<a href="https://kyzylorda-news.kz/">Kyzylorda-news.kz.</a> Қызылордада мал шаруашылығымен айналысатын кәсіпкерлер мал ұрлығының көбейгенін айтып, ашылмай жатқанына алаңдаулы. Бұл туралы олар Кәсіпкерлер палатасы жанындағы Агроөнеркәсіп кешені кеңесінің отырысында айтты.Шараға Кәсіпкерлер палатасының директоры Пірмұхаммед Сыздықов, кеңес төрағасы Нұрлан Іздібаев, облыстық ауылшаруашылығы және жер қатынастары басқармасы басшысының орынбасары Қайрат Сәрсенбаев, облыстық Полиция департаменті мен өзге де мемлекеттік орган өкілдері, кәсіпкерлер қатысты.Кеңесте «Сыр сыйы» шаруа қожалығының өкілі Нұрлан Биманов шаруаларда мал басының жоғалуы, ұрлануы көбейгенін жеткізді. Құзырлы органдарға шағымданғанымен дер кезінде жауап ала алмай жүргенін айтты.<blockquote>«Жыл басында 12 бас малым жоғалып, ішкі істер органдарына арыздандым. Әлі күнге бір жауап ала алмай отырмын. Төрт басын таптым, қалғаны жоқ. Арыз тіркелгеннен кейін жауап берілуі керек емес пе? Жоқ, жауап алмадым», – деді Нұрлан Биманов.</blockquote>Кәсіпкер өзі тұратын Жалағаш ауданында соңғы екі жылда 100 бастан астам мал ұрлады деген күдікпен ұсталған азаматтарға шара қолданылмай отырғанын айтып, шаруалардың арасында бұл мәселе алаңдаушылық тудырып отырғанын атап өтті.Облыстық Полиция департаментінің өкілі Ибадулла Мырзаевтың сөзінше, осы жылдың 7 айында облыс аумағында 39 мал ұрлығы тіркеліп, 13 қылмыскер ұсталған.<blockquote>«Малдың басым бөлігі өрісте, қараусыз жүріп ұрланады. Тағы бір себебі азаматтардың малдың жоғалғаны туралы кеш хабарлауынан болып отыр. Мал иелерінің арасында малдарын құжаттандыру, таңбалау, сырғалау жұмыстары әлі де болса жеткіліксіз», – деді Ибадулла Мырзаев.</blockquote>Ішкі істер органы өкілінің айтуынша, мал ұрлығын жасаған тұлғаларға 5 жылдан 12 жылға дейін бас бостандығынан айыру жазасы қаралған.Облыстық Полиция департаментінің өкілдері шаруалардың ұсынған әр фактісі бойынша зерттеп, жауабын айтатынын жеткізді. Сондай-ақ, істің жүргізілуіне күмәнданған жағдайда жауапты органдарға шағымдана алатынын хабардар етті.

Қызылордалық шаруалар мал ұрлығына алаңдаулы

<a href="https://kyzylorda-news.kz/">Kyzylorda-news.kz.</a> Жаңақорған ауданында жыл басынан бері 57,4 млрд.теңгенің өнеркәсіп өнімдері өндірілсе, өңдеу өнеркәсібінің көлемі 36,7 млрд теңгені құрап отыр. Сондай-ақ негізгі капиталға тартылған инвестиция көлемі 17,9 млрд теңгеге жетіп, өткен жылмен салыстырғанда 1,6 есеге артқан. Бұл туралы Қызылорда облысының өңірлік коммуникациялар қызметінің ақпараттық алаңында өткен баспасөз конференциясында Жаңақорған ауданының әкімі Мұрат Тлеумбетов мәлімдеді.<blockquote>«Жеке инвестициялар бойынша өсім негізінен Шалқия полиметалл кен орнын өнеркәсіптік игеру және кен байыту зауытын салу есебінен, уран өнімін өндіретін «Қазатомөнеркәсіп» мекемелері есебінен, күкірт қышқылын өндіретін «СКЗ-U» ЖШС-гі есебінен, «Санатория Жаңақорған» АҚ-ң есебінен ұлғайып отыр. Сонымен қатар, ауданда 38 млрд.теңгені құрайтын 10-ға тарта ірі инвестициялық жобалар жүзеге асырылуда. Алдағы уақытта іске қосылатын инвестициялық жобалар есебінен салық түсімдерін 4 млрд.теңгеге жеткізу жоспарымызда бар, - деді Мұрат Жолкелдіұлы.</blockquote>

Жаңақорған ауданында ірі инвестициялық жобалар жүзеге асырылуда

<a href="https://kyzylorda-news.kz/">Kyzylorda-news.kz.</a> Жаңа нысан «GURMAN» коффейня деп аталады. Нысанда 10 адамды жұмыспен қамтып, түрлі қызметтер көрсетеді.Жеке кәсіпкер Примбетова Қамарсұлу өз қаражаты есебінен ашып, қазіргі таңда 30-дан астам қала тұрғындарын түрлі дәм түрлерін және коктейльдері бар. Болашақта одан бөлек тағы қала жастарын қызықты дүниелермен таң қалдыру жоспарлауда.Нысанда заманауи құрылығарымен жабдықтарымен қамтылған. Жас кәсіпкердің нысандағы ашудағы негізгі мақсаты - жергілікті тұрғындарды көңілдеріне шуақ сыйлап, бір-біріне жылылық сыйлау. Қоғамға кішкене болсада өз үлесін қосып бәсекелестікті арттыру, - дейді жеке кәсіпкер Примбетова Қамарсұлы.

Арал ауданында кәсіпкерлік жаңа нысан қызметін бастады

<a href="https://kyzylorda-news.kz/">Kyzylorda-news.kz.</a> 2022-2023 оқу жылының қорытындысы бойынша облыс көлемінде 8 051 бітіруші түлек бітіріп, олардың 7 219–ы ҰБТ-ға қатысты. Тестілеу нәтижесімен жоғары оқу орындарына 6 418 оқушы құжат тапсырып, 4 973 талапкер мемлекеттік білім беру грантына қол жеткізді. Бұл көрсеткіш өткен оқу жылымен салыстырғанда грант иегерлерінің саны – 885 түлекке көбейіп отыр.Гранттардың бөлінісі бірнеше басым бағыттарға қарай тағайындалды. Атап айтқанда, 1 770 талапкерлер педагогика саласына гратқа түссе, медицина мамандығына 491, ауыл шаруашылығы және техникалық мамандықтарға 1 765 оқушы грант иегері атанған.Айта кетейік, 2022-2023 оқу жылының қорытындысы бойынша «Алтын белгі» белгісін алған түлектердің 205-і яғни 43,2 %-ы педагогикалық бағыттағы мамандықтарға оқуға қабылданып отыр.

Қызылорда облысында 4 973 талапкер грант иегері атанды

<a href="https://kyzylorda-news.kz/">Kyzylorda-news.kz.</a> Бүгін «Қызылорда облысының үздік баспасөз хатшысы – 2023» байқауының жеңімпазы анықталып, марапаттау рәсімі өтті.Еске салсақ, 21 шілдеден бастап қоғаммен байланыс мамандарының облыстық байқауына қатысуға өтінімдер қабылданды. Байқау жеңімпаздары 31 шілдеден 7 тамызға дейін Қазақстанның «NewsHub.kz» ақпараттық хабының сайтында дауыс беру арқылы анықталды. Дауыс беруге бұқаралық ақпарат құралдарының өкілдері (журналистер) қатысты.Байқаудың мақсаты – үздік PR мамандарын анықтау және марапаттау, саладағы кәсібилікті насихаттау. Сондай-ақ PR мамандарын кәсіби тәжірибе алмасу алаңымен қамтамасыз ету және PR мамандарына өз жұмысының сараптамалық бағасын алу мүмкіндігін беру.Конкурс нәтижесінде Шиелі ауданы әкімінің баспасөз хатшысы Әнәпия Рамазан Бектұрғанұлы "Үздік баспасөз хатшысы" атанды.Жеңімпаз 400 000 теңге сыйлықпен және байқау ұйымдастырушысының дипломымен марапатталды.Қазақстанның "NewsHub.kz" ақпараттық хабының бас директоры Ерлан Рамазанов жүлдені табыстап, барлық қатысушыларға алғыс білдірді.Айта кетейік, осындай байқаулар Жетісу, Маңғыстау, Түркістан және Алматы облыстарында да өтті. Сонымен қатар басқа облыстар мен республикалық маңызы бар қалаларда да ұйымдастырылмақ.

Қызылорда облысының үздік баспасөз хатшысы анықталды

<a href="https://kyzylorda-news.kz/">Kyzylorda-news.kz.</a> Жалағаш ауданы тарихымен біте қайнасқан, адамзаттың рухани тыныс-тіршілігінің көзі – аудандық кітапхана ісі бүгінде жүйелі жұмыс істеп тұр. Оқырман талғамынан шығатын кітап қорын көбейтіп, ішкі жүйені заманға сай жетілдіре білді. Ғасырға жуық тарихы бар рухани ордада соңғы жылдары көптеген өзгерістер орын алды. Ал осы кітапхана ісін дөңгелентіп отырған кітапханашылардың еңбегі бір бөлек әңгіме. Кітап пен кітапхананың тіршілігіне жан беретін, ұлттық құндылықтар мен оқырмандар арасын жалғастырушы – кітапханашылар. Бұл кәсіптің беделі де, мамандардың ынта-ықыласы да жоғары болғанымен, көп аса елене бермейтін. &nbsp;Әрине, алтын көмбенің сырын, сипатын тек сол кітапханашылар ғана біліп, саған ауадай қажет дүниені тауып беріп, білім бұлағынан сусындатады. Ал ол кісі мектеп кітапханашысы болса, оның жұмысының салмағы да ауырлау болады. Себебі тау-тау оқулықтарды, көркем әдебиеттерді әкеліп, сөрелерге орналастыру, оқу жылы басталғанда оны дер кезінде оқушыларға тарату, оқу жылы аяқталғанда мұқияттап қайта жинап алу жүктемесі оның мойнында. Сонымен қатар, мектепте өтетін тәр-биелік іс-шаралар, кітап оқушылар конференциясы, түрлі тағылымды, мазмұнды кештер кітапханамен тікелей байланысты. Сондықтан бұл мамандықты кез келген адам таңдай бермейді. Кітаптар әлемінің құпиясына мойын ұсынғандар ғана таңдайды.Ұлы мұраттарға жетелейтін осынау мамандықты Ғазиза бала күнінен жан-тәнімен жақсы көрді. Жиналған кітаптар, оның иісі, оның үстіне өзінің көркем әдебиетті сүйетіні бар бәрі қосылып кітапханашы болсам деген асқақ арманға жетеледі. Анасы да жастайынан қаршадай қызға түрлі ертегі кітаптар, қызықты әңгімелерді көп оқытып, оның көкірек көзін ашты. Анасы әдебиетші ұстаз болған соң үйде де қазақтың ұлы классиктерінің кітаптары қаттаулы тұратын. Кітап оқыса, жаны нұрланып, ән салғысы келетін. Оған кітаптар тақтайдай жиналған кітапхана хан сарайындай көрінетін. Ішінде адамның ой-әрісі кеңейіп, са¬насы сауығатынын көргенде жансарайы ашылып, ерекше күйге енетін. Иә, бала қиялды қанаттандырып, сүйікті мамандығын таңдауға талпындырған отбасындағы ұлағатты тәрбие екенін де Ғазиза тебірене жеткізді. Білгір кітапханашы Ғазиза Әлібекқызының 29 жылдық еткен еңбегі зая кетпей, жоғары марапаттарға ие болды. 2001 жылы Жалағаш аудандық білім бөлімінің Мақтау қағазы, 2009 жылы Қызылорда облысы әкімінің Алғыс хаты, сол жылы Қазақстан Республикасының білім және ғылым министрлігінің, 2018 жылы Халықаралық «Қазақ тілі» қоғамының Жалағаш аудандық филиалының Алғыс хатымен марапатталды. Биылғы жылдың өзінде ҚР Тәуелсіздігінің 30 жылдық мерейтойына орай Мемлекет басшысы Қасым-Жомарт Тоқаевтың «Тәуелсіздік бәрінен қымбат» атты бағдарламалық мақаласын педагогтармен білім алушылардың арасында кеңінен насихаттау мақсатында өткен «Үздік кітапханашы-2021» атты республикалық байқауға қатысып, жеңімпаз атанғаны Ғазизаның өз ісінің майталман маманы екенін дәлелдейді. Оның ұзақ жылғы тәжірибесі көпке үлгі етіліп, газет-журналдарда насихатталуда. Ол – таза шығармашылық адамы. Жазған мақалаларынан оның парасаты мен пайымын, өз кәсібіне деген адалдығын, кәсіби шеберлігін тануға болады. Республикалық «Мектептегі кітапхана» журналының тұрақты авторы.«Мен туылғанда қақаған қыста дүние есігін ашқаныма қарамастан, әкем мен анам тұла бойы тұңғыштарын қолына алып, ерекше қуанышқа бөленіпті. Ата-баба салты бойынша тұңғыш балаға ат қою рәсімі әжеме бұйырыпты. Осылайша менің атымды Ғазиза деп әжем қойыпты. Бұл есім араб тілінен аударғанда «Азиз – күшті, қуатты, бағалы, сүйкімді, қадірлі» деген мағынаны білдіреді. Анам Зеткүл Рахманқұлова қазақ тілі мен әдебиеті пәнінің мұғалімі болғандықтан мен жас-тайымнан әдебиетке жақын болдым. Кітапханадан түрлі кітаптар алып оқи бастадым. Үйде мыңға тарта жеке кітап қорымыз болды. Кітапқа деген құлшынысым менің ма-мандық таңдауыма жол ашты» дейді біздің кейіпкеріміз Ғазиза Закирова.&nbsp; Өмірін өнегемен өрнектеген жанның өмір жолына көз жіберсек, ол 1969 жылы Тасбөгет кентінде дүниеге келген. 1976 жылы№202 орта мектептің табалдырығын аттап, оны 1986 жылы бітіріп шығады. Сол жылы №31 орта мектепте лаборант болып жұмыс жасайды. Үш жылдан соң Жетісай мәдени-ағарту училищесінің «Кітапхана ісі» факультетіне оқуға түсіп, оны 1991 жылы бітіріп, содан бері ұзақ жылдар үздіксіз өзіне білім нәрін беріп, қанаттандырған №202 орта мектепте өзі қалаған кітапханашы қызметінде тер төгіп келеді.&nbsp;«Білім инемен құдық қазғандай» болса, білімге құштарлықты ояту үшін кітапхананың орны ерекше. Кішкентай оқырмандармен тіл табысып, олардың керек дүниесін тауып беру үшін зыр жүгіріп көмектесіп жүрген осы бір жүрегі кең кітапхана қызметкерлеріне риза боласың.&nbsp;«Елгезек болып, сергек жүрмесең, оқырманыңды жоғалтып аласың. Сондық-тан барынша олармен жұмсақ сөйлесіп, жүрегіне жол табуға тырысамыз. Жас ұрпақтың тәлім-тәрбиесі мектеп қабырғасында қаланады ғой. Біз кітапханашылар мектеп мұғалімдерімен бірлесіп, бала тәрбиесіне барынша атсалысамыз» дейді Ғазиза күлімдеп.Шынында кітапхана оқырман мен кітап арасындағы алтын көпір болғандықтан, оқырмандарды кітап оқуға тарту – кітапханашылардың басты міндеті. Кітап – тілсіз қазына. Оны танытатын, оқырман мен екі ортада дәнекер болатын – озық ойлы кітапханашы. Сондықтан мектепте Абай Құнанбаевтың 175 жылдығына орай «Абай – дана, Абай – дара қазақта» мәнерлеп оқу сайысы, «Әль-Фараби – дарынды философ» тақырыбында бейнетаныстырылым, Елбасының «Болашаққа бағдар: рухани жаңғыру» мақаласы мен «Тәуелсіздік – тұғырым» тақырыбында зияткерлік сайыс, «Жалағашым – жасыл бағым» тақырыбында библиографиялық шолу және түрлі тақырыпта тұрақты кітап көрмесі ұйымдастырылғанының өзі жанданған жүйелі жұмыстың көрінісі.&nbsp;«Мақсатым – өскелең ұрпақтың көкірегі ояу, көзі ашық азамат болып қалыптасуына ықпал ету. Балалардың өмірде өз орнын тауып, қоғамға пайда әкелетін тұлға ретінде қалыптасуына өз үлесімді қосу. «Бітер істің басына, жақсы келсін қасына» деп дана халқымыз айтқандай атқарылған әрбір шара өз нәтижесін көрсетеді деген ойдамын» дейді ол.«Мамандық таңдау – бұл өз-өзіңді іздеу. Сан түрлі салаларға бөлінген қызметтердің ішінен өзіңе жақынын табу. Мамандықтың жаманы жоқ. Тек таңдаған мамандығыңды сүйе білсең, атқарар қызметіңді толық біліп, жауапкершілікті түсінсең, әр саланың таптырмас маманы боларың сөзсіз. Мен – мектеп кітапханашысымын. Өз мамандығымды дұрыс таптым деп нақты айта аламын. Мектеп қабырғасынан бастап гуманитарлық пәндерді сүйіп оқып, оған қызығушылығым басым болды. Еңбек пен тәжірибе жауапкершілікті сезіну арқылы шыңдалары белгілі. Мамандығым – менің мақтанышым. Рухани білім кітапта. Кітапты қадірлеу, оны оқырманға ұсыну – біздің міндет. Мен ізденімпаз оқырманды әркез кітапханада күтемін. Оқырмандарымның көп болғанын қалаймын» дейді ол.&nbsp;Білімнің алтын қақпасын оқырмандарға кеңінен ашып, ғылым кеңістігінде саяхаттауға бағдар беріп отырған кітапханашы Ғазиза Закирова өзі түлеп ұшқан мектептің тек озат оқушысы ғана емес, кітапхана ісінің озат қызметкері. &nbsp;Ол жолдасы Құрманғазы Аймұратов екеуі 2 перзент тәрбиелеп, мәуелі бәйтеректей көгеріп-көктеп отыр. &nbsp;Шығармашылықтың шыңын бағындырып, ел мақтанына айнала бер, Ғазиза!

Кітапханашы – Ғазиза

<a href="https://kyzylorda-news.kz/">Kyzylorda-news.kz.</a> Қазақстан Республикасының Сыбайлас жемқорлыққа қарсы іс-қимыл агенттігі «ЖЕМҚОРЛЫҚҚА ҚАРСЫ ВОЛОНТЕРЛІК» жобасының еріктісі болуға шақырады.Жобаның мақсаты - белсенді азаматтарды, қоғамдық бірлестіктерді, жеке және квазимемлекеттік сектор субъектілерін, сондай-ақ басқа да ұйымдарды сыбайлас жемқорлыққа қарсы іс-шараларға ерікті ретінде тарту болып табылады. Жоба аясында Сіз келесі бағыттар арқылы жемқорлыққа қарсы күресте көмек көрсете аласыз: - қоғамдық бақылау; - сыбайлас жемқорлыққа қарсы зерттеу және ағарту; - pro bono волонтерлік (кәсіби көмек көрсету); - корпоративтік еріктілік. Жобаға қатысу үшін Қызылорда облысы бойынша Сыбайлас жемқорлыққа қарсы іс-қимыл департаментіне хабарласу қажет. Мекен-жайымыз: Қызылорда қаласы, Желтоқсан көшесі №156 «А» Эл.пошта: kyzylorda@antikor.gov.kz Тел: +7(7242)230690, +77779297552, +77051030100 https://www.gov.kz/.../antico.../documents/details/502384...

Сыбайлас жемқорлыққа қарсы іс-қимыл агенттігі ерікті болуға шақырады

<a href="https://kyzylorda-news.kz/">Kyzylorda-news.kz.</a> Дүниежүзілік ара шаруашылығы ассоциациясының дерегінше, әлемнің әрбір тұрғыны жыл сайын жалпы көлемі 1 килограмм бал тұтынады екен. Қазақстанда мұның мөлшері аз, әрине. Біздің тұтынатын бал 50 грамнан аспайды. Есесіне қантқұмармыз, әрқайсымыз жылына 36 килограмм шекер жейді екенбіз. Оның себебін бал бағасының тым жоғары болуымен байланыстырады кейбірі. Қазір нарықтағы балдың 1 килосы 1500-3000 теңге шамасында екен.&nbsp;Ал гүлден гүлге қонып, нәр жинап жүрген ара еңбекқорлығымен әрбір жанға үлгі. Тіршілігіне мән берсеңіз, темірдей тәртіпке бас иесіз. Аралар үлкен отбасы болып тіршілік етеді. Омартада аналық, аталық, жұмысшы, күзетші аралар қалыптасқан белгілі заңдар мен ережелерге бағынады. Әрбір ара өзінің міндеттерін мүлтіксіз орындайды. Гүлдерден бал жинамаған араны күзетшілер омартаға кіргізбей қоятынын білетін бе едіңіз? Оларға да жатып ішер, бойкүйездер керек емес. Аралар тазалықты сүйеді. Сондықтан ара ұстасаңыз, омартаның мұнтаздай таза болуына мән беру керек. Үнемі ыждағаттап тазалап, мұқият қадағалағанда ғана сапалы бал жинай аласыз. Бал арасын кәсіп қылып отырғандар да жоқ емес, көп те емес. Міне, қомақты қаржыны қажет етпейтін осындай шаруашылықтың тамырына қан жүгірту үшін не істеу керек? Ауданымызда кәсіптің бұл түрі қалай дамуда? Жауап іздедік…Ара баққан қиын ба, бала баққан қиын ба? Балдың дәмі тәтті болғанымен, еңбегі қатты дегенді жиі естиміз. &nbsp;Араны балаша бағып-қағып, таза бал жинап отырған осындай жанның бірі – ауданымыздың тұрғыны Ғазиза Асқарбекқызы.&nbsp; Кейіпкеріміздің “Жаппай кәсіпкерлікті дамытудың “Еңбек” мемлекеттік бағдарламасы бойынша қайтарымсыз қаржы алып, өз ісін бастағанына да біршама уақыт болыпты. Қазіргі ісі өнімді, табысы да көңіл қуантарлықтай.&nbsp;– Алған қаражатымызды іске жаратайық деп, омарташылықпен айналысуды жөн санадық. Қазір кәсіптің бұл түрі отбасымыздың күнделікті жұмыс көзіне айналды. Өнімі жаман емес.Салада табысты болу үшін аналық аралардың санын арттырып отыру керек. Іс нәтижелі болып, өзін ақтауы үшін кемі 50 аналық ара бал жинауы қажет. Оның қақ жарымы шығынды жабуға кетсе, қақ жарымының өнімі табыс әкелуі мүмкін. Аналық араны өсірудің өзіндік құпиясы бар. Бұлар 5 жылға дейін өмір сүріп, бал жинауға қабілетті. Өте сезімтал, жарық пен түс, иіс пен жылуды сезу қасиеті жоғары деңгейде дамыған. Сондай-ақ қазір тұтынушылардың таза балдан бөлек "ара сүтіне" сұранысы көбейді. Қазір осы бағытта да жұмыс жасап жатырмын. Әрине қиын, бірақ қиындықты еңсерген адам ғана табысқа жетпей ме, – дейді Ғазизаның жолдасы, омарташы Ерік Тасыбаев. &nbsp;Қазір Ғазизаның жинаған балы ауданымызда ғана емес, өзге мемлекеттерде де сұранысқа ие екен. Биыл тұтынушылар қатары тағы да артқан, қазірден бастап тапсырыс берушілер жетерлік. Негізі таза балға жергілікті тұрғындар арасында да сұраныс көп.&nbsp;«Алдағы уақытта сапалы балмен халықты қамтамасыз ету алға қойған жоспарымыздың бірі болғандықтан, бүгінгі кәсібімізден әлі де мол табысқа қол жеткіземіз» дейді кейіпкеріміз. Әрине, өз тарапымыздан бізге таныс емес осындай қызығы мен шыжығы көп кәсіпті дөңгелентіп отырған кәсіпкеріміздің еңбегіне табыс тілейміз. 600 мың теңгеге жуық қайтарымсыз қаржыға ие болған омарташылар отбасы алдағы уақытта кәсібінің көкжиегін кеңейтуді де жоспарлап отыр. Әрине, ол үшін әлі де қомақты қаражат қажет.

Бал арасын баптаған

<a href="https://kyzylorda-news.kz/">Kyzylorda-news.kz.</a>&nbsp; Жыл санап өңірдегі егін шаруашылығы екпін алып келеді. Әсіресе Сыр беткейдегі диханшылықты кәсіп еткен ағайын бүгінде бақша дақылдарынан бөлек жеміс-жидек, мал азығын дайындауды қолға алып отырғандығы қуантады. Арал қаласының тұратын Санат Нұрманов өткен жылдан бері алма бағын өсіру ісін қолға алды.Ауласындағы шағын бақшасының ішін жеміс-жейдек түрлерімен жайқалытып қойған Санат ағаның мұндай кәсіп түрін қолға алуы кызығушылығынан туындаған. Ауылға көрік берсін және елгі игілігім тиісін деген мақсатта алма бағын өсіруді қолға алады. Сөйтіп өткен жылдан бастап Сарыағаштан 3350 түп голден және семеренка сортты алма ағашының көшетін алып келіп, ауыл мағындағы 5 гектар аумаққа отырғызды. &nbsp;&nbsp;<blockquote>– Алма ағаштарын 84 пайызы яғни 2760 түбі бүгінде жақсы жағдайда. Бірқалыпты өсіп келеді. Гүлдеп те жатыр. Негізінен 3 жылда жеміс беруі тиіс. Енді келер жылы алғашқы жемістерді жинаймыз деп ойлап &nbsp;отырмыз. Барынша табиғи қоспасыз өсіргім келеді. Мұндай жеміс ағаштары ерекше күтімді де талап етеді. Оларды зиянкез жәндіктерден қорғау үшін түптеріне жылына 3 рет дәрумендер сеуіп отырамыз, - деген Санат аға алма бағының қазіргі жайы туралы айтып берді.&nbsp;</blockquote>Бастапқыда ауласына жеміс ағаштарын отырғызып бастаған ағамыз бұл ісін кейін ұлғайтты. Бірақ пайда көру мақсатында емес. «Артыңда мал қалғанша, тал қалсын» деген аталы сөзді ұстанған бағбан өзінің ісінің өзгелерге үлгі болғанын қалайды. Ел осыдай игі іске мойын бұрса ауыл іші берекелі болар еді дейді.<blockquote>– Мүмкін емес деуге болмайды. Барлық нәрсені шын ниетпен қолға алсаң жасауға болады. Біздің ауыл Қазалымен шекаралас жатыр. Алып қарасақ көршіліес аудан егін шаруашылығынан көш ілгері. Мұндай мүкіндік біздеге де бар. Сондықтан көп ойланбай алма бағын өсіремін деген шешімге келген болатынмын. Қазір жасауға болатынына көзім жетті, - дейді бағбан.</blockquote>&nbsp;Бағбанның сөзінше Алма бақтың жиегіне көркейту мақсатында түрлі ағаштармен қоршалған. Жәй ағаш емес, 700 түп сыр талын, 1000 түр ақ тереке пен шиповник ағаштары отырғызылып, қоршау болып тұр.&nbsp;<blockquote>– Алдағы уақытта бақ ішіне алмада басқа да жеміс түрлерін егуді жоспарлап отырмын. Жақында бақ ішіне 30 балапан қаз жібердім. Ондағы ойым қаз бақ ішін арап шөптерден тазалайды. Бір жағынан көңі табиғи тыңайтқыш болады, - деді.</blockquote>Сондай-ақ бақ ішіне бал ара өсіріп кәсіп етемін деушілерге де ешқандай қарсылық жоқ деген кәсіпкер бірігіп қылған істің берекесі болатындығын жомарт жүрекпен жеткізді.&nbsp;Егіншілікті кәсіп кеткен диқаншылар жыл сайын бақша дақылдары өсіру көлемін арттырып келеді. Енді Аралдың алмасы нарыққа шығар болса бұл үлкен қуаныш. Бірінішіден баға жағынан қолайлы болса, екінші жағынан өз жерімізде өсірілеген химиялық қоспасыз, табиғи таза өнімді тұтынатын боламыз.

Аралдағы алма бақ

<a href="https://kyzylorda-news.kz/">Kyzylorda-news.kz.</a> Бұған дейін «Әкім – кабинетте жұмсақ креслода отырмай, елдің ішінде жүрсе, тірлік өнімді болмақ. Өз басым кабинетте отырғаннан ауданда атқарылып жатқан жұмыстардың басы-қасында болуды жөн көремін» деген Жалағаш ауданының әкімі Асқарбек Есжанов аудан орталығында салынып жатқан бірқатар құрылыс орындарын және әлеуметтік маңызы бар басқа да нысандарды аралап, олардың хал-ахуалын тағы бір байқап, бағамдап қайтты. Бірінші нысан Жалағаш кентіндегі Желтоқсан көшесі бойындағы құрылысы жүріп жатқан 160 орындық дене шынықтыру және сауықтыру кешені болды. Мердігер мекеме «SCS инжиниринг» ЖШС жоба құны 471,6 млн теңгені құрайтын кешенді бұйырса, қыркүйек айында ел игілігіне тапсырмақ. &nbsp;Иә, 2021 жылы басталған нысан құрылысының мерзімінен кешігіп жатқаны жасырын емес, осы ретте аудан әкімі жаңа оқу жылына дейін құрылыс жұмыстарын толық аяқтауды мердігер мекеменің өкілі Асхат Жұмадулаевқа қатаң тапсырды.Бүгінде кенттегі тұрғын үйлердің барлығыдерлік көгілдір отынға қосылды деуге болады. Дегенмен әлі де бұл бағыттағы жұмыстар жүйелі түрде жүргізілуде. «Ауыл – ел бесігі» жобасы аясында биыл көгілдір отынның игілігіне қол жеткізетіндердің қатарында «Наркескен» спорт клубы мен аудандық кітапхана бар. «Қыстың қамын жаз ойла» деген тәмсілді ойдан шығармайтын өңір басшысы аталған нысандардың алдағы жылу маусымына дайындығын тексерді.Аудандық кітапхана ғимаратын көгілдір отынға қосу жұмыстарының бүгінде 95 пайызы аяқталған, мердігер мекеме өкілі Бауыржан Қайырлаповтың берген уәдесі бойынша тамыздың 6-сына дейін жұмыстар толық аяқталады. Ал «Наркескен» спорт клубы бойынша жұмыстарды тамыздың 15-іне дейін тәмамдауға уәдесін берді. Аудан әкімі өз кезегінде жауапты мердігерге «жылдам тапсыру керек екен» деп жұмысты сапасыз істеуден аулақ болуды қатаң тапсырды.Жаңа оқу жылының басталуына да санаулы күндер қалды. Осы ретте Асқарбек Темірбекұлы Әл-Фараби атындағы №201 мектеп-лицейінің жаңа оқу жылына дайындығына шолу жасады. Сыйымдылығы 1076 орындық 3 қабатты мектеп типтік жобада салынған. Былтыр білім ошағында 934 оқушы білім алды. Мектепалды даярлық тобында 75 бала қамтылды. Мектеп ғимаратының сырты биыл 3,5 млн тең-геге боялып, жаңаланған. Ал жылу беру маусымына дайындығына тоқталсақ, мектеп сужаңа 2 дана жылу қазандығын алып, орнатқан. Сондай-ақ мектепте әр сыныпқа оқушының керек оқу құралдарын қоятын сөрелер қойылған.Аудандық білім бөлімінің басшысы Талғат Садықовтың айтуынша, барлық білім ошағы жаңа оқу жылына сақадай сай. Аудан бойынша 1000-нан аса оқу партасы, 250 дана тақта, оның ішінде сенсорлы тақтасы бар жаңадан сатып алынған. Аудан әкімі жауапты қызметкерлеріне тағы да білім ошақтарының жаңа оқу жылына дайындығын мұқият пысықтап шығуды тапсырды. Өздеріңізге белгілі Дәуімбай елді мекенінде халықтың әлеуметтік жағынан осал топтарына 50 тұрғын үйдің құрылысы басталған болатын. Сапар барысында Асқарбек Темірбекұлы іргетасы қаланған әрбір үйді жеке-жеке аралап, құрылыс жұмысымен танысты. Бүгінде 26 тұрғын үйдің қабырғасы қаланып, іргетасы құйылған. Алдағы уақытта 18 үйдің құрылысы басталмақ. Бұйырса, күзде дайын үйлерді сатуға шығару жоспарланған. Ауданы 60 шаршы метр болатын тұрғын үйлердің сапасы көңіл көншітеді, еңсесі биік, іші кең, ауыз су мен көгілдір отын да келіп тұр.&nbsp;Өңір басшысы Ақсу ауылына кіреберіс жолдың жай-күйімен де танысты. Иә, Ақсу ауылының аудан орталығымен байланыстыратын автомобиль жолы тозығы жетіп, талай жылдан бері жөндеу жұмыстарын қажет етіп келген болатын. Осыған байланысты биыл бюджеттен қаржы бөлініп, жазда жөндеу жұмыстары басталып кетті. Дегенмен мердігерлер тарапынан олқылықтар туындап, жұмыс барысы ақсулықтардың көңіл күйін түсіргені жасырын емес. Бір қуантарлығы, аудан әкімі туындаған мәселені дереу жеке бақылауына алып, аз уақыттың ішінде оң шешімін тапты. Бүгінде жөнделуі керек 2,33 шақырымға толықтай асфальт жабындысы төселген. Жол бойы теп-тегіс, ең бастысы, бұрынғы ой-шұңқырлар жоқ. Мердігердің айтуынша, осы аптаның соңына дейін жол жөндеу жұмысы 100 пайызға орындалатын болады. Аудан әкімі Асқарбек Есжанов жалпы іс-сапар барысында қамтылған барлық нысандар бойынша жауапты мердігерлер мен тиісті сала басшыларына құрылысты уақытында аяқтап, сапасына жауапкершілікпен қарауды жүктеді.

Жалағаш: Құрылыс сапасы басты назарда

<a href="https://kyzylorda-news.kz/">Kyzylorda-news.kz.</a> Қазір көлік апаты жиілеген шақта үлкендердің ауызынан «қауіпсізі пойыз ғой» дегенді көп еститін болдық. Расында тасжолда алысқа сапарлауға көбісі жүрексінеді. өзіміз де мынау тұрған бас шаһарға бара қалсақ, жолай таксиден жылдамдықты азайтуын өтінеміз. Өткен-кеткеннен мысал келтіріп, сабазды сабасына түсірейін десең, жол апатына басқа да өзінің себептерін айтып болады, тыңдап отырсаң, сөзінің жаны бар, жол көлік оқиғаларына тек темір тұлпар тізгіндегендерді кінәлау да жөнсіз сияқты. Осыдан кейін үлкендердің «қауіпсізі пойыз ғой» дегенді неге айтқанын түсіне қоясың.Иә, автокөліктей жететін жеріңе жылдам алып бармаса да, қазір қауіпсіздік бойынша отарбадан оңдысы жоқ. Алайда жолаушылардың сапары жайлы болуы үшін таңнан кешке дейін теміржолшылар қалай еңбек етіп жатыр, күнделікті күйбең тірлікпен бұл сауалдың түйінін тарқатып жатқан кім бар дейсіз! Не керек, жалағаштық теміржолшы Дәулеткерей Ибрагиммен екеуара жасаған диалог барысында сан сауалға жауап тапқандай болдық, бір жағынан теміржолшылардың шойынжолда жолаушылар қауіпсіздігін қамтамасыз етуде қалай еңбек ететініне қанықтық. Кейіпкеріміздің теміржол саласында он жылдық тәжірибесі бар, осынша уақытта саланың ыстығына күйіп, суығына тоңып, жауапкершілікті бірінші орынға қоя білген. Соның нәтижесі шығар, небары екі жыл қарапайым путист болып жүрген бозбала көп ұзамай бригадир болып шығар келді. Жастардың жұмыста сатылағанын естісек қуанамыз, әрине.&nbsp;– Жұмысымыз таңғы сағат сегізден басталады, содан кешкі беске дейін шойынжолдың бойында уақытымыз өтеді. Жай өтпейді, жолдың бойында отарбаның еркін жүйткуіне не кедергі, соның барлығын анықтап, қалыптасқан ақауды тез арада қалпына келтіреміз. Әрқайсысымыздың өзімізге артылған міндетіміз бар, бригадир қарамағындағы әріптестеріне күнделікті атқаратын жұмысын анықтап береді және оны солармен бірге өзі де жүзеге асырады. Бізде «анау менің жұмысым, мынау сенің міндетің» деген қатып қалған қағида жоқ. Бәріміз жұмылып жолаушылардың қауіпсіздігін қамтамасыз етеміз, – дейді бригадир.Дәулеткерей Ибрагим теміржол жөндеуші &nbsp;болып тұрғанда релстерді шпалға кастелмен отырғызып, жолдың бойындағы басқа да ақауларды қалпына келтірумен ай¬налысқан. Қазір де бұл жұмыстар жалғасын тауып жатыр. Негізінен теміржолшылар шойынжолды көктемде және күзде жаңалап отырады екен. Бұл жолаушылар қауіпсіздігін қамтамасыз етуде маңызды рөл атқарғандықтан сала майтамандары осыған басымдық береді.&nbsp;– Релстер көктемде және күзде ауысып отырады. Бұдан кей адамдарда «содан кейінгі мезгілдерде не істейді» деген сауал туындауы әбден мүмкін. Теміржол-шылардың бір минут уақыты бос өтпейді, жаңа өздеріңіз де көріп отырсыздар, сіздер келгеннен қолы қалт еткен бір адам жоқ. Өзімізге белгіленіп берілген аумақта жолаушылардың қауіпсіздігін қамтамасыз етуде аянып қалмаймыз. Бұ біздің міндетіміз де, соған адал болу – әрқайсысымызға парыз. Қарапайым халыққа да малды жайылымға қараусыз жібермеуі үшін түсіндірме жұмыстарын жүргіземіз. Себебі қараусыз мал шойынжолдың бойына шығып мәселе туындауы мүмкін. Бетін ары қылсын, әзірге мұндай жағдайлар орын алған емес, бәлкім мұның барлығы түсіндірме жұмыстарының өз деңгейінде жүргізілгенінің арқасы деп ойлаймын. Әріптестерімнің әрқайсысының өзіне артылған міндеті бар, соған адал, сондықтан мен олармен мақтанамын, – дейді кейіпкеріміз.Иә, шойынжолдың бойында жай жүрген теміржолшы жоқ. Барлығы өз ісіне адал, «қайтсек қауіпсіздіктің алдын аламыз» деген сауалға жауап іздейді және осы жолдағы ізденісі де нәтижелі. Жолаушы не үшін жүргенін білер, бірақ сол қалың жұрттың қауіпсіздігі жолында қандай еңбек жүріп жатқанын бірі білсе, бірі білмес. Дәулеткерей бұған дейін салада еткен еңбегі үшін басшылық тарапынан бірнеше рет марапат төрінен де көрініпті. Алайда оған тоқмейілсіп, жұмысын баяулатқан ол жоқ, керісінше қолы жеткен марапаттан шабыт алып, шойынжолда шыңдалып келеді.

Шойын жолда шыңдалған теміржолшы

<a href="https://kyzylorda-news.kz/">Kyzylorda-news.kz.</a> Қазақстан Республикасының «2021-2025 жылдарға арналған кәсіпкерлікті дамыту ұлттық жобасы» жаңа бизнес-идеяларды іске асыруға мемлекеттік қайтарымсыз грантты иеленген адамдардың қатары көп.Солардың бірі Қазалы ауданының тұрғыны, көпбалалы әке Айбек Сүлейменұлы Нұрғазиев &nbsp;2023 жылы кәсіппен айналысу мақсатында «Бастау Бизнес» жобасы бойынша кәсіпкерлік негіздеріне оқып, аяқтау туралы электрондық сертификатын алған.Комиссияның мақұлданған шешімі негізінде 2023 жылдың наурыз айында өзінің «Пеноизол» (үй жайларға шатырларға пеноизол құяды) туралы бизнес-идеясын іске асыру мақсатында 400 еселенген айлық есептік көрсеткіш мөлшерінде грант жеңімпазы атанған.Қазіргі уақытта, қосымша жұмыс орнын ашып, бір адамды тұрақты жұмысқа қабылдап, өзінің кәсібін дамыту мақсатында жұмыс жасауда.Айта кетейік, Қызылорда облысындағы шағын және орта кәсіпкерлердің саны 37,5 пайызға ұлғайып, 72 685 бірлікке жеткен. Жалпы осы секторда жұмыспен қамтылғандардың саны 18 пайызға артыпты. Қазіргі таңда экономикадағы барлық жұмыспен қамтылғандардың шамамен 35 пайызы шағын және орта кәсіпкерлік саласында жұмыс істейді.Облыстық экономика және қаржы басқармасының басшысы Қамбарбек Мүбәраков 6 айдағы даму жоспарының орындалуы туралы баяндама жасаған болатын. Баяндамашы облыстық басқармалардың нысаналы индикаторларды орындау барысын саралап, әрбір көрсеткішке талдау жасады. Орындалмауы мүмкін көрсеткіштерді дәлелді түрде төмендету, 25 пайыздан асыра орындалатын көрсеткіштердің жоспарлы мәнін көтеру үшін тиісті салалық министрліктермен жұмыс атқаруды ұсынды.Орындалмауы ықтимал индикаторлар облыстық ауыл шаруашылығы және жер қатынастары, жұмыспен қамтуды үйлестіру және әлеуметтік бағдарламалар, денсаулық сақтау басқармаларына тиесілі. Аталған сала басшылары нәтижеге қол жеткізу үшін әрбір көрсеткішке талдау жасауы тиіс. Оларға орындалмау қаупі бар мәнді көрсеткіштерді дәлелді түрде төмендету немесе асыра орындалатын көрсеткіштердің жоспарлы мәндерін көтеру бойынша салалық министрліктермен жұмыс атқару тапсырылды. Барлық мемлекеттік орган басшыларының әр тоқсан сайын белгіленген индикаторлар нәтижесі бойынша есебі облыс әкімінің төрағалығымен өтетін мәжілісте қаралады.&nbsp;6 ай қорытындысымен шағын және орта бизнестің дамуы туралы облыстық кәсіпкерлік және өнеркәсіп басқармасының басшысы Исатай Аңсат баяндама жасады. Басқарма басшысының айтуынша, шағын және орта кәсіпкерлікте 77590 субъекті тіркелген. Кәсіпкерлік субъектілерінің өсу қарқыны бойынша облыс республикада 4 орында. Биыл кәсіпкерлікті қаржылай қолдауға әртүрлі көздерден шамамен 23 млрд. теңгеге жуық қаржы қарастырылды. Жарты жылда 2 мыңнан аса жобаға қаржылай қолдау көрсетілді. Облыс әкімі кәсіпкерлік және өнеркәсіп басқармасына шағын және орта кәсіпкерліктің негізгі макроэкономикалық көрсеткіштерінің өсімін қамтамасыз етуді және жалпы өңірлік өнімдегі үлесін 21,5%-ға арттыруды тапсырды. Сонымен қатар жауапты басқарма орта бизнестің үлесін 9 пайызға жеткізу бағытында нақты жұмыстарды үйлестірілуі керек.Жалпы Қызылорда облысында негізгі макрокөрсеткіштер бойынша өсім бар. Бұл туралы ҚР Премьер-министрі Әлихан Смайыловтың төрағалығымен өткен Үкіметтің селекторлық мәжілісінде 2023 жылғы қаңтар-маусым айларындағы әлеуметтік-экономикалық даму қорытындылары және республикалық бюджеттің атқарылуы, «Тарифті инвестицияға айырбастау» бағдарламасы, халықты жұмыспен қамтудың өңірлік карталарын жүзеге асыру барысы талқыланда айтылған болатын.Үкімет отырысында облыс әкімі Нұрлыбек Нәлібаев сөз сөйлеп, 2023 жылдың қаңтар-маусым айларында бірқатар негізгі макрокөрсеткіштер бойынша өсім қалыптасқанын атап өтті.Өңірде ауыл шаруашылығының жалпы өнімі 1,8 пайызға (36,2 миллиард теңге), инвестициялар тарту 23,1 пайызға (162,0 миллиард теңге), құрылыс жұмыстары көлемі 54,9 пайызға (53,7 миллиард теңге), көлік және қоймалау көлемі 5,9 пайызға (139,5 миллиард теңге), пайдалануға берілген тұрғын үйлер көлемі 2,1 пайызға (318,7 мың шаршы метр) және сауда көлемі 3,2 пайызға (325,3 миллиард теңге) артқан. &nbsp;Облыс әкімі есепті кезеңде өңдеу өнеркәсібінің көлемі 4,4 пайызға, оның ішінде химия өнеркәсібіндегі өндіріс көлемі 31,5 пайызға, тамақ өнеркәсібінде 11,1 пайызға, металлургия өнеркәсібінде 7,4 пайызға және жеңіл өнеркәсіпте 5,3 пайызға төмендегенін айтты. Өңдеу өнеркәсібінің өндіріс көлемін арттыру үшін өңірде Индустрияландыру бағдарламасы аясында құны 6,4 миллиард теңге болатын 4 жобаны жүзеге асыру жоспарлануда.&nbsp;

Қазақстан және Қызылорда облысының жаңалықтары