<a href="https://kyzylorda-news.kz/">Kyzylorda-news.kz.</a> Жаңа жылдық мереке күндері коммуналдық қызметтер мен төтеншеліктердің жұмысы қызу болады. Олар тұрғындардың қауіпсіздігін қамтамасыз етіп, коммуналдық қызметтердің толық берілуін қадағалайды. Осыған орай, бүгін Өңірлік коммуникациялар қызметінің ақпарат алаңында мереке күндері 24/7 жұмыс істеген сала өкілдері келіп, қауырт тіршіліктің қорытындысын баяндап өтті.<blockquote>Мереке күндері күшейтілген режимде жұмыс істедік. Барлық қызметкерлер халық көп шоғырланатын аумақта рейдке шығып, кезекшілік ұйымдастырды. Осы күндері техногенді сипаттағы 9 жағдай тіркелді. Сондай-ақ, біздің департаментке 16 шақырту келіп түсті. Шақырту барысында есігі құлыпталып қалған пәтер ішінен 2 жасөспірім құтқарылды. Жол көлік оқиғасы салдарынан зардап шеккен 4 адам ауруханаға жеткізілді. Облыс және аудан орталықтарында орналастырылған шыршаларға кезекшілік ұйымдастырылды. Онда оқыс оқиғалар тіркелген жоқ,- деді облыстық ТЖД басқарма бастығы Исабек Досжан.</blockquote>Ал, 31 желтоқсан мен 2 қаңтар аралығында «Жедел әрекет ету орталығы» КММ-нің 109 - Бірыңғай байланыс орталығына тұрғындар тарапынан 600 өтінім келіп түскен. Өтінімдердің барлығы тиісті салаға жолданып, дер кезінде қолға алынған.<blockquote>Келген хабарламалардың басым көпшілігі коммуналдық қызметтерге байланысты болды. Атап айтқанда. электрмен жабдықтау бойынша - 146, су жүйесі бойынша - 84, жылу жүйесі бойынша - 53, табиғи газ бойынша - 56, көше жарығы бойынша - 22, қала тазалығы бойынша - 8, ветеренарлық қызмет бойынша - 5, қоғамдық көлік қызметіне байланысты - 4, анықтамалық бойынша - 202 хабарлама келді. Осыған сәйкес, барлығы 555 өтінім орындалып, қалған 45 өтінім жауапты салаларға жолданды,- деді Қызылорда облысы әкімі аппаратының «Жедел әрекет ету орталығы» КММ-нің директоры Руслан Бейбітбекұлы.</blockquote>Фото: Нұрболат Нұржаубай

Мереке күндері техногенді сипаттағы 9 жағдай тіркелді

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен мәжілісте таныстырылған кадрлық өзгерістердің бірі – Қызылорда облысының энергетика және тұрғын үй-коммуналдық шаруашылығы басқармасының басшысы лауазымын атқарып келген Ысмағұлов Болатбек Әбдулхайысұлы басқа жұмысқа ауысуына байланысты қызметінен босатылды. Басқарма басшысының уақытша міндетін атқару орынбасары Усаин Медетке жүктелді.<blockquote>«Мемлекет басшысы жүктеген және Үкімет бекіткен көрсеткіштерге қол жеткізу жолында ауқымды міндеттер бар. Халықты электр энергиясымен, ауыз су және «көгілдір отынмен» қамту, жылу беру қызметінің үздіксіз жұмысына бағытталған тиісті шараларды атқару кезек күттірмейді.Облыс халқының 98,4 пайызы орталықтандырылған ауыз сумен қамтылған. Бұл көрсеткішті 100 пайызға жеткізуіміз қажет. 2023 жылы 12 ауылдық елді мекенді газдандырып, нәтижесінде газбен қамту деңгейі 75 пайызға жетті.Орталықтандырылған жылу мәселесін шешу мақсатында «Акса энерджи» түрік компаниясымен бірлесіп, жылу және электр қуатымен толық қамтамасыз ететін 240 мегаваттық жылу-электр орталығының құрылысы басталуда. Ендігі кезекте, компания өкілдерімен бірлесіп, құрылыс жұмыстарының кестеге сәйкес жүргізілуін қамтамасыз ету керек. Медет Усаинұлы осы уақытқа дейін мол тәжірибе жинады. Жылу-электр орталығын басқарды. Оны 500 млн теңге қарызбен қабылдап алып, 500 млн теңге пайдаға шығарды. Жаңа қызметте өңірдегі коммуналдық саланы дамытуға аянбай еңбек етеді деп сенім білдіреміз», – деді аймақ басшысы.</blockquote>Басшының міндетін атқарушыға жылу маусымын жоғары деңгейде өткізу, әсіресе қатты және сұйық отын қорының жеткілікті көлемде болуын, коммуналдық сала қызметінің ешбір іркіліссіз жүргізілуін үйлестіру тапсырылды. Сондай-ақ қазандықтар мен жылу желілерінің, тұтынушылардың жылу қондырғыларының пайдаланылуы мен техникалық жай-күйін қатаң бақылауға алу, елді мекендерді ауыз сумен, электр энергиясымен және газбен қамтамасыз ету, магистральдық құбырлардағы апаттар мен төтенше жағдайлардың алдын алу міндеттері жүктелді.<img src="https://knadmin.beoblood.kz/uploads/414482148_669610348693546_9194343978209308584_n_e24de6fccc.jpg" alt="414482148_669610348693546_9194343978209308584_n.jpg">Аймақ басшысы Нұрлыбек Нәлібаевтың төрағалығымен өткен мәжілісте Қызылорда облысының жұмылдыру дайындығы басқармасы құрылғаны хабарланып, жаңа басқарманың басшысы таныстырылды.<blockquote>«Мемлекеттің қорғаныс қабілетін нығайтуда өңірлердегі аумақтық қорғаныс жүйесін жетілдірудің, жұмылдыру дайындығы мен аумақтық қорғаныс күштерін үйлестірудің маңызы зор. Мемлекет басшысының төрағалығымен былтыр өткен Қауіпсіздік Кеңесінде облыс әкімдеріне жұмылдыру дайындығы, аумақтық және азаматтық қорғаныс мәселелерімен айналысатын басқарма құру тапсырылды.Осыған сәйкес, Қызылорда облыстық мәслихатының 2023 жылғы 13 желтоқсандағы № 66 шешімімен Қызылорда облысының басқару схемасына өзгерістер енгізіліп, жаңадан жұмылдыру дайындығы басқармасы құрылды», – деді Нұрлыбек Машбекұлы.</blockquote>Облыс әкімінің өкімімен Қызылорда облысының жұмылдыру дайындығы басқармасы басшысының міндетін атқарушы лауазымына Құрманбаев Марат Ердәулетұлы қабылданды.Жаңа басқармаға​ жұмылдыру дайындығы мен жұмылдыру, аумақтық қорғанысты жоспарлау, әскерге шақыруды, Қарулы күштер мен басқа да әскери құрылымдарды жедел жабдықтауды ұйымдастыру, төтенше жағдайлардың алдын алу және салдарын жоюға қатысу бойынша іс-шараларды жүзеге асыру міндеттері қойылады.Марат Ердәулетұлы 1963 жылы Қызылорда облысында дүниеге келген. Жамбыл гидромелиорация құрылыс институтын «Гидромелиорация» мамандығы бойынша бітірген.Еңбек жолын «Қызылордаводстрой» ПМК-29 тресінде жұмысшы болып бастаған.Әр жылдары осы тресте түрлі лауазымдар атқарған. 1990-2000 жылдары Жалағаш ауданының табиғат қорғау комитетінің маманы, жетекші маманы, басшысы болған.2000-2020 жылдары Қызылорда облысының экология департаменті басшысының орынбасары, департамент басшысы қызметтерін абыроймен атқарған. 2020-2022 жылдары Жамбыл облысының экология департаментінің басшысы лауазымында нәтижелі жұмыс көрсеткен. 2022 жылдың маусым айынан бері Қызылорда облысының табиғи ресурстар және табиғат пайдалануды реттеу басқармасының басшысы қызметін атқарып келді.Аймақ басшысы Марат Ердәулетұлының басшылық лауазымдарда жинаған мол тәжірибесі мен мемлекеттік қызметтегі біліктілігін атап өтіп, қызметіне сәттілік тіледі.<img src="https://knadmin.beoblood.kz/uploads/414481458_669603422027572_7407742292421389541_n_57b82ca902.jpg" alt="414481458_669603422027572_7407742292421389541_n.jpg">Сонымен қатар ҚР Су ресурстары және ирригация министрлігі Су ресурстары комитеті төрағасының бұйрығына сәйкес Су ресурстары және ирригация министрлігі Су ресурстары комитетінің Су ресурстарын пайдалануды реттеу және қорғау жөніндегі Арал-Сырдария бассейндік инспекциясының басшысы лауазымына Сәрсенбаев Қайратбек Әубәкірұлы тағайындалды.Нұрлыбек Машбекұлы инспекцияның жаңа басшысын таныстырып, алдағы жұмыс бағыттары мен міндеттерін атап өтті.<blockquote>«Қайратбек Әубәкірұлына Халықаралық Аралды құтқару қоры мен мемлекетаралық су шаруашылығын үйлестіру комиссиясының шешімдерін орындауда, жүзеге асыруда табанды іс-әрекеттер жасауды, егіс алқаптарын, Солтүстік Арал теңізін сумен қамтамасыз етуді, Солтүстік Арал теңізін сақтап қалу мәселелерінің оң шешілуіне жұмыс жасауды тапсырамын», – деді аймақ басшысы.</blockquote>Қайратбек Әубәкірұлы Қызылорда облысы Сырдария ауданында 1961 жылы дүниеге келген. Жамбыл гидромелиоративті-құрылыс институтын «Инженер-гидротехник», Қазақ Ауыл шаруашылығы институтын «Ауыл шаруашылығы кәсіпорындарының ұйымдастырушы-экономисі», Қорқыт ата атындағы Қызылорда мемлекеттік университетін «Экономист-бухгалтер», Қазтұтынуодағы Қарағанды экономикалық университетін «Құқықтану» мамандықтары бойынша бітірген.Еңбек жолын 1983 жылы Сырдария су шаруашылығы басқармасының инженері ретінде бастаған. Әр жылдары осы басқармада аға инженер, бөлім бастығы қызметтерін атқарған. 1986-1997 жылдары Сырдария ауданында түрлі басшылық қызметте болды. 1997-2013 жылдары Қызылорда облысының қаржы басқармасының басшысы, Сырдария ауданы әкімінің бірінші орынбасары, Қызылорда облысы әкімі аппаратының экономика және нарықтық қатынастар бөлімінің меңгерушісі қызметтерін абыроймен атқарды. 2013-2020 жылдары Шиелі және Жалағаш аудандарының әкімі ретінде ауданның әлеуметтік-экономикалық дамуына аянбай еңбек етті. 2020-2023 жылдары Қызылорда облысының жұмылдыру дайындығы басқармасының басшысы, ауыл шаруашылығы және жер қатынастары басқармасы басшының орынбасары қызметтерін атқарды.<img src="https://knadmin.beoblood.kz/uploads/414481468_669612848693296_6763325374747786576_n_e8a2f3d29f.jpg" alt="414481468_669612848693296_6763325374747786576_n.jpg">

Қызылорда облысы әкімдігінде кадрлық өзгерістер болды

&nbsp;<a href="https://kyzylorda-news.kz/">Kyzylorda-news.kz.</a> <a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">«Қазгидромет» </a>РМК-сы қаңтардың 4-і күнгі күн райы болжамын жариялады.Кәсіпорын таратқан мәліметтерге қарағанда, атлантикалық циклон және онымен байланысты атмосфералық ағындар елдегі ауа райына әсер етеді, осыған қарай күн құбылмалы болады.Елдің басым бөлігіне жауын жауады (көбінесе қар). Тек елдің оңтүстігінде, оңтүстік-шығысында антициклонның әсерінен күн жауын-шашынсыз болады. Қазақстан бойынша тұман түсіп, көктайғақ, боран соғып, екпінді жел тұрады.Фото: Нұрболат Нұржаубай

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жаңа жылдың алғашқы жұмыс күні облыс әкімі Нұрлыбек Нәлібаев, ҚР Парламенті Сенатының депутаты Руслан Рүстемов, Мәжіліс депутаты Мұрат Ергешбаевпен күрделі жөндеуден өткен «Орталық бейітке» барып, жай-күйімен танысты. Жөндеу жұмыстарын көріп, құран бағыштады.«Орталық бейітке» күрделі жөндеу жұмыстары жергілікті кәсіпкерлердің демеушілігімен жасалды. Аумағын абаттандыру, көгалдандырудан бөлек, жол салынды. Оған 110 млн. теңге қаржы жұмсалды.Еске салсақ, өткен жылы Қызылорда облысының 85 жылдығына тарту ретінде жергілікті кәсіпкерлер Қорқыт ата ескерткіш-кешенін, Хорасан ата кесенесін қайта жаңғыртып, айналасын абаттандырды. Алдағы уақытта Оқшы ата кешені басында да осындай жұмыстар жүргізіліп, Марал баба кесенесіне 7 шақырымға жуық жол салынбақ. Жаңақорған ауданындағы &nbsp;Хорасан ата кесенесін абаттандыруға демеушілер 100 млн теңгеден астам қаражат бөлді. Кесене XIV ғасырда салынған, 2005 жылдан бері қайта жаңғырту жұмыстары жүргізілмеген.<img src="https://knadmin.beoblood.kz/uploads/414482940_669592185362029_8073268838489449729_n_0370370d10.jpg" alt="414482940_669592185362029_8073268838489449729_n.jpg">&nbsp;<figure class="image"><img src="https://knadmin.beoblood.kz/uploads/414480934_669592242028690_6802361198379649952_n_892df7f162.jpg" alt="414480934_669592242028690_6802361198379649952_n.jpg"></figure>

Облыс әкімі кәсіпкерлер демеушілігімен атқарылған жұмыстарды көрді

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен мәжілісте Қызылорда облысының дене шынықтыру, спорт және туризм басқармасы құрылғаны хабарланып, жаңа басқарма басшысының міндетін атқарушы таныстырылды.Облыс әкімінің өкімімен Қызылорда облысының дене шынықтыру, спорт және туризм басқармасы басшысының міндетін атқарушы лауазымына Сейілов Жанмұрат Жақсымұратұлы қабылданды.Аймақ басшысы Жанмұрат Жақсымұратұлының бұған дейін де қала әкімінің орынбасары, облыс әкімі аппараты басшысының орынбасары қызметтерінде өңірдің идеология, оның ішінде спорт және туризм салаларына жетекшілік жасап, нәтижелі жұмыс көрсеткенін атап өтіп, жаңа қызметіне сәттілік тіледі.Жаңа басқарма басшысына өңірдегі бұқаралық спортпен айналысушылар үлесін арттыру, 2024 жылғы Париж жазғы Олимпиадасы мен Паралимпиадасында өңір спортшыларының жоғары нәтижеге қол жеткізуін қамтамасыз ету тапсырылды. Білім беру ұйымдары ғимараттарында сабақтан тыс және кешкі уақытта спорт секцияларының жұмысын үйлестіру және іс-шаралар өткізу де жұмыстың бір бағыты болмақ. &nbsp;Қызылорда облысының туристік әлеуетін дамыту, өңірдің танымалдылығы мен келушілер үшін тартымдылығын арттыру бойынша жұмыстар да осы басқарма басшысының құзыретіне кіреді. Сондай-ақ аймақтың туристік инфрақұрылымын дамыту, көрікті жерлерге саяхаттау мүмкіндіктерін насихаттау, туризм саласындағы мемлекеттік бағдарламаларды жүзеге асыруға жауапты болмақ.Жанмұрат Жақсымұратұлы 1985 жылы дүниеге келген. Мұхаммед Хайдар Дулати атындағы Тараз мемлекеттік университетін «Тарих, құқық және экономика негіздері», Қожа Ахмет Яссауи атындағы Халықаралық қазақ-түрік университетін «Мемлекеттік және жергілікті басқару» мамандықтары бойынша бітірген.Еңбек жолын Қызылорда облысы әкімі аппаратының инспекторы ретінде бастаған.Әр жылдары облыстық балалардың құқықтарын қорғау департаментінде, ішкі саясат басқармасы мен қала әкімі аппаратында қызмет атқарған. 2017-2019 жылдары Қызылорда қаласының кәсіпкерлік, өнеркәсіп және туризм бөлімінің басшысы болған.2019-2022 жылдары Қызылорда қалалық мәслихатының, Қызылорда қаласы әкімі аппаратының басшысы,2022-2023 жылдары Қызылорда қаласы әкімінің орынбасары қызметтерін абыроймен атқарған. 2023 жылдың тамыз айынан бері Қызылорда облысы әкімі аппараты басшысының орынбасары қызметін атқарып келді.&nbsp;

Облыстық дене шынықтыру, спорт және туризм басқармасының басшысы қабылданды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Н.Нәлібаевтың төрағалығымен 2023 жылғы бюджет қаражатын игеру нәтижесі бойынша мәжіліс өтті.Аймақ басшысы бөлінген қаржыны толық игермеген мекемелерді сынға алды.<blockquote>«Өздеріңізге белгілі, бюджет қаражатының сапалы игерілуі өткен жылы ай сайын тұрақты қаралды, тиісті тапсырмалар да берілді. Дегенмен, 2023 жылдың қорытындысында облыс бюджетінің игерілуі 99,3%-ды құрады. Игерілмеген қаржы – 4 млрд. 378 млн. теңге. Үнемделген қаржы 1 млрд. 692,6 млн. теңгені құраса, басқа да себептермен игерілмегені – 2 млрд. 685,3 млн. теңге. Мен барлық облыстық мекеме басшыларына, аудан, қала әкімдеріне бюджет қаржысының тиімді жоспарлануына, пайдаланылуына қатысты қатаң талап қойылатынын ескерттім. Бюджеттің әр тиынының сұрауы бар! Дегенмен, кейбір бюджеттік бағдарлама әкімшілері және әкімдіктер жұмысты дұрыс үйлестіре алмады», – деді Нұрлыбек Машбекұлы.</blockquote>Қаржының толық игерілуін қамтамасыз ете алмаған басқарма басшылары мен қала, аудан әкімдері &nbsp;жағдайды баяндап, қабылданған шаралар туралы айтты.Аймақ басшысы көрсеткіші нашар мекемелердің жұмысына орынды сын айтып, кемшіліктерді шұғыл арада түзетуді міндеттеді. Мәселен, республикалық бюджеттен бөлінген 120,8 млн теңгені игермеген облыстық энергетика және тұрғын үй-коммуналдық шаруашылығы басқармасына биылға қаржының қайта бөлінуін қамтамасыз етіп, жоспарланған жұмыстарды &nbsp;аяқтау тапсырылды. Ұлттық қор қаржысы есебінен 247,3 млн. теңгені, республикалық бюджеттен бөлінген 32,4 млн.теңгені игермеген Қызылорда қаласы әкімдігінің көрсеткіші өте төмен. Осыны ескеріп, тиісті шара қабылдануы керек. Мұнан бөлек, қаржыны игеруде межені жеткілікті орындамаған Арал ауданы әкімдігіне де ескерту жасалды.Мәжіліс соңында облыс әкімі жыл қорытындысымен республикалық бюджеттен бөлінген игерілмеген қаржыны биыл толық пайдалану үшін министрліктермен тиісті жұмыс жүргізуді, басталған қаржы жылының ай сайын жоспарланған қаражатының толық игерілуін қамтамасыз етуді тапсырды.Осыған байланысты, жауапты басшылар бірінші кезекте өткізілуі тиіс мемлекеттік сатып алулар бойынша өтінімдерді веб-портал арқылы облыстық мемлекеттік сатып алу басқармасына шұғыл жолдауы тиіс. Аймақ басшысы мемлекеттік сатып алу конкурстарының жедел жариялануы үшін тапсырыс берушілер техникалық ерекшелік және біліктілік талаптарын сапалы әзірлеуі қажеттігін қаперге салды. &nbsp;

Бюджет қаржысын игеру нәтижесі қаралды

<a href="https://kyzylorda-news.kz/">Kyzylorda-news.kz.</a> Қызылорда облысы аумағына Сырдария өзені арқылы секундына 400 текше метр көлемінде су түсуде. Мұздақтардың қалыңдығы 10-15 сантиметрден аспайды.<blockquote>«Сеңнің қауіпсіз жүруін қадағалау мақсатында жауапты салалармен арнайы жұмыстар жүргізіліп, жағдай толық бақылауға алынған. Сондай-ақ, тиісті сала мамандарымен («Қазгидромет» және «Қазсушар» РМК Қызылорда филиалдары) Сырдария өзені арнасындағы 10 су бекеттері мен 4 су тораптарында су деңгейіне күнделікті мониторинг жүргізілуде», - делінген қала әкімдігінің таратқан хабарламасында. &nbsp;</blockquote>

Сырдария өзеніндегі су деңгейі бақылауда

&nbsp;<a href="https://kyzylorda-news.kz/">Kyzylorda-news.kz.</a> Қызылорда облысында газ құбырларын ұрлаған күдіктілер қолға түсті.&nbsp;Қызылорда облысы ПД-ның Шиелі аудандық полиция бөліміне ұрлық жөнінде арыз түскен. Белгісіз біреулер мекемеге тиесілі 3 метрден кесілген 54 газ құбырын ұрлап кеткен. Мекемеге жалпы 5 миллион теңгеден астам материалдық шығын келтірілді.&nbsp;Полицейлермен жүргізілген жедел-іздестіру жұмыстарының нәтижесінде осы қылмысқа қатысы бар екі күдікті азамат анықталып, ұсталды. Ұрлық жасаған аудан тұрғындары болып шықты. Ұрланған құбырлар заттай дәлелдеме ретінде алынды.&nbsp;Аталған дерек бойынша ҚР ҚК-нің 188-бабының 3-бөлігімен (Ұрлық) сотқа дейінгі тергеп-тексеру әрекеттері жүргізіліп жатыр. Күдіктілер уақытша ұстау изоляторына қамалды. Күдіктілердің облыс аумағында болған осы тектес басқа да қылмысқа қатысы бар-жоғы тексеріліп жатыр.&nbsp;

Қызылорда облысында газ құбырларын ұрлаған күдіктілер қолға түсті 

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев «Қызылорда автобус паркіне» және «Қызылорда электр тарату тораптары компаниясына» барып, жұмысымен танысты.&nbsp;Бүгінде автобус паркінде 335 көлік тіркелген. Автобустарды қуаттау үшін Қызылорда қаласында газбен жабдықтайтын 2 компрессорлық станция үздіксіз жұмыс жасайды.Облыс әкімдігінің қолдауымен серіктестікке «Өнеркәсіпті дамыту қоры» АҚ арқылы 2022 жылы лизингке 150 автобус сатып алынып, қызмет көрсету бағыттары көбейтілді. Қазіргі кезде қоғамдық көлік 16 бағытқа және «Ягодка», ПМК-29, ПМК-66 сайжайларына қатынайды. Сондай-ақ, автобустардың ара қашықтығы қысқарды. Жолаушыларға ыңғайлы болу үшін электрондық төлем жүйесі енгізіліп, валидаторлар қойылды.2023 жылға тағы 150 автобус сатып алуға 1 млрд. 615 млн. теңге бөлініп, бүгінде тиісті құжаттары рәсімделді, 50 автобус қараша айында бағыттарға қосылды. Қалған 100 автобус 2024 жылдың қаңтар айында әкелінбек.Еске салсақ, биыл шілде айында Қызылорда қаласының сол жағалауынан құны 975 млн. теңгені құрайтын, заманауи талаптарға сәйкес келетін жаңа автовокзалдың іргетасы қаланды. Нысан жақын арада пайдалануға беріледі. Мұнда жаз мезгілінде күніне 3700-ден астам, ал қыста мыңнан астам жолаушыға қызмет көрсетіледі.Әрі қарай облыс әкімі Нұрлыбек Нәлібаев «Қызылорда электр тарату тораптары компаниясының» жұмысымен танысты. Кәсіпорын 16483 заңды және 140921 жеке тұлғаға қызмет көрсетуде. «КРЭК» АҚ-да әртүрлі кернеулі 10 121 шақырым электр желілері, 1867 қосалқы станция бар. Әуе желілері мен қосалқы станциялардың тозу деңгейі 66%. 2023 жылы мекеме 218 млн.теңгеге 740 шақырым электр желілерін және 55 қосалқы станцияны күрделі жөндеуден өткізді.<img src="https://knadmin.beoblood.kz/uploads/414469112_667851345536113_5840296066301757949_n_75d488e2ca.jpg" alt="414469112_667851345536113_5840296066301757949_n.jpg"><img src="https://knadmin.beoblood.kz/uploads/414475614_667850978869483_820720078769930591_n_c008d2c07b.jpg" alt="414475614_667850978869483_820720078769930591_n.jpg"><img src="https://knadmin.beoblood.kz/uploads/414466872_667851135536134_5880604593917578640_n_f258e095ff.jpg" alt="414466872_667851135536134_5880604593917578640_n.jpg">

Қызылорда: Автобус паркінде  335 көлік тіркелген

<a href="https://kyzylorda-news.kz/">Kyzylorda-news.kz.</a> 2024 жылдан бастап Халықаралық Аралды құтқару қорына төрағалық ету кезегі Қазақстанға өтті, деп хабарлайды су ресурстары және ирригация министрлігі.Еліміз осы ұйымды алдағы үш жыл бойы басқарады. Мемлекет басшысы Қасым-Жомарт Тоқаев 2026 жылдың соңына дейін қор президенті болып сайланды.<blockquote>"Біз Орталық Азия мемлекеттерімен, сондай-ақ басқа да халықаралық ұйымдармен және қаржы институттарымен ынтымақтастықты арттыруды жоспарлап отырмыз. Биыл біз Дүниежүзілік банкпен бірге жүзеге асырылып жатқан Солтүстік Аралды сақтау жобасының екінші кезеңін бастаймыз. Арал теңізін құтқару – бұл ХАҚҚ-ға қатысушы барлық елдің бірлескен күш-жігерінің арқасында ғана орындалатын міндет. Алдағы үш жылда біз осы бағытта маңызды нәтижелерге қол жеткізуге ниеттіміз", - деді су ресурстары және ирригация министрі Нұржан Нұржігітов.</blockquote>Халықаралық Аралды құтқару қорының құрамына Қазақстан, Тәжікстан, Түрікменстан және Өзбекстан кіреді. Қор Арал теңізін құтқаруға және өңірдің экологиялық жағдайын жақсартуға, сондай-ақ жалпы әлеуметтік-экологиялық проблемаларды шешуге бағытталған бірлескен мемлекетаралық экологиялық және ғылыми-практикалық бағдарламалар мен жобаларды іске асырумен айналысады.Фото: Нұрболат Нұржаубай

Қазақстан Халықаралық Аралды құтқару қорына төрағалық етеді

<a href="https://kyzylorda-news.kz/">Kyzylorda-news.kz.</a>&nbsp; Қазір кейбір кәсіпкерлер банктерде ашылған жеке шоттарына сатылған тауарлар, қызметтер үшін мобильді аударымдар арқылы ақы алады. Алайда, бұл аударымдар бақылау-касса машиналары (БКМ) мен POS-терминалдарды қолданбай, тиісінше чектер берілмей жүргізіледі. Бұл ескерту түріндегі әкімшілік жауапкершілік көзделген заң бұзушылық болып табылады. Қайталама заң бұзушылық кезінде салық төлеушінің субъектілігіне байланысты салынатын айыппұл 15-тен 50 АЕК-ке дейін құрайды.Қазақстан Республикасының Конституциясына сәйкес салық төлеу әркімнің міндеті екенін еске саламыз.<blockquote>«Салық органдары заңсыз кәсіпкерлік қызметті көлеңкеден шығару мақсатында тиісті бақылау жүргізеді. 2024 жылдан бастап банк ұйымдары жеке кәсіпкерлердің мобильді аударымдары бойынша деректерді беретін болады. Күнтізбелік үш ай қатарынан ай сайын 100 түрлі тұлғадан мобильді аударымдар алған азаматтар бақылауға алынады.БКМ қолдануды жеңілдету үшін 2022 жылдан бастап БКМ функцияларын екінші деңгейдегі банктердің POS-терминалдарымен біріктіру бойынша пилоттық жоба жүргізілуде. Бұл БКМ мен POS-терминалдың бір чегін беруге мүмкіндік береді. Пилоттық жобаға «Каспий банк» АҚ, «Халық банк» АҚ және «Банкцентркредит» АҚ қатысуда», - дейді Қызылорда қаласы бойынша мемлекеттік кірістер басқармасы басшы орынбасары А.Жусупов.</blockquote>Сонымен қатар, БКМ чектерін бермеу фактілерін анықтау бойынша «Азаматтық бақылау – Чекті талап ет» акциясы өткізілуде. Анықталған бұзушылықтар туралы «Wipon cashback» тегін мобильді қосымшасы арқылы хабарлауға болады.Банктерден ақпарат кезең кезеңімен беріледі: 1) 2023 жылдан бастап – мемлекеттік қызметшілер, оларға теңестірілген адамдар және олардың жұбайлары бойынша (2022 жылдың қорытындысы бойынша); 2) 2024 жылдан бастап – мемлекеттік мекемелердің, квазимемлекеттік сектор субъектілерінің қызметкерлері және олардың жұбайлары бойынша (2023 жылдың қорытындысы бойынша); 3) 2025 жылдан бастап – жеке кәсіпкерлер, заңды тұлғалардың басшылары және олардың жұбайлары бойынша (2024 жылдың қорытындысы бойынша); 4) 2026 жылдан бастап – халықтың қалған бөлігі бойынша (2025 жылдың қорытындысы бойынша).Жоғарыда аталған өзгерістер адал салық төлеушілерге әсер етпейтініне және тек заңсыз кәсіпкерлік қызметті көлеңкеден шығаруға бағытталғанына назар аударамыз. Яғни, жеке тұлғалар, бұрынғыдай, өздерінің жеке мақсаттары үшін - туыстарына, достарына, ата-аналары мен балаларына және басқа да өмірлік жағдайларға арналған аударымдарды жасай алады және қабылдай алады.<blockquote>«Негізінен, салық органдары бизнесті заңды жүргізу үшін барлық қолайлы жағдайларды жасады, салық мөлшерлемелері төмен режимдерді қарастырды. Бұл жоба жасырын кірістер мен тіркелмеген кәсіпкерлерді анықтауға бағытталған, өйткені көптеген кәсіпкерлер тауарлар, қызметтер үшін төлемді жеке шоттарға (дүкендер, такси жүргізушілері және т.б.) мобильді аударымдар арқылы алады. Сонымен қатар, аударымдар көбінесе чектер берілмей қабылданады. Осыған байланысты кәсіпкерлерге кәсіпкерлік қызметке арналған шоттарға (бизнес-шоттарға) төлем қабылдауды ұсынамыз», - деді А.Жусупов.</blockquote>Фото: Нұрболат Нұржаубай

Қазақстан және Қызылорда облысының жаңалықтары