<a href="https://kyzylorda-news.kz/">Kyzylorda-news.kz</a> Облыстық Қазақстан халқы Ассамблеясының Ақсақалдар кеңесінің отырысы болып өтті. Отырысқа облыстық, қалалық және аудандық Ақсақалдар кеңестерінің мүшелері қатысты.Күн тәртібінде Қызылорда облысының тұрғылықты жерлері мен әлеуметтік нысандарының инфрақұрылымдармен қамтамасыз етілу және Қызылорда қаласы, Белкөл зиратының жағдайы (мемлекеттік сатып алу заңдылықтары, тазалығы, қоршалуы, мәйіттің жерленуі және т.с.с.) мәселелері қаралды.Аталған мәселелер бойынша облыстық энергетика және тұрғын үй-коммуналдық шаруашылық басқармасы мен қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің өкілдері қатысып, атқарылған жұмыстары жөнінде кеңеске ақпараттарын берді.Кеңес мүшелері өз тараптарынан мемлекеттік қызметкерлерге сұрақтарын қойып, мәселелердің оңтайлы шешімдерін табуға ұсыныстарын айтты.Фото: Қоғамдық даму басқармасы

Ақсақалдар кеңесінің отырысы өтті

<a href="https://kyzylorda-news.kz/">Kyzylorda-news.kz</a> 24-27 наурыз аралығында Қызылорда облысының Еуропадағы өнер күндері өтті. Сыр елінің өнерпаздары Финляндия, Эстония және Испания елдеріне қазақ халқының бай мәдени мұрасын таныстырып, ұлттық өнерімізді дәріптеді. Шығармашылық сапар барысында мемлекеттер арасындағы мәдени-рухани байланыс артып, шетелдегі қандастарымыз да елге деген сағынышын басып, ұлттық өнерден қуат алды. Бұл туралы өңірлік коммуникациялар қызметінің ақпарат алаңында өнер сапарынан оралған бір топ өнерпаз сапардан алған әсерімен бөлісті.<blockquote>– Сыр бойының өзіне тән жыр-күйлері сол жақтағы халықтың үлкен қызығушылығын туғызды деп айта аламыз. Ең алғашқы кешіміз Финляндия елінде басталды. Концерттен соң фин халқы бізді сахнадан жібермей, әріптестеріміздің әрқайсысымен суретке түсіп, Сыр жұртшылығына жалынды сәлемін айтып жіберді. Бұл ілтипаттар Эстония мен Испанияда да қайталанды. Осы орайда әлеуметтік желі арқылы біздге тілекші болып, қолдап отырған жерлестерімізге ризашылығымызды білдіреміз. Сондай-ақ, Сыр өнерпаздарының атынан осы тарихи сапардың жүзеге асуына үлкен қолдау білдірген аймақ басшысы Нұрлыбек Машбекұлына алғыс айтамыз,- деді айтыскер ақын Мұхтар Ниязов.</blockquote>&nbsp;<blockquote>– Бұл Еуропалық сапардың орны ерекше болды деп айта аламыз. Біз бұған дейін де шет елдерде болдық, десе де бір ғана мемлекетпен шектелетін едік. Ал осы жолы Еуропаның үш елінің бас қалаларында өнер көрсеттік. Қазақтың өнеріне тән барлық жанрлар қамтылған ерекше концерт болды. Үстімізге киген ұлттық костюмдеріміз жергілікті тұрғындардың назарын аударып, қандастарымыздың туған жерге деген сағынышын басуға септігін тигізді. Тіпті кей қандастарымыз сағыныш сезімінен көзіне жас алған сәттері де болды. Осы сәттерді көзімізбен көріп, залда отырған әр көрерменнің қошеметін, ыстық ықыласын шынайы сезінген кезде төбеміз көкке жетті. Сонымен қатар, әрбір шет елдегі қандасымыздың Ұлыстың ұлы күнін сезініп, ұлттық өнерді тағы бір естіп, өздерінің ішкі толғаныстарын айтқан кезде аймақ басшысының көрегендігіне тәнті болдық, - әнші Самал Байсейітова.</blockquote><img src="https://knadmin.beoblood.kz/uploads/Brifing_01_04_2_976c0134b3.jpg" alt="Брифинг 01.04 2.jpg"><blockquote>- Үлкен сапардан абыроймен оралдық қой деп есептейміз. Наурыз мейрамын тойлау барысында салт-дәстүрімізді, ұлттық тағамдарымызды көрерменге ұсынғанда тіпті бөлек болды. Ол жақтағы халықтың сағынышпен қарсы алуы, қимастықпен шығарып салуын көзімізбен көрдік. Біз тек Сыр өңірінің атынан ғана емес қазақ елінің атынан бардық. Бұған дейін бір ғана мемлекетке ғана барып қайтатынбыз. Бұл сапарда үш бірдей мемлекетте қазақтың дәстүрлі өнерін насихаттадық. Оған қолдау көрсеткен аймақ басшысына, азаматтарға алғыс білдіреміз, - деді дәстүрлі әнші Руслан Ахметов.</blockquote><img src="https://knadmin.beoblood.kz/uploads/Brifing_01_04_4_cf142b76bf.jpg" alt="Брифинг 01.04.4.jpg"><blockquote>- Қазақтың ұлттық өнерін шетелде көрсетіп қайттық. Қай қалаға барсақ та көрерменнің ерекше ықыласын сезіндік. Біз үшін бұл сапар тарихи сәт болды. Ұлттық өнерді насихаттап, шетелдегі қандастарымыз бен жергілікті тұрғындарға ұсыну мақсатындағы сапарға қолдау білдерген облыс әкімі Нұрлыбек Машбекұлына алғыс білдіреміз, - деді «Ақмешіт» фальклорлық ансамбілінің әртісі Алтынай Берденова.</blockquote><img src="https://knadmin.beoblood.kz/uploads/Brifing_01_04_3_3d219d7496.jpg" alt="Брифинг 01.04.3.jpg">Фото: Қызылорда облысының өңірлік коммуникациялар қызметі

Қызылордалық өнерпаздар Еуропада қазақ мәдениетін насихаттады

<a href="https://kyzylorda-news.kz/">Kyzylorda-news.kz</a> Арал ауданы Шижаға ауылындағы іргелі білім ошағы Е.Көшербаев атындағы №57 орта метептің 90 жылдық мерейтойына арналған салтанатты шара өтті. Бұл тарихи сәт – тек мектеп ұжымы үшін ғана емес, бүкіл ауыл тұрғындары үшін үлкен қуаныш пен мақтаныш.Тарихы сонау 1934 жылдан басталатын бұл білім ошағы кешегі мен бүгіннің арасын жалғаған бірнеше буынның қалыптасуына сеп болды. Заманның қиын уақытында құрылса да, іргесі сөгілмеген алтын ұя небір алыптардың айналып соғар құттыхана мешітіне айналды.Мектеп ауласы Наурыз мерекесіне сай безендіріліп, қазақы салт-дәстүр, әдет-ғұрыпқа негізделген көріністермен үйлесім тапқан. Мерейтой қарсаңына орай келген мәртебелі меймандар, зиялы қауым өкілдеріне арнайы дәм ұсынылып, мектеп оқушыларының түрлі тақырыпқа сай өнерлері көрсетілді. Мектеп ғимаратында қонақтарға Мемлекет және қоғам қайраткері Елеу Көшербаев атындағы және мектеп тарихынан сыр шертетін суреттер көр<a href="https://knadmin.beoblood.kz/admin/content-manager/collectionType/api::post.post?page=1&amp;pageSize=20&amp;sort=createdAt:DESC&amp;plugins[i18n][locale]=kk">Новости</a>месі таныстырылды.Мерекелік шарада аудан әкімінің міндетін атқарушы Ш.Есжанов сөз алып, жұртшылықты мектептің 90 жылдық торқалы тойымен құттықтады.<blockquote>– Құрметті жерлестер, қадірлі ауылдастар! Біздің басқосуымызға бірінші себеп, өздеріңіз тұрған іргелі қара шаңырақ, талай шәкіртті түлетіп, қияға қаннаттандырған білім ошағы №57 орта метептің 90 жылдығы. Мерейлі белес баршаңызға құтты болсын, – деді ол.</blockquote>Бүгінде сол ұстаздар қауымының еңбекқорлығы және ізденімпаздығының арқасында үлкен теңізде еркін жүзіп келе жатқан іргелі білім ошағы 90 жылдық белесте өз тұғырынан бір саты төмен түскен жоқ. Солай бола да бермек. Осы жолда ортақ абырой үшін еңбек етіп келе жатқан барша ұстаздарға және осы мектептен білім алған шәкірттерге, тілеулес ағайынға мереке құтты болсын дегім келеді.Интеллектуал ұлт қалыптастыру жолындағы ортақ ойдың жемісі саналатын әр бастамаларыңыз шәкірт жүрегіне жол тауып, ел атын шығара беруге сеп болғай. Білімді шәкірттеріңіз көп болып, әрқашан ел атын асқақтата берсін, – деген Шерхан Жұбаханұлы орта мектеп ұжымына аудан әкімінің арнайы құттықтауын табыстады.Мұнан соң мерейтойға арнайы келген қонақтар Қызылорда облыстық футбол федерациясының бірінші вице-президенті Болат Көшербаев, облыстық мәслихат депутаты Мейрамбек Жұмашев, аудандық маслихат төрағасы Базарбай Төрахметов, аудан прокуроры Мадияр Бекпанов және аудандық білім бөлімінің басшысы Санира Жанназаровалар өз лебіздерін білдіріп, мектеп ұжымына сый-құрметтерін көрсетті.Салтанатты шара барысында ұрпақ тәрбиесі, ұлт болашағы жолында ұстаздық қызметті абыройлы атқарып келе жатқан бір топ ұстаздар Қызылорда облыстық білім басқармасының Құрмет грамотасымен және арнайы Алғыс хатымен марапатталды.Бұл айтулы күн №57 орта мектептің өткені мен бүгіні тоғысқан, болашаққа деген сенім нығая түскен тарихи сәт болды. Ғасырлық белеске иек артқан іргелі қара шаңырақтың 90 жылдық торқалы тойы қарсаңында мектеп оқушылары ән-жырдан шашу шашып, шараға арнайы келген қонақтар мен ұстаздар қауымына шетсіз-шексіз құрметтің үлгісін көрсетті.<img src="https://knadmin.beoblood.kz/uploads/Shizha_a_mektep_4_d48cd5f814.jpg" alt="Шижаға мектеп 4.jpg">Фото: Арал ауданы әкімдігі

Іргелі білім ұясына 90 жыл

<a href="https://kyzylorda-news.kz/">Kyzylorda-news.kz</a> Чехияда әскерге жаңа шақырылғандарға 43 мың доллар немесе 21 млн теңгеден астам бірреттік жәрдемақы төленетін болды, деп хабарлайды <a href="https://baq.kz/askerge-bargandarga-21-mln-tenge-zhardemaqy-tolenedi-200010714/">BAQ.KZ.</a>Idnes басылымы жазған мәліметке сәйкес, ел президенті Петр Павел кәсіби әскери қызмет туралы заңға түзету енгізу туралы жарлыққа қол қойған.Осылайша, билік ел әскерінің қатарына қосылғысы келетіндердің санын арттыруға, сондай-ақ оны қазіргі жеке құрамда ұстап қалуға ниетті.Президент қол қойған түзетулер жаңадан қатарға қосылған кәсіби әскери қызметкерлер үшін бірреттік жәрдемақыны 1 млн кронға (21 млн теңгеден астам) дейін ұлғайтуға мүмкіндік береді. Сондай-ақ әскердегі қызметі үшін оларға басқа да жеңілдіктер ұсынылады, - делінген хабарламада.Сондай-ақ өзге жеңілдіктердің қатарында тұрғын үйге төленетін жәрдемақы мен шетелде қызмет етсе берілетін үстемақы бар. Осыған байланысты, Чехия бюджетіне жылына 16 млн доллар шығын келетіні айтылды.Фото: gov.kz

Әскерге барғандарға 21 млн теңге жәрдемақы төленеді

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Қалжан Ахун елді мекеніндегі электр желілерін ауыстыру жұмыстарымен танысты.Аудан басшысы Ел Президенті Қасым-Жомарт Кемелұлы Тоқаев ең алдымен халыққа қажетті инфрақұрылымдық жұмыстарды атқаруды тапсырғанын атап көрсетті. Осыған орай, аймақ басшысы Нұрлыбек Машбекұлы Нәлібаевтың қолдауымен елді мекендерде электр желілері қайта жаңғыртудан өтіп жатқанын жеткізді.Қалжан Ахун елді мекенінде атқарылып жатқан жұмыстар тиуралы тиісті сала басшылары мен мердігер компания өкілдері ақпарат берді. Электрмен жабдықтау жобасын жүзеге асыруға 2024 жылы республикалық бюджеттен 57,3 млн. теңге, 2025 жылы 280,0 млн. теңге қаржы қаралды.Өткен жылы елді мекенде 150 электр бағаналары мен 2,3 шақырым электр желісі орнатылса, биыл тағы 200-ге жуық электр бағаналары орнатылу жұмыстары жүргізілуде. Сонымен қатар, 3 дана толық трансформаторлық қосалқы станция орналастырылуда. Қазіргі таңда елді мекенде әр қайсысында 3 бригада жұмыс жасауда.Аудан басшысы жауапты мекемелерге жұмысты сапалы әрі уақытылы аяқтауды қатаң тапсырды.<img src="https://knadmin.beoblood.kz/uploads/Elektr_zhelileri_2_01d2e2f0be.jpg" alt="Электр желілері 2.jpg">Фото: Сырдария ауданы әкімінің баспасөз қызметі

Электр желілерін жаңғырту жұмыстары жүргізілуде

<a href="https://kyzylorda-news.kz/">Kyzylorda-news.kz</a> Аймақ басшысының тікелей қолдауымен өткен жылдан бастап Тәуелсіздікке 25 жыл даңғылының Бейбарыс Сұлтан көшесінен Әбілқайыр хан көшесіне дейінгі Сырдария өзенінің қорғаныш бөгеті нығайтылып, 6,7 шақырымы қайта жаңғыртылуда.Мердігер «УАД» ЖШС бұған дейін 1,2 шақырым кеңейтілетін аумаққа жол салып, асфальт төседі. Сырдария өзенінің жиегіндегі қорғаныс бөгеті тазаланып, 2,6 шақырымға жуық дамба нығайтылды, 1,4 шақырым тіреу қабырға, 820 метр жиек тұрғызылды.Даңғылдың жалғасы ретінде Әбілқайыр хан көшесінен Саламатов көшесіне дейінгі қорғаныс бөгетін нығайту мен 2,9 шақырым автомобиль жолын салу жоспарланған.<img src="https://knadmin.beoblood.kz/uploads/rylys_zh_mystary_ar_yndy_2_a786b62fdb.jpg" alt="Құрылыс жұмыстары қарқынды 2.jpg"><img src="https://knadmin.beoblood.kz/uploads/rylys_zh_mystary_ar_yndy_3_6628b47c3c.jpg" alt="Құрылыс жұмыстары қарқынды 3.jpg">Фото: Қызылорда қаласының әкімдігі

Құрылыс жұмыстары қарқынды

Қаржылық мониторинг агенттігі кең ауқымды операция жүргізіп, тұтынушылық кооператив ретінде жасырылған «Buyers Union» қаржы пирамидасының қызметін тоқтатты.Салымшыларды жылжымайтын мүлік, көлік сатып алуға және Trade in және ReFinance бағдарламаларына қатысып инвестиция салуға үгіттеген.Сонымен қатар, кооператив жеке тұлғалардың қаражатын тартудан дивидендтер алу мүмкіндігімен менеджер болып жұмыс істеуге мүмкіндік берген.Кооперативке қатысудың міндетті шарттарының бірі өмірді сақтандыру үшін ай сайын 30 мың теңге төлеу және сатып алынатын мүліктің құнынан 10%-дық жарна төлеу болған.Маңыздысы, кооператив салымшыларға ақша алғаны туралы ешқандай құжаттарды ұсынбаған, ал салым сомасы тек пайдаланушылардың жеке кабинетінде көрсетілген.Нәтижесінде, пирамидаға 250-ден астам салымшы тартылып, 300 млн теңгеден астам қаражат салған.Пирамида ұйымдастырушысы екі айға қамауға алынды.Сотқа дейінгі тергеу жалғасуда.ҚР Қылмыстық іс жүргізу кодексінің 201-бабына сәйкес басқа ақпарат жария етуге жатпайды.

«Buyers Union» қаржы пирамидасының қызметі тоқтатылды

<a href="https://kyzylorda-news.kz/">Kyzylorda-news.kz</a> Елордалық полицейлер жүргізген «Мал ұрлығы» жедел алдын алу шарасы барысында Астанада санитарлық талаптарға сай келмейтін, жасырын жұмыс істеген ет өңдеу цехы анықталды,&nbsp;деп хабарлайды<a href="https://el.kz/astanalyq-kasipker-tartylgan-etke-maldyn-tuyagyn-qosyp-satqan_400018444/">&nbsp;El.kz</a>&nbsp;ақпарат агенттігі.Тексеру нәтижесінде 47 жастағы азаматтың ет өнімдерін заңсыз жолмен өңдеп, сату мақсатында әрекет еткені белгілі болды.Полиция мәліметінше, күдікті өндірілген өнімнің көлемін көбейту үшін шамамен бір тонна ірі қара малдың аяқтарын өңдеп, оларды тартылған етке қосқан. Арнайы тексеру кезінде цехтан 1300 мал аяғы, бас сүйегі бар тұтас сойылған дене, шамамен 100 келі ет пен түрлі қалдықтар табылып, тәркіленді.Барлық тәркіленген өнімнің үлгілері сараптамаға жіберілді. Бұл әрекеттің заңсыз екені дәлелденген соң, өндіріс иесіне қатысты әкімшілік хаттама толтырылды. Полицейлер мұндай өнімдер ветеринарлық бақылаудан өтпегендіктен, тек қылмыстық сипатта ғана емес, адам денсаулығына да айтарлықтай қауіп төндіретінін ескертті.Фото: pixabay. сom

Астаналық кәсіпкер тартылған етке малдың тұяғын қосып сатқан

<a href="https://kyzylorda-news.kz/">Kyzylorda-news.kz</a> &nbsp;Қандай жағдайларда учаскелік дәрігердің жолдамасынсыз бейінді мамандарға жүгінуге болады, медициналық қызметтерді күту&nbsp;уақыты қанша?&nbsp;Осы және басқа да сұрақтарға Әлеуметтік медициналық сақтандыру қорының&nbsp;Қызылорда облысы бойынша филиалының бас сарапшысы Айгүл Аханова жауап берді.Дәрігерлердің жүктемесі артып, қабылдауға жазыла алмаса, не істеу керек?&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Медициналық қызметті күту мерзімі 15 жұмыс күнінен аспауы тиіс.&nbsp;(МӘМС және (немесе) ТМККК шеңберінде денсаулық сақтау субъектілерінен медициналық қызметтерді сатып алу шартының талаптарының орындалуын мониторингтеу қағидаларына сәйкес).&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Егер емханада осы мерзімде дәрігерге жазылу мүмкін болмаса, қажет болса, пациентті бірлесіп жұмыс істейтін басқа клиникаға жібере алады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Егер 15 күннен ұзақ күтетін жағдай болса және пациент басқа клиникаға жіберілмесе, ол пациентті қолдау қызметіне жүгіну керек. Онда пациенттердің шағымдарын қарастырып, мәселелерді шешумен айналысады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сонымен қатар, МСАК ұйымдарында «фильтр-кабинеттер» бар. Онда инфекциялық ауруларға күдік болған жағдайда дәрігер қабылдауына алдын ала жазылусыз баруға болады&nbsp;(Қазақстан Республикасында алғашқы медициналық-санитариялық көмекті ұйымдастыру стандартының 110-тармағына сәйкес, ол ҚР Денсаулық сақтау министрінің міндетін атқарушының 2023 жылғы 30 наурыздағы № 49 бұйрығымен бекітілген).Учаскелік дәрігердің жолдамасынсыз бейінді мамандарға қаралуға бола ма?&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Иә, кейбір жағдайларда бейінді маманға алғашқы буын дәрігерінің жолдамасынсыз жазылуға болады&nbsp;(Қазақстан Республикасы Денсаулық сақтау министрінің 2022 жылғы 27 сәуірдегі № ҚР ДСМ-37 бұйрығымен бекітілген амбулаториялық жағдайдағы мамандандырылған медициналық көмекті көрсету қағидаларының 12-тармағына сәйкес):&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 1.&nbsp;&nbsp;&nbsp;&nbsp;&nbsp;&nbsp; шұғыл жағдайлар және жарақат алу;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2.&nbsp;&nbsp;&nbsp;&nbsp;&nbsp;&nbsp; стоматологиялық көмек алу үшін жекелеген санаттағы пациенттердің жүгінуі;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 3.&nbsp;&nbsp;&nbsp;&nbsp;&nbsp;&nbsp; дерматовенерологиялық бағыттағы ауруларға байланысты бейінді маманға жүгіну;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 4.&nbsp;&nbsp;&nbsp;&nbsp;&nbsp;&nbsp; акушер-гинекологқа (жүктілік есебіне қоюдан басқа жағдайларда) және тіркелген жері бойынша психологқа жүгіну;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 5.&nbsp;&nbsp;&nbsp;&nbsp;&nbsp;&nbsp; онкологиялық және гематологиялық бейіндегі ауруларға күдік туындаған жағдайда бейінді маманға жүгіну;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 6.&nbsp;&nbsp;&nbsp;&nbsp;&nbsp;&nbsp; жастар денсаулық орталықтарына жүгіну (өз еркімен);&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 7.&nbsp;&nbsp;&nbsp;&nbsp;&nbsp;&nbsp; динамикалық бақылауда тұрған пациенттің бейінді маманға жүгінуі;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 8.&nbsp;&nbsp;&nbsp;&nbsp;&nbsp;&nbsp; бір жағдай аясында бейінді маманның қайта қабылдауы, сондай-ақ жаңа түзіліске күдік туындаған жағдайда;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 9.&nbsp;&nbsp;&nbsp;&nbsp;&nbsp;&nbsp; көшпелі медициналық кешендер мен медициналық пойыздар қызметін алу.Пациентті қолдау қызметі дегеніміз не және ол қалай жұмыс істейді?&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Пациентті қолдау және ішкі аудит қызметі медициналық ұйымдар деңгейінде пациенттердің шағымдарын «осы жерде және дәл қазір» қағидаты бойынша жедел шешу үшін қарастырылған. Ол пациенттердің шағымдарын қарастырып, қажет болған жағдайда олардың бұзылған құқықтарын қалпына келтіруге бағытталған шараларды қабылдайды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Пациентті қолдау қызметі пациенттердің медициналық қызметтерді алу барысында туындаған жағдайларды реттеумен айналысады. Оған пациенттердің өздері де, олардың туыстары да жүгіне алады.Фото: gov.kz

МӘМС: өзекті сұрақтарға жауап берілді

<a href="https://kyzylorda-news.kz/">Kyzylorda-news.kz</a> 2025 жылғы 28 наурызда облыс әкімінің бірінші орынбасары Д.Жаналиновтың төрағалығымен нашақорлыққа және есірткі бизнесіне қарсы іс-қимыл жөніндегі ведомствоаралық штабтың кезекті отырысы өтті.Жиында 2023-2025 жылдарға арналған кешенді жоспардың орындалу барысы қаралып, облыстық полиция департаменті, денсаулық сақтау және қоғамдық даму басқармаларының баяндамалары тыңдалды. Есірткі қылмысына қарсы күресті күшейту, нашақорлықтың алдын алу және оңалту жұмыстарын жетілдіру мәселелері талқыланды.Отырыстың қорытындысы бойынша тиісті құзырлы органдар мен жауапты басқармаларға нақты тапсырмалар берілді. Оның ішінде профилактикалық іс-шараларды күшейту, нашақорлықтың алдын алу шараларының тиімділігін арттыру, оңалту бөлімшелерінің жұмысын жетілдіру және инфрақұрылым мәселелерін шешу бойынша нақты шаралар қабылдау тапсырылды. Сонымен қатар, қала және аудан әкімдіктеріне кешенді жоспар аясында белгіленген көрсеткіштердің орындалуын қамтамасыз ету міндеттелді.Осы тапсырмалардың орындалуы облыс әкімінің аппаратының бақылауында болады.

Нашақорлыққа және есірткі бизнесіне қарсы іс-қимыл жөніндегі ведомствоаралық штабтың кезекті отырысы өтті

<a href="https://kyzylorda-news.kz/">Kyzylorda-news.kz</a> «Қазақстанға жаһандық, әсіресе өңірлік нарықта табысты бәсекеге қабілетті, қуатты әрі технологиялық тұрғыдан прогрессивті өнеркәсіп қажет»Қасым-Жомарт ТОҚАЕВ,Қазақстан Республикасының Президенті&nbsp;Мемлекет басшысының өңір экономикасына инвестициялар тарту жұмысын тиімді жүргізу жөніндегі тапсырмасын іске асыру аясында инвестициялық жобаларды жүзеге асыру бойынша жүйелі жұмыстар атқарылуда.&nbsp;&nbsp;Қостанайда 2014 жылдан бері жұмыс істеп келе жатқан индустриялық аймақ өңір дамуының негізгі драйверіне айналды.&nbsp;Бұл учаске барлық қажетті дайын инфрақұрылыммен, соның ішінде магистральдық газ құбыры, су құбыры, кәріз, байланыс және электр жабдықтау желілерімен қамтамасыз етілген.<img src="https://knadmin.beoblood.kz/uploads/1_ostanaj_oblysyny_industrialdy_ajma_y_8a7b76c0b2.webp" alt="1 Қостанай облысының индустриалды аймағы.webp">Қазіргі уақытта Қостанай қаласының Индустриялық аймағында жалпы құны&nbsp;97,4&nbsp;млрд теңгені құрайтын&nbsp;7&nbsp;жоба іске қосылды,&nbsp;1 000-нан&nbsp;астам жаңа жұмыс орны құрылды. Жобалардың басым бөлігі ауыл шаруашылығы машинасын жасау саласында жүзеге асырылуда. Жалпы сомасы&nbsp;348,5 млрд теңге сомасына&nbsp;3,9&nbsp;мың жұмыс орнын ашуды көздейтін тағы&nbsp;9&nbsp;жоба әртүрлі іске асыру кезеңдерінде тұр.&nbsp;&nbsp;Сонымен қатар, Индустриялық аймақ аумағында жаңа ірі жобаларды іске қосу және жүзеге асыру жұмыстары жүргізілуде.&nbsp;Мәселен, 2024 жылы металлургия өндірісі саласында&nbsp;«KamLitKZ» ЖШС&nbsp;шойын құю зауыты&nbsp;іске қосылды. Кәсіпорын сұр шойыннан&nbsp;цилиндр блоктары&nbsp;мен&nbsp;бастиектерін&nbsp;құюға бағытталған. Өндіріс барлық заманауи талаптарға сәйкес келеді, жоғары деңгейде автоматтандырылған және энергия тиімділігі жоғары.Жобаның құны –&nbsp;78,2&nbsp;млрд теңге, жылдық өндірістік қуаты –&nbsp;45&nbsp;мың тонна құйма,&nbsp;500&nbsp;жаңа жұмыс орны ашылды.&nbsp;<img src="https://knadmin.beoblood.kz/uploads/2_ostanaj_oblysyny_industrialdy_ajma_y_b1342b9a79.webp" alt="2 Қостанай облысының индустриалды аймағы.webp">Бұдан бөлек,&nbsp;«KamLitKZ» ЖШС&nbsp;металлургия кластерін дамыту аясында биыл тағы&nbsp;2&nbsp;жобаны іске қосуды жоспарлап отыр. Олар –&nbsp;жетекші көпірлердің басты берілістерін өндіру&nbsp;және&nbsp;жүк көліктеріне арналған жетекші көпір балкасын тереңдетілген локализациямен шығару. Жобалардың өндірістік қуаты – жылына&nbsp;74&nbsp;мың редуктор және&nbsp;90&nbsp;мың көпір балкасы, жалпы инвестиция көлемі –&nbsp;160,5&nbsp;млрд теңге,&nbsp;650&nbsp;жұмыс орны құрылады.&nbsp;Бұдан басқа, 2024 жылы машина жасау саласында «Беларус» тракторларының&nbsp;кабиналарын&nbsp;(«МТЗ Қазақстан» ЖШС)&nbsp;және көлік құралдарының&nbsp;кузовтарын&nbsp;(жедел жәрдем, автозактар, жедел әрекет ету қызметтеріне арналған көліктер – «TEHNOPARK KZ» ЖШС)&nbsp;өндіру басталды. Жыл қорытындысы бойынша&nbsp;250&nbsp;кабина және&nbsp;600&nbsp;бірлік кузов шығарылды. Сондай-ақ өткен жылдан бастап теміржол жылжымалы құрамына арналған&nbsp;серіппелердің&nbsp;сериялық өндірісі жолға қойылды.&nbsp;Осы жобаларды жүзеге асыру нәтижесінде өндіріс көлемін ұлғайтумен қатар, жаңа тауар ассортименті пайда болуына байланысты өндірілетін&nbsp;өнімнің&nbsp;номенклатурасы&nbsp;кеңейіп келеді.<img src="https://knadmin.beoblood.kz/uploads/3_ostanaj_oblysyny_industrialdy_ajma_y_eca1436f77.webp" alt="3 Қостанай облысының индустриалды аймағы.webp">&nbsp;Жергілікті билік коммуникацияларды қосу тұрғысынан әрбір инвесторға жеке тәсіл қолданады.&nbsp;Осылайша, 2023 жылы Индустриялық аймақ аумағында автомобиль жасау секторындағы негізгі жобалардың бірі –&nbsp;толық циклді KIA автокөлік зауытының&nbsp;құрылысы басталды. Бұл жоба өңірдің экономикалық дамуына оң әсер етіп, экспорттық әлеуетін арттыруға ықпал етеді.&nbsp;Жобаның жалпы инвестиция көлемі –&nbsp;90&nbsp;млрд теңге, жылдық өндірістік қуаты –&nbsp;70&nbsp;мың автокөлік,&nbsp;1 500&nbsp;жаңа жұмыс орны ашылады. Зауытты іске қосу 2025 жылдың екінші жартыжылдығына жоспарланған.&nbsp;<img src="https://knadmin.beoblood.kz/uploads/4_ostanaj_oblysyny_industrialdy_ajma_y_6b48fa8122.webp" alt="4 Қостанай облысының индустриалды аймағы.webp">Дүниежүзілік ірі концерн –&nbsp;KIA Corporation&nbsp;компаниясының келуімен Қазақстандағы машина жасау саласындағы кадрларды даярлау жүйесінде түбегейлі өзгеріс күтілуде. Бұл елімізде жаңа буын инженерлерін даярлауға мүмкіндік береді. Баршаға мәлім, адами капитал – бәсекеге қабілетті экономиканы қалыптастырудағы басты факторлардың бірі.&nbsp;Осылайша, өңірде Индустриялық аймақтардың болуы инвесторларға қолайлы жағдайлар ұсынып, инфрақұрылыммен қамтамасыз ету, көлікке қолжетімділік және басқа да артықшылықтар береді. Ал бұл өз кезегінде өңірді нақты сектордың негізгі салаларына инвестиция тарту үшін тартымды етеді. Нәтижесінде, бюджетке түсетін түсімдер, жаңа жұмыс орындарының ашылуы және экономиканың тұрақты өсімі қамтамасыз етіледі.Фото: gov.kz

Қостанай облысының индустриалды аймағы: экономиканың локомотиві және инвестиция магниті

<a href="https://kyzylorda-news.kz/">Kyzylorda-news.kz</a> &nbsp;Облысымызда балық шаруашылығын дамытып, су маржандарынның тіршілігіне қолайлы жағдай жасау мақсатында дәстүрлі “Таза су акциясы” жүргізілуде. Акцияның басты мақсаты облыс көлемінде орналасқан су айдындарының жағалауларын күл қоқыстан, түрлі тұрмыстық қалдықтардан тазарту.15 наурызда басталған акция бүгінде табиғат пайдаланушылармен бірге Қазалы ауданындағы резервтік қорда орналасқан Ащыкөл көлінде жалғасуда. Атап өту керек, ауқымды акцияға Қазалы орман мекемесінің қызметкерлері қатысты.Қызметкерлер көлдің айналасындағы қоқыстарды жинастыру, тазалау жұмыстарын жүргізіп, 2 қытай ауы және 400 кг әртүрлі қоқыс қалдықтарын арнайы қоқыс алаңына шығарды. Іс-шараға 5 адам, 1 техника жұмылдырылды.Фото: Табиғи ресурстар басқармасы Қызылорда

Қазақстан және Қызылорда облысының жаңалықтары