<a href="https://kyzylorda-news.kz/">Kyzylorda-news.kz.</a>&nbsp; Балық аулау - қызықты кәсіп болғанымен, бұл асқан сабырлық пен темірдей шыдамдылықты, күш пен жігерді талап ететін ерекше кәсіптің түрі. Десе де, біреулер үшін балық аулау нәпақасын айыру, біреулер үшін хобби, біреулер үшін спорт болып табылады.Жалпы, балықты қыс мезгілінде аулау - өте күрделі, білу керек ережелері көп жұмыс. Егер жазда судың ортасына қайықпен жүзіп барып немесе жағада отырып-ақ балық аулайтын болса, қыста мұздың үстін қазып, үкі жасап, суық мұздың үстінде аяда отыру керек. Дегенмен, қысқы балық аулаудың өзіндік қызығы мен ерекшеліктері бар.Негізі, балық алаудың өзіндік техникалары болады. Балықшының міндетті түрде білу керек бірнеше ақпараттар болады. Мысалы, мұз айдынында қазылған ойықтардың қашықтығы, суық желдің қай жақтан соғатыны, қармақты дұрыс салу және қармаққа дұрыс азық ілу секілді маңызды шарттар бар. Бұл қарапайым шарттар балық аулауды жеңілдетіп қана қоймайды, қауіпсіздік шараларының да негізгі белгілері болып табылады. Қысқы балық аулау науқаны суға мұз қатқан кезде басталады. Оны &nbsp;мұз үстіне шығып, шұңқырлар қазу арқылы тексереді. Негізі қазылатын ойықтарды біз «үкі жасау» деп атайды. Адамның салмағын көтеретіндей мұздың қалыңдығы шамамен 10 см болуы керек, ал егер мұз үстіне көлікпен шығатын болса, онда кемінде 30 см болуы керек.Шынжырхан Сүлейменов,&nbsp; «Қызылорда Fish» Қызылорда облысы бойынша спорттық және әуесқой балық аулаушылар қоғамы қоғамдық бірлестігінің атқарушы директоры &nbsp;

Балық алаудың өзіндік техникалары бар

Kyzylorda-news.kz. Тәуелсіздік мерекесіне тарту ретінде Қызылорда қаласында жаңа темір жол арқылы өтетін жаяу жүргіншілер көпірі ашылды. &nbsp;Құны &nbsp;268,1 млн теңгені құрайтын &nbsp;Ғ.Мұратбаев және Яссауи көшелерінің қиылысындағы жаяу жүргіншілер көпірі енді ел игілігіне қызмет етпек. Салтанатты шараға барған облыс әкімінің орынбасары Данияр Жаналинов барша қала тұрғындарын Тәуелсіздік мерекесімен құттықтай отырып, шаһардағы жол инфрақұрылым саласының көкжиегі кеңейіп келе жатқанын тілге тиек етті.<blockquote>- Сыр өңірінде жыл көлемінде жаңа нысандардың іргетасы қаланып, көптеген ғимараттар халық игілігіне пайдалануға берілуде. Бүгін мінекей, тұрғындардың сұранысына сәйкес темір жол арқылы өтетін жаяу жүргіншілер көпірінің құрылысы аяқталып, Тәуелсіздік мерекесіне &nbsp;үлкен тарту болды. &nbsp;Сапалы жаяу жүргіншілер көпірін салған мердігер «Гүлнұр МК» ЖШС-на барша сырбойылықтар, оның ішінде Қызылорда қаласының тұрғындары атынан ризашылығымды білдіремін. Баршаңызды мемлекеттік мереке – Тәуелсіздік күнімен шын жүректен құттықтаймын!, - деді облыс әкімінің орынбасары Данияр Жаналинов.</blockquote>Айта кетейік, дәл осындай темір жол үстінен өтетін жаяу жүргіншілер көпірі қаланың екі жерінде салынды. Ал &nbsp;«Қызылжарма» каналы арқылы Бәйтерек шағын ауданына өтетін жаңа көпір жақын күндері пайдалануға беріледі.&nbsp;Келер жылы құны 4,7 млрд теңге болатын Жанқожа батыр көшесі арқылы темір жол астынан өтетін автожол құрылысы басталады.&nbsp;

Қызылорда қаласында жаяу жүргіншілер көпірі ашылды

Kyzylorda-news.kz. Мереке қарсаңында Ұлттық статистика бюросы елімізде Тәуелсіздік есімін иеленген қанша қазақстандық азаматтың тұратынын жазды, деп хабарлайды <a href="https://www.inform.kz/">Kazinform.</a>Белгілі болғандай, Қазақстанда Тәуелсіздік есімін иеленген бір ғана қазақстандық бар.Сонымен қатар 23 адам Бостандық, 21 адамға Егемен есімі қойылған.&nbsp;Азат есімімен елімізде 14 065, Еркін есімімен 3 913 адамды кездестіруге болады.&nbsp;

Қазақстанда Тәуелсіздік есімді қанша адам бар?

Kyzylorda-news.kz. 2023 жылы Қызылорда облысы тұрғындарының нысаналы топтарына скринингтік зерттеулер жүргізуге 2,8 млрд теңге бөлінді.Профилактикалық тексерулердің арқасында қатерлі ауруларды ерте кезеңде анықтап, уақтылы емдеуді бастауға болады. Скринингтерді денсаулықтарына шағымдары жоқ және аталған аурулар бойынша есепте тұрмайтын азаматтар белгілі бір жаста өтеді. Қызылорда қаласындағы № 3 емхананың онколог-дәрігері Айгүл Әділова біздің тілшімізге берген сұхбатында скринингтің кімге және қандай түрлерінен өту керектігін еске салды.Айгүл Бақытбекқызы, онкологиялық аурулардың пайда болуына қандай факторлар себеп болады? Кез келген патологияның пайда болуының басты себебі - иммундық жүйесінің жеткіліксіз жұмыс істеу. Қәтерлі ісік барлық тірі организмде бар. Біздің иммундық жүйеміз олармен күресетін болса, ісіктер пайда болмайды. Бірақ дене әлсіреген кезде және атипті жасушалармен күресуге күші аз болған кезде, олар өсе бастайды. Негізгі себептерге зиянды әдеттер жатады - темекі шегу, алкоголь, есірткіні қолдану. Біздің ішіп-жейтініміз үлкен әсер етеді. Ластанған ауа, күйзеліс, дұрыс тамақтанбау, жұмыс және демалыс кестесін бұзу да иммундық жүйеге әсер етеді.Ерлер мен әйелдер қатерлі ісік ауруын анықтау үшін қандай жүйелілікпен скринингтен өтуі керек? Тұрғындар бекітілген емханасында учаскелік мейірбикенің шақыруы бойынша скринингтен өтеді. Скринингтен өтуге қажетті жасқа жеткен кезде азаматтар емханаға өз бетінше де жүгіне алады.&nbsp; 30-39 жас аралығындағы әйелдер мінез-құлық қауіп факторларын ерте анықтау үшін скринингтен өтеді. Темекіні пайдалануға, дұрыс тамақтанбауға, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі. Скрининг жүргізу кезінде пациенттің денсаулығы тексеріледі. Созылмалы аурулар немесе олардың даму қаупі анықталған жағдайда пациентті дәрігерлердің қадағалауына қояды, қажетті емдеу-диагностикалық іс-шаралар жүргізіледі. 40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтауға арналған скринингтен өтеді. Қан қысымының, холестериннің, қан глюкозасының деңгейі және дене салмағының индексі анықталады. Скрининг осы аурулардың дамуын болдырмауға және қауіп тобындағы пациенттерді бақылауға жүргізіледі, қажет болған жағдайда — есепке алуға және емдеу мен дәрі-дәрмектермен қамтамасыз етуге мүмкіндік береді. 30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест немесе тереңдетілген диагностика — (бейне) кольпоскопия, биопсия және гистология, бейінді мамандардың консультациясын алады.&nbsp; Әйелдер 40 жастан 70 жасқа дейін сүт безі обырын ерте анықтау үшін тексеруден өтеді — екі проекциядағы маммография. Қажет болған жағдайда тереңдетілген диагностика — нысаналы маммография, сүт бездерінің УДЗ-і, трепанобиопсия, пункциялық немесе аспирациялық биопсия, гистология, бейінді мамандардың консультациясы. 50-ден 70 жасқа дейінгі ерлер мен әйелдер гемокульт-тест көмегімен колоректальды обырды ерте анықтауға тексеруден өтеді. Қажет болған жағдайда тереңдетілген диагностика — жаппай бейне колоноскопия, оның ішінде наркозбен, эндоскопиялық шертпелі биопсия, гистология, мамандардың консультациясы жүргізіледі.Өкінішке қарай, Қазақстанда сүт безі қатерлі ісігі өкпе және колоректальды обырдан оқ бойы озып тұр. Бұл аурудың алдын алу үшін қандай жұмыс атқарылуда? Онкологияның бұл түрі әйелдермен қатар, ерлерде де болады. Бірақ, әйелдерде ең көп кездесетін дерттің бірі.&nbsp; Әдетте, бұл дерт сүт безі тінінде киста немесе түйін түрінде пайда болады. Бұл жасушалар лимфа жүйесі немесе қан тамырлары арқылы қоршаған тіндер мен мүшелерге таралуы мүмкін. Ауруды асқындырып алған жағдайда емдеу қиынға соғады. Маммография және самопальпация секілді медициналық тексерулер сүт безі обырын ерте анықтап, сәтті емдеу мүмкіндігін арттырады.&nbsp; 40 пен 70 жас аралығындағы сақтандырылған әйелдер тіркелген емханасында 2 жылда 1 рет сүт безі обырын ерте анықтау үшін скринингтік тексеруден өте алады. Оған келесі тексеру түрлері кіреді: сүт бездеріне ультрадыбыстық зерттеу, мақсатты маммография (1 проекция), маммография (4 сурет).&nbsp; Қажет болған жағдайда дәрігер қосымша тексеруге жолдама береді: пункциялық/ стереотактикалық бақылаудағы аспирациялық биопсия, трепанобиопсия, күрделілігі 3 санаттағы операциялық-биопсиялық материалдың 1 блок-препаратын гистологиялық зерттеу.&nbsp; Нәтижесі бойынша келесі дәрігерлерге жолдама беріледі: акушер-гинеколог, рентгенолог (рентгенограмманы 2-ші мәрте қарау), онколог немесе онколог-хирург, маммолог. Айта кетейін, жұмыс берушілер скринингтерді өту үшін қызметкерлерді &nbsp;жұмыс уақыты кезеңінде лауазымын және орташа жалақысын сақтай отырып, кедергісіз жіберуі керек («Халық денсаулығы және денсаулық сақтау жүйесі туралы» Кодексінің 87 бабына сәйкес).Сұхбатыңызға рақмет!

Скринингтер қатерлі ауруларды ерте кезеңде анықтайды

Kyzylorda-news.kz. Қазгидромет синоптиктері 18 желтоқсан, дүйсенбіге арналған ауа райы болжамын жариялады.&nbsp;Оған сенсек, бүгін Қазақстанның басым бөлігінде атмосфералық фронттардың ықпалымен қар жауады.Еліміздің солтүстік-батысында толассыз қалың қар жауып, оңтүстік-батысында, оңтүстігінде жауын-шашын болады.Республиканың тек солтүстік, шығыс, оңтүстік-шығыс өңірлеріне жауын-шашын жоқ, күн ашық.Қазақстан бойынша бұрқасын соғып, көктайғақ болады, екпінді жел тұрады.&nbsp;&nbsp;Елдің батысында, оңтүстік-батысында және оңтүстік-шығысында тұман түседі.

Дүйсенбіге арналған ауа райы болжамы 

Kyzylorda-news.kz. Бүгін облыс әкімі Нұрлыбек Нәлібаев «Қызылорда &nbsp;су торабынан» бастап дария бойын аралап, су деңгейін көрді. Осы жерде су шаруашылығы, төтенше жағдай салалары мамандарымен кеңесіп, төтенше жағдайлар департаментінің арнайы техникаларының дайындығымен танысты.«Арал-Сырдария» бассейндік инспекциясы басшысының міндетін атқарушы Зейнулла Қазтоғанов "Нарын-Сырдария" каскадындағы су шаруашылығы жағдайы, «Қазсушар» РМК Қызылорда филиалы директорының орынбасары &nbsp;Айдос Асанбаев Сырдария өзенімен келуі ықтимал мол суды қабылдау &nbsp;туралы баяндады. Облыс әкімі аппараты басшысының орынбасары Ерлан Бәкіров өңірдегі су тасқынының алдын алуға бвғытталған жұмыстар туралы айтты.«Казгидромет» РМК Қызылорда облысы бойынша филиалының гидрометеорологиялық мониторинг бөлімінің басшысы алдағы күндерге арналған ауа райы болжамын хабарлады.<img src="https://knadmin.beoblood.kz/uploads/FB_IMG_1702814560107_762506fbe6.jpg" alt="FB_IMG_1702814560107.jpg"><img src="https://knadmin.beoblood.kz/uploads/FB_IMG_1702814557354_b1cbf0d7d0.jpg" alt="FB_IMG_1702814557354.jpg"><img src="https://knadmin.beoblood.kz/uploads/FB_IMG_1702814567121_1db11bdf88.jpg" alt="FB_IMG_1702814567121.jpg"><img src="https://knadmin.beoblood.kz/uploads/FB_IMG_1702814564342_3a1ec8ad8e.jpg" alt="FB_IMG_1702814564342.jpg">Баяндамашылардың айтуынша, қазір "Шардара" су қоймасынан Сырдария өзенінің төменгі ағысына секундына 400 текше метр су жіберілуде. "Қызылорда су торабынан" секундына 235 текше метр су өтуде. Арал ауданы мен Қызылорда қаласы аумағындағы өзен арнасында мұз толықтай ұстасқан. Шиелі ауданында мұз 80 пайызға ұстасқан, Жаңақорған ауданы аумағында 15 пайызға күр жүруде. «Қазгидромет» филиалының мәліметіне қарағанда, желтоқсан айының 17, &nbsp;18-і &nbsp;күндері облыс аумағында ауа температурасы &nbsp;күндіз 0-ден -5, түнде -5 пен -10 аралығында. Желтоқсанның &nbsp;19, 20-сында ауа райы күндіз -3-тен +5, түнде -3 тен -8-ге дейін суық болады деп болжануда.Жалпы облыс аумағында 29 ықтимал су &nbsp;басу аймағы анықталған. Бұл аймақтарға қала және аудан әкімдіктері 364 арнайы техника &nbsp;және 1 102 адам күші бар 116 жауапты мекемені бекітті. «Қазавиақұтқару» акционерлік қоғамымен жасалған келісім-шартқа сәйкес 1 тікұшақ дайындыққа келтірілген. 2024 жылға мұз жаруға және қап алуға облыс бюджетінен 14,8 млн. теңге бөлінді. Қала және аудан әкімдіктерінің ресми мәліметтеріне сүйенсек, су тасқынына қарсы пайдаланылатын материалдық-техникалық қорда &nbsp;117,9 тонна жанар-жағар май және 139 902 дана қап сақтаулы. &nbsp;Сондай-ақ, 17 710 бау қамыс, 5 865 дана пашын және 2 381 дана қарабура мен т.б. қажетті материалдар қоры жасақталған. Қажет болған жағдайда тұрғындарды қауіпсіз жерге көшіру үшін 59 жинақтау және 69 қабылдау эвакуациялық пункті дайын.Аймақ басшысы өзендегі жағдайды күнделікті бақылауда ұстап, тиісті дайындық жұмыстарын қолға алуды тапсырды. Су жағдайын ескеріп, алдағы көктемде егілетін егін көлемін қазірден бастап тиімді жоспарлау қажет.<blockquote>«Биыл су қоймаларында су көлемі төмендегендіктен, қазірден бастап мүмкіндігінше арналарды толтырып алу керек. Өңір шаруаларының негізгі кәсібі болғандықтан және экологиялық жағдайды ескеріп, күріш көлемін күрт азайтуға болмайды. Дегенмен, егіс алқабын кезең-кезеңмен қысқартып, суды аз қажет ететін дақылдар көлемін ұлғайту керек. Күріш егетін шаруашылықтарға алдын-ала ескертіп, бекітілген лимитті сақтау, &nbsp;талаптарды қатаң ұстап, суды үнемдеу технологияларын қолданатын шаруа қожалықтарын қолдау маңызды. Ең бастысы, суды әділдікпен үлестіруді тапсырамын», - деді аймақ басшысы.</blockquote>

Сырдария өзеніндегі су деңгейі бақылауда

Kyzylorda-news.kz. Тәуелсіздік мерекесіне орай бүгін Қызылорда қаласында «Батыс-Еуропа – Батыс Қытай» автодәлізі бойындағы жол айырығына салынған жаңа көпірдің салтанатты ашылу рәсімі өтті. Оған облыс әкімінің орынбасары Данияр Жаналинов қатысып, сырбойылықтарды жаңа көпірдің ашылуымен құттықтады.<blockquote>- Мереке қарсаңында облысымызда әлеуметтік маңызы бар жаңа нысандар ашылып, тұрғын үйлер, жаяу жүргіншілер көпірлері халыққа пайдалануға берілуде. Міне, бүгін «Батыс Еуропа – Батыс Қытай» автодәлізі бойында жол айырығына салынған жаңа көпір ел игілігіне табысталмақшы. Жаңа көпір құрылысына республикалық және облыстық бюджет есебінен - 5,7 млрд теңге қаржы бағытталды. Бұл көпірдің басты қызметі - &nbsp;Қызылорда қаласының сол жағалау бөлігіндегі халықаралық маңызы бар автокөлік &nbsp;трассасын қауіпсіз және үздіксіз көлік ағымымен байланыстыру болып табылады. Аталмыш нысанның бас мердігер мекемесі «Bazis Construction» ЖШС-не барша облыс тұрғындары атынан алғысымды білдіремін, - деді Данияр Жаналинов.</blockquote>Айта кетейік, дәл осындай темір жол үстінен өтетін жаяу жүргіншілер көпірі қаланың екі жерінде салынды. &nbsp;Ал &nbsp;«Қызылжарма» каналы арқылы Бәйтерек шағын ауданына өтетін жаңа көпір жақын күндері пайдалануға беріледі.&nbsp; Келер жылы құны 4,7 млрд теңге болатын Жанқожа батыр көшесі арқылы темір жол астынан өтетін автожол құрылысы басталады.<img src="https://knadmin.beoblood.kz/uploads/FB_IMG_1702802473080_e68cef9299.jpg" alt="FB_IMG_1702802473080.jpg"><img src="https://knadmin.beoblood.kz/uploads/FB_IMG_1702802479493_a575038e8f.jpg" alt="FB_IMG_1702802479493.jpg">

Қызылордада жаңа көпір пайдалануға берілді

Фото:mirpozitiva.ruKyzylorda-news.kz. Синоптиктер желтоқсанның бірінші онкүндігіне шолу жасады, - деп хабарлайды Massaget.kz.Желтоқсанның бірінші онкүндігінде республиканың оңтүстігінде және оңтүстік-шығысында күздік дақылдар себілетін аудандарында температуралық фон көбінесе нормадан жоғары болған, жауын-шашын норма шамасында, кейбір аудандарда нормадан жоғары болды.Түнгі уақытта ауа температурасының минус 6...12°С дейін төмендеуі, кей жерлерде 18...21°С (Жетісу облысы), жеке учаскелерде қар жамылғысы болмаған жағдайда елдің оңтүстігі мен оңтүстік – шығысында күздік дақылдарды үсік шалуы мүмкін. Орташа тәуліктік ауа температурасының төмендеуі барлық бақылау учаскелеріндегі күздік бидайдың вегетациясының тоқтауына әкелді.Күздік бидайды түптеу тереңдігіндегі топырақтың ең төменгі температурасы көбінесе оң болды, топырақтың қатуы байқалмады.Жайылымдық мал шаруашылығы аудандарында мал жаю барлық жерде жүргізілді, Атырау облысының Құрманғазы ауданында және Маңғыстау облысының Маңғыстау ауданында жемшөпті қыстақтарға тасымалдау жалғасуда, аналық мал мен жас малдарды азықтандыру жалғасып жатыр.Жайылымдардағы шөптің жай-күйі көбінесе қанағаттанарлық, кейбір жайылымдарда жақсы. Жайылымдар орташа, кейбір аудандарда әлсіз тапталған. Алматы облысының Жамбыл ауданында және Батыс Қазақстан облысының Ақжайық ауданында қатты тапталған.Жайылымдық мал шаруашылығының басым бөлігінде шымтезек қатқақ күйде, Атырау, Жетісу және Маңғыстау облыстарының кейбір жайылымдарында дымқыл болған.&nbsp;

Синоптиктер желтоқсанның бірінші онкүндігіне шолу жасады 

Фото:egemen.kz.Kyzylorda-news.kz. Тамақты жылдам жеу әдетіңізге айналып кеткен болуы мүмкін. Бұл балалық шақта қалыптасқан болуы мүмкін. Алайда тамақты жылдам тауысып қою ағзаға зиян. Ал асықпай тамақтанудың бірқатар артықшылығы бар.Арықтауға көмектеседіЖылдам тамақтанатын адамдарға қарағанда баяу тамақтанатын адамдар калорияны азырақ тұтынады. Себебі ағза тоқтықты сезіну үшін оған шамамен 20 минуттай уақыт қажет. Тамақты тез жеген кезде тойғаныңызды сезініп үлгермейсіз. Сондықтан бұл әдетте артық тамақтануға әкеледі. Ал әр бөлікті шайнап, тамақты асықпай жесеңіз, тойғаныңызды жылдам сезесіз. Бұл кезде миға тойғаныңыз жайлы белгі келеді.Көбірек ләззат сыйлайдыТамақты тез жеп тастаған кезде не жегеніңізді білмей қаласыз және оның дәмін аса сезбегеніңізді байқаған боларсыз. Егер асықпай тамақтансаңыз, одан көбірек ләззат аласыз. Себебі баяу жеген кезде ағзада бақыт гормоны бөлінеді.Асқорыту жақсарадыБаяу тамақтану асқорытудың жақсаруына ықпал етеді. Біріншіден, баяу тамақтанған кезде сілекей көбірек бөлінеді. Екіншіден, жақсылап шайналған тамақ асқазанға түскен кезде асқазан сөлімен біртекті араласады. Үшіншіден, баяу тамақтанған кезде ағзаға тамақтағы барлық пайдалы микроэлемент пен дәруменнің сіңуіне уақыт бересіз.Күйзелістен арылуға көмектеседіБаяу тамақтану босаңсуға көмектеседі. Сондай-ақ асықпай тамақ ішу өмір ырғағын баяулатуға көмектесіп, сіздің психикалық және физикалық денсаулығыңызға жағымды әсер етеді.Тамақты асықпай жеуді қалай әдетке айналдыруға болады?Жалғыз бастамаңыз. Жігітіңізді, құрбыңызды немесе отбасы мүшелерін сізбен бірге асықпай тамақ ішуді үйренуге шақырыңыз. Алаңдататын факторлардан арылыңыз. Тыныш жерде тамақтанған жөн. Дастархан басында смартфон немесе ноутбук қарамаңыз. Бастапқы кезде уақыт белгілеп қойыңыз. Тамақ ішерде уақыт қойып, өзіңізді тексеріңіз. Егер белгіленген уақыттан ерте тауысып қойсаңыз, келесі жолы одан да асықпай жеуге тырысыңыз.Ақпарат дереккөзі:massaget.kz

Баяу тамақтанудың артықшылықтары

Kyzylorda-news.kz. «AMANAT» партиясы облыстық филиалы жанындағы Партиялық бақылау комиссиясының кезекті &nbsp;отырысы өтті. Оған партияның облыстық филиалының &nbsp;Атқарушы хатшысы Л. Төрешова, Партиялық бақылау комиссиясының төрағасы &nbsp;Н.Бақытбекұлы мен комиссия мүшелері &nbsp;және аумақтық филиалдардың Атқарушы хатшыларымен бақылау комиссиясының төрағалары қатысты.Жиынның күн тәртібінде аумақтық Партиялық бақылау комиссиясы төрағаларының жұмыстарын қорытындылау және партияның қоғамдық қабылдауларында азаматтарды қабылдау жауапкершілігі туралы мәселелер қаралды.Отырыс барысында Партиялық бақылау комиссиясының төрағасы Нұркен Бақытбекұлы &nbsp; комиссияның жылдық жұмысын қорытындылап, алдағы уақытта атқарылатын жұмыс &nbsp;жоспарларымен бөлісіп, бақылау жұмыстарын күшейту бойынша &nbsp;жүйелі тапсырмалар жүктеді.Сондай-ақ партияның &nbsp;облыстық филиалының &nbsp;Атқарушы хатшысы Ләйлә Төрешова күн тәртібіндегі екінші мәселе бойынша партияның қоғамдық қабылдауларында азаматтарды қабылдау шараларына жауапкершілікпен қарау туралы, жұмыс регламентін бұзуына жол берген партия мүшелеріне партиялық жаза қолдану жайында алдын-ала ескертулер жасады.&nbsp; &nbsp;

Партиялық бақылау комиссиясының кезекті  отырысы өтті

Фото: lada.kz.Kyzylorda-news.kz. Қазгидромет ел аумағында 17 желтоқсанда болатын қауіпті метеорологиялық құбылыстарға болжам жасады.<blockquote>«Қазақстанның басым бөлігінде атмосфералық фронттардың өтуімен қар түсуі мүмкін. Еліміздің батысында қар қалың жауып, оңтүстік-батысында жауын-шашын (қар, жаңбыр), бұрқасын, көктайғақ, тұман күтіледі»,&nbsp;— деп жазды ведомстводан.</blockquote>Республиканың тек солтүстік, шығыс өңірлеріне антициклон сілемі әсернен ауа райы көбінесе жауын-шашынсыз сақталады.ҚР бойынша желдің күшеюі болжануда.

Жексенбіге арналған ауа райы болжамы 

<a href="https://kyzylorda-news.kz/">Kyzylorda-news.kz.</a>&nbsp; Тәуелсіздік күніне орай Қызылорда қаласындағы Назарбаев Зияткерлік мектебінде тағылымы мол тәрбиелік іс-шаралар өтті.Мерекелік онкүндікте Шаңырақтар арасында өткізілген кураторлық сағаттар көш бастап, жас зияткерлерді азаттықтың тарих қойнауына сапар шеккізді.Таңғы жиында тұғыры биік Тәуелсіздікке дейінгі еліміздің бастан кешкен зұлмат жылдары мен желтоқсан оқиғасы «Қазақ» қойылымында көрініс тапса, домбыра сабағында оқушылар ел еркіндігін, батырлардың ерлігін, халық бірлігін сипаттайтын атақты «Жұмыр, Қылыш», «Алаш аманаты», «Адай» күйлерінің тарту техникасын үйреніп, ұлттық мәдениетті жаңғыртты.Сонымен қатар мектептің бір топ оқушылары Әбділда Тәжібаев атындағы облыстық әмбебеп ғылыми кітапханасында болып, «Желтоқсан желі ызғарлы» атты тарихи танымдық кездесуге қатысты. Жас өрендер тарих беттерінде өзінің ақтаңдақ таңбасын қалдырған Желтоқсан оқиғасын, «Халық қаһарманы» Қайрат Рысқұлбековтің ерлігін қойылым арқылы жеткізді және тәуелсіздік туралы өлеңдерін паш етті.<blockquote>«Тарихқа көз жүгіртсек, аталарымыз алапат ашаршылықты, қуғын-сүргінді, дүниежүзілік соғысты бастан өткерді. Егемендіктің қадірін түсінуіміз қажет. Еліміздің басты құндылықты жадымызда сақтап, тәуелсіздіктің тұғырын берік ұстау — әрқайсымыздың басты парызымыз», — дейді Айнара Жақанова.</blockquote>Тәуелсіздікке тарту ретінде мектеп қауымдастығы BookCrossing акциясын ұйымдастырып, жинақтаған 200-ге жуық көркем әдебиет пен қызықты энциклопедияны Қызылорда облысы Шиелі ауданы Сұлутөбе ауылының №41 Мұстафа Шоқай атындағы орта мектеп кітапханасына табыстайтын болады.<figure class="image"><img src="https://knadmin.beoblood.kz/uploads/410929163_3516916828638226_6986801214555209152_n_a963d4914d.jpg" alt="410929163_3516916828638226_6986801214555209152_n.jpg"></figure>&nbsp;<figure class="image"><img src="https://knadmin.beoblood.kz/uploads/410170078_3516916745304901_351495666677568922_n_551bd229e6.jpg" alt="410170078_3516916745304901_351495666677568922_n.jpg"></figure>&nbsp;<figure class="image"><img src="https://knadmin.beoblood.kz/uploads/410162316_3516916795304896_3094039898436746022_n_11ef690d85.jpg" alt="410162316_3516916795304896_3094039898436746022_n.jpg"></figure>

Қазақстан және Қызылорда облысының жаңалықтары