<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен өткен актив отырысында Мемлекет басшысының 2024 жылғы 2 қыркүйектегі Қазақстан халқына Жолдауындағы тапсырмаларды орындау мәселесі талқыланды.Аймақ басшысы стратегиялық құжатта айтылған басым бағыттар бойынша әзірленетін Жолдауды іске асыру жөніндегі Жалпыұлттық іс-шаралар жоспарын негізге алып, Өңірлік іс-шаралар жоспарын бекіту қажеттігін атап өтті.<blockquote>«Мемлекет басшысы Жолдауда экономикалық дамудың 9 бағыты бойынша мақсат-міндеттерді айқындап берді. Оларды іске асыру үшін біз нақты шаралар қабылдауымыз керек. Бұл шаралардың түпкі нәтижесі - халықтың табысын арттыру, инфрақұрылымды одан әрі дамытуды жаңғырту, қауіпсіздікті қамтамасыз ету, адами капиталдың жан-жақты дамуы үшін мүмкіндіктерді кеңейту. Біріншіден, ақша-несие және фискалды саясаттың арасындағы үйлесімсіздікті жоюда бюджет саясатының тиімділігін арттыру маңызды. Салық заңнамасын жетілдіруде бюджетті тиімді басқару және сапалы жоспарлау - біздің басты міндетіміз. Жыл басынан бері салық базасын ұлғайту үшін Қызылорда қаласы және аудан әкімдеріне, мемлекеттік органдар басшыларына бюджет түсімдерінің резервтерін анықтауды тапсырған болатынмын. Қорытындысындаөз кірістерінің барлық тетіктерін анықтау, түгендеу арқылы жыл аяғына дейін жергілікті бюджетке қосымша күтілетін түсім көлемін 135 млрд. теңгеге жеткізу жоспарлануда. Болжамды межеге жету үшін ірі кәсіпорындар филиалдарын облысқа тіркету, жалдамалы жұмысшылардың еңбекақы қорына түгендеу жүргізу, тіркелмеген мүлікті түгендеу және қайта бағалау керек», - деді Нұрлыбек Машбекұлы.</blockquote>Өңірде бизнеске барынша қолайлы жағдай жасау мақсатында өткен жылы бөлшек салық режимінің мөлшерлемесі 2 пайызға төмендетілді. Бүгінде бұл салық режимін аймақта 1 139 кәсіпкер қолдануда. Халықпен тікелей жұмыс жасайтын кәсіпкерлерді осы салық режиміне тартып, кәсіпкерлік қызметтерді бөлшектеуді азайту қажет.Өңірде инвестициялық ахуалды жақсарту, жаңа инвестор тарту және сүйемелдеуде нақты бағыт белгіленген. Биыл 517 млрд. 500 млн. теңге инвестиция тарту межеленсе, көрсеткіш осы жылдың 7 айында 57,2 пайызға орындалды. Индикатордың орындалуы бойынша облыс республикадағы алдыңғы орында.Өнеркәсіптік әлеует туралы айтсақ, өңірдің мұнай-газ саласында мол мүмкіншілік бар. Облыстық кәсіпкерлік және өнеркәсіп басқармасына Қызылорда қаласы және аудан әкімдіктерімен бірлесіп, өңдеу өнеркәсібі саласындағы жаңа жобаларды мерзімінде іске қосу тапсырылды. Аймақтағы электр энергиясы тапшылығы мәселесін шешу үшін Қызылорда қаласында қуаттылығы 240 мегаваттық жаңа жылу-электр орталығының құрылысы қарқынды жүруде. Сондай-ақ, өңірде жылу желілерін жаңғырту, ыстық сумен қамту және өзге де маңызды жобалар қолға алынған.Мемлекет басшысы Жолдауда атап өткен 23 шетелдік жоғары орнының бірі - Қорқыт Ата университетінің Кореяның СеулТех университетімен бірлесіп, университет базасында ашқан Жасанды интеллект және информатика жоғары мектебі. Мұнан бөлек, Мемлекет басшысы жариялаған «Жұмысшы мамандықтар жылы» аясында өңірдегі техникалық және кәсіптік білім беру саласын модернизациялау үшін кешенді іс-шаралар жоспарын әзірлеу тапсырылды. Әлеуметтік- медициналық сақтандыру қорының облыстағы филиалы медициналық сақтандыру жүйесіне халықтың сұранысын ескеріп, қаржының бөлінуін қайта қарап, оның мақсатты жұмсалуына мониторингті күшейтуі қажет.Облыстық денсаулық сақтау, экономика және қаржы басқармалары денсаулық сақтау саласындағы мемлекеттік-жекеменшік әріптестікті зерделеп, жаңадан әзірленетін нормативтер мен ережелерге ұсыныс беруі тиіс.Мемлекет басшысы әлеуметтік қолдау шаралары нағыз мұқтаж азаматтарға көрсетілуі керектігін үнемі айтып келеді. Облыстық жұмыспен қамтуды үйлестіру және әлеуметтік бағдарламалар, денсаулық сақтау, білім, басқармалары «Әлеуметтік әмиян» жобасын жүзеге асыру барысында салалық ақпараттық жүйелерді қалыптастыруды тиісті министрліктермен бірлесіп жүргізуге жауапты.Экологиялық ахуалды жақсартуда елімізде көктемнен бері «Таза Қазақстан» жалпыұлттық экологиялық акциясы өтуде. Өңірде жыл соңына дейін ұйымдастырылатын облыстық іс-шаралар жоспары бекітілді. Бүгінгі дейін оған 461 мыңнан астам адам қатысқан. Алдағы уақытта акцияға тұрғындарды жаппай жұмылдырып, мұны қалыпты әдетке, өмір салтына айналдыру керек.Бұдан былай аудан және облыстық маңызы бар қалалардың әкімдері тікелей сайлау арқылы ғана қызметке келеді. Бұл бағыттағы шаралар облыс әкімінің тікелей бақылауында болмақ.Мұнан бөлек, Жолдауда қоғамда заң мен тәртіп идеологиясын терең орнықтыру қажеттігі атап айтылды. Құқық қорғау органдары Қызылорда қаласы және аудан әкімдерімен бірлесіп, құқық бұзушылықтар мен жол қауіпсіздігі бағытындағы жұмыстарды жандандыруы тиіс.Жиын соңында Нұрлыбек Машбекұлы Мемлекет басшысының Жолдауынан туындайтын міндеттерді нақты іс-қимыл алгоритмі аясында айқындап, өңірлік іс-шаралар жоспарын әзірлеу барысында ескеруді тапсырды.Жоспардың сапалы әзірленуін және орындалуын қадағалау облыс әкімінің бірінші орынбасары Данияр Жаналиновке жүктелді.<img src="https://knadmin.beoblood.kz/uploads/4_facf1add9f.jpg" alt="4.jpg"><img src="https://knadmin.beoblood.kz/uploads/5_4576ec75eb.jpg" alt="5.jpg">Фото: Қызылорда облысы әкімінің баспасөз қызметі

Экономикалық дамудың 9 бағыты бойынша мақсат-міндеттер айқындалды

<a href="https://kyzylorda-news.kz/">Kyzylorda-news.kz</a>&nbsp; Қазіргі заманның балалары көздерін ашқаннан Дүниежүзілік торға шығуға мүмкіндік беретін түрлі гаджеттерді қолданады. Қазір тіпті оларға қатысты арнайы &nbsp;«digital natives» («цифрлық ұрпақ») термині пайда болды. Бұл жерде интернеттің қауіпі жөнінде айтып отыру өте маңызды, себебі киберқылмыстардың саны, оның ішінде балаларға қарсы қылмыстар саны жылдан жылға өсуде.&nbsp;Балалар интернеттегі қауіпсіздік жөнінде не білулері маңызды екенін Fingramota.kz-пен бірге қарастырайық.&nbsp;«Сілтемеге баспас бұрын, ойлан»Жыл сайын миллиондаған жасөспірімдер білместіктен алаяқтық схемалардың құрбандары немесе оның қатысушылары болып жатады. Бәрі әлеуметтік желіде лайк басудан немесе репост жасаудан басталуы мүмкін. Бұл алаяқтар үшін белгі болуы мүмкін, олар көзді-ашып жұмғанша сіздің балаңызды «иірімге» тартып әкете алады. &nbsp;<blockquote>Алаяқтар белгілі бір сценарий бойынша, &nbsp;яғни бала қызығушылық танытатын салаға немесе ақпаратқа байланысты әрекет етеді, ол жөнінде интернет арқылы біліп алады. Қаскүнемдерге &nbsp;балалармен жабық чаттарда іс-әрекеттесу маңызды, олар баланың телефонына шпиондық қосымшалар орнатуға немесе дербес деректерді &nbsp;жария еткізуге тырысады &nbsp;(ата-анасының карточкасының толық деректемелері, SMS-пен келетін код және басқалар), сондай-ақ ата-анасына, туысқандарға, достарына вирус жұққан файлдарды жіберуді сұрайды.</blockquote>Желіде мұндай топтарды бұғаттау және алаяқтардың жолын кесу өте қиын, себебі белгілі бір уақытқа дейін формалды түрде олар заңды бұзбайды. Және де алаяқ өз құрбанымен жеке әрекеттеседі.&nbsp;Кеңес:&nbsp;Балаларға технологиялардың өзі қауіпті емес, оларды жеке мақсатына қолданатын адамдар қауіпті екенін түсіндіру маңызды. Сондықтан балаларға мынадай нәрселерге «ЖОҚ» деп айтуды үйретіңіз:- бейтаныс сайттарға кіру;&nbsp;- күдікті сілтемелер бойынша өту,&nbsp;- күдікті әрекеттерге қатысу.&nbsp;Балаңыздың гаджетіне антивирустық қосымшаны орнатыңыз және барлық күмәнді және түсініксіз жағдайда балаңыз Сізге немесе Сіздің туыстарыңызға хабарласа алатындығына көз жеткізіңіз.«Жылтырағанның бәрі алтын емес»Балалар көп уақытын танымал әлеуметтік желілерде өткізеді, өздерінің фотосуреттерін, билері, ойындары жазылған бейнероликтерді орналастырады.<blockquote>Бір қарағанда, бұл жерде қауіпті ештеңе жоқ сияқты, бірақ олар өздері және жақындары туралы алаяқтар пайдалана алатын артық ақпаратты жариялауы мүмкін. Мысалы, бұл – ата-анасының шоттарына сілтемелер, төлем карточкасының фотосуреттері, олардың орналасқан жері туралы белгілер. Өкінішке орай, мұндай бейқамдық бүкіл отбасы үшін жағымсыз салдары бар ауыр кибершабуылдарға айналуы мүмкін.&nbsp;</blockquote>Кеңес:&nbsp;Балаларға әлеуметтік желілерде жеке ақпаратты, оның ішінде жасын, өздері оқитын мектептің нөмірін, ұзақ сапарларға, каникулдар мен ата-анасының демалысына қатысты жоспарларды, пәтердің, көліктің немесе үйдің фотосуреттерін, банк карталарын немесе туыстарының кімдер екенін, жүрген жерін және ұялы телефон нөмірін көрсетуге болмайтынын түсіндіріңіз. Мұндай &nbsp;деректерді алаяқтар пайдалануы мүмкін.&nbsp;&nbsp;«Экранның ар жағындағы адамға сене берме»Цифрлық даму дәуірінде балалардың 90%-ы достарымен әлеуметтік желілер арқылы байланысады.&nbsp;<blockquote>Бірақ мұндай әлеуметтік еркіндіктің кемшілігі де жоқ емес: балалар киберқылмыскерлермен бетпе-бет келуі мүмкін. Қаскүнемдер басқа адамның фотосуреттерін пайдаланып, әлеуметтік желілерде балалардың ұқсас немесе тіпті бірдей профильдерін жасайды. Балалар өз құрдастарымен сөйлесіп отырмын деп ойлауы мүмкін, ал шын мәнінде бұл ересек адам болуы мүмкін. Интернетте жеке деректердің түпнұсқалығын тексеру қиын.</blockquote>Алаяқтар балаларды офлайн режимінде кездесуге немесе ақша тарту арқылы оларды көп ойыншы қатысатын ойындарға тартады. Мұндай онлайн ойындардың жұмыс принципі бірдей: балаларға заттарды, мысалы, қобдишаларды нақты ақшаға сатып алу ұсынылады, ал ұтысты қаскүнемдер арнайы сервистердің көмегімен шығаруға кепілдік береді.Кеңес:&nbsp;Балаларды бейтаныс адамдардың достыққа қосу туралы ұсынысын қабылдамауға, кездесуге шақыруына мән бермеуге, күмәнді онлайн ойындарға қатыспауға және оларға жеке деректерін жібермеуге үйретіңіз.Сондай-ақ, баланы интернеттегі жағымсыз ақпараттан қорғаудың әртүрлі техникалық құралдары бар. Ең алдымен, бұл антивирус, оны тек компьютерде ғана емес, смартфондар мен планшеттерде де орнату маңызды. Бұдан басқа, балалардың интернеттегі қауіпсіздігі үшін ата-ана тарапынан бақылау функциялары бар арнайы бағдарламалар бар.Тыйым салған нәрсеге қызығушылығы артатынын ескеріп, баланы интернетті қолданудан толығымен шектемеген жөн. Одан да оған бірнеше маңызды ұсыным беріп, оларды міндетті түрде өзіңіз де қолданыңыз. &nbsp; &nbsp;<img src="https://knadmin.beoblood.kz/uploads/2_a6af88bb78.jpg" alt="2.jpg">Цифрлық тазалықты сақтаңыз!&nbsp;Күмәнді сайттарға кіріп, күдікті сілтемелерге өтпеңіз.Егер мұндай сайттарға кіріп қойған болсаңыз, ол жақта сауалнама толтырып, өзіңіз және жақындарыңыз туралы жеке ақпаратты енгізбеңіз.«Спамға» жауап бермеңіз.Пошта немесе мессенджерлер арқылы ешкімге өзіңіздің кредиттік картаңыздың құпиясөзін нөмірін бермеңіз.Сіздің картаңыздың ПИН-кодын, картаның арғы бетіндегі үш таңбалы кодты, SMS арқылы келген кодты айтуыңызды сұрайтын, өздерін банк, құқық қорғау органдарының қызметкерлері деп таныстыратын адамдармен сөйлеспеңіз, хабар жібермеңіз.&nbsp;Өз ұялы телефоныңызды үшінші тұлғаларға бермеңіз және гаджетіңізді қараусыз қалдырмаңыз. Сіздің құрылғыңызға физикалық қолжетімділікке ие болып, алаяқтар оған қауіпті бағдарламалар орната алады.&nbsp;Онлайн-транзакциялар жасаған кезде, поштаңыздың, әлеуметтік желілердегі аккаунттарыңыздың құпиясөзін енгізу кезінде жалпыға ортақ Wi-Fi-ды пайдаланбаңыз.&nbsp;Өзіңізге, балаларыңызға абай болыңыз және қаржылық сауаттылығыңызды Fingramota.kz-пен бірге арттырыңыз!&nbsp;Фото: Fingramota.kz

Балаларды кибералаяқтардан қалай қорғауға болады?

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Назарбаев Зияткерлік мектебінде Қазақстан халқы тілдері күні танымдық іc-шаралар ұйымдастырылуда.&nbsp;Таңертең оқушылар қазақ, орыс және ағылшын тілі бірлестіктерінің ұйымдастырған белсенді ойындарына қатысты.&nbsp;Келушілер тілдік пазл құрастыру, мақал-мәтел табу, ребус шешу, жасырылған сөздердің үш тілдегі аудармасын айту, идиоманы жалғастыру секілді тапсырмалар орындап, білімдерін арттырды.&nbsp;9-сынып оқушысы Аделина Финансова мен 10-сынып оқушысы Ярослав Баев домбыра мен гитарада әйгілі «Адай» күйін тартып, ұлттық өнерді жаңғыртты. &nbsp;&nbsp; Сонымен қатар, бүгін &nbsp;8-сынып оқушылары арасында тілдік квест өткізу жоспарланған, ал 9-сыныптың білім алушылары &nbsp;«Spelling bee» ойынында орфографиялық дағдыларын дамытатын болады.

Тіл мерекесі: Зияткерлік мектепте танымдық іc-шаралар өтіп жатыр

Фото: egemen.kz<a href="https://kyzylorda-news.kz/">Kyzylorda-news.kz</a>&nbsp; Қызылорда облысының мәдениет, архивтер және құжаттама басқармасы балалар мен жасөспірімдерге арналған шығармашылық үйірмелерге мемлекеттік тапсырысты орналастыру мәселесі бойынша тексеру жұмыстарын жүргізіп жатыр.&nbsp;Жұмыс барысында анықталғандай сабақ өтетін орындар талапқа сай емес. Тапсырыс алушылар үйірме үшін жасақталған ғимараттарда бейнебақылау, өрт қауіпсіздігі жүйесін орнатпаған. Сонымен қатар үйірмеге қажетті құрал-жабдықтармен толық жабдықталмағаны да белгілі болды. Белгіленген мекен-жайдан көшіп кеткен жағдайлар да кездескен. &nbsp;Бақылау барысында балалардың көрсетілген саннан кем болуы немесе мүлде болмауы орын алған.&nbsp;<blockquote>​«28 тамыз - 4 қыркүйек аралығында шығармашылық бағытта 23 өнім берушінің жұмысы зерделенді. Анықталған кемшіліктер бойынша құқық қорғау органдарына хат жолданып, өнім берушімен жария офертаға сәйкес келісім-шарт біржақты бұзылатын болады», - делінген аталған басқарманың хабарламасында.</blockquote>

«Көрсетілген мекен жайдан көшіп кеткен»: Қызылордада мемлекеттен қаржы алған үйірмелер тексеріліп жатыр 

<a href="https://kyzylorda-news.kz/">Kyzylorda-news.kz</a> Жыл басынан бері Қызылорда облысының тұрғындары VIP мемлекеттік нөмірге 290 миллион теңгеден астам қаражат жұмсаған. Мамандандырылған ХҚКО-ларда 803 жоғары сұранысқа ие нөмірлер берілді.Айта кетейік, жоғары сұранысқа ие нөмерлерді сату республикада 10 жыл бұрын енгізілген болатын.2024 жылдын басынан Қызылорда облысында 070, 077, 101 цифрлық белгісі бар мемлекеттік нөмірлер сұранысқа ие. Әрбір осындай нөмірдің мемлекеттік баж мөлшері 57 АЕК (2024 жылы - 210 444 теңге) құрайды.Ең қымбат әріптері бірдей VIP нөмірлер 001, 002, 003, 004, 005, 006, 007, 008, 009, 777. Әрбір осындай нөмір үшін мемлекеттік баж 285 АЕК құрайды, яғни 1 052 220 теңге.Айта кетейік, жыл басынан бері облыс бойынша Мамандандырылған Халыққа қызмет көрсету орталықтарында 2700-ден астам автомобиль тіркелген, 1197 жүргізуші куәлігі берілген.

Қызылордалықтар VIP нөмірге 290 миллион теңге жұмсаған

<a href="https://kyzylorda-news.kz/">Kyzylorda-news.kz</a>&nbsp; Ақтөбе облысы Темір ауданы Кеңесту ауылында 9 сынып оқушысы Нұржан Сыдық оқушылардың қолынан қайтыс болды. Жасөспірімнің анасының айтуынша оны бірнеше оқушы соққыға жыққан, деп хабарлайды <a href="https://ru.sputnik.kz/">Sputnik Қазақстан </a>.&nbsp;Қайғылы оқиға 2 қыркүйекте болған.<blockquote>Баламды түнгі сағат 22:00 шамасында сыртқа шақырып алып кеткен. Не себепті шақырғанын білмеймін, жоғарғы сыныптың оқушылары. 6 бала ұрған, соның ішінде боксқа қатысатын бала бар екен. Сол да ұрған. Баламның бет-аузының сау жері қалмаған мұрны, құлағы, бүкіл жері қап-қара болып кеткен. Мен бұлай қалдырмаймын, соңғы демім біткенше әділдікке жетемін, - дейді марқұм оқушының анасы Амангүл Сыдық.</blockquote>Баламды ұрған 6 оқушы да жазалансын, дейді ашынған ана.<blockquote>Балам бір емес, осымен екінші рет таяқ жеген. Мектепте де практикант мұғалімнің қолынан таяқ жеп, бір ажалдан қалған. Мынау екінші рет, ажалы оқушылардың қолынан болды. Бала біткеннің бәрін ұрып өлтіре берсе кім қорғайды мына қазақты, жер астында жатып елін қалай қорғайды балам?, - деген анасының еңірегенде етегі жасқа толып отыр.</blockquote>Ауыл әкімдігі болса бұған дейін мұндай қайғылы жағдай Кеңесту ауылында болған емес, ауыл іші ағайын кісілердей тату еді дейді.Қазіргі күні оқиғаға қатысты екі жасөспірім күдікті деп танылған.<blockquote>Кәмелетке толмаған баланың қайтыс болу фактісі бойынша Темір ауданы полиция бөлімімен қылмыстық іс қозғалды. Жанжалдың барлық қатысушылары анықталып, полицияға жеткізілді. Екі күдікті ұсталды. Тергеу әрекеттері жүргізілуде, - дейді Ақтөбе облыстық полиция департаменті.</blockquote>

«Соңғы демім біткенше әділдікке жетемін»: Көз жұмған оқушының анасы жанайқайын айтты

Париждегі Паралимпиада ойындарында Давид Дегтярев пауэрлифтингтен алтын медаль жеңіп алды. Бұл туралы Stan.kz ақпарат агенттігі хабарлайды.Дегтярев – Қазақстан тарихындағы екі дүркін Паралимпиада чемпионы атанған тұңғыш спортшы. Қазақстандық параспортшылар елімізге үшінші жүлдені әкелді.Спортшы 54 келіге дейінгі салмақта бақ сынасты. Паралимпиада ойындарында бұл салмақ бойынша 10 спортшы қатысты. Дегтярев финалда үздік нәтиже көрсетті. Ол 188 келі штанганы көтерді. Кубалық Пабло Рамирес Барриентос (185 келі) күміс, қытайлық Ян Цзинлан (179) қола жүлдені жеңіп алды.Давид Дегтярев – 28 жаста, Ақмола облысы Атбасар қаласының тумасы, 2017 жылдан бері халықаралық жарыстарға қатысып келеді. Ол екі паралимпиада жеңісінен бөлек, Азия ойындарының чемпионы және екі дүркін әлем чемпионы.

Паралимпиада ойындарында қазақстандық Давид Дегтярев пауэрлифтингтен чемпион атанды

<a href="https://kyzylorda-news.kz/">Kyzylorda-news.kz</a> Партияның қалалық филиалының депутаттық фракция отырысы өтті.Алдымен мемлекет басшысы Қ.Ж Тоқаевтың Қазақстан халқына Жолдауынан туындайтын мақсат-міндеттер талқыланды.Фракция отырысына партияның қалалық филиалының төрағасы Ибадулла Дүйсенбайұлы Құттықожаев қатысты.<blockquote>&nbsp;– «Мемлекет басшысының Жолауда атап өткеніндей Атом энергиясын пайдалану дамыған экономикалық мемлекеттерде кеңінен қолданылуда. Қазірде АЭС салу мәселесіне байланысты жалпыхалықтық референдум өткізілу жоспарланып отыр. Уран өндіруден еліміз алғашқы орында. Сондықтан, АЭС салу мәселесі де келешек ұрпақ үшін жарқын болашақтың кепіліне айналары анық. Бүгінде ғалымдар АЭС салу мәселесін жан-жақты саралай отырып, оның қауіпсіздігін қамтамасыз ету сатыларына мән беруде. АЭС экологиялық тұрғыда таза, қолайлы әрі қаншама азаматтарды жұмыс орнымен қамтымақ. Оның ішінде ғылыми жолда еңбек етіп жүрген жастарамыз да бар,» – деді.</blockquote>Фракция отырысында Мемлекет басшысының халыққа Жолдауынан туындаған мәселелер талқыланып, тоғыз бағыт бойынша фракция мүшелері пікір алмасты. Соның ішінде темір жол саласындағы өзекті мәселелер, тариф құнын реттеу, темір жол құрылысын жүргізу бойынша фракция мүшесі, темір жол саласының ардагері Ибраким Асқарұлы Басықараев пікір білдірді.Ал білім саласындағы реформалар бойынша фракция мүшесі Айгүл Нажмадинқызы Мұсабаева пікір білдірді.<blockquote>«Өздеріңізге белгілі келер жыл «Жұмысшы мамандықтар» жылы болып жарияланды. Білім саласындағы ең маңызды мәселенің бірі – жастарды кәсіптік-техникалық мамандықтарға баулу. Себебі еңбек адамдары қашан да ел экономикасында ілгері күшке ие»,-деді фракция мүшесі.</blockquote>Жиында партияның қалалық филиалының Атқарушы хатшысы Гүлшат Исақызы Мұсаева:<blockquote>«Мемлекет басшысы Жолдауда «Amanat» партиясының бастамасымен жүзеге асырылып жатқан «Ауыл аманаты» жобасының жалпы нәтижесінің жаман еместігі, енді осы жоба аясында тағы бір жаңа тәсілді, яғни «тауар несиесін» беру мәселесін қарастыру қажеттілігін атап өтті. Ауылдың әлеуетін арттыруға арналған тиімді бірегей жоба жеке кәсіпкерге 8,6 млн. (2024 жылы: 9,2 млн.) теңге, өндірістік кооперативке 28 млн.(2024 жылы: 29.5 млн.) теңгеге дейін 2,5 пайыздық мөлшерлемемен несие алып, өз ісін бастауына үлкен мүмкіндік. Сонымен қатар, «Amanat» партиясы ұсынған азаматтардың қаржылық сауатын арттыруға арналған «Қарызсыз қоғам» жобасын атады. Мектептерде, жоғары оқу орындарында қаржылық және цифрлық сауаттылық негіздерін үйрететін білім бағдарламасын енгізу қажеттілігіне тоқталды»,-деді.</blockquote>

Фракция мүшелері мемлекет басшысының халыққа Жолдауын талқылады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте жылу беру маусымына дайындық, елді мекендерді абаттандыру, құрылыс нысандарындағы жұмыс барысы, қаланың даму жоспарының, осыған дейін берілген тапсырмалардың орындалуы талқыланды.Алдағы жылу беру маусымында коммуналдық қызметтер кідіріссіз жұмыс істеуі керек. Ол үшін барлық жөндеу, тексеру жұмыстары алдын-ала өткізілуі тиіс. Жылу беру маусымы басталғанда барлық нысан толық дайын болуы қажет.Айта кетейік, Мемлекет басшысының тапсырмасымен аймақ тұрғындарын электр қуатымен қамту үшін Қызылорда қаласында жаңа ЖЭО салынуда. Бүгінде орталықтың құрылыс алаңында 600-ге жуық адам және 60 техника жұмыс жасауда. Нысан 2025 жылы пайдалануға беріледі. «AKSA Energy» түрік компаниясының инвестициясы тартылған жаңа жылу-электр орталығы 240МВт электр қуатын өндіре алады.Мұнан бөлек, жиында жаңа нысандардағы құрылыс барысы қаралып, барлығын мерзімінде бітіру міндеттелді. Өңірдегі жаңа жылу-электр орталығы, Оқушылар сарайы мен үстел теннисі орталығы секілді нысандардың маңыздылығы аталып, құрылысты уақытылы және сапалы етіп аяқтау тапсырылды.Сонымен қатар, Нұрлыбек Машбекұлы барлық елді мекеннің санитарлық тазалығына жіті назар аудару қажеттігін қатаң ескертті.Еске салсақ, аймақ басшысының тапсырмасымен облыс әкімі аппаратының бас инспекторлары көшелердің, аумақтардың, нысандардың тазалығы мен сыртқы келбетіне тұрақты түрде зерделеу жүргізуде. Анықталған кемшіліктер бойынша баяндама жасалып, жауапты басшыларға уақытылы қалпына келтіру жөнінде ескерту берілді. Аймақ басшысы елді мекендердің таза әрі тұрғындарға жайлы болуы аса маңызды екенін тағы да қаперге салды.<img src="https://knadmin.beoblood.kz/uploads/457749622_814004184254161_6439672432602081870_n_e5e069e4b4.jpg" alt="457749622_814004184254161_6439672432602081870_n.jpg">

Жылу маусымына дайындық барысы және құрылыс нысандарының сапасы пысықталды

<a href="https://kyzylorda-news.kz/">Kyzylorda-news.kz</a> Облыстық қоғамдық даму басқармасының «Ұлттың тұрақты дамуын қамтамасыз ету, тұрғындар арасында бірлікті, әлеуметтік оптимизм мен болашаққа деген сенімділікті нығайту» әлеуметтік жобасы аясында Жастар ресурстық орталығының мәжіліс залында Мемлекет басшысы Қасым-Жомарт Тоқаевтың ағымдағы жылдың 2 қыркүйек күні Қазақстан халқына жолдауы бойынша ядролық электр станциясы &nbsp;аясында «АЭС құрылысы: дамыған елдердің тәжірибесі мен Қазақстан үшін даму мүмкіндіктері» тақырыбында дөңгелек үстел өткізілді.&nbsp;Іс-шараны «Асыл Мұра-Орда» қоғамдық қорының директоры П.Қанжарбекқызы ашып, әрі қарай сөз кезегі баяндамашыларға беріліп жалғасты.&nbsp;Аталған іс-шараға Қорқыт Ата атындағы Қызылорда университеті ректорының қоғамдық жұмыстар жөніндегі кеңесшісі, физика-математика ғылымдарының докторы, Қазақстан педагогикалық ғылымдар академиясының академигі, И.Әбдікәрімов атындағы Қызылорда аграрлық-техникалық жоғары колледжінің директоры Әбдікәрімов Бақытхан Жүнайдұлы,Қорқыт Ата атындағы Қызылорда университеті Инжинирингтік технологиялар білім беру бағдарламасының зерттеуші-профессоры Аппазов Нұрбол Орынбасарұлы, Тарих ғылымдарының докторы Тастанбек Сәтбай Яхияұлы жәнеде азаматтық қоғам өкілдері, қоғам белсенділері мен ардагерлер қатысты. Қатысушылар әлемдік аренадағы атом энергетикасының өзекті мәселелері мен даму перспективаларын талқылады.&nbsp;Дөңгелек үстел барысында атом энергетикасының көптеген елдердің энергетикалық қауіпсіздігін қамтамасыз етудегі маңызды рөлін атап өтіп, оның электр энергиясын тұрақты және экологиялық таза өндіру үшін маңыздылығын атап өтті. Сонымен қатар, атом энергиясы тұрақты электр энергиясының көзі болғандықтан, АЭС салатын кез келгенін, атом электр станциясының салынуы ел экономикасының дамуына зор үлес қосатыны айтылды.Талқылаудың негізгі тақырыптары атом станцияларының қауіпсіздігі, ядролық қалдықтарды басқару, бейбіт атом энергиясын пайдаланудың экономикалық орындылығы, сондай-ақ АЭС-ті пайдаланудың халықаралық тәжірибесіне және оның Қазақстанның энергетикалық секторын дамыту үшін маңыздылығына ерекше назар аударылды.Іс-шара соңында азаматтық қоғам өкілдері Қазақстанның тұрақты және қауіпсіз энергетикалық болашағын қамтамасыз ету үшін бірлескен күш-жігердің қажеттілігін атап өтіп, атом энергетикасы саласындағы диалогты жалғастыруға және ынтымақтастықты тереңдетуге дайын екендіктерін білдірді.&nbsp;

АЭС құрылысы: Ғалымдардың қатысуымен дөңгелек үстел өтті 

<a href="https://kyzylorda-news.kz/">Kyzylorda-news.kz</a> Мәжіліс Спикері, «AMANAT» партиясының Төрағасы Ерлан Қошанов АЭС салуды қолдау жөніндегі Халықтық штабтың алғашқы отырысын өткізді. Оның құрамына 6 саяси партияның, сондай-ақ шамамен 20 республикалық қоғамдық бірлестіктің 250-ге жуық өкілі кірді.6 қазанда өтетін АЭС салу жөніндегі референдумның Тәуелсіз Қазақстанның болашағы үшін стратегиялық маңызы зор. Сондықтан еліміздегі беделді саяси және қоғамдық ұйымдар АЭС салуды қолдау жөніндегі Халықтық штабқа бірікті. Бұл туралы Мәжіліс Спикері, «AMANAT» партиясының Төрағасы Ерлан Қошанов Штабтың алғашқы отырысында мәлімдеді. Штабтың мақсаты – халықты атом электр станциясын салу жөніндегі прогрессивті идеясының айналасында топтастыру.<blockquote>«АЭС құрылысы – бұл Қазақстанның алдағы ұзақ жылдардағы табысты дамуының кепілі болатын серпінді жоба. Еліміздегі және әлемдегі барлық озық ойлы тұлғалар атом энергетикасын пайдаланудың тиімділігін жақсы түсінеді. Бұл – ең алдымен, қауіпсіз, сенімді, экологиялық таза жоба. Біз үлкен таңдау алдында тұрмыз. Сондықтан Халықтық штабтың міндеті – ел арасында кең ауқымды түсіндіру жұмыстарын жүргізіп, қоғамды АЭС-ті қолдауға жұмылдыру. 6 қазанда өтетін референдум біздің бірлігімізді көрсетеді», – деді ол.</blockquote>Мәжіліс Спикері бүгінгі таңда энергетикалық тәуелсіздік мәселесі күн тәртібінде алғашқы орынға шыққанын атап өтті. Әлемнің озық елдерінің тәжірибесі атом энергетикасының тиімділігі мен қауіпсіздігін айқын дәлелдейді. Қазіргі уақытта Қазақстан электр энергиясының тапшылығын сезінуде және оны көрші елдерден импорттауға мәжбүр. Сондықтан Халықтық штабтың басты міндеті – қоғамға АЭС салудың маңыздылығы мен артықшылықтарын жеткізу, жұрт арасындағы негізсіз үрейлерді сейілту. Оған қоса, партиялар мен ҮЕҰ-лардың бірлесіп жұмыс істеуде табысты тәжірибесі де бар.<blockquote>«Біздің әрқайсымыз балаларымыздың қуатты және ешкімге мұқтаж болмайтындай тәуелсіз мемлекетте өмір сүргенін қалаймыз. АЭС салу туралы шешімді қабылдай отырып, біз осы асқақ арманымызға қарай қадам жасаймыз. Біз елдің энергетикалық тәуелсіздігін шегелеп бекітеміз. Болашақ ұрпаққа энергетикалық тұрғыдан тәуелсіз, яғни экономикасы тұрақты және өркендеген Қазақстанды мұра етіп қалдырамыз. Бұл тарихи шешім Әділетті Қазақстанды құру жылнамасындағы жаңа парақшаға айналады», – деді ол.</blockquote><img src="https://knadmin.beoblood.kz/uploads/5512bb0f_30a1_45b5_830b_3973052bd258_81494f43f4.jpg" alt="5512bb0f-30a1-45b5-830b-3973052bd258.jpg">Отырыс барысында АЭС құрылысына қолдау білдіріп, Халықтық штабтың құрамында кіргендер қатарында Ұлттық ғылым академиясының президенті Ақылбек Күрішбаев, «Қазақстандық атом электр станциялары» ЖШС бас директоры Тимур Жантикин, Қазақстан Азаматтық альянсының президенті Бану Нұрғазиева, «Атамекен» Ұлттық кәсіпкерлер палатасы президиумының төрағасы Райымбек Баталов, Қазақстан халық партиясының төрағасы Ермұхамет Ертісбаев, «Ардагерлер ұйымы» РҚБ төрағасы Бақтықожа Ізмұхамбетов, «Ауыл» партиясының төрағасы Серік Егізбаев, «Ақ жол» Қазақстан демократиялық партиясының төрағасы Азат Перуашев, Мәжіліс депутаты Ермұрат Бәпи, «Respublica» партиясының төрағасы Айдарбек Қожаназаров, «Байтақ» партиясының төрағасы Азаматхан Әміртаев, «Жастар Рухы» жастар қанатының төрағасы Ақерке Искандерова және басқалар болды.Сонымен қатар Халықтық штабтың құрамына Қазақстан Республикасы Кәсіподақтар федерациясы, «Ардагерлер ұйымы» РҚБ, Ұлттық спорт қауымдастығы, «Ассамблея жастары» РҚБ, Қазақстанның Ядролық қоғамы, Тау-кен өндіру және тау-кен металлургия кәсіпорындары қауымдастығы, Қазақстан электр энергетикалық қауымдастығы және басқа да ұйымдар кірді.Штаб құрамына саяси партиялардың орталық және аймақтық белсенділері, сондай-ақ республикалық қоғамдық бірлестіктердің өкілдері, соның ішінде Парламент пен мәслихат депутаттары, интеллигенция өкілдері, танымал ғалымдар, мәдениет және спорт қайраткерлері, «Жастар Рухы» және басқа да жастар ұйымдарының белсенділері кірді. Алдағы уақытта штаб мүшелері өңірлердегі сайлаушылармен жұмысын бастайды, еңбек ұжымдарымен кездесулер өткізеді, шалғай елді мекендерге барады.

Партиялар және қоғамдық ұйымдар АЭС салуды қолдау жөніндегі Халықтық штабқа бірікті

<a href="https://kyzylorda-news.kz/">Kyzylorda-news.kz</a>&nbsp; Ең жақсы емдеу – аурудың алдын алу. Медициналық тексеруден өту арқылы ауру қаупінің алдын алуға болады. Бұл әсіресе жас ұрпақ үшін өте маңызды. Балалар туғаннан бастап кәмелетке толғанға дейін жыл сайын профилактикалық тексеруден өтеді.Қызылорда тұрғыны Мөлдір Дәндібаева 6 баланың анасы, «Күміс алқа» алқасының иегері. Оқу жылы қарсаңында кенже ұлы Санжармен бірге емханаға келді. Бірінші сынып оқушысы мектепке қабылдану үшін профилактикалық тексеруден өтуі керек. Сонымен қатар, көп балалы ана диспансерлік есепке тұру үшін скринингтен және медициналық тексеруден өтті.<blockquote>«Кенже ұлыммен келдім, ол медициналық тексеруден өтті, хирургтың кеңесін алдық. Емхана бізге әрдайым көмек көрсетеді. Балаларға сүт, дәрі-дәрмектерді тегін алдым. Қазір жоғары қан қысымына байланысты тәуліктік қан қысымы және ЭКГ мониторингін Холтер арқылы өтіп жатырмын. Одан бөлек күндізгі стационарда емделуге дайындалып жатырмын. Мұның бәрі медициналық сақтандыру аясында тегін», – дейді Мөлдір Дәндібаева.</blockquote>Халықтың нысаналы топтарының профилактикалық медициналық тексерулері - бұл ауруларды ерте сатысында, қауіп факторларын анықтауға, халықтың денсаулығын қалыптастыруға және нығайтуға бағытталған скринингтік тексерулер.&nbsp; Медициналық тексерулер МӘМС жүйесінен қаржыландырылады, сондықтан «сақтандырылған» мәртебесі болуы қажет. Бұл ретте мемлекет 15 жеңілдікті санатқа жататын азаматтар үшін жарналарды төлейді.<blockquote>«18 жасқа дейінгі балалар жеңілдік санатына жатады. Сондықтан МӘМС пакетіндегі медициналық көмек балаларға толық көлемде қолжетімді. Хирург ретінде денсаулық сақтау саласын дамыту үшін МӘМС жүйесінің маңыздылығын атап өткім келеді. Медициналық сақтандыру - бұл болашаққа арналған инвестиция, ең құнды – денсаулыққа. Қаржыландырусыз өсу де жоқ. Сондықтан медициналық сақтандыру - бұл одан әрі дамуға ынталандыру», - деп атап өтті «Q-MED» емханасының хирургі Айдос Жидебаев.</blockquote>2024 жылдың басынан бері Қызылорда облысында 351 291 профилактикалық тексеру жүргізілді. Осы мақсаттарға Әлеуметтік медициналық сақтандыру қорының филиалы 1 млрд 307,85 мың теңге бөлді. 2024 жылы медициналық тексеруге 4 млрд 286 мың теңге қарастырылған. МӘМС жүйесі туралы толық ақпаратпен Әлеуметтік медициналық сақтандыру қорының msqory.kz ресми сайтында таныса аласыз.&nbsp;&nbsp;

Қазақстан және Қызылорда облысының жаңалықтары