<a href="https://kyzylorda-news.kz/">Kyzylorda-news.kz</a>&nbsp; Қазақстанның кейбір аймақтарында күн жылынса, cу тасқыны болады деп болжанып отыр. Бұл туралы Stan.kz ақпарат агенттігі хабарлайды.Төтенше жағдайлар министрі Шыңғыс Әрінов алдағы уақытта су тасқыны болу қаупі туралы айтты."2023 жылдың желтоқсанында жауын-шашын көп болды, қар жаумады. Судың барлығы жерге жиналды. Біз күтпеген жерден су тасқыны болуы мүмкін деп болжап отырмыз. Ақпанның аяғында оңтүстік облыстарда, наурыз айында солтүстік облыстарда тасқын болуы ықтимал. Барлық дайындық жүріп жатыр, барлығын көктемде көре жатармыз", – деді Шыңғыс Әрінов.Төтенше жағдайлардың алдын алу басқармасының басшысы Рустамбек Әмриннің айтуынша, "Қазгидрометтің" болжамы бойынша су тасқыны қаупі жоғары аймақтарға Ақмола, Ақтөбе, Алматы, Атырау, Шығыс Қазақстан, Батыс Қазақстан, Қарағанды, Қостанай, Солтүстік Қазақстан, Түркістан облысы, Абай және Ұлытау облыстары кіреді.Тәуекел деңгейі орташа аймақтарға Жетісу облысы, Жамбыл және Павлодар облыстары жатады.Тәуекел деңгейі төмен өңірлер – Маңғыстау және Қызылорда облыстары.<blockquote>"Топырақтың қату және ылғалдық көрсеткіштері бойынша осындай болжам бар. Бірақ бұл – алдын ала болжам. Қазгидромет алдағы күні нақты болжамды жариялайды", – &nbsp;деді Рустамбек Әмрин.</blockquote>Фото: Нұрболат Нұржаубай

Су тасқыны қаупі жоғары аймақтар аталды: Қызылордаға қауіп бар ма?

<a href="https://kyzylorda-news.kz/">Kyzylorda-news.kz</a>&nbsp; Ақтөбе облысы аумағындағы ауа райының қолайсыздығына &nbsp;орай республикалық маңызы бар «Самара-Шымкент» автомобиль жолының 1240-1357 шақырымы аралығы толықтай жабық. Аудандар тұсында көлік қозғалысы тоқтатылып, жолда қалған адамдарға тиісті көмек көрсетілуде. Арал, Қазалы, Қармақшы, Жалағаш, Сырдария, Жаңақорған, Шиелі аудандары мен Қызылорда қаласының әкімдігі жолаушыларды орналастырып, қажетті азық-түлік пен дәрі-дәрмектермен қамтамасыз етуде.Еске салсақ, «Арал-Ақтөбе» жолының жабылуына байланысты Қызылорда облысындағы кемпингтерде &nbsp;2636 автокөлік (2085 ауыр жүк көлігі, 532 жеңіл автокөлік, 19 жолаушылар көлігі), 4410 жолаушы тоқтаған. Осыған байланысты қала және аудан әкімдіктері жол бойы сервистік кешендерінде азық-түліктің, жанар-жағар май, газдың &nbsp;жеткілікті болуын, ал облыстық кәсіпкерлік және өнеркәсіп басқармасы Арал, Қазалы аудандарындағы май және газ құю бекеттерінің бағаны негізсіз өсірмеуін, жеткілікті деңгейде босатылуын қатаң қадағалауда.Облыстық білім, спорт, мәдениет басқармалары жолаушыларды жақын маңдағы жатақханалар, спорт кешендеріне, клубтарға орналастыру мүмкіндіктерін қарастыруда. Облыстық денсаулық сақтау басқармасы жедел жәрдем қызметінің үздіксіз жұмысын үйлестіруде.Полиция басқармалары &nbsp;жолаушылар орналасатын аумақтарға кезекшілік &nbsp;ұйымдастыруда.Жолаушылар ыстық тамақпен, тағы да басқа тұрмыстық заттармен қамтамасыз етілді. Қосымша дәрі-дәрмек және медициналық көмек көрсетілуде. Барлық кешендерде азық-түлік, дәрі-дәрмек және ауыз су &nbsp;жеткілікті.Жол бойындағы жағдай аймақ басшысы Нұрлыбек Машбекұлының тұрақты бақылауында.

Қызылорда облысында жолда қалып қойған жолаушыларға көмек көрсетілуде

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы Қазалы ауданындағы 3-мектептің оқушыларына мерзімі өтіп кеткен сүт өнімдері берілген, – деп хабарлайды 24kz.Білім беру ұйымдарындағы салғырттықты прокурорлар әшкереледі. Оқу-ағарту саласына тексеріс жүргізген құзырлы орган өкілдері бұдан бөлек біраз былықтың бетін ашты. Мәселен, Сырдария ауданындағы мектеп асханаларында арнайы сертификаты жоқ адамдар жұмыс істеген.Тиісті құжатсыз медициналық қызмет көрсеткен мамандар Қызылорда қаласының 5-мектебінен де анықталды. Емдеу бекеттерінің талапқа сай болмауы салдарынан өткен жылы мың жарым оқушы міндетті профилактикалық тексеруден өткізілмеген. Одан бөлек, мектеп директорлары конкурс жарияламай лаборант, ассистент ретінде 50-ден астам адамды қызметке алған.Аймақ прокурорлары сондай-ақ жалған дипломмен жұмыс істеп келген мұғалімдерді анықтады. &nbsp; &nbsp; &nbsp;<blockquote>«Бұл деректердің барлығы бойынша қадағалау актілері енгізілді. Жалған дипломмен жұмыс жасау фактілері бойынша бүгінгі таңда тергеп-тексеру амалдары жүргізілді. Тексерудің нәтижесі облыс әкімінің төрағалығымен үлкен кеңейтілген мәжілісте қаралып, талқыланды. Оның шешу жолдары алдағы уақытта болдырмау бағытында жол картасы әзірленіп, қазір бекітілуге ұсынылды», – деді облыс прокурорының орынбасары Нұрболат Дүйсенбаев.</blockquote>

Қызылорда облысында мектеп оқушыларына мерзімі өткен сүт өнімдері берілген

Kyzylorda-news.kz. Түркістанда екі баласын өлтірген әйелге байланысты тың деректер пайда болды. Ол білім беру ұйымында 10 жылдан бері жұмыс істеп келген. Бұл ақпаратты Қызылорда облыстық білім басқармасының басшысы Асқарбек Есжанов растады, деп хабарлайды Dalanews.kz.Есжановтың айтуынша, балаларын өлтірді деген күдікті ешқандай диспансерлік есепте тұрмаған. Әріптестерімен, ата-аналармен және оқушылармен қарым-қатынасы жақсы болған.<blockquote>“Түркістанда болған балалар өліміне қатысты күдікті Шиелі ауданындағы білім беру ұйымында 2014 жылдан бері мұғалім қызметін атқарып келген. Оқиға болған 7 ақпан күні мектеп әкімшілігіне ескертпестен жұмысқа бармаған. Мектеп әкімшілігі күдіктінің ұжым, ата-аналар және оқушылармен тіл табысуы, жайлы мінезімен ерекшеленгенін айтады” - дейді басқарма бссшысы.</blockquote>Сонымен қатар ол педагогикалық қызметінде балаларды оқыту мен тәрбиелеуде бірқатар жетістікке жеткенін де алға тартты.<blockquote>“Тиісті алғыс хаттармен марапатталған. Әріптестерінің айтуынша, мінезінде ешқандай ауытқу болмаған. Өзі толыққанды отбасы, ата-енесі, жұбайымен бірге тұрған. Қазір ішкі істер органдарында бұл бойынша қылмыстық іс тіркелген. Қорытындысы тергеу амалдарынан кейін белгілі болады, - деді басқарма басшысы.</blockquote>

Екі баласын өлтірген әйел туралы басқарма басшысы тың дерек айтты

<a href="https://kyzylorda-news.kz/">Kyzylorda-news.kz</a>&nbsp; "Тракторист" әнімен танылған Арман Әлиев жаңа қызметке орналасты деп хабарлайды Казинформ.Түркістан облысы мәдениет және туризм басқармасы басшысының бұйрығымен Әлиев Арман Махмұтұлы Райымбек Сейтметов атындағы Түркістан қаласы сазды-драма театрының директоры міндетін атқарушы болып тағайындалды. Жаңа қызметіне тағайындалған мекеме басшысын театр ұжымына облыстық мәдениет және туризм басқармасы басшысы Әзімхан Қойлыбаев таныстырды.Әлиев Арман Махмұтұлы 1978 жылы 25 қарашада Қызылорда облысының Шиелі ауданы, Гигант аулында дүниеге келді.1999 жылы М.Әуезов атындағы Оңтүстік Қазақстан мемлекеттік университетін «Режиссура, актерлық өнер» мамандығы бойынша бітіріп, «театр ұжымының жетекшісі, менеджері және арнайы пәндердің оқытушысы» біліктілігін алды.2013 жылы М.Сапарбаев атындағы Оңтүстік Қазақстан гуманитарлық институтын «Құқықтану» мамандығы бойынша бітіріп, «заңгер» біліктілігі алды.Қазақ эстрада өнерінің танымал өкілі, эстрадалық әзіл әндер орындалған 2 ән жинағы жарық көрген. Бірнеше қазақ киносында рөлдер сомадаған актер, халықаралық деңгейдегі цирк өнері фестивальдарының қазылар алқасының тұрақты мүшесі.Арман Әлиев көпшілікке «Тракторист» әнімен танымал. 2000 жылдары шыққан ән тыңдарман жүрегінен орын алған.Фото: Kazinform

Арман тракторист Райымбек Сейтметов театрына басшы болып тағайындалды

Kyzylorda-news.kz. Облыс әкімі Нұрлыбек Нәлібаев Мемлекет басшысының тапсырмаларын орындауға арналған мәжілісте &nbsp;агроөнеркәсіп кешенін дамыту және су ресурстарын үнемді пайдалану туралы айтты.«Мемлекет тарапынан жыл сайын аграрлық саланы қолдауға қомақты қаржы бөлініп, ауыл шаруашылығы қарқынды дамуда. Дегенмен, су тапшылығы жылдан-жылға күрделі мәселеге айналып барады. Оны Мемлекет басшысы да атап өтті. Сондықтан, егіс алқаптарын әртараптандыру үшін негізгі дақыл – күріш көлемін біртіндеп тұрақтандырып, суды аз қажет ететін майлы, жемшөп және бақша дақылдары егісін көбейтуіміз қажет. Жыл сайын ауыл шаруашылығы құрылымдары күріш көлемін ұлғайтудан бас тартпай, әртараптандыруға мән бермей келеді. Биыл оған жол берілмеуі керек. Себебі, біз алдағы 5 жылда күріш алқаптарын 89 мың гектардан 72,2 мың гектарға дейін қысқартамыз. Орнына майлы дақылдар егісін 5,8 мың гектарға, мал азықтық дақылдарды 78 мың гектарға, картоп, көкөніс, бақша дақылдарының егіс көлемін 23,4 мың гектарға жеткізу жоспарлануда», &nbsp;– деді аймақ басшысы.Сондай-ақ, суды үнемдейтін озық технологияны енгізуді жеделдетіп, оны қолдану аясын алдағы 5 жылда 24,2 мың гектарға жеткізу міндеті қойылды. Бүгінде осы технологиямен 9 мың гектарға жүгері және мал азықтық дақылдар егу бағытында инвестициялық жобалар белгіленуде. Қала және аудан әкімдеріне осы &nbsp;жобаларды сүйемелдеу арқылы нақты іске асырылуын қамтамасыз ету тапсырылды. Суды бөлу мен есепке алудың заманауи жүйелерін автоматтандыруды өндіріске енгізу су шығынын азайтуға мүмкіндік береді. Австралиялық «Rubicon water» компаниясының «Сол жағалау магистралды каналының бойындағы ішкі шаруашылық және тарту жүйелерін жаңғырту мен автоматтандыру» тәжірибесін енгізу бойынша жұмыстар басталды.Су үнемдеудің негізгі жолы – жерді нөлдік лазерлік тегістеу. Бұл жұмысты ірі шаруашылықтар қолға алғанмен, ұсақ шаруашылықтар әлі де кіріспеген. Өзен суымен қатар жерасты суын да егістікке пайдаланудың жолдарын қарастыру керек. Бұл ретте, Түркістан облысының тәжірибесін өндіріске енгізу мақсатында өңірдегі жерасты суы қоры зерттелмек.Мемлекет басшысының жалпы өнім көлемін 2 есе арттыру міндетін орындауда биыл «Ауыл аманаты» және «Солтүстік Қазақстан облысы тәжірибесі негізінде жеңілдетілген несие беру» бағдарламалары бойынша қаржы қаралды. Бұл қаржы өңірдегі ауыл шаруашылығы жобаларын іске асыруға бағытталған. Облыстық ауыл шаруашылығы және жер қатынастары басқармасына қала және аудан әкімдерімен бірлесіп, инвестициялық жобаларды тез арада нақтылап, 15 күн ішінде ұсыныс беру тапсырылды.

Нұрлыбек Нәлібаев: Су тапшылығы жылдан-жылға күрделі мәселеге айналып барады

<a href="https://kyzylorda-news.kz/">Kyzylorda-news.kz</a>&nbsp;Шымкентте такси жүргізушісімен жанжалдасқан әйел – Гүлжанар бұл оқиғадан кейін оның таққан орамалына және жалпы дінді ұстанатын адамдарға жағылған күйе туралы айтты, - деп хабарлайды Massaget.kz тілшісі.<blockquote>"Орамалға, дінге, намазға тиісетіндер болады. Мен осы жағдайда жай ғана себепкердің бірі болып қалдым. Мен соған да қатты жүрегім ауырды. "Орамалдағыларға жаман ат келтірдім" деген сияқты. Енді келтіргенін, келтірдім ғой. Бір себепкер болдым. Маған намазхан қыздар да, имамдар да жазды. Былай ғой, мына орамалды мен өзім үшін, Алла разылығы үшін кидім. Біріншіден, мен енді намазда жүргеннен кейін, дінді кішкене зерттеп, білім алып жүргеннен кейін "Ақыретке дейін осы орамалым болсын" деген ниетте кидім", - деді ол Syr Podcast-қа берген сұхбатында.</blockquote>Ол сонымен бірге басқа орамалдағы қыздар өздері үшін киюі керек екенін және өзгенің орамалына жауап бермейтінін айтты.<blockquote>"Дінге тиісетіндер, орамалға тиісетіндер бола береді. Менен кейін де пайда болады, себепкерлер де болады. Мен жай ғана себепкер болып қалдым. "Орамалдағы адамның ашуы жоқ, жыны шықпайды, ойбай, пәк, идеал деген сөз емес. Дін мына киіммен шектелмейді, дін біліммен, көркем мінезбен шектеледі (өлшенеді - шамамен). Енді көркем мінез дегенде, осы жерде "Сен ақыры көркем мінезді, басқаны біліп тұр екенсің, "Неменеге ондай сөздер айттың?" деп хейт кетуі мүмкін. Тағы да айта кетемін, мен басында үш рет ескерттім. Шариғат, дін бойынша мұсылман бауырың болғаннан кейін үш рет ескертесің. 15 минут бойы қырылдым деп айттым ғой. 15 минут емес, қанша рет ескерттім. Дұрыс па? Ескерту болмады емес, Алланың алдында болды. (...) Ол кісі мен орамалда болғаннан кейін көбірек тиісті, ашуы көбірек шықсын деді. Сол себепті шықты. Ескертпедім емес, ескерттім. Ескерткеннен кейін барып, менде ашу шықты. Мен адаммын, эмоциям бар", - деді Гүлжанар.</blockquote>Ол ескертуден кейін такси жүргізушісі өзін боқтаған кезде "Сабыр, сабыр" деп отыра алмағанын айтты.

Таксистпен жанжалдасқан әйел: Орамалдағы адамның ашуы жоқ, пәк, идеал деген сөз емес

Kyzylorda-news.kz. ҚР Премьер-министрі Олжас Бектеновтің төрағалығымен өткен мәжілісте Мемлекет басшысының Үкіметтің кеңейтілген отырысында берген тапсырмаларының орындалуы талқыланды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, мән-жайды нақтылап, тиісті тапсырмалар берді. Аймақ басшысы бюджет және салық саясатының тиімділігін барынша арттырудың маңыздылығын атап өтіп, қажетті шаралар қабылдауды міндеттеді.<blockquote>«Мемлекет басшысы Үкімет пен әкімдерге инвестиция тарту бағытындағы жұмысты жандандыруды тапсырды. Біз соңғы 2 жыл қатарынан инвестиция индикаторын артығымен орындадық, биыл да алдымызға ауқымды міндет қойдық. Былтыр өңірімізде негізгі капиталға тартылған инвестиция көлемі 486,5 млрд. теңгені құрап, жоспар 62 млрд. теңгеге артық орындалды. Биылға бекітілген индикатор 517,5 млрд.теңгені орындауға жұмыс жасауымыз қажет. Президент бюджет қаражатымен шектелмей, инвестиция тартуға қажетті біртұтас экожүйе қалыптастыруды және инвесторларға «бір терезе» қағидатымен жан-жақты қолдау көрсетуді міндеттеді. Облыста отандық және шетелдік инвесторлардың жобаларын сүйемелдеу, туындаған мәселелерін шешу, тартылатын инвестиция көлемін арттыру бағытындағы жұмыстарымен облыстық кәсіпкерлік және өнеркәсіп басқармасы, «Бизнеске арналған Үкімет» мекемесі, «Байқоңыр» әлеуметтік-кәсіпкерлік корпорациясы, «Қызылорда даму орталығы» айналысуда. Осы мекемелерге шетелден, басқа өңірлерден және жергілікті инвесторларды тарту бойынша нәтижелі жұмыс жасауды тапсырамын», – деді Нұрлыбек Машбекұлы.</blockquote>Жиында мемлекеттік сатып алу, мемлекет пен жекеменшік серіктестігі, құрылыс саласын реттеу жүйесін реформалау да айтылды. Өңірде мемлекеттік-жекеменшік әріптестік механизмі әлеуметтік салада кеңінен қолданыста. Құны 17,1 млрд. теңгені құрайтын 63 жобаның келісім-шартына қол қойылды. Ендігі кезекте, мемлекеттік-жекеменшік әріптестік механизмін инновациялық, халықтың өмір сүру сапасын жақсартатын және мемлекеттік қызметтерді көрсетуге бағытталған жобаларға пайдаланған жөн.Мемлекет басшысы Үкіметтің кеңейтілген мәжілісінде елімізді экономикалық-әлеуметтік дамыту ісінде маңызды рөл атқаратын құрылыс саласына арнайы тоқталғаны белгілі. Бүгінгі күні Сыр өңірі қарқынды құрылыс алаңына айналғанымен, жұмыс барысында кейбір заңнама және норматив талаптары құрылысты жоспарлау мен жүргізу процесіне кедергі келтіреді. Бұл өз кезегінде құрылыс уақытының созылуына және сапасының төмендеуіне әкеледі. Осыған байланысты, жауапты сала басшыларына &nbsp;«Қала құрылысы туралы» кодекс жобасын қайта қарап, сапалы ұсыныстар енгізу тапсырылды.Мұнан бөлек, жиында аймақ басшысы &nbsp;өндірістің дамуына тың серпін беру, шағын және орта кәсіпкерлікті дамыту, суармалы суды үнемдеу технологияларын енгізу, &nbsp;коммуналдық-энергетикалық секторды жаңғырту жөнінде бірқатар тапсырма берді. Көлік-логистикалық әлеуетті арттыру, экономиканы цифрландыру, медицина инфрақұрылымын дамыту бойынша да алдағы жұмыстың бағыт-бағдары айқындалды.Мәжіліс соңында облыс әкімі Мемлекет басшысы берген тапсырмаларды орындауға қатысты жоспарды уақытылы зерделеп, бір аптада нақты ұсыныстар беруді міндеттеді. Ұсыныстарды әзірлену сатысындағы «2024-2028 жылдарға арналған Қызылорда облысының әлеуметтік-экономикалық дамуының кешенді жоспары» жобасына енгізу қажет. Облыстық экономика және қаржы басқармасы салалық басқармалармен бірлесіп, Мемлекет басшысының &nbsp;тапсырмаларын орындау бойынша өңірлік іс-шаралар жоспарын әзірлеп, бір апта ішінде бекітуге енгізуі тиіс.

Қызылорда: Соңғы 2 жыл қатарынан инвестиция индикаторы артығымен орындалды

<a href="https://kyzylorda-news.kz/ru">Kyzylorda-news.kz</a>. Қызылорда қаласында жол-көлік апаты болып, үш адам қайтыс болған деп хабарлайды Kyzylorda news ақпарат агенттігі.9 ақпан күні сағат 18:55 шамасында Қызылорда қаласы Полиция басқармасының жедел «102» арнасына хабарлама түскен. «Лада 21099»» және «Камаз» маркалы автокөліктер соқтығысып, жол-көлік оқиғасы болған.Салдарынан үш адам оқиға орнында қаза тауып, бір адам дене жарақаттарымен ауруханаға жеткізілді.Аталған дерек бойынша тергеу жүргізілуде. Оқиғаның мән-жайы анықталуда.

Қызылорда қаласында жол-көлік оқиғасынан үш адам көз жұмды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a>&nbsp; Ғылымдағы әйелдерге қолдау көрсетуге бағытталған бұл мереке 2015 жылдан бастап атап өтіледі. Мереке қарсаңында Өңірлік коммуникациялар қызметінің ақпарат алаңында Қорқыт ата атындағы Қызылорда университетінің нәзік жанды ғалымдары өз жетістіктері туралы сөз қозғады.</h4>&nbsp;<blockquote>Қазіргі таңда Қорқыт ата атындағы Қызылорда университетінде 27 ғылыми жоба орындалуда. Оның ішінде 17-сі ҚР Ғылым және жоғары білім министрлігі тарапынан қаржыландырылған гранттық жобаға жатады. Ал, су тапшылығы және су мәселесі бойынша 1 жоба жүзеге асса, әртараптық ұйымдардың тапсырысымен келісім шарт негізінде 4 жоба жүріп жатыр. Сонымен қатар, университеттің екі ғалымы халықаралық жобаларға қатысуда. Осы ғылыми жобалардың жалпы жетекшілерінің саны 24 болса, оның 7-еуі, яғни, 30 пайызы нәзік жанды ғалымдарды құрайды. Айта кету керек, бұл ғылыми жобаларды орындау үшін университеттің 170 ғалымы тартылды. Ал, ол жобалардағы әйелдердің саны - 88. Жалпы, біз ғылым-білім саласында жүрген азаматтарды ер, әйел деп бөлмейміз. Десе де, статистикалық мәліметке көз жүгірткенде ғылымда әйелдердің үлесінің мол екенін байқадық, - дейді Қорқыт ата атындағы Қызылорда университетінің Басқарма мүшесі - Ғылыми жұмыстар және халықаралық байланыстар жөніндегі проректоры Майнұр Бөрібаева.</blockquote>Ғылыми жобаларға міндетті түрде білім алушылар да қатысады. Мұндағы мақсат - университет студенттерін ғылымға баулу, жас шәкірттерді тәрбиелеу. Олар сол жобалар арқылы өз зерттеулерін бастап, әрі қарай үлкен ғылым жолына бет бұрады. Ал, бұл білім алушылардың 62 пайызы әйел адамдардан тұрады.&nbsp;<blockquote>Менің ғылым саласына бет бұрғаныма 26 жыл болды. Бұл жолды бастауыма себепкер болған ең басты адам - менің ұстазым еді. Мен 2006 жылы Қызылорда облысы бойынша алғаш рет толық селектор әдісін ұйымдастырдым. Сол жылдардан бастап бүгінгі күнге дейін “Сыр аруы”, “Қымбат”, “Сымбат”, “Құралай”, “Қайсар” атты жаздық арпа сорттарын және “Зарина” деп аталатын бидайдың сортын шығардым. Жалпы, әр ғалым бір сортты шығару үшін кемі 15 жылға жуық уақытын жұмсайды. Ол біздің туған перзентіміз іспеттес болғандықтан, олардың атын қойған кезде де ерекше мән береміз.Қазіргі таңда бізде су тапшылығы мәселесі көп талқылануда. Ал, біздің аймақ суды көп қажет ететін күріш өнімін өте көп өсіреді. Бүгінде күріш егуді азайту керектігі жөнінде де сөз қозғалып жатыр. Сондықтан мен суды аз талап ететін арпа, бидай өнімдерін көп егуді ұсынар едім. Олар наурыз айында егіледі де шілдеде басталмай тұрып толық пісіп болады. Мұндай дақылдардан жылына екі рет өнім алуға болады, - деді Қорқыт ата атындағы Қызылорда университетінің аграрлық технологиялар кафедрасының профессоры, ауыл шаруашылығы ғылымдарының докторы Лаура Тохетова.</blockquote>Фото: Өңірлік коммуникациялар қызметі

11 ақпан - ғылымдағы әйелдер мен қыздардың халықаралық күні

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> "Серпін" мемлекеттік бағдарламасымен жоғарғы оқу орнын бітіргендер міндетті тәжірибені өтемей жүр. Сенат депутаттары дабыл қағып, премьер-министрге ұсыныс хат жолдаған. "Серпіннің" көңіл серпілтпейтін мәселесі туралы <a href="https://sputnik.kz/">Sputnik Қазақстан</a> тілшісі сұрап білді.</h4>Бұл игі бастама бойынша бүгінгі таңда 9 облыстың 25 жоғары оқу орнында маман даярланып жатыр. Әу баста "Серпін" бағдарламасы жастарды қолдау үшін ойлап табылған. Мемлекет қаражатына тегін білім алып, бірақ өз тәжірибе-міндетін түлектер орындау керек. Яғни, жұмыс күші тапшы аймақтарға барып еңбек ету керек. Бірақ жобаның соңы сұйықтала бастаған. Сенат депутаттары мәселені айтып, дабыл қағып жатыр.<blockquote>"Жоба қатысушылары үшін жоғары оқу орындарына түсу кезінде мемлекеттік тапсырыстың жалпы көлемінің 5%-і мөлшерінде қабылдау квотасы көзделген. Өткен жылдарда бұл көрсеткіш 10%-ті құрап, жобаны жүзеге асыру барысындағы жіберілген кемшіліктер салдарынан жыл санап солтүстік өңірлерде оқығысы келетін жастар саны азайып барады", - дейді сенат депутаты Әлішер Сатыбалдиев.</blockquote>Әсіресе, бағдарлама түлектерін жұмысқа орналастыруға кепілдік берілген орындардың болмауы, облыс әкімдіктері мен жұмыс берушілердің жоғары оқу орындарымен жұмысқа орналастыру мәселелері бойынша әлсіз өзара іс-қимылы, жоба қатысушыларының басында тұрғын үйдің болмауы секілді мәселелер жастарға тосқауыл болып тұр.Депутаттардың айтуынша, тіпті бүгінгі таңда "Серпін" бағдарламасының ресми сайты да жұмыс істеуін қойған."Білім беру саласындағы уәкілетті органның операторы ретінде "Қаржы орталығы" АҚ белгіленген. Бұл қауымдастық "Серпін" бағдарламасы түлектерінің жұмысқа орналасу көрсеткішіне мониторин жүргізген. Орталық мәліметі бойынша 2020-2022 жылдар арасында 8948 адам ЖОО тәмамдаған. Өкінішке қарай солардың 35,7%, яғни 3 200 жас маман міндеттемені орындамаған", - делінген депутаттық сауалда.Тіпті "Қаржы орталығы" АҚ операторы оқуға жұмсалған бюджет қаражатын өндіріп алу мақсатында сол 3 200 адамға сотқа дейінгі талап арыз түсірген. Олардың 1982-і бойынша дауды сотқа дейін шешу жұмысы жүріп жатыр. 603 адамға қатысты талап арыз беріліп, тағы 534-імен сот орындаушылары жұмыс істеп жатыр, 78 адамға сот шешімі шыққан.<blockquote>"Бағдарлама аясында қолына дипломын алған әр үшінші түлектің бұлайша сотқа тартылуына жұмыс таппай, баспана мәселесін шеше алмауы себеп. Көп жағдайда жолдама берілген мекемелерде шын мәнінде ол жұмыс орындары жоқ болып шығады. Басқа мекемелер жұмыс өтілінсіз қабылдамайды. Қабылдаса да 80-90 мыңнан жоғары жалақы төленбейді. Жатақханадан шығарылған, 100-120 мың теңгеге баспана жалдауға мәжбүр болған жастарға өз ауылдарына қайтудан өзге амал қалмай отыр. Салдарынан онсызда еңбек күше артық жерлердегі жұмыссыздар қатары өсті", - дейді депутаттар.</blockquote>Республика бойынша бағдарлама аясында мамандық иемденгендердің 4191-і жұмыспен өтеу міндетінен босатылған. Бұл жеңілдікке тұрмыс құрып, өзге өңірге кеткен немесе балалы болған әйелдер мен магистратураға түсіп кеткендер қол жеткізген.<blockquote>"Сотқа тартылмаудың басқа жолы - жеке кәсіпкер ретінде тіркеліп, немесе өзге нысандармен келісіп, ай сайынға зейнетақы төлемдерін салу. "Серпін" бағдарламасы қатысушыларының айтуынша, оларға жауапты тұлғалар зейнетақы қорына жүйелі түрде төлем жасай отырып міндеттемені өтеуді ұсынған. Көп жастар осы тәсілді пайдаланып, шын мәнінде мейрамханаларда даяшы, сауда орындарында сатушы, жүк тасушы және сол сияқты жұмыстармен айналысып жүр", - делінген депутат жолдауында.</blockquote>Бұл ретте ғылым және жоғары білім министрлігі мен еңбек және халықты әлеуметтік қорғау министрлігі арасында, сондай-ақ жергілікті әкімдіктер мен ЖОО арасында байланыс тиісті деңгейде емес, дейді халық қалаулылары. Еңбек және халықты әлеуметтік қорғау министрлігі мен облыс әкімдіктерінің мәліметі бойынша өз міндеттемесін орындамаған бітірушілердің саны бұдан әлде қайда көп.Бұл тұрғыда ғылым және жоғары білім министрлігінің де өз уәжі бар.<blockquote>"Бағдарламаны іске асыру кезінде 2014 жылдан 2023 жылға дейін республикалық бюджет есебінен жоғары білімді кадрлар даярлауға 41 272 грант бөлінді. Жұмысқа орналастырылып жатқандар бар. Бірақ жастардың басым бөлігі магистратурада білім алуды жөн көреді", - дейді ведомство.</blockquote>Сарапшылардың айтуынша жастар тарапынан да кететін олқылық көп, ол – ауылды жерде еңбек етуге ниеттің жоқтығы. Оқу бітірген жас маманның басым көпшілігі қалада қалуды жөн көреді.Фото: Нұрболат Нұржаубай&nbsp;

Депутат: "Серпін" арқылы оқығандар жүк тасып, даяшы болып жүр

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Алаяқтар "Қазақстандықтарға 100 мың теңге төленетіні" туралы фейк ақпаратты тағы да тарата бастады.</h4>Facebook-те қазақстандықтарға мемлекеттен 100 мың теңге мөлшерінде өтемақы төленетіні туралы жарнамалық ақпарат тағы да шықты, - деп хабарлайды Arnapress.kz тілшісі <a href="https://stopfake.kz/kk/archives/21869">stopfake.kz</a>-ке сілтеме жасап.Яғни, бұрын төленген қаражат қайтарылады, бірақ қандай қаржы екені нақтыланбайды. Бұл хабарландыру – фейк.Бұл белгілі алаяқтық схема. Адамдардың ақшалай қаражатына қол жеткізу үшін алаяқтар Facebook-те Қазақстан Республикасы Қаржы министрлігінің атынан парақша ашқан. Онда ведомство жаңалықтары да, пайдалы ақпарат та жоқ.ҚР Қаржы министрлігінің ресми сайтында әрбір қазақстандыққа 100 мың теңгеден өтемақы төленетіні туралы ақпарат жоқ. Ведомствоның Faceebok және Instagram әлеуметтік желілеріндегі ресми парақшаларында да мұндай жаңалық жоқ.Жарнамада келтірілген сілтеме арқылы өткенде белгісіз сайт ашылады. Онда төлемді алу үшін өзіңіз туралы ақпаратты толтыру қажет. Осылайша, алаяқтар сеніп қалған пайдаланушылардың банктік шоттарындағы ақшаны ұрлау үшін жеке деректерді біліп алады.Адамдарды жаңылыстыру үшін алаяқтар жарнаманың астына пікірлер де жазған. Онда қазақстандықтар төлемдерді алғаны туралы айтқан. Алайда парақшаларды мұқият қарасақ, олардың бір күндік аккаунттар екенін түсінеміз. Бұл әдейі теріс пиғылмен жасалған. Парақшаларда белсенділік жоқ және бір-екі сурет қана бар.Демек, жарнаманы алаяқтар адамдарды алдау үшін шығарған. Тек тексерілген ақпарат пен ресми дереккөздерде орналастырылған хабарламаларға ғана сеніңіздер.Фото: Нұрболат Нұржаубай

Қазақстан және Қызылорда облысының жаңалықтары