<a href="https://kyzylorda-news.kz/">Kyzylorda-news.kz.</a> Ертең Мемлекет басшысы Қасым-Жомарт Тоқаев Қазақстан халқына Жолдауын жариялайды.Жиынға Мәжіліс және Сенат депутаттары, орталық мемлекеттік органдардың басшылары, Ұлттық құрылтай, Адам құқықтары жөніндегі комиссия, Әйелдер істері және отбасылық-демографиялық саясат жөніндегі ұлттық комиссия мүшелері, қоғам мен еңбек ұжымдарының өкілдері қатысады.Жолдау сағат 11:00-де республикалық телеарналардың, сондай-ақ <a href="https://www.akorda.kz/kz/memleket-basshysy-kasym-zhomart-tokaevtyn-kazakstan-halkyna-zholdauy-181416">akorda.kz</a> ресми сайтының, әлеуметтік желілердегі Aqorda аккаунттарының тікелей эфирінде көрсетіледі.

Президент Қазақстан халқына Жолдауын жариялайды

Kyzylorda-news.kz. Қызылордада Н.Бекежанов атындағы облыстық қазақ музыкалық драма театрында Қазақстан Республикасының Конституциясы күніне орай салтанатты іс-шара өтті.Оған облыс әкімі Нұрлыбек Нәлібаев қатысып, жиналған жұртшылықты мерекемен құттықтады.<blockquote>«Бүгінде ынтымағы жарасқан, берекесі артқан өңірімізде Мемлекет басшысы тапсырмаларын іске асыруда, әлеуметтік-экономикалық, қоғамдық-саяси және рухани-мәдени салада оң динамика бар. Президентіміз бен Үкіметтің Сыр өңірін ерекше қолдауының арқасында биылғы тамыз айында облыс бюджетінің көлемі 604 млрд. 100 млн. теңгеге жетті. Өткен жылдың қаңтар айымен салыстырғанда бюджет (387,3 млрд.теңге) 220 млрд.теңгеге, яғни 56,2 пайызға көбейді. Бұл ауқымды қаражат аймағымыздың ең өзекті деген мәселелерін шешуге, облыс тұрғындарының өмір сүру сапасын арттыруға жұмсалады. Аймақта құрылыс жұмыстарының көлемі 48 пайызға (64,2 млрд.теңге), инвестициялар тарту 24,2 пайызға (201,9 млрд.теңге), сауда көлемі 3,9 пайызға (383,8 млрд.теңге), пайдалануға берілген тұрғын үйлер көлемі 2 пайызға (383,3 мың шаршы метр) және ауыл шаруашылығының жалпы өнімі 1,1 пайызға (49,9 млрд.теңге) артты. Мемлекет басшысының тапсырмасына сәйкес Жалпыұлттық бірыңғай жобалар пулы қалыптасып, оған құны 979,7 млрд. теңгеден асатын 46 жоба енгізілді. Индустрияландыру аясында өңірде құны 607,7 млрд. теңгені құрайтын 34 жоба жүзеге асырылуда. Соған сай 6,3 мың жұмыс орны құрылатын болады», – деді аймақ басшысы. &nbsp;</blockquote>Салтанатты іс-шарада өңірдің дамуына үлес қосқан бірқатар азаматқа марапат табысталды.Айта кетейік, өткен жылдан бері осындай мерекелік шараларда «Қызылорда облысының Құрметті азаматы» атағын беру дәстүрге айналды. Бүгінгі салтанатта «Қызылорда облысының Құрметті азаматы» атағы 1990-1993 жылдары Қазақ ССР Жоғарғы Кеңесінің, 1995-1999 жылдары Парламент Сенатының депутаты ретінде Тәуелсіз еліміздің алғашқы заңдарының қабылдануына атсалысқан, өңіріміз бен еліміздің өсіп-өркендеуіне ерекше үлес қосқан «Құрмет» орденінің иегері, Арал, Жалағаш, Қармақшы аудандарының Құрметті азаматы, ҚР еңбегі сіңген эколог Биғали Қаюповқа табысталды.Мерекелік кеш концерттік бағдарламаға ұласты.Еске салсақ, Конституция күнін атап өту аясында өңірде бірқатар маңызды, мазмұнды іс-шара ұйымдастырылуда. Күні кеше Шиелі ауданында 70-тен астам отбасы қоныс тойын тойлап, заманауи дене шынықтыру-сауықтыру кешені ашылды. Осы күндері облыс орталығында бірнеше мерекелік шара өткізілуде.<img src="https://knadmin.beoblood.kz/uploads/FB_IMG_1693366285955_44d398a367.jpg" alt="FB_IMG_1693366285955.jpg"><img src="https://knadmin.beoblood.kz/uploads/IMG_20230829_WA_0202_abe2f1272a.jpg" alt="IMG-20230829-WA0202.jpg"><img src="https://knadmin.beoblood.kz/uploads/FB_IMG_1693366294783_69aa7ea5bd.jpg" alt="FB_IMG_1693366294783.jpg">

Қызылордада Конституция күні аталып өтті

Kyzylorda-news.kz. Мемлекет басшысы Қасым-Жомарт Тоқаев қазақстандықтарды Конституция күнімен құттықтады.&nbsp;Құрметті отандастар! Сіздерді Конституция күнімен құттықтаймын!Ата заң – мемлекеттілігіміздің мызғымас тірегі әрі еліміздің саяси және қоғамдық құрылысын, айнымас құндылықтары мен даму жолындағы стратегиялық бағыт-бағдарын айқындайтын басты құжатымыз.Жалпыұлттық референдум арқылы жаңартылған Конституциямыз ұлтты ұйыстырудың нағыз символына айналды. Сондай-ақ негізгі заңымыз елдің саяси жүйесін демократияландыруды, заң үстемдігін қамтамасыз етуді және халықтың әл-ауқатын арттыруды көздейтін ауқымды өзгерістердің берік тұғыры саналады. Конституциялық Соттың құрылуы – осындай институционалды реформаның бірі. Бұл құрылым азаматтардың құқықтары мен бостандықтары қорғалатынына әрдайым кепілдік беретін Ата заңымыздың рөлін мейілінше арттырды.Жалпыға бірдей жол ашатын Әділетті Қазақстанды құру үшін Конституция қағидалары қатаң сақталып қана қоймай, қоғамның сана-сезіміне біржола орнығуға тиіс. «Адал азамат» деген атқа лайық әрбір адам Ата заңның биік мұраттарын қолдайтынына және оны өмірлік ұстанымына айналдыратынына нық сенімдімін.Баршаңызға зор денсаулық, бақ-береке және толағай табыс тілеймін!

Мемлекет басшысы қазақстандықтарды Конституция күнімен құттықтады

<a href="https://kyzylorda-news.kz/">Kyzylorda-news.kz.</a> Бүгін республиканың басым бөлігінде атмосфералық фронтальды учаскелердің өтуімен ауа райының тұрақсыз сипаты сақталады, деп хабарлайды Қазгидромет.Синоптиктердің болжауынша, жаңбыр жауады, солтүстік-батыста, солтүстікте, оңтүстікте - найзағай ойнап, қатты жаңбыр жауады, екпінді жел, бұршақ жаууы мүмкін. Елдің оңтүстік-батысында – шаңды дауыл. Қазақстан Республикасының солтүстік-батысында, солтүстігінде, оңтүстік-шығысында – тұман.

30 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Ә.Смайыловтың төрағалығымен Үкімет отырысы өтті. Күн тәртібінде 2024-2028 жылдарға арналған әлеуметтік-экономикалық даму болжамы, «2024-2026 жылдарға арналған республикалық бюджет туралы», «Қазақстан Республикасының Ұлттық қорынан 2024-2026 жылдарға арналған кепілдендірілген трансферт туралы» заңдарының жобалары, геология саласын дамыту мәселелері қаралды.Ұлттық экономика министрі Әлібек Қуантыров әлеуметтік-экономикалық дамудың базалық, оптимистік және пессимистік сценарийлерін көрсетіп, ҚР Премьер-министрінің орынбасары – Қаржы министрі Ерұлан Жамаубаев 2024-2026 жылдарға арналған республикалық бюджет жобасын таныстырды.Жиынан соң облыс әкімі Нұрлыбек Нәлібаев Үкімет басшысының тапсырмаларын іске асыру жөнінде мәжіліс өткізіп, жауапты сала басшыларына бірқатар тапсырма берді. Облыстық экономика және қаржы басқармасы бюджет әкімшілерімен бірлесіп, қыркүйек айының соңына дейін Қызылорда облысының 2024-2028 жылдарға арналған әлеуметтік-экономикалық даму болжамын әкімдіктің қарауына енгізуі керек. Барлық басқармалар, Қызылорда қаласы мен аудан әкімдіктеріне аймақ үшін маңызды жобаларға республикалық бюджеттен қаржы бөлу бойынша Сенат және Мәжіліс депутаттарымен бірлесіп жұмыс жүргізу міндеті жүктелді.

Мәжілісте әлеуметтік-экономикалық даму перспективалары талқыланды

<a href="https://kyzylorda-news.kz/">Kyzylorda-news.kz.</a> Қызылордада отбасы құндылықтарын дәріптеген, шаңырақтың шырайын кіргізіп, түтінін түзу ұшырған өнегелі отбасылар марапат биігінен көрінді. «Мерейлі отбасы» ұлттық байқауына қатысқан үлгілі отбасылардың қатары тағы да толықты. Бүгін «Достық» үйінде ұлттық байқаудың облыстық жеңімпаздарын марапаттау салтанаты өтті.Облыс әкімі Нұрлыбек Нәлібаев жеңімпаздарды құттықтап, елімізде түп-тамырын ұлттық құндылықтардан алатын отбасы институтының орны ерекше екенін айтты. Бірлікті берік ұстанған, берекені еңбектен тапқан әулеттерге құрмет көрсетті.&nbsp;<blockquote>«Әуелден отбасы құндылығына аса мән берген қазақ үшін Отан, шаңырақ – ең киелі, құдіретті ұғым. Ал отбасы – мемлекеттің іргетасы. Оның берік әрі нық болуы – &nbsp;елдің дамуы мен келешегінің өлшемі. Ел Президенті Қасым-Жомарт Кемелұлы Тоқаев: «Халқымыз қай заманда отбасы дәстүрін берік ұстанып, қадірлей білген. «Үлкенге құрмет, кішіге ізет» – біздің қанымызға сіңген қасиет. Әрбір азаматтың адамгершілік болмысының қалыптасуына отбасындағы ахуал айрықша әсер етеді. Сондықтан мемлекет әр шаңырақтың әл-ауқатын арттырып, әр азаматтың өсіп-өркендеуі үшін барлық жағдайды жасайды», – деген болатын. Бүгінде отбасыларға қамқорлық пен көмек үздіксіз көрсетіліп келеді. Ана мен баланы қорғауға арналған қаржы, көпбалалы отбасыларына берілетін мемлекеттік жәрдемақылар көлемі жыл сайын өсуде. Қазір облысымызда 17 мыңға жуық «Алтын алқа» мен «Күміс алқа» иегерлері, 34 мыңға жуық көпбалалы отбасы бар. Ай сайын 2 млрд 484 млн. теңге мемлекеттік жәрдемақы төленуде», – деді аймақ басшысы.</blockquote>«Мерейлі отбасы» ұлттық конкурсының облыстық іріктеу кезеңінің қорытындысы бойынша шиелілік Асановтар мен қармақшылық Көбеевтер жүлделі ІІІ орынды, Қазалы ауданынан қатысқан Бөлебаевтар әулеті ІІ орынды иеленді. Сырдария ауданының Үмбетаевтар отбасы І орын иемденсе, қазалылық Смағұловтар отбасы бас жүлдеге лайық деп танылды.&nbsp;Байқауда жеңімпаз атанған отбасының үлкені, мәуелі бәйтерегі Қабақ Смағұлұлы – Ұлы Отан соғысының ардагері. Қан майдандағы ерлігі үшін түрлі деңгейдегі ордендермен марапатталған. Соғыстан кейін 40 жыл есеп саласында еңбек еткен, Қазалы ауданының Құрметті азаматы. Ардагердің 10 баласы бар, әулетінде 22 немере, 32 шөбере, 2 шөпшегі өсіп келеді.Облыс әкімі Нұрлыбек Машбекұлы жеңімпаз атанған отбасыларға бағалы сыйлықтар мен арнайы дипломдар табыстады.Айта кетейік, биыл байқауға өңірімізден 304 отбасы өтінім білдірген. Қала және ауданда байқау ережесіне сәйкес келетін 16 отбасы іріктеліп, облыстық кезеңге өтті. Комиссия мүшелері 11 отбасыны іріктеп, оларға жүлделі орындар мен номинациялар тағайындады. Бас жүлдеге ие болған отбасының құжаттары республикалық кезеңге жолданады.

Қызылордада «Мерейлі отбасы» байқауының жеңімпаздары марапатталды

<a href="https://kyzylorda-news.kz/">Kyzylorda-news.kz.</a> ҚР басым бөлігінде атмосфералық фронтальды бөлімдердің өтуіне байланысты ауа-райының тұрақсыз сипаты сақталады, жаңбыр жауады, таулы аудандардың оңтүстік-шығысында найзағай ойнап, дауыл тұрып, жауын-шашын (жаңбыр, жабысқақ қар), бұршақ жаууы мүмкін, деп хабарлайды Қазгидромет.ҚР батысында, солтүстігінде, солтүстік-батысында қатты жаңбыр жауады деп күтілуде. ҚР батысында, солтүстігінде, оңтүстік-шығысында тұман күтіледі.Жамбыл, Қызылорда, Атырау обылысының батысында, шығысында, Ақтөбе облысының батысында, орталығында, Маңғыстау облысының солтүстігінде, шығысында, оңтүстік-шығысында төтенше өрт қаупі күтіледі.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Конституция күні қарсаңында облыс әкімі Нұрлыбек Нәлібаев Шиелі ауданына жұмыс сапарымен барып, тұрғындарға 72 пәтердің кілтін табыстады.Іс-шараға Қызылорда облысының Құрметті азаматы Мұрат Бақтиярұлы қатысты.Аймақ басшысы қоныс той иелерін құттықтап, халықты баспанамен қамту мемлекеттің басым бағытының бірі болып қала беретінін жеткізді.<blockquote>«Бүгін Конституция күні қарсаңында аудан орталығынан жаңа тұрғын үйді пайдалануға беріп, 70-тен аса отбасының қуанышын еселемекпіз. Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде дамыту. Ауылдарға нақты қолдау көрсетіп, заманауи инфрақұрылымды дамытуымыз керек», – деген болатын. Президентіміз бен Үкіметтің Сыр өңірін ерекше қолдауының арқасында 2023 жылдың тамыз айындағы облыс бюджетінің көлемі 604 млрд. 100 млн. теңгеге жетті. Бұл өткен жылдың тамызындағы көрсеткішпен салыстырғанда 157 млрд. 600 млн. теңгеге немесе 55,3 пайызға ұлғайды. Оның ішінде Шиелі ауданының бюджеті 13 млрд. 444 млн. теңгеге жетті. Бұл ауқымды қаражат аймағымыздың ең өзекті саналатын мәселелерін шешуге, облыс тұрғындарының өмір сүру сапасын арттыруға жұмсалады», – деді Нұрлыбек Машбекұлы.</blockquote>72 пәтерлік тұрғын үй "Көкшоқы" шағын ауданында салынған. Пәтерлер комиссия шешімімен заң аясында барлық санатқа бөлінді. Сонымен қатар, республикалық бюджеттен 480 млн. теңге қаржы қаралып, 50 тұрғын үй құрылысы басталған. Жыл соңында бұл үйлер де халықтың әлеуметтік жағынан осал топтарына берілмек.Айта кетейік, мамыр айында Шиелі ауданындағы көпбалалы отбасыларға 20 тұрғын үйдің кілті табысталған еді. Оған «Нұрлы жер» мемлекеттік тұрғын үй құрылысы бағдарламасы аясында 833,2 млн теңге қаржы бөлінген. &nbsp;Қазір Сыр өңірі қарқынды құрылыс алаңына айналып, жаңа заманауи нысандар бой көтеруде. Облысымызда соңғы үш жылда жалпы ауданы 231 мың шаршы метрді құрайтын 2 868 пәтерлік 148 тұрғын үй салынды. Биыл 31 млрд. 400 млн. теңгеге 130 мың шаршы метр 1 924 пәтерлік 36 көпқабатты тұрғын үйдің құрылысы жүргізілуде. Алдағы уақытта 1430 пәтерлік 30 үй халық игілігіне табысталады. Арнайы қабылданған «Сыр жастары» бағдарламасы аясында алғаш рет 100-ден астам жас отбасыға тұрғын үй беріледі. &nbsp;Бұл мақсатқа жергілікті бюджеттен 1 млрд. 200 млн. теңге, «Отбасы» банкі арқылы 500 млн.теңге, барлығы 1 млрд. 700 млн. теңге қаражат бөлінді. &nbsp;Несиелік тұрғын үй құрылысы бойынша биыл Қызылорда қаласында 520 пәтерлік 11 тұрғын үйді салып, пайдалануға беру жоспарлануда. Бұдан бөлек, Сырдария өзенінің сол жағалауында 84 пәтерлік жеті қабатты 6 тұрғын үйдің құрылысы басталды.<img src="https://knadmin.beoblood.kz/uploads/371083281_600727768915138_8146077049549109195_n_5edaa173f2.jpg" alt="371083281_600727768915138_8146077049549109195_n.jpg"><img src="https://knadmin.beoblood.kz/uploads/371060956_600727738915141_2531030061032892424_n_c37f554ccb.jpg" alt="371060956_600727738915141_2531030061032892424_n.jpg"><img src="https://knadmin.beoblood.kz/uploads/370840139_600727835581798_4382338704200315862_n_c20a49d048.jpg" alt="370840139_600727835581798_4382338704200315862_n.jpg"><img src="https://knadmin.beoblood.kz/uploads/371120463_600727845581797_5118425370738600123_n_e1e714d368.jpg" alt="371120463_600727845581797_5118425370738600123_n.jpg"><img src="https://knadmin.beoblood.kz/uploads/371029531_600727928915122_520971322145737602_n_2249bb702f.jpg" alt="371029531_600727928915122_520971322145737602_n.jpg">

Шиеліде 70-тен астам отбасы баспаналы болды

<a href="https://kyzylorda-news.kz/">Kyzylorda-news.kz.</a> Алматы қаласы химия-биология бағытындағы Зияткерлік мектепте өткен «World Robot Olimpiad-2023» әлем чемпионатының ұлттық кезеңінде Сыр өңіріндегі NIS оқушылары үш жүлделі орынды иеленді.«Future Engineers» санатында сайысқа түскен 10-сынып оқушылары Нұрдәулет Әділбек пен Ернұр Сәду автономды көліктер құрастырып, оларды сынамадан өткізді. Нәтижесінде, бір командаға ғана есеп жіберіп, күмістен медаль тақты. Негізгі жоғары санатында үздік шыққан 11-сынып білім алушылары Максим Усольцев пен Дінмұхаммед Абдиев те ІІ орынмен марапатталды. Сыр елінің қос командасы да &nbsp;роботтар олимпиадасының қараша айында өтетін ақтық кезеңіне жолдама ұтып алды.10-сынып оқушылары Амина Омарова мен Жасия Болат шығармашылық сайыста «Prediction of Tsunami» атты жобаларын таныстырып, ІІІ орынды иемденді. Бұл автоматты жүйе табиғат апаты – цунами туралы алдын ала ескертіп, апаттық толқынға қарсы жасанды толқын жасап, қауіптің алдын алуға мүмкіндік береді. &nbsp;<blockquote>«Соңғы 20 жылда цунами салдарынан 250 мыңнан астам адам қайтыс болды. Жалпы экономикалық шығын 280 миллиард долларды құрады. Әсіресе, Үнді және Тынық мұхиттарының жағалауларында орналасқан елді-меккендер зардап шегуде. Қазақстанда цунами апаты мүлдем орын алмайтындықтан осы технологиямызды өзге мемлекеттерге экспорттау арқылы экономикамызды біршама жақсартуға болады», – дейді жас өнертапқыштар.</blockquote>Айта кетейік, өткен жылы да қызылордалық өрендер ұлттық құрамада Германия еліне барып, ел намысын қорғаған болатын. &nbsp; Оқушылардың жеңіс тұғырынан көрінуіне ат салысқан информатика пәнінің мұғалімдері: Серік Ахметов пен Анар Кенесары.

Қызылордалық зияткерлер Панамада ел намысын қорғайды

<a href="https://kyzylorda-news.kz/">Kyzylorda-news.kz.</a> ҚР басым бөлігінде атмосфералық фронтальды бөлімдердің өтуіне байланысты ауа-райының тұрақсыз сипаты сақталады, жаңбыр жауады, найзағай, дауыл және желдің күшеюі күтіледі, бұршақ жаууы мүмкін, деп хабарлайды Қазгидромет.&nbsp;ҚР батысында, солтүстігінде, солтүстік-батысында, орталығында, оңтүстігінде, оңтүстік-шығысында қатты жаңбыр күтіледі, Алматы облысының таулы аудандарында қатты жауын-шашын (жаңбыр, жылбысқы қар) күтіледі. ҚР солтүстігінде, солтүстік-батысында тұман күтіледі.Жамбыл, Қызылорда облыстарында, Ақтөбе облысының батысында, оңтүстігінде, орталығында, Атырау облысының батысында, шығысында, Қостанай облысының оңтүстігінде, Маңғыстау облысының солтүстігінде, шығысында, оңтүстік-шығысында төтенше өрт қаупі күтіледі.Жетісу облысында жоғары өрт қаупі сақталады. Батыс Қазақстан облысының солтүстігінде, орталығында жоғары өрт қаупі сақталады, облыстың оңтүстік-батысында, солтүстік-батысында, шығысында төтенше өрт қаупі сақталады.Абай, Шығыс Қазақстан облыстарында, Ұлытау облысының оңтүстігінде, Қарағанды облысының оңтүстігінде, орталығында жоғары өрт қаупі сақталады.

28 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстан аймақтарында 2023 жылғы 27 тамызда болатын қауіпті метеорологиялық құбылыстарға болжау консультациясын жариялады, деп хабарлайды ҚазАқпарат.ҚР басым бөлігінде атмосфералық фронтальды бөлімдердің өтуіне байланысты ауа-райының тұрақсыз сипаты сақталады, жаңбыр жауады, найзағай, дауыл және желдің күшеюі күтіледі, бұршақ жаууы мүмкін. ҚР солтүстігінде, орталығында, оңтүстігінде, оңтүстік-шығысында қатты жаңбыр жауады. ҚР қатты жаңбыр жауады деп күтілуде. ҚР солтүстігінде, солтүстік-батысында тұман, оңтүстік-батысында шаңды дауыл күтіледі.Түркістан, Жамбыл, Қызылорда, Ақтөбе облысының батысында, оңтүстігінде, орталығында Атырау облысының батысында, шығысында, Қостанай облысының оңтүстігінде, Маңғыстау облысының батысында, солтүстігінде, оңтүстік-шығысында төтенше өрт қаупі күтіледі. &nbsp;

27 тамызға арналған ауа райы болжамы

Kyzylorda-news.kz. 26 тамызда атмосфералық фронтальды бөліктердің өтуіне байланысты еліміздің басым бөлігінде ауа райы құбылмалы болады. Найзағай ойнап, дауыл соғады, жел күшейеді, бұршақ жаууы мүмкін, деп хабарлайды Қазгидромет.&nbsp;Еліміздің батысында, оңтүстік-батысында қатты жаңбыр жауады. Ал Солтүстікте, солтүстік-батыста тұман түседі, оңтүстікте шаңды дауыл соғады.Түркістан, Жамбыл, Қызылорда, Ақтөбе облысында, Атыраудың батысында, оңтүстігінде, шығысында, Қостанай облысының оңтүстігінде, Маңғыстаудың батысында, солтүстігінде, оңтүстік-шығысында төтенше өрт қаупі бар.Батыс Қазақстан облысында жоғары өрт қаупі сақталады, облыстың оңтүстік-батысында, шығысында төтенше өрт қаупі бар.Алматы облысының солтүстік жартысында төтенше өрт қаупі сақталады. Жетісу облысында жоғары өрт қаупі бар.Ұлытау, Абай, Шығыс Қазақстан облыстарында, Қарағанды ​​облысының орталығында өрт қаупі жоғары.

Қазақстан және Қызылорда облысының басты жаңалықтары