Kyzylorda-news.kz. Бүгін Сыр елінде 16 желтоқсан – ҚР Тәуелсіздігі күніне және Желтоқсан оқиғасының құрбандарын еске алуға арналған іс-шара өтті.Тағзым алаңына жиналған қауым ұлт болашағы үшін құрбан болған жастарды бір минут үнсіздікпен еске алды.Оған облыс әкімі Нұрлыбек Нәлібаев, зиялы қауым өкілдері &nbsp;қатысып, қарусыз қаһармандар рухына тағзым етті. &nbsp;Азаттық жолында жалындап жанған боздақтар құрметіне &nbsp;Сыр жұртшылығы атынан тағзым гүлі қойылды, Құран бағышталды.Еске салсақ, 1986 жылы 16 желтоқсанда алаңға шыққан қазақ жастарына &nbsp;жала жабылып, жапа шекті. Олардың қатарында Қызылорда облысынан 150-ден астам азамат болды. &nbsp;Барлығы дерлік оқудан, партия қатарынан шығарылды.Ел тәуелсіздігін алғаннан кейін 1993 жылғы 14 сәуірдегі «Жаппай саяси қуғын-сүргін құрбандарын ақтау туралы» Заңына сәйкес, &nbsp;желтоқсаншылар толық ақталды.<img src="https://knadmin.beoblood.kz/uploads/FB_IMG_1702708836076_bb704e8fc5.jpg" alt="FB_IMG_1702708836076.jpg"><img src="https://knadmin.beoblood.kz/uploads/FB_IMG_1702708839755_658a2b15fc.jpg" alt="FB_IMG_1702708839755.jpg"><img src="https://knadmin.beoblood.kz/uploads/FB_IMG_1702708834117_430ef0a8b9.jpg" alt="FB_IMG_1702708834117.jpg">

Желтоқсан оқиғасының құрбандарын еске алуға арналған іс-шара өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде 16 желтоқсан – Қазақстан Республикасының тәуелсіздігі күніне арналған «Тәуелсіздік бәрінен қымбат» атты ғылыми-танымдық конференция өтті. Жиынға зиялы қауым өкілдері, профессор-оқытушылар, білім алушылар қатысты.Конференцияда ел тарихындағы айтулы оқиғалар мен осы кезге дейінгі жеткен жетістіктер туралы кеңінен айтылды. «Тәуелсіздік – дәуір мен уақыттың бізге берген үлкен сыйы, халқымыздың мәңгілік құндылығы.&nbsp;Жер бетіндегі қай халық үшін де тәуелсіздіктен биік ұлы мұрат жоқ. Еліміздің тәуелсіздігі – ұлтымыздың ежелден еркіндік аңсаған асқақ рухының және ұлт тарихындағы барлық азаттық үшін болған күрестердің көк байрақты жеңісі», – деді университеттің Басқарма төрағасы – Ректоры Бейбіткүл Кәрімова.&nbsp;Жиында &nbsp;университеттегі «Тарих және археология» білім беру бағдарламасының қауымдастырылған профессоры, тарих ғылымдарының докторы Тастанбек Сәтбай, «Қазақ тілі мен әдебиеті және журналистика» білім беру бағдарламасының қауымдастырылған профессоры, филология ғылымдарының кандидаты, желтоқсан оқиғасының куәгері Гүлмира Баялиева, «Қазақ тілі мен әдебиеті және журналистика» білім беру бағдарламасының аға оқытушысы, филология ғылымдарының магистрі Серікхан Жүзеев баяндама жасады.Конференция барысында «AMANAT» партиясы «Тұран» бастауыш партия ұйымының ұйымдастыруымен 16 желтоқсан – Тәуелсіздік күніне арналған «Тәуелсіз елім – Қазақстан» атты &nbsp;эссе байқауының жеңімпаздары марапатталды.&nbsp;2022-2023 &nbsp;оқу жылында Студенттердің ғылыми-зерттеу жұмыстарының республикалық конкурсының ІІ кезеңінде 10 білім беру бағдарламасы бойынша университетіміздің 15 студенті &nbsp;жүлделі орындарға ие болды. Жиын барысында жеңімпаз білім алушылар дипломмен марапатталды.Сондай-ақ, Қорқыт ата атындағы &nbsp;Қызылорда университетінің Басқарма төрағасы-Ректорының гранты аясында өткізілген жас ғалымдардың ғылыми зерттеулері &nbsp;конкурсында жеңімпаз &nbsp;атанған 8 ғалымға жалпы қоры 10 млн теңге грант сертификаты табысталды. &nbsp;<figure class="image"><img src="https://knadmin.beoblood.kz/uploads/IMGL_4030_cf842aaba7.jpg" alt="IMGL4030.jpg"></figure>

Тәуелсіздік күніне орай ғылыми-танымдық конференция өтті

Фото: өңірлік коммуникациялар қызметіKyzylorda-news.kz. Егемен елдің ұрпағы болу кез келген адамзаттың арманы. Бүгінде еліміздің тәуелсіздік алғанына 32 жыл толды.&nbsp;Ел тарихында айрықша орны бар жылы дүниеге есігін ашқан қазақстандықтарды таныстыру дәстүрге айналды. Себебі олар мұз боп қатқан алау тұтанып, Тәуелсіздік байрағы мәңгілік желбіреген кезде еліміздің азаматы атанды. Олардың қоғамдағы бейнесі бүкіл бейбіт ұрпақтың келешек көрінісі екені белгілі. Осы тұста Өңірлік коммуникациялар қызметінің баспасөз алаңында ұлт баласына білім беруде үлес қосып жүрген Қызылөзек ауылдық округіндегі №39 орта мектебінің мұғалімі Айдана Есетова тәуелсіздік ұрпағы болу үлкен жауапкершілік екенін айтты.<blockquote>- Биыл мұғалімдік саласында қызмет етіп жатқаныма 14 жыл болды. Тәуелсіз елдің ұрпағы болғаныма қатты қуанамын. Отбасымның айтуынша, мен дүниеге келген кезде отбасымда берекелі, мерекелі жыл болды деп жатады. Мұғалімдер отбасында дүниеге келдім. Соның арқасында тәжірибелі маман болуға ата-анамнан көргенім, біліп-түйгенімнің септігі тиді. Қазіргі таңда, біршама жетістікке жеттім. «Үздік педагог» төсбелгісінің иегері атандым. Республикалық, облыстық, қалалық байқауларда шәкірттерім жүлделі орыннан көрініп жүр. Мен білім беретін ордада 5 тәуелсіздік ұрпағы бар. Бәріміз бірге бас қосып, жыл сайын осы күні іс-шаралар өткіземіз. Ең айтулы іс-шараны 2020 жылы өткіздік. Ауылдық округтің 1991 жылы дүниеге келген барлығын бір арнаға жинап, семинар-тренингтер жасадық. Көпшілікке қатты ұнады. Мен тәуелсіздік ұрпағы болу – үлкен жауапкершілік деп есептеймін, - деді Айдана Аманбайқызы.</blockquote>

Айдана Есетова: Тәуелсіз елдің ұрпағы болғанымды мақтан тұтамын

<a href="https://kyzylorda-news.kz/">Kyzylorda-news.kz.</a> 1991 жылы Кеңес одағы ыдырап, оның құрамындағы елдер өз алдына жеке мемлекет болып шыға бастады. Солардың арасында Қазақстан да бар еді. 1991 жылғы 16 желтоқсанда Жоғарғы кеңес "Тәуелсіздік пен мемлекеттің егемендігі туралы" заң қабылдады. Сол сәттен Қазақстан тарихының жаңа дәуірі басталды.Еліміздің тәуелсіздігін ресми түрде ең алғаш Америка Құрама Штаттары мойындады. Одан кейін Қытай, Ұлыбритания, Моңғолия, Франция, Жапония, Оңтүстік Корея және Иран Қазақстанды тәуелсіз мемлекет ретінде таныды. Ал Түркия бірінші болып Қазақстанда өз елшілігін ашты.Тәуелсіздік жылдары Қазақстан зор жетістіктерге жетті және күрделі сын-қатерлерден өтті. 1993 жылы еліміз төл валютасын қолданысқа енгізді. Мемлекеттік рәміздерін бекітті. Ядролық қарудан бас тартты. Шекарасын шегендеп, жаңа астанасын салды.Бүгінде Қазақстан – БҰҰ-ның толыққанды мүшесі, Еуроодақ, МАГАТЭ, ЮНЕСКО және басқа да аса ықпалды халықаралық ұйымдармен ынтымақтастықты белсенді түрде нығайтып отыр. Олардың қатарында ЕҚЫҰ, ИЫҰ, ШЫҰ, ТМД, ЕАЭО, ҰҚШҰ, ЭЫДҰ секілді беделді халықаралық ұйымдар бар.Тәуелсіздік күні отыз жыл бойы еліміздің басты ұлттық мерекесі болды. Бірақ былтыр заңға тиісті өзгерістер енгізіліп, мейрам "ұлттық мереке" мәртебесінен айырылды. Енді ол мемлекеттік мереке және тәуелсіздік алуға зор үлес қосқан ұлттық батырларымызға тағзым күні ретінде аталып өтеді.Президент Қасым-Жомарт Тоқаев бәріміз тәуелсіздікті көздің қарашығындай сақтауымыз керек екенін атап өткен еді. Оның айтуынша, мемлекетіміздің егемендігін, еліміздің амандығы мен жеріміздің тұтастығын қорғау – әр азаматтың қастерлі борышы.<blockquote>"1991 жылғы 16 желтоқсан – төл тарихымыздағы мерейлі белес. Бұл – егемен ел болуды аңсаған ата-баба арманы ақиқатқа айналған ұлы күн. Тәуелсіздік күнінің айрықша мән-мағынасы бар. Азаттық үшін арпалысқан ұлт перзенттерін ел жадында мәңгі сақтау – қасиетті парызымыз. Олардың отаншылдық қасиеті – бүгінгі және болашақ ұрпаққа әрдайым үлгі-өнеге", - деді мемлекет басшысы бір сөзінде.</blockquote>Сондай-ақ 2022 жылдан бастап Тәуелсіздік күні тек бір күн – 16 желтоқсанда мерекеленеді. Сәйкесінше, қазақстандықтар сол күні демалады, ал 17 желтоқсан жұмысқа шығады.Ал бұрын заң бойынша Тәуелсіздік күні 16 және 17 желтоқсан күндері аталып өтетін.Биыл 16 желтоқсан сенбіге түсіп тұр. Мемлекеттік мереке болғандықтан, демалыс күні дүйсенбіге ауысады. Осылайша 2023 жылы азаматтар қатарынан үш күн – 16, 17 және 18 желтоқсан демалады.

16 желтоқсан – Тәуелсіздік күні

Фото: mirpozitiva.ru<a href="https://kyzylorda-news.kz/">Kyzylorda-news.kz.</a> Қазгидромет синоптиктері 16-18 желтоқсанға арналған үш күндік ауа райы болжамын жариялады.&nbsp;Осы апта бойы Қазақстанның бүкіл аумағында ашық және аязды ауа райы сақталды.Оған себепші болған антициклон біртіндеп солтүстік-шығысқа жылжи бастайды. Осыған байланысты аяз әлсірейді.Солтүстік Атлантика циклонының әсерінен қар жауады, бұрқасын көтеріліп, көктайғақ болады.&nbsp;Ел&nbsp;бойынша жел күшейеді.&nbsp; &nbsp;<blockquote>«Түнде ауа температурасы батыста 0-10 аязға дейін, солтүстік-батыста, солтүстікте, орталықта, оңтүстікте және оңтүстік-шығыста 5-15 аязға дейін біртіндеп жоғарылайды, бірақ шығыста 22-35 градус аяз әлі де&nbsp;сақталады» дейді мамандар.</blockquote>

16 желтоқсанға арналған ауа райы болжамы

Фото: fingramota.kz<a href="https://kyzylorda-news.kz/">Kyzylorda-news.kz.</a>&nbsp; Ресми түрде құрметті демалысқа шықпай-ақ зейнетақы төлемдерін алуға болады! Мұндай мүмкіндікті зейнетақы аннуитеті беріп отыр. Fingramota.kz сақтандыру құралының осы түрі жайында жан-жақты айтып береді.&nbsp;Зейнетақы аннуитеті деген не&nbsp;Бұл – зейнетақы жинақтары жеткілікті болған жағдайда азаматтарға зейнетақыны мерзімінен бұрын алуға мүмкіндік беретін сақтандыру өнімі. Зейнетақы аннуитеті шарттарын жасасу жөніндегі қызметтерді «өмірді сақтандыру» саласындағы қызметті жүзеге асыратын сақтандыру ұйымдары көрсетеді. Бүгінгі таңда нарықта осындай 8 ұйым жұмыс істейді.Зейнетақы аннуитеті шартын жасасу арқылы азамат 55 жасқа толғаннан кейін өмір бойы кепілдік берілген кіріс алу құқығына ие болады. Өз кезегінде, сақтандыру ұйымы мұндай шартты жасай отырып, клиентіне өмір бойы сақтандыру төлемдерін жүзеге асыру міндеттемелерін өзіне алады.2021 жылы Заңмен сақтандыру ұйымынан төленетін ай сайынғы сақтандыру төлемінің мөлшері азайтылды. Бүгінгі күні ол зейнетақы аннуитеті шартын жасасу күні қолданыста болған ең төмен күнкөріс деңгейі (ЕТК) шамасының 70%-ын құрайды. Соған байланысты зейнетақы аннуитеті шартының құны да 40%-ға&nbsp;азайтылды. Бүгінгі күні стандартты зейнетақы аннуитеті шартының &nbsp;құны 55 жастағы ерлер үшін 7 млн теңгені, ал осындай жастағы әйелдер үшін 8,5 млн&nbsp;теңгені құрайды.Агенттік азаматтар үшін осы өнімнің тартымдылығын және кірістілігін арттыру үшін зейнетақы аннуитеті шартының өлшемдерін де қайта қарады. Сақтандыру төлемдерін индекстеу мөлшері 5%-дан 7%-ға&nbsp;дейін ұлғайтылды. Зейнетақы аннуитеті шарты бойынша кірістіліктің ең төмен мөлшерлемесі &nbsp;7%-дан 9%-ға&nbsp;дейін ұлғайтылды. Мүгедектігі бар адамдар мен зиянды еңбекпен айналысатын қызметкерлер үшін зейнетақы аннуитеті шартының құнын есептеу үшін жеке қайтыс болу кестесін қолдану көзделген.Бүгінгі күні азаматтарға кейінге қалдырылған және бірлескен зейнетақы аннуитеттерін қоса алғанда, зейнетақы аннуитеті шарттарының бірнеше түрін&nbsp;иелену мүмкіндігі беріледі.Кейінге қалдырылған аннуитет деген неБұл сақтандыру құралы сақтанушыларға шартты 55 жасынан бастап өмір бойы ай сайын төлем алу құқығымен 45&nbsp;жасынан бастап шарт жасасу мүмкіндігін береді. Мұндай сақтандыру өнімі өз бюджетін алдын ала жоспарлап үйренген және зейнетақы жасына жеткеннен кейін қандай қаражат есебінен өмір сүрем деп ойлайтын адамдарға арналған. &nbsp; &nbsp;Қаржы нарығындағы мөлшерлемелердің құбылмалылығына қарамастан кепілдік берілген кірістіліктің болуы кейінге қалдырылған зейнетақы аннуитетінің негізгі артықшылығы болып табылады. Сақтандыру ұйымы сақтанушы сақтандыру төлемдерін ала бастайтын жасқа жеткенге дейін жыл сайын заңнамалық тұрғыдан белгіленген кірістілікке кепілдік береді. Кейінге қалдырылған зейнетақы аннуитеті шартын жасасқан күннен бастап сақтандыру ұйымына берілген қаражат инвестицияланады, болашақта алатын сақтандыру төлемдерінің мөлшері ұлғаяды.Толығырақ "<a href="https://fingramota.kz/kk/post/zejnetay-tlemderin-zejnetke-shyana-dejin-alu-barlyy-zejnetay-annuiteti-turaly">Сақтандыру</a>" бөлімінен оқыңыздар&nbsp;

Зейнетақы төлемдерін зейнетке шыққанға дейін алу: барлығы зейнетақы аннуитеті туралы 

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Мемлекет басшысының «Әкімдердің халықпен кездесулерін өткізу туралы» Жарлығына сәйкес Жалағаш ауданының тұрғындарын жеке қабылдады.Оған облыстық сот төрағасы, барлық құқық қорғау органдарының басшылары да қатысты.Қабылдау ашықтық қағидатына негізделгендіктен, келушілер көп болды. Жалпы саны 50-ге жуық азаматтың өтінішін екі сағатқа жуық уақыт тыңдаған облыс әкімі барлық ұсыныс-пікір назардан тыс қалмайтынын жеткізді. Азаматтар көтерген басты мәселелер тұрғын үй алу, жұмысқа орналасу, жеке бизнес бастау және кәсібін кеңейту, аяқ су, қоғамдық көлік жайында болды.Аймақ басшысы сауалдарды сала мамандары мұқият зерделеп, заң шеңберінде шешім қабылданатынын айтты. Көтерілген мәселелердің оңтайлы шешілуін қадағалау үшін жауапты басқарма басшыларына нақты міндеттер жүктеді. Азаматтардың сұрақтары бойынша тиісті түсіндірме беріліп, шешу жолдары қарастырылды.Айта кетейік, ауданға жұмыс сапары барысында Нұрлыбек Машбекұлы бірқатар нысанның ашылу рәсіміне қатысты. Ауыл тұрғындарымен, ақсақалдармен кездесіп, Сыр өңіріндегі әлеуметтік-экономикалық мәселелерді, алдағы жоспарларды талқылады.Бұған дейін аймақ басшысының тапсырмасымен облыс әкімінің орынбасарлары, құқық қорғау органдары басшыларының орынбасарлары әр ауданда бір күн бойы жеке қабылдаулар өткізді. Тұрғындар айтқан түйткілдер реттілігіне қарай шешімін тапты.<figure class="image"><img src="https://knadmin.beoblood.kz/uploads/411485308_658740703113844_2812693166739211211_n_bc87389e99.jpg" alt="411485308_658740703113844_2812693166739211211_n.jpg"></figure>&nbsp;<figure class="image"><img src="https://knadmin.beoblood.kz/uploads/411454842_658740103113904_6910005506414465113_n_0f6806b04e.jpg" alt="411454842_658740103113904_6910005506414465113_n.jpg"></figure>

Облыс әкімі Жалағаш ауданында жеке қабылдау өткізді

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Жалағаш ауданына жұмыс сапары кезінде облыс әкімі Нұрлыбек Нәлібаев аудан орталығындағы теміржол арқылы өтетін жаяу жүргіншілер көпірінің ашылу рәсіміне қатысып, тұрғындарды құттықтады.<blockquote>«Мемлекет басшысы Қасым-Жомарт Кемелұлы "Мемлекет жергілікті инфрақұрылымды жаңартады. Мұның бәрі өңірлерді тұрғындар мен инвестиция үшін тартымды етеді" деп атап өтті. Бүгін Жалағаш ауданындағы құрылысы аяқталған маңызды жобалар халық игілігіне берілуде. Жаңа ғана 50 тұрғын үйдің кілтін жерлестерімізге табыстадық. Мырзабай ахун ауылында жаңадан салынған дәрігерлік амбулатория жұмысын бастады. Міне, жылдар бойы шешімі табылмай келген теміржол арқылы өтетін жаяу жүргіншілер көпірі іске қосылады. Халықтың сұранысына сәйкес, аспалы көпір құрылысына облыстық бюджеттен 325,4 млн теңге бөлінді. Көптен күткен қуаныш құтты болсын!», - деді аймақ басшысы.</blockquote>Ашылу рәсімінде еңбек ардагері Қабылбек Нұрмағанбетов жерлестерін құттықтап, бата берді. Сондай-ақ мердігер мекеме өкілдері мен аудан дамуына үлес қосқан азаматтар марапатталды.Айта кетейік, биыл облыс бюджеті өткен жылмен салыстырғанда 57 пайызға өсіп, 609 млрд теңгеге жетті. Оның ішінде Жалағаш ауданының бюджеті - 11 млрд теңге. Бұл қаражат ең өзекті мәселелерді шешуге, аудан тұрғындарының өмір сүру сапасын арттыруға жұмсалуда. Жалағаш ауданындағы автомобиль жолдарын жақсартуға 2,5 млрд теңге қаралып, 64,5 шақырым жол жөнделді. Шәменов пен Ақсу ауылдық округін газдандыру жұмыстары басталды. Мұнан бөлек, ауданда «Ауылдық денсаулық сақтауды жаңғырту» ұлттық жобасы аясында 2 нысан салынды. Бүгін Мырзабай ахун ауылындағы дәрігерлік амбулатория пайдалануға берілсе, жыл соңына дейін Аламесек ауылындағы амбулатория халық игілігіне тапсырылады. Келер жылы Қаракеткен ауылында фельдшерлік-акушерлік бекеттің құрылысы басталады.<img src="https://knadmin.beoblood.kz/uploads/411482306_658723046448943_2321259386337182914_n_a0632cafe1.jpg" alt="411482306_658723046448943_2321259386337182914_n.jpg">&nbsp;<figure class="image"><img src="https://knadmin.beoblood.kz/uploads/411471015_658723179782263_1611200642888246157_n_7ed9ef7d1c.jpg" alt="411471015_658723179782263_1611200642888246157_n.jpg"></figure>

Жалағаш ауданында жаңа көпір пайдалануға берілді

Фото: ашық дереккөз<a href="https://kyzylorda-news.kz/">Kyzylorda-news.kz.</a> Сауда және интеграция министрлігі ұйымдастырған баспасөз конференцияда қолданбалы хронобиология сарапшысы Болат Нұрхожаев уақыт белдеуін өзгерту қалай іске асатынын түсіндірді, деп хабарлайды <a href="https://kaz.inform.kz/">Kazinform.</a><blockquote>«Ашық НҚА» порталындағы құжатқа сүйенсек, 2024 жылы наурызда уақытты өзгертеді екенбіз. Содан кейін ол қала ма? Әлде жылына 2 рет ауыстырып тұрамыз ба?», - деп сұрады журналист.</blockquote>Сарапшының айтуынша, бұл – бір-ақ реттік шара.<blockquote>«Біз 12 облыс пен 3 қаланың уақытын табиғи уақытқа бір рет көшіреміз болды. Біз 1930 жылы алға жылжып кеткен бір сағат уақытпен өмір сүріп жатырмыз. Көп адам оны білмейді», - деді Болат Нұрхожаев.</blockquote>Оның сөзінше жаңа уақыт белдеуі ел астанасының табиғаи уақыт көрсеткішіне сай.<blockquote>«Жалпы бесінші сағат белдеуі деген – Астана мен Шығыс Қазақстанның табиғи уақыт белдеу. Біз соған қайтарайық деп жатырмыз. Әлеуметтік желіде көптеген сұрақ болды. Табиғи уақытқа көшке зиянды екені туралы пікірлер тарап жатыр. Бірақ бұл – ғылымның мәселесі. «+5» деп аталатын уақыт белдеуі елдегі 12 облыс пен 3 облысқа теңестірілген қаланың уақыт белдеу болады. Оны есептеу оп-оңай. Кезінде 6 сыныпта оқыдық оны. Яғни, кез келген қаланың бойлықтағы координатын алып, 15 градусқа бөлек, сол өңірдегі сағат белдеуі шығады. Оны ұялы телефондағы координаттармен қарап, 15 градусқа бөлу арқылы кез келген адам есептей алады», - деді маман.</blockquote>

Болат Нұрхожаев: Біз 1930 жылы алға жылжып кеткен уақытпен өмір сүріп жатырмыз

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Жалағаш ауданына жұмыс сапары кезінде облыс әкімі Нұрлыбек Нәлібаев 50 отбасыға пәтер кілтін табыстау рәсіміне қатысып, тұрғындарды құттықтады.<blockquote>«Мемлекет басшысы «Халықтың басым көпшілігі үшін тұрғын үй – ең өзекті мәселе. Мемлекет шын мұқтаж адамдарға ғана жәрдем береді» деп атап өтті.Кейінгі жылдары Сыр өңірінде бой көтерген жаңа заманауи нысандар аудан орталықтары мен қала сәулетінің, тұрғындардың өмір сапасының артуына қызмет етіп келеді. Бүгін Жалағашта жаңа баспанаға қол жеткізген 50 отбасының қуанышы еселенді. Бұл – тұрғындардың тұрмыс-тіршілігін жақсартуға бағытталған қолдаудың нақты көрінісі», – деді аймақ басшысы.</blockquote>Рәсімде еңбек ардагері Әбілхайыр Ерәлиев баспана қуанышына кенелген тұрғындарды құттықтап, бата берді. Іс-шара барысында нысан құрылысын сапалы жүргізуге атсалысқан мердігер мекеме өкілдері және ауылдың дамуына үлес қосқан азаматтар марапатталды.Жаңадан салынған 25 үйдің әрқайсысында 2 пәтерден бар. Пәтерлерде қонақ, жатын, жуынатын бөлмелер, ас үй қарастырылған, алаңы 60 шаршы метр.Айта кетейік, бүгінде Сыр өңірінде 4170 пәтерлік 300 тұрғын үйдің құрылысы жүргізілуде. Биыл 2500-ге жуық пәтер табысталып, 11 мыңнан астам аймақ тұрғыны қоныс тойын тойлауда.Аймақ бюджеті өткен жылмен салыстырғанда 57 пайызға өсіп, 609 млрд теңгеге жетті. Ал, Жалағаш ауданының бюджеті 11 млрд теңге болды. Бұл қаражат ең өзекті мәселелерді шешуге жұмсалуда. Жалағаш ауданындағы автомобиль жолдарын жақсартуға 2,5 млрд теңге қаралып, 64,5 шақырым жол жөнделді. Шәменов пен Ақсу ауылдық округін газдандыру жұмыстары басталды.Мұнан бөлек, ауданда «Ауылдық денсаулық сақтауды жаңғырту» ұлттық жобасы аясында 2 нысан салынды. Бүгін Мырзабай ахун ауылындағы дәрігерлік амбулатория пайдалануға берілсе, жыл соңына дейін Аламесек ауылындағы медицина мекемесінің ғимараты халық игілігіне тапсырылады. Келер жылы Қаракеткен ауылында фельдшерлік-акушерлік бекеттің құрылысы басталады.<img src="https://knadmin.beoblood.kz/uploads/411461220_658720463115868_5372255086967106507_n_5b3cc9be15.jpg" alt="411461220_658720463115868_5372255086967106507_n.jpg">

Тәуелсіздік күні қарсаңында жалағаштық 50 отбасы баспаналы болды

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Жалағаш ауданына жұмыс сапарымен барып, Мырзабай ахун ауылындағы дәрігерлік амбулаторияның ашылу рәсіміне қатысты. Сыр өңірінде Президент бастамасымен қолға алынған «Ауылдық денсаулық сақтауды жаңғырту» ұлттық жобасы аясында 27 медициналық нысан салу жоспарланғаны белгілі. Биыл оның 15-інің құрылысы бітті. Мырзабай ахун ауылындағы амбулатория – осы 15 медицина мекемесінің бірі.Ауыл тұрғындарын Тәуелсіздік күнімен және жаңа нысанның ашылуымен құттықтаған аймақ басшысы денсаулық сақтау саласындағы келелі істерге тоқталды.<blockquote>«Мемлекет басшысы Қасым-Жомарт Кемелұлы «Еліміздің басты құндылығы – адам. Бұл – айқын нәрсе. Ұлт саулығы жақсы болса ғана, қоғам орнықты дамиды» деп саладағы реформалардың басты мақсатын белгіледі. Ол – бірінші кезекте, медициналық қызметтің қолжетімділігі, денсаулық сақтау саласының инфрақұрылымын жетілдіру. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасымен аймақтың елді мекендерінде 27 нысан салынуда. Бүгінде 15 дәрігерлік амбулатория құрылысы аяқталып, ел игілігіне берілуде. Жаңа нысан ауыл медицинасының кәсіби деңгейін көтеруге қызмет етсін!», – деді Нұрлыбек Машбекұлы.</blockquote>Рәсімде Денсаулық сақтау саласының үздігі Абдулла Шүленбаев тұрғындарды құттықтап, ақ батасын берді. Сондай-ақ, мердігер мекеме өкілдері мен ауыл азаматтары марапатқа ие болды.Айта кетейік, амбулатория құрылысын «Бақ-Береке» ЖШС салды. Ғимарат ішінде тіркеу орны, аптекалық бекет, қабылдау, оқшаулау, физотерапиялық емдеу, егу бөлмелері, лаборатория, архив, күндізгі емдеу стационары, жалпы тәжірибелік дәрігердің кабинеті бар, мүмкіндігі шектеулі жандар үшін қолайлы жағдай жасалған.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<figure class="image"><img src="https://knadmin.beoblood.kz/uploads/411471180_658711419783439_1044044526733997156_n_7d339e1b7a.jpg" alt="411471180_658711419783439_1044044526733997156_n.jpg"></figure>&nbsp;<figure class="image"><img src="https://knadmin.beoblood.kz/uploads/411464503_658711203116794_8051855285207785316_n_3b0a664df8.jpg" alt="411464503_658711203116794_8051855285207785316_n.jpg"></figure>&nbsp;<figure class="image"><img src="https://knadmin.beoblood.kz/uploads/411459161_658711349783446_8078720004786724718_n_4d9366a32a.jpg" alt="411459161_658711349783446_8078720004786724718_n.jpg"></figure><img src="https://knadmin.beoblood.kz/uploads/411497486_658711233116791_1454320087687643779_n_fb6c44306b.jpg" alt="411497486_658711233116791_1454320087687643779_n.jpg">&nbsp;

Жалағаш ауданында жаңа амбулатория ашылды

<a href="https://kyzylorda-news.kz/">Kyzylorda-news.kz.</a>&nbsp;Мемлекеттік корпорация Тәуелсіздік күніне орай акция ұйымдастырды. Осылайша, таңертеңнен бастап ХҚКО қызметкерлері жеке куәлігін алғаш рет алған клиенттерге «Қазақстан» шоколады мен кәдесый жалауларын таратуға кірісті.&nbsp;Дәстүрге айналған бұл іс-шара өскелең ұрпақтың патриоттық сезімін оятуға бағытталған.Айта кетейік, қараша айындағы деректерге сәйкес, биылғы жылдың бүгінгі күнге дейін көрсеткіші алашқы жеке куәлік облыс бойынша – 26 мыңға жуық, Айтпақшы, қазақстандықтар жеке басын куәландыратын бұл құжатты 16 жасында алады.&nbsp;<blockquote>«Елдегі басты мерекелердің бірі қарсаңында біз алғаш рет жеке куәлік алып отырған жас қазақстандықтарды атап өткіміз келді. Құжатпен бірге Қазақстанның рәміздері бейнеленген шағын сыйлықтарды табыс еттік. Бұл жастарды адамгершілікке, отансүйгіштікке тәрбиелеуге оң әсерін тигізеді деп ойлаймыз», – деді филиал директоры Аида Ибрагимқызы&nbsp;</blockquote>Шоколад пен жалаушаларды таратқан ХҚО қызметкерлерінің айтуынша, кәдесый алған жастар таңғалып, қуанып қалды. Оларды Мемлекеттік корпорация қызметкерлері ғана емес, басқа қызмет алушылар да құттықтады.&nbsp;

Қазақстан және Қызылорда облысының жаңалықтары