<a href="https://kyzylorda-news.kz/">Kyzylorda-news.kz.</a> Әлеуметтік сақтандыру қорының Қызылорда облысы бойынша филиалына облыс тұрғындарынан сауалдар түсуде. Жиі кездесетін сұрақтарға филиалдың бас сарапшысы Айгүл Аханова жауап берді.Ресми түрде жұмыссыз, «Еңбек» мемлекеттік бағдарламасы аясында жеке ұйымдардың бірінде уақытша жұмыс істеймін. Жұмыс беруші мен үшін МӘМС аударымдары мен жарналарын төлеуі керек пе?«МӘМС туралы» Заңның 26-бабына сәйкес азаматтардың 15 жеңілдік санатына жұмыссыз ретінде тіркелген адамдар кіреді. Бірақ егер Сіз жұмысқа турып қызметкер болсаңыз, онда Заңның 14-бабына сәйкес жұмыс беруші Сіз үшін ай сайын МӘМС-ке аударымдар мен жарналарды төлеуге міндетті.2023 жылы жұмыс берушілердің жұмыскерлер үшін аударымдары 3% - ы құрайды, аударымдардың ең жоғары сомасы 21 000 теңгеден аспауы тиіс. Бұл 10 айлық есептік көрсеткішінің 3% - і болып саналады. Азаматтық-құқықтық сипаттағы шарт бойынша жұмыс істейтін қызметкерлер мен жеке тұлғалардың жарналары 2023 жылы табыстарының 2% құрайды. Жарнаның ең жоғары сомасы 14 000 теңгені құрайды. Бұл 10 айлық есептік көрсеткішінің 2% - і болып саналады.Егер жеке кәсіпкер жеңілдік санатына кіретін болса, МӘМС үшін ақы төлеу қажет пе?&nbsp;Жеке кәсіпкер өзі немесе оның жалдамалы қызметкерлері келесі санаттарда болған жағдайда жарналар мен аударымдарды төлемейді: балалар (18 жасқа дейінгі); зейнетақы төлемдерін алушылар, оның ішінде Ұлы Отан соғысының қатысушылары мен мүгедектері; «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы аналар; мүгедектер; орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар.Декреттік демалыстағы әйел жеке кәсіпкер болса, МӘМС үшін төлем жасауы керек пе?&nbsp;Егер әйел жеке кәсіпкер болса, онда ол өзі үшін 4 900 теңге мөлшерінде белгіленген жарнаны төлейді.Бұл санаттағы әйелдер жеңілдік санатына кәсіпкерлік немесе еңбек қызметін жүзеге асырмайтын, табысы жоқ кезде кіреді.&nbsp; Егер жеке кәсіпкер жұмыс жасамаса (кірісі болмаса), онда салық органдарында кәсіпкерлігін тоқтата тұру үшін тиісті рәсімдерді жүргізу қажет.Мен студентпін. МӘМС жарналары менен ұсталмауы үшін жұмыс берушіге қандай құжаттарды ұсыну қажет? Жұмыс берушіге оқудың әр айы үшін анықтама беру керек пе?Күндізгі бөлімде оқитын студенттер жеңілдік санатына кіреді және олар үшін МӘМС жарналарын мемлекет төлейді. Жұмыс берушіге оқу мерзімі көрсетілген және ай сайынғы растауды қажет етпейтін оқу орнынан анықтаманы беруіңіз тиіс.Егер сізде қосымша сұрақтар туындаған жағдайда, сіз емхананың анықтама қызметіне немесе өзіңізге ыңғайлы байланыс арнасы арқылы Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.&nbsp;

Студенттер, декреттік демалыстағы әйелдер міндетті медициналық сақтандыру үшін жарна төлеуі керек пе?

<a href="https://kyzylorda-news.kz/">Kyzylorda-news.kz.</a> 12 Мамыр – Халықаралық мейіргерлер күні. Сондықтан дәл осы күн – денсаулық сақтау саласының қызметкерлері үшін де, ел үшін де айтулы мереке. Өйткені адам өмірін аралашалап, дәрігерлерден кейін жауапкершіліктің жүгін арқалап, науқастарға ем беріп қана қоймай, жылы сөзімен дертке дауа таба білетін, кәсібіне адал, таңдаған мамандығын жақсы көретін медбикелердің орны қашан да жоғары. Жылдан жылға Шиелі ауданында да денсаулық сақтау саласының әл-ауқаты артып, білікті де білгір мамандардың қатары көбейіп келеді. Осындай білікті мамандардың бірі – Шиелі ауданаралық &nbsp;Көкшоқы ауылдық емханасының №18 аймақ мейіргері Нұржан Маматаев.«Денсаулықты ешқандай ақшаға айырбастай алмайсың» дейді халқымыз. Бірақ айырбастауға келмейтін Алланың аманатына адам баласы аса жауаптылықпен қарап, саулыққа сақ болуы қажет-ақ. Дерт дендеп, жанымызға батса, денсаулықтың қадіріне жететініміз белгілі. Сол үшін дәрігерлер мен медбикелердің орны сіз бен біз үшін қымбат. Мейірбике, медбике, мейіргер. Қалай атасақ та олар – науқасқа мейірімін төгуші болып қала береді. Мейірбике – емделушінің жағдайын бақылап, оны жақсартуға ғана ат салысып қоймай, өмір мен өлім арасындағы адамның аман қалуы үшін күреседі. Бір сөзбен айтқанда, бұл – өте жауапты қызмет. Ал мұндай жауапты істің жүгін арқалап жүрген Нұржан Сайдуллаұлы өз мамандығын сүйетін, жұмысына тиянақты мамандардың бірі.&nbsp;1999 жылы дүние дидарына келген ол жас болса да өз саласының қыр-сырын жетік меңгеріп үлгерген. Нұржан бала күнінен адам жанын емдеп, ақ халатты абзал жан болуды арман еткен. Бала күнгі арманына бір қадам жақындаған ол мектеп табалдырығын тәмамдаған соң 2015 жылы Қызылорда қаласындағы «Болашақ» медициналық коледжіне өзі қалаған «Фелдьшер» мамандығына оқуға түскен. Аталған оқу орнын 2019 жылы аяқтаған соң еңбек жолын Шиелі ауданаралық емханасынан бастаған. Алайда, сол жылы оған әскерден шақырту келіп, жас маман Отан алдындағы борышын өтеуге кетеді. Өз қызметін адал атқарған сарбаз әскерден келген соң Шиелі ауданаралық ауруханасының қабылдау бөліміне жұмысқа орналасқан. Қабылдау бөлімінде жүріп ол жұмыстың қызығы мен қиындығына қанық болып, өз саласы бойынша біраз тәжірибе жинады. Тәжірибесін шыңдаған маман бұдан әрі «Семізбай U» мекемесінің «Жедел-жәрдем» бөлімінде қызмет &nbsp;атқарып, біліктілігін арттырды. Ал 2022 жылдың маусым айынан бастап Нұржан Сайдуллаұлы Шиелі аудан-аралық «Көкшоқы» ауылдық емханасының №18 аймақ мейіргері қызметін атқарып келеді.&nbsp;Иә, Нұржан Мамтаевты ақ халатты абзал жан емес, ұжымның қадірлісі деуге болады. Себебі ол мейіргерлік істі мейірімділіктің бір белгісі деп біледі. Өз ісіне тиянақты, білгір маман осы уақытқа дейін аудандық, облыстық байқауларда да жүлделі орындарға ие болып үлгерген. Тіпті медицина саласында да бірқатар жетістіктерге жеткен. Сондықтан да болар, Нұржан Сайдуллаұлынан ем алған науқастар оған тек алғыс айтып, оны білгір маман ретінде таниды. Жұмыстың оңайы жоқ, әрине. Алайда, денсаулық сақтау саласында еңбек етіп жүрген ақ халатты абзал жандардың жұмысы тіпті оңай емес. Жауапкершілігімен қоса жүгі де ауыр. Ал осы жауапты қызметті абыроймен атқарып, адам саулығы үшін барын салып жүрген Нұржан секілді білікті мамандардың еңбегі ерен. Олар әрқашан құрмет пен мақтауға лайықты.&nbsp;

Өз саласының майталманы

<a href="https://kyzylorda-news.kz/">Kyzylorda-news.kz.</a>&nbsp;Туған жерден түлеп ұшқан перзенттермен сырдариялықтар қашанда мақтанатыны жасырын емес. Сан салада абыройлы еңбек етіп келе жатқан жерлестеріміз ел дамуына өзіндік үлестерін қосып келеді. Сырдариялық дәрігер Ербол Жұмабековтің есімі елгі белгілі. Ол Ақтөбе қаласындағы Марат Оспанов атындағы Батыс Қазақстан мемлекеттік медицина университетінің медицина орталығының дәрігері.– Ербол Баянәліұлы, алғашқы сауалымыз туып-өскен ауылыңыз жайлы болмақ. Сіз үшін туған өлке несімен қымбат?– Мен үшін туған жерім, туып өскен ауылым әркез ыстық көрінеді. Туған өлкенің әр тасы мен қыратынан артық ешнәрсе таба алмасымыз анық. Өзім қазіргі Сырдария ауданына қарасты Аманкелді ауылында дүниеге келген едім. Балалық шағымның қызықты сәттері әлі жадымда. Өзімнен үлкен ағаларымның жанынан бір елі қалмай өстім десем қателеспейін. Олармен бірге жүріп, көп қызықты оқиғаны бастан өткерген жайым бар. Сегіз жасқа толған кезімде ауыл шетіндегі диқандардың бақшасына қауын-қарбыз алу үшін жасырынып кіретінбіз. Заматында бақташы алдымыздан шыға келіп, қаша жөнелетін едік. Бір кезде алды-артыма қарамай жүгіріп келе жатып, аң аулауға арналған қақпанға түсіп қалғаным бар. Содан кейін абайлап жүретін болдық. Кейіннен қақпан құрылған жерлерді бағдарлап, бақташыға ұсталмай кететінбіз. Бәрі балалықпен жасалған істер ғой...Ауыл балаларымен әр мезгілде түрлі ойындарды ойнайтынғаныз есімде. Мысалы, қыста биіктен сырғанап, қас қарая шанамызды сүйретіп үйге келеміз. Ал, жаз бойы ауылдағы каналға суға түсеміз. Бет-ауызымыз жарылып, күннің аптап ыстығынан қап-қара болғанымызды байқамайтыныз тағы бар– Білімге құштарлықты ояту тағылымды ұстаздың ұлағатынан деп білеміз. Өзіңіз білім алған білім ұясы жайлы айта кетсеңіз?– Мен үш мектепте білім алдым. Ең алғаш 1993 жылы №35 Иса Тоқтыбаев атындағы орта мектебінің табалдырығын аттадым. Менің оқуға деген құштарлығымды оятып, білім нәрімен сусындатқан математика пәнінің мұғалімі Іңкәр Қордабаева болды. Ұстазым, ең алдымен, бақылау жұмысын менен алып, сыныптан шығарып жіберетін. Өйткені, сыныптастарыма көп көмектесетін едім.Кейіннен әкемнің қызмет бабымен Қызылорда қаласына көштік. Мұнда №135 Темірбек Жүргенов атындағы қазақ орта мектебінде 5 жыл оқыдым. Ал, 2003-2004 оқу жылын Аманкелді ауылындағы №42 Қуаныш Баймағанбетов атындағы мектеп-лицейден бітірдім. Біздің сынып жетекшіміз Талғат Жүсіпбеков болған еді. Ұстаздарымның тағылымды тәрбиесі мен саналы білімінің арқасында осыдан 16 жыл бұрын Ақтөбе қаласындағы Марат Оспанов атындағы Батыс Қазақстан мемлекеттік медицина университетінің емдеу ісі факультетіне оқуға түсе алдым.– Қазіргі таңда медицина саласында еңбек етіп келесіз. Мәртебелі мамандықты таңдау бала күнгі арманыңыз болар. Медицинаның күрделі саласы – хирург болудың басты қиыншылығы неде?– Қай кезде де адам өміріне араша түсетін дәрігер мамандығы үлкен жауапкершілікті талап етеді. Өйткені, дәрігер өмірде түрлі тосын оқиғаға тап келеді. Өзім қалаған мамандықтың қиындығын білсем де бала күннен ақ халатты абзал жан болуды арман еттім. Бірнеше жыл алған білімнің арқасында жемісті еңбек етіп келемін. Дәрігер жүйкесі мықты, барлық күйзеліске төзімді жан болуы керек. Ең бастысы хирург физикалық тұрғыдан мықты болып қалыптасуы қажет. Мен таңдаған мамандық өте күрделі. Ақтөбе қаласындағы Марат Оспанов атындағы Батыс Қазақстан мемлекеттік медицина университетінің медицина орталығында 2012 жылдан бастап дәрігер-хирург, онколог, маммолог мамандығы бойынша қызмет атқарудамын. Айта кету керек, хирург болып қалыптасуыма тәжірибелі ұстаздар Марат Күзденбаев пен Асылан Ерғалиев септігін тигізді. Екеуі де Қазақстанға аты белгілі, білікті хирургтар. Алдағы уақытта туған жерім Қызылорда қаласында қызмет ету ойда бар. Сонымен бірге, білімімді шыңдау үшін Оңтүстік Корея еліне тағылымдамадан өтуді мақсат етіп қойғанмын.Орталықта жұмыс істеп жүріп, талай науқастың өміріне араша түстік. Күні-түні ұйқысыз түндер өтеді. Қапелімде, ота бөлмесінде маңызды шешім қабылдайтын кездер болады. Сондықтан әрбір хирургтың өзінің физикалық жағдайы барлық талапқа сай болуы тиіс. Шұғыл ота барысында күтпеген тосын жайттерге тап боламыз. Сонда ең алдымен өзімізді төзімді болуға тәрбиелейміз.– Алғашқы отаға қатысқан кез есіңізде ме?– Ең алғаш отаға 2-курста қатыстым. Ота барысында менде қорқыныш сезімі болмапты. Негізінен, жасалатын оталарға іш қуысы, кеуде қуысы мүшелері кіреді. Аталмыш оталарды дәстүрлі, яғни дене мүшесін кесу және заманауи технологиялық әдіс эндовидеохирургиялык (лапароскопия және торокоскопия) тәсілдермен жасаймын. Негізінен хирургия саласының өзі бірнеше салаға, яғни, торокольды, тамыр, кордиохирургия тағы басқаға бөлінеді.– Медицина мамандығын таңдауға ниетті жастарға айтар ақылыңыз? Ең алдымен, хирургтың бойында қандай қасиет болу керек?– Медицина мамандығын таңдайтын жастарға айтарым, ең бірінші, адамның шын ниеті, ынтасы мен ықыласы керек. Көп жағдайда ата-анасының айтуымен мамандық таңдаған жастар қателікке ұрынады. Кейіннен күрделі мамандықтың қиындығынан оқуды тастап кетіп жатады. Мұндай келеңсіздік жастардың болашағына кері әсер етеді.Ал, хирургке адамгершілік, шыдамдылық, жүректілік. Дәрігер адамның тәнін ғана емес, жан дүниесін де емдеуі керек. Ота алдында әрбір науқаспен сұхбаттасып, келісімін алу өте маңызды. Науқастың бізге барынша сенім артуы жігер береді. Қарапайым адамның дәрігер-хирургтің жалпы хирургия, кардиохирургия, торакальды хирургия, тамыр хирургиясы секілді тағы да басқа мамандықтармен айналысатындығын білгені абзал.– Еліміз бойынша онкология саласындағы негізгі мәселелерге тоқталып өтсеңіз?– Онкологиялық аурулар бүгінде дүние жүзімен қатар, еліміз бойынша жүрек, қан-тамыр дертінен кейін көш бастап келеді. 2018-2022 жылдарға арналған онкологиялық аурулардың кешенді жоспарына сәйкес, дертті алдын-алу жұмыстары жүргізілуде. Науқастық белгілерді ерте анықтау «Скрининг» және емдеу әдістерінің жақсаруына байланысты дертті болған адамдардың өмір сүру ұзақтығы артуда.– Отбасыңызға тоқталып өтсеңіз?– Бүгінде ата-анам Қызылорда қаласында тұрады. Әкем Баянәлі Жұмабеков – Аманкелді ауылының тумасы. Ұзақ жылдар бойы ішкі істер саласында табанды еңбек ете білді. Құқық қорғау органдарында еңбегі еленіп, зейнет демалысына шыққан болатын. Анам Аяқбаян Ахметова талай жыл жедел-жәрдем саласында қызмет атқарды. Әлі есімде күн-түн демей, науқастардың жанынан табылатын. От-басында төрт ағайындымыз. Ағам Тұрар Жұмабеков Шиелі ауданы әкімі аппаратының құқықтық қамтамасыз ету бөлімінің басшысы. Інім Нұрбол Жұмабеков – Сырдария аудандық ауыл шаруашылығы және жер қатынастары бөлімінің басшысы. Ал, кенжеміз Нұржан Жұмабеков жеке секторда еңбек етуде.– Сіз перзенттеріңізге қандай әкесіз? Отбасы бюджетін үйде кім жоспарлайды? Өмірлік жарыңыз туралы айта кетсеңіз?– Өмірлік жарым Венара Тынышбайқызымен университет қабырғасында таныстық. Ол Ақтөбе облысына қарасты Қобда ауданынан. Біз 2011 жылы отбасын құрған болатынбыз. Шүкір, жанұяда екі ұл тәрбиелеп отырмыз. Жарым – гинекология саласын меңгерген дәрігер.&nbsp; Біз үлкен қалада жүріп, отбасы болып қалыптастық. Барлық ауыртпалықты көтере білдік. Келіншегім екеуміз ақ халатты абзал жан болғаннан кейін елдегі қиын кезеңді жақсы білеміз. Әрбір азаматтың дертті болып, қиналғанын түсінеміз. Үнемі отбасы бюджетін бірге жоспарлаймыз. Дегенмен, көбіне қаржыны өзім ұстаймын. Балаларымның анасы маған үнемі қолдау көрсетіп отырады. Бос уақытымды балаларыма арнаймын. Сонымен қатар, аптасына екі-үш рет жаттығу залына барып, дене шынықтыруды, бассейнге жүзуді әдетке айналдырғанмын. Ал, аптасына бір рет атқа шабу менің сүйікті хоббиім десем қателеспеймін.&nbsp;

Ербол Жұмабеков: Дәрігерлер еңбегі – ерлік

<a href="https://kyzylorda-news.kz/">Kyzylorda-news.kz.</a> Бағдаршамның «қызылына» кідірмейтін бірден-бір көлік – жедел-жәрдем қызметі. Себебі ол шыбын жанымыздың шығып кетпеуіне жауапты жандардың қызметі. Адам өмірі – басты байлық. Ал осы байлықты дер кезінде сақтап қалу ең бірінші жедел жәрдем қызметінің мамандарына жүктелген міндет. Сондықтан олардың жұмысы асқан жауапкершілікті талап етеді. Мереке қарсаңында тәулік бойы тыным таппайтын фельдшерлердің жұмысымен танысу бұйырды.Байсын ауылында тұратын Көпешбаевтар әулеті аудан халқына етене таныс. Әулетімен жауапкершілігі мол мамандықты атқарып жүрген жанұяға жұртшылықтың құрметі ерекше. Кейіпкеріміздің әкесі – Дүкенбай Көпешбаев саналы ғұмырын дәрігер мамандығына арнаған білікті маман иесі болған. Талай науқастардың сауығуына сеп бола білген. Қырық жылдан астам абыройлы да адал қызмет еткен. Бүгінде байсындық жамағат бұл кісінің шарапатын аңыз қылып айтып отырады.Гүлшара Көпешбаева – үйдің кенжесі. Әке жолын қуған ол мектеп қабырғасынан түлеп ұшқан соң, медицина саласын таңдап, 35 жыл осы салада абыройлы қызмет етіп жүр. Бүгінде аудандық жедел жәрдем стансасында фельдшер. Табан аудармастан еңбек етіп келе жатқан Гүлшара Дүкенбайқызы саланың жауапкершілік жүгінің қандай ауыр екенін жақсы сезінеді.&nbsp;<blockquote>«Қазақта «Еңбектенген жанның еңсесі биік» деген қанатты сөз бар. Міне, осы мәтел менің өмірлік ұстаныма айналған. Кішкентай кезімізден бастап әкем адал еңбек етуге, игілікті істерді атқаруға және қолдан келгенше мұқтаж жанға көмектесуге баулыды. Отбасында көрген тәлімді тәрбием өмірдегі жарқын жетістіктерді бағындыруыма жол ашты. Бала күнімнен медицина саласының маманы атануды армандадым. Қазір бұл арманым ақиқатқа айналып, фельдшер болып еңбек етіп жатырмын», – дейді ол.</blockquote>Иә, «Талабы биік тұғырға көтеріледі» деген бар емес пе?! Биік мақсаттарға жетуді көздеген кейіпкеріміз 1985 жылы №149 Қызыл ту орта мектебін тәмамдап, сол жылы Түркістан медициналық колледжіне оқу түседі. 1988 жылы аяқтап, туған жерге келіп, жедел-жәрдемде жұмыс істеуде.&nbsp;Кейіпкерімізбен тілдескенімізде жұмыс барысында кездескен келеңсіз оқиғалардың бірсыпырасын айтып берді.<blockquote>«Әсіресе, қыс түні қырауда шақырту үйге кіре алмай, есік қағып тұратын күндеріміз болған. Талай итке таланып, көліктің аяқ-асты бұзылып, жолда қалған кез де өтті. Осы 7-8 жыл бұрын болуы керек, жүкті әйелдерді қалаға тасымалдайтынбыз. Сол кезде қыста жол тайғақ болып, жол апатына түскен кезіміз болған», – дейді кейіпкеріміз.</blockquote>Бүгінде науқастарға жедел медициналық көмек көрсетіп жүрген Гүлшара Көпешбаеваның алар асуы мол. Оның күні бүгінге дейін жеткен жетістіктері мен алған алғыстары ауыз толтырып айтарлықтай.&nbsp;

Алғашқы көмек: Гүлшара Көпешбаева жауапкершілігі мол саланы тізгіндеген

Халыққа сапалы медициналық қызмет көрсету – басты міндет

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы COVID-19 пандемиясының статусын жойды.<blockquote>«Бір жылдан астам уақыт бойы пандемия төмендеу үрдісін сақтап келген: халықтың инфекцияларға қарсы иммунитеті артып, өлім-жітім азайып, денсаулық сақтау жүйесіне қысым азайып келеді. Бұл көптеген елдерге коронавирус инфекциясы басталғанға дейінгі өмірге қайта оралуға мүмкіндік берді, сондықтан мен пандемияның аяқталғанын жариялай алам деген үміттемін», - деді ДДСҰ бас директоры Тедрос Гебрейесус Женевада өткен баспасөз мәслихатында.</blockquote><a href="https://sputnik.kz/20230506/koronavirus-pandemiyasy-ayaqtaldy---dsu-34624574.html">sputnik.kz</a>

Коронавирус пандемиясы аяқталды - ДДСҰ

<a href="https://kyzylorda-news.kz/">Kyzylorda-news.kz.</a> Қызылорда көпбейінді облыстық балалар ауруханасы базасында алғаш рет 15 төсек орынға арналған «Лор» бөлімшесі ашылды.Ашылу салтанатында құттықтау лебізін білдірген облыстық денсаулық сақтау басқармасының басшысы Ысқақов Олжас Ермекұлы жаңа бөлімшенің лентасын қиып, бұл балалардың денсаулығын жақсарту бағытындағы игі шара екендігін атап, бүлдіршіндеріміздің деніне саулық, бөлімше жұмысына сәттілік тіледі.Сонымен бірге, өңір халқының денсаулығын жақсарту бағытында аянбай еңбек етіп жүрген барша балалар дәрігерлеріне алғысын білдіріп, алдағы уақытта да басқарма тарапынан балалар денсаулығын жақсартуға бағытталған шараларға қолдау білдеретінін айтты.Облыс бойынша соңғы 5 жылда 18 жасқа дейінгі лор патологиясымен науқас балалар жедел және жоспарлы хирургиясы құрамында 5 төсек орында ем қабылдап келеді. Осы жылдар аралығында ем қабылдаған бала саны 446 дан 707-ге (37%-ға) дейін өскен болатын. Жоспарлы емді күтуге орташа 2-3 айға еді. Соған сәйкес, бүгін уақытылы мамандандырылған көмекті ұйымдастыру және қолжетімділігін арттыру мақсатында аурухананың ішкі резерв есебінен 15 төсек орынға шақтап балалар «ЛОР» бөлімшесі ашылып отыр. Нәтижесінде жоспарлы емді күту парағы 10 күннен аспайды деп жоспарлануда. Оның ішінде 5 төсегі офтальмохирургиялық профильге арналған.Жыл басынан офтальмохирург маман жұмысқа қабылданып балаларға халазион бойынша, жаңа туған нәрестелерге зондирование жасалып жатыр. 4 ай көлемінде 38 бала стационарлы ем қабылдады, оның ішінде 29 балаға ота жасалды.Бала денсаулығын жақсарту – басты бағыттарымыздың бірі.

Қызылорда облыстық балалар ауруханасында «Лор» бөлімшесі ашылды

<a href="https://kyzylorda-news.kz/">Kyzylorda-news.kz.</a> Қазалы теміржол ауруханасы ғасырдан аса халыққа қалтқысыз қызмет етіп келе жатқан медициналық орталық. Мұнда білікті мамандар тұрғындардың денсаулығын түзеуде күн-түн дамылсыз тер төгеді. Ал осы ақ халаттылар жұмысы сапалы орындалуы үшін әрине соңы үлгідегі технологияны қолдану заман талабы. Бұл ретте Қазалы теміржол ауруханасына басшылық етіп отырған Құбыл Ршымбетовтың еткен еңбегі еселі. Талапшыл басшы соңғы жылдары бірқатар жаңа жабдыққа қол жеткізді. Мұнымен білікті басшы тоқтамақ емес. Ол жақында тағы ақжолтай жаңалығымен бөлісті. Жақында француз фирмасы «Echosens» патенттеген «Фиброскан» технологиясына қол жеткізді. Медициналық тілде айтқанда, ультрадыбыстық импульсті эластометрия деп те аталады.&nbsp;<blockquote>«Фиброскан – сандық көрсеткішті қамтиды. Бауыр фиброзы, қаттылығын анықтау арқылы бауыр тінін бақылайды. Артықшылығы – денеге енгізбей, ауыртпалықсыз және инвазивті емес зерттеу мүмкіндігіне ие. Заманауи аппарат арқылы бауыр фиброзын анықтауға септігін тигізеді. Яғни көптеген фактордың нәтижесі спирттік ішімдікке құмарлық, вирустық гепатит және тағы басқа да аурулар бауырдың созылмалы қиындықтарына әкеп соғады. Бұл зақымдалған бауыр жасушаларын алмастыратын тыртық тінінің пайда болуына әкеледі. Ол бауырдың құрылымын анатомиялық және функционалды түрде бұзады. Оның прогрессиясы циррозға әкелуі мүмкін», – дейді Қазалы теміржол ауруханасының бас гинекологы Индира Опабекова.&nbsp;</blockquote>Неліктен фиброскопия жасау керек? Оның қажеттілігі бар ма?&nbsp;<blockquote>«Дәрігер бауыр фиброзының ауырлығын бағалау үшін фиброскопия жасайды. Сараптама оның барысын бақылауға мүмкіндік береді. Бұны емделіп жатқан гепатиттің мониторингін жасауда, асқынуларын бақылау, цирроз, кейін асқынуларды анықтаңыз, бауыр трансплантациясы және бауыр ісіктерін сипаттайтын жағдайларда қолдануға болады. Бауыр фиброзын бағалауды да жасауға болатынын ескерген жөн. Бауыр биопсиясы (бауыр жасушаларын алу) немесе қан анализі арқылы, бірақ бұл зерттеулер фибросканнан айырмашылығы инвазивті түрде жасалады. Ал фибросканмен процедура ауыртпалықсыз және ультрадыбыспен салыстырылады», - деді Индира Ахметуллақызы.&nbsp;</blockquote><blockquote>«Фиброскопияэластометрия немесе эластография импульсті басқарылады. Ол бауырдағы соққы толқынының таралуын бағалау және оның серпімділігін өлшеу үшін қолданылатын әдіс. Толқын неғұрлым тез таралса, бауыр соғұрлым қатты болады, сондықтан фиброз соғұрлым үлкен болады. Ол үшін дәрігер оң қолын бастың артына қойып, жатып науқастың терісінің бетіндегі қабырға арасына зонд қояды. Зонд төмен жиілікті толқын шығарады. Бұл бауыр арқылы өтіп, зондқа толқын жібереді. Құрал бауырдың серпімділігін бағалау үшін осы жаңғырықтың жылдамдығы мен күшін есептейді. Зерттеу кезінде шамамен он жарамды өлшеу жүргізілуі керек», – дейді дәрігер.&nbsp;</blockquote>Дәрігердің айтуынша, фибросканнан зор нәтиже күтуге болады. Бұл құрылғымен тексеру 5-15 минутқа дейін созылады. Бауырдың серпімділігі килопаскальмен өлшенеді. Алынған мән 10 өлшеудің медианасына сәйкес келеді және фигура 2,5 пен 75 кПа аралығында тербеледі. Осылайша бауырдың зақымдануына байланысты серпімділік көрсеткіштері өзгереді. Бұл аралықта фиброз азды-көпті анықталады және әртүрлі кезеңдер сипатталады.&nbsp;Бұл аппарат бауырдың зақымдану деңгейін дұрыс бағалауға және ауруды болжауға, бауырдың созылмалы диффуздық ауруларының динамикасын, яғни гепатиттің өршуі мен оның циррозға ауысуын бақылауға мүмкіндік береді. Оған қоса бауырдағы онкологиялық ошақты анықтауда маңызы зор. Биыл мамыр айынан бастап зерттеу жүргізіледі. Аппаратқа түсу &nbsp;күнделікті түске дейінгі уақытта қабылдау болады.

Заманауи аппарат бауыр фиброзын анықтауға септігін тигізеді

<a href="https://kyzylorda-news.kz/">Kyzylorda-news.kz.</a> Жыл сайын 12 мамырда бүкіл әлемде Кәсіби мейірбике мейрамы аталып өтеді. Бұл күнді Мейірбике ісі қызметінің негізін қалаушылардың бірі – Флоренс Найтингейлдің туған күнін атап өту үшін 1974 жылы Халықаралық мейірбике ісі кеңесі таңдаған екен. Медбикелер – денсаулық сақтау қызметкерлерінің ең көп санаты. Өйткені медициналық тәжірибеде медициналық қызметтердің көп бөлігін тек медбикелер көрсетеді.Бүгінде Қазалы ауданы бойынша 770 мейірбике жұмыс істейді. Олардың әрбірі істеріне мығым, мамандықтарына адал десек болады. Дәрігер берген нұсқау бойынша емделушіге ем-дом жасайтын ақ халатты жандардың еңбегі зор. Мереке қарсаңында халықтың алғысын арқалап жүрген мейірбикелердің еңбек жолын кейінгі толқынға таныстыруды жөн санадық.&nbsp;Аудандық емхананың ЛОР кабинетінің мейіркеші Марал Саидтың медицина саласындағы еңбек өтілі отыз алты жыл. Ол Қызылорда медициналық училищесінде «Балаларға арналған емдеу-профилактикалық мекемелер медицина сестрасы» факультетінде оқыды. Жоғары санатты мейіркеш.Марал Оңалбайқызы алғаш жұмысты Байқоңыр қаласындағы 16476 әскери госпитальда «Тері аурулары бөлімінде» бастаған. 1988-1990 жылдары аудандық аурухананың қабылдау бөлімінде, 1990-1993 жылдары емханада аумақтық мейіркеш болды. 1993 жылдан қазіргі уақытқа дейін емханадағы ЛОР кабинетінде мейірбике.Ұзақ жылдық тәжірибесі бар маман бірнеше рет марапат төрінен көрінді. Ең алғашқысы майор Богандовтың «Алғыс» хаты. Бұдан кейін Қызылорда облыстық денсаулық сақтау басқармасының Қазалы ауданы бойынша өкілетті өкілі Қ.Азировтың «Құрмет» грамтосын, әр жылдары Қазалы ауданының әкімі Н.Шамұраовтың, М.Оразбаевтың «Алғыс» хатын алды. Қызылорда медициналық жоғары колледжінің 90 жылдық мерейтойына орай «Колледж мақтанышы» төсбелгісімен марапатталған.&nbsp;Әріптестері арасында сыйлы, ұжымда беделді Марал Оңалбайқызы отбасында да аяулы ана, асыл әже. Екі баласынан өрбіген немерелердің қызығын көріп отырған жайы бар. Келіні Ақмарал кіші мейіркеш қызметінде. Ал немересі Жанель болашақта медицина саласының маманы болуды мақсат еткен.&nbsp;<blockquote>«Аппақ халатты киіп, емделушілерге ем-дом жасауды бала күнімде көз алдыма елестетіп, қиялыма ерік беретінмін. Болашақ кәсібімді осылайша таңдап қойғанмын. Арманым алдамай, мақсатыма жеттім деуіме болады», – дейді кейіпкеріміз.</blockquote>Мейірбикелікті таңдаған жанның бірі – Масаты Мұрат. Ол Қожабахы ауылының тумасы. Орта мектепті бітірген соң, 1987-1988 жылдары ауылда өндіріске қалып, құрылыс бөлімінде сылақшы болып жұмыс істеген. 1988 жылы Жамбыл медицина училищесіне оқуға түсіп, 1990 жылы «Сестралық іс» мамандығы бойынша бітіріп шықты. Медицина саласындағы еңбек жолын 1990 -1993жылдары Жамбыл облысы, Қаратау қаласындағы балалар бөлімінде кезекші мейірбике болып бастайды. Әр жылдары Қазалы аудандық ауруханасының жұқпалы аурулар бөлімінде кезекші мейіркеш, Қожабахы ауылдық ауруханасында кезекші мейіркеш, Әйтеке би кентіндегі 216 мектепте мейіркеш, Қазалы аудандық ауруханасының жұқпалы аурулар бөлімінде аға мейіркеш болып жұмыстар атқарды. 2018 жылдан бастап Қазалы ауданаралық ауруханасында бас мейірбике қызметінде. Отбасында үш ұл, тәрбиелеп отырмынған ана.&nbsp;Жұмыс жасау барысында бірнеше мәрте облыстық денсаулық сақтау басқармасы басшысының Құрмет граматосымен, аудан әкімінің, ауданаралық аурухана басшысының Алғыс хаттарымен марапатталды.&nbsp;Масаты Сәрсенбайқызы 2019-2021 жылдар аралығында Қызылорда медициналық колледжіннен Мейіргер ісінің қолданбалы бакалавры мамандығы бойынша бітіріп шықты. Қазіргі уақытта Ақтөбе қаласындағы Батыс Қазақстан медицина университетінде академиялық бакалавр мамандығын оқып жатыр. Мейірбике қашанда білім алудың артығы жоғын айтады.&nbsp;<blockquote>«Әр адам, әр мамандық иесі өзін үнемі жетілдіріп отыруы тиіс. Соны ішінде медицина саласы кенжелеп қалуды көтермейді. Уақыт өткен сайын білгеніңнен білмегенің көбейеді. Сондықтан үнемі ізденіс үстінде болып, жаңашылдықтан құр қалмау керек», – дейді жоғары санатты мейірбике.&nbsp;</blockquote>Мейірімі мен жан жылуы, төзімділігі мен ісіне беріктігі арқылы науқастың кеселінен айығуына үлкен ықпал тигізетін жан – мейірбике. Медицина саласында ерліктердің көпшілігін мейірбикелер жасайды десек артық айтпаймыз. Мұндай жандар жанымызда жүргендігі көңілге жылу ұялатады. Мерейлі мерекеге орай, өз ісіне тиянақты, жылы сөзімен, ізгі лебізімен адам жанын жадырататын мамандық иесі – 249 мектеп-лицейдің мейірбикесі Бақыткүл Нысанбаева.&nbsp;Медицина саласын өмірімен байланыстырған Бақыткүл Сүлейменқызы ең алғашқы еңбек жолын Теміржол емханасында бастаған. Үлкен тәжірибе мен өмірлік сабақтар жинаған ол 2003 жылы 249 мектеп-лицейге мейірбике болып жұмысқа орналасады. Бүгінгі күнге дейін аталған мектепте қызмет етіп келеді.&nbsp;Аудандағы көлемі жағынан үлкен, іргелі мектепте жұмыс жасап жүрген Бақыткүл мейірбике өз ісінің хас шебері, нағыз мейірімді жан. Балалармен етене араласып, барынша қолдау білдіріп, қандай жағдай болмасын қол ұшын созуды өзінің міндеті санайды. Оқушыларға уақытда екпе жасау, ұстаздар мен оқушыларды медициналық тексеруден өткізу, мектептің санитарлық тазалығы мен балалардың күнделікті асхана мәзірін ұйымдастыруда мектеп мейіркешінің рөлі зор.&nbsp;Науқас жандарға ең бірінші қажеттілік – мейірімділік десек, мектептегі басы ауырып, өзін жайсыз сезінген оқушы ақ халат киген абзал жаннан алғашқылардың бірі болып жәрдем күтеді.&nbsp;Бүгінде еңбек пен отбасын қатар ұстап отырған Бақыткүл Сүлейменқызы 5 бала тәрбиелеп, олардан 7 немере сүйіп отырған абзал ана, асыл әже. Бақытын баладан тауып, еңбегін елге арнаған жан – мақтан етуге тұрарлық. &nbsp;

Қазалы: Мерейлі мамандық иелері 

<a href="https://kyzylorda-news.kz/">Kyzylorda-news.kz.</a> Бүгін 5-мамыр – халықаралық акушер-гинеколог дәрігерлердің күні. Ана мен бала денсаулығын қадағалап, әйел адамның саулығын арттыруда атқаратын еңбегі зор мамандық иелері үшін бұл күннің айтарлықтай маңызы бар. Жүктілікті жоспарлау, әйелдің босанғанға дейінгі ахуалы мен күтімі дәл осы абзал жандардың жауапкершілігіндегі шаруа. Акушер мамандардың жұмысы аса қажет.Олар тек медициналық манипуляцияларды жүргізуде ғана емес, сонымен қатар әйелдерді босануға дайындауда, нәрестенің дүниеге келуіне көмектесуде, алғашқы минуттардан бастап сәбиге күтім жасауда дәрігерлердің бірінші көмекшілері. Жүгі ауыр, жауапкершілігі жоғары мамандық иелерін бүгінгі кәсіби мереке қарсаңында биыл медицина саласында келе жатқанына отыз жеті жыл толып отырған әпкеміздің қуанышы мүлде басқада. Әпке деп отырғанымыз – Қармақшы ауданы, Алдашбай ахун ауылдық фельдшерлік-акушерлік пунктінің акушері Клара Есмаханова. &nbsp;Ол Ақжар ауылында 1966 жылы дүниеге келген. Әкесі Өсер ауылда қойма меңгерушісі болып істесе, анасы Мұңлыхан қолынан өнер тамған шебер болған екен. Екеуі де өмірінің соңына дейін перзенттерін адалдыққа, еңбекке баулып өткен. Отбасында тоғыз баланың бірі болып өмірге келген өрімтал қыз 1974 жылы ауыл мектебінің табалдырығын аттап, оны «жақсы» деген бағаға бітіріп шығады. Білім ордасынан түлеп ұшқан жылы Қызылордадағы медициналық училищесінің «Акушер» бөліміне оқуға түсіп, 1986 жылы қолына дипломын алады. Ол уақытта оқу бітірген жас мамандарды жұмыс істеуге ауылдық жерлерге жіберетін болған. Клара да туған жеріне келіп, ауылдастарына қызмет көрсетуді құп көріпті.&nbsp;<blockquote>«Сол кезде дәрігеріміз Үмітжан Сариева апай болды. Білікті маманнан &nbsp;жақсы тәрбие алып, тәжірибе жинадым. Еңбек жолымда ең бірінші мені әйел-аналармен жұмыс жасауыма бағыт-бағдар берген де осы апайым болатын. 1986 жылдан бастап осы кезге дейін акушер болып жұмыс істеп келемін. Акушерлік – бұл қиын да жауапкершілікті қызмет. Бірақ қандай күрделі болса өзің қалаған мамандық болғасын ыстық-суығына төзуіңе тура келеді. Бұл жерде жүкті аналардың аман-сау тікенегін сыртына шығарып, сәбиін қолына алуына біздің еңбегіміз зор болуы керек. Олардың ауырмай-сырқамай дүниеге дені сау бала әкелуіне көп еңбек істеп, одан кейін де бақылауымызға алып отырамыз. Осы қырық жылға жуық өтілімде елдің алғысын алып жатсам, онда мені үнемі қолдап отыратын аудандағы акушер-гинекологтардың да үлесі мол. Аналармен тығыз қарым-қатынаста жұмыс істеп, ризашылығына бөленген болсам, онда да кез-келген уақытта маған көмек қолын созатын осы аялы алақанды әріптестерімнің арқасы. Нина Давыдова, Күнзира Анықова, Сәуле Жексенбаева, Қалыгүл Бәлібаева, Алтынкүл Төлепбергенова, Раяш Құрманбаева және басқа да білікті дәрігерлердің табандылығымен кәсіби білігімді &nbsp;ұштадым. Үйретері көп сала мамандарынан үйренгенім де аз болмады. Бұл апайларыма айтар алғысым шексіз. &nbsp;Жасыратыны жоқ, ауылда жұмыс істеу алғашқыда өте ауыр болды. Себебі, жедел жәрдем көлігі болмады. Ел арасы қашық. Аяғы ауыр әйелдерді кеңшардың үлкен жүк көліктерімен орталыққа жеткізетін едік. Бір айтарлығы, сол кезеңде үйінде ата-енесі, жас балалары бар екіқабат келіншектер үй-жайын тастап ешқайсысы перзентханаға алдын ала бармайтын. Қазір шүкір, әрбір елді мекенде жедел жәрдем көлігі зулап тұр. Заманның жақсылығын осыдан да көруге болатын шығар»,– дейді көпбалалы ана. &nbsp;&nbsp;</blockquote>К.Өсерқызы 1986 жылдан бастап 1994 жылға дейін Ақжар ауылдық ауруханасының акушері болса, 1994 жылы тұрмыс құрып, қазірге дейін Тұрмағамбет ауылдық ауруханасында қызмет істеп келді. Осы жылдың сәуірінен бастап ол жұмысын Алдашбай ахун ауылында жалғастыруда.&nbsp;Маманның қызметіне – ауыл аналарының жылда скринингтік тексеруден өтуін қадағалау кіреді. Оның ішінде, қатерлі жатыр-мойын, емшек безі ісігінің алдын алуға септігін тигізеді. Мұндай науқаспен ерте анықталған жағдайлар болып жаста, нәзік жандардың дерті асқанбай тұрып ем қабылдауына көмектеседі. &nbsp;Әр уақыттың өзіне тән ерекшелігі болады. Қазір ғой, медицинаның көші ілгерілегені. Ертеректе жүкті әйелдер көбіне үйде босынып қалатын. Ондай сәттер кейіпкеріміздің еңбек жолында да аз болмағанға ұқсайды. Оның бір дәлелі – акушердің құрметіне есімі қойылған қыздардың алды бүгінде еңбекке араласқан.&nbsp;– Ақжарда менің құрметіме қызының атын атаған отбасы бар. КлараТемірбекқызы деген қызым қазір отбасылы, өзі мектепте жұмыс істейді. Ал Тұрмағамбетте Клара Мейрамбекова деген де тағы бір қызым &nbsp;бар. Ол – студент. Осыдан артық маған қандай марапат керек. Осылай елдің алғысын алып жүрмін. Мерекеде менімен бірге осы кезге дейін бірге жұмыс істеген ауданның барлық акушеріне, перзентхана қызметкерлеріне еңбектеріне табыс тілеймін. Әрқашанда отбасылары аман, денсаулықтары зор болсын, – дейді ол. &nbsp; &nbsp;&nbsp;Ардақты ана жанұясында адал жар, ұл-қыздарының панасы. Жан жары Қанапия Оспанов көлік жүргізушісі қызметін атқарады. Берекелі отбасында төрт бала тәрбиеленіп отыр. Оразбек – Алдашбай ахун ауылдық мектебінде психолог-педагог болса, Айсара ана жолымен – акушер мамандығын таңдаған. Өскемендегі көпбейінді &nbsp;ауруханасында &nbsp;жұмыс істеуде. Ринат – ветеринария саласы бойынша мамандық алған. Ауылда еңбек етеді. Жанұяның кенжесі Мейіржан – медициналық стоматологиялық оқу орнының І курс студенті.

Клара Есмаханова: Ауылдастарыма қызмет көрсетуді құп көрдім

<a href="https://kyzylorda-news.kz/">Kyzylorda-news.kz.</a> Қызылорда облысында биылғы жылдың 3 ай қорытындысымен 5 мыңға жуық нәресте дүние келді. Бұл сәбилердің 95,3 пайызына алғашқы вирусты гепатит В ауруына қарсы екпе егілді. Бұл жөнінде Өңірлік коммуникациялар қызметінде өткен брифингте Қызылорда облыстық денсаулық сақтау басқармасы басшысының ана мен бала денсаулығын қорғау жөніндегі орынбасары Мая Мирзанова хабарлады.&nbsp;<blockquote>«Жалпы облысымызда туу жасындағы 177 мыңнан астам әйел және 320 мыңға жуық бала тұрады. Нәзік жандылар мен балаларға медициналық көмек көрсету үшін аймағымызда 26 медициналық-санитариялық алғашқы көмек көрсету нысаны, 8 перзентхана, сондай-ақ облыстық перинаталды орталық пен көпбейінді облыстық балалар ауруханасы жұмыс атқарады. Қазіргі таңда босандыру ұйымдарының медициналық жабдықтармен қамтылуы – 84 пайызды құраса, балалар стационарларының медициналық құралдармен жабдықталуы – 82 пайыз. Бұл көрсеткішті одан әрі жоғарылату мақсатында «Әр азаматқа сапалы және қолжетімді денсаулық сақтау», «Дені сау ұлт» ұлттық жобасы шеңберінде арнайы қаржы бөлініп, медициналық ұйымдардың толық құрал-жабдықтармен қамтамасыз ету жоспарлануда. Бұдан бөлек, облыс көлемінде босандыру ұйымдарында барлығы 101 акушер-гинеколог жұмыс істейді. Олардың 53 пайызы оперативті техниканы меңгерген мамандар», - деді басқарма басшысының орынбасары Мая Мирзанова.&nbsp;</blockquote>Сондай-ақ, басқармасы басшысының ана мен бала денсаулығын қорғау жөніндегі орынбасары&nbsp;биыл «Аңсаған сәби» арнаулы бағдарламасына 274 квота берілгенін, оның бүгінгі күнге дейін 137-і игерілгенін айтты.

«Аңсаған сәби»: Қызылордаға 274 квота берілген

<a href="https://kyzylorda-news.kz/">Kyzylorda-news.kz.</a>&nbsp;Елімізде көптеген адамдар науқастығына байланысты тегін дәрі-дәрмекпен қамтылады. Яғни мемлекет тарапынан белгіленген санат бойынша кейбір азаматтар тегін медициналық көмек алып, дәрілік заттармен қамтамасыз етіледі. Шалдыққан дерті, нақты диагнозы бойынша дәрілерді тегін немесе жеңілдікпен алуына мүмкіндігі бар. Негізінен мемлекет тарапынан бөлінетін тегін дәрі-дәрмек диспансерлік есепте тұратын науқастарға берілуі тиіс.Аудандық емханадан, амбулаториялық деңгейде тегін медициналық көмектің кепілдендірілген көлемі шеңберінде 54 ауру қарастырылған. Ал міндетті әлеуметтік медициналық сақтандыру жүйесі бойынша 127 ауру түрі тегін дәрі-дәрмекпен қамтамасыз етіледі.Түсінікті болуы үшін, тарқатып айтатын болсақ, жүректің ишемиялық ауруы, артериялық гипертензия, созылмалы жүрек жеткіліксіздігі, артимия, бронх демікпесі, Covid-19 короновирустық инфекциясы, созылмалы вирустық С, В гепатиті, асқазан және 12 елі ішектің ойық жарасы, аутоиммунды аурулар және иммун тапшылығы жағдайлары байланысты қажетті дәрі-дәрмек тегін беріледі. Сонымен қатар жедел лимфобластикалық лейкимия, созылмалы миелоидты лейкемия, қант диабеті, муковисцидоз, ревматоидты ар¬трит, жүйелі қызыл жегі, жүйелі склероз, шашыранды скле¬роз, церебральды сал ауруы, эпилепсия, туберкулез, онкологиялық аурулар, туа біткен жалпыланған Берар-динелли-Сейптің липодистрофиясы, омыртқаның бұлшықет атрофиясы, нейробластома және т.б. шалдыққан науқастар қажетті дәрі-дәрмекпен қамтылуы тиіс.Сонымен қатар ағзалар мен тіндерді ауыстыру операциясынан кейін несеп-жыныс жолдарында кездесетін аурулар алады. Қант диабетімен ауыратын науқастарға қосымша медициналық мақсаттағы бұйымдар: қалам-шприцке арналған инелер, нәжістегі кетондық денелерге арналған тест жолақшалар, инсулинге арналған таңбаланған бір реттік шприцтер, қандағы глюкоза мөлшерін анықтайтын тест жолақтары тегін беріледі.Тегін дәріні алуы үшін науқас ең алдымен өзінің учаскелік дәрігеріне жүгінуі қажет. Дәрігер науқасқа оның медициналық көрсеткіштері және қажеттілік болған жағдайда дәрі-дәрмекке рецепт жазып береді.<blockquote>– Белгілі бір ауруға шалдығуына байланысты диспансерлік есепте тұратын азаматтар тегін дәрі-дәрмекпен қамтамасыз етіледі. Ең алдымен, науқас емханаға тіркелу керек. Содан соң зертханалық және тиісті тексерулерден өткеннен кейін, диагнозы расталған соң диспансерлік есепке алынады. Науқасты емдейтін аймақтық дәрігер науқасқа тағайындалған дәрілік затқа рецепт береді. Рецепт арқылы, науқас жеке басын куәландыратын құжатын көрсетіп, емханада тегін дәрілік заттар босататын дәріханадан алып, қамтамасыз етіледі. Айта кету керек, амбулаторлық деңгейде қамтамасыз етуге берілетін тегін дәрілер халықаралық патенттелмеген атаулармен сатып алынады. Мысалы, халықаралық патенттелмеген атауы – ацетилсалицил қышқылы болса, тауарлық атаулары – тромбопол немесе астромбин, – дейді Сырдария аудандық аурухана бас дәрігерінің бастапқы медициналық санитариялық көмек жөніндегі орынбасары Жанар Жұмабаева.</blockquote>Аудандық аурухананың дәріхана меңгерушісі, провизор Бақыт Шакирова-ның айтуынша жыл сайын үшінші тоқсанда аудан науқастарын уақытылы дәрілік заттармен қамтамасыз ету мақсатында дәрілік заттарға алдын ала өтінімдер жиналады. Жауапты дәрігерлермен науқастардың жекелеген аурулары және жай-күйлері бойынша бір жылға әзірленген науқастардың дәрілік заттарына қажеттілік көлемдері бірыңғай дистрибьютор «СК-Фармация» ЖШС-нің ЕФИС порталына салынады. Мәселен ауданға 2022 жылға 272 миллион 977 мың теңге көлемінде лимит берілген. Осы қаржы көлеміне сәйкес бірыңғай дистрибьютор «СК Фармация» ЖШС-на тапсырыс берілген. Қазір өте тиімді бірыңғай дистрибьютордың ЕФИС деп аталатын бағдарлама арқылы жұмыс жүргізіледі. Дәрілер ай сайын кестеге сәйкес жеткізіледі. Келген дәрілер уақытылы қабылданады, ол арнайы емхана жанындағы дәріханадан босатылады. Аудандық емхананың кіреберісінен бастап арнайы бағдарлы белгімен дәріханаға баратын жол көрсетілген. Сол арқылы науқас дәріхананы жылдам тауып бара алады. Емхана ғимаратының бірінші қабатында халыққа көрінетін жерде тегін босатылатын дәрілік заттардың тізімі ілінген. Қаңтар айынан бастап емхана дәріханасына нақты сатып алынған дәрілер жеткізіліп, науқастар дәрілерімен қамтамасыз етіле бастады.«СК Фармацияның» бағдарламасына сәйкес жаңадан тіркелген науқастар-дың ауру түрлеріне байланысты науқастарға дәрілер қажет болған жағ-дайларда, науқастардың жаңадан тіркелгендігі туралы мәліметтер, дәрі-герлік тағайындаулары облыстық денсаулық сақтау басқармасы және мін-детті әлеуметтік медициналық сақтандыру қорына жолданады. Қосымша өтінімдерге келісім алысымен, тез арада дәрілік заттарға тапсырыстар порталға енгізіліп, көп ұзамай дәрілер жеткізіліп, науқастар уақытында қамтамасыз етіледі.Айта кету керек, ауруды емдеу және диагностиканың клиникалық хаттамаларына сәйкес, науқас медициналық қызметті жедел жәрдемнен, тәулікті және күндізгі стационардан алған жағдайда да дәрі-дәрмек тегін беріледі.

Қазақстан және Қызылорда облысының жаңалықтары: Денсаулық