<a href="https://kyzylorda-news.kz/">Kyzylorda-news.kz</a> Қазақстандық оқушылар Боливияның Сукре қаласында өткен халықаралық информатика олимпиадасында (IOI-2025) үш күміс және бір қола медаль жеңіп алды. Бұл туралы <a href="https://stan.kz/">Stan.kz</a>ақпарат агенттігі хабарлайды.Халықаралық дода екі турдан тұрды. Байқау нәтижесі бойынша мына оқушылар жүлдегер атанды:•&nbsp;&nbsp; &nbsp;Максим Цой – Алматыдағы Республикалық физика-математика мектебінің 11-сынып оқушысы – күміс медаль •&nbsp;&nbsp; &nbsp;Мансур Мамадахунов – Қызылорда облысындағы БИЛ-дің 10-сынып оқушысы – күміс медаль •&nbsp;&nbsp; &nbsp;Әкежан Асқар – Семей қаласындағы НЗМ-нің 11-сынып оқушысы – күміс медаль •&nbsp;&nbsp; &nbsp;Даужан Бекетов – Алматы қаласындағы №165 мамандандырылған лицейдің 9-сынып оқушысы – қола медаль.Қазақстан командасының жаттықтырушылары:•&nbsp;&nbsp; &nbsp;Темірлан Қайртұлы Сатылханов – Astana IT University •&nbsp;&nbsp; &nbsp;Айбар Мұратұлы Қуанышбай – IITU (Халықаралық IT университеті)Ұлттық құраманы халықаралық олимпиадаға дайындау және үйлестіру жұмыстарын "Дарын" республикалық ғылыми-практикалық орталығы жүргізді."Оқушыларымыздың халықаралық білім аренасында осындай нәтижелер көрсетуі – еліміздің білім беру жүйесінің әлеуетін көрсетеді", – делінген министрлік таратқан хабарламада.2025 жыл Қазақстан үшін сәтті олимпиадалық маусым болды. Қазақстандық оқушылар бірнеше халықаралық пәндік олимпиадаларда табысты өнер көрсетті:•&nbsp;&nbsp; &nbsp;IChO – Химия •&nbsp;&nbsp; &nbsp;IMO – Математика •&nbsp;&nbsp; &nbsp;IPhO – Физика •&nbsp;&nbsp; &nbsp;IBO – Биология •&nbsp;&nbsp; &nbsp;IGeO – География •&nbsp;&nbsp; &nbsp;IOL – Лингвистика •&nbsp;&nbsp; &nbsp;IOI – ИнформатикаБиылғы IOI-2025 олимпиадасы Қазақстанның білім саласындағы халықаралық беделін тағы бір рет айқындады.Фото: Оқу-ағарту министрлігі

Қазақстандық оқушылар халықаралық олимпиадада 4 медаль жеңіл алды

Антониу Гутерриш қонақжайлық танытқаны үшін ілтипатын жеткізіп, Қазақстанның халықаралық ынтымақтастықты нығайтуға және орнықты даму мақсаттарын ілгерілетуге қосқан үлесіне ерекше тоқталды.– Қазақстан – бейбітшілік пен диалог символы, халықтар арасындағы алтын көпір әрі көптеген жағдайда әділ мәмілегер екенін көрсетіп келеді. Бұған осыдан ондаған жыл бұрын ядролық қарудан бас тарту туралы тарихи шешім негіз қалады. Бұл шын мәнінде бүкіл әлем үшін өнегелі іс болды. Өркениеттердің қақтығысы туралы сөз қозғалғанда, Қазақстан өз тәжірибесі арқылы түрлі діндер және мәдениет өкілдері арасында диалог пен ынтымақтастық орнату мүмкін екенін дәлелдеді. Бұл Сіздің бастамаларыңыздан анық байқалады. Сіздер әрдайым әлемді ауызбіршілік пен бауырластыққа үндеп келесіздер, – деді Бас хатшы.Кездесуде БҰҰ-ның Орталық Азия мен Ауғанстанға арналған орнықты даму мақсаттары жөніндегі өңірлік орталығы қызметінің перспективасы, Біріккен Ұлттар Ұйымын реформалау мәселесі, халықаралық және өңірлік күн тәртібі, сондай-ақ басқа да өзекті тақырыптар талқыланды.<a href="https://web.telegram.org/k/#@aqorda_resmi">t.me/aqorda_resmi</a>Фото: АқОрда

Антониу Гутерриш қонақжайлық танытқаны үшін ризашылығын білдірді

<a href="https://kyzylorda-news.kz/">Kyzylorda-news.kz</a> Абай Құнанбайұлының 180 жылдық мерейтойына орай, Қазақстан Халық партиясы көпшілік арасында сауалнама жүргізді.Іс-шараның мақсаты — ұлы ақынның өмірі мен шығармашылығын насихаттау, сондай-ақ әр буын өкілдері арасында Абай мұрасын кеңінен дәріптеу болып табылады.Сауалнама барысында қатысушыларға Абай Құнанбайұлының өмірі, шығармалары және қара сөздеріне қатысты сұрақтар қойылды. Сұрақтарға дұрыс жауап берген азаматтарға Абайдың “Қара сөздері” кітабы сыйлық ретінде табысталды.Бұл шара халықтың әдеби-рухани санасын көтеру, ұлттық құндылықтарға деген қызығушылығын арттыру және жастар арасында Абай шығармашылығын дәріптеу бағытында ұйымдастырылды.

Тұрғындар арасында сауалнама жүргізілді

<a href="https://kyzylorda-news.kz/">Kyzylorda-news.kz</a> Мемлекет басшысының «Ауылда денсаулық сақтауды жаңғырту» ұлттық жобасы шеңберінде өткен жылы іске қосылған заманауи «Қан орталығының» өңір үшін маңызы зор. Өйткені ұлт денсаулығын сақтаудың ең тиімді жолы ретінде орталық жылына он мың адамға қызмет көрсетсе, медициналық ұйымдардың сұранысына сай 17 мың дозадан астам қан компоненттерін дайындауға мүмкіндігі бар.Орталық облыс көлемінде орналасқан 16 медицина ұйымын қан компоненттерімен қамтамасыз етіп отыр. Қан қоры жазатайым оқиғалардан кейінгі жарақат алған науқастар, дүниеге жаңа келген нәрестелер мен жас аналарға, қатерлі ісік пен ауыр сырқатқа шалдыққан мұқтаж адамдарға көмек көрсету мақсатында үздіксіз толықтырылып отырылады.Жалпы, жыл басынан бері жеті мыңға жуық қызылордалық донор болуға ниет білдірген. Оның ішінде әр түрлі себептермен қан тапсыруға қарсы көрсетілімдері болуына байланысты донорлықтан 1252-і аластатылып, жарамды 5288 донор қан тапсырған. Қан тапсыру процесінде донордың қауіпсіздігі мен стандарттарға сай сапалы қызмет көрсетілуі қамтамасыз етілген.

Ұлт саулығы – ең қымбат қазына

<a href="https://kyzylorda-news.kz/">Kyzylorda-news.kz</a> Көлік қызметкерлері күніне және «ҚТЖ» АҚ Қызылорда жол дистанциясы мен Қызылорда вокзалының 120 жылдығына арналған мерекелік шара өтті.Салтанатты жиында “AMANAT” партиясы облыстық филиалының төрағасы Алмасбек Есмаханов, «Қазақстан темір жолы» ұлттық компаниясы» акционерлік қоғамы «Қызылорда магистральдық желі бөлімшесі» филиалының директоры Ербол Сәулебеков, «Қазақстан темір жолы» ұлттық компаниясы» акционерлік қоғамы «Жүк тасымалы бөлімшесі» филиалының директоры Батырхан Базарбаев сала ардагерлері мен қызметкерлерді мерекемен құттықтады.Жиын барысында сала ардагерлері, өндіріс озаттары жоғары кәсібилігі, мінсіз еңбегі және теміржол саласын дамытуға қосқан үлестері үшін марапатталды.<img src="https://knadmin.beoblood.kz/uploads/yzylorda_temir_zholyny_120_zhyldy_y_tarihi_beles_15d8643a2d.jpg" alt="Қызылорда темір жолының 120 жылдығы – тарихи белес!.jpg"><blockquote>«Біз теміржол саласы мамандарын мемлекетіміз бен «AMANAT» партиясының негізгі бағдарламалық мақсаттары мен міндеттерін белсенді орындаушы азаматтар ретінде құрметтейміз. Сіздер арқылы бір жағынан елдің экономикасы мен өнеркәсібі дамып жатса, екінші жағынан жол қатынасы жақсарып, азаматтарымыздың сапарлары сәтімен жүруде. Бұл Сіздердің темірдей тәртіпке негізделген жауапты саладағы күнделікті уақытпен санаспай, үлкен шыдамдылық пен табанды еңбектеріңіздің жемісі деп білеміз»-деді төраға Алмасбек Есмаханов.</blockquote>Қазіргі таңда облыста теміржол саласының 3500 жуығы «AMANAT» партиясының мүшелері.Жиын соңында концерттік бағдарлама ұйымдастырылып, отансүйгіштікке үндейтін патриоттық әндер көрермендерге мерекелік көңіл-күй сыйлады.

Қызылорда темір жолының 120 жылдығы – тарихи белес!

<a href="https://kyzylorda-news.kz/">Kyzylorda-news.kz</a> Қызылорда облыстық полиция департаментінің көші-қон қызметі басқармасы өңірге келген шетелдіктерге «Safetravel.kz» мобильді сайтының мүмкіндігін таныстырып жүр. Бұл туралы департаменттің баспасөз қызметі хабарлады.Аталған сайт Ішкі істер министрлігінің бастамасымен елімізде шетелдік туристердің қауіпсіздігін қамтамасыз ету және олардың Қазақстан аумағында еркін әрі қауіпсіз жүруіне жағдай жасау мақсатында іске қосылған болатын.<blockquote>— Департаменттің көші-қон қызметі басқармасы өңірге келген шетелдіктерге QR коды бар туристік карта таратады. Онда туристерге қажет барлық маңызды ақпарат — шұғыл байланыс, қауіпсіздік ережелері, мемлекеттік қызмет алу тәсілдері көрсетілген. «Азаматтарға арналған үкімет» мемлекеттік корпорациясымен бірге халыққа қызмет көрсету орталықтарында шетелдіктерге қызмет көрсету барысында туристік карталар таратылып, сайтпен жұмыс істеу тәртібі түсіндіріледі, — делінген хабарламада.</blockquote>Фото: ҚР ІІМ

Қызылордада шетелдік туристерге QR коды бар туркарталар таратылды  

<a href="https://kyzylorda-news.kz/">Kyzylorda-news.kz</a> Үндістанның Гоа қаласында шахматтан 21-30 шілде аралығында өткен әлем чемпионатында қазақстандық пара спортшылар 9 медаль жеңіп алды.Дүниежүзілік додаға 18 елден 100-ден астам спортшы қатысты. Аталған дода шахматтың классика, блиц және рапид ойын түрлерінен өтті.Жарыс қорытындысы бойынша классикалық шахматтан Аяулым Қамбарова, Бақытжан Майкенов және Әлімжан Аяпов қола медаль иеленді. Блиц ойын түрінен Аяулым Қамбарова мен Бақытжан Майкенов күміс, ал Серік Солтанов пен Әлімжан Аяпов қола жүлде иеленді. Ал рапид бойынша Аяулым Қамбарова мен Әлімжан Аяпов екінші орын алды.Фото: Спорт және дене шынықтыру істері комитеті

Шахматтан әлем чемпионатында қазақстандық пара спортшылар 9 медаль алды 

<a href="https://kyzylorda-news.kz/">Kyzylorda-news.kz</a> 26 маусымнан 27 тамызға дейін Қазақстан Республикасы Мәдениет және ақпарат министрлігі «Дарын» мемлекеттік жастар сыйлығына үміткерлерден өтінім қабылдауды жалғастырады. Бұл туралы Мәдениет және ақпарат министрлігі мәлім етті.«Дарын» мемлекеттік жастар сыйлығы ғылым, шығармашылық, қоғамдық қызмет салаларында жемiстi еңбегімен көзге түскен, сондай-ақ жоғары спорттық жетістіктері үшін дарынды жастарды мемлекет тарапынан қолдау мақсатында табысталады.Байқау «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Қоғамдық қызмет», «Спорт», «Театр және кино», «Эстрада», «Халық шығармашылығы» атты 10 номинация бойынша өтеді.Конкурсқа Қазақстан Республикасының 35 жасқа дейінгі азаматтары қатыса алады. Олар халықаралық және республикалық конкурстардың, фестивальдер мен түрлі шаралардың лауреаттары, республикалық және халықаралық деңгейлердегі спорттық жарыстардың жүлдегерлері мен жеңімпаздары, сондай-ақ аталған салалар мен тұтастай қоғамды дамытуға ықпал еткен үміткерлер болуы қажет.«Дарын» жастар сыйлығына үміткерлерді орталық, жергiлiктi және өзге де мемлекеттік органдар, қоғамдық бiрлестiктер және Қазақстан Республикасының аумағында тіркелген өзге де заңды тұлғалар ұсынады.Жеңімпаздарға «Дарын мемлекеттік жастар сыйлығының лауреаты» атағы беріледі және олар дипломмен, төсбелгілермен сондай-ақ қаржылай сыйлықпен марапатталады.«Дарын» жастар сыйлығы 1992 жылы тағайындалған. Содан бері аталған сыйлықты түрлі саладағы 360-тан астам азамат иеленді.Конкурсқа қатысуға құжаттар 2025 жылғы 26 маусымнан 27 тамыз аралығында Қазақстан Республикасы Мәдениет және ақпарат министрлігі (қағаз нұсқада) мына мекенжай бойынша қабылдайды: Астана қаласы, Мәңгілік ел даңғылы 8, «Министрліктер үйі» ғимаратының 14-кіреберісі.

«Дарын» мемлекеттік жастар сыйлығына өтінім қабылдау жалғасып жатыр

<a href="https://kyzylorda-news.kz/">Kyzylorda-news.kz</a> «Ырыскелді қажы» мешітінің Бас имамы Нұрлан қажы Байжігітұлы Orta подкастінде қазақстандықтарды қашықтан дем салғызудан аулақ болуға шақырды.<blockquote>— Мен дем салудың заманауи түрін көрдім. Ол түрінде TikTok арқылы салады екен. Қалай десе, «Телефонның экранын жақын» ұста дейді. Сонда экранға үрлеген кезде демі ауырып тұрған бүйрегіне тиеді. Не деген КТ-аппарат (компьютерлік-томографиялық аппарат) екенін қайдан білейін. Мұның бәрі жай нәрсе, халқымызға алданбау керек, — деді ол.</blockquote>Сондай-ақ, ол әлеуметтік желі арқылы діни контентті ақылмен тұтыну маңызды екенін айтты.&nbsp;<blockquote>— Дұға қылу деген бар. «Маған дұға қылып қойыңыз» деп жатады. Ол — жақсы нәрсе. Ал енді микрофон арқылы дем салып, экранның ар жағынан, YouTube арқылы дұға дарыту деген енді… Мен өзім көрдім. Дүкенге кіріп барсам, сатушы көзіме бірден түспеді. Құранның даусы шығып тұр. Сатушы шыққанда неге құран қосқанын сұрасам, «Тазартып жатырмыз» дейді. «YouTube арқылы тазаланбайды» дедім. YouTube-тен тамақ ішкенді көрсең, қарның тойып қала ма? Бұл да сол сияқты. Ондай нәрсеге иланбауымыз керек, — деді Нұрлан қажы.</blockquote>Фото: Фото: Солтан Жексенбеков

Нұрлан имам TikTok-та дем салатындарды сынады

<a href="https://kyzylorda-news.kz/">Kyzylorda-news.kz</a> Қоғамның тұрақтылығы мен ел дамуының басты шарты – этносаралық келісім мен бірліктің нығаюы. Бұл бағытта Қазақстан халқы Ассамблеясы белсенді қызмет етіп келеді. Аталған құрылымның негізгі миссиясы – түрлі этнос өкілдерінің өзара татулығын қамтамасыз етіп, бейбітшілік пен қоғамдық келісімді сақтау екендігі баршаға мәлім.Бүгін Қазақстан халқы Ассамблеясы төрағасының орынбасары, ҚР Президенті Әкімшілігінің Қазақстан халқы Ассамблеясы хатшылығының меңгерушісі Марат Әзілханов аймақтағы этномәдени бірлестік жетекшілерімен жүздесті. Достық үйінде өткен жиында облыс әкімінің орынбасары Мейрамбек Шермағанбет қатысты.Жиында облыстық қоғамдық даму басқармасы басшысының орынбасары - облыстық ҚХА хатшылығының меңгерушісі Артур Қамбаров өңірдегі этносаралық қатынастар саласындағы атқарылған жұмыстар мен алдағы жоспарларға тоқталды.Жиында Марат Алмасұлы Қызылорда облысындағы бірлік пен келісім саласындағы жұмыстарға оң бағасын беріп, Президенттің ҚХА-ның 34-сессиясында берген тапсырмаларын орындаудың маңыздылығына назар аударды.<blockquote>– Қазақстан халқы Ассамблеясы құрылғанына биыл 30 жыл. Осы уақыт ішінде Ассамблея бейбітшілік пен келісімнің, қоғамдық татулықтың алтын көпіріне айналды. Қоғамдағы әр азаматтың үнін естіп, этностардың құндылықтарын дәріптеуде маңызды жұмыс атқарып келеді, – деді Марат Алмасұлы.</blockquote>Сонымен қатар, Алматы, Жетісу, Жамбыл, Түркістан облыстарындағы аудандық Ассамблея хатшылықтарының құрылуы, Ақтау қаласында өтетін этномедиаторлардың форумы мен Өскемен қаласындағы ҚХА конгресі және Астана қаласындағы ҚХА академиясы туралы атап өтті.Өз кезегінде Мейрамбек Зинабдинұлы қатысушыларға ерекше алғысын айтып, Ассамблеяның ел бірлігін сақтау жолындағы рөліне ерекше тоқталды. Ол өз сөзінде Мемлекет басшысы Қасым-Жомарт Тоқаевтың реформаларын қолдау мен ел ішіндегі тұрақтылықты сақтау — барша қазақстандықтың ортақ міндеті екенін атап өтті.Кездесу барысында облыстық ҚХА жанындағы Ақсақалдар кеңесінің төрағасы Нұрмұрат Ерманов пен «Славяне» қоғамдық-мәдени орталығының төрағасы Галина Щербакова өз ұсыныс-пікірлерін білдіріп, этносаралық татулықты одан әрі дамытуға қатысты ойларымен бөлісті.<figure class="image"><img src="https://knadmin.beoblood.kz/uploads/assam_37f99e374f.jpg" alt="ассам.jpg"></figure>

Этносаралық келісім – ел бірлігінің негізі

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Қанат Бозымбаев, облыс әкімі Нұрлыбек Нәлібаев Қармақшы ауданындағы «Жаңажол» жауапкершілігі шектеулі серіктестігінің жұмысымен танысты.«Жаңажол» – өңірдегі ауыл шаруашылығын дамытып, халықты тұрақты жұмыспен қамтыған жетекші құрылымдардың бірі. Биыл шаруашылық 4547,5 гектар алқапқа егін екті. Оның 3100 гектары күріш, 469 гектары жаңа, 600 гектары ескі жоңышқа, 325 гектары бидай, 39 гектары жүгері. Сонымен қатар 5 гектар картоп, 9,5 гектар алма бағы да бар.Қазіргі таңда мұнда 360 адам тұрақты жұмыспен қамтылған. Серіктестіктің 159 арнайы техникасы бар. Бұл егін ору, тасымалдау және басқа да жұмыстарды орындауға мүмкіндік береді.Серіктестік егіншілікпен ғана шектелмей, жем-шөп өндірісі мен бау-бақша шаруашылығын да дамытып келеді. Табиғи ресурстарды ұқыпты пайдаланып, заманауи әдістерді енгізуде.Ауданның суармалы жер көлемі 41 147 гектар, 25 258 гектарына ауыл шаруашылығы дақылдары, атап айтқанда дәнді дақылдар 14 123 гектарға, майлы дақылдар 1 205 гектарға, мал азықтық дақылдар 8 750 гектарға, картоп, көкөніс және бақша 1 180 гектарға егілген. Күріш көлемі 12 993 гектар. Қармақшы ауданында 32 шаруашылық егін шаруашылығымен, 30-ы күріш егумен айналысады.Биылға жоспарланған 404,0 млн текше метр судың 296,2 млн текше метрі нақты жеткізілді. Қазіргі уақытта 33 насос 9 шаруашылықтың егіс алқаптарындағы күріш пен ауыл маңындағы картоп, көкөніс, бақшаны суаруға қызмет етеді.Мұнан бөлек, Қ.Бозымбаев 2004 жылы құрылған «Жаңажол» шаруашылығының алмабағымен танысты. Шаруашылық 4,5 гектар жерге 1521 түп алма, 138 түп алмұрт және 205 түп өрік отырғызып, өнім алуда. 620 түп «Семеренка», 177 түп «Бес жұлдыз», 105 түп «Голдинк», 138 түп «Белиналип» сорттары арық арқылы суарылады. 2023 жылы тағы 5 гектар аумаққа 8 600 түп алма көшеті тамшылатып суару әдісімен егілді. Көшеттер Жамбыл облысы Мерке ауданындағы тұқымбақтан алынған. Жаңа алмабақта «Голден Делишес», «Старкримсон», «Мельба», «Столовка» және «Қызылай» сорттары өсірілуде. Суару жүйесі Израиль технологиясы бойынша жасалған.<img src="https://knadmin.beoblood.kz/uploads/Zha_azhol_Zh_Sh_S_2_3040f03b0a.jpg" alt="Жаңажол ЖШС 2.jpg">

Қанат Бозымбаев "Жаңажол" ЖШС жұмысымен танысты

<a href="https://kyzylorda-news.kz/">Kyzylorda-news.kz</a> Қазақстан Республикасы Президент жанындағы Орталық коммуникациялар қызметінің құрылымында Жалған ақпаратқа қарсы күрес жөніндегі орталық жұмысын бастайды.Жаңа құрылым азаматтардың сенімді ақпарат алу құқығын қамтамасыз етудегі маңызды элемент болады.Орталықтың негізгі міндеттері:<ul><li style="text-align:justify;">жалған ақпаратты анықтау және оны жоққа шығару;</li><li style="text-align:justify;">азаматтарды маңызды тақырыптар бойынша объективті, тексерілген деректермен қамтамасыз ету;</li><li style="text-align:justify;">ақпаратты жауапкершілікпен тұтыну мәдениетін дамыту.</li></ul>Ақпараттық қанықтыру жағдайында фактілерді қасақана бұрмалаудан ажырату өте маңызды. Жаңа орталық ақпарат ағынында навигация құралына айналады.Жұмыс мемлекеттік органдар, сарапшылар қауымдастығы, журналистер және азаматтармен ынтымақтастықта жүргізіледі.Орталықты құру - бұл нақты фактілерге, жауапкершілікке және ақпаратқа деген сенімге негізделген тұрақты коммуникациялық ортаны қалыптастыруға қисынды қадам.Орталық фейктерге тұрақты шолулар, манипуляция жасау кейстерін жариялайды, сондай-ақ резонанстық ақпараттық тақырыптар бойынша сараптамалық түсініктемелер береді. Орталықты іске қосу күрделі ақпараттық процестерді әлеуметтік желілердегі ресми ресурстарға қарапайым және көрнекі түсіндіруге бағытталған ақпарат орналастырумен қатар жүреді.Бірінші шығарылымда соңғы кездері еліміздің ақпараттық кеңістігінде пайда болып жатқан жалған мәліметтерді зерделейміз.Фото: ortcom.kz

Қазақстан және Қызылорда облысының жаңалықтары