&nbsp;<a href="https://kyzylorda-news.kz/">Kyzylorda-news.kz</a> &nbsp;Қаламыздағы «Сырдария» мөлтек ауданы №9 үйдің тұрғындары көпке үлгілі. Оған себепте жоқ емес. Негізі «Сырдариядағы» осы үйге барсаңыз, сіздің де сол үйдің тұрғыны атанғыңыз келетіні хақ. Сырты әппақ болып әктелген көпқабатты үй көптің көзіне бірден түседі. Ал подъездерінен бірінші подъездің тазалығы, ішінің сырланғаны тіпті ерекше.Кіргеннен бастап есік жанына үйге кірердегі, үйден шығардағы тұсқа дұға жазылған. Әр қабатқа ақырындап көтерілсеңіз, терезе алдындағы бөлме гүлдерін көре аласыз. Иә-иә, бұл подъездің тұрғындары бөлме гүлдерін үйлеріне емес, сыртқа сән беру үшін қойған. Ал қабырғасында әдемі картиналар ілулі тұр. Әдемілікпен үйлескен подъездің тазалығында мін жоқ. Осы подъездге қонаққа келген адамдардың барлығы қызыға қарап кетеді екен. Тіпті мұндай жанға жайлы үйді көргендер берекеге балап, «сататындар болса аламыз» дейтіндер қатары көп көрінеді. Расында, бұл үйге кірсеңіз шыққыңыз келмейді. Көршілердің татулығы Бұл бастаманы бастау, қолға алу, оны ұйымдастыру оңай шаруа емес. Осының бәрін айналасына түсіндіріп, тазалық мен әдемілікті, тәртіпті қалаған тұрғын – Сәнімжан Үмбеталива. Сексен жасқа келген ақжаулықты апамыздың еңбегі зор. Үш тілде еркін сөйлейтін, көпті көрген, жан-жақты белсенділігі бар апамызды іздеп бардық.<blockquote>– Бұл үйде алпыс отбасы тұрады. Кем дегенде үш жүз адам кіріп шығады. Жүз ойын баласы бар. Ал өзімнің тұрып жатқаныма 13 жыл болды. Осыншама уақыт ішінде үйге қарамасақ, ол азып-тозып кетеді емес пе... Негізі көршілеріме алғыс айтқым келеді. Үйдің сыртын әктету, өзіміз тұратын подъезд тазалығын ұқыпты ұстау тек менің ғана емес, бәріміздің міндетіміз. Осы міндетті түсініп, «жұмыла көтерген жүк жеңіл» дегендей, жан-жақтан көмектескен, қаржысы жағынан бірлесе ұйымдасып кіріскен көпшіліктің арқасы деп білемін. Осы кезде үй толық жөндеуден өтіп, жаңарып қалды. Үйдің кішкентай тұрғындарына дейін «таза ұстаңдар, қабырғаны сызбаңдар, қағаз тастамаңдар» деп жиі айтып отырамын. Балалар да сол тәртіпке үйренді, – деді Сәнімжан апа.</blockquote>Әңгіме арасында кейіпкерімізден байқағанымыз, тазалықты, тәртіпті жаны сүйеді.<blockquote>– Көпшілік болған соң бәрінің бірдей тәртіпке бағына беруі қиындау. Әр адам әртүрлі. Бірақ сабырмен түсіндіріп, жылы сөйлесе білсең, жақсы нәтижеге қол жеткізуге болады. Қазір көршілерім жақсы жандар, – деді ақжаулықты ана, әзиз әже.</blockquote>Тағы бір байқағанымыз, осы тоғызыншы үйдегі ерекшесі осы подъезд екен.– Үйді толықтай жөндеуден өткізген соң енді әркім өз подъезін таза ұстау керектігін айтқан болатынмын. Бірақ осы ұстанымды біз ғана ұстанып қалған секілдіміз. Шынымды айтсам, подъездің таза болғаны тек өзімізге ғана емес, сырттан келгендерге де қатты ұнайды. Бізді мақтап кетеді, – деп күлімдеп үн қатты Сәнімжан апамыз.Апамызбен әңгімелесіп тұрған сәтте көршілері де ол кісінің өте еңбекқор, белсенді жан екенін тілге тиек етті.– Біздің апамыз өте белсенді. Егер осы қабырғаны біреу сызып кетсе, бірден суретке түсіріп, көршілердің чатына жіберіп отырады. Бәрімізді қадағалап отыр. Жалпы көршілердің арасында осындай үлкеніміздің болғаны дұрыс, – деп күліп алды құдайы көршісі. Ойланып қарасақ, әлгі көршісінің айтқаны жөн-ақ. Расында, әр үйде Сәнімжан апамыздай айналасына ақылшы, жақсылыққа ұйыстырушы жан табылса, қаламыздағы барлық үйлер таза, ұқыпты болар еді. Иә, үлгі боларлық іс. Бұл – берекелі үй Көршілері осылай деді. Тіпті бір қызығы, осы тоғызыншы үйде бір пәтер сатылатын болса, бірден сатылып кетеді екен.<blockquote>– Өткенде бесінші қабаттан бір бөлмелі пәтер сатылып кетті. Сенесіздер ме, үш адам таласып қалды. Біздің үйде пәтер сату ешқандай қиын емес. Сатуға қойсақ болғаны, сатып алушылар көптеп келеді. «Осы берекелі үйден алғымыз келеді, көршілері де жақсы, үй де таза» деп сырттай қызығып жұргендер көп-ақ, – деп тұрғындар үйлерін мақтан тұтты.</blockquote>Бізде жыл сайын қала күні аталып өтеді. Сол мереке күндері «Үздік аула» байқауы жарияланып, соңында үздіктер марапатталып жүр. Шаһарды жасыл-желекке айналдыру бағытындағы жұмыстарға өз үлестерін аянбай қосып келе жатқан қала тұрғындарын ынталандыруды мақсат еткен бұл байқау 2018 жылдан бастап ұйымдастырылып келеді. Ал олардың қатарында «Үздік подъезд» деген байқау жоқ екенін білдік. Енді кім біледі? Бәлкім, осыдан кейін үздіктердің қатарына Сәнімжан апамыз бастаған көршілер, бірінші подъезд тұрғындары кіріп қалар... Себебі көпшілікке нағыз үлгі боларлықтай берекелі үй екенін байқадық. Лайым, қалада осындай жанашыр, тазалықты, әдемілікті қалайтын тұрғындар көбейе берсе екен дейміз.

Қызылордада бір үй бар әсемдікке үндейтін 

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгін наурызнаманың «18 наурыз – ұлттық киім күні» мерекесі аясында аудандық &nbsp;аурухана ұжымы &nbsp;«Наурыз – берекем, наурыз – мерекем» тақырыбында &nbsp;мерекелік іс-шара ұйымдастырды. Аталған іс-шара Сырдария аудандық ауруханасының бас дәрігері Жалғасбек Үсенов, салалық орынбасарлар, дәрігерлер, медицина мамандары қатысты.Аудандық емхананың авто тұрағына үлкен киіз үй тігіліп, мерекелік іс-шарасы жарасым тапты. Өз кезегінде Сырдария аудандық ауруханасының бас дәрігері Жалғасбек Үсенов жиналған жұртшылықты мерекемен құттықтады.– Бүгін Ұлыстың ұлы күнін шад-шадыман көңіл-күйде тойлаған барша аудан жұртшылығын мерекемен шын жүректен құттықтаймын! Адам жанының арашасы бола білген медицина мамандары &nbsp;жаңару мен жаңғырудың мерекесін ерекше атап өтуде. «18 наурыз – ұлттық киім күні» мерекесі ел көлемінде ауқымды түрде аталып өтілуде. Біздің мамандарымыз қазақы әдет-ғұрыпты берік сақтап, ұлттық киімдерді киіп, дәстүр сабақтастығын жаңғыртуда. Барша сала мамандары мен ардагерлердің отбасына береке-бірлік, зор табыс, ынтымақ тілеймін, – деді бас дәрігер.Іс-шара барасында талай жыл медицина саласында өзіндік қолтаңбаларын қалдырған сала ардагерлері Сейітхан Дәужанов,&nbsp;Рүстем Садықұлы, &nbsp;Шынтай Зетов, &nbsp;Абдулла Арғынбаев көпшілікке ақжарама тілегін жеткізді. Мереке қарсаңында ардагерлерге «Сырдария аудандық ауруханасының ардагері» куәлігі табысталды.– Аудан медицинасы қашанда алдыңғы қатарда тұруы – білікті мамандардың еңбегінің жемісі деп білемін. &nbsp;Көгінен нұр төгілген, жеріне гүл егілген елімізде&nbsp;Ұлыстың ұлы күні – Наурыз мерекесі ерекше форматта тойланып жатқанына бек қуаныштымыз. Сала мамандары қашанда халық денсаулығын жақсарту үшін аянбай еңбек етуде. Барша ізімізден ерген жастарды, білікті де білгір дәрігерлерді, аудан тұрғындарын мерекемен құттықтаймын, – деді сала ардагері Сейітхан Дәужанов.Аудандық мәдениет үйінің өнерпаздары &nbsp;әннен шашу шашып, &nbsp;көпшілікке көтеріңкі көңіл-күй сыйлады. Бұл ретте &nbsp;сала мамандары арасында &nbsp;сәнді, жарасымды ұлттық киіммен келген жандар марапат төрінен көрінді. Ал аудандық спорт клубының мамандарының ұйымдастыруымен &nbsp;қол күрес, арқан тартыс, кір тасын көтеруден жарыс өткізілді. Барлық жеңімпаздар мен жүлдегерлерге Сырдария аудандық ауруханасының кәсіподақ ұйымының бағалы сыйлықтары тапсырылды.

Медицина мамандары жаңару мен жаңғыру күнің атап өтті 

&nbsp; Ұлттық стиль ұлттық мінез пен ұлт бірлігін айшықтай отырып, ел мәдениеті мен тарихының ажырамас бөлігіне айналды.Бұл күн ұлттық киімге арналады. Сан ғасырлар бойы қазақтың ұлттық киімі қарапайымдылығымен және ұтымдылығымен ерекшеленеді, деп хабарлайды<a href="https://sn.kz/sn-akparat-agyny/110956-bugin-ulttyk-kiim-kuni">&nbsp;Skifnews.кz&nbsp;</a>ақпарат порталы.Ұлттық киім үлгісінде пайдаланылатын былғары, жүн, киіз, мата сияқты табиғи материалдар, асыл тастар мен металдар адамға жылулық пен жайлылық сыйлаумен қатар, киім иесінің атақ-дәрежесін, байлығын көрсететін.Қазіргі модернизация дәуірінде ұлттық киім өз мәнін жоймай, бұрынғы дәстүрлер мен заманауи үрдістерді үйлестіре отырып, жаңа интерпретацияға ие болды.Ұлттық стиль ұлттық мінез пен ұлт бірлігін айшықтай отырып, ел мәдениеті мен тарихының ажырамас бөлігіне айналды. Ұлттық киім күні – киім үлгісі арқылы әр адамға өз даралығын білдіруге, сонымен қатар Қазақстанның бірлігі мен мәдени әралуандығын танытуға мүмкіндік береді.Бұл айтулы күні біз әрбір қазақстандықты өз мәдениеті мен ұлттық бірегейлігін мақтан тұтуға, ата-бабаларымызға құрмет көрсетуге және озық дәстүрлерімізді қазіргі заманға жалғауға шақырамыз. Фото: Нұрболат Нұржаубай

Бүгін – Ұлттық киім күні

&nbsp;<a href="https://kyzylorda-news.kz/">Kyzylorda-news.kz</a> Наурыз мерекесін тойлаудың жаңа форматына сәйкес, «Наурызнаманың» онкүндігі аясында 17 наурыз – Шаңырақ күні болып бекітілген болатын. Бұл күн жарасымды жанұялардың береке-бірлігін &nbsp;насихаттау арқылы отбасы құндылықтарын кең көлемде дәріптеуде &nbsp;айрықша маңызға ие болды. Қазақы қаймағы бұзылмаған Сыр өңірінде «Шаңырақ күні» аясында 30-дан астам мерекелік іс-шара ұйымдастырылып, қала және барлық аудандарда ерекше тойланды. Әсіресе, жарасымды жанұялар арасында оның ішінде, 50 жыл отасқандар арасында «Алтын шаңырақ», ал 25 жыл отасқан отбасылар арасында «Күміс кереге» атты ауқымды байқаулар өткізілді. Сондай-ақ, «Ұлттық мереке – ұрпаққа өнеге» тақырыбында облыстық және аудандық «Мерейлі отбасы» байқауының жеңімпаз отбасылары жаңадан шаңырақ көтерген жас жұбайлардың неке қию салтанатына қатысып, &nbsp;өздерінің ізгі тілегі мен ақ батасын берді. Бұдан бөлек, атаулы күнге орай, облыс орталығындағы «Отбасы орталығы» мен «Анаға тағзым» орталығында «Ашық есік» күндері өтті. Сонымен қатар, Отбасы орталығында «Жарасымды жанұя» отбасылық танымдық шара ұйымдастырыл. Ал жаңа туған сәбилердің ата-аналарына «Наурызбазарлық» естелік сыйлықтар берілді. Барлық аудандарда Шаңырақ күніне орай отбасы құндылығын насихаттауға арналған танымдық іс-шаралар ұйымдастырылып, салт-дәстүр рәсімдері өтті. Фото: Қызылорда облысының Өңірлік коммуникациялар қызметі

Шаңырақ күніне орай Қызылордада 30-дан астам мерекелік іс-шара өтті  

Қазақстанның халық әртісі Димаш Құдайберген атақты әнші Пласидо Домингоға шапан сыйлап, құрмет көрсетті. Бұл туралы <a href="https://stan.kz/dimash-kydaybergen-aygili-anshi-plasido-domingoga-shapa-397115/">Stan.kz</a> ақпарат агенттігі хабарлайды.Опера әншісіне құрмет көрсетіп жатқан сәттің видеосын әлеуметтік желідегі парақшасында жариялады."Қай халықта болмасын, өзінің кіндік қаны тамып, туып-өскен еліне, жеріне деген ыстық ықыласын, терең сезім­дерін өлеңге қосып, өз өлкесі­нің тау-тасын, дархан даласын, аққулы көлін жырламаған өнерпаз кемде-кем. Саф өнері арқылы өз ұлтының үнін, жүректен шыққан тың туындыларын күллі әлемнің алақанында аялата білген 20 ғасырдың үздік опера әншісі Пласидо Доминго атамызға дәстүріміз бойынша шапан жапқан сәттен көрініс. Бүгінгі күн – ертеңгі тарих", - деп жазды әнші Instagram-дағы парақшасында.Пласидо Доминго (толық аты-жөні Хосе Пласидо Доминго Эмбил (José Plácido Domingo Embil) Мадридте туған испандық опера әншісі және дирижері, лирикалық-драмалық тенор. 2009 жылдан бастап баритон репертуарының тенорлық партияларымен қатар орындаушы, Лос-Анджелес операсының бас директоры.Әлемнің әртүрлі елдеріндегі сахнадағы жарты ғасырдан астам мансабында Доминго кез келген басқа опера әншісіне қарағанда 150 жетекші опера партиясын орындаған. Доминго 300-ден астам кешті оркестрде немесе дирижерлік пульттің артында өткізген. Барлығы 3900-ден астам қойылымға қатысқан. 100-ден астам қойылым жазып, олар толық метражды опералық қойылымдар, жеке жазбалар және дуэттерді орындаған.Фото: instagram.kudaibergenov.dimash/

Димаш Құдайберген әйгілі әнші Пласидо Домингоға шапан сыйлады

&nbsp; <a href="https://kyzylorda-news.kz/">Kyzylorda-news.kz</a> &nbsp;Қарапайым еңбегімен күн сайын қоғам тынысына игілік етіп, адамдарға жарық пен жайлылық сыйлап жүрген жандар бар. Солардың бірі –&nbsp;Қазалы ауданының тұрғыны Баймұрат Баймұханов. Ол Қазалы электр тарату торабы мекемесінде 29 жылдан бері еңбек етіп келеді. Еңбек нарығында жоғары сұранысқа ие мамандықты меңгерген ол жұмысына өте жауапты.&nbsp;Баймұрат Алшынұлы Жамбыл Жабаев атындағы&nbsp;№234 орта мектепті тәмәмдаған соң, екі жыл Өскемен қаласында әскер қатарында болды. Кейін келіп, Қызылорда агроколледжінде энергетика мамандығына оқуға түседі. Оны бітірген соң Қорқыт ата университетінде білімін жетілдіреді.&nbsp;Алғаш еңбек жолын 1995 жылы Қазалы электр торабын тарату мекемесінде электромонтер болып бастайды. 2000-2002 жылдары бригадир қызмет сатысына өсіп, ал 2002 жылдан бастап бүгінгі күнге дейін электр тарату торабы желісінің шебері қызметін қалтқысыз атқаруда.&nbsp;Уақытпен санаспай, сындарлы сәтте де жауапкершілікті бәрінен жоғары қоятын Баймұрат ағадан " бұл мамандықты таңдауыңыздың сыры неде?" деп сұрауды жөн көрдім.&nbsp;<blockquote>– Мен әскерде жүргенде алғашқы тәлімгерім әрі басшым болған Бегім Бодықов деген ағамыз анама: "Балаң әскерден келген соң, электромонтер қылып жұмысқа аламын" дейтін көрінеді. Әскерден келген соң, еңбекке араласып, тірлік қамымен жүрдік. Сөйтіп, 1995 жылы өмір ағынымен Қазалы электр тарату торабы мекемесіне Бегім аға айтқандай, "электромонтер" болып жұмысқа қабылдандым. Сөйтіп сол жерде жүріп, өзімізден ілгері келе жатқан ағалардың ізін басып, солардың айтқан өнегесімен өмірлік тәжірибе жинақтадық, – дейді ол.&nbsp;</blockquote>Біз бас сұққан мекемеде қаланы электр жарығымен қамтамасыз ету үшін жасалып жатқан тірліктің табы еш бәсеңдемейтінін байқадық. Өйткені, қыз-қыз қайнаған қызмет арасынан Баймұрат аға бізбен сөйлесуге аз ғана уақытын бөле алды. Бірақ, сол санаулы уақыт ішінде жұмыстың жеңіл еместігін, бірақ оған бойлары әбден үйренгендігін айтып қалды.&nbsp;<blockquote>– Жұмыс болған соң, қызығы мен қиындығы қатар жүреді. Бір жылдары жалақы алмай, жан баққан кездеріміз де болды. Бірақ, соған қарамастан қызметтен кетпей, жұмысымызды жалғастыра бердік. Басында "жұмыстан шығып, басқасын тапсам ба екен?" деген де ой болған. Бірақ, Төретамда тұратын өзімнен үлкен Нұрғали деген ағам: "Баймұрат бұл уақытша нәрсе ғой... "Ағаш бір жерде көктейді" деген, шамалы шыдас бер, жұмыстан шықпа, – деді. Ағам айтқан сөзге біраз ойланып қалдым. Сөйттім де, сол бірауыз сөзге тоқтап, қызметімде қалдым. Біразы кетіп, кейін оралғандары болды. Кейбіреулері көшіп басқа қалаға да кетті. Тұрмысын түзеймін деп кеткендердің арасында тығырыққа тірелгендері де кездесті. Бірақ, мен осында қалуды ұйғардым. Қазақ айтады: «Немен қарайсаң, сонымен ағар» деп. Осы сөзді қатты құптаймын. Менде жастайымнан осы жерде түлеген соң, қысылтаяң шақта тас лақтырғандай кетіп қалуым бұрыс болар санадым. Қазір шүкір, табысымыз жақсы, жұмысымыз жемісті, – дейді Баймұрат Алшынұлы.&nbsp;</blockquote>Сондай, қилы кездерде жұмыстан өз еркімен кеткен әріптестерінің қызметін артық жүктеме қылып мойнына алып, міндетсінбей еңбек еткен мамандық иесінің еңбегі елеусіз емес. Қызмет жолында жақсы жетістіктерге жетіп, аудандық, облыстық, республикалық деңгейдегі марапаттарға ие болған жайы бар. Алайда, Баймұрат Алшынұлы аталған марапаттардан гөрі халық берген мадақ бәрінен артық дегенді алға тартты.&nbsp;<blockquote>– Біз жұмысымыз бағалансын деп еңбек етпейміз. Мойнымызға артылған жауапты жүк болған соң, оны орындау міндетіміз. Біздің алдымызда ең алдымен қоғам алдындағы жауапкершілік тұр. Солардың жайлылығын қамтамасыз ету үшін қауіпсіздікке қырағы болуымыз керек, – дейді Баймұрат Алшынұлы.&nbsp;</blockquote>Қай қызметте болмасын, аға буыннан алар ақыл-кеңестің орны бір бөлек. Баймұрат аға өзіне тәлімгер болған Дәулет Ідірісов, Айжарық Құдасбаев, Қуантқан Ізтілеуов, Қуандық Бодықов сынды ағаларының сол кездегі жақсылығын үнемі мақтанышпен айтып жүреді. Тіпті, солардың кей ақылын өміріне азық етіп жүргенге ұқсайды.&nbsp;Баймұрат ағаның жалпы, жұмысына қанық болған соң, әңгіме ауанын отбасына қарай ойыстырдық. Ол өмірлік жары Жаңылған Құлниязовамен 1996 жылы шаңырақ көтеріпті. Қазір екі ұл, екі қыз тәрбиелеп отыр. Қатаң тәртіпке бейімделген азаматтың жүзі бізге басында қатқыл көрінгенімен, сөйлесу барысында жүзінен жылылық есті. Бір күні мың қуатқа татитын жарыққа жауапты маманның ісімен қатар жүзі де шуақ шашып тұрғаны бізді іштей қуантты.&nbsp;

Адамдарға жарық пен жайлылық сыйлап жүрген Баймұрат

<a href="https://kyzylorda-news.kz/">Kyzylorda-news.kz</a> &nbsp;Бүгін «Шаңырақ» күні мерекесі аясында А.Тоқмағамбетов атындағы қалалық мәдениет үйінде “Адал адам” мәдени-тәрбие орталығының “Жанұя шуағы” бұрышында мәдениет үйі жанынан құрылған “Ұлағат” ата-әжелер ансамблінің қарияларымен “Қымызмұрындық” дәстүрі жасалды.Қымызмұрындық – қазақ халқының &nbsp;атадан балаға мұра болып келе жатқан игі дәстүрінің бірі. Ертеде жер аяғы кеңіп, бие құлындап, желіге байланған тұста көптен көріспеген ағайын-туған сағынып, бірін-бірі осы «Қымызмұрындыққа» шақырысып, мәре-сәре болған. Бұл мерекеде өнерпаздар ән мен жырдан шашу шашып қана қоймай, қыздар билеп, жігіттер білек күшін сынасып, кір тасын көтеріп, арқан тартысып, қазақ күресінен, тоғыз құмалақ, асық ойындары секілді қазақ ұлттық ойындарынан жарыс өткізген. Еңкейген кәріден еңбектеген балаға дейін әр ауылдан жеткізілген сары қымыздың дәмін татып, бағасын &nbsp;берген. Дастарқанға қазақтың ұлттық тағамдары қойылған.Жиында ата-әжелеріміз көпшілікке ертеден бері жалғасып, мұра болып келе жатқан игі дәстүрдің маңызы мен мақсатын түсіндірді. Азды-көпті балалық шақтарынан естелік айтып, қымыз ішіп, алда келе жатқан Ұлыстың Ұлы күніне аман жетейік деген бата-тілекпен тарқасты.&nbsp;

Шаңырақ күніне орай Қымызмұрындық дәстүрі жаңғыртылды

<a href="https://kyzylorda-news.kz/">Kyzylorda-news.kz</a> &nbsp;Қос ғасырдан астам тарихы бар Қызылорда қаласында осыдан бірнеше жыл бұрын өткен заманның архитектурасынан көрініс беретін ескі нысандар қатары біршама көп болған. &nbsp;Қазір облыс көлемінде 490-нан аса тарих және мәдениет ескерткіш мемлекет қорғауына алынған.Оның ішінде 21-і республикалық, 274-і жергілікті маңызы бар және 201 ескерткіш алдын-ала есепке алынған тарихимәдени мұра қатарында. Ал, 2002 жылы ашылған облыстық тарихи және мәдени ескерткіштерді қорғау жөніндегі коммуналдық мемлекеттік мекемесі Қазақстан Республикасының «Мәдениет», «Тарихи-мәдени мұраны қорғау және пайдалану туралы» заңдарын басшылыққа ала отырып, тарихи-мәдени мұраны сақтау, ескерткіштер мәртебесін белгілеу, оларды құртып жою, қирату тарихи орнынан алып тастаудан қорғауды қамтамасыз етіп отыр. Десе де қалалық бағдарламалар, әсіресе құрылыс өтетін жоспарға сай ескі ғимараттар «сносқа» кетуі мүмкін немесе жекеменшікке өтіп, кеңселік, сауда үйіне айналып жатқаны жасырын емес. Осы себепті ғимараттың аты ғана емес, заты да өзгеріске ұшырауда. Мамандардың сөзінше, ескі ғимараттар мен ескерткіштердің қатарында бүгінде 140 жылға жуық тарихы бар Айтбай мешіті, 1890 жылы салынған Христос Спаситель шіркеуі, 1905 жылы іргесі қаланған теміржол вокзалы, А.Тоқмағамбетов атындағы мәдениет үйі, облыстық әскери ғимараттың шақыру пункті, теміржол милициясы ғимараты, Ақмешіт музейі сынды бірқатар нысан бар.Еліміздің маңызды әрі рухани қаласына биыл 206 жыл толады. 1818 жылы қаланы қоқандықтардың басып алғаны белгілі. Содан бергі қаланың көне ескерткіштерінен тек қана қазіргі КБИ мөлтек ауданына жақын жерде орналасқан Қарақожа батырдың бейіті қалды. 1853 жылы Ақмешітті орыс әскерлері иеленді. Осы кезде қалада Айтбай мешіті, орыс православ шіркеуі, училище, бекініс, су мұнаралары, монша салынды. Олар қазір сақталған. Ал Перовск қаласында әйгілі кәсіпкер халық арасында «Қара Махан» атанған Махан Жиенбайұлының Николай кірпішінен көтергізген 10-нан аса зәулім үйлер де болған. Десе де, олардың барлығы дерлік тәуелсіздік кезінде бұзылып кетті. 1917 жылы Перовскіде кеңес үкіметі орнатылды. Ол уақытта да тарихи үйлер өте көп еді. Егемендік алғаннан кейін көптеген тарихи маңызы бар ғимараттар бұзылды. Жойылып кеткен ғимараттардың қатарында мемлекет қайраткерлер, ақын, жазушылар, Кеңес Одағы Батырлары, халық әртістері тұрған үйлер бар еді. Бүгінде қаламызда ескі ғимараттар мен көне ескерткіштердің саны 20-ның үстінде, – дейді тарихшы Бақытжан Ахметбек.Дереккөздерге сүйенсек, ХІХ ғасырда мұнда 36 ғимарат бой көтеріпті. Соның бірі – қалалық училище. Қазір оған ескі базар маңындағы «АльАсад» сауда үйі орналасқан. Бұл ғимарат алғашында 1878 жылы әскерилердің балаларына арналған училище ретінде салынған. Шіркеу жанындағы барактарда офицерлер мен солдаттардың отбасы тұрғандықтан, оқу орны жақын жерге, яғни шіркеуге қарама-қарсы қоныс тепкен. Ал базар жанындағы барак типтес үйлер 1990 жылға дейін ел игілігіне жарап, бүгінде олардың барлығы сүріліп тасталған. Аталған ғимараттардың бір құрылыс материалынан, яғни күйдірілген қыштан тұрғызылған. Бүгінде ғимараттың тарихи маңызын ескерген басшылық «Аль-Асад» сауда үйінің қабырғасына Алаш қозғалысының қайраткері Мұстафа Шоқай құрметіне ескерткіш тақта орнатты. Өйткені көненің көзіндей сақталған бұл ғимаратта 1899-1902 жылдары Мұстафа Шоқай білім алған. Қаладағы осындай қастерлі орталықтың бірі – «Айтбай» мешіті. Аталған нысан тек бұрыннан келе жатқан көне мекеннің бірі ғана емес, талай ғасыр тезінен жеткен тас қабырғалары өзіндік ерекшелікке тұнып тұр. Көк күмбезді үйдің бізге беймәлім құпиясы бар. Тарихшылардың айтуынша, мешітті сонау 1878 жылы Айтбай қажының қаржысына Әулиеата шеберлері – Ысқақ пен Камал салған. Күйдірілген қышпен өрнектелген. Төбесі қаңылтырмен жабылып, іші сыланып, әктелген. Ал 1980 жылы «Қазақ жобалау қалпына келтіру» институты мешіттің толық жаңғырту жобасын қайта жасаған. Сондай-ақ осы мешіттің ішінде құдық бары туралы да халық арасында әңгіме таралғанымен, оның рас-өтірігіне көп жұрт көз жеткізе алмай жүрген еді. Сөйтсек әлгі құдық нысанның төргі жағында орналасыпты. Сонда оның құпиялығының сыры неде? Тарихшы, өлкетанушылардың болжауынша, құдықтың артында жерасты жолы бар екен. Ол жол шіркеу мен казармаға апаратын көрінеді. Шіркеу де көне нысанның бірі саналса, казарма – дарияның бойында орналасқан бұрыннан келе жатқан әскери ғимарат. Бір қызығы, бұл жерасты жолына кез келген адам түсе алмаған көрінеді. Тек сол кездегі байкөпестерге, шенді әскерлерге ғана рұқсат етіліпті. Қуантарлығы, осындай құнды сырды ішіне бүккен қасиетті имандылық үйі әлі күнге дейін өз ерекшелігін сақтап қалған. Сырдың бас шаһарының әрбір бұрышы тарих. Өйткені мұнда қазақ ұлтының ел болып қалыптасуының бір кезеңі жатыр. Ендеше, өткен шежірелі тарихтың тәбәрігі іспеттес ескі әрі құнды дүниелерді сақтап, келер ұрпаққа дін аман жеткізу басты міндет болуы тиіс.&nbsp;

Құндылыққа толы Қызылорда

<a href="https://kyzylorda-news.kz/">Kyzylorda-news.kz</a> &nbsp;Темір жол вокзалына қарама қарсы шағын ғимарат бар. Шағын болғанмен оған кірсеңіз өткен ғасырға оралғандай боласыз. Мұндағы құнды жәдігер келушілерге тарих бетінен сыр шертіп тұрғандай. Бағзы заманнан қалған келі-келсап, диірмендер алыстағы ауылымды еске салады. Сыны кетпеген ескі бұйымдар сан мың жылдық тарихтың таңбасындай көзге жылы көрінеді. Бұл – облыстық тарихи-өлкетану музейінің филиалы – Ақмешіт музейі.Ал бұл қасиетті орынның 100 жылдан аса тарихы барын біреу білсе, біреу біле бермейді. Бірнеше мәрте жөндеуден өткен музей филиалының іргетасы 1905 жылы қаланыпты. Әскери казарма ретінде салынған нысан 1917 жылы қайта қалпына келтірілген. Қос ғасырлық шежіресі бар алғаш ел астанасы болған Қызылордада бұл рухани орданың орны бір төбе. 2004 жылы Ақмешіт музейі ретінде ашылған мәдени орын сол уақыттан бері рухани шаңыраққа айналды. Бүгінде 2000-нан астам бай жәдігері бар музей қоры қазақ тарихындағы астаналар – Орынбор, Қызылорда, Алматы, Астана қалалары туралы айрықша маңызды мәліметпен бөліседі. Экспозициялық залдан «Ақмешіт-Перовск» қалаларының тарихы, Қызылорда ҚазССР-нің астанасы, ХХ ғасыр басындағы зиялы қауым өкілдерінің тұрмысы мен олар тұтынған небір бағалы бұйымды кездестіруге болады. Ауқымды 4 залды құрайтын музейдің біріншісінде Ақмешіт бекінісінің макеті қойылған. Онда саз балшыққа майда сабан араластыра салынған бекініс анық кескінделіпті. Әрбір бөлшегіне дейін аса мұқияттылықпен қарасаңыз, қамал қабырғаларында ұзын тісті қорғаныштар, бұрыштарында зеңбіректер орналастырылған мұнараны байқауға болады. Бекіністің өзен жағасындағы мұнарасына темірмен құрсауланған мықты қақпа орнатылыпты. Оның ішіндегі үш құдық, екі мешіт-медресе және балшықтан салынған үйлер де көзге бірден түседі. Дереккөздерге сүйенсек, әлгі екі мешіттің бірі – қазіргі қала орталығындағы – «Айтбай» мешіті деседі. Сол кездегі құрылысшылар саяси ахуалды ерекше ескерсе керек, орданың айналасы ормен қоршалып, суға толтырылыпты. Тарихшылар мұнда 400ге жуық қоқандық пен қазақтар тұрғандығын растайды. Қызығушылықпен қараған адамға кішкентай ғана макет ескі қала жайлы осыншама құнды деректі алға тартады.Ал келесі бөлігінде Абай Құнанбаев, Бейімбет Майлин, Сәкен Сейфуллин, Ілияс Жансүгіров секілді ақын-жазушыларымыздың 90 жыл бұрын латын қарпінде жарық көрген шығармалары сақталған. Өз заманында еліміздің астанасы болған – Қызылордада латын қарпінде көне кітаптар жарық көрген. Солардың ішінде түпнұсқа еңбектер де кездеседі. Соның бірі – Ахмет Байтұрсыновтың 1926 жылы латын қарпінде шыққан «Әліп би» кітабын музей қызметкерлері көздің қарашығындай сақтап отырғандарын айтады. Парақтары сап-сары рең тартып, селдірей түскен дүние – бағалы байлық көзі екені даусыз. Қазақ АССР-і Орталық Атқару Комитетінің 1925 жылғы шешімімен астананы Орынбордан Ақмешітке көшіру туралы жарлықты өлке еңбекшілері қуанышпен қарсы алды. Шырайлы шаһардың оған лайық екеніне дәлел ретінде мұнда қазақтардың көп тұратындығы нақты айтылған. Бұл аймақтың болашағы үлкен үміт күттіретін суармалы егістіктің орталығы болуы да өз әсерін тигізбей қоймады. Сөйтіп астананы Ақмешітке көшіру үшін үш күн ішінде қызыл паровоз жөндеуден өтіп, Орынбордағы бүкіл зиялы қауымды жаңа астанаға көшіріп әкелді. Бір қызығы, қара түтіні будақтап келе жатқан тарихи паровоздың дәл осы сәттегі ерекше суреті де музейдің құнды жәдігерлер қорына енген. 1925 жылы кеңестің V республикалық съезі болып өткені деректерден белгілі. Осы жиында халқымыздың тарихи есімі қайта жаңғырған. Себебі бұған дейін ұлт атауы бұрмаланып, қазақтарды «қырғыз» атаған екен. Сол съезде бұдан былай ел астанасы Ақмешітті «Қызылорда» деп атауға қаулы қабылданған. Бұл жайлы құндылықтан музейдің келесі эскпонат залы сыр шертеді. Көнеден жеткен жез самаурын, құман, елеуіш, телефон аппараты, теміржолшылардың сөмкесі, қол шамдар, арнайы пітір-садақа беретін ыдыс, ағаш табақ, ақын-жазушы Асқар Тоқмағамбетовтің жазу машинкасымен қатар өзге де құнды жәдігерлер бар. Бұл құнды жәдігерлер сол кездегі орыс көпестерімен арадағы сауда-саттық қарым-қатынас кезінен сақталып қалған. Сонымен қатар, сонау XIX ғасырдың көзіндей болған қымбат дүниелер де бар. Көбіне келушілер 100 жылдың куәсіне айналған аталған дүниелерге ерекше қызығушылық танытатынын айтады музей қызметкерлері. Музейдегі соңғы зал ерекше мұралармен құнды. Төрде тұрған пианино еріксіз көзге түседі. Бұл аспап өткен ғасырда Германияда жасалған көрінеді. Ал оның бұл жерге қалай келгені беймәлім. Аспап басқышы піл сүйегімен қапталғандықтан дыбыс сапасы өз бабында тұр. Саусақ тисе, әндете жөнеледі. Оның оң жағына бір жарым ғасырлық тарихы бар үй жиһазы орналасыпты. Ағаштан жасалған бұйым бүгінгі заманауи дүниеден еш кем емес. 1901 жылы Францияда жасалған «Le Roi a Paris» қабырға сағаты әлі де кәдеге жарап, уақытты дәлме-дәл көрсетіп тұр.

Тарихи жәдігері мол мұражай

<a href="https://kyzylorda-news.kz/">Kyzylorda-news.kz</a> &nbsp;Өткен күн – қазір тарих. Әсіресе тек қазіргі жай-күйі ғана көз алдымызда тұра­тын кейінгі буынға аудан орталығына сән беріп тұрған зәулім ғимараттардың тарихы қызық екені даусыз. &nbsp;Мұса Қозыбаев – қанша жыл өтсе де сыны мен сыры кетпеген аудандағы маңызды ғимараттарды сал­ған құрылысшы екені елге белгілі. Отыз жылдан астам құры­лыс бөлімінде жұмыс істеген қария денсаулығы сыр бермейінше осы саладан қол үзбеген болатын.Кейіпкеріміз &nbsp;1950 жылдың тумасы. Тереңөзек кентінде дүниеге келіп, осы ауданның ұзақ жылғы тарихымен бірге жасасып келе жатқан ақылман қария. Ауданның өсуі-өркен­деуі, талай сындарлы сәттерден өтуі – бәрі-бәрі бұл кісілердің көз алдында күні кешегі­дей сайрап тұр. Екінші дүниежүзілік соғыс бітіп, ел тұрмысы енді ғана аяққа тұрып келе жатқан тұста дүние есігін ашқан кейіпкеріміздің тағдыры оңай бол­ды дей алмаймыз. Кішкентай кезінде әкесі науқастанып, үйдің тірлігі, отбасын асырау Мұса ағамыздың еншісінде бол­ған. Әдетте ауыр тағдыр адамды ерте есейтеді деп жатамыз. Кейіпкеріміз де әкесі­нің үмітін ақтау үшін небәрі 16 жасы­нан бастап ауыр жұмысты қол еткен. Кеңес үкіметі кезінде кәсіптік-техни­калық училищеде білім алып, 1967 жылы құрылыс саласында еңбек жолын бастаған. Білгені мен тәжірибесі аға буынның тәрбиесімен үйлесім та­уып, құрыш­қол құрылысшы талай зәулім ғимарат­тың іргесін қалаған болатын.– Уақыт зымырап өтіп жатыр. Құры­лыс­ты бала күнімде кәсіп етіп бастап едім. Үйренгеніміз көп болды. Аудандағы маңыз­ды мекемелердің әр кірпіші қолы­мыздан қаланды. Аудандық емхана, прокуратура мекемесі, Сәкен Сейфуллин, Асқар Тоқмағам­бетов ауылындағы, Іңкәрда­рия­­дағы мектеп – бәрінің алғашқы тасы қалай қаланғанына дейін көз алдымда. Кейін соңымыздан ерген буынға біз де білгені­мізді үйреттік. Көшеде көре қалса әлі күнге «ұстаз келе жатыр» деп тікесінен тік тұрып, сәлемдеседі. Жиырма бес жыл брига­дир болдым. Адал еңбек пен маңдай тер адамды ешқашан жерге қаратпайды. Бұл менің әлі күнге балаларыма, немерелеріме айтып отыратын бас­ты қағидам, – дейді Мұса Қозыбаев.Жұмыс бабында қауіппен қатар келген тұстар болғанын да жасырмады кейіпкері­міз. Ауыр еңбекті қол етіп, қазіргі таң­да денсаулығы сыр бергені де жасырын емес. Негізінде адал еңбек ағамызды шың­даса, құрыш білектің қуатын жұмсап сал­ған ғимараттардың қызығын кейінгі буын әлі күнге көріп келеді.Мұса Қозыбаевтың зайыбы Съезкүл Оразаева – саналы ғұмырын ұстаздық жолға арнаған жан. Бала тәрбиелеу ісінде елеулі еңбек сіңірген ардагер №35 мектеп-лицейдің ардагері, бүгінде бас­тауыш ардагерлер ұйымының мүшесі. Зейнет демалысына шықса да, қоғам өмірінен, бала тәрбиелеу ісінен бір сәт қол үзген емес. Журналист болып кейіпкеріңді зерделеу үшін шаңырағына барғанда жан-жағыңды бақылап, әр сөзді қалт жібермеуге тырыса­сың. Отау құрғандарына елу жыл­ға жуықтаған қариялардың арасындағы сыйластық кейінгі буынға үлгі. Бір-біріне қамқор болып, сіз-біз десіп отырған жан­дардың өнегелі өмірі де, саналы ғұмыры да кейінгі буынға тәрбие көзі боларлықтай.Балаларына тәлімді тәрбие беріп, адал­дықты әркез өсиет ететін жандардың үш баласы бар. Бүгінде оқуын оқып, түрлі салада елеулі еңбек етіп жүрген жандар ата-анасына немере-жиен сүйгізіп, бір-бір шаңырақтың түтінін түтетіп отырған жайы бар. Үлкені Айгүл – ана жолын жалғап, ұстаздық мамандықты кәсіп еткен. Ұлдың үлкені Айбек – ауыл шаруашылығы бөлімінде жұмыс істейді. Ата-ананың бабын келтіріп отырған келін Назым – жеке кәсіпкер. Кіші ұл Айдос – ветеринария саласының маманы. Қазыналы қарттыққа үлкен абыроймен жеткен ақылгөй қария­лар бүгінде ұл-қыздан тараған екі жиен мен алты немеренің сүйікті ата-әжесі.– Мен орыс тілі пәнінен &nbsp;балаларға сабақ бердім. Бір салада табан аудармай еңбек етіп, зейнет демалысына шыққан болатын едім. Ағаңмен 1978 жылы шаңырақ көтердік. Қазір немерелердің қызығына тоймай, осы­лардың тілеуқоры болып жүрген жайы­мыз бар. Отбасымызбен қазақы құнды­лықтарды, салт-дәстүрді берік ұстауға тырысамыз. Бірақ балалардың бірнеше тілді қатар меңгеруін құп көріп, жастайы­нан орыс тілін де игертуге күш саламыз. «Өзге тілдің бәрін біл, өз тіліңді құрметте» деген, – деп жылы лебізін білдірді Съезкүл апай.Ата-анаға «балаң жақсы» дегенін­дей, бізді де газет туралы оң пікірлер арқаландырады. Айтпақшы, Мұса ағаның еңбегі жоғарғы басшылықтан ұдайы еле­ніп отырған. Кеңес заманындағы марапатты былай қойғанда, кейінгі жылдары алған «Алғысы» да жетерлік. Соның ішінде 2018 жылы алған ҚР Инвестиция­лар және даму министрлігінің арнайы «Құрмет грамотасының» шоқтығы биік. Одан бөлек әр жылдардағы облыс, аудан әкімдерінің және құрылыс басқармасы басшыларының Алғыс хаттары да бар. Бұл – құрыш қолды құрылысшыға халықтың, елдің, құрылысшы қолынан шыққан ғимарат­тардың игілігін көріп келе жатқан көп­тің алғысы десек, артық айтқандық емес.Ер азаматтың үш міндетінің бірі – ұрпа­ғына үй салу болса, түгел аудан әлі күнге игілігін көріп келе жатқан ғимараттардың кірпішін қалаған қарияның қызығынан қиындығы көп салада атқарған еңбегі орасан. Адамды құрметке бөлейтін – еңбек. Өнегелі ісімен кейінгі ұрпаққа тәлімді тәрбие беріп отырған қазыналы қариялар ұрпағына әркез адал еңбекті үгіттейді.&nbsp; &nbsp; &nbsp; &nbsp; &nbsp; &nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Мұса Қозыбаев: Адамды құрметке бөлейтін – еңбек

<a href="https://kyzylorda-news.kz/">Kyzylorda-news.kz</a> &nbsp;Өмір жолы өнеге, ауыл шаруашылығының ардагері Есенбай Асанұлы мен «Алтын алқа» иегері Наббат Тұрғанова &nbsp;еңбегімен елге танылған жандар. Ардагерлік жасқа жеткен ардақтылар бұл күнде үлкен әулетке айналып, бала-шағаның ортасында отырған жайы бар.Аты әлемге әйгілі ақын, философ, қоғам қайраткері Жүсіп Баласағұн бабамыз «Кісіге екі дүниде пайдалы үш нәрсе бар, біріншісі – халқына адал қызмет ету, екіншісі – әділдік, үшіншісі – ар-ұят. Адам осы үш қағида арқылы бақытын табады» деген екен. Бұл қағида мақаламызға арқау болған еңбек ардагері Есенбай аға мен зайыбы Наббат апаға арналғандай. Өйткені қос ардагердің бойында бабамыз айтып кеткен қасиеттің барлығы табылатыны сөзсіз. Олар саналы ғұмырында адал еңбек етіп, туған ауылы мен туған жердің түлеуіне қызмет еткен адамдар саналады.Сәл шегініс жасап Есенбай Асанұлының еңбек жолына үңілсек. Осыдан 72 жыл бұрын наурыз мерекесінде Сәкен Сейфуллин ауылында дүние дидарын ашқан азамат әке-шешесінің тұңғышы болып ер жеткені елге мәлім.<blockquote>– Әкем Асан Әбдікәрімов Сәкен Сейфуллин кеңшарында атақты күрішші болды. Адал еңбегі үшін «Құрмет белгісі», «Еңбек Қызыл Ту» ордендерімен, көптеген медальмен марапатталған болатын. Анамыз Үмбігүлсім кеңшарда есепші болып еңбек ете білді. 4 ұл мен 2 қызды тәрбиелеп өсірген ата-анамыз біздің есейгенімізді көріп, адамгершілік асыл қасиеттерді бойымызға сіңіре білді, – дейді бүгінде өзі де ардагерлікке абыроймен жеткен Есенбай аға.</blockquote>Ардагер – құрметті, ардақты, қадірлі деген мағынаны білдіретіні баршаға аян. Ел қамын ойлап, намысын қорғаған, елеулі еңбек сіңірген, абырой, беделі асқақ адамды халық «ардагер» деп жоғары бағалайды. Есенбай Асанұлы – туған елі үшін ауыл шаруашылығын түлетуге қырық жылдан астам уақыт күш-қуатын жұмсаған шаруа адамы. Азамат ес білгелі ауыл шаруашылығы техникасын тізгіндеді. Бұрынғы №88 селолық кәсіптік училищеде тракторист-машинист мамандығын алып, 18 жасында Партияның ХХІ съезі атындағы кеңшарда тракторист болып еңбек жолын бастады. Арыс қаласында әскери борышын өтеп, ауыл шаруашылығында еңбек жолын жалғастыра білді.1975 жылы ауданда Сәкен Сейфуллин атындағы кеңшар құрылғанда, кеңшар директоры Ж.Бодықбаев өз ісінің майталманы атанған білікті маманның еңбегіне сүйсініп, жаңа кеңшарға жұмысқа шақырды. Бойында жалындаған жастық жігері мен еңбекке деген құлшынысының арқасында машинист, жаткист-комбайнер болды. Кеңшардағы түрлі техниканың тізгініне отырды.<blockquote>– Кеңшардың жаңадан құрылған кезі. Техниканың саны санаулы, барлығы ескірген. Сонда да директордың талапшылдығы мен іскерлігі еңбеккерлерді жігерлендіретін. Директор кеңседе отырмайды. Қай кезде де шаруа адамдарының жанынан табылатын. Таңертеңнен басталатын еңбекке қызу кірісіп, шаруашылықтың жұмысы іркіліссіз болуын қамтамасыз ететін. Сондай қиын-қыстау кезінде мал азығынан тапшылық көрдік. Шаруашылыққа алыстағы Қарақұмнан, Мыңбұлақ деген жерден шөп әкелуге аттанатынбыз. Қара жұмысты еңсеріп, мал-жан амандығына күш салдық. Техниканың ақауын да өзіміз жөндейміз. Таң атқаннан бастап кеш батқанша тыным таппай еңбек еттік, – дейді байырғы тракторист Есенбай аға.</blockquote>Еңбек адамы – ел көшін алға сүйрейтін қуатты күш. Қара жұмыста шыңдалып, саланың сайыпқыраны атанған Есенбай аға жұмысына деген адалдығы мен жауапкершілігінің арқасында 1984 жылы 7 қарашада облыс орталығында өткен ең ауқымды мерекенің құрметіне К-700 тракторымен техникалар шеруіне қатысқан. Осылайша құрмет төріне шығып, техникасын күтіп ұстағаны үшін облыс басшылығынан марапат алып, абыройы асқақтағанын бүгінде оның достары ұмыта қойған жоқ.Байырғы тракторшы саналы ғұмырында шаруашылықтың жұмысынан қол үзбей, еңбекте қатар жүрген замандастары Сайлау Нұртаев, Досбол Арысбаев, бригадирі марқұм Ж.Төлебаев, агроном С.Нұрымов пен О.Дүйсенов, т.б. адал еңбегі көпке үлгі болғанын мақтанышпен еске алады. Арда азамат еселі еңбегінің нәтижесінде әр жылдардағы облыстың бірінші басшылығының қолынан ІІІ дәрежелі «Еңбектегі Ерлігі үшін» және «Еңбек Даңқы» ордендерімен наградталды. Мұнан басқа көптеген медаль абыройлы еңбектің жемісі ретінде еңбек адамының кеудесінде жарқырап тұр.Есенбай Асанұлы елдің басына келген тоқырау кезеңінде де қолынан келетін іспен айналысты. Отбасымен аудан орталығына қоныс аударып, «Харрикейн Құмкөл Мұнай» компаниясында, кейін «Бастау-S» мекемесінде жұмыс істеп, 2015 жылы зейнет демалысына шықты. Биыл өмірлік жары Наббат Тұрғановамен отасқанына 51 жыл болды. Алтын алқалы ана қай кезде де арқа сүйер азаматына қолдау білдіріп, өзі де қол қусырып отырған жоқ. Егін егіп, сиыр сауды. Ауылда клубта жұмыс істеді. Қиын қыстау кезеңде қолда бар малды ұқсатып, оны көбейтіп, ағарғанын үзбеді. Бала-шағасын асырау қамымен дорба арқалап, саудамен де айналысты.<blockquote>– Отбасын құрып, шаңырағымыздың шаттығы балаларымыз өмірге келгенде қиындықты еңсеруге тырыстық. Отағасының жағдайын жасап, бала-шағамызбен жұмыстан келетін уақытында ас-суымызды әзірлеп отырамыз. Есік алдына тоқтаған тракторының дауысын естігеннен ас та дайын тұрады. Жұмыстан шаршап келсе де үйге апыл-ғұпыл кірмейді. Алдымен күні бойы жұмыс істеген тракторын сүртіп, жуып-тазалап, тап-тұйнақтай етіп, жалтыратып барып, ішке кіретін. Қай кезде де тиянақты, техникасы жалтырап тұратын. Бұл қасиеті балаларына да жұқты. Ұлдар көліктерін күтіп ұстайды. Тазалықты жаны сүйеді. Қарапайымдылығынан ешқашан тайған емес. Қазір де көлік айдайды, қай кезде де тап-таза тұрады, – дейді ақ адал жары Наббат апа.</blockquote>Кеудесі орден-медальға толы, жүрісі ширақ, арқа-жарқа болып жүретін Есенбай аға еш-қашан кісіден бірдеңе сұрап, алдына баруды құптамайды. Адал маңдай терін төккен еңбегі үшін зейнетақысы бар. Шүкіршілік ету оның қанына сіңген қасиет. Ерлі-зайыптылар Құдайдың берген балаларын да жақсы тәрбиеледі. Әр баласына бір-бір үй тұрғызып, өзі де кең сарайдай қарашаңырақта қосағымен бейнетінің зейнетін көріп отыр. Балалары Меңдігүл, Нұркен, Бибігүл, Алмагүл, Дастан, Гүлвира, Рүстем, Гүлжазира түрлі салада еңбек етіп жүр. Бірі мемлекеттік қызметкер болса, енді бірі медицина саласында, араларында қарапайым жұмысшы мен әке жолын қуған көлік жүргізушісі де бар. Шаңырақтың үш келіні Нұргүл, Жанар, Ақшолпан ибалы да инабатты, ата-әжелеріне немерелер сүйгізіп отырған сүйікті жар. Перзенттерінің арасында Бибігүлі анасының жолын жалғастырған «Алтын алқалы» ана.Елу жыл бойы қол ұстасып, жарасымды отбасы құрған әулет бүгінде тамырын тереңге жайып, бір қауым елге айналды.&nbsp;

Еңбегі еңселі болған қос қария

<a href="https://kyzylorda-news.kz/">Kyzylorda-news.kz</a> &nbsp;Жоғары білімді маман ретінде қолына дипломын Тереңөзектік Жамбыл Кәрібаев жұбайы Мария Балжановамен ұзақ жыл бірге тату-тәтті өмір сүріп &nbsp;келеді. Жарасымды отбасы ауданда мемлекеттік қызметшілер ретінде саланың ауыр жүгін арқалап жүрген білікті мамандар. Атқаратын қызметі әртүрлі болғанымен мемлекет алдындағы қызметіне аса жауапкершілікпен қарайтын отбасында құт-береке берік орнаған. Бірлік пен ынтымақ жарасым тапқан бұл отбасында тәрбиелі ұл мен қыз өсіп келеді. «Үлкенге – құрмет, кішіге – ізет» көрсету қағидасына ұйытқы болған аналары ардагер-ұстаз Гүлбар Әбілова шаңырақтың шырайын келтіріп, перзенттеріне жақсы жол сілтеуден жаңылған емес. «Әкеге қарап ұл өсер» дегендей ұрпақ жалғасы болған ұл Жамбыл әкесі Серікбайдан көрген өнегесін жалғастыруда. Ата-анасынан алған тәлім-тәрбиесімен өмірінің іргетасын ибалы да инабатты келін Мариямен қалап, ширек ғасырдан бері қол ұстасып бірге келеді. Алғашқы таныстық кезіндегі қызықты оқиғаны бүгінде керемет көңілмен еске алған шаңырақтың отанасы Мария қызықты етіп әңгімеледі: – Екеуміз бір ауданда тұрсақ та, бір көшемен жүрсек те алғаш танысуымыз қала мен аудан арасына қатынайтын автобустың ішінде болды. Қалада оқитын кезіміз. Оқуға қатынап жүргенімізде жиі-жиі кезігетін болдық. 1996 жылы басталған таныстық екі жылға ұласып, бір-бірімізді әбден танып білдік. 1998 жылдың жазында шаңырақ көтердік. Жас болсақ та отбасы деген ұғымның киесін түсініп, құрметпен қарадық. Қандай қиындық болса да бірге жеңуге, қуанышты күндерді бірге өткізуге серттестік, – дейді жастық шағы туралы, қазіргі кезде ұл мен қызды дүниеге әкелген ана. Өмірлік серігін Жәкең деп атайтын келіншегі отбасындағы жарасымдылықты қазыналы қариялармен байланыстырады. Бірінен соң бірі дүниеге келген перзенттерін бауырына басып, сүйікті әже атанған аналары жас отбасының керегесі кең, босағасы берік болуына қамқорлық танытты. Баласы мен келінінің қызметтен қалмай алаңсыз жұмыс істеуіне жағдай жасаған ата-аналары өздері де қызметтен қалмай, ардагерлікке аман-есен жетті. Өкініштісі, қазір орталарында асқар таудай болып отыратын әкенің өмірден өткені. алып, 2000 жылы алғашқы еңбек жолын аудандық ауыл шаруашылығы бөлімінде бастаған Жамбыл мемлекеттік қызметтің қиындығы мен жауапкершілігін біле бастады. Тәжірибе жинаған жас маман салық комитетіне бас маман болып қызметке ауысты. Одан соң аудан әкімдігінде жетекші маман болып қызмет атқарды. Осы күні Қалжан ахун ауылдық округінде 7 жылдан бері бас маман қызметін абыроймен атқарып келеді. Ал келіншегі Мария кенттегі №36 орта мектепте кассир болып еңбек жолын бастаса, кейін Құндызды ауылдық округінде қызмет етеді. Кәсіби маман 2010 жылдан бері аудандық мәслихатта мемлекеттік қызметті мінсіз атқаруда. Ауданның әлеуметтік-экономикалық әлеуетін қалыптастыруда өзіндік жолдарын қалаған білікті мамандар қызметті адал атқарып, қоғамдық жұмыста да белсенділік танытады. Қызметтен бос уақытта спорт залына асығатын Жамбыл Серікбайұлы спорттың волейбол түрімен машықтанады. Шебер ойыншы талай мәрте аудандық, ауыларалық жарыстарға қатысып, команданың белді мүшесі атанды. Ағайынмен, құрбы-құрдаспен араласуға да уақыт табатын Жамбыл мен Марияның кісімен сыйластығы өзінше бөлек. – Отбасылық достар ретінде көп жылдан бері араласамыз. Жамбыл мен Марияның адамгершілігі мен қарапайымдылығы туралы айтудың өзі ғанибет. Қазір арамызда балалары есейген жұп. Үлкендері оқу бітіріп, бір-бір мамандық иесі атанды. Кенжелері Даниял Талдықорған қаласындағы І.Жансүгіров атындағы университеттің соңғы курсында оқиды, болашақ экономист. Жамбылдың басты қасиеті – балажандығы. Балаларды өте жақсы көреді. Өз балаларына деген махаббатын айтып жеткізу қиын. Біздің де балаларымызға мейірімін төгіп тұрады. Тіпті құрдастардың кішкентайларын мойнына салып отырады. Кішіпейіл, ақкөңіл достарымызға ұзақ ғұмыр тілейміз, – дейді құрдастары Батырхан мен Гүлжанат. Бір салада табысты да жемісті еңбек етіп, шаңырақ шаттығына кенеліп отырған Жамбыл мен Мария жарасымды жұп қана емес, үлгілі отбасы.&nbsp;

Қазақстан және Қызылорда облысының жаңалықтары: Руханият