<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде инклюзивті саясатты іске асыру мәселесі қаралды.&nbsp;Оған облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін өткен мәжілісте осы және өзгеде мәселелер талқыланды.&nbsp;<blockquote>«Жаңадан бой көтерген ғимараттарды, саябақтар мен сауда орталықтарын мүгедектігі бар адамдардың, қарттардың ыңғайына қарай бейімдеу қажет. Ерекше қажеттілігі бар азаматтарымызға әуежай, теміржол және автовокзалдарда арнайы орынды көрсететін белгілер қойылып, пандус, лифтпен бейімделген дәретхана толыққанды жұмыс жасауы тиіс. Инклюзивті спорт түрімен айналысатын азаматтарымызға тұрақты қолдау көрсетіп, олардың халықаралық, республикалық жарыстарға қатысуы, жоғары нәтижеге жетуі үшін барлық қажетті жағдай жасалуы өте маңызды. Егер мүгедектігі бар азамат жұмысқа қабілетті болса, жұмыс істегісі келсе, оған міндетті түрде көмектесуіміз керек. Инватакси қызметі үздіксіз көрсетілуі, мұқтаж азаматтарға қолжетімді болғаны жөн. Осы қызметтің сапалы әрі уақытылы көрсетілуіне тұрақты мониторинг жүргізіп, қажет болса автокөлік санын арттыруға ұсыныс беріңіздер», – деді Нұрлыбек Машбекұлы.</blockquote><img src="https://knadmin.beoblood.kz/uploads/Rassmotreny_voprosy_realizaczii_inklyuzivnoj_politiki_12aa1a2695.jpg" alt="Рассмотрены вопросы реализации инклюзивной политики.jpg">Жыл басында Президент тапсырмасына сәйкес, «Қазақстан халқына» қорының қолдауымен Қызылорда қаласында еліміз өңірлерінің арасында алғашқылардың бірі болып мүгедектігі бар азаматтарға арналған заманауи Инклюзивті спорт орталығы ашылды.Мәжілісте төтенше жағдайлардың алдын алуда қатаң шаралар қабылдау, көктемгі дала жұмыстарының кедергісіз жүргізілуін ұйымдастыру тапсырылды.&nbsp;Бұдан бөлек, макрокөрсеткіштердің тұрақты өсімі қамтамасыз етіліп, әлеуметтік нысандар, тұрғын үйлер құрылысының сапасы зерделенуі тиіс. «Батыс Еуропа – Батыс Қытай» автожолы бойындағы қызмет көрсету орталықтарының, жол бойындағы әжетханалар мен аялдамалардың санитарлық тазалығы назардан тыс қалмауы керек.<img src="https://knadmin.beoblood.kz/uploads/Inklyuzivti_sayasatty_iske_asyru_m_selesi_2_853f6316f9.jpg" alt="Инклюзивті саясатты іске асыру мәселесі 2.jpg">

Инклюзивті саясатты іске асыру мәселесі қаралды

<a href="https://kyzylorda-news.kz/">Kyzylorda-news.kz</a> Қазалы ауданында 2024 жылы орташа жөндеуден өткен Әйтеке би көшесі биыл қайта жаңғыртылуда. Бұған өткен жылғы жол сапасына жүргізілген зерделеу барысында асфальт жабынының бірқатар бөліктерінде ыдырау, ой-шұқырлардың пайда болуы секілді ақаулардың анықталуы себеп болды. Осыған байланысты мердігер мекемеге бірнеше рет ескерту жасалып, ішкі мемлекеттік аудит қорытындысымен мәселе сотта қаралды. Нәтижесінде, мердігер жолды өз қаражаты есебінен қайта төсеуге міндеттелді. Қазіргі таңда қайта жаңғырту жұмыстары басталды.Осыған орай, «AMANAT партиясы» Қазалы аудандық филиалы жанындағы Партиялық бақылау комиссиясы Әйтеке би көшесіндегі жұмыстардың барысына арнайы бақылау жүргізді. Аталған мәселе бұған дейін әлеуметтік желілерде кеңінен көтеріліп, тұрғындар тарапынан үлкен резонанс тудырған болатын. Нәтижесінде, мәселе Партиялық бақылау комиссиясының отырысында қаралып, жол құрылысына тұрақты бақылау жүргізу туралы шешім қабылданған еді.Комиссия құрамында жол және құрылыс саласында тәжірибесі бар аудандық мәслихат депутаттары бар. Олар нысан басында болып, құрылыс барысын зерделеп, мердігер мекемеге бірқатар ұсыныс-пікірлерін жеткізді. Атап айтқанда, құрылыс сапасын арттыру, технологиялық талаптарды сақтау және жұмыстарды белгіленген мерзімде аяқтау қажеттігі ескертілді.Комиссия төрағасы, аудандық мәслихат депутаты Әділбек Сарабеков бұл мәселенің аймақ басшысының тікелей бақылауында тұрғанын атап өтті.<blockquote>«Жалпы жол мәселесі – ең өзекті тақырыптардың бірі. Бұған дейін, яғни 2024 жылы жүргізілген осы көше бойынша жол сапасына қатысты тұрғындар тарапынан бірнеше рет шағым түсті. Ендігі кезекте сапаға басымдық беріп, халық игілігі үшін жасалып жатқан жұмысты белгіленген мерзімде әрі талапқа сай аяқтау қажет», – деді ол.</blockquote>Бүгінде жолдың бірқатар бөлігі толықтай аяқталған. Қалған учаскелерде тиісті жұмыстар жалғасуда. Мердігер мекеме «Строй Модуль - Астана» ЖШС өкілдерінің мәліметінше, нысанды мамыр айының соңына дейін толық пайдалануға беру жоспарланып отыр.Аманаттықтар &nbsp;жоба толық пайдалануға берілгенше құрылыс сапасы бақылауда болатындығын айтады.<img src="https://knadmin.beoblood.kz/uploads/jteke_bi_zhol_sapasy_ba_ylauda_2_03c7bd357f.jpg" alt="Әйтеке би жол сапасы бақылауда 2.jpg">

AMANAT: Жол сапасы бақылауда

Алыптар әлемі және Мұхамеджан Қаратаев

Қасым-Жомарт Тоқаев:<blockquote>– Біз – тарихы ортақ, тамыры бір бауырлас елдерміз, көшпенді халықтардың ұрпағымыз. Қазақ пен моңғол – ғасырлар бойы іргесі бөлінбеген көршілер. Халықтарымыздың өмір салты, әдет-ғұрпы өте ұқсас. Қазір де осы мәңгі құндылықтарды арқау етіп келеміз. Бүгінде ықпалдастығымыз стратегиялық серіктестік рухында дамуда. Мемлекетаралық, парламентаралық және үкіметаралық байланыстарымыз нығаюда. Құрметті Президент мырза, Сіз екіжақты қарым-қатынасымызды жаңа деңгейге көтеруге зор үлес қосып келесіз. Мұны жоғары бағалаймыз. Қажырлы еңбегіңіздің арқасында Моңғолияда көптеген оң өзгеріс болып жатыр. Былтыр еліңіздің экономикасы 6,8 пайызға өсті. Бұл Сіздің салиқалы басшылығыңыздың жемісі екені сөзсіз. Сіз халқыңыздың әл-ауқатын жақсарту үшін маңызды бастамаларды жүзеге асырдыңыз. Моңғолияда мемлекетті дамытуға арналған «Vision-2050» кешенді жоспары қолға алынғанын білеміз. Сондай-ақ Қарақорым атты жаңа қала салуды бастап кеттіңіздер. Бірегей жобалардың табысты болуына тілектеспіз. Сарабдал саясатыңыздың арқасында Моңғолияның халықаралық беделі арта түсті. Біз бауырлас елдің барлық жетістігіне қуанамыз, – деді Мемлекет басшысы.</blockquote>Ухнаагийн Хурэлсух:<blockquote>– Араға жиырма жыл салып Қазақстанға мемлекеттік сапармен келгеніме қуаныштымын. Сіздің осыдан екі жыл бұрын біздің елімізге жасаған мемлекеттік сапарыңыз моңғол-қазақ қарым-қатынастарын стратегиялық серіктестіктің жаңа деңгейіне көтерді. Бұл уақиға екіжақты байланыстар тарихына алтын әріппен жазылатыны сөзсіз. Құрметті Президент мырза, Сіздің көреген, парасатты және жоғары кәсіби басшылығыңыздың арқасында Қазақстан экономикалық және әлеуметтік салаларды дамытуда айтарлықтай табысқа жетті. Моңғол халқы еліңіздің жетістіктерін жіті бақылап отыр. 2024 жылғы Моңғолияға сапарыңыз барысында оннан астам құжатқа қол қойылды. Бүгін де бірқатар маңызды құжаттар қабылданады, – деді Моңғолия Президенті.</blockquote>Фото: Ақордаt.me/aqorda_resmi

Қазақстан мен Моңғолия президенттері шағын құрамда келіссөз жүргізді

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың төрағалығымен кадрлық өзгерістерге орай мәжіліс өтті. Онда «Атамекен» ұлттық кәсіпкерлер палатасы басқарма төрағасының бұйрығымен облыстық кәсіпкерлер палатасының директоры лауазымына тағайындалған Абизов Ділмұхамед Мінуарбекұлы таныстырылды.Облыс әкімі жаңа басшының қызметіне сәттілік тілеп, бірқатар міндет жүктеді.<blockquote>«Өңірімізге инвесторлар тарту және олардың жобаларын «бір терезе» қағидаты бойынша сүйемелдеуді ұйымдастыру керек. Жергілікті бизнес субъектілерін «Қазақстандық тауар өндірушілердің тізімі» жүйесіне тіркеу, өтінім беруін ұйымдастыру жұмыстарын жандандыруды тапсырамын», – деді Нұрлыбек Машбекұлы.</blockquote><img src="https://knadmin.beoblood.kz/uploads/Oblysty_k_sipkerler_palatasyny_direktory_ta_ajyndaldy_aabd421a89.jpg" alt="Облыстық кәсіпкерлер палатасының директоры тағайындалды.jpg">Ділмұхамед Абизов 1978 жылы Қызылорда қаласында дүниеге келген. Қорқыт ата атындағы Қызылорда мемлекеттік университетінде «Мұнай және газ кеніштерін игеру мен пайдалану», Ақмешіт гуманитарлық-техникалық институтында «Экономика» мамандықтары бойынша білім алған. Омбы гуманитарлық академиясында «Экономика» мамандығы бойынша магистр академиялық дәрежесін иеленген.Еңбек жолын «Сырдария мұнай» акционерлік қоғамының бұрғылаушысы болып бастаған. Әр жылдары жеке секторда басшылық қызметтер атқарған.«Байқоңыр» әлеуметтік-кәсіпкерлік корпорациясы» акционерлік қоғамы директорлар кеңесінің мүшесі, «Атамекен» кәсіпкерлер палатасы өңірлік кеңесінің, «Каз Текстиль» өзін-өзі басқару ұйымы директорлар кеңесінің, «Қызылорда өңірлік инвестициялық орталығы» бақылау кеңесінің төрағасы болған.2025 жылдың қыркүйек айынан осы уақытқа дейін Қызылорда қаласы әкімінің орынбасары қызметін абыроймен атқарып келді.Фото: Қызылорда облысы әкімнің баспасөз қызметі

Облыстық кәсіпкерлер палатасының директоры тағайындалды

<a href="https://kyzylorda-news.kz/">Kyzylorda-news.kz</a> &nbsp;Алматыда Қазақстанның Еңбек Ері, халық жазушысы Мұхтар Шахановты соңғы сапарға шығарып салу рәсімі өтіп жатыр. Қоштасу рәсіміне мыңдаған жанкүйер, туған-туыстары, достары мен серіктестері жиналды. Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі хабарлады.Рәсім Абай атындағы Қазақ ұлттық опера және балет театрында өтіп жатыр. Ақынға құрмет көрсету үшін Қырғызстаннан да қонақтар келген.Жиналғандар Мұхтар Шахановтың поэзия мен азаматтық ұстанымды ұштастыра білгенін алға тартты. Оның шығармалары әлемдік деңгейдегі туындылармен қатар тұрады және қазақ әдебиетінің баға жетпес рухани мұрасы саналады. Ақын поэзияға жаңа бояу, тереңдік пен ерекше мән әкелді. Ол әрдайым ел тағдырына қатысты маңызды мәселелерге үн қатып, өткір әрі салмақты пікір айтып отырды.Шарада cенат спикері Мәулен Әшімбаев сөз сөйлеп, президент Қасым-Жомарт Тоқаевтың көңіл айтқан жеделхатын оқып берді.<blockquote>“Халық жазушысы Қазақстанның еңбек ері Мұхтар Шахановтың отбасы мен жақын туыстарына ұлт перзенті аса көрнекті ақын, белгілі қоғам қайраткері Мұхтар Шахановтың дүниеден өтуіне байланысты ауыр қайғыларыңызға ортақтасып, көңіл айтамын. Мұхтар Шаханов бар ғибратты ғұмырын қастерлі сөз өнеріне арнап, қазақ поэзиясын жаңа белеске көтерген төл әдебиетіміз бен мәдениетіміздің көкжиегін кеңейтуге елеулі үлес қосқан, қоғамымыздың тұғырлы тұлғасы еді. Әрқашан тіл жанашыры ретінде игі істердің бастауында болды. Шығармалары көптеген шет тілдеріне тәжімаланды. Жалынды жырларын қалың оқырман сүйіп оқыды. Өнегелі өмір сүріп соңынан көп әдеби мұра қалдырған Мұхтар Шахановтың жарқын бейнесі халқымыздың жадында мәңгі сақталады. Иманы саламат, жаны жәннатта болсын!”, – делінген президент жеделхатында.</blockquote>Мұхтар Шаханов еңбек жолын&nbsp;журналист болып бастап, «Жалын» журналында редактор қызметін атқарған. Кейін КСРО Жоғарғы Кеңесінің және Қазақстан мәжілісінің депутаты болды. Ұлттық мүдде жолында белсенді күресіп, 1986 жылғы Желтоқсан оқиғасына қатысты Кремльде сөз сөйлеген. Сондай-ақ шетелдіктерге жерді жалға беруге қарсы қозғалысты басқарып, «Халық рухы» партиясын құрған.Еске салсақ,&nbsp;19 сәуір күні 84 жасқа қараған шағында Мұхтар&nbsp;Шаханов дүниеден озды.&nbsp;Айта кетейік, былтыр қарашада ақынның ұлы Қуаныш Мұхтарұлы дүниеден озды. Ал 2021 жылы Мұхтар Шахановтың тағы бір ұлы Рауан Шаханов өмірден өткен еді. Осы қайғылы қазадан кейін халық жазушысы бірнеше рет сырқаттанып, денсаулығы сыр бергені айтылған еді.Фото: Stan.kz

Алматы жұрты Мұхтар Шахановты соңғы сапарға шығарып салды

<a href="https://kyzylorda-news.kz/">Kyzylorda-news.kz</a> Бүгінде еліміздің көптеген университеттері білім беруді интернациоландыру, оқу бағдарламаларын әзірлеу бойынша қарқынды жұмыстар жүргізіп, студенттерін алыс-жақын шетелдерге оқуға жіберу арқылы академиялық ұтқырлықтың білім мен тәжірибе алмасу алаңы ретіндегі мүмкіндіктерін оңынан пайдаланып, бірегейлі танымдық үрдістер шеңберін қалыптастыруда.Осыған орай, Қорқыт ата атындағы Қызылорда университетінің «Информатика және АКТ» білім беру бағдарламасының 17 студенті академиялық ұтқырлық бағдарламасымен Жүсіп Баласағұн атындағы Қырғыз ұлттық университетінде тәжірибе алмасуда.&nbsp;Академиялық ұтқырлық бағдарламасы студенттердің білім көкжиегін кеңейтуге және халықаралық тәжірибе жинақтауға бағытталған. Бағдарлама аясында білім алушылар заманауи ақпараттық технологиялар, бағдарламалау және цифрлық жүйелер бойынша білімдерін жетілдіріп, шетелдік жоғары оқу орнының тәжірибесімен танысады. &nbsp;Айта кетейік, Қорқыт ата университеті академиялық ұтқырлық бағдарламасын жүйелі түрде жүзеге асырып, студенттердің шетелдік жоғары оқу орындарында білім алуына қолдау көрсетіп келеді.Еліміздің әр университеті ұсынған академиялық ұтқырлық бағдарламаларының жүзеге асу қағидасы әртүрлі болғанымен, барлығы дерлік білім алушы мен білім берушінің мүддесіне қызмет етеді. Бұл үрдіс кеңейіп, бағытын одан әрі кеңейткен сайын, отандық білім беру жүйесінің сапалы жетілуіне үлесін қоса бермек.<img src="https://knadmin.beoblood.kz/uploads/korkyt_1_2892b677a4.jpeg" alt="коркыт 1.jpeg">

Академиялық ұтқырлық: Қызылордалық студенттер шетел университетінде оқиды

<a href="https://kyzylorda-news.kz/">Kyzylorda-news.kz</a> Елімізде 752 мың мүгедектігі бар адам тіркелген. Бұл туралы Үкімет отырысында ҚР Еңбек және халықты әлеуметтік қорғау министрі Асқарбек Ертаев мәлім<a href="https://kaz.inform.kz/news/biil-inklyuzivt-zhumispen-kamtu-mumkndg-keneytled-enbek-ministrlg-f052a2/"> етті.</a><blockquote>-Қазақстан Республикасында 2030 жылға дейінгі Инклюзивті саясат тұжырымдамасы орындалып келеді. Көру қабілеті бұзылған адамдардың баспа ақпаратына қолжеткізуін жеңілдету жөніндегі Марракеш шарты ратификацияланды. Жеке көмекші қызметін көрсету, Әлеуметтік қызметтер порталы арқылы инватакси қызметін ұсыну мәселесі заңмен реттелді. Мүгедектігі бар адамдардың ақпаратқа қолжеткізуін қамтамасыз ету нормалары күшейтілді. Бірінші тоқсан қорытындысы бойынша электрондық дүкендер мәліметін қолдана отырып, техникалық оңалту құралдарының құнын өтеудің кепілдік берілген сомасын айқындау әдістемесі бекітілді. Жыл аяғына дейін арнаулы әлеуметтік қызметтер көрсету стандарты сапасын арттыру және инклюзивті жұмыспен қамту мүмкіндігін кеңейту жоспарланған, – деді А.Ертаев.</blockquote>Оның айтуынша, бүгінде елімізде шамамен 752 мың мүгедектігі бар адам тұрады. Бұл жалпы халық санының 3,7 пайызы. Оның ішінде еңбекке қабілетті жастағы адамдар – 56%, зейнеткерлер – 29%, балалар – 15%.<blockquote>-Биыл мемлекеттік бюджеттен және Мемлекеттік әлеуметтік сақтандыру қорынан жиынтық шығыстар 1,1 трлн теңге, – деді министр.</blockquote>Фото: Оқу-ағарту министрлігі

Биыл инклюзивті жұмыспен қамту мүмкіндігі кеңейтіледі – Еңбек министрлігі

<a href="https://kyzylorda-news.kz/">Kyzylorda-news.kz</a> Батыс Қазақстан облысында биыл Жеңіс күніне орай 1 722 адамға 91,8 млн теңгеге біржолғы әлеуметтік көмек <a href="https://kaz.inform.kz/news/bko-da-zhens-kunne-oray-6-maydangerge-15-mln-tengeden-berled-8ca223/">көрсетіледі.</a>БҚО жұмыспен қамтуды үйлестіру және әлеуметтік бағдарламалар басқармасы басшысының орынбасары Жақсылық Абдоловтың мәлім еткеніндей, аудандық және қалалық мәслихаттардың шешімдерімен бекітілген әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларына сәйкес соның ішінде Екінші дүниежүзілік соғысқа қатысқан 6 майдангерге 1,5 млн теңгеден беріледі.Оның сөзіне қарағанда, сондай-ақ Ленинград қаласын қоршау кезеңінде жұмыс істеген 1 адам 120 мың теңге алады. Сол секілді Кеңес армиясының ерікті жалдамалы құрамында болған тағы бір ардагерге сондай көлемде жәрдем беріледі.<blockquote>- Жасөспірім кезінде фашистік лагерьде тұтқында болған 4 адамның әрқайсысына 120 мың теңгеден тиеді. Қайтыс болған Екінші дүниежүзілік соғыс ардагерлері және соларға теңестірілгендердің әйелдері (101 адам), сондай-ақ 1 609 тыл еңбеккеріне 50 мың теңгеден көмек көрсетіледі, - деді Ж.Абдолов.</blockquote>Фото: gov.kz

БҚО-да Жеңіс күніне орай 6 майдангерге 1,5 млн теңгеден беріледі   

<a href="https://kyzylorda-news.kz/">Kyzylorda-news.kz</a> Қызылорда облысында кәмелетке толмағандар арасындағы құқық бұзушылықтың алдын алу бағытындағы жұмыстар жүйелі түрде жалғасуда. Осы бағытта облыстық полиция департаменті кешенді профилактикалық шараларды жүзеге асырып келеді.&nbsp;2026 жылдың алғашқы үш айының қорытындысы бойынша жасөспірімдердің қатысуымен жасалған қылмыстар саны 7,1 пайызға төмендеген. Осы жұмыстар аясында Қызылорда қаласында полиция қызметкерлері түнгі рейдтік іс-шара өткізді. Тәртіп сақшылары қала аумағында күшейтілген бақылау жүргізіп, кәмелетке толмағандардың қауіпсіздігіне ерекше назар аударды.2025 жылғы 13–17 сәуір аралығында өткен рейд барысында түнгі уақытта заңды өкілдерінсіз жүрген 77 жасөспірімге қатысты тиісті шаралар қабылданды. Аталған деректер бойынша полиция қызметкерлері әкімшілік хаттамалар толтырып, түсіндірме жұмыстарын жүргізді. Қазақстан Республикасы әкімшілік құқық бұзушылық туралы кодексінің 442-бабына сәйкес жауапты тұлғаларға әкімшілік шаралар қолданылды.&nbsp;Бұдан бөлек облыс көлемінде “Жасөспірім”, “Демалыс” жедел-профилактикалық іс-шаралары ұйымдастырылып, “Түнгі қала” және “Квадрат” әдістері бойынша рейдтер тұрақты түрде жүргізілуде. Бұл жұмыстарға қоғам белсенділері, блогерлер мен мұғалімдер тартылып, қоғамдағы жауапкершілікті арттыруға ықпал етуде.<img src="https://knadmin.beoblood.kz/uploads/768e8677_9647_4e23_8594_5251f84a6729_08cb9ec7c1.jpeg" alt="768e8677-9647-4e23-8594-5251f84a6729.jpeg">Фото: Нұрболат Нұржаубай

Қызылордада полицейлер түнгі рейд жүргізді  

<a href="https://kyzylorda-news.kz/">Kyzylorda-news.kz</a> Бүгінгі күні адамға беймәлім кредит ресімделетін жағдайлар, өкінішке орай, сирек емес. Алаяқтар банк сервистеріне қол жеткізу үшін дербес деректердің жария болуын, фишинг сайттарды, зиянды қосымшалар мен психологиялық айла-шарғыларды пайдаланады. Мұндай кезде Сіздің құқықтарыңыз Заңмен қорғалатынын білу маңызды, алайда бұл сіздің қаншалықты жылдам және дұрыс әрекет ететініңізге байланысты болады.Fingramota.kz алаяқтық кредит ресімделген жағдайда не істеу керектігі туралы егжей-тегжейлі нұсқаулық&nbsp;дайындады.Сізге кредит ресімделгенін қалай түсінуге боладыКөп жағдайда адам алаяқтық кредит туралы кездейсоқ: банктен хабарлау, коллектордың қоңырауы немесе кредиттік тарихтың кенеттен нашарлауы арқылы біледі. Кейде адамға сұрамаған SMS-кодтар келеді немесе шығу тегі түсініксіз есептен шығарулар тіркеледі. Осы кезеңде мұндай белгілерге енжарлық танытпай, жағдайды бірден анықтай бастау маңызды.1-қадам. Дереу кредитормен байланысыңызЕң алдымен - сіздің атыңызға кредит ресімделген банкпен немесе микроқаржы ұйымымен дереу хабарласу керек. Оны тек ресми арналар арқылы жасау керек: колл-орталық, мобильді қосымша немесе бөлімше.Сөйлесу кезінде алаяқтық фактісін тіркеп, мыналарды талап ету қажет:• картаны, шотты және бағдарламаға кіруді бұғаттау;• сіздің жүгінген күніңіз бен уақытты көрсете отырып, ресми түрде тіркеу;• жүгінудің тіркелгенін растауды ұсыну.Бұл банкпен және мемлекеттік органдармен одан әрі өзара іс-қимыл үшін маңызды.2- қадам. Барлық дәлелдемелерді жазып қойыңызСонымен бір мезгілде барлық ықтимал дәлелдемелерді барынша жылдам тіркеу қажет. Кез келген ақпараттың маңызды болуы мүмкін: SMS-хабарламалар, растау кодтары, мессенджерлердегі хат жазысу, қоңыраулар жазбасы, банктен хабарламалар, операциялардың тарихы, алушылардың деректемелері.Бұл деректерді түпнұсқа түрінде: скриншот немесе көшірме түрінде, редакциялаусыз сақтау маңызды. Тіпті бір қарағанда елеусіз жағдай тергеу кезінде негізгі рөл атқаруы мүмкін.3-қадам. Полицияға жүгініңізӨтінішті eGov, e-Otinish порталы арқылы немесе тұрғылықты жері бойынша аумақтық органға жеке тапсыруға болады. Өтініште мән-жайларды егжей-тегжейлі сипаттау қажет: кредит қашан және қандай сомаға ресімделген, қандай кредитор көрсетілген, сіз ресімдеу фактісі туралы қалай білдіңіз, сондай-ақ қолда бар барлық дәлелдемелерді қоса беру қажет. Тіркелгеннен кейін ақпарат Сотқа дейінгі тергеп-тексерулердің бірыңғай тізіліміне енгізіледі және алаяқтық фактісі бойынша тексеру басталады.Полицияға жүгіну - формальдылық емес, негізгі кезең.&nbsp;Тергеп-тексеру шеңберінде кредитті ресімдеу мән-жайлары анықталады, дербес деректердің қалай пайдаланылғаны тексеріледі және қаржы ұйымы тарапынан ықтимал бұзушылықтар анықталады. Қорытындылары бойынша жәбірленушінің мәртебесін растайтын немесе істің мән-жайын белгілейтін процестік құжат беріледі (құжатта кредиттің сомасы, күні және кредитордың атауы көрсетілуге тиіс). Дәл осы құжат кредитормен одан әрі өзара іс-қимыл жасауға негіз болады.4-қадам. Кредиторға қайта жүгініңізОны алғаннан кейін банкке немесе МҚҰ-ға қайта жүгіну қажет. Бұл жағдайда кредитор 3 күн iшiнде берешектi өндiрiп алуды тоқтата тұруға, айыппұл есептеудi тоқтатуға және шағым-талап жұмысын тоқтатуға мiндеттi.Егер борыш коллекторларға берілсе, оларға да қылмыстық істің бар екендігі туралы хабарлау қажет. Бұл ретте түсіну маңызды: өндіріп алуды тоқтата тұру - бұл түпкілікті шешім емес, талқылау уақыты.НАЗАР АУДАРЫҢЫЗ! Кредитордың немесе коллектордың әрекетсіздігі кезінде тексеру жүргізу және қадағалап ден қою шараларын қабылдау үшін e-Otinish арқылы ҚР Қаржы нарығын реттеу және дамыту агенттігіне (ҚНРДА) хабарласыңыз.Полиция қызметкерлерінің әрекетімен (әрекетсіздігімен) келіспеген жағдайда сіз аумақтық органның басшылығына жүгінуге, e-Otinish порталы арқылы шағым беруге не прокуратура органдарына жүгінуге құқылысыз.Алаяқтық кредитті есептен шығаруға бола ма?Бұл ең жиі кездесетін сұрақтардың бірі. Бұл жерде кең таралған жаңылысуға әкелмеу маңызды: алаяқтық фактісінің өзі міндеттемелерден автоматты түрде босатуды білдірмейді. Есептен шығару үшін қылмыс фактісінің өзін ғана емес, сонымен қатар қарыз беру кезінде кредитор тарапынан бұзушылықтардың болуын да анықтау қажет.Жағдайға байланысты: соттан тыс есептен шығару (айқын бұзушылықтар кезінде) немесе сот тәртібі қолданылады.Борышты соттан тыс есептен шығаруЕгер алаяқтық фактісін полиция бір мезгілде растаса және кредит беру кезінде кредитор тарапынан бұзушылықтарға жол берілсе, соттан тыс есептен шығаруға жол беріледі.Мұндай&nbsp;бұзушылықтарға мыналар жатады:- онлайн-кредит алу кезінде міндетті биометрияның болмауы;- клиент eGov-те кредиттер алуға тыйым салуды белгілеген жағдайда кезде кредит беру;- жас ерекшеліктеріне қойылатын талаптарын сақтамау (расталған келісімсіз 21 жасқа дейін және 55 жастан жоғары);- бірінші кепілсіз тұтынушылық кредитті биометриясыз немесе жеке қатысуынсыз онлайн ресімдеу (белгіленген шектерден асқан кезде);- «шешім қабылдау кезеңін» бұзу: 150-ден 255 АЕК-ке дейінгі банктік қарыздар үшін 8 сағаттан ерте және банктік қарыздар бойынша 255 АЕК-тен жоғары және микрокредиттер бойынша 75 АЕК-тен жоғары және қарыз алушының қосымша растауынсыз 24 сағаттан ерте.Ерекше жағдайлар:- тауарлардың немесе қызметтердің ақысын тікелей сатушыға төлеу;- сол банкте немесе МҚҰ-да берешекті өтеу;- 150 АЕК дейінгі лимит шегінде карта бойынша операциялар;- атқарушылық іс жүргізу бойынша салықтарды, айыппұлдарды және берешектерді төлеу.Мұндай жағдайларда қаржы ұйымы борышты есептен шығаруға, ұсталған қаражатты қайтаруға және кредиттік тарихты түзетуге міндетті.Борышты сот арқылы есептен шығаруЕгер алаяқтық фактісін полиция растаса, бірақ кредитор тарапынан бұзушылықтардың болуы сот тәртібімен белгілеуді талап етсе қолданылады.Сот полиция жинаған дәлелдер базасының негізінде кредиттің алаяқтықпен ресімделу фактісін анықтайды және банктің немесе МҚҰ-ның бұзушылықтарына байланысты алаяқтардың әрекеттері мүмкін болғанын анықтайды.Мұндай бұзушылықтарға:– үшінші тұлғалардың клиенттің дербес деректерін пайдалануы (оның ішінде қашықтан қол жеткізуді қолдана отырып);– биометрия рәсімінің бұзылуы;– алаяқтық операцияларды анықтау және болдырмау жөніндегі талаптарды сақтамауы жатады.Бұл жағдайда сот істің мән-жайын анықтайды және кредитті есептен шығару туралы шешім қабылдайды.Сот шешімі күшіне енгеннен кейін кредит беруші:- қарызды есептен шығаруға;- ұсталған соманы қайтаруға;- кредит тарихына өзгерістер енгізуге міндетті.Әрекетсіздіктің ықтимал тәуекелдерін де түсіну маңызды. Егер дереу қадам жасамаса, қарыз ұлғая береді, сот өндіріп алуы мүмкін, ал сіздің шоттарыңыз бұғатталуы мүмкін. Бұдан басқа, кредиттік тарих айтарлықтай нашарлайды, бұл болашақта қаржылық қызметтерге қол жеткізуді шектейді.Профилактикаға ерекше назар аудару керек. Мұндай жағдайлардың көпшілігі кодтарды беруден, күмәнді қосымшаларды орнатудан немесе күмәнді сілтемелерге көшуден туындайды. Өзіңізді қарапайым, бірақ тиімді шаралармен қорғауға болады: SMS-кодтарды ешкімге бермеу, екі факторлы аутентификацияны пайдалану, кредиттік тарихты үнемі тексеру және қажет болған жағдайда «Стоп-кредит» қызметін қосу.Ең бастысы есте сақтау керек: егер сіздің атыңызға кредит рәсімделген болса, әрекет жылдамдығы мен дәйектілігі шешуші рөл атқарады. Сіз алаяқтық фактісін неғұрлым ерте тіркеп, уәкілетті органдарға жүгінсеңіз, өз құқықтарыңызды қорғау, қаржылық шығындарды тоқтату және кредиттік беделіңізді қалпына келтіру ықтималдығы соғұрлым жоғары болады.БАЙЛАНЫСУ ЖӘНЕ ПАЙДАЛЫ СІЛТЕМЕЛЕРПолиция: &nbsp; &nbsp;eGov.kz (https://egov.kz), eOtinish (https://eotinish.kz) немесе тұрғылықты жері бойынша жеке өзі (фронт-офис: + 7 7172 71 46 93)ҚНРДА: &nbsp; &nbsp; &nbsp;e-Otinish.kz порталы/Өтініш беру/ҚНРДА (call-орталық: + 7 727 237 10 00)Прокуратура:&nbsp;e-Otinish.kz порталы/Өтініш беру/ҚР Бас прокуратурасы (call-орталық: 115 – Қазақстан бойынша қоңырау шалу тегін)<img src="https://knadmin.beoblood.kz/uploads/Whats_App_Image_2026_04_20_at_17_12_10_4452e2ce86.jpeg" alt="WhatsApp Image 2026-04-20 at 17.12.10.jpeg">Фото: fingramota.kz

Қадамдық нұсқаулық: атыңызға алаяқтық жолмен кредит рәсімделсе не істеу керек?

<a href="https://kyzylorda-news.kz/">Kyzylorda-news.kz</a> Қазалы ауданы әкімі Алмасбек Есмаханов Әйтеке би кентіндегі салынып жатқан ойын алаңдарын аралап, Р.Сабырбаев көшеcіне жүргізілетін ағымдағы жол жөндеу жұмыстарының барысын көрді. Мердігер мекеме өкілдерімен кездесіп, жол сапасына ерекше мән беруді және салаға жауапты орынбасарына жұмыстарды тұрақты бақылауда ұстауды тапсырды. Биыл аудан орталығындағы С.Сейфуллин, Біржан сал, Жалаңтөс батыр, Ж.Аймауытов, М.Шоқай, С.Сүлейменов сынды бірқатар көшелердің асфальт қабатына ағымдағы жөндеу жұмыстары жоспарланып отыр.Бұған дейін аудан әкімі Әйтеке би кентіндегі спорт алаңдарының жағдайымен танысып, жаңа нысандар салу және тозығы жеткендерін жөндеу жөнінде нақты тапсырмалар берген болатын. Соған сәйкес, қазіргі таңда кентте 2 жаңа спорт алаңын салу, тағы да 2 алаңға ағымдағы жөндеу жұмыстары басталуда.Аудан басшысы жаңадан ашылған тұрғын үй аймақтарындағы А.Әсербаев пен Ж.Құдабаев көшелерінің қиылысында салынып жатқан жаңа спорт алаңын, Михайлюк көшесі бойындағы жөндеу жұмыстары жүріп жатқан спорт алаңын көрді. Жауапты мердігерлерге барлық жұмысты сапалы әрі белгіленген мерзімде, аяқтауды тапсырды. Жаңа ойын алаңдарын 1 маусымға дейін толық аяқтап пайдалануға беру керектігін ескертті. Сонымен қатар жаңа спорт алаңдарын бейнебақылау камераларымен жабдықтап, түнгі жарықпен қамтамасыз ету жөнінде кент әкіміне нақты тапсырмалар жүктеді.Аудан әкімі Әйтеке би кентіндегі Желтоқсан және В.Счастнов көшелеріндегі көпқабатты тұрғын үйлердің аулаларында салынып жатқан қоғамдық әжетханалардың құрылысыменде танысты. Бұған дейін аталған үйлердің тұрғындары тарапынан тұрғын үйлердің қас беттерін жөндеу мен шатырын ауыстыру, қоқыс контейнерлерін қою, кәріз суын төгетін арнайы орындарды салу және қоғамдық әжетхана салу сынды мәселелер көтерілген болатын. Бүгінде тұрғындар көтерген мәселелер кезең-кезеңімен толықтай шешімін табуда.

Қазақстан және Қызылорда облысының жаңалықтары