<a href="https://kyzylorda-news.kz/">Kyzylorda-news.kz</a> &nbsp;Ұлы Дала төсінде мәңгілік сарын бар. Сол саздың тамыры ғасырлар қойнауынан, қобыздың күңіренген үнінен бастау алады. Бұл - Қорқыт бабаның үні. Қазақ руханиятының алтын өзегі, түркі әлемінің мәңгілік мифтік тұлғасы Қорқыт - өліммен арпалысқан, өмірдің мәнін саздан тапқан абыз.&nbsp;“Қорқыт және ұлы дала сазы” халықаралық фольклорлық-музыкалық өнер фестивалі дәл осы аңыз тұлғаны айшықтау мақсатында биыл 7-ші мәрте ұйымдастырылып жатыр. Дәстүрлі іс-шараға Түркия, Тыва, Алтай, Әзірбайжан, Өзбекстан, Қырғызстан елдерінен және Қазақстаннан 200-ге жуық өнерпаз келді. Шырайлы шараның өткізілу тәртібін, мән-маңызын облыстық мәдениет, архивтер және құжаттама басқармасының басшысының орынбасары Қуаныш Жанұзақов, халықаралық Түркі мәдениеті және мұрасы қорының Қазақстан Республикасы тарапынан ресми өкілі Серік Нұрмолдаев, Түркия елінің этномузыкатанушысы Фикрет Каракая, Алтай Республикасының Халық әртісі Владимир Ынтаев баяндап берді.<blockquote>- Фестиваль бағдарламасы бүгін сағат 18.00-де Н.Бекежанов атындағы театрда қазақ өнерін әлем сахналарында паш етіп жүрген «Тұран» этно-фольклорлық ансамблінің концертімен бастау алмақ.Аталған өнер ұжымы сыр жұртшылығы мен қала қонақтарына өз өнерлерін тарту етеді. Ертең, 9 қазан күні фестиваль қонақтары – ғалымдар мен өнерпаздар Қорқыт бабаның кесенесіне арнайы ат басын бұрып, өнер шеберлері түркі руханиятын қайта жаңғыртып, баба рухына тағзым етеді. Қармақшы ауданындағы Қорқыт ата мемориалды кешенінің амфитетарында«Қорқыт сазы» атты фестивальге қатысушылардың концерті өтеді. 10 қазан күні сағат «Қорқыт мұрасы: Түркі әлеміне ортақ эпикалық құндылықтар» тақырыбында халықаралық ғылыми-теориялық конференциясы өтеді. Осы күні Өнер орталығында кешкі сағат 17.00-де «Жібек жолы жаңғырығы» атты Сыр бойы дәстүрлі-мәдени мұраларының Мodern-көрмесі ұйымдастырылып,халықаралық «Қорқыт және Ұлы Дала сазы» фольклорлық-музыкалық өнер фестивалінің Гала-концерті ұйымдастырылады,- деді Қуаныш Қуантқанұлы.</blockquote>&nbsp;Халықаралық Түркі мәдениеті және мұрасы қоры 2012 жылы құрылған. Қазіргі уақытта қорға төрағалық ететін - Қазақстан Республикасы.&nbsp;<blockquote>– Сол себепті еліміздің бірнеше қалаларында түркі халықтарының мәдени мұрасын дәріптеуге бағытталған бірқатар жобалар жүзеге асырылып келеді. Қорқыт ата мұрасы - бүкіл түркі әлемін біріктіріп тұрған рухани құндылық. Осы жобаны ұйымдастыруға мұрындық болған Қызылорда облысы әкімдігіне ризашылығымды білдіремін. Бұл бастама түркі халықтарының бауырластығын күшейтіп, ортақ мәдени мұрамызды әлемге танытуға зор үлес қосады деп сенемін, - деді Серік Нұрмолдаев.</blockquote>Түрік музыкасының мақам жүйесі - өте күрделі әрі терең құрылым.&nbsp;<blockquote>– Ол тек әуеннің немесе дыбыстардың тізбегі емес, рухтың, ішкі сезімнің айнасы. Әр мақамның өз мінезі, өз тынысы бар. Біз музыка арқылы адамның жан әлемін, рухани күйін жеткіземіз. Біздің жырлар - халық жадында сақталған тарих. Олардың музыкалық өрнегі өте күрделі, кейде орындау жағынан да қиын. Бірақ сол қиындықтың өзінде ұлттың рухы мен ежелгі дүниетанымы көрініс табады. Қорқыт баба мұрасы - барша түркі жұртының ортақ қазынасы. Осындай фестивальдер арқылы сол ортақ саз жаңғырып, жас ұрпаққа жетеді деп сенемін, - деді Фикрет Каракая.</blockquote>- Менің шығармашылық жолым Алтай жерінен басталды. 1997 жылы мен өз ансамблімді ресми түрде құрдым. Сол уақыттан бері біз Алтайдың бай мәдениетін, дәстүрі мен фольклорын әлемге таныту бағытында тұрақты түрде жұмыс істеп келеміз. Шығармашылық қызметім барысында жиырмадан астам фольклорлық және этномузыкалық альбомдар жарық көрді. Жалпы, Қызылордаға шегіп жатқан алғашқы сапарым. Өте қуаныштымын. Сырда өтетін өнер фестивалінде де Алтай халқының әуені шырқалатын болады. Сәтті болады деп сенеміз,- деді Владимир Ынтаев.

Қорқыт және ұлы дала сазы: Түркі әлемін тоғыстырған фестиваль

<a href="https://kyzylorda-news.kz/">Kyzylorda-news.kz</a> «Қызылорда-Нан» серіктестігі нан өнімдерін шығару кешенінің ашылу рәсімі өтті. Салтанатты шараға зиялы қауым өкілдері, ел ағалары, қала тұрғындары қатысты.Аймақ басшысы Нұрлыбек Нәлібаев өңірде жүзеге асырылған ірі инвестициялық жобаларды атап өтіп, жиналған қауымды жаңа нысанның ашылуымен құттықтады.<blockquote>«Президентіміз Қасым-Жомарт Кемелұлы: «Экономиканы әртараптандыруды тың қарқынмен жалғастыру керек. Ішкі және сыртқы нарықта бәсекеге қабілетті, терең өңделген өнім шығаруға басымдық берілуге тиіс», – деген болатын.Өңірімізде қолайлы инвестициялық климат қалыптасып,ауқымды жобалар жүзеге асырылуда. 2022-2024 жылдары аймақ экономикасына 1 триллион 600 млрд. теңгеге жуық инвестиция тартылды.Биыл 631 млрд. 400 млн. теңгеден астам инвестиция тарту бағытында жұмыс жүргізілуде. Өткен 8 айда 408 млрд. 200 млн. теңге инвестиция тартылып, жоспардың орындалуы бойынша Қызылорда облысы республикада бірінші орынға шықты. Жыл соңына дейін жаңа жобаларды іске қосу есебінен жоспар 716 млрд. теңгеге дейін артығымен орындалады. Тікелей шетелдік инвестиция тарту бойынша 280 млн. АҚШ доллары бекітілген, осы жылдың ІІ тоқсанында 172,9 млн. АҚШ доллары тартылып, жоспар 62%-ға орындалды.Өңір экономикасына тың серпін беретін «Қызылорда-Нан» серіктестігінің нан өнімдері кешенінің ашылу салтанатында бас қостық. Баршаңызды жаңа кәсіпорынның іске қосылуымен шын жүректен құттықтаймын. Жобаға атсалысқан инвесторларға, құрылысшыларға, барлық серіктес ұйымдарға алғысымызды білдіреміз. Кешеннің жұмысы табысты, өндірісі берекелі болсын! Егемен еліміздің еңсесі биік, Тәуелсіздігіміз тұғырлы болғай!», – деді Нұрлыбек Машбекұлы.</blockquote>Рәсімде облыстық ардагерлер кеңесінің төрағасы Серік Дүйсенбаев құттықтау сөз сөйледі. Аймақтың әлеуметтік-экономикалық дамуына сіңірген еңбегі, өндеу өнеркәсібі саласына ауқымды инвестиция салғаны үшін меценат Нейля Жүсіпова Қызылорда облысының Құрмет грамотасымен марапатталды. Қызметкерлерге облыс әкімінің Алғыс хаты табысталды.<img src="https://knadmin.beoblood.kz/uploads/1_yzylordada_Nan_nimderi_kesheni_iske_osyldy_799adf7c37.jpg" alt="1 Қызылордада Нан өнімдері кешені іске қосылды.jpg">Қызылордада алғаш рет 1957 жылы іске қосылған нан зауыты 1995 жылға дейін тұрғындарды сапалы өніммен қамтамасыз еткен болатын. Араға отыз жыл салып, бұл игі дәстүр жалғасын тауып, жаңа кешен жұмысын бастады.Жалпы 5,6 миллиард теңге қаржы жұмсалған бұл кешен – тек өндірістік ғана емес, әлеуметтік және ұлттық маңызға ие ірі нысан. Бүгінде мұнда 120 адам еңбек етуде, алдағы уақытта жұмыс орындарының саны 170-ке дейін көбейеді.<img src="https://knadmin.beoblood.kz/uploads/2_yzylordada_Nan_nimderi_kesheni_iske_osyldy_b7ae0001a5.jpg" alt="2 Қызылордада Нан өнімдері кешені іске қосылды.jpg">Кешенге мемлекеттік қолдау ретінде 5 гектар жер телімі бөлініп, қажетті инфрақұрылыммен қамтамасыз етілді. Сонымен қатар, 1,2 миллиард теңге жеңілдетілген несие беріліп, оның пайыздық мөлшерлемесі субсидияланды. Бірінші кезеңде 3,1 миллиард теңгеге заманауи, толық автоматтандырылған жабдықтары бар төрт өндірістік цех іске қосылды. Алдағы жылы жобаның екінші кезеңінде 2,5 миллиард теңгеге ұн комбинатын салу жоспарланған.Фото: Қызылорда облысы әкімінің баспасөз қызметі

Қызылордада нан өнімдері кешені іске қосылды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаттары Мұрат Әбенов, Мархабат Жайымбетов және Жарқынбек Амантай жұмыс сапарымен Шиелі ауданына келді. Сапар барысында халық қалаулыларымен бірге аудан әкімі Айтбай Жандарбеков, аудандық мәслихат төрағасы Мұрат Тұрабаев, сондай-ақ бірқатар бөлім басшылары мен ауылдық округ әкімдері де болды.Мәжіліс депутаттарының сапарының негізгі мақсаты – ауданның әлеуметтік және экономикалық дамуын зерделеу, халықтың тыныс-тіршілігімен танысып, өзекті мәселелерін тыңдау болды.Алдымен халық қалаулылары күрделі жөндеуден өтіп, жаңа кейіпке енген №219 Ы.Алтынсарин атындағы орта мектептін жұмысымен танысты.Жылдар бойы мыңдаған түлекке сапалы білім мен тәрбие берген бұл білім ордасы соңғы уақытта ғимараттың ескіруіне байланысты күрделі жөндеуді қажет етті. Осыған орай биыл мектепті толық жаңғырту үшін 363 миллион теңге көлемінде қаржы бөлініп, құрылыс-монтаж жұмыстары атқарылды.Жөндеу жұмыстарын «СК и Монтаж-Строй» ЖШС компаниясы жүзеге асырды. Нәтижесінде мектептің ішкі және сыртқы келбеті түбегейлі жаңарып, оқу кабинеттері, зертханалар және пәндік сыныптар заманауи құрал-жабдықтармен қамтамасыз етілді.Бүгінде бұл мектеп ауданның үздік білім ордаларының бірі саналады. Депутаттар ұстаздармен кездесіп, білім беру сапасын арттыру мен мұғалім мәртебесін көтеру бағытындағы мемлекеттік саясаттың маңыздылығын атап өтті.Келесі кезекте, мәжіліс депутаттары Ортақшыл ауылдық округіне барып, жергілікті тұрғындармен кездесті.Бұл ауыл еліміздегі тары өндірудің негізгі орталығы ретінде белгілі. Халықтың шамамен 90 пайызы тары өсірумен айналысады. Ортақшылдық диқандардың еңбегімен өндірілген өнім бүгінде еліміздің түкпір-түкпіріне жөнелтіліп, аудан экономикасына елеулі үлес қосып отыр.Кездесуде ауыл шаруашылығын қолдау, өнімді өткізу нарығын кеңейту және ауыл инфрақұрылымын жақсарту мәселелері талқыланды.Сапардың соңында,халық қалаулылары Ақтоған ауылдық округіндегі халық игілігіне берілген дене шынықтыру-сауықтыру кешенінде болды.Аталған нысан «Қазақстан халқына» қорының қолдауымен салынған. Заманауи талаптарға сай салынған кешен ауыл тұрғындарының, әсіресе жастардың салауатты өмір салтын ұстануына үлкен мүмкіндік беріп отыр. Мұнда спорттың әртүрлі түрлерімен айналысуға жағдай жасалған — волейбол, баскетбол, күрес және басқа да спорт секциялары тұрақты түрде жұмыс істейді.Депутаттар ауыл жастарының спортқа деген қызығушылығын жоғары бағалап, бұқаралық спортты дамыту — елдің болашағына салынған инвестиция екенін атап өтті.Осындай жұмыс сапарлары арқылы халық қалаулылары елдің түкпір-түкпіріндегі тұрғындармен тікелей байланыс орнатып, жергілікті проблемаларды Парламент деңгейінде көтеруді мақсат тұтады.Фото: Шиелі ауданы әкімінің баспасөз қызметі

Мәжіліс депутаттары Шиелі ауданында бірқатар нысандарды аралады

<h2 style="text-align:center;">Дағдарыстан - дамуға: Қызылорда облысының экологиясын жақсартудағы ең үздік қолжетімді технологиялардың рөлі</h2><a href="https://kyzylorda-news.kz/">Kyzylorda-news.kz</a> Қызылорда облысы экологиялық тұрғыдан Қазақстанның ең осал өңірлерінің бірі. Суы сарқылған Арал теңізінің зардабы және қазіргі заманғы тазарту технологияларының жоқтығы халық денсаулығына да, өңір экономикасына да әсерін тигізіп, жағдайды ушықтырып тұр.Экологиялық жүктеменің ең негізгі көзі - энергетика мен өнеркәсіп. Ұлттық статистика бюросының мәліметі бойынша 2024 жылы облыс атмосферасына 25 мың тоннаға жуық ластағыш зат шығарылған, оның 23 мың тоннасы тазартылмаған.Шығарындылар құрамындағы ең қауіпті заттар - көміртек тотығы (9129 тонна), азот тотығы (8304 тонна), көмірсутек (3371 тонна), күкірт ангидриді (1570 тонна) және ұшпа органикалық қосылыстар (1860 тонна).Мұндағы тазарту құрылыстары іс жүзінде жұмыс істемейді: олардың ауқымы тек 6,5 тонна ластағыш затты ғана қамтиды.Тағы бір күрделі мәселе - сапалы тұщы су тапшы. Экологиялық дағдарыс аймақтары ретінде ресми танылған Арал және Қазалы аудандарында ескірген су тазарту құрылыстарының жүктемеге шамасы жетпейді. Халық шарасыздан сапасы төмен суды пайдаланып отыр, ал бұл сырқаттану деңгейіне тікелей әсер етеді.&nbsp;Сарапшылар бұл дағдарыстан шығудың жолы - өңірдің ең үздік қолжетімді технологияларды (ЕҚТ) енгізе отырып, кешенді экологиялық рұқсатқа көшуі деп санайды.Бұл шаралар жаңа экологиялық кодексте бекітілген: I санаттағы кәсіпорындар 2030 жылға дейін заманауи экологиялық қауіпсіз технологияларды енгізуі немесе жоғары экологиялық алымдарды төлеуі тиіс.&nbsp;Халықаралық жасыл технологиялар және инвестициялық жобалар орталығының ЕҚТ бюросының деректері бойынша Қызылорда облысы үшін басым бағыттар: заманауи су тазарту станцияларын салу, өнеркәсіп пен ауыл шаруашылығында су үнемдеу технологияларын енгізу, энергетика мен қалдықтарды қайта өңдеуді жаңғырту, пайдалы қазбаларды экологиялық қауіпсіз өндіру. Кешенді технологиялық аудиттер газ тазарту жүйелерін енгізу, шығарындыларды бақылау және өнеркәсіптік қалдықтарды қайта өңдеу қажеттілігін растайды.Қызылорда облысының экологиялық жағдайы - аса ауыр күйде. Бірақ сарапшылар: ЕҚТ енгізе отырып, кешенді экологиялық рұқсатқа көшу, тазарту жүйелерін жаңғырту және су ресурстарын қалпына келтіру өңірдің орнықты дамуына негіз бола алады деп отыр. Қызылорда облысы тіпті ауыр экологиялық жағдайдың өзінде жаңару жолдарын қарастырып, халықтың өмір сапасын жақсарту тәсілдерін қолдану арқылы басқа өңірлерге үлгі бола алады. &nbsp;Г.А.Медиева, э.ғ.д., академик, ХЖТИЖО ғылыми кеңесшісі

Қызылорда облысының экологиялық проблемалары және ең үздік қолжетімді технологияларды енгізу

<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатовтың өкімімен қала әкімінің орынбасары лауазымына Ділмұхамед Мнуарбекұлы Абизов тағайындалды. Шаһар басшысы жаңа орынбасарын кадрлық өзгерістерге байланысты өткен актив отырысында таныстырды.Ділмұхамед Мнуарбекұлы 1978 жылы дүниеге келген. Жоғары білімді. Қорқыт ата атындағы Қызылорда университетін «Тау-кен инженері», Ақмешіт гуманитарлық-техникалық институтын «Экономика» мамандықтары бойынша тәмамдаған.Еңбек жолын 1997 жылы «Сырдария Мұнай» АҚ-ның бұрғылаушысы болып бастаған.2001-2016 жылдары «Харрикейн Құмкөл Мұнай» ААҚ оператор болып жұмыс істеген және түрлі кәсіпкерлік салаларында қызмет атқарған.2016 жылдан бастап «Dalatex» серіктестігінің директоры. Қалалық мәслихаттың 7 және 8-ші шақырылым депутаты болды.Ділмұхамед Мнуарбекұлы «Байқоңыр» ӘӘК» АҚ директорлар кеңесінің мүшесі, «Атамекен» кәсіпкерлер палатасының өңірлік кеңесінің төрағасы, «Qaz Textile Industry» өзін-өзі басқару ұйымының директорлар кеңесінің төрағасы, Қызылорда Өңірлік инвестициялық орталығының бақылау кеңесі төрағасы болып, қоғамдық жұмыстарға белсене араласқан.2021 жылы «Ерен еңбегі үшін» мемлекеттік наградасымен марапатталған.Ділмұхамед Мнуарбекұлы кәсіпкерлік және өнеркәсіп, қоғамдық даму, мәдениет және тілдерді дамыту, дене тәрбиесі, спорт және туризм бөлімдеріне жетекшілік жасайтын болады.<img src="https://knadmin.beoblood.kz/uploads/1_c7a6e79c3f.jpg" alt="1.jpg">

Қала әкімінің жаңа орынбасары тағайындалды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен Қазалы ауданында кадрлық өзгерістерге байланысты актив отырысы өтті. Оған жауапты сала, құқық қорғау органдарының басшылары, облыстық сайлау комиссиясының төрағасы, зиялы қауым өкілдері қатысты.Аймақ басшысы бұрын аудан әкімі қызметінде болған Шермағанбет Мейрамбек Зинабдинұлына алғыс білдіріп, жаңа қызметке сайланған Есмаханов Алмасбек Әбілқасымұлына сәттілік тіледі.<blockquote>«Бұған дейін Қазалы ауданының әкімі қызметін атқарған Шермағанбет Мейрамбек Зинабдинұлы Президент Әкімшілігінің келісімі негізінде облыс әкімінің орынбасары ретінде қызметін жалғастыруда.Мейрамбек Зинабдинұлы Қазалы ауданында 2 жылға жуық қызмет жасап, ауданның дамуына сүбелі үлес қосты.Сайлау жүйесін демократияландыру – Президент реформаларының негізгі міндеттерінің бірі.Өңірімізде аудан әкімдерін сайлау 2023 жылы пилоттық негізде өткізіліп, Шиелі мен Сырдария аудандарының әкімдері сайланды.Күні кеше өткен саяси науқанда Қазалы ауданының тұрғындары жоғары белсенділік танытты. Бекем бірлік пен тату тірліктің үлгісін көрсетіп, ауданның жарқын болашағы үшін өз таңдауларын жасады.Алмасбек Әбілқасымұлы - басшылық қызметтегі ұйымдастырушылық қабілеті мен тәжірибесі мол, өз жұмысын жоғары кәсіби деңгейде атқаратын әлеуеті жоғары кадр.Президентіміздің, Үкіметтің алдымызға қойған міндеттері мен тапсырмаларын сапалы орындап, Өздеріңізбен бірге Қазалы ауданын одан әрі дамытуға, көркейтуге аянбай жұмыс жасайды деп сенеміз. Жаңадан сайланған аудан әкіміне Мемлекет басшымыз Қасым-Жомарт Кемелұлының реформалары мен бастамаларын жүзеге асыру бойынша нақты әрі жүйелі жұмыстар жүргізуді тапсырамын.Аудан халқы үгіт-насихат кезеңіндегі Сіздің уәделеріңізге сеніп, қолдап дауыс берді. Сол себепті сайлауалды бағдарламаңызда көрсетілген әрбір мәселенің оңтайлы, мерзімінде шешілуін қамтамасыз етіңіз. Біз, аудан халқы әрдайым жан-жақты қолдау көрсетеміз.Алдыңызда дамудың барлық макроэкономикалық көрсеткіші бойынша оң параметрлерге қол жеткізу міндеті тұр. Ауданға инвестиция тарту, салық базасын ұлғайту, қоғамдық-саяси тұрақтылықты сақтау, жаңа жұмыс орындарын ашу мен кәсіпкерліктің әлеуметтік жауапкершілігін арттыруға бағытталған нақты жұмыс жүргізу қажет.Президентіміздің инвестиция тарту тапсырмасын орындау үшін инвесторлармен тиісті бағытты айқындау керек. Аудан әкімінің жұмысы инвестиция тарту индикаторының орындалуымен бағаланады. Қазіргі жағдайда бюджеттің әрбір тиыны маңызды.Бұған дейін де басшылық лауазымдарда мол тәжірибе жинаған қызметкер ретінде аудандағы ресурстарды барынша қолданып, бюджет қаражатын толық әрі мерзімінде игеріп, жобалардың сапалы жүзеге асуын қамтамасыз етіңіз.Құқық қорғау органдарының басшыларына аудан әкімімен бірлесіп, жұмыс жасауды қатаң тапсырамын!», - деді Н.Нәлібаев.</blockquote><img src="https://knadmin.beoblood.kz/uploads/Almasbek_Esmahanov_azaly_audanyny_kimi_bolyp_sajlandy_c5f2316d80.jpg" alt="Алмасбек Есмаханов Қазалы ауданының әкімі болып сайланды.jpg">Есмаханов Алмасбек Әбілқасымұлы 1982 жылы дүниеге келген. Қызылорда гуманитарлық университетінде экономист, Қазтұтыну одағының Қарағанды экономикалық университетінде заңгер мамандықтары бойынша білім алған.Қазақстан Республикасы Президенті жанындағы Мемлекеттік басқару академиясында «Мемлекеттік және жергілікті басқару» мамандығы бойынша магистр дәрежесін иеленген.Әр жылдары Қарауылтөбе ауылдық округінің әкімі, Қызылорда қаласы әкімі аппаратының, қалалық бірнеше бөлімнің басшысы, облыс әкімі аппаратында бөлім басшысы, Шиелі ауданы әкімінің орынбасары, облыстық қоғамдық даму басқармасы басшысының орынбасары, басқарма басшысы лауазымдарында нәтижелі қызмет етті.2024 жылдың шілде айынан бастап «АМАНАТ» партиясы Қызылорда облыстық филиалының төрағасы қызметін атқарып келді.Айта кетейік, 28 қыркүйекте өткен Қазалы ауданы әкімі сайлауының қорытындысын облыстық сайлау комиссиясының төрағасы Әділбек Ерсұлтанов жариялап, жаңадан сайланған аудан әкіміне куәлігін табыстады.Актив отырысынан соң, аймақ басшысы аудан тұрғындарымен кездесіп, өңірдің әлеуметтік-экономикалық даму бағдары, алдағы жоспарлар туралы ой бөлісті. Қазалылықтар өздерін толғандырған сауалдарын қойып, ұсыныстарын жеткізді.Фото: Қызылорда облысы әкімінің баспасөз қызметі

 Алмасбек Есмаханов Қазалы ауданының әкімі болып сайланды

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылордада облыс әкімі Нұрлыбек Нәлібаевтың қатысуымен «Ауылдық аймақтарды дамытудағы азаматтық қоғамның рөлі» атты азаматтық форум өтті.Оған Парламент Сенатының депутаты Наурызбай Байқадамов, Мәжіліс депутаты Мұрат Әбенов, Қазақстанның Азаматтық альянсы президенті Бану Нұрғазиева, Мәдениет және ақпарат министрлігінің Азаматтық қоғам істері комитеті төрағасының орынбасары Жанаргүл Әлжанова, «Қазақстан халқына» қоғамдық қорының басқарма төрағасы Ләззат Шыңғысбаева, Орталық Азиядағы Еуразия қорының директоры Ринад Темірбеков, еліміздің бірқатар өңірінен қонақтар мен жауапты сала басшылары қатысты.<img src="https://knadmin.beoblood.kz/uploads/1_Auyldy_ajma_tardy_damytuda_y_azamatty_o_amny_r_li_ta_yrybynda_azamatty_forum_tti_c5a15a4ddd.jpg" alt="1«Ауылдық аймақтарды дамытудағы азаматтық қоғамның рөлі» тақырыбында азаматтық форум өтті.jpg">​Аймақ басшысы азаматтық сектор халық пен биліктің арасында алтын көпірге айналған ортақ алаң екенін айтты.<blockquote>​«Бүгінде еліміздің дамуын айқындайтын көрсеткіштердің бірі – азаматтық сектор. Мемлекеттің табыстылығы үкіметтік емес ұйымдардың жемісті әрі тиімді қызметіне тікелей байланысты.Президентіміз Қасым-Жомарт Кемелұлы халыққа арнаған Жолдауында: «Азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпы мемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет»,– деп атап өткен болатын.Тәуелсіздіктің алғашқы жылдарында аймағымызда 15 қоғамдық ұйым болса, бүгінде олардың қатары мыңға жуықтады. Оның 300-і өңіріміздің қоғамдық-саяси, мәдени-рухани өміріне белсенді араласуда. Бұл қоғамда азаматтық жауапкершілік пен белсенділіктің артқанын айқын көрсетеді.Барлық ауданда үкіметтік емес ұйымдармен өзара іс-қимыл және ынтымақтастық жөніндегі кеңестер, жүзеге асырылатын жобалардың тиімділігі мен өзектілігін бағалайтын сарапшылық топтар жұмыс істейді. Әкімдіктер жанындағы кеңестер мен комиссиялардың жұмысына 190 үкіметтік емес ұйым өкілі белсенді қатысады.Жыл сайын мемлекеттік тапсырыс арқылы азаматтық қоғам институттарына қаржылай қолдау көрсетіліп келеді. 2023-2025 жылдары мемлекеттік әлеуметтік тапсырыс аясында бюджеттен 3 млрд. 684 млн. теңге қаражат бөлініп, 427 әлеуметтік жоба іске асырылуда, 3 мың адам жұмыспен қамтылған. Әлеуметтік жобалардың 200-ге жуығы ауыл тұрғындарының қатысуымен ұйымдастырылды. Басым бөлігі халықтың әлеуметтік осал топтарына көмек көрсетуге, қоғамдық келісімді, ұлттық бірлікті нығайтуға, халықты жұмыспен қамтуға жәрдемдесуге бағытталған.Қоғамдық қауымдастықтың көшбасшылары ретінде бәріңізді Әділетті, Таза, Қауіпсіз Қазақстанды құру жолында халықтың бірлігін арттыруға, егемен еліміздің жарқын болашағына бірлесе қызмет етуге шақырамын!», – деді Н.Нәлібаев.</blockquote>Басқосуда Н.Байқадамов, М.Әбенов, Р.Темірбеков, Л.Шыңғысбаева, Ж.Әлжанова, Б.Нұрғазиева сөз сөйлеп, азаматтық қоғам институттарының маңыздылығына тоқталды.<img src="https://knadmin.beoblood.kz/uploads/2_Auyldy_ajma_tardy_damytuda_y_azamatty_o_amny_r_li_ta_yrybynda_azamatty_forum_tti_d70a587f46.jpg" alt="2«Ауылдық аймақтарды дамытудағы азаматтық қоғамның рөлі» тақырыбында азаматтық форум өтті.jpg">​Сондай-ақ, өңірдің өсіп-өркендеуіне үлес қосқан азаматтарға облыстың Құрмет грамотасы, облыс әкімінің, Қазақстанның Азаматтық альянсы төрайымының Алғыс хаты табысталды.<img src="https://knadmin.beoblood.kz/uploads/3_e96a18a448.jpg" alt="3.jpg">Форумға дейін Сырдария ауданының Нағи Ілиясов, Бесарық ауылдарында секциялық отырыстар өткізілді. Онда ауылдың әлеуметтік мәселелерін шешу, тұрғындардың өмір сүру сапасын жақсарту, қоғамдық бақылау жүргізуге үкіметтік емес ұйымдарды тарту мәселелері қозғалды. ҮЕҰ туралы жаңа заң жобасы талқыланып, тиісті ұсынымдар қабылданды.Фото: Қызылорда облысы әкімінің баспасөз қызметі

«Ауылдық аймақтарды дамытудағы азаматтық қоғамның рөлі» тақырыбында азаматтық форум өтті

<a href="https://kyzylorda-news.kz/">Kyzylorda-news.kz</a> &nbsp;Бүгін аймақ басшысы Нұрлыбек Нәлібаев облыс активімен бірге ҚР Мемлекеттік қызмет істері агенттігінің төрағасы Дархан Жазықбаймен кездесті. Кездесуге Парламент Сенатының депутаты Наурызбай Байқадамов, Президент жанындағы Мемлекеттік басқару академиясының ректоры Азамат Жолманов, зиялы қауым өкілдері қатысты.Аймақ басшысы мемлекеттік қызметтің тиімділігін арттыру бағытында атқарылған жұмыстарды атап өтті.<blockquote>«Сыр өңірінің халқы Мемлекет басшымыздың, Үкіметіміздің барша бастамаларын қолдап келеді. Президентіміз «Мемлекетке қызмет ету – ең құрметті әрі аса жауапты міндет» деп атап өткен болатын.Мемлекеттік қызметші – еліміздің өсіп-өркендеуіне үлес қосатын, қоғамда адалдық пен әділеттіліктің үлгісін көрсететін халықтың айнасы. Жауапкершілігі жоғары салада Өздеріңізге жүктелген міндет пен жоғары сенімді ақтауда бар күш-жігерлеріңіз бен білімдеріңізді сарқып, ел-халыққа адал қызмет ете беруге шақырамын», – деді Н.Нәлібаев.</blockquote>Актив отырысында Дархан Жазықбай мемлекеттік қызметті дамыту, кәсібилендіру, іріктеу процестерін жетілдіру, қызметтің сервистілік және клиентке бағдарлану қағидаттарына негізделген моделін қалыптастыру бағытындағы кешенді шаралар туралы айтты.Жиында Сыр өңірінің әлеуметтік-экономикалық дамуы жолында елеулі еңбек еткен ардагерлерге ҚР Мемлекеттік қызмет істері агенттігінің «Мемлекеттік қызмет ардагері» төсбелгісі табысталды.<img src="https://knadmin.beoblood.kz/uploads/1_Memlekettik_yzmet_isteri_agenttigini_t_ra_asy_oblys_aktivimen_kezdesti_9553131eda.jpg" alt="1Мемлекеттік қызмет істері агенттігінің төрағасы облыс активімен кездесті.jpg">Еске салайық, биыл маусым айында сыбайлас жемқорлыққа қарсы саясатты іске асыру функциялары мен өкілеттіктері Мемлекеттік қызмет істері агенттігіне берілді.<img src="https://knadmin.beoblood.kz/uploads/2_Memlekettik_yzmet_isteri_agenttigini_t_ra_asy_oblys_aktivimen_kezdesti_8c9f92cc73.jpg" alt="2Мемлекеттік қызмет істері агенттігінің төрағасы облыс активімен кездесті.jpg">Фото: Қызылорда облысы әкімінің баспасөз қызметі

Мемлекеттік қызмет істері агенттігінің төрағасы облыс активімен кездесті

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылордада Әдеп жөніндегі уәкілдердің республикалық форумы өтті. Форум жұмысына облыс әкімі Нұрлыбек Нәлібаев, ҚР Мемлекеттік қызмет істері агенттігінің төрағасы Дархан Жазықбай, Парламент Сенатының депутаты Наурызбай Байқадамов, Президент жанындағы Мемлекеттік басқару академиясының ректоры Азамат Жолманов қатысты.Сонымен қатар, басқосуда аймақтың жауапты сала басшылары, агенттік қызметкерлері, орталық мемлекеттік органдар мен өңірлердің, қала, аудан әкімі аппараттарының, облыстағы мемлекеттік органдардың әдеп жөніндегі уәкілдері, әдеп жөніндегі кеңес мүшелері, зиялы қауым өкілдері де болды.​Н.Нәлібаев облыстың әлеуметтік-экономикалық дамуындағы жетістіктерді атап өтіп, форум жұмысына сәттілік тіледі.<blockquote>​«Аймақтың әлеуметтік-экономикалық дамуында оң тенденция қалыптасты. Өңіріміз негізгі макроэкономикалық көрсеткіштер бойынша республикада алғашқы орындарда.Мемлекет басшымыз «Әділетті Қазақстанды құру үшін әрбір қызметшінің отаншыл, адал болуы және өз ісіне жауапкершілікпен қарауы өте маңызды», – деп атап өткен болатын.Халықтың әл-ауқатын арттыруға бағытталған ұлттық жобаларды жүзеге асыруда, қоғамдық-саяси ахуалдың тұрақтылығын қамтамасыз етуде маңызды рөлді мемлекеттік қызметшілер институты атқаруда.Агенттік мемлекеттік қызметтің сервистілік, клиентке бағдарлану қағидаттарына негізделген моделін қалыптастыру, кәсібилендіру, билік институттарын дамыту бағытындағы жұмыстарға бастамашы болып келеді. Бүгінгі жиынның маңыздылығын ескеріп, форум барысында тиімді ұсыныстар мен байыпты бастамалар талқыланатынына сенімдімін», – деді Н.Нәлібаев.</blockquote>Д.Жазықбай мемлекетке қызмет ету – ең құрметті әрі аса жауапты міндет екенін айтып, маңызды бастамаларға тоқталды.<blockquote>​«Барлық құзырлы органдар арасында ортақ көзқарас пен ұстаным болуға тиіс. Бұл – ешқандай құқықбұзушылыққа жол бермеу, яғни, кез келген заңсыздыққа қарсы тұру деген ұстаным.Мемлекет басшысының бастамаларын сапалы жүзеге асыруда мемлекеттік қызметшілер шешуші рөл атқарады», – деді агенттік төрағасы.</blockquote><img src="https://knadmin.beoblood.kz/uploads/1_yzylordada_dep_zh_nindegi_u_kilderdi_respublikaly_forumy_tti_2a7cc67896.jpg" alt="1 Қызылордада әдеп жөніндегі уәкілдердің республикалық форумы өтті.jpg">​Жиында Н.Байқадамов «Мемлекеттік қызметшілерді адамдардың құқыққа қайшы әрекеттерінен қорғау», А.Жолманов «Мемлекеттік қызметтің құндылықтары: Антқа адалдық» тақырыбында баяндама жасады.​Сондай-ақ, аймақтың өркендеуі жолында елеулі еңбек еткен мемлекеттік қызметкерлер ҚР Мемлекеттік қызмет істері агенттігінің «Үздік сапалы мемлекеттік қызмет көрсетуші» грамотасымен, агенттік төрағасының Алғыс хатымен марапатталды.<img src="https://knadmin.beoblood.kz/uploads/2_yzylordada_dep_zh_nindegi_u_kilderdi_respublikaly_forumy_tti_c8f4640d6c.jpg" alt="2 Қызылордада әдеп жөніндегі уәкілдердің республикалық форумы өтті.jpg">Форумның екінші бөлімінде мемлекеттік қызметшілердің ​Әдеп кодексіне өзгерістер мен толықтырулар енгізу, профилактика қызметі туралы мәселелер талқыланған панельдік сессия өтіп, Әдеп жөніндегі уәкілдердің өткен жылғы және биылғы бірінші жартыжылдықтағы жұмыс нәтижелеріне жасалған талдау қорытындыланды.<img src="https://knadmin.beoblood.kz/uploads/3_yzylordada_dep_zh_nindegi_u_kilderdi_respublikaly_forumy_tti_e5606a006c.jpg" alt="3 Қызылордада әдеп жөніндегі уәкілдердің республикалық форумы өтті.jpg">Айта кетейік, бүгінде аймағымызда 3 300-ден астам мемлекеттік қызметші бар. Оның 1800-ден астамы жергілікті атқарушы органдарда еңбек етуде. Биыл 700-ге жуық азаматтың мәселелері тыңдалып, тиісті тапсырмалар берілді. Бірінші жартыжылдықта 3 млн-нан астам мемлекеттік қызметтің 99,3 пайызы электронды түрде көрсетілген.<img src="https://knadmin.beoblood.kz/uploads/4_yzylordada_dep_zh_nindegi_u_kilderdi_respublikaly_forumy_tti_2522d0549d.jpg" alt="4 Қызылордада әдеп жөніндегі уәкілдердің республикалық форумы өтті.jpg">Фото: Қызылорда облысы әкімінің баспасөз қызметі

Қызылордада әдеп жөніндегі уәкілдердің республикалық форумы өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Қызылордадағы Өнер орталығында «Жүйелі қайырымдылық: Тұрақтылық, серіктестік, мұра» тақырыбында IV Ұлттық қайырымдылық конференциясы өтті.<img src="https://knadmin.beoblood.kz/uploads/yzylordada_IV_ltty_ajyrymdyly_konferencziyasy_tti_b6d5b74437.jpg" alt="Қызылордада IV ұлттық қайырымдылық конференциясы өтті.jpg">Мемлекет басшысының арнайы тапсырмасымен 2022 жылы құрылған «Қазақстан халқына» қоғамдық қоры жыл сайын өңірлермен, ірі бизнес субъектілерімен және коммерциялық емес ұйымдармен өзара іс-қимыл шеңберінде ұлттық қайырымдылық конференциясын өткізіп келеді. Басқосуға «Қазақстанның Азаматтық альянсы» ЗТБ президенті Бану Нұрғазиева, «Қазақстан халқына» қорының басқарма төрағасы Ләззат Шыңғысбаева, облыстық мәслихат төрағасы, жауапты сала басшылары, қор қызметкерлері мен зиялы қауым өкілдері қатысты.Аймақ басшысы «Қазақстан халқына» қоғамдық қорының өңір тұрғындарына көрсеткен қолдауы жайлы айтты.<blockquote>«Президентіміз Қасым-Жомарт Кемелұлының тікелей бастамасымен денсаулық сақтау, білім беру, әлеуметтік қолдау салаларындағы мәселелерді шешу мақсатында құрылған «Қазақстан халқына» қоғамдық қорымен тығыз әріптестік байланыс орнатылып, бірлескен жобалар іске асып келеді. Қор құрылғалы бері 10 млрд. теңгеден астам қаржы аймағымыздағы маңызды әлеуметтік жобаларға бағытталды.Атап айтсақ, денсаулық сақтау саласына қаралған 4 млрд. 800 млн. теңгеге облыстық балалар ауруханасында, Жаңақорған, Арал аудандарында «Қамқорлық» орталықтары ашылды. Арал ауданындағы орталық қызметін көрші Ақтөбе облысының, Жаңақорған ауданындағы орталық қызметін Түркістан облысының тұрғындары да пайдаланып, оңалту шараларымен қамтылды.Қор қажетті дәрі-дәрмек алу, орталықтарды жабдықтау, медицина мамандарын шетелде оқытуға да қолдау көрсетті. Облыстық онкология орталығына құны 1 млрд. 100 млн. теңге тұратын, республика бойынша 3 облыста ғана бар скрининг жүргізуге арналған жылжымалы медициналық кешен табыстады. Кешен қазіргі таңда өңіріміздің шалғай елді мекендеріндегі тұрғындарға үздіксіз қызмет етуде.«Қазақстан халқына» қоры келесі жылы медицина саласындағы жобаларға 2 млрд. 600 млн. теңге бөлуді жоспарлаған. Оған онкологиялық ауруларды тиімді емдеуге арналған жоғары технологиялық жабдықтар (линейный ускоритель) сатып алынады.Сондай-ақ, аутизмге шалдыққан және басқа да психикалық бұзылыстары бар балаларды әлеуметтендіруге арналған орталық ашылады. Орталық жыл сайын 600 балаға қызмет көрсетпек.Білім беру саласына 2 млрд. 600 млн. теңге бөлінді. «Ауылдық аймақтардағы тірек мектептердің әлеуетін дамыту» жобасы аясында 2023-2025 жылдары 2 млрд. теңге бөлініп, 8 мектептің физика, химия, биология, робототехника, компьютерлік кабинеттері қайта жабдықталды, ауыл балалары жазғы лагерьлерде демалды.Ерекше білім беруді қажет ететін балаларға арналған арнайы интернаттардың материалдық-техникалық базасы жаңғыртылды. «Болашақ инженерлер» жобасы аясында 9 мектепке робототехника құрылғылары алынып, тиісті мамандар арнайы оқудан өтті. Қорқыт Ата атындағы Қызылорда университетінің 500-ден астам студентінің «Курсера» әлемдік платформасында білім алуына мүмкіндік жасалды.Алдағы жылы білім беру саласында тағы 2 млрд. теңгенің жобалары жүзеге асады. Атап айтқанда, облыстың 50 мектебіне «Білім-Инновация» лицейлерінің тәжірибесі енгізіледі, физика, химия, биология кабинеттері жабдықталады, 8 шағын жинақты мектептің материалдық базасы нығайтылады.Қор аймағымыздағы спорт инфрақұрылымын дамытуға 2 млрд. 700 млн. теңге бөліп, нәтижелі жұмыстар атқарылды. Биыл 348 млн. теңгеге Шиелі ауданының Досбол датқа ауылында, Жалағаш ауданының Аққыр ауылында заманауи спорт кешендері салынып, ел игілігіне табысталды. Сырдария, Қармақшы аудандарындағы спорт кешендері жаңа құрал-жабдықтармен қамтамасыз етілді.Аймағымыздың әлеуметтік-экономикалық дамуына, тұрғындарымыздың әл-ауқатын арттыруға елеулі үлес қосқаны үшін «Қазақстан халқына» қорының ұжымына Сыр жұртшылығының атынан тағы да зор алғысымызды білдіреміз», – деді Н.Нәлібаев.</blockquote>Жиында Ләззат Шыңғысбаева сөз сөйлеп, қор қызметінің маңыздылығына тоқталды.<blockquote>«Жүйелі қайырымдылық – бұл уақытша шара емес, ұзақ мерзімді өзгерістерге жол ашатын нақты іс. «Қазақстан халқына» қоры үшін бұл – адамдардың өмірін өзгертетін, болашаққа үміт сыйлайтын тұрақты жобалар. Біз мемлекет, қоғам және бизнес әріптестігі арқылы ғана шын мәнінде елеулі нәтижелерге қол жеткізе аламыз. IV конференция – бұл үш жылдық еңбектің қорытындысы ғана емес, жаңа кезеңнің бастауы. Бұл – тәжірибе алмасу, бірлескен шешімдер іздеу және қордың өңірлерге көрсеткен нақты көмегін таныстыру алаңы. Мұның барлығы келер ұрпақтың мұрасына айналады», – деп атап өтті.</blockquote>Айтулы шараға еліміздің барлық өңірінен келген 500-ге жуық делегат қатысты.Конференция мазмұны «Тұрақтылық», «Серіктестік» және «Мұра» атты үш негізгі бөлімнен тұрады, әрбір бөлім жүйелі қайырымдылықтың маңызды бір қырын ашып көрсетуді мақсат еткен. Қордың қолдауына ие болған 12 азамат өз оқиғалары туралы, игі істің өмірінде, ұжымында қандай оң өзгерістерге жол ашқанын айтып берді.Өнер орталығының фойесінде өткен «Қазақстан халқына» қорының жобалар көрме-жәрмеңкесі білім беру, денсаулық сақтау және әлеуметтік қолдау саласындағы бастамаларды біріктірді. Қонақтарға жаңа жабдық қана емес, өзгерістердің нақты нәтижелері көрсетілді.Айта кетейік, бүгінде қордың және облыстық бюджеттің қаржысына қаламыздың сол жағалауында құны 2 млрд. 900 млн. теңге болатын мүмкіндігі шектеулі жандарға арналған дене шынықтыру-сауықтыру кешенінің құрылысы қарқынды жүруде. Нысан алдағы қазан айында пайдалануға беріледі.<img src="https://knadmin.beoblood.kz/uploads/yzylordada_ta_yrybynda_IV_ltty_ajyrymdyly_konferencziyasy_tti_551ac291fd.jpg" alt="Қызылордада тақырыбында IV ұлттық қайырымдылық конференциясы өтті.jpg">Келесі жылы 6 спорт мектебі жабдықталады. Мүгедектігі бар балалар мен жастар инновациялық протездік-ортопедиялық құралдармен қамтамасыз етілді. «Үй жағдайында мүгедектігі бар балаларды оңалту» жобасы аясында 283 млн. теңгеге 95 құрал-жабдық сатып алынды. Қармақшы ауданындағы мүмкіндігі шектеулі балаларға әлеуметтік қызмет көрсететін «Дәметкен Ана» орталығының материалдық базасы нығайтылды. Бүгінде орталықта оңалту қызметін алатын 30 бала бар.Фото: Қызылорда облысы әкімінің баспасөз қызметі

Қызылордада «Жүйелі қайырымдылық: Тұрақтылық, серіктестік, мұра» тақырыбында IV ұлттық қайырымдылық конференциясы өтті

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев грек-рим күресінен Әлем чемпионы Айдос Сұлтанғалимен,жеке бапкері Ғабиден Райымбекпен кездесті.Әлем чемпионын жарқын жеңісімен құттықтау үшін басқосуға облыстың зиялы қауым өкілдері, құқық қорғау органдарының бірінші басшылары, спорт саласының ардагерлері, жаттықтырушылар мен жергілікті спортшылар қатысты.<img src="https://knadmin.beoblood.kz/uploads/yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_156fd75972.jpg" alt="Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg">​Аймақ басшысы бұл жеңіс Сыр өңірінің ғана емес, Қазақ елінің мәртебесін арттырғанын айтты.<blockquote>​«Бүгін – біздің өңіріміз үшін ерекше қуанышты күн.Спорт әлеміндегі биік белесті бағындырып, Тәуелсіз Қазақстанымыздың атын төрткүл дүниеге танытқан жерлесіміз, мақтанышымыз Айдос Сұлтанғалиұлын грек-рим күресінен Әлем чемпионы атануымен құттықтау үшін арнайы бас қостық.Президентіміз Қасым-Жомарт Кемелұлы «Спортшыларымыздың ерлігі – ел рухын көтеретін, ұлт бірлігін нығайтатын маңызды фактор», – деп ерекше атап өткен болатын.Айдос Сұлтанғалиұлы жақында Хорватия астанасы Загреб қаласында өткен ересектер арасындағы грек-рим күресінен Әлем чемпионатында араға 26 жыл салып, қазақ спорты тарихындағы теңдессіз жетістікке қол жеткізді. Осы тарихи жеңіс барша Қазақ елінің, Сыр жұртшылығының мерейін үстем етті.Грек-рим күресінен Әлем чемпионатының алтын медалін елімізге соңғы рет 1999 жылы Грекияның Афины қаласында өткен дүбірлі додада Мхитар Манукян (63 кг) алып келген болатын.Араға ширек ғасыр салып, жерлесіміз Айдос Сұлтанғали әлемдік аренада топ жарды.Чемпионымызды Мемлекет басшымыз арнайы құттықтап «Айдос – грек-рим күресінен осы ғасырдағы тұңғыш жеңімпаз»,– деп жоғары бағалады.Бұл жеңіс – жас балуандарымызға үлгі-өнеге, еліміздің спортына серпін беретін жоғары жетістік.Айдос бауырымыздың жеңісіне бапкері Ғабиден Райымбекұлының сіңірген еңбегі зор. Ол тек спортшыны емес, нағыз батыр азаматты тәрбиелеп шығарды. Шәкіртінің әрбір жеңісі бапкерінің маңдай терінің жемісі деп санаймыз. Қос батырымызға қандай құрмет көрсетсек те лайықты.Айдосқа бұған дейін де мемлекет, облыс тарапынан қолдау көрсетіліп келеді. Өткен жылы еліміздің, өңіріміздің жанашыр азаматы Бақдәулет Еркінбекұлының демеушілігімен автокөлік табысталған. Бұдан бөлек, ай сайын 1 млн. теңге мемлекеттік стипендия беріледі. Бұл қолдау әрі қарай жалғасады.Біз батырымызды әрдайым бабында болуы үшін қолдап, қорғауымыз керек. Алдағы Олимпиада ойындарында жеңіс тұғырынан көрінуіне жан-жақты жағдай жасаймыз.Бүгінгі мерейлі сәтте барша Сыр жұртшылығының атынан Айдос бауырымызға жаңа автокөлік пен пәтер кілттерін, бапкері Ғабиденге де жаңа пәтер беру туралы шешім қабылдадық.Батырларымызға сый-сыяпаттарымызды табыстауға рұқсат етіңіздер», – деді Н.Нәлібаев.</blockquote>Жиында облыстық ардагерлер кеңесінің төрағасы Серік Дүйсенбаев, Қазақстан Республикасының еңбек сіңірген жаттықтырушысы Жұмағали Киікбаев сөз сөйлеп, құттықтау лебіздерін жеткізді.<img src="https://knadmin.beoblood.kz/uploads/5_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_64a3279721.jpg" alt="5 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/2_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_7430075267.jpg" alt="2 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/3_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_94693ff45f.jpg" alt="3 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/4_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_166f5e625f.jpg" alt="4 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/7_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_d607db144b.jpg" alt="7 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/6_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_3342e09b17.jpg" alt="6 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/8_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_1f84503cb2.jpg" alt="8 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg">Басқосуда сөз алған грек-рим күресінен Қазақстан Республикасының еңбек сіңірген жаттықтырушысы, «Дене шынықтыру және спортты дамытуға сіңірген еңбегі үшін» төсбелгісінің иегері Ғабиден Райымбек, грек-рим күресінен спорт шебері, Қазақстан Республикасы ұлттық құрама командасының мүшесі, республикалық, халықаралық жарыстардың бірнеше дүркін жеңімпазы, Әлем чемпионы Айдос Сұлтанғалиұлы көрсетілген құрметке алғыс білдірді.Еске салайық, өңірде спорт саласын дамыту бағытында ауқымды жобалар қолға алынып, жүйелі жұмыс атқарылды. Өңірімізде соңғы 3 жылда 20 спорт кешені пайдалануға берілді, биыл тағы 6 нысан ел игілігіне табысталады.Фото: Қызылорда облысы әкімінің баспасөз қызметі

Қазақстан және Қызылорда облысының басты жаңалықтары