Сот жүйесі заман талабына сәйкес үздіксіз жетілдіріліп келеді

<a href="https://ncuxolog.ru/pust-deti-igrayut-v-pesochnitse">ФОТО</a><a href="https://kyzylorda-news.kz/">Kyzylorda-news.kz.</a> Сәуір мен қазан айлары аралығында құм төселген орындар балалардың сүйікті ойын аландарының біріне айналатыны белгілі. Осыған байланысты, ата-аналарға әр аулада, әр мектепке дейінгі ұйымда болатын балалардың құм алаңқайы жұқпалы және паразиттік аурулардың көзі болуы мүмкін екенін еске саламыз. Ылғал құм патогендік бактериялардың көбеюін тудырады. Құм алаңқайын ластанудан және ылғалданудан қорғау үшін түнде және жауын-шашын кезінде жабу керек.<blockquote>«Санитарлық-эпидемиологиялық талаптарға сәйкес, жыл сайын көктемгі кезеңде мектепке дейінгі ұйымдар мен балалар үйлеріндегі ойын алаңдарында құм толық ауыстырылып отыруы қажет. Алдымен құм төселген алаңды қыс мезгілінде жиналған барлық қоқыстардан тазарту керек. Жаңадан әкелінетін құм паразитологиялық, микробиологиялық, санитариялық-химиялық, радиологиялық көрсеткіштер бойынша талаптарға сәйкес болуы тиіс», – дейді облыстық санитариялық-эпидемиологиялық бақылау департаменті басшысы Динара Жаңабергенова.</blockquote>Сонымен қатар, Қазақстан Республикасының қолданыстағы заңнамасының талаптарына сәйкес, мектепке дейінгі ұйымдардың әкімшілігі өндірістік бақылау шеңберінде жылына кемінде бір рет құм мен құмның астындағы топыраққа санитарлық-микробиологиялық және паразитологиялық зерттеулер (гельминттерді анықтау) жүргізуді қамтамасыз етуі тиіс екенін еске салады.Мамандар құм алаңындағы ойындар кезінде жағымсыз жағдайларды болдырмас үшін келесі қарапайым ережелерді сақтау қажеттігін айтады:• көшеден үйге оралғанда, баланың қолын мұқият жуу керек.• баланы ауыр аурулардан қорғау үшін барлық қажетті вакцинацияларды жасау;• егер баланың денесінде сызаттар болса, оларға инфекция түспеуі үшін жараны өңдеп, жапсырғышты қолданған жөн;• баламен далаға шыққанда сулы майлықтарды өзіңізбен бірге алып шығуды, құмда ойнаған кезде қалыптар, күрекше және басқа да заттармен қатар қолын да аузына салмауын қадағалау,• әр серуеннен кейін ойыншықтарын және аяқ киімін мұқият өңдеу.

Эпидемиологтар баланың құмда ойнауын қадағалауды ескертеді

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігі жанындағы әйелдер істері және отбасылық-демографиялық саясат жөніндегі аудандық комиссия отырысы өткізілді.Комиссия отырысын аудан әкімінің орынбасары Б.Ысмағұлов ашып беріп, отбасылық құндылықтарды насихаттау, елдің келешегі – балалардың аман, салауатты, білімді болып өсуіне кепілдік беру мақсатында түрлі бағытта жұмыстары туралы баяндады.Отбасы – ұрпақтар сабақтастығын жалғастыруда, адам бойындағы асыл қасиеттерді қалыптастыруда рухани – адамгершіліктің бастауы. Отбасының амандығы, толықтығы мен тыныштығы, ауызбіршілігі мен сыйластығы, үйлесімділігі – еліміздің дамуы мен жарқын болашағының көрінісі.Елімізде әр саладағы әйелдердің үлесін арттыру үшін мемлекет тарапынан қолдау шаралары да жүргізіліп келеді. Оған дәлел – Мемлекеттік маңызы бар құжат қоғам өмірінің барлық салаларында гендерлік теңдік қағидаттарын іске асыру мақсатындағы Қазақстан Республикасындағы 2030 жылға дейінгі отбасылық және гендерлік саясат тұжырымдамасы.Комиссия отырысының күн тәртібінде білім саласы бойынша жастар арасындағы ертежүктілік, суицид мәселелері, ерлердің әйелдерге қатысты күтілетін өмір сүру ұзақтығындағы гендерлік алшақтық, ана мен бала өлімінің алдын алу бойынша атқарылған жұмыстары, Керделі ауылдық округіндегі әйелдер кеңесінің атқарылған жұмыстары, әлеуметтік көмек алушылар бойынша атқарылған жұмыстары туралы айтылды.

Шиеліде отбасылық-демографиялық саясат жөніндегі аудандық комиссия отырысы өтті

<a href="https://kyzylorda-news.kz/">Kyzylorda-news.kz.</a> Жаңақорған аудан экономикасында өнеркәсіптің сипаты басым. Оған дәлел, бірнеше жыл бұрын инновациялық бағдарлама аясында «Қазатомпром» АҚ қарасты «Қызылқұм», «Байкен-U» және «СКЗ-U» ЖШС іске қосылды. Бүгінде өндіріс орындары әлеуметтік жауапкершілікті терең сезініп, ауданның әлеуметтік-экономикалық дамуына үлес қосып келеді. Бұл қатарға «Шалқия Цинк ЛТД» АҚ қосу керек. Бұған дәлел жеткілікті.&nbsp;Алдымен, салық түсімінен бастасақ. 2022 жылы аудан бюджетіне түсетін салықтық түсімдер 101,3 пайызға орындалса, оның ішінде 49,6 процентін өндіріс орындарының қаржысы құрайды. Бұл туралы толық мән-жайды Жаңақорған аудандық Мемлекеттік кірістер басқармасының басшысы Берік Ниеталиевтен білдік.<blockquote>«Аудандық салық жүктемесінің басым көпшілігі өндіріс орындарына тиесілі. Өткен жылы олардан аудандық бюджетке 1 244 199 000 мың қаржы құйылды. Жеке-жеке талдасақ, «БАЙКЕН-U» – 15,6 процентін, «Қызылқұм» ЖШС «Хорасан-І» кеніші – 20,9, «СКЗ-U» ЖШС – 9,9 және «Шалқия Цинк ЛТД» АҚ – 3,4 процентін құрайды. Өндіріс орындары салық төлеуге сергек қарап, уақытылы төлеп тұрады», – деді мекеме басшысы.</blockquote>Бұл аудан қалтасына құйылатын қаржының есебі. Одан бөлек облыс және республикалық бюджетке түсетін салықтың көлемі де кең. Демек, бұл мекемелердің тиімділігінің алғашқы тұсы осында. Ең бастысы, аудан экономикасының өсуіне септігін тигізіп жатқаны қуантады.Сондай-ақ, өндіріс ошақтары тұрғылықты жердегі ауыл халқының әлеуметтік мүмкіндігін арттыру мақсатында қайырымдылық шараларан жиі ұйымдастырып тұрады. Мәселен, «СКЗ-U» ЖШС ел экономикасына үлес қосумен бірге әлеуметтік жауапкершілікті де қатар алып келеді. Қайырымдылық, демеушілік шараларынан қалыс қалған кезі жоқ. Мәселен, 2012-2016 жылдары серіктестік бұл бағыттағы шараларға 32 млн. теңгеден астам қаржы бөлсе, биылдың өзінде «Жебеуші» қорына 2 млн. теңгеден астам қаржы аударды.Сондай-ақ, Кейден ауылында скважина қазып, ауыл тұрғындарын ауыз сумен қамтамасыз етіп отыр. Ауылдың аяқ су мәселесін шешуге де үлес қосты. Жұмысшыларының өміріне жауапкершілікпен қарайтын серіктестік басшылығы қызметкерлердің әлеуметтік жағдайына мән береді. Серіктестік болашақ мамандарды дайындауда да белсенділік танытуда. Бүгінгі күні кәсіпорын есебінен бірнеше студент жоғары оқу орнында, одан кейін колледждер де өндіріске қажетті мамандықтарды игеруде. Одан бөлек, жас мамандардың қызметке орналасуына, келешегіне шырақ жағуына үлес қосып келеді.Осы секілді «Байкен-U» ЖШС қайырымдылық шаралардан да кенде емес. Компанияның жергілікті өңірге әлеуметтік қолдау көрсетіп отырғаны Байгенже тұрғындарының тұрмысын түзейтіні ақиқат. Осыдан бірнеше жыл бұрын Жаңақорған ауданында Сырдария өзенінен өтетін көпірге толық қаржылай көмек көрсетілді. 2013 жылы Байкенже қонысында спорт алаңы салынды. Аудан балаларына Астанаға саяхаттауға ұдайы қаржылық қолдау көрсетілуде. 2014 жылы 50 орындық балабақшаның бой көтеруіне бастамашыл болды. Сонымен қатар компания көптеген мектептерге ұдайы қамқорлық қолын созып келеді. Соңғы жылдары ауданның жергілікті бюджетінің көлемін арттыруға компанияның қосқан үлесі айтарлықтай артты.<blockquote>«Қос өндіріс ошағының ауыл тұрғындарының әлеуетін арттыруда, мұқтаж жандарға көмек қолын созуына жағдай жасап жатқаны жасырын емес. әсіресе, қайырымдылық акцияларда тұрмысы төмен тұрғындарға қаржылай қолдау көрсетеді. Бұл да адам жанына нәр береді, сондықтан, осы байыпты бастама үзіліп қалмай, қайта үрдіс жалғасын табатынына сенімміміз мол. Соған жұмыс жасап жатырмыз», – деді Байгенже ауылдық округінің әкімі Нұрғали Оспанов.</blockquote>Иә, қайырымдылық – қазақ халқының ең ізгі қасиеттерінің бірі. «Жанашырлыққа – жан риза» дегендей әлеуметтік жағынан аз қамтылған балалардың жанашыр қамқоршысы болып, жүрек жылуын ұсынып, сауабы мол іске атсалысу әрбір жанның азаматтық парызы. Осындай азаматтық парыздың биігінен көрініп жүрген «Қызылқұм» ЖШС де дәстүрлі шараға демеушілік жасап, игі істің басы-қасында жүреді. «Мектепке жол акциясы» аясында жаңа оқу жылы қарсаңында аудандық білім бөлімінің ұйытқы болуымен өткен «Жүрек жылуы балаларға» атты шарада 100 оқушы мектепке қажетті құрал-жабдықпен қамтамасыз етілді. Қарттар күніне орай аудандағы әлеуметтік жағдайы аз қамтылған 50 ардагерге азық-түлік үйлестірілді. «Қарттарым асыл қазынам» тақырыбында ұйымдастырылған берекелі бастама жылда дәстүрлі жалғасын тауып келеді.<blockquote>«Ардагерлерді ардақтайық» жобасы болсын, басқа да акция аясында «Қызылқұм»БПҰ демеушілігімен әлеуметтік жағынан аз қамтылған отбасыларға көмек беріліп отырады. Біздің бір ауыз өтінішімізді жерде қалдырмай, әрдайым мұқтаж жандарға қол ұшын беруге асық, – деді «Нұр Отан» партиясы аудандық филиалы төрағасының бірінші орынбасары Мәжит Балқожаев.</blockquote>Еншісі бөлінбеген Шалқия кенті мен Құттықожа ауылында 510 отбасында 3100 адам өмір сүріп жатыр. Олардың дені Шалқия кенішінің шаруашылығы шалқыса деп тілейді. Қазіргі таңда мырыш пен қорғасын шығаратын кеніште 700 кенші еңбек етсе, оның 250-ге жуығы жергілікті тұрғындар. Міне, кеніш орнының тиімділігі осында. Одан бөлек кеніш басшылығы қайырымдылық шараларына, мекеде қызмет ететін тұрмысы төмен отбасыларға үнемі көмектесіп тұрады.Қорыта айтқанда, «Қазақстандықтардың әл-ауқатының өсуі: табыс пен тұрмыс сапасын арттыру» атты мемлекет басшысының Қазақстан халқына Жолдауында басты бағыт ретінде: «Экспортқа бағытталған индустрияландыру – экономикалық саясаттың орталық элементіне айналуы тиіс» деген болатын. Демек, өндіріс орындарының ел экономикасына тигізер пайда әлі де еселі деп білеміз...

Жаңақорған ауданында өнеркәсіп өркендеп тұр

<a href="https://kyzylorda-news.kz/">Kyzylorda-news.kz.</a> Технология дамыған сайын алаяқтық әдістері де жетілдірілуде. Алаяқтар күн сайын алдаудың барлық жаңа тәсілдерін ойлап табуда&nbsp;және олардың схемалары тек азаматтарға ғана емес, кәсіпкерлерге де бағытталған.Әрбір кәсіпкер&nbsp;алаяқтардан алдануды барынша&nbsp;азайту үшін білуі&nbsp;қажет мәселелерді&nbsp;FinGramota.kz-пен бірге қарастырайық.Фишинг пен&nbsp;бопсалаушы-бағдарламаларды пайдаланатын&nbsp;алаяқтықШағын бизнес үшін ең көп таралған және қауіпті алаяқтық – есепке алу жазбаларын ұрлап алу. Алаяқтардың электрондық хаттары әдеттегі құпия сөзді жаңарту сұратулары немесе басқа автоматты хабарламалар сияқты көрінуі мүмкін, бірақ бұл сіздің ақпаратыңызды ұрлау әрекеттері.Киберқылмыскерлер фишингтік электрондық хаттарды қаржылық ұйымдардың немесе мемлекеттік органдардың жалған веб-сайттарын қолдана отырып жібереді, ол хаттарда сіздің онлайн-аккаунтыңыз бұзылды немесе тексеріліп жатыр деп жазылады. Электрондық хаттағы сілтемені басу сізді фишингтік сайтқа апарады, ол көбінесе ресми сайттың дәл көшірмесі болып табылады. Алаяқтар зиянды бағдарламалар арқылы банктік онлайн-шоттардан идентификаторлар мен парольдерді алады, содан кейін олардан ақша алады.Кибершабуылдың тағы бір түрі – компанияның бастығы немесе басқа жоғары тұрған басшысы атынан қызметкерлерге конфиденциалды ақпаратқа шұғыл қол жеткізуді тапсыра отырып, фишингтік электрондық хаттарды жіберу. Бұл жағдайда алаяқтар психологиялық әдістерді қолдана отырып, басшылықтың беделін қолдана отырып, қызметкерге қысым жасайды. Қолжетімділікті қамтамасыз ету кезінде зиянды бағдарлама компанияның файлдарын бұғаттайды, содан кейін алаяқтар деректерді ашу үшін кәсіпкерден сатып алуды талап етеді.Алдын ала төленген алаяқтықАлдын ала төленген алаяқтықтың көптеген тәсілдері бар. Ең көп тарағандардың бірі, компания қызметкерлеріне алдын ала төлемді шұғыл түрде жіберуді талап ете отырып қоңырау шалу. Мысалы, көптеген компанияларда келіп түсетін сұратуларды бірнеше қызметкер қабылдай алады.&nbsp;Алаяқтар бұл фактіні алдымен бір қызметкерге, содан кейін екіншісіне хабарласу арқылы пайдалана алады. Оларға екінші адамға бірінші қызметкермен келісімшарт жасасқанын және алдын ала төлемді шұғыл түрде аудару керек екенін, әйтпесе өсімпұл болатынын айту оңай. Алаяқтар қауіп-қатерге дейінгі сендіру әдістерін қолданады және әдетте жәбірленушілер қарым-қатынас кезінде сенімін жоғалтады және олар келісімге келген болуы мүмкін және төлеуден басқа амалы жоқ деп санайды.Маркетплейс арқылы жасалатын алаяқтық&nbsp;Интернет арқылы онлайн-сатып алу күнделікті өмірде үйреншікті нәрсеге айналды: өзіңізге ұнайтын затты таңдап, онлайн ақы төлесеңіз жеткілікті, тауарды үйге жеткізіп береді немесе оны жақын жердегі постаматтан алуға болады. Кәсіпкерлер үшін маркетплейс өз тауарларын немесе қызметтерін e-commerce-нарық арқылы жылдам сатуды қамтамасыз ететін перспективалы бағыттардың бірі болып табылады. Кәсіпкерлер көбінесе отандық қана емес, сонымен қатар логистикаға бас қатырмай-ақ, тауарды бүкіл ел ішінде сатуға мүмкіндік беретін халықаралық платформаларды да пайдаланады.Адамдардың көпшілігі маркетплейске сенетіндіктен, алаяқтар оны пайдаланып қалуға тырысады. Алайда, маркетплейс көбінесе сатушы мен сатып алушы арасындағы делдал екенін есте ұстаған жөн.Алаяқтықтың осы түрін мынадай мысалдар арқылы түсіндіруге болады. Қаскүнемдер маркетплейсті жеткізушілерді зерттейді, тіркелмеген сауда маркаларын іздеп табады және оны өз атына тіркеуді ресімдейді. Әрі қарай олар кәсіпкерлермен байланысып, өз брендін пайдаланғаны үшін ақы төлеуді талап етеді, әйтпесе авторлық құқықты бұзғаны үшін сотқа жүгінетінін айтады.Тағы бір әдіс – маркетплейс әкімшілігінен қоңырау соғып тұрмыз деп алдау. Кәсіпкерлерге белгілі бір сомаға олардың тауарларын немесе қызметтерін ілгерілету үшін ерекше жағдайлар ұсынылады. Кәсіпкерлер ақша аударғаннан кейін, алаяқтар телефонды өшіреді.Сондай-ақ, алаяқтар кәсіпкерлердің электрондық пошталарына маркетплейстерде жұмыс істеу үшін көмекші қызметтерге сілтемелер жібере алады. Оларды пайдалану үшін жеке кабинетке кіру керек. Егер қаскүнемдер кабинетке кіре алса, онда оларды компания атынан басқа алаяқтық схемалар жасау үшін пайдалана алады.Жалған шоттар және талап етілмеген тауарлар&nbsp;Алаяқтар сіздің компанияңыз жиі қолданатын өнімдерге немесе қызметтерге, мысалы, жуғыш заттарға немесе кеңсе тауарларына жалған шот-фактуралар жасай алады. Алаяқтар сіздің жеткізушілеріңіздің кім екенін біле алады және олардың атаулары бар шоттарды бұрмалай алады, тек мүлдем басқа деректемелерді көрсетеді. Алаяқтықтың тағы бір түрі – сіз тапсырыс бермеген заттарды жеткізу. Сіздің компанияңызға қоңырау шалып, тапсырысты алу үшін мекенжайды растауды сұрауы мүмкін. Егер сіздің қызметкерлеріңіз «иә» деп жауап берсе, сізге тапсырыс берілмеген тауарды алып келеді. Мұндайда, тауарлар көбінесе сапасыз, ал бағасы нарықтық құннан әлдеқайда жоғары болады. Бұдан кейін алаяқтар белгілі бір уақыттан кейін шот шығарады. Егер де сіз төлеуден бас тартсаңыз, олар «дәлел» ретінде алдыңғы қоңыраудың жазбасын алға тартып, сотпен қорқытады.Алаяқтардың құрбаны болмас үшін келесі қауіпсіздік қағидаларын сақтаңыз:&nbsp;1. Жұмыс компьютерлеріне ең жаңа антивирустық бағдарламалар мен брандмауэрлерді орнатыңыз (керексіз кіруді бұғаттау үшін). Әрбір компьютерде маңызды бизнес деректердің резервтік көшірмесін жасауды әдетке айналдырыңыз.&nbsp;&nbsp;2. Электрондық пошталарда конфиденциалды ақпарат сұратылатын сілтемелерге, тіпті сіз бірлесіп бизнес жүргізетін компанияның өзі жіберсе де, өтпеңіз немесе тіркемелерге баспаңыз. Киберқауіпсіздікті қамтамасыз етудің осал тұсы – компания қызметкерлерінің цифрлық қауіпсіздіктің ең қарапайым қағидаларын білмеулері.&nbsp;&nbsp;3. Кіріс қоңыраулардың есебін жүргізіңіз, оның ішінде қоңыраудың түсу уақыты, күні, қоңырау шалушының аты-жөні және не жөнінде айтқанын тіркеп отырған абзал. Қызметті телефон арқылы бірден қабылдауға келіспеңіз. Жазбаша мәліметтермен және келісімнің толық талаптарының көшірмесімен танысуды талап етіңіз. Егер сізбен сөйлесіп отырған адам сізге бұл деректерді бере алмаса немесе бергісі келмесе, әңгімені дереу доғарыңыз.4. Маркетплейстің әкімшілігімен тек жүргізілген байланыс бойынша ғана байланысыңыз. Ешбір жағдайда ешкімге жеке кабинеттің деректерін бермеңіз. Қауіпсіздік үшін көп деңгейлі аутентификаттау жүйесін пайдаланыңыз. Өз өніміңіздің тауарлық маркасын тіркеңіз. Мұны «Ұлттық зияткерлік меншік институты» РМК (сараптамалық ұйым) веб-платформасында оңай жасауға болады.5. Бухгалтерлік бағдарламалық қамтылымды пайдаланыңыз, онда сіздің тұрақты өнім жеткізушілеріңіздің атауы мен деректемелері сақталуға тиіс. Тұрақты негізде күдікті және рұқсатсыз белсенділік тұрғысынан шоттардың теңгерімділігін тексеріп тұрыңыз.&nbsp; Алаяқтардың арандатуына берілмеңіз және Fingramota.kz-пен бірге қаржылық сауаттылығыңызды арттырыңыз!&nbsp;&nbsp;

Бизнесмендерді алдап ұстап алу: алаяқтар кәсіпкерлерді алдау үшін қандай схемаларды қолданады 

<a href="https://kyzylorda-news.kz/">Kyzylorda-news.kz.</a> Бүгін Қазақстан Халық партиясының Қызылорда облысы филиалының Төрағасы, облыстық мәслихат депутаты Қайрат Ерназаров «Қызылорда» Автобус паркі» мекемесінің жұмыс барысымен танысты. Кездесудің басты мақсаты – елді мекендердің аймақтық стандарттар жүйесін тиімсіз енгізу нәтижесінде облыстық әлеуметтік және көлік инфрақұрылымының мәселелері. Басқосуға облыстық мәслихат депутаты Әмірбек Шаймағамбетов, қалалық мәслихат депутаты Мақсат Жүсіп, «Қызылорда» Автобус паркі» мекемесінің басшылық құрамы қатысты.<blockquote>«Қазіргі кезде қалада қоғамдық көлік мәселелері күн тәртібінен түспей тұр. Қала тұрғындары үнемі әлеуметтік желі арқылы көтеріп, жергілікті басылымдар жарыса жазуда. Себебі қарапайым халықтың айтар уәжі мен шағымы көп. Мәселен, халық арасында қоғамдық көліктің жүру кестесі мен арақашықтықты сақтамауы, аузы-мұрнына толтырып адам мінгізуі көп талқылануда. Әрине, қоғамдық көліктің сапалы, уақытымен жүруі бәріміз үшін маңызды. Қазіргі кезде аталған мекемеде қандай жұмыстар атқарылып жатыр? Халыққа қызмет көрсету сапасы қандай? Әсіресе, қалаға қарасты ауылдық округтерде қоғамдық көлік мәселесі қалай шешілген? Сонымен қатар, электронды төлемге халықтың көзқарасы қандай? Зейнеткерлерге, көпбалалы аналарға, мүмкіндігі шектеулі жандарға, оқушыларға жеңілдіктер қарастыру мүмкіндігі бар ма?», – деді Қайрат Шаршыбекұлы.</blockquote>Кездесу барысында осы және өзге де мәселелер кеңінен талқыланды. Бүгінде қалаішілік жолаушылар тасымалына күнделікті 150 дана автобус қызмет көрсетуде. Қоғамдық көліктердің бағыттардағы қатынау аралықтары 12-15 минутты құрайды.<blockquote>«Соңғы кезде Қызылорда облысында қоғамдық көлік мәселесі оң шешімін тауып келеді. Мәселен, қазір қалаішілік 19 бағыт, сондай-ақ қосымша жүктелген «Ягодка», «ПМК-29» және «Қарауылтөбе» саяжайы бойынша қызмет көрсетуде. Қызылордалықтарға қоғамдық көлікке электронды төлем жасаудың 8 түрі ұсынылған. Жол көлік ережесін қатаң сақтау және жол көлік оқиғаларына жол бермеу мәселелері серіктестік басшылығының қатаң бақылауында. Біздің басты мақсатымыз – халықтың қауіпсіздігі мен сапалы жұмыс жүйесін қалыптастыру», – деді «Қызылорда» Автобус паркі» мекемесінің басшысы М.Жүсіп.</blockquote>Бүгінде Сыр өңірінің тұрғындарына 5 мекеме қоғамдық көлік қызметін ұсынады. Оның ішінде біреуі «Қызылорда» Автобус паркі» мекемесі болса, қалғаны жеке кәсіпкерлер. ҚХП ҚОФ Төрағасы Қайрат Ерназаров дөңгелек үстелден кейін «Автобус паркінің» жұмыс барысымен танысты. Атап айтсақ, диспетчерлік бөлімде автобустардың жұмысын бақылады. Сондай-ақ автобустарды жөндейтін цехтің жұмыс барысын көзбен көрді. &nbsp;

Партия төрағасы қоғамдық көлік жайымен танысты

<a href="https://kyzylorda-news.kz/">Kyzylorda-news.kz.</a> 15 мамыр - Халықаралық отбасы күніне орай Жалағаш ауданының әкімі Асқарбек Есжанов «Мерейлі отбасы» ұлттық конкурсының жеңімпаздарымен және көпбалалы аналармен кездесу өткізді.Аудан әкімі елімізде отбасы құндылықтары мен қазақ үшін қашан да киелі саналатын бір шаңырақ астында берекелі өмір сүрудің маңыздылығын насихаттауда орны ерекше тағылымды шара - «Мерейлі отбасы» ұлттық конкурсы екенін жеткізді.Айта кетейік, 2014 жылдан бастау алған бұл байқауға аудан бойынша 73 отбасы өтінім беріп, облыстық кезеңге 22-сі жолдама алды.«Мерейлі отбасы» ұлттық конкурсының облыстық іріктеу кезеңінің қорытындысы бойынша 2016 жылы Мәдениет ауылынан Мұстафаевтар отбасы І орын, Жалағаш кентінен Сүлейменовтер отбасы ІІ орын, 2017 жылы Аққыр ауылынан Ғаниевтар отбасы І дәрежелі дипломмен марапатталып, «Мерейлі отбасы» ұлттық байқауының Астана қаласында өткізілетін республикалық кезеңіне жолдама алса, Бұқарбай батыр ауылынан Нұрмағанбетовтер отбасы ІІІ орын иеленді. 2018 жылы Мәдениет ауылынан Тоқсановтар отбасы ІІ орын, 2019 жылы Бұқарбай батыр ауылынан Сәменовтер отбасы «Парасатты отбасы» номинациясымен, 2021 жылы Аққұм ауылынан Шуақбаевтар отбасы ІІІ орын, 2022 жылы Аққыр ауылынан Маштаевтар отбасы ІІІ орын, Еңбек ауылынан Бекниязовтар отбасы «Берекелі отбасы» номинациясымен және арнайы жүлде қорымен марапатталды.Өмірге ұрпақ әкеліп, оларды тәрбиелеп өсіруде үлгі өнеге болып жүрген «Алтын құрсақты» аналар қауымына аудан басшысы Асқарбек Есжанов алғысын білдірді.Бүгінде ауданда 1375 көп балалы отбасылар есепте тұрады. Көпбалалы ана, наградталғандар саны – 982. Оның ішінде 44 ана І және ІІ дәрежелі «Ана Даңқы» орденімен марапатталса, 40-ы Кеңестер Одағының «Батыр ана» атағына ие болған аналар, 297-сі &nbsp;«Алтын алқа», 601-і «Күміс алқа» иегерлері.2022 жылдың 9 ай қорытындысымен көпбалалы наградталған аналарға 179,2 млн теңге, көпбалалы отбасыларға 669,2 млн теңге мемлекеттік жәрдемақы төленген.<blockquote>«Бұл ауданымыздағы барлық аналарға көрсетілген көмек деп есептеймін. Жылдан-жылға еліміздің демографиясына өз үлесін қосатын отбасыларымыздың саны көп болсын деп тілейміз. Сонымен қатар, біздің аналарымыз мен арулар тек отбасының ғана ұйытқысы емес, олар бүкіл қоғамды алға сүйрейтін, елдің бірлігін күшейтетін, берекесін молайтатын аса қуатты қозғаушы күш», - деді Жалағаш ауданының әкімі.</blockquote>Кездесу барысында бірнеше көпбалалы аналарға Қазақстан Республикасы Президентінің Жарлығы бойынша «Алтын алқа» және «Күміс алқа» наградалары табысталып, аудан әкімі «Мерейлі отбасы» байқауының жеңімпаздарын құттықтады.

Жалағашта көпбалалы аналарға құрмет көрсетілді

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің төрт түлегі Италия мен Мажарстанның беделді жоғары оқу орындарында тегін білім алу мүмкіндігіне ие болды. &nbsp;Аида Даниярова Будапештегі Корвин атындағы университеті мен Обуда университетінде оқуға грант жеңіп алды. Бұл екі оқу орны деректер ғылымы мен электротехник секілді заманауи мамандықтар бойынша мамандар даярлайды. Мұнан бөлек Аида тағы он шақты шетелдік &nbsp;ЖОО-на құжат тапсырып, әртүрлі жеңілдіктермен оқуға шақыртулар алып отыр. &nbsp;&nbsp;«Stipendium Hungaricum» үкіметаралық бағдарламасы арқылы 100%-дық білім грантына ие болған жас түлек – Нұржан Бишенбек, ол Мажарстандағы 5 топ университеттің құрамына кіретін Debrecen University мен Budapest University-не азаматтық құрылыс мамандығы бойынша оқуға қабылданды. &nbsp;<blockquote>«Үміткерлерді таңдау екі кезеңді қамтыды. Алдымен «Болашақ» халықаралық бағдарламалар орталығының комиссиясымен сұхбаттасу өтті. Бұл арқылы болашақ мамандық бойынша білімім мен тілдік дағдыларым бағаланады. Келесі кезеңде грант тағайындайтын ұйымның іріктеу конкурсына қатыстым. Үш тілді жетік меңгеруім, әртүрлі деңгейдегі жобалардағы белсенді болуым және оқудағы орташа баллдың жоғары болуының арқасында оқуға қабылдандым», &nbsp;– дейді жас түлек.&nbsp;</blockquote>Нұржанның досы Нұрмұхаммед Оразбек те Дебреценнің ең ірі оқу орнынан шақырту алып, отбасын қуанышқа кенелтті. Оқу ақысын, ай сайынғы қаржылай көмек пен жатақханада орналасу мүмкінідігіне ие болған дарынды жас &nbsp;электротехник саласының қыр-сырын меңгеруді жоспарлайды. &nbsp;Сонымен қатар Нұрмұхаммед Түркия мен Қытайдың үздік ЖОО-на құжат жіберіп, нәтижелерін күтіп отыр. &nbsp; Камила Женисова дүниежүзіндегі ең ірі қауымдастық — &nbsp;«Утрехт желісі» құрамына кіретін &nbsp;және Италиядағы жетекші орында орналасқан Болонья университетіне &nbsp;«Экономика, саясат және әлеуметтік ғылымдар» бағдарламасы бойынша оқуға қабылданды. Айта кетейік, бұған дейін де Камилла ағылшын тілі деңгейін анықтайтын халықаралық IELTS емтиханынан жоғары 8 балл жинап, мектеп мерейін үстем еткен болатын.<img src="https://knadmin.beoblood.kz/uploads/347293349_596484555785274_7555471005488374777_n_d53d04e1cd.jpg" alt="347293349_596484555785274_7555471005488374777_n.jpg"><img src="https://knadmin.beoblood.kz/uploads/347422632_551413253817726_8531585871892150161_n_a1da16dc01.jpg" alt="347422632_551413253817726_8531585871892150161_n.jpg"><img src="https://knadmin.beoblood.kz/uploads/347414880_2619921461495933_1294851306866509916_n_6a84df8bc3.jpg" alt="347414880_2619921461495933_1294851306866509916_n.jpg"><img src="https://knadmin.beoblood.kz/uploads/347102734_798379931401045_2646201907031031398_n_6479aac3e7.jpg" alt="347102734_798379931401045_2646201907031031398_n.jpg">

Қызылордада бір сыныптың төрт оқушысы әлемдегі үздік университеттерге қабылданды

<a href="https://kyzylorda-news.kz/">Kyzylorda-news.kz.</a> Шаһарда 2020 жылдан бастап барлық коммуналдық мәселелер бойынша қала тұрғындары мен қонақтарының өтініштерін қабылдайтын «109 – Бірыңғай байланыс орталығы» жұмыс істейді. &nbsp;Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы әкімі аппаратының цифрлық технологиялар бөлімінің басшысы Сәбит Ибадулла мәлімдеді.<blockquote>«Бүгінгі таңда байланыс орталығы 62 мекемемен тығыз байланыста. Орталықтың басты артықшылығы - көптеген мәселелерді қашықтықтан шешеді. Инспектор-операторлар халықтан өтінімдерді тәулік бойы қабылдап, тиісті мекемеге жолдайды, орындалуын қадағалап, тұрғынмен кері байланыс орнатады. Тұрғындар 109 номеріне қоңырау шалу арқылы өзінің тұрмыстық өтініштерін жеткізе алады», - деді Сәбит Ибадуллаұлы.</blockquote>Бүгінде байланыс орталығында тұрғындардың өтініш жібере алатын құралдар ауқымы кеңейтілді. Атап айтсақ, Call-орталық 109; көмек-109 мобильді қосымшасы (AppStore / Playmarket); WhatsApp +7 (771) 700 01 09: Telegram-бот: @kyzylorda109_user_bot, Instagram: qyzylorda_109, Facebook желілері арқылы өтінім қабылдайды.<blockquote>«109 – Бірыңғай байланыс орталығы» &nbsp;веб-браузер арқылы өтінімдерді қабылдайды және өңдейді. Сондай-ақ, аймақтағы жедел жағдайды бақылайды. Байланыс орталығы осы уақытқа дейін 400 мыңнан аса қоңырау қабылдап, тиісті мекемелерге жіберген. Облыс тұрғындары тарапынан «109 – Бірыңғай байланыс орталығы» &nbsp;қызметіне келіп түсетін өтінімдердің тез және сапалы орындалуын қамтамасыз ету мақсатында қала, аудан әкімдігінің дербес бөлімдеріне әдістемелік оқыту жұмыстары жүргізілген болатын. Атқарылған жұмыстар оң нәтижесін беруде. «109 – Бірыңғай байланыс орталығы» қызметінің мақсаттарының бірі тұрғындардың мәселелерін шешуде нақты бағдар беру болып табылады, - деді «Қызылорда облысы әкімі аппаратының «Жедел әрекет ету орталығы» &nbsp;КММ-і директорының міндетін атқарушы Руслан Бүркітбаев.</blockquote>

Қызылорда: «109» байланыс орталығы 24/7 жұмыс істейді

<a href="https://kyzylorda-news.kz/">Kyzylorda-news.kz.</a> Сыр өңірінде Қазақстан Ұлттық ғылым академиясының академигі, математик, профессор Асқар Жұмаділдаев атындағы жас математиктер арасындағы халықаралық байқау басталды. Білімділер додасына еліміздің және көршілес Ресей, Қырғызстан, Өзбекстан мемлекетінен келген 20 мен 27 жас аралығындағы 100 математик бақ сынамақшы. Бүгін Өңірлік коммуникациялар қызметінің ақпарат алаңында белгілі математик Асқар Жұмаділдаев БАҚ өкілдеріне аталмыш байқаудың негізгі талаптарын түсіндіріп өтті.<blockquote>«Халықаралық байқаудың мақсаты – жас математик мұғалімдердің кәсіби шеберлігі мен &nbsp;білім алушылардың қабілетін дамытуға бағытталады. Бұл білімділер байқауы 2014-2018 жылдар аралығында Қызылорда қаласының жас математиктері арасында өтікізіліп келген. Ал 2019 жылы бұл байқау тұңғыш рет халықаралық деңгейде ұйымдастырылды. Биыл облыс әкімі Нұрлыбек Машбекұлы Нәлібаевтың қолдауымен аталмыш байқауға қатысушылар саны артып, сайыстың жоғары деңгейде ұйымдастырылуына ықпал етті. Жалпы біздің Сыр елі тек қасиетті өнердің ғана емес білімділердің де ортасы. Біздің өңірде талайды таңдай қақтырған мықтылар шыққан. Солардың ізін жалғастыру үшін біздің жастар білім мен ғылымға бет бұруы керек. Бүгін бастау алатын халықаралық олимпиада нағыз метематиктерді анықтауға және жас ғалымдардың атын шығаруға үлкен мүмкіндік болмақ. Білімділер додасында 7 күрделі есеп болады. Берілген есептер тек біздің ғана байқауға арнайы дайындалған. Сондай-ақ, биылғы байқаудың бір ерекшілігі – қатысушыларға өзім ойластырған бір есепті қоятын боламын. Қатысушы жастарға сәттілік тілеймін», - деді Асқар Серқұлұлы.</blockquote>Брифинг барысында физика математика ғылымдарының докторы, Қазақстан Математика пәні мұғалімдер қауымдастығының Президенті, Халықаралық Жәутіков олимпиадасының негізін қалаушы Қайрош Мақышов халықаралық байқау туралы өз пікірін жеткізді.<blockquote>«Өздеріңіз білетіндей, жалпы жаратылыстану бағыты өте күрделі болып келеді. Оның ішінде математика бағытын кез келген білім алушы терең меңгеріп, күрделі есептерді шығара алмайды. Математиканы жақсы меңгеру үшін ұшқыр ойлап, логикалық қабілетті дамыту керек. Сондықтан бүгін басталғалы отырған халықаралық байқауға еліміз бен көршілес мемлекеттерде өз білімімен көзге түскен жастар қатысайын деп отыр», - деді Қайрош Бексейітұлы.&nbsp;</blockquote><blockquote>«Екінші мәрте ұйымдастырылған халықаралық байқау мектеп оқушыларын математикалық сұрақтарға дайындауға және білім деңгейін арттыруға, жастардың арасындағы өзара достық қарым-қатынасты қалыптастыруға өз септігін тигізеді деп ойлаймын. 2022 жылы аймақ басшысы белсенді жастармен кездесу барысында аталмыш сайысты облыстық деңгейде және халықаралық сипатта өткізу туралы шешім қабылдады. Байқаудың өткізілуіне қолдау білдірген Асқар Жұмаділдаев пен «Қазақстан Математика пәні мұғалімдері қауымдастығының» ұжымына алғыс айтамыз», - деді облыстық қоғамдық даму басқармасының басшысы Алмасбек Есмаханов.</blockquote>Байқаудың жалпы жүлде қоры – 3 млн.600 мың теңге. 1 орынға – 1млн,теңге, &nbsp;2 орынға – 500 мың теңге, (2 жеңімпазға), 3 орын – 300 мың теңге (2 жеңімпазға), Сондай-ақ, белсенділік танытқан 10 қатысушыға 100 мың теңгеден ынталандыру сыйлығы табысталатын болады.

Асқар Жұмаділдаев атындағы жас математиктер арасындағы халықаралық байқау басталды

<a href="https://kyzylorda-news.kz/">Kyzylorda-news.kz.</a> Ердің атын еңбек шығарады. Әр азамат ерен еңбегінің арқасында ғана абыройлы болып, биік белестерді бағындырады. Ал қазыналы Еңбекші елді мекенінен елі үшін қызмет еткен талай дарынды тұлғалар шыққан. Солардың бірі – бабадан қалған дәстүрді дәріптеп, шопан ата таяғын ұстап, ауылы – алтын бесігін өркендеткен Ерғали Ишанқұлов.Әкенің қаны, ананың сүтімен дарыған тектілік, еңбекқорлық оны адастырмады. Атакәсіпті меңгеріп, шыңына шығып, өмірден ойып тұрып өз орнын алуға септігін тигізді. Кеңес Одағының тұсында қаракөл қойнының басын көбейтіп, асылдандырып, рекорд орнатқан құрметті шопан. Оның абыройлы жұмысы ұшан теңіз, еңбегі ұрпаққа үлгі. Арда ақсақалдың «Етті мал – елге құт» дегеніне 60 жылдан асты.<blockquote>«Ауылды көркейту, мал санын көбейту осы күннің негізгі шаруаларының бірі. Бірақ бүгінгі қой бағып жүрген шопандардың барлығы дерлік үлкендер. Сол қазыналы қарияларымыздың шаруашылықтағы тәжірибесін үйреніп, ақылын көкейге түю соңымыздан ерген ізбасарларға міндет. Сондықтан мал шаруашылығына ¬жастар көптеп баруы керек», – дейді.</blockquote>Ерғали ақсақал 1937 жылы дүниеге келген. Бұл қазақ тарихында ұжымдастыру саясаты елдің еңсесін басып, «Ұлы жұт» атауымен жадыда қалған кезең еді. Тар заманның тауқыметін тартқан кейіпкеріміз тез есейіп, оқуда озат, шаруаға бейім болады. Әйтсе де тағдыр салған қиындыққа қарамай, еңбекке деген құлшынысының арқасында ол үлкен өмірге белсене араласады. ¬Жастайынан жігерін жаныған қайсар бала қайтсем де ауыл шаруашылығы саласын түлетем, үйренем деп алдына мақсат қояды. Сөйтіп, Алматы зоотехникалық мал дәрігерлік институтынының дипломын қолға алып, кіндік қаны тамған жерге келеді. Ауылға табанын тірей сала бірден шаруашылыққа білек сыбана кіріседі.Ерғали Ишанқұлов бүгінде тамыры терең, жапырағы жайқалған бәйтерек іспетті. Ошақтың отын бірге тұтатқан ¬зайыбы Бахира апамен 8 ұл, 6 қыз сүйіп, мол тәрбиесін беріп, барлығын жоғары білімді азамат етіп шығарды. Балаларының бәрі өмірде өз орнын тапқан, бір-бір шаңырақ иелері. Бүгінде 55 немеренің, 70 шөбере мен 8 шөпшектің сүйікті ата-әжесіне айналып үлгерді.«Өнегелі отаудың – өрісі кең» демекші, осындай өмірден өз орнын тауып, бір-бір шаңырақтың иесі атанған балаларына қарап, Иншақұловтар әулеті – сыйластығы мол, ауызбіршілігі берік орныққан Өотбасы деген тұжырымға келдім. Иә, өмір жолы бәріне бірдей тақтайдай тегіс бола бермейді. Біле білсек, адамның тағдыры да өз қолымен жасалады. Ең бастысы өмір жолында, тағдыр жазуында кездескен қиындықтарға мойымаған адам аңсаған арманы мен көздеген мақсатына жетеді. Бүгінгі әңгіме арқауына айналып отырған Ерғали Ишанқұлов – өмірдің ыстығы мен суығын, бейнеті мен зейнетін қатар көріп, Құдай қосқан қосағымен бірге немере-шөбере сүйіп, шөпшегінің қолынан май жеп, берекелі де мерекелі ғұмыр кешіп отыр.2014 жылы «Мерейлі отбасы» байқауы жарияланған-тын. Содан бері жыл сайын дәстүрге айналып, үзіліссіз өтіп келеді. Ұлттық құндылықтарды жаңғыртуға, ¬отбасы мәртебесін арттыруға бағытталған байқаудың 2018 жылы республикалық кезеңнің жеңімпазы атанған болатын.

Ұлы мұратқа ұмтылған әулет

<a href="https://kyzylorda-news.kz/">Kyzylorda-news.kz.</a> Бүгінде өз кәсібін ашып, берекелі тұрмыс кешіп отырған жандардың қатары қалың. Мемлекет тарапынан да бұл бағыттағы жұмыстарға жасалып жатқан қолдау жоғары. Төмен пайызды несиелер мен қайтарымсыз гранттар тағайындалуда. Аудандағы кәсіпке бет бұрған ағайын да мұндай жеңілдіктің шарапатын сезінуде. Әсіресе ауыл тұрғындары мал шаруашылығын дамытуда. Айталық, Мергенсай ауылдық округіндегі Әлімбетовтер отбасы – жылқы малын өсіріп, өз кәсібін дамытып отырған жандардың бірі.Жылқы малын қасиет тұтқан қазақ халқы қай кезде де Қамбар ата тұқымын мінсең – көлік, жесең – ас, ішсең шипалы сусын беретін өзіндік ерекшелігімен жоғары бағалаған. Бұл текті жануар қазірдің өзінде қасиетін жоғалтпай келеді.&nbsp;<blockquote>&nbsp;Өзім ұзақ жылдар колхозда көлік жүргізуші болдым. Кейіннен Кеңес үкіметі құлағанан кейін бұл жұмыс та тоқтады. Арагідік әртүрлі жұмыстар істеп, балаларды өсірдім. Кейіннен мемлекет тарапынан жеңілдетілген несие беріліп, кәсіп ашам деушілерге қолдау көрсетіліп жатқандығын естіп, отбасы болып жылқы малын өсіреміз деп шештік. Жолдасым Қалыгүл кәсіпкерлер дайындайтын курста оқып, өткен жылы 3 млн теңге несие алдық. Сол қаражатпен өзіміздің кәсібімізді бастап кеттік, – дейді отағасы Айбазар аға.</blockquote>Ауылдың маңы жылқы бағуға ыңғайлы деген Айбзар аға су ішетін құдығы мен қора-жайын дайындап, мал басын көбейтуге шындап кіріскен. Қазір балалары көмекші. Оларға да баптаудың ерекше әдістерін үйретіп, болашақта кәсібін кеңейтуді қолға алған.<blockquote>&nbsp;Мал өсіру – қазақ халқына бұрыннан белгілі ата кәсіп. Сол үшін де бұл кәсіп түрімен кез келген адам айналысып, табыс таба алады. Шағын және орта бизнестің гүлденуі еліміздегі орташа әлеуметтік санат үшін қолжетімді кәсіп көзі мен табысты жұмыс орны ретінде маңызға ие болып отыр. Бұл тұрғыдан алғанда, мемлекет өз ісін ашуға ынта білдіргендерді қолдап, іскерлік әліппесін үйрету мен қаржылай қолдаудан бөлек, кәсіп түрлерінің дамуына қолайлы орта туғызып отыр. Бұл біз секілді кәсіпкерлер ісінің өркен жаюына жол ашатындығы сөзсіз, – дейді ол.Қандай істі болмасын шын көңілмен, адал ниетпен қолға алсаң, берекесіне кенелесің. Өзім жастайымнан балаларды адал еңбекке баулыдым. Соның арқасында балалар өздері қалаған мамандықпен жұмыс жасап, маған қолғанат болып отыр, – деді.</blockquote>Алдағы уақытта өздерінің отбасылық ісін одан әрі дамытып, жылқыдан бөлек, асыл тұқымды сиыр малын көбейтуді де жоспарлап отыр.

Қазақстан және Қызылорда облысының жаңалықтары