғамдық тәртіпті сақтау аса маңызды міндет екеніне тоқталып, Әділетті Қазақстанды құрудың басты шарты заң мен тәртіптің үстемдігін қамтамасыз ету екенін айтып, құқық қорғау органдарына құқық бұзушылықтың алдын алу мәселесіне баса мән беруді міндеттеді.Осы ретте ҚР ІІМ Байқоңыр қаласындағы Өкілдігімен Мемлекет басшысы алға қойған міндеттердің сапалы орындалуы мен елімізде заң үстемдігі мен әділдікті сақтау бағытындағы жүйелі жұмыс жүргізілуде.Басым бағыттардың бірі саналатын қоғам белсенділері мен еріктілер қозғалысын қолдауға Өкілдік тарапынан ерекше көңіл бөлініп келеді. Олардың еңбегі еленіп, қоғамдық тәртіп пен азаматтардың қауіпсіздігін қамтамасыз ету ісінде полицейлерге көрсеткен көмектері үшін марапатталып келеді.Осы орайда Өкілдік бастығы полиция полковнигі К.Оразалиннің құзырымен Өкілдіктің әкімшілік полиция бөлімінің қызметкерлері белсенді азаматтық ұстанымдары мен ішкі істер органдарына қоғамдық тәртіпті сақтауға және өңірде азаматтардың қауіпсіздігін қамтамасыз етуге көмек көрсетіп, ерекше көзге түскен еріктілерді алғыс хатымен марапаттады.Алдағы уақытта халық тыныштығын күзеткен полицейлер еріктілермен жұмыс жасап, байланысты жалғастырмақ.Фото: Полиция департаменті

Байқоңырлық полицейлер еріктілерді марапаттады

<a href="https://kyzylorda-news.kz/">Kyzylorda-news.kz</a> Құрметті Қызылорда облысының кәсіпкерлері!Сіздерді Қазақстан Республикасы Президентінің «Алтын сапа» сыйлығын алуға арналған конкурсы және «Қазақстанның үздік тауары» көрме-конкурсына қатысуға шақырамыз.1. ҚР Президентінің «Алтын сапа» сыйлығыҚР Президентiнiң «Алтын сапа» сыйлығы өнiмнiң немесе көрсетілетін қызметтердiң сапасы саласында ұйымның елеулі нәтижелерге қол жеткiзгенi үшiн, олардың қауiпсiздiгiн қамтамасыз еткені, сондай-ақ ұйымның сапаны басқарудың тиiмдiлiгi жоғары әдiстерiн енгiзгенi үшiн берiледi.Сыйлық лауреаты атағына ие болған конкурсқа қатысушыларға конкурстың эмблемасы, диплом &nbsp;және 450 айлық есептік көрсеткіш мөлшерінде ақшалай сыйақы беріледі (2025 жылға – 1&nbsp;769 400 теңге).Конкурс жеңiмпаздарын марапаттау рәсiмi салтанатты түрде өткiзiледi. Байқау сыйлығын Қазақстан Республикасының Президенті жеке тапсырады.Ұйымдар конкурсқа келесі номинациялар бойынша қатысады: «Өндiрiстiк мақсаттағы үздiк кәсiпорын»; «Халық тұтынатын тауарларды шығаратын үздiк кәсiпорын»; «Қызметтер көрсететiн үздiк кәсiпорын»; «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын». Әр номинацияда мынадай санаттар бойынша үш сыйлық беріледі: шағын кәсіпкерлік субъектісі; орта кәсіпкерлік субъектісі; ірі кәсіпкерлік субъектісі.Конкурста 2 арнайы сыйлық тағайындалады: «Үздік индустриялық жоба»; «Үздік инновациялық жоба».Конкурсқа қатысушылар Комиссияға кемiнде үш жыл кезеңде шығарылатын өнiмнiң немесе көрсетiлетiн қызметтiң жоғары сапасын растауға тиiс.«Қазақстанның үздік тауары» республикалық көрме-конкурсыКонкурсқа Қазақстан Республикасының аумағында тауарлар өндірумен (қару-жарақ пен әскери техника өндіруді қоспағанда) айналысатын және өнім сапасының тұрақты жоғары деңгейін қамтамасыз ету және оны жүйелі түрде жақсарту жөнінде оң нәтижелері бар дара кәсіпкерлер мен заңды тұлғалар қатысуға үміткер бола алады.Конкурс 2 кезеңде өткізіледі: өңірлік және республикалық.Ұйымдар конкурсқа келесі номинациялар бойынша қатысады: 1. «Өндірістік мақсаттағы үздік тауарлар»; 2. «Халыққа арналған үздік тауарлар»; 3. «Үздік азық-түлік тауарлары».Өңірлік көрме-конкурстың 9 жеңімпазы (әр номинацияда үш жеңімпаздан) республикалық конкурсқа қатысады. Конкурс дипломанттары салтанатты түрде «Қазақстанның үздік тауары» республикалық көрме-конкурсының эмблемасымен және дипломдарымен марапатталады.Конкурс дипломанттарының тізімі бұқаралық ақпарат құралдарында жарияланады. Конкурс жеңімпаздары байқау эмблемасын жарнамалық мақсатта төрт жыл бойы пайдалану құқығына ие болады.Қатысуға өтінім мен құжаттар жиынтығын беру мерзімі - 2025 жылғы 1 шілдеге дейін.Конкурс туралы толық ақпаратты www.altynsapa.kz сайтынан немесе Қызылорда облысы кәсіпкерлер палатасынан &nbsp;87472825688 нөміріне хабарласып алуға болады.

«Алтын сапа» сыйлығына өтінім қабылдау басталды

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Hong Kong Sino-Science Oil and Gas Co., Ltd. (Geo-Jade Petroleum) компаниясының президенті Ван Вэньтаомен кездесу өткізді.Жиында мұнай-газ саласындағы ынтымақтастық және күрделі жолмен алынатын газды өндіру жобасын жүзеге асыру мәселелері талқыланды. Аталған жоба Қызылорда облысындағы «Созақ» кен орнында жүзеге асырылуда.Қазақстан энергетикалық қауіпсіздікті нығайту және еліміздің экономикалық өсуін қамтамасыз ету үшін өзара тиімді шарттарда ынтымақтастықты жалғастыруға және дәстүрлі емес ресурстардың әлеуетін ашуға мүдделі.Талқылау қорытындысы бойынша жұмыс топтары деңгейінде жұмыс жалғасатынын атап өтті.Geo-Jade Petroleum – Қазақстанда 10 жылдан астам жұмыс істеп келе жатқан мұнай мен газды барлау және өндіру бойынша ірі қытайлық компания. Бұған дейін кәсіпорын Қазақстанда $3 млрд-тан асатын бірқатар ірі жобаны жүзеге асырып, 1 мыңға жуық тұрақты жұмыс орнын ашқан.Фото: gov.kz

«Созақ» кен орнында газ өндіру жобасын жүзеге асыру барысы талқыланды

<a href="https://kyzylorda-news.kz/">Kyzylorda-news.kz</a> Қызылорда қаласында өнім берушілердің қатысуымен “Бірыңғай мемлекеттік тапсырыс” аясындағы жаңа пилоттық жоба бойынша ақпараттық-түсіндіру жиыны өтті.Аталған жиынға Қызылорда облысының дене шынықтыру, спорт және туризм басқармасының басшысы Артаев Бахтияр Ғарифоллаұлы, басқарма басшысының орынбасары Серік Айдарбекұлы, облыстық мәдениет, архивтер және құжаттама басқармасы, облыстық білім басқармасы, сондай-ақ облыстық жұмылдыру дайындығының, аумақтық және азаматтық қорғаныс басқармасының, Қызылорда облыстық полиция департаментінің және мемлекеттік кірістер департаментінің салалық өкілдері қатысты.Жиынның басты мақсаты – 2025 жылдың 1 маусымынан бастап іске қосылған «Қызмет алушылардың дербестендірілген қаржыландыруды ескере отырып, балаларға қосымша білім беруге арналған бірыңғай мемлекеттік тапсырысты орналастыру» жөніндегі пилоттық жобаның жалпы ережесі мен басты талаптарын халыққа кеңінен түсіндіру болып табылады.Өнім берушілерге жобаның іске асу алгоритмі, негізгі ережелері, талаптары мен шарттары жан-жақты түсіндіріліп, ұсынылған өзгерістер бойынша өзара пікір алмасты.Бұл жоба аясында балалардың қосымша білім алу мүмкіндіктерін кеңейту, қызмет көрсету сапасын арттыру және мемлекеттік тапсырысты тиімді ұйымдастыру көзделіп отыр.Алдағы уақытта бұл бағыттағы түсіндіру жұмыстары барлық аудан мен қалада жалғасын табатын болады.<img src="https://knadmin.beoblood.kz/uploads/Pilotty_zhoba_2_840571d619.jpg" alt="Пилоттық жоба 2.jpg">

Өнім берушілерге жаңа пилоттық жобаның ережесін түсіндірді

<a href="https://kyzylorda-news.kz/">Kyzylorda-news.kz</a> «AMANAT» партиясы мәдениет пен өнерге әрқашан қолдау көрсетіп келеді. Атап айтсақ, партияның тікелей қолдауымен жылда барлық деңгейдегі ақындар айтысы, «Ұлы дала» шығармашылық байқауы ұйымдастырылып, БАҚ өкілдері арасында да «AMANAT» медиа сыйлығы табысталуда. Партия Төрағасы Ерлан Қошанов 2023 жылы өткен «Ұлы дала» республикалық шығармашылық байқауында сөйлеген сөзінде бұл байқауды өңірлік деңгейде ұйымдастырып, жергілікті қаламгерлердің қатысуын қамтамасыз етуді тапсырған болатын. Партия төрағасының тапсырмасына орай байқау Сыр өңірде өткен жылы алғаш рет аймақтық деңгейде ұйымдастырылып, жеңімпаздар республикалық кезеңде бақ сынады. Жас ақындар мен жазушыларға шабыт сыйлайтын «Ұлы дала» байқауы биыл екінші рет аймақтық кезеңде ұйымдастырылғалы отыр. Бұл туралы бүгін партияның облыстық филиалының төрағасы Алмасбек Есмаханов БАҚ өкілдеріне арналған брифингте айтты.<blockquote>«Жергілікті қаламгерлердің қатысуымен өтетін «Ұлы дала» аймақтық шығармашылық байқауы «Поэзия», «Проза» және «Балаларға арналған шығарма» номинациясы бойынша өткізіледі. Құжаттар ереже бойынша 16 маусым мен 10 тамыз аралығында қабылданады. Аймақтық ұйымдастыру комитетімен әрбір номинацияға үш орыннан қарастырылып отыр. Жеңімпаздар қаржылай және бағалы сыйлықтармен марапатталатын болады»,- дейді Алмасбек Есмаханов.</blockquote>Атап өту керек байқауға 18-ден 45 жасқа дейінгі азаматтар қатыса алады. Бір автор тек бір номинацияға қатысады. Байқауға қазақ тіліндегі жұмыстар ғана қабылданады және бұрын-соңды жарияланған шығарма қабылданбайды. Ұсынылатын жұмыстардың тақырыбына шектеу қойылмайды. Байқауға келіп түскен жұмыстар байқау комиссиясымен 10-20 тамыз аралығында қаралады.Жеңімпаздарды марапаттау рәсімі 31 тамызға дейін өткізілмек және әр номинация бойынша жеңімпаздар «Ұлы дала» республикалық шығармашылық байқауына қатысуға тікелей жолдама алады.Ескерту, байқауға қатысу үшін «Проза» номинациясына 25, «Поэзия» номинациясына 15, «Балаларға арналған шығарма» номинациясына 15 беттен аспайтын жұмыстар қабылданады. Олар А4 форматында, Times New Rоman қарпімен, 14 мөлшерде,1,0 аралықта терілуі керек және материалдар бүркеншік атпен партияның аймақтық филиалының kyzylorda@amanatpartiasy.kz электрондық мекенжайына жолданады.Байқаудың толық ережесімен партияның облыстық филиалының Amanat Қызылорда облысы, amanatkyzylorda атты әлеуметтік желілердегі ресми парақшаларынан таныса аласыздар.

"Ұлы дала" шығармашылық байқауына құжат қабылдау басталды

<a href="https://kyzylorda-news.kz/">Kyzylorda-news.kz</a> Әрине, демалысқа жиналғанда, бәріміз ең алдымен тынығуды және өмір бойы жылылықпен еске алатын ұмытылмас әсер алуды армандаймыз. Алайда, тиісті дайындықсыз демалыс қуанышты оқиға емес, нағыз азапқа айналуы мүмкін екенін ұмытпаған жөн. Мұндай жағдайға тап болмау үшін Fingramota.kz сізге жайлы әрі қауіпсіз саяхаттауға көмектесетін сенімді кеңестерді ұсынады.Құжаттарыңызды ретке келтіріңізСапарға шықпас бұрын құжаттардың бәрі дұрыс екеніне көз жеткізіңіз: төлқұжат, виза, билеттер, сақтандыру полисі, бронь. Барлық маңызды құжаттардың сапалы сканерленген көшірмелерін және фотосуреттерін жасап, оларды қауіпсіз бұлтты сақтау қоймасында (Google Drive, Dropbox, iCloud) сақтаңыз және өзіңізге электрондық пошта арқылы жіберіңіз. Сонымен қатар, интернет тұрақсыз елдерге немесе таулы аймақтарға, ашық теңізге белсенді демалысқа баратын болсаңыз, құжаттардың қағаз көшірмесін де дайындап алыңыз. Бұдан бөлек, бара жатқан еліңіздегі Қазақстанның елшілігі немесе консулдығының мекенжайы мен байланыс нөмірін алдын ала жазып алыңыз.Ақшаны дұрыс сақтаңызБұл жерде біз қаржыны дұрыс бөлуді айтып отырмыз: барлық ақша мен төлем карталарын бір сөмкеге салмаңыз. Нал ақшаны бірнеше бөлікке бөліп, қосымша картаңызды чемоданға салып қойыңыз. Тағы да сенімді әдіс – виртуалды карталарды пайдалану. Шетелге шықпас бұрын банкке сапар жайлы хабарлаңыз – бұл картаны шетелде бұғаттап тастау тәуекелін азайтады. Сондай-ақ, банк комиссиялары туралы – шетелде төлем жасағанда және ақша алғанда – алдын ала біліп алыңыз. Онлайн-банкинг арқылы қолма-қол ақша алу лимиттерін орнатыңыз және SMS-хабарлама қызметі мен операциялар лимиттерінің қосылғанына көз жеткізіңіз – бұл күдікті транзакциялардың алдын алады.Wi-Fi-ға мұқият қараңыз – әсіресе тегін желілергеКафе, әуежай және қонақүй желілері – хакерлер үшін таптырмас мүмкіндік. Ашық желілер арқылы олар сіздің құпиясөздеріңізді, банк деректеріңізді немесе құрылғыңызға қолжетімділік алып кетуі мүмкін. Сол себепті, тек саяхатта ғана емес, жалпы алғанда, ешқашан шифрланбаған қоғамдық Wi-Fi желілеріне (әсіресе әуежайда, қонақүйде немесе кафеде) VPN-сіз қосылмаңыз. Егер шұғыл түрде желіге қосылу қажет болса, оны тез арада жасап, банк картасы деректері мен құпиясөздер сияқты маңызды ақпаратты енгізбеңіз. Сондай-ақ барлық маңызды аккаунттарыңызға екі факторлы аутентификация орнатып алыңыз.Сақтандыруды ұмытпаңызМедициналық сақтандыру – бұл жай ғана формалдылық емес, өзге елде (және Қазақстанда да) қауіпсіздіктің кепілі. Әсіресе белсенді спортпен айналысатын болсаңыз немесе ыстық климатты елге барсаңыз, сақтандыру полисін алдын ала рәсімдеңіз. Ол тек медициналық көмекті ғана емес, багаж жоғалған жағдайда, рейс тоқтатылса немесе кешіктірілсе де көмектеседі. Егер сізбен бірге балалар саяхаттаса – сақтандыру тіпті маңыздырақ: климат ауысуы оларға әсер етуі мүмкін, ал сақтандыру арқылы қажетті ем мен көмекті тезірек аласыз. Сақтандыру рәсімдеу кезінде қандай тәуекелдер нақты қамтылғанын нақтылап алыңыз және сақтандыру компаниясының байланыс деректерін өзіңізбен бірге ұстаңыз.Тегін ірімшік тек қақпанда боладыБұл – қарапайым, бірақ әрқашан өзектілігін жоғалтпайтын шындық. Әуежайда, қонақүйде немесе көшеде орналасқан айырбастау пункттері көбінесе тиімсіз, тіпті алаяқтық болуы мүмкін. Ал егер сіз жергілікті тілді жақсы білмесеңіз, алдану қаупі екі есе артады. Сондықтан валюта бағамдарын тек ресми көздерден алдын ала біліп алыңыз. Достарыңыз бен туыстарыңыздың арасында сізге түсінуге көмектесетін адам табылуы мүмкін екенін де ескеріңіз.Бюджетіңізді алдын ала жоспарлаңызСаяхатта түрлі қызықты ұсыныстарға қарсы тұру қиын: экскурсиялар, естелік сыйлықтар, балаларға арналған ойын-сауық. Демалыста өзіңізден бәрін аямай-ақ қойыңыз, бірақ негізгі шығындарды алдын ала есептеп, нақты бюджет құрыңыз. Транспорт, тамақ, экскурсия, кәдесыйлар және күтпеген шығындарға арналған қосымша 10–15% көлемінде қаражат қарастырыңыз. Қандай мұқият жоспар құрсаңыз да, түрлі күтпеген жағдайлар болып қалуы мүмкін. Бюджеттен аспау және ештеңені ұмытпау үшін CoinKeeper, Zen-Money, Monefy немесе TravelSpend сияқты қаржы бақылау қосымшаларын қолданыңыз.Балалардың цифрлық қауіпсіздігін қамтамасыз етіңізБалалармен саяхатқа шықсаңыз – олардың құрылғыларында ата-аналық бақылауды орнатып, белгісіз сайттар мен қосымшаларға кіруді шектеу маңызды. Балалар көбінесе тегін ойындар немесе қосымшаларды жүктеп алып, ата-аналарының банк картасы деректерін енгізіп, алаяқтардың құрбанына айналады. Мұндай жағдайдың алдын алу үшін лимиті бар виртуалды карталарды пайдаланыңыз және балаларды цифрлық қауіпсіздік негіздеріне үйретіңіз: құпиясөздерді ешкімге айтпау, күмәнді сілтемелерге өтпеу, құжаттардың суретін жібермеу.Ақпараттық гигиенаны сақтаңызСаяхат кезінде әсерлерімізбен бөліскіміз келеді: сурет салып, стористер жариялаймыз. Алайда сақ болыңыз: демалыста екеніңізді нақты уақыт режимінде көрсету арқылы үйіңіздің бос тұрғанын қаскүнемдерге жариялап жатырсыз. Орналасқан жеріңізді нақты көрсетпеңіз және билеттер мен құжаттардың суреттерін жарияламаңыз. Суреттерді кешігіп – бір-екі күннен кейін немесе локация ауыстырылған соң салған жөн.Қауіпсіз демалысты мұқият ұйымдастыру – бұл уақытты босқа шығындау емес, ең алдымен өзіңіз бен жақындарыңызға деген қамқорлық. Иә, дайындыққа уақыт кетеді, бірақ оның есесіне, көптен күткен демалыста барынша тынығып, барлық маңызды нәрселерді алдын ала ескергеніңізге көңіліңіз орнықты болады.<img src="https://knadmin.beoblood.kz/uploads/auipsiz_demalys_6a1837f9d6.png" alt="Қауіпсіз демалыс.png">Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Қауіпсіз демалыс: пайдалы лайфхактар

<a href="https://kyzylorda-news.kz/">Kyzylorda-news.kz</a> Құрметті жерлестер, «AMANAT» партиясының бұқаралық ақпарат құралдары қызметкерлері күні қарсаңында өтетін «AMANAT медиа сыйлығы – 2025» республикалық байқауына өтінім қабылдау жұмыстарының аяқталуына санаулы күндер қалды.&nbsp;Ақпарат саласы өкілдерінің әлеуетін арттыруға бағытталған ашық конкурс Мемлекет басшысы Қасым-Жомарт Тоқаевтың реформалары, «Еңбек адамы», «Жұмысшы мамандықтары жылы», «Taza Qazaqstan», жастардың қоғамдағы рөлі және тағы басқа негізгі тақырыптарды қамтиды.«AMANAT медиа сыйлығы» бұқаралық ақпарат құралдарының жанрына қарамастан, тақырыптық бағыттар бойынша табысталады.Сонымен қатар «Алаш аманаты», Шерхан Мұртаза мен Камал Смайылов атындағы «Телевизия үздігі» және белсенді азаматтық ұстаным үшін арнайы жүлделер қарастырылған.Өтінімдер 23 мамыр мен 17 маусым аралығында қабылданады. Салтанатты марапаттау рәсімі маусым айының соңында, Бұқаралық ақпарат құралдары қызметкерлері күні қарсаңында өтеді. Жеңімпаздарға «AMANAT» медиа-премиясы, мүсінше және ақшалай сыйлықтар табысталады.Байқау жеңімпаздары екі бағыт бойынша он аталымда анықталады.&nbsp;Тақырыптар бойынша номинациялар:<ul><li style="text-align:justify;">«Еліміздегі реформалар туралы үздік материал»</li><li style="text-align:justify;">«Еңбек адамы туралы үздік материал»</li><li style="text-align:justify;">«Жастар туралы үздік материал»</li><li style="text-align:justify;">«Аймақ туралы үздік материал»</li><li style="text-align:justify;">«Партия жұмысы туралы үздік материал»</li><li style="text-align:justify;">«Taza Qazaqstan» – экология мен қоршаған ортаны сақтау туралы үздік материал»</li><li style="text-align:justify;">«ҚР Конституциясының 30 жылдығы туралы үздік материал»</li></ul>Арнайы сыйлықтар:&nbsp;<ul><li style="text-align:justify;">Шерхан Мұртаза және Қамал Смайылов атындағы «Телевизия үздігі» сыйлығы</li><li style="text-align:justify;">«Алаш аманаты» сыйлығы&nbsp;</li><li style="text-align:justify;">«Белсенді азаматтық ұстанымы үшін» сыйлығы</li></ul>Байланыс телефондары: 8-7172-70-76-25, 8-7172-70-76-28Электрондық пошта: <a href="mailto:media_premiya@amanatpartiasy.kz">media_premiya@amanatpartiasy.kz</a>Толық ақпаратты: amanatpartiasy.kz ресми сайтынан ала аласыздар

Қазақстан және Қызылорда облысының жаңалықтары