<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатов ауыл тұрғындарының жағдайын білу мақсатында Қарғалы елді мекеніне барып, тұрғындарымен кездесті.Кездесуде ауылға аяқ су тарту үшін жүргізіліп жатқан канал қазу, бетондау жұмыстарының және жаңа ауыз су мұнарасының салу жұмыстарының барысы баяндалды.Сондай-ақ, аудан әкімі өткен кездесулерде көтерілген елді мекеннің аудан орталығынын шеткері болуы себепті көмір тасымалының қымбатқа түсуі мәселесіне қатысты жұмыстар жасылынғандығын айтты. Ендігі кезекте, қазір қоймада тұрған "Шұбаркөл" маркалы көмірді тегін жеткізіп берген сәтте тұрғындардың сатып алуын ұйымдастыру мәселесі өзекті болып отыр. Яғни, 80 тонна шамасында жеткізілетін қатты отынды ауыл тұрғындары ұйымдасып сатып алуы қажет.Кездесу соңында аудан әкімі ауылда салынып жатқан дәрігерлік амбулаторияның құрылыс жұмыстарымен танысып, жұмыстың сапалы, әрі уақытылы бітуі маңызды екендігіне тоқталды.

Қарғалы тұрғындары көкейдегі сауалдарын қойды

<a href="https://kyzylorda-news.kz/">Kyzylorda-news.kz.</a> Қазақ халқында тәуелсіздікті нығайтуға, ел бірлігінің тұтастығына елеулі еңбек сіңірген бабаларымыз аз болған жоқ. Соның бірі – Сейітқұлтегі Ақшаұлы Шал баба.Биыл батыр бабаның туғанына 400 жыл толып отыр. Соған орай еліміздің түкпір-түкпірінде жүрген баба ұрпақтары Құмжиек ауылдық округінде бас қосты.Ауыз біршіліктің ерен үлгісін көрсеткен баба ұрпақтары Қ.Пірімов ауылының төрінде ас беріп, мәдени көпшілік іс-шараның өтуіне ұйытқы болды.Салтанатты шараға аудан әкімі Мұхтар Оразбаев арнайы қатысып, бір жағадан бас, бір жеңнен қол шығарып, баба рухына құран бағыштап жатқан жандарға ризашылығын білдірді.- Қазақ «Өлі разы болмай, тірі байымайды» дейді. Өткеніне бейжай қарамайтын Сіздердің бұл істеріңіз көпке үлгі. Мұндай бірліктің үлгісін сөзге тоқтай білетін, бірлікте болатын жандар ғана жасай алады.&nbsp; Бүгінгі жасап жатқан тағылымы мол мәдени шараларыңыз берекелі болсын! Берген қонақасыларыңыз қабыл болып, - деген аудан басшысы астың өтуіне белсене атсалысқан жандарға аудан әкімінің “Алғыс хатын” табыстады.Мұнан соң Қызылорда облысының құрметті азаматы Самұрат Имандосов пен Арал, Қазалы аудандарының құрметті азаматы Нәжмәдин Мұсабаев сөз сөйледі.Кеш гала концертке ұласып, жиналған көпшілік аудан өнерпаздарының әсем әннен шашуын тамашалады.Шара аясында облыстық волейбол және аудан көлемінде ұлттық спорт түрінен жарыстар ұйымдастырылып, жеңімпаздары анықталды. Атап айтсақ, қой, гір көтеру, асық ату, арқан тартыс, қол күрес сайыстары өтті.Бұдан бөлек, баба рухына тағзым ету үшін арнайы кесене бой көтерді. Кесененің ашылуында аудан әкімінің орынбасары Дәурен Тілеумбетов пен аудандық ардагерлер кеңесінің Оразғали Бекбанов сөз сөйлеп, өздерінің ыстық лебізін білдірді.Айта кетейік, ертең Қ.Пірімов ауылында ауқымды ат бәйгесі өтетін болады. Тізгін тартқан шабандоздар аламан, тай, құнан бәйге бойынша мәре сызығын кеседі.

Қазалы: Ұрпақтары баба рухын ұлықтады

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы Жаңажол ауылында жұмыс сапарымен болып, ауылдағы бірқатар өзекті мәселелерді шешіп, білім ошақтарының жаңа оқу жылына дайындығын көрді.Аудан басшысы ауылға сапарында дәрігерлік амбулатория мен спорт кешенінің құрылысы жұмыстарымен танысып, жалпы құны 427,352 млн.теңге тұратын жобаны жеңіп, спорт кешенінің құрылыс жұмыстарын жүргізіп жатқан "Орион &nbsp;LTD" ЖШС мердігер мекемесінің басшылығымен құрылыс барысын бақылады.Дәрігерлік амбулаторияның құрылысы бойынша жобалық құны 442, 943 млн.теңгені құрайтын құрылысты жүргізіп жатқан "Бақ-Береке 2030" ЖШС мердігер мекемесі басшысы баяндап, құрылысты белгіленген мерзімде тапсыруға байланысты қызу жұмыстар жүргізілуде екендігін жеткізді.Жаңажолдың тағы бір жетістігі ауыл шаруашылығындағы озық деп танылған технологиялардың бірі тамшылатып суғару әдісі бойынша "Жаңажол" ЖШС-нің басшысы Орынбасар Төлеповтің қолдауымен алма бағын жасауында. &nbsp;Жасыл-желекке бөленіп тұрған алма бағын жандандыру жұмысына аудан басшысы оң баға берді.Ауылға сапарының соңында Жандос Еркінбекұлы егіс алқабына болып ауыл әкімі, ауыл инвесторымен бірге биылғы өнімнің көлемін бағамдады.

Жаңажолда жарқын жобалар жүзеге асуда

<a href="https://kyzylorda-news.kz/">Kyzylorda-news.kz.</a> Партияның облыстық филиалының қоғамдық қабылдау бөлмесінде «Құқықтық көмек» жобасы бойынша тақырыптық қабылдау өтті.Қабылдауды Түркістан-Қызылорда облыстары бойынша өңіраралық заң консультанттары палатасының заң кеңесшісі Алдамжарова Әлия Пазылбекқызы жүргізді.Қабылдауға келген тұрғындар түрлі тақырыптар бойынша өтініштер білдіріп, заңгер маманнан көмек сұрады.Заң кеңесшісі Ә. Алдамжарова көтерілген мәселелер бойынша «Тұтынушы құқығын қорғау туралы» Заң нормаларын негізге ала отырып, құқықтық кеңестер берді.

Қала тұрғындарына құқықтық кеңес көрсетілді

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Тереңөзек кентіндегі Б.Момышұлы көшесінің тұрғындарымен кездесті.&nbsp;Аудан басшысы көше тұрғындарының ұсыныс-пікірлерін тыңдады.Тұрғындар тарапынан бірқатар ұсыныстар айтылды. Атап айтқанда, көпір, электр жарығы, ойын алаңы, аяқ суға қатысты мәселелерін жеткізді.Аудан әкімі барлық мәселе назарда екенін, бюджет мүмкіндігіне байланысты кезектілігімен іске асырылатынын атап көрсетті.

Тереңөзек кентінің тұрғындарымен кездесті

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Айдарлы елді мекеніне барып, театландырылған қойылымды тамашалады.Ғ.Жанұзақов атындағы ауылдық клубы жанынан құрылған «Айдарлы» халықтық театры «Замақыр» спектаклін сахналады.Айдарлыдағы театрдың іргетасы 1976 жылы құрамында 4-5 өнер­пазы бар үйірмеден құрылған. Әуелде шымылдығын С.Адамбековтың бір актілі «Ох жүрегім», Ы.Шотбаевтың «Құйынбайдың құдалары» атты пьесаларымен ашқан бұл үйірме кейін М.Шамқаловтың «Қайын ене мен келін», Т.Ахтановтың «Махаббат мұңы», Ш.Құсайыновтың «Рабиға», Д.Исабаевтың «Әпке», О.Бодықовтың «Қара­құм» трагедиясы сияқты қомақты дүниелерді ауыл сахнасымен қатар, аудан, облыс көрермендеріне ұсынды. 1988 жылы Қазақ ССР Мәдениет Министрлігі Коллегиясының шешімімен театр үйірмесіне «Халықтық» атақ берілді. Бүгінде халықтық театр аудан, облыс көлемінде түрлі жанрдағы қойылымдарды қойып келеді.Сондай-ақ, аудан басшысы аудандық мәслихат депутаты А.Ибрагимұлымен бірге ауылдық клубтағы үйірмелер жұмысымен де танысты. Қазіргі уақытта клуб үйінде 6 үйірме жұмыс жасайды. Үйірмелерге барлығы 87 өнерпаз қамтылған. Сонымен қатар, 2021 жылдан клуб үйі жанынан «Сұлу-ай» шығармашылық өнер орталығы арқылы 8 үйірмеге 100-ге жуық өнерпаз қатысуда. &nbsp;

Сырдария ауданында спектакль сахналанды

<a href="https://kyzylorda-news.kz/">Kyzylorda-news.kz.</a> Қазақстан аймақтарында 2023 жылғы 27 тамызда болатын қауіпті метеорологиялық құбылыстарға болжау консультациясын жариялады, деп хабарлайды ҚазАқпарат.ҚР басым бөлігінде атмосфералық фронтальды бөлімдердің өтуіне байланысты ауа-райының тұрақсыз сипаты сақталады, жаңбыр жауады, найзағай, дауыл және желдің күшеюі күтіледі, бұршақ жаууы мүмкін. ҚР солтүстігінде, орталығында, оңтүстігінде, оңтүстік-шығысында қатты жаңбыр жауады. ҚР қатты жаңбыр жауады деп күтілуде. ҚР солтүстігінде, солтүстік-батысында тұман, оңтүстік-батысында шаңды дауыл күтіледі.Түркістан, Жамбыл, Қызылорда, Ақтөбе облысының батысында, оңтүстігінде, орталығында Атырау облысының батысында, шығысында, Қостанай облысының оңтүстігінде, Маңғыстау облысының батысында, солтүстігінде, оңтүстік-шығысында төтенше өрт қаупі күтіледі. &nbsp;

27 тамызға арналған ауа райы болжамы

<a href="https://www.pexels.com/ru-ru/">ФОТО</a>Kyzylorda-news.kz. Жаңа деректер нашар бактериялардың көп болуы тез қартаю мен физикалық форманың бұзылуына әкеп соғатынын көрсетті, деп хабарлайды <a href="https://www.inform.kz/kz/ishek-bakteriyalary-adamdy-tez-kartaytady_a4105333">ҚазАқпарат</a>.&nbsp; &nbsp;Адам ішегінде денсаулығы үшін маңызды рөл атқаратын триллиондаған микроағза бар.Жақында ғана Developmental Cognitive Neuroscience журналында жарияланған нәтиже ішектегі микроағзалардың алуантүрлілігі біздің физикалық формамызға ғана емес, қартаю жылдамдығына да әсер ететінін көрсетті.Зерттеу авторы, профессор Жолт Радактың сөзінше, Венгер спорт ғылымдары университетінің мамандары ашқан жаңалық пробиотиктерді денсаулық пен ұзақ жасау үшін пайдалануға болатынын дәлелдеді.Радак командасымен бірге Будапеште ішек микробиомасының алуантүрлілігі мен биологиялық жас, яғни өмір сүрген жылымен емес, денсаулық жағдайымен анықталатын жас және 80 әуесқой ескекшінің физикалық дайындығы арасындағы байланысты зерттеді.Зерттеу аясында әр қатысушы бірқатар фитнес-бағалаудан өтіп, ішекте бактерия бар-жоғын және биологиялық жасын анықтау үшін талдау тапсырды.<blockquote>«Біз қабыну процесін тудыратын бактериялар қартаюды жеделдететінін анықтадық. Жедел қартаю дегеніміз – сіздің өз хронологиялық жасыңыздан кәрі болуыңыз» деп атап өтті Радак Euronews Next-ке берген сұхбатында.</blockquote>Осылайша, ескекшілердің ішек микробиомындағы бактерияларды талдай келе зерттеушілер пайдалы бактериялар көп болса – физикалық форма көрсеткіштері жақсарып, қартаю қарқыны баяулайтынын анықтады.Қазіргі уақытта Радак командасы жартыжылдық қайта зерттеу жүргізіп жатыр. Онда мамандар ескекшілердің ішек микробиомын пробиотиктермен алмастырды.Осы арқылы пробиотиктер биологиялық жасқа қалай әсер ететінін бағалайды.Зерттеу нәтижесі 2024 жылдың басында жарияланады деп жоспарланып отыр.

Ішек бактериялары адамды тез қартайтады

Kyzylorda-news.kz. Қызылорда облыстық Қазақстан халқы ассамблеясының &nbsp;бастамасымен жаңа оқу жылы қарсаңында республикалық «Мектепке жол» акциясы өтті.&nbsp;Акция аясында «Қоғамдық келісім» КММ директоры Бақытжан Камалов сөз сөйлеп, жаңа оқу жылында оқушыларға сәттілік пен денсаулық тіледі.Айта кету керек, қайырымдылық акциясына өңірлік ҚХА мүшесі, меценат Илларион Ли және жеке кәсіпкер Айдана Ерболатқызы қолдау білдіріп, өз үлестерін қосты. Қаладағы бірнеше көпбалалы, әлеуметтік аз қамтылған отбасы оқушыларына оқуға қажетті құрал-жабдықтары толықтай қамтылған сөмкелерді табыстады.&nbsp;Жыл сайын дәстүрлі түрде тамылжыған тамыздан бастап, қыркүйек айының соңына дейін жалғасатын науқанға облыстық ассамблея және этномәдени бірлестік өкілдері, волонтерлар бір кісідей жұмыла кірісіп, елдік пен кеңдіктің үлгісін көрсетіп келеді. Ата-аналардың алғысын алып, ризашылығына бөленеді.

Достық үйінде «Мектепке жол» акциясы өтті

Kyzylorda-news.kz. Қызылорда облысының әкімі Нұрлыбек Нәлібаев Қызылорда қаласы, Арал, Қазалы және Сырдария аудандарының Құрметті азаматы, «Құрмет» орденінің иегері Айтбай Көшербаевты 70 жас мерейтойымен құттықтады.<blockquote>«Ел азаматымен еңселі» дейді бұрынғылар. Қиын да өтпелі кезеңде әлеуметтің әлеуеті үшін істің иінін табу, облыстың су шаруашылығы мен экологиялық проблемаларын еңсеру, әлеуметтік, коммуналдық салада барды ұқсату тек іскер әрі халыққа жанашыр азаматтардың қолынан келді. Дана халқымыз «Туған жер – тұғырың, туған ел – қыдырың» дегендей, кіндік қаны тамған жерге ту тіккен азаматтардың қатарында сіздің қолтаңбаңыз ерек! Елдіктің асыл мұратына арқау болған азаматтық ұстанымыңыз, ілкімді істеріңіз сізді бүгінгідей белеске көтерді. Білікті маман атанып, туып-өскен өңіріңізде жемісті жұмыс жасадыңыз. Саяси-әкімшілік қызметтер атқарып, аймақтың экономикалық, әлеуметтік жағдайының жақсаруына бар күш-жігеріңізді арнадыңыз. Замандастарыңыз бен әріптестеріңіз өзіңізді өмір мектебінде шыңдалып, еңбегімен құрметке бөленген қайраткер, іскер азамат ретінде сыйлайды. Айтбай Көшербайұлы Қызылорда қаласы әкімі кезінде мені мемлекеттік қызметке қабылдап, орынбасары ретінде зор сенім білдірді. Жасы үлкен аға, тәжірибесі мол &nbsp;басшының қамқорлығын әрдайым сезіндім. Сондықтан сіздің тұлғалық қасиетіңізді, кісілік келбетіңізді ардақ тұтамын. Елдің келешегімен байланысты өміршең істердің бастамашысы болғаныңызды жастарға үлгі ету – &nbsp;біздің парызымыз», – деді Нұрлыбек Машбекұлы.</blockquote>Іс-шара барысында Айтбай Көшербайұлына Қызылорда облысының «Құрмет» грамотасы, ҚР Мемлекеттік Кеңесшісі Ерлан Қариннің құттықтау хаты табысталды.Мерейтой иесін мемлекет және қоғам қайраткерлері Қырымбек Көшербаев, Гүлшара Әбдіқалықова, «РЗА» акционерлік қоғамының президенті Самұрат Имандосов, ардагер Сәби Аңсат құттықтады.<blockquote>«Айтбай Көшербайұлы бізге өзінің еңбекшілдігімен, жауапкершілігімен үлгі бола білді. Үлкен өндіріс және мемлекеттік қызмет мектебінен өтті. Әсіресе, САРАТС жобасының бірінші кезеңін іске асырудағы жанқиярлық еңбегі елдің есінде қаларлықтай. Ол өзінің 70 жасына абыройлы, парасатты, кемелденген қалпында келді. Өнегелі ғұмырын тамызық қылып, көрген-білгенін ортаға салуға әбден лайық», – деді өз құттықтау сөзінде Қырымбек Елеуұлы.</blockquote>Айтбай Көшербайұлы 1953 жылы Қазалы ауданында дүниеге келген. Еңбек жолын 1975 жылы «Қызылордаводстрой» тресінің №33 жылжымалы-механикалық колоннасында шебер болып бастаған. Құрылыс және аграрлық саладағы бірқатар кәсіпорындарда қызмет жасады. Тәуелсіздік жылдарында аймағымыздың әлеуметтік-экономикалық дамуына елеулі үлес қосып, Арал, Қазалы аудандарының және Қызылорда қаласының әкімі, облыс әкімінің орынбасары, облыстық табиғи ресурстар және табиғатты пайдалануды реттеу басқармасының басшысы қызметтерін абыроймен атқарды.<img src="https://knadmin.beoblood.kz/uploads/FB_IMG_1693022747020_36e246ee50.jpg" alt="FB_IMG_1693022747020.jpg"><img src="https://knadmin.beoblood.kz/uploads/FB_IMG_1693022739989_4bee277aef.jpg" alt="FB_IMG_1693022739989.jpg">

Аймақ басшысы Айтбай Көшербаевты мерейтойымен құттықтады

Kyzylorda-news.kz. 26 тамызда атмосфералық фронтальды бөліктердің өтуіне байланысты еліміздің басым бөлігінде ауа райы құбылмалы болады. Найзағай ойнап, дауыл соғады, жел күшейеді, бұршақ жаууы мүмкін, деп хабарлайды Қазгидромет.&nbsp;Еліміздің батысында, оңтүстік-батысында қатты жаңбыр жауады. Ал Солтүстікте, солтүстік-батыста тұман түседі, оңтүстікте шаңды дауыл соғады.Түркістан, Жамбыл, Қызылорда, Ақтөбе облысында, Атыраудың батысында, оңтүстігінде, шығысында, Қостанай облысының оңтүстігінде, Маңғыстаудың батысында, солтүстігінде, оңтүстік-шығысында төтенше өрт қаупі бар.Батыс Қазақстан облысында жоғары өрт қаупі сақталады, облыстың оңтүстік-батысында, шығысында төтенше өрт қаупі бар.Алматы облысының солтүстік жартысында төтенше өрт қаупі сақталады. Жетісу облысында жоғары өрт қаупі бар.Ұлытау, Абай, Шығыс Қазақстан облыстарында, Қарағанды ​​облысының орталығында өрт қаупі жоғары.

26 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Биыл Қазақстанда шомылу маусымы басталғаннан бері 190 адам құтқарылған.Төтенше жағдайлар министрлігінің мәліметінше, оның ішінде 64 бала бар. Ведомство кейде құтқарушылар қасыңызда болмай қалуы мүмкін екенін ескертеді. Сондықтан адамдар өз өміріне қауіп төндірмеуі керек.Биыл өз немқұрайлығынан 176 адам, оның ішінде 54 бала суға батып кетті. Шомылу маусымы аяқталуға жақын. ТЖМ құтқарушылары судағы қауіпсіздік ережелерін сақтауға шақырады. &nbsp;

Қазақстан және Қызылорда облысының жаңалықтары