<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбековтың төрағалығымен экономиканың нақты секторын қаржыландыру туралы мәжіліс отырысы өтті.Мәжілісте өңірдегі кәсіпорындарды қаржыландырудың тиімді жолдары, инвестициялық жобаларды қолдау, шағын және орта бизнестің дамуына қажетті жағдай жасау мәселелері қозғалды. Бұл шаралар экономиканың тұрақтылығын қамтамасыз ету, жаңа жұмыс орындарын ашу және жергілікті кәсіпорындардың бәсекеге қабілеттілігін арттыруға бағытталған.Аудан әкімі өз сөзінде осы маңызды мәселелермен қатар, көктемгі егістік жұмыстарын жоспарлау мен ұйымдастыру туралы да айтып өтті. Ол ауыл шаруашылығының дамуы үшін тиісті дайындық жұмыстарын жүргізу қажет екенін атап өтті. Ауданның ауыл шаруашылығы саласының қызметкерлеріне егістік жұмыстарына қажетті техникалық ресурстар мен материалдарды уақытылы жеткізу және көктемгі дала жұмыстарына дайындық барысын бақылауда ұстау тапсырылды.Фото: Шиелі ауданы әкімдігінің баспасөз қызметі

Экономиканың нақты секторын қаржыландыру мәселесін талқылады

<a href="https://kyzylorda-news.kz/">Kyzylorda-news.kz</a> Елімізде 2025 жыл "Жұмысшы мамандықтар жылы" деп жарияланды. Бұл аймағымыздағы кәсіптік білім беру саласына жасалған үлкен мүмкіндік жылы деп айтуға болады. Аталған бастама жұмысшы мамандықтарының маңыздылығын арттыруға, жастарды осы салаға тартуға және еңбек нарығында сұранысқа ие мамандықтар бойынша білікті кадрларды даярлауға бағытталған. Аталған тақырып аясында Өңірлік коммуникациялар қызметінің ақпарат алаңында облыстық білім басқармасы басшысының орынбасары Бекжан Есенбаев пен облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева сөз қозғады.<blockquote>- Бүгінде Жұмысшы мамандықтар жылын өткізуге байланысты іс-шаралар жоспары бекітілді. Сонымен қатар аймақтағы кәсіптік білім беру саласын транформациялаудың да жол картасы қабылданды. 2023-2024 оқу жылында 9 колледжде 38 мамандық бойынша 52 біліктілік лицензия қосымшасы кері қайтарылған болса, биыл 8 колледжде 21 мамандық, 31 біліктілік анықталды. Сонымен бірге білім сапасына байланысты оқу орындарының арнайы рейтингін қалыптастырып, жыл сайын бақылауды жүзеге асыратын боламыз. Бұл оқу орындарының бәсекеге қабілетті кадрлар даярлаудағы әлеуетін айқындайтын болады. Биылғы жылы халықаралық талаптарға сәйкес шетелдік оқу орындарымен әріптестік байланыс орнату жүзеге асырылатын болады. Осы ретте айта кету керек Мәншүк Мәметова атындағы Қызылорда педогогикалық жоғарғы колледжі Германия мемлекетінің Лейпциг университетімен педогогика, психология мамандығы бойынша, сондай-ақ Исатай Әбдікәрімов атындағы колледж Американың білім беру ұйымдарымен ынтымақтастық орнатты,- деді Бекжан Шәкизатұлы.</blockquote>Биыл жастардың, оның ішінде жұмысшы мамандықтар бойынша білім алатын жастарға байланысты мемлекеттік тапсырыстың көлемі 700 орынға артып отыр.<blockquote>- Жыл ішінде «Жұмыс күшінің ұтқырлығын арттыру үшін адамдардың ерікті түрде қоныс аударуын ұйымдастыру» жобасы аясында жұмыс күші жетіспейтін Павлодар, Қостанай, Солтүстік Қазақстан, Шығыс Қазақстан, Ұлытау, Абай облыстарына қоныс аударуға бос жұмыс орындарының жәрмеңкесін өткізу де жалғасын табады. Биыл еңбек нарығында сұранысқа ие жұмысшы мамандықтар бойынша 525 жұмыссызды қысқа мерзімді курстарға оқыту жоспарланса, «Скиллс Еңбек» электронды білім беру порталы арқылы тегін біліктілігін арттыру курстарынан өткізу көзделуде. Осы онлайн оқыту платформасында жаңа дағдыларды үйретуге арналған 848 курс қолжетімді, бұл курстардан өткен жылы облыс бойынша 3 мыңнан аса жұмыссыз азаматтар өтсе, адам оқудан өтсе, биыл 20 мыңнан аса адамды қамту межеленуде, Электрондық еңбек биржа порталына өзгеріс енгізіліп оқушылар мен ТИПО студенттеріне оқу мүмкіндігі берілді. Жыл соңына дейін облыстық білім басқармасымен, Қорқыт ата атындағы Қызылорда университетімен бірлесіп «Жұмысшы мамандықтарының атласы» әзірленеді. Аталған атлас еңбек нарығындағы болашағы бар мамандықтарға сұраныс пен ұсынысты айқындайтын болады,- деді Жанар Жұмабекқызы.</blockquote>Фото: Өңірлік коммуникациялар қызметі

Аймақта 4890 студент жұмысшы мамандықтары бойынша білім алуда

<a href="https://kyzylorda-news.kz/">Kyzylorda-news.kz</a> Қызылорда қаласында туберкулездің белсенді түрімен ауыратын 294 науқас диспансерлік есепте тұр. Өткен жылы туберкулездің 180 жаңа жағдайы анықталса, биыл туберкулездің 26 жағдайы тіркелген. Бұл көрсеткіш 2024 жылмен салыстырғанда 21,8 пайызға төмендеген. Бұл туралы брифингте Қызылорда қалалық санитариялық-эпидемиологиялық бақылау басқармасы басшысының міндетін атқарушы Бейбіт Бидаш пен облыстық фтизиопульмонология орталығы директорының емдеу ісі жөніндегі орынбасары Айгүл Алтекешова мәлімдеді.<blockquote>- Қызылорда қаласында туберкулез ошақтарынан қарым-қатынаста болған 920 адам тексеріліп, нәтижесінде жаңа 7 жағдай анықталды. Науқастарға арнайы ем тағайындалып, ауру ошақтарында сауықтыру шаралары жүргізілді. Дүниеге келген нәрестелердің 95,3% БЦЖ вакцинасымен егілді. Емхана аймағында 123 бала егілді. Манту сынамасына барлық жоспарланған 41 211 бала уақытылы егумен қамтылды. Айта кету керек, аурудың алдын алу үшін балалар мен ересектер жыл сайын флюорографиядан өткен жөн. Бұл ауру болған жағдайда оны тез арада анықтауға ықпал етеді. Сонымен қатар, күнделікті өмірде сапалы тамақтанып, салауатты өмір салтын ұстанған абзал, - деді басқарма басшысының міндетін атқарушы Бейбіт Молдахметұлы.</blockquote>Туберкулезге қарсы күрес айлығының мақсаты – тұрғындарға дерт туралы ақпарат беріп, алдын алу және күрес шараларын күшейту. Айлық аясында туберкулездің алдын алу, анықтау және емдеу тақырыптарында ақпараттық науқандар, медициналық ұйымдарда, мектептер мен жоғары оқу орындарында дәрістер, акциялар ұйымдастырылуда.<blockquote>- 24 наурызға дейін қоғамдық орындарда, базарлар мен сауда орталықтарында акциялар ұйымдастырылып, медициналық мекемелерде ашық есік күні өтеді. Онда қала тұрғындары флюорографиялық тексеруден өтіп, көрсетілімдер болған жағдайда фтизиатр дәрігерден кеңес алып, қажетті талдаулар тапсыра алады. Облыста туберкулезге қарсы бағдарламаның бақылауы жүргізілуінің нәтижесінде аурушаңдылық көрсеткіші соңғы 10 жылда 2 есеге азайды, - деді облыстық фтизиопульмонология орталығы директорының емдеу ісі жөніндегі орынбасары Айгүл Оғадиқызы.</blockquote>Ең бастысы - аурудың алғашқы белгілерінде дереу дәрігерлік көмекке жүгіну керек. Туберкулез дер кезінде анықталып, үздіксіз емделсе, толық жазылады. Негізгі белгілері: 2 аптадан астам жөтел, арықтау, тершеңдік, кеуденің ауырсынуы, қан кету, жалпы әлсіздік және шаршау, ұзақ уақыт дене қызуының көтерілуі пайда болса, дереу емханаңызға хабарласу қажет.Фото: Қызылорда қаласы әкімдігі&nbsp;

Туберкулезге қарсы күрес айлығы жүруде

<a href="https://kyzylorda-news.kz/">Kyzylorda-news.kz</a> ҚР Президенті Әкімшілігі Басшысының бірінші орынбасары Дархан Сатыбалдының төрағалығымен мәжіліс өтіп, оған облыс әкімі Нұрлыбек Нәлібаев және жауапты сала басшылары селекторлық режим арқылы қатысты.Күн тәртібінде өңірлерде цифрландыруды дамыту, «Таза Қазақстан» республикалық экологиялық бағдарламасын іске асыру, орман қорына және елді мекендерге ағаш отырғызу мәселелері қаралды.​«Ақылды» қалалар эталонды стандартына сәйкес Қызылорда облысының жол картасы бекітіліп, 6 бағыт бойынша 22 жоба жүзеге асырылуда. Атап айтқанда, «Бейнеаналитика элементтері бар бейнекамералардың жыл сайынғы ұлғаюы» жобасы бойынша Қызылорда қаласының аумағында 19 мың камера орнатылған. Оның 7 273-і полиция департаментінің жедел басқару орталығына қосылған. «Сергек» жобасы бойынша 100 бейнебақылау камерасы, 10 стационарлық жылдамдық өлшегіш бар. Мемлекеттік-жекеменшік әріптестік шеңберінде қала аумағына 1400 бейнебақылау камерасын орнату жоспарлануда. Камерада жасанды интеллект арқылы бет-әлпетті тану функциясы қарастырылған.​Өңірдегі медициналық ұйымдар компьютермен, «Даму-Мед» кешенді медициналық ақпараттық жүйесімен толық қамтылған. «Қалалық автотұрақ кеңістігін басқару» жобасы 100 пайыз жүзеге асырылған. Инновациялық ІТ жобаларды қолдау және дамыту мақсатында өңірлік технопарктердің ұйымдастыруымен былтыр 112 іс-шара өткізіліп, 4383 адам қатысты. 2020 жылдан бері Қызылорда қаласында «109 – Бірыңғай байланыс орталығының» жұмысы жолға қойылған.​«Таза Қазақстан» республикалық экологиялық бағдарламасы аясында санитарлық тазалық, абаттандыру және тұрғындардың өмір сүруіне қолайлы жағдай жасау мақсатында өңірлік жоспар бекітіліп, кешенді жұмыс жүргізілуде. Мекеме ғимараттарының қасбетін, аулалардағы балалар ойын және спорт алаңдарын, көшелердегі жарықтандыру мен аялдамаларды әрлеудің, сырлау, безендірудің біркелкі дизайн коды бекітілді. Облыс орталығынан бастап барлық елді мекендегі мекеме ғимараттары, аулалар, ойын алаңдары, аялдамалар, жарық бағаналары бірыңғай архитектуралық талаптарға сәйкестендірілді.​Өңірде жыл сайын «Үлгілі елді мекен» конкурсы өткізілуде. Соңғы екі жылда үздік атанған елді мекендерге 48 арнайы техника табысталды. Биыл да 19 техника жеңімпаздарға берілмек.​Өткен жылы коммуналдық және абаттандыру мекемелеріне 106 арнайы техника сатып алынып, қазір ел игілігіне қызмет етуде. «Таза Қазақстан» онлайн платформасы бойынша салалар бөлінісіне қарай бекітілген операторлар, модераторлар мен орындаушылар тұрғындардан келіп түскен өтінімдер негізінде тиісті шара қабылдап, уақытылы жауап беруде.​Мемлекет басшысының тапсырмасына сәйкес облыста орман өсіру көлемін ұлғайтудың 2021-2027 жылдарға арналған кешенді жоспары бекітіліп, 903 мың гектар жердің топырағы зерттелді, жобалау жұмыстары жүргізілді. Арал теңізінің құрғаған ұлтанындағы 672 мың гектар алқапқа 2021-2024 жылдары екпелер егілді. Биыл 428 мың гектарды ормандандыру жұмыстары жүргізілмек.Фото: Қызылорда облысы әкімінің баспасөз қызметі

Цифрландыру және орман қорын ұлғайту мәселесі қаралды

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен экономиканың нақты секторын қаржыландыру және Үкімет қаулыларының жобалары талқыланған Үкімет отырысы өтті. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысы өткізген мәжілісте күн тәртібіндегі және басқа да маңызды мәселелерге орай жауапты сала басшыларына тапсырма берілді.<blockquote>«Биыл ел экономикасының 107 пайыздық өсімін қамтамасыз ету міндеті қойылды. Өңірлер межесін Ұлттық экономика министрлігі әзірлеуде. Біз қаржыландыру көздерін тиімді ұйымдастырып, экономикалық өсімге қол жеткізуіміз қажет.Бүгінде мемлекет бизнесті қолдап, ынталандыруда. Өткен жылы кәсіпкерлікті қаржылай қолдауға барлық көзден 78 млрд. 651млн. теңге бағытталды. Мемлекет басшысының, Үкіметтің жан-жақты қолдауымен ауыл шаруашылығы саласының дамуында оң динамика қалыптасты. Жыл сайын субсидия, жеңілдетілген несие беруге қомақты қаржы бөлінеді.Жақын күндері көктемгі дала жұмыстары басталады. Егін егу науқанына қажетті жанар-жағармай, техника, тыңайтқыштардың нақты көлемін есептеп, дер кезінде жеткізілуін қамтамасыз етіңіздер. Бұл жұмыстарға қала, аудан әкімдері де жауапты. Науқан еш кедергісіз өтуі үшін барлығын жүйелі ұйымдастырыңыздар. Тұрғындарға электр энергиясын, жылуды, суды және газды үздіксіз беруде ешқандай мәселе туындамауы тиіс. Мемлекет басшысының тапсырмасына сәйкес биыл халықты орталықтандырылған ауыз сумен 100 пайыз қамтуымыз қажет. Газдандыру деңгейін 82 пайызға жеткіземіз. Тиісті орталық атқарушы органдармен жұмыс жасап, жобаларды республикалық бюджет қаржысы есебінен барынша қаржыландыру, жетпеген бөлігіне арнайы қорларды, демеушілерді тарту керек. Облыстық энергетика және тұрғын үй-коммуналдық шаруашылығы басқармасы, Қызылорда қаласы және аудан әкімдіктерімен бірлесіп, жыл соңына дейін жоспарланған жобаларды басты назарда ұстаңыздар. Биыл салынатын, сатып алынатын пәтерлердің сапасын қатаң бақылауға алыңыздар. Жоба-сметалық құжаттамаларды әзірлеудің тиімділігін қарау жөніндегі кеңес жұмысын жандандырып, алдағы уақытта ең қажетті жобаларды бірінші кезекке қойыңыздар», – деді Н.Нәлібаев.</blockquote>

Экономиканың өсімін қамтамасыз ететін салаларды қаржыландыру мәселесі басты назарда

<a href="https://kyzylorda-news.kz/">Kyzylorda-news.kz</a> Тиісті бұйрықты Ішкі істер министрлігі мен Цифрлық даму, инновациялар және аэроғарыш өнеркәсібі министрлігі әзірледі, деп хабарлайды&nbsp;<a href="https://egemen.kz/">Egemen.kz</a>.Жаңашылдық ел азаматтарына төлқұжаттар мен жеке куәліктерді жарамдылық мерзімінің өтуіне байланысты электронды үкімет порталы мен мобильді қосымшалар арқылы ауыстыруға мүмкіндік береді.<blockquote>«Жобаның мақсаты – 2026 жылдың 1 наурызына дейін қолданыстағы тәртіпке балама ретінде «Қазақстан Республикасының азаматтарына төлқұжаттарды, жеке куәліктерді беру» мемлекеттік қызметін көрсетуді онлайн форматқа көшіру (пилоттық жоба)», делінген хабарламада.</blockquote>Фото: gov.kz

Енді жеке куәлікті онлайн ауыстыру қолжетімді

<a href="https://kyzylorda-news.kz/">Kyzylorda-news.kz</a> Тұңғыш рет өткізілген шара аймақтағы жұмысшы қыз-келіншектердің кәсібилігін көпшілікке танытуды мақсат етеді.Қарапайым еңбек адамдарының адал еңбегі мен жетістігін дәріптеген шара шежірелі Шиелі ауданынан бастау алып, Сырдария ауданында түйінделді. Әр ауданнан алуан түрлі мамандық иелері қатысып, 12 қатысушы үздік деп танылды. Қорытынды іс-шарада сөз алған облыстық мәдениет, архивтер және құжаттама басқармасының басшысы Мира Қазбекова ару-аналарды мерейлі мерекемен құттықтап, жылы лебізін білдірді. Жүзден жүйрік шыққан үздік 12 қатысушыға облыс әкімінің орынбасары Шахмардан Баймановтың атынан Алғыс хат табысталды.Шырайлы шарада Қазақстанның Еңбек Ері Абзал Ерәлиев пен үш дүркін “Алтын домбыра” иегері Мұхтар Ниязов келген көпшілікке әйел затының қоғамдағы рөлі турасында есті әңгімелерін арнады. Фестиваль жыл сайын дәстүрлі сипатта жалғасатын болады.Фото: қала әкімдігі

«Гүлдей нәзік, болаттай берік» фестивалі өз мәресіне жетті

<a href="https://kyzylorda-news.kz/">Kyzylorda-news.kz</a> Желіде қазақстандық мұғалімдер айлықтың аз екеніне шағымданды. Айтуларынша, қанша жұмыс пен жүйке кетсе де берілетін жалақы мүлде еңбекке сай емес. Ал көпшілік мұны ашығынан айтуға қорқып жүр.&nbsp;Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Желідегі <a href="https://t.me/letterskz/712">видеода</a> 224 мың теңге жалақы алатын ұстаз еңбектің бағаланбай жатырғанын жеткізді.&nbsp;<blockquote>“Шынымен қараңыздаршы қандай мардымсыз жалақы? Осы мәселеге қашанғы үндемей отыра береміз? Бізде шынымен жалақы өте төмен. Қаншама жүйке жүйең кетіп, еңбектенесің?&nbsp;Шыны керек, мынадай ақшаны мен ешқашан алмағам? Ешқашан 200 мың теңге табыс тауып көрмегем. Бұрын студенттік кезде мұндай ақша мен үшін көп сияқты көрінетін. Бірақ айлығым түскен кезде мұның тіпті өте аз екенін түсіндім. Себебі біздің жасаған жұмысымыз бұл айлыққа мүлде келмейді.&nbsp;Таңғалып отырмын. 224 мың теңге. Кешіріңіз үш балам мен несиелерім бар. Бұл жалақыдан шыны керек екінші күні ештеңе де қалмайды”, –&nbsp;деді ол.</blockquote>Мұғалімнің&nbsp; сөзінше, айлық екенін білсе де басшылық жұмыс жүгін шамадан тыс көбейтіп қойған.<blockquote>“Түсінбеймін бітпейтін есеп беру не үшін керек? Ешкімге қажет емес сол есептер. Ал салдарынан ұстаздар өз жұмысына дайындалуға үлгермейді. Барлығын аяқтау үшін түнімен отырады. Бұл шындық, енді қашанға дейін үндемей төзуіміз керек? Тек айта салу емес, айғалап жеткізу керек мәселелер бар. Қоқуды қойыңыздаршы өтініш.&nbsp;Зейнетақы қорына жіберіп отырған 27 мың теңге. Маған мұндай көлемде аударып керек емес. Оданда өзіме беріңіздер балаларыма бірдеңе алайын. Медициналық сақтандыру да қажет емес. Мемлекеттік емханалардан бәрібір қажетті ем таппай ақылыға баруға тура келеді. Түсінбеймін дәл қазір осындай жалақымен қалай өмір сүруге болады? Маған мүлде жетпейді”, –&nbsp;деп қосты ол.&nbsp;</blockquote>Дегенмен Оқу-ағарту министрлігі&nbsp;2020 жылдан бастап президенттің тапсырмасымен педагогтердің жалақысы 100% - ға, яғни екі есеге ұлғайтылғанын алға тартты.&nbsp;<blockquote>“2023 жылдың қыркүйегінде мектепке дейінгі ұйымдардың тәрбиешілері қосымша 30% - ға, сондай-ақ өндірістен тартылған техникалық және кәсіптік білім беру ұйымдарының педагогтері 30-35% - ға қосымша ақы алды.&nbsp;"Педагог мәртебесі туралы" заң қабылданғаннан кейін мұғалімдердің жалақысының мөлшері бірнеше факторларға, соның ішінде білім деңгейіне, біліктілігіне (шебер, зерттеуші, сарапшы, модератор), еңбек өтіліне, жүктеме көлеміне, сондай-ақ еңбек жағдайлары, академиялық дәрежесі (10 АЕК), тәлімгерлік және сабақтан тыс спорттық сабақтарға (100%) қосымша төлемдерге байланысты болды”, –&nbsp;деді ведомство.&nbsp;</blockquote>Министрлік&nbsp;әр түрлі біліктілік санаттары бар мұғалімдердің жәрдемақылары осынша пайызға өскенін жеткізді:<ul><li style="text-align:justify;">Педагог – шебер 50%;</li><li style="text-align:justify;">Педагог – зерттеуші 40%;</li><li style="text-align:justify;">Педагог – сарапшы&nbsp; 35%;</li><li style="text-align:justify;">Педагог – модератор 30%;</li></ul><blockquote>“Ауыл мұғалімдеріне ерекше назар аударылады – олардың жалақысы қалалық әріптестерімен салыстырғанда кем дегенде 25% - ға жоғары.ҰБТ 2024 жылдың қорытындысы бойынша Қазақстанда мұғалімнің орташа жалақысы 1 мөлшерлемеде&nbsp;(16 сағат), қалада 352 мың теңгені және ауылда 435 мың теңгені құрады. Бұл ретте, ұлттық білім беру деректер базасының (ҰБДБ) мәліметінше, ел педагогтарының жартысы айына орта есеппен 581 мың теңге алып, 1,5 мөлшерлемемен (24 сағат) жұмыс істейді.Сонымен қатар, еліміз білім беру саласындағы жетістіктері бар, олимпиада жүлдегерлерін даярлап, мемлекеттік наградалар алған педагогтерді көтермелеу тәжірибесі бар санаулы елдердің бірі. 2024 жылы 89 педагог мемлекеттік сыйлықтардың лауреаттары атанды. Олардың сыйақылары 3,6 миллион теңгені (1000 АЕК) құрады. Марапатталғандардың қатарында еңбек ері, Қазақстанның еңбек сіңірген мұғалімдері, "Үздік педагог" байқауының жеңімпаздары бар.Осылайша, соңғы бес жылда Қазақстан базалық жалақының өсуін ғана емес, сонымен қатар үстемеақылар мен ынталандырушы төлемдер жүйесін қамтамасыз ете отырып, педагогтердің мәртебесі мен қаржылық әл-ауқатын арттыру бағытында елеулі қадамдар жасады”, –&nbsp;делінген хабарламада.&nbsp;</blockquote>Фото: Нұрболат Нұржаубай

Қазақстандық мұғалімдер жалақының аздығына шағымданды: Оқу-ағарту министрлігі олардың 600 мың теңгеге жуық айлық алатынын мәлімдеді

<a href="https://kyzylorda-news.kz/">Kyzylorda-news.kz</a> Қазіргі таңда шекара қызметінде нәзік жанды арулар ерлермен қатар ел шебін күзетуде. Бұл сала ұқыптылықты, қырағылықты және жоғары жауапкершілікті талап етеді. Қиындығы мен жауапкершілігі мол қызметте арулар тек кәсіби біліктіліктерімен ғана емес, сондай-ақ табандылығы, төзімділігі және патриоттық рухымен ерекшеленеді. Бүгін Өңірлік коммуникациялар қызметінің ақпарат алаңында “Қорқыт ата” шекаралық бақылау бөлімшесінің кіші бақылаушысы кіші сержант Гүлназ Тәжібаева өзінің қызмет атқарып жүрген саласы туралы айтты.<blockquote>– Әскери қызмет – тек ер азаматтарға ғана тән мамандық емес. Бүгінде ел шебін күзетіп, шекара қауіпсіздігін қамтамасыз етуде аруларымыз да ерлермен қатар қызмет атқаруда. Біз өз міндетімізді атқара отырып, әр азаматқа құрметпен қарап, заңдылық пен әділдікті сақтауға бар күш-жігерімізді саламыз. Шекара қызметінде жұмыс істеу – үлкен абырой әрі зор жауапкершілік. Күн сайын біз мемлекетіміздің шекарасының тұтастығы мен қауіпсіздігін қамтамасыз ету жолында аянбай еңбек етеміз. Әйел бола тұра, әскери салада қызмет ету – төзімділік пен табандылықты қажет етеді. Біз нәзік жанды болғанымызбен, әрқашан қызметімізге адалдық танытып, ел алдындағы борышымызды абыроймен орындауға тырысамыз. Біздің бойымыздағы жауапкершілік, табандылық, ұқыптылық пен әділеттілік бұл қызметте ерекше маңызға ие. Қиындығы мен жауапкершілігі мол бұл қызметте нәзік жандылардың орны ерекше. Біз тек ел шебін күзетіп қана қоймай, қоғамға, болашақ ұрпаққа үлгі көрсетеміз,-деді, Гүлназ Аймағамбетқызы.</blockquote>

Шекара шебіндегі абырой мен адалдық

<a href="https://kyzylorda-news.kz/">Kyzylorda-news.kz</a> «AMANAT» партиясының «Бақытты отбасы», «Ұлттық мұра» жобалары аясында партияның Байқоңыр филиалына қарасты «Мәметова» бастауыш партия ұйымының ұйымдастыруымен отбасы институтын нығайту және балаларды рухани-адамгершілікке тәрбиелеу мақсатында «Анам және мен» тақырыбында шара өтті.Іс-шара қыз баласының бойына ананың жақсы қасиеттерін сіңіру, аналарынан үйренгенін күнделікті өмірде қолдана білуге дағдыландыру, ата-анаға деген құрмет, сүйіспеншілік, мақтаныш сезімін ұялатуға тәрбиелеу бағытында өткізілді.Танымдық шарада өз ана тілін, мәдениетін, салт-дәстүрін, ұлттық ән, би өнерлерін меңгерте отырып, қазақ қызына тән қасиеттермен сусындатты.<blockquote>«Мәметова» бастауыш партия ұйымының төрағасы Гүлнұр Қайнарбаеваның айтуынша бүгінгідей балаларымыздың түрлі гаджеттерге телмірген тұсында бала тәрбиесі - баршаға ортақ.«Отбасы институтын нығайту және оның қоғамдағы рөлін арттыру – «AMANAT» партиясының Саяси тұғырнамасындағы негізгі басымдықтардың бірі. Өткен жылы партияның Әйелдер қанаты ата-аналар балаға көбірек көңіл бөлуі үшін «Балаңа уақыт арна!» акциясын жариялады. Біз балабақша базасына келіп, ондағы балғындар мен олардың аналарын бірге қосып, шара өткізіп отырмыз. Бұл бір жағынан балабақшадағы тәрбиеші мен ата-ананың ынтымақтастығын арттырса, екінші жағынан тәжірибені өмірде қолдана білу мүмкіндігін қалыптастырады.&nbsp;Әрбіріміз баламызға уақыт бөлуді ұмтыпайық»,-деді Гүлнұр Қайнарбаева.</blockquote>

Жобалар аясында танымдық – тәрбиелік шара өтті

<a href="https://kyzylorda-news.kz/">Kyzylorda-news.kz</a> Төтенше жағдайлар департаментінде қызмет ететін психолог нәзік жанды арулар – адамдарға рухани күш сыйлайтын, олардың психологиялық тұрақтылығын нығайтатын маңызды мамандар. Олар құтқарушылар мен өрт сөндірушілердің күйзелісті жағдайларда салқынқандылық танытып, өз міндеттерін абыроймен атқаруына көмектеседі. Бүгін Өңірлік коммуникациялар қызметінің ақпарат алаңында өзінің атқарып жүрген қызметі туралы ТЖ департаменті психологиялық қызмет тобының бас маман-психологы Арайлым Тілеуқабылова айтты.<blockquote>– Біздің қызметіміз – төтенше жағдайлар саласында қызмет ететін мамандардың психологиялық дайындығын қамтамасыз ету, олардың моральдық-психологиялық жағдайын нығайту және төтенше жағдайлар кезінде психологиялық қолдау көрсету. Төтенше жағдайлар қызметкерлері күн сайын адамдардың өмірін сақтап қалу үшін жанкешті еңбек етеді. Олардың әрбір әрекеті үлкен физикалық және психологиялық жүктемемен қатар жүреді. Сондықтан біздің міндетіміз – қызметкерлердің ішкі тұрақтылығын, төзімділігін арттырып, күйзелісті еңсеруіне көмектесу. Біз олармен күнделікті әңгімелесу, психологиялық тренингтер өткізу, қиын жағдайларда моральдық қолдау көрсету арқылы олардың кәсіби және эмоционалды дайындығын күшейтеміз. Психолог маман ретінде мен әрбір қызметкердің психикалық денсаулығы мен эмоционалды тұрақтылығы – олардың кәсіби шеберлігі мен қызмет сапасына тікелей әсер ететінін ерекше атап өткім келеді. Біз тек қызметкерлермен ғана емес, сондай-ақ төтенше жағдайлардан зардап шеккен азаматтарға да психологиялық көмек көрсетеміз. Бұл – үлкен жауапкершілікті талап ететін, бірақ сондай-ақ қоғамға пайдасы мол, игілікті жұмыс,-деді, Арайлым Тілеуқабылова.</blockquote>

Жан жарасын жазатын маман – үміт пен сенімнің тірегі

<a href="https://kyzylorda-news.kz/">Kyzylorda-news.kz</a> Жақында Астана қаласында ардагерлер мен әуесқойлар арасында жеңіл атлетикадан ҚР чемпионаты өткен болатын. Аталмыш жарысқа Қызылорда облысынан қатысқан 14 ардагер үздіктер арасынан топ жарып, жүлделі орындарға ие болды.Осыған орай, кеше Қызылорда облысының дене шынықтыру, спорт және туризм басқармасының басшысы Бахтияр Ғарифоллаұлы жеңімпаз атанған ардагерлерді арнайы қабылдап, теңдессіз жетістіктерімен құттықтады. Сонымен қатар, басқарма басшысы ардагер спортшылардың спортты дамытуға ерекше үлес қосып, жоғары деңгейдегі жарыстарда белсенділік танытқандарына зор ризашылығын білдірді. Сондай-ақ, алда өтетін байрақты бәсекелерде ардагерлердің үздік нәтиже көрсететініне сенім білдірді.Айта кетейік, аталмыш жарыста қызылордалық қатысушылар 22 алтын, 16 күміс, 10 қола барлығы 48 медаль еншілеп, жалпыкомандалық есепте 4-ші орынға ие болды.Фото: Қызылорда облысының дене шынықтыру, спорт және туризм басқармасы

Қазақстан және Қызылорда облысының жаңалықтары