<a href="https://kyzylorda-news.kz/">Kyzylorda-news.kz.</a>&nbsp; РФ заңнамасының нормалары бойынша зейнетақы алатын Байқоңыр қаласының, Төретам және Ақай кенттерінің 4 мыңнан астам тұрғыны биыл МӘМС жүйесі ҚР азаматтарының жеңілдікті санаттары қатарына қосылады. Бұл туралы Қызылорда облысы бойынша Әлеуметтік медициналық сақтандыру қоры филиалының жоғарыда аталған елді мекендердің тұрғындарымен кездесуі барысында хабарланды.Талқылауға ҚР Президентінің «Байқоңыр» кешеніндегі арнайы өкілінің міндетін атқарушы Жан Шайхысламов, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов, облыстық денсаулық сақтау басқармасы басшысының орынбасары Жангелді Шаймбетов, Байқоңыр қаласындағы көпсалалы аурухананың бас дәрігері Талғат Байтилеуов қатысты.Байқоңыр қаласында және Төретам, Ақай елді мекендерінде 40 мыңға жуық адам тұрады, олардың 13 мыңға жуығы МӘМС жүйесінде сақтандырылмаған. Бұл аталған елді мекендер халқының 32% - дан астамы. Көбінесе 12 айға төлемдері жоқ азаматтар, жұмысшылар, жеке кәсіпкерлер.ҚР Президентінің «Байқоңыр» кешеніндегі арнайы өкілінің м.а. Жан Шайхысламовтың ақпараты бойынша, Байқоңыр қаласында, Төретам және Ақай кенттерінде 4 351 тұрғын Ресей заңнамасы бойынша зейнетақы алады. ҚР азаматтарының бұл санаты тегін медициналық көмектің кепілдік берілген көлемі шеңберінде медициналық көмек алады және Ресей Федерациясының медициналық ұйымдарында шұғыл көмек алады. Қазір бұл азаматтардың мәліметтері ҚР Еңбек министрлігінің ақпараттық жүйесінде болмағандықтан, МӘМС аясында медициналық қызметтерге қол жеткізе алмай отыр.&nbsp;Спикер атап өткендей, қазіргі уақытта ҚР Денсаулық сақтау министрлігі шешім жолдарын қарастырып, тиісті жұмыстар жүргізуде. Бұл мәселе ҚР Президентінің «Байқоңыр» кешеніндегі арнайы өкілі Қайрат Нұртайдың бақылауында.Сондай-ақ, тұрғындардың бірі сұрақ қойды: жалақы айдың соңында есептелсе, неге МӘМС мәртебесі айдың басында «сақтандырылмаған» болады?ӘМСҚ облыстық филиалының директоры Бақыт Исмаханбетовтың айтуынша, «МӘМС туралы» Заңның 30-бабына сәйкес, жұмыскерлердің, оның ішінде мемлекеттік, азаматтық қызметшілердің, АҚС шарттары бойынша кіріс алатын жеке тұлғалардың аударымдары мен жарналарын есептеуді және аударуды жұмыс беруші ай сайын жүзеге асырады. Сонымен қатар, аталған Заңның 5-бабының 2-тармағына сәйкес, БЖТ төлеушілерден басқа барлық санаттағы төлеушілердің сақтандыру мәртебесі МӘМС-ға соңғы төлем төленгеннен кейін 3 ай ішінде сақталады. Бірақ осы кезеңде қарыз жинақталады, оны болашақта «сақтандырылған» мәртебесін сақтау үшін өтеу керек. Тиісінше, қызметкердің МӘМС-ға төленбеген кезеңдері бар. Осыған байланысты, дербес төлеуші ретінде ай сайын 3 500 теңге төлеу қажет.Кездесу соңында МӘМС-ғы мәртебені fms.kz ресми сайтында, Qoldau 24/7 мобильді қосымшасы және Telegramдағы SaqtandyryBot немесе 1406 байланыс орталығына хабарласу арқылы тексеруге болатыны айтылды. Сондай-ақ, egov.kz ҚР электрондық үкіметінің сайтында "Денсаулық сақтау" бөлімінде медициналық сақтандыру жүйесіндегі өз мәртебеңізді тексеріп, жүргізілген төлемдер туралы "Медициналық қызметтер туралы және МӘМС-ке аударылған сомалар туралы ақпарат" мемлекеттік қызметі арқылы білуге болады. &nbsp;<figure class="image"><img src="https://knadmin.beoblood.kz/uploads/bajkonyr_6_fcaa85dfa3.jpeg" alt="байконыр 6.jpeg"></figure>&nbsp;<figure class="image"><img src="https://knadmin.beoblood.kz/uploads/bajkonyr_3_d46681adb1.jpeg" alt="байконыр 3.jpeg"></figure>&nbsp;

Байқоңыр зейнеткерлері МӘМС жүйесінің жеңілдетілген санаттарының қатарына енгізіледі

<a href="https://kyzylorda-news.kz/">Kyzylorda-news.kz.</a>&nbsp; Ұлы ақын Абай атамыз: «Сен де бір кірпіш дүниеге, кетігін тап та бар қалан» демекші, өз кәсібін таңдап, сала бойынша өз орнын табу бүгінгі жастардың жеткен басты мұраты десек артық болмас. Ғылым мен техниканың қарқынды дамуымен қатар, кей мамандық қолданыстан шығып жатса, енді бірі қажеттіліктен пайда болып жатыр. Осындай қажеттіліктен туындаған кәсіптің бірі – адам денсаулығына пайдасы мол массаж түрлері болып отыр.Ауданда осы сала бойынша өзінің жеке кәсібін ашып отырған ақ халатты абзал жанның бірі – Гауһар Зарлық. Өзінің “GAUKHAR” массаж орталығын ашып, көптеген аурудың емі, сондай-ақ шаршаудың алдын алу үшін массаж түрлерін де қарастырған. Қазіргі бастың қысуы мен көз айналасындағы қан айналым жүйесінің дұрыс болуына, бас массажы да бар. Сонымен бірге аяқ-буыны ауыратын егде жастағы кісілердің емі ретінде, аяқ массажы да назарға алынған. Бет терісін күтуде әжімнің алдын алу, бет терісін тазалап, тегістеу құрылғысымен де қамтамасыз етілген. Сонымен бірге мүмкіндігі шектеулі балаларға немесе әлеуметтік жағдайы төмен отбасыларға жеңілдіктер қарастырылған. Жасап жүрген жұмысын Гаухардың өзі кеңінен әңгімелеп берді:<blockquote>Жалпы өзім медицина маманымын. Ауданда медициналық массаж орталығы қарастырылмаған, сондай-ақ ауыл тұрғындары қалаға барып ем алып жүргенін студент кезімде көретінмін. Міне, сол уақытта ойға алған кәсібімді 2021 жылы ашудың сәті түсіп, ауыл игілігі үшін осы кәсіпті ашуға бел буған болатынмын. Негізінен 2019 жылдан бастап қызығушылығым артып, алдыма мақсат қойдым. Енді, міне, осы мақсатыма жету жолында білім алып, кәсіпкерлікті қолдау аясындағы бағдарлама арқылы өз кәсібімді ашып отырмын. Сонымен қатар «Бизнестің жол картасы - 2025» бағдарламасы аясында қайтарымсыз грант жобасын қорғап, 3 млн теңге грант иегері атандым. Бүгінгі күні адам денсаулығындағы ауытқуларды түрлі массаж арқылы емдеймін. Орталықта бір адам жұмыспен қамтылған. Алдағы уақытта осы кәсібімді әрі қарай дамытып, білікті маман иелерін жұмыспен қамту ойда бар. Биоэнергомассажер “FOHOW” бұл барлық дене бұлшық еттерін босатып, ішкі организмге дейін әсер ететін аппарат түрі.Yamaguchi аяқ буындарын жақсартатын аппарат түрі, сонымен қатар Yamaguchi көзге арналған массаж аппараты көздегі қысымдарды және желке тұстағы ауырсынуларды жоюға пайдасы зор. “Fohow” компаниясының жоғарғы сападағы майларын &nbsp;пайдаланып отырмыз. Көбіне демалыс күндері орталыққа келіп ем алушылар саны артып келеді. Осылайша жалпы саны 43 адамға көмек көрсетілді,– дейді.</blockquote>&nbsp; &nbsp; &nbsp; &nbsp; Міне, елімізде алдына үлкен мақсат қойып, кәсіп ашамын деген азаматтар үшін көптеген мүмкіндік қарастырылған. Түрлі бағдарламалар арқылы кәсіпкерлерді қолдау аясында өз кәсібін ашып, берекетін көріп отырған адамдар да жетерлік. Ең бастысы, адамның ерінбей еңбек етуі. Сол кезде ғана адамзат баласы өз мақсатына жетері анық.

Аралда медициналық массаж орталығы ашылды

<a href="https://kyzylorda-news.kz/">Kyzylorda-news.kz.</a> Сырт қарағанға медбике қызметі шалт қимылды және қателікті кешірмейтін қызмет ретінде көрінеді. Шын мәнінде медбике науқастың денсаулығына дәрігерден кем жауап бермейді. Дәрігер науқасты тексеріп, тағайындауын жазып берген соң, әрі қарай бар жұмысты медбике орындайды. Адам жанына араша түсіп, қызметте аса мұқият болып, науқастың халін бақылап қарайтын медбикенің жұмысы ерлікпен пара пар.&nbsp;Осындай жауапкершілігі жоға¬ры қызметті абы¬роймен атқарып жүрген мамандардың бірі – Гүлжайна Ерманова Сырдария аудандық емханада хирургия бөлмесінің медбикесі болып жұмыс атқарады. Жалпы өтілі 17 жыл құрайтын медбике емханада соңғы 7 жылдан бері абыройлы қызмет етіп келеді. Гүлжайнаның ең ізгі мамандықты таңдауына оның осы мамандығына деген сүйіспеншілігі мен ата-анасынан алған тәрбиесі себеп болды.Қармақшы ауданының тумасы 1980 жылы Ақжар ауылында дүниеге келді. Ата-анасы қарапайым жұмыстың көрігін қыздырып, бауырынан өрбіген 10 ұл-қызына жақсы тәрбие берген жандар. Үлкен отбасында сегізінші перзент болып өскен Гүлжайна Ермұратқызы екі әпкесіне еліктеп, мектеп бітірген соң медбике болуды армандады.Ауылдағы орта мектепті бітірген соң 2002 жылы Қызылорда қаласындағы медициналық колледжге оқуға түсіп, емдеу ісі мамандығы бойынша оқу орнын бітіріп шықты. Ең алғашқы еңбек жолын 2006 жылы Сырдария аудандық ауруханада бастаған жас маман аурухананың жан сақтау бөлімшесінде тәжірибеден өтті. Осы бір ай уақыт аралығында медбике қызметінің қиындығына төзіп, аса жауапкершілікті талап ететін мамандық иесі болғанына еш өкінбеді. Оның себебін ақ халатты абзал жан ең әуелі мамандығын жүрек қалауымен таңдағанымен және адамдарға көмек қолын созып, дертіне дауа табатын дәрігердің сенімді серігі бола білгенімен түсіндіреді.Иә, шын мәнінде жаны жабырқаған жандардан алғыс алу, оларға жылы сөз айту, науқастармен көбірек бірге болу жақсы медбикелердің ғана қолынан келеді. Ерік-жігері мықты, қиындыққа шыдамды, мінезге бай адам ғана медбике бола алады. Осындай жауапкершілігі мол қызметтің басы қасында жүру тек жүрегі жұмсақ жандарға ғана тән қасиет. Аудандық аурухананың терапия бөлімшесінде 10 жыл бойы медбикелік қызметін абыроймен атқарған Гүлжайна талай күндер мен түндерді кірпік қақпай өткізгенін ұмытпайды. Әсіресе, егде жастағы қарттардың жанында болып, сырқатының жеңілдеуіне, оны жеңуге жәрдемдесу шыдамдылық пен төзімділікті қажет ететінін талай басынан өткерген. Бөлімшедегі дәрігерлер А.Жакупова мен Ф.Әбдібекованың науқасқа берген ем-домын мезгілінде науқасқа егу, тағайындауын бұлжытпай орындау оның күнделікті атқарған міндеті.<blockquote>Күнделікті жұмысқа келгенде науқастармен жақсы қарым-қатынас жасап, дәрігерлердің нұсқаулығын орындауға, науқастарға ем-дом арқылы дертіне шипа болуға асығамын. Осындай жауапкершілігі мол қызметте әріптестерім Зина Кенжебекова, Райса Анасовадан көп тәжірибе жинадым. Менің ойымша медбике мамандығы ең ізгі, инабатты, алғысқа толы мамандық. Кәсіби маман атану үшін үздіксіз оқып, біліктілік санаттарынан өтіп келемін. Медбикеге тән қасиет деп ең алдымен мейірімді болу, өзі ауырып тұрған адамға жылы сөз сөйлеп, жұбату секілді қасиеттерді айтар едім. Міне, осындай қасиеттің арқасында өз міндетіңді абыроймен атқарасың. Бала кезімізде ата-анам «қыз бала қатты сөйлемеу керек, бауырмал, мейірімді болу адамгершілік қасиетіңнің айнасы» деп айтушы еді. Отбасымызда екі әпкем медицина саласында қызмет етеді. Өзім де осы саланы таңдап, 17 жылдан бері науқастардың сауығып кетуіне күш салып келемін, – дейді жоғарғы санатты дәрежеге жеткен медбике Гүлжайна Ерманова.</blockquote>«Адамның жақсылығын айт нұры тасысын» демекші, Гүлжайнамен біраз жыл көрші болып, талай мәрте ем-дом алғаным рас. Бір аулада бір медбике болғаны қандай жақсы. Мезгілсіз уақытта бір жерің ауырса, дереу ине шаншитын медбике іздейміз. Сондайда тәуліктің кез келген уақытында көмегін аямауға даяр тұратын медбикенің шапағатын талай адамдар көріп, алғысын жаудырғанын көзіміз көрді. Бүгінде емхананың хирургия бөлмесінде медбике болып қызмет ететін Гүлжайна күнделікті дәрігердің қабылдауына келетін адамдарға көмек қолын созып, тиісті ем-шарасын жасайды. Жараны, күйікті байлап, тану, тазалап жуу секілді жауапты жұмысты аса ыждағаттылықпен атқарады. Травматология бөлмесінде де медбикеге көмектесіп, ине салу секілді өзіне жүктелген қызметті мінсіз атқарады.<blockquote>&nbsp;Әріптесім Гүлжайнаны алғашқы жұмысқа келген уақыттан бері білемін. Оның жұмысына жауапкершілікпен қарайтынын, қиындыққа төзімділігі туралы жақсы пікір айтып, кейінгі жас мамандарға үлгі етемін. Кейде ауруханада бөлімшеде аяғыңнан тік тұрып, науқастардың жанынан бір елі шықпайтын кездер болады. Әрбір өзгерісті мұқият бақылап, оны дәрігерге дер кезінде айту науқастың сауығып кетуіне көмектеседі. Осындайда білікті, өз ісінің мықты маманы бола білген Гүлжайнаны нағыз денсаулық жанашыры дер едім. Қазір де емханада бірге қызмет жасаймыз. Білгенін үйретуден жалықпайтын ақ халатты абзал жан жүктелген міндетіне өте сергек, әрі жауапкершілікпен қарайды, – дейді емхананың бас медбикесі Райса Анасова.</blockquote>Жүктелген міндетін абыроймен атқарып келе жатқан медбике Гүлжайна Ерманова денсаулық сақтау басқармасы басшысының, сала кәсіподағының, аудандық аурухана бас дәрігерінің Құрмет грамотасымен, бірнеше мәрте Алғыс хатымен марапатталды.Гүлжайна мықты медбике болумен қатар өмірлік серігі Қайрат Әмзеевпен бірге құтты шаңырақ иесі. Олар бауырларына жақсы аға мен жеңге. Жеңгесінің ізгі жолымен қайынсіңлісі Айсәуле дәрігерлікті таңдап, қазір аудандық емханада жалпы тәжірибелі дәрігер қызметінде. Қайрат пен Гүлжайна Инабат есімді қыз бала тәрбиелеп отырған бақытты жандар. &nbsp;

Гүлжайна Ерманова: Медбике мамандығы ең ізгі, инабатты, алғысқа толы мамандық

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Ажар Ғиният Қазақстанда елде қызылша дертінің көбейіп жатқанын айтты.<blockquote>"Қазір балалар арасында қызылша ауруы тарап жатыр. Инфекция ауа арқылы тарайды. Ауруды жұқтырудың алғашқы деректері шетелден (Түркия, Ресей Федерациясы) келгендер мен туристерден анықталды. Осылайша, балалар ауруды жұқтырып, ауыра бастады. Көбіне екпе алмаған балалар ауырды. Оларда ауруға қарсы иммунитет болмаған", - деді Денсаулық сақтау министрі Ажар Ғиният.&nbsp;</blockquote>Сонымен қатар, министр эпидемия басталмағанын, мектептерде карантиннің енгізілуін күтудің қажеті жоқ екенін атап өтті.<blockquote>"Қазақстан бойынша ауру жұқтырудың 100 дерегі тіркелді. Әзірше, эпидемия басталған жоқ", - деді Ажар Ғиният.</blockquote>

Балалар арасында қызылша ауруы тарап жатыр - ДСМ

<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау саласы – қай елде де, қай қоғамда да ең ауқымды сала. Өйткені ол саланың қызметі адам өміріне тікелей қатысты. Бұл салада күні-түні жұмыс бір сәт тыншымайды. Медицина саласындағы қызметкерлердің мойынында адам өмірінің жауапкершілігі бар. Сондықтан бұл салада жұмыс істейтін мамандар білім алып, тәжірибе жинаудан бөлек, сырқаттанған әрбір науқастың алдындағы жауапкершілігін сезінуі тиіс. Сол үшін де олар аяулы, құрметті.&nbsp; &nbsp;Сондай аяулы, құрметті ақ халатты абзал жанның бірі – Сандуғаш Рахымбекқызы. Сандуғаш Жетісай қаласындағы медициналық оқу орнынан білім алып, еңбек жолын 2003 жылы Жалағаш аудандық ауруханасында бастапты. Бес жылға жуық уақыт аудандық аурухананың қабылдау бөлімінде мейірбике болады. Өзінің мамандығына аса сүйіспеншілікпен қарайтын Сандуғаш Рахымбекқызы басы ауырып, балтыры сыздап келген науқастарға дәрігерлік қызметінен бөлек, адами жүрекпен көмек көрсетіп, көптің алғысын алып, құрметіне бөленді. Осылайша басшылық құрам ақ халатты абзал жанды 2007 жылы «Хирургия» бөліміне кезекші мейірбике етіп ауыстырады. Бас дәрігердің бұл бөлімге Сандуғашты кезекші мейірбике етіп тағайындайтындай жөні бар, себебі мұнда көбіне ауыр жағдайдағы науқастар түсетін, ал оларды дертінен айықтыруға жұмыс жасайтын мамандар бойында бірінші кезекте біліктілік пен жауапкершілік болуы керек. Бүгінгі сұхбатта оның бойында бұл қос қасиеттің барын аңғардық. Сөзі нық, жұмысы жүйелі, арнайы отырып сұхбат беруден де бас тартты және қарсы болатындай реті бар. Себебі, науқастарға дәрігер тағайындаған күнделікті ем-домын жасайтын уақыт еді. Бөлімдегі науқастардың бірінің қан қысымын өлшесе, енді біріне кеңес беруде. «Дәрігердің сөзі де шипа» деген нақылдың мағынасына кезекші мейірбике мен науқастар арасындағы диалог барысында тағы бір мәрте көз жетті.Сандуғаш Байкенова – жалағаштықтардың денсаулығын түзеуде уақытпен санаспай еңбек ететін абзал жандардың бірі де бірегейі. Оның жұмысы таңғы сағат 7:30-да әріптесінен кезекшілікті қабылдаудан басталады. Содан кешкі 20:00-ге дейінгі уақыты мұндағы науқастарға ем-дом жүргізумен өтеді. Кейде ауыр жағдайдағы науқастар бір күнде көптеп түсіп жатса, оның бір минут тізе бүкпей жұмыс істеуіне тура келеді. Солай бола тұра антына адал жан «менің уақытым таңнан кешке дейін» деп бұлданып көрмепті. Керісінше, «Дәрігер қай уақытта да қиын жағдайға дайын болуы керек» дейді ол.&nbsp;<blockquote>«Иә, дәрігер расында қай уақытта да қиын жағдайға дайын болуы керек. Себебі біз адамдарды ауруынан айықтырып, сырқатынан сауықтыруға жұмыс істейміз. «Хирургия» бөліміне қандай науқастар түсетінін айтпаса да жақсы білесіздер, біз оларды тексеріп, ем-дом жүргіземіз, күрделі жағдайдағы науқастарды отаға да біз дайындаймыз. Бастысы, жасап жатқан еңбегіміз еш кеткен жоқ. Біз үшін науқастың дертінен айыққанын көруден асқан бақыт жоқ. Науқастың сауығып, отбасына аман-есен оралғанын көргенде өзіміздің еңбегімізге марқайып қаламыз. Олардың бізге жаудырған алғысы жауапкершілікті еселейді», – дейді Сандуғаш Рахымбекқызы.&nbsp;</blockquote>2013 жылы бөлімге 4 науқастың күрделі жағдайда түскені кезекші мейірбикенің әлі күнге дейін көз алдында. Ақ халатты абзал жан барлығының өмірін ажалдан арашалағысы келеді, бірақ іште мейірбикеден бір өзі, алайда барлық науқасты отаға дайындау қажет. Абырой болғанда күндіз кезекшілікті тапсырған әріптесі де оның қасына көмекке келеді. Осылайша бірігіп 4 науқасты отаға дайындайды. Барлығына ота сәтті жасалып, кейін науқастар аман-есен отбасына оралыпты. Бұдан олардың бойындағы жауапкершіліктен бөлек ұжымның ауызбіршілігін де аңғарасың. Міне, осылайша көлік апатына түскен жерлестеріміз аман қалыпты.&nbsp;Кейіпкеріміз жайында толығырақ білу үшін әріптестерін де, ондағы науқастарды да әңгімеге тарттық. Бәрінің айтатыны бір сөз. Абзал жандар оның бойындағы жауапкершілігін, науқастарға жанашырлығын тілге тиек етсе, ем алушылар оның қолы жеңіл деп мақтай кетті. Кез келген адамның артынан мұндай жақсы әңгіме ермейді, елдің берген бағасы оның абыройын арттырады, жұмысына шабыт береді, өзі де жоғары бағаға лайық еді.&nbsp;Қазір Сандуғаштың жетістігін бірер сөзбен айтып тауысу мүмкін емес, аудан әкімінің, «Amanat» партиясының бірнеше рет Алғыс хатымен, Құттықтауымен марапатталды. Сондай-ақ былтыр аудан бойынша мейірбикелер арасында «Ең үздік мейірбике» номинациясын иеленді.

Жалағаштағы алтын қолды дәрігер

<a href="https://kyzylorda-news.kz/ru/">Kyzylorda-news.kz</a>. &nbsp;«Сақтауға қажет бір асыл болса – алдымен жүрегіңді сақта, өйткені өмір бастауы – сол жүрек» деген Уильям Гарвей. Әлбетте, адамзат ағзаның патшасы – жүрек екенін жақсы біледі. Оған келтірер күмән де, тағар айып та, туындар дау да жоқ. Әлгі кеудедегі жұдырықтай ғана жүректің жақсы болуы – саулықтың негізгі кепілі. Әсте, адам артқан жүкке, салған салмаққа қарамастан жүрек бәрін көтереді. Дей тұрғанмен, мұндай олқылықтар жиілейтін болса, дүрсілдің даусы да кеми бермек. Сайып келгенде, бүкіл сезім иірімдерін иіріп әкететін, оған иелік ететін жүрек болғандықтан, ол жай-күйге де әсер етпей қоймайды. Толқыныс пен қорқыныш, қобалжу мен уайым мұның бәрі организмді басқарып тұрған тірекке ықпал етеді. Асылында, көңілді толқытып, көкте қалықтатып жіберетін қуаныштың өзін естігенде «жүрегім жарылып кетердей болды» деп теліп айтар теңдессіз теңеуіміз бар емес пе?! Демек, қылп еткен сезімнің бәрі жұп-жұмыр жүректі айналып өтпейді. Сондықтан, біз ең батыл, ең нәзік деп қарастырған жүректің үздіксіз дүрсілі үзіліп кетпеуі керек.Иә, адам ағзасындағы мотор өз жұмысын тоқтатын болса, өмір сапары тәмамдалды деген сөз. Түптеп келгенде, тірі адамның ең аяулы жері жүрек саналатындықтан сыздамағаны һәм жабырқамағаны орынды. Ағзада жүректің жүктеп алған қызметі көп, тіпті рөлі маңызды десек артық айтқандық емес. Мәселен, қан айналым жүйесі жүрекпен жапсарлас. Ал, күретамырдан шыққан қан бүкіл ағзаға тарауына түрткі болады. Сондықтан денсаулықта қандай да бір кінәрат табылса, дер кезінде ем жүргізуді қолға алған жөн. Бүгінде жүректен туындайтын аурудың түрі өте көп. Осы тұста салдары сан соқтырып, ақыры ажалмен аяқталмас үшін дәрігерлер дабыл қағып, халыққа түсіндірме жұмыстарын жүргізуде тартынған емес. 29 қыркүйекте дүниежүзілік жүрек күні жыл сайын бүкіл әлемде аталып өтеді. 1999 жылы Дүниежүзілік жүрек федерациясының бастамасымен, Дүниежүзілік денсаулық сақтау ұйымының, ЮНЕСКО-ның және басқа да мүдделі ұйымдардың қолдауымен алғаш рет «Дүниежүзілік жүрек күні» ұйымдастырылды. Әлем бойынша инсульт, жүректің ишемиялық ауруы, перифериялық артериялар, ревмокардит, туа біткен жүрек ақауы, стенокардия және миокард инфарктісі секілді аурулар қатары өлім-жітімнің 16 % құрап, мүгедектіктің басты себебі болып отыр. Қазақстанда жүрек-қан тамырлары ауруларынан зардап шегетін 2 миллионнан астам адам тіркелген. Жыл сайын 40 мың қазақстандық инсульт алады екен. Сондықтан бұл көз жұмып қарай салатын, қолды бір сілтеп қоя салатын жеңіл сырқат емес. Тіпті, жеңіл деп қарағанның өзі асқынғанда аяқты аспаннан келтіріп, шыбын жанды көзіне көрсетпей ме?! Ендеше жүректен туындайтын аурудың соққысы қатты болады.Халық саулығы қашан да басты назарда. Сондықтан облыстағы ақ халаттылар әл-ауқатты арттыру бойынша ауқымды істер атқаруда аянып қалған емес. Дүниежүзілік жүрек күнінің басты мақсаты – қалың жұртты өз денсаулығына назар аударту, оның маңыздылығын, құндылығын түсіндіру, өмір бойы салауатты өмір салтын ұстануды негіз ете отырып, жеке бастың денсаулығын сақтау мен нығайту, жүрек сияқты ағзаның құндылығы, оның адам ағзасындағы рөлі және оны сақтау қажеттілігі туралы хабардар ету. Медицина мамандары осы мақсатта миссиясын орындауды қолға алып, «Азаматтарға арналған үкімет» мемлекеттік корпорациясы коммерциялық емес акционерлік қоғамы мекемесінде, Қызылорда облысының денсаулық сақтау басқармасы және «Қызылорда облыстық салауатты өмір салтын қалыптастыру орталығы» ЖШС-нің ұйымдастыруымен «Сау жүрек – денсаулық кепілі» ұранымен кең ауқымды акция өткізгені көпке мәлім. Акцияға «Қызылорда облыстық салауатты өмір салтын қалыптастыру орталығы» ЖШС-нің мамандары, №1 және №3 қалалық емханалардың мамандарымен жасақталған дәрігерлер бригадасы денсаулық қалашығында адамдардың өз денсаулығына жауапкершілікпен қарауына, денсаулықты сақтау мен нығайту тәсілдері туралы ақпараттар ұсынып, түсіндірме жұмыстарын жүргізген болатын. Мұнда дәрігерлер керекті кеңесімен ғана бөлісіп қоймай, артериялық қан қысымы мен бой-салмақ өлшеніп, Кетле индексі және қандағы қант, холестерин мөлшері анықталды.Игі шаралардың легі мұнымен толастамады. Облыстық жастар денсаулығы орталығы «Сау жүрекке жол таңда» ұранымен «Сау жүрек – сау ағза» ұлттық бағдарлама аясында он күндік жариялап, облыс бойынша бірнеше іс-шаралар ұйымдастырды. Қаладағы және аудандардағы сауда үйлерде халық арасында насихаттау жұмыстарын жүргізу мақсатында Сыбаға базарында, теміржол вокзалында, теміржол вокзалының депосы мен №1, №10, №43 мектепте, аудандық емханалардың фойесінде кең көлемді 12 акция өткізіп, ақпараттық-танымдық материалдар таратылды, түсіндірме жұмыстары жүргізілді. Сауда орнына келушілердің, емханаға келген халықтың және жұмыс орындарының мамандары мен мектеп ұстаздарының қан қысымы, қандағы қант мөлшері мен холестерин деңгейі анықталып, жалпы тәжірибелік дәрігер, гинеколог, уролог, кардиолог, дерматолог дәрігерлермен бірге психолог, валеолог мамандар кеңесі берілді. Жалпы білім беретін мектептер мен арнаулы орта оқу орындарында «Менің жүрегім, сенің жүрегің», «Жүрегіңізді сақтаңыз» тақырыптарында 64 семинар-сабақ өткізіліп, «Біз салауатты өмірді таңдаймыз, жүрегімізді сақтаймыз» ұранымен балаларға тыныс алу жаттығулары және спорттық ойындар жүргізілді. Сонымен қатар, жүрек қан тамыр ауруларын болдырмау мақсатында тұзды, майды, қантты шектеу мақсатында мектеп мұғалімдері мен ата-аналарына семинарлар мен кездесулер ұйымдастырылып, трансмайлар мен тұздың, қанттың зияны жөнінде ақпараттар беріліп, ақпараттық-танымдық материалдар таратылды және қан қысымдары анықталып, қан қысымы жоғары адамдарға орталық дәрігері тарапынан кеңестер берілді. Әлеуметтік желілер арқылы жүрек қан тамырлары аурулары &nbsp;жайында ата-аналарға, балаларға, жастарға арналған ақпараттық-танымдық материалдар салынып, қан айналым жүйесі aуруларының мінез-құлықтық қауіп-қатер факторларының алдын алу, яғни тұзды, қантты, майды дұрыс мөлшерде тұтыну, көкөністер мен жемістерді күнделікті пайдаланудың маңыздылығы, темекіні тастауға ниеттелгендерге «жедел желі» телефоны арқылы психологиялық көмек ұсынылды.Салауатты өмір салтын сақтау әрбір адам үшін маңызды. Өмір қыл үстінде тұратындай қиындықпен бетпе-бет келмес үшін, асқынған аурудың зардабын, залалын тартпас үшін әуелі күтім керек. Тегінде, тіпті бала құрсаққа біткеннен шала күйініп, жарық дүние есігін аман-есен ашуы үшін шыр-пыр болатын халықпыз ғой. Ендеше еңбектеген бала мен еңкейген қарияға дейін денсаулық хақында тәптіштеп түсініп, алдын-алу жолы мен емдік шраларға дейін беске білгені ләзім. Бұған медицина мамандары да қырын қарамай, халық игілігіне бағытталған шараларды жалғастырып келеді. Мәселен, Жаңақорған аудандық емханасында «Дүниежүзілік жүрек күніне» орай ашық есік күндері мен акциялар, кездесулер мен семинар т.б. іс шаралар өткізілді. Атап айтқанда, келіп емделушілеге жас аналар мен скининг кабинетінде «Темекіні тастаймыз», «Белсенді ұзақ өмір сүру», «Дұрыс тамақтану» тақырыптарында ақпараттық түсіндіру жұмыстары мен бой салмақ өлшеу, қан қысымын талдау мен анықтау, зиянды әдеттің алдын алу мен ішімдіктің қаупі, семіздік пен артық салмақпен күресу мен алдын алу жолдары, диеталық ем-дәм тағамдарын ережеге сай қолдану бойынша шаралар жасалды. Емханаға қаралушыларға дұрыс тамақтану мен салауатты белсенді өмір сүрудің адам өміріне оның ішінде ұзақ өмір сүруге қолайлы жағдайға алып келетіндігі түсіндірілді. «Дұрыс тамақтанудың 12 қағидасы» түріндегі үнпарақша таратылды. Сонымен бірге №51, №53, №86 жалпы орта мектептерінде «Сау жүрек, сау ұрпақ» ұранымен мектеп оқушыларына семинар мен лекциялар жүргізілді. Бала кезден денсаулыққа бей-жай қарамауға, салауатты өмір салтын ұстану мен сау болып жүрудің маңыздылығы, зиянды әдетке жақындамауға, зияны бар тағамдарды көп қолданбауға шақырды. жұмыстары жүргізілді. Ақпараттық-танымдық материалдары таратылды.Сонымен қатар, Қазалы аудандық Жастар денсаулығы бөлімшесінің «Дүниежүзілік жүрек күні» ұлттық бағдарламасына орай «Жетес би» ДА-да «Жүрек қан-тамыр жүйесі ауруларының алдын алайық» тақырыбында семинар өткізді. Барлығы 22 адам қатысып, ақпараттық-танымдық материалдар таратылды. Сондай-ақ, аудандық емханада «Жүрегіңізді сақтаңыз» тақырыбында акцияға болды. «Мусаев» базарының радиоторабынан «Өз қан қысымыңызды бақылаңыз» тақырыбында лекция оқылып, ақпараттық-танымдық материалдар таратылды. Қармақшы ауданының Ақжар ауылдық емханасында«Дүниежүзілік жүрек күніне» орайластырылған ұлттық бағдарламасы аясында бірқатар іс-шаралар өткізілді.Ақжар ауылдық емханасында келуші науқастарды назардан тыс қалдырмады. «Сау жүрек – денсаулық кепілі» тақырыбында акция ұйымдастырылды. Акция барысында Ақжар ауылдық ВОП дәрігері Ж.Жұбандықов, емхана кардиологы Б.Карикулов, ЖДО психологы Ә.Кетебаева, медбике М.Бекова, СӨСҚ маманы Д.Құлмырзаева және медицина қызметкерлері қатысты. Кардиолог-дәрігер дүниежүзілік жүрек күнінің аталуы, жүрек-қантамыр ауруларының алдын алу, ЖИА, стенокардия аурулары, жүректі сақтау және алдын алу туралы кеңестер беріп, түсіндірме жұмыстарын жүргізді. Сонымен қатар, кардиолог 67 ауыл тұрғынына жеке қабылдау жүргізді. Медицина қызметкерлері келушілердің қан қысымын өлшеп, ЭКГ, УЗИ жасалынды.Жалағаш ауданы да халық жағдайына келгенде жалтарған емес. Аудандық емханада акция ұйымдастырылды. Халық көп шоғырланатын сауда орындары, Қазпошта, Қазақтелеком, Халыққа қызмет көрсету орталығы, автовокзал, темір жол вокзалында үгіт-насихат жұмыстары жүргізілді. Түйіндей келе, дер кезінде дабыл қағатын ақ халаттылар абыройын адал атқарса, халық саулығына сын да, медицина саласына мін де тағылмас.Расында да, денені дендеп алатын дерттің қай-қайсысы да қауіпті. Сондықтан саулыққа салғырт және немқұрайлы қараудың өмірді қысқартатынын қаперде ұстаған жөн. Бастысы, сол жақ тұстың соғысы қалыпта болып, инедей шаншылмағаны игі.

«Сау жүрек – денсаулық кепілі» акциясы аясында қызылордалықтарға дәрігерлік кеңес берілді

<a href="https://kyzylorda-news.kz/">Kyzylorda-news.kz.</a>&nbsp; Кез-келген ата-ананың өзекті бір мәселесі – балаларды дұрыс тамақтана білуге дағдыландыру. «Мына бала тамақ ішпейді» деп баласына жаны ашыған, дәрігерге шағым айтатын ата-ананы жиі байқаймыз. Анықтап сұрасаң, кішкентай баланың сүйікті асы – қытырлақ картоп, кепкен нан, тәтті сусын болып кеткен. Ал ұзақ сақталатын әрі сырттан алынған ондай тағамдардың адам денсаулығына зиянын көзі ашық кез келген адам біледі. Мұндай өнімдер бала тұрмақ, үлкен адамға да зиян тигізе алады. Ал енді ғана қалыптасып келе жатқан, күн сайын өсіп-жетілетін жас ағзаға қалай кері әсерін тигізетінін ойлай беріңіз.Бұл – медицинадағы ғана емес бүкіл қоғамды алаңдатып отырған өзекті мәселелердің бірі. Онымен күресті мамандармен қатар ата-аналар да бірлесіп жүргізуі қажет.Сонымен қатар үлкен мәселенің бірі – жас балалардың арасында тіл мүкістігінің кездесуі. Баланың тілі дер кезінде шықпау салдарынан логопед мамандарға жүгінетіндер де аз емес. Зер салсақ, негізгі себеп – ішкен тағамның зияндығынан екен. Үлкен мәселенің шешімін алысты орағытпай-ақ, ұлттық құндылық саналатын ұлттық тағамдардан іздеуге болады. Қарапайым ғана мысал – қолдан жасалған құрт. Құрт жейтін баланың ауыз-қуысында жара да болмайды. Әрі тілі қозғалыста болып, тілінің тез шығып әрі анық сөйлеуіне ықпал етеді. Әжелеріміз күбі пісіп, май алғанда балалардың алақанына май салып беретін болған. Бұл баланың асқазан, ішек жолдары майланып, өз кезегінде ауру-сыр¬қаудың алдын алатын көрінеді.<blockquote>Статистикалық есепке тоқталар болсақ, Сырдария ауданында 17 жасқа дейінгі балалар саны 13 мыңнан асады. Оның 700-ге жуығы – бір жасқа дейінгі сәбилер. Мүмкіндігі шектеулілер санатына қосылып отырған балалардың да саны артып отыр. Олардың ішінде басым көпшілігі жүйке жүйесі, көз, тіл дамуының кешігуі ауруларымен ауыратындар. Жалпы айтқанда, балалар арасындағы аурушаңдық алдыңғы жылдармен салыстырғанда біршама көбейген. Статистикалық дерек құрсақ, балалардың көбі асқазан-ішек жолдарының ауруымен шағымданады. Одан кейін жүйке жүйесі, көз аурулары, есту жүйесі мен эндокриндік жүйе аурулары ағзазы енді ғана дамып келе жатқан жас жеткіншектерде жиі кездеседі, – дейді Сырдария ауданының емхана дәрігері А.Құлеке.</blockquote>Дәрігердің айтуынша, балалар арасында асқазан-ішек ауруының өт жолының дискенезиясы, гастрит, эндокриндік аурулар арасында семіздік жиі кездесетіні алаңдатады. Оның басты себебі – балалардың дұрыс тамақтанбауы, жылдам әзірленетін өнімдерді, газды, энергетикалық сусындарды көп ішіп-жеуден, дене қозғалысының аздығынан деп айтуға болады. Көз ауруларының ішінде алыстан көрмеу алдыңғы орында, оның бірден-бір себебі – жақын жерден ұялы телефонды көп пайдалану, компьютерде ұзақ отыру. Осыған орай жыл сайын мектептерде мамандар аталған ауруларға әкелетін себептерді азайту мақсатында оқушылар арасында түсіндірме жұмыстарын жүргізіп, арнайы семинар-тренингтер ұйымдастыруды жоспарға енгізген.«Денсаулық – зор байлық» деген мақал текке айтылмаса керек. Осы тұста, дене тәрбиесіне мән беру де маңызды екені даусыз. Дене – жанның құралы. «Сау денеде салауатты рух болады» деген де бар. Баланың есейгенде жасайтын әрекетінің көп мөлшері оның кішкентай кезден алған дағдысына тікелей байланысты болады. Осыған орай, ата-аналарға баласын кішкентай күнінен физикалық белсенділікке, жаттығу жасап, деннің саулығын күтуге үйрету маңызды. Ол қалыптасқан әдет ретінде баланың есейген кезінде де оң ықпалын береді. Жастайынан спортқа жақын болған бала ағзасы қалыпты дамыған әрі шымыр болып өседі.&nbsp;&nbsp;&nbsp;&nbsp;&nbsp;

Балалардың дұрыс тамақтануы – денсаулық кепілі

​<a href="https://kyzylorda-news.kz/">Kyzylorda-news.kz.</a>&nbsp; Әлеуметтік медициналық сақтандыру қорының Қызылорда облысы бойынша филиалының тұрғындармен есептік кездесулері жалғасуда. Қармақшы ауданы Жосалы ауылында өткен жиынға аудан әкімінің орынбасары Жұлдызхан Ерқосаев, «Әлеуметтік медициналық сақтандыру қоры» КЕАҚ облыстық филиалының директоры Бақыт Исмаханбетов, облыстық денсаулық сақтау басқармасы басшысының орынбасары Жангелді Шаймбетов, Қармақшы аудандық орталық ауруханасының бас дәрігері Бақытжан Нысанбаев қатысты.Қармақшы ауданы, Төретам, Ақай елді мекендерінің 17 мыңға жуық тұрғыны міндетті әлеуметтік медициналық сақтандыру жүйесінде сақтандырылмаған. Көбінесе 12 ай бойы төлемі жоқ белсенді емес халық, сонымен қатар жұмысшылар, жеке кәсіпкерлер. Жалпы аудан халқының шамамен 18 % МӘМС жүйесінен тыс қалды, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.<blockquote>«Егер сізге шұғыл медициналық көмек қажет болса, тегін медициналық көмек қызметтері қолжетімді. Жоспарлы медициналық көмекті, жоғары технологиялық медициналық қызметтерді, оңалту емін, стационарлық көмекті, күндізгі стационарда емделу және тағы басқаларын алу үшін «сақтандырылған» мәртебесіне ие болу қажет. Облыс халқының 60 пайыздан астамы мемлекет жарна төлейтін 15 жеңілдікті санаттағы азаматтардың қатарында», - деп атап өтті Бақыт Исмаханбетов.</blockquote>Кездесуде ауыл тұрғындары спикерге бірқатар сұрақтармен жүгінді.МӘМС жүйесінің жеңілдікті санаттары қатарында Ауғанстандағы соғыс ардагерлері бар ма? Спикердің айтуынша, «МӘМС туралы» Заңның 26-бабына сәйкес зейнетақы төлемдерін алушылар, оның ішінде Ұлы Отан соғысының қатысушылары мен мүгедектері МӘМС жарналарынан босатылған. Егер Ауған соғысына қатысушының мүгедектігі болса, онда ол 15 жеңілдік санатына ие азаматтардың қатарына кіреді.Мен медициналық көмекке жүгінбеймін, бірақ жұмыс беруші жалақыдан МӘМС-ға ай сайын қаражат аударады. Не үшін? Осы сұраққа жауап бере отырып, Бақыт Исмаханбетов барлық қазақстандықтар үшін медициналық сақтандыру жүйесінің маңыздылығын атап өтті. Бірыңғай қазынадан 18 жасқа дейінгі балаларға, студенттерге, мүмкіндігі шектеулі адамдарға, АӘК алушыларға, марапатталған көп балалы аналарға және тағы басқаларға емделуге қаражат бөлінеді. Яғни, медициналық сақтандыру біздің туыстарымыз бен жақындарымызға да қажет.Егер қызметкер ұзақ мерзімді еңбек демалысына немесе жалақысы сақталмайтын демалысқа шықса, сақтандыру мәртебесін қалай жоғалтпауға болады? Спикердің айтуынша, МӘМС жүйесіндегі мәртебе соңғы жарнадан кейін үш ай бойы сақталады. Әрі қарай өзекті болып қалуы үшін жарнаны өткізіп алған кезеңдер үшін дербес төлеуші ретінде төлеу қажет. Биыл ай сайынғы төлем 3 500 теңгені құрайды.Кездесуді қорытындылай келе, ӘМСҚ-ның облыстық филиалының директоры Әлеуметтік медициналық сақтандыру қоры ең алдымен пациенттердің құқықтарын қорғауға бағытталғанын атап өтті. Егер сізде сұрақтар туындаса, өз емханаңыздағы Пациенттерді қолдау қызметіне жүгіне аласыз. Ал ол жерден мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegramдағы SaqtandyryBot. Осы құралдар сақтандыру мәртебесін тексеруге мүмкіндік береді.&nbsp;Сондай-ақ, egov.kz ҚР электрондық үкіметінің сайтында "Денсаулық сақтау" бөлімінде медициналық сақтандыру жүйесіндегі өз мәртебеңізді тексеріп, жүргізілген төлемдер туралы "Медициналық қызметтер туралы және МӘМС-ке аударылған сомалар туралы ақпарат" мемлекеттік қызметі арқылы білуге болады. &nbsp;&nbsp; &nbsp;<figure class="image"><img src="https://knadmin.beoblood.kz/uploads/karmakshy_4_0d6687002a.jpeg" alt="кармакшы 4.jpeg"></figure>&nbsp;<figure class="image"><img src="https://knadmin.beoblood.kz/uploads/karmakshy_1_fcbc239692.jpeg" alt="кармакшы 1.jpeg"></figure>

Қармақшы ауданының тұрғындарымен кездесуде МӘМС жүйесінің өзекті сауалдарына жауаптар берілді

<a href="https://kyzylorda-news.kz/">Kyzylorda-news.kz.</a> Нутрициология ғылымы дамығалы дұрыс тамақтану ережесі ересектер үшін ғана емес, балалар үшін де маңызды екені айтылып келеді. Бала денсаулығының қалыпты дамуы ағзаға сіңімді, пайдалы тағам жеуге тікелей байланысты.&nbsp;Баланы 6 айда қалай тамақтандыру керек? Сонымен, сіздің балаңыз 6 ай. Бұл жаста көптеген қызықты нәрселер бар: бала өз бетімен отыруға, түрлі ойыншықтарға жауап беруге және әрине, қоспаны немесе аналық сүтті ішуге болады. Көптеген ата-аналар 6 айда нәрестені қалай тамақтандыру туралы және баланың толық даму үшін қандай тағамдарды беру керектігі туралы ойлайды. Алты айында нәресте ана сүті немесе бейімделген қоспасы түрінде қабылдайтын тамақтану баланың барлық қажеттіліктері үшін жеткіліксіз болады. Жаңа тағаммен, яғни қосымша тамақпен танысу керек.&nbsp;Осы ретте алты айлық нәрестеге қандай жаңа өнімдерді ұсынуға болатындығы жайлы Қазалы көпбейінді орталық ауруханасының балалар бөліміндегі пост мейіргері Мөлдір Үртекова баланың дені сау болуы үшін оны қалай тамақтандыру керек екенін айтып берді.&nbsp;Аурухана қызметкері, өмірдің бірінші жылында балаға оңтайлы тамақтану – емшек сүті дегенді тілге тиек етті. Осындай қарапайым ақиқатты тек ДДҰ ғана емес, сонымен қатар, ғасырлар тәжірибесі, сондай-ақ, миллиондаған аналардың сезімдері растайды. Дегенмен, ерте ме, кеш пе, әрбір сынықтың өмірінде жаңа тағамды сынап көру керек уақыт келеді. Жас ата-аналарды хаос күйіне түсіретін нәресте рационына өнімдерді енгізудің әр түрлі әдістері бар. Балаларды 6 ай бойы қаншалықты дұрыс тамақтандыру керек?Оның айтуынша, қосымша тамақ беруді бала 6 айға толған кезде бастау керек. Баланың өсіп, белсендірек болуы үшін оның толық тағамға деген және физиологиялық қажеттіліктерін қанағаттандыру үшін жалғыз ана сүті жеткіліксіз. Сондай-ақ, темір, А дәрумені және басқа да қоректік заттардың көлемі 6 айдан кейін баланың бойының жақсы өсуі және дамуы үшін жеткіліксіз болады. Тек, ана сүтінен алатын энергияның, темірдің және басқа ауыстыруға келмейтін нәрлі заттардың арасындағы айырмашылықтардың орнын толтыру және өсіп келе жатқан ағзаға қажетті алиментарлық мұқтаждықтарды өтеу үшін қосымша тамақ беру қажет.&nbsp;«Қант пен тұз ақ у» деп бекер айтпаған. Бала жыласа, қолына тәтті ұстата салмаңыз. Қантты жемістен, көкөністен алса, ол табиғи болады. Глюкоза, фруктоза табиғи түрде ағзаға сіңімді әрі пайдалы.Өңделген қанттың зияны айтпаса да түсінікті. Мәселен, күріштен ботқа жасап, оған қант қоссаңыз, құнары кемиді. Қазір балалар арасында қант диабеті мен семіздік, аллергия аурулары өте көп. Бастауыш сынып баласының дене салмағы жасына сай емес. Демек, анасы 6 айлығынан бастап тамағына қант пен тұз қосып, ағзасын соған үйреткен деген тұжырымды мамандар жоққа шығармайды.&nbsp;Балаға қанттың орнына кепкен жемісті, балды, жемістің езбесін қосып беруге болады. Дүкендегі құрамы бояғышқа, ароматизатор мен консервантқа толы өнімді жегізбеу керек. Есейе келе, газды сусынға, мектепке барғанда қытырлақ картопқа әуестенбегені жөн. Тұзды шамадан тыс пайдалану денеге су жинап, ісіндіреді. Бүйрек, қан-тамыр ауруларына әкеледі.Баланың тамағы үшін дұрыс таңдалып алынған азық-түліктерді уақытылы беру емшектегі балалар мен ерте жастағы балалардың денсаулығын нығайтуға, тағамның мәртебесін жақсартуға және денесінің дамуына ықпал етеді. Талаптарға сай келмейтін тағам бала ағзасына нәрлі заттардың жеткіліксіз түсуіне ықпал етеді.<blockquote>– Бүкіл тамақ беру кезеңі ішінде ана сүтімен емізу жалғаса береді. Кем дегенде тәулігіне 6 рет. Ана сүтімен емізуді жалғастыра отырып, онымен бір мезгілде тамақ беру өзінің құрамы, дәмі, иісі және сыртқы түрі жағынан алуан түрлі тағам өнімдерін беру үдерісінен тұруға тиіс, – дейді Қазалы көпбейінді орталық ауруханасының балалар бөліміндегі пост мейіргері Мөлдір Үртекова.</blockquote>Қосымша тамақ беру кезінде мынадай талаптарға мән берген жөн екен. Біріншіден, қосымша тамақты дер кезінде баланың 6 айлығынан бастап енгізу қажет. Реттілігі бойынша жеуге жеткілікті тағам болуы шарт. 6 айдан - 1жасқа дейінгі бала 3 рет қосымша тамақ+ана сүтімен 24 сағат бойында кемінде 6 рет емізген дұрыс. 1жастан - 2 жасқа дейін 3 негізгі қосымша тамақ алу+2нәрлі ауыз тию+ана сүтімен емізуді жалғастыру қажет.Құнарлық құндылығы талапқа сәйкес болғаны абзал. Қосымша тамақтың тағамы әртүрлі болуы тиіс. Мысалы, ет пен балық, түрлі жарма, көкөніс пен жеміс, жұмыртқа, бұршақтар, үгітілген жаңғақ, сүт өнімдері. Сондай-ақ, тамақтың қоюлығы жеткілікті жасалғаны дұрысырақ. Мұндайда салынған қасық баяу батады және оны байыту үшін 1 шай қасық өсімдік, немесе, сиыр майын, болмаса, үй қаймағы қосылады.<blockquote>– Ең бастысы – жеке бас гигиенасын сақтап, сабынмен жуылған таза қол, таза ыдыс, таза су, тамақтың дұрыс сақталуы – қауіпсіздіктің кепілі. Қосымша тамақ үшін ұсынылатын азық-түліктерге – ет, балық, бауыр, көкөністер, жемістер, бұршақ тұқымдастар жатады. Әркез тамақтандырған сайын тамақ алуан түрлі болуы шарт. Алдымен жарма тағамдары: күріш,қарақұмық немесе көкөніс езбесі: пісірілген картоптан, сәбізден, шалқаннан, қырыққабаттан, езбе түріндегі жемістер: банан, алма, алмұрт, шабдалы, одан кейін майсыз ет түрлерінен езбе ретінде ет, бұршақ тұқымдастардан қабығы алынып, әбден пісірілген езбе беріледі, – дейді бала мейіргері.</blockquote>Тамақтың көлемін бірте-бірте көбейте отырып, екі шай қасықтан бастау керек. Баланың жаңа дәмге үйренуіне уақыт беру керек. Нәрестеге бірінші рет берілетін тамақтың жылы, өте жұмсақ, әбден езілген, ешбір түйіршіксіз, езбе деңгейіне жеткізілген және қою болмауы қажеттігін ұмытпаңыз. Бұл шақтағы сәбиге қант, бал, тамаққа тұз бен дәмдеуіштер қосуға болмайды.Тамақпен бірге бөбек сұйықтықтарды да, яғни су, жеміс шырынын қабылдауға тиіс. Оны емізік кигізілген бөтелкемен емес, қасықпен немесе балаға арналған арнайы ыдыспен ішкізу қажет.Мөлдір Үртекова, бала жиі ауырмасын, көңіл-күйі тез бұзылмасын, дамуы баяуламай, әлсіз болмасын деген ата-ана дұрыс тамақтануды қазірден қолға алғаны жөн екенін айтады. Ақхалатты абзал қызметкер дұрыс тамақтануды отбасы әдетіне айналдыруға кеңес береді.

Баланың дені сау болуы үшін қалай тамақтандыру керек?

<a href="https://kyzylorda-news.kz/">Kyzylorda-news.kz.</a> 2023 жылғы 1-тоқсанның қорытындысы бойынша Қызылорда облысы бойынша қышыма ауруының эпидемиологиялық ахуалы тұрақсыз болып қалыптасты. Жыл басынан бері қышыманың 21 дерегі тіркеліп, бұл өткен жылдың дәл осы мерзімімен салыстырғанда 3 есеге артқандығын көрсетеді. 14 жасқа дейінгі балалар арасында қышымамен сырқаттанушылық көрсеткіші жоғары, барлық тіркелген аурудың 57 проценті осы контингенттегілер үлесінде. Сондықтан Қызылорда облыстық санитариялық-эпидемиологиялық бақылау департаменті басшысының орынбасары Әлия Әбдіқайымова аурудың алдын алу жолдарымен бөлісті.<blockquote>«Қышыма – бұл жұқпалы тері ауруы, оның қоздырғышы қышыма кенесі. Қышыма кенесі – адамның терісіне еніп, сол жерге жұмыртқалай алатын микроскопиялық паразит, одан ересек кенелер 10 күннен кейін пайда болады. Қышыма кенесінің дернәсілдері жоғары температураға өте сезімтал, қайнатқан және ыстық үтікпен үтіктеген кезде бірден өледі. Инфекция науқас адаммен тығыз қарым-қатынаста болған кезде, сондай-ақ іш киім, төсек-орын, киім, жеке гигиена құралдары, &nbsp;яғни орамалдар, жуғыштар және тағы басқа заттар арқылы жұқтырылады», − деді Қызылорда облыстық санитариялық-эпидемиологиялық бақылау департаменті басшысының орынбасары.</blockquote>Отбасы – қышыманың негізгі ошағы. Инфекцияны жұқтыру себебі киім мен жеке гигиена құралдарын ортақ пайдалану болып табылады. Медициналық көмекке кеш жүгінуге байланысты (тері бөртпелерінің пайда болуы көбінесе аллергиялық реакция ретінде бағаланады) инфекция отбасында одан әрі таралады.Ауруға тән белгілер - қолдың саусақ аралық қатпарларында, кеуде және іш терісінде, бөкселерде, санның ішкі бөлігінде, аяқтарда қышу мен бөртпелердің пайда болуы. Қышыманың айрықша ерекшелігі – түнде қышудың күшеюі.Қызылорда облысының санитариялық-эпидемиологиялық бақылау департаменті қышыманы жұқтырудың алдын алу үшін мынадай қарапайым жалпы гигиеналық қағидаларды орындауды ұсынады:- аптасына кемінде бір-екі рет жуыну;- тек жеке гигиена құралдарын пайдалану және басқа адамдармен жеке заттарды айырбастамау;- көшеден үйге оралған соң міндетті түрде қолды сабындап жуу;- жаңа киім, төсек-орын және іш киім сатып алғаннан кейін оларды міндетті түрде жуып, ыстық үтікпен үтіктеңіз;- орамал, төсек-орын және іш киімді жиі ыстық сумен жуу, міндетті түрде ыстық үтікпен үтіктеу;- үй жануарларымен байланыста болғаннан кейін қолды сабынмен мұқият жуу;- қаңғыбас жануарлармен байланыста болмау;- мысықтар мен иттерді сатып алғанда, жануарда аурудың болмауы және саңырауқұлақ ауруларына қарсы вакцинациялау үшін ветеринармен кеңесу қажет;- шаштараздарға, спорт залдарына барғаннан кейін міндетті түрде душ қабылдау немесе моншаға бару.Егер сізде қышыма белгілері немесе тері бөртпесі байқалса, дереу дерматовенерологқа хабарласыңыз. Бұл ауруды дер кезінде диагностикалаудың және тиімді емдеудің кепілі.

Маман кеңесі: «Қышыма ауруының алдын алыңыз»

<a href="https://kyzylorda-news.kz/">Kyzylorda-news.kz.</a>&nbsp; Әлеуметтік медициналық сақтандыру қорының Қызылорда облысы бойынша филиалының тұрғындармен есептік кездесулері&nbsp;жалғасуда. Қармақшы ауданы Жосалы ауылында өткен жиынға аудан әкімінің орынбасары Жұлдызхан Ерқосаев, «Әлеуметтік медициналық сақтандыру қоры» КЕАҚ облыстық филиалының директоры Бақыт Исмаханбетов, облыстық денсаулық сақтау басқармасы басшысының орынбасары Жангелді Шаймбетов, Қармақшы аудандық орталық ауруханасының бас дәрігері Бақытжан Нысанбаев қатысты.Қармақшы ауданы, Төретам, Ақай елді мекендерінің 17 мыңға жуық тұрғыны міндетті әлеуметтік медициналық сақтандыру жүйесінде сақтандырылмаған. Көбінесе 12 ай бойы төлемі жоқ белсенді емес халық, сонымен қатар жұмысшылар, жеке кәсіпкерлер. Жалпы аудан халқының шамамен 18% МӘМС жүйесінен тыс қалды, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.<blockquote>«Егер сізге шұғыл медициналық көмек қажет болса, тегін медициналық көмек қызметтері қолжетімді. Жоспарлы медициналық көмекті, жоғары технологиялық медициналық қызметтерді, оңалту емін, стационарлық көмекті, күндізгі стационарда емделу және тағы басқаларын алу үшін «сақтандырылған» мәртебесіне ие болу қажет. Облыс халқының 60 пайыздан астамы мемлекет жарна төлейтін 15 жеңілдікті санаттағы азаматтардың қатарында», – деп атап өтті Бақыт Исмаханбетов.</blockquote>Кездесуде ауыл тұрғындары спикерге бірқатар сұрақтармен жүгінді.МӘМС жүйесінің жеңілдікті санаттары қатарында Ауғанстандағы соғыс ардагерлері бар ма? Спикердің айтуынша, «МӘМС туралы» Заңның 26-бабына сәйкес зейнетақы төлемдерін алушылар, оның ішінде Ұлы Отан соғысының қатысушылары мен мүгедектері МӘМС жарналарынан босатылған. Егер Ауған соғысына қатысушының мүгедектігі болса, онда ол 15 жеңілдік санатына ие азаматтардың қатарына кіреді.Мен медициналық көмекке жүгінбеймін, бірақ жұмыс беруші жалақыдан МӘМС-ға ай сайын қаражат аударады. Не үшін? Осы сұраққа жауап бере отырып, Бақыт Исмаханбетов барлық қазақстандықтар үшін медициналық сақтандыру жүйесінің маңыздылығын атап өтті. Бірыңғай қазынадан 18 жасқа дейінгі балаларға, студенттерге, мүмкіндігі шектеулі адамдарға, АӘК алушыларға, марапатталған көп балалы аналарға және тағы басқаларға емделуге қаражат бөлінеді. Яғни, медициналық сақтандыру біздің туыстарымыз бен жақындарымызға да қажет.Егер қызметкер ұзақ мерзімді еңбек демалысына немесе жалақысы сақталмайтын демалысқа шықса, сақтандыру мәртебесін қалай жоғалтпауға болады? Спикердің айтуынша, МӘМС жүйесіндегі мәртебе соңғы жарнадан кейін үш ай бойы сақталады. Әрі қарай өзекті болып қалуы үшін жарнаны өткізіп алған кезеңдер үшін дербес төлеуші ретінде төлеу қажет. Биыл ай сайынғы төлем 3 500 теңгені құрайды.Кездесуді қорытындылай келе, ӘМСҚ-ның облыстық филиалының директоры Әлеуметтік медициналық сақтандыру қоры ең алдымен пациенттердің құқықтарын қорғауға бағытталғанын атап өтті. Егер сізде сұрақтар туындаса, өз емханаңыздағы Пациенттерді қолдау қызметіне жүгіне аласыз. Ал ол жерден мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegramдағы SaqtandyryBot. Осы құралдар сақтандыру мәртебесін тексеруге мүмкіндік береді.Сондай-ақ, egov.kz ҚР электрондық үкіметінің сайтында «Денсаулық сақтау» бөлімінде медициналық сақтандыру жүйесіндегі өз мәртебеңізді тексеріп, жүргізілген төлемдер туралы «Медициналық қызметтер туралы және МӘМС-ке аударылған сомалар туралы ақпарат» мемлекеттік қызметі арқылы білуге болады.&nbsp;&nbsp;

Сақтандыру қоры өзекті сауалдарға жауап берді

<a href="https://kyzylorda-news.kz/">Kyzylorda-news.kz.</a> Аскаридоз – бұл гельминтоздар тобындағы нематодтар, яғни дөңгелек құрттар – аскаридтер тудыратын ауру. Аталған дерт адамның асқазан-ішек жолындағы жыныстық жетілген гельминттердің паразитизациясымен сипатталады, тыныс алу жолдарының зақымдалуымен және аллергиялық реакциялармен бірге жүреді. Аскаридтер барлық жерде кездеседі. Аурудың негізгі көзі – науқас адам, ол нәжіспен бірге сыртқы ортаға аскарид жұмыртқаларын шығарады, нәтижесінде қолайлы жағдайларда олар жетіліп, олардың ішінде жетілген құрттар пайда бола бастайды.&nbsp;2022 жылы &nbsp;Қызылорда облысында аскаридоздың 16 жағдайы анықталған. Оның ішінде 15 дерек 14 жасқа дейінгі балалар арасында тіркелген. Аскаридоздың барлық жағдайы зертханалық жолмен, капровоскопиялық әдіспен нақтыланған. Науқастармен байланыста болған 16 адамның барлығы медициналық бақылаумен қамтылған. Ағымдағы жыл басынан бері аскаридоздың 1 дерегі есепке алынды. Бұл туралы Қызылорда облыстық санитариялық-эпидемиологиялық бақылау департаменті хабарлады.Көп жағдайда аурудың негізгі себебі жеке бас гигиенасы қағидаларын бұзу болып табылады. Жуылмаған көкөністер мен жемістерді тұтынған кезде аскарид жұмыртқасы ағзаға енеді, одан құрттар жетіліп шығады, ол бүкіл денеге қан тамырлары арқылы таралады. Әрі қарай инфекцияның қайталама фазасы пайда болады және аскаридтердің ішек пен бүкіл денеде үздіксіз қозғалу циклі басталады.Аскаридоздың белгілері түшкіру, жөтел, терідегі бөртпелер, сондай-ақ мұрын мен тыныс жолдарының қышуы арқылы байқалуы мүмкін. Аскаридоздың асқынуларына ішектің бітелуі, перитонит, аппендицит, холангит, гепатит, механикалық сарғаю, панкреатит және іш қуысының абсцесі жатады. Аскаридоздың алдын алу, ең алдымен, жеке бас гигиенасының қарапайым қағидаларын сақтау болып табылады. Олар: тамақтанар алдында қолды сабындап жуу және жаңа піскен көкөністер мен жемістерді тұтынбас бұрын мұқият жуу.&nbsp;Департамент мәліметінше, Сырқаттанушылықты болдырмаудың маңызды бөлімі топырақты нәжіспен ластанудан қорғау үшін елді мекендерді санитариялық абаттандыру болып табылады. Ата-аналар балаларын үнемі көзден таса қылмай, &nbsp;қадағалап, аузына лас заттарды, топырақты, құмды және тағы басқа заттарды салуға жол бермеуі керек. Бұл сақтық шаралары қарапайым, дегенмен аурудың алдын алуда маңызды болып табылады. Оларды бұлжытпай орындау арқылы аскаридтердің ағзаға түсуінен қорғануға болады екен.

Қазақстан және Қызылорда облысының жаңалықтары: Денсаулық