<a href="https://kyzylorda-news.kz/">Kyzylorda-news.kz</a> Қазақстанның Денсаулық сақтау министрлігі МӘМС пен ТМККК жүйесіндегі қызмет көрсетушілерге қойылатын талаптарды <a href="https://kaz.inform.kz/news/elde-mams-ayasindagi-kizmet-korsetushlerge-zhana-talaptar-engzled-7ea5df90">күшейтеді.</a>Денсаулық сақтау министрлігі Тегін медициналық көмектің кепілдік берілген көлемі (ТМККК) және Міндетті әлеуметтік медициналық сақтандыру (МӘМС) шеңберінде медициналық көмек көрсететін денсаулық сақтау субъектілерін есепке алу қағидаларына өзгерістер енгізу туралы бұйрық жобасын қоғамдық талқылауға шығарды.Құжат медициналық ұйымдарды есепке алу қағидаларын жетілдіруді көздейді және медициналық көмектің сапасы мен қауіпсіздігін арттыруға бағытталған.Жобаға берілген түсіндірмеде ұсынылып отырған өзгерістер ТМККК және МӘМС жүйесінде жұмыс істейтін барлық медициналық ұйымдар үшін бірыңғай әрі ашық талаптар қалыптастыруға, сондай-ақ тұрғындардың өңіріне қарамастан сапалы медициналық қызметтерге тең қолжетімділігін қамтамасыз етуге бағытталғаны атап өтілген.Атап айтқанда, жоба аясында «Халық денсаулығы және денсаулық сақтау жүйесі туралы» кодекске сәйкес бірқатар нормалар жаңартылмақ. Соның ішінде денсаулық сақтау инфрақұрылымын дамытудың өңірлік перспективалық жоспары ұғымы нақтыланады.Сонымен қатар ТМККК мен МӘМС аясында медициналық көмек көрсететін ұйымдарға қойылатын бірыңғай талаптарды бекіту ұсынылып отыр. Олар қажетті материалдық-техникалық базаның, заманауи медициналық жабдықтардың, жеткілікті кадрлық әлеуеттің болуын және белгіленген стандарттардың сақталуын қамтиды.Денсаулық сақтау министрлігінің мәліметінше, өзгерістерді іске асыру медициналық ұйымдарды есепке алу жүйесінің ашықтығын арттыруға, адал қызмет көрсетушілер үшін тең жағдай жасауға, бюджет қаражатын пайдалану тиімділігін арттыруға және азаматтардың денсаулық сақтау жүйесіне деген сенімін нығайтуға мүмкіндік береді.Ведомство ұсынылып отырған түзетулер пациенттердің медициналық көмек алу құқығына әсер етпейтінін, медициналық қызмет көлемін қысқартуды көздемейтінін және азаматтарға қосымша міндеттемелер жүктемейтінін атап өтті.Бұйрық жобасын қоғамдық талқылау «Ашық НҚА» порталында 2026 жылғы 17 маусымға дейін жалғасады.Фото: freepik

Елде МӘМС аясындағы қызмет көрсетушілерге жаңа талаптар енгізіледі 

<a href="https://kyzylorda-news.kz/">Kyzylorda-news.kz</a> Бүгінгі таңда көптеген қазақстандық кәсіпкерлер шетелдік серіктестермен ынтымақтасады: тауарларды шетелге жеткізеді немесе шетелдік тауарларды сатып алады, жабдықтар сатып алады, резидент еместердің қызметтеріне ақы төлейді және шарттық қатынастар шеңберінде өзге де операциялар жасайды. Бұл операциялардың барлығы сыртқы экономикалық қызметке жатады. Сыртқы экономикалық қызметті жүзеге асыру кезінде экспорт немесе импорт бойынша жекелеген валюталық шарттарға (бұдан әрі – валюталық шарт) есептік нөмір беріле отырып, міндетті есептік тіркеуге жататынын ескеру маңызды.<h2 style="text-align:justify;">Есептік нөмір не үшін қажет?</h2>Валюталық шартқа экспорттық немесе импорттық операциялар бойынша валюталық бақылауды жүзеге асыру, ақша қаражатының қозғалысын бақылау және Қазақстан Республикасы заңнамасының талаптарын сақтау мақсатында есептік нөмір беріледі. Валюталық бақылауды мемлекеттік кіріс органдары Қазақстан Республикасының Ұлттық Банкімен (ҚР ҰБ) және уәкілетті банктермен бірлесіп жүзеге асырады. Мұндай бақылаудың негізгі мақсаты резиденттердің сыртқы экономикалық қызметті жүзеге асыру кезінде репатриация талаптарын сақтауын қамтамасыз ету.<h2 style="text-align:justify;">Валюта репатрациясы дегеніміз не?</h2>Бұл резиденттің валюталық шартта көзделген мерзімде ақшалай қаражатты Қазақстанға қайтаруды қамтамасыз ету міндеті.Мысалы:- экспорт кезінде - уәкілетті банктегі шоттарға ұлттық және (немесе) шетел валютасындағы түсімнің түсуін қамтамасыз ету; - импорт кезінде - егер шетелдік серіктес шарт бойынша өз міндеттемелерін орындамаса, аударылған ақшалай қаражатты ұлттық және (немесе) шетел валютасында қайтаруға.<h2 style="text-align:justify;">Валюталық шартты қашан есептік тіркеуге қою қажет?</h2>Валюталық шарт, егер оның сомасы 50 мың АҚШ долларынан асатын болса, тіркеуге кою қажет. Одан бөлек, егер валюталық шарт жасалған күні оның сомасы анықталмаса, мұндай шарттыда есептік тіркеуге қою қажет.&nbsp; Есептік тіркеуге уақытылы жүгіну маңызды. Мұны валюталық шарт тараптарының бірінің міндеттемелерін орындау басталғанға дейін, яғни төлемдер, тауарлар жеткізу немесе қызметтер көрсету басталғанға дейін жасау қажет.<h2 style="text-align:justify;">Кәсіпкерге қайда жүгіну керек?</h2>Есептік тіркеуден өтіп, есептік нөмірді алуға болады: - экспорттаушының немесе импорттаушының банктік шоты қызмет көрсетілетін уәкілетті банктен; - немесе ҚР Ұлттық Банкінің аумақтық филиалында – егер есеп айырысулар ҚР «Валюталық реттеу және валюталық бақылау туралы» Заңының нормасын ескере отырып, резиденттің шетелдік банктегі шотын пайдалану арқылы жүзеге асырылса.<h2 style="text-align:justify;">Қандай құжаттар қажет?</h2>Валюталық шарт бойынша есептік нөмірді алу үшін:- белгіленген нысандағы валюталық бақылауға валюталық шартты қабылдау туралы өтініш; - валюталық шарттың түпнұсқасы немесе көшірмесі (валюталық шарттың мемлекеттік немесе орыс тіліне аудармасы, егер ол шет тілінде жасалса). Есептік нөмірді ҚР Ұлттық Банкінің аумақтық филиалынан алатын кезде қосымша қолтаңба үлгілері бар құжат ұсынылады.<h2 style="text-align:justify;">Валюталық шартты тіркеу қанша уақытты алады?</h2>Толық құжаттар пакеті тапсырылғаннан кейін есептік нөмір екі жұмыс күні ішінде беріледі. Есептік нөмір берілетін валюталық шартты тіркеу үшін құжаттарды тапсыру рәсімі электрондық форматта да жүзеге асырылуы мүмкін, ол электрондық цифрлық қолтаңбамен (ЭЦҚ) куәландырылады.<h2 style="text-align:justify;">Есептік нөмірді беруден бас тартудың себептері қандай болуы мүмкін?</h2>Бас тартудың себептері болуы мүмкін: - валюталық шартта ҚР валюталық заңнамасының талаптарына қайшы келетін талаптардың болуы; - құжаттардағы қателер немесе сәйкессіздіктер; - Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы заңнамада көзделген негіздер бойынша.<h2 style="text-align:justify;">Бұзушылық үшін қандай жауапкершілік қарастырылған?</h2>Валюталық заңнама талаптарын сақтамағаны үшін әкімшілік жауапкершілік қарастырылған.Атап айтқанда, әкімшілік айыппұлдар салынуы мүмкін: - есептік нөмірді алу мерзімдерін бұзғаны үшін; - ақпаратты және (немесе) құжаттарды уақытылы ұсынбағаны үшін; - репатриация талабын орындамағаны үшін.ҚР ҰБ Қызылорда филиалы кәсіпкерлерге валюталық шартты есептік тіркеу қажеттілігін алдын ала нақтылауды және уәкілетті банкке немесе ҚР ҰБ аумақтық филиалына уақытылы жүгінуді ұсынады. Бұл төлемдер, қосымша тексерулер және әкімшілік санкциялар кезінде шығындарды болдырмайды.Валюталық заңнама талаптарын сақтау – сыртқы экономикалық қызметті қауіпсіз және тұрақты жүргізудің маңызды шарты.Естеріңізге сала кетейік, Қазақстан Республикасында экспорттық-импорттық валюталық бақылауды жүзеге асыру қағидалары ҚР Ұлттық Банкі Басқармасының 2023 жылғы 29 қыркүйектегі №78 қаулысымен және ҚР Премьер-Министрі орынбасары — Қаржы министрінің 2023 жылғы 4 қазандағы 1054 &nbsp;бірлескен бұйрығымен бекітілген.

Валюталық шартты есептік тіркеу: экспорттаушылар мен импорттаушылар нені білу маңызды

<a href="https://kyzylorda-news.kz/">Kyzylorda-news.kz</a> Қызылорда облысында “Конституция – мемлекетіміздің мызғымас іргетасы” атты дөңгелек үстел өтті. Қызылорда облыстық әмбебап ғылыми кітапханасында Қазақстан Республикасының Конституциясына арналған “Конституция – мемлекетіміздің мызғымас іргетасы” атты дөңгелек үстел ұйымдастырылды.&nbsp;Іс-шараға AMANAT партиясының партиялық бақылау инспекторы А.Жарылқасынов, Қорқыт Ата атындағы Қызылорда университетінің “Құқықтану” кафедрасының оқытушысы, заң ғылымдарының кандидаты Е.Алтаев және Қызылорда облысы полиция департаменті заң бөлімінің аға инспекторы А.Арынғазы қатысты. Кездесу барысында спикерлер жас мамандармен пікір алмасып, өздерінің қызметтік тәжірибелерімен бөлісті.Сондай-ақ заңдылықты сақтау, кәсіби әдеп қағидаттарын ұстану, азаматтық жауапкершілік пен Отанға адал қызмет ету мәселелері кеңінен талқыланды.Дөңгелек үстелде қатысушылар тәуелсіздігіміздің тұғыры саналатын Ата заңның қоғам өміріндегі маңызына тоқталып, Конституцияның үстемдігі мен елімізде жүзеге асырылып жатқан конституциялық реформалардың мәні туралы өз ойларын ортаға салды.&nbsp;Ашық диалог форматында өткен кездесу жастардың құқықтық сауаттылығын арттыруға, құқықтық мәдениетін қалыптастыруға және құқықтық мемлекет қағидаттарын терең түсінуіне мүмкіндік берді. Шара соңында қатысушылар кітапханада ұйымдастырылған “Конституция – кемел келешек кепілі” атты кітап көрмесімен танысты.

Қызылорда облысында дөңгелек үстел ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы әкімі Алмасбек Есмаханов Мемлекет басшысы Қасым-Жомарт Кемелұлы Тоқаевтың Жарлығына сәйкес Ғани Мұратбаев, Абай ауылдары және Қазалы қаласының тұрғындарымен кездесу өткізді.Кездесуге аудандық мәслихат төрағасы Ғазиз Әліш, аудан әкімінің орынбасарлары, аудандық мәслихат депутаттары, аудан әкімдігіне қарасты бөлім басшылары мен тиісті сала мамандары қатысты.Халықпен өткен кездесулерде аудан басшысы елімізде Президентіміздің бастамасымен жүзеге асып жатқан ауқымды жобалар, «Таза Қазақстан» экологиялық акциясы, «Заң мен тәртіп» тұжырымдамасы сынды мемлекеттік реформалар мен жаңа бастамалар жөнінде сөз қозғап, өңірде атқарылып жатқан жұмыстар туралы баяндады.Сонымен қатар аудан көлемінде бүгінге дейін аймағымызды, ауданымызды басқарған азаматтардың қолдауымен, басшылығымен инфрақұрылымды дамыту, елді мекендерді абаттандыру, жол жөндеу, электр желілерін жаңғырту, газдандыру, ауыз су, білім, денсаулық сақтау, мәдениет салаларында атқарылып жатқан жұмыстарды және облыс әкімі Мұрат Ергешбаевтың басшылығымен өңірде алда жоспарланған ауқымды жобалар жайында айтып өтті.Ғани Мұратбаев ауылында өткен кедесуде ауыл халқы елді мекендегі Ақтан батыр және Жамбыл көшелерін асфальттау, жеке мал шаруашылығын ашуға жер телімін алу мәселесін, ал абайлықтар ауылға тиесі мал жайылымдық жерлерін белгілеу сынды мәселелерді көтерді. Аудан басшысы Ғани Мұратбаев ауылындағы көшелерді асфальттау бойынша жыл сайын ауданымыздағы әрбір елді мекендерде кезектілікке сәйкес бір-екі көшеден күрделі жөндеу жұмыстары жасалып жатқандығын айтып, Мұратбаев ауылында да алдағы уақытта кезектілікке сәйкес елді мекенішілік көшелерге жөндеу жұмыстары жүргізілетіндігін айтты. Ал мал шаруашлығымен айналысуға ниетті азаматтарға ауданның Қарақұм беткейінен мал шарушылығы үшін арнайы жер берілетіндігін айтты. Тұрғындар тарапынан көтерілген әрбір мәселелер бойынша жауапты сала басшыларына заңдылыққа сәйкес жұмыс жасауды тапсырды.Кездесулер соңында аудан басшысы Мемлекет басшысы Қасым-Жомарт Кемелұлының бастамасымен елімізде өткен жаңа Конституцияға арналған республикалық референдумда аудан халқының көрсеткен ынтымағы мен бірлігі жайында атап өтіп, аудан халқының алдағы уақытта да елдік істерде үлкен ауызбіршіліктің үлгісін көрсетуге шақырды.Қазалы қаласында өткен кездесуде тұрғындар елдегі жасалып жатқан игі жұмыстарға оң бағасын беріп, ақсақалдар батасын берді. Халықпен өткен кездесулерден кейін аудан басшысы жеке мәселелері бойынша жүгінген тұрғындарды қабылдап, ұсыныс-пікірлеріне құлақ түрді.

Қазалы ауданының әкімі тұрғындармен кездесті

<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаевтың төрағалығымен мәжіліс өтті. Мәжіліс барысында қауіпсіз еңбек жағдайларын қамтамасыз ету және өнеркәсіптік қауіпсіздік шараларын күшейту мәселесі қаралды.Жиында аудан басшысы күн тәртібіндегі мәселе бойынша еңбек қатынастары саласындағы өзекті мәселелерді көтеріп, жұмысшылардың құқықтарын қорғау, еңбек қауіпсіздігін сақтау, жазатайым оқиғалардың алдын алу және әлеуметтік тұрақтылықты қамтамасыз ету бағытындағы жұмыстарға тоқталды. Сондай-ақ еңбек заңнамасының талаптарын сақтау, жұмыс орындарында қауіпсіздік мәдениетін қалыптастыру және еңбек дауларының алдын алу мәселелеріне ерекше назар аударылды.Еңбек саласындағы заң талаптарын халыққа кеңінен түсіндіру мақсатында БАҚ пен әлеуметтік желілер арқылы ақпараттық жұмыстарды да күшейту қажеттігін ескертті.Мәжілісте көктемгі әскерге шақыру науқанының барысы да қаралды. Осы ретте жауапты мекеме басшыларына әскерге шақыру жұмыстарын заң талаптарына сәйкес ұйымдастыру, шақырылушылар мен олардың ата-аналарына түсіндіру жұмыстарын күшейту және белгіленген жоспарлы көрсеткіштердің орындалуын қамтамасыз ету тапсырылды.Жиын қорытындысында аудан әкімі көтерілген мәселелердің маңыздылығына тоқталып, берілген тапсырмалардың сапалы әрі уақытылы орындалуын қатаң бақылауда ұстауды міндеттеді.Фото: Сырдария ауданы әкімінің баспасөз қызметі&nbsp;

Сырдарияда еңбек қауіпсіздігі мен әскерге шақыру мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp;Бүгін Үкімет отырысынан кейін облыс әкімінің төрағалығымен мәжіліс өтіп, онда «Қауіпсіз еңбек жағдайларын қамтамасыз ету және өнеркәсіптік қауіпсіздік шаралары туралы» және күн тәртібінен тыс мәселелер қаралды. Бұл жиындағы міндеттер бойынша қала әкімдігінде шаһар басшысы Нұржан Ахатов жауапты сала жетекшілеріне бірқатар тапсырмалар жүктеді.Елімізде халықтың жағдайы мемлекеттік органдардың ақпараттық жүйелерінен «Отбасының цифрлық картасына» жинақталып отыр. Бұл - қазақстандықтардың әл-ауқатын анықтауға мүмкіндік беретін аналитикалық &nbsp;жүйе. Сондықтан оны терең талдап отыру маңызды. Бұл бағыт бойынша қалада нәтижелі жұмыстар атқарылуда. Дегенмен, қажетті шараларды әлде де ширатып, күнделікті есеп жасап отыру керек деді шаһар басшысы.&nbsp;Қазірде қаланың және оған қарасты кенттер мен ауылдық округтердің санитарлық тазалығы күнделікті бақылауға алынған. Дегенмен, кейбір мекемелер мен кәсіпкерлік нысанның иелері, тұрғындар тазалық талабын орындамай, абаттандыру қағидаларын бұзып, қала келбетіне нұқсан келтіруде. Оларға тиісті әкімшілік хаттамалар толтырылып, айыппұлдар салынуда.&nbsp;<blockquote>– Бұған дейін де қаланың және елдімекендердің санитарлық жағдайын жақсарту, көшелер мен қоғамдық орындарды ретке келтіру, стихиялық қоқыс орындарының алдын алу және абаттандыру ісін күшейту жөнінде нақты тапсырмалар берілді. Жұмыстар өз деңгейінде жүргізілгенімен, рұқсат етілмеген орындарға қоқыс төгу фактілері азаймай отыр. Сондықтан полиция басқармасымен бірлесіп, күнделікті тәулік бойы бақыланатын рейдтік шаралар ұйымдастыру қажет,-деді Нұржан Сәбитұлы.&nbsp;</blockquote>

Маңызды мәселелер пысықталды

<a href="https://kyzylorda-news.kz/">Kyzylorda-news.kz</a>&nbsp;«AMANAT» партиясының 2023-2027 жылдарға арналған Сайлауалды бағдарламасында ауыл халқының тұрмысын жақсарту мен кәсіпкерлікті дамытуға ерекше басымдық берілген. Осы бағытта жүзеге асырылып жатқан маңызды бастамалардың бірі – «Ауыл аманаты» жобасы.Жоба ауыл тұрғындарының табысын арттыруға, жаңа жұмыс орындарын ашуға және шағын кәсіпкерлікті дамытуға бағытталған. Бүгінде оның тиімділігі нақты нәтижелер арқылы көрініс тауып отыр.Қызылорда қаласына қарасты 2 кент пен 7 ауылдық округте жоба аясында көптеген тұрғындар жеңілдетілген қаржыландыруға қол жеткізіп, өз кәсібін дамытуға мүмкіндік алды. Соның бірі – Талсуат ауылдық округінің тұрғыны Жанат Токмейлова.Ол 10 жылдан астам уақыттан бері мал шаруашылығымен айналысып келеді. Кәсібін кеңейту мақсатында «Ауыл аманаты» жобасы арқылы 7 миллион теңге көлемінде жеңілдетілген несие алып, қаржыны мал басын көбейтуге және шаруашылығын дамытуға жұмсаған.Қазіргі таңда Жанат Токмейлова «НҰРАЙ» жеке кәсіпкерлігі арқылы тұрғындарды қолжетімді бағадағы ет және сүт өнімдерімен қамтамасыз етуде. Шаруашылықта 200 бас жылқы, 150 бас сиыр және 100 бас қой өсіріледі. Сонымен қатар кәсіпкердің жеке фермасы мен шағын дүкендері тұрақты жұмыс істейді.&nbsp;<blockquote>«Ауыл аманаты» жобасы біз секілді ауыл кәсіпкерлеріне үлкен мүмкіндік берді. Мемлекет пен партияның қолдауының арқасында кәсібімізді кеңейтіп, мал басын арттыруға жол ашылды. Біздің басты мақсатымыз – халықты сапалы әрі қолжетімді өніммен қамтамасыз етіп, ауыл тұрғындарын жұмыспен қамту», – дейді кәсіпкер.</blockquote>Жанат Токмейлова кәсіпкерлікпен қатар қоғамдық жұмыстарға да белсенді қатысады. Ол аз қамтылған отбасыларға қолдау көрсетіп, қайырымдылық шараларына тұрақты түрде атсалысып келеді.<blockquote>«Қоғамға пайдамды тигізіп, мұқтаж жандарға қолдау көрсету – азаматтық парызым деп есептеймін. Адамдардың алғысы бізді жаңа бастамаларға жігерлендіреді», – дейді ол.&nbsp;</blockquote>Кәсіпкердің алдағы жоспары да ауқымды. Талсуат ауылынан аукцион арқылы 15 гектар жер телімін алып, мал бордақылау алаңы мен өндірістік цех салуды көздеп отыр.Осылайша, «AMANAT» партиясының «Ауыл аманаты» жобасы ауыл тұрғындарының кәсіп бастауына, кәсібін кеңейтуіне және тұрақты табыс табуына мүмкіндік беріп, ауыл экономикасының дамуына үлес қосуда.<img src="https://knadmin.beoblood.kz/uploads/Auyl_amanaty_k_sipkerlik_3_36f34a8e6a.jpg" alt="Ауыл аманаты кәсіпкерлік 3.jpg">

«Ауыл аманаты»: Қызылордалық кәсіпкер бағдарлама арқылы кәсібін кеңейткен

<a href="https://kyzylorda-news.kz/">Kyzylorda-news.kz</a>&nbsp;Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде қауіпсіз еңбек жағдайын қамтамасыз ету және өнеркәсіптік қауіпсіздік мәселелері талқыланды. Оған облыс әкімі Мұрат Ерегешбаев селекторлық режим арқылы қатысты.Үкімет басшысы еңбек қауіпсіздігін қамтамасыз ету, өндірісте жарақаттанудың алдын алу және қызметкерлер құқықтарын қорғаудың маңызына тоқталып, орталық мемлекеттік органдар мен өңір әкімдеріне нақты тапсырмалар жүктеді.Мемлекет басшысы биылғы сәуір айында қауіпсіз еңбек жағдайын жетілдіру, қызметкерлердің құқықтарын қорғау және әлеуметтік қамсыздандыру мәселелерін қамтитын заңға қол қойған болатын. Алдағы уақытта еңбек заңнамасына түзетулер енгізіледі деп күтілуде. Бұл бастамалардың барлығы еңбек қауіпсіздігін күшейтуге және азаматтарды әлеуметтік тұрғыдан қорғауға бағытталған.Үкімет отырысынан кейін өткен мәжілісте осы және өзге де мәселелерге орай нақты тапсырмалар берілді. Аймақ басшысы елді мекендерді газдандыру жобаларының жүзеге асырылуын қатаң бақылауды, құрылыс-монтаж жұмыстарын сапалы әрі белгіленген мерзімде аяқтауды тапсырды. Кәсіпорындардағы еңбек қауіпсіздігі үшін жасанды интеллект технологияларын енгізу мүмкіндіктерін зерделеу, бір ай мерзімде нақты ұсыныстар әзірлеу керек.Мәжілісте өндірістік және құрылыс нысандарындағы қауіпсіздік талаптарының сақталуы, еңбеккерлер құқықтарының қорғалуы барлық деңгейдегі басшылардың тікелей жауапкершілігі екені ескертілді.Санитарлық тазалық, атап айтқанда Белкөл кентіне жақын орналасқан қатты тұрмыстық қалдықтар полигонындағы жағдайды үш күн ішінде реттеу жауапты мекемелерге тапсырылды. Демалыс парктері, балалар ойын алаңдары, жол бойы мен көрнекі ақпараттың жай-күйін жақсарту, тазалықты тұрақты бақылау міндеттелді.

Қауіпсіз еңбек жағдайын қамтамасыз ету мәселелері қаралды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен өткен мәжілісте қауіпсіз еңбек жағдайларын қамтамасыз ету және өнеркәсіптік қауіпсіздік шаралары туралы мәселе қаралды.&nbsp;Мәжіліске Қазалы ауданының әкімі Алмасбек Есмаханов селекторлық режим арқылы қатысып, мәжілістен кейін аймақ басшысының берген тапсырмаларына сәйкес аппарат мәжілісін өткізді.Жиынды бастамас бұрын аудан басшысы ауданда орын алған кадрлық өзгерістермен таныстырып өтті. Қазалы ауданы әкімдігі жанындағы конкурстық комиссиясының қорытындысы негізінде Әйтеке би кенті әкімінің орынбасары қызметін атқарып келген Ықыласов Уәлихан Әуезханұлы – Қазалы қаласы әкімінің орынбасары болып, ал Қазалы қаласы әкімінің орынбасары қызметін атқарып келген Нағашыбаев Мұратбек Тұңғышбайұлы – Әйтеке би кенті әкімінің орынбасары болып тағайындалды. Аудан басшысы жаңадан тағайындалған кент пен қала әкімінің орынбасарларының жұмысына сәттілік тілеп, үлкен жауапкершілікпен қызмет атқаруды тапсырды.Жиында аудан басшысы күн тәртібіндегі мәселе бойынша еңбек қатынастары саласындағы өзекті мәселелерді көтеріп, жұмысшылардың құқықтарын қорғау, еңбек қауіпсіздігін сақтау, жазатайым оқиғалардың алдын алу және әлеуметтік тұрақтылықты қамтамасыз ету бағытында жауапты сала басшыларына нақты тапсырмалар берді.Мәжілісте ұжымдық шарттардың жасалуы және цифрландырылуы, еңбек шарттарын бірыңғай жүйеге енгізу, өндірістегі қауіпсіздік талаптарын сақтау, жұмысшыларды міндетті сақтандыру, еңбек заңнамаларын түсіндіру жұмыстарын күшейту мәселелері кеңінен талқыланды.Қазалы ауданының әкімі коммуналдық, өндірістік және құрылыс салаларында қауіпсіздік талаптарын қатаң сақтауды, қызметкерлерді қорғаныс құралдарымен қамтамасыз етуді және кәсіпкерлер арасында түсіндірме жұмыстарын тұрақты жүргізуді тапсырды.Еңбек саласындағы заң талаптарын халыққа кеңінен түсіндіру мақсатында БАҚ пен әлеуметтік желілер арқылы ақпараттық жұмыстарды да күшейту қажеттігін ескертті.Мәжілісте көктемгі әскерге шақыру науқанының барысы да қаралды. Көктемгі мерзімді әскерге шақыру науқанында ауданға 93 азаматты әскерге жөнелту жоспарланса, бүгінгі күні 64 азамат әскерге жөнелтілді. Бұған байланысты аудан басшысы көрсеткіштерді әлі де өз деңгейінде орындамаған ауылдық округ әкімдеріне нақты мерзім беріп, салаға жауапты орынбасарына берілген тапсырманы орындауды үйлестіруді тапсырды.

Мәжілісте еңбек қауіпсіздігі мәселесі қаралды

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен әкімдік мәжілісі өтіп, Үкімет отырысында көтерілген қауіпсіз еңбек жағдайларын қамтамасыз ету және өнеркәсіптік қауіпсіздік мәселелері жан-жақты талқыланды.Ауданда еңбек ұжымдарындағы жұмысшылардың құқықтарын қорғау, қауіпсіз еңбек жағдайларын жасау және тұрғындардың табысын арттыру бағытында жүйелі жұмыстар жүргізілуде. Дегенмен, кәсіпорындар мен мекемелерде жазатайым оқиғалардың алдын алу, еңбек қауіпсіздігі талаптарының сақталуын күшейту күн тәртібінен түспеуі тиіс.Жиында тіршілікті қамтамасыз етуде аса маңызды электр желілері мен ауыз су нысандарында орын алып жататын ақаулар бойынша жауапты мекемелерге инфрақұрылым нысандарының техникалық жай-күйін тұрақты бақылауда ұстап, апаттық жағдайлардың алдын алу шараларын күшейту тапсырылды.Сонымен қатар, еңбек ұжымдарындағы әлеуметтік ахуалға тұрақты мониторинг жүргізу, жұмысшылардың еңбек құқықтарының сақталуын қамтамасыз ету және жұмыс берушілер мен жұмыскерлер арасындағы еңбек қатынастарын заң талаптарына сәйкес реттеу қажеттігі атап өтілді.Осы және өзге де ағымдағы мәселелерді назарға алған аудан әкімі Аманжол Сақыпұлы жиын барысында кемшіліктерді қалпына келтіру бойынша жауапты тұлғаларға бірқатар тапсырма жүктеді.

Еңбек қауіпсіздігі мен әлеуметтік тұрақтылық басты назарда

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен кадрлық өзгерістерге орай мәжіліс өтті. Жиында облыстық жұмылдыру дайындығы, аумақтық және азаматтық қорғаныс басқармасының басшысы қызметін атқарып келген Марат Құрманбаевты әріптестері құрметпен зейнет демалысына шығарып салды.Аймақ басшысы Марат Ердәулетұлының мемлекеттік қызметтегі ұзақ жылғы жемісті еңбек жолына тоқталып, өңірдің дамуына қосқан елеулі үлесін атап өтті.<blockquote>«Аймағымыздағы әскери бөлімдердің инфрақұрылымы жаңартылып, азаматтарды мерзімді әскери қызметке шақыру жүйеленді. Бұл жұмыстарды жоғары деңгейде ұйымдастырудағыМарат Ердәулетұлының өзіндік қолтаңбасынерекше атап өтуіміз қажет», – деді Мұрат Нәлқожаұлы.</blockquote>Құрманбаев Марат Ердәулетұлы еңбек жолын өндіріс саласында бастап, кейін қоршаған ортаны қорғау және мемлекеттік басқару жүйесінде жауапты қызметтер атқарды.&nbsp;2013-2024 жылдары Қызылорда және Жамбыл облыстары бойынша экология департаментін, Қызылорда облысының табиғи ресурстар және табиғат пайдалануды реттеу басқармасын басқарды. 2024 жылдан бері облыстық жұмылдыру дайындығы, аумақтық және азаматтық қорғаныс басқармасының басшысы қызметінде болды.Облыстық экология департаментін басқарған кезеңде қоршаған ортаны ластағаны үшін төленетін төлемақылар есебінен бюджетке жоспардан тыс 64 млрд теңгеден астам қаржы түсуіне ықпал етті. Құқық қорғау және қорғаныс саласындағы уәкілетті органдармен бірлескен жұмыс нәтижесінде террористік тұрғыдан осал объектілердің аумақтық тізбесі жаңартылып, қауіпсіздік талаптарына сәйкес жаңғыртылды.Соңғы жылдары Арал және Жалағаш аудандарындағы қорғаныс бөгеттері қалпына келтіріліп, тұрғындарды төтенше жағдай туралы дер кезінде хабардар ету мақсатында 124 елді мекенде сиреналық қосылу құрылғылары орнатылды. Конго-Қырым геморрагиялық қызбасының табиғи ошақтары тіркелген елді мекендер залалсыздандырылды.Басқосуда Марат Ердәулетұлына өңірдің әлеуметтік-экономикалық дамуына қосқан ерекше үлесі үшін Қызылорда облысының Құрмет грамотасы табысталып, дәстүрге сай құрмет көрсетілді.Сондай-ақ аймақ басшысы 2024 жылдан бері «ҚазГерМұнай» ЖШС бас директоры қызметін атқарған Зияш Қияқбаевқа басқа қызметке ауысуына байланысты алғыс білдіріп, Қызылорда облысының Құрмет грамотасын табыстады.&nbsp;Жиында «ҚазМұнайГаз» ҰК АҚ басқармасының шешімімен «ҚазГерМұнай» ЖШС бас директоры лауазымына тағайындалған Ерсейіт Жолмырзаұлы Қайыпов таныстырылды.

Кадрлық өзгерістерге орай мәжіліс отырысы өтті

<a href="https://kyzylorda-news.kz/">Kyzylorda-news.kz</a> &nbsp;Облыстық прокуратураның ұйымдастыруымен өңір тұрғындарымен кездесудің игі дәстүріне айналған «Заң керуені» акциясы Сырдария ауданынан бастау алды.Мұндай форматтағы шаралар тұрғындардың өзекті мәселелерін тыңдап, жергілікті жерде жедел шешуге, халық пен мемлекеттік органдар арасындағы кері байланысты нығайтуға мүмкіндік береді.Іс-шараға облыс прокуроры Ризабек Ожаров, аудан әкімі Берік Сәрменбаев сондай-ақ құқық қорғау, жергілікті атқарушы органдардың өкілдері қатысты.Кездесу барысында тұрғындардың әлеуметтік қамсыздандыру, жер қатынастары, тұрғын үй, еңбек, атқарушылық іс жүргізу және өзге де салалар бойынша көтерген мәселелері қаралды. Азаматтардың сауалдарына қолданыстағы заңнама талаптарына сәйкес түсіндірмелер берілді. Жекелеген мәселелер бақылауға алынды.Шара аясында азаматтардың құқықтарын қорғау, құқық бұзушылықтардың алдын алу және қоғамдағы заңдылық пен тәртіпті нығайту бағытындағы жұмыстардың маңыздылығы атап өтілді.Қабылданған шаралардың нәтижесінде ағымдағы жылдың өткен кезеңінде облыс бойынша қылмыстылық 10 пайызға, ал Сырдария ауданында 22 пайызға төмендеген.«Заң керуені» акциясымен облыс көлеміндегі 135 елді мекендер мен аудан орталықтарын қамту жоспарлануда.Бұл ретте шараға облыс прокуратурасы қызметкерлерінен құралған топтар жасақталып, әр топқа басқарма бастықтары, облыс прокурорының аға көмекшілері және тәжірибелі қызметкерлерден жетекшілер белгіленді.Акция шеңберінде аталған топтар халықтың құқықтық мәдениетін арттыруға, тұрғындардың мәселелерін жедел қарауға және қолжетімді құқықтық көмек көрсетуге бағытталған жұмыстарды жүйелі түрде жалғастыратын болады.

Қазақстан және Қызылорда облысының жаңалықтары