Kyzylorda-news.kz. Бүгін ҚР Премьер-министрі Олжас Бектеновтің төрағалығымен өткен Су тасқынына қарсы іс-шараларды үйлестіру және су тасқыны кезеңінің зардаптарын жою жөніндегі республикалық штабтың отырысынан кейінгі мәжілісте &nbsp;облыс әкімі Нұрлыбек Нәлібаев жауапты сала басшыларына су тасқынына қарсы жұмыстарды күшейтуді тапсырды.Адам қауіпсіздігі бірінші кезектегі мәселе болғандықтан, бұл бағыттағы жұмыстар қатаң бақылауда ұсталуы тиіс.<blockquote>"Мемлекет басшысы Қасым-Жомарт Кемелұлы &nbsp;барлық өңірде су тасқынына қарсы жұмыстарды күшейту, ең бастысы, азаматтардың қауіпсіздігін қамтамасыз ету жөнінде тапсырма берді. Жағдайды қалыпқа келтіріп, &nbsp;шұғыл шаралар қабылдау үшін Республикалық штаб құрылды. Осы жылдың 6 &nbsp;наурызынан бері Қызылорда қаласы аумағында мұз жүре бастады. Атап айтсақ, "Жетікөл-жарма" каналының сағасынан төмен 15 шақырым жерден бастау алды. 22 наурыздан бері облыс аумағындағы Сырдария өзенінің беті мұздан толықтай тазарды. Елді мекендерді су басу қаупі жоқ. Бұған дейін бірнеше мәрте мәжіліс өткізіліп, мемлекеттік органдарға тиісті тапсырмалар берілді. Су деңгейін әуеден бақыладық. Дегенмен, апат айтып келмейді. Барлық жағдайға дайын болуымыз қажет. Соңғы күндері жаңбыр молынан жауды. Сол себепті су тасқынының алдын алу жұмыстарын қатаң бақылауда ұстау қажет", - деді Нұрлыбек Нәлібаев.</blockquote>Мәжілісте облыстық жұмылдыру дайындығы басқармасына су тасқынына қарсы іс-шаралардың «Жол картасына» енгізілген 5 ірі жоба бойынша республикалық бюджеттен қаржы бөлу жұмыстарын пысықтау міндеті жүктелді. «Қазсушар» Қызылорда филиалы &nbsp;теңгеріміндегі су қоймаларының техникалық жағдайына қатысты зерттеулер қорытындысына сүйеніп, қауіпсіздікті қамтамасыз етуге &nbsp;жауапты болмақ.Ал, облыстық табиғи ресурстар және табиғат пайдалануды реттеу басқармасына Жаңақорған ауданы әкімдігімен бірлесіп, "Қыраш" және "Көлтоған" су қоймаларының қауіпсіздігін қатаң бақылауға алу, "Бесарық" су қоймасынан түсетін суды қабылдауда "Манап" су қоймасының су қабылдау қауіпсіздігін қамтамасыз ету тапсырылды.Сонымен қатар Жаңақорған ауданының әкімі Мұрат Тілеуімбетовке тау бөктерінен түсетін қарғын суды тиімді пайдалану үшін жасанды су қоймаларын салу жолдарын зерделеп, ұсыныс енгізу, Арал ауданының әкімі Аманжол Оңғарбаевқа су тапшылығының жылдан-жылға күрделенуіне байланысты «Құмсай» су қоймасын тиімді пайдалану шараларын қарастыру міндеті қойылды.Сондай-ақ, облыстық ветеринария басқармасы мал басын өзектендіру жұмыстарын күшейтуі, &nbsp; облыстық ауыл шаруашылығы және жер қатынастары басқармасы жем–шөпті жеткілікті мөлшерде қамтамасыз ету жұмыстарын қолға алуы керек. Облыстық төтенше жағдай департаментінің, облыстық табиғи ресурстар және табиғат пайдалануды реттеу басқармасының мамандары ертең облыс аумағындағы барлық су қоймаларының жағдайын зерделеп, қажет болса ұсыныстар енгізуі тиіс.<img src="https://knadmin.beoblood.kz/uploads/FB_IMG_1711874279583_c1edb4bfe3.jpg" alt="FB_IMG_1711874279583.jpg"><img src="https://knadmin.beoblood.kz/uploads/FB_IMG_1711874283693_d2d0134901.jpg" alt="FB_IMG_1711874283693.jpg">

Аймақ басшысы су тасқынына қарсы жұмыстарды күшейтуді тапсырды

Kyzylorda-news.kz. Облыс әкімдігі жанындағы сыбайлас жемқорлыққа қарсы іс-қимыл &nbsp;жөніндегі комиссия отырысында аймақтағы спорт саласына жүргізілген сыртқы талдау нәтижелері талқыланып, проблемалық мәселелер мен «Қайсар» футбол клубының қаржылық жағдайы пысықталды.Талдау нәтижесімен мамандардың жұмысқа орналасуына, &nbsp;спортшылардың іссапар шығындарының мақсатты жұмсалуына, спорт клубтарының жұмысын ұйымдастыруға қатысты бірқатар кемшіліктер анықталды.Осыған орай, аймақ басшысы тиісті лауазымды тұлғаларға аталған кемшіліктерді шұғыл түрде қалпына келтіріп, кінәлі қызметкерлерді жауапкершілікке тарту туралы тапсырма жүктеді. Спорт – ұлт саулығының кепілі. Осы орайда, спорт саласын дамыту жұмыстары жалғасуда. 2023 жылы 23 желтоқсанда облыстық дене шынықтыру, спорт және туризм басқармасы құрылды. Басқарма - барлық мемлекеттік қолдау шараларын жүзеге асыратын мемлекеттік орган. Өткен жылы атқарылған жұмыстардың арқасында өңір халқының 39%-ы бұқаралық спортпен айналысуға мүмкіндік алып, олардың саны 328 597 (ауылдық жерде 192 535) адамға жетті. Бұл көрсеткіш алдыңғы жылмен салыстырғанда 12 497 адамға артқан.Өңірде спорттық инфрақұрылыммен қамтамасыз ету 44%-ға өсті. Инфрақұрылымды одан әрі дамыту, халықтың дене шынықтыру және спортпен айналысуын ынталандыру үшін аймақта заманауи спорт нысандарының саны артып келеді."Балалар жылы" аясында 80 балалар және спорт алаңы пайдалануға берілді. Өткен жылы республикалық және облыстық бюджеттерден &nbsp;5 458,1 млн. теңгеге 13 спорт кешенінің құрылысы жүргізіліп, 9 кешен қолданысқа берілді. Сол жағалаудан халықаралық талапқа сай келетін, жүзу бассейні бар дене шынықтыру-сауықтыру кешенінің, осы жылы үстел теннисі орталығының құрылысы басталды.Жақын күндері еуропалық стандарттарға сәйкес келетін, 10 000 адамға арналған заманауи Орталық &nbsp;стадионның құрылысы жүргізілуде. Спортшыларымыздың &nbsp;нәтижесі көңіл &nbsp;қуантарлық. &nbsp;ҚР Ұлттық құрама командасына облыстан 552 спортшы енген.Бүгінде 2024 жылдың басты спорттық додасы - Олимпиада және Паралимпиада ойындарына 2 жолдама бар. Дүбірлі додада Қ. Қоңқабаев бокстан, Э. Қасқабаев, Ш. Медеуов отырып ойнау волейболынан ел намысын қорғайтын болады. «Қайсар» командасын қаржыландыру мәселесі өзекті.60 жылға жуық тарихы бар Сырдың бас футбол командасының жанкүйерлері жыл санап артып келеді.Биылғы маусымда Сыр спортының жанкүйерлері «Қайсардан» жақсы жаңалықтар күтеді. Жергілікті футболды дамытуға жан-жақты қолдау көрсетілуде.Былтырдан бері команда жұмысын ұйымдастыруда бірінші кезекте бюджет қаражатын үнемдеу әрі сапаны арттыру міндеті қойылды.Өткен жылы футбол клубына 1,2 млрд теңге қаралып, &nbsp;«қайсарлықтар» Премьер-лиганың турнирлік кестесінде 6-орынды иеленді. Бұл алдыңғы жылдардағы бөлінген қаражатпен салыстырғанда біршама төмен, &nbsp;әйтсе де көрсетілген нәтижені мамандар да, жанкүйерлер де жақсы деп бағалады.Бұған дейін 2018 жылы футбол клубына 3 млрд теңге бөлініп, 2019 жылы 4,15 млрд теңге бөлінген.Облыс әкімі &nbsp;«Қайсар» футбол командасының құрамында ойнайтын легионер ойыншылардың жалақысы жоғары екенін ескеріп, келесі жылдан бастап команда сапына жергілікті ойыншыларды тартуға және жас футболшылар клубын дамытуға күш жұмсалуы &nbsp;қажет екенін айтты.Келесі жылы "Қайсарға" мүмкіндігінше жергілікті ойыншыларды тарту жолдарын қарастыру, жақсы нәтижелерге жету талабы қойылмақ.<img src="https://knadmin.beoblood.kz/uploads/FB_IMG_1711812705033_7a89330c34.jpg" alt="FB_IMG_1711812705033.jpg">

Биылғы маусымда жанкүйерлер «Қайсардан» жақсы жаңалық күтеді

Kyzylorda-news.kz. Синоптиктер Қазақстан бойынша 31 наурызға арналған жалпы ауа райы болжамын жариялады.<blockquote>"Қазақстанның басым бөлігінде атмосфералық фронтальды бөліктердің өтуіне және циклон әсеріне байланысты тұрақсыз ауа райының құбылысы сақталады, негізінен жауын-шашын болады деп болжанады. Еліміздің оңтүстігі мен оңтүстік-шығысындағы таулы аймақтарда қатты жауын-шашын, атап айтқанда, қар аралас жаңбыр жауады. Сондай-ақ, еліміздің оңтүстігінде тұман түседі, оңтүстік шығысында найзағай ойнайды, солтүстік батыста, солтүстікте, орталықта көктайғақ болады деп болжанды", &nbsp;деп хабарлайды&nbsp; "Қазгидромет" РМК баспасөз қызметі.</blockquote>

31 наурызға арналған ауа райы болжамы 

Бүгін Қызылорда өңірінде мәслихаттардың шығып қалған депутаттарының орнына сайлау басталды.Аймақта сайлау науқаны 3 округ бойынша Қызылорда қаласында және Арал, Жаңақорған аудандарында ұйымдастырылуда. Барлық округ бойынша 37 мыңнан аса сайлаушы дауыс беруге құқылы.&nbsp;3 округте 27 учаскелік комиссия жұмыс жасайды. Мұнда 189 комиссия мүшесі сайлау процесіне жауапты.&nbsp; Барлық учаскелер талапқа сай жабдықталды және жасырын дауыс беруге арналған кабиналар пердемен қамтамасыз етілген. Сондай-ақ, мүгедекті бар азаматтар үшін қолайлы жағдай жасалды.&nbsp; Таңғы сағат 7.00-де барлық учаскелер ашылып, дауыс беруге кірісті. Тұрғындар таң сәріден келіп, өздері қалаған кандидатқа дауыс беріп, таңдауларын жасады. Учаскеге бірінші болып келген қарт сайлаушы Нұрғали Мүсіпов сайлау науқандарына тұрақты түрде қатысып келе жатқанын және бұл әрбір тұрғынның азаматтық жауапкершілігі екенін жеткізді. &nbsp; Сондай-ақ, ең алғаш келген және тұңғыш рет дауыс беруге құқылы сайлаушыларға сыйлық берілуде. Дауыс беру кешкі сағат 20.00-ге дейін жалғасады.&nbsp; Айта кету керек, Қызылорда облысының мәслихат депутаттығына 3 кандидат, Арал аудандық мәслихаты депутаттығына 3 кандидат, Жаңақорған аудандық мәслихаты депутаттығына 4 кандидат тіркелген.<img src="https://knadmin.beoblood.kz/uploads/IMG_20240331_WA_0019_565236eb23.jpg" alt="IMG-20240331-WA0019.jpg"><img src="https://knadmin.beoblood.kz/uploads/IMG_20240331_WA_0023_6eca0157ca.jpg" alt="IMG-20240331-WA0023.jpg"><img src="https://knadmin.beoblood.kz/uploads/IMG_20240331_WA_0020_7f651439d4.jpg" alt="IMG-20240331-WA0020.jpg">

Қызылорда өңірінде мәслихаттардың шығып қалған депутаттарының орнына сайлау өтуде

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың төрағалығымен және құқық қорғау органдарының бірінші басшыларының қатысуымен облыс әкімдігі жанындағы сыбайлас жемқорлыққа қарсы іс-қимыл жөніндегі комиссия отырысы өтті.Комиссия отырысында әртүрлі нысаналы топтар деңгейінде декомпозицияланған ақпараттық жұмыс жоспарының орындалуы, ауыл шаруашылығы жерлерін бөлу, осы саланы субсидиялауда сыбайлас жемқорлық тәуекелдерінің алдын алу мәселелері қаралды.Сонымен қатар, облыстың спорт саласына жүргізілген сыбайлас жемқорлық тәуекелдеріне сыртқы талдау нәтижелері, құрылыс мерзімі ұзаққа созылған объектілердің қазіргі жағдайы және проблемалық нысандардың санын қысқарту бойынша атқарылған жұмыстар талқыланды. Күн тәртібіндегі мәселелерден бөлек, білім беру саласындағы жемқорлық тәуекелдерімен күреске қатысты қосымша ұсыныстар айтылды.Жиында облыс әкімі жауапты сала басшыларына ауыл шаруашылығы жерлерінің нысаналы мақсатына сай пайдаланылуын қадағалауды және субсидиялауға бөлінген бюджет қаражатын тиімді игеруді тапсырды. Оған қоса, спорт саласына жүргізілген сыртқы талдау нәтижелері бойынша анықталған кемшіліктерді жою, құрылыс мерзімі ұзарған және тапсырылуы кешіктірілген әлеуметтік нысандардың сапалы аяқталуын қамтамасыз ету міндеті жүктелді.

Сыбайлас жемқорлыққа қарсы күрес комиссиясының отырысы өтті

<a href="https://kyzylorda-news.kz/">Kyzylorda-news.kz</a> Үкімет басшысы адам өмірін сақтап қалу және апат зардаптарын азайтудың басты мәселе екенін айтты.ҚР Премьер-министрі Олжас Бектенов ТЖМ-нің Дағдарыстық жағдайларда басқару орталығында төтенше жағдайлар министрі Шыңғыс Әріновтің есебін тыңдады. Аумақтық ТЖД-лар бейнеконференцбайланыс режимінде қосылды, деп хабарлайды&nbsp;<a href="http://inbusiness.kz/">inbusiness.kz&nbsp;</a>сайты Үкіметтің баспасөз қызметіне сілтеме жасап.ТЖМ деректері бойынша әкімдіктермен бірлесіп, 2,3 млн текше метрден астам ағын су шығарылып, 162 мыңнан астам құм толтырылған қапшық және 31 587 тонна инертті материал төселді. Апаттық-құтқару жұмыстарына 6 349 адам, 2 192 техника, 689 сорғы құралы және т.б. жұмылдырылды.<blockquote>"Бұл – соңғы жылдардағы ең үлкен су тасқыны. Қазір бастысы – адам өмірін сақтап қалу және апат зардаптарын азайту. Кейін жекелеген лауазымды тұлғалардың өз қызметтік міндеттеріне салғырт қарауының ықтимал фактілерін анықтау мақсатында егжей-тегжейлі тексеру жүргізілетін болады. &nbsp;Мен бұл мәселені Бас прокурормен талқыладым. Бүгінде барлық күш су тасқынына қарсы жұмыстарға жұмылдырылды. Бірқатар өңірде&nbsp;ТЖ режимі жарияланды. Менің бірінші орынбасарым Роман Васильевич Скляр ең қатты зардап шеккен өңірлерде жүр",&nbsp;— деді Олжас Бектенов.</blockquote>Үкімет басшысы сондай-ақ солтүстік өңірлерде де су басу қаупі бар екенін атап өтті. Бұған дейін Солтүстік Қазақстан облысындағы су тораптарының жағдайы тексерілген болатын.Үкімет басшысы сондай-ақ солтүстік өңірлерде де су басу қаупі бар екенін атап өтті. Бұған дейін Солтүстік Қазақстан облысындағы су тораптарының жағдайы тексерілген болатын.

Олжас Бектенов: Бұл – соңғы жылдардағы ең үлкен су тасқыны

Үкімет неге педофилдерге жаппай химиялық кастрация жасаудан бас тартты

<a href="https://kyzylorda-news.kz/">Kyzylorda-news.kz</a> Көктемгі су тасу кезеңінде Су ресурстары және ирригация министрлігі су қоймаларына тасқын суын жинауды көзделіп отыр, деп хабарлайды El.kz ақпарат агенттігі.&nbsp;Ол үшін алдын ала республикалық меншіктегі барлық су қоймаларында тасқын суын қабылдау үшін бос орын дайындалды. Қазіргі уақытта барлық су қоймалары су жинау тәртібінде жұмыс істеп жатыр. Оның ішінде:&nbsp;- Еліміздің солтүстігінде ірі су қоймалары орта есеппен 68%-ға толды, бұл өткен жылмен салыстырғанда 7%-ға артық;- Оңтүстікте бұл көрсеткіш 80%-ды құрайды;- Батыста, орта есеппен су жинау көрсеткіші 71%, бұл былтырғыға қарағанда 6%-ға көп;- Шығыстағы су қоймалары орта есеппен 60%-ға толы, бұл бір жыл бұрынғыдан 9%-ға артық;- Орталық Қазақстанда бұл көрсеткіш 66%-ды құрайды.

Көктемгі тасқын кезінде су қоймаларын толтыру көзделуде

<a href="https://kyzylorda-news.kz/">Kyzylorda-news.kz</a> &nbsp;ҚР Премьер-Министрі Олжас Бектенов ТЖМ-нің Дағдарыстық жағдайларда басқару орталығында төтенше жағдайлар министрі Шыңғыс Әріновтің есебін тыңдады. Аумақтық ТЖД-лар бейнеконференцбайланыс режимінде қосылды, деп хабарлайды primeminister.kz.<img src="https://primeminister.kz/storage/vh/R8/kc/vhR8kck8066pjqiNP3IhCIfXg9JzLBonKqyxA72n.jpeg">ТЖМ деректері бойынша әкімдіктермен бірлесіп, 2,3 млн текше метрден астам ағын су шығарылып, 162 мыңнан астам құм толтырылған қапшық және 31 587 тонна инертті материал төселді. Апаттық-құтқару жұмыстарына 6 349 адам, 2 192 техника, 689 сорғы құралы және т.б. жұмылдырылды.<blockquote>«Бұл – соңғы жылдардағы ең үлкен су тасқыны. Қазір бастысы – адам өмірін сақтап қалу және апат зардаптарын азайту. Кейін жекелеген лауазымды тұлғалардың өз қызметтік міндеттеріне салғырт қарауының ықтимал фактілерін анықтау мақсатында егжей-тегжейлі тексеру жүргізілетін болады. &nbsp;Мен бұл мәселені Бас прокурормен талқыладым. Бүгінде барлық күш су тасқынына қарсы жұмыстарға жұмылдырылды. Бірқатар өңірде&nbsp;ТЖ режимі жарияланды. Менің бірінші орынбасарым Роман Васильевич Скляр ең қатты зардап шеккен өңірлерде жүр» , — деді Олжас Бектенов.</blockquote><img src="https://primeminister.kz/storage/X2/Gx/ys/X2Gxys3C0aZePxOBtnGPcLs7Y2U2BmLKyCTCgnnh.jpeg">Үкімет басшысы сондай-ақ солтүстік өңірлерде де су басу қаупі бар екенін атап өтті. Бұған дейін Солтүстік Қазақстан облысындағы су тораптарының жағдайы тексерілген болатын.<img src="https://primeminister.kz/storage/T6/Om/7o/T6Om7oGoeus7b0YKMA8eBin66IeYd3UwfK009sur.jpeg">ТЖМ басшылығына еліміздің барлық өңіріндегі жұмыстарға бақылауды күшейту тапсырылды.Фото: primeminister.kz.

Олжас Бектенов: «Қазір бастысы – адам өмірін сақтап қалу және апат зардаптарын азайту»

<a href="https://kyzylorda-news.kz/">Kyzylorda-news.kz</a> Сот билігі Қазақстан Республикасының атынан жүзеге асырылады. Судья сот төрелігін іске асыру кезінде тәуелсіз және Конституция мен заңға ғана бағынады. Ал заң мен сот алдында жұрттың бәрі тең.Сот жүйесінің қызметі ҚР Конституциясының VII бөлімінде және «Қазақстан Республикасының сот жүйесі мен судьяларының мәртебесі туралы» ҚР Конституциялық заңында айқындалған. Соттың мәртебесі, оның беделі мен тәуелсіздігі мемлекеттегі заң үстемдігінің, сонымен қатар, жеке азаматтардың құқықтары мен бостандықтарының нақты көрсеткіші болып табылады. Сот билігінің негізгі міндеті – қоғам мен мемлекет өміріндегі туындайтын жанжалдар мен дауларды шешу, бұзылған құқықтарды қорғау, құқықтық тәртіпті реттеу. Сондықтан Қазақстан Республикасында сот төрелігін тек сот қана жүзеге асырады.&nbsp;Сонымен бірге, Конституцияда: «Тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне байланысты немесе кез келген өзге жағдаяттар бойынша ешкімді ешқандай кемсітуге болмайды» деп шегеленіп көрсетілді. Бұл да өркениетті, құқықтық мемлекетте адам құқығының басты назарда екенін дәлелдейді. Сондықтан даудың ақ-қарасын ажыратып, тура төрелік етуші судья өзінің әділ шешімі арқылы халықтың сотқа ғана емес, мемлекетке деген сенімін қалыптастыруы міндет. Азаматтардың құқығы мен бостандығын мінсіз қорғап, елде заң үстемдігін орнату үшін отандық сотта түрлі реформалар қолға алынды. Соның ішінде алқабилер сотының енгізілуі, «Медиация туралы» заңның қабылдануы, мамандандырылған соттардың пайда болуы, судьялықтан үміткерлерге қойылатын талаптың күшейтілуі, жария-құқықтық дауларды сапалы шешу үшін Әкімшілік рәсімдік-процестік кодексінің қабылдануы секілді бастамалардың барлығы саланы жаңа биікке көтеріп, жұмысын жандандырды, сот құрылымына үлкен өзгеріс әкелді. Мұнын барлығы заң үстемдігі тұжырымдамасы ешкімнің заңнан жоғары бола алмайтындығын айқындайды.Халқымызда «Тура биде туған жоқ, туғанды биде иман жоқ» деген қағида бар. Мұның мағынасы билік айтушы ешкімді алаламайтын адал, қара қылды қақ жарған әділ болуы керек дегенге саяды. Сондықтан, әділдікті ту еткен кешегі дана билеріміздің дара жолын далғаған бүгінгі судьялар таразы басын тең ұстап, әділ төрелік жолында абыройлы еңбек етіп келеді.Жасыратыны жоқ, басқа мамандық иелері қателессе, түзетуге болар, ал сот аяғын шалыс баса қалса, жазықсыз жанға, бүтін бір отбасына қасірет әкелері айдан анық. Бұндай жағымсыз жайттың тұтас сот жүйесінің беделіне нұқсан келтірері де сөзсіз. Сондықтан басқа-басқа судьяға қателесуге әсте болмайды. Халық төреліктен адалдықты, әділдікті, заңдылықты, біліктілікті көре білсе ғана сотқа деген сенімі артып, сот беделі нығайатыны анық. Осы тұрғыда қазір бұрынғыдай емес, сотқа, сот шешімдеріне халықтың сенімі арта түсті. Оның да өзіндік себебі бар. Өйткені осы салада соңғы жылдары ауқымды реформалар жүргізіліп, сот жүйесі заман үдерісімен сай дамыды.Мемлекет басшысы Қасым-Жомарт Тоқаев 2020 жылы 23 қазанда ҚР судьяларының VIII съезіне қатысып, еліміздегі сот жүйесінің дамуы және судьялардың мәртебесі туралы ойларымен бөлісті. Президент атап өткен мәселенің түйінін тарқататын болсақ, соттың әділ және тазалық принциптеріне берік болуы үшін қоғам мен мемлекет бірлесе күш жұмсауы қажет. Президент Съезде жасаған баяндамасында судьялардың кәсіби деңгейі мен сот ісінің сапасына тоқтала келіп, бірқатар басымдықтарды алға қойды.&nbsp;Президенттің Кеңесте берген тапсырмасынан кейін сот реформасын заңнама тұрғысынан қамтамасыз ету үшін сот жүйелері мен судьяларының мәртебесіне қатысты бірқатар заң жобалары мақұлданды. Атап айтқанда, сот жүйесі мен судьяларының мәртебесіне қатысты Конституциялық заңға түзетулер енгізілді. Сот жүйесін жаңғырту туралы заң жобасында инвесторлар қатысатын дауларды қарау сатылығы қайта қарастырылды. Сонымен қоса, «Әкімшілік құқық бұзушылық туралы» Кодекске бірқатар өзгерістер енгізіліп, оны «Қазақстан Республикасының сот жүйесі мен судьяларының мәртебесі туралы» заңына сәйкес келтіруге бағытталды.&nbsp;Жоғарыда атап өткен ауқымды реформалардың нәтижесінде сот жүйесінің көп сатылығы жойылды, судьялардың кадрлық іріктеу жүйесі жаңғыртылды. Судьялар әдебінің жаңа кодексі қабылданып, тараптарды бітістіру рәсімдері мен дауларды соттан тыс реттеу тетіктерін жетілдіру қолға алынды. Сондай-ақ сот жүктемесі азайтылды, сот актілерін ұғынықты тілде түсіндіру тәжірибесі енгізілді, жаңа электрондық сервистер мен жобалар іске қосылды, сот жүйесінің материалдық базасы нығайтылды, өңірлерде фронт кеңселер ашылды. Бұл батыл қадамдар мен сан-салалы жұмыстар сот жүйесін белсенді дамытудың жаңа қырын қалыптастырып, судьялардың жұмысына тың серпін бергені анық.&nbsp;Тағы бір айта кететін жайт, 2019 жылдың 03 ақпанында заңды күшіне енген «Қазақстан Республикасының кейбір заңнамалық актілеріне меншік құқығын қорғауды күшейту, төрелік, сот жүктемесін оңтайландыру және қылмыстық заңнаманы одан әрі ізгілендіру мәселелері бойынша өзгерістер мен толықтырулар енгізу туралы» Заңы күшіне енді. Бұл Заңмен 42 заңнамалық актіге, оның ішінде 11 кодекске меншік құқығын қорғауды күшейтуге, төрелікті дамытуға, сот жүктемесін оңтайландыруға және экономикалық қылмыстарды ізгілендіруге бағытталған түзетулер енгізілді. Заңнама негізінде жалпы түзетулердің бес тобын қарастырады. Осының ішіндегі түзетулердің екінші тобындағы заңнаманы халықаралық актілердің ережелеріне сәйкес одан әрі келтіру ұсынылатын «Төрелік туралы» Заңды қолдану практикасында бар проблемаларды шешуге бағытталған. Сондай-ақ, заң төрелік шешімді орындаудан бас тартудың негізі төрелік құрамының заң талаптарына сәйкес келмеуі ғана емес, сондай-ақ осы құрамның тараптардың келісіміне сәйкес келмеуі болып табылатындығы туралы нормамен толықтырылады.&nbsp;Осындай мақсаты айқын міндеттердің нәтижесінде қазір сот саласы уақыт талабына сай жаңа деңгейге көтерілді. Сот судьялары мыңдаған адамның тағдыры мен дауын шешiп, олардың құқығы мен бостандығын қорғау жолындағы жанкешті еңбектің нәтижесінде халықтың сотқа деген сенімі нығайды. Оның да өзіндік себебі бар. Мәселен сот залына кірген судья бір сәтке ағайын-туыс, жора-жолдас атаулыны ұмытып, тек заңға ғана бағынып, ар-ұятына ғана жүгінеді. Сот үшін бұлжымайтын ереже ар-ұяттан, адамшылықтан аттамау. Ар-ұятпен бірге айтылатын тағы бір қасиетті ұғым – ар-иман. Абай атамыз айтқандай: «Иман сақтауға қорықпас жүрек, айнымас көңіл, босанбас буын керек». Себебі бізге келген кісілер «мен әділет үйіне келдім, ол жерде мені күтеді, түсінеді, қабылдайды, мәселемді әділ шешеді» деп келеді. Сондықтан біз осындай құрмет пен сенімді ақтап, өз қызметімізді тиісті дәрежеде атқару, халықтың сотқа деген сенімін арттыру біздің басты міндетіміз һәм парызымыз десек те артық айтқандық емес.Алиби ЗЕЙНУЛЛА,Қызылорда қаласының №2 сотының судьясыФото: Нұрболат Нұржаубай

Судья – сот жүйесіндегі басты тұлға

<a href="https://kyzylorda-news.kz/">Kyzylorda-news.kz</a> Соңғы&nbsp;жылдары&nbsp;Жалағаш&nbsp;ауданында&nbsp;білім&nbsp;саласына&nbsp;ерекше&nbsp;қолдау&nbsp;көрсетілуде.&nbsp;Қуантарлығы, мұндай қарқынды қолдаудың нәтижесі бар. Бұл сөзімізді түрлі байрақты бәсекелерде жалағаштық спортшылардың топ жарып жатқаны қуаттайды.&nbsp;Ауданға қарасты барлық ауылдық елді мекенде кемінде 1 спорттық үйірме жұмыс жасайды екен. Нәтиже де жоқ емес, бүгінде үлкен додаларда топ жарып жүрген балалардың басым бөлігі сол үйірмелерде жаттығып, салаға алғаш қадам басқандар. Бір жағынан ауыл балаларының бос уақытын тиімді пайдалануға да мүмкіндік туып отыр.&nbsp;Жуырда Жалағаш ауданының Еңбек ауылдық округіне жолымыз түсті. Ауылдағы көне нысаннан көптеген оқушының шығып жатқанын байқап, аялдауды жөн көрдік. Бақсақ, бұл балаларды спортқа баулитын бокс үйірмесі екен. Сыртынан қараған жанға көне нысан ауылдан көшіп кеткен біреудің қараусыз үйі сияқты. Бірақ үйірме жетекшісімен тілдескенімізде елді мекендегі шағын залда шымырлардың шыңдалып жатқанын байқадық.&nbsp;Руслан Ысқақ 7 жылдай бокспен айналысып, республикалық, халықаралық додаларда топ жарған. Тіпті кезінде 66-69 келі салмақта аймақта қарсылас шақ келтірмеген. Спорт шеберлігіне үміткер өзі секілді тәжірибелі былғары қолғап шеберлерін шыңдауға саналы ғұмырын сарп етуді көздеп, бүгінде бапкер болып ауыл балаларын боксқа баулып жүр.&nbsp;Бокс спорттың ең күрделі һәм қауіпті саласы десе де болады, рас, дзюдо, қазақ күресі, футбол, футзал, баскетбол, волейболдың да өз қиыншылықтары бар, алайда аяқасты оқыс қимыл жасамасаң, оғын тап болмасың анық. Ал бокс ше, онда дөп тиген бір соққыдан кейде майып болып жатқандарды да көріп жатырмыз. Міне, осы тұрғыда былғары қолғап шеберлерін дайындайтын бапкерлерге үлкен жауапкершілік жүктеледі. Кез келген адамның салаға қадам баспайтыны да сондықтан. Русланмен тілдескенімізде жас та болса білікті бапкер екеніне көзіміз жетті.&nbsp;3 жылдан бері балаларды спортқа баулып жүрген кейіпкеріміз Еңбектегі шағын залда бастапқыда 3 топпен жұмыс жасағанын айтады. Әдепкіде үйірме құрамында 42 бала болыпты. Кейін 1 топ қысқарып, қазір мұнда 39 бала жаттығып жатыр.&nbsp;Білікті бапкер үйірмеге оқушыларды 10-12 жастан бастап қабылдайды. Мұнда 18 жасқа дейінгі балалардың жаттығуына барлық жағдай жасалған. Руслан балаларды келе сала шаршы алаңда шыңдап, оларды алдымен бокстың түрлі айла-тәсілдеріне баулиды. Ауыл тұрғындары да кейіпкеріміздің жұмысын жоғары бағалап отыр. Бір жағынан жергілікті халық мұндай үйірмелер балалардың бос уақытын тиімді пайда­лануда таптырмас мүмкіндік дейді.&nbsp;<blockquote>– Бұрын ауылда үйірме жоқ кезде балаларымыздың бос уақыты телефонмен өтетін. Ал спортпен жастайынан айналысқан баланың денсаулығы да мықты болатынын жақсы білеміз. Алайда балаларды оған баулитын ауылда үйірмелер жоқ еді. Қазір ше, ауылда бокс үйірмесінің жұмыс жасап тұрғанына 3 жылдай болды. Бапкер ініміздің де жұмысын жоғары бағалаймын. Менің&nbsp;балам да осы үйірмеде жаттығып жатыр. Нәтиже де жоқ емес, бүгінге дейін аудандық, облыстық және республикалық жарыстарда жүлделі орындардан бой көрсетіп жүр. Мұның барлығы спортқа мемлекеттің жасаған қолдауының арқасы. Біздің кезімізде мұндай үйірмелер мүлде болған жоқ. Ауыл балалары көше бойында жүгіруді спортпен шұғылдану деп түсінетін едік. Тіпті біз ойнайтын ашық алаңдар да болған жоқ. Қазір мүлде басқа, осындай үйірмелердің арқасында ауылдан шыққан таланттар тасада қалмайды. Себебі ондай олқылыққа жас та болса Руслан секілді білікті бапкерлер жол бермейді, – дейді ауыл тұрғыны Ажаркүл Баймаханова.&nbsp;</blockquote>Осы үйірмеден жаттығып жатқан балалардың алды 3 жылда түрлі додаларда топ жарған. Мәселен, Нұрдәулет Жанатұлы республикалық турнирде үшінші орын алып, спорт шеберіне үміткер атанды. Ал Ерхан Молдағали Қармақшы ауданында өткен республикалық турнирде үшінші орын алса, дәл осы додада Нұрдәулет Жанатұлы күміс медалға қол жеткізді. Қазір білікті бапкердің дүбірлі додаларда топ жарған басқа да шәкірттерін тізе берсек, өз алдына бір еңбекке жүк болары анық. Міне, шалғай ауылдағы шағын залдан шыңдалған балалардың осындай жетістігі бар.&nbsp;<blockquote>– Шәкірті жарыстарда топ жарып жатса, оған қуанбайтын ұстаз жоқ. біз де сол сияқтымыз. Балаларымыз кішкентай жетістікке жетсе, қуанып қаламыз. Бірақ оған тоқмейілсуден аулақпын. Керісінше олардың талабын әлі де шыңдауға басымдық беремін. Нәтижесі де жоқ емес, балаларымның алды республикалық турнирлерде топ жарып жүр. Алда үлкен жарыстар күтіп тұр. Оларға да менің балаларым қатысады. Қазір соған дайындық үстіндеміз. Үйірме мүшелерін келе сала бірден шаршы алаңда жекпе-жекке шығару үлкен қателік деп есептеймін. Біз ең алдымен балаларды аяққа еркін тұруды, секіруді үйретеміз. Сәл қыздырынып, әрі қарай бірнеше күн жаттығуды жалғастырады. Тұлпардың да алдымен қыздырынып алғаннан кейін тынысы ашылады ғой, балалар да сол секілді, ең алдымен түрлі айла-тәсілді меңгеріп алғаннан кейін жекпе-жекте нәтиже көрсетеді. Бұған өзімнің 7 жылдық тәжірибемде көз жеткіздім, – дейді Руслан Ысқақ.</blockquote>Айта кетейік, Еңбек ауылдық округіндегі бокс үйірмесінде үлкен топтағы ба­лалар 6 күн жаттығып, білікті бапкерден тәлім алады. Ал кіші топтар аптасына 3 күн жаттығады. Оларды Руслан Ысқақ күніне 1,5 сағат спортқа баулиды.&nbsp;Иә, шағын ғана залда үйірме жұмысы ширақ, бүгінгі сапарымызда осыған көзіміз жетті. Бокспен айналыспасақ та спорттың бұл түріне қызығушылық басым. Сондықтан ба, жаттығу кезінде балалардың спорттың бұл түрінің түрлі айла-тәсілін еркін меңгергені байқалып тұр.&nbsp;Расында таланттың бәрі ауылда. Бұл сөз бекер айтылған жоқ. Ал сол балалардың бойындағы кішкентай қызығушылықты әрі қарай дамытуда Руслан жүйелі жұмыс жасап жатыр. Бүгін республикалық турнирде шәкірттері топ жарса, олардың алдағы уақытта халықаралық, әлемдік бәсекелерде жеңіс тұғырынан көрініп, көк туымызды биіктен желбіретпесіне кім кепіл. Міне, білікті бапкердің бүгінгі жұмысын осындай жетістікке жасаған алғашқы қадамы деп түйдік.&nbsp;

Шағын залда шымырлар шыңдалады

<a href="https://kyzylorda-news.kz/">Kyzylorda-news.kz</a> Қызылорда облысының сыбайлас жемқорлыққа қарсы еріктілері&nbsp;«№2 арнаулы әлеуметтік қызметтер көрсету орталығы» (бұдан әрі – Орталық) әкімшілік ғимаратының техникалық жай-күйіне мониторинг жасау барысында жемқорлық тәуекелдерін анықтады.Аталған ғимараттың сыртқы беті (қабырғалары) едәуір ескіргені (қаптаулары түсіп қалған), сәйкесінше жаңа жөндеу жұмыстарын қажет етеді.Мәселені зерделеу барысында бұл ғимараттың сыртын жөндеу жұмыстарына 2023 жылы 9 млн теңге бюджет қаражаты бөлінген.Сонымен қатар, мекеме басшылығының тапсырмасы бойынша жөндеу жұмыстарын осы Орталықтың қызметкерлері жүргізген.Департаментпен жоғарыдағы бұзушылықтарға байланысты облыс әкімдігіне тиісті шаралар қолдану үшін ұсыныстар жолданды.

Қазақстан және Қызылорда облысының басты жаңалықтары