<a href="https://kyzylorda-news.kz/">Kyzylorda-news.kz.</a>&nbsp; Қазгидромет синоптиктері 6-8 қаңтарда ауа райы қандай болатынын айтты.Болжамға сәйкес атлантикалық циклон және атмосфералық фронталь бөлімдер әсерінен алдағы күндері Қазақстанның басым бөлігінде қар жауады. Оңтүстік өңірлерде жаңбыр мен қар түрінде жауын-шашын күтіледі. 6 қаңтарда солтүстік-батыста қатты қар жауады, оңтүстікте де жаңбыр мен қар аралас қатты жауын-шашын жауады. 7-8 қаңтарда солтүстік-батыста, солтүстікте және орталықта қар жауады. Сонымен қатар, республиканың солтүстік жартысында көктайғақ болып, боран соғады, ел бойынша тұман түсіп, жел күшейеді.<blockquote>"Елдің батысында, солтүстік-батысында, солтүстігінде және шығысында температура күрт төмендейді. Мәселен, батыста және солтүстік-батыста түнгі уақыттарда 8-25 градус аязға дейін, солтүстікте 5-30 градус аязға дейін, ал республиканың шығысында 5-18 градус аязға дейін төмендейді. Оңтүстік өңірлерде түнде ауа температурасы 5 градус аяз - 7 градус жылы болады", - делінген хабарламада.</blockquote>Ақпарат дереккөзі: massaget.kz &nbsp;Фото: Нұрболат Нұржаубай

Демалыста ауа райы қандай болады?  

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісінің депутаты, «AMANAT» партиясы фракциясының мүшесі Мұрат Әбенов өңірдің құрылыс индустриясынның дамуына серпін беретін ірі жобаның бірі темірбетон бұйымдары зауытына барды.&nbsp;<blockquote>«Жобаның жалпы құны – 2,6 миллиард теңге. Оның 370 миллион теңгесі «Даму» кәсіпкерлікті дамыту қоры арқылы қаржыландырылған. Бүгінде мұнда күніне 200 текше метр темірбетон бұйымдары өндіріледі. Өндіріске қажетті шикізаттар жергілікті жерден алынады. Зауытта қазіргі таңда 100-ден аса маман тұрақты жұмыспен қамтылды», - дейді облыстық кәсіпкерлік және өнеркәсіп басқармасының басшысы Дінмұхамед Абсаттаров.</blockquote>Зауыт басшысы Исламғали Қозбақов кездесу барысында өндіріс саласындағы кадрлардың айналымын тұрақтандыру мақсатында мемлекеттік тұрғын үй қорынан пәтер алу кезегіне жұмысшы мамандарды қосуды, мұнай сервисі саласында жұмыс істейтін азаматтардың мерзімінен бұрын зейнетке шығуы туралы мәселелерді қозғады. Халық қалаулысы осы мәселеге қатысты кәсіпорын жұмысшыларымен әңгімелесіп, пікірлерін тыңдап, олардың талап-тілектері мен ұсыныстарын назарға алды.<figure class="image"><img src="https://knadmin.beoblood.kz/uploads/415432436_7134098646633148_2613989525926741737_n_72010656b6.jpg" alt="415432436_7134098646633148_2613989525926741737_n.jpg"></figure>Мұнан соң фракция мүшесі жеке кәсіпкер Азамат Кобдиковтың бастамасымен жүзеге асқан наубайхананың жұмысымен танысты. Наубайxана нан пісіруге қажетті барлық заманауи құрал-жабдықтармен жабдықталған. Мұнда күніне тапсырысқа сай 10 000 дана нан пісіріледі. Наннан өзге кондитерлік өнімдер де сатылымға шығарылады.&nbsp;<blockquote>«Кәсіпкерлік нысанда 70 адам тұрақты жұмыспен қамтылған. Жалпы құны 400 миллион теңгені құрайтын наубайхананы іске қосу үшін кәсіпкер жеке қаражаты есебінен 215 миллион теңге және «2021-2025 жылдарға арналған кәсіпкерлікті дамыту жөніндегі Ұлттық жоба аясында субсидиялау бағыты бойынша «Даму кәсіпкерлікті қолдау қоры» арқылы 185 миллион теңгеге «Халық банкінен» қаржы алған», - дейді Дінмұхамед Абсаттаров.</blockquote>

Темірбетон зауытында 100-ден аса маман тұрақты жұмыспен қамтылған 

<a href="https://kyzylorda-news.kz/">Kyzylorda-news.kz.</a> Қазіргі таңда мобильді аударымдар бақыланатыны туралы жаңалықтан кейін көптеген кәсіпкер сауданы тек қолма-қол ақшаға жасасатын болған. Сатушының бұл талаптары заңды ма? Бұл сұраққа Мемлекеттік кірістер комитетінің мамандары жауап берді.<blockquote>"Жеке кәсіпкерлер өткізген тауарлары (көрсетілген қызметтері) үшін қолма-қол ақша төлеуді талап етіп, қолма-қол ақшасыз төлемдерді қабылдаудан бас тарту жағдайлары да кездеседі. Қолма-қол ақшасыз төлемдерді қабылдаудан бас тарту заңсыз, себебі "Төлемдер және төлем жүйелері туралы" Қазақстан Республикасы Заңының нормаларында әртүрлі төлем әдістері – банк картасы, QR төлемі немесе қолма-қол ақша қарастырылған (25-бап)", - делінген комитет мамандары таратқан баспасөз релизінде.&nbsp;</blockquote>Мамандардың айтуынша, кәсіпкерлердің төлем карталарын пайдалана отырып төлемдерді қабылдаудан бас тартқаны үшін бірінші рет ескерту түрінде әкімшілік жауапкершілікке тарту көзделген. Ал қайталап заң бұзғаны үшін 147 680 теңге (40 АЕК) мөлшерінде айыппұл салу көзделген (ҚР Әкімшілік құқық бұзушылық туралы кодексінің 194-бабы).Қолма-қол ақшасыз төлемдерді қабылдаудан бас тарту фактілері туралы мемлекеттік кірістер органдарына хабарласу керегі айтылады.<blockquote>"Сонымен бірге Салық кодексі микро және шағын бизнес субъектілеріне оңайлатылған салық салу жағдайы жасады, атап айтқанда: салық мөлшерлемелері қызмет түріне байланысты 1%-дан 4%-ға дейін. Кәсіпкер өзіне ыңғайлы салық режимін таңдай алады – патент (салық мөлшерлемесі 1%); оңайлатылған декларация (салық мөлшерлемесі 3%); бөлшек салық режимі (салық мөлшерлемесі 4%)", - делінген релизде.&nbsp;</blockquote>Салық және әлеуметтік төлемдер автоматты түрде есептелетін және төленетін e-Salyq Business мобильді қосымшасы арқылы салық салу режимін таңдауға болады екен.&nbsp;Айта кетейік, 2024 жылдың 1 қаңтарынан бастап барлық кәсіпкермен олардың жұбайы декларация тапсыруы тиіс, сондықтан кәсіпкерлік қызметтен алынған кірістерді дұрыс көрсету өте маңызды. Кейінгі жылдары мүлікті сатып алған жағдайда бұл кірістер салық салу мақсатында есепке алынады.&nbsp;Ақпарат көзі: <a href="https://kaz.nur.kz/">Kaz.nur.kz</a>Фото: Н.Нұржаубай

Тек қолма-қол ақшамен есеп айырысуды талап ету заңды ма?

<a href="https://kyzylorda-news.kz/">Kyzylorda-news.kz.</a> Қазіргі таңда қоғамда мобильді аударымдар сауда-саттық жасауда өте ыңғайлы. Дегенмен, елімізде заңсыз кәсіппен айналысу деректері жиілеген. Осыған сәйкес, 2024 жылдан бастап банк ұйымдары жеке кәсіпкерлердің мобильді аударымдары бойынша деректерді беретін болады. Бұл жөнінде Өңірлік коммуникациялар қызметінің баспасөз алаңында Қызылорда облысы бойынша мемлекеттік кірістер департаменті басшысының орынбасары Еркін Елшібеков айтты.<blockquote>Үш ай қатарынан ай сайын 100 түрлі тұлғадан мобильді аударымдар алған азаматтар бақылауға алынады. Егер 2 ай 100 аударымнан көп төлем жасалып, арасында үзіліс жасап төлем аударылса, иә болмаса 100 аударымға жетпейтін мөлшерде болса тексеріс жүргізілмейді. Банктерден ақпараттың келіп түсуі кезең-кезеңмен жүзеге аспақ. Бүгінгі таңда ақпарат тек 2022 жылдың қорытындысы бойынша мемлекеттік қызметшілер, оларға теңестірілген адамдар және олардың жұбайлары бойынша алынды. Аталмыш бақылау шаралары адал жұмыс істейтін және уақытылы салық төлеп отырған кәсіпкерлерге жүргізілмейді. Яғни, жасырын кірістері бар және кәсіпкер ретінде тіркелмегендерді анықтауға бағытталған. Бұл ретте жеке тұлғалар өздерінің жеке мақсаттары үшін мобильді аударымдар жасай алады. Мұндай аударымдарды декларациялаудың қажеті жоқ. Өйткені олар жеке тұлғаның табысына жатпайды. Табыс алуға бағытталған аударымдар ғана декларациялауға жатады. Осыған байланысты кәсіпкерлерге кәсіпкерлік қызметке арналған шоттарға төлем қабылдауды ұсынамыз, - деді Еркін Елшібеков.</blockquote>Фото: Нұрболат Нұржаубай

Қандай мобильді аударымдар табыс ретінде саналады?

<a href="https://kyzylorda-news.kz/">Kyzylorda-news.kz.</a>&nbsp; ҚР Парламентінің депутаттары Р.Рүстемов, А.Әлназарова, М.Ергешбаев Жалағаш ауданына жұмыс сапарымен барды.Жұмыс сапары барысында Есет батыр ауылындағы жаңадан салынған дәрігерлік амбулаторияның жұмысымен танысты. 2023 жылы Ұлттық жоба аясында Жалағаш ауданында 2 амбулатория пайдалануға берілді. Бүгінде ауыл халқы жаңа нысанның игілігін көруде.Сонымен қатар, халық қалаулылары Жалағаш кентіндегі дене шынықтыру -сауықтыру кешенінің құрылыс жұмыстарымен танысып, құрылысы тұралап тұрған нысанның уақытылы аяқталуын бақылауға алатындарын жеткізді.Іс-сапар барысында халықтың талап тілегіне құлақ асып, маңызды деген мәселелерді түртіп алып жүрген ҚР Парламентінің депутаттары Жалағаш аудандық медицина саласының қызметкерлерімен пікір алмасып, ұсыныстарын тыңдады.Өз сөзінде Ақмарал Әлназарова сала мамандарымен кездесу барысында халықтың денсаулық жағлайын жақсарту мақсатындағы аудандық жаңа емхананың тұрғындар үшін қолжетімді мүмкіндік екенін айтты.Сондай-ақ Руслан Рүстемов халықтың билікке ашық ойын жеткізе алуы үшін қабылданып жатқан өзгерістер мемлекетіміздегі ашықтықты арттыратынын жеткізді.Аудандар мен ауылдық округтердегі өткізілген кездесулердің негізгі жемісі алсытағы ағайынның күрмеулі міселелерін мінберде қозғап шешімін табу екенін айтқан Мұрат Еркешбаев, Жалағаш ауданында атқарылып жатқан жұмыстарға ризашылығын білдірді.<img src="https://knadmin.beoblood.kz/uploads/416868235_1838243949961008_1329576866860593645_n_dac030009f.jpg" alt="416868235_1838243949961008_1329576866860593645_n.jpg">&nbsp;<figure class="image"><img src="https://knadmin.beoblood.kz/uploads/416902419_1838244029961000_6707185102414090486_n_4d9ebb8559.jpg" alt="416902419_1838244029961000_6707185102414090486_n.jpg"></figure>

Парламент депутаттары Жалағаш ауданына жұмыс сапарымен барды

<a href="https://kyzylorda-news.kz/">Kyzylorda-news.kz.</a>&nbsp; Қазгидромет Қазақстан аймақтарында 2024 жылғы 5 қаңтарда болатын қауіпті метеорологиялық құбылыстарға болжау консультациясын жариялады.Қазақстанның басым бөлігіне атмосфералық фронттардың өтуіне байланысты тұрақсыз ауа райы сақталады, жауын-шашын (көбінесе қар) жауады, батыста, солтүстікте, орталықта бұрқасын соғып, қар жауады.Тек еліміздің оңтүстік-шығысында жауын-шашынсыз ауа райы күтіледі. Қазақстан бойынша тұман, көктайғақ, екпінді жел болады.Фото: Нұрболат Нұржаубай

Тұман, көктайғақ, екпінді жел - 5 қаңтарға жасалған күн райы болжамы

<a href="https://kyzylorda-news.kz/">Kyzylorda-news.kz.</a>&nbsp; МӘМС жарналары мен аударымдары бойынша ставкалар өзгеріссіз қалады. Бірақ базалық есептік көрсеткіштің – ең төменгі жалақының (ЕТЖ) – жаңа мөлшерлерінің бекітілуіне байланысты төлем сомалары өзгереді. Сонымен, келесі жылы МӘМС-ке қанша төлейміз? Әлеуметтік медициналық сақтандыру қорының болжау басқармасының басшысы Ақтолқын Сұлтанова төлеушілердің барлық санаттары бойынша түсініктеме берді.ЖҰМЫС БЕРУШІЛЕР – 3%Жұмыс берушілер қызметкер үшін жалақының 3% мөлшерінде аударымдар жүргізеді, бұл ретте салық салынатын ай сайынғы табыс 10 ЕТЖ (2024 жылы 850 000 теңге) аспауға тиіс, яғни жұмыс берушінің аударымдарының ең жоғары төленетін сомасы айына 25 500 теңгені құрайды. Бұл қаражат қызметкердің жалақысынан ұсталмайды, оларды жұмыс беруші кәсіпорын есебінен төлейді.ҚЫЗМЕТКЕРЛЕР – 2%Азаматтық-құқықтық сипаттағы шарты негізінде қызмет көрсететін жалдамалы жұмыскерлер мен жұмыскерлер МӘМС-ке ай сайынғы табысының 2% мөлшерінде жарна төлейді. Салық салу объектісі барлық жұмыс орындарынан айына 10 ЕТЖ (2024 жылы 850 000 теңге) аспауы тиіс, яғни қызметкердің жалақысына қарай, төлейтін ең жоғары жарнасы 17 000 теңге болуы мүмкін.&nbsp; Егер екі жерде жұмыс жасасаңыз, жарналарды қалай есептеу керек? Ақтолқын Сұлтанова атап өткендей, жарналарды төлеу кезінде шекті табыс барлық жұмыс орындарына қарай ескеріледі. Мысалы, қызметкердің жалақысы 600 000 теңгені құрайды. Сонымен қатар, АҚС шарты бойынша қызмет көрсетіп, 350 000 теңге жалақы алады. Жалпы табыс 950 000 теңгені құрайды, яғни 10 ЕТЖ-дан асады. Бұл жағдайда қызметкердің бір жұмыс орнынан жарналар толық мөлшерде ұсталуы керек. Мысалы: 600 000 * 2% = 12 000 теңге. Ал екінші жұмыс орнында ең жоғары төлемнен қалған бөлігі ғана ұсталады: 17 000 теңге (ең жоғары төленетін жарна) – 12 000 теңге (бірінші жұмыс орнынан төленген жарна) = 5 000 теңге (екінші жұмыс орнынан жарна). Екінші жұмыс беруші жарна мөлшерін дұрыс есептеуі үшін қызметкер оған аударылған жарналар туралы бірінші жұмыс орнынан анықтама беруі керек. Анықтаманы тапсырмаған жағдайда екінші жұмыс орнынан жарналар толық мөлшерде ұсталады, яғни артық төленген сома қалыптасады», – деп түсіндірді қор өкілі.БІРЫҢҒАЙ ТӨЛЕМ ТӨЛЕУШІЛЕР-21,5%.Жалақыдан ұсталатын бірыңғай төлем – бұл бірқатар салық төлемдерін есептеудің стандартты әдісіне балама. Жалақыдан ұсталатын мындай бес төлемді біріктіреді:&nbsp; - міндетті зейнетақы жарналары;&nbsp; - әлеуметтік аударымдар; - МӘМС жарналары;&nbsp; - МӘМС-ға аударымдар; - жеке табыс салығы. Бірыңғай төлемді жеңілдетілген декларация және ауыл шаруашылығы өнімдерін өндірушілерге арналған арнайы салық режимі бойынша жұмыс істейтін жеке кәсіпкер мен шағын және орта бизнестің заңды тұлғасы пайдалануға рұқсат береді. 2024 жылы бірыңғай төлем мөлшерлемесі еңбекақы төлеу қорының 21,5% құрайды. Бірыңғай төлемді ай сайын есепті айдан кейінгі айдың 25-күнінен кешіктірмей Мемлекеттік корпорацияның шотына бір төлеммен жүргізіледі.ЖЕКЕ КӘСІПКЕРЛЕР - 5 950 ТЕҢГЕЖеке кәсіпкерлер 1,4 еселенген ЕТЖ-дан 5% төлейді. 2024 жылы: (1,4 * 85 000) * 5% = 5 950 теңге. Егер жеке кәсіпкер есептілікті «нөлмен» тапсырса, бірақ өз қызметін ресми түрде тоқтатпаса, онда ол Салық кодексі талап еткендей жарналарды төлеуді жалғастыруы керек екенін есте ұстаған жөн. Әйтпесе, қарыз пайда болады.ӨЗІН-ӨЗІ ЖҰМЫСПЕН ҚАМТЫҒАН АЗАМАТТАР (БЖТ ТӨЛЕУШІЛЕР)Бірыңғай жиынтық төлем кәсіпкерлік қызметті ЖК ретінде тіркеусіз жүзеге асыратын бейресми жұмыспен қамтылған азаматтар үшін уақытша &nbsp; &nbsp; &nbsp; 5 жылға (2019 жылғы 1 қаңтардан 2024 жылғы 1 қаңтарға дейін) енгізілді. Тиісінше, келесі жылы БЖТ болмайды. Сондықтан өзін-өзі жұмыспен қамтығандар мәртебені екі жолмен ала алады: - жеке кәсіпкер ретінде тіркелу және жарналарды ЖК ретінде төлеу; - жарналарды дербес төлеуші ретінде төлеу.ДЕРБЕС ТӨЛЕУШІЛЕР – 4 250 ТЕҢГЕ.Дербес төлеушілер үшін жарналардың мөлшері мына формула бойынша есептеледі: 5% * 1 ЕТЖ = 4 250 теңге. Ақтолқын Сұлтанова сақтандырылмаған азаматтар МӘМС жүйесінің қатысушысы болудың ыңғайлы және тиімді тәсілін пайдаланып, жарналарды алдағы 12 айға дербес төлеуші ретінде төлей алатынын еске салды. Бұл жағдайда әр ай үшін төлемді жеке-жеке төлеген жөн. Бұл жағдайда өткен айлардағы қарыздар болса, жойылады.МЕМЛЕКЕТ ЖАРНАЛАРЫ – 5 853 ТЕҢГЕҚазақстандағы МӘМС жүйесі әлеуметтік бағдарланғандықтан, мемлекет 15 жеңілдік санатына кіретін азаматтар үшін жарналарды төлеуді жалғастыруда. 2024 жылы мемлекеттің бір азаматқа төленетін жарнасы айына 5852,63 теңгені құрайды (мемлекеттің жарналарын есептеу объектісінің 1,9%, яғни мемлекеттік статистика саласындағы уәкілетті орган айқындайтын ағымдағы қаржы жылының алдындағы екі жылға дейінгі орташа айлық жалақы). ӨЗІН-ӨЗІ ЖҰМЫСПЕН ҚАМТЫҒАНДАР, ЖЕКЕ КӘСІПКЕРЛЕР, ДЕРБЕС ТӨЛЕУШІЛЕР ЖАРНАЛАРДЫ ҚАЛАЙ ТӨЛЕЙДІ Төлемді екінші деңгейдегі банктің кез келген бөлімшесі, «Қазпошта» АҚ, Kaspi.kz, HalykBank мобильді қосымшалары арқылы, сонымен бірге Касса 24 және Qiwi әмиян &nbsp;өзіне-өзі қызмет көрсету терминалдары арқылы аударуға болады.&nbsp; Маңызды: • төлеушінің ЖСН және ТАӘ дұрыс көрсету; • төлем жасап, 2-3 жұмыс күннен кейін МӘМС жүйесіндегі мәртебені тексеру, мәртебе берілмесе – төлемдегі деректерді жаңадан тексеру.&nbsp; • жеке кәсіпкерлер назарына: салық органдарына есептілікті дайындау және тапсыру; • өз қызметкерлерін төлем жасалғаны туралы хабарлау.Сақтандыру мәртебесін келесі жолдармен тексеруге болады: • Qoldau 24/7 мобильді қосымшасы • &nbsp; fms.kz ресми сайты • Telegram-дағы @SaqtandyrýBot https://t.me/SaqtandyryBot • &nbsp; 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы&nbsp; • Kaspi.kz мобильді қосымшасы • egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік &nbsp; қызметі арқылы.Фото: Нұрболат Нұржаубай

2024 жылы МӘМС үшін қанша төлейміз? 

<a href="https://kyzylorda-news.kz/">Kyzylorda-news.kz.</a> Қызылорда облысында 4 қаңтардағы жағдай бойынша жыл басынан бері қызылша ауруына күдікті 80 науқас тіркелді. Қазіргі таңда зертханалық талдау жүргізілуде. Басым көпшілігі балалар арасында анықталуда.<blockquote>Аймақта 6 қарашадан бастап қызылшаға қарсы қосымша жаппай иммундау басталды. Вакцинацияны 6 айдан бастап 11 айға дейінгі балалар, 2, 3, 4 жастағы балалар алады. Сондай-ақ вакцинация мәртебесі белгісіз адамдар үшін толықтыра вакцинациялау жүргізіледі. Бүгінде 53945 адам қызылшаға қарсы екпе алды, - делінген Қызылорда облысының санитариялық-эпидемиологиялық бақылау департаментінің хабарламасында.</blockquote>Қызылшаны емдеуге арнайы дәрі-дәрмек жоқ, сондықтан екпе ғана сізді және балаңызды осы инфекциядан қорғай алатынын еске саламыз.Фото: Нұрболат Нұржайбай

Қызылша: Қызылордадағы ахуал қандай?

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы Зияткерлік мектеп ұстаздары Кармақшы ауданындағы Т. Көмекбаев атындағы №250, Арал ауданындағы Ж. Әбдірашев атындағы №62, Жаңақорған ауданындағы №286 мектептерге барып, кезекті әдістемелік қолдауларын білдірді.Сапар барысында оқу үдерісінде сандық ресурстарды тиімді қолдану бойынша практикумдар ұйымдастырылды. NIS педагогтері ауыл ұстаздарына сыныпта оқу экраны ретінде пайдалануға болатын - Classroomscreen, қысқа уақыт ішінде тест тапсырмаларының үлкен көлемін тексеруге көмектесетін - ZipGrade қосымшаларының жұмыс істеу үдерісін үйретіп, Google платформасының мүмкіндіктерін таныстырды. Қатысушылар бұл қосымшалардың сабақты өткізу және оқушы жұмысын бағалау кезінде ыңғайлы және тиімді екенін атап өтіп, оң пікірлерімен бөлісті.Ал Зияткерлік мектептің зерттеушілер тобы әріптестеріне Action Research және Lesson study зерттеушілік тәжірибелерімен бөлісті. Кері байланыс кезінде қатысушылар зерттеу түрлері мен кезеңдері туралы білімдерін молайтып, зерттеу сұрағын қалай құрастыруды үйренгендіктерін атап өтті және бұл жұмыстар мектептегі білім сапасын жақсарту үшін таптырмас құрал екендігін алға тартты.Педагог-кураторлар жүргізген практикумда қатысушылар тәрбие бағытындағы танымдық жобаларды жүргізуді ұйымдастыру және «100 кітап» жобасы арқылы оқушылардың оқу мәдениетін арттыру бойынша біліктіліктерін арттырды.<figure class="image"><img src="https://knadmin.beoblood.kz/uploads/416059645_3529845760678666_2852240465002602199_n_526b5be14c.jpg" alt="416059645_3529845760678666_2852240465002602199_n.jpg"></figure>

Сыр өңіріндегі NIS тірек мектептерге сандық ресурстарды қолдану әдістемесін көрсетті

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында жаңа жылдық мереке күндеріндегі рейд барысында пиротехникалық заттарды заңсыз сатудың 38 дерегі &nbsp;анықталып, 703 дана пиротехника тәркіленді. «Пиротехника» жедел-профилактикалық іс-шарасы барысында базарлар мен сауда орындарында Қызылорда облысы ПД Әкімшілік полиция басқармасы және Төтенше жағдайлар департаментінің қызметкерлері бірлесіп рейдтік іс-шаралар жүргізді.<blockquote>«Облыс бойынша пиротехникалық заттарды заңсыз сатудың 38 дерегі анықталды. Атап айтқанда, тауарлармен немесе өзге де заттармен заңсыз сауда жасаудың (ҚР ӘҚБтК 196-бабы) 31 дерегі анықталып, 703 дана пиротехникалық зат тәркіленді, ал елді-мекендерде пиротехникалық бұйымдарды қолданудың (ҚР ӘҚБтК 436-бабының 3-бөлігі) 6 дерегі, &nbsp;пиротехникалық заттарды пайдалану, сату және сақтау ережелерін бұзудың &nbsp;(ҚР ӘҚБтК 483-бабының 1-бөлігі) 1 дерегі анықталып, құқық бұзушыларға әкімшілік шара көрілді», - делінген полиция департаментінің хабарламасында. &nbsp;</blockquote>

Қызылордада пиротехникалық заттарды заңсыз сатқан тұлғалар жауапкершілікке тартылды 

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев ҚР Парламенті Сенатының депутаты Руслан Рүстемов, Мәжіліс депутаты Мұрат Ергешбаевпен бірге қайта жаңғыртудан өткен теміржол вокзалына барды.Тарихи ғимаратты қайта жаңғыртуға «Қазақстан Темір Жолы» компаниясынан 322 млн. теңге және жергілікті кәсіпкерлердің демеушілігі есебінен 255 млн. теңге қаржы бөлінді.Эскиздік жобаға сәйкес ғимараттың сыртқы бетіне травертин плиталарын монтаждау, шатырын, мүмкіндігі шектеулі азаматтарға арналған пандустарды, суағарды, су, кәріз және жылу жүйелерін жөндеу, қала жақ бетін көгалдандыру жұмыстары жүргізілді. Ішкі бөлмелеріне жөндеу жасалды. Мұнан бөлек, 2 жолаушылар платформасына жаңадан асфальт төселіп, төрт көзді 10 жарық шам орнатылды.Екінші ғимарат та әдемі кейіпке еніп, әкімшілік ғимаратының сырты әрленді, есіктері ауыстырылды, 200 шаршы метр шатыры жөнделді. Жергілікті кәсіпкерлердің демеушілігімен перрон және автотұрақ асфальтталып, жарық шамдар қойылды. Оған қоса вокзал маңындағы нысанның сыртқы қасбеті қапталды.<img src="https://knadmin.beoblood.kz/uploads/415199175_669934435327804_2678412049243550812_n_45b45dc3fc.jpg" alt="415199175_669934435327804_2678412049243550812_n.jpg">&nbsp;<figure class="image"><img src="https://knadmin.beoblood.kz/uploads/414547874_669934348661146_2102197547376861529_n_69ab52eb56.jpg" alt="414547874_669934348661146_2102197547376861529_n.jpg"></figure>

Облыс әкімі теміржол вокзалының жөндеу жұмыстарымен танысты

<a href="https://kyzylorda-news.kz/">Kyzylorda-news.kz.</a> Қызылорда облысына жұмыс сапарымен келген ҚР Парламенті Мәжілістегі «AMANAT» партиясы фракциясының мүшесі Мұрат Әбенов «Қызылорда-Жезқазған» жолының қайта жаңғырту жұмыстарымен танысты.Автожолдың Қызылорда облысындағы ұзындығы 204 шақырымды құрайды. Біздің өңірге қарасты бөлігі 6 лотқа бөлінген. Техникалық-экономикалық негіздемесіне сәйкес, Қызылорда қаласының айналма жолы – Iб санатты, 4 жолақты. Ұзындығы 14,6 шақырым. 12-216 шақырым аралығы – II санатты, 2 жолақты. Ұзындығы 201,4 шақырымды құрайды. Жоба бойынша бүгінде барлық жұмыстар жүргізілуде.Атап айтсақ, ауыл шаруашылық техникалары мен үй жануарларына арналған жол өткелдері, су арналарына өтетін көпірлер, көп функцианалды аралық бақылау өлшейтін аркалар, заманауи жылы дәретханалар мен демалыс алаңдары толық қарастырылған.Фракция мүшесі мониторинг барысында сала өкілдері, мердігер мекеме қызметкерлерімен кездесіп, жұмыс барысының жүргізілуін талқылады.<figure class="image"><img src="https://knadmin.beoblood.kz/uploads/414497547_770162975149341_8730678025012125086_n_228ea750ce.jpg" alt="414497547_770162975149341_8730678025012125086_n.jpg"></figure>

Қазақстан және Қызылорда облысының жаңалықтары