<a href="https://kyzylorda-news.kz/">Kyzylorda-news.kz.</a> Цифрлық технологияның тиімділігін көре бастаған көпшілік кез келген қызмет түрлерін электронды түрде &nbsp;іске асырады. Осы күні үйден шықпай-ақ, жұмыс өнімділігін ғаламтор арқылы жетілдіруге әбден болады. Бұл ретте, медицинген болатын. Медицинаның сапасын арттыру бағытында жүргізілген реформа халықтың денсаулық жағдайын жақсартуға мүмкіндік береді. Анығын айтқанда, қағазбастылықтан арылуға қадам жасаған медицина саласы әрбір адамның электронды денсаулық паспортын қалыптастыруға мүдделі болып табылады.Медицина саласын цифрландыруға көшірілген жылдары «Даму» ақпараттық технологиялық орталығының дайындауымен «ДамуМед» мобильді қосымшасы іске қосылды. Осы күні «ДамуМед» мобильді қосымшасы еліміздің азаматтары үшін тоқтаусыз жұмыс жасап тұрғаны мәлім. Денсаулығында кінәраты бар әрбір тұрғын өз облысын таңдап, «Кіру» тетігі арқылы ұялы телефондағы ЖСН-ді тіркеп, смс-пен келетін құпия сөзді күту керек екен. Осы арқылы тіркелгеннен кейін «Рұқсат беру» батырмасы басқан жөн. Бұл ретте, ЖСН-нің көмегімен тұрғынның қай емханаға бекітілгені мен емдеу дәрігері автоматты түрде шығады. Аталған мобильді қосымшаның көмегімен бірнеше қызмет түріне қол жеткізуге болады.Цифрландыру бағдарламасының игілігін көрген аудан медицинасы интернет платформасының қызметін мақсатты түрде жүзеге асыруда. Кезекті электронды басқару жүйесін енгізу мақсатында электронды терминалдар іске қосылғандығын айта кетейік. Тіркеу бөлімінің жұмысы модернизацияланып, цифрлы пост құрылған. Мәселен, аудандық емханада CALL-орталығы жұмыс істейді. Негізгі орталық дәрігерлер кабинетіндегі кезекті азайтуға мүмкіндік береді екен. Науқастың дәрігерлерге алдын ала жазылуын енгізу оның медициналық ұйымдарда өткізетін уақытын 1 сағаттан 15 минутқа дейін қысқартуға жағдай жасайды. Емделушілер электрондық жүйе арқылы емханаға тіркелген адам дәрігерге жазылып, қажетті кеңес ала алады. Сонымен қатар дәрігерлік қабылдауға телефон және интернет бойынша «Egov» электрондық үкімет порталы және «Дамумед» мобильді қосымшасына жазылу мүмкіндігі айқындалады.<blockquote>«Бүгінде аудандық емхана мен аурухана мамандары «Кешенді медициналық ақпараттық жүйе» арқылы жұмыс жасайды. Жалпы, аудан бойынша аталған жүйеге 19 аймақтық және 27 мамандарылған дәрігер, 64 аймақтық медбике тіркелген. Шындығында, ауданның кез келген жерінен аймақтық дәрігерге тіркеліп, кезексіз кеңес алуға болады. Электронды жүйенің көмегіне 1 жыл көлемінде орта есеппен 225 400 адам жүгінсе, 1 күнде 920 науқас өз қажеттілігіне пайдалана алады. Бір жағынан «ДамуМед» мобильді қосымшасы тұрғындардың уақытын ұтымды пайдалануға, жеке жос-парын құруға септігін тигізеді», – дейді аудандық емхананың операторы Салтанат Қалданова.</blockquote>Басы ауырып, балтыры сыздаған жергілікті халықтың баратын жері аудандық емхана мен аурухана екені даусыз. Дәрігер бақы-лауындағы науқастар, жалпы аудан халқы «ДамуМед» мобильді қосымшасының игілігін көруде деген ойдамыз. &nbsp;

Сырдарияда бір күнде 920 адам «ДамуМед» мобильді қосымшасы арқылы жазылады

<a href="https://kyzylorda-news.kz/">Kyzylorda-news.kz.</a> Социалистік Еңбек Ері Орынбай Бидашовтың туғанына 100 жыл. Атаулы күнге орай аудан әкімі және аудандық мәдениет бөлімі басшылығының ұйытқы болуымен Төменарық ауылдық клубында «Есімін ел таныған Еңбек Ері» тақырыбында мерейтойлық жиын өтті. Жас ақындар арасында облыстық мүшайра ұйымдастырылды.Салтанатты кешті ашқан ардагер ұстаз, Қызылорда облысының құрметті қайраткері Зинабдин Шермұхамедұлы: «Ғалымның хаты, жақсының аты өлмейді» деген бар. Орынбай өз ісінің ғалымы еді. Екі саланың өкілі болсақ та ол кісімен талай қатар жүріп, еңбегін дәріптедік» дей келе, даңқты шопанның өмір жолына тоқталды. Орынбай Бидашұлы Жаңақорған ауданы Төменарық ауылында дүниеге келген. Әкеден ерте жетім қалып, анасы Ұлбике мен ағасы Құлабек Нарботаевтың қанатының астында өсіп, жетілді. 15 жасынан шопан таяғын қолға алды. Ұлы Отан соғысының ел басына төндірген қиын кезеңінде Төменарық кеншарында шопан болды. Кәсіби білгірлігі жыл сайын артып, қол астындағы отардан мыңғырған төл өргізді, мал басын жыл сайын түгелдей аман сақтап алып шығуға аянбай еңбек етті. Облыстық, және аудандық кеңестің депутаты болып сайланды. 1971-1975 жылдары, яғни тоғызыншы бесжылдықта орта есеппен әр жүз саулықтан 170-тен қозы алып, мемлекетке 2685 дана қаракөл елтірісін тапсырды. Мал басын аман сақтап, әр қойдан 3,5 кг. жүн өндіріп, төл алудан облыстық рекорд жасап жеңімпаз атанды. Ал 1975 жылы отардың әр жүз аналығынан 228 – ден төл алып, өсімге 400 қозыны аман қосты.Осы еңбегі жоғары бағаланып КСРО Жоғарғы Кеңесі Президиумының 10 наурыз 1976 жылғы Жарлығымен Социалистік Еңбек Ері атағы берілді. Сонымен бірге Еңбек Қызыл Ту орденімен марапатталып, «Қазақ ССР-іне еңбегі сіңген ауылшаруашылығы шебері» деген атаққа ие болды. Кеңес дәуірі кезінде Мәскеу қаласындағы Бүкілодақтық көрменің 7 рет жеңімпазы атанды. Орынбай Бидашов майталман шопан болумен қатар, ойындағысын орнықты түрде жеткізетін, кеудесі елдің, жердің тарихы жайында шежірелі сырға бай, көзі ашық, көкірегі ояу азамат болғанын бәріміз білеміз. Сексенінші жылдары Жанақорған ауданындағы халқы көп Төменарық елдімекеніне жана мектеп салу қажеттігі туған кезде депутатық сұраныс жасап қазіргі №223 қазақ орта мектебін салдырып берді.Келесі кезекте сөз алған аудандық мәдениет және спорт бөлімінің басшысы Әбілқайыр Сыздықов Еңбек ерінің есімін ардақтап еске алу мақсатында түрлі шаралар жалғасын тауып келе жатқанын айтты. Мәселен, бұдан бұрын Еңбек майталманының 90 жылдық мерекесі кең көлемде аталып өтсе, 95 жылдық мерейтойында облыстық батагөйлер сайысы ұйымдастырылды. Ауылдағы №223 орта мектебінде де Бидашовтың атында бірнеше рет спорттық жарыстар өткізілді. Жиында сөз алған тарих ғылымдарының докторы, Ахмет Ясауи атындағы ХҚТУ тарих кафедрасының профессоры, алаштанушы Хазретәлі Тұрсұнов:«Жаңақорған топырағында небір ұлылар, қайраткерлер, билер мен болыстар өткен. Туған жердің атын алысқа шығарған осындай аңыз тұлғалар қатарында еңбек адамдарының есімдері дәріптеліп жатуы өте құптарлық» деп бүгінгі шараның ұйымдастырушыларына алғысын жеткізді. Олан әрі сөз тізгінін алған даңқты шопанның бауыры Қайбрахман Бимұрзаев ардақты ағасының көзі тірісінде көп қамқорлығын көргенін айтты. Өзі де өмір бойы ұрпақ тәрбиелеп келген білім саласының ардагері шәкірттерге химия-биология пәнінен сабақ берсе, жары Рыскүл математика пәнінен дәріс берді. Қазір екеуі де зейнетте. Жүрегі кең ұстаз бүгінгі шараға ат қосып, мүшайрада топ жарған екі өренге өз атынан сый-сияпат ұсынды. Келесі кезекте сөз алған Орынбайұлы Оразхан әке рухын құрметтеген барша әлеуметке рахметін жеткізіп, отбасы атынан бірнеше шәкіртке лагерьге жолдама ұсынды. Біздің білетініміз, Орынбай аға зейнеткерлікке шыққаннан кейін ауыл жастарынан малшылар бригадасын құрып, соларға басшылық жасады. Отбасында жан жары, Батыр ана Зейнерап екеуі он бір балаын өсіріп жетілдірді. «Қос батырдан» өрбіген ұл қыздарының ішінде жоғары білім алып, биік деңгейде танылып жүргендері де, өздері игерген қарапайым кәсіппен бағы жанып, бақытты өмір кешіп жатқан ізбасарлары да баршылық.Бүгінде атаның қарашаңырағында кенжесі Мұхтар мен келіні Айнагүл үлкен үйдің түтінін түзу ұшырып, Алматыдан, Қызылордадан сағынып жететін бауырлардың бабын жасауға тырысады екен. Бұл да ата-ана тәрбиесінің ұшқыны. Аудандық оқушылар үйінің дирек¬торы Әлімжан Ержанов ақынның шығармашылығына арналған іс-шара қос кезеңнен өткенін еске салды. Әрі ақтық финалға жеткен 10 ақынның жазба өлеңі сынға түсетінін айтты. Мүшайраның талабына сай, өлеңдердің түпнұсқасы әділ-қазылардың алдына қойылды. Сарапқа салған өлеңдердің стилдік, көркемдік, мағыналық, ұйқастық жағынан таласқа түсті. Сондай-ақ, сахнада еркін көсілу шеберлігі де ескерілді.Шараны қолдаған аудандық жастар ресурстық орталығының директоры Наурызбай Орынбасар да ауданда жас ақындар легі қалыптасып келе жатқанын сөз етті. Жасыратыны жоқ, мүшәйраға сөзге жүйрік, тілге бай ақындар келді. Үміткерлер шығармашылығымен қатар өзін таныстыру бейнесюжеттік қойылымын ұсынды. Жалпы, өлеңдердің маңыздылығы ақынға арналған арнау үрдісінде жазылған. Және сол талап үдесінен шықты.Бір айға созылған мүшайрада сөз өнерімен көптен бәсі биік түскен №168 орта мектебінің оқушысы Жанайым Әбдіғани бас жүлдеге лайық деп танылды. Оның жетекшісі Қалипа Сейтмұратоваға «Алғыс» хат табысталды. Бірінші орынға №223 орта мектептің оқушысы Сүйрік Асан, екінші орынға №162 орта мектеп оқушысы Ерасыл Ақбай тұрақтады. Ұстаздарының үмітін ақтаған №56 орта мектеп оқушысы Алтынкүл Төлеген мен №180 орта мектеп оқушысы Шұғыла Зәйділла үшінші орынға ие болды. Ал Нұрсинат Абдуллақызы, Нұршат Олжабай, Гүлімжан Әнуар, Ақниет Қалдар «Мұқалағали мұрагерлері» номинация жеңімпаздары болды.Бүгінгі рухани шарада бізді таң қалдырғаны аудандардан келген жас таланттардың еңбек адамын жырға қосуда қорғасындай салмақты сөз қатарлары жақұт жырдың тізбегін түзіп, кіл сайдың тасындай жас таланттарға сүйсінісімізді арттырды. Өздері өмірі көріп-білмеген кісінің өмірдерегіне терең үңіліп, көрген мехнат-қиындығын жанымен сезіне білген зерек көңіл, зейінді жастардың келешегінен мол үміт күткен жұртшылық жақсы тілектерін жаудырды. Бас жүлдені Қармақшы ауданына келген Бексұлтан Санақұл, бірінші орынды қызылордалық Дидар Өмірзақ, екінші орынды жаңақорғандық жас талап Әсел Мәулен, үшінші орынды шиелілік Мақсат Қалиев пен Дамиор Нұртай иеленді. Жүлдегерлерге ауылдық Мәдениет үйі және Бидашевтар отбасы атынан арнайы сыйлықтар табыс етілді.

Жаңақорғанда жас ақындар арасында мүшайра өтті

<a href="https://kyzylorda-news.kz/">Kyzylorda-news.kz.</a> Ғылым мен техника дамыған заманда жылыжай өніміне сұраныс еселеп артқан. Жердің тозуы, топырақтың құнарсыздығы және климаттың өзгеруі – оған басты себеп болмақ. Жылыжай жұмысын жандандырып, егіс көлемін арттыруда, сонымен қатар шығынды азайтып, өнімді көбейтуде ауыл шаруашылығы мамандары мен Қазақ ғылыми-зерттеу институты ғалымдары бірлесіп жұмыс істеуде. Жылыжайдың болашағы зор. Осыны түсінген Арал қаласының тұрғыны Мәлік Орынбасарұлы қаладан жылыжай ашып, алғашқы өнімдерін ала бастады.&nbsp;Мәлік бала кезден егін шаруашылығына қызығып өсті. Бірақ ол кездері қалада өсімдік өсіру оңай шаруа болмағандықтан бала қиялын жүзеге асыра алмаған көрінеді. Десе де сол бір кездегі санасында жаңғырған бала арманы маза бермей, ақыры қаладан жылыжай ашуды жоспарлайды.&nbsp;<blockquote>&nbsp;Өмірдің ағымымен басқа мамандықты меңгердім. Сонда да болса егін шаруашылығына деген қызығушылығым бір сәт те болсын ойымнан шыққан емес. Аудандағы жылыжай саласының тұралап тұрғандығы, онымен айналысатын адамдардың аздығы мені толғандырды. Не керек, мен осы істі қолға аламын деген шешімге келдім. Алдымен істі бастамас бұрын тәжірибемді арттыру үшін Ақтөбе қаласындағы үлкен жылыжайда өз білімімді жетілдіріп, сол жақта қандай дәрумен беру керек, қандай температурада тұру керектігін және өсіру технологияларының барлығын үйреніп, Арал қаласына келіп бос тұрған жылыжайды жалға алып, өз жұмысымды бастап кетті, – деген Мәлік кәсіпті бастау жолы туралы айтып берді.&nbsp;</blockquote>Мәліктің негізгі мақсаты – аралдықтарды жергілікті көкөністермен, қияр, қызанақ өнімдерімен жыл бойы толықтай қамтамасыз етіп, импортқа тәуелділікті бәсеңдету. Жалға алынған жылыжай тым ескі. Сондықтан көптеген жөндеу жұмыстарын қажет ететіндігін де Мәлік тілге тиек етті. Дегенмен ол қолда бар қаражатымен жылыжайдың жұмысын дөңгелетіп отыр.&nbsp;<blockquote>Қазіргі таңда меренге F1, шандини деген голландиялық қияр сорттары оңтүстік өңірдің климаттық жағдайына ыңғайлы деп есептелген мол өнім бере бастаған. Соны мен де Арал қаласында алғаш рет тәжірибеден өткізіп жатырмын. Бұл менің жылыжай саласындағы алғашқы жұмысым. Меренге F1 сорты өнім бере бастады. 10 келідей жинап, нарықтағы бағамен дүкендерге өткіздік, – дейді Мәлік.&nbsp;</blockquote>Жалпы жылыжай аумағы 8 сотықты құрайды. Осы көлемге Мәлік 700 түп қияр, 700 түп қызанақ еккен. Қазір қызанақтар гүл шығарып, түйнек шығара бастаған. Енді бір айдың көлемінде жемісін жейтін күн де жақын деп қуанады жас бағбан.&nbsp;Мәлік бұл жұмыстардың барлығын жеке қаражаты есебінен бастаған. Қазіргі таңда жас кәсіпкер мемлекет тарапынан қолдау болса, кәсібімді одан әрі дамытып, жыл бойы өнім өндіріп, аудан халқына арзан бағада ұсынатын ойының бар екендігін де айтып қалды. Кәсіпкердің бастамасымен аудан әкімі Серік Сағитжанұлы да танысып, оң бағасын беріп кеткен екен.&nbsp;<blockquote>&nbsp;Менің басты мақсатым – аудан халқына арзан бағада өнім ұсыну. Бұл – менің қызығушылығымнан туған кәсіп. Сондықтан мол табысқа кенелуді көздеген емеспін. Алланың бұйырған нәпақасы болар. Мен әрбір ісімнің оң нәтиже беріп, жеміс алуымның өзі үлкен жетістік деп түсінемін, – дейді кейіпкеріміз.&nbsp;</blockquote>Мәліктің бастамасы көп жасқа үлгі боларлық деп ойлаймын. Қазір қыбырлаған адамға тірлік көп, еңбектенген адамға табыс мол екендігін дәлелдеген кейіпкеріміз егін шаруашылығының ауырлығына қарамастан жылыжайдың жайын келістіріп, алғашқы жемісін жей бастағандығы көңілге қуаныш ұялатады.

Аралдық тұрғын жылыжай ашып, алғашқы өнімдерін ала бастады

<a href="https://kyzylorda-news.kz/">Kyzylorda-news.kz.</a> Жақында аудандық қоғамдық кеңестің кезекті отырысы өтті. Жиынға аудандық қоғамдық кеңес төрағасы М.Еспенбетов төрағалық етіп, күн тәртібінде бірқатар мәселе қаралған еді.Кеңес отырысындағы алғашқы мәселе Тереңөзек кенті бойынша І тоқсанда атқарылған жұмыстарға басымдық берілді. Аталған мәселе &nbsp;жөнінде Тереңөзек кентінің әкімі Ержан Бахтияров есеп берді. Кент әкімі аудан орталығын көркейту-көгалдандыруға басымдық берілгенін жеткізді. Атап айтқанда, орталық Аманкелді Иманов көшесінде жасыл белдеу жұмыстары жүргізілуде. Аталған аумаққа тал көшеттері отырғызылып, шарбақтармен қоршалануда. Мұндай жұмыстар «Қызылорда-Жалағаш» автожолы бойындағы «Рассойл» жанар-жағармай бекеті мен «Кіші қалған» каналы аралығында да жүргізіліп жатыр. Оның ұзындығы 750 метрді құрайды және бүгінде жер тегістеліп, арық қазу жұмыс-тары аяқталған. Алдағы уақытта көшеттер отырғызылмақ. Одан бөлек кент көшелеріндегі электр желілеріне кедергі келтіріп тұрған ағаштарды бұтау, балақтау, сонымен қатар бұталған шыбықтардан тазарту жұмыстарын жүргізілуде. Атап айтқанда, Ә.Тәжібаев, А.Құнанбаев, Қ.Қазантаев, А.Иманов, Р.Алшынбаев, 1 мамыр, Қазақ, А.Әлиакбаров көшелеріндегі ағаштар 4 метр биіктіктен кесілген болатын.Е.Бахтияров қазіргі таңда Тереңөзек кентіндегі «Майжарма» су арнасын абаттандыру, И.Тоқтыбаев көшесін орташа жөндеу, Айтбай арық көшесіне асфальт жабындысын төсеу жұмыстары жүргізіліп жатқанын жеткізді. Аудан орталығындағы атқарылып жатқан жұмыстарға қоғамдық кеңес мүшелері оң баға беріп, өз ұсыныстарын айтты.Күн тәртібіндегі келесі мәселе егінге қажетті су мөлшеріне қатысты екеніне басымдық берейік. Осы мәселе негізінде «Сырдариясушар» өндірістік учаскесінің бөлім басшысы Бағлан Сағындықов баяндады. Ол биылғы егінге қажетті су мөлшеріне тоқталды. Негізі, 2023 жылғы индикативтік жоспар негізін¬де аудан бойынша жалпы егіс 25319 гектар болса, оның ішінде күріш 20035 гектарға егіледі деп межеленген. Егіс науқанының басталуына байланысты «Қазсушар» РМК Қызылорда филиалынан су алу көзіне (водозабор) 825,20 млн текше метр су лимиті бөлінген. Ал экологиялық жағдайды жақсарту мақсатында 300,0 млн текше метр су лимиті қаралған. Осының аясында биылғы қаңтар, ақпан, наурыз және сәуір айларында көлдер мен шабындықтарға нақты 80,40 млн текше метр су көлемі жіберіліпті. Бұл мәселелер бойынша да кеңес мүшелері өздерінің ой-пікірлері мен ұсыныстарын ортаға салды.Қоғамдық кеңес жұмысында кеңес жанындағы «Экономика, қаржы және жұмыспен қамту, кәсіпкерлік, инвестиция және инновациялық даму, сыбайлас жемқорлыққа қарсы іс-қимыл жөніндегі комитет» құрамына өзгеріс енгізілді. Осылайша, күн тәртібіндегі барлық мәселе талқыланып, аудандық қоғамдық кеңес мүшелері ұсыныстарын жеткізді. &nbsp;

Сырдарияда аудандық қоғамдық кеңестің кезекті отырысы өтті

<a href="https://kyzylorda-news.kz/">Kyzylorda-news.kz.</a> Қазіргі таңда Сырдария ауданындағы Шаған ауылдық округінде 824 отбасында 4545 халық бар. Оның ішінде: экономикалық белсенді халық саны 1939 адамды құрайды. Ауылдық округте 12 тыл ардагері, 404 зейнеткер, 140 мүмкіндігі шектеулі азаматтар, 94 &nbsp;«Алтын алқа», 104 «Күміс алқа» иегерлері &nbsp;бар. Жастар саны – 1260.Ауылдық округте ауыл әкімінің аппараты, мектеп-лицейі, әуез мектебі, спорт мектебі, 3 балабақша, ауылдық аурухана, мәдениет үйі, кітапхана, Қазпошта бөлімшесі, телефон байланысы, ветеринариялық пункті &nbsp;мекемелері халыққа қызмет көрсетіп келеді.&nbsp;&nbsp;Ауылдық округте есепті кезеңнің әлеуметтік-экономикалық көрсеткіштеріне және жүзеге асырылған жұмыстарына &nbsp;тоқталып өтсем, – дейді ауылдық округ әкімі Нұғман Смайлов.&nbsp;<blockquote>2023 &nbsp;жылға бюджеттен 125608,2 мың теңге қаржы бөлініп 4 айдың қортындысы бойынша 50157,7 &nbsp;мың теңге қаржы игерілді. Қаржы 100 пайыз орындалды. Оның ішінде қаладағы аудан, аудандық маңызы бар қаланың, кент, ауыл, ауылдық округ әкімінің қызметін қамтамасыз ету жөніндегі қызметтер бойынша 17375,2 &nbsp;мың теңге. Мұқтаж азаматтарға үйінде әлеуметтік көмек көрсету бойынша 5075,3 мың теңге, жергілікті деңгейдемәдени-демалыс жұмыстарын қолдау бойынша 20784,0 мың теңге, елді мекендердегі көшелерді &nbsp;жарықтандыру бойынша 1472,8 мың теңге, елді мекендердің санитариясын қамтамасыз ету бойынша 500,0 мың теңге. Пайдаланылмаған нысаналы трансферттерді қайтару бойынша 0,2 мың теңге.</blockquote>Жыл басынан бері ауыл әкімінің 19-шешімі, 60-өкімі қабылданды. Жеке тұлғалардан 8 өтініш түсіп, &nbsp;барлық өтініш иелеріне &nbsp;ҚР Заңнамасына сәйкес өз уақытында жауап берілді. Заңды тұлғалардан келіп түскен өтініш жоқ. Сыбайлас жемқорлықтың алдын алу шараларын ұйымдастыру бағытында қызметкерлерге 5 құқықтық оқытулар жүргізілді. 6 қызмет алушыға жер алу бойынша мемлекеттік қызмет көрсетілді, – дейді ауылдық округ әкімі.Шаған ауылдық округі әкімінің мәліметінше салықтық түсімдер бойынша 2023 жылға &nbsp;жылдық жоспар 6 млн 267,0 мың теңге болып бекітілген. Нақты түсімдер бойынша ауылдық округтің жеке және заңды тұлғалардан алынатын міндетті төлемдеріне сәйкес мүлік және жер &nbsp;салығы &nbsp;– 27906,0 &nbsp;теңге, бірыңғай жер салығы – 70 006,00 теңге, жеке тұлғалардың көлік құралдарының салығы – 6 млн 597 мың теңге көлемінде бюджетке түсім &nbsp;түсірілген. Бұл күнге табыс салығы бойынша – 148,9 мың теңге түсім орындалып, &nbsp;барлығы – 6 млн 888 мың теңге бюджетке түсірілген.Ауыл бойынша 2023 жылға 20 отбасы атаулы әлеуметтік көмекке құжат өткізген, 18 отбасыға – 104 адамға атаулы әлеуметтік көмек &nbsp;тағайындалған. Осы күні тұрақты жұмысқа орналасқандар саны – 31 адам. Қоғамдық ақылы жұмысқа қабылданғандар саны – 57, &nbsp;"Күміс жас" жобасымен 4 азамат жұмысқа жіберілген. Әлеуметтік жұмыс орнына – 15 азамат, жастар тәжірибесіне – 2 маман жіберілген. Жеке сектор бойынша ақылы қоғамдық жұмысқа тартылғандар саны – 2. Алғашқы жұмыс орны жобасы бойынша–бір адам жұмысқа жіберілген.Кәсіпкерлікті дамыту бойынша Шағанда жыл басынан бері "2021-2025 жылдарға арналған кәсіпкерлікті қолдаудың ұлттық жобасы" аясында &nbsp;жаңа бизнес-идеяларды іске асыруға арналған мемлекеттік грант екі азаматқа тағайындалған.Сонымен қатар «Микробизнес-Қызылорда» бағдарламасы аясында «Өңірлік инвестиция» орталығынан Жәнібек Жаңаш 6,0 &nbsp;млн.теңге көлемінде жылқы басын көбейту бағыты бойынша несиелендірілді. Осы бағдарламамен Білісбек Айранқұзов 3,0 &nbsp;млн.теңге көлемінде мүйізді ірі қара басын көбейту бағыты бойынша несие алып, кәсібін жандандыруда.«Аграрлық несие корпарациясы» АҚ-ы арқылы Нұргүл Жакипова 8,0 &nbsp;млн.теңге көлемінде жылқы басын көбейту бағыты бойынша, Жеңіс Шүкіров – 4,89 &nbsp;млн.теңге көлемінде мүйізді ірі қара мал басын көбейту бағыты бойынша несиелендірілді. Тағы бір тұрғын Тыныштық Шүкіров 3 &nbsp;млн.теңге көлемінде мүйізді ірі қара малын көбейту бағыты бойынша жеңілдетілген пайызбен несие алып, өз кәсібін жүргізуде. Бүгінгі таңда Әскери қызметке шақыру бойынша 2023 жылдың көктемгі мезгіліне әскери қызметке жалпы зерделенгені – 86. &nbsp;Оның ішінде студенттер саны – 43. Ауылда жалтарып жүргендер жоқ. Әскери қызметке жолданғаны 3 &nbsp;азамат болса, жалпы 11 азамат &nbsp;Отан алдындағы әскери борышын атқаруда. Ақылы әскери-техникалық мектепте 1 азамат оқиды.Шаған ауылының экономикалық мамандануының негізгі саласы – ауыл шаруашылығы болып табылады. Шаған ауылдық округінде 27 шаруа қожалығы жұмыс жасайды. Есепті кезеңде егін шаруашылығымен айналысатын шаруашылықтардың өнім көрсетікштері жоғарылауда.&nbsp;Мал басын өсіру, оның өнімін өндіру бағытында жүргізілген жұмыс нәтижесі бойынша 2023 жылдың 01 &nbsp;қаңтарына ауылдық округ бойынша- 2860 бас мүйізді ірі қара, &nbsp;уақ мал-1754, 1104 бас жылқы, 59 бас түйе, 6 бас шошқа және 917 &nbsp;құс тіркелген. Тұрғындарды аяқ сумен қамту мақсатында Насос СНП 500/10 сатылып алынған, бұл насос 50 тұрғын үйді аяқ сумен қамтамасыз етуге жарамды.<blockquote>&nbsp;Ауыл округіндегі ауыз су құбыры «Қазсушар» шаруашылық жүргізу құқығындағы «Арал» республикалық мемлекеттік кәсіпорындардың бірлескен дирекциясы филиалы теңгерімінде. Ауылымыз ауызсумен 100 пайыз қамтылған. Елді мекеннің санитариялық тазалық жұмыстары және көркейту көгалдандыру бойынша ауылдың ішкі аяқсу латоктары мен көшелері толығымен тазаланып, ауыл ішілік көшелердегі талдарды кесіп, өңдеп әктеу жұмыстары жасалды. Елді мекенде көше тазалығы күнделікті жүргізіліп отырады. Елді мекендегі көшелерге орнатылған аншлагтарға, орталық көшелерде орналасқан электр бағаналарына сырлау жұмыстары жасалды. Бүгінге ауылдық округте санитарлық-тазалық, көркейту-көгалдандыру тазалық жұмыстарына жұмыспен қамту орталығы арқылы 57 адам қоғамдық жұмыспен тазалық жұмыстарын атқаруды. Ауылдық округке 2023 жылға санитариялық тазылық жұмыстарына 850,0 мың қаржы бөлінген. Қазіргі таңда ЖК «Асылым»мен келісім шарт жасалған. Абаттандыру-көгалдандыру жұмыстарына аудандық бюджеттен 3214,0 мың теңге көлемінде қаржы қаралған, – дейді ауылдық округ әкімі.</blockquote>Ауылда тұрақты түрде қайырымдылық акциялары және мерекелік іс-шаралар дәстүрлі түрде аталып өтіледі. «Шаған Жер» ЖШС, ауыл көлеміндегі мекемелер, жеке кәсіпкерлер және ауылдық жамағат үйінің демеушілігімен қазіргі уақытқа дейін 121 отбасына &nbsp;азық-түлік, киім-кешек, мектеп құрал-жабдықтары бойынша және қаржылай &nbsp; негізінде көмек көрсетіліп келген. &nbsp;Халық саны бойынша ең көп ауылдық округте қоғамдастық кеңес, &nbsp;ардагерлер кеңесі, әйелдер кеңесі бірлескен жиналыстар өтеді. Жиындарда ауылдың хал-ахуалы бойынша түрлі тақырыптарды талқылап, өзекті мәселелер бойынша тұрақты түрде мәжіліс отырысын &nbsp;өткізіп &nbsp; отырады. &nbsp;Жыл басынан бері &nbsp;қоғамдастық &nbsp;кеңес отырысы өткізіліп, &nbsp;6 мәселе қаралған және әйелдер кеңесінің төрайымы П.Мұхамеджанова отбасындағы әйел адамның орны, жауапкершілігі туралы 2 отырыс өткізілген.&nbsp;Ауылдық округ бойынша алдағы уақытта атқарылатын жұмыстарға тоқталатын болсақ, ауылішілік 12 көшеге Е.Адаев, Аябек, Ә.Тұйғынов, Ә.Омаров, Ә.Қосқанов, Қ.Мыханова, Т.Мұхамеджанов тұйығы, Ж.Бекпанов тұйығы, Т.Әлжанов, Р.Оразғалиев, Ғ.Мұратбаев, А.Иманов тұйығы көшелеріне жөндеу жұмыстарын жүргізуге жобалық сметалық құжат дайындалған. Орындалу мерзімі – 2023 жыл. Қаралған қаржы – 1 357 571 теңге.&nbsp;Сондай-ақ ауылдық округ бойынша электр желілерін және трансформаторларын ауыстыруға жобалық сметалық құжаттар әзірленген. Аталған жұмыстар жүргізілген уақытта жарықтандыру жұмыстары қосымша атқарылатын болады. Қаржысы – 1 134 ,223 теңге. Ауылдық округтегі ең басты мәселе – газдандыру. Елді мекенді газдандыру жұмыстарын жүргізуге аудандық тұрғын үй коммуналдық шаруашылық, жолаушылар көлігі және автомобиль жолдары бөлімі арқылы жобалық сметалық құжаттары дайындалған. Мерзімі – 2023 жыл. Қаржысы – 2 643 842,6 теңге.Биылғы жылы ауыл көшелерінің аяқ су жүргізілетін арықтарының – лотоктарын жаңарту жұмыстарын ұйымдастыру. Бірінші кезекті Есет би көшесі, Бекпанов көшесі,Т.Мұхамеджанов тұйығы, А.Иманов тұйығы көшелеріне жобалық-сметалық құжаты әзірленген. Мерзімі – 2023 жыл. Қаржысы – 65396,427 теңге.Ауылдық округтегі орталық алаңға қайта жаңғырту жұмыстарын жүргізуге жобалық сметалық құжаттары әзірленіп, 96 657,068 теңге қаржы қаралған.Сонымен қатар А.Атақаев көшесіне орталық жөндеу жұмыстарын жүргізуге, &nbsp;А.Атақаев көшесі &nbsp;мен Самара-Шымкент трассасының бойына жаяу жүргінші жолын салуға және А.Атақаев көшесінің &nbsp;ұзындығы – 1300 метрге лотоктарын жүргізуге жобалық сметалық құжаттары әзірленіп, алдағы уақытта жобаға сәйкес жұмыстар жүргізілетін болады. Аталған аймақтарды қалпына келтіру жобасына ЖСҚ мерзімі – 2023 жыл. Қаржысы – 95 542,264 теңге.Ағымдағы жылда жаңа жұмыс орындарын ашу мақсатында "Шаған Жер" ЖШС –гімен &nbsp;15 түрлі макарон өнімдерін өндірумен айналысатын цех ашылатын болады. Елді мекенге кіре беріс жолының оң жақ беткейіне жасыл желек орналастыру &nbsp;жұмыстарының сметалық құжаттары жасалған, алдағы уақытта жұмыстар атқарылады. Кәсіпкерлікті дамыту арқылы ауыл тұрғындарын жұмыспен қамтып, жұмыссыздық деңгейін төмендету және кәсіппен айналысатын ауыл тұрғындарының салық базасына тіркелуіне, салық түсімінің ұлғаюын қамтамасыз етілмекші.Елді мекендегі 5 көшеге А.Құнанбаев, А.Иманов, А.Иманов тұйығы, Р.Оразғалиев, Ғ.Мұратбаев көшелерінің ауыз су құбырлары ауыстырылады. Аталған жұмыстарды «Ауыл- ел бесігі» бағдарламасы арқылы жүргізіледі. Атақаев көшесіне орташа жөндеу жұмыстарын жүргізуге ЖСҚ дайындалған. Жөндеуге 54 455, 565 теңге облыстық бюджеттен қаралған. Аталған жұмыстарды жүргізуді конкурстан мердігер &nbsp;«Тех Сервис» ЖШС ұтып, жөндеу жұмыстары енді басталатын боладыды. &nbsp;

Шаған ауылында «Ауыл – ел бесігі» бағдарламасы арқылы ауыз су құбырлары жөнделеді

<a href="https://kyzylorda-news.kz/">Kyzylorda-news.kz.</a> Дарияның арғы бетінде қоныс тепкен Абай ауылынан Қазалы қаласына келе жатқанда жолдың оң қапталындағы ну ормандай жап-жасыл алқапты көрмей қалуыңыз мүмкін емес. Еріксіз назар салғызатын тал-теректерге қарап, «тамаша табиғат деген осы болар» деп таңдай қағасыз. Бұл жерді көркейтіп, көктетіп отырған бағбан Бердалы Әбдірақман.&nbsp;Үйінің алдындағы бір гектар жерді әкесі Құтмамбет көзінің тірісінде алып беріп кетіпті. Әкеден мұра боп қалған жерді ұлы баптап, жайқалтып отырған жайы бар. Отбасындағы он екі баланың ортаншысы Бердалы Құтмамбетұлы бала күнінен еңбекке жақын өсіпті. Еті тірі, кез келген істі іліп әкететін жанның бағында тал-теректен бөлек жеміс-жидектің түр-түрі бар.&nbsp;Шиесі әні-міне жеміс бергелі тұрған бақтың мына басынан арғы басына дейін аралатып, бізге төккен терінің нәтижесін таныстырған Бердалы аға: «Баптай білсең, жер жомарт». Біздің Қазалының топырағы құнарлы. Не ексең де, шығымы болады. Бастысы –бап пен күтім қажет»,– дейді.Осыдан он сегіз жыл бұрын бақ өсіруді қолға алған бағбан алғашында бірыңғай теректерді отырғызған. Бүгінде бес жүзден аса терек жайқалып тұр. Бертін келе жеміс-жидектер еге бастайды. Жыл сайын шие, сары өрік, қара өрік, абрикос, алма, алмұрт сынды жемістер өнім беруін көбейтіп келеді. Бақтың шеткі жағына жағалай отырғызылған жидектер биылда түйнексіз қалдырмайтынына бағбан сенімді.&nbsp;<blockquote>«Әкем Құтмамбет қазіргі Қазалы аграрлы-техникалық колледжде, анам Өтегүл сол уақыттағы кірпіш зауытында еңбек етті. Он екі баланы өмірге әкеліп, тәрбиеледі. Өсірді, оқытты. Қазір барлығы бір-бір шаңырақтың иесіне айналды. Алматы, Шымкент, Қызылордада тұрады. Жаз мезгілінде қара шаңыраққа келгенде осы бақтың ішінде демалып, табиғи өнімдерді жеп, рахаттанып қалады. Тіпті өзге қалада тұратын сыныптастарым да туған жерге той-томалаққа жиналса, қыдырып келсе, біздің үйге соқпай кетпейді», – дейді Бердалы Әбдірақман.&nbsp;</blockquote>Расында да еңбекқор жанның қонақжайлылығы көрініп-ақ тұр. Ағеден аға ішіндегісін ақтара сөйлеп, алдағы жоспарларын да бөлісе кетті.<blockquote>«Анау көріп тұрғаныңыз менің екінші бағым. Олда бір гектар жер. Жуырда алдым. Онда да көшеттер отырзып, көркейту-көгалдандыруды бастап кеттім. Қазіргі таңда алты жүз түп отырғызылды. Оларды Түркістан, Жамбыл өңірлерінен алдырдым. Өзімнің бағымдағы жеміс-жидектер мен тал-теректерді де қатар ектім. Ол жаққа аяқ су бармайды. Арнайы су айдау құрылғысын сатып алғанмын, сол арқылы суарамын. Малдың таптап өтуінен, көкті жеп кетуінен қорғап, қоршау жасадым, – деген бағбанның қимылы ширақ. Оның мәнісін кейін білдік. Бердалы аға таңертең бесте тұрып, жүгіреді екен. Күні бойы тыным таппай еңбек ететін жан анау-мынау ауруды елемейтін көрінеді. «Ауырдым десең, ауру меңдеп алады. Адам үнемі қимыл-қозғалыста болып, дұрыс тамақтанып, зиянды әдеттерден аулақ жүру керек», – дейді ол.</blockquote>Қолы ашық жанның сұрап келгендерге көшетті тегін тарататын жомарттығы да бар.&nbsp;<blockquote>«Егемін, өсіремін деп тұрған адамға неге бермеске. Туған жердің түлегені, таза ауада тұрғындардың тыныстағаны маған қуаныш сыйлайды. Біз бір қалада тұрамыз. Бір үйдің адамындаймыз. Сондықтан мен көшетке келгендерге қуанбасам, қолын қақпаймын», – дейді Бердалы бағбан.</blockquote>Кейіпкеріміздің біз көрген бақтан бөлек шарбағында бақшалық жері бар. Онда қызанақ, қияр мен асқабақ, тағы басқа көкөністерді егеді. Қорасында бірнеше сиыр ұстайды. Жары Гүлзада сиыр сауып, айран пісіп, құрт жасайды. Жеміс-жидектерден түрлі тосап дайындайды. Қолдағы барды ұстатып, шашау шығармай, табыс көзіне айналдыра білген жан. Бұл отбасында бір қыз, екі ұл дүниеге келді. Қыздары Гүлназ орта мектепті үздік, медициналық колледжді қызыл дипломмен бітірген. Уиверситеттен «Логопед» мамандығы бойынша жоғары білім алған. Бүгінде тұрмыста. Кішкентайлы болуына байланысты жұмыстан демалыста. Ал ұлдың үлкені Ислам Ғ.Мұратбаев атындағы №17 мектептің 9-сыныбында. Ол да сабақты жақсы оқиды. Спортқа жақын. Баскетбол ойнағанды ұнатады. Ал кенже бала Ақтан «Өрімтал» бөбекжай-балабақшасының тәрбиеленушісі.&nbsp;– Аға, мына бақтарыңызға атау бермейсіз бе?&nbsp;– Әрине, ол ойда жүрген дүние. Екі бақты екі ұлымның атымен атасам деймін. Балаларымды осы бастан еңбекке баулып келемін. Үлкенім көшет отырғызудың, бақша баптаудың қыр-сырын әжептеуір үйреніп қалды.Қаладағы қоғамдық жұмыстарға да белсене араласатын Бердалы Құтмамбетұлы кезінде жастармен бірлесіп, қаланың көркейіп-көгалдануына, тазалығана қосқан үлесі үшін бірнеше рет марапатталған. Қазір де туған өлкенің гүлденуіне атсалысып келеді. Қазалы қаласы әкімдігі қолға алған бақ өсіру жұмысы осы кісіге тапсырылыпты. Бүгінде қала шетіндегі бір гектар жерді жасыл-желекке айналдыру мақсатында бірнеше азамат таңнан кешке дейін еңбек етуде. Бұйырса қолы алтын бағбанның тағы бір бақты жайқалтқанының куәсі болып қалар күніміз алыс емес.&nbsp; &nbsp;

Бағбан Бердалы Әбдірақман ауданның көгалдануына үлесін қосып келеді

<a href="https://kyzylorda-news.kz/">Kyzylorda-news.kz.</a> Қазіргі таңда Қамыстыбас ауылында «Арал әйелдері» қоғамдық бірлестігі Евразия қоры жүзеге асыратын, АҚШ-тың даму агенттігі (USAID) қаржыландыратын Орталық Азиядағы Әлеуметтік Инновациялар бағдарламасының қолдауымен «Менің дамыған ауылым» атты жобаны жүзеге асыруда. Осының нәтижесінде Қамыстыбас ауылында көптеген игілікті істер қолға алынуда.&nbsp;Қамыстыбас ауылы аудан орталығынан шалғай орналасқан. Мұнда екі мыңға жуық тұрғын тұрады. Округте жұмыссыздық үлкен мәселе. Бұл аймақтың табиғи-климаттық жағдайы өте қиын – топырағы құмды, азық-түлік қоры жоқ, егіншілікпен айналысуға мүмкіндік аз. Ауыл тұрғындары Қамбаш көлінде балық аулау, түйе өсіру, жағажай туризмімен айналысады. Көл Қазақстанның әртүрлі аймақтарынан келген 90 000-ға жуық туристер үшін ең танымал жазғы демалыс орны болып табылады. Ауыл халқының бір бөлігі туристерге қызмет көрсету арқылы табыс табады.&nbsp;Көпшілік күн сайын балық аулаумен айналысады. Осы орайда қолға алынған жобаның ауылдастарға берері көп.&nbsp;<blockquote>Жобаның негізгі мақсаты &nbsp;– Қамыстыбас ауылындағы жергілікті өзін-өзі басқарудағы халықтың рөлін арттыру, ауыл тұрғындарының өмір сүру деңгейін көтеру үшін жергілікті маңызы бар мәселелерді сапалы шешуге тұрғындардың қатысуы арқылы дамыту. Жоба аясында ауыл тұрғындары арасында «Бизнес негіздері» курсы өткізіліп, курс қатысушылары арасында шағын бизнес-жобаларының конкурсы өткізіліп, 7 ауыл тұрғынының бизнес-жобалары қаржыландырылды, – дейді «Арал әйелдері» қоғамдық бірлестігінің жетекшісі Бақытжамал Жүгінісова.</blockquote>Осылайша қамыстыбастықтарға жоба үлкен серпіліс беруде. Ауылдағы жұмыссыз жастар мен әйелдер қауымы өздерінің бизнес жобаларын ортаға салып, қордың қолдауына ие болуда. Оларға өз кәсіптерін бастау үшін қажетті құралдарын алуға бастамашы ретінде қордан қайтарымсыз гранттық қаржы бөлінді. Соның арқасында ауылда кәсіпкерлік дамып, жұмыссыздық деңгейі біршама азаюда. Жоба командасы әрі қарай да осы жобалардың табыстылығын арттыру мақсатында қолдау көрсетуде.

Қамыстыбас ауылында «Менің дамыған ауылым» жобасы жүзеге асырылуда

<a href="https://kyzylorda-news.kz/">Kyzylorda-news.kz.</a> Жақында Төретам кентіндегі Т.Жүргенов атындағы №80 мектеп-гимназиясында ертеңгі ел болашағы болып саналатын мектеп оқушыларының математика пәніне деген қызығушылықтарын ояту, өз заманында математика ғылымының майталманы, ұлағатты ұстаз, өз ұжымының кемеңгер басшысы бола білген тұлға Қуандық Игенбаевты еске алу мақсатында 7-сыныптарға арналған Қ.Игенбаев атындағы ХІІ облыстық олимпиада өткізілді.Оған облыс бойынша әр ауданнан 42 оқушы қатысты. Білім бәйгесінде бақ сынаған оқушыларымыздың білімін Қорқыт ата атындағы Қызылорда университетінің профессорлары мен қаладағы білім инновациялық лицейінің ұстаздары саралап, әділ шешім шығарды. Облыс көлеміндегі іс-шараға «Дарын» қосымша білім беру орталығының басшысы Айжан Тұрғанбекқызы, 80 мектеп-гимназияның ардагер ұстаздары Мейіткүл Аралбаева, Сәуле Серікбаева, Керейтбай Дүйсенов, Әбжали Жорықбаев, ата-аналар комитетінің төрағасы Абдимуталап Ниязбаев, ағайдың балалары Серік, Ержан Игенбаевтар қатысты.&nbsp;Кейінгі ұрпаққа мәңгі өлмейтін мағыналы із қалдырған біртуар азаматтың мәртебесін асқақтатып, киелі шаңырақтың төрінде Қуандық Игенбаевтың құрметіне қойылған ескерткіштің салтанатты түрде ашылуына барша жұрт куә болды. Ескерткішті салтанатты түрде ашу құрметі бірге жұмыс жасаған әріптестері, ардагер ұстаздар Керейтбай Дүйсенов пен Әбжали Жорықбаев және мектептің ата-аналар комитетінің төрағасы Абдимуталап Ниязбаевтарға ұсынылды.&nbsp;Дәстүрлі математикалық олимпиадаға қатысушы оқушыларға, қадірменді қонақтарға олимпиаданың арнайы төсбелгісі тағылды. Білім сайысы аясында Қуандық ағайдың ұрпақтарының демеушілігімен қайта жабдықталып, жаңа деректермен толыққан мектебіміздегі мұражай оқушылардың таныстырылымын білім ұясының шәкірттері жасады. Талай ұрпақтың жадында мәңгілікке жазылып қалған ұстаздар, абзал жүректі ұлағат иелері аз емес. Осындай ұлағатты жан Қуандық Игенбаевты еске алып, еңбегін дәріптеу мақсатында Индира Ахметова «Тұғыры биік нар тұлға!» атты ғылыми-танымдық конференция өткізді. Оған ұлағатты ұстаздың отбасы, ардагер ұстаздар, білім нәрімен сусындатқан шәкірттері, өмірдің ызғары мен ыстығын бірге сезінген қызметтес достары және 11-сынып оқушылары қатысты. Іс-шарада ағайдың өнегелі өмірі, бойындағы ерекше қасиеттері, бітім-болмысы, бала тәрбиесіндегі басты ұстанымы туралы келген қонақтар кеңінен тоқталды. Ауылдастары мен шәкірттерінің ыстық ықыласына бөленген азаматтың айтқан әзіл әңгімелері қызметтес әріптестері Райхан Байшораева, Оразкүл Досанова, Пазыл Төлемісов және Қазалы ауданынан келген шәкірті, өзі де осы олимпиадаға шәкіртін үкілеп қатыстырып отырған Жібек Досжановалар сағынышпен еске алды. Сондай-ақ, 11-сынып оқушылары Руслан Нұрашев пен Жұлдыз Жұмабекова &nbsp;олимпиада қатысушыларына сәттілік тілеп, келген қонақтарға өздерінің ыстық &nbsp;лебіздерін білдірді.Халқымыздың келешегін жарқын етер, үкілеген үміт иелері – жас жеткіншектердің басын бір арнаға тоғыстырып, қыз-қыз қайнаған білім бәсекесінде тереңнен шыңдай түскен математика олимпиадасында дарабоз дарындыларды марапаттау «Дарын» қосымша білім беру орталығының басшысы Айжан Тұрғанбекқызына тапсырылды. Шашасына шаң жұқтырмай оза шапқан дарындарға бағалы сыйлықтармен қатар мақтау қағаздары табысталды. Аталған олимпиадада Т.Жүргенов атындағы №80 мектеп-гимназиясының 7 сынып оқушысы Дильназ Отарбай қанжығасына І орынды байлап, жеңімпаз атанды.

Есепке жүйрік өрендердің есебі түгенделді

<a href="https://kyzylorda-news.kz/">Kyzylorda-news.kz.</a> Қазалы ауданының мәдениет және тілдерді дамыту бөлімінің қолдауымен Әйтеке би кенттік мәдениет үйінің ұйымдастыруымен ақын, Қазақстан Журналистер Одағының мүшесі Ақанжан Келімбетовтың туылғанына 95 жыл толуына орай «Ақынның қаламы – адалдық алаңы» тақырыбында көркемсөз оқу шеберлерінің байқауы өтті.&nbsp;Байқау барысында кенттік кітапхана ұжымы дайындаған ақын өмірінен сыр шертер «Жолында адамдықтың тұрып келем» атты кітап көрмесі келушілер назарына ұсынылды.&nbsp;Ақанжан Келімбетов 1928 жылы Қазалы ауданының Аранды ауылдық кеңесінде дүниеге келген. 1953 жылы Қызылорда қаласындағы педогогикалық институттың тарих факультетін бітіріп, Қостанай облысының Урицкий ауданында және өзі оқыған №25 орта мектепте мұғалім болды. Ізденімпаз ұстаз өлке тарихын зерттеумен де айналысты. Аудандық «Білім» қоғамының жауапты хатшысы қызметін атқарды. №266 мектеп-гимназияда ұзақ жыл ұстаздық етіп құрметті еңбек демалысына шықты. Қай кезде де қолынан қаламы түспеген ақынның өлеңдері мен зерттеу мақалалары жергілікті газеттермен республикалық басылымдарға жарияланды.&nbsp;Қазақстан Республикасының халыққа білім беру ісінің «Үздік қызметкері» белгісімен наградталған, жоғары категориялы мұғалім атағы бар, «Еңбек ардагері», «Тылдағы жанқиярлық еңбегі үшін» медалының иегері, бірнеше жинақ кітаптың авторы Ақанжан Келімбетовтың туылғанына биыл 95 жыл. Осы орайда ұйымдастырылған көркемсөз оқу шеберлерінің байқауына 40 жуық талапкер қатысты. Байқауға қатысушыларға сәттілік тілеген мәдениет және спорт бөлімінің басшысы Болат Жолтаев ақын туралы айтылған естеліктерге тоқталды. Сонымен қатар, ағайын-туыстары, ұрпақтары атынан ақынның інілері Мәлкаждар Дәрібаев бастаған қонақтар ыстық ықылас білдіріп, ұйымдастырушыларға алғыстарын жеткізді.&nbsp;Екі кезең бойынша өткізілген байқауда білім, мәдениет саласының ардагері, актриса, мәдениет саласындағы ардагерлер кеңесінің төрайымы Ұлжан Ахметова, білім саласының ардагері, кезінде радио, телеведение саласында қызмет еткен, бірнеше мәрте мәдени шаралардың концерт жүргізушісі болған, өнерлі жастарға ұстазы Айдын Қожантаева және ақын, Қызылорда облысының тілдерді оқыту орталығының Қазалы ауданы бойынша мемлекеттік тілдің оқытушысы Жұбатқан Таңжанов талапкерлердің өнерін бағалады.&nbsp;Бас жүлдені Кәукей ауылынан келген Нұрбек Әбжәли жеңіп алды. Бірінші орынға Аман Шарападин мен Аида Сазанбай лайық деп танылды. Жанель Жеткерген, Ақтоты Абзал, Аяжан Зейнелбай екінші орын иеленді. Ал үшінші орын Әсел Молдаш, Айжан Берікқызы, Манзура Ұлмамбет, Жанерке Қалас және Жұлдызай Төлепбергеноваға бұйырды. «Көрермен көзайымы» номинациясымен Ақерке Жұмахан, Ақерке Қайратқызы, Аружан Сағиділлә марапатталды.&nbsp;

Қазалыда көркемсөз оқу шеберлерінің байқауы өтті

<a href="https://kyzylorda-news.kz/">Kyzylorda-news.kz.</a> Қармақшы аудандық денешынықтыру және сауықтыру кешенінде жылдағы дәстүрмен жасөспірімдер арасында бокстан &nbsp;Қазақстан спортына сіңірген еңбегі үшін «Құрмет белгісі» медалінің иегері Қуаныш Қаражанов атындағы республикалық дәстүрлі жарыс биыл жалауын 12 рет көтерді.Жарысқа Алматы, Семей, Қызылорда қалаларынан, Жамбыл, Алматы, облыстарымен бірге, облысымыздың барлық өңірінен жас былғары қолғап шеберлері қатысты.Қуаныш Қаражанов – Қармақшы ауданының тумасы. Ол спорттағы еңбек жолын туған жерінде бастап, спорттың бокс түрінен көптеген жастарға тәлім берді. Оның шәкірттері арасында Өміржан Әбдірахманов &nbsp;полицейлер арасында бірнеше мәрте Әлем жеңімпазы атанса, Самал Бисенов Азия чемпионатының жүлдегері, Абай Тұрғанов, Жандос Топаев сынды шәкірттері ұстаз жолын жалғастырып, ауданда боксты дамытуға үлес қосуда. Сонымен қатар, Қуаныш Қаражанұлының тағы бір шәкірті Дәулет Аббазұлы кәсіпкер, аудандық мәслихаттың депутаты.&nbsp;Жарыстың ашылу салтанатына аудан әкімі Жұлдызхан Ерқосаев қатысып, спорт саласын дамытуда атқарылып жатқан жұмыстарды саралып, жерлес спортшылардың қол жеткізген жетістіктеріне тоқталды. Сонымен қатар, спорт ардагерлері Еркін Атабаев, Қуаныш Қаражанов сөз сөйлеп, жас спортшыларға сәттілік тіледі.Жарыс үш күнге созылып, оның қорытындысымен әр салмақ бойынша жеңімпаздар мен жүлдегерлер анықталып, олар аудандық мәдениет және спорт бөлімінің дипломдарымен, демеушілер тағайындаған сый-сияпатпен құрметтелді. Жарыс барысында жерлестеріміз де үздіктер қатарынан көрінді.

Шаршы алаң шеберлерінің жарысы өтті

<a href="https://kyzylorda-news.kz/">Kyzylorda-news.kz.</a> Қармақшы ауданында спорт саласының өсіп-өркендеуіне сүбелі үлесін қосқан азаматтар жетерлік. Өзі жоқ болса да көзі тірі кезінде елеулі еңбектерімен елге танылған, талай рет түрлі деңгейдегі дүбірлі жарыстарда аймақ, республика намысын қорғап, мерейі үстем болған аудан спортының нар тұлғалары Жарболсын Құндақбаев, Аманкелді Ерекешов, Қорғанбек Манасов, Зейнуллла Жәкеев, Сұлтанбек Омаров, Әділбек Серікбаев сынды атпал азаматтармен бірге бүгінде аудан спортының қара нарлары атанған Төленді Мырзабаев, Еркін Атабаев, Әлжан Төремаханов және басқалардың есімдері құрметпен аталады.Ауданымызда қазақ күресі, самбо, дзюдо, бокс, жеңіл, ауыр атлетика, волейбол, қол добымен қатар, футбол да жақсы дамыған. Осы спорт түрлерінен жерлестеріміз түрлі деңгейде өткізіліп жүрген байрақты, дүбірлі жарыстарда жүлделі орындардан көрінуде. Жерлес спортшылардың спорт аренасында жасындай жарқырап жүргендері әрине, сала мамандарының жемісті еңбегі. Осындай дарын иелерінің бірі – ауданда футбол, волейбол спортының дамуына сүбелі үлесін қосқан майталман маман, ұлағатты ұстаз, марқұм Сағат Бұқпанов. Оның өнегелі өмір жолы көпшілікке жақсы таныс.&nbsp;1953 жылы Жосалы кентінде өмірге келіп, Шоқан Уәлиханов атындағы №26 орта мектепті тәмамдаған, бала жасынан спортқа, оның ішінде футболға үйір болып өскен Сағат Мұсаұлы спорттық жоғары білімін жетілдіруде Алматы қаласындағы Қазақтың Мемлекеттік спорт институтына оқуға түседі. Жоғары білім ордасында оқи жүріп, институттың құрамасы сапында талай дүбірлі жарыстарға қатысып, жүлделі орындардан көрінеді. Тіпті, «Қайрат» командасының қосалқы құрамында біршама жыл ойнап, нағыз футболшы екенін дәлелдейді. Көптеген марапатқа да ие болады. Бірақ, жылдар өте туған елге оралып, аудан орталығындағы №26 орта мектепке денешынықтыру пәнінің мұғалімі болып қызметке орналасады. Сондай-ақ, елге оралған соң ұстаз Үміт Әбдіжәлелқызымен &nbsp;шаңырақ көтеріп, ұрпақ өсіріп, олардың қоғамнан орындарын сайлап алуына еңбек сіңіреді. Ол аудан спортының дамуына елеулі үлес қосқан азамат. Оның жаттықтырумен көптеген жас спорт деген сырылы өнерден өз орнын алып, үлкен жетістіктерге қол жеткізді. Аудан құрамасына басшылық жасап, облыстық, республикалық жарыстардың көшінен көрінді. Тіпті, шәкірттері арасында «Қайсар» командасы сапында облыс намысын қорғағандар да бар. Сондай-ақ, оның өмірлік жары Үміткүл Әбдіжәлелқызы да &nbsp;саналы өмірін білім саласына арнаған. Ол Қызылорда қаласындағы Н.Гоголь атындағы педагогикалық институтын тәмамдаған соң №26 орта метепте алғашқы еңбек жолын бастап, өмірінің соңына дейін сол білім ордасында еңбек етті. Талай дарынды шәкірттерінің адами қалыптасуына еңбек сіңірді.&nbsp;«Орнында бар оңалар», – дегендей, бүгінде ерлі-зайыпты ұлағатты ұстаздардың ұрпақтары да аудан экономикасын дамытуда еңбек етіп жүр. Барлығы да отбасылы, түрлі мамандық бойынша еңбек етуде. Қайраты аудандық мәслихатта бөлім басшысы болса, келіні Мөлдір ұстаз, Талғаты №121 орта &nbsp;мектепте директордың ғылыми-әдістемелік жөніндегі орынбасары, оның жары Алмагүл №27 орта мектепте бастауыш сынып мұғалімі, ал кенжесі Қуаныш №30 орта мектепте педагог-психолог, жары Маржан №26 орта мектепте шет тілі пәні мұғалімі.Осындай талант иелерінің туғанына биыл 70 жыл толды. &nbsp;Осы ретте, &nbsp;ұлағатты ұстаз Сағат Бұқпановтың 70 жылдық мерейтойын атап өтуде аудандық мәдениет және спорт бөлімінің қолдауымен &nbsp;№26 орта мектеп ұжымы мен демеушілердің ұйымдастыруымен &nbsp;№27 орта мектептің спорт алаңында жасөспірімдер арасында шағын футболдан аудандық жарыс өтті. Оған Жосалы кентіндегі орта білім беру мекемелерінен 8 команда қатысып, ұстаз атындағы жүлдені сарапқа салды.Жарыстың &nbsp;ашылу салтанатында аудандық мәслихаттың төрағасы Әділ Үсенов, аудандық ардагерлер кеңесінің төрағасы Асқар Мереков, туысқандары атынан Болат Есетовтер Сағат Мұсаұлының өнегелі өмір жолынан естелік айтып, жас футболшыларға сәттілік тіледі.&nbsp;Одан әрі командалар өзара ойын өрнегін көрсетіп, оның нәтижесімен №26 орта мектеп құрамасы жарыс жеңімпазы атанса, жүлделі ІІ және ІІІ орындарды №27 орта мектеп пен №183 орта мектеп құрамалары өзара бөлісті. Ал, үздік ойындарымен көрермен көзайымы атанған №27 орта мектеп құрамасының ойыншылары Арман Әбитай «Үздік ойыншы», Нұржан Жақсылық &nbsp;«Үздік шабуылшы», &nbsp;№26 орта мектебінің ойыншылары Аслан Жұманов «Үздік ойыншы», Ернұр Кәдірбеков «Үздік қақпашы», &nbsp;№183 орта мектептің шәкірті Дамир Шағалаев «Үздік сұрмерген» номинациясымен марапатталса, №121 орта мектептің спортшылары Нұрсұлтан Сағындық арнайы грамотамен, Жалғас Сұлтан қаржылай сыйлыққа ие болды. Жарыс соңында жүлдегер командалар мен номинация иегерлері аудандық мәдениет және спорт бөлімінің мадақтамаларымен, жарыс демеушілерінің сый-сияпатымен мадақталды. Жарыс соңында ұлағатты ұстаз Сағат Бұқпанов пен Үміт Әбжәлиеваға арнап ас берілді.

Қармақшыда жасөспірімдердің аяқдоп жарысы өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Евразия» спорт кешенінде қазақ күресінен облыстық «Алтын белбеу» жарысы өтті. Аймағымыздың барлық өңірінен әр жастағы аудандық, қалалық «Алтын белбеу» жарысы жеңімпаздарының басын қосқан дүбірлі шарада қармақшылық боз кілем шеберлері де бақ сынасты.&nbsp;Нәтижесінде 2008-2009 жылы туған жасөспірімдер арасында 55 келіде А. Абитай І орынды, 75 келіде Б.Ерғалиев ІІ орынды, ал 46 келіде Т.Қожахметов, 60 келіде Б.Бақытжанұлы, 75 келіден жоғарыда Д.Мүтәлов ІІІ орынды жеңіп алса, 2006-2007 &nbsp;жылы туғандар арасында 46 келіде М.Ібіраш жарыс жеңімпазы, Д.Камал, 80 келіде А.Сейдалыұлы ІІ орын, 50 және 60 келі салмақтарда Қ.Темірбекұлы, Д.Сәбитов жүлделі ІІІ орын иегері атанды. &nbsp;Ал, жастар арасында өткен белдесулер нәтижесімен 55 келіде Әділет Жүніс, 66 келіде Рахатәлі Сартай ІІ орынды иемденсе, 84 келіде Саят Төлес, Әділет Үбайділда 100 келіден жоғары салмақта жүлделі ІІІ орынға ие болды. Сонымен қатар, ересектер арасындағы белдесулерде 74 келі салмақта Дінмұхаммед Алтай ІІ орынға, 55 келіде Шыңғыс Мұқанғалиев, 66 келіде Арман Жалғасбекұлы, 82 келіде Ерлан Жақсыбеков, 90 келіде Ринат Тоғысов ІІІ орынға көтеріліп, аудан абыройын асқақтатты.Келесі кезекте ересектер арасындағы түйе палуандар белдесуінде Айбек Серікбаев ақтық белдесуде жерлесіміз Еламан Ерғалиевті жеңіп, Сыр барысы атанды. Нұрым Сәлімгереев жүлделі ІІІ орынды иемденді.&nbsp;Айта кетерлік жайт, жыл сайын шілде айында Астана қаласында өтетін дәстүрлі республикалық «Қазақстан барысы» жарысына биыл Сыр бойы өңірінің намысын қорғауға Айбек Серікбаев, Еламан Ерғалиев, сонымен қатар «Қазақстан барысы &nbsp;– 2022» жеңімпазы, жерлесіміз Мақсат Исағабылов өзінің жеңімпаздық атағын қорғайтын болады.&nbsp;Сөйтіп, биылғы жылғы «Қазақстан барысы-2023» республикалық жарысына ауданымыздың үш палуаны қатысады. Бұл қармақшылық спортсүйер қауым үшін үлкен мақтаныш. Жерлестерімізге сәттілік тілейміз.

Қазақстан және Қызылорда облысының жаңалықтары