Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a> Кеше облыс әкімі Нұрлыбек Нәлібаевтың қатысуымен тағы 5 дәрігерлік амбулаторияның ашылу рәсімі өтті. Түске дейін аймақ басшысы Арал ауданының Бөген, Қызылжар елді мекендеріндегі жаңа нысандарды табыстау іс-шарасына қатысса, түстен кейін Қазалы ауданындағы 3 амбулатория пайдалануға берілді. Оның алғашқысы Сарыкөл ауылдық округіндегі Абай ауылында ашылды.Елімізде профилактикалық қарап-тексерулердің, скринингтердің қолжетімділігін арттыру, ауруды ерте анықтау үшін «Ауылдық денсаулық сақтауды жаңғырту» ұлттық жобасы қабылданып, ол бойынша жер-жерде медициналық нысандар салынуда. Қолданысқа берілген амбулаториялар осы ұлттық жобаның сәтті жүзеге асқанын көрсетеді.Аймақ басшысы ауыл тұрғындарын Жаңа жыл мерекесімен және жаңа нысанның ашылуымен құттықтады.<blockquote>«Сыр медицинасындағы жаңашылдықтар, бастамалар қолдау тауып келеді. Денсаулық сақтау саласының бастапқы буыны – алғашқы медициналық көмек көрсету, аурудың алдын алу. Ол үшін әрине, типтік ғимарат, мықты материалдық база керек. Мемлекет басшысы Қасым-Жомарт Кемелұлының бастамасымен қолға алынған «Ауылдық денсаулық сақтауды жаңғырту» ұлттық жобасының мақсаты – ауыл медицинасының әлеуетін арттыру. Ұлттық жоба аясында облыстың елді мекендерінде 27 нысан салынуда. Оның 15-нің құрылысы аяқталып, ел игілігіне берілуде. Бұған дейін Сырдария, Жалағаш, Шиелі, Жаңақорған аудандарында 7 және бүгін Арал ауданында 2 жаңа ғимаратты табыстадық. Қазалы ауданының Абай, Бозкөл және Кәукей ауылдарында дәрігерлік амбулаториялар қызметін бастайды. Біз ұлт саулығын нығайту бағытындағы кешенді шаралар легін жалғастыра береміз», – деді Нұрлыбек Машбекұлы.</blockquote>Іс-шарада ауылдық ардагерлер кеңесінің төрағасы Алпамыс Түрікпенәлі алғыс айтып, бата берді. Сондай-ақ, мердігер мекеме өкілдері мен ауыл азаматтары марапатқа ие болды.Дәл осындай амбулаториялар Қазалы ауданының Бозкөл, Кәукей ауылдарында да ашылды.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ. Саланың материалдық-техникалық базасын жаңартуға 5 млрд. 100 млн. теңге бөлінді.<img src="https://knadmin.beoblood.kz/uploads/414452645_665814019073179_6604953207179802380_n_29ed9396b9.jpg" alt="414452645_665814019073179_6604953207179802380_n.jpg">&nbsp;<figure class="image"><img src="https://knadmin.beoblood.kz/uploads/414465873_665813895739858_633847015640630619_n_47f432028c.jpg" alt="414465873_665813895739858_633847015640630619_n.jpg"></figure>&nbsp;<figure class="image"><img src="https://knadmin.beoblood.kz/uploads/414455443_665818595739388_4852564267515557728_n_28e0ecacb3.jpg" alt="414455443_665818595739388_4852564267515557728_n.jpg"></figure>&nbsp;<figure class="image"><img src="https://knadmin.beoblood.kz/uploads/414450221_665818449072736_6266477118774011016_n_611b32609e.jpg" alt="414450221_665818449072736_6266477118774011016_n.jpg"></figure>&nbsp;<figure class="image"><img src="https://knadmin.beoblood.kz/uploads/414460460_665818375739410_4909338905341820482_n_a26d3ba482.jpg" alt="414460460_665818375739410_4909338905341820482_n.jpg"></figure>&nbsp;<figure class="image"><img src="https://knadmin.beoblood.kz/uploads/414448063_665818665739381_8300829714471091750_n_e4d966d5b0.jpg" alt="414448063_665818665739381_8300829714471091750_n.jpg"></figure>

 Сыр өңірінде тағы 5 амбулатория ашылды

Фото: mirpozitiva.ru<a href="https://kyzylorda-news.kz/">Kyzylorda-news.kz.</a> Атлантикалық циклонның және атмосфералық фронтальды бөліктердің әсерінен еліміздің барлық аумағында ауа райы құбылмалы болады.«Қазгидромет» РМК мәліметі бойынша, республика бойынша жауын-шашын (қар, жаңбыр) болады. Оңтүстік-шығыстың таулы аймақтарында қалың қар жауады. Солтүстік пен солтүстік-батыста қатты жауын-шашын (жаңбыр, қар), тұман, көктайғақ, екпінді жел болады деп болжанып отыр. Еліміздің солтүстік жартысында бұрқасын болады.Түнде оңтүстік-батыста, Жамбыл облысының таулы аймақтарында екпіні 30 м/с және одан да жоғары жел соғады.

28 желтоқсанға арналған ауа райы болжамы

Фото: өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a> Каратэден қазақ еліне әлем чемпионы атағын алғаш әкелген қызылордалық Мөлдір Жаңбырбай болатын. Ол әлемдік рейтингте алдыңғы сапта тұрған қарсыластарын айқын басымдықпен жеңіп, біраз спортшыны тізе бүктіріп келеді. Аймақ абыройын асқақтатып жүрген Сыр спортшысы Өңірлік коммуникациялар қызметінің баспасөз алаңында алдағы жоспарларымен бөлісті.<blockquote>Биылғы жыл мен үшін жетістіктерге толы жемісті жыл болды. Үздіксіз дайындық пен еңбегімнің арқасында маған артылған үміт ақталды. Барлық додадан жүлдесіз қайтпадым. Әрине, бәрі алтын емес. Десе де, жүлделі орындарды еншіледім. Келер жылы әлемдік сайыстарда бақ сынаймыз. Халықтың бұл спорт түріне қызығушылығы ерекше. Келушілердің қарасы қалың екенін айтқан жөн. Әлемдік рейтингке әсері тиетін 4-5 шақты премьер-лига, одан бөлек Әлем чемпионаты, Азия чемпионаты және жабық Азия ойындарына алдағы жылы қатысамын. Осы үш спорт сайысы мен үшін маңызды. Осы сайыстарға қазірден бастап дайындалудамын. Жалпы, балалық шақтағы қызығушылығым өмірлік мамандығыма ұласады деп ойладым. Алайда қазір каратэ спортынан тысқары өмірдің мән-мағынасы жоқ секілді көрінеді, - деді Әлем чемпионы Мөлдір Жаңбырбай.</blockquote>

Мөлдір Жаңбырбай: Алда маңызды үш жарыс күтіп тұр 

<a href="https://kyzylorda-news.kz/">Kyzylorda-news.kz.</a>&nbsp; Достық үйінде медиация институтын насихаттау бойынша «Үздік мақала» және «Үздік репортаж» байқауының жеңімпаздарын марапаттау рәсімі өтті.«Қоғамдық келісім» КММ ұйымдастырған бұл байқаудың негізгі мақсаты – облыста медиация институтын насихаттау, соттан тыс татуласу шараларының оңтайлы тұстарын халыққа жеткізу, елдегі қоғамдық келісім мен жалпыұлттық бірлікті нығайту.Аталған іс-шарада «Үздік мақала» номинациясы бойынша Шиелі аудандық «Өскен өңір» газетінің тілшісі Айнұр Ибрашева, «Үздік репортаж» номинациясымен Қоғам тв телеарнасының журналисті Олжас Дәуіт және «Үздік жариялым» номинациясымен Қорқыт Ата атындағы Қызылорда университенің журналистика мамандығы бойынша білім алып жүрген студенті Аружан Тұрсынова марапатталды.Байқау жеңімпаздары «Қоғамдық келісім» КММ Алғыс хаты және бағалы сыйлықтарымен марапатталды.

Медиацияны насихаттаған журналистер марапатталды

<a href="https://kyzylorda-news.kz/">Kyzylorda-news.kz.</a>&nbsp; Синоптиктер 28, 29, 30 желтоқсанда ауа райы қандай болатынын айтты. Болжам бойынша, Қазақстанның барлық аумағында ауа райы тұрақсыз болады."Қазгидромет" РМК мәліметі бойынша, республикадағы ауа райына Атлант циклоны ықпал етеді. Ол жаңбыр мен қар түріндегі жауын-шашынды алып келеді. Оған қоса желтоқсанда бұрқасын, көктайғақ және 15-28 м/с екпінді жел болады.29-30 солтүстік және оңтүстік облыстарда екпіні 30 м/с және одан да көп болатын қатты жел соғады.<blockquote>"30 желтоқсанда түнде республиканың солтүстік-батысында, солтүстігінде және орталығында 7-15 градус аяз болады. Елдің оңтүстігі мен оңтүстік-шығысында аяз 3-13 градусқа дейін аздап төмендейді деп болжанған", - делінген хабарламада.</blockquote>&nbsp;

Алдағы күндері ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгін облыс әкімі Нұрлыбек Нәлібаев Арал, Қазалы, Қармақшы аудандарына жұмыс сапарымен барып, бірнеше елді мекендегі әлеуметтік нысандардың ашылу рәсіміне қатысады.Жол бойы Нұрлыбек Машбекұлы Сырдария өзеніндегі су деңгейін тікұшақтан бақылап, дайындық жұмыстарымен танысты.Еске салсақ, жуырда облыс әкімдігінде су тасқынының алдын алу мәселелері бойынша мәжіліс өтті. Жалпы облыс аумағында 29 ықтимал су басу аймағы анықталған. Бұл аймақтарға қала және аудан әкімдіктері 364 арнайы техника және 1 102 адам күші бар 116 жауапты мекемені бекітті. «Қазавиақұтқару» акционерлік қоғамымен жасалған келісім-шартқа сәйкес 1 тікұшақ дайындыққа келтірілген. 2024 жылға мұз жаруға және қап алуға облыс бюджетінен 14,8 млн. теңге бөлінді. Қала және аудан әкімдіктерінің ресми мәліметтеріне сүйенсек, су тасқынына қарсы пайдаланылатын материалдық-техникалық қорда 117,9 тонна жанар-жағармай және 139 902 дана қап сақтаулы. Сондай-ақ, 17 710 бау қамыс, 5 865 дана пашын және 2 381 дана қарабура мен т.б. қажетті материалдар қоры жасақталған. Қажет болған жағдайда тұрғындарды қауіпсіз жерге көшіру үшін 59 жинақтау және 69 қабылдау эвакуациялық пункті дайын.Аймақ басшысы өзендегі жағдайды күнделікті бақылауда ұстап, тиісті дайындық жұмыстарын қолға алуды тапсырды.

Аймақ басшысы Сырдария өзеніндегі су деңгейін бақылады

<a href="https://kyzylorda-news.kz/">Kyzylorda-news.kz.</a>&nbsp;ТҮРКСОЙ халықаралық ұйымының бастамасымен Ташкентте Түркі әлемі кинематографистер қауымдастығы құрылды. Құрылтай жиналысына түркітілдес елдердің кино саласының жетекшілері қатысты.ТҮРКСОЙ-дың хабарлауынша, шараға Әзірбайжан кино агенттігінің басшысы Орхан Фикретоглы, «Қазақфильм» киностудиясының президенті Азамат Сатыбалды, Өзбекстан кинематография агенттігінің басшысы Фирдос Абдухаликов, Түркия кинематография департаментінің бас директоры Эркин Йылмазот, Қырғызстан кинематография департаментінің директоры Ақжол Бекболотов, сондай-ақ ТҮРКСОЙ ұйымының кинематография жөніндегі өкілі Салим Эзер қатысты.Бірлестік түркі әлемінің кинематография өнерін жаңғырту, бірлескен киножобалар жасау, жаңа фильмдерді бірлесіп шығару, сондай-ақ үздік фильмдерді халықаралық аренаға шығару, түркі елдерінің кинопрокаттарының бірыңғай жүйесін құру мақсатында құрылған.&nbsp;«Ташкент» халықаралық кинофестивалі мен «Қорқыт-Ата» халықаралық кинофестивалінің деңгейін әлемдік деңгейге көтеру – басым бағыттардың бірі.Болашақта түркі халықтарының бірлескен киножобаларының алаңына айналатын Түркі әлемі киноакадемиясын құру жоспарлануда.

Ташкентте Түркі әлемі кинематографистерінің қауымдастығы құрылды

Фото: azattyq-ruhy.kz<a href="https://kyzylorda-news.kz/">Kyzylorda-news.kz.</a>&nbsp; Ұлттық Банк әлеуметтік желілер мен мессенджерлерді пайдалана отырып жасалатын алаяқтықтың жиілеп кеткені туралы хабарлады.Алаяқтықпен айналысатын топтар өздерін инвестициялық компаниялар ретінде таныстырып, танымал мессенджерлерде арнайы құрылған профильдерге сілтеме жасай отырып, әлеуметтік желілерде жарнаманы белсенді қолданады. Онда азаматтарды ақша қаражатын салуға шақырып, инвестициядан қомақты қаржылық пайда табуға уәде береді.Алаяқтар жалған лицензиялар мен басқа да құқық белгілейтін құжаттарды, оның ішінде Қазақстан Ұлттық Банкі атынан берілгенді көрсететін жалған құжаттарды жариялайды.<blockquote>"Қаскөйлер азаматтарды биржалық алым үшін біржолғы төлем жасауға үгіттейді. Бұл ретте азаматтарды инвестициялық табыс алуға қазақстандық криптовалюта биржасы немесе өзге де қаржы институттары кепілдік береді деп сендіреді. Алайда, қаражатты аударымынан кейін алаяқтар байланысқа шығуды тоқтатады", - делінген хабарламада.</blockquote>Ұлттық Банк инвестициялар көмегімен жылдам табыс табу туралы ақпаратты қамтитын ресурстарда алаяқтық әрекеттің айқын белгілері бар екенін назарда ұстау үшін мәлімдейді. Себебі:Ұлттық Банк жеке тұлғалардың шотына қызмет көрсетпейді, ақшалай есеп айырысулар мен мәмілелер жүргізбейді;Ұлттық Банк мемлекеттік қорлардан табыс табу үшін қандай да бір платформаларды әзірлеуге қатыспайды;жарнамалық ресурстарда қысқа уақыт ішінде жоғары табысқа жалған кепіл беретін мәлімет қамтылады, бірақ байланыс ақпараты жазылмайды;инвестициялық қызметті жүзеге асыруға лицензиясы бар ұйымдардың тізбесі Қазақстан Республикасы Қаржы нарығын реттеу және дамыту агенттігінің <a href="https://www.gov.kz/memleket/entities/ardfm/financial-organizations/50?lang=kk">ресми сайтында</a> жарияланған.Егер сіз немесе сіздің танысыңыз мұндай жағдайға тап болса, алаяқтық әрекеттерін анықтау үшін құқық қорғау органдарына тиісті арызбен жүгінген жөн.Кеңес алу үшін 1477 қысқа нөмірі бойынша Ұлттық Банктің Байланыс орталығына хабарласуға болады.Ақпарат көзі: <a href="https://sputnik.kz/20231226/ulttyq-bank-alayaqtardan-saq-boluga-shaqyrdy-41221243.html">Sputnik Қазақстан</a>

Ұлттық банк алаяқтардан сақ болуға шақырды

Фото: университеттің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp;&nbsp; Қорқыт ата атындағы Қызылорда университетінің 3 ғалымы мемлекеттік ғылыми стипендия иегері атанды.Қазақстан бойынша жыл сайынғы 75 мемлекеттік ғылыми стипендияның 50 мемлекеттік ғылыми стипендиясы талантты жас ғалымдарға арналған.Мемлекеттік ғылыми стипендияның иегерлері:Аппазов Нұрбол Орынбасарұлы - «Инжинирингтік технологиялар» білім беру бағдарламасының зерттеуші-профессоры, химия ғылымдарының кандидаты, профессор.Тохетова Лаура Ануарқызы - «Аграрлық технологиялар» білім беру бағдарламасының профессоры, ауыл шаруашылығы ғылымдарының докторы.Талантты жас ғалымдарға арналған ғылыми стипендияның иегері: Ақылбеков Нұрғали Икрамұлы - химия ғылымдарының кандидаты, философия докторы (PhD), «Физика-химиялық талдау әдістері» инженерлік бейіндегі зертхана жетекшісі. &nbsp;

 Қызылордалық ғалымдар мемлекеттік ғылыми стипендия иегері атанды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы Қазақстан халқы ассамблеясының Ақсақалдар кеңесінің отырысы өтті. Отырыстың күн тәртібінде – жастардың қазіргі ақпарат заманына бейімделуі және лудомания мәселесі болды. Жиында Қызылорда облысы Қазақстан халқы ассамблеясының Ақсақалдар кеңесі үндеу жариялады.&nbsp;<blockquote>«Біз, облыстық Ақсақалдар кеңесінің мүшелері - елдің өткенінен тәжірибе алып, бүгіні мен ертеңіне бей-жай қарай алмайтын азаматтармыз.&nbsp; Еліміздің тарихына жүгінсек, қай қоғамда болмасын, ақсақалдар қауіп-қатерлердің алдын алуға және келешекте елге қызмет ететін азаматтардың саламатты өмір салтын ұстанып жүруіне ақыл-кеңестерін беріп отырған. Лудомания, немесе ойын құмарлық - әлеуметтік, кәсіби, материалдық және отбасылық құндылықтардың төмендеуіне әкелетін патологиялық әрекет болып табылады. Аурулардың халықаралық классификациясы бойынша лудомания аурулар тізіміне енгізілді. Олардың адамды қызықтыратын бір тұсы - бұл ақшаға, түрлі жиһаз, малға деген құштарлық. Қарапайым түрде бай болудың оңай, әрі алдамшы жолы. Қазақстанда орта есеппен 350 мың адам құмар ойынның құрбанына айналса, орташа қарызы 10 млн теңгеден асады.&nbsp; Елімізде ажырасқан 10 жұптың әр 7-ші жұбы осы ойындардың кесірінен бір-бірінен ажырасуда. Құмар ойындардан шыға алмайтын адамдар лудомания ауруына шалдығады. «Ақымақтың мақсаты – байлық, ақылдының мақсаты - адамгершілік», - &nbsp;деп ата-бабамыз айтып кеткендей, адамгершілігі мол, ұлтжанды азаматтары бар қоғамды қалыптастыру қажет. Жоғарыда келтірілген мысалдарды негізге алып, облыстық Қазақстан халқы ассамблеясының Ақсақалдар кеңесі облыс тұрғындарын, мемлекеттік және қоғамдық ұйымдарды жиырма бірінші ғасырдың қоғамдық дерті болып саналатын лудомания көріністерімен бірауыздан күресуге шақырады: - Ата-аналармен, оқытушы қауымдастықпен тәрбие жұмыстарын күшейту; - Интернет желілерінде құмар ойын жарнамаларының шығып тұруына тосқауыл қою; - Көшелердегі жарнама ілетін тақтайшалар мен билбордтарда құмар ойындарды насихаттайтын жарнамаларды алып тастау және одан әрі болдырмау; - Облыс аумағында лото клубтар мен жасырын казинолардың орналасуын рейд жасау арқылы зерттеп, жабу; - Лудоманияның зияндығы тақырыбында қысқа метражды фильмдер түсіріп, оларды БАҚ мен барлық интернет желілерінде тарату», - делінген үндеуде.&nbsp; &nbsp;</blockquote>

Қызылордалық ақсақалдар үндеу жариялады 

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Құрылыстың көбеюі әлеуметтік мәселелерді шешіп, бой көтерген тұрғын үйлер, жаңа мектептер мен балабақшалар, дәрігерлік амбулаториялар, демалыс орындары жергілікті тұрғындардың игілігіне жарап, жұмыссыздық деңгейінің азаюына да өз үлесін қосары сөзсіз. Биыл да аймақта осындай оңды жұмыстар жалғасын тауып, бірқатар маңызды нысандардың іргетасы қаланды.&nbsp;Осы жылдың 11 айдың қорытындысымен құрылыс жұмыстарының көлемі Қызылорда облысында 134,1 млрд.теңгеге жетіп, өткен жылдың осы кезеңімен салыстырғанда 20,4 пайызға артты.Жыл соңына дейін 692,3 мың шаршы метр тұрғын үй пайдалануға беру жоспарланған. 11 айдың қорытындысымен702,7 мың шаршы метр тұрғын үй пайдалануға беріліп, жылдық жоспар артығымен орындалып тұр.Мемлекеттік қолдаудың арқасында құрылыс саласына бөлінген бюджет қаражатының көлемі де 3,5 есеге артты.- 2023 жылға 163 жобаны жүзеге асыруға 81 млрд. теңге қаржы бөлініп отыр.- Білім саласында, «Жайлы мектеп» ұлттық жобасы аясында 3 жылда облыста жалпы құны 86,0 млрд.теңгеге 21 білім нысаны салынатын болады, биыл соның 10 жайлы мектептің құрылысы басталды.- Бұған қоса, Қызылорда қаласында 2 000 орынға арналған 4 іргелі мектептің жанынан қосымша ғимараттар салынды.Қазіргі нарықтық бағамен есептегенде бір мектепке орта есеппен 3 млрд теңге кетеді. Ал, жоғарыда аталған бір қосымша құрылысқа 700 млн теңге ғана шығын кеткен.Жалпы, мемелекет қаржы есебінен 10 мектеп құрылысы және оқушылар сарайының құрылысы жүргізілуде, оның ішінде құны 7,6 млрд. теңгені құрайтын 300 орындық жатаққанасымен 400 орындық физика-математика мектеп-интернаты салынуда (2 жаңа мектеп және 4 мектепке қосымша құрылыс пайдалануға берілді).- «ҚазГерМұнай» компаниясымен Қызылорда қаласында құны 2 млрд. 350 млн теңгені құрайтын теңге заманауи үлгідегі «Оқушылар сарайының» құрылысы басталды.- «Саутс Ойл» компаниясы Қызылорда қаласында музыкалық колледж құрылысын салады. Жоба құны 4,8 млрд теңге.- «Қуатты өңірлер – ел дамуының драйвері» ұлттық жобасы аясында 11,8 млрд. теңге қаржы бөлініп отыр.- Бұл қаражатқа 1 346 пәтерді құрайтын 26 тұрғын үйдің құрылысы жүргізілуде.Бұдан бөлек, әлеуметтік жағынан осал топтар үшін пәтер алуға, республикалық бюджеттен 12,3 млрд. теңге және облыстық бюджеттен 1,1 млрд. теңге қаржы бөлініп, жыл соңына дейін 1302 пәтер сатып алу жоспарлануда.Аталған 1302 пәтердің 873 пәтері Қызылорда қаласынан, қалған 416 пәтер аудан орталықтарынан сатып алынды.&nbsp;2023-2024 жылдары облыста «Ауылда денсаулық сақтауды жаңғырту» ұлттық жобасы аясында 27денсаулық сақтау нысанын салу жоспарланып отыр. Биыл солардың құны 4,5 млрд. теңге болатын 16 дәрігерлік амбулатория мен 2 медициналық пункт нысандарының құрылысын бастадық және барлығы жыл соңына дейін аяқталып, пайдалануға берілетін болады.Сонымен қатар, құны 35,5 млрд. теңгені құрайтын емхана мен онкологиялық бөлімшесі бар 300 орындық көпбейінді аурухананың құрылысы және құны 2,7 млрд. теңгені құрайтын облыстық қан орталығының құрылысы жүргізілуде.- Мәдениет саласы бойынша, құны 3,5 млрд. теңгені құрайтын 1000 орындық өнер орталығы, 600 орындық мәдениет үйі және 5 ауылдық клуб құрылысы жүргізілуде.- Өткен жылы басталған құны 1,5 млрд. теңге болатын неке сарайының құрылысы аяқталып, биыл пайдалануға берілді.- Келер жылы 7 ауданда музей, кітапхана, мұрағат, неке қию залы, ардагерлер және аналар, жастар орталықтары, азаматтық қоғам өкілдері мен тарихи-мәдени, рухани ұйымдарды біріктіретін типтік үлгідегі «Руханият» орталықтары салынады.Спорт саласында 13 денешынықтыру сауықтыру кешенінің құрылысы жүргізілуде, оның ішінде құны 6,9 млрд. теңгені құрайтын көпсалалы спорт кешені құрылысын бастадық. Бұл спорт кешенінде ұзындығы 50 метр ені 20 метр болатын олимпиядалық бассейін болады және 7 түрлі спортқа арналған залдармен қамтылады (7 спорт нысаны пайдалануға берілді).<figure class="image"><img src="https://knadmin.beoblood.kz/uploads/414689337_3507306996202700_5438392156283456474_n_9726ded52f.jpg" alt="414689337_3507306996202700_5438392156283456474_n.jpg"></figure>&nbsp;<figure class="image"><img src="https://knadmin.beoblood.kz/uploads/412916590_3507306989536034_1029458082318691846_n_f54b142a73.jpg" alt="412916590_3507306989536034_1029458082318691846_n.jpg"></figure>

Жыл қорытындысы: Аймақта құрылыс жұмыстары қарқынды

Фото: elements.envato.com<a href="https://kyzylorda-news.kz/">Kyzylorda-news.kz.</a> Санаулы күндерден кейін Жаңа жыл мерекесі келеді. Осыған байланысты әлеуметтік желілерде "мұсылмандарға жаңа жыл тойлауға болмайды" деген ақпарат тарап жатыр. Желі қолданушыларының бір бөлігі мұны қате түсінік десе, екінші бөлігі жаңа жыл тойлауға үзілді-кесілді қарсы. Шынымен де мұсылман халқына жаңа жыл мерекесіне орай дастархан жайып, отшашу атып, тойлауына бола ма? Massaget.kz тілшісі анықтап көрді.Әрбір халықтың діни мерекелерінен бөлек өзіндік ұлттық, отандық мерекесі, әрбір тұлғаның өмірінде орын алатын қуанышты жайттарына арналған күндері болады. Көпшілік асыға күтетін жаңа жыл мейрамы да сол күндердің бірі. Ол әр елде өзінің ұлттық салт-дәстүріне сай тойланады. Дегенмен, мерекенің басты белгілері саналатын безендірілген жаңа жыл шыршасы, жаңажылдық дастархан, сыйлықтар - бәріне ортақ.Ал ислам діні бойынша негізінен&nbsp;екі мереке бар, олар ораза және құрбан айттары. ҚМДБ Шариғат және пәтуа бөлімінің маманы Елбек Тасболатұлының айтуынша, Құран кітаптың "Мәида" сүресі 48-аятында "Сендерден әрбір (үммет) үшін шариғат және жол белгіледік" деп жазылған.Дін өкілі ең алдымен үйге шырша қойып, оны безендіру қайдан шыққанын түсіндірді."Үйде шырша құру дәстүрі XVII ғасырдың басында Еуропада пайда болған деседі. Ал қазақ жерінде бұл дәстүр Кеңес Үкіметі кезінде орныға бастады. Өткен ғасырдың 20-жылдарында большевиктер "ескі режімнің дәстүрі" ретінде шырша қоюға және жаңа жылды тойлауға тыйым салған болатын, бірақ кейін оған қайта рұқсат берілді. Алғаш рет Кремль шыршасы 1954 жылы орнатылыпты, күні бүгінге дейін сол дәстүр жалғасып келеді. Шыршаны қасиеттеу, ұлықтау адамның діни сенімін бұзуы мүмкін", - дейді маман.&nbsp;Елбек Тасболатұлы сөзінше, шырша құрып, оны безендіру мұсылман халқына жат.&nbsp;"Ертеде адамдар ағашқа тамақ іліп қойса, аңшылардың қанжығасы майланады деп санаған. Жаңа жыл күні адамның келер жылғы тағдыры шешіледі және шыршаның алдында қандай тілек тілесең, сол орындалады деп сенген. Дегенмен, жаңа жылдың белгісі ретінде үйге шырша құру, оны безендіру бұрын біздің дәстүрде болмаған. Үйіне шырша тігіп, "Аяз ата келіп, сыйлық береді" деп ата-аналар балаларын алдамаған", - деді дін өкілі.Сондықтан маман әдеп-ғұрпымызда болмаған, шариғатымызда бұйырылмаған жаңа жыл қарсаңында үйде шырша құру әдетінен барынша арылған жөн екенін ескертті.Ақпарат дереккөзі:&nbsp; <a href="https://massaget.kz/basty-zhaalytar-438/97666/?fbclid=IwAR24BqKDKProYyQVy0ejG8SNeY5KGvwEVFzhvTJSkf3c2pkYM49zDQnvVBQ">Massaget.kz&nbsp;</a>&nbsp;

Қазақстан және Қызылорда облысының жаңалықтары