<a href="https://kyzylorda-news.kz/">Kyzylorda-news.kz</a> Мәнерлеп сырғанаудан Қазақстан ұлттық құрамасының көшбасшысы, Олимпиада чемпионы Михаил Шайдоров 2026 жылғы Олимпиада ойындарында еркін бағдарламада киген костюмін Олимпиада мұражайына табыстады. Салтанатты рәсім Италияның Милан қаласындағы Конькимен жүгіру спорты үйінде өтті. Бұл туралы ҰОК мәлімдеді, – деп хабарлайды <a href="https://kaz.inform.kz/news/mihail-shaydorov-kostyumn-olimpiada-murazhayina-tapsirdi-25d64b/">Қазақпарат.</a>Іс-шараға Халықаралық конькимен жүгірушілер одағының президенті Ким Чжэ Ёль, Олимпиада мұражайы директорының орынбасары Ясмин Майхтри, сондай-ақ, Қазақстан Ұлттық Олимпиадалық комитетінің президенті Геннадий Головкин қатысты.ҚР ҰОК басшысы Шайдоровтың жеңісі Қазақстан мәнерлеп сырғанауының тарихындағы алғашқы олимпиадалық алтын медаль екенін атап өтті.<blockquote>— Бұл жай ғана жеңіс емес — бұл тарих. Бүгін сол тарихтың бір бөлігі мәңгі осында қалады. Костюмнің Олимпиада мұражайына тапсырылуы миллиондаған адамға чемпионымыздың мұрасын көруге мүмкіндік береді.&nbsp;Бұл костюм жас спортшылардың арманға ұмтылып, өзіне сенуіне ықпал етіп, жігерлендіреді. Михаил, осы сыйлығың үшін рақмет. Біз сені мақтан тұтамыз, — деді Геннадий Головкин.</blockquote>Михаил Шайдоров бұл оқиғаның өзі үшін айрықша мәні бар екенін айтты.<blockquote>— Костюмімді Олимпиада мұражайына тапсыру — мен үшін зор мәртебе әрі үлкен жауапкершілік. Бүгін осында тұрып, арманымның бір бөлігі әлемдік олимпиадалық мұраға айналатынына қуаныштымын.&nbsp;Бұл костюм — олимпиадалық арманға бастаған жолымыздың нышаны. Енді оның Қазақстан атынан әлемдік олимпиадалық қозғалыс жәдігерлерінің қатарында орналасуы мен үшін ерекше мәнге ие.&nbsp;Ол олимпиадалық арманның шекарасы жоқ екенін, әрбір спортшы үлкен олимпиадалық тарихтың бір бөлігі бола алатынын білдіретін нышанға айналсын.&nbsp;Халықаралық Олимпиадалық комитетке қолдау көрсеткені үшін алғыс айтамын, — деді Шайдоров.</blockquote>Айта кетейік, Михаил Шайдоров бұл костюммен Олимпиадаға дейін Гран-при финалында да&nbsp;өнер көрсеткен. Алайда төртжылдықтың басты додасына дейін киім қайта толықтырылып, жетілдірілді. Қазақстандық дизайнерлермен бірге спортшы ғарыш кеңістігін бейнелейтін қанық көк түсті таңдаған. Бұл түс «Бесінші элемент» фильмінің тұтас атмосферасын айқын көрсетеді. Дизайны жұлдыздарды еске түсіретін шыны әшекейлер және тастармен толықтырылған.Фото: ҰОК

Михаил Шайдоров костюмін Олимпиада мұражайына тапсырды  

<a href="https://kyzylorda-news.kz/">Kyzylorda-news.kz</a> "Қайрат" футбол клубы 2026 жылғы маусымға арналған жаңа форманың дизайнын ұсынды. Өзгерістер клубтың дәстүрлі қара-сары жолақтары бар негізгі формасына да, қонақтағы ойындарға арналған форма мен қақпашы формасына да енгізілді, – деп хабарлайды <a href="https://stan.kz/kayrat-fk-2026-mausimga-arnalgan-zhana-formasimen-tanis-430662/">Stan.kz</a>.Негізгі форманың жағасы айтарлықтай өзгертілген, сондай-ақ жең манжеттері де жаңартылды. Қонақтық формада басты ерекшелік – манжеттер мен жағасына қара-сары түстердегі қазақтың дәстүрлі ою-өрнегінің қосылуы болды. Қақпашылар формасы толығымен өзгертілді: әрі өрнегі, әрі түс гаммасы жаңартылған. Сонымен қатар формада бірнеше жаңа демеуші пайда болды, бірақ негізгі демеуші бұрынғыдай – 1XBET.Фото: Қайрат ФК

"Қайрат" ФК биылғы маусымға арналған жаңа формасын таныстырды

<a href="https://kyzylorda-news.kz/">Kyzylorda-news.kz</a> &nbsp;Ақтауда Қасиетті Рамазан айында тарауық намазынан кейін тегін қоғамдық көлік қатынайды, деп хабарлайды қала әкімдігінің баспасөз қызметіне сілтеме жасаған <a href="https://kaz.nur.kz/society/2346285-aqtauda-ramazan-aiynda-tegin-avtobus-qatynaidy/?utm_source=facebook&amp;utm_medium=kaz&amp;fbclid=IwY2xjawQJO6VleHRuA2FlbQIxMABicmlkETJUZW85SkZadmh5d3FTcTQwc3J0YwZhcHBfaWQQMjIyMDM5MTc4ODIwMDg5MgABHl0TYg7QjCLTT32hTUZDy0L0XRFjt3ZPM2S5-FPqunRhqRRaAupgL_6VIWne_aem_NZhy2qPS-9R2MAsBXrvxkg">KAZ.NUR.KZ.</a>Ведомствоның мәліметінше, тегін автобус қатынасы тұрғындарға қолайлы жағдай жасау мақсатында ұйымдастырылған.<blockquote>"Бұл бастама қала тұрғындарының кешкі құлшылықтан кейін үйлеріне қауіпсіз әрі ыңғайлы жетуін қамтамасыз етуге бағытталған", - делінген хабарламада.</blockquote>Автобус бағыты 26-шағын ауданда орналасқан облыстық "Бекет ата" мешітінен басталып, қаланың жоғары шағын аудандарын қамтиды.Қоғамдық көлік күн сайын тарауық намазы аяқталғаннан кейін жолға шығып, белгіленген бағыт бойынша қатынайды.<figure class="image"><img src="https://knadmin.beoblood.kz/uploads/a8c8f7c51230761fa142860f9ba44de3_3ae6df85e3.webp" alt="Автобус сызбасы. Фото: Маңғыстау облысы әкімінің баспасөз қызметі"><figcaption>Автобус сызбасы. Фото: Маңғыстау облысы әкімінің баспасөз қызметі</figcaption></figure>Фото: pixabay.com

Ақтауда Рамазан айында тегін автобус қатынайды

<a href="https://kyzylorda-news.kz/">Kyzylorda-news.kz</a> ӘМСҚ денсаулық сақтау саласын қаржыландыру және азаматтарға медициналық көмектің қолжетімділігін қамтамасыз ету бағытындағы жүйелі жұмысын жалғастыруда.Премьер-Министрдің 2026 жылғы 16 қаңтардағы тапсырмасына сәйкес, Әлеуметтік медициналық сақтандыру қоры Қаржы министрлігінің басқаруына берілді.Қорда атап өткендей, аталған ұйымдастырушылық өзгерістер операциялық қызметке әсер етпеді: жұмыс штаттық режимде жүргізілуде, медициналық ұйымдар алдындағы барлық міндеттемелер толық көлемде орындалуда.Міндетті әлеуметтік медициналық сақтандыру (МӘМС) жүйесі және тегін медициналық көмектің кепілдік берілген көлемі (ТМККК) аясында медициналық көмекті қаржыландыру тұрақты түрде жүзеге асырылуда. Пациенттер үшін медициналық қызметтердің шектелуі немесе қолжетімсіздігіне қатысты тәуекелдер жоқ.Медициналық ұйымдардың қаржылық тұрақтылығын қамтамасыз ету мақсатында келісімшарттардың жылдық сомасының 20%-ына дейін алдын ала төлем (аванс) жасалды. Бұл қызмет көрсетушілерге жұмысты жоспарлы түрде ұйымдастыруға және халыққа медициналық көмекті үздіксіз көрсетуге мүмкіндік береді.&nbsp;Сондай-ақ Қорда ағымдағы жылға арналған медициналық қызметтерді сатып алу қорытындыларын жариялады. Атап айтқанда, 2026 жылы медициналық көмекті сатып алуға 2 679,7 млрд теңге қарастырылған. Оның ішінде:• 1 316 млрд теңге – ТМККК аясында; • 1 363,7 млрд теңге – МӘМС жүйесінде.Биыл халыққа 1859 медициналық ұйым қызмет көрсетеді. Оның ішінде 1757 мекеме МӘМС аясында қызмет көрсетуші болып табылады. Аталған ұйымдардың:&nbsp;• 608-і – мемлекеттік; • 1 149-ы – жекеменшік ұйымдар.Бұл мемлекеттік емес сектордың белсенді қатысуын және бәсекелестік ортаның нығаюын айғақтайды және өз кезегінде медициналық қызметтердің қолжетімділігі мен сапасының артуына ықпал етеді.Қорда қолданыстағы заңнамаға сәйкес, төлем тек нақты көрсетілген медициналық қызметтер үшін жүргізілетінін еске салады. Яғни, төлем дәрігер қабылдауы, консультация, зерттеулер, диагностика немесе ауруханаға жатқызу секілді нақты көрсетілген қызметтер үшін ғана жасалады. Пациенттің нақты қатысуынсыз қызметтерді рәсімдеу көзделмеген және оған жол берілмейді.<blockquote>«МӘМС жүйесіндегі әр теңге мақсатты түрде жұмсалады. Қор тек медициналық көмектің расталған жағдайларына ғана төлем жүргізеді. Бұл – ашықтық пен қаржылық тәртіпті қамтамасыз етудегі біздің қағидатты ұстанымымыз», – деп атап өтті ӘМСҚ Басқарма төрағасы Гүлмира Сәбденбек.&nbsp;</blockquote>Қор қаражаттың тиімді әрі ашық пайдаланылуын қамтамасыз ету бағытындағы бақылау жұмысын күшейтуде. 2025 жыл бойынша өңірлердегі деректерге егжей-тегжейлі талдау жүргізілуде. Қате көрсетілген және төленген қызметтер анықталған жағдайда заңнамада көзделген шаралар, соның ішінде есеп айырысуды түзету және қаражатты қайтару тетіктері қолданылады.Сонымен бірге бақылау жұмысы тәуекелге негізделген тәсіл қағидаттары бойынша ұйымдастырылуда. Қор мониторингтің сараланған тәртібін қамтамасыз ететін тәуекелдерді басқару жүйесін (ТБЖ) енгізуде. Келісімшарт міндеттемелерін тұрақты әрі адал орындайтын медициналық ұйымдар үшін әкімшілік жүктемесі азайтылған тексеру форматы қолданылады. Бұл бақылау ресурстарын тәуекелі жоғары аймақтарға бағыттауға және қаржылық тәртіп пен медициналық ұйымдардың тұрақты дамуында теңгерімді сақтауға мүмкіндік береді.Заңбұзушылықтар анықталып, расталған жағдайда медициналық ұйымдар мен лауазымды тұлғаларға қаржылық түзетулер мен МӘМС жүйесіне қатысу шектеулерінен бастап, материалдарды құқық қорғау органдарына жолдауға дейінгі заңнамаға сәйкес шаралар қолданылады. &nbsp;Қор сондай-ақ цифрлық тексеру құралдарын жетілдіру және мемлекеттік тіркеу жүйелерімен өзара іс-қимылды жақсарта отырып, медициналық қызметтер сапасын және қаражаттың дұрыс жұмсалуын қамтамасыз ету мақсатында алдын алу бақылауын күшейтуде.&nbsp;ӘМСҚ-да атап өткендей, мұндай жағдайларды анықтау – МӘМС қаражатының ашық әрі тиімді пайдаланылуын қамтамасыз етуге бағытталған жүйелі бақылау жұмысы. Қор сақтандырылған азаматтардың мүддесін қорғау мақсатында барлық қажетті шараларды қабылдауды жалғастырады.&nbsp;

ӘМСҚ денсаулық сақтау жүйесінің тұрақты қаржыландырылуын қамтамасыз етуде

<a href="https://kyzylorda-news.kz/">Kyzylorda-news.kz</a> Қызылорда облысында Жалпыұлттық коалицияның өңірлік және қалалық өкілдері қаладағы «Өнер орталығында» мәдениет саласының қызметкерлерімен кездесті. Басқосуда жаңа Конституция жобасының маңыздылығы кеңінен түсіндіріліп, ел дамуының стратегиялық бағыты, құқықтық реформалардың мәні және алдағы жалпыхалықтық таңдау төңірегінде салмақты пікірлер айтылды.Кездесуді ашқан қалалық коалиция төрағасы Ибадулла Құттықожаев жаңа заң жобасының мазмұны мен тарихи маңызына жан-жақты тоқталды. Оның айтуынша, ұсынылып отырған Ата заң жобасының 84 пайызы жаңартылып, уақыт талабына сай қайта қаралған. Бұл – ел өміріндегі ауқымды өзгерістердің нақты көрінісі. Комиссия мүшелерінің жүйелі әрі табанды еңбегінің нәтижесінде халық сұранысына толық жауап беретін, заман үдерісімен үндесетін құжат әзірленді.<blockquote>«Бұл құжат – тек құқықтық негіз ғана емес, елдің ертеңіне бағытталған стратегиялық бағдар», — деді ол.</blockquote>Сонымен қатар, ол мәдениет қызметкерлерінің қоғамдағы айрықша рөліне ерекше тоқталды. Өнер адамдары қай кезеңде де халықпен бірге болып, ұлттық құндылықтарды ұлықтап, тарихи сананы жаңғыртып келеді. Сондықтан ел тағдырына қатысты маңызды бастамадан тыс қалмай, 15 наурыз күні өз таңдауларын жасап, азаматтық белсенділік танытады деген сенім білдірді.Өңірлік коалиция мүшесі Садық Мұстафаев өз сөзінде өңірдің спорт саласында атқарылған жұмыстарды мысалға келтіре отырып, бірлік пен жүйелі еңбектің нәтижесінде ғана биік белестерді бағындыруға болатынын айтты.<blockquote>«Әр маманның арманы – өз саласын жаңа деңгейге көтеру, тың бастамаларды жүзеге асыру. Сол сияқты әрбір азаматтың басты мақсаты – елінің еңсесін тіктеп, тұрақтылық пен ауызбіршілікті сақтау. Жаңашыл бастамаларды қолдау – ортақ жауапкершілігіміз, — деді ол.</blockquote>Ал қалалық коалиция мүшесі Мақаш Талғат мәдениет ұжымдарының қоғамдық-саяси науқандарда әрдайым белсенділік танытып келе жатқанын атап өтті. Оның пікірінше, өнер саласының өкілдері елдік мүдде тұрғысынан пайым жасап, 15 наурыз күні дұрыс таңдау жасайды.Кездесу барысында қатысушылар өз ой-пікірлерін білдіріп, жаңа Конституция жобасының ел болашағы үшін маңызын талқылады. Басқосу еркін пікір алмасу алаңына айналып, мәдениет саласы өкілдерінің азаматтық ұстанымы мен қоғамдық жауапкершілігін тағы бір мәрте айқындады.Жиын қорытындысында қатысушылар алдағы тарихи сәтте ел болашағына бейжай қарамай, бірлік пен тұрақтылықты нығайту жолында белсенділік танытатындықтарын жеткізді.<img src="https://knadmin.beoblood.kz/uploads/Ma_yzdy_adam_c093e6a91e.jpg" alt="Маңызды қадам.jpg">

Бірлік пен жауапкершілік – жаңа кезең талабы

<a href="https://kyzylorda-news.kz/">Kyzylorda-news.kz</a> Жалағаш ауданында жаңа Конституция жобасын түсіндіру жұмыстары жалғасуда. Бүгін өңірде арнайы болған республикалық және өңірлік коалиция мүшелері ауданның медицина саласы қызметкерлерімен арнайы кездесіп, реформалардың негізгі бағыттары мен алдағы референдумның тарихи мәнін талқылады.Іс-шараға Сенат депутаттары Руслан Рүстемов пен Нұртөре Жүсіп, облыстық мәслихат төрағасы әрі өңірлік коалиция жетекшісінің орынбасары Мұрат Тлеумбетов, аумақтық коалиция төрағасы Өмірзақ Елеусінов, облыстық мәслихат депутаты Әмірбек Шаймағанбетов, сондай-ақ аумақтық коалиция мүшелері Қаншагүл Мұстафаева мен Гүлзат Құрманбаева қатысты.Кездесу барысында Руслан Рүстемов реформалардың негізгі мақсаты – заң үстемдігін нығайту, билік тармақтары арасындағы тепе-теңдікті сақтау және азаматтардың құқықтарын қорғау екенін атап өтті. Нұртөре Жүсіп Конституция жобасының саяси жаңғыру үдерісінің маңызды кезеңі екенін, құжат ашық талқылаудан өтіп, қоғам пікірлері ескерілгенін айтты. Мұрат Тлеумбетов өкілді органдардың рөлі артып, қоғамдық бақылау механизмдері күшейетінін, бұл азаматтардың шешім қабылдау процесіне қатысуына мүмкіндік беретінін түсіндірді.Денсаулық сақтау саласының қызметкерлері өз сұрақтарын қойып, пікірлерін ортаға салды. Коалиция мүшелері нақты жауаптар беріп, мазмұнды пікір алмасу жүргізді. Қатысушылар жаңа Конституция маңызды құжат екенін және алдағы референдум ел үшін шешуші тарихи сәт болатынын атап өтті.<img src="https://knadmin.beoblood.kz/uploads/o_amdy_koalicziya_2_1e48dd8690.jpg" alt="Қоғамдық коалиция 2.jpg">

Медицина мамандары жаңа конституция жайлы ой бөлісті 

<a href="https://kyzylorda-news.kz/">Kyzylorda-news.kz</a> Шиелі ауданы әкімінің орынбасары Болатбек Ысмағұлов жауапты сала басшыларымен бірге түңгі рейд жұмыстарын ұйымдастырды.Аудан әкімдігі жанындағы кәмелетке толмағандар және олардың құқықтарын қорғау жөніндегі комиссия отырысының хаттамасы бойынша Шиелі кенті орталығында халық көп шоғырланатын орындар мен ойын-сауық орталықтарында нысан иесі мен тұрғындарға заң талаптарын түсіндіру және алдын алу шаралары жалғасуда.Бұл ретте, аудан әкімі Айтбай Жандарбековтың тапсырмасына сәйкес, жасөспірімдердің қауіпсіздігін қамтамасыз ету, кәмелетке толмағандар және жастар арасындағы құқық бұзушылықты болдырмау мақсатында рейдтік жұмыстар тұрақты жүргізілуде.Кәмелетке толмағандардың түнгі уақытта заңды өкілдерінің еріп жүруінсіз сағат 22:00-ден таңғы сағат 06:00-ге дейін ойын-сауық мекемелерінде болуы - заңды өкілдеріне үш айлық есептік көрсеткіш мөлшерінде айыппұл салуға әкеліп соғады.<img src="https://knadmin.beoblood.kz/uploads/Shieli_rejd_2_02eb6e338b.jpg" alt="Шиелі рейд 2.jpg">

Шиелі: Рейд жұмыстары ұйымдастырылды

<a href="https://kyzylorda-news.kz/">Kyzylorda-news.kz</a> Қазақстан Республикасы Конституциясының жаңа жобасын ақпараттық қолдау мақсатында «Конституциялық өзгерістер: құқық қорғау және жергілікті атқарушы органдар арасындағы өзара іс-қимыл» тақырыбында аудан ардагерлерімен кездесу ұйымдастырылды.Жиынды аудан әкімінің орынбасары Әліби Байнахатов жүргізіп отырды. Кездесуге аудандық мәслихат төрағасы Өмірзақ Елеусінов, аудандық ардагерлер кеңесінің төрағасы Садық Әлиев және Жалағаш ауданы прокурорының орынбасары Бағдат Ерімбетов қатысып, ұсынылып отырған заң жобасының негізгі бағыттарын жан-жақты түсіндіріп, пікір алмасты.Шара барысында жаңа Конституция жобасында көзделген нормалардың мазмұны мен маңызы кеңінен талқыланды. Атап айтқанда, азаматтардың құқықтары мен бостандықтарын қорғауды күшейту, заң үстемдігін нығайту, құқық қорғау органдары мен жергілікті атқарушы құрылымдардың өзара іс-қимылын жетілдіру, мемлекеттік басқарудың тиімділігін арттыру мәселелері сөз болды. Қатысушылар бұл өзгерістер қоғамның барлық саласына оң ықпал ететінін атап өтті.Өз сөзінде Әліби Қодарұлы Қазақстан Республикасы Ата Заңының тұжырымдамалық өзгерістері мемлекеттің адамға бағдарланған сипатын күшейтуге, Қазақстан халқына тән негізгі құндылықтар мен қағидаттарды айқындауға, сондай-ақ республикадағы саяси институттар құрылымының тиімділігін арттыруға бағытталғанын жеткізді.Кездесу ашық пікір алмасу форматында өтіп, ардагерлер тарапынан қойылған сұрақтарға нақты жауаптар берілді.

Ауданда ардагерлермен Конституциялық өзгерістерді талқылауға арналған кездесу өтті

<a href="https://kyzylorda-news.kz/">Kyzylorda-news.kz</a> 2026 жылғы 15 наурызға тағайындалған республикалық референдумда дауыс беру күніне 18 жасқа толған Қазақстан Республикасы азаматының қатысуға құқығы бар.Тізімдерді әкімдіктер нақты дауыс беру учаскесінің аумағындағы тұрғылықты мекенжайыңыз бойынша Сіздің тұрақты тіркелуіңіздің негізінде жасайды. Егер тұрақты тіркелуіңіз болмаса, Сіз референдум тағайындалған сәттен бастап, тиісті жергілікті атқарушы органда дауыс беруші ретінде тіркеле аласыз. Дауыс беру учаскелері тиісті әкімдердің шешімдерімен құрылады және олардың шекаралары бұқаралық ақпарат құралдарында жарияланады.<img src="https://knadmin.beoblood.kz/uploads/1771831681_6_eaf176b205.jpg" alt="1771831681_6.jpg">2026 жылғы 27 ақпаннан бастап Сізге өз учаскеңізде республикалық референдумға қатысуға құқылы азаматтардың тізімінен өзіңіз туралы деректерді тексеру мүмкіндігі берілетін болады.Әрқайсымыздың дауысымыз маңызды!Қазақстан Республикасының Орталық референдум комиссиясы

Тұрғындар учаскеден тізімнен өзін тексере алады

<a href="https://kyzylorda-news.kz/">Kyzylorda-news.kz</a> Қызылорда қаласындағы Достық аллеясында «Масленица – 2026» мерекесі аталып өтті. Ашық аспан астында ұйымдастырылған думанды шараға 500-ге жуық қала тұрғыны жиналды. Олар қысты шығарып салып, көктемді қарсы алу дәстүрін кең көлемде атап өтті. Бұл жолғы мереке тек этностық салт-дәстүрдің көрінісі ғана емес, қоғамдық келісім мен ел бірлігінің жарқын үлгісіне айналды.Мерекелік жиында алғашқы сөз кезегі Қызылорда облыстық қоғамдық даму басқармасы басшысының орынбасары Артур Қамбаровқа берілді. Ол жиналған қауымды Масленица мерекесімен құттықтап, өңірдегі этномәдени бірлестіктердің қоғамдық тұрақтылық пен келісімді нығайтудағы рөліне тоқталды. «Бірлік пен өзара құрмет – мемлекет ретінде дамуымыздың берік іргетасы», – деген ол 2026 жылғы 15 наурызда өтетін республикалық референдумға да назар аударды. Конституция – елдің болашақ бағдары мен құқықтық негізін айқындайтын басты құжат екенін атап өтіп, азаматтарды елдік мүддеге бейжай қарамауға шақырды.Қалалық қоғамдық даму бөлімінің басшысы Жағыпар Тажмаханов та сөз алып, Сыр өңіріндегі татулық пен берекенің маңызын ерекше атап өтті. Оның айтуынша, аймақтағы әрбір мәдени шара – қоғамдық келісімді тереңдететін маңызды қадам.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke_8a45bdfe7a.jpg" alt="Масленица – 2026» татулық пен дәстүр тоғысқан тағылымды мереке.jpg">Мерекелік шарада «Славяне» қоғамдық-мәдени орталығының төрағасы Галина Щербакова жиналған қауымды Масленица мерекесімен құттықтады. Ол орталықтың қызметіне қолдау білдіріп жүрген мемлекеттік органдарға, серіктес ұйымдарға, шығармашылық ұжымдарға және белсенді тұрғындарға ризашылығын жеткізді. Сонымен қатар өңірдегі этностар арасындағы татулық пен өзара құрметтің маңызына тоқталып, мұндай шаралар халық достығын одан әрі бекемдей түсетінін атап өтті.Шара мазмұны бай әрі көпқырлы болды. Аллея аумағында славян этностарының ұлттық тағамдары мен қолөнер бұйымдарының көрмесі ұйымдастырылып, қонақтарға дәстүрлі құймақ пен тәттілер ұсынылды. Күннің нышаны саналатын құймақ – молшылық пен жылылықтың белгісі ретінде мерекенің басты символына айналды. Сонымен қатар спорттық жарыстар, арқан тарту, қаппен жүгіру секілді ұлттық ойындар көрермендерге ерекше қызықты болды.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke1_c33668d5c1.jpg" alt="Масленица – 2026» татулық пен дәстүр тоғысқан тағылымды мереке1.jpg">Концерттік бағдарлама мазмұнды шығармашылық нөмірлермен өрбіді. Қазақтың «Қара жорға» биі мен орыстың «Валенки» әні сахнада жарасымды үйлесім тапты. «Жемчужинка», «Анар Бэби», «Надежда» шығармашылық ұжымдары мен жеке орындаушылар халық әндері мен частушкаларды орындап, көрерменге көтеріңкі көңіл күй сыйлады. Қазақ және орыс тілдеріндегі әндердің қатар шырқалуы – мәдениеттер үндестігін айшықтай түсті.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke2_f0a68f6ba0.jpg" alt="Масленица – 2026» татулық пен дәстүр тоғысқан тағылымды мереке2.jpg">Сахналық көріністер арқылы Масленица аптасының әр күніне тән дәстүрлер таныстырылды. «Лакомка», «Тещины вечерки», «Золовкины посиделки», «Прощеное воскресенье» секілді ғұрыптар әзіл-қалжыңмен баяндалып, көрермендерді белсенді қатысуға шақырды. Әсіресе, кешірім сұрау күніне арналған бөлімде татулық пен сыйластықтың терең мәні кеңінен көрініс тапты.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke3_fb3ed47b59.jpg" alt="Масленица – 2026» татулық пен дәстүр тоғысқан тағылымды мереке3.jpg">Мереке соңында көпшілік ән шырқап, би билеп, ортақ қуанышпен тарқасты.

Масленица – 2026»: татулық пен дәстүр тоғысқан тағылымды мереке

<a href="https://kyzylorda-news.kz/">Kyzylorda-news.kz</a> Қазалы&nbsp;ауданының&nbsp;әкімі Алмасбек Есмаханов «AMANAT» партиясының Қазалы аудандық филиалында тұрғындарды жеке мәселелері бойынша қабылдады.Келген тұрғындар аудан әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.Қабылдауға келушілердің басым бөлігі тұрақты жұмыс пен ақылы қоғамдық жұмысқа орналасу мен тұрғын үй кезегі мәселесін қозғады. Мұнан бөлек көшелерді асфалттау, жарықтандыру, әлеуметтік көмекке қатысты мәселелер көтерген тұрғындарда болды.Аудан басшысы жұмыссыздық мәселесі бойынша мамандықтарға сәйкес сұраныс болған жағдайда бос жұмыс орындарына кезектілікпен жіберілетіндігін түсіндірді. Кейбір азаматтарға қоғамдық жұмыс арқылыда жұмыс жасауға мүмкіндік барын жеткізді.Көшелерді асфальттау, жарықтандыру мәселелер бойынша кезектілікке сәйкес, қаржының мүмкіндігіне сәйкес жұмыстар жасалатыны түсіндіріліп, бұл бойынша жауапты сала басшыларына бірқатар тапсырмалар берілді.

 Қазалы ауданының әкімі жеке қабылдау өткізді

<a href="https://kyzylorda-news.kz/">Kyzylorda-news.kz</a> «Әділетті және прогрессивті Қазақстанның Халықтық Конституциясы үшін!» Жалпыұлттық коалициясының мүшесі Мұрат Әбенов Сырдария ауданында болып, жергілікті тұрғындармен кездесті.Кездесуге аумақтық коалиция мүшелері Жұмабек Ембергенов, Алмас Есназар, Ақтөре Ибрагимұлы қатысты.Келелі кездесу барысында коалиция мүшелері аудан тұрғындарына жаңа Конституция жобасындағы өзгерістерді кеңінен түсіндірді.Жалпыұлттық коалициясының мүшесі, мәжіліс депутаты Мұрат Әбенов жаңа Конституция жобасындағы саяси жаңғырту нормаларын жан-жақты түсіндіріп, реформаның жүйелік сипатына ерекше тоқталды.<blockquote>«Жаңа редакция 11 бөлім мен 96 баптан тұрады. Бұл – қазіргі заман талаптарына сай әзірленген құжат. Қоғамда қалыптасқан жаңа ұғымдар мен құндылықтар ескерілген. Әсіресе азаматтардың жеке деректерін қорғау мәселесі күшейтілді. Бұл құқықтық қатынастарды әділ әрі нақты реттеуге мүмкіндік береді. Сондай-ақ жаңа жобада Жоғарғы Сот Төрағасы Президент тарапынан алты жылға бір рет қана тағайындалады. Бұл норма бір адамның ұзақ уақыт бойы жоғары лауазымда отыруына жол бермей, жеке мүдде мен ықпал ету мүмкіндігін шектеуге бағытталған. Мұны құқықтық жүйенің ашықтығы мен әділдігін күшейтетін маңызды қадам деп бағалауға болады, – Мұрат Әбенов.</blockquote>Өз кезегінде аумақтық коалиция мүшесі Жұмабек Ембергенов қоғам мен мемлекет арасындағы өзара сенімді бекемдеу – реформалардың негізгі бағыттарының бірі екенін атап өтті. Сондай-ақ «Заң және тәртіп» қағидатының қоғам тұрақтылығы мен әділетті дамудың басты кепілі екенін жеткізді. Ол Конституцияға енгізілетін өзгерістер азаматтардың құқықтық қорғалу деңгейін арттырып, мемлекет пен қоғам арасындағы сенімді нығайтатынына ерекше тоқталды.Кездесу барысында Конституция жобасының артықшылықтары аудан тұрғындарына жан-жақты әрі ашық диалог форматында түсіндірілді, жиынға қатысушылар тарапынан сұрақтар қойылып, мазмұнды пікір алмасу өтті.<blockquote>Сырдария ауданының Құрметті азаматы, мәдениет саласының үздігі, ардагер Тимур Айсин «Аудан тұрғыны ретінде айтарым – заң талаптарының болуы және оның Конституциямен бекітілуі өте дұрыс. Уақыт өткен сайын заңдарға өзгерістер енгізіліп, заман талабына сай жаңарып отыруы қажет. Біз отбасымызбен 15 наурыз күні референдумға барып, өз таңдауымызды жасаймыз», – деп пікір білдірді.</blockquote>

Қазақстан және Қызылорда облысының жаңалықтары