<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында ерте егілген дақылдарды жинау толық аяқталды. Атап айтсақ, 4,3 мың гектар күздік бидайдан 7 мың тонна, 4,4 мың гектар жаздық бидайдан 3,2 мың тонна, 365 гектар арпадан 209 тонна өнім алынды.Майлы дақылдар бойынша, егілген 4,2 мың гектар мақсары, 64 гектар соя толық жиналды. Оған қоса 179 гектар күнбағысты жинау жалғасуда. Дәнді жүгері мен сүрлем жүгерінің өнімі көңіл қуантарлық.Бүгінде картоптың 2,6 мың гектары (62,2%), көкөністің 6 мың гектары (92,4%), бақшаның 8,4 мың гектары қазылды. Ал малазықтық дақылдарды жинау жұмыстары жалғасуда. Әзірге 277,5 мың тонна жоңышқа тасымалданды. Қазіргі үшінші орымның 14,3 мың гектары орылды.Мал азығы ретінде егілген 201 гектар асқабақтан мол өнім алынды.Күріш егісінің суы байланып, негізгі дақылдың 44,1 мың гектары (49,5%-ы) орылды. Оның 34,3 мың гектары (77,9%-ы) бастырылып, 174,2 мың тонна өнім қамбаға құйылды. Орта өнім гектарына 50,8 центнерден келуде.Шаруашылықтар есебіндегі 4239 техника түгелімен науқандық жұмысқа қатысуда. Қолда бар техникалар күрішті белгіленген мерзімде жинап алуға толық жеткілікті.Күзгі егін жинау жұмыстарына 9,1 мың тонна және жем-шөп қорын жасақтауға қосымша 1,5 мың тонна арзандатылған дизель отыны бөлінді. Жанар-жағар маймен қамтамасыз ету кестеге сәйкес жүргізілуде.Егін жинау жұмыстарын 10 қазанға дейін аяқтау жоспарланған.

Аймақта егін жинау жұмыстары белгіленген кестеге сәйкес атқарылуда

<a href="https://kyzylorda-news.kz/">Kyzylorda-news.kz.</a>&nbsp; Ұлттық экономика министрлігінің қосылған құн салығын 12 пайыздан 16 пайызға дейін ұлғайту туралы ұсынысы қызылордалық кәсіпкерлерді алаңдатып отыр.Қызылорда облысы кәсіпкерлер палатасының алаңында өткен салалық кеңестің біріккен отырысында бизнес өкілдері пікірлерін білдірді.Шараға Кәсіпкерлер палатасының директоры Пірмұхаммед Сыздықов, Палата жанындағы Өңірлік және салалық кеңес мүшелері, мүдделі мемлекеттік орган өкілдері мен кәсіпкерлер қатысты.Өңірлік кеңес мүшесі, облыстық құрылысшылар қауымдастығының төрағасы Манарбек Еспенбетов құрылысшылардан қосымша құн салығын алып тастауды ұсынды.<blockquote>«Жоғарыда отырған кісілер қосымша құн салығын көтеру бастамасын шет елден алып отыр. Бізге ол келмейді. Өзге сала туралы айта алмаймын. Құрылыс саласы бойынша айтайын. Егер қосылған құн салығын 12-ден 16 пайызға көтерсе біздің салада хаос, яғни былық басталады. Қосылған құн салығын төлейтін тауар жеткізушілер өзге жолды іздей бастайды да, оның салмағы құрылысшыларға түседі. Қазір осы қосылған құн салығын дұрыс есептеп отыру үшін де бірнеше бухгалтер ұстауға мәжбүрміз. Құрылысшылардан қосымша құн салығын алып тастап, салықтың бір түрін ғана қалдыру керек. Мысалы 1 млрд теңге алдық па, соның 60 млн теңгесін салық қылып төлейміз. Болды», – деді кәсіпкер Манарбек Еспенбетов.</blockquote>Бәсекелестікті қорғау және дамыту агенттігінің Қызылорда облысы бойынша департаменті басшысы Ерсін Орынбаев қосымша құн салығын көтеру кәсіпкерлерге ғана емес, халыққа да салмақ салуы мүмкін екенін атап өтті.<blockquote>«Бұл жерде зардап шегетін халық, яғни тұтынушылар. Түптің түбінде бұл ақшаны халық төлейді. Қосылған құн салығын төлеу көлемін арттырған күннің өзінде 2025 жылы бірден енгізіп жібермей, кезең кезеңімен енгізуді ұсыну керек», – деді Ерсін Орынбаев.</blockquote>Пластик трубаларын шығаратын «Қуат» ЖШС директорының орынбасары Олег Гладков салықты көбейту отандық тауарөндірушілерге қаншалықты пайдалы екенін түсінбейтінін жеткізді. &nbsp;<blockquote>«Қосылған құн салығын өсіру туралы жаңалықты естігелі алаңдап отырмыз. Біріншіден, баға өседі. Бұл біздің қызметімізді керісінше, бәсекеге қабілетсіз етеді. Салық өскенде қандай жағдайда болатынымызды айту, сөздің шыны, қиын. Екіншіден, біз тауарды шығару үшін шикізатты өзге кәсіпкерлерден аламыз. Осы тауар жеткізуші кәсіпкерлер шағыннан ортаға ауысамыз деп ойланып жүрген. Мына жаңалықтан кейін орта кәсіпкер болудың тиімсіз екенін айтып жатыр», – дейді Олег Гладков.</blockquote>Отырыста кәсіпкерлер жақында ғана Президенттің кәсіпкерлермен кездесуде салық заңнамасын оңтайландырып, орта кәсіпкерлердің қатарын көбейту, олардың қолдау керек деген тапсырмасына Ұлттық экономика министрлігінің бастамасы қаншалықты сай келетінін түсінбейтінін баса жеткізді.<blockquote>«Бұл бізге артық салмақ. Мәселені жан-жақты зерттеп, кәсіпкердің пікірімен де санасқан дұрыс шығар. Біз қарсымыз. Бастаманы көтеріп отырған министрлікке айтарым, сіздер, кәсіпкерлерді қорғап жатқан жоқсыздар, қайта қорлап жатырсыздар», – деді Өңірлік кеңес мүшесі Аблан Асенов.</blockquote>Кездесу қорытындысымен кәсіпкерлер мен мемлекеттік орган өкілдері берген ұсыныстарды жинақтап, «Атамекен» ҰКП-ның Орталық аппаратына жолдау жөнінде шешім қабылданды.&nbsp;&nbsp;

Құн салығы қызылордалық кәсіпкерлерді алаңдатып отыр

<a href="https://pixabay.com/ru/photos/%D0%BE%D1%81%D0%B5%D0%BD%D1%8C-%D0%BB%D0%B8%D1%81%D1%82%D1%8C%D1%8F-%D0%BB%D0%B8%D1%81%D1%82%D0%B2%D0%B0-%D0%BE%D1%81%D0%B5%D0%BD%D0%BD%D0%B8%D0%B5-%D0%BB%D0%B8%D1%81%D1%82%D1%8C%D1%8F-6188152/">ФОТО</a><a href="https://kyzylorda-news.kz/">Kyzylorda-news.kz.</a> Қазгидромет синоптиктері 25 қыркүйек, дүйсенбіге арналған ауа райы болжамын ұсынды.&nbsp;&nbsp;Антициклонның әсерінен Қазақстан аумағының көп бөлігінде жауын-шашын жаумайды.Тек еліміздің шығысында атмосфера фронттарының әсерінен жаңбыр, таулы аймақтарда жауын-шашын (жаңбыр, жылбысқы қар) болады.Республика бойынша түнде және таңертең тұман түседі, оңтүстікте, шығыста екпінді жел соғады.&nbsp;Қызылорда қаласының орталығында, шығысында, оңтүстігінде төтенше өрт қаупі сақталады.&nbsp;

25 қыркүйекке арналған ауа райы болжамы

Сурет: pixabay<a href="https://kyzylorda-news.kz/">Kyzylorda-news.kz.</a> "Қазгидромет" синоптиктері ертең, 24 қыркүйекте бірнеше өңірде қар мен жаңбыр жауып, үсік болатынын болжады.Қызылорда облысында жел солтүстіктен, солтүстік-шығыстан соғады, күндіз облыстың оңтүстігінде күші 15-20 м/с күтіледі. 24-26 қыркүйекте Қызылорда облысының орталығында, шығысында, оңтүстігінде төтенше өрт қаупі сақталады.

24 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> «Әке асқар тау, биік шың!» тақырыбында еркін форматтағы облыстық әкелер форумы отбасылық демалыс орнында өтті.​Форум ашық аспан астында және бейресми еркін пікір алмасу форматында әкелер мен ұл балаларының бірге қатысуымен ұйымдастырылды.​Форумның мақсаты – Әкелердің еркін пікір алмасу алаңын құру және ұл балаларды ұлттық спорт түрлерімен таныстыра отырып қызығушылығын оятуға ықпал жасау, ұлттық аспаптарға және қолөнерге баулу.Форумды облыс әкімі аппаратының басшысы Шахмардан Асқарұлы Байманов ашып, «Қоғамдағы әр отбасының босағасы берік, мерейі үстем болмай мемлекеттің мықты болуы мүмкін емес.Ал, әр отбасында елін сүйетін, ұлтына жаны ашитын, еңбекқор азаматтың тәрбиеленіп шығуында Әкенің орны ерекше» - деп атап өтіп, осы бағыттағы жұмыстарды бірлесіп атқаруға шақырды.Форум барысында айтыскер ақын Нұрмат Мансуров, №140 мектептің тәрбие ісі жөніндегі орынбасары Бақытжан Жақсылық сөз сөйлеп, облыстық мәслихат депутаттары, қоғам белсенділері, оқу орындарының Әкелер кеңестерінің төрағалары, жастар өкілдері пікір білдірді.Қатысушыларға қолөнер бұйымдарының көрмесі мен ат әбзелдері таныстырылып, ерттеу әдістерін үйретті. Асық ату ойыны мен оның шарттары таныстырылып, ойын өткізді, садақ ату сабағы да өткізілді. Зергерлер мен ағаш ұсталары және керамика шеберлері жастарға өз кәсіптерінің қыр-сырымен бөлісіп, мастер-кластар өткізді. Домбырашылар ансамблі күйлерді тартып көрермендерге ұлттық рухани демалыс сыйлады.

Облыстық әкелер форумы өтті

<a href="https://www.ugorizont.ru/2021/10/11/kraski-oseni/">ФОТО</a><a href="https://kyzylorda-news.kz/">Kyzylorda-news.kz.</a> Алдағы күндері күн райының тұрақсыз сипаты елдің солтүстігінде, шығысында, оңтүстігі мен оңтүстік-шығысында әлі де сақталады. Онымен найзағай мен екпінді жел, бұршақ күтіледі. Оңтүстік-шығыстағы таулы аймақтарда қар аралас жаңбыр болжанады.&nbsp;Бұл туралы&nbsp;<a href="https://www.kazhydromet.kz/post/2354">«Қазгидромет» РМК</a> хабарлайды.22-23 қыркүйекте – шығыста, 22 қыркүйекте оңтүстік-шығыста – қатты жаңбыр, оңтүстік-шығыстың таулы аймақтарында қатты жауын-шашын күтіледі.Қазақстанның тек батысында, солтүстік-батысында, Батыс антициклонының ықпалымен күн райы ашық болады.Елдің батысында, солтүстігі мен орталығында түнгі және таңертеңгі уақыттарда тұман болжанады.Түнде республиканың солтүстігінде, солтүстік-батысында және орталығында топырақ бетінде -1 градус үсік жүреді.Ауа температурасы күндіз батыс өңірлерде 24-30-ға дейін, елдің солтүстік-батысында 15-27-ге дейін көтеріледі. Солтүстік аумақта 10-16 градусқа дейін төмендейді, орталықта 10-23 жылы болады. Шығыста температура бағамы 10-15-ке дейін түсіп, оңтүстікте 20-28-ге дейін жоғарылайды. Оңтүстік-шығыста 12-22 градусқа дейін, таулы аудандарда 2-10 градусқа дейін төмендейді.

22 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев ел ағалары Шахизат Төребаев пен Қожахмет Баймахановты мерейтойымен құттықтады.<blockquote>«Бүгін біз қос мерейтой иесінің қуанышына орай жиналдық. Қоғам қайраткері, Қармақшы, Жалағаш аудандары және Қызылорда қаласының құрметті азаматы, «Құрмет» орденінің иегері Төребаев Шахизат Хамитұлы мерейлі 75 жасқа, мемлекет және қоғам қайраткері, Қызылорда облысының құрметті азаматы, «Құрмет» орденінің иегері Баймаханов Қожахмет Мәдібайұлы 70 жасқа толды. Екі ағамыз да киелі Сыр бойындағы шежіре тұнған, жан сарайы жырға толы асылдар туған Жалағаш ауданында дүниеге келіп, туған жерінің құрметіне бөленіп келеді. Біз де елдік мүддені жоғары қоятын, парасаты биік, адами болмысы асқақ, абыройлы ағаларымызға қарап бой түзейміз», – деді Нұрлыбек Машбекұлы.</blockquote>Шахизат Хамитұлы облыстың әлеуметтік-экономикалық дамуына, соның ішінде аймақтағы қоршаған ортаны қорғау саласына, экологияны жақсартуға зор үлес қосты. Нарыққа өту кезеңiнде шағын кәсiпкерлiктiң дамуына, кооперативтердiң құрылуына, яғни ел экономикасының жаңа жүйеге бетбұрыс жасау уақытындағы бастамаларға атсалысты. Облыс орталығын абаттандыруға, сәулеттi ғимараттардың бой түзеуiне еңбек сіңірді. Парламент Мәжілісінің депутаты кезiнде Шахизат Хамитұлы Қоршаған ортаны қорғау туралы заңның шығуына белсене қатысты. Ғылыми iзденiстерінің көкжиегін кеңейтіп, 1997 жылы «Арал өңiрiнiң экологиялық проблемалары» тақырыбында кандидаттық диссертация қорғап, 8 ғылыми мақаланың авторы атанды.Құрылыс саласында өзіндік қолтаңбасы бар мемлекет және қоғам қайраткері Қожахмет Мәдібайұлы тәуелсіздіктің алғашқы жылдарындағы қиын-қыстау кезеңде ел тізгінін қолға алып, өңіріміздің әлеуметтік-экономикалық дамуы жолында аянбай еңбек етті. Қызылорда қаласының әкімі болған жылдары облыс орталығында «Тағзым алаңы», «Қорқыт ата» кітабының 1300 жылдығына арналған мемориал, «Қорқыт ата» әуежайы, «Еуразия» мәдени-спорт кешені, аквапарк секілді жаңа нысандар бой көтеріп, «Сарқырама» каналы қайта қалпына келтірілді. Қазір ол басқаратын «Асар Холдинг ЛТД» компаниясы тұрғын үй кешендері мен халыққа қызмет көрсету орталықтарын салып, аймақ экономикасына үлес қосуда.Актив отырысында Шахизат Хамитұлына және Қожахмет Мәдібайұлына «Құрмет» грамотасы табысталды.Жиында Жалағаш аудандық ардагерлер кеңесінің төрағасы Садық Әлиев, мемлекет және қоғам қайраткерлері Бақберген Досманбетов, Бақыт Нұртазаев, Батырбек Маншарипов мерейтой иелерін құттықтады.<figure class="image"><img src="https://knadmin.beoblood.kz/uploads/380572748_613161681005080_3287304313193419173_n_527c9c9662.jpg" alt="380572748_613161681005080_3287304313193419173_n.jpg"></figure>&nbsp;<figure class="image"><img src="https://knadmin.beoblood.kz/uploads/380541017_613161247671790_7498814517603705886_n_92ed8dbf86.jpg" alt="380541017_613161247671790_7498814517603705886_n.jpg"></figure>&nbsp;<figure class="image"><img src="https://knadmin.beoblood.kz/uploads/380583427_613161141005134_2313048644840217237_n_fa35726c82.jpg" alt="380583427_613161141005134_2313048644840217237_n.jpg"></figure>

Облыс әкімі Ш.Төребаев пен Қ.Баймахановты мерейтойымен құттықтады

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен облыс әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысында ұрлықпен күрес, профилактикалық есепте тұрған азаматтардың қайта қылмыс жасауының алдын алу мәселелері қаралды.Аймақ басшысы соңғы жылдары қылмыстық құқық бұзушылық саны төмендегенімен, ішінара қайталанатын заң бұзу әрекеттері тыйылмағанын қаперге салды.<blockquote>«Ел Президенті халыққа арнаған жаңа Жолдауында қоғамдық тәртіптің кез келген түріне қатысты нақты шешім қабылдау кезек күттірмейтінін атап өтті. Бұл орайда балаларды түрлі қылмыстан қорғауға, оларға қауіпсіз орта жасауға, әлімжеттік оқиғаларды болдырмау үшін қатаң тосқауылдар қойып, жұмысты күшейтуге міндеттіміз. Сондықтан бұл тақырыптарды комиссия отырыстарында жан-жақты қарауға тиіспіз. Биылғы 8 айдағы көрсеткіштерге сәйкес өңірімізде тіркелген қылмыстық құқық бұзушылықтар 7 пайызға, ұрлық 15 пайызға төмендеген. Елімізде тіркелген 30 713 ұрлықтың 2,1 пайызы өңірімізде жасалған. Республикалық көрсеткіште Қызылорда облысы 18-ші қатарда орналасқан. Алайда, бұл ұрлықпен күрес жұмыстарын бәсеңдетуге негіз болмайды», – деді Нұрлыбек Машбекұлы.</blockquote>Қызылорда облысы бойынша полиция департаментінің бастығы Махсудхан Аблазимов осы бағытта атқарылған жұмыстар туралы баяндап, қылмыс деңгейін төмендету бойынша бірқатар ұсыныс айтты. Қылмыстық атқару жүйесі департаментінің бастығы Шаймерден Есенгелдиев өңірде бұрын сотты болғандар жасаған қылмыстық құқық бұзушылықтар санын азайтуда қабылданған шараларға тоқталды.Облыс әкімі қылмыспен күресте бақылаудың жеткіліксіздігін айтып, таяуда ғана Түркістан облысының Сарыағаш ауданында болған жантүршігерлік оқиғаны, яғни бірнеше рет қылмысқа барған адамның бес жасар қыз баланы айуандықпен өлтіргенін мысал ретінде келтiрді. Бұл жауапты басшылардың барлығына сабақ болуы тиіс екенін ескертті. Осы тұрғыда қатаң бақылау және профилактикалық жұмыстың маңызы зор екенін назарға салып, бірлесіп әрекет етуді міндеттеді.

Аймақтағы ұрлық жасау 15 пайызға  төмендеген

<a href="https://tengrinews.kz/kazakhstan_news/tepluyu-i-suhuyu-osen-prognoziruyut-v-kazahstane-475515/">ФОТО</a><a href="https://kyzylorda-news.kz/">Kyzylorda-news.kz.</a> Алдағы күндері күн райының тұрақсыз сипаты елдің солтүстігінде, шығысында, оңтүстігі мен оңтүстік-шығысында әлі де сақталады. Онымен найзағай мен екпінді жел, бұршақ күтіледі. Оңтүстік-шығыстағы таулы аймақтарда қар аралас жаңбыр болжанады.&nbsp;Бұл туралы&nbsp;<a href="https://www.kazhydromet.kz/post/2354">«Қазгидромет» РМК</a> хабарлайды.21 қыркүйекте – оңтүстікте, 21-23 қыркүйекте – шығыста, 21-22 қыркүйекте оңтүстік-шығыста – қатты жаңбыр, оңтүстік-шығыстың таулы аймақтарында қатты жауын-шашын күтіледі.Қазақстанның тек батысында, солтүстік-батысында, Батыс антициклонының ықпалымен күн райы ашық болады.Елдің батысында, солтүстігі мен орталығында түнгі және таңертеңгі уақыттарда тұман болжанады.Түнде республиканың солтүстігінде, солтүстік-батысында және орталығында топырақ бетінде -1 градус үсік жүреді.Ауа температурасы күндіз батыс өңірлерде 24-30-ға дейін, елдің солтүстік-батысында 15-27-ге дейін көтеріледі. Солтүстік аумақта 10-16 градусқа дейін төмендейді, орталықта 10-23 жылы болады. Шығыста температура бағамы 10-15-ке дейін түсіп, оңтүстікте 20-28-ге дейін жоғарылайды. Оңтүстік-шығыста 12-22 градусқа дейін, таулы аудандарда 2-10 градусқа дейін төмендейді.

21 қыркүйекке арналған ауа райы болжамы

<a href="https://novostipmr.com/ru/news/21-10-16/meteorologi-soobshchili-o-slabom-dozhde-nochyu-i-utrom-v">ФОТО</a><a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қыркүйектің 20-сы күнгі ауа райы болжамын жариялады.Кәсіпорын таратқан деректерге қарағанда, 20-қыркүйек күніреспубликамыздың батыс аймақтарына антициклон ықпалының әсерінен күн жауын-шашынсыз болады. Ал еліміздің басқа аймақтарында атмосфералық фронталды бөліктердің өтуіне байланысты күн құбылып тұрады, яғни жаңбыр жауып, найзағай ойнады. Еліміздің оңтүстік-шығысында қатты жаңбыр жауады, оңтүстік-шығысындағы таулы аудандарда жаңбыр, қар аралас жаңбыр жауады.Республика бойынша екпінді жел тұрып, тұман түседі, түнде еліміздің оңтүстігінде шаңды дауыл тұрады.Қызылорда облысының орталығында, шығысында, оңтүстігінде, Қарағанды, Ұлытау облысының оңтүстігінде төтенше өрт қаупі сақталады.

20 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен Үкімет отырысында егін жинау науқаны, жаңа «Бюджет кодексі» жобасы, алдағы жылу беру маусымына дайындық барысы талқыланды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, күрішті жауын-шашынға қалдырмай, уақытылы жинап алуды тапсырды. Шаруа қожалықтарын жанар-жағармаймен қамтамасыз ету, егістікке алынған су төлемінің уақытылы төленуін қадағалау қажеттігі ескертілді. Қала, аудан әкімдіктері алдағы жылы егілетін дақылдардың егіс көлемі сызбасын, су үнемдеу технологияларын пайдалану арқылы егілетін егіс көлемін тиісті құжаттарымен бірге осы жылдың 1 желтоқсанына дейін облыстық ауыл шаруашылығы және жер қатынастары басқармасына ұсынуы қажет.Нұрлыбек Машбекұлы екінші мәселе – жаңа «Бюджет кодексі» жобасына қатысты бағдарлама әкімшілеріне, қала және аудан әкімдіктеріне 2024-2026 жылдарға арналған бюджетті жоспарлау кезінде нәтижеге бағытталған бюджет жүйесін қалыптастыруға мән беруі керектігін қаперге салды.<blockquote>«Бюджет қаржысы тиімді жоспарланып, оның әлеуметтік-экономикалық қайтарымы болуы тиіс. 2024 жылға облыстық басқармалар және қала, аудан әкімдіктері тарапынан Қаржы министрлігіне 202 млрд.теңгеге бюджеттік өтінім ұсынылып, тек 85,4 млрд.теңгесі, яғни 42 пайызы ғана қолдау тапты. Инфрақұрылым желілерін тартуға, абаттандыруға, газдандыруға, тұрғын үйлерді күрделі жөндеуге, жол салуға бағытталған 116,6 млрд.теңгенің жобалары қолдау таппаған. Бұл жобалар өңіріміздің әлеуметтік-экономикалық дамуына, тұрғындардың қолайлы өмір сүруіне оң ықпал етеді. Өздеріңіз білетіндей, Мемлекет басшысының тапсырмасымен Көлік, Өнеркәсіп және құрылыс, Су ресурстары және ирригация, Мәдениет және ақпарат, Туризм және спорт, Сауда және интеграция министрліктері құрылды. Осы ретте, облыстық басқармалар, Қызылорда қаласы және аудан әкімдіктері жаңа министрліктермен тиісті жұмыс жүргізуі қажет», – деді аймақ басшысы.</blockquote>Үкімет отырысында қаралған тағы бір мәселе – алдағы жылу беру маусымына дайындық бойынша облыс әкімі жауапты сала басшыларына әлеуметтік нысандар мен тұрғын үйлердің әзірлігін мұқият қадағалап, қажетті отын қорын уақытылы жеткізуді тапсырды.Мәжіліс қорытындысында облыс әкімі өткен аптада Астана қаласында болған ауыл шаруашылығы жәрмеңкесін жоғары деңгейде ұйымдастыруға атсалысқан азаматтарға алғыс білдіріп, алдағы уақытта мұндай шараны өңірде де өткізу жөнінде тапсырма берді.

Жауапты кезең тыңғылықты дайындықты талап етеді

<a href="https://kyzylorda-news.kz/">Kyzylorda-news.kz.</a> Ел ордасы Астана қаласында сенбі, жексенбі күндері ауылшаруашылығы өнімдерінің жәрмеңкесі өтті. Қызылорда облысының тауарөндірушілерінің қатысуымен өткен тоқшылық мерекекесіне 60-қа жуық Сыр дихандары 50 жүк автокөлігімен 500 тоннаға жуық өнімді тұрғындарға ұсынды.Оның ішінде 12 тоннадан аса теңіз маржаны мен 3 тоннадан астам Аралдың ақ алтыны тұзы төмен бағада сатылды. Сондай-ақ жәрмеңке сөресінде Аралдық кәсіпкерлердің ысталған және тұздалған балығы, көксерке филесі мен балықтан әзірленген өнімдер ұсынылды.Алтын күздің берекелі мерекесінде елордалық тұрғындар Аралдың балығынан дәм тату үшін ұзын-сонар кезек күтті.

Қазақстан және Қызылорда облысының басты жаңалықтары