<a href="https://kyzylorda-news.kz/">Kyzylorda-news.kz</a> Мәдениет және ақпарат министрі Аида Балаева барша қазақстандықты Мемлекеттік рәміздер күнімен құттықтады, – деп хабарлайды<a href="https://aikyn.kz/267848/ministr-aida-balaeva-k-azak-standyk-tardy-memlekettik-r-mizder-kunimen-k-u-ttyk-tady"> Aikyn.kz.</a>Бұл туралы министр өзінің Facebook-тағы жеке парақшасында жазды.– Құрметті достар!Баршаңызды Мемлекеттік рәміздер күнімен құттықтаймын!Бұл біздің Тәуелсіздігіміздің басты атрибуттарына деген ерекше құрмет.Көк байрақ, Елтаңба мен Әнұран –халқымыз бен мемлекеттілігіміздің қасиетті нышандары.Біздің тарихымыз бен мол мәдени мұрамыз, Қазақстанның болашаққа деген ұмтылысы рәміздерден көрініс табады.Мемлекет басшысы мемлекеттік рәміздердің маңыздылығын бірнеше рет атап өтті.«Мемлекеттік рәміздерде бүкіл Қазақстан халқын біріктіретін, жалпыұлттық бірегейлігімізді нығайтатын құдыретті күш бар. Көк байрағымыз, Елтаңбамыз және Әнұранымыз – мемлекетіміздің мәртебесі, халқымыздың ар-намысы. Олар алға қарай нық қадам басып, биік мақсаттарға қол жеткізу жолында күш-жігер береді», – деді Президент.Мемлекеттік ту – Қазақстанның еркіндігін, ашықтығы мен адалдығын бейнелейтін нышан.Елтаңба біздің ғасырлар бойы жүріп келе жатқан тарихи жолымызды, халықтың бірлігі мен қуатын бейнелейді. Әнұран Отанға деген сүйіспеншілікті оятып, жүрекке мақтаныш сезімін ұялатады.Бүгінгі мереке тағы да құтты болсын!Елдігіміз баянды, тәуелсіздігіміз тұғырлы болсын. Көк туымыз көкте мәңгі желбірей берсін! - деді министр.&nbsp;Фото: aikyn.kz

Министр Аида Балаева қазақстандықтарды Мемлекеттік рәміздер күнімен құттықтады

<a href="https://kyzylorda-news.kz/">Kyzylorda-news.kz</a> «Қазақстан Республикасының Мемлекеттік рәміздері туралы» Конституциялық Заң 2007 жылдың 4 маусымында қабылданған еді. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде атап өтіледі, деп жазады&nbsp;<a href="https://egemen.kz/">Egemen.kz</a>.Мемлекеттік рәміздер – бұл кез келген мемлекеттің егемендігі мен біртұтастығын бейнелейті атрибуттар. Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып саналады.Қазақстан Республикасының Мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес.Қазақстан Республикасы Мемлекеттік туының авторы – Қазақстанның еңбек сіңірген өнер қайраткері Шәкен Ниязбеков.Қазақстан Республикасының Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде «Қазақстан» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ&nbsp; «Қазақстан» деген жазу – алтын түстес.Мемлекеттік елтаңбаның авторлары – белгілі сәулетшілер Жандарбек Мәлібеков пен Шот-Аман Уәлиханов.Бұрын «Менің Қазақстаным» әні ретінде танымал болған әнұран Президент Нұрсұлтан Назарбаевтың бастамасы бойынша 2006 жылы 6 қаңтарда еліміздің Парламентінде бекітілді. Бірінші рет ол 2006 жылы 11 қаңтарда Мемлекет басшысының салтанатты ұлықтау рәсімінде орындалды.Мемлкеттік гимнің авторы - Шәмші Қалдаяқов, сөзін жазғандар:&nbsp;Жұмекен Нәжімеденов,&nbsp;Нұрсұлтан Назарбаев.Фото: gov.kz

Бүгін - Мемлекеттік рәміздер күні

<a href="https://kyzylorda-news.kz/">Kyzylorda-news.kz</a> Қармақшы аудандық Оқушылар үйінде балаларды қорғау күніне орай «Алтын балалық шақ» декадасы аясында «Жас толқын» аулалық клубының ашылу мерекелік іс-шарасы өтті. Салатанатты мерекелік іс-шараға Қармақшы аудандық білім бөлімінің басшысы Гүлзира Абдазиева, аудандық білім бөлімінің әдіскері Ақтолқын Тоқшылықова және оқушылар үйінің ардагер-ұстазы Төлеш Мырзабаевтар қатысып, алдымен «Әлем – бала көзімен» тақырыбында оқушылардың асфальтқа және қағаз бетіне өз қиялдарын бейнелеген суреттерін тамашалады.Мұнан соң ойынға жаны құмар балғындар түрлі қызықты ойындар көрсетсе, «Robo kids» үйірмесінің мүшелері «Техно құбылыс» тақырыбында роботтар көрмесімен таныстырды. Сондай-ақ «Шебер қолдар» үйірмесінің шеберлері саз балшықтан құмыра жасап көрсетті. Сонымен қатар ғимарат ішінде «Ойы бөлектің жолы бөлек» тақырыбында дойбы сайысы мен «Жұлдыз бол!» интерактивті ойынына куә болды.Іс-шара соңында кеш қонақтары балғын бүлдіршіндерді мерекелерімен құттықтап, «Жас толқын» аулалық клубының алдағы жұмысына сәттілік тіледі. Мерекелік шара өнерпаздардың ән-биімен жалғасын тапты.

Қармақшыда  жаз маусымына орай «Жас толқын» аулалық клубы ашылды

<a href="https://kyzylorda-news.kz/">Kyzylorda-news.kz</a>Балалар күні мерекесіне орай Жосалы кентіндегі Д.Мырзағалиева көшесінде жаңадан салынған спорт және ойын алаңының ашылу рәсімі өтті. Іс-шараға Қармақшы аудандық мәслихат төрағасы Әділ Қошалақов, ардагерлер, кент әкімі мен бөлім басшылары және көше тұрғындар, балдырған балалар қатысты.Іс-шарада Жосалы кентінің әкімі Алмасхан Досмұратов, Жосалы кенті ардагерлер кеңесінің төрағасы Ерболат Ұзақбаев, спорт саласының ардагері Еркін Атабаев жиылған жұртшылықты мерекемен құттықтап, ізгі лебіздерін жеткізді. Сондай-ақ көше тұрғындарының атынан Кенішкүл анамыз ризашылығын жеткізсе, аудан ардагері Орынбасар Сариев балғын бөбектерді мерекесімен құттықтап, ақ батасын берді.Іс-шара соңында бүлдіршіндерге мерекелік сыйлықтар үлестіріліп, концерттік бағдарламамен жалғасты.Иә, кентіміз күн санап көркейіп келеді. Айта кетейік, соңғы 3 жылда аудан көлемінде 17 балалар және спорттық ойын алаңы салынып, пайдалануға берілген. Оның ішінде аудандық бюджет есебінен 10, демеушілер есебінен 7 ойын алаңы салынды. Биыл Жосалы кентіндегі Д.Мырзағалиева және Ә.Жаназаров көшелерінде балалар және футбол алаңдары пайдалануға берілсе, Т.Көмекбаев, Алдашбай ахун ауылдарында &nbsp;құрылыс жұмыстары &nbsp;жүргізілуде.&nbsp;

Жосалы кентінде балаларға арналған ойын алаңы бой көтерді

<a href="https://kyzylorda-news.kz/">Kyzylorda-news.kz</a> 1 маусым – Халықаралық балаларды қорғау күні – бұл баршамызға балаларымызды қорғаудың, олардың қауіпсіздікте болуының, амандығының маңыздылығын еске салатын ерекше күн. Жадыраған жаздың алғашқы күніндегі ең көркем мерекесі ауданымызда да аталып өтілді. Мереке қарсаңында Қармақшы&nbsp;аудан әкімі Жандос Еркінбек аудандық мәслихат, ардагерлер және қоғамдық кеңес төрағаларымен бірге ерекше балаларды мерекемен құттықтады.Аудан басшысы «Дәметкен ана» мүмкіндігі шектеулі балаларды оңалту, аудандық психологиялық-педагогикалык түзету және «Аңсаған» мүмкіндігі шектеулі балалар орталығында болып, онда тәрбиеленетін балалармен кездесті. Өз кезегінде аудан басшысы «Ерекше білім беруді қажет ететін балалар – қазіргі қоғамның ерекше бір бөлшегі. Оларға қашан да қолдау, қорғау барынша көмек қолын созу – біздің азаматтық борышымыз» деп балғын балаларға мерекелік жақсы көңіл күй сыйлап, бүлдіршіндерге тәттілер мен сыйлықтар үлестірілді. Сонымен қатар мерекелік кеште балалар аниматорлармен бірге ән айтып, би билеп, көңіл көтерді.Айта кетейік, қазіргі таңда ауданда 132 мүмкіндігі шектеулі балаларға 28 әлеуметтік қызметкер қызмет көрсетеді. Биылғы жылы жеке оңалту бағдарламасына сәйкес 1483 мүгедектігі бар тұлғаға, оның 418 мүгедектігі бар балаға протезді-ортопедиялық, сурдотехникалық, тифлотехникалық, жүріп-тұру және міндетті гигиеналық құралдармен қамтамасыз етілді.

 Қармақшылықтар ерекше балаларға ерекше көңіл күй сыйлады

Қармақшыда 14399 оқушы жазғы демалыспен қамтылмақ

<a href="https://kyzylorda-news.kz/">Kyzylorda-news.kz</a>&nbsp; 1966 жылдың күзі болу керек. Жосалы кентіндегі сол кездегі Клубная көшесі, №14-інші үйде әкеміз марқұм Айтбай мен анамыз Мамық Алматыдан агроном мамандығымен институт бітіріп келген жас жұбайлар Жұмағали ағамыз бен Раунақ жеңгеміздің құрметіне дастархан жайып, құрметтеген болатын. Анам бар тәтті-дәмдісін қойып, дастарханды жайнатып қойған еді.Үйде жеті бала бармыз: 5 ұл, 2 қыз. Үлкен апайымыз Әзиза мектептің 8 сыныбын бітіріп, Қызылорда қаласындағы М.Мәметова атындағы қыздар педагогикалық училищесінде оқыса, ағам Сағынбек, мен, інім Шәкіман мектеп оқушыларымыз. Інілерім Сайлаубек, Қалдыбек мектепке бармаған, кішіміз Әлима 3-4 айлық бесіктегі кезі. Әзиза апайымыз жаңа түскен Раунақ жеңгемізге арнап педучилищеде үйренген мондалина деген аспабымен «Келіншек» күйін орындап бергенін марқая еске алады. Мен де үйдегі үшінші баламын, 10 жастағы кезім. Дастархандағы тәттілерден ауыз тиіп, қонақтарға үйірсектеніп, осы кісілердей қашан институт бітіріп, келіншек алар екенбіз деп тамсанып қарап қоямын.Ағамыз сол кездегі Ленин атындағы кеңшарда (қазіргі Тұрмағамбет ауылы) агроном болып еңбек жолын бастаса, жеңгеміз сол шаруашылықтағы медпунктте медсестра қызметін жалғастырып жатты. Одан соң ағамыз сол кеңшарда агроном, бас агроном қызметтерін абыроймен атқарып, аудандық партия комитетінің басшылығымен осы кеңшардың Карл Маркс атындағы бөлімшесін 1980 жылы «Майлыөзек» атындағы кеңшар етіп құрып, оған директор болды. Елді мекеннің ауыл шаруашылық маманы, марқұм Нұрдәулет Маханов ағамыз айтқандай, Жұмағали ағамыздың қарым-қабілетінің арқасында шаруашылыққа қажетті агроном, су маманы, есепші-экономист, жер, мал мамандары өзінің туған ауылына көшіп келіп қоныстанды. Олардың жұмысының жүруіне қажетті МТМ, түрлі қойма мен қырман салынды, егістік жерлер агротехникалық жағдайларға келтірілді. Жаңа үлгідегі үйлер салынып, мамандар мен жұмысшыларына, мұғалім мен дәрігерлерге беріле бастады деген-ді.Мектеп директоры болған марқұм Елдес Ермаханов пен оқу ісінің меңгерушісі болған марқұм Жүрсін Қаймақбаевтың айтуы бойынша, бұрын орталау мектепте 90-100-дей оқушы оқыса, орта мектепке айналғаннан кейін 250-300-дей оқушы оқып, 40-қа жуық мұғалім-қызметкер жұмыс істеп, білікті мамандар қатары көбейіп, материалдық базасы нығайды деп айтып отыратыны бар-ды. Кеңшарда бала-бақша ашылып, оның жұмыс істеуіне қолайлы жағдай жасалды. Ауылдық кеңес, клуб, медпункт ашылып, бұл мекемелерде жұмыс істейтін мамандар үй-жаймен қамтамасыз етілді. Аудан орталығынан ауылға қатынайтын автобус маршруты ашылды. Егіс көлемі артып, ол жерлер агротехникалық талаптарға сәйкес жүйеленді. Тұрғындардың үйіргелік жер участоктеріне аяқ су келтіріліп, алма, алмұрт, сары өрік, қара өрік, жуа, сәбіз, сияқты қажетті жеміс-жидектер мен көкөністер егу қолға алынды. Одан басқа тұрғындарға кеңшар аумағынан қауын-қарбыз, қырыққабат, тағы басқа дақылдар егіп, өз қажеттерін қамтамасыз ететін жерлер бөлінді. Ауыл халқына жеке малының көбеюіне де қолайлы жағдай жасалып, олардың әлеуметтік-экономикалық жағдайының жақсаруына, қолайлы өмір сүруіне мүмкіндіктер молайды. Болашақ жоғары білімді мамандардың қатарын көбейтуде мектепті жақсы үлгіріммен бітірген түлектердің жоғары оқу орнына баруыга арнайы жолдама да қарастырылды. Кеңшарға қажетті тракторшы-көлік жүргізуші мамандарды қысқа мерзімді курстар ұйымдастыру арқылы шешті.Жұмағали Қасымов кеңшарға қажетті мамандарды таңдау мен орналастыру, оларды тәрбиелеуде ерекше құрметпен қараған. Мектеп, бала-бақша, клуб, медпункт секілді мекемелердің материалдық-техникалық базасының дамуына, ол мекемелерді аяқ сумен қамтамасыз етіп, айналасының көгалданып-көркеюіне, қыста жылумен қамтуда уақытылы отын-сумен қамтамасыз етуге және ол жерде қызмет ететін қызметкерлерге тұрақты көңіл бөлетін. Сол кезде кадр бөлімін басқарған, қазіргі уақытта құрметті еңбек демалысындағы зейнеткер Ағайша Нұрғалиева (кейін ауылдық кеңестің төрайымы болған) «Жұмағали ағай мамандар мен жұмысшыларға кемшіліктері үшін сөгіс беруден гөрі, ақыл-кеңесін айтып, ерекше қамқорлық жасап отыратын еді» деп еске алады.Іскер азаматтың Майлыөзек кеңшарын қалыптастыру мен дамытудағы қарым-қабілетін лайықты бағалап бірнеше рет аудандық, облыстық партия комитетінің Құрмет грамотасымен, Социалистік жарыстың жеңімпазы атағымен марапаттаса, кеудесіне «Ерен еңбегі» төсбелгісін тақты. Майлөзек кеңшарын 1980 жылы ұйымдастырып, қалыптастырып, оны дамытып алты жыл басқарды. Денсаулығына байланысты 1986 жылы Дауылкөл ауылдық кеңесінің төрағасы болып қызметке ауысып, өмірінің соңына дейін төраға қызметін атқарды.Оның балалық шағы да ашаршылықтан кейінгі уақытпен соғыс жылдарымен тұспа-тұс келіп, түрлі қиыншылықты бастан өткерді. Әкесі Қасым атамыз соғысқа кетіп қайтыс болса, анасы 1950 жылы қайтыс болып, ағасы Ертай екеуі жетім қалады. Сол кезде Кеңес үкіметі ағайынды екеуін балалар үйіне жібереміз деген жерінен Алмасбай атасының жігерлілігімен және сол кездегі ауылдың Байғұлы және тағы басқа ақсақалдардың қолдауымен балалар үйіне жібермеудің жолын іздейді. Алмасбай атамыздың Шәри деген қызының да күйеуі соғыстан келмей қалуына байланысты ауыл ақсақалдары жалғыз қалған Алмасбай ақсақал мен жетім қалған екі бала – Ертай мен Жұмағалиға бас-көз болып тамағын дайындап беруге Шәри апамызды енесінен рұқсат сұрайды. Апамыздың енесі де қамқорлық жасап, үлкен қызы Баян екеуін әкесі мен екі ұлды бағуға жібереді. Шәри апай әкесі, екі інісі және қызы Баянды қосып тәрбиелеп, олардың заманауи талаптарға сәйкес білім мен тәрбие алуына жағдай жасайды. 1970 жылы қайтыс болған Шәри апайды Ерекең мен Сұлу жеңгей, Жұмекең мен Раунақ жеңгей ақ жуып, арулап &nbsp;жер қойнына аттандырады.Осындай қиыншылықпен өскен Ертай мен Жұмағали ағамыз атпал азаматтар болып өсіп қалыптасты. Ерекең Ленин және Қуаңдария &nbsp;кеңшарларында ірі қара мал фермасында ферма меңгерушісі болып өмірінің соңына дейін қызмет атқарды. Сұлу жеңгемізбен бірге өмірге 11 бала әкеліп, білім мен тәрбие берді. Ұлдарын ұяға, қыздарын қияға қондырған көпбалалы отбасы болды. Өкініштісі, ағамыз өмірден ертерек кетті. Жеңгеміз ұрпақтарының ортасында батасын беріп, тілектерін тілеп отырған батыр, батагөй ана. Жұмағали ағамыз бен Раунақ жеңгеміз өмірге 6 ұл, 1 қыз әкеліп, олар да ұрпағын аялап өсірді. Көпбалалы өнегелі отбасы болды. Ағамыздың жас кезіндегі көрген көп бейнеті болар, өмірінің соңғы кезінде қант диабеті науқасына шалдығып дәрігерлердің дұрыс диагноз қоймауы себебінен аудандық туберкулез ауруханасында емделеді. Жан-жарының зерделеуінің арқасында ағамыздың дұрыс емделмей жатқанын біліп, маған айтқаны есімде. Мен ол кезде аудандық оқу бөлімінің меңгерушісі едім, қызметтес аудандық денсаулық сақтау бөлімінің меңгерушісі Әлиасқар Омаров ағамызға айтып, облыстық ауруханаға ауыстырып, ағайдың ұзағырақ өмір сүруіне ықпал еткен едік.Ардақты азамат ағайын-туғандардың тілеуін тілеп, олардың ортасында құрметке бөленген кісі. Сонымен қатар ұрпағының өсіп-өркендеуіне де қамқорлық жасап, аталық дәстүрді жалғастырып отыратын. Зайыбым Қалдыгүл екеуміз 1991 жылдың күзінде ағайдың үлкен ұлы Еркеғалидың үйленуіне байланысты Ленин кеңшарындағы отбасына құтты болсын айтып барған болатынбыз. Қонақ болып қайтар кезімізде ағай ниет қылып қызымыздың бір затын қалап алып қалған болатын. Ниеті қабыл болып, Еркеғали ініміздің келіншегі көп ұзамай сәбилі болды. Бұл олардың алғашқы немересі болатын. Қазір ағамыз бен жеңгемізден тараған інілеріміз бен қарындасымыз Қазақстанның түкпір-түкпірінде өз мамандықтары бойынша білікті маман болып еңбек етіп, лайықты құрметке бөленуде. Ұрпақ өсіріп отырған отбасы иелері. Еркеғали ағамыздың қара шаңырағына ие болып Тұрмағамбет ауылында еңбек етіп, немере сүйіп отырған ата. Зарипа қарындасымыз Ақтөбе облысындағы білікті ұстаз, бірнеше баланың анасы, отбасының ұйытқысы. Марат Қызылорда қаласында тұрғыны. Қаржы саласының білікті маманы. Отбасының қадірлі атасы. &nbsp;Мұрат Орал облысында құқық қоғау саласының қызметкері, өнегелі әке. Болат (марқұм) 1 ұл, 1 қызы ержетіп өсіп келеді. Нұркен Астанада кәсіпкер, өсіп-өркендеген отбасының қамқоры. Сәкен Ақтөбе облысында қаржыгер, ол өнегелі отбасының тірегі. Жеңгеміз Раунақ бұл күнде балаларының отбасын аралап қамқорлығын жасап, батасын беріп жүрген батагөй әже.Аудандағы Ленин кеңшарынан 2 кеңшар: Т.Көмекбаев (бұрынғы Жаңақала) және Алдашбай ахун (бұрынғы Майлыөзек) бөлініп шыққан. Жаңақала кеңшарын құрған Қаратай Қуаңбаев ағамыз болса, Майлыөзек кеңшарын қолымен құрған Жұмағали Қасымов ағамыз болды. Ол кісімен сол кездерде қатар «Қармақшы» кеңшарын ұзақ жыл &nbsp;басқарған, Қармақшы ауданының Құрметті азаматы Исағали Жұмағұлов ағамыз Жұмекең ағамыздың еңбегін құрметпен еске алады.Елінің өсіп-өркендеуіне бастамашы болып, өз алдына Майлыөзек кеңшары болып қалыптасуына ерекше еңбек еткен, 1939 жылы дүниеге келіп, 1994 жылы дүниеден өткен Ж.Қасымовтың туылғанына 85 және өмірден өткеніне 30 жыл болады екен. Осыған байланысты оны еске алу мақсатында ауданда, шаруашылықтағы мәдени ошақтар мен мектеп, клубтарда мәдени-көпшілік іс-шаралар ұйымдастырылып өткізілсе. Ер есімі – ел есінде ұзаққа сақталар еді. Мұндай тәрбиелік іс-шаралар жастарды отаншылдыққа, туған елін көркейтуге деген ұмтылысын арттыруға оң ықпал етер еді.Мұсахан БАСШЫБАЕВ

Ел үшін туып, елге еңбегі сіңген азамат 

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> &nbsp;Түркістан облысында жоғалған 10 айлық сәби табылды, – деп хабарлайды&nbsp;<a href="https://massaget.kz/basty-zhaalytar-438/108573/">Massaget.kz</a>.Таңғы сағат 9:00 шамасында Бәйдібек аудандық полиция бөліміне жергілікті тұрғын хабарласқан. Ер адам көше бойында 1 жасқа толмаған сәби бір өзі еңбектеп жүргенін хабарлады.Оқиға орнына бірден жеткен полицейлер бірінші кезекте кішкентай баланың жағдайын біліп, одан әрі сәбидің туыстарын іздеуге кіріскен.«Тәртіп сақшылары аудан көшелерін тексеріп, көрген-білгендерден сұрастырды. Нәтижесінде полицейлер бір сағат ішінде кішкентай бөбектің тұрғылықты мекенжайы мен анасын анықтады. Анасы үй шаруасымен жүргенде, 10 айлық бүлдіршін ашық тұрған есіктен еңбектеп шығып, үйінен ұзап кеткені анықталды», – деп жазылған хабарламада.Сурет: massaget.kz

Көшеде жалғыз өзі еңбектеп жүрген сәби табылды

<a href="https://kyzylorda-news.kz/">Kyzylorda-news.kz</a> &nbsp;Танымал коуч әрі блогер Роза Әшірбаева қыздарға кемінде 25 жасқа дейін қарым-қатынаста болмауды ұсынды, – деп хабарлайды&nbsp;<a href="https://massaget.kz/basty-zhaalytar-438/108543/">Massaget.kz</a>.<blockquote>«Менің ойымша, қыздарға кемінде 25 жасқа дейін қарым-қатынастың қажеті жоқ. Себебі білім алу керек, жұмыс істеу керек, тәжірибе болуы керек. Қарым-қатынаста бола тұрып білім алу үшін қыздарға жағдай жасалмайды. Кейбір қыздарға жағдай жасалады, кейбіріне жасалмайды. Тұрмысқа шықты ма, болды, ол тұрмысқа кіреді. Ол сол үйдің бүкіл тірлігіне кіреді. Егер екі студент үйленсе жігіт барып жүрген сабағына барып, кете береді. Тойдың ертесінде жігіт сол киімін киіп, сабағына кете береді. Ал қыз үйде ыдыс жуып қалады.Яғни екеуінде мүмкіндік екі түрлі. Қыз бала аса білім алмайды, ары қарай жұмыс істемейді. Бір баламен тоқтамайды, бірнеше бала болады, ал көзді ашып жұмғанша 30-ға келеді. Ол бұған дейін жұмыс істеп көрмеген, ақша тауып көрген жоқ. Ал жігіт білімін алды, дипломын алды, магистратура оқыды, жұмыс істеді, тәжірибе алды, оның қоғамда орны бар, қызда жоқ. Бірақ түбінде ер адам ажырасамын десе, басқа біреуді сүйіп қалса, ұрса қыз кете алмайды. Сондықтан айтарым, жап-жас болып күйеуге тиюдің қажеті жоқ. Ол жерде жақсы нәрсе жоқ», – дейді Роза Әшірбаева&nbsp;<a href="https://www.youtube.com/watch?v=nDy37uAY2Cg">JUZ40 ONLINE Youtube-арнасына</a>&nbsp;берген сұхбатында.</blockquote>Сурет: massaget.kz

«Жап-жас болып күйеуге тиюдің қажеті жоқ». Роза коуч қыздарға кеңес берді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы ауыл шаруашылығы саласы Сырдария өзені арқылы келетін су көзіне еріксіз тәуелді. 2020 жылдан бастап Нарын-Сырдария каскадында орналасқан су қоймаларында жинақталатын су көлемінің төмендігінен егістікке су алу науқаны кезеңдерінде Сырдария өзенінің төменгі ағысында су тапшылығы жағдайы жыл сайын күрделенуде. Бұл туралы &nbsp;«Қазсушар» РМК Қызылорда облысы филиалы директорының орынбасары Айдос Асанбаев өңірлік коммуникация орталығында өткен брифингте айтты.Биыл вегетациялық кезең басында Шардара су қоймасы мен Көксарай су реттегішінде жинақталған су көлемі өткен жылдан 0,6млрд.м3 кем болуынан ҚР Су кодексінің 82 бабының 2 тармағына сәйкес жылдың сулылығы болжамын ескере отырып, 3,7 млрд.м3 (водозабор) су пайдалану лимиті белгіленді (2023 жылы – &nbsp;3,8 млрд.м3 болған). Белгіленген су пайдалану лимитіне сәйкес Қызылорда облыстық Ауыл шаруашылығы және жер қатынастары басқармасымен 187,5 мың гектар жерге егіс орналастыру жоспарланса, оның ішінде 81,2 мың гектарына күріш дақылын егу межеленуде.<blockquote>−Қазіргі уақытта «Қазсушар» РМК Қызылорда филиалы &nbsp;тарапынан нақтыланған индикативтік жоспар мен белгіленген лимитке сәйкес су пайдаланушылармен келісім-шартқа отыру жұмыстарын жүргізуде. Соңғы ақпаратқа сәйкес филиал 760 су пайдаланушылармен (2023 жылы барлығы – 927 су пайдаланушы болған) 116,0 мың гектар егіс алқабына 2,665 млрд.м3 (водоподача) су көлемін (жоспар – 2,96 млрд.м3) жеткізіп беруге келісім-шарт жасалды.&nbsp; Сондай-ақ белгіленген су пайдалану лимиті мен нақтыланған индикативтік жоспарға сәйкес су пайдаланудың күнтізбелік жоспарын әзірлеп, кестеге сәйкес жұмыс жасауда, − деді ол.</blockquote>Вегетациялық кезеңде егіс алқаптарына 21 сәуірден бастап каналдар арқылы Сырдария өзенінен 1 194,3 млн.м3(водозабор) су алынып, су пайдаланушыларға 936,9 млн.м3 (водоподача) су нақты жеткізілген.Филиал тарапынан әзірленген күнтізбелік жоспарға сәйкес мамыр айының үшінші онкүндігінде Сырдария өзенінен магистралді және шаруашылықаралық каналдар арқылы 460,0 м3/с су алуы қажет болса, бүгінгі күні каналдармен нақты 460,0 м3/с су алуда. Облыс аумағында егілетін күріш дақылының көлемі 81,2 мың гектар болса, бүгінгі күні &nbsp; &nbsp; 80,1 мың гектары себіліп (98%), оның ішінде 73,2 мың гектары суға бастырылды.<blockquote>−Бүгінде су пайдаланушылардың суға сұранысын қамтамасыз ету мақсатында Қызылорда облысы әкімдігімен, аудан әкімдіктерімен тығыз қарым қатынаста жұмыс жүргізілуде. Сондай-ақ, аудандық өндірістік бөлімшелерінің барлық мамандары күндіз-түні егіс алқаптарына су жеткізіп беру бағытында жұмыс жасауда, −деді Айдос Әлібекұлы.</blockquote>Ал &nbsp;бүгінгі күні, Шардара су қоймасына секундына 660,5 м3 су түсуде, бұл өткен жылдан 555,3 м3 артық.&nbsp;Көксарай су реттегішінде жиналған су көлемі 302,2 млн.м3, өткен жылдан 138,02 млн. м3 кем. Қызылорда облысына секундына 654 м3 су жіберілуде.&nbsp;<blockquote>− Сырдария өзені арқылы түсіп жатқан су шабындық пен жайылымдық жерлерге және егістікке жіберілуде. 2023 жылдың 8 желтоқсанында Су ресурстары және ирригация министрлігімен бірге «Қызылорда облысындағы суармалы жүйелері мен гидротехникалық құрылыстарды &nbsp;қалпына келтіру жөніндегі кешенді жоспар» бекітілді.&nbsp; Кешенді жоспарға республикалық меншіктегі 26 магистралды және шаруашылықаралық каналдарды, 21 қашыртқыларды қайта жаңғырту, 144 тік дренажды ұңғымаларды қайта жаңғырту, каналдарды цифрландыру, автоматтандыру және басқа да су шаруашылығы саласын дамытуға бағытталған 37 жоба енгізілді, − деді Арал-Сырдария бассейндік инспекциясының басшысы Қайратбек Сәрсенбаев. &nbsp;</blockquote>Айта кетейік, өңірде «Қызылорда облысы, Жаңақорған ауданының Келінтөбе магистралды каналына су беретін канал» жобасы мен «Қызылорда облысы Жаңақорған ауданы Жаманбай батыр ауылдық округіндегі науалық суғару жүйесінің құрылысы» жобасын жүзеге асыруға биыл республикалық бюджеттен қаржы бөлініп, тиісті жұмыстар атқарылуда.Сонымен бірге, Су ресурстары және ирригация министрлігіне комуналдық меншіктегі 8 су шаруашылығы нысандарына күрделі жөндеу жүргізуге бюджеттік өтінім ұсынылды.

Қызылорда облысына секундына 654 м3 су жіберілуде

<a href="https://kyzylorda-news.kz/">Kyzylorda-news.kz</a> Оңтүстік Кореяның Йосу қаласында өтіп жатқан «Korea Glocal Education Fair – 2024» көрмесінде Зияткерлік мектептердің BeyimTech жүйесі көпшілік назарына ұсынылып, қатысушылардың қызығушылығын тудырды.Жәрмеңке сарапшылар мен білім беру көшбасшыларын, университеттер, колледждер, мектептер мен тіл орталықтарынан бөлек, әртүрлі білім беру мекемелерінің өкілдері мен студенттерді, ата-аналарды да қамтыды.Айтулы шарада «Назарбаев Зияткерлік мектептері» ДББҰ BeyimTech еншілес ұйымының директоры Нұрсұлтан Дүйсебаев Beyim жүйесіндегі Beyim.ai және Beyim Synaq цифрлық жобаларына жеке-жеке тоқталып, көрме қатысушыларына сандық технология көмегінің игіліктері жайында баяндады.Beyim.ai – бұл «Назарбаев Зияткерлік мектептері» ДББҰ стратегиялық серіктесі – Arizona State University-мен бірлесе әзірленген бірегей әдістеме бойынша құрылған желі. Оның ерекшелігі – Instagram әлеуметтік желісі сияқты ақпаратты ленталық түрде ұсынуында. Микрооқыту әдісі қолданылған бұл жобада авторлық құралдар, оқытудың жеке траекториясы, оқу аналитикасы және тағы да басқа мүмкіндіктер қарастырылған.Beyim Synaq – оқушыларға ыңғайлы уақытта және кез-келген жерде тестілеуден өтуге арналған баламасы жоқ жоба. Қолданбада ақысыз және ақылы тест нұсқалары бар.<blockquote>– Биылдан бастап NIS-ке тестілеу сынағын онлайн тапсыруға болады. Бұл мүмкіндікті 5530 үміткер пайдаланып үлгерді. Жаңа өнім бірқатар артықшылықтарымен ерекшеленеді. Жолға уақыт пен ақша жұмсаудың қажеті жоқ, басқа қалада, ауылда тұрып-ақ тестілеуден өтуге болады. Нәтижелерді күтудің де қажеті жоқ, олар тестілеу аяқталған бойдан бірден шығады. Бұл, ең алдымен, ауылдық және шалғай аудандардың оқушылары үшін ыңғайлы. Қазақстан ауданы бойынша Оңтүстік Кореядан 27 есе үлкен. Сондықтан мұндай жоба бізге қажет болды. Жаңа технологиялар қашықтықты қысқартуда, — деді BeyimTech директоры Нұрсұлтан Дүйсебаев.</blockquote>Өз кезегінде, Білім басқармасының мектепке дейінгі және бастауыш білім беру бөлімінің директоры Чхунчхунбукдо Чхэ Сук Хи көрмеге қатысқан Қазақстан өкілдері мен BeyimTech жобасының жұмысына сәттілік тіледі.

Қазақстан және Қызылорда облысының жаңалықтары