<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Жоғары аудиторлық палата төрағасы Наталья Годунованы қабылдады.Президент Жоғары аудиторлық палатаның биылғы 1-ші жартыжылдықта атқарған қызметі жөнінде есепті тыңдады.Есептік кезеңде барлығы 9,3 триллион теңге бюджет қаржысы бойынша 121 нысанда 12 аудиторлық тексеріс жүргізілген.Сонымен қатар Қасым-Жомарт Тоқаевқа Экология және табиғи ресурстар министрлігіне, Еңбек және халықты әлеуметтік қорғау министрлігіне қарасты ұйымдарға, сондай-ақ «Қазсушар» РМК-ға және тағы да басқа мекемелерге жүргізілген жекелеген аудиторлық тексерістердің қорытындысы жөнінде мәлімет берілді.Кездесу соңында Президент бюджет қаржысының жұмсалуына және мемлекеттік бағдарламалардың жүзеге асырылу тиімділігіне аудит жүргізу жөнінде бірқатар нақты тапсырма берді.

Президент мемлекеттік бағдарламалардың жүзеге асырылу тиімділігіне аудит жүргізуді тапсырды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Есжанов аудандық ардагерлер спартакиадасының ашылу салтанатына қатысты.<blockquote>«Саламатты өмір салтын сақтауда жас буынға үлгі болып, өз саласының үздігі атанған кешегі білікті мамандар бүгінде қоғамның белсенді ардагері атандыңыздар. Қазіргі таңда ауданымызда 4000-ға жуық ардагер бар. Елді бірлікке шақыруда татулықты, достықты, өткен тарих пен келешектің маңызын ұрпақ бойына сіңдіріп, кiшіпейілдікпен ұлы жолдың қалыптасуына өз үлестерін қосуда сіздердің орындарыңыз ерекше. Бүгінгі спартакиада осындай игі істердің дәлелі. Бүгінгі жарыста үздіктер топ жарсын. Баршаңызға сәттілік!» деді аудан әкім.</blockquote>Дүбірлі доданы өткізудегі басты мақсат – аудан ардагерлерінің салауатты өмір салтын қалыптастыра отырып, ардагерлер арасында спортының дамуына ықпал жасау болып табылады.Жарыстың маңызына тоқталған аудан ардагерлерінің төрағасы Садық Әлиев алғашқыда 60 адамға жуық қатысушымен басталған бұл спорттық бәсеке бүгінде маңызға ие болып қатысушылар саны 200 ардагерге дейін жеткенін айтты.Xl ардагерлер спартакиадасына 7 спорт түрінен денсаулық саласы, кент және ауылдық округтерден 16 ардагерлер командасы қатысуда.<img src="https://knadmin.beoblood.kz/uploads/371024487_1764645750654162_3536530152470450875_n_68aeee309c.jpg" alt="371024487_1764645750654162_3536530152470450875_n.jpg">

Жалағашта XI аудандық ардагерлер спартакиадасы басталды

<a href="https://kyzylorda-news.kz/">Kyzylorda-news.kz.</a> Алматы қаласы химия-биология бағытындағы Зияткерлік мектепте өткен «World Robot Olimpiad-2023» әлем чемпионатының ұлттық кезеңінде Сыр өңіріндегі NIS оқушылары үш жүлделі орынды иеленді.«Future Engineers» санатында сайысқа түскен 10-сынып оқушылары Нұрдәулет Әділбек пен Ернұр Сәду автономды көліктер құрастырып, оларды сынамадан өткізді. Нәтижесінде, бір командаға ғана есеп жіберіп, күмістен медаль тақты. Негізгі жоғары санатында үздік шыққан 11-сынып білім алушылары Максим Усольцев пен Дінмұхаммед Абдиев те ІІ орынмен марапатталды. Сыр елінің қос командасы да &nbsp;роботтар олимпиадасының қараша айында өтетін ақтық кезеңіне жолдама ұтып алды.10-сынып оқушылары Амина Омарова мен Жасия Болат шығармашылық сайыста «Prediction of Tsunami» атты жобаларын таныстырып, ІІІ орынды иемденді. Бұл автоматты жүйе табиғат апаты – цунами туралы алдын ала ескертіп, апаттық толқынға қарсы жасанды толқын жасап, қауіптің алдын алуға мүмкіндік береді. &nbsp;<blockquote>«Соңғы 20 жылда цунами салдарынан 250 мыңнан астам адам қайтыс болды. Жалпы экономикалық шығын 280 миллиард долларды құрады. Әсіресе, Үнді және Тынық мұхиттарының жағалауларында орналасқан елді-меккендер зардап шегуде. Қазақстанда цунами апаты мүлдем орын алмайтындықтан осы технологиямызды өзге мемлекеттерге экспорттау арқылы экономикамызды біршама жақсартуға болады», – дейді жас өнертапқыштар.</blockquote>Айта кетейік, өткен жылы да қызылордалық өрендер ұлттық құрамада Германия еліне барып, ел намысын қорғаған болатын. &nbsp; Оқушылардың жеңіс тұғырынан көрінуіне ат салысқан информатика пәнінің мұғалімдері: Серік Ахметов пен Анар Кенесары.

Қызылордалық зияткерлер Панамада ел намысын қорғайды

<a href="https://kyzylorda-news.kz/">Kyzylorda-news.kz.</a> Қазалы ауданында кезектілікке сәйкес Бақытжан Жарылқап бастаған қоғамдық тәртіпті бақылауға құрылған рейдтік топ түсіндірме жұмыстарын жасауда.Компьютер клубтарына, ойын-сауық орталықтарына, түнгі клубтарға, кафе және бильярд клубтарына барған құрам, саябақ, спорт алаңдары мен мейрамханаларды да аралады.Сонымен қатар орталық көшелерде беймезгіл уақытта жүрген кәмелет жасқа толмаған жастарды тәртіпке шақырды.Топ құрамында бірқатар дербес бөлім басшылары, аудандық білім және ішкі істер бөлімінің қызметкерлері болды.

Жастарды тәртіпке шақыру күн тәртібінен түспейді

<a href="https://kyzylorda-news.kz/">Kyzylorda-news.kz.</a> Оқу жылының басталуына да санаулы күндер қалды. Әрбір үйде мектепке баратын балалар мен ата-аналар арасында мектепке даярлану үшін абыр-сабыр болуда. Бұл ретте Қыркүйек айын дәстүрге айналдырған тергеу мекемесінің ұжымы бір ауыздан қаржылай ақша жинап, жыл сайын республика көлемінде өткізілетін &nbsp;«Мектепке &nbsp;жол» қайырымдылық акциясына белсене атсалысты.Қызылорда облысы бойынша Қылмыстық-атқару жүйесі департаментіне қарасты №68 тергеу мекемесінің ұжымының атынан үш бірдей көп балалы отбасының балаларын қуанышқа бөледі. Мекеменің кадр тобының аға инспекторы әділет капитаны Мирамбек Тұрымбетов пен Режим және күзет бөлімінің бақылаушысы әділет сержанты Нұрзия Қыдырбекқызы бірлесіп, көпбалалы отбасылардың үйіне барған болатын. Ең алдымен отбасының тірегінен айрылған, алты баланың анасының үйіне барып, төртінші сыныпқа аяқ басып жатқан балақайды мектепке қажетті құрал-жабдықтарын беріп, яғни, кітаптар салуға арналған сөмке және барлық мектепке қажетті қыл қалам, сызғыш, пластилин, сурет дәптері т.б заттармен толықтырды.<blockquote>«Менің алты балам бар оның үлкені студент үшеуі мектепке барады. Барлығына бірдей мектепке қажетті заттарды алып беруге шамам жетпиді. Ұлым төртінші сыныпқа ауысты, өте қуанышты. Жұмыстарыңыз берекелі сәтті болсын, балаларым үшін қуаныштымын. Сіздерге алғысым шексіз деп сөзін тәмәмдады» көп балалы ана.</blockquote>Келесі кезекте бір аулада бірнеше отбасы үй жалдап тұрып жатқан отбасының біріне барып, екінші сыныпқа өткен кішкентай ғана бүлдіршінді қуантты. Мектепке қажетті қыз балаға арналған құралдар мен толық қамтамасыз етіп, бұрымды арудың анасының алғысына бөленді.<blockquote>«Көп балалы ананың айтуынша үлкен балалары колледжге оқуға тапсырып грант жауабын күтіп отыр, ал қалғандарына мектепке қажетті заттарды біріне алып берсем, енді біріне алып бере алмаймын, бір-бірінен қалғанды қолданып өсіп келе жатыр» &nbsp;деді бүлдіршіннің анасы.&nbsp;</blockquote>Одан соң алтын құрсақты, тоғыз баланы дүниеге әкелген ананың үйіне барды. Балаларын асырау мақсатында үй сылаумен айналысады. Тоғыз баланың тең жартысы мектеп қабырғасында оқитындықтан тек мектептің берген құрал-жабдығын ғана алады. &nbsp;Ал қалған қажетті заттарды қара жұмыс жасап жетілдіреді екен.<blockquote>«Сіздер келеміз деп хабарласқаннан қатты қуандым. Себебі менің қызым өте тұйық, мектеп табалдырығын енді аттағалы жатыр. Ең алғаш мектепке баратын болғандықтан сіздер мектепке қажетті құралдарын толықтырып жатсыздар. Тұйық болғандықтан адамдармен сөйлесе қоймады, сіздерді келеді дегенді естіп, қуанғаннан түрлі сұрақтарды қойды. Тек өсе беріңіздер, жұмыстарыңыз алға басып, сәттілікке толы болсын»&nbsp; деген Айлиннің анасы ұжымға алғысын айтты.</blockquote>Жыл сайын өткізіліп келе жатқан «Мектепке жол» қайырымдылық іс-шарасына мекеме басшыларынан бастап әрбір қызметкері белсене қатысып, жақсылық жасап жарысуда.&nbsp; &nbsp;

Тергеу мекемесінің ұжымы қайырымдылық акциясына үлес қосты

<a href="https://www.inform.kz/ru/pervyh-rezidentov-neotlozhnoy-mediciny-vypustit-kazahstan-v-2022-godu_a3938201">ФОТО</a><a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстан халқына Жолдауында үш жыл ішінде резидентурада оқуға берілетін гранттардың жыл сайынғы саны 70 пайызға артатынын айтқан еді.Үкіметтің мәліметінше, 2023 жылы гранттар саны 70 пайызға – 1500-ден 2500-ге дейін өсті.&nbsp;<blockquote>«Мамандар жоғары оқу орнынан кейінгі медициналық білім берудің 47 бағыты бойынша дайындалады, оның ішінде негізгілері: Акушерлік және гинекология – 214, Анестезиология және реаниматология – 200, Неонатология – 119, Терапия – 115, Жалпы хирургия – 98, Неврология – 92, Психиатрия – 88, Оториноларингология – 83, Кардиология – 78, Офтальмология – 66, Жұқпалы аурулар – 63, Травматология-ортопедия – 62, Эндокринология – 55, қалғандары – 1167» деп жазды ведомстводан.</blockquote>

Биыл резидентураға бөлінген грант саны 2500-ге дейін өсті

<a href="https://kyzylorda-news.kz/">Kyzylorda-news.kz.</a> Құмжиек ауылдық округіндегі Сейітқұлтегі Ақшаұлы Шал бабаның туғанына 400 жыл толуына орай өтіп жатқан жатқан ас, ат бәйгесіне жалғасты.Жан-жақтан кіл мықты шабандоздар бас қосқан бәйге тартысты өтті. Таң сәріден ауыл шетіне жиналған көпшілік ең әуелі тай бәйгесіндегі сәйгүліктердің шабысына куә болды. Мұнан соң құнан, сосын тоқ және аламан бәйгесіне жалғасты. Мәре сызығын бірінші кескен үздік шабандоздар арнайы тағайындалған жүлделерге ие болды.Айта кетейік, ұйымдастылған тай бәйгенің жүлде қоры - 150 мың теңге, құнан бәйге - 300 мың теңге , кілем жабылған тай және тай, тоқ бәйге - 1 миллион теңге, тайлақ және кілем, 300 мың теңге болды. Ал басты аламан бәйгенің жүлдесіне 1 миллион 300 мың теңге, 500 мың теңге, кілем жабылған түйе, кілем жабылған тайлақ, 300 мың теңге және 2 тай тігілді.

Қазалы ауданында ат бәйгесі өтті

<a href="https://kyzylorda-news.kz/">Kyzylorda-news.kz.</a> &nbsp;Жаңақорғандық Алдаберген Нұрымқожа әлем чемпионатының күміс жүлдегері атанды.Белбеу күресінен 2006-2008 жылы туған жасөспірім ұлдар мен қыздар арасында Ресей федерациясы, Башкортостан Республикасы Уфа қаласында өткен әлем чемпионатында Алдаберген Нұрымқожа 55 кг салмақ дәрежесінде ІІ орынды иеленді. Спортшының жаттықтырушысы Саулебек Атабаев.

Жаңақорғандық жас әлем чемпионатында топ жарды

<a href="https://kyzylorda-news.kz/">Kyzylorda-news.kz.</a> ҚР басым бөлігінде атмосфералық фронтальды бөлімдердің өтуіне байланысты ауа-райының тұрақсыз сипаты сақталады, жаңбыр жауады, найзағай, дауыл және желдің күшеюі күтіледі, бұршақ жаууы мүмкін, деп хабарлайды Қазгидромет.&nbsp;ҚР батысында, солтүстігінде, солтүстік-батысында, орталығында, оңтүстігінде, оңтүстік-шығысында қатты жаңбыр күтіледі, Алматы облысының таулы аудандарында қатты жауын-шашын (жаңбыр, жылбысқы қар) күтіледі. ҚР солтүстігінде, солтүстік-батысында тұман күтіледі.Жамбыл, Қызылорда облыстарында, Ақтөбе облысының батысында, оңтүстігінде, орталығында, Атырау облысының батысында, шығысында, Қостанай облысының оңтүстігінде, Маңғыстау облысының солтүстігінде, шығысында, оңтүстік-шығысында төтенше өрт қаупі күтіледі.Жетісу облысында жоғары өрт қаупі сақталады. Батыс Қазақстан облысының солтүстігінде, орталығында жоғары өрт қаупі сақталады, облыстың оңтүстік-батысында, солтүстік-батысында, шығысында төтенше өрт қаупі сақталады.Абай, Шығыс Қазақстан облыстарында, Ұлытау облысының оңтүстігінде, Қарағанды облысының оңтүстігінде, орталығында жоғары өрт қаупі сақталады.

28 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаевтың халықпен есепті кездесулерінде Айдарлы және Жетікөл ауылының тұрғындары мал азығы болатын шөпке қатысты мәселе айтқан еді.&nbsp;Осыған байланысты Айдарлы мен Жетікөл ауылдық окруктерінде аудан әкімдігінің ұйымдастыруымен шөп жәрмеңкесі өткізілді.Елді мекендердегі жәрмеңкеге аудандағы шаруашылық құрылымдарынан барлығы 10 жүк көлігімен 2130 &nbsp;қамыс, жоңышқа пресс жеткізілді. Мал азығы өнімдері ауыл халқына қолжетімді бағада сатылды.Арзан бағада мал азығын алған тұрғандар ризашылықтарын білдірді.

Мал азығы ауыл тұрғындарына қолжетімді бағада сатылды

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Б.Сәрменбаевтың төрағалығымен аудандық төтенше жағдайлардың алдын алу және оларды жою жөніндегі кезекті комиссия отырысы өткізілді.&nbsp;Комиссия отырысына аудандық азаматтық қорғау және төтенше жағдайлар қызметтері басшылары қатысты. Күн тәртібіне сәйкес екі мәселе қаралды. Атап айтқанда:&nbsp; 1. 2023-2024 жылғы жылу беру кезеңіне дайындық туралы;&nbsp; 2. “ЖЕР-2023” республикалық командалық штабтық оқу жаттығу туралы.Күн тәртібіндегі мәселелерге байланысты тиісті сала басшыларының атқарылған жұмыстар мен алға қойылған міндеттері бойынша баяндамалары тыңдалды.Отырыс қорытындысына сәйкес, &nbsp;комиссия төрағасы азаматтық қорғау қызметтері, жауапты сала басшылары және кент, ауылдық округінің әкімдеріне жалпы дайындық жұмыстарының жүйелі ұйымдастырылуы барысы туралы тиісті тапсырмалар жүктеді.

Сырдарияда төтенше жағдайға байланысты комиссия отырысы өтті

<a href="https://kyzylorda-news.kz/">Kyzylorda-news.kz.</a> Шиелі ауданындағы орталық алаңда "Туған елге тарту атты "ауыл күндері" фестивалі аясында Керделі, Жуантөбе ауылдық округтері өз өнерлерін көрсетіп, арнайы көрмелер ұйымдастырды.Көрмеге ауыл кәсіпкерлері мен ісмерлерінің туындылары қойылып, кеш қонақтарын таныстырылды. Мұна соң, кеш арнайы концерттік бағдарламаға ұласып, алғабастық темір ұстасы өз қолынан шыққан қылыш пен қанжарды "Шиелі ауданының 95 жылдығына" орай тарту етті.

Қазақстан және Қызылорда облысының жаңалықтары