<a href="https://kyzylorda-news.kz/">Kyzylorda-news.kz</a>&nbsp; Анаға құрмет ұлтымыздың өзіне жүктеген басты міндеттерінің бірі.Қазақ аналары ел басына күн туғанда ер азаматтармен бірдей атқа қонған, туған жерді ерлермен бірдей қорғай білген.Ғасырлар бойы қалыптасқан қазақ халқының құндылықтары қыз баланың, ананың ешбір жағдайда қорғансыз қалмауын қамтамасыз еткен. Дана ата-бабаларымыз«Қыз ағасыз болмайды» деген мақалмен осы жауапкершілікті бір ауыз сөзбен жеткізген.Сонымен қатар,халқымызжетім мен жесірді жылатпауға тырысқан, керісінше оларға қолынан келгенше көмектескен және осы дәстүрді елдің ажырамас бір бөлігіне айналдырған.Қазақ әйел затына ежелдентөрден орын беріп, құрметтей білген. Себебі,әйел- Ана, әйел – дана, әйел - ақ шаштыӘже.Әсіресе, қыз бала тәрбиесіне ерекше мән берген. Мәселен, ерте жастан жасына сай шаруаға араластыра бастаған. Отбасында анасына көмектесіп, кесте тігуді үйреніп, кілем тоқыған. Анасы мен жеңгесі қызға өз жасауын дайындауға көмектескен. Жанұясының еркесі болып өскен қыз бала тұрмыс құрғаннан кейін, анасының орнын кеңесші енесімен, ақылды абысынымен алмастырған. Келіндік рөлінің дұрыс, мақтаулы болып қалыптасуына осы ене мен абысын-ажындары септігін тигізіп, қолғабыс етіп отырған.&nbsp; «Келін – ененің топырағынан» сөзінің астарында ене тәрбиесін жалғастырған келіннің мінез-құлқы жатыр. Жаңа түскен келін қайын жұртына қарсы келмей, үлкендердің алдын кеспей, барған әулетке сіңіп кетудің қамын жасаған.Қазақ дәстүрінде әйелдің үй ішіндегі еркіндігі өз отбасының атына нұқсан келтірмей, қайта намысын қорғап, елдің мақтауы мен сыйына бөленіп жүруіне негізделген. Ұядан көрген өнегесін барған жерінде қолдана білген қаршадай қыздың келіндік өмірмен қатар ел басқару ісінде өзіндік дара жолы болған. Ақылды, дана келін тек отбасына ғана емес, ауылға да өз ықпалын тигізген. Ер азаматынан бір саты төмен тұру қағидасын ұстанған көреген аналарымыз елдің бетіне қарсы келмей, көптің жүрегіне нәзік болмысымен, жылы сөздерімен, даналығымен, парасаттылығымен жол таба білген.Ел басқарған қай патшаны алып қарасақта, артында ақылды, дана, мықты әйел затының тұрғанын байқаймыз.Екінші дүниежүзілік соғыс уақытында қазақ әйелдері түрлі шаруаларға араласып, өнеркәсіп, экономика салаларын игере бастаған. Ер азаматтарының орнын жоқтатпай, ауыр жұмыстарға жұмылған. Жаны нәзік, жүрегі мейірімге толы әйел заты ол ауыр кезеңді де абыроймен өткізген.Қазіргі қоғамда да әйел адамдардың орны ерекше. Мәселен, отбасын ұйытып, жұмысында биік белестерден көрініп, абыройлы басшы болып жүрген нәзік жандылар аз емес. Әйел әлемде - сұлулықтың, отбасында – берекенің, ал екі ел арасында –бірліктің символы. Қай заманда болсын, қай қоғамда болсын, жаны нәзік, жүрегі ақ әйел заты өз болмысын жоғалтпай, әсемдігімен өмір сүрсе,әлем көркемделе түсері анық. Сондықтан, қоғамда әйелді құрметтей, қадірлей, аялай білген ұлттың еңсесі әрқашан биік болары анық.&nbsp;Жұлдыз Сатыбалдиева,Қызылорда облысының дін істері&nbsp;басқармасының «Дін мәселелерінзерттеу орталығының» теолог маманы

Қазақ әйелінің қоғамдағы орны

<a href="https://kyzylorda-news.kz/">Kyzylorda-news.kz</a>&nbsp; Аудан халқы үшін қолайлы өмір сүру ортасын қалыптастыру күн тәртібінен түспейді. Жыл сайын аудан елді-мекендері мен кент орталығының инфрақұрылымын жақсарту мақсатында ауқымды жобалар іске асуда. Ол үшін республикалық және жергілікті бюджеттен қаржы қаралып, ең алдымен маңызды деген мәселелер шешімін табуда.Былтырғы жылы аудан көлемінде бірқатар ауылдық округтерде, атап айтқанда Аманкелді, Қоғалыкөл, Айдарлы, Жетікөл елді мекендерінде электр жүйесі толығымен ауысып, ауыл тұрғындарының көптен көтерген мәселелері шешімін тапты. Ауыл көшелеріне толығымен жаңадан электр бағаналары салынып, жаңа подстанциялар қойылды. Биылғы жылы бұл жұмыстар тағы да бірқатар елді мекендерде жалғасатын болады.Сонымен қатар ауданда газдандыру мәселесі бойынша ауылдық округтерді газдандыруға қаржы қаралып, осы күні Тереңөзек кенті мен ауыл Қалжан ахун тұрғындары газ игілігін көруде.&nbsp;Айталық, 2023 жылға құрылыс жұмыстарын бастауға облыстық бюджеттен қаржы бөлініп, «Астана Құрылыс Групп» ЖШС-і тұрғындардың қажеттілігі болып саналатын газбен жабдықтау жұмыстарын жүргізді. Бөлінген қаржы атқарылған жұмыс актісіне сәйкес игерілді.Алдағы жылы С.Сейфуллин және А.Тоқмағанбетов ауылдық округі газдандырылады. Мұнан басқа Шаған, Н.Ілиясов ауылдық округтерін газдандыру кезең-кезеңімен шешімін табады деп күтілуде.Ауданда халық санының өсуіне байланысты кентте жаңа шағын аудандары бой көтеріледі. Ол үшін ең алдымен инфрақұрылым мәселесі шешімін тауып, электр желісі, су құбырлары мен жол жүргізу басталды. Бұл жұмыстарға да республикалық бюджеттен қаржы бөлініп, тиісті құрылыстар басталып кетті. Инфрақұрылым мәселесі шешімін тақаннан соң тұрғын үй салуға жер кезегінде тұрған жүздеген тұрғынға тиісті жер учаскелері берілетін болады.

Сырдарияда инфрақұрылым мәселесі шешім табуда

<a href="https://kyzylorda-news.kz/">Kyzylorda-news.kz</a> Сағындырған Рамазан айының да аяқталуына аз қалды. 10 сәуір – Ораза айт мейрамы.&nbsp;Қазақстан мұсылмандары діни басқармасы осы күні оқылатын Ораза айт намазының еліміз бойынша әзірленген кестесін назарларыңызға ұсынады.<img src="https://knadmin.beoblood.kz/uploads/e1b48e18_24cb_4861_a07a_0920f4e695eb_c1d0994718.jpg" alt="e1b48e18-24cb-4861-a07a-0920f4e695eb.jpg">

ҚМДБ: Еліміз бойынша айт намазының кестесі

<a href="https://kyzylorda-news.kz/">Kyzylorda-news.kz</a>&nbsp;Биыл елімізде қасиетті Қадір түні 5 сәуірден 6 сәуірге қараған түнге түсіп отыр. Бұл түні жасалған ғибадат мың айға, яғни сексен үш жылға тең деседі. Мұсылмандардың қасиетті түнді қалай өткізгені жөн? Бұл туралы толығырақ Алматы қаласы Ибраһим мешітінің бас имамы Ермек Көкірекбаев El.kz ақпарат агенттігінің тілшісіне айтып берді.<h3 style="margin-left:0px;text-align:center;">Қадір түні қалай белгіленеді?</h3>Ермек Көкірекбаевтың айтуынша, көптеген ғалымдар Пайғамбардың&nbsp;(с.ғ.с.)&nbsp;хадисіне сүйене отырып, Қадір түні деп әр Рамазан айының 26-сынан 27-сіне қараған түнді белгілеген. Десе де Қадір түнінің дәл қай түн екені нақты белгісіз.<blockquote>Қадір түнін барша мұсылман асыға күтеді. Олар түннің қасиетіне сеніп, құлшылық етумен болады. Пайғамбарымыз (оған Алланың салауаты мен сәлемі болсын) «Кімде-кім осы түнде Аллаға иман келтіріп, сауабынан үміттеніп, құлшылық ететін болса, Алла Тағала оның бұрынғы істеген барлық күнәсын, кемшіліктерін, қателіктерін кешіреді» деген. Бұл түні періштелер жерге түсіп, береке орнайды, – деді ол.</blockquote>Бас имамның сөзінше, Қадір түнінің өзіне тән бір белгілері болады.<blockquote>Хадистерде Қадір түнінің бірнеше белгісі бар екені айтылған. Біріншіден, Пайғамбарымыз (оған Алланың салауаты мен сәлемі болсын) «Қадір түнінде аспан ашық болады. Ыстық та, суық та болмайды. Күн қызыл болып шығады» деген. Ол түні ай ерекше жарық болып, қоңыр салқын, жағымды жел соғып тұрады. Екіншіден, Қадір түні – мұсылмандардың жүрегінде тыныштық орнайтын түн. Оған қоса олардың жаны рахатқа бөленеді, – дейді Ермек Көкірекбаев.</blockquote><h3 style="margin-left:0px;text-align:center;">Қадір түнін неліктен тағдыр түні деп атайды?</h3>Қадір түнінің тағдыр түні деп аталу себебі – дәл осы түнде Алланың белгілі бір періштелерге келесі тағдыр түніне дейін не болатыны жайлы білім беруінде.<blockquote>Қасиетті түні адам Құдайға ерекше сыйынып, шын жүректен дұға тілейтін болса, оның тағдыры өзгеруі мүмкін. Тағдыр түні «Алла, менің тағдырымды жақсы жағына өзгертші, маған жақсы тағдыр нәсіп етші» деп өлгеннен кейін де жағдайымыздың жақсы болуын сұрасақ, Аллам тағдырдың сыйын, жақсылығын береді, – деді бас имам.</blockquote><h3 style="margin-left:0px;text-align:center;">Қасиетті түнді қайда және қалай өткізу керек?</h3>Ермек Көкірекбаев Қадір түні басталғанға дейін мұсылмандардың толық дәрет алып, теріс ойлардан жаны мен жүрегін аулақ ұстауы қажет екенін айтады.<blockquote>Қадір түнін мүмкін болса мешітте жамағатпен өткізу керек. Алланың разылығы үшін ғибадат жасап, намаз оқып, дұға тілеген жөн. Көпшілікпен жасаған құлшылық ерекше болады. Сонымен қатар Құран кәрімді оқып, уағыз-насихат тыңдаған дұрыс, – деді имам.</blockquote>Қасиетті түнді мұсылмандар Құдайға тәубе етумен, кешірім сұраумен, Мұхаммед пайғамбарға салауат айтумен өткізуі тиіс. Қадір түні құлшылық жасап, сауапқа кенелетін ең қолайлы уақыт болып саналады.<h3 style="margin-left:0px;text-align:center;">Әйелдерге қадір түнін мешітте қарсы алуға бола ма?</h3>Ислам діні әйелдерге мешітке баруға тыйым салмайды, десе олардың өз үйінде жасаған құлшылығы абзал болады.<blockquote>Егер әйел Қадір түнінде мешітке ағасымен, күйеуімен барса, оның еш әбестігі жоқ. Ал егер қасында жақыны болмаса, түнді үйінде өткізгені дұрыс. Себебі әйелдердің мешіті – өзінің үйі, бөлмесі, – дейді Ермек Көкірекбаев.</blockquote><h3 style="margin-left:0px;text-align:center;">Имамдар Қадір түнін қалай өткізеді?</h3>Ибраһим мешітінің бас имамы қасиетті түнді имамдардың қалай өткізетінін айтып берді.<blockquote>Кешке мешітте ауыз ашамыз. Одан кейін құптан намазын, сосын тарауих намазының 20 рәкатын оқимыз. Мешіт жамағатымен отырып, су ішіп, құрма жеп алғаннан кейін уағыз тыңдау уақыты келеді. Онда Қадір түнінің қадір-қасиеті жайлы айтылады. Кейін түнгі тәһәжүд намазы басталды. Оны оқыған соң әркім өзі жеке құлшылық жасап, дұға тілейді, – деді ол.</blockquote>Ермек Көкірекбаевтың айтуынша, Қадір түнінде имамдар мешітте мұсылмандардың арасында сұрақ-жауап ұйымдастырады. Сұрақтарға дұрыс жауап бергендерге жайнамаз, тәспі, құран кітап сияқты арнайы сыйлық беріледі.<blockquote>Сұрақ-жауаптан кейін кофе-брейк ұйымдастырылады. Сосын имам уағыз айтады, құранның барлық, яғни 114 сүресін оқиды. Сәресі уақытында тамақтанып, таң намазын оқып, үйімізге қайтамыз, – деді имам.</blockquote><h3 style="margin-left:0px;text-align:center;">Қадір түні не істеуге болмайды?</h3>Қадір түнінде зиянды іс-әрекеттерден аулақ болу қажет.<blockquote>Дінде рұқсат етілмеген дүниелерді істеуге болмайды. Темекі шегіп, ішімдік ішуге рұқсат етілмейді. Уақыт өткізу мақсатында карта, нарды ойнамап, сериал қарамау керек. Ұрысып, бос әңгіме айтуға болмайды. Қадір түні құлшылаққа арналуы тиіс, – дейді имам.</blockquote><h3 style="margin-left:0px;text-align:center;">Қасиетті түнде қандай дұғаларды оқу керек?</h3>*Ықылас сүресін – 100 рет&nbsp; Бисмилләһир рахмәнир рахим. Қуль һу уаллаһу аһаді. Аллаһус самаді. Ләм иәлиді, уә ләм иуләді. Уә ләм иәкуль ләһу куфууән ахаді. Ықлас сүресінің қазақша мағынасы: «Алла біреу ақ. Алла мұңсыз. (әр Нәрсе Оған Мұқтаж). Ол тумады да туылмады. Әрі Оған ешкім тең емес».&nbsp; *Қадыр сүресі – 100 рет&nbsp; Бисмилләһир рахманир рахим. Иннә әңзәлнәһу фи ләйләтил қадыр. Уә мә әдракә мә ләйләтул қадыр. Ләйләтул қадри хайрум минәл фи шәһр. Тәнәззәлул мәләикәту уәр руху фи һә биизни раббиһим мин кулли әмр. Сәләмун һиә хатта мәт ләғил фәжр. Қадір сүренің қазақша мағынасы былай болып келеді: «1. Біз оны (құранды) қадір түні түсірдік. 2. Қадір түнінің не екенін білесің бе? (Аллаһ Тағала білдірмесе) қайдан білесің? 3. Қадір түні мың айдан да артық. 4. Ол түні Аллаһтың рұқсатымен кез-келген іс үшін Рух пен періштелер түседі. 5. (әсіресе ол түнді ғибадатпен өткізгендер үшін) таң атқанға дейін Аллаһтың рақымы мен есендігі жауады». *Тілді кәлимаға келтіріп, шәхәдәні&nbsp;&nbsp;– 100 рет Лә иләһә иллаллаһ, Мухаммәдур расулуллаһ Қазақша мағынасы: Алладан басқа Тәңір жоқ, Мұхаммед оның елшісі. *Әшһәду әллә иләһә иллаллаһ, уә әшһәду әннә Мухаммәдән ғабдуһу уә расулуһ –&nbsp;100 рет. Қазақшасы: Алладан басқа ешбір тәңір жоқ және Мухаммед Оның Елшісі және құлы екендігіне куәлік беремін. *Астәғфируллуһ –&nbsp;500 рет.Қазақша мағынасы: «Алладан кешірім сұраймын» *Лә иләһә иллаллаһ уахдәһу лә шарикәләһ, ләһул мулку уә ләһул хамду, уә һуә ғалә кулли шәйин қадиир – 100 рет. Айта кетейік, Қадір түнінде бір рет қадір сүресін оқу, басқа уақытта құран кәрімді хатым еткеннен де артық сауап. Қадір түні бір рет «Субханалла», бір рет «Әлхамдулилла», бір рет «Лә илаһа иллалла» деп айту 700 мың тәсбих, тахмид және тәһлилден құнды болады. Бұл түні қой сауымындай уақыт (аз уақыт) намаз оқу, ғибадат ету бір ай барлық түндерді таңға дейін ғибадат етуден де құнды.<h3 style="margin-left:0px;text-align:center;">Кімдердің дұғасы қабыл болмайды?</h3>Пайғамбарымыз (с.ғ.с) «Қадір түнінің жақсылығына құлшылық қылған барлық адамдар бөленеді, бірақ, осы төрт түрлі адам Қадір түнінің жақсылығынан құр қалады» деп ескертіп кеткен.<blockquote>Бірінші, ата-анасына қарсы келген, ата-анасының көз жасына қалған, ата-анасының ашуына ұшыраған адам. Екінші, туған-туыстарымен байланысын үзген адам. Үшінші, Алла тағаланың тиым салғанына қарамастан, арақ ішіп, маскүнем болған адам. Төртінші, ызақор, кек сақтап, араз болып жүрген адамның құлшылығы қабыл болмайды, – деп атап өтті Ермек Көкірекбаев.</blockquote><h3 style="margin-left:0px;text-align:center;">Қадір түні қанша уақытқа жалғасады?</h3>Қадір түні ауыз ашқан сəттен бастап, таң ататын уақытқа дейін жалғасады.

Қадір түнін қалай дұрыс өткізу керек?

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp; Әдетте фантастикалық қиял-ғажайып жанрындағы фильмдерде қоғам өміріне белсене араласып, елді, жерді құтқарып жүрген батырларды теледидардан көріп жатамыз. Олар өз кезегінде балалардың үлгі тұтардай тұлғасына айналған. Алайда, мұндай батырлар тек фильмдерде ғана емес шынайы өмірде де барын ұмытпаңыз. Оған дәлел – Астанада орын алған. Көп қабатты үйлердің бірінде өмірі қыл үстінде тұрған сәбиді құтқарған қызылордалық батыр Сәбиттің ісі. Мұндай жандар қасиетті Қазалы топырағында да бар. Бүгінгі әңгіме өзінің ісіне асқан жауапкершілікпен қарап, бірнеше адам жанын арашалап қалған Думан Бурабайұлы жайында өрбімек. Өрт сөндірушінің өрт шалған үйден газ толған балонды өз өмірін бәсекеге тігіп, алып шыққан сәтіндегі суреті әлеуметтік желіде жарияланған болатын. Оның ісі қаптаған оқырман арасында қызу талқыға түсті. Сол суреттегі батыр Қазалы ауданы №9 өрт сөндіру бөлімінің азаматтық қорғау сержанты Думан Жәли еді. Ол Қазалы ауданы, Сарыкөл ауылдық округі, Абай ауылында өмірге келген. Бала күнінен өрт сөндірушілердің батылдығы мен ерлігіне сүйсіне қараған ол, «ер жеткен соң осы мамандық иесі қатарынан боламын» деп армандаған. Кейін білім ошағын тәмамдап, Отан алдындағы борышын өтеуге аттанды. Сонан соң, азаматтық міндетін атқарып, бәз баяғы бала күнгі арманын орындауды мақсат етті. Осылайша, Қазалы ауданы №9 өрт сөндіру бөлімінде өз орнын тапты. Қазіргі таңда отбасында асқар тауы – Бурабай, анасы – Айпатша және өмірлік жары – Мира Жұмабаева мен үш ұл, екі қыз тәрбиелеп отыр. «Әке көрген оқ жонар» демекші үлкен ұлының да арманы әкесі Думандай болу. Баршамыз білетіндей, өрт сөндіруші мамандығы әлемдегі ең қауіпті қызметтің бірі. Нағыз азаматқа тән мамандық ержүректілік пен батылдықты талап етеді. Ұдайы өлім мен өмірдің арасында арпалысып жүрген батырлардың құрал-саймандары сақадай сай, дайындықтары жоғары болуы керек. Себебі, бұл іс мүлт кетуді кешірмейді. Осындай қауіпте басын бәйгеге тігіп, әрбір жанның амандығы мен ел үшін еңбек етіп жүрген азаматтардың ісіне қарап, сүйсінбеске амал жоқ. Осы орайда, Думан өзінің ең алғашқы жалынды ауыздықтандырудағы сәтін былай бейнеледі: – Барша қазалылықтар білетін «Орын-ай» базары белгілі себептермен өртке оранған болатын. Сол сәтте дабыл қағылып, бригада жұдырықша жұмылып, нұсқаулар түсіндіріліп, белгілі жерге аттандық. Межелеген жерге жеткен соң жалындап тұрған нысанды көргенде біртүрлі күйге түстім. Сонан соң сезімге берілуге жол бермей, дереу өрт сөндірушінің 5 қағидасы бойынша жұмысқа кірісе кеттім. Онда бірінші қағида адам жанын арашалап қалу болғандықтан нысандағы саудагерлерді құтқаруға ұмтылдық. Кейін құнды заттарын аман алып, өртті дер кезінде ауыздықтадық. Артынша, базар ұжымы және сол жерде куә болғандардың алғысына бөленіп, бір жігерленіп алдым. Осылайша, алғашқы құтқару жұмысын сәтті аяқтадық. Әрбір өрт сөндірушінің оқыс оқиғадан аман-есен шығуы, әрине, ережелерді ұстанудың арқасы. Бірақ, үйде тілеуімізді және амандығымызды Алладан сұрап отырған анамыздың да, септігі мол екеніне кәміл сенімдімін, – деді ол. Биыл Думанның құтқарушылар қатарында жүргеніне 18 жыл толмақ. Осы уақытқа дейін ерлік көрсетіп, соған сай түрлі наградалармен марапатталған. Солардың бірі – орын алған оқыс оқиға барысында 11 адамды ажалдан арашалағаны үшін, сол күні ержүректік танытқан барша бригадамен бірге Қазақстан Республикасының Төтенше жағдайлар министрлігінің III дәрежелі төсбелгісін таққан. Өртке қарсы қызмет органдарындағы мінсіз қызметі үшін 10 жылдық медальімен марапатталды. Басқа да бекет бастығы Ғабит Неталиев, қарауыл басшысы Жұбаныш Мырқиясов, бөлімше командирі Нұрлан Айниязов, өрт сөндіруші Ғалым Нажман, жүргізуші Жеңіс Оразалиев пен Дәулетияр Теңізбай және Алтынбек Қанжарбек, өрт сөндіруші Нұрғали Аманжол сынды ұжымдастарының ауыз толтырып айтарлықтай жасаған ерліктерінің аз еместігін де тілге тиек етті. Қызметтегі әріптестері де оны мақтан тұтады. Олардың айтуынша: – Думан үлкенге құрмет, кішіге қамқорлық көрсете білген жан. Жұмыс тәртібі де үлгерімді, берілген тапсырманы бұлжытпай орындайды. Қызметтегі жас буынға білгенін үйретіп, оңы мен солын көрсетіп жүреді. Бір сөзбен айтқанда, нағыз батыр, – дейді ұжымдастары. Қорыта айтсақ, бүгінде қауіп-қатерге тосқауыл болып, жанын шүберекке түйген оғландардың еңбегі, ел назарынан тыс қалып жатқан жоқ. Тілсіз жаумен арпалысушылардың «Бізге халықтың алғысы да жетеді» деген сөзді ұран етеді.

Ажалға араша түскен азамат 

Азамат Еркінұлы: Әрбір өрт сөндіруші – қаһарман

&nbsp;<a href="https://kyzylorda-news.kz/">Kyzylorda-news.kz</a>&nbsp;Сырдария аудандық жастар ресурстық орталығының қолдауымен "Кешкі vibe" жобасы өз бастауын алды. Бұл жобаны ұйымдастырудағы басты мақсат – түрлі сала бойынша өңірімізден шыққан, жастарға үлгі бола білген&nbsp; және жоғары деңгейдегі жетістіктерге жетіп жүрген жастарды аудан көлемінде насихаттау және дәріптеу. Кешкі vibe жобасы - еркін форматтағы сұхбат түрінде өтеді.&nbsp;&nbsp; &nbsp; &nbsp; 2 сәуір күні бастау алған жобаның алғашқы қонағы аудан намысын қорғап жүрген "Terenozek zhekpe zhek team" аралас жекпе-жек клубының жаттықтырушысы, білікті маман&nbsp; – Жүсіпбаев Данияр және осы клубтың мүшелері Болатов Мадияр мен Мұратов Ерасыл. Аудан жастары арасында Данияр Жүсіпбаевтың есімі өте жақсы таныс. Бозкілемде ойнақ салып, қарсыластың жауырынын жерге тигізген Данияр бүгінде бапкерлік қызметті қолға алған. Ол жекпе-жек спорт түрінен 30 дан аса спортшыны шынықтырып, жаттықтырып жүр. Бүгінде жемісті еңбек етіп жүрген білікті бапкер аудан халқының алғысына бөленіп келеді. Бапкердің қанатынын астындағы шәкірттері қазіргі кезде білдей бір чемпион.&nbsp;&nbsp; &nbsp; &nbsp;Сұхбат барысында білікті спортшы әрі жаттықтырушы Данияр жекпе-жек клубының алдағы мақсаттары мен шәкірттерінің дайындық барысы жайында ой бөлісті. Клуб мүшелерінің жетістіктері: ҚР күміс жүлдегері, Облыстық біріншіліктің жеңімпазы әрі белбеу иесі - Болатов Мадияр. Халықаралық дәрежедегі чемпион, әрі белбеу иесі - Мұратов Ерасыл. Балалар мен жасөспірімдер арасындағы ел чемпионы, әрі белбеу иесі - Нұрғазы Нұркелді.&nbsp;&nbsp; &nbsp; &nbsp;Еркін форматтағы сұхбат барысында қызықты сұрақтармен қатар, жеңісті жолдары жайлы сөз қозғалды. Кездесу соңында Сырдария аудандық қоғамдық даму бөлімінің басшысы Бейбіт Есенгелдіұлының жастарға жалынды сөздері мен ізгі тілектері жазылған алғыс хаты табысталды.&nbsp; &nbsp; &nbsp;Ерім дейтін ел болмаса, елім дейтін ер қайдан болсын деген! – , дана халқымыз. Аудан мерейін үстем етіп, облысқа танытып жүрген жас спортшыларымызға алдағы бәсекелеріне сәттілік және жоғары дәрежедегі ойын көрсетеді деген зор үмітіміз бар.

Жаңа форматтағы жоба бастау алды

&nbsp;<a href="https://kyzylorda-news.kz/">Kyzylorda-news.kz</a>&nbsp; «Агро-Өркен» жауапкершілігі шектеулі серіктестігінде еңбек адамының мәртебесін көтеріп, жан-жақты жағдай жасалады. Жалақысы да, ауылдық аумаққа қарамастан қомақты. Еңбек өтеліп, егісті жинаған кейінгі сыйақысы мен тарту таралғылары бөлек әңгіме. Бұған қоса, қаржылай және өзге де көмектері тағы бар. Мұнда еңбегі бағаланып, түрлі марапатқа бөленгендер мен бірнеше көлікке қол жеткізгендер баршылық.&nbsp;Мемлекет басшысының өзі Жолдауында «Елімізде еңбекқор адам, кәсіби маман ең сыйлы адам болуға тиіс. Осындай азаматтар мемлекетімізді дамытады. Біз қарапайым еңбек адамына құрмет көрсетуіміз керек» деп атап өткен болатын. Осы қағиданы «Агро-Өркен» жауапкершілігі шектеулі серіктестік басшылары жадында мықтап сақтаған. Ал еңбеккерлері таң қылаң бере көктемгі егістікке қамданып, қараңғы түскенге дейін тер төгуге әзір. Аталған серіктестіктің Қазалы ауданына қарасты Қожабақы ауылында 750 гектар жері бар. Еуропалық стандарттағы автоматтандырылған техникалармен жаңаланған. Сондықтан, олармен қатар істен шыққан ескі көліктерді&nbsp; жөндеу мақсатында мұнда слесарьмен бірге токарь да жұмыс істейді.&nbsp;Жалпы, токарь – жұмысшы адамның мамандығы. Бұл ағаштан, металдан, шыныдан, пластмассадан және тіпті, шайырдан белгілі бір бөлікті жасау үшін айналмалы дайындамаларды өңдейтін маман. «Бұрандалар, гайкалар мен болттарсыз кез келген бір машинаны немесе қандай да бір жабдықты елестету қиын. Механизм дұрыс істеу үшін, осы болттар мен гайкаларды асқан дәлдікпен қырнап, жону керек», – дейді бізбен әңгіме барысында «Агро-Өркен» жауапкершілігі шектеулі серіктестігінің токары Жеткербай Мадреимов.Жеткербай Мадреиұлы бір салада тапжылмай жұмыс атқарғанына жарты ғасырдан аса уақыт болды. Оның айтуынша, өмірде дәлдікке үйрену үшін токарь білімін алу керек екен. Тек, сонда ғана, механизмді іске қосу міндетті түрде жүзеге асады. Токарь мамандығы бізге адамдар металлға немесе тасқа қайрау және кесу арқылы қажетті пішінді беруге тырысқан ежелгі дәуірден келген. Алғаш токарьлық станок біздің дәуірімізге дейінгі VII ғасырдың басында пайда болды. Онда екі адам жұмыс істеуге тиіс болды – бір адам бөлшек бекітілген механизмді іске қосса, екіншісі, қажетсіз материалды кесіп, бұйымға дұрыс пішін беріп отырды. Бұл процесс көп еңбекті қажет ететін және көп уақытты алатын.– XVI ғасырда су дөңгелегін ойлап тауып, онымен анағұрлым қатты материалдар жонылатын. Тек, ғана ХІХ ғасырда алғашқы электр токарьлық станок жасалып, токарьлардың еңбегі жеңілдеді, – деп бір күрсінді жетпіс жасты алқымдаған Жеткербай аға.Өз ісінің шебері токарь – жай ғана техникалық мамандық емес дегенді алға тартады. Бұл нағыз қолөнер, тіпті өнер шебері. Тек, маман ғана, өрескел кесілмеген кесектен құрылғыға арналған бөлікті жасай алады. Сол себепті де, осы уақытта бұл мамандық иелері еңбек нарығында жоғары сұранысқа ие.– Қазір бағдарламалық басқаруы бар заманауи автоматтандырылған станоктар шығарылуда. Оларда токарь санаулы минут ішінде жеке өлшемдер бойынша бөлшектерді жона алады. Станокта әртүрлі бетті, ұштық жазықтықты өңдеу және бұрғылау, сондай-ақ, металл және басқа да, материалдарды дайындама ретінде қолданып, бұрау, өлшеу, калибрлеу жұмыстарын орындайды. Ол кесу жылдамдығы мен тереңдігін анықтайды немесе нақтылайды. Материалдың қасиеттері мен кескіштің конфигурацияларын ескеріп, кесу құралын таңдайды. Оны бекітеді және орнатады. Осы реттілікпен өңдеу процесі реттеледі, – дейді Жеткербай Мадреиұлы.Бүгінде Жеткербай аға егіс алқабында күн-түн дамылсыз жұмыс істейтін техникалардың кеткен бөлшектерін өңдеп, жонады. Көмек сұрай келгендердің көңілін жықпайды.– Біздің ауыл ұлы жолдың үстінде тұрғандықтан көліктер толастамайды. Сондайда күтпеген жағдайлар кездесіп жатады. Мәселен, бір жылдары Бозкөл ауылына бүтін бір отбасы Жәлен атаның "Қара дүкеніне" арнайылап келіп, ем-дом алған. Қайтарында түн жарымында көлігі бұзылып, маған жолықты. Қай жері істен шыққандығын демде тауып, оңдап бердім. Қуанышқа толы алғысын білдіргенде төбем көкке бір елі жетпей қалды. Қай кез болса да, осындай көмек қолымды созудан бас тартқан емеспін.Жұмыс өтілінің және кәсібилік деңгейінің өсуіне байланысты токарь өз дәрежесін 2-ші ден 6-ға дейін өсіре алады. Техникалық білім токарьлар тобының бастығы, цех бастығы лауазымына дейін мансаптық өсуге қосымша мүмкіндіктер береді. Жастар қазір ауылдан жыраққа кеткенді қалап тұрады. Қазір атқарып жүрген ісімді білгісі келетін жандарға барлық қажетті білім мен дағдыларды үйретуге және өз ісінің нағыз шебері – токарлық істің шебері болуына көмектесуге әзірмін, – деді өз ісінің шебері Жеткербай Мадреимов.

Жеткербай Мадреимов: Жастар қазір ауылдан жыраққа кеткенді қалап тұрады

<a href="https://kyzylorda-news.kz/">Kyzylorda-news.kz</a>&nbsp; &nbsp;«Тіршілік тынысы» газетінің 85 жылдығына орай аудандық мәдениет және спорт бөлімінің қолдауымен, аудандық мәдениет үйінің ұйымдастыруымен «Тіршілік тынысы» – жаңалық жаршысы» атты аудандық жазба ақындар мүшәйрасы өткізілген болатын.Жазба ақындар мүшәйрасын ұйымдастырудағы басты мақсат – өзіндік өрелі тарихы бар, бүгінгі күні елмен бірге жасасып келе жатқан аудандық газеттің 85 жылдық тарихын жырға қосу, өскелең ұрпаққа насихаттау, ақындарымыздың шығармашылығын шыңдау &nbsp;екені даусыз.Жыр мүшәйрасына қатысушы үшін арнайы ереже бекітілді. Атап айтқанда, кент және ауылдық округтерден 25 жастан жоғары бір жазба ақыннан қатысу, сонымен қоса жыр бәйгесіне бұрын еш жерде жарияланбаған өлеңін ұсынуы тиіс. Мүшәйра 2 кезең бойынша өткізілді. Бірінші кезең – «Тіршілік тынысы» газетінің 85 жылдығына арналған 1 өлең арнау болса, ал екінші айналым – Сырдария ауданы жайлы 1 өлең арнау болатын.Тағылымы мол жыр мүшәйрасы жоғары деңгейде өткізіліп, көпшілікті тәнті етті. Тартысты бәсекеде барлығы 10 жазба ақын өнер көрсете білді. Қатысушылардың барлығы дерлік аталмыш мүшәйраға тыңғылықты дайындалғаны көрінді. Сайысқа түскен ақындардың әрқайсысының өлең шумағының өзіндік ерекшелігімен бір-бірінен оза шаба білді. Ақындардың арнауы сөз тапқырлығы, өлең мағынасының тереңдігі, шумақ ұйқасының күрделілігімен ерекшеленді. Көзі қарақты көрермен ақындардың өнеріне, олардың берілген тақырып бойынша тақырыпты жақсы аша алғанына, әдеби қолданыстарды қолдану шеберлігіне, ой мен қиялдың ұшқырлығы, идея­лық мазмұнына ерекше тәнті болды. Шабытына шабыт қосып, газет және аудан тарихының өткен беттерін парақтаған ақындар қара сөздің түйінін тұщымды ойларымен жеткізе біліп, көрермен ықыласына бөленді. Талантты ақындар газетіміздің осы күнге дейінгі өрелі тарихынан сыр шертіп, 85 жылдықты жыр шумақтарына арқау етті. Марал Сағындықованың «Жақсылықтың жаршысы» атты арнауында «Үнқағаз тарихы да терең екен. Алғашқы аты «Сталин жолы» екен. «Еңбек туы» , «Тереңөзек тынысы» да «Тіршілік тынысына» болды мекен», деген өлең жолдары газеттің өткен тарих беттерін парақтап, бүтіндей тарихын осы бір 4 жол өлең шумағымен-ақ жеткізе білгендей. Тартысты жыр бәсекесінде өнер көрсеткен жазба ақындар газетке деген сүйіспеншілігін, алғысы мен құттықтауын өрнекті сөздерімен жеткізе білді.«Алғысым зор,Айтарым мол.Ардағымсың, қастерлім!Заман жылжып,Жылдар зырғып,Ілесе бер, БАҚ-ТӨРІМ!», – деп газетке деген өз алғысы мен тілегін керемет өлең жолдарымен жырға қосты шағандық Нұржамал Ізбасқанова.Одан кейін редакция ардагері Шахарбек Нұрсейіт қатысушыларды айтулы мерейтоймен құттықтады.– Біздің құттыхана ұямыз саналатын «Тіршілік тынысы» газеті 85 жасқа толып отырған жайы бар. Газетіміз қай кезде де қастерлі. Осы газетте еңбек еткенімді мақтан тұтамын. Бас-аяғы газетте қызмет еткеніме 40 жыл болды, соның ішінде 13 жылын осы газетте өткіздім. Біз зейнетке шығып кетсек те, Ақтөре бауырымыз біздің істеген ісімізді бізден де жоғары көрсетіп, жарқыратып жалғап келеді. Ардагерлер кейінгі жастардың жұмысына, жеткен жетістіктеріне көңіліміз толып, әрдайым қуанып отырамыз. Бүгінгі мүшәйрада ақындар еңбекті, анау өткен тарихымызды қозғап, оны жырға қосып жатыр. Шама-шарқы келгенше барлығы жақсы дайындықпен келген. Аз-кем кемшіліктер болғаны рас, дегенмен көш жүре түзеледі демекші, алдағы уақытта кемшіліктермен жұмыс жасайды деген сенімдемін. Шығармашылық табыс тілеймін, – деді Ш.Нұрсейітов.Өз кезегінде аудандық газеттің бас редакторы Ақтөре Ибрагимұлы қатысушы ақындарға ризашылығын білдірді.– Баршаңызды төл мерекемен құттықтаймын! Қазір дәстүрлі медиа мен жаңа медианың тоғысқан шырқау шегіне келген заман болып тұр. Ақпарат алатын да, тарататын да көздер көбейді. Осындай кезеңде газеттің жұмысын ұстап тұру, оны алға қарай жылжыту оңай шаруа емес. Өйткені қазір әлеуметтік желілер арқылы, басқа да ақпараттық жүйелер арқылы ақпараттандыру өте жиі кездеседі. Бүгін мүшәйраға қатысушы ақындардың өлең жолдарын тыңдай отыра, өзімнің 2019 жылы газеттің 80 жылдығына арнаған өлеңім есіме түсіп тұр. Бүгінгі жыр мүшәйрасына қатысып, газетімізге арнау өлең жазған, өнерін көрсеткен ақындарға үлкен рахметімді, ризашылығымды білдіргім келеді, – деді ол.Байқау соңында төрелік етіп, әділ бағасын берген әділқазы алқасының шешімі бойынша мүшәйра жеңімпаздары анықталды. Тартысты жыр бәйгесінің бас жүлдесін жетікөлдік Қанат Көзейбай қанжығасына байласа, жүлделі І орынды қоғалыкөлдік Ақерке Балманова жеңіп алды. С.Сейфуллин ауылының намысын қорғаған Алпамыс Арыстанов ІІ орынға лайық деп танылды. іңкәрдариялық Марал Сағындықова мен шағандық Нұржамал Ізбасқанова жүлделі ІІІ орынды иеленді. Мүшәйраға қатысқан қатысушылар арнайы дипломмен марапатталды. Сонымен қоса жүлделі орын иегерлеріне арнайы сый-сыяпат тарту етілді. Одан бөлек сайыс қатысушыларына ынталандыру сыйлығы табысталды.&nbsp;

Аудандық басылымның мерей тойына арналды 

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының дiн iстерi басқармасы “Дін мәселелерін зерттеу орталығы” КММ ұйымдастыруымен өткен аптада «Зайырлылық және дінтану негіздері» пәні мұғалімдеріне арналған семинар-тренинг өтті.Іс-шарада дін саласы бойынша республикалық ақпараттық-түсіндіру тобының мүшелері: белгілі дінтанушы Дәлелхан Қоңырбайұлы жастар арасында рухани құндылықтарды түсіндіру және діни сауаттылықты арттыру бойынша өз тәжірибесімен бөліссе, «Конфессияаралық және өркениетаралық диалогты дамыту жөніндегі Н. Назарбаев орталығының» бас сарапшысы Асқар Кенжеев зайырлы қоғам және мемлекет дамуындағы зайырлылық принциптері, сондай-ақ, еліміздегі діни радикализм көріністері мен олардың алдын алу бойынша түсіндірме жұмыстарын жүргізді.Семинар-тренинг барысында ұстаздар өздерін толғандырған сұрақтарын қойып, спикерлер тарапынан жан-жақты жауаптар алды.Жалпы, мұндай сипаттағы шараларды өткізудегі басты мақсат - жастарды тәрбиелеуде олардың бойына патриоттық сезімді дарытып, толеранттылық, зайырлылық қағидаттарын үйрететін ұстаздардың білімін күшейту және жасөспірімдерді жат ағымдардан сақтандыру болып табылады.

 «Зайырлылық және дінтану негіздері» пәні мұғалімдеріне арналған семинар-тренинг өтті 

<a href="https://kyzylorda-news.kz/">Kyzylorda-news.kz</a>&nbsp; &nbsp;Қазалы ауданының әкімі Мейрамбек Шермағанбеттің төрағалығымен бірқатар өзекті мәселелерге қатысты мәжіліс өтті. Мәжілістің күн тәртібінде 2024 жылға арналған салық түсімдерін арттыру, Қазалы ауданында шағын және орта кәсіпкерлік субектілерінің тіркелімі мәселелері қозғалды.Алдымен, Қазалы ауданының басшысы салық салу базасын ұлғайтуға байланысты бекітілген жоспарға сәйкес атқарылып жатқан жұмыстарға тоқталды. Бұл бойынша, Қазалы &nbsp;аудандық экономика және қаржы бөлімінің басшысы Әліби Әбиев пен оған қосымша Қазалы аудандық мемлекеттік кірістер басқармасының басшысы Темірлан Қожаназаров қосымша баяндама жасап, атқарылып жатқан жұмыстарға тоқталды.Осы ретте, Қазалы ауданының әкімі Әйтеке би кенті, Қазалы қаласы және ауылдық округ әкімдеріне басты міндеттердің бірі – салық салу базасын ұлғайту және бюджетке қосымша кіріс көздерін қалыптастыру екенін айтып, осы бойынша жұмысты күшейтуді қатаң тапсырды.Мәжілістегі екінші мәселе Қазалы ауданындағы шағын және орта кәсіпкерлік субьектілердің тіркелімі бойынша Қазалы аудандық кәсіпкерлік және өнеркәсіп бөлімінің басшысы Ақтілеу Бөріқұлақов хабарлама жасады. Бөлім басшысына бұл бойынша жыл соңына дейін кәсіпкерлік субъектілердің белсенділігін жоспарланған межеге жеткізу керектігін айтып, ауыл әкімдерімен бірлесіп, жұмыстарды жүйелі ұйымдастыру қажеттігін ескертті. Сонымен қатар, мәжілісте кент, қала және ауыл әкімдері мен кәсіпкерлік бөлімінің басшысына Қазалы ауданында шағын өндіріс орындарын көптеп ашу, кәсіп ашамын деген жандарға жан-жақты қолдау көрсету жөнінде тапсырмалар берілді.Айта кетейік, мәжілісте мұнан бөлек бау-бақша егу жұмыстары, көлдермен жайылымдық жерлерді суландыру, мал басының есебін нақтылау мәселелері қозғалып, жауапты сала басшыларына нақты тапсырмалар жүктелді.&nbsp;

Мәжілісте өзекті мәселелер талқыланды

<a href="https://kyzylorda-news.kz/">Kyzylorda-news.kz</a>&nbsp; &nbsp;Жуырда, Роза Бағланова атындағы Қазалы аудандық мәдениет орталығында халық әртісі, актриса Әмина Өмірзақованың 105 жылдығы, талантты тұлға КСРО Халық әртісі Сәбира Майқанованың 110 жылдығына орай «Қазалы аруы – 2024» атты Қазалы аудандық арулар байқауы өтті.Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілік, инабаттылық, ізеттілік қасиеттерін бойларына сіңіру. Бойына ақылдылықты, дарындылықты, білімділікті жинаған Қазалы ауданындағы ару қыздарды анықтау мақсатында ұйымдастырылды.Байқауға бойы 1,65 см-ден жоғары және 18-25 жас аралығындағы алты өнерлі де сұлу арулар қатысты. Байқауға арулар – «Сымбатпен сыры жарасқан» таныстыру, «Қыз өссе, елдің көркі» өз өнері, «Қыздарға әсемдік жарасады» сән үлгісін, «Сұлу қыз дәмді асымен сүйкімді» ас мәзірін дайындау шарттары бойынша ару-қыздар сынға түсті.Қазылар алқасының төрайымы – Гүлбану Досан, қазылар алқасының мүшелері Ақмарал Жауынбаева және Айнұр Найпованың шешімдері бойынша, дәрежелі үшінші орынды – Бейбіт Айгүл 234 мектептің қызметкері, дәрежелі екінші орын – Тиышбай Сымбат 249 мектеп-лицейінің қызметкері, жүлделі бірінші орынды Бақыт Әмина Лақалы ауылының аруы иемденді.Сонымен, байқаудың Бас жүлдесін Төлепберген Мәдина Майдакөл ауылының аруы иемденді. Тәжіні облыстық "Бұрымды ару" конкурсының Лауреаты Әнел табыстады.Сонымен қатар, "Жанбота" сән салонының меңгерушісі Айнұр Найпова жүз мың теңге тұратын макияж курсы сертификатын тапсырса "Асылым мед" шығыс медицина орталығының директоры Болат Айда ханым байқаудың бірінші орын иегері Бақыт Әмина аруымызға отыз мың теңге қаржылай сыйлығын табыстады. Байқауға қатысып өнер көрсеткені үшін Шәкіман Ғалия және Қойшыбай Айғаным арнайы номинацияларымен марапатталды.Байқау барысында, Қазалы аудандық мәдениет орталығының өнерпаздары өнер көрсетіп көрерменге көтеріңкі көңіл-күй сыйлайды.Байқауға демеушілік жасаған "Жанбота" сән салонының меңгерушісі Айнұр Найпова және "Асыл мед" шығыс медициналық орталығының директоры Болат Айдаға Қазалы аудандық мәдениет орталығы атынан Алғыс білдіреміз.&nbsp;

Қазақстан және Қызылорда облысының жаңалықтары: Руханият