&nbsp;<a href="https://kyzylorda-news.kz/">Kyzylorda-news.kz.</a> &nbsp;Ел тәуелсіздігі жарқын болашақ кепілі. Бүгінгі бейбіт күніміз, риясыз жарқын күлкіміз егемендігіміздің арқасы. Ал теңдесі жоқ бұл тәуелсіздігіміздің оңай келмегендігі бәрімізге аян. Ел егемендігі жолындағы аға-әпкелеріміздің ерлігі мәңгі жадымызда жаңғырып тұруы қажет.Ел тарихын, мәдениетін білу – әрбір азаматтың міндеті. Ал өткенді білмей болашаққа көз жүгірту мүмкін емес.Өткеннің ізін жаңғыртып, тарихтан сыр шертетін негізгі құрал бұл – Музей. Екі дәуір арасындағы ұлы көпір десек те артық айтпағандық болар еді. Тарихи оқиғаларды санамызға сіңіруде Музейдің рөлі орасан.Осы тұрғыда «Қазақстан халқының бірлігі күні», «7 мамыр – Отан қорғаушылар күні» және «Жеңіс күні» қарсаңында &nbsp;бізде рухани сусындауға, ел тарихына қала тарихына бір көз жүгіртіп, патриоттық сана сезімімізді нығайту мақсатында – Қызылорда гарнизонына қызмет көрсету жөніндегі әскери полиция бөлімшесінің әскери қызметшілердің қатысуымен Қызылорда облыстық тарихи – өлкетану музейіне экскурция жасадық. Музейден тамыры терең тарихымыздан сыр шертетін түрлі құнды заттар мен өткенді айна қатесіз бейнелеген көріністерден көп ой түйдік. Ішкі жан дүниеміз бен руханиятымыздың дамуына үлкен септігі тиді. Тіптен бойымызды бабалардың ерлігі, өрлігіне деген, жерді қорғаудағы, елді күзетудегі ерліктері мен түрлі сындарда мұқалмаған жігерлеріне деген риясыз алғыс кернеп тұрды. &nbsp; &nbsp;<img src="https://knadmin.beoblood.kz/uploads/f7f0215b_472c_47e7_baad_1053fb9c5e54_c4184a784d.jpg" alt="f7f0215b-472c-47e7-baad-1053fb9c5e54.jpg">Бақтияр Дәуренқұлов,&nbsp;Қызылорда гарнизонына қызмет көрсетужөніндегі әскери полиция бөлімшесінің бастығы,майор

Тәуелсіз елдің – тұғыры биік

<a href="https://kyzylorda-news.kz/">Kyzylorda-news.kz</a> Дүниежүзілік кітап және авторлық құқық күніне орай Көшеней Рүстембеков атындағы Жыраулар үйінде Қалалық кітапхананың ұйымдастыруымен ақын, ұстаз, Қазақстан Журналистер одағының мүшесі, Қазақстан Республикасы білім беру ісінің үздігі, «Жаңажол жырлары» кітабы, «Жүректен тамған тамшылар», «Қырғауылдың қайғысы», «Ойтүрткі» жыр жинақтарының авторы Дастан Нәзікбаевтың «Анам жайлы аңыз» атты кітабының тұсаукесері &nbsp;өтті.&nbsp;Бұл жиынның басты мақсаты – жергілікті ақын, бірнеше кітаптың авторы, Дастан Мырзабекұлының шығармаларын кеңінен таныстырып, кітаптың ішкі құнын ашып, өлеңді оқу арқылы туған еліне, жеріне, анаға деген сүйіспеншілік сезімін ояту.«Ана» деген атау бәріміз үшін ыстық қой. Осы бір сөзді есту әйел үшін арман болса, бала үшін сондай бөлек дүние. Ананың аялы алақанын басқа нәрсемен салыстыруға әсте келмейді. Қолына қалам алған жазушы да, өлең өрнектеген ақын да, ән шырқайтын сахна саңлағының да қоржынында кем дегенде «Анаға» аналған бір дүние бар. &nbsp;Жерлесіміз Дастан ағайдың «Анам атты аңыз» кітабы биыл Алматы қаласындағы «Дайыр» баспасынан жарық көрді. Онда сан тағдырлы аналар бейнесі сомдалған. Шығармада ананы сыйлау, құрметтеу сияқты асыл қасиеттер насихатталады. Кітап өнерді құрметтеген, өлең сүйер қауымға арналған.&nbsp;Рухани іс-шараға аудан әкімінің орынбасары Самат Қыдырбекұлы мен аудандық мәслихат төрағасы Әділ Үсенұлы кітаптың тұсауын кесу рәсімін жасап, игі тілегін жеткізді.<blockquote>– Заман дамыған сайын құндылығымыз өзгеруде. Бұрын әрбір үйде жеке кітапхана болатын. Ал қазір кітапханасы бар үйді саусақпен санаймыз. Негізі кітап оқу – жеке бастың ғана емес, қоғамға пайда әкеледі. Осы ретте, біз өзіміздің жерлесіміз, өңіріміздің рухани дамуына үлкен үлес қосып жүрген Дастан Мырзабекұлының &nbsp;жаңа кітабының тұсаукесер рәсіміне жиналып отырмыз. Өзіндік ойы, көзқарасы, пайым-парасаты бар ақынның жаңа туындысы құтты болсын! Бұл кітапта перзенттік парыз, анаға деген құрмет пен сағыныш бар. Осы кітапты қолына алған әрбір жан өз анасын еске алып, өмірде болса құрметі арта түсері сөзсіз, – деді аудандық мәслихат төрағасы Әділ Үсенұлы.&nbsp; Сондай-ақ, аудандық ардагерлер кеңесінің төрағасы, ауданның құрметті азаматы Асқар Мереков, аудандық «Қазақ тілі» қоғамының төрайымы Гүлжауһар Раева ақынға және оқырмандарға ризашылығын білдірді.</blockquote>Ақындық өнерді жанына серік етіп, поэзияны сүйіп оқитын, өз ойын өлеңдерімен өрнектеп жүрген жас таланттардың ішінде №250 мектептің 10-сынып оқушысы Ердәулет Орынбасаров ақындық жолдағы ұстазына өзінің арнауын арнаса, осы мектептің 7-8 сынып оқушылары Диас Бижанов ақынның «Мезгіл ауысымы», Кәусар Төлегенова «Тіл туралы» өлеңін мәнерлеп жатқа оқыды. Тұрымбет Салқынбайұлы атындағы өнер мектебінің мұғалімдері Мұхаммед Сәбитұлы мен Сұлтан Қалжан «Анаға сағыныш», «Ағаларым» әнін тарту етіп, іс-шараға белсене қатысты. &nbsp;Жиын соңында ақын Дастан Мырзабекұлы кітаптың жазылу барысы туралы сөз қозғап, ақындық жол туралы сыр шертті. Сөз соңында өз өлеңдерінен бірнешеуін оқып беріп, оқырманын қуантты. Кітапхана директоры Гүлшара Бөгенбайқызы іс-шараны қорытындылап, ақын ағамыз бен келген оқырмандарға алғысын білдірді. &nbsp;

Қармақшыда оқырманға жаңа кітап жол тартты

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы білім басқармасының Қазалы ауданы бойынша білім бөлімінің «Мұстафа Матаев атындағы №170 орта мектебі» коммуналдық мемлекеттік мекемесі 2013 жылы жаңа ғимаратқа көшірілді.&nbsp;Қызылорда облысы әкімдігінің 2022 жылы 1 наурыздағы №978 қаулысымен Қызылорда облысы білім басқармасының «Қазалы ауданының білім бөлімінің №170 орта мектебі» коммуналдық мемлекеттік мекемесі «Қызылорда облысының білім басқармасының Қазалы ауданы бойынша білім бөлімінің «Мұстафа Матаев атындағы №170 орта мектебі» коммуналдық мемлекеттік мекемесі болып қайта аталған.&nbsp; Мектепте спорт зал, акт зал, асхана, кітапхана, медициналық бөлме және компьютер сыныптары бар. Жылу, су және кәріз жүйелері орталықтандырылған түрде жұмыс жасайды. Мектепте оқушыларға дәрігерге дейінгі амбулаториялық-емханалық көмек пен алғашқы медициналық-санитариялық көмекті жүзеге асыратын арнайы медициналық бөлме жұмыс жасайды, медициналық жабдықтармен қамтамасыз етілген.&nbsp; Мектеп асханасы құрал-жабдықтармен, тамақ ішетін орын, ас әзірлеу орнымен қамтамасыз етілген. Оқушылар тұтынатын азық-түлікке, тамақтарға рұқсат етілген, сертификатталған өнімдер пайдаланылуда, ас мәзірлері бекітілген. Әлеуметтік қолдауды қажет ететін отбасы балалары ыстық тамақпен қамтамасыз етілген.&nbsp; Мектепте білім беру қызметі 3 сатыда (бастауыш, негізгі, орта) жүзеге асырылады. Оқыту тілі – қазақ. &nbsp;Ауысым саны – 2.&nbsp; Мектепте жалпы педагог – қызметкерлердің саны – 98 (1 педагог – ассистент, 1 тәлімгер, 1 дефектолог, 1 музыкалық жетекші, 1 әлеуметтік педагог), оның шінде 93 мұғалім дәріс береді.&nbsp; Білім беру ұйымдарын «Оқу, көркем және ғылыми әдебиеттер қорының болуы туралы мәліметтер» кестесі толтырылған. Мектепте барлық кітаптар саны 24247, соның ішінде; әдістемелік оқулықтар саны 1477, оқулықтар – 19984, көркем әдебиеттер – 1621, электрондық оқулықтар саны – 445, дидактикалық материалдар – 720. Ғаламтор орнатылған. Мектеп 2 ауысымда жұмыс істейді: 1-11 сыныптарда-бес күндік оқыту. Барлығы 35 сынып-комплектісі бар.&nbsp; Аталмыш мектепте 2022 жылдың 1 қыркүйегінен бастап Диханова Жанар жетекшілік ететін тұлғалық бағытта Қазалы аудандық тарихи өлкетану музейі бар. Бұл музей Қызылорда облыстық тарихи-өлкетану музейіне қоғамдық негіздегі мұражайлар тізіміне тіркелген.&nbsp; ЖЕТІСТІКТЕРІ Атырау қаласында 16-21 наурыз аралығында өткен жалпы білім беретін пәндер бойынша Республикалық олимпиаданың қорытынды кезеңінде, жаратылыстану-математика бағыты бойынша Қазалы ауданы атынан қатысуқан №170 орта мектептің 9 сынып оқушысы Жетпісбай Дінмұхаммед (жетекшісі: Жакей Фарида) география пәні бойынша үшінші орын иеленді.&nbsp;Жалпы білім беретін пәндер бойынша ауыл мектептерінің оқушыларына арналған жаратылыстану-математикалық бағыттағы Республикалық олимпиадада география пәнінен Мұстафа Матаев атындағы N 170 орта мектебіміздің 10-сынып оқушысы Рамазан Ғалымжанұлы қатысып, жүлделі бірінші орын иеленді. Жетекшісі: Әбдіжаппарова Жадыра. Дарынды шәкіртіміз &nbsp;білім биігін бағындыра берсін! &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Қызылорда облысының білім басқармасының "Дарын" облыстық қосымша білім беру орталығының ұйымдастыруымен 2022 жылдың 12 қазан күні жаратылыстану-математика циклы пәндері бойынша Президенттік олимпиаданың І өңірлік кезеңі бойынша Мұстафа Матаев атындағы N170 орта мектебінің 11 сынып оқушысы Әзен Гаухар жүлделі екінші орын иеленді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Алматы қаласында өткен "QAZAQSTAN" Ұлттық телеарнасының ұйымдастыруымен "DARYN" телевизиялық шоуға мектебіміздің 9-сынып оқушысы Әзен Гауһар Жеңісбекқызы Қызылорда облысы бойынша Республикалық білім сайысына қатысты.&nbsp; "Елбасы медаль" жобасының қола жүлдегері, "Қобыланды батыр" жырының жеңімпазы, Облыстық математика пәні бойынша олимпиаданың жүлдегері, түрлі білім сайыстарында топ жарып жүрген дарынды оқушымыз Гауһар – Республика төрінде барлық пәндер бойынша қойылған сұрақтарға жауап беріп, білім бәйгесінен оза шауып, бірінші дәрежелі дипломмен марапатталды.&nbsp; 2020 жылдың 5-6 қаңтар күндері өткен жалпы білім беретін пәндер бойынша Республикалық олимпиаданың облыстық кезеңінде №170 орта мектебінің 9 сынып оқушысы Әзен Аяулым Жеңісбекқызы математика пәні бойынша пәндік олимпиададан жүлделі үшінші орынды иеленді. Жетекшісі: математика пәнінің мұғалімі Аймағамбетова Күлаш апайымызға алғыс білдіреміз. Қазақстан Республикасы Білім және ғылым министрлігі мен "QAZAQ EPOS" қоғамдық қорының қолдауымен өткізілген «Тұлпар мініп, ту алған!» байқауының &nbsp;6-10 сынып оқушылары арасында «Едіге батыр» жырын жатқа айтудан мектебіміздің оқушылары Әзен Гауһар бірінші орын мен 750 000 теңге сыйақы, Жеңісбек Гүлназ екінші орын мен 350 000 теңге көлеміндегі сыйақы иеленді. &nbsp;

Қазалыда Мұстафа Матаев атындағы №170 орта мектепте тарихи өлкетану музейі бар 

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы "Қазақстан Республикасының мемлекеттік наградалары туралы" Қазақстан Республикасының Заңына өзгерістер мен толықтыру енгізу туралы" заңға қол қойды. Бұл туралы <a href="https://stan.kz/prezident-memlekettik-nagradalar-turali-zanga-kol-koydi-399325/">Stan.kz</a> ақпарат агенттігі хабарлайды.Президент Қасым-Жомарт Тоқаевтың биыл 15 наурызда Ұлттық құрылтайдың "Адал адам – Адал еңбек – Адал табыс" атты үшінші отырысында берген тапсырмасына сәйкес "Қазақстан Республикасының мемлекеттiк наградалары туралы" заңына түзетулер енгізілді.Заңда "Айбын" орденінің дәрежелеріне даңқты батырларымыз Сағадат Нұрмағамбетовтің, Бауыржан Момышұлының және Рақымжан Қошқарбаевтың есімдерін беру қарастырылған.Заң ресми жарияланған күннен бастап күшіне енеді. Заңның мәтіні баспасөзде жарияланады.Фото: Ақорданың баспасөз қызметі

Президент мемлекеттік наградалар туралы заңға қол қойды

<a href="https://kyzylorda-news.kz/">Kyzylorda-news.kz</a>&nbsp;Астана қаласындағы «Қолжазбалар және сирек кітаптар ұлттық орталығында» Қызылорда облыстық тарихи-өлкетану музей қорындағы сирек кездесетін кітаптар мен қолжазбалардан «Ғасырлар руханияты» атты көрмесі өтті.Елордамыз Астана қаласында алғаш рет ұйымдастырылып отырған көрмеде Сыр елінің баға жетпес асыл қазынасы - өткеннің ізіндей, көненің көзіндей сақталып келген тарихи мұралары мен жазба деректері халық назарына ұсынылды. Көрмеге музей қорында сақталған ХVIII-ХХ ғғ. Стамбул, Каир, Қазан, Ташкентте жарык көрген араб, парсы, шағатай тілдерінде жазылған сирек кездесетін кітаптар және қолжазбалар қойылды. Сонымен қатар, Сыр өңірінен шыққан түркі халықтарына ортақ тарихи тұлға Қорқыт атаның жазба ескерткіші - «Қорқыт Ата кітабының» Дрездендік және Ватикандық нұсқалары және бүгінгі таңда авторлық төл қолтаңбасы сақталған «Шығыстың тірі сөздігі» атанған шайырлық даңқы қазақ жерінен асып, көршілес өзбек, қарақалпақ, тәжік елдеріне танылған Сыр бойынан шыққан жыр сүлейі Тұрмағанбет Ізтілеуовтің қолжазбалары да көрмеден орын алды.Айта кету керек, Сыр өңірінің рухани қазынасы саналатын кітаптар мен қолжазбалар көрмесі көпшілікті сүйсінтті. Әсіресе, шетел азаматтарының қызығушылығын оятты.<img src="https://knadmin.beoblood.kz/uploads/236d74b5_fc84_4a99_b0f6_3175a60c3705_1bc30fd433.jpg" alt="236d74b5-fc84-4a99-b0f6-3175a60c3705.jpg">

«Ғасырлар руханияты»: Сыр көрмесі Арқа төрінде

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Шиелі ауданында «Руханият» орталығының іргетасын қалау рәсімі өтті. Салтанатты шараға ҚР Парламенті Мәжілісінің депутаттары Мархабат Жайымбетов, Мұрат Әбенов, Мұрат Ергешбаев, облыстық ардагерлер кеңесінің төрағасы Серік Дүйсенбаев, мәдениет саласының ардагері Әлмырза Ноғайбаев қатысты.Аймақ басшысы барлық ауданда бой көтеретін «Руханият» орталықтарындағы кітапханалар тәулік бойы жұмыс істейтінін, орталықтар құрылысына бюджеттен 11 млрд 500 млн теңге бөлінгенін айтты. Тәулік бойы жұмыс істейтін кітапханалар ашу – Мемлекет басшысының бастамасымен қолға алынған, кітап оқитын ұлтқа айналу жолындағы аса маңызды қадам. Оның оқырмандарына әлемнің әр түкпірінде басылып шыққан көркем шығармалар, арнаулы әдебиеттер қолжетімді болмақ.Жиында Мұрат Әбенов пен Әлмырза Ноғайбаев жиналған қауымды құттықтап, ізгі тілегін жеткізді.Мұнан бөлек, бүгін Шиелі ауданының Жансейіт ауылында жаңа мектептің құрылысы басталды.<blockquote>«Президентіміздің және Үкіметтің Сыр өңіріне жан-жақты қолдауының нәтижесінде аймағымызда ауқымды жобалар жүзеге асырылуда. Биыл облыс бюджеті еселеніп, 650 млрд теңгеден асты. Бюджеттің басым бөлігі әлеуметтік салаға бағытталған. Соның ішінде білім саласына бөлінген қаржы көлемі 263,8 млрд теңгеге жетті. Салада ауқымды жобалар сәтті жүзеге асырылуда. Бүгінде «Білімді қолдау қоры» есебінен 7 млрд 900 млн теңгеге 300 орындық жатақханасы бар 400 орындық физика-математика мектеп-интернатының құрылысы қарқынды жүргізілуде. Облыс орталығында осы кезге дейін бір ғана Оқушылар үйі болса, «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы бой көтеруде. «Саутс Ойл» компаниясының демеушілігімен Сырдария өзенінің сол жағалауынан музыкалық колледждің жаңа ғимаратының құрылысы басталды. Балалар мен жасөспірімдердің шығармашылығын шыңдау мақсатында облыс орталығында «Шығармашылық академиясы», Жаңақорған, Шиелі аудандарында Оқушылар үйі мен Өнер мектептері салынуда. Жаңа білім ордасы озық ойлы, өнерге құштар, спортқа бейім дарынды балалардың шамшырағын жағатын мекен болғай! Ұлтымыздың дамуында маңызды рөл атқаратын бұл жобаның басы-қасында жүрген құрылысшыларымыз өз ісіне жауапкершілікпен қарап, құрылысты сапалы жүргізеді деп ойлаймын», - деді мектептің іргетасын қалау рәсімінде аймақ басшысы.</blockquote>Екі қабатты ғимарат 100 орынға арналған, құрылысты «СМП-Қызылорда» ЖШС жүргізуде. Мектеп жыл аяғында пайдалануға берілмек.Биыл облыста 7 мектеп күрделі жөндеуден өтеді. Жұмыс жаңа оқу жылы қарсаңында толығымен аяқталады. Мемлекет басшысының бастамасымен қолға алынған «Жайлы мектеп» ұлттық жобасы аясында облыста 12 300 орындық 21 мектеп салынуда. Өткен жылы 10 мектептің құрылысы басталса, биыл 11-нің құрылысы жүргізіледі. Оның ішінде 1 мектеп Шиелі кентіне салынады.<img src="https://knadmin.beoblood.kz/uploads/437147537_733639895623924_8472852022339832520_n_ac188fb2da.jpg" alt="437147537_733639895623924_8472852022339832520_n.jpg"><img src="https://knadmin.beoblood.kz/uploads/437539760_733640202290560_3898381970204101869_n_c07debd90b.jpg" alt="437539760_733640202290560_3898381970204101869_n.jpg"><img src="https://knadmin.beoblood.kz/uploads/438078305_733640058957241_4536124444222548607_n_90e3e5edb4.jpg" alt="438078305_733640058957241_4536124444222548607_n.jpg">

Шиелі ауданында тәулік бойы жұмыс істейтін кітапханасы бар «Руханият» орталығы мен мектептің іргетасы қаланды

<a href="https://kyzylorda-news.kz/">Kyzylorda-news.kz</a> &nbsp;Саналы ғұмырын еліне адал қызмет етуге арнаған мемлекет және қоғам қайраткері Бердібек Сапарбаевтың есімі халық жадынан ешқашан ұмытылмайды. Ол Тәуелсіз Қазақстанның қалыптасуына ерекше үлес қосып, еселі еңбегі арқылы халықтың алғаусыз алғысын алған арда азамат.&nbsp;Бүгінде Бердібек Машбекұлы салған сара жолы, азаматтық қадір-қасиеті, қайталанбас тұлғасы кейінгі ұрпаққа үлкен өнеге десек артық айтқандық емес. Себебі, егемен еліміздің сындарлы саясатын кәсіби біліктілігімен жүргізіп, мемлекетіміздің өсіп-өркендеу жолында өзіндік қажыр-қайратымен бес облыстың тізгінін ұстады. Еліміздің еңсесін тіктеу үшін аянбай еңбек етті, қамыққан халқының қасынан табылды.Осыған орай, бүгін “Болашақ” университетінде қайталанбас қайраткердің есімін ұлықтап, ізгілікке толы өмірі мен еңбек жолын еске алуға арналған «Берен тұлға Бердібек» атты ғылыми-танымдық конференция өтті. Конференция басталмас бұрын ҚР Мемлекет және қоғам қайраткері Бердібек Машбекұлы Сапарбаев атындағы атриум залдың салтанатты ашылу рәсімі өтті. Одан кейін Бердібек Машбекұлы туралы арнайы бейнесюжет көрермен назарына ұсынылды. Игі шараға Қызылорда қаласының әкімі Серік Қожаниязов, мемлекет және қоғам қайраткері, ҚР Ұлттық Ғылым академиясының академигі, профессор, экономика ғылымдарының докторы, профессор, «Болашақ» университетінің құрылтайшысы Бақберген Досманбетов, сондай-ақ, белгілі қоғам және мемлекет қайраткерлері, экономист ғалымдар, ғылыми-мәдени қауымдастықтардың көрнекті өкілдері және журналистер қатысты.– Мен ол уақытта Қорқыт ата университетінде едім. Ал Бекең министрлікте жұмыс істейтін. Іссапармен барғанымда «Сіз, қызылордалықсыз ба?» деп сұрады. Солай жолдастық таныстығымыз басталып, араласып кеттік. Бір күні Алматыға баратынымды айтып хабарласқанымда: «Мен Қызылордаға барайын деп жатырмын, маған соқпай-ақ қой» деді. Көп ұзамай облысқа әкімдікке келді. Қаланың әкімі болуға ұсыныс білдірді. Ректордан төмен қызмет деп ойлап келіспедім. Бірақ, бұл әңгіме халық арасына тарап кеткен. Сонымен ұсынысқа келіспеуге лажым қалмады. Бекеңдей адам сирек. Әрі досым, әрі әріптесім, мені ректорлықтан әкімдікке бағыттап, Сенатқа қарай жетелеген жан. Оның іскерлігі мен тазалығы, ел дамуы жолындағы еңбегі ерен, – деді Б.Досманбетов.Жиын барысында Бердібек Машбекұлымен қызметтес болған әріптестері және белгілі тұлғалар арнайы сөз сөйлеп, қайраткердің өмір жолындағы қиындықтары мен тарих беттерінен ешқашан өшпейтін жылы естелектерін айтып, артына қалдырған мәңгілік мұрасын көпке үлгі етуді тілге тиек етті.– Мен қала әкімі ретінде бір мәселеге айрықша тоқталғым келеді. Бердібек Машбекұлы облыс басшысы кезінде жылу-электр орталығында оқыстан апат орын алды. Қаланың жылусыз қалу қаупі күшейді. Қаржының қиындығына қарамастан, батыл шешім қабылдап, жуық арада жылу орталығы қайта іске қосылған еді. Қайраткер тұлғаның тәуелсіз Қазақстанның дамуына қосқан үлесі өте зор. Өмір жолы – біз үшін үлкен мектеп, өмірлік тәжірибе, – деді Серік Салауатұлы.Ғылыми-танымдық конференция соңында қатысушылар мемлекет және қоғам қайраткері Бердібек Машбекұлы Сапарбаевтың жарқын бейнесін боямасыз бейнелейтін еңбектерімен таныс болды.<img src="https://knadmin.beoblood.kz/uploads/439605511_1992429697819199_7144066368778766113_n_c6a70b8884.jpg" alt="439605511_1992429697819199_7144066368778766113_n.jpg">Фото:&nbsp;Қызылорда облысының Өңірлік коммуникациялар қызметі

«Берен тұлға Бердібек» атты ғылыми-танымдық конференция өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Еңбегімен елге сыйлы Балшекер Бисенәліқызы әке-шешеден ерте айырылған Нұрылла Нұрекешовпен отау көтерген өмірдің ащы-тұщысын тең көрген жандар. Талай қиын кезеңді бастан өткерсе де, барға қанағат, жоққа сабыр қыла білу ол заманның адамдарына тән қасиет екенін әженің әрбір әсерлі әңгімесінен ұқтық.Біз мінген жеңіл көлік Қазалы қаласындағы Қосаев көшесіне түсті. Көшені бойлап, діттеген мекенжайға келіп жеттік. Аулада ойнап жүрген қыз балалар жарыса амандасып, мәз-мәйрам. Тап-таза, қоңыр салқын, жанға жайлы үй ішінен тек сырт-сырт еткен дауыс естіледі. Ішкі бөлмеге енгенімізде, тігін машинасында отырған Балшекер әжені көрдік. Іздегеніміз де осы кісі болатын.– Төрлетіңіздер, апам мына жақта, – деп бізбен күлімсірей амандасқан келіншек әже отырған бөлмеге ертіп келді.– Сәлембердік, әже!– Бақытты болыңдар, айналайын. Келіңдер, жоғары шығыңдар.– Тігін мәшинеңіз жүріп тұр ма?– Бұл мені ауруымнан айықтырып, аяғыма тік тұрғызған мәшине ғой.Біздің Балшекер әжемен әңгімеміз осылай басталды. Қария кеудесіндегі құпияны білуді ойладық.– Қалай болды сонда? Ауруыңыздан айықтыратындай қандай қасиеті бар? – деп сұрақ қойып, сөзіне құлақ түрдік.– Төртінші рет инсульт алып, төсек тартып жатып қалдым. Қол-аяғым қимылдамай, жүріп-тұруым қиындады. Сонда балаларым: «Мама, сізге машинаңыз ем болады. Соған назар аударыңыз», деген соң ұлым мен келініме машинаға отырғызуын сұрадым. Бірте-бірте денсаулығым түзеліп, аяққа тұрдым. Қаншама жылдан бері жаныма серік еткен тігін машинам қадам басуыма себепші болды, – деді.&nbsp;Таң қалдық. Ақшашты апаның сөзін іліп әкеткен келіні Эльмира: «Тігін тігу десе, тамақ ішпеуге бар. Зейнетақысын алған бойда «Мата әкеліп бер» деп тапсырады. Демалып алыңыз, десек тыңдамайды», деп ағынан жарылды.Сексен алты жастағы кейуана көзілдіріксіз ине сабақтап, құрақ құрайды. Ол тіккен көрпе-жастықтардың көркі көздің жауын алады. Бүгінге дейін қолынан ине-жібі түспеген Балшекер әже тігін тігуді анасы Арудан үйреніпті. «Шешем, жарықтық, шебер кісі еді. Қолынан келмейтіні жоқ. Ол уақытта тігін мәшинесі болмады. Барлығын қолмен тігетін. Қасында отырып, біраз дүние үйрендім. Бала кезден-ақ тігін тігіп, жүн иіріп, тоқыма тоқыдым. Кейін күйеуге шыққан кезде қолымнан іс келетіні көп көмек болды», – дейді ол.«Қайын ағам, абысыныммен бірге тұрдық. Менің тігін тігетінімді білетін қайын ағам бір күні мына мәшинені сатып әперді. Тез үйреніп кеттім. Үйге орау-орау мата әкеліп: «Балам, мынаның бәрінен кеудеше тік. Қолыңнан келеді», деді. Содан тігін мәшинесіне отырып, үлкендерге, екі үйдің балаларына күпәйкі тігіп бердім. Қай нәрсенің де тапшы кезі ғой. Үстері жаңаланып, бәрі қуанып қалды. Жолдасым Нұрылла – соғыс ардагері. Елге оралған соң мектепте алғашқы әскери дайындық пәнінен сабақ берді. Бойында сынықшылық қасиеті болатын. Ата-бабасынан келе жатқан осы қасиетінің арқасында көп адамға шарапаты тиді», – деп өткен күнді еске алды.Уақытында пәтір нан пісіріп, диірмен тартып, келі түйген қария қазір көрпе-төсектен бөлек, шапан, кеудеше, көйлек тігеді. Жүнді иіріп, шұлық, жемпір, шарқат, тағы басқа жылы киімдерді тоқиды.– Әр нәрсе өзінің заманында деген. Кезінде алты қанат киіз үйіміз болды. Соның барлық жабдықтары – бау, туырлықты өзім тіктім. Үйдің де, түздің де жұмысын істей жүріп, өсіп-өндік. Шүкір, он балам бар. Әрқайсысы бір-бір шаңырақ иесі. Немеренің маңдайынан сүйіп, шөберенің қолынан су ішкен бақытты жанмын, – деген алтын құрсақты ана ұл-қызына деген сүйіспеншілігін жүзіндегі жылылық пен жанарындағы мейіріммен сездірді. Құт қонған, қасиет дарыған шаңыраққа он жеті жасында келін болып түскен Эльмира Нұрылла әке мен Балшекер ананың үлкен ұлдары Еркебайдың келіншегі. Қарашаңырақтың түтінін түзу ұшырып, әулетке сыйы артқан келін ата-енесінің жолын үлгі тұтады.– Әкеміз де, анамыз да қонақжай кісілер. Үйден адам арылмайтын. Әкем сөзшең әрі батагөй еді. Балық аулап, құс ататын да өнері болды. Сынықшылық қасиеті бір төбе. Талай адам келіп, жазылып кетті. Бірде мынадай оқиға болды. Осында тұратын ұлты орыс кісі аяғын сындырып алып, біздің үйге келеді. Сөйтіп, есіктен кіре бергенде «Піссімәла» деп аяғын көтеріп қалғанда шыққан аяғы өздігінен орнына түсіпті. Бұның өзі шаңырақтың киелілігі деп түсінем. Әкеміздің бауырларында да, баласы Бақбергенде де бұл қасиет бар, – дейді шаңырақтың үлкен келіні Эльмира.Ұлболсын ТАЛАПБАЕВА

Еңбегімен елге сыйлы қазалылық Балшекер ана

<a href="https://kyzylorda-news.kz/">Kyzylorda-news.kz</a>&nbsp; 40 жыл бұрын әскери борышын өтеуге аттанған Темірбек Айкөпешов өмірінде елеулі өзгерістер орын алған. 2 жыл бойы Белоруссия елінде сарбаз атанған Тереңөзектің бозбаласы Чернобыль атом электр станциясында болған жойқын жарылыс барысына теледидар арқылы қанығады.Апат салдарынан зардап шеккен Хоиники қаласына 1986 жылдың қыр­күйек айында табан тіреген 12 сар­баздың ішінде Темірбек Әсер­бай­ұлы бар еді. Әскери адамға қашанда басшылықтан келіп түскен тапсырма бұлжытпас қағида саналады. Осыдан&nbsp;Желілік байланыс қызметін атқаратын сарбаз 45 күн бойы радиа­циялық аймақта қызмет етеді. Желі­лік сымды бір-біріне жалғап, байланыс орнатуға себепкер болған сарбаз өткен күнді күрсініспен еске алды.– Біз барғанда Хоиники қаласының халқын қауіпсіз ау­мақ­қа көшірген екен. Залалсыздан­дыру жұ­мысы үздіксіз жүр­гізі­луде. Жергілікті тұр­ғын­­дарды қайта көшіріп әкелуге атса­лыс­­тым. Бай­ланыс желі­­cін қайта қал­пына келтірдік. Алғашқыда біз оқу-жат­тығу­ға бара жатырмыз деп ой­лаған едік. Сөйтсек, апаттың нақ ортасына түскен екенбіз. Күнделікті үстіміз­ге киген киім бір реттікке арнал­ған. «Зил 131» жүк көлігімді тізгін­деген маған сала мамандары радиация мөлшерін тексеріп, зиян­дылығын ескертеді. Генерал талай қолдау көрсетіп, ортамыздан табылғанын көрдік, – дейді Темірбек Әсербайұлы.Апаттың зардабы жігіт ағасы үшін туған жерге оралғаннан кейін байқала бастады. Денсаулығы сыр беріп, арагідік аурушаңдық белгісі мазалайды. Соған қарамастан жас сарбаз байланыс саласына қызметке орналасады. Кейіннен сол кездегі №36 А.Жданов атындағы орта мектепте ұстаз ретінде дене шынықтыру пәнінен сабақ береді. Отбасында Темірбек аға Раушан апамен бірге 1 ұл, 1 қыз тәрбиелеп өсіреді. Қазіргі уақыт­та Чернобыль апатына қатысқан ардагерлер ұйымының төрағасы қыз­метін атқаратын азамат ардақты жан­дарды сауықтыру, іс-шараларға қатыс­тыру секілді бағыт-бағдарды жан-жақты үйлестіреді.– Чернобыль апаты көп адам­ның өміріне қауіп төндіргені мәлім. Әр жылдары біздің замандастарымыз радиациялық аумақтың ауасын жұтып, көптеген қиындықты бастан өткерді. Шын мәнінде, әскери борышын өтеген жандар жанкештілік танытты десем, қателеспеймін. Бүгінде жыл сайын ардагерлерге лайықты құрмет көрсетіліп тұрады. Жақында Ауған соғысы, Семей ядролық сынақ полигоны мен Чернобыль апатына қатысушыларға және Тәжік-Ауған шекарасында ерлік көрсеткен сар­баздарға арналған ескерткіш орнатылды. Біз өткен күннің еншісіндегі ұмытылмас естелікті ұрпақтарымызға айтып отырамыз, – деді Темірбек Айкөпешов.

Темірбек Айкөпешов: Біз өткен күннің еншісіндегі ұмытылмас естелікті ұрпақтарымызға айтып отырамыз

<a href="https://kyzylorda-news.kz/">Kyzylorda-news.kz</a>&nbsp; Өнегелі отбасы – ұлт мерейі. Сәні мен салтанаты жарасқан, берекелі де мерекелі шаңырақта ауызбіршілікті жанына ту еткен өнегелі отбасы қашан да көпке үлгі болары анық. Осы тұста бүгінгі мақаламызға арқау болып отырған Өтепберген жанұясын өнегелі отбасы деп атауға әбден лайық.&nbsp; &nbsp; &nbsp; Өнегелі шаңырақтың тірегі, қадірлі қариясы Өтепберген Әбілов – Қалжан ахун ауылында&nbsp; дүниеге келіп, осы ауданның ұзақ жылғы тарихымен бірге жасасып келеді.Тарихы тереңнен сыр шертетін ауданның өсіп-өркендеуі, тыныс-тіршілігі, сындарлы сын сағаттардан өтуінің барлығы да &nbsp;– бұл жанның күні кешегідей әлі күнге көз алдында.Өтепберген Әбілұлы аудан халқына адал қызмет етіп, сіңірген еңбегімен дараланған жанның бірі. Ол тек бір отбасына ғана емес, сонымен қоса бүкіл ауыл жұртшылығына еңбегімен сыйлы ақсақал бүгінде 6 бала тәрбиелеп, сол балаларынан 23 немере сүйіп, 4 шөбере көріп отырған бақытты жан. Кеңес үкіметі кезінде, яғни 1966 жылы Сұлутөбедегі СПТУ-да механизатор мамандығын үздік бітірген ол, алғашқы еңбек жолын 1966 жылы&nbsp; Қалжан ахун ауылында механизатор болып бастайды. Отан алдындағы борышын өтеу үшін 1968-1970 жылдары Мәскеудің Химқа қаласында әскерде болады. Ел ағасы біліктілігі мен тәжірибесінің арқасында 1974 жылы партияға делегат болып сайланып, 1974 жылы Қазком партиясының «Құрмет грамотасы» және медальдарымен наградталады. Елеулі еңбегі мен қажырлы қайратының арқасында өз ұжымына беделді, белсенді маман бола білген қария 1976-2013 жылдары механик қызметін атқарып, саналы ғұмырын еңбек жолына арнады.&nbsp; &nbsp; &nbsp; Өз замандастарының арасында мақтаулы, сегіз қырлы бір сырлы азамат болған Өтепберген Әбілұлы 1971 жылдың қаңтар айында Күнсая Ысқаққызымен шаңырақ көтереді. Құдай қосқан жары Күнсая Төлегенова 1953 жылы Арал қаласында дүниеге келген. Ауызбіршілігі жарасқан отбасының отанасы да еңбек адамы. Шаңырақ шырайын келтіре жүріп жұмысты да қатар алып жүрді. 1973 жылы күрішші болып еңбек еткен аяулы ана, 1976 жылы партия қатарына өтіп, аудандық кеңеске депутат болып сайланады. Отбасының ұйытқысы бола білген Күнсая Төлегенова 1980-1985 жылдары аспаз болып жұмыс жасап, көпшіліктің ықыласына бөленді. Даланың жұмысы мен үй шаруасын қатар алып жүріп, көпбалалы ана қатарына қосылды. Күнсая анамыз бала тәрбиесінде де көпке үлгі бола білген ардақты жан. Өмірлік жары Өтепберген Әбілұлы екеуі көз қуанышы балаларына ата-аналық міндеті саналатын,сарқылмас қазына жақсы білім мен тәлімді тәрбие бере білді. Саналы ғұмырын қажырлы еңбек пен отбасына арнаған ардақты ата-ана бүгінде бала-шағасының қызығын көріп, еңбегінің жемісін жеп отырған жайы бар.&nbsp;&nbsp; &nbsp; &nbsp;Көпті көрген ақсақал отбасы құндылықтарын сақтай білген азамат. Құндылық дегенде ол өзінің тұтынушы тарапынан керексіз болса, оның кұны да, мәні де болмайды. Құндылық өз алдына алғанда ол – қазына, қор, тәжірибе, таным. Оны қажет ететін адамның өзі соны игеруі керек. Яғни, санасы мен жауапкершілік сезімі болуы шарт. Демек, Өтепберген Әбілұлының&nbsp; өз отбасында қазаққа «қазақы болмысын сақтауға» – деген ниет, байланыс қуаты және жауапкершілігі басым болғанын айтпай кетуге болмайды. «Әке көрген оқ жонар, ана көрген тон пішер» – дегендей ата-анасынан көріп өскен тарбиелері өскелең ұрпақтарына да қан арқылы берілгенін байқауға болады. Балаларының да, немерелерінің де бойларында ізгілік, шыншылдық, мейірімділік пен парасаттылық басым. Осындай ұрпақты өмірге әкеліп, тәрбиелеп, өсіргені үшін Күнсая Ысқаққызы 2011 жылы Президент қолынан «Батыр ана» атағымен наградталып, «Күміс алқа» иегері атанды.&nbsp;Дәстүрлі қазақ&nbsp;отбасында ата-ананың қадірі ерекше. Әке деген сөзді айтқанда өзіне пана болар, қиындықта қалдырмас, арман-мақсатына қол созғанда ақ батасын беріп ақ жол тілейтін адамның болғанын бала жүрегі аңсайтыны анық. Әке әр адамныңарқа сүйер тіреуі. Ал, аяулы ана отбасында ғана емес, тұтастай елдің, ұлттың, құндылықтың орталығы ретінде ең маңызды тұғыры. Ел ағасы болған ақсақалдың ұрпақтары осындай ізгілікті сезініп, толық отбасында өсіп, жетілді.Ардақты ардагер Өтепберген Әбілұлы бүгінде мерейлі 75 жасқа зор абыроймен жетіп, сексеннің сеңгіріне қадам басып отыр. Абыройлы еңбектің берекелі зейнетін көріп, құрметке бөленіп отырған абырой биігіндегі ардагерді мерейлі 75 жас мерейтойымен құттықтаймыз.&nbsp;&nbsp; Өнегелі отбасында үлкендер кішілерге қамқорлық етіп, ал, кішілер үлкендерге құрмет көрсету секілді қағидатты берік сақтаған. «Ырыс алды ынтымақта» – деп отбасы мүшелерінің өзара қарым-қатынасында өте нәзік сыйластық пен жылулық бар. Әулеттің әрбір мүшесі сондай нәзік сыйластықты үнемі &nbsp;басты назарда ұстайды. Ағайын-туыс, кұда-жекжатқа аса қадірлі ақсақал отбасы бірлігінің нық болуы, әулеттің берекесінің артуы жұбайы Күнсаяның еңбегінің өлшеусіз екенін сәт сайын мақтаныш сезіммен айтып отырады.&nbsp;Алтынай Қайратқызы&nbsp;

 Өтепберген Әбілұлы: Отбасы құндылықтары - қоғамның басты құрамдас бөлігі

<a href="https://kyzylorda-news.kz/">Kyzylorda-news.kz</a> Халықаралық «Қазақ тілі» қоғамы Қармақшы аудандық филиалында аудандық мәдениет және тілдерді дамыту бөлімі, аудандық кәсіпкерлік, өнеркәсіп бөлімімен бірлескен дөңгелек үстел отырысы болып өтті.&nbsp;Қазақстан Республикасында тіл саясатын дамытудың 2023-2029 жылдарға арналған іс-қимыл жоспарын бекіту туралы Қызылорда облысы әкімдігінің №207 Қаулысының 13, 20 тармақтарына сәйкес &nbsp;кәсіпкерлер арасында ұлттық рухты көтеру, ұлттық құндылықтарымызды (тіл, дін, тарих, мәдениет) насихаттау мақсатында &nbsp;өткен дөңгелек үстел отырысына аудандық мәдениет және тілдерді даму бөлімінің әдіскері Бауыржан Қайырбаев, аудандық кәсіпкерлік, өнеркәсіп бөлімінің әдіскері &nbsp;Әділбек Скендіров аудандық «Қазақ тілі» қоғамы аудандық филиалының төрағасы Гүлжауһар Раева, қоғамның алқа мүшесі Шегебай Құндақбаев, аудандық кәсіпкерлер палатасының консультанты Жанар Болысбекқызы &nbsp;және &nbsp;жеке кәсіпкерлер &nbsp;М.Серікбаева, К.Әлекеева, Г.Буранбаевалар қатысты. Қазақ тілінің мәртебесін көтеру бойынша кәсіпкерлер арасында ұлттық рухты көтеруге байланысты ұлттық құндылықтарымыз төңірегінде пікір алмасты. Қазақстан Республикасындағы Қазақстан Республикасының 1997 жылғы 11 шілдедегі №151 Заңының 21-бабы Деректемелер мен көрнекі ақпарат тілі туралы түсіндірме жүргізілді. Кәсіпкерлерге «Кәсіпкер! Қазақ тілі – мемлекеттік тіл, маңдайшаға тек соны іл!» атты плакаттар мен тіл туралы парақшалар таратылды. «Мемлекеттік тілдегі ас мәзірі мен тағам түрлері: қазіргі жағдайы, проблемалары» туралы монография-анықтамалық құралы оқуға ұсынылды. &nbsp;

Қармақшыда ұлттық құндылық насихатталды

<a href="https://kyzylorda-news.kz/">Kyzylorda-news.kz</a>&nbsp; Ұрпақ сабақтастығы. Егемен елдің ертеңі жарқын болуы үшін өткеннің өнегесін ұмытпауымыз керек. Алдыңғы толқынның жүріп өткен өмір өткелі, көкірекке түйген даналығы теңіздей терең, сарқылмас қазына іспетті. Адам баласы бұл жалған фәниге пенде болып келген соң, міндетті түрде Жаратқанның берген ғұмырына риза болып, өнегелі ұрпақ өрбітіп, олардың қоғамнан өз орнын сайлап алуына еңбек сіңіруі тиіс. Ұлағатты ұстаз, «Қазақ ССР Оқу ісінің үздігі», Жаңақорған ауданының «Құрметті азаматы», ақын Хадиша Баязитованың бүкіл болмысы, ғұмырдариясы бұған айқын мысал бола алады.Ақын. Ұстаз. Ана. Осы үш қасиетті бір арнаға тоғыстыра алған Хадиша апамыздың соңында өлмес, өшпес мұра қалыпты.Жер беті ана мейірімімен шуақты. Адамзат заманалар көшінде көктеп-көгеріп, үлкен мақсатқа арманын үзбесе соның түп негізінде анааның аңсар тілегі, өмір деп соққан жүрегінің құдіреті жатса керек. Тұлғаны тарих тудырады. Өзі өсіп-өнген, еңбегі сіңген ортада орны ерек, болмысы бөлек жандардың қатарында аудан ағарту саласының саңлағы Хадиша Баязитқызын еске алу кеші туған жер тарихының жартығасырлық сырлы шежіресіне сыналап көз жіберер табиғилығымен тәнті етті. Олай дейтініміз, алпысыншы жылдар аудан өмірінде алғашқы лекте білім алып келген, көзі ашық нәзікжандылардың қоғам өміріне имене енсе де игілігін тарту еткен, мешеу тұрмыстың мәдени нақышын қалыптастырған қуатымен ерекшеленеді. Зиялы ортада білім алып, биік мәдениеттілік, көркем болмысымен бүтін аудан өміріне өзгеше өрнек алып келген сол кезең қарлығаштары – Мавжуда Бегалиева, Антонино Огурцова, Жәмила Омарова, Манзура Құлымбетова, София Илялет¬динова, Фатима Тілеубаева сынды аналар сапында Хадиша апамыздың орны бір төбе.Шара шымылдығын ашқан аудандық мәслихат төрағасы Ғалымжан Сопбеков аудан әкімі Мұрат Жолкелдіұлының арнайы құттықтауын оқып берді.<blockquote>– Хадиша анамыз өлең жазуға жас кезінен әдеттеніп, туындылары мерзімді басылымдарда жиі жарық көрген. Кезінде «Қазақстан әйелдері» журналына шыққан өлеңдері Мұқағали Мақатаев, Фариза Оңғарсынова сынды ақиық ақындардан жоғары бағасын алған. Хадиша Баязитова алғаш еңбек жолында аудан орталығындағы №51, 162 мектептерде ұстаздық етті. Одан әрі сол кездегі Төменарық кеңшары «Коммунизм» елді мекеніндегі №162 мектебін 14 жыл басқарды. 1983 жылдан бастап аудан орталығындағы №125 мектепте директор болып қызмет атқарды.</blockquote>Жас ұрпаққа саналы білім, сапалы тәрбие берумен қатар қоғамдық жұмыстарға да белсене араласып, Төменарық ауылдық кеңесіне, Жаңа¬қорған қоныстық кеңесіне депутат болып сайланды. Зейнетке шыққан соң да Жаңақорған аудандық мұсылман әйелдерінің төрайымы ретінде талай істердің ұйытқысы бола білді, – деген мәслихат төрағасы ұрпақтар сабақтастығына негіз қалаған тағылымды кешті ұйымдастырған Жаңақорған аудандық білім беру саласының ардагерлер ұйымына алғысын айтты.<blockquote>– Өткенін ұмытқан болашаққа ие бола алмайды деген сөз бар. Өткен замандағы аға-апаларымыздың өнегелі жолын, ерен еңбектерін жастарға насихаттап отыру біздің ұрпақ алдындағы міндетіміз. Тарих бедеріне көз салсақ, ертеде өткен абыз аналардың өмірі бүгінгі ұрпаққа өнеге. Сонау қиын-қыстау жаугершілік заманда ері елін қорғаса, аналарымыз бір әулеттің киелі отын сөндірмеуді бәрінен маңыз тұтты. Міне, біздің Хадиша анамыз отбасын ғана емес, қазақ балаларына білім мен тәрбиені қатар берген, тіпті қазақ қыз-келіншектеріне үлгі бола білген нағыз қазақтың абыз анасы бола білді. Бүгінгі шарада көзкөргендер мен шәкірттері анамыздың өмірінен әдемі естеліктер айтып, жүріп өткен жолына шегініс жасап, осы отырған жеткіншектерге өнегелі әңгіме айтатынына сенімдімін, – деп алғаусыз ақ тілегін жеткізді ұйым төрағасы Аллаберген Ахметов.</blockquote>Кеш барысында көрермен Хадиша анамыздың әні мен сөзіне жазылған «Қызыма» әнін Майра Алаудинқызының орындауында әсерлене тыңдады. Игі шараға арнайы келген қоғам қайраткерлері, ел ағалары атынан Жаңақорған, Шиелі, Сырдария аудандары және Қызылорда қаласының Құрметті азаматы, «Құрмет» орденінің иегері Ибрагим Әбибуллаев сөз алды.<blockquote>– Шығыстың бір ойшылы айтқан екен, құрметтеу құрметті адамға ғана жарасады деп. Бүгін міне, Хадиша апайымыздың құрметіне арналған шараны көріп отырмыз, бәрі жарасып тұр. Кезінде осы ауданда қызмет атқардық. Ол ауданда білім саласын арттыруда, қоғамдық қызметте әйел-аналардың ұйытқысы ретінде сенімді әріптес болды. Оның сондай сыпайы, ақылды, келбетті, көркем мінезді, нағыз ұрпақ тәрбиесіне лайықты болмысымен үлкен-кішінің жүрегінен орын алар табиғи мінезіне тәнті болдық. Мыңдаған шәкірт тәрбиеледі, ұстаздардың ұстазы болды, білім ордаларына басшылық етті. Жаратылысынан бойында барды шыңдай түскен, өмір жолында естiген және аңғарған нәрселердiң бәрiн жадында жақсы сақтайтын, айналасына әдiл, жұрттың бәрiне жақсылық тілеуден жаңылмаған, кәсібіне адал, нағыз айнымас жан еді, – дейді ол.</blockquote>Одан әрі қоғам қайраткері Нәжмадин Мұсабаев сынды ағаларымыз тамаша естеліктерін айтып, ізгі тілектерімен бөлісті.<blockquote>– Жұмыр басты пенде өмірге әкелген ата-анасына қарыздар болса, өмір сүруді үйреткені үшін ұстазға қарыздар. Қазақ халқы кез келген зиялы қауым жиналған жерде төр мұғалімдікі деген екен. Расында да солай, мұғалімнің дәрежесі ешнәрсемен тең келмейтін, биік тұлға. Бүгінгі шараны ұйымдастырып отырған ұрпақтарына үлкен ризашылығымды білдіремін. Бес жылдай ауданға басшылық еттім, әлі де байланысым үзілген жоқ. Барлықтарыңызға мың алғыс, сіздермен қауышқанымызға қуаныштымыз, – деді ел ағасы.</blockquote>Ақынның студенттік жылдардан бастап бүгінге дейін ақ қағазда қатталған өлеңдері жинақталған «Бақытымды босағамнан күтемін» деп аталатын кітабы 2005 жылы жарық көрген болатын. Қаламгер тек поэзиямен ғана емес, прозаға да жиі қалам тартады. Ұстаз-ананың болашақ ұрпаққа тәрбиелік мәні зор «Шәкіртіме хат», «Қызыма хат» деген тақырыпта ұдайы баспасөзде жарияланып жүрген циклдық материалдары бүгінгі күні де маңызын жойған жоқ. 30 жылға жуық еңбек жолында қоғам өміріне де белсене араласып, Төменарық ауылдық кеңесінің, Жаңақорған қоныстық кеңесінің депутаты болып, елдің әлеуметтік-саяси өміріне де етене араласқан қайраткер-ана еңбегі орынды бағаланып, саланың марапаттауларымен қоса, аудандық, облыстық партия комитетінің Құрмет грамоталарымен наградталған.«Зер қадірін зергерлік еткен ұғады,Лаулатып жүрген өмірлі өнер шырағын.Жандары егіз, тілегі ортақ, ойы бір,Іздеген бірге өмірдің қилы сұрағын» дегендей, ардагер-ұстаз, ақын аға, Қазақ КСР Оқу ісінің үздігі, облыстың Құрметті қайраткері Зинабдин Шермұхамедұлы арнайы бейнежолдау жолдап, одан жиналған қауым өткен күндерді көрінісін көргендей күй кешті. Тағылымды кеште бұдан жарты ғасыр бұрын білім шаңырағында бірге қызмет атқарған әріптестері атынан Хадиша Шүкірова анамыз сөз алып, жүрекжарды тілегін қосса, шәкірттері және ізбасарлары қатарында Әзия Қыстаубаева, Айсара Нәлібаева, Үміт Қасенова, Күләнда Жақыпбекова, Гүлбадан Байтелеевалар өткен күндердің парақтарын ақтарып, ерекше естеліктерді ортаға салды.Рухани кеште немересі Рухия жүрегінен шыққан жүрекжарды жырын жатқа айтса, келіні Сара Бекахметова Х.Баязитованың әні «Ана жүрегі» әнін орындады. Ақын-ананың «Қоштасу вальсі» әнін қызы Айнұр орындап берді.Аудандық білім бөлімінің басшы міндетін атқарушы Бекжан Шахизат¬ұлы, №125, №162 орта мектептің директорлары Серік Дүйсебаев, Болат Шерімбетов жүрекжарды лебіздерін білдірді. Ал әдебиетші Батырхан Жо¬ланов ұстаз шығармашылығын талдады.Шара барысында ақын ана, ұлағатты ұстаз, Жаңақорған ауданының құрмет¬ті азаматы Хадиша Баязитованың өлеңдерін мәнерлеп оқу сайысында жүзден жүйрік, мыңнан тұлпар танылған талапкерлер қатарында №110 мектептің 11 сынып оқушысы Әмірхан Ғарифулла бас жүлдені, 125 мектептің 10 сынып оқушысы Тасболат Нұрсезім және №168 мектептің 9 сынып оқушысы Бибасарова Нұрсауле 1 орынды, №169 мектеп 9 сынып оқушысы Қожан Аяжан 2 орынды, №286 орта мектебінің 5 сынып оқушысы Қалмахан Әлихан 3 орынды иеленді. Сайысқа қатысқан оқушыларға арнайы жүлделер табыс етілді. Сайыстың қорытындысы бойын¬ша, әділ қазылар алқасының жоғары бағасына ие болған жас өрен Әмірхан Ғарифулла:<blockquote>– Ұлағатты ұстаз Хадиша Баязи¬тованың шығармалын арқау етіп, мәнерлеп оқу сайысына түстім. Өзім бала күнімнен ақынның шығармаларын оқып, өлеңдерін жатқа білемін. Осы сайыс ұйымдастырылып жатқанын естігенде қатты қуандым. Өйткені бұл кісінің шығармашылығы жаныма өте жақын. Сайысқа қатысқан 13 оқушының ішінен жұлдызым жанып, бас бәйгені жеңіп алдым. Өте қуаныштымын, маған үлкен шығармашылық шабыт сыйлады, – дейді.</blockquote>Тағылымды кештің екінші бөлімінде кент орталығындағы Садықбек Сапарбеков атындағы №125 орта мектебінде ұлағатты ұстаз, «Қазақ ҚСР Оқу ісінің үздігі», «Күміс алқа» иегері, ауданның «Құрметті азаматы», қаламгер, ақын Хадиша Баязитова атындағы сынып ашылып, тұсауы кесілді.Ұстаз атындағы сыныптың лентасын қиған ел ағалары Ибрагим Әбибуллаев, Нәжмадин Мұсабаев, аудандық ардагерлер кеңесінің төрағасы Өмірсерік Тақырбасовтар мектеп ұжымының білім сапасын арттыра беруіне зор тілектестігін жеткізді. Ардақты ана атындағы сыныпты арнайы жабдықтап отыруды ұрпақтары міндетіне алды. &nbsp;

Қазақстан және Қызылорда облысының жаңалықтары: Руханият