<a href="https://kyzylorda-news.kz/">Kyzylorda-news.kz</a> Тұңғыш рет өткізілген шара аймақтағы жұмысшы қыз-келіншектердің кәсібилігін көпшілікке танытуды мақсат етеді.Қарапайым еңбек адамдарының адал еңбегі мен жетістігін дәріптеген шара шежірелі Шиелі ауданынан бастау алып, Сырдария ауданында түйінделді. Әр ауданнан алуан түрлі мамандық иелері қатысып, 12 қатысушы үздік деп танылды. Қорытынды іс-шарада сөз алған облыстық мәдениет, архивтер және құжаттама басқармасының басшысы Мира Қазбекова ару-аналарды мерейлі мерекемен құттықтап, жылы лебізін білдірді. Жүзден жүйрік шыққан үздік 12 қатысушыға облыс әкімінің орынбасары Шахмардан Баймановтың атынан Алғыс хат табысталды.Шырайлы шарада Қазақстанның Еңбек Ері Абзал Ерәлиев пен үш дүркін “Алтын домбыра” иегері Мұхтар Ниязов келген көпшілікке әйел затының қоғамдағы рөлі турасында есті әңгімелерін арнады. Фестиваль жыл сайын дәстүрлі сипатта жалғасатын болады.Фото: қала әкімдігі

«Гүлдей нәзік, болаттай берік» фестивалі өз мәресіне жетті

<a href="https://kyzylorda-news.kz/">Kyzylorda-news.kz</a> Желіде қазақстандық мұғалімдер айлықтың аз екеніне шағымданды. Айтуларынша, қанша жұмыс пен жүйке кетсе де берілетін жалақы мүлде еңбекке сай емес. Ал көпшілік мұны ашығынан айтуға қорқып жүр.&nbsp;Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Желідегі <a href="https://t.me/letterskz/712">видеода</a> 224 мың теңге жалақы алатын ұстаз еңбектің бағаланбай жатырғанын жеткізді.&nbsp;<blockquote>“Шынымен қараңыздаршы қандай мардымсыз жалақы? Осы мәселеге қашанғы үндемей отыра береміз? Бізде шынымен жалақы өте төмен. Қаншама жүйке жүйең кетіп, еңбектенесің?&nbsp;Шыны керек, мынадай ақшаны мен ешқашан алмағам? Ешқашан 200 мың теңге табыс тауып көрмегем. Бұрын студенттік кезде мұндай ақша мен үшін көп сияқты көрінетін. Бірақ айлығым түскен кезде мұның тіпті өте аз екенін түсіндім. Себебі біздің жасаған жұмысымыз бұл айлыққа мүлде келмейді.&nbsp;Таңғалып отырмын. 224 мың теңге. Кешіріңіз үш балам мен несиелерім бар. Бұл жалақыдан шыны керек екінші күні ештеңе де қалмайды”, –&nbsp;деді ол.</blockquote>Мұғалімнің&nbsp; сөзінше, айлық екенін білсе де басшылық жұмыс жүгін шамадан тыс көбейтіп қойған.<blockquote>“Түсінбеймін бітпейтін есеп беру не үшін керек? Ешкімге қажет емес сол есептер. Ал салдарынан ұстаздар өз жұмысына дайындалуға үлгермейді. Барлығын аяқтау үшін түнімен отырады. Бұл шындық, енді қашанға дейін үндемей төзуіміз керек? Тек айта салу емес, айғалап жеткізу керек мәселелер бар. Қоқуды қойыңыздаршы өтініш.&nbsp;Зейнетақы қорына жіберіп отырған 27 мың теңге. Маған мұндай көлемде аударып керек емес. Оданда өзіме беріңіздер балаларыма бірдеңе алайын. Медициналық сақтандыру да қажет емес. Мемлекеттік емханалардан бәрібір қажетті ем таппай ақылыға баруға тура келеді. Түсінбеймін дәл қазір осындай жалақымен қалай өмір сүруге болады? Маған мүлде жетпейді”, –&nbsp;деп қосты ол.&nbsp;</blockquote>Дегенмен Оқу-ағарту министрлігі&nbsp;2020 жылдан бастап президенттің тапсырмасымен педагогтердің жалақысы 100% - ға, яғни екі есеге ұлғайтылғанын алға тартты.&nbsp;<blockquote>“2023 жылдың қыркүйегінде мектепке дейінгі ұйымдардың тәрбиешілері қосымша 30% - ға, сондай-ақ өндірістен тартылған техникалық және кәсіптік білім беру ұйымдарының педагогтері 30-35% - ға қосымша ақы алды.&nbsp;"Педагог мәртебесі туралы" заң қабылданғаннан кейін мұғалімдердің жалақысының мөлшері бірнеше факторларға, соның ішінде білім деңгейіне, біліктілігіне (шебер, зерттеуші, сарапшы, модератор), еңбек өтіліне, жүктеме көлеміне, сондай-ақ еңбек жағдайлары, академиялық дәрежесі (10 АЕК), тәлімгерлік және сабақтан тыс спорттық сабақтарға (100%) қосымша төлемдерге байланысты болды”, –&nbsp;деді ведомство.&nbsp;</blockquote>Министрлік&nbsp;әр түрлі біліктілік санаттары бар мұғалімдердің жәрдемақылары осынша пайызға өскенін жеткізді:<ul><li style="text-align:justify;">Педагог – шебер 50%;</li><li style="text-align:justify;">Педагог – зерттеуші 40%;</li><li style="text-align:justify;">Педагог – сарапшы&nbsp; 35%;</li><li style="text-align:justify;">Педагог – модератор 30%;</li></ul><blockquote>“Ауыл мұғалімдеріне ерекше назар аударылады – олардың жалақысы қалалық әріптестерімен салыстырғанда кем дегенде 25% - ға жоғары.ҰБТ 2024 жылдың қорытындысы бойынша Қазақстанда мұғалімнің орташа жалақысы 1 мөлшерлемеде&nbsp;(16 сағат), қалада 352 мың теңгені және ауылда 435 мың теңгені құрады. Бұл ретте, ұлттық білім беру деректер базасының (ҰБДБ) мәліметінше, ел педагогтарының жартысы айына орта есеппен 581 мың теңге алып, 1,5 мөлшерлемемен (24 сағат) жұмыс істейді.Сонымен қатар, еліміз білім беру саласындағы жетістіктері бар, олимпиада жүлдегерлерін даярлап, мемлекеттік наградалар алған педагогтерді көтермелеу тәжірибесі бар санаулы елдердің бірі. 2024 жылы 89 педагог мемлекеттік сыйлықтардың лауреаттары атанды. Олардың сыйақылары 3,6 миллион теңгені (1000 АЕК) құрады. Марапатталғандардың қатарында еңбек ері, Қазақстанның еңбек сіңірген мұғалімдері, "Үздік педагог" байқауының жеңімпаздары бар.Осылайша, соңғы бес жылда Қазақстан базалық жалақының өсуін ғана емес, сонымен қатар үстемеақылар мен ынталандырушы төлемдер жүйесін қамтамасыз ете отырып, педагогтердің мәртебесі мен қаржылық әл-ауқатын арттыру бағытында елеулі қадамдар жасады”, –&nbsp;делінген хабарламада.&nbsp;</blockquote>Фото: Нұрболат Нұржаубай

Қазақстандық мұғалімдер жалақының аздығына шағымданды: Оқу-ағарту министрлігі олардың 600 мың теңгеге жуық айлық алатынын мәлімдеді

<a href="https://kyzylorda-news.kz/">Kyzylorda-news.kz</a> Қазіргі таңда шекара қызметінде нәзік жанды арулар ерлермен қатар ел шебін күзетуде. Бұл сала ұқыптылықты, қырағылықты және жоғары жауапкершілікті талап етеді. Қиындығы мен жауапкершілігі мол қызметте арулар тек кәсіби біліктіліктерімен ғана емес, сондай-ақ табандылығы, төзімділігі және патриоттық рухымен ерекшеленеді. Бүгін Өңірлік коммуникациялар қызметінің ақпарат алаңында “Қорқыт ата” шекаралық бақылау бөлімшесінің кіші бақылаушысы кіші сержант Гүлназ Тәжібаева өзінің қызмет атқарып жүрген саласы туралы айтты.<blockquote>– Әскери қызмет – тек ер азаматтарға ғана тән мамандық емес. Бүгінде ел шебін күзетіп, шекара қауіпсіздігін қамтамасыз етуде аруларымыз да ерлермен қатар қызмет атқаруда. Біз өз міндетімізді атқара отырып, әр азаматқа құрметпен қарап, заңдылық пен әділдікті сақтауға бар күш-жігерімізді саламыз. Шекара қызметінде жұмыс істеу – үлкен абырой әрі зор жауапкершілік. Күн сайын біз мемлекетіміздің шекарасының тұтастығы мен қауіпсіздігін қамтамасыз ету жолында аянбай еңбек етеміз. Әйел бола тұра, әскери салада қызмет ету – төзімділік пен табандылықты қажет етеді. Біз нәзік жанды болғанымызбен, әрқашан қызметімізге адалдық танытып, ел алдындағы борышымызды абыроймен орындауға тырысамыз. Біздің бойымыздағы жауапкершілік, табандылық, ұқыптылық пен әділеттілік бұл қызметте ерекше маңызға ие. Қиындығы мен жауапкершілігі мол бұл қызметте нәзік жандылардың орны ерекше. Біз тек ел шебін күзетіп қана қоймай, қоғамға, болашақ ұрпаққа үлгі көрсетеміз,-деді, Гүлназ Аймағамбетқызы.</blockquote>

Шекара шебіндегі абырой мен адалдық

<a href="https://kyzylorda-news.kz/">Kyzylorda-news.kz</a> «AMANAT» партиясының «Бақытты отбасы», «Ұлттық мұра» жобалары аясында партияның Байқоңыр филиалына қарасты «Мәметова» бастауыш партия ұйымының ұйымдастыруымен отбасы институтын нығайту және балаларды рухани-адамгершілікке тәрбиелеу мақсатында «Анам және мен» тақырыбында шара өтті.Іс-шара қыз баласының бойына ананың жақсы қасиеттерін сіңіру, аналарынан үйренгенін күнделікті өмірде қолдана білуге дағдыландыру, ата-анаға деген құрмет, сүйіспеншілік, мақтаныш сезімін ұялатуға тәрбиелеу бағытында өткізілді.Танымдық шарада өз ана тілін, мәдениетін, салт-дәстүрін, ұлттық ән, би өнерлерін меңгерте отырып, қазақ қызына тән қасиеттермен сусындатты.<blockquote>«Мәметова» бастауыш партия ұйымының төрағасы Гүлнұр Қайнарбаеваның айтуынша бүгінгідей балаларымыздың түрлі гаджеттерге телмірген тұсында бала тәрбиесі - баршаға ортақ.«Отбасы институтын нығайту және оның қоғамдағы рөлін арттыру – «AMANAT» партиясының Саяси тұғырнамасындағы негізгі басымдықтардың бірі. Өткен жылы партияның Әйелдер қанаты ата-аналар балаға көбірек көңіл бөлуі үшін «Балаңа уақыт арна!» акциясын жариялады. Біз балабақша базасына келіп, ондағы балғындар мен олардың аналарын бірге қосып, шара өткізіп отырмыз. Бұл бір жағынан балабақшадағы тәрбиеші мен ата-ананың ынтымақтастығын арттырса, екінші жағынан тәжірибені өмірде қолдана білу мүмкіндігін қалыптастырады.&nbsp;Әрбіріміз баламызға уақыт бөлуді ұмтыпайық»,-деді Гүлнұр Қайнарбаева.</blockquote>

Жобалар аясында танымдық – тәрбиелік шара өтті

<a href="https://kyzylorda-news.kz/">Kyzylorda-news.kz</a> Төтенше жағдайлар департаментінде қызмет ететін психолог нәзік жанды арулар – адамдарға рухани күш сыйлайтын, олардың психологиялық тұрақтылығын нығайтатын маңызды мамандар. Олар құтқарушылар мен өрт сөндірушілердің күйзелісті жағдайларда салқынқандылық танытып, өз міндеттерін абыроймен атқаруына көмектеседі. Бүгін Өңірлік коммуникациялар қызметінің ақпарат алаңында өзінің атқарып жүрген қызметі туралы ТЖ департаменті психологиялық қызмет тобының бас маман-психологы Арайлым Тілеуқабылова айтты.<blockquote>– Біздің қызметіміз – төтенше жағдайлар саласында қызмет ететін мамандардың психологиялық дайындығын қамтамасыз ету, олардың моральдық-психологиялық жағдайын нығайту және төтенше жағдайлар кезінде психологиялық қолдау көрсету. Төтенше жағдайлар қызметкерлері күн сайын адамдардың өмірін сақтап қалу үшін жанкешті еңбек етеді. Олардың әрбір әрекеті үлкен физикалық және психологиялық жүктемемен қатар жүреді. Сондықтан біздің міндетіміз – қызметкерлердің ішкі тұрақтылығын, төзімділігін арттырып, күйзелісті еңсеруіне көмектесу. Біз олармен күнделікті әңгімелесу, психологиялық тренингтер өткізу, қиын жағдайларда моральдық қолдау көрсету арқылы олардың кәсіби және эмоционалды дайындығын күшейтеміз. Психолог маман ретінде мен әрбір қызметкердің психикалық денсаулығы мен эмоционалды тұрақтылығы – олардың кәсіби шеберлігі мен қызмет сапасына тікелей әсер ететінін ерекше атап өткім келеді. Біз тек қызметкерлермен ғана емес, сондай-ақ төтенше жағдайлардан зардап шеккен азаматтарға да психологиялық көмек көрсетеміз. Бұл – үлкен жауапкершілікті талап ететін, бірақ сондай-ақ қоғамға пайдасы мол, игілікті жұмыс,-деді, Арайлым Тілеуқабылова.</blockquote>

Жан жарасын жазатын маман – үміт пен сенімнің тірегі

<a href="https://kyzylorda-news.kz/">Kyzylorda-news.kz</a> Жақында Астана қаласында ардагерлер мен әуесқойлар арасында жеңіл атлетикадан ҚР чемпионаты өткен болатын. Аталмыш жарысқа Қызылорда облысынан қатысқан 14 ардагер үздіктер арасынан топ жарып, жүлделі орындарға ие болды.Осыған орай, кеше Қызылорда облысының дене шынықтыру, спорт және туризм басқармасының басшысы Бахтияр Ғарифоллаұлы жеңімпаз атанған ардагерлерді арнайы қабылдап, теңдессіз жетістіктерімен құттықтады. Сонымен қатар, басқарма басшысы ардагер спортшылардың спортты дамытуға ерекше үлес қосып, жоғары деңгейдегі жарыстарда белсенділік танытқандарына зор ризашылығын білдірді. Сондай-ақ, алда өтетін байрақты бәсекелерде ардагерлердің үздік нәтиже көрсететініне сенім білдірді.Айта кетейік, аталмыш жарыста қызылордалық қатысушылар 22 алтын, 16 күміс, 10 қола барлығы 48 медаль еншілеп, жалпыкомандалық есепте 4-ші орынға ие болды.Фото: Қызылорда облысының дене шынықтыру, спорт және туризм басқармасы

Басқарма басшысы жеңімпаз ардагерлерді қабылдады

<a href="https://kyzylorda-news.kz/">Kyzylorda-news.kz</a> Кәсіби дағдылар мен тәжірибені қажет ететін өндіріс, құрылыс, ауыл шаруашылығы, қызмет көрсету және басқа да көптеген салаларда сұранысқа ие жұмысшы мамандар – кез келген елдің экономикасының негізі. Жұмысшы кадрларсыз зауыттар мен фабрикалар дамымайды. Осындай мамандардың көмегімен жұмысы алға басып жатқан «Абай Дәулет» ЖШС көп салалы кәсіпорын.&nbsp;Серіктестікте 180-нен астам өз саласының жоғары білікті мамандары жұмыс істейді. Солардың бірі – күріш ақтау зауытында зертхана жетекшісі Сәуле Шакенова. Оның айтуынша мамандығы бойынша жұмыс істеп жүргеніне 40 жыл болған. 1985 жылы Алматы қаласынан оқу бітірген Сәуле Сағатқызы жолдамамен «Астық өнімдері» комбинатына жұмысқа орналасады. Содан бері сыр салысының тұтынушыларға сапалы әрі зиянсыз жетуі үшін тер төгіп келеді. Бүгін өңірлік коммуникациялар қызметінің ақпарат алаңына келген зертхана жетекшісі күріш өндірісіндегі жұмыс тәжірибесімен бөлісті.<blockquote>«Сыр елінің брендіне айналған күріш өсіру, өңдеу саласында жұмыс істеп келе жатқаныма биыл 40 жыл болды. «Диқан», «Абзал и К» зауыттарында да жұмыс істедім. Бүгінгі жұмысым «Абай Дәулет» серіктестігінде. Сырдария ауданындағы Бесарық ауылында орналасқан серіктестік мыңдаған гектар жерге күріш егеді. Олар шығаратын «Лидер» және «Янтарь» бүгінгі таңда ең танымал күріш сорттары. Өсіру кезінде жоғары сапалы тыңайтқыштар пайдаланылады. Бұл халықты экологиялық таза, сапалы өніммен қамтамасыз етуге мүмкіндік береді. Шикізатты өңдеу заманауи күріш зауыттарында жүзеге асырылады. Зауыттардың бірегейлігі – күріш қауызын ұнтақтайтын қондырғылар орнатылған. Осылайша, мұнда қалдықсыз өндіріс жолға қойылды. Күріш қалдықтары малға құнарлы жемге айналады. Компания өндіретін өнімнің сапасы мен қауіпсіздігі ҚР СТ ИСО сапа менеджменті жүйесіне, тамақ өнімдерінің қауіпсіздігі менеджментіне сәйкестік сертификаттарымен расталады. Салмағы 5 кг, 10 кг, 25 кг заманауи қаптамадағы «SYR DANI» сауда маркасымен күріш ішкі нарықта сатылып, көрші мемлекеттерге де экспортталады. Менің жұмысым зертханада халық сұранысына сай тағамдардың қауіпсіздігін бақылап, еліміздің және халықаралық стандарттарға сәйкес өнім дайындау. Сыр салысын өңдеу саласына қызығушылық танытқан жастарға мүмкіндік көп. Біздің жұмысшылар тұрақты біліктілігін арттырып, маман ретінде тәжірибелерен өтіп тұрады. Жаңа технологияларды игеріп, саланың дамуына үлес қосуда, – деді Сәуле Шакенова.</blockquote>

Сыр салысының сапасын саралайтын маман

<a href="https://kyzylorda-news.kz/">Kyzylorda-news.kz</a> 2024 жылы Қазақстан құрама командалары әлемдегі ең беделді жеті олимпиадаға қатысты: Математика (IMO), физика (IPhO), биология (IBO), лингвистика (IOL), химия (IChO), география (IGeO) және информатика (IOI) бойынша халықаралық олимпиада.<blockquote> «Біздің оқушылар 26 медаль, оның ішінде 2 алтын, 12 күміс және 12 қола медаль жеңіп алды, бұл өткен жылдардағы нәтижелерден едәуір асып түсті», – деді «Дарын» республикалық ғылыми-практикалық орталығының директоры Гаждембек Тұрсынов ОКҚ-да өткен дөңгелек үстел барысында.</blockquote> Осылайша, қазақстандық оқушылар химия бойынша беделді халықаралық олимпиадада, «First Global Challenge» робототехника бойынша дүниежүзілік чемпионатта екі дүркін әлем чемпионы атанды. Біздің жас таланттарымыз Балқан түбегінің үздік математиктерінің үштігіне кірді, ал Қазақстаннан келген оқушылардың үш ғылыми жұмысы әлемнің 70-тен астам елінен 2 мың қатысушыны жинаған Regeneron ISEF-2024 дүниежүзілік ғылыми-инженерлік байқауында беделді марапаттарға ие болды.

Халықаралық олимпиадаларға Қазақстан атынан барған әрбір екінші қатысушы жүлделі орынмен оралды

<a href="https://kyzylorda-news.kz/">Kyzylorda-news.kz</a> Сыбайлас жемқорлық әлеуметтік – экономикалық даму, нарықтық экономиканы құру инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін құбылыс екендігі анық.Сыбайлас &nbsp;жемқорлықтың алдын-алу шарасын қатаңдатуды Мемлекет басшысы Қасым-Жомарт Тоқаев өз үндеуінде баса айтты. Мемлекет басшысы сыбайлас жемқорлықпен күресте бүкіл қоғамның белсене ат салысып, жемқорлық жағдайларына жалпыға ортақ төзбеушілік қоғамын қалыптастыру маңызды екенін жеткізді.Бұл ретте өскелең ұрпақтың жастайынан құқықтық санасы мен мәдениетін қалыптастыру, отансүйгіштік бағыттағы құндылықтар негізінде тәрбиелеу маңызды. Өйткені, азаматтардың өз құқықтарын жақсы білуі қоғамдағы сыбайлас жемқорлыққа қарсы мәдениеттің қалыптасуына бірденбір ықпал ететін фактор болып табылады. &nbsp;Еліміздің әрбір азаматы қандай да бір заңнаманы сәйкесінше қолдана білсе, мемлекеттік қызметкердің өз лауазымын заңсыз қолдануына жол бермесе, яғни заңды құқықтары мен мүдделерін қорғау үшін тиімді қолданса еліміз дерттен арылып, әлемдегі дамыған елдер қатарынан орын алуына үлкен үлес қосылар еді.Мұның бәрі елімізде құқықтық мемлекеттің іс жүзінде орнауына, заңның үстемдігіне, әр адамның қауіпсіз өмір сүруіне, қоғамдық тәртіптің нығаюына, әлеуметтік ахуалдың жақсаруына, ең бастысы ұлттың қауіпсіздігін қамтамасыз етуге және тұрақты дамуға жеткізеді. Сондай-ақ, сыбайлас жемқорлықпен пәрменді күресу үшін халықтың құқықтық сауатсыздығын жоятын, құқықты түсіндіру жұмысының деңгейі мен сапасын арттыру керектігінің маңызы зор.Сондай-ақ, заңнамалық актілердегі сыбайлас жемқорлық құқық бұзушылықтар жасауға ықпал етуі мүмкін заңнама талаптарындағы сәйкессіздіктерді анықтап, тиісті өзгерістер енгізу жұмыстары да ұдайы жүргізілуде.Сот саласында Судьяларды іріктеу және бағалау жүйесі жақсартылды. Облыстық және оларға теңестірілген соттарда судьяның әдебі жөніндегі комиссиялар жұмыс істейді, Жоғарғы Соттың жанындағы Соттардың қызметін қамтамасыз ету департаментінің ішкі қауіпсіздік және соттарда сыбайлас жемқорлықтың алдын алу бөлімі құрылды. «Татуластырушы судья» лауазымы енгізілді, бұл соттарға жүктемені үш есе азайтты: істердің жартысына жуығы татуласумен аяқталуда, тараптар сыбайлас жемқорлық тәуекелдерін барынша азайтып, дауды өздері шешуде. Сот процестері онлайн-режимге ауыстырылды. Істерді автоматты бөлу алгоритмінде айла-шарғы жасау мүмкіндігі жойылды. Заң үстемдігі қағидатын сөзсіз қолдану мақсатында, халықаралық бизнестің азаматтық және коммерциялық дауларын жедел шешу үшін ерекше құқықтық режим шеңберінде жұмыс істейтін «Астана» халықаралық қаржы орталығының Тәуелсіз соты құрылды.Сот жүйесінің ашықтығын қамтамасыз ету мәселесі де тұрақты күн тәртібіне енгізілген. Жоспарға сәйкес облыстық &nbsp;мамандандырылған ауданаралық әкімшілік сотында &nbsp; ай сайын мақала жариялап,тоқсан сайын семинар сабақтары, сыбайлас жемқорлықтың алдын алу бағытында &nbsp;іс-шаралар ұйымдастыруда.Айта кетерлік жайт, халықтың сотқа деген сенімінің күшеюіне&nbsp;судьялар да ықпал етеді. Осы орайда, соңғы жылдары судьялыққа үміткерлерге қойылатын талаптар күшейіп келе жатқанын анық байқауға болады.Сот саласында атқарылған оң жұмыстардың нәтижесінде халықтың сотқа деген сенімінің орнығып келе жатқандығын байқатады.&nbsp; &nbsp; &nbsp;«Тәртіпсіз ел болмайды, тәртіпке бас иген құл болмайды»- деп Бауыржан Момышұлы атамыз айтып кеткендей, еліміздің әрбір азаматы заңнама талаптарын сақтап, жауапкершілігімізді арттырып, заң мен адалдықты алға қойып, сыбайлас жемқорлыққа қарсы тұру міндетіміз екенін, ұмытпағандымыз жөн. Сыбайлас жемқорлықпен күресу, оны жою әрбір адамның мемлекет алдындағы азаматтық борышы.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;А.Өмірзақ,Қызылорда облысының мамандандырылғанауданаралық әкімшілік сотының жетекші маманыФото: Нұрболат Нұржаубай

Сыбайлас жемқорлықпен күресу – әр адамның міндеті

<a href="https://kyzylorda-news.kz/">Kyzylorda-news.kz</a> Президенттің бастамасымен 2022 жылдан бастап халықаралық пәндік олимпиадалардың жеңімпаздарына және олардың мұғалімдеріне ақшалай сыйақылар беріледі.Мысалы, халықаралық олимпиадаларда жүлделі орындарға ие болған оқушылар ақшалай сыйақы алады: алтын медаль үшін – 1500 АЕК, күміс медаль үшін – 1000 АЕК, қола медаль үшін – 500 АЕК. 2024 жылы бұл мақсаттарға 26 оқушы үшін 77,5 млн теңге және оларды дайындаған 24 педагог үшін 6,5 млн теңге бөлінді. Сонымен қатар халықаралық олимпиадалардың жеңімпаздары Қазақстанның жоғары оқу орындарында оқуға гранттар алды.<blockquote> «Халықаралық олимпиадалар мен ғылыми жарыстардағы Қазақстан құрамаларының жоғары жетістіктері елдің әлемдік білім беру кеңістігіндегі бәсекеге қабілеттілігін айқын көрсетеді. Бұл ретте Қазақстан биология бойынша Халықаралық Олимпиаданың ең беделді олимпиадаларының бірін өткізу үшін таңдалғаны кездейсоқ емес. 2024жылы біздің еліміз 35-ші Халықаралық биологиялық Олимпиаданы қабылдады. Оған 81 елден 305 оқушы мен 275 ғалым қатысты. Қазақстан құрамасы үздік нәтиже көрсетіп, 100% нәтижеге қол жеткізді»,-деді «Дарын» республикалық ғылыми-практикалық орталығының директоры Гаждембек Тұрсынов ОКҚ-да өткен дөңгелек үстел барысында.</blockquote>

Қазақстан  – Олимпиада жүлдегерлерін көтермелеу тәжірибесі бар санаулы елдердің бірі

<a href="https://kyzylorda-news.kz/">Kyzylorda-news.kz</a> Бұл жоба мектептер, мұғалімдер мен оқушылар арасындағы өзара іс-қимылды жеңілдету, білім беру ресурстарына тікелей қол жеткізуді қамтамасыз ету және білім беру процесінде коммуникация сапасын арттыру тұрғысынан маңызды қадам болады, деп хабарлады «Дарын» республикалық ғылыми-практикалық орталығының директоры Гаждембек Тұрсынов ОКҚ-да өткен дөңгелек үстел барысында. «Бұдан бөлек, DARYN ALUMNI қазақстандық жаттықтырушылар пулын дамыту жалғасады, бұл ерекше қабілеттерін көрсететін балалармен жұмыс істеу үшін жоғары білікті мамандарды тартуды қамтамасыз етеді. Бұл бағытта халықаралық олимпиадаларда жоғары нәтижелерге қол жеткізген мектептердің табысты тәжірибесін таратуға көмектесетін қауымдастықтар құрылуда. 2025 жылдың басында 15 елден 700-ден астам баланың қатысуымен Халықаралық Жәутіков олимпиадасы өткізілді», – деп толықтырды спикер.Фото: ortcom.kz

SMART DARYN ұлттық цифрлық платформасы құрылуда

<a href="https://kyzylorda-news.kz/">Kyzylorda-news.kz</a> «Қазгидромет» РМК ауа райына байланысты ескерту жариялады, – деп хабарлайды <a href="https://kaz.inform.kz/news/kazgidromet-elmzdn-brkatar-onrnde-aua-rayina-baylanisti-eskertu-zhariyaladi-6814b6/">Қазақпарат.</a>Бүгін түнде Қызылорда облысының шығысында, орталығында қар жауып, бұрқасын соғады. Облыстың солтүстігінде, шығысында, орталығында тұман түсіп, көктайғақ болады. Оңтүстік-батыстан екпіні 15-20 м/с жел соғады.Фото: Нұрболат Нұржаубай

Қазақстан және Қызылорда облысының жаңалықтары