<a href="https://kyzylorda-news.kz/">Kyzylorda-news.kz.</a> "Қазгидромет" РМК Қазақстанның кейбір бөлігінде 19-20 қазан аралығында қар жауып, көктайғақ, тұман болатынын, сондай-ақ қолайсыз метеорологиялық жағдайлар орын алатынын болжайды.<blockquote>"Күндіз Солтүстік Қазақстан облысының басым бөлігінде жауын-шашын (жаңбыр, қар) болады деп күтіледі. Облыстың шығысында тұман түседі. Облыстың батысында көктайғақ болуы мүмкін. Күндіз облыстың оңтүстігінде оңтүстік-батыстан, оңтүстіктен соққан желдің екпіні 15-20 м/с дейін жетеді"- делінген "Қазгидромет" РМК-ның хабарламасында.</blockquote>&nbsp;<h4 style="margin-left:0px;">&nbsp;</h4>

20 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының 85 жылдығы мен Қала күні аясында Қарауылтөбе ауылдық округіндегі 150 орындық клуб пайдалануға берілді.Облыс әкімі Нұрлыбек Нәлібаев жерлестерін жаңа нысанның ашылуымен құттықтап, ізгі тілек білдірді.<blockquote>«Баршаңызды көптен күткен қуаныш – жаңа клубтың ашылуымен шын жүректен құттықтаймын. Өздеріңіз де білесіздер, өткен аптада облысымызға Мемлекет басшысы Қасым-Жомарт Кемелұлы Тоқаев арнайы жұмыс сапарымен келіп, өңірдің әлеуметтік-экономикалық дамуына оң бағасын берді. Қызылорда қаласындағы «Анаға тағзым» орталығын аралап көріп, мұндай орталықтың жас ұрпаққа тәлім-тәрбие берудегі маңызын атап айтты.Еңсесін тіктеп, ертеңін ойлаған ел алдымен мәдениетке бет бұрады. Ауылдың мәдениеті өсіп-өркендесе, балалардың өнерге, білім-ғылымға деген құлшынысы артады. Сондықтан, мұндай руханият ордасының ашылуы – өңірдегі жарқын жаңалықтың бірі. Енді ауылдықтар осы жерде жиналып, түрлі кештер, іс-шаралар ұйымдастыра алады. Заманауи үлгідегі жаңа клубы бар ауылдан небір талантты ұл-қыздардың түлеп ұшатынына сенемін», – деді аймақ басшысы.</blockquote>Іс-шарада Қызылорда қалалық ардагерлер кеңесінің төрағасы Сұлтанбек Тәуіпбаев та жерлестерін құттықтап, ауыл ақсақалы Аманкелді Досмахан бата берді.Облыс әкімі клуб ғимаратын аралап, көркемөнер үйірмесі бөлмесімен және «Бегім ана» бірлестігінің жұмысымен танысты. Мұнда қолөнер бұйымдары, бисермен тоқу, мольбертке сурет салу үйірмелері ашылған. Осы жерде аймақ басшысы тұрғындармен кездесіп, пікірлесті.Айта кетейік, Сыр өңірінде мәдениет саласының өркендеуіне барлық жағдай жасалуда. Қазан айының басында «Анаға тағзым», «Отбасы орталығы» пайдалануға берілді, «Өнер орталығы» жыл соңына дейін көрермендерге айқара есік ашпақ.Жақын арада демеушілер есебінен музыкалық колледж ғимаратының құрылысы басталады. Келер жылы аудандарда салтанат сарайы, кітапхана, музей, архив орналасатын, жастар, ардагерлер мен аналар бас қосатын «Руханият» орталықтары салынады.<figure class="image"><img src="https://knadmin.beoblood.kz/uploads/392878804_628722719448976_7209053454508666724_n_e5a6bfe4e4.jpg" alt="392878804_628722719448976_7209053454508666724_n.jpg"></figure>&nbsp;<figure class="image"><img src="https://knadmin.beoblood.kz/uploads/392896461_628722782782303_8402723688645418701_n_1_a05d350a82.jpg" alt="392896461_628722782782303_8402723688645418701_n (1).jpg"></figure>&nbsp;<figure class="image"><img src="https://knadmin.beoblood.kz/uploads/392758497_628723649448883_500556040151589742_n_1574bbba1d.jpg" alt="392758497_628723649448883_500556040151589742_n.jpg"></figure>&nbsp;<figure class="image"><img src="https://knadmin.beoblood.kz/uploads/392878236_628723162782265_7137919145124805848_n_3be8a59a34.jpg" alt="392878236_628723162782265_7137919145124805848_n.jpg"></figure>&nbsp;<figure class="image"><img src="https://knadmin.beoblood.kz/uploads/392827357_628723566115558_1825862854803183966_n_28139af652.jpg" alt="392827357_628723566115558_1825862854803183966_n.jpg"></figure>

Қарауылтөбеде жаңа клуб пайдалануға берілді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда облысының 85 жылдығы мен Қала күні қарсаңында қайта жаңғыртудан өткен Абай даңғылы №47 үйдің ауласына барып, жерлестерді мерекемен құттықтады. «Туған жерді түлетейік» бастамасына белсенді атсалысқан кәсіпкерлерге алғыс білдірді.<blockquote>«Аймағымыздың бас шаһарында тұрғындардың мақтаныш сезімін оятып, көз қуанышына айналатын бірнеше ірі жоба жүзеге асты. Қаламызға сән берген әсем ғимараттар, көз тартар көркем аллеялар мерейтойға арнап тарту етілуде. Мемлекет басшысы Қасым-Жомарт Кемелұлы биыл маусымда Түркістан қаласында өткен Ұлттық құрылтайда «Қалалар мен ауылдардың сәулетті, саябақтар мен ауланың таза болуы, ең алдымен, басқа біреуге емес, өзімізге керек. Жұрттың бәрі өз үйінің жайлы әрі әдемі болғанын қалайды. Бұл – дұрыс. Азаматтарымыз қоғамдық орындар мен қоршаған ортаға да дәл сондай жанашыр көзбен қарауға тиіс. Қазақстан – бәрімізге ортақ, оның қандай болатыны тек бізге байланысты, яғни, біз іші де, сырты да бүтін ел болуымыз керек» деген болатын. Қала – өз үйіміз. Оған қамқорлықпен қарау – әрбіріміздің азаматтық борышымыз. Туған жерімізді, туған қаламызды бірге түлетейік!», – деді аймақ басшысы.</blockquote>Нұрлыбек Машбекұлы ойын және футбол алаңдарындағы жеткіншектерге естелік сыйлықтар табыстады, тұрғындармен пікірлесті. Аулаларды жаңартуға демеуші болған «Қыран» компаниясы мен оның басшысы, кәсіпкер Жайсаң Сыздықов Құрмет грамотасымен, күрделі жөндеу жұмыстарын жүргізген мекемелердің қызметкерлері алғыс хатпен марапатталды.Бүгінде Сыр өңірінің кәсіпкерлері мен меценаттар туған жерді түлету жобаларына 37 млрд. теңгеден астам қаржы құйды. Жаңашыл бастамалардың басым бөлігі Қызылорда қаласында жүзеге асуда. Жақында «Анаға тағзым» орталығы және «Отбасы орталығы» пайдалануға берілді. «Қорқыт ата» әуежайының жаңа терминалы салынуда. «Қазақстан темір жолы» компаниясымен бірлесіп Қызылорда қаласындағы теміржол вокзалы, кәсіпкер Асқар Әубәкіровтің демеушілігімен Орталық алаң қайта жаңғыртылуда. Заманауи үлгідегі «Оқушылар сарайының» құрылысы басталды. Жыл соңына дейін музыкалық колледж ғимараты бой көтереді. Маусым айынан бері 1,1 млрд.теңгеге облыс орталығындағы 28 көпқабатты тұрғын үйдің қасбеттері заманауи панельдермен қапталды, 1 млрд.теңгеге 20 көпқабатты тұрғын үйдің аулалары абаттандырылды. Өткен жылы аймағымызда демеушілер құны 1,6 млрд теңге болатын 80 балалар ойын алаңын салып берді. Оның 50-і Қызылорда қаласында.<figure class="image"><img src="https://knadmin.beoblood.kz/uploads/392763272_628674576120457_5873574061047325675_n_18883f0aaf.jpg" alt="392763272_628674576120457_5873574061047325675_n.jpg"></figure>&nbsp;<figure class="image"><img src="https://knadmin.beoblood.kz/uploads/392759787_628674926120422_1606577082410341231_n_64ff6bc848.jpg" alt="392759787_628674926120422_1606577082410341231_n.jpg"></figure>&nbsp;<figure class="image"><img src="https://knadmin.beoblood.kz/uploads/392767751_628675002787081_7487677630733047317_n_b2f18a5256.jpg" alt="392767751_628675002787081_7487677630733047317_n.jpg"></figure>

Аймақ басшысы «Туған жерді түлетейік» бастамасына атсалысқан кәсіпкерлерге алғыс білдірді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Азаматтық қорғаныс саласының қызметкерлерін Құтқарушы күнімен құттықтады.<blockquote>«Азаматтық қорғаныс саласының қызметкерлерін Құтқарушы күнімен құттықтаймын! Сіздердің жұмыстарыңыз қауіп-қатерге толы әрі зор жауапкершілікті талап етеді. Мемлекет пен қоғам сіздердің антқа адалдықтарыңызды, қажырлы еңбектеріңізді жоғары бағалайды. Баршаңызға бақ-береке тілеймін!», – деп жазды Қасым-Жомарт Тоқаев <a href="https://twitter.com/TokayevKZ">twitter</a>-дегі парақшасына.</blockquote>

Президент Қазақстан құтқарушыларын кәсіби мерекемен құттықтады

<a href="https://kyzylorda-news.kz/">Kyzylorda-news.kz.</a> Еліміздің басым бөлігінің ауа райын әлі де кең ауқымды антициклон анықтайтын болады. Соған байланысты ашық, көбінесе жауын-шашынсыз ауа райы сақталады, деп хабарлайды Қазгидромет.Тек оңтүстік-батыста, күндіз батыста, солтүстік-батыста, түнде елдің оңтүстігінде фронтальды бөлімдердің өтуімен жаңбыр жауады. Оңтүстік-батыста, солтүстік-батыста, солтүстікте жел күшейеді.ҚР бойынша түнгі және таңертеңгі сағаттарда тұман болады.

Бүгін ауа райы құбылмалы болады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев «Қызылорда – Жезқазған» автожолының 136 шақырым учаскесіндегі қайта жаңғырту жұмыстарының барысын көрді. Одан кейін жауапты мердігер мекемелер басшыларымен жиналыс өткізіп, мәселелерді талқылады. Жиынға құқық қорғау органдарының басшылары қатысты. «Қазавтожол» ҰК АҚ Қызылорда облыстық филалының басшысы Ерұлан Жүнісов атқарылып жатқан жұмыстарды баяндады.Аймақ басшысы көлік инфрақұрылымы саласындағы өңіріміз үшін ең маңызды жобалардың бірі – «Қызылорда – Жезқазған» автожолы Мемлекет басшысының тікелей бақылауында екенін еске салып, ең алдымен жұмыс сапасына баса мән беруді тапсырды. Жол құрылысына қатысты, сонымен қатар еңбек заңдылығын қатаң сақтау туралы міндеттер жүктеді. Құрылыста жұмыс істейтін шетел азаматтарының арасында ешқандай құқық бұзушылықтың орын алмауы жіті бақылануы тиіс. Сыр өңірін орталықпен байланыстыратын үлкен жобаны жүзеге асыруда сапа, тәртіп және жол құрылысы заңдылықтарының сақталуы бірінші орында тұруы керек.Өткен аптада өңірге жұмыс сапарымен келген Президент Қасым-Жомарт Кемелұлы бірқатар нысан жұмысымен танысып, аймақ дамуына оң баға берді. Мемлекет басшысына «Қызылорда – Жезқазған» автожолын салу барысы туралы баяндалды. Бүгінде осы жолдың. Қызылорда облысына тиесілі 216 шақырымының 104 шақырымы аяқталуда.Айта кетейік, облыс әкімдігінің басшылығымен құзырлы мекеме мамандарынан жасақталған арнайы комиссия жол құрылысы талаптарының қатаң сақталуын қадағалайды. Жоба 2025 жылға дейін толықтай пайдалануға беріледі деп жоспарлануда.<blockquote>«Қызылорда – Жезқазған» автожолын қайта жаңартудың техника-экономикалық негіздемесіне сәйкес айналма жол, 2 айрық, ауыл шаруашылық техникалары мен үй жануарларына арналған 2 өткел, су арналарына 3 көпір, 2 көпфункционалды аралық бақылау (салмақ, габарит, жылдамдық) өлшейтін арка, 5 заманауи жылы дәретхана, 5 демалыс алаңы, 56 су өткізгіш құбыр, 10 мал өткелі, 117 жол қиылысы мен түйісуі қарастырылған.</blockquote>Қазір мердігер мекемелер қажетті құрал-жабдықтарды жеткізіп, құрылыс жұмыстарын қарқынды жүргізуде.Президент қолдауымен «Батыс Еуропа – Батыс Қытай» халықаралық дәлізінің Қызылорда қаласынан Ақтөбе облысының шекарасына дейінгі аралығы 4 жолақты жолға ауысады. Мемлекет басшысы қазіргі жол, шын мәнінде, өте тар екенін атап өтіп, оны кеңейту жұмыстарын тезірек бастауды, Премьер-министрдің бірінші орынбасары Роман Склярға кешіктірмей қаржы бөлуді тапсырды. Аймақ үшін ғана емес, республика үшін маңызды автожол құрылысы таяу арада іске асады.​<figure class="image"><img src="https://knadmin.beoblood.kz/uploads/392755145_628204922834089_7600879063137082420_n_2eaa0f1c52.jpg" alt="392755145_628204922834089_7600879063137082420_n.jpg"></figure>&nbsp;<figure class="image"><img src="https://knadmin.beoblood.kz/uploads/392795636_628204796167435_7003497869669626960_n_5d2bc499c5.jpg" alt="392795636_628204796167435_7003497869669626960_n.jpg"></figure>&nbsp;<figure class="image"><img src="https://knadmin.beoblood.kz/uploads/392762950_628204732834108_4700625960874286862_n_7f03917d79.jpg" alt="392762950_628204732834108_4700625960874286862_n.jpg"></figure>&nbsp;<figure class="image"><img src="https://knadmin.beoblood.kz/uploads/392791037_628204862834095_1428739854492508138_n_dc3e6bc46d.jpg" alt="392791037_628204862834095_1428739854492508138_n.jpg"></figure>

«Қызылорда – Жезқазған» жолы – көлік инфрақұрылымындағы маңызды жоба

<a href="https://kyzylorda-news.kz/">Kyzylorda-news.kz.</a>&nbsp;21 қазан күні Қызылорда қаласында «Алтын дән-2023» іс-шарасы аясында Қызылорда қаласында барлық аудандар мен «Байқоңыр» ӘКК» АҚ-ның қатысуымен ауыл шаруашылығы өнімдерінің жәрмеңкесі өтеді.Жәрмеңкеде Сыр диқандары мен шаруалар өндірген өнімдерін төмен бағада ұсынатын болады.Ауыл шаруашылығы өнімдерінің жәрмеңкесі өтетін орындары:&nbsp;- Астана даңғылының бойы - Жаңақорған ауданы; - Тасбөгет кенті - Шиелі ауданы; - Жанқожа батыр көшесінің бойы - Сырдария ауданы;&nbsp; - Ғ.Мұратбаев көшесі мен Қ.Яссауи көшесінің қиылысы - Қазалы ауданы;&nbsp; - С.Торайғыров көшесінің бойы - Арал ауданы;&nbsp; - Ә.Қашаубаев көшесі мен Жетікөл көшесінің қиылысы - Жалағаш ауданы;&nbsp; - Журба көшесінің бойы - Қармақшы ауданы; - Д.Қонаев және Е.Әуелбеков көшелерінің аралығы - Қызылорда қаласының ауыл шаруашылығы тауар өндірушілері мен кәсіпкерлері және «Байқоңыр ӘКК» АҚ.<img src="https://knadmin.beoblood.kz/uploads/393721123_3462503207349746_2974133324037324072_n_75b7b6e570.jpg" alt="393721123_3462503207349746_2974133324037324072_n.jpg">

Қызылордада «Алтын дән-2023» іс-шарасы өтеді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының прокуратурасы тұтынушылардың құқықтарын шектеп, артық талаптар жүктеген Жылу орталығының заңсыз әрекеттерін анықтады, деп хабарлайды ҚР Бас прокуратурасының баспасөз қызметі.&nbsp;Қызылорда облысының прокуратурасы «Қызылорда жылу электр орталығы» ШЖҚ МКК-ның қызметіне тексеру жүргізді.&nbsp;Нәтижесінде Жылу орталығы жылумен жабдықтау желілеріне қосуға арналған техникалық шарттарға артық талаптарды енгізіп, тұтынушылардың құқықтарының шектелгені анықталды.Атап айтқанда, Жылу орталығы тұтынушыларға техникалық шартты беру барысында жылумен жабдықтау саласындағы желілерге қосуға арналған техникалық шарттардың үлгілік нысанында (Қазақстан Республикасы Ұлттық экономика министрінің 05.01.2021ж. №2 бұйрығымен бекітілген) қарастырылмаған қосымша құрылғылар орнатуды міндеттеген.Аталған талаптар тұтынушылар үшін 10 мыңнан 60 мың теңгеге дейін қосымша шығындар әкелуі мүмкін.Бұндай артық талаппен Жылу орталығы 2022-2023 жылдары 100-ден аса техникалық шарт берген.Осыған орай облыс прокуратурасы 18.08.2023 ж. облыс әкімдігіне заңдылықтың бұзылуын жою туралы ұсыну енгізіп, техникалық шарттағы артық талаптар алынып тасталды және Жылу орталығының басшылығы тәртіптік жауаптылыққа тартылды.Сонымен қатар Жылу орталығы Әкімшілік құқық бұзушылық туралы кодекстің 164-бабының 4-бөлігімен әкімшілік жауаптылыққа тартылып, 5 млн теңге айыппұл салынған (толық төленді).

Қызылордадағы жылу орталығының заңсыз әрекеттері анықталды

<a href="https://kyzylorda-news.kz/">Kyzylorda-news.kz.</a> Еліміздің басым бөлігінің ауа райын әлі де кең ауқымды антициклон анықтайтын болады, соған байланысты ашық, көбінесе жауын-шашынсыз күн райы сақталады, деп хабарлайды Қазгидромет.Тек еліміздің солтүстік-батысында, түнде оңтүстік-батысында және күндіз оңтүстікте атмосфералық фронтальды бөліктердің өтуіне байланысты жаңбыр жауады, түнде Ақтөбе облысында жауын-шашын (жаңбыр, қар) күтіледі. Республика бойынша жел күшейеді, түнгі және таңертеңгі сағаттарда тұман түседі.Жетісу облысының орталығында, таулы аудандарында 3 градусқа дейін үсік күтіледі.

18 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жыл басынан бері негізгі даму индикаторлары бойынша жақсы нәтиже көрсетіп келген Қызылорда облысы 9 айдың қорытындысымен де үздіктер қатарына тұрақтады. Қаңтар-қыркүйек айларында өңірдің әлеуметтік-экономикалық дамуында өсім қалыптасты. Атап айтқанда, өңдеу өнеркәсібі 15,8 пайызға (227 млрд.теңге), ауыл шаруашылығы 1,6 пайызға (157 млрд.теңге), құрылыс жұмыстарының көлемі 26,4 пайызға (117 млрд.теңге), тұрғын үй көлемі 18,9 пайызға (618 мың шаршы метр), сауда көлемі 4,1 пайызға (531 млрд.теңге), көлік және қоймалау көлемі 7,2 пайызға (210 млрд. теңге), негізгі капиталға тартылған инвестиция 25,6 пайызға (319 млрд.теңге) артты. Оның ішінде жеке инвестициялар 34,6 пайызға (231 млрд.теңге) өсті. Осылайша, Қызылорда облысы 9 айдың қорытындысымен республика өңірлері арасында алғашқы үштіктен көрінді. Үкіметтің 9 ай қорытындысына арналған отырысында аймақтың даму қарқыны туралы ерекше атап өтілді.Облыс бюджетінің көлемі 2022 жылы 387 млрд. теңге болса, қазір 609 млрд. теңгеге жетті. Бюджеттің 61 пайызы әлеуметтік салаға бағытталған.Айта кету керек, мұнай қорының сарқылуына байланысты өнеркәсіп өндірісінің көлемі көп жылдан бері орындалмай келген еді. Биыл осы көрсеткіштің өсімі басқа өнеркәсіп өндірісін дамыту арқылы қамтамасыз етілді. Негізгі капиталға салынған инвестициялар көлемі 2021 жылы 309 млрд. теңгені құраса, 2022 жылы 413 млрд. теңгеге өсіп, биыл 472 млрд. теңгеге жеткізілмек. Оның 72 пайызы немесе 231 млрд. теңгесі – жеке инвестициялар.Әлеуметтік сала нысандарының құрылысы қарқынды жүргізілуде. Үш жылда «Жайлы мектеп» ұлттық жобасы аясында 21 мектеп салынады. Жоба құны – 98 млрд.теңге.Облыстың дарынды балаларына арналған 300 орындық жатақханасы бар физика-математика бағытындағы мектеп-интернат құрылысы басталды. Жергілікті бюджет есебінен 5 мектептің құрылысы жүргізілуде. Одан бөлек, облыс орталығындағы 4 мектепке бастауыш сыныптар оқитын қосымша ғимараттар салынды. Бастауыш мектептер біріншіден, балалардың қатынауына жақын әрі ыңғайлы. Екіншіден, бюджет қаражатын бірнеше есе үнемдеуге мүмкіндік берді.Өңірде құны 36,4 млрд. теңгені құрайтын 100 келушіге арналған емханасы және онкологиялық бөлімшесі бар 300 орындық көпбейінді аурухана салынуда. Оған қоса 2,7 млрд.теңгеге Қан орталығының құрылысы басталып, «Ауылдық денсаулық сақтауды жаңғырту» ұлттық жобасы аясында 27 нысан құрылысы жүруде.Бірқатар спорт және әлеуметтік-мәдени нысан бой көтереді. Құны 18 млрд.теңге болатын 7 мың орынға арналған Орталық стадион құрылысы жақын күндері басталмақ. Жабық бассейні бар көпсалалы дене шынықтыру-сауықтыру кешенін салу да жоспарланған. Ал, аудандарда 2,6 млрд.теңгеге 11 дене шынықтыру кешені салынады.Құрылысына 3,7 млрд.теңге қаржы қаралған Өнер орталығы жыл аяғына дейін ел игілігіне пайдалануға берілсе, Отбасы орталығы өз қызметін бастады.Мемлекет басшысының «Туған жерді бірге түлетейік» үндеуін қолдаған демеушілер аймақты дамытуға 37 млрд. теңге қаржы бөлді. Бұл қаражатқа әуежайдың жаңа терминалы, бірнеше әлеуметтік нысан, демалыс саябақтары, спорт-ойын алаңдары салынып, көпқабатты үйлердің қасбеттері жаңартылып, аулалар абаттандырылды.Алдағы уақытта да аталған жұмыстар жалғасын табады.<figure class="image"><img src="https://knadmin.beoblood.kz/uploads/Slajd_page_0003_2c16b36f8c.jpg" alt="Слайд_page-0003.jpg"></figure>

Қызылорда облысында құрылыс қарқынды жүріп жатыр 

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен Үкімет отырысында халықты жұмыспен қамту шаралары мен тұрмыстық зорлық-зомбылықтың алдын алу мәселелері қаралды.ҚР Еңбек және халықты әлеуметтік қорғау министрі Светлана Жақыпованың баяндауынша, «10 мың адамға 100 жұмыс орнын құру» тапсырмасын орындауда Қызылорда облысы республикада бірінші орынға шыққан. Еңбеккерлердің міндетті зейнетақы жарнасының аударылуына, электронды еңбек келісім-шарты болуына қатысты талап 100 пайыз орындалған. Сонымен бірге аймақтың ұлттық жобаларды іске асыру көрсеткіштері республикалық орташа көрсеткіштерден жоғары.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, даму қарқынын тоқтатпауды ескертті.<blockquote>«Көрсеткіштеріміз жаман емес, дегенмен бұл жетістікпен тоқтап қалмай, жоспарды жыл соңына дейін 100 пайыз орындауымыз керек. Жаңа көргендеріңіздей, 9 айдың қорытындысымен Өңірлік жұмыспен қамту жол картасы шеңберінде биылға жоспарланған 43 898 жұмыс орнының 84,2 пайызы немесе 36 967 жұмыс орны ашылған. Өңірлік картаның бір компоненті болып саналатын ұлттық жобалар шеңберінде 2930 жұмыс орны құрылған. Алайда, кейбір бағдарлама әкімшілерінің жылдық жоспарды орындамау қаупі бар», – деді аймақ басшысы.</blockquote>Нұрлыбек Машбекұлы Үкімет айқындаған халықты жұмыспен қамту жөніндегі міндеттемені 100 пайыз орындау керектігін атап өтті. Ол үшін барлық бағдарлама әкімшілері, Қызылорда қаласы мен аудан әкімдері жұмысқа орналастырылған азаматтардың зейнетақы аударымдары мен электронды еңбек келісім-шарттарының түгел болуын қадағалап, мердігер мекемелермен, жұмыс берушілермен тиісті жұмыстар жүргізуі тиіс. Мұнан бөлек, 2024 жылға арналған өңірлік жұмыспен қамту жол картасын бекіту үшін нақты жұмыс орны ашылатын және жүзеге асырылатын жобаларды пысықтап, тізімін 15 желтоқсанға дейін облыстық жұмыспен қамтуды үйлестіру және әлеуметтік бағдарламалар басқармасына ұсыну тапсырылды. Зейнет жасынан асқан қызметкерлердің орнына жұмыссыз жастарды тұрақты жұмысқа алу бойынша шаралар қабылдау керектігі де айтылды.Күн тәртібіндегі екінші мәселе бойынша жақында ашылған «Анаға тағзым», «Отбасы орталығында» қиын жағдайға тап болған аналарға, қыз-келіншектерге психологиялық көмек көрсетіп, оларға бағыт-бағдар берілетіні атап өтілді. Облыстық жұмыспен қамтуды үйлестіру және әлеуметтік бағдарламалар басқармасына қала, аудан әкімдіктері, қоғамдық даму басқармасымен бірге тұрмыстық зорлық-зомбылықтан зардап шеккендерге, дағдарыс орталығына келушілерге қажетті көмек ұйымдастырып, мониторингті тұрақты жүргізу жөнінде тапсырма берілді.<figure class="image"><img src="https://knadmin.beoblood.kz/uploads/392756494_627513662903215_7846024744153953107_n_8bd0fffbda.jpg" alt="392756494_627513662903215_7846024744153953107_n.jpg"></figure>&nbsp;<figure class="image"><img src="https://knadmin.beoblood.kz/uploads/392769741_627513622903219_4318011190255197915_n_f2ccac6619.jpg" alt="392769741_627513622903219_4318011190255197915_n.jpg"></figure>&nbsp;<figure class="image"><img src="https://knadmin.beoblood.kz/uploads/392881518_627513682903213_5418225559518071394_n_6426a40074.jpg" alt="392881518_627513682903213_5418225559518071394_n.jpg"></figure>&nbsp;<figure class="image"><img src="https://knadmin.beoblood.kz/uploads/392864397_627513359569912_323382194314060954_n_0936f018aa.jpg" alt="392864397_627513359569912_323382194314060954_n.jpg"></figure>&nbsp;<figure class="image"><img src="https://knadmin.beoblood.kz/uploads/392802280_627513459569902_7082614747974065630_n_d9a305648a.jpg" alt="392802280_627513459569902_7082614747974065630_n.jpg"></figure>

 «10 мың адамға 100 жұмыс орнын құру»: Қызылорда облысы республикада бірінші орынға шықты 

<a href="https://kyzylorda-news.kz/">Kyzylorda-news.kz.</a>&nbsp; Президент Қасым-Жомарт Тоқаев өзі білім алған Бейжің Тіл және мәдениет университетінің аумағында орта ғасырлық философ, ғалым Әбу Насыр Әл-Фарабиге арналған бюстті салтанатты түрде ашу рәсіміне қатысты, деп хабарлайды Ақорданың баспасөз қызметі.Ашылу рәсіміне ҚХР білім министрінің орынбасары Ван Гуанянь, университеттің Партия комитетінің хатшысы Ни Хайдун, ректоры Дуан Пэн және Мемлекет басшысына сабақ берген университет профессоры Лю Шицинь, сондай-ақ ҚХР Мемлекеттік өнер мұражайының директоры, мүсін авторы У Вэйшань қатысты.<img class="image_resized" style="width:730px;" src="https://akorda.kz/public/assets/media/uploadMedia/1697520403_KZ2_8220_2.jpg">Мемлекет басшысы, ең алдымен, Әл-Фарабидің әлемдік өркениетке қосқан зор үлесіне айрықша тоқталды.<blockquote>– Баршаңызға мәлім, Әл-Фараби – Шығыстың ұлы ойшылы, оның әлемдік өркениеттің дамуына қосқан үлесі орасан зор. Әл-Фараби Қазақстан аумағында туып-өсті, білім іздеп көптеген елге барды. Математика, жаратылыстану, астрономия, филология және басқа да бірқатар ілімді дамытуға зор еңбек сіңірді. Адамзаттың дамуына өлшеусіз үлес қосты. Ол философиялық туындыларында әділдік идеясына ерекше назар аударды. Қайырымды қоғам және үйлесімді мемлекет құру мәселесіне баса мән берді. Адамгершілік пен рухани құндылықтарды дәріптеді. Ғалым музыка және каллиграфия өнерін зерделеді, – деді Президент.</blockquote><img class="image_resized" style="width:730px;" src="https://akorda.kz/public/assets/media/uploadMedia/1697520411_KZ3_0332_2.jpg">Қасым-Жомарт Тоқаев энциклопедиялық деңгейдегі, яғни жан-жақты білімі бар Әл-Фарабиді замандастары Аристотельден кейінгі «Екінші ұстаз» деп атағанына назар аударып, ғұлама ғалымның еңбектері әрдайым өзекті, мән-мағынасын жоғалтпайтынын атап өтті.<blockquote>– Оның шығармалары – әлемдік ақыл-ойдың алтын қорына қосылған құнды қазына. Әл-Фарабидің 1150 жылдығы ЮНЕСКО-ның атаулы күндерінің жаһандық тізіміне енгізілді. Біз 2020 жылы осы мерейтойды ерекше атап өттік. Халықаралық ғылыми симпозиумдар, конференциялар ұйымдастырылды. Монографиялар мен жинақтар басып шығарылды. Деректі фильмдер түсірілді. Мұның бәрі Әл-Фарабидің еңбектерін терең түсінуге мүмкіндік береді, оның мол мұрасын жан-жақты насихаттауға жол ашады. Енді Қытай ғалымдары мен жастарына философ жайлы бірқатар ғылыми еңбектер қолжетімді болады. Осы құнды деректермен, ең алдымен, Бейжің Тіл және мәдениет университетінің оқытушылары мен студенттері таныса алады. Бұл – қуантарлық жайт. Мен де кезінде осы оқу орнында тура қырық жыл бұрын білім алдым. Сондықтан бүгін Әбу Насыр Әл-Фарабидің мүсінін ашу – мен үшін зор мәртебе, – деді Қасым-Жомарт Тоқаев.</blockquote><img class="image_resized" style="width:730px;" src="https://akorda.kz/public/assets/media/uploadMedia/1697520421_KZ4_0276_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520450_KZ4_0436_2.jpg">&nbsp;Мемлекет басшысы ұлы ойшылдың мұрасы білім ордасында жан-жақты зерттелетініне, сол арқылы мәдени байланыстарымыз нығая түсетініне сенім білдірді. Сонымен қатар осы бастамаға қолдау білдірген Қытай Үкіметіне, Бейжің Тіл және мәдениет университетіне, Қытайдың Мемлекеттік өнер мұражайына және көрнекті мүсінші У Вэйшаньға зор ризашылығын білдірді.<img class="image_resized" style="width:730px;" src="https://akorda.kz/public/assets/media/uploadMedia/1697520528_KZ1_7724_2.jpg">Бұдан бөлек, &nbsp;Президент Бейжің лингвистикалық институтында тағылымдамадан өткен кезінде өзіне дәріс берген профессор Лю Шициньмен әңгімелесті.&nbsp;<blockquote>– 40 жылдан кейін білім алған университетіме келіп, өзіңізді аман-сау көргеніме өте қуаныштымын. Мен сіздің еңбекқорлығыңызды, табандылығыңыз бен ерік-жігеріңізді ерекше бағалаймын. Сіздің шәкірттерге берген біліміңізге баға жетпейді. Мұның бәрі сіздің кәсібилігіңізді, ыждағаттылығыңызды және өз ісіңізге деген адалдығыңызды көрсетеді. Құрметті демалыста екеніңізді білемін. Соған қарамастан, университеттің қоғамдық өміріне атсалысуды жалғастырып, мәдениетаралық байланыстардың дамуына зор үлес қосып жүрсіз, – деді Мемлекет басшысы</blockquote>Қасым-Жомарт Тоқаев Лю Шициньге алғыс айтып, оған зор денсаулық пен ұзақ өмір тіледі.Мұнан соң Мемлекет басшысына университетте оқыған кезіндегі өзінің архив құжаттарын көрсетті.Іс-шара соңында Президент Бейжің Тіл және мәдениет университетіне Әбу Насыр Әл-Фарабидің портретін сыйлап, &nbsp;осы оқу орнында білім алып жатқан қазақстандық студенттермен әңгімелесті.<img class="image_resized" style="width:730px;" src="https://akorda.kz/public/assets/media/uploadMedia/1697520572_KZ4_0584_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520582_KZ4_9766_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520591_KZ4_9768_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520597_KZ1_7865_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520607_KZ4_0683_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520616_KZ1_7515_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520705_KZ4_0539_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520629_KZ4_0133_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520629_KZ4_0145_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520629_KZ4_0153_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520629_KZ4_0164_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520652_KZ1_7985_2.jpg"><img class="image_resized" style="width:730px;" src="https://akorda.kz/public/assets/media/uploadMedia/1697520660_KZ1_7957_2.jpg">

Қазақстан және Қызылорда облысының басты жаңалықтары