Kyzylorda-news.kz. Екі ай ішінде елдің 18 аймағын аралап шығатын республикалық «Шахмат керуені» жобасы 14 қазан күні Сыр өңірінің үздіктерін анықтады.Алаңда орнатылған киіз үйде швейцарлық жүйе бойынша 11 кезеңнен тұратын блиц турнирі болып, 20 адамның ішінен үш жеңімпаз гранд-финалға жолдама алды. Олар:&nbsp; І орын – Ернұр Ержанұлы; ІІ орын – Әділет Ерсерік; ІІІ орын – Нұрсәт Оспан. Ең қызығы, І және ІІІ орын жеңімпаздары бір үйдің балалары болса, екінші орын иеленген жүлдегер – &nbsp;осы жеңімпаздардың жаттықтырушысы.Турнирде 11-ден 10 ұпай жинап, І орын иеленген облыс чемпионы Ернұр Ержанұлы № 264 мектепте 5 сыныпта оқиды. Ол жақында ғана Азиядан ІІІ орын жеңіп қайтыпты. Ал 8 ұпаймен ІІІ орынға табан тіреген 14 жасар Нұрсәт Оспан – Ернұрдың туған ағасы.&nbsp;<blockquote>«Мен кішкентай кезімнен есеп шығарғанды жақсы көретінмін. Соны байқаған анам мені 6 жасымда шахмат клубына алып барды. Төрт жарым жылдан бері шахматпен айналысып келемін. Бүгінгі ойын оңай болған жоқ. Сонда да турнир бізге күшті тәжірибе берді. Енді Түркістанда өтетін финалда үздік бестікке ілінсем деймін. Ең үлкен арманым – Қазақстан чемпионы болу. Болашақта атақты шахматшы, тренер болғым келеді», – дейді 10 жасар финалист.</blockquote>Ернұр шахматпен 6 жасынан айналысса, кейін оған ағасы Нұрсәт қосылыпты. Екі перзентін де шахмат додасына қатыстырып, олардың үздік жетістігіне куә болған жеңімпаздардың әкесі облыстық кезеңге үлкен дайындықпен келгенін айтты.<blockquote>«Екі баламның нәтижесі көңіл қуантарлық. 10 жасар балам бірінші, 14 жастағы балам үшінші орын жеңіп алды. Біз бұл жарысқа жақсылап дайындалдық. Өйткені турнирге түрлі жастағы ойыншылар, тіпті ақсақалдар да қатысып жатыр. Бұл турнир басқа да жарыстармен қатар келіп тұр. Сондықтан жаттықтырушысымен ақылдасып, шешім қабылдаймыз», – дейді жеңімпаздардың әкесі Ержан Оспан.</blockquote>Қос финалистің жаттықтырушысы Әділет Ерсерік те шәкірттерімен бірге Түркістандағы бас турнирде бақ сынамақ. Бес жасынан бастап шахматты серік еткен Әділет 18 жасынан бері тренерлікпен шұғылданып келеді екен.&nbsp;<blockquote>«Түрлі шахмат сайыстарында жүлдегер атанып, Алматыда өткен халықаралық турнирде ІІ орын иеленгем. «Ұстаздан шәкірт озар» дегендей, Ернұрым өзімді басып озып, қуанып жатырмын. Ол жақында ғана Азияда рапидтен үшінші орын алып келіп еді. Алғашқы кездері өзімді оларға әдейі ұтқызатын едім, қазір шындап ойнасам да ұтылып қалатын жағдайға жеттім. Бұл әрбір ұстаздың арманы деп ойлаймын», – дейді жартылай финал үздіктерінің тренері.</blockquote>Айта кетсек, гранд-финал 10 қараша күні Түркістан қаласында өтеді. Онда әр облыстан оза шапқан 60 ойыншы арасындағы бір жеңімпаз 5 миллион теңгені өз қанжығасына байлайды. Ал керуеннің жалпы жүлде қоры 16 миллион теңгені құрайды.Қазақстан шахмат федерациясының аймақтардағы интеллектуалды спорт түрін дамыту үшін қолға алған жобасына Freedom Broker компаниясы бас демеушілік жасап отыр. <img src="https://knadmin.beoblood.kz/uploads/IMG_20231014_WA_0026_ec822ea602.jpg" alt="IMG-20231014-WA0026.jpg"><img src="https://knadmin.beoblood.kz/uploads/IMG_20231014_WA_0025_ed1042c47b.jpg" alt="IMG-20231014-WA0025.jpg"><img src="https://knadmin.beoblood.kz/uploads/IMG_20231014_WA_0027_6a2b7b513a.jpg" alt="IMG-20231014-WA0027.jpg">

Қызылордалық ағалы-інілі бауырлар «Шахмат керуенінің» финалисі атанды

Kyzylorda-news.kz. Еліміздің барлық аймағын аралап, турнир өткізіп жүрген «Шахмат керуені» бүгін Қызылорда қаласына ат басын бұрды. Керуеннің келуіне орай орталық алаңға жиналған жұртшылыққа облыс әкімі орынбасары Мейрамбек Шермағанбет құттықтау сөзін арнады.<blockquote>«Алты Алашқа ана болған Сыр өңіріне «Шахмат керуені» келіп жатыр. Бұл –біз үшін маңызды оқиға. Өйткені облысымызда шахматтан үлкен жетістіктерге жетіп жүрген спортшыларымыз баршылық. Олардың қатарында 12 дүркін Қазақстан чемпионы, үш дүркін әлем, жеті дүркін Азия чемпионы, облыс тарихындағы тұңғыш ФИДЕ шебері Әсел Серікбай мен тоғыз дүркін Қазақстан чемпионы, оқушылар арасында әлем, Азия чемпионы Назерке Нұрғали сияқты мақтаныштарымыз бар. Әлі де ортамыздан болашақ гроссмейстерлер шығатынына сенімдімін», – деді Мейрамбек Зинабдинұлы.</blockquote>Әкім орынбасарының айтуынша, бүгінде облыста 14 175 адам, оның ішінде 7 189 ауыл тұрғыны шахматпен айналысса, өңірдегі жас зияткерлерге 365 жаттықтырушы сабақ береді.Шара кезінде шахмат федерациясының облыстық филиалы ашылып, оның төрағалығына жеке кәсіпкер Асқар Махамбетов тағайындалды.Федерацияның вице-президенті Марат Есенов аймақтағы филиалдың ашылуы шахмат спортындағы жетістіктерді көбейтуге мүмкіндік беретіндігін жеткізді.&nbsp;<blockquote>«Қазірдің өзінде жүзеге асып жатқан көптеген бастама бар. «Мектептегі шахмат» пилоттық жобасы аясында Қызылорда облысындағы 5 мектеп оқушылары интеллектуалды ойынмен кәсіби түрде шұғылданып жатыр», – деді вице-президент.&nbsp;</blockquote>Алаңда тігілген мобильді киіз үйде қазір швейцарлық жүйе бойынша 11 кезеңнен тұратын блицтен турнир болып жатыр.&nbsp;<blockquote>«Мен 5 жылдан бері шахматпен айналысамын. Облыстық іріктеуде 11 адамның сегізін ұтып, жартылай финалға өттім. Бүгінгі қарсыластарым да мықты. Сонда да орын алуға тырысамын», – дейді турнирдің ең жас ойыншысы Азат Әміреев.</blockquote>Жартылай финалдың нәтижесі бүгін сағат 15.00-де белгілі болады. 20 адам бақ таластырып жатқан шахмат додасында үш жеңімпаз ғана гранд-финалға жолдама алады.Марапаттаудан кейін керуеннің құрметті қонағы, жасөспірімдер және жастар арасында 8 дүркін Қазақстан чемпионы, халықаралық деңгейдегі шахмат шебері Әсел Серікбай бір мезеттік ойын сеансын өткізеді. Сеансқа алдын-ала тіркелген 10 әуесқой шахматшы қатыса алады.Айта кетсек, Қазақстан шахмат федерациясының аймақтардағы интеллектуалды спорт түрін дамыту үшін қолға алған жобасына Freedom Broker компаниясы бас демеушілік жасап отыр.<img src="https://knadmin.beoblood.kz/uploads/IMG_20231014_WA_0018_ff6672db03.jpg" alt="IMG-20231014-WA0018.jpg"><img src="https://knadmin.beoblood.kz/uploads/IMG_20231014_WA_0017_0a2a84d25d.jpg" alt="IMG-20231014-WA0017.jpg"><img src="https://knadmin.beoblood.kz/uploads/IMG_20231014_WA_0019_091fc2d3f0.jpg" alt="IMG-20231014-WA0019.jpg"><img src="https://knadmin.beoblood.kz/uploads/IMG_20231014_WA_0020_b274f9b377.jpg" alt="IMG-20231014-WA0020.jpg"><img src="https://knadmin.beoblood.kz/uploads/IMG_20231014_WA_0016_06cf08b847.jpg" alt="IMG-20231014-WA0016.jpg"><img src="https://knadmin.beoblood.kz/uploads/IMG_20231014_WA_0015_1f895e02f9.jpg" alt="IMG-20231014-WA0015.jpg">

«Шахмат керуені»: Қызылордада 15 мыңға жуық әуесқой шахматшы бар

<a href="https://kyzylorda-news.kz/">Kyzylorda-news.kz.</a>&nbsp; Бір айда Қазақстанның 12 аймағында турнир өткізіп шыққан «Шахмат керуені» 14 қазан күні Қызылорданың үздік ойыншыларын анықтайды. Керуеннің келуіне орай сағат 10:00-де орталық алаңда салтанатты іс-шара өтеді. Қазақстан шахмат федерациясының аймақтардағы интеллектуалды спорт түрін дамыту үшін қолға алған жобасына Freedom Broker компаниясы бас демеушілік жасап отыр.Шара барысында шахмат федерациясының облыстық филиалы ашылып,швейцарлық жүйе бойынша 11 кезеңнен тұратын блицтен турнир өтеді. 20 адам бақ таластыратын шахмат додасында үш жеңімпаз ғана гранд-финалға жолдама алады.Одан бөлек, жартылай финалдың 3 қатысушысы «Әйелдер арасындағы үздік нәтиже»,«16 жастан кіші үздік ойыншы» және «50 жастан асқан үздік қатысушы» аталымдары бойынша марапатталып, ақшалай сертификаттарға ие болады.Турнирден кейін керуеннің құрметті қонағы, жасөспірімдер және жастар арасында 8 дүркін Қазақстан чемпионы, халықаралық деңгейдегі шахмат шебері Әсел Серікбай бір мезеттік ойын сеансын өткізеді. Сеансқа алдын-ала тіркелген 10 әуесқой шахматшы қатыса алады. Айта кетсек, қараша айында Түркістанда өтетінгранд-финалда 60 ойыншы арасынаноза шапқанжеңімпаз 5 миллион теңгені өз қанжығасына байлайды. Ал керуеннің жалпы жүлде қоры 16 миллион теңгені құрайды.&nbsp; &nbsp;

 «Шахмат керуені» Қызылорда қаласына келеді

<a href="https://kyzylorda-news.kz/">Kyzylorda-news.kz.</a>&nbsp; Сыр халқы «Қорқыт ата» әуежайынан Қытай елінің Ханчжоу қаласында бокстан өткен Азия ойындарының күміс жүлдегері Қамшыбек Қоңқабаевты күтіп алды.&nbsp;Спортшыны күтіп алу салтанатына облыстық мәдениет және спорт басқармасы басшысының орынбасары Жігер Айекешов, облыстық бокс федерациясының вице президенті Көмекбай Қизатов, басқарма қызметкерлері, басқармаға қарасты мекеме басшылары, қызметкерлері, бокс бөлімшесінің спортшылары мен жаттықтырушылары және БАҚ өкілдері қатысты.Жігер Айекешов өз құттықтау сөзінде Азия ойындарындағы Сыр спортшыларының жетістіктеріне тоқталып, Сыр жұртшылығы үшін Қамшыбектің жүлдесі алтынмен пара-пар екендігін айтты.&nbsp;<blockquote>«Маған қолдау білдірген барша жанға алғыс білдіремін. Толассыз келіп жатқан құттықтаулар ел абыройын арттыру жолында үлкен септігін тигізетіні сөзсіз. Келер жылғы «Париж-2024» Олимпиадасында қазақ еліне «Алтын» әкелу үшін бар күш-жігерімді жұмсаймын», - дейді Қамшыбек Қоңқабаев.</blockquote>Боксшының бапкері Жамиль Жүсіп те барша қызылордалықтарға алғысын білдірді.&nbsp;<figure class="image"><img src="https://knadmin.beoblood.kz/uploads/387771690_351393680661190_2637494161571446690_n_421caacf9e.jpg" alt="387771690_351393680661190_2637494161571446690_n.jpg"></figure>&nbsp;<figure class="image"><img src="https://knadmin.beoblood.kz/uploads/387768710_351393737327851_3588248050502299704_n_2d529bc2cd.jpg" alt="387768710_351393737327851_3588248050502299704_n.jpg"></figure>&nbsp;<figure class="image"><img src="https://knadmin.beoblood.kz/uploads/387766946_351393173994574_851577056329882921_n_1254635c6e.jpg" alt="387766946_351393173994574_851577056329882921_n.jpg"></figure>

Қызылордалықтар Азия ойындарының күміс жүлдегері Қамшыбек Қоңқабаевты күтіп алды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев спортшы Мөлдір Жаңбырбайды «Facebook» парақшасында құттықтады.<blockquote>«Азия ойындары мәресіне жақындаған сайын барша жанкүйерлер қауымы спортшыларымыздан нәтиже күтудеміз. Байрақты бәсекенің шешуші күнінде каратэші Мөлдір Жаңбырбайдың күміс жүлде иеленгені жайлы ақжолтай жаңалыққа қуандық.&nbsp; Мөлдір алғашқы кездесуін гонконгтық қарсыласы Азия чемпоны Йе Тинг Цангпен өткізіп, 3:2 есебімен жеңіске жетсе, екі дүркін Әлем чемпионы жапондық Михо Михараны 6:5 есебімен, Әлем чемпионатының қола жүлдегері ирандық Сара Бахманиярды 5:4 есебімен жеңіп, ақтық сынға жолдама алды. Алтын медаль үшін айқаста 2018 жылғы Азия ойындарының чемпионы тайпейлік Шиау Шуанг Гумен 5:5 есебімен тең түсті. Дегенмен соңғы нәтижелі әдісті қарсыласы жасауы себепті екінші орын алды. Каратэден ҚР Халықаралық дәрежедегі спорт шебері, ҚР Ұлттық құрама командасының мүшесі, Сыр елінің мақтанышы Мөлдір Жаңбырбай - каратэден жастар арасында Әлем чемпионы, Азия чемпионатының жеңімпазы.&nbsp; Қазақ елінің қоржынына &nbsp;күміс жүлде салған алтын қызымыз ел мерейін осылайша асқақтатты. Сырбойылық спортшылар Азия ойындарында 2 күміс, 4 қола жүлде алды. &nbsp;Барша жүлдегерлерімізді тағы да құттықтаймын!&nbsp; Жерлестерімізге сәттілік тілейміз», - деп жазды облыс әкімі.</blockquote>

Қызылорда облысының әкімі спортшы Мөлдір Жаңбырбайды құттықтады

Фото: olympic.kz<a href="https://kyzylorda-news.kz/">Kyzylorda-news.kz.</a> Ханчжоуда өтіп жатқан Азия ойындарында Қазақстан спортшылары жеті медаль жеңіп алды. Бұл туралы <a href="https://www.sports.kz/news/kazahstan-podnyalsya-vtop-10-medalnogo-zacheta-aziadyi-vhanchjou">Sports.kz</a> порталыхабарлайды.&nbsp;Бүгінгі жарыста Қазақстан спортшылары бір алтын, үш күміс және үш қола жеңіп алды.Жалпы, 2023 жылғы Азия ойындарында отандық спортшылар қоржынында 68 медаль бар: 9 алтын, 18 күміс және 41 қола. Жалпыкомандалық медальдық есепте Қазақстан 10-шы орында.Құрлық біріншілігінің абсолютті көшбасшысы – Қытай, оның спортшылары 353 медаль (187 алтын, 104 күміс және 62 қола) жеңіп алған.Медаль есебінде Жапония 166 медальмен (47 алтын, 57 күміс және 62 қола) екінші орында.Үшінші орында – Оңтүстік Корея, оның қоржынында 169 медаль (36 алтын, 49 күміс және 84 қола) бар.Посткеңестік елдер арасында Өзбекстан бұрынғыдай көш бастап тұр, ол бесінші орында (64 медаль; 20 алтын, 18 күміс және 26 қола).Медаль тізімінде Қазақстаннан төмен Қырғызстан – 16-шы орын (13 медаль; 4-2-7), Тәжікстан – 24-орын (7 медаль; 2-1-4) және Түрікменстан – 29-орын (5 медаль; 0-1 -4) тұр.<ol><li>Азия ойындарының медаль кестесіндегі үздік 10 ел:&nbsp; 1. Қытай – <a href="tel:187-104-62">187-104-62</a> (353) 2. Жапония - 47-57-62 (166) 3. Оңтүстік Корея - 36-49-84 (169) 4. Үндістан - 22-34-39 (95) 5. Өзбекстан – 20-18-26 (64) 6. Тайвань - 17-16-25 (58) 7. Солтүстік Корея - 11-18-10 (39) 8. Таиланд - 10-14-30 (54) 9. Бахрейн - 10-3-5 (18) 10. Қазақстан - 9-18-41 (68).</li></ol>

Қазақстан Азия ойындарының медаль кестесінде алғашқы ондыққа кірді

Фото: olympic.kz<a href="https://kyzylorda-news.kz/">Kyzylorda-news.kz.</a> Азиада ойындарында 60 келі салмақта еліміздің намысын қорғаған каратеші Қайсар Алпысбай финалда Кувейт елінің спортшысы Абдулла Шаабахты жеңіп, ел қоржынына тоғызыншы алтын жүлдені салды.Енді Қазақстан қоржынында 66 медаль бар.&nbsp;

Қайсар Алпысбай Қазақстанға тоғызыншы алтын жүлдені алып берді

<a href="https://kyzylorda-news.kz/">Kyzylorda-news.kz.</a> Ханчжоуда өтіп жатқан Азия ойындарында қазақстандық каратэші Лаура Әліқұл күміс медаль&nbsp;иеленді. 68 кг&nbsp;дейінгі салмақ дәрежесінде өнер көрсеткен отандасымыз финалда қытайлық Цяоцяо Лиге 0:4 есебімен ұтылды.Сонымен қатар 57 келіде бақ сынаған боксшы Карина Ибрагимова күміс жүлде жеңіп алды. Ол&nbsp;финалда&nbsp;Тайбэй спортшысы екі дүркін әлем чемпионы&nbsp;Ю Тин Лиге есе жіберді.&nbsp;Грек-рим күресінен 29 жастағы Әлімхан Сыздықов 130 келі салмақта қола жүлде үшін белдесуде Түрікменстан палуаны Айбегшазада Курраевтан 5:1 есебімен басым түсіп, қола жүлдеге қол жеткізді.Джиу-джитсудан 69 келідегі Алдияр Серік Сингапурден келген қарсыласы Ноа Тян Рун Лиманы 2:0 есебімен жеңді.62 келіде сынға түскен джитсер Мансұр Хабибулла 3-орын үшін өткен бәсекеде Марк Александер Лимді (Филиппин) 6:2 есебімен ұтты.

Азия ойындары: Қазақстандық спортшылар тағы екі күміс, үш қола медаль жеңіп алды

<a href="https://kyzylorda-news.kz/">Kyzylorda-news.kz.</a>&nbsp; Демеушілердің қолдауымен облыстық жастар ресурстық орталығы Қызылорда облысының 85 жылдығына орай «JAS.START» жүгіру марафонын ұйымдастырды.Негізгі мақсаты - адамның денсаулығын жақсарту, аурудың алдын-алу және өмір сүру сапасын арттыру, бос уақытты және әлеуметтік қызметті ұтымды ұйымдастырып, салауатты өмір салтын қалыптастыру болып табылады. Қатысушылар онлайн тіркеліп, 14-34 жас аралығындағы ниет білдірген 600 ерікті жас қатысты. Аймақ жастарымен қатар Татарстан Республикасының Казан қаласынан 1 жас, Орал қаласынан 1 жас, Шымкент, Тараз, Алматы облыстарынан 8 жас жарыста бақ сынады.&nbsp;Жүгіру марафонының белгіленген қашықтығы 6,2км. Эдельвейс саяжайы қиылысынан бастап, Болашақ университетіне дейінгі аралықты қамтиды. Нәтижесінде, ерлер арасында жүлделі І орын - Тараз қаласының &nbsp;2005 жылғы тұрғыны 086 нөмірлі қатысушы Кулыгин Ринат Александровичке бұйырса, жүлделі ІІ орын - Батыс Қазақстан облысы, Орал қаласының 1993 жылғы тұрғыны 098 нөмірлі қатысушысы Илясов Баубек иеленді, ал жүлделі ІІІ орын - Алматы қаласының &nbsp;1998 жылғы тұрғыны 153 нөмерлі қатысушы Сексембай Нұрысбекке бұйырды.Әйелдер арасында Шымкент қаласының 2006 жылғы тұрғыны 113 нөмірлі қатысушысы Досметова Сарвиноз жүлделі І орынды иеленсе, жүлделі ІІ, ІІІ орындар Қызылорда облысы, Қармақшы ауданының 2009 жылғы тұрғындары, 127 және 128 нөмерлі қатысушылары Мырзашқызы Сымбат, Мырзашқызы Қымбат атты егіздерге бұйырды. Марафонға жүгірушілер арасында алғашқы жүздікке ілінген Қармақшы ауданының тұрғыны 120 нөмерлі қатысушы мүмкіндігі шектеулі ерекше жандардың бірі Егізбаев Бағдат «Үздік қатысушы» номинациясын иеленсе, Қызылорда қаласының тұрғындары 284 нөмерлі қатысушы Құрамыс Ерасыл, 229 нөмерлі Бахытұлы Азамат, 100 номерлі Амантай Айжарық, 155 нөмерлі Нағашыбек Айтолқын «Ең жас қатысушы» номинацияларымен марапатталды және қалған қатысушыларға сертификаттар табысталды.&nbsp;QazVolunteer.kz - Республиканский Фронт-офис волонтеров «Birgemiz». Saulyq Life - жастардың репродуктивті денсаулығын сақтау қозғалысы.<img src="https://knadmin.beoblood.kz/uploads/87eb2ed4_5fdf_4751_b16e_5d8798dab16d_63a075cd9d.jpg" alt="87eb2ed4-5fdf-4751-b16e-5d8798dab16d.jpg">

«JAS.START» жүгіру марафоны ұйымдастырылды

<a href="https://kyzylorda-news.kz/">Kyzylorda-news.kz.</a> Бүгін Қазалы аудандық білім бөлімінің басшысы облыстық спартакиада жүлдегерлеріне алғыс білдіріп, ықыласын танытқан еді. Олардың арасында айтулы додаға бөбектерін құшағына ала барған ұстаз-аналар да бар. Мұны ескерген Әділхан Оңдасынұлы бір қолымен бесікті, екіншісімен әлемді тербеткен аналарға арнайы ризашылығын білдірді.&nbsp;<blockquote>«Әрине, құндақтағы сәбиі бар ұстазды ешкім еркінен тыс сайысқа қатыстыра алмайды. Мұны сіздердің бойыңыздағы жауапкершілік пен сүйікті істеріңізге шындап берілгендік деп түсіндім. Көрегенді бабамыз: «Періштенің тілеуін берді» деген тіркесті бекер айтпаса керек. Сіздердің жеңіске жету жолында еткен еңбектеріңізден бөлек, қолыңыздағы сәбидің де тілеуі қабыл болған шығар деген ой келіп отыр. Сондықтан балапандарымыз аман, бала күні қызық пен қуанышқа толы болсын», - деді бас ұстаз.&nbsp;</blockquote>Бұдан кейін бөлім басшысы спортшы-аналарға «Пони» балалар ойын-сауық орталығына тегін кіруге мүмкіндік беретін сертификаттар үлестірді.&nbsp;<img src="https://knadmin.beoblood.kz/uploads/384205472_3715760932080833_4996352157871587496_n_130720f5d2.jpg" alt="384205472_3715760932080833_4996352157871587496_n.jpg">

Спартакиада жүлдегерлеріне алғыс білдірді

<a href="https://kyzylorda-news.kz/">Kyzylorda-news.kz.</a> Қытай елінің Ханчжоу қаласында өтіп жатқан XIX Жазғы Азия ойындарында бокстан аса ауыр салмақта +92 келі салмақта өнер көрсеткен Қамшыбек Қоңқабаев жартылай финалда үндістандық Нарендрді 5:0 есебімен жеңіп, 2024 жылы Франция астанасы Парижде өтетін Олимпиада жолдамасын жеңіп алды.Қамшыбек бұған дейін алғашқы кездесуін Бахрейндік боксшы Данис Латыповпен өткізіп, 5:0 есебімен жеңіске жеткен болатын, енді батырымыз Азия ойындарының ақтық сынында алтын медаль үшін таласқа түседі.

Қамшыбек Қоңқабаев Париж Олимпиадасының лицензиясын иеленді

<a href="https://ortcom.kz/kk/novosti/1696302353?fbclid=IwAR3f1mP-CcVA9KHMP6pU1kUMKnGn4AN8xdv3Ixan8nqQAK7ZByN26O6qHqk">ФОТО</a><a href="https://kyzylorda-news.kz/">Kyzylorda-news.kz.</a> Ағайынды Сергей және Тимофей Емельяновтар Ханчжоуда өтіп жатқан Азия ойындарының күміс медалін жеңіп алды.&nbsp; Байдаркада және каноэде ескек есуден жұптық жарыстың MС2 1000 м бағдарламасында өнер көрсеткен отандастарымыз 3:49 уақыт көрсеткішімен 2-ші келді.Мария Бровкова байдаркада және каноэде ескек есуден жекелей жарыстың WС1 200 м бағдарламасында қола медаль жеңіп алды.Әйелдер арасында тас жолдағы велоспорттан жекелей есеп сайысында сынға түскен Рината Сұлтанова мансабында алғаш рет Азия ойындарында үшінші орын алды.

Қазақстан және Қызылорда облысының жаңалықтары: Спорт