<a href="https://kyzylorda-news.kz/ru/">Kyzylorda-news.kz</a>. Биыл 31 наурызда Қазақстанда мәслихаттардың шығып қалған депутаттарының орнына сайлау өтеді, деп хабарлады <a href="https://halyq-uni.kz/">Halyq Uni тілшісі.</a>ОСК баспасөз қызметінің мәліметінше, «Қазақстан Республикасындағы сайлау туралы» Қазақстан Республикасы Конституциялық Заңының 101-бабы 3-1-тармағына сәйкес, шығып қалғандардың орнына мәслихаттар депутаттарын сайлау (қосымша сайлау) наурыздың соңғы жексенбісінде және (немесе) қазанның соңғы жексенбісінде бір мезгілде өткізіледі.2024 жылғы 31 наурыздағы жағдай бойынша қалыптасқан бос орындарды ескере отырып, республиканың 14 өңірінде (Абай, Ақмола, Ақтөбе, Алматы, Атырау, Жамбыл, Жетісу, Қарағанды, Қызылорда, Маңғыстау, Павлодар, Солтүстік Қазақстан, Түркістан, Шығыс Қазақстан облыстары) тиісті аумақтық сайлау комиссиялары 83 сайлау округінде мәслихаттардың шығып қалған депутаттарының орнына сайлау тағайындады.Барлығы 3 облыстық, 20 қалалық және 60 аудандық мәслихат депутаттары сайланатын болады.Сайлау туралы Конституциялық заңға сәйкес, мәслихат депутаттығына бірмандаттық аумақтық сайлау округтер бойынша сайланатын кандидаттарды саяси партиялар, қоғамдық бірлестіктер, сондай-ақ егер жарғыда тиісті өкілеттік көзделген болса, олардың құрылымдық бөлімшелері (филиалдары мен өкілдіктері) және өзін-өзі ұсыну арқылы азаматтар ұсынады.<blockquote>Мәслихат депутаты болып сайлану үшін азамат Конституцияның 86-бабының 3-тармағында белгіленген талаптарды қанағаттандыруға, сондай-ақ Конституцияның 33-бабының 2 және 3-тармақтарына және Сайлау туралы Конституциялық заңға сәйкес сайлау құқығына ие болуы тиіс. Осылайша, 20 жасқа толған Қазақстан Республикасының азаматы мәслихат депутаты болып сайлана алады. Сот іс-әрекетке қабілетсіз деп таныған, сондай-ақ сот үкімі бойынша бас бостандығынан айыру орындарында отырған азаматтар, сондай-ақ сотталғандығы белгіленген тәртіппен өтелмеген немесе алып тасталмаған, сыбайлас жемқорлық қылмыс және сыбайлас жемқорлық құқық бұзушылық жасаудағы кінәсін сот заңда белгіленген тәртіппен таныған адамдар сайлану құқығына ие бола алмайды, – делінген хабарламада.</blockquote>Мәслихаттардың шығып қалған депутаттарының орнына кандидаттарды ұсыну биыл 31 қаңтардан бастап 29 ақпанның сағат 18:00-ге дейін өтеді. Кандидаттарды тіркеу 5 наурызда сағат 18:00-де аяқталады.Қазақстан Республикасының сайлау заңнамасына сәйкес тиісті аумақтық сайлау комиссиялары шығып қалғандардың орнына сайлау округтері бойынша мәслихаттардың депутаттарын сайлауды тағайындайды. Округтік және учаскелiк сайлау комиссияларының қызметiне басшылық жасап, сайлау комиссияларының орналасқан жерi туралы сайлаушыларға хабарлайды және мәслихаттардың депутаттарын сайлауын ұйымдастыруды және өткізуді қамтамасыз етеді.Округтік сайлау комиссиялары бірмандаттық аумақтық сайлау округтері бойынша мәслихаттардың депутаттарын сайлауын ұйымдастыру мен өткізуді қамтамасыз етеді.Қазақстан Республикасының Орталық сайлау комиссиясы осы сайлауды ұйымдастыруды мен өткiзу кезiнде аумақтық сайлау комиссияларына әдiстемелiк басшылықты, сондай-ақ олардың қызметiнің Сайлау туралы Конституциялық заңының талаптарына сәйкестігін бақылауды іске асырады.

Өңірлерде депутаттар сайлауы өтетін болды

<a href="https://kyzylorda-news.kz/ru/">Kyzylorda-news.kz</a>. Қалалық білім бөлімінің хабарлауынша, ертең ауа райына байланысты 0-4, бастауыш сынып оқушылары қашықтан оқиды.&nbsp;Фото: Нұрболат Нұржаубай

Қызылордалық оқушылар онлайнға шығады

Фото: Диана Рысбекованың жеке қорынан<a href="https://kyzylorda-news.kz/ru/">Kyzylorda-news.kz</a>. Қызылордалық Диана Рысбекова №10 дарынды балаларға арналған «Білім-инновация» лицей-интернатын тамамдаған. Ұстаз болуды армандаған жас бүгінде Қорқыт Ата атындағы Қызылорда универститетінің «физика мұғалімдерін даярлау» мамандығы бойынша 3 курс студенті. Жан-жақты студент академиялық ұтқырлық бағдарламасы бойынша қазір Польшаның Лодзь университетінде ізденуде. Жақында осы бағдарламаның тиімді тұсын сұхбатқа арқау етті. - Диана, жастарды қанаттандыратын мүмкіндік жайлы айтып беріңізші... - Академиялық ұтқырлық бойынша шетелде оқып жүрген қазақ студенттері көп. Осы тұста жергілікті билік те шет қалмай, жастардың өзге елде білім алуына, ел-жер көріп, көкжиегін кеңеюіне қолайлы жағдай жасап отыр дей аламыз. Мысалы, біздің Польшадан бөлек Қытай, Корея, Бельгия елдерінде білім алуға мүмкіндігіміз бар. Алайда бағдарламаның темірдей тәртіп, талабы бар. IELTS сертификатыңыз немесе TOEFL ITP сертификатыңыз болуы қажет. Егер болмаған жағдайда университет қабырғасында тапсыра аласыз. Қалған құжаттар тізбегін жинау өте оңай. Бұған кураторлар, эдвайзерлер бағыт-бағдар береді. - Сізге талап үдесінен шығып, кезеңдерден сүрінбеуіңізге не нәрсе көмектесті? - Менің ойымша, ағылшын тілінде еркін сөйлей алуым пайдасын тигізді. Осы орайда «Ыбырай» қоғамдық қорына алғыс білдіргім келеді. Университетте сабақтар қазақ тілінде өткен соң, ағылшын тілі екінші орында тұрды. 1 курстың соңында осы қордың бар екенін біліп, онда ағылшын тілін тегін үйрететіне қуандым. Оның арқасында тегін тіл үйреніп қана қоймай, дамушы орта таптым. Осы ортаға араласуым да академиялық ұтқырлық бағдарламасы бойынша білім алуыма сеп болды. - Демек, тіл білген тілегіне жетеді дейсіз ғой. Польша мемлекетінің білімі несімен ерекшеленеді? - Польшада дәрістер еркін форматта. Салыстырмалы түрде біздің елде дәстүрлі формада. Әр сабақ лекция немесе практика негізінде өтеді. Аптасына 1 күн және 1 сағат 30 минут. Бұл біз үшін таңқаларлық жайт болды. Әр оқытушының баға қою тәсілі де әртүрлі. Көбіне тақырып алып, жоба қорғаймыз. Бұл механизм арқылы студент білімнің тек өзіне ғана керектігін түсінеді деп ойлаймын. - Мұғалімдерге Польшада жағдай жасалған ба? - Оқытушыларымыздың айтуынша, қазір мұнда ғылымға қызығатын студент қат. Мұғалім боламын дейтіндер де азайып келеді. Польшаның қалаларында біздегідей мұғалім мәртебесіне мән берілмеген. Қарапайым қалаларда жалақы да мәз емес. Тек Варшавада мұғалімдерге &nbsp;жалақы жақсы төленеді екен. - Алдағы уақытқа жоспарыңыз қандай? - Елге келгеннен кейін университет пен «Ыбырай» қоғамдық қорындағы оқуымды әрі қарай жалғастырамын. Достарыма, жалпы студенттерге шетелдегі тәжірибені тарқатамын. Себебі, болашақ ұстаз ретінде білгеніммен бөлісуім маңызды. - Сұхбатыңызға рақмет!Сұхбаттасқан Азамат Абимолда

Қызылордалық студент Польшада мұғалімдерді қолдау қандай деңгейде екенін айтты

Фото: Polisia.kz<a href="https://kyzylorda-news.kz/ru/">Kyzylorda-news.kz</a>. Қазақстандық өзінің бүйрегін 18 мың АҚШ долларына сатпақ болған деп хабарлайды Kyzylorda news ақпарат агенттігі &nbsp;Polisia.kz &nbsp;сайтына сілтеме жасап.Қазақстандық өз ағзасын 18 мың АҚШ долларына бағалап, кездейсоқ сатып алушыға интернет арқылы сатуға тырысқан. Автордың жазбасына Ақмола облысының ПД ұйымдасқан қылмысқа қарсы күрес басқармасының қызметкерлері назар аударып, донормен байланысқа шықты. Бірнеше апта бойы полицейлер арнайы жедел-іздестіру іс-шараларын жүргізді. Нәтижесінде трансплантация жасау және ақша беру кезінде күдікті ұсталды.&nbsp;Алғашқы тергеу әрекеттері аясында полицейлер ер адамның Ақтөбе қаласының тумасы, бірақ Елордада тұратынын анықтады. Күдікті мұндай қадамға баруының себебін ойынға тәуелділіктен жиналған көлемді қаражатты табу үшін барғанын айтқан. Бұл факті бойынша тергеу жүргізіліп жатыр.

Қарызды төлеу үшін бүйрегін сатпақ болған

<a href="https://kyzylorda-news.kz/ru">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен өткен Арал ауданының даму жоспарын қарау жөніндегі кеңесте аудан әкімі Аманжол Оңғарбаев атқарылатын жұмыстарды баяндап, бірнеше жобаны жүзеге асыруды ұсынды. Оның айтуынша, биыл ауданда 14 құрылыс жүргізіліп, 54 жоба-сметалық құжаттама әзірленуде және бірінші кезекте жоба әзірлеуді қажет ететін 35 бағыт анықталған. Бұдан бөлек, демеушілік есебінен 120 млн. теңгеге жуық қаржыға 30 жоба дайындалуда. Олар – 24 әлеуметтік нысанды газдандыру, 3 абаттандыру жобасы және «Ерімбетжаға», «Тастүбек» елді мекендерін ауыз суға қосу, теміржол вокзалы ғимаратын қайта жаңғырту.«Хан» елді мекені тұсындағы қалқымалы көпірді 328 млн. теңгеге қайта жаңғырту 2022 жылы басталды. Қазір қайта түзетулер жасалуына байланысты мемлекеттік сараптамадан өткізілуде. Аудан тұрғындары үшін маңызды жобаға түзетулер енгізіліп, жол мәселесі толық шешілген. Қалқымалы көпір мердігер мекеме есебінен 80-85 пайыз аяқталған.«Нұрлы жол» мемлекеттік бағдарламасы аясында 5 жоба жүзеге асырылады, яғни, «Қызылжар-Шөмішкөл», «Самара-Шымкент-Бекбауыл», «Аққұлақ елді мекеніне кіреберіс», «Самара-Шымкент-Қамыстыбас-Аманөткел-Жаңақұрылыс», «Қаратерең-Жаңақұрылыс» автомобиль жолдары салынуда.Моно және шағын қалаларды дамыту бағдарламасы негізінде өткен жылы басталған теміржол үстінен өтетін аспалы көпірдің құрылысы жалғасын тапты. Биылға республикалық және облыстық бюджеттен қосымша 1,7 млрд. теңге бөлінді. Алайда, жобалаушы автор тарапынан ескерілмеген жұмыстарға байланысты қайта есептемелер жүргізу үшін жоба-сметалық құжаттамаға түзетулер мен толықтырулар енгізілуде. Алдын ала болжам бойынша шамамен 800 млн. теңге қаржыға қажеттілік туындауы ықтимал.Сексеуіл кентіндегі 40 орындық аурухана құрылысы 2019 жылы басталған, қазір қабырғасын қалау 90% біткен. Былтыр «Көктем» елді мекеніндегі медициналық бекет салынып, бүгінде пайдалануға беруге құжаттары әзірленуде.Сексеуіл кентін «көгілдір отынға» қосу 2022 жылы басталды. Жұмысты жалғастыруға биыл облыстық бюджеттен 88,1 млн. теңге бөлінді. Толық аяқтау үшін республикалық бюджеттен 290,1 млн. теңге және Ұлттық қордан 436,1 млн. теңге қажет етіледі. Сондай-ақ, өткен жылы басталған Арал қаласындағы №4 шағын ауданға газ желісін тартуды жалғастыруға республикалық бюджеттен 310,8 млн. теңге, облыстық бюджеттен 30 млн. теңге қажет.<img src="https://knadmin.beoblood.kz/uploads/417453264_685533097101271_6068368979644531255_n_49916cc50a.jpg" alt="417453264_685533097101271_6068368979644531255_n.jpg"><img src="https://knadmin.beoblood.kz/uploads/417464129_685533337101247_3184106540989321538_n_12b78f9782.jpg" alt="417464129_685533337101247_3184106540989321538_n.jpg">

Арал ауданында 120 млн. теңгеге жуық қаржыға 30 жоба дайындалуда

<a href="https://kyzylorda-news.kz/ru">Kyzylorda-news.kz.</a> Үкімет шегірткемен күреске 4 млрд теңгеге жуық қаржы бөлді деп хабарлайды Kyzylorda news ақпарат агенттігіШегірткенің жаппай таралып кетуінің алдын алу үшін 3,9 млрд теңге бөлінді. Премьер-Министр Әлихан Смайылов тиісті қаулыға қол қойды.<blockquote>Елімізде соңғы жылдары үйірлі шегірткелердің таралу алаңының ұлғайғаны байқалады: 2020 жылы – 514 мың га, 2021 жылы – 626 мың га, 2022 жылы – 975 мың га. 2023 жылы таралу алаңы 1 585 мың га болады деп болжанғанымен, іс жүзінде 1 616 мың га өңделді, — деп жазылған хабарламада.&nbsp;</blockquote>Фото: Нұрболат Нұржаубай

Шегірткемен күреске 4 млрд теңге бөлінді

<a href="https://kyzylorda-news.kz/ru">Kyzylorda-news.kz.</a> &nbsp;Астана әуежайында ұшақтардың түнде ұшып-қонуына шектеу қойылады деп хабарлайды Kyzylorda news ақпарат агенттігі <a href="www.ktk.kz">www.ktk.kz</a> сайтына сілтеме жасап.&nbsp;1 мамырдан бастап Астана әуежайына күрделі жөндеу жүргізіледі. Осыған байланысты түнгі уақытта ұшып-қонуға шектеу қойылады. Бұл шектеу 8 айға созылады.<blockquote>Бірқатар келіссөздердің, ауа райы болжамының, әуежайдың әртүрлі уақыт аралығындағы жүктемесін зерделей келе, жолаушылар үшін туындайтын қолайсыздық салдарын азайту мақсатында түнгі уақытта күрделі жөндеу жүргізу туралы шешім қабылданды. Осылайша, 2024 жылғы 1 мамырдан 24 желтоқсанға дейін жергілікті уақыт бойынша сағат 22:00-ден 06:00-ге дейін Астана қаласының әуеайлағында әуе кемелерінің ұшып-қонуына шектеу қойылады. Бұл шара әуежай ұсынатын қызметтердің сапасына кері әсер етпейді», - деп жазылған Көлік министрінің ресми хабарламасында.</blockquote>

Әуежайда ұшақтардың түнде ұшып-қонуына тыйым салынады

<a href="https://kyzylorda-news.kz/ru">Kyzylorda-news.kz.</a> «Жұмыртқа неге қымбат?» деген сауалға Сауда және интеграция министрі жауап берді.Ресей өкілі Қазақстаннан жұмыртқа сұрағаны есіңізде шығар? Мәжіліс кулуарында журналистер Сауда және интеграция министрі Арман Шаққалиевке «Жұмыртқа неге өзімізде қымбат?», «Экспорт жасау дұрыс па?» деген сауалдарды қойды.<blockquote>Маусымдық өсім бар. Бізде 5 млрд 100 млн-ға жуық жұмыртқа өндіретін 34 зауыт бар. Еліміз 5 миллиардқа жуық жұмыртқа жейді. Сол себепті зауыттың қосымша экспорт жасауына мүмкіндігі бар, — деп жауап берді министр.</blockquote>Арман Шаққалиев жұмыртқаның қымбаттап жатқанын «Маусымдық динамика» деп түсіндірді.<blockquote>Әр өнімнің өзіндік салмағы бар. Маусымдық динамикаға үйрену керек, жазда арзандап, қыста қымбаттайды. Дүрбелең тудырудың қажеті жоқ, — деді министр.</blockquote>

Министр жұмыртқа бағасының қымбат болуын түсіндірді

Фото: Kyzylorda news<a href="https://kyzylorda-news.kz/ru">Kyzylorda-news.kz.</a> Астанада 4 оқушы 8-ші сыныптың қызын зорлады деген айыппен қамауға алынды деп хабарлайды Kyzylorda news ақпарат агенттігі.Астана полициясы қылмыстық кодекстің 121-бабының 4-бөлігі бойынша сотқа дейінгі тергеп-тексеру басталғанын хабарлаған. Ішкі істер министрі Астанада 8-ші сынып оқушысын зорлаған төрт күдіктінің ұсталғанын растады.<blockquote>Өкініштісі, бұл дерек тіркелді. Күдіктілер бірден ұсталды. Төрт күдікті де кәмелет жасқа толмаған. Қазіргі уақытта қылмыстық іс қозғалды, — деді Ержан Сәденов.&nbsp;</blockquote>

8-ші сынып оқушысын зорлады деген айыппен 4 күдікті ұсталды

Фото: Kyzylorda news<a href="https://kyzylorda-news.kz/ru">Kyzylorda-news.kz.</a> Қызылорда қаласында 9 жылға бас бостындығынан айырылған жазасын өтеушіге тәтті сусынның ыдысына ішімдік құйып әкелген деп хабарлайды Kyzylorda news ақпарат агенттігі.Қызылорда облысы бойынша Қылмыстық-атқару жүйесі департаментінің №60 мекемесінің №1 бақылап өткізу бекетінде ҚР КҚ-нің 106-бабының 3-бөлігімен жазасын өтеушіге ұзақ мерзімді кездесуге жақындары алып келген сәлем-сауқатты тексеру барысында «Макси чай» сусынының ішіне спиртті ішімдік құйып алғаны мәлім болды.<blockquote>Орын алған әрекет бойынша Н. есімді азамат ҚР ӘҚБтК-нің 481-бабының 1-бөлігімен кінәлі деп танылып, әкімшілік жаза ретінде ескерту жасалды, – деді мекеменің жедел бөлімінің жедел уәкілі С.Омаров.</blockquote>

Сотталушыға жақыны ішімдік әкелген

<a href="https://kyzylorda-news.kz/ru">Kyzylorda-news.kz.</a> &nbsp;Әне-міне дегенше, қыстың екі айы да артта қалды. Көпшілік асыға күтетін көктем мезігіліне дейін&nbsp;ақпан айы бар. Бұл айда жұлдызнама иелерін не күтіп тұр? Кімнің жолы болады? Кім денсаулығына мән беруі керек? Bugin.kz тілшісі әзірлеген материалдан оқып біліңіздер.Тоқты (21 наурыз – 20 сәуір)&nbsp; Ақпан айы тоқтылар үшін игі бастамалар мен шығармашылық жетістіктерге толы&nbsp;кезең&nbsp;болмақ. Өз амбицияңызға назар аударыңыз және жауапкершілік&nbsp;алудан қорықпаңыз. Денсаулыққа да мән беріңіз.&nbsp;Сондықтан жұмыспен бірге демалуды да естен шығармағаныңыз жөн.Торпақ (21 сәуір – 21 мамыр)&nbsp; Ақпанда торпақтардың&nbsp;даму жолында жаңа мүмкіндіктер ашылады. Осының арқасында жаңа дағдыларды үйреніп, рухани кемелденуіңіз мүмкін. Қаржылай жағдайыңызды да реттеп жүріңіз.Егіздер (22 мамыр – 21 маусым)&nbsp; Ақпан&nbsp;егіздерге коммуникативті энергияның үлкен дозасын сыйламақ. Жаңа таныстықтарға дайын&nbsp;болыңыз. Шығармашылық жағыңызға назар аударыңыз. Өз&nbsp;идеяңызды айтудан қорықпаңыз.Шаян (22 маусым – 22 шілде) Ақпанда шаяндардың жеке өмірінде&nbsp;маңызды өзгерістер болады. Сол себепті сезіміңізді ашық білдіруден жасқанбаңыз.&nbsp;Үйдегі жайлылықты сақтауға көп көңіл бөліңіз.Арыстан (23 шілде – 23 тамыз) Ақпан&nbsp;– арыстандардың жарқырап, шығармашылығын жария ететін кезі. Жүрек түкпіріндегі дүниелер үшін тәуекелге барыңыз және әлемге ерекшелік сыйлаңыз. Оптимист болып, жаңа биіктерге ұмтылыңыз.Бикеш (24 тамыз – 23 қыркүйек)&nbsp; Ақпан бикештерге өзін дамытуға және білімін кеңейтуге мүмкіндік береді. Осы білім мен дамуға көңіл бөліп, адамдармен қарым-қатынасты жақсартуға көңіл бөліңіз. Сонымен қатар демалуды да естен шығармаңыз.Таразы (24 қыркүйек – 23 қазан) Ақпанда таразылар жан рахатына бөленеді. Жолдасыңызбен бірге дамуға және ортақ қызығушылықтарыңызды табуға көңіл бөліңіз.&nbsp;Бірлесіп жүзеге асыруға болатын жаңа жобалар мен идеяларды қарастырыңыз.Сарышаян (24 қазан – 22 қараша)&nbsp; Ақпан айында сарышаяндар энергияға толы болып жүреді. Мақсатыңызға&nbsp;назар аударыңыз және табысқа жету үшін бар күшіңізді пайдаланыңыз. Денсаулығыңызға мұқият болып, күйзеліс кезіндегі жағдайыңызды реттеуді үйреніңіз.Мерген (23 қараша – 21 желтоқсан) Ақпан – мергендер үшін көңіл көкжиегін&nbsp;кеңейтетін уақыт. Саяхат, оқу және жаңа тәжірибе сізге жаңа мүмкіндіктер сыйлайды. Оптимист болыңыз және өз күшіңізге сеніңіз.Тауешкі (22 желтоқсан – 20 қаңтар) Ақпан тауешкілердің мансабын&nbsp;жақсартып, күш-жігерін&nbsp;мойындатуға мүмкіндік береді. Кәсіби тұрғыда өсуге және уақытты реттеуге назар аударыңыз. Басқалардың қолдағанына шынай түрде&nbsp;риза болыңыз.Суқұйғыш (21 қаңтар – 18 ақпан)&nbsp; Ақпанда суқұйғыштар шығармашылық тұрғыда ашылады. Идеяңызды айтудан қорықпаңыз, дамудың&nbsp;жаңа формаларына ашық болыңыз. Энергияңызды маңызды жобалар үшін үнемдеңіз.Балықтар (19 ақпан – 20 наурыз)&nbsp; Ақпанда балықтар&nbsp;өзін іштей зерттеп, тани түседі&nbsp;Эмоционалды&nbsp;жай-күйіңізге назар аударыңыз және шығармашылық қабілетіңізді ашыңыз. Түрлі тәжірибелер мен&nbsp;жаңалықтардан қашпаңыз.

Ақпан айына арналған жұлдызнама

Фото: ашық дереккөзден<a href="https://kyzylorda-news.kz/ru">Kyzylorda-news.kz.</a> Экология және табиғи ресурстар министрлігі 2024 жылы орал популяциясындағы 200 мың және бетпақдаладағы 100 мың ақбөкенді атуға рұқсат берілгенін мәлімдеді.Ақбөкендерді жою мерзімі 2024 жылдың 10 қаңтарынан 29 ақпанына дейін ұсынылды. Биыл қыркүйек айынан қараша айына дейін ақбөкендер санын реттеу бойынша жүргізілетін шаралар жалғасады, — деп хабарлады министрлік. &nbsp;

Қазақстан және Қызылорда облысының басты жаңалықтары