<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев «QazaqGaz» ҰК» АҚ Басқарма төрағасы Санжар Жаркешевпен, «ҚазТрансГаз Аймақ» акционерлік қоғамының басқарма төрағасы Бауыржан Асқаровпен кездесіп, аймақтың энергетика саласындағы өзекті мәселелерін талқылады.Алдымен аймақ басшысы Бауыржан Бекзатханұлын «ҚазТрансГаз Аймақ» акционерлік қоғамының Басқарма төрағасы лауазымына тағайындалуымен құттықтап, қызметіне сәттілік тіледі.&nbsp;<blockquote>«Қазір елді мекендерді «көгілдір отынмен» қамту бағытындағы жұмыстар қарқынды жүргізілуде. &nbsp;Өңірдің газдандыру деңгейі 72 пайызға жетті. Биыл газдандыру бойынша 26 жобаны жүзеге асыруға бюджеттен 8,6 млрд.теңге қаржы бөлінген. 10 жобаны жыл соңына дейін аяқтау жоспарлануда. Нәтижесінде 12 елді мекен тұрғындары табиғи газ тұтыну мүмкіндігіне ие болады. «QazaqGaz» ұлттық компаниясының өңірдің әлеуметтік-экономикалық дамуына қосқан үлесін де атап өткен жөн. Компанияның инвестициялық бағдарламасы аясында 25 млрд. теңгеге 4 аудан орталығы, яғни Арал қаласы мен Әйтеке би, Шиелі, Жаңақорған кенттері, Байқоңыр қаласы және басқа да елді мекендер газдандырылып, бүгінде халық игілігін көруде», – деді Нұрлыбек Машбекұлы.</blockquote>Дегенмен, газдандыру саласында шұғыл шешуді қажет ететін бірқатар түйткілдер бар. Кездесу барысында коммуналдық меншіктегі газбен жабдықтау нысандарын пайдаланушы ұйымдардың теңгеріміне беру, компания филиалының аудандарда апаттық-диспетчерлік қызметін құру, тұтынушылардың қарызын азайту және Қызылорда қаласындағы қуаттылығы 240 МВт құрайтын жаңа бу-газ қондырғысының құрылысы мәселелері талқыланды. Аймақ басшысы олардың шешім табуы аймағымыздың әлеуметтік-экономикалық дамуына оң әсерін тигізетінін атап айтты.

Аймақ басшысы «QazaqGaz» АҚ басшысымен энергетика саласының мәселелерін талқылады

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шаменовтың төрағалығымен актив отырысы өтіп, онда бірқатар кадрлық өзгерістер таныстырылды.​Бұған дейін Қызылорда қаласы әкімінің орынбасары қызметін атқарған Жанмұрат Сейілов 2023 жылдың 21 тамызында облыс әкімінің өкімімен Қызылорда облысының әкімі аппараты басшысының орынбасары лауазымына тағайындалғаны белгілі. Қала әкімі жауапты қызметте өзін білікті басшы ретінде көрсете білген Жанмұрат Жақсымұратұлына қажырлы еңбегі үшін алғысын білдірді.<blockquote>«Жанмұрат &nbsp;Жақсымұратұлы қызмет жолында өзінің іскерлігі мен біліктілігінің арқасында жемісті еңбек етіп, қаламыздың әлеуметтік және экономикалық әлеуетінің артуына ерекше үлес қосты. Саяси технологияларды және идеология саласын жетік меңгергендігін көрсете білді. Сондықтан, әріптесімді облыс орталығындағы қоғамдық-саяси ахуалдың жағдайына күнделікті тұрақты бақылау орнатып, өзара жылдам ақпарат алмасу және дер кезінде нақты шешім қабылдай білетін, әлеуеті зор кәсіби кадр ретінде бағалаймын. Жергілікті атқарушы органдарда жемісті еңбек еткені үшін алғысымды білдіремін және жауапты қызметіне табыс тілеймін», - деді шаһар басшысы.</blockquote>​Қызылорда қаласының дамуына қосқан зор үлесі үшін Жанмұрат Жақсымұратұлына Қызылорда қаласының ең жоғарғы марапаты «Құрмет» грамотасы табысталды.​Бұған дейін қала әкімінің орынбасары қызметін атқарған Дінмұхамед Ермеков 2023 жылдың 28 шілдесінде облыс әкімінің өкімімен Қызылорда облысының Дін істері басқармасының басшысы лауазымына тағайындалған болатын. Қала әкімі Дінмұхамед Жандарбекұлының біліктілігі мен ұтымды ұйымдастырушылығының арқасында әріптестерінің арасында зор беделге ие болғандығын айтып, алғысын білдірді.<blockquote>​«Дінмұхамед Жандарбекұлы қызметтегі іскерлігімен қаламыздың өсіп-өркендеуіне өзіндік үлесін қосты. Салық түсімдері мен бюджетке төленетін басқа да міндетті төлемдер көлемінің артуы бағытында нәтижелі жұмыстарды жүзеге асырды. Қысқа мерзім ішінде кәсіпкерлік саласының ілгерілуіне, жұмыссыздық деңгейін төмендетуге күш салды», - деді Асылбек Өмірбекұлы.&nbsp;</blockquote>Дінмұхамед Жандарбекұлы Қызылорда қаласының ең жоғарғы марапаты «Құрмет» грамотасымен марапатталды.​2023 жылдың 23 тамызынан бастап конкурс қорытындысы негізінде, қала әкімінің өкімімен Тұрсынбаев Дархан Есалыұлы қала әкімінің орынбасары лауазымына тағайындалды. Дархан Есалыұлы қала әкімінің орынбасары ретінде &nbsp;экономика және қаржы, мәдениет, спорт және әлеуметтік салаға жетекшілік ететін болады. Шаһар басшысы Дархан Есалыұлына сәттілік тілеп, жауапкершілік жүгі зор салада аянбай қызмет атқарады деп сенім білдірді.​2023 жылдың 16 тамызынан бастап ҚР Ішкі істер министрінің бұйрығымен, Полиция полковнигі Айдар Қасанов Қызылорда қаласы Полиция басқармасының бастығы лауазымына тағайындалды. Қала әкімі Айдар Демегенұлына қаланың қоғамдық тәртібін сақтауда нәтижелі қызмет атқаратынына сенім білдіріп, сәттілік тіледі.Сондай-ақ, 2023 жылдың 2 тамызынан бастап конкурс қорытындысы негізінде, қала әкімінің өкімімен Азамат Мүкеев Қызылорда қаласының қоғамдық даму бөлімінің басшысы лауазымына тағайындалды. Шаһар басшысы Азамат Ырысдәулетұлына сәттілік тілей отырып, қоғамдық-саяси ахуалдың тұрақтылығына күнделікті бақылау жасауды тапсырды.

Ауыс-түйіс: Қызылорда қаласы әкімдігінен кімдер кетіп, кімдер келді?

<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігінде фронталды бөліктердің өтуімен күн райының құбылмалы сипаты сақталып, жаңбыр, найзағай, дауыл, екпінді жел, бұршақ күтіледі, деп хабарлайды Қазгидромет.Елдің солтүстігі мен солтүстік-батысында қатты жаңбыр жаууы ықтимал. Тек оңтүстік аумақтарда жауын-шашынсыз күн райы болжанады. Республиканың солтүстігі мен солтүстік-батысында түнгі және таңертеңгі сағаттарда тұманды болады. ҚазАқпарат бұл туралы Қазгидрометке сілтеме жасап хабарлайды.Күндіз Жетісу, Ұлытау, Алматы, Маңғыстау, Қарағанды облыстарында, Ақтөбе облысының оңтүстігінде 35-38 градусқа дейін қатты ыстық күтіледі.Маңғыстау, Жамбыл, Қызылорда, Ақтөбе, Атырау облыстарының батысында, шығысында, оңтүстігінде, Қостанай облысының оңтүстігінде, Жетісу облысының батысында, орталығында, Түркістан облысының солтүстігінде, батысында, оңтүстігінде, шөлді аудандарында өрт тұтану қаупі аса жоғары.Батыс Қазақстан облысының солтүстігінде, орталығында от шығу қаупі жоғары, ал өңірдің батысында, шығысында, оңтүстігінде өрт тұтану қаупі аса жоғары.Алматы облысының солтүстік жартысында от шығу қатері аса жоғары, сондай-ақ өңірдің оңтүстік жартысында жоғары өрт қаупі сақталады.Ұлытау, Абай, Шығыс Қазақстан, Солтүстік Қазақстан, Ақмола және Қарағанды облыстарында жоғары өрт қаупі сақталады.

23 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылордада жол жөндеу жұмыстарына байланысты 22-24 тамыз аралығында С.Бейбарыс көшесі мен Тәуелсіздік даңғылының қиылысында жеңіл автокөліктер мен автобустардың қозғалысы уақытша тоқтатылды.

Қызылордада тағы бір көше уақытша жабылды

<a href="https://kyzylorda-news.kz/">Kyzylorda-news.kz.</a> 22 тамыз күні атмосфералық фронталды бөліктердің өтуімен еліміздің басым бөлігінде құбылмалы күн райы сақталады, онымен найзағай, дауыл, екпінді жел күтіледі. Солтүстік аумақта түнде қатты жаңбыр жауса, шығыста жауын-шашынсыз ауа рыйы болжанады. Сондай-ақ республиканың солтүстігінде, солтүстік-батысы мен батысында түнгі және таңертеңгі сағаттарда тұманды болады. Бұл туралы Қазгидромет хабарлайды.Күндіз Жетісу, Ұлытау, Атырау, Алматы, Маңғыстау облыстарында, Батыс Қазақстан, Қостанай облыстарының оңтүстігінде, Ақтөбе облысының оңтүстігінде, батысында 35-40°С қатты ыстық күтіледі.Маңғыстау, Ақтөбе, Жамбыл, Қызылорда облыстарында, Қостанай облысының оңтүстігінде, Жетісу облысының батысында, орталығында, Түркістан облысының солтүстігінде, батысында, оңтүстігінде, шөлді аудандарында, Атырау облысының батысында, оңтүстігінде, шығысында өрт тұтану қаупі аса жоғары.Батыс Қазақстан облысының оңтүстігінде, орталығында жоғары өрт қаупі күтіледі, облыстың солтүстігінде, батысы мен шығысында өрт шығу қаупі аса жоғары.Алматы облысының оңтүстік жартысында жоғары өрт қаупі сақталады, солтүстік жартысында от шығу қаупі аса жоғары.Ұлытау облысының солтүстігінде, шығысында, оңтүстігінде, Солтүстік-Қазақстан облысының оңтүстігінде, Ақмола облысының батысында, солтүстігінде, оңтүстігінде жоғары өрт қаупі болжанады.

22 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысы көлемінде 21-23 тамыз аралығында «Құқық тәртібі» жедел-профилактикалық іс-шарасы өткізіледі.Кең ауқымды шараның мақсаты – облыс көлеміндегі жедел жағдайды тұрақтандыру, заңдылықты, құқықтық тәртіпті және қауіпсіздікті қамтамасыз ету бойынша шаралар қабылдау.<blockquote>«Қоғамдық тәртіпті қорғауды күшейту, қылмысқа қарсы іс-қимыл және жол қауіпсіздігін қамтамасыз ету мақсатында жүргізілетін бұл шара облысымыздың барлық аудандарында жүргізілетін болады. Тұрғындарды жедел-алдын алу іс-шарасын өткізуге түсіністікпен қарап, полиция қызметкерлерінің заңды талаптарын орындауға шақырамыз» деді Қызылорда облысы Полиция департаменті бастығының бірінші орынбасары полиция полковнигі Шамшидин Амитов.</blockquote>

Қызылордада «Құқық тәртібі» шарасы өтеді

<a href="https://kyzylorda-news.kz/">Kyzylorda-news.kz.</a> 20 тамызда атмосфералық фронталды бөліктердің өтуімен еліміздің басым бөлігінде құбылмалы күн райы сақталады, онымен найзағай, жаңбыр, бұршақ күтіледі, деп хабарлайды Қазгидромет.&nbsp;Еліміздің орталығы мен оңтүстік-шығысында жауын-шашынсыз болады. Республиканың солтүстігі мен солтүстік-батысында түнгі және таңертеңгі сағаттарда тұман болжанады. Барлық өңірде екпінді жел тұрады,Күндіз Атырау, Алматы, Жетісу, Ұлытау, Батыс Қазақстан облыстарында, Ақтөбе, Қостанай облыстарының оңтүстігінде, Маңғыстау облысының солтүстік-шығысында 35-39 градус қатты ыстық күтіледі.Атырау, Маңғыстау, Жамбыл, Қызылорда, Ақтобе облыстарында, Қостанай облысының оңтүстігінде, Алматы облысының солтүстігінде, Түркістан облысының солтүстігінде, батысында, оңтүстігінде, шөлді аудандарында, Батыс Қазақстан облысының шығысында, батысында, орталығында өрт тұтану қаупі аса жоғары.Қарағанды облысында, Солтүстік Қазақстан, Ұлытау облысының солтүстігінде, шығысында, оңтүстігінде, Алматы облысының оңтүстігінде, Ақмола облысының батысында, солтүстігінде, оңтүстігінде, Батыс Қазақстан облысының солтүстігінде, оңтүстігінде, Жетісу облысының батысында өрт шығу қаупі жоғары.

Дүйсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> 20 тамызда күн райының қолайсыз болуына байланысты «Қазгидромет» РМК бірқатар өңірде ескерту жариялады.Атап айтқанда, таңертең және күндіз Қызылорда облысының оңтүстігінде найзағай күтіледі. Жел шығыстан, солтүстік-шығыстан соғады, күндіз орталық пен оңтүстікте күші 15-20 м/с құрайды. 20-22 тамызда өңірдің басым бөлігінде өрт тұтану қаупі аса жоғары болады.Күндіз Атырау облысында 35-39 градус қатты ыстық сақталады. Өңірдің басым бөлігінде өрт тұтанудың жоғары қаупі сақталады.Күндіз Ақтөбе облысының оңтүстігі мен шығысында найзағай күтіледі. Желдің бағыты солтүстік-шығыстан солтүстік-батысқа ауысып, найзағай кезінде екпіні 15-20 м/с құрайды. Күндіз өңірдің оңтүстігінде, батысында 37 градус қатты ыстық сақталады. Өрт тұтану қаупі аса жоғары.20-21 тамызда күндіз Алматы облысыныңбасым бөлігінде 35 градус қатты ыстық күтіледі. Өрт тұтанудың жоғары қаупі сақталады.20-21 тамызда Алматы қаласында жоғары өрт қаупі сақталады. Қонаев қаласында 21 тамызда күндіз 35 градус қатты ыстық күтіледі.Маңғыстау облысының батысында, оңтүстігі мен орталығында найзағай болжанады. Солтүстік-батыстан, солтүстіктен жел соғады, күндіз өңірдің солтүстік-батысында екпіні 15-20 м/с құрайды. Күндіз облыстың солтүстік-шығысында 38 градус қатты ыстық күтіледі. Өңірдің басым бөлігінде өрт шығу қаупі жоғары.Күндіз Батыс Қазақстан облысының басым бөлігінде 35-36 градус қатты ыстық сақталады. Өрт тұтану қаупі жоғары.Астана қаласында күндіз найзағай күтіледі.Түнде Ақмола облысының солтүстігінде, күндіз басым бөлігінде найзағай болжанады. Күндіз өңірдің солтүстігінде бұршақ күтіледі. Найзағай кезінде желдің екпіні 15-20 м/с құрайды. Облыстың батысында, оңтүстігінде, солтүстігінде жоғары өрт қаупі сақталады.Күндіз Павлодар облысының батысында найзағай ойнап, солтүстік-батыстан жел соғады, найзағай кезінде екпіні 18 м/с құрайды.Түнде Қостанай облысының солтүстігінде, күндіз басым бөлігінде найзағай күтіледі, күндіз солтүстік бөлігінде бұршақ жауады. Найзағай кезінде желдің екпіні 15-20 м/с құрайды. Өңірдің оңтүстігінде төтенше өрт қаупі сақталады.Күндіз Жетісу облысының шығысында солтүстік-шығыстан жел соғады, екпіні 15-20 м/с құрайды. 20-21 тамызда батыс аумақтарда өрт тұтану қаупі жоғары болады.Солтүстік Қазақстан облысының оңтүстік-батысында, батысында найзағай, бұршақ күтіледі. Өңірдің басым бөлігінде жоғары өрт қаупі сақталады.

20 тамызға арналған ауа райы болжамы

Kyzylorda-news.kz. Жоғары қысым алқабының әсерінен еліміздің басым бөлігінде ауа райы негізінен жауын-шашынсыз болады деп күтіледі, &nbsp;деп хабарлайды Қазгидромет.&nbsp;Тек елдің солтүстігінде, оңтүстік-батысында және оңтүстік-шығысында, таулы аймақтарында фронтальды бөлімдер өтуімен, найзағаймен қоса өткінші жаңбыр жауады, бұршақ, дауыл болуы ықтимал.Республика бойынша екпінді жел болжанады, солтүстік-батыста түнгі және таңертеңгі сағаттарда тұман түседі.Күндіз Атырау, Батыс Қазақстан, Ақтөбе облыстарының батысында, оңтүстігінде 35-38°с дейін қатты ыстық болады.Атырау, Маңғыстау, Жамбыл, Қызылорда, Батыс Қазақстан, Ақтөбе облыстарында, Қостанай облысының оңтүстігінде, Алматы облысының солтүстігінде, Түркістан облысының солтүстігінде, батысында, оңтүстігінде, шөлді аудандарында төтенше өрт қауіпі күтіледі.&nbsp;Солтүстік Қазақстан, Қарағанды, Ұлытау облыстарында, Алматы облысының оңтүстігінде, Ақмола облысының батысында, солтүстігінде, оңтүстігінде, Жетісу облысының батысында жоғары өрт қауіпі сақталады.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысында жаңа оқу жылында 180 мың оқушы білім алады деп жоспарлануда. Бірінші сыныпқа - 17 543 бала қабылданды. Педагогтар саны – 23 086. Бұл туралы Қызылорда облысының Өңірлік коммуникациялар қызметінің ақпараттық алаңында өткен баспасөз конференциясында облыстық білім басқармасы басшысының міндетін атқарушы Бағдат Бердаулетов мәлімдеді.&nbsp;<blockquote>«Бүгінде барлық білім беру ұйымдары қажетті санитарлық-гигиеналық заттармен қамтамасыз етілді. Оқулық және оқу-әдістемелік кешендерге жергілікті бюджеттен 1,2 млрд.тг. бөлініп, &nbsp;412 029 дана оқулық алынды. Бұған қоса, 25 тамызға дейін тасымалдау-тарату жұмыстары толық аяқталады. Мектептер толықтай интернет желісімен қамтамасыз етілді. Осы жылдың қаңтар айынан 1-4 сыныпта оқитын 70 173 және әлеуметтік осал отбасыдан шыққан 5-11 сыныптағы 16 777 оқушы тегін ыстық тамақпен қамтылды. Бұл жұмыстар жаңа оқу жылында да жалғасады», - деді Бағдат Камбозұлы.&nbsp;</blockquote><blockquote>«Департамент қызметкерлері білім ұйымдарының жаңа оқу жылына дайындығын тексеру мақсатында мониторинг жүргізді. Нақтырақ айтқанда, күрделі және ағымдағы жөндеу жұмыстары, турникеттер мен дабыл түймелерінің болуы, спорт залдарының, асхананың және жаңа модификацияланған пән кабинеттерінің болуы қадағаланды. Мониторинг қорытындысы білім басқармасына жолданып, тиісті ұсыныстар берілді», - деді Қызылорда облысы бойынша Білім саласында сапаны қамтамасыз ету департаментінің басшысы Ғалия Даулетова.</blockquote>

Қызылорда: Мектептер жаңа оқу жылына дайын

<a href="https://kyzylorda-news.kz/">Kyzylorda-news.kz.</a> Көлік саласы &nbsp;– қай кезде де ел экономикасы мен өндірісінің барлық буынын байланыстыратын аса маңызды сала.&nbsp;Жолаушылар тасымалы мен оның инфрақұрылымын дамыту бағытында Сыр өңірінде ауқымды жобалар іске асырылып келеді. Облыс әкімінің бастамасымен қолға алынған жолдың жайлылығын, көлік қозғалысының қауіпсіздігін қамтамасыз ететін жұмыстар жемісін беруде. Бүгінде облыстағы жергілікті маңызы бар автокөлік жолдарының ұзындығы 3418,5 &nbsp;шақырым. Оның &nbsp;1014,5 шақырымы – республикалық, 555 шақырымы – &nbsp;облыстық, 1849 шақырымы – аудандық маңызы бар автокөлік жолдары.&nbsp;Мемлекет басшысы өз Жолдауында &nbsp;жол құрылысына, оның ішінде жергілікті жолдардың сапасына баса мән беру, 2025 жылға дейін жергілікті маңызы бар жолдардың жақсы және қанағаттанарлық деңгейдегі индикаторлық көрсеткішін 95 пайызға дейін жеткізуді белгіледі.&nbsp;Былтыр жол инфрақұрылымын дамытуға республикалық және облыстық бюджеттен 17,6 млрд. теңге қаржы бөлініп, &nbsp;368 &nbsp;шақырым жол жөнделген. Биылға 36 млрд. теңге бөлініп, 570 шақырым автокөлік жолдары, көшелер және көпір өткелдері жөндеуден өткізілуде.&nbsp; Сонымен бірге, «Қуатты өңірлер – ел дамуының драйвері» мемлекеттік бағдарламасы шеңберінде 7,1 млрд. теңге бөлініп, (РБ 4, 3 млрд. теңге, ОБ 2, 8 млрд. теңге) 30,5 шақырым облыстық және аудандық маңызы бар &nbsp;жолдар салынып, &nbsp;қайта жаңғыртылуда. Қызылорда қаласында «Батыс Еуропа-Батыс Қытай» халықаралық дәлізімен жанасатын жерде көлік айырығы құрылысы қарқын алды.&nbsp;«Жалпы сипаттағы трансферттер» бағдарламасы аясында бөлінген 8,3 млрд. теңгеге (РБ 4, 5 млрд. теңге, ОБ 3, 8 млрд. теңге) 197 шақырым облыстық және аудандық маңызы бар жолдар мен 6 көпір күрделі және орташа жөнделуде.«Өңірлерді дамыту» бағдарламасы бойынша 4,3 млрд. теңге бөлініп, (РБ-2, 7 млрд. теңге, ОБ-1, 6 млрд. теңге) &nbsp;9 шақырым болатын Қызылорда қаласының 3 көшесі мен 2 көпірінде жұмыс қарқынды жүруде. (Қызылорда қаласындағы Н.Назарбаев даңғылынан «Қызылорда-Құмкөл» трассасына дейінгі С.Бейбарыс көшесін реконструкциялау, «Байтерек» ықшам ауданында «Қызылжарма» каналы арқылы өтетін көпір салу) «Кіші қалаларды дамыту» бағдарламасы аясында 3,1 млрд. теңге бөлініп, 1 көпір (Арал қаласындағы теміржол көпірі) мен 18 көшеге (Арал және Қазалы қалаларының көшелері) жөндеу жұмыстары жүргізілуде.&nbsp;«Ауыл – ел бесігі» бағдарламасы бойынша Қызылорда қаласы мен аудандарға барлығы 5,2 млрд. теңге қаржы бөлініп, 178 шақырым көше жөндеуден өткізілуде.Жалпы, аталған жұмыстардың нәтижесінде жыл соңына дейін жергілікті жолдардың жақсы және қанағаттанарлық көрсеткішін 87,5 пайызға жеткізу жоспарланған.&nbsp;Соның ішінде, Қызылорда қаласы Сырдария өзенінің сол &nbsp;жағалауындағы басты көше жолының «Батыс Европа-Батыс Қытай» халықаралық көлік дәлізімен жанасатын жеріндегі көлік айырығы таяу арада аяқталады.Облыс орталығының Ғ.Мұратбаев және Яссауи көшелерінің қиылысындағы теміржол арқылы өтетін жаяу жүргіншілер көпірі биыл басталды. Сұлтан Бейбарыс көшесін кеңейту, қайта жаңғырту жұмыстары &nbsp;жүргізілуде. Аталған жобаларды жыл соңына дейін аяқтау жоспарланған. Осы салада көптен бері шешімін таппай келген өзекті мәселенің бірі – республикалық маңызы бар «Қызылорда - Жезқазған» &nbsp;жолын қайта жаңғырту басталды. (Қызылорда учаскесі 216 шақырым).Жобаның жалпы құны – 106,6 млрд. теңге. Оны 3 жылда аяқтау көзделген (2022 - 2025 жылдар).

Қызылорда облысында жол құрылысы қарқынды

<a href="https://kyzylorda-news.kz/">Kyzylorda-news.kz.</a> Қазгидромет ел аумағында 18 тамызда болатын қауіпті метеорологиялық құбылыстарға болжам жасады.Қазақстанның батысында, солтүстік-батысында және шығысында атмосфералық фронтальды бөлімдердің өтуіне байланысты ауа райының тұрақсыз сипаты күтіледі. Жаңбыр жауады, найзағай ойнайды. Республика бойынша екпінді жел болжанады. Еліміздің солтүстігінде, солтүстік-батысында түнгі және таңертеңгі сағаттарда тұман түседі.<blockquote>«Күндіз Атырау облысында, Батыс Қазақстан облысының оңтүстігінде, Ақтөбе облысының батысында, оңтүстігінде, Қостанай облысының оңтүстігінде 35-37°С дейін қатты ыстық болады. Атырау, Маңғыстау, Жамбыл, Қызылорда, Батыс Қазақстан облыстарында, Ақтөбе облысының шығысында, оңтүстігінде, орталығында, Қостанай облысының оңтүстігінде, Алматы облысының солтүстігінде, Түркістан облысының солтүстігінде, батысында, оңтүстігінде, шөлді аудандарында төтенше өрт қаупі сақталады», - деп жазды синоптиктер.</blockquote>Солтүстік Қазақстан облысында, Алматы облысының оңтүстігінде, Ақмола облысының батысында, солтүстігінде, оңтүстігінде, Жетісу облысының батысында жоғары өрт қаупі күтіледі.

Қазақстан және Қызылорда облысының басты жаңалықтары