<a href="https://kyzylorda-news.kz/">Kyzylorda-news.kz</a> «Арал» сервистік-дайындау орталығы — Арал қаласында орналасқан балық шаруашылығын дамытуға бағытталған кәсіпорын. Балық зауыты 2008 жылы бұрынғы аңызға айналған «Аралрыбпром» зауытының орнында салынған.Өндіріс 2010 жылы іске қосылып, сол уақыттан бері өнімдер тек ішкі нарықта ғана емес, сонымен қатар Еуропа, Қытай, Ресей және Орталық Азия нарықтарына да экспортталуда. Балық өңдеу цехында 50 қызметкер жұмыс жасайды.Өнім ассортиментіне балықтың филесі мен тұтас түрі, ысталған және кептірілген өнімдер, балық фаршы, сондай-ақ мұздатылған түрлері кіреді. Орталықтың өндірістік қуаттылығы жылына 5 мың тонна балықты өңдеуге мүмкіндік береді.Орталық экологиялық таза өндірісті қамтамасыз етеді және ISO 14001 экологиялық басқару стандартына сәйкес келеді. Өндірісте жоғары сапалы жабдықтар мен техникалар пайдаланылады. Орталықтың балық өңдеу кешендері заманауи қондырғылармен жабдықталған, бұл өнімдердің жоғары сапасын сақтауға мүмкіндік береді.2012 жылы компания Ernst &amp; Young ұйымдастырған «Жыл кәсіпкері» халықаралық байқауының финалисі атанып, «Үздік стартап» номинациясы бойынша жеңімпаз болды.2015 жылы облыстық әкімдік ұйымдастырған өңірлік балықшылар слетінде кәсіпорын «Үздік балық өңдеу кәсіпорны» номинациясымен марапатталды.«Арал» сервистік-дайындау орталығы өңірдің балық шаруашылығы саласының дамуына елеулі үлес қосып, сапалы өнім өндіруді жалғастырып келеді.

Сапалы өнім – саулық кепілі

<a href="https://kyzylorda-news.kz/">Kyzylorda-news.kz</a> Жалағаш ауданында аумақтық партия филиалы жанындағы &nbsp;партиялық бақылау комиссиясының мүшелері, төтенше жағдайлар бөлімі қызметкерлері және газ тарату мекемесінің мамандарымен бірлесіп, қоғамдық тамақтану орындарында қауіпсіздік талаптарының сақталуына мониторинг жүргізді.Аталған жұмыстардың басты мақсаты – тұрғындардың қауіпсіздігін қамтамасыз ету, төтенше жағдайлардың алдын алу және кәсіпкерлерге түсіндіру жұмыстарын жүргізу болды. Мониторинг барысында асханалар мен тамақтану орындарындағы өрт қауіпсіздігі талаптарының сақталуы, газ құралдарын дұрыс пайдалану, қауіпсіздік ережелерін сақтау деңгейі жан-жақты зерделенді.Тексеру кезінде мамандар тарапынан өрттің алдын алу, газды қауіпсіз пайдалану, техникалық талаптарды сақтау бойынша нақты түсіндірмелер беріліп, тиісті ұсынымдар айтылды. Әсіресе, асхана ішіндегі қауіпсіздік мәдениетін қалыптастыру, қызметкерлердің жауапкершілігін арттыру мәселесіне баса назар аударылды.Мұндай алдын алу шаралары – төтенше жағдайлардың алдын алудағы маңызды қадам. Себебі қауіпсіздік талаптарын сақтау – тек бақылаушы органдардың емес, әрбір кәсіп иесінің және қызметкердің ортақ міндеті.<img src="https://knadmin.beoblood.kz/uploads/Amanat_o_amdy_tama_tanu_monitoring_2_0cee2b1707.jpg" alt="Аманат қоғамдық тамақтану мониторинг 2.jpg">

Қоғамдық тамақтану орындарында қауіпсіздік бойынша мониторинг жүргізілді

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық мәслихатындағы «AMANAT» партиясы депутаттық фракциясының мүшесі Аида Абибуллаева азаматтарды жеке мәселелері бойынша қабылдады.Қабылдау барысында тұрғындар әлеуметтік қолдау мен тұрмыстық мәселелерге қатысты өтініштерін жеткізді.&nbsp;Фракция мүшесі барлық көтерілген мәселелерді назарға алып, қолданыстағы заңнама аясында тиісті түсіндірмелер берді.Сондай-ақ, азаматтардың өтініштері бойынша Қызылорда қаласы әкімдігіне хат жолданатыны және қаржылай көмек көрсету мүмкіндіктері қарастырылатыны айтылды. Кейбір мәселелер сол мезетте оңтайлы шешімін тапты.

«AMANAT»: Тұрғындар тілегі тыңдалды

<a href="https://kyzylorda-news.kz/">Kyzylorda-news.kz</a> Сырдария ауданы әкімінің орынбасары Димаш Серікбайұлының төрағалығымен «Сырдария-қауіпсіз аудан, болашақ ұрпақ мекені» жобасы аясында құқық бұзушылықтың алдын алу жөніндегі үшжақты (аудан әкімі, аудан прокуроры, аудандық полиция бөлімі) Жол картасының орындалуы бағытында мәжіліс өтті. Мәжіліске аудан прокурорының орынбасары Махмут Ахтанұлы, құқық қорғау және мемлекеттік органдардың өкілдері, кент және ауылдық округ әкімдері, тиісті сала қызметкерлері қатысты.Жиын барысында Махмут Ахтанұлы Жол картасының орындалу барысын баяндап, аудан аумағында қоғамдық қауіпсіздікті қамтамасыз ету, құқық бұзушылықтардың алдын алу және қоғамдық тәртіпті сақтау бағытында бірлескен жұмысты күшейту қажеттігін атап өтті.Мәжілісті аудан әкімінің орынбасары Димаш Серікбайұлы қорытындылап, Жол картасына сәйкес тапсырмалар беріп, тиісті шаралар қабылдау қажеттілігі жөнінде нақты міндеттер жүктеді.<img src="https://knadmin.beoblood.kz/uploads/y_b_zushyly_m_selesi_m_zhilis_2_7fe1396a76.jpg" alt="Құқықбұзушылық мәселесі мәжіліс 2.jpg">

Құқық бұзушылықтың алдын алу жөніндегі мәжіліс өтті

<a href="https://kyzylorda-news.kz/">Kyzylorda-news.kz</a> Қазалы ауданы әкімінің орынбасары Мұрат Әбсұлтанов бастаған жұмысшы топ аудан әкімі Алмасбек Есмахановтың тапсырмасына сәйкес Әйтеке би кентіндегі орталық көшелерді аралады. Негізгі мақсат – жол қозғалысы қауіпсіздігін арттыру, көлік қатынасын жүйелеу және тұрғындарға қолайлы орта қалыптастыру.Аралау барысында жол белгілерінің талапқа сай орнатылуы, олардың көріну деңгейі мен техникалық жағдайы жан-жақты тексерілді. Анықталған кемшіліктерді қысқа мерзімде қалпына келтіру бойынша жауапты сала басшыларына нақты тапсырмалар жүктелді.Сонымен қатар, орталық көшелерде жүк көліктерінің жүруін шектеу мәселесі де көтерілді. Бұл бағытта тиісті бақылауды күшейтіп, ауыр көліктердің қозғалысын реттеу арқылы жолдардың тозуын азайту және кептелістердің алдын алу көзделуде.Жұмысшы топ базар аумағындағы кәсіпкерлік нысандардың алдындағы автотұрақтарды ретке келтіру мәселесін назардан тыс қалдырмады. Көлік қою тәртібін жүйелеу арқылы жол қозғалысын жеңілдету және тұрғындар үшін қауіпсіз әрі ыңғайлы жағдай жасау басты назарға алынды.Жалпы, жүргізілген аралау нәтижесінде аудан әкімінің орынбасары Мұрат Байғабылұлы аудандық полиция бөлімі мен тиісті сала басшыларына жол кептелістерін азайту, қозғалыс қауіпсіздігін қамтамасыз ету бағытында бірқатар нақты тапсырмалар берді.<img src="https://knadmin.beoblood.kz/uploads/Zhol_t_rtibi_399c78ec9c.jpg" alt="Жол тәртібі.jpg">

Жол тәртібі – басты назарда

<a href="https://kyzylorda-news.kz/">Kyzylorda-news.kz</a> &nbsp;19 наурыз - Наурызнама онкүндігі аясындағы ерекше мәнге ие күндердің бірі – Жаңару күні. Бұл күн – табиғаттың ғана емес, адамзаттың да жаңарып, жаңғыратын, өткенге есеп беріп, болашаққа нық қадам жасайтын кезеңі.Көктемнің келуімен жер-ана бусанып, тіршілік атаулы қайта түлейді. Қыстың қытымыр суығы артта қалып, күннің нұры мен жылуы жан-дүниемізге ерекше серпіліс сыйлайды. Дәл осы сәтте адам баласы да өз өміріне көз жүгіртіп, жаңа жоспарлар құрып, тың бастамаларға бет бұрады. Сондықтан Жаңару күні – тек табиғаттың емес, әрбір адамның ішкі жан дүниесінің жаңғыруының символы.Бұл күні халық арасында игі істер жасау, айналаны тазарту, ағаш отырғызу, үлкендерден бата алу сияқты дәстүрлер кеңінен көрініс табады. Мұның барлығы – жаңарудың, тазалықтың, жақсылыққа ұмтылыстың айқын белгісі. Жаңару – өткеннің өкінішін артта қалдырып, жүректі реніштен арылтып, жаңа үмітпен алға қадам басу.Ұлыстың ұлы күні қарсаңындағы бұл кезең – татулық пен бірлікті нығайтып, ізгілік пен мейірімділікті дәріптейтін уақыт. Ендеше, Жаңару күнінде баршаңызды жаңа үміт, жарқын бастама, игі істерге толы өмір жолына қадам басуға шақырамыз. Жаңару күні – жаңа мүмкіндіктердің есігін ашатын, жарқын болашаққа бастайтын қасиетті күн!

Жаңару күні – жаңа бастамалардың бастауы

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен өткен мәжілісте «Ауыл аманаты» жобасының жүзеге асырылуы және «Таза Қазақстан» бағдарламасын сапалы ұйымдастыру мәселелері талқыланды.Жыл басынан бері «Ауыл аманаты» бағдарламасы аясында «Amanatnesie.kz» цифрлық платформасына жалпы құны 358,7 млн теңгені құрайтын 52 жоба енгізілді. Жобалар қатарында асыл тұқымды мал шаруашылығы, кілем жуу және жарнама қызметтері бар.Өткен айда 64,4 млн теңгелік 11 жоба қаралып, оның 7-еуі қаржыландырылды. Мұнан бөлек, 165,4 млн теңгені құрайтын 22 жоба қаржыландырылу сатысында тұр. Сонымен қатар, 38 млн теңгелік 5 жоба бойынша құжаттар жинақталуда.Жиында сондай-ақ, кент және ауылдық округтердегі көктемгі санитарлық тазалық, көркейту-көгалдандыру жұмыстарының барысы қаралды.Аудан әкімі сала басшыларына «Таза Қазақстан» бағдарламасын одан әрі сапалы жалғастыруды, елді мекендердегі тазалықты тұрақты бақылауда ұстауды, аяқсу арналарының аршу жұмыстарын уақытылы жүргізуді тапсырды. Сонымен қатар, ғимараттардың сыртқы келбетін ретке келтіру, ағаш отырғызу және көгалдандыру жұмыстарын күшейту қажеттігін ескертті.Жиын қорытындысымен күн тәртібінде қаралған мәселелер бойынша жауапты сала басшылары мен кент және ауылдық округ әкімдеріне нақты міндеттер жүктеді.

Мемлекеттік бағдарламалардың орындалу барысы қаралды

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің бастығы полиция полковнигі Ергешов Серік Жүрсінбайұлы облыс тұрғындары &nbsp;алдында есептік кездесу өткізді. Есептік кездесу облыс орталығындағы Асқар Тоқмағамбетов атындағы Мәдениет үйінде өтті.&nbsp;Есепті кездесуде полицияның атқарған жұмыстары туралы бейнеролик көрсетілді, содан кейін облыстың Бас полицейі қоғамдық қауіпсіздікті &nbsp;қамтамасыз ету бойынша өзекті мәселелер туралы баяндама жасап, тұрғындардың сұрақтарына жауап берді.Есеп беру кездесуі басталар алдында Департамент бастығы жергілікті тұрғындарды құқық бұзушылықтың алдын алуға және қоғамдық тәртіпті қамтамасыз етуге қосқан үлесі үшін марапаттады.- Бүгінде азаматтық қоғамды қолдау еліміз үшін зор маңызға ие. Құқық бұзушылықтарға бей — жай қарамайтын және белсенді ұстаным танытатын азаматтардың арқасында халықтың қауіпсіздігін қамтамасыз ету жұмыстарының тиімділігі едәуір артады, - деп атап өтті марапаттау рәсімі барысында Серік Ергешов.&nbsp; Марапатталғандар кәмелетке толмағандар арасындағы құқық бұзушылықтардың алдын алу, қаланы абаттандыру, қоғамдық тәртіпті қамтамасыз ету сияқты бағыттарда белсенділік пен азаматтық жауапкершілік танытты. Департамент басшылығы олардың қосқан үлестері үшін алғысын білдірді.&nbsp;Бүгінгі таңда облыс аумағында қоғамдық қауіпсіздік саласында жұмыс істейтін көптеген қоғамдық құрылымдар бар. Бұл құрылымдар полиция органдарымен тығыз байланыста жұмыс істеп, құқық бұзушылықтың алдын алуға айтарлықтай үлес қосып келеді. Полиция департаменті қоғамдық тәртіп пен қауіпсіздікті қамтамасыз ету бағытында азаматтық қоғам өкілдерімен бірлескен жұмысты жалғастырмақшы. Сонан соң Департамент бастығы өз сөзін өткен жылы атқарылған шараларды қорытындылаудан бастады.<blockquote>«Облыс көлемінде тіркелген құқық бұзушылықтар саны 2%-ға төмендеді. Қоғамдық орындарда, көшелерде, мас күйінде жасалған қылмыстардың саны төмендеді. Бүгінгі күні қылмыстық ахуалы тұрақты аймақтың біріміз. Соңғы 5 жылда қылмыстар саны 20,7 пайызға азайған» деп атап өтті С.Ергешов. &nbsp; &nbsp;</blockquote>Тұрғындармен кездесу барысында Серік Жүрсінбайұлы ұрлық, есірткі қылмысы, жол қауіпсіздігі, алаяқтыққа да аса көңіл бөліп, алдын алу шараларына тоқталып өтті.Цифрлық технологиялар дамыған сайын жаңа қауіптер де пайда болуда. Оның бірі – киберқылмыстар.Қазіргі уақытта әлеуметтік желілер арқылы жасалатын алаяқтық қылмыстары жиілеп отыр. Қылмыскерлер азаматтардың сенімін пайдаланып, түрлі тәсілдермен азаматтардың қаражаттарын иемденуде.Полиция департаменті киберқылмыстармен күрес бағытында арнайы бөліністің жұмысын күшейтті.Банктер, түрлі байланыс операторларымен және басқа да ұйымдармен бірлесіп жұмыстар жүргізілуде. 7 мыңға жуық алаяқтық белгілері бар сайттар мен сілтемелер анықталып, &nbsp;бұғаттау үшін «Кибернадзор» жүйесіне енгізілді.«Антифрод» жүйесіне 974 инцидент енгізіліп, жалпы 18 млн. теңгеден астам қаражат бұғатталды.Бұдан бөлек Департамент тарапынан облыс жолдарында жол-көлік оқиғаларының алдын алу, жолдағы қауіпсіздік мәдениетін қалыптастыру және азаматтардың жауапкершілігін арттыру мақсатында кешенді жұмыстар атқарылуда. Өткен жылы жол ережесін бұзудың 304 мыңнан аса дерегі анықталса, оның 176 мыңнан астамы немесе 58 пайызы жол апатына тікелей әсер ететін өрескел құқық бұзушылықтар.Бүгінгі шара барысында көтерілген мәселелердің барлығы да өзекті. Атқарылған жұмыстардың оң нәтижесін көру үшін нақты жоспарларды айқын жеткізген Департамент басшысы есептік кездесуді халықтың ұсыныс – пікірін, өтініш – тілегін тыңдаумен жалғады. Департамент бастығы халықпен есептік кездесу барысында тікелей залдан, сондай-ақ әлеуметтік желілер мен Call-орталықтан келіп түскен сұрақтарға жауап берді. Әр адам өзін қызықтыратын сұрағын қойып, спикерден толық жауап ала алды.Кездесу соңында С.Ергешов барлық азаматтарға шараға белсенді қатысқандары үшін алғыс білдіріп, полиция жұмысының басты мақсаты қылмыспен күрес және қоғамдық тәртіпті сақтау екендігін атап өтті.<blockquote>«Қауіпсіз қоғам – бұл полиция мен халықтың бірлігі. Егер көрші көршісіне жанашыр болса, ата-ана баласына дұрыс тәрбие берсе, әр азамат заңды құрметтесе онда біздің қоғамымыз әлдеқайда қауіпсіз болатыны анық.Біздің мақсатымыз – балаларымыз қорықпай ойнайтын, азаматтарымыз алаңсыз еңбек ететін, қарттарымыз тыныш өмір сүретін қауіпсіз қоғам құру. Заң мен тәртіп үстемдік еткен жерде тұрақтылық пен даму болады» деп аяқтады өз сөзін облыстың Бас полицейі. &nbsp;&nbsp;</blockquote>Есептік кездесу барысында полиция қызметкерлеріне көптеген алғыстар айтылды. Тұрғындар халықпен тығыз жұмыс істейтін учаскелік полиция инспекторларына және тергеушілерге кәсібилігі мен адамдарға деген жанашырлығы үшін ерекше ризашылықтарын білдірді.

Қызылорда облысының Бас полицейі халық алдында  есеп берді

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Қызылорда облыстық футбол федерациясының президенті Болат Көшербаев пен атқарушы директоры Жақсылық Оспановты қабылдап, футбол спортын дамытуға қатысты жұмыс кездесуін өткізді.Кездесу барысында аудан аумағындағы футбол инфрақұрылымын жетілдіру, жасөспірімдер спортына қолдау көрсету және бұқаралық спортты дамыту бағытындағы негізгі мәселелер кеңінен талқыланды.Аудан әкімі өз сөзінде спорт саласын дамыту – мемлекеттік саясаттың маңызды бағыттарының бірі екенін атап өтіп, футболды дамытуға бағытталған бастамаларға аудан әкімдігі тарапынан әрдайым қолдау көрсетілетінін жеткізді.&nbsp;Өз кезегінде федерация президенті Болат Көшербаев өңірде футболды дамыту бойынша атқарылып жатқан жұмыстарға оң бағасын беріп, ауданмен бірлескен жобаларды іске асыруға дайын екенін білдірді. Сондай-ақ, жаттықтырушылардың біліктілігін арттыру, жас ойыншыларды іріктеу жүйесін жетілдіру және жарыстардың деңгейін көтеру мәселелері қозғалды.Бүгінде аудандағы екі спорт мектебінде футбол үйірмелері тұрақты жұмыс істеп, 5 жаттықтырушы жас спортшыларды тәрбиелеуде. Жыл сайын аудан көлемінде мектеп лигасы, «Былғары доп» жарысы, мерейтойлық турнирлер, сондай-ақ ауданға еңбегі сіңген азаматтарды еске алуға арналған дәстүрлі жарыстар ұйымдастырылып келеді.Жасөспірімдер арасындағы жетістіктер де көңіл қуантады. Республикалық Ұлттық мектеп лигасының 9–11 сынып оқушылары арасында өткен футзалдан «Теңбіл доп» жарысында Сексеуіл кентіндегі №177 орта мектебінің командасы чемпион атанып, аудан абыройын асқақтатты. Бұл – өңірде футболдың жүйелі дамып келе жатқанының айқын көрінісі.2025 жылы аудан көлемінде футбол спортын кеңінен насихаттау және дамыту мақсатында 19 ірі спорттық іс-шара ұйымдастырылып, бұқаралық спортқа тартылған жастардың қатары арта түсті.Жалпы, ауданда футбол спортына деген қызығушылық жыл сайын артып, жүйелі жұмыстардың нәтижесінде салада оң динамика қалыптасып отыр. Алдағы уақытта да аталған бағыттағы жұмыстар жалғасын тауып, аудан футболының әлеуеті одан әрі нығая түсетініне сенім мол.

Футбол федерациясы өкілдерімен саланы дамыту жұмыстарын талқылады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтің төрағалығымен өткен Конституциясының нормаларын іске асыру мәселесіне қатысты мәжілістен кейін, Қазалы ауданы әкімі Алмасбек Есмаханов арнайы аппарат мәжіліс өткізіп, күн тәртібіндегі мәселелер бойынша тиісті сала басшыларына нақты тапсырмалар жүктеді.<blockquote>- 15 наурызда Мемлекет басшымыз Қасым-Жомарт Кемелұлының бастамасымен жаңа Ата Заңның жобасына арналған республикалық референдум сәтті өтті. Ұлтымыздың тарихында алтын әріптермен жазылатын саяси маңызды кезеңде барша Сыр жұртшылығы бекем бірлігін көрсетіп, Мемлекет басшымыздың бастамаларына сенім артты, қолдау білдірді. Нәтижесінде республика деңгейіндегі дауыс беру көрсеткішімен Қызылорда облысы бірінші орынға тұрақтап, көш бастады. Оның ішінде, елдік мүдде жолында өз таңдауларын жасаған қазалылықтардыңда еңбегі зор. Ендігі алдағы уақытта Жаңа Конституцияның нормаларын іске асыру бойынша әрбір сала бойынша тиісті жұмыстар бірлесе атқарылуы тиіс, - деді аудан әкімі.</blockquote>Мәжілістің күн тәртібінде аудан аумағындағы жер қатынастарының жағдайы мәселесі де қаралып, жер ресурстарын тиімді пайдалану, заң талаптарына сәйкес жер беру және олардың мақсатты игерілуін бақылау бағытындағы жұмыстар сараланды. Аталған сала бойынша аудан әкімі ауыл шаруашылығы мақсатындағы жерлерді мемлекет меншігіне қайтару жұмыстарын жеделдету, игерілмей жатқан учаскелерге бақылауды күшейту және заң бұзушылықтарға жол бермеу сынды бірқатар кемшіліктер атап өтіп, жауапты сала басшыларына нақты тапсырмалар жүктеді. Жер қойнауын заңсыз пайдалану мәселесіне қатысты, бұл бағыттағы жұмыстарды жүйелеу және бақылау күшейтуді міндеттеді.Жиында көктемгі дала жұмыстарына дайындық барысы да қаралды. Әсіресе, су тапшылығы жағдайында су ресурстарын тиімді пайдалану, егін егу науқанын уақытылы әрі сапалы өткізу бойынша нақты тапсырмалар берілді.Бұдан бөлек, алда келе жатқан Ұлыстың ұлы күні – Наурыз мерекесіне дайындық мәселесі қаралып, елді мекендерді безендіру, мәдени-көпшілік іс-шараларды жоғары деңгейде ұйымдастыру және санитарлық тазалықты қамтамасыз ету бойынша жауапты тұлғаларға міндеттер жүктелді.Мәжіліс қорытындысы бойынша аудан басшысы берілген әрбір тапсырмалардың орындалуы қатаң бақылауда болатынын ескертті.

Жаңа Конституция нормаларын іске асыру мен бірқатар өзекті мәселелер қаралды

<a href="https://kyzylorda-news.kz/">Kyzylorda-news.kz</a>&nbsp; Наурызнама онкүндігі аясында 18 наурыз – Ұлттық киім күніне орай Жаңақорған кентінде «Ұлтымыздың ұлылығы – ұлттық киімде» атты челлендж және шеру ұйымдастырылды.Аталған іс-шараның негізгі мақсаты – ұлттық құндылықтарды дәріптеу, қазақ халқының дәстүрлі киім үлгілерін кеңінен насихаттау және жас ұрпақтың ұлттық мәдениетке деген қызығушылығын арттыру болып табылады.Шара барысында Жаңақорған кентінің орталық көшелерімен өнерпаздар, спортшылар, жастар және мекеме қызметкерлері ұлттық киімдермен шеру жасап өтті. Қатысушылар қазақтың дәстүрлі киім үлгілерін көпшілікке таныстырып, тұрғындарға мерекелік көңіл-күй сыйлады.

Жаңақорғанда Ұлттық киім күніне орай челлендж ұйымдастырылды

<a href="https://kyzylorda-news.kz/">Kyzylorda-news.kz</a> Сырдария аудандық мәдениет және тілдерді дамыту бөлімінде республикалық референдумның қорытындыларына арналған жиын өтті. Басқосуға бөлім қызметкерлері қатысып, ел өміріндегі маңызды саяси науқанның нәтижелері сараланды.Жиында сөз алған бөлім басшысы референдумға аудан тұрғындарының жоғары белсенділікпен қатысқанын атап өтті. Сондай-ақ ұжым мүшелерінің де қоғамдық-саяси науқаннан шет қалмай, азаматтық ұстанымдарын айқын көрсеткеніне ризашылығын білдірді.<blockquote>– Республикалық референдум – халық үнінің көрінісі. Бұл науқан әрбір азаматтың ел болашағына деген жауапкершілігін арттырып, қоғамдағы бірлік пен ынтымақты нығайта түсті. Қабылданған шешімдер еліміздің алдағы даму бағытын айқындайды, – деді бөлім басшысы.</blockquote>Жиын барысында қызметкерлер пікір алмасып, мәдениет саласы өкілдерінің де елдік бастамаларға белсенді қатысуының маңыздылығына тоқталды.

Қазақстан және Қызылорда облысының жаңалықтары