Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен денсаулық сақтау саласының өзекті мәселелері талқыланған арнайы мәжілістен соң өңіріміздегі медициналық мекемелерде кадрлық өзгерістер, бас дәрігерлер арасында ауыс-түйіс жоспарлануда.Нұрлыбек Машбекұлы облыстық денсау басқармасының басшысы Олжас Искаковқа ұзақ жылдар бойы бір орында отырған бас дәрігерлердің қызметтегі тиімділігін бағалау қажеттігін ескертті.<blockquote>«Олжас Ермекұлы, сіз осы қызметке келген кезде бірінші берген тапсырмаларымның бірі бес жылдан аса бір орында отырған бас дәрігерлердің орнын ауыстыру, салаға жұмысының тамырына қан жүгірту еді. Бұл тәжірибе білім беру саласында жүргізіліп, оң нәтижесін беруде. Ал, денсаулық сақтау саласында бір мекемеге 20 жылға дейін басшылық жасағандар бар. Бұл жағдай ұжымның ішкі ахуалына, медициналық қызмет сапасының және көрсеткіштердің төмендеуіне әсер етеді. Саланың жұмысын жүйелендіру қажет. Тәжірибесі бар, білікті мамандарды жұмысын жандандыруды қажет ететін мекемелерге жіберу керек. Тұралап қалған емдеу мекемелерінің жұмысын жүйелеуге атсалыссын», – деді аймақ басшысы.</blockquote>Облыстық &nbsp;денсаулық &nbsp;сақтау &nbsp;басқармасы &nbsp;басшысының &nbsp;бұйрығымен, &nbsp;қазан айынан бастап, конкурстық &nbsp;рәсім &nbsp;аяқталғанға &nbsp;дейін:– Көпбейінді облыстық ауруханасы бас дәрігерінің міндетін атқару Жасұлан Болатбекұлы Баймахановқа;– Көпбейінді Қызылорда қалалық ауруханасы бас дәрігерінің &nbsp;міндетін атқару &nbsp;Нұриддин Егембердіұлы Амитовке;– Облыстық фтизиопульмонология орталығы бас дәрігерінің міндетін атқару &nbsp; Нұрлан Әмірге;– Облыстық жедел жәрдем стансасы бас дәрігерінің міндетін атқару Бауыржан Төлегенге;– Қызылорда &nbsp;қалалық &nbsp;№4 емханасы бас дәрігерінің міндетін атқару &nbsp; Алмат Дәденұлы Құрманғалиға;– Шиелі &nbsp;аудандық көпбейінді &nbsp;орталық &nbsp; ауруханасы &nbsp;бас дәрігерінің міндетін атқару Алмас Әбдіғаппарұлы Әбілпаттаға; – Облыстық оңалту орталығы бас дәрігерінің міндетін атқару Темірбек Садықбекұлы Үсеновке;– Облыстық паталого-анатомиялық бюросы бас дәрігерінің міндетін атқару Елдос Ерболатұлына жүктелді. &nbsp;

Медициналық мекемелерде ротация жүргізілмек

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен денсаулық сақтау саласының өзекті мәселелері талқыланған арнайы мәжіліс өтті. Жиынға Қазақстан Республикасы Денсаулық сақтау министрлігі аумақтық департаменттерінің басшылары, облыстық денсаулық сақтау басқармасының қызметкерлері, медицина ұйымдарының бас дәрігерлері және сала ардагерлері қатысты.Аймақ басшысы өңірдің медицина саласындағы оң көрсеткіштерді де, кемшіліктерді де атап көрсетті.<blockquote>«Өздеріңізге белгілі, былтыр дүниежүзін дүр сілкіндірген пандемиядан кейін медицина ұйымдары қалыпты жұмыс ырғағына көшті. Жүргізіліп жатқан жүйелі жұмыстың нәтижесі, денсаулық сақтау саласындағы көрсеткіштердің оң динамикасы байқалады. Жалпы өлім-жітім көрсеткіші өткен жылмен салыстырғанда 8%-ға, ана өлімі 47,7, сәби өлімі 37,7, туберкулезден аурушаңдық көрсеткіші 7, өлім-жітім көрсеткіші 14,2%-ға төмендеген.Дегенмен, жүрек-қантамыр ауруларынан болатын өлім-жітім көрсеткіші өткен жылдың осы кезеңімен салыстырғанда 6,3%-ға, қатерлі ісіктерден болатын аурушаңдық көрсеткіші 7,6, қатерлі ісіктерден болатын өлім-жітім 14,1%-ға өскен. Әлеуметтік желілерде денсаулық сақтау саласына қатысты шағымдар шамадан тыс көп екенін атап өткім келеді. Менің жеке қабылдауыма келген азаматтар да денсаулық сақтау ұйымдары басшыларына, медицина қызметкерлеріне қатысты шағым айтады. Бұл дертіне шипа сұрап барған тұрғындардың жағдайына немқұрайлы қараудан, кейбір жағдайларда қолда бар мүмкіншіліктерді пайдаланбай, салғырттық танытудан туындауда», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/378369782_616607333993848_4664033446732254329_n_51c209eb2d.jpg" alt="378369782_616607333993848_4664033446732254329_n.jpg"></figure>Аймақ басшысы кейбір ұйымдардың өз мүмкіндігі бола тұра, медициналық қызмет түрлерін басқа бірлескен орындаушыларға (соисполнитель) негізсіз жолдағанын қатаң сынға алды. Бұл онсыз да қаржылық қиын жағдайдағы ұйымдардың кредиторлық қарызын одан сайын арттырады.Мониторинг кезінде анықталғандай, №3 қалалық емхана өзінде УЗИ дәрігері, УЗИ аппараты бола тұра зерттеулердің 20%-ын, лаборант қызметкерлері бола тұра лабораториялық қызметтің 46%-ын бірлескен орындаушыларға жолдаған.Бұдан кейін халыққа көрсетілетін медициналық көмек сапасы мен қолжетімділігі туралы қандай сөз айтуға болады?Облыс әкімі басқарма басшысына өз мүмкіншілігін пайдаланбай, жеке медицина ұйымдарына жіберу деректеріне мониторингті әрі қарай жалғастыруды, анықталған жағдайларды құзырлы органдар тексеруіне беруді тапсырды.Жалпы соңғы кезде Әлеуметтік медициналық сақтандыру қорының жұмысына көп сын айтылуда. Жыл сайын мемлекеттік тапсырыс алатын жеке ұйымдардың саны көбеюде, бұл бөлінген қаржының ұсақталуына алып келеді.Бұдан бөлек, өңірлер арасында салыстырмалы түрде алғанда Қызылорда облысында «Әлеуметтік медициналық сақтандыру қоры» КЕАҚ Қызылорда облыстық филиалы жүргізетін мониторинг нәтижесімен қысқартылатын қаражат көлемі де көп. Мәселен өткен жылмен салыстырғанда республикалық көрсеткіш 22,9 пайызға азайған болса, біздің облыста керісінше 31,8 пайызға артқан. Жеке медициналық ұйымдардың қызмет сапасы мен санитарлық талаптарға сәйкестігі санитарлық-эпидемиологиялық, медициналық және фармацевтикалық бақылау департаменттері тарапынан қадағаланбайды. Қалада тұрғын үйге арналып салынған коттедждерді жеке медицина ұйым етіп ашып алғандар көбейді. Ғимараттардың санитарлық нормаға сәйкестігіне, лицензия берудегі заңдылықтардың сақталуына қатысты да сұрақтар жетерлік.Облыстық денсаулық сақтау басқармасының басшысы Олжас Искаков 2022 жылы және 2023 жылдың 8 айында атқарған жұмыстары және алдағы міндеттері туралы баяндама жасады. ҚР Адам құқықтары жөніндегі уәкілдің Қызылорда облысы бойынша өкілі Даурен Шарипбаев денсаулық сақтау басқармасына қарасты мекемелерде анықталған кемшіліктерді айтып өтті.Жиында алғашқы медициналық-санитариялық көмек саласын жаңғырту, тегін медициналық көмектің кепілдік берілген көлемі және міндетті әлеуметтік-медициналық сақтандыру жүйесін жетілдіру мәселелері қаралды. Денсаулық сақтау мекемелеріндегі кадрлық және қаржылық мәселелер, «Ауылдық денсаулық сақтауды жаңғырту» ұлттық жобасы аясында ауруханалар мен медициналық бекеттердің құрылысын салудағы түйіткілдер де назардан тыс қалмады.Мәжіліс соңында облыстық мәслихат төрағасы Наурызбай Байқадамов, Денсаулық сақтау ісінің үздігі, сала ардагері Асылбек Тоғызбаев сөз сөйлеп, аталған мәселелер бойынша пікірін бөлісті.Жиын қорытындысымен облыс әкімі жауапты басшыларға ҚР Үкіметі анықтаған негізгі бағыттарға, мемлекеттік бағдарламалар мен ұлттық жобалардың негізгі көрсеткіштеріне қол жеткізудегі жұмысты жандандыруды, қаржыны тиімді пайдалануды, ресурстарды үнемдеуді тапсырды. Мұнан бөлек, аурудың алдын алу және салауатты өмір салтын қалыптастыруды кең көлемде насихаттау жұмыстарын үйлестіру, медицина ұйымдарында енгізілген Байқау кеңестерінің, корпоративті басқару жүйесінің жұмысын ашық, нәтижелі жүргізу және кадрлар біліктілігін үздіксіз жетілдіру, креативті, білікті жастар резервін даярлау бойынша міндет қойылды.<figure class="image"><img src="https://knadmin.beoblood.kz/uploads/378380961_616607163993865_5966404958028692104_n_a90e4e3e7a.jpg" alt="378380961_616607163993865_5966404958028692104_n.jpg"></figure>&nbsp;<figure class="image"><img src="https://knadmin.beoblood.kz/uploads/382998939_616607070660541_3022281216039193270_n_e1de56bcf6.jpg" alt="382998939_616607070660541_3022281216039193270_n.jpg"></figure>&nbsp;<figure class="image"><img src="https://knadmin.beoblood.kz/uploads/384196118_616606937327221_3191302318705339884_n_b510090a65.jpg" alt="384196118_616606937327221_3191302318705339884_n.jpg"></figure>&nbsp;&nbsp;

Денсаулық сақтау саласының өзекті мәселелері қаралды

<a href="https://kyzylorda-news.kz/">Kyzylorda-news.kz.</a> «Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсететін денсаулық сақтау субъектілерінің есепке алуды жүргізу&nbsp;қағидаларын бекіту туралы» ҚР Денсаулық сақтау министрінің 2020 жылғы 6 қарашадағы №ҚР ДСМ-186/2020 бұйрығына бірқатар <a href="https://adilet.zan.kz/kaz/docs/V2300033307">өзгерістер</a> енгізілді.Мақсаты - медициналық көмектің қолжетімділігін арттыру, медициналық көмектің нарығын дамыту&nbsp;және медициналық&nbsp;қызметтердіжеткізушілерді&nbsp;бәсекелестікке ынталандыру. Бұл туралы&nbsp;аймақтың медициналық ұйымдарымен zoom-конференция барысында&nbsp;Әлеуметтік медициналық сақтандыру қорының (бұдан әрі – Қор) Қызылорда облысы бойынша филиалының директоры Бақыт Исмаханбетов&nbsp;хабарлады.Бақыт Торғайбайұлы елімізде медициналық қызметтердің сапасын арттыруға, медициналық ұйымдардың қызметін бағалауға, пациенттердің сенім деңгейін арттыруға бағытталған реформалар белсенді түрде енгізіліп жатқанын атап өтті. Денсаулық сақтау жүйесінде жаңа бағыттарды іске асыру медициналық ұйымдардың өз жұмысын жақсартуға дайындығына және бәсекеге қабілеттілігіне байланысты.Денсаулық сақтау субъектілерін есепке алуды жүргізу қағидаларындағы негізгі өзгерістер туралы Қор филиалының медициналық көмекті сатып алу және ақы төлеу бөлімінің басшысы Асқар Рахышов хабарлады.Спикердің айтуынша, денсаулық сақтау субъектісі Денсаулық сақтау субъектілерінен көрсетілетін қызметтерді сатып алу веб-порталында өтінім берген кезде әлеуметтік медициналық сақтандыру қоры үш жұмыс күні ішінде медициналық қызметке лицензиясы болған, банкроттық немесе тарату рәсіміне қатысы жоқ және Қызметті тоқтата тұруға байланысты шектеулер болмаған кезде немесе қызметтерді сатып алу шарты болған жағдайда денсаулық сақтау субъектісін өнім берушілер тізіліміне қосады.Бұдан әрі Асқар Рахышов денсаулық сақтау басқармасы бұйрыққа сәйкес жыл сайын ағымдағы жылдың 1 қазанына дейін Денсаулық сақтау субъектілерінің ТМККК шеңберінде және (немесе) МӘМС жүйесінде стационарлық және (немесе) стационарды алмастыратын жағдайларда төсек бейіндері бөлінісінде төсек қорын анықтау туралы бұйрық шығаратынын атап өтті. Осы бұйрық Қорға және «С.Қайырбекова атындағы денсаулық сақтауды дамытудың Ұлттық ғылыми орталығы» ШЖҚ РМК филиалдарына жіберіледі және Қор мен денсаулық сақтау басқармасының интернет-ресурстарына орналастырылады.Бұдан басқа, денсаулық сақтау басқармасы жыл сайын 1-15 қазан аралығында деректер базасына енгізілген денсаулық сақтау субъектілері бойынша мониторингті жүзеге асырады.Қызылорда облысында 200-ге жуық медициналық ұйым медициналық қызмет көрсетеді. Әлеуметтік медициналық сақтандыру қорының филиалымен 112 медициналық ұйым шарт жасасты, оның 81 – і (72,3%) - жеке.&nbsp;

Денсаулық сақтау субъектілерін есепке алуды жүргізу қағидаларына өзгерістер енгізілді

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен Үкімет отырысында алғашқы медициналық-санитарлық көмектің қолжетімділігін жақсарту, белгіленбеген орындарға төгілген қоқыстарды жою мәселелері қаралды.Үкімет басшысы халыққа алғашқы медициналық санитариялық көмек көрсетудің қолжетімділігін жақсарту, тегін медициналық көмектің кепілдік берілген көлемі мен міндетті әлеуметтік медициналық сақтандыру жүйесіне қатысты жұмыстарды тиімді ұйымдастыру туралы айтты. Қоршаған орта тазалығын сақтау, оның ішінде белгіленбеген орындардағы қоқыстарды жою мәселесі көтерілді.Үкімет отырысынан кейін облыс әкімдігінде арнайы мәжіліс өтіп, аталған мәселелер талқыланды.Мәжілісте жергілікті тұрғындар қоқыстарын арнайы белгіленген жерге жеткізбей, қоршаған ортаны ластауға себепкер болғаны атап өтілді. Қала және аудан әкімдіктері де қоқыстарды жинақтау, тасымалдау инфрақұрылымын өз деңгейінде қалыптастырмаған.Күн тәртібіндегі мәселелер бойынша Қызылорда қаласы мен аудан әкімдеріне облыстық табиғи ресурстар және табиғат пайдалануды реттеу басқармасымен, облыстық санитариялық-эпидемиологиялық бақылау экология департаментімен бірлесіп, экологиялық және санитарлық талаптарға сәйкес келмейтін қалдық полигондарын қалпына келтіру тапсырылды.Мемлекеттік-жекеменшік әріптестік мүмкіндігін қарастыру, алдағы уақытта белгіленбеген қоқыс орындарын болдырмау бағытында нақты шаралар қабылдау жүктелді. Мұнан бөлек, жауапты басшыларға қоқыстарды сұрыптауды ұйымдастыру, тұрғындардың экологиялық мәдениетін арттыру, облыстағы медициналық және биологиялық қалдықтарды жою мәселесін зерттеп, заң талаптарының орындалуын қамтамасыз ету бойынша бірқатар тапсырма берілді.

Алғашқы медициналық-санитарлық көмектің қолжетімділігін жақсарту мәселесі қаралды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалының мамандары аудандарда МӘМС мәселелері бойынша кенес беруді жалғастыруда. Ағымдағы жылдың 25 қыркүйегінде Сырдария және Жалағаш аудандарында есептік кездесулер өтеді.Сырдария ауданы:Тереңөзек кенті, сағат 10.30, аудан әкімдігінің мәжіліс залы; «Ақжарма» ауылдық округі, сағат 14.30, Мәдениет үйі; Нағи Ілиясов атындағы ауылдық округі, сағат 16.00, Мәдениет үйі; Қатысушылар: Сырдария ауданы әкімінің орынбасары Димаш Байдушев, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов, Қызылорда облысының денсаулық сақтау басқармасы басшысының орынбасары Мая Мирзанова, Сырдария аудандық ауруханасының бас дәрігері Жалғасбек Үсенов. Жалағаш ауданы:Жалағаш кенті, сағат 12.30, аудан әкімдігінің мәжіліс залы; Қатысушылар: Жалағаш ауданы әкімінің орынбасары Ғани Сүлейменов, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов, Қызылорда облысының денсаулық сақтау басқармасы басшысының орынбасары Мая Мирзанова, Жалағаш аудандық ауруханасының бас дәрігері Еркебұлан Мақсұтов.

МӘМС мәселелері бойынша халықпен кездесулер өтеді

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Шермағанбет Мейрамбек Зинабдинұлы Жалағаш ауданына жұмыс сапарымен келді.Жұмыс сапары барысында Мейрамбек Зинабдинұлы Жалағаш аудандық ауруханасының қызметімен, жаңадан орналастырылған медициналық құрылғылардың жұмысымен танысты. Бұл ретте ем алушы тұрғындар үшін сапалы және уақытылы қызмет көрсету қажеттігін жеткізді.Сонымен қатар облысы әкімінің орынбасары Мейрамбек Зинабдинұлы «ID Senim» ЖШС-нің гемодиализ орталығынның тұрғындар үшін сәтті жоба болғанын айтып, орталық жұмысына сәттілік тіледі.Қазіргі таңда аудан халқына – аудандық орталық аурухана, аудандық емхана,12 дәрігерлік амбулатория,2 фельдшерлік - акушерлік бекет және 2 медициналық бекет медициналық қызмет көрсетеді.Жалпы құны 102,0 млн. теңгені құрайтын «ID Senim» ЖШС-нің гемодиализ орталығы 11 адамды тұрақты жұмыспен қамтып отыр. Орталықтың негізгі қызметі диализге және трансплантацияға дейінгі ауқымды қамтиды және бүйрек ауруын емдеуге негізделген. Бүгінде аудан тұрғындары гемодиализ орталығының игілігін көруде.Айта кетейік, «Ауылда денсаулық сақтауды жаңғырту» пилоттық ұлттық жобасы аясында республикалық бюджеттен 752,8 млн. теңге бөлініп, Мырзабай ахун және Есет батыр ауылдарында жаңа дәрігерлік амбулатория құрылысы жүргізілуде.

Денсаулық саласындағы негізгі жұмыстар таныстырылды

Kyzylorda-news.kz. Қызылорда облысы әкімінің орынбасары &nbsp;Мейрамбек Шермағанбет Жалағаш ауданына жұмыс сапарымен барды.Жұмыс сапары барысында Мейрамбек Зинабдинұлы Жалағаш аудандық ауруханасының қызметімен, жаңадан орналастырылған медициналық құрылғылардың жұмысымен танысты.Бұл ретте ем алушы тұрғындар үшін сапалы және уақытылы қызмет көрсету қажеттігін жеткізді.Сонымен қатар облысы әкімінің орынбасары Мейрамбек Зинабдинұлы «ID Senim» ЖШС-нің гемодиализ орталығынның тұрғындар үшін сәтті жоба болғанын айтып, орталық жұмысына сәттілік тіледі.Қазіргі таңда аудан халқына – аудандық орталық аурухана, аудандық емхана,12 дәрігерлік амбулатория,2 фельдшерлік - акушерлік бекет және 2 медициналық бекет медициналық қызмет көрсетеді.Жалпы құны 102,0 млн. теңгені құрайтын «ID Senim» ЖШС-нің гемодиализ орталығы 11 адамды тұрақты жұмыспен қамтып отыр. Орталықтың негізгі қызметі диализге және трансплантацияға дейінгі ауқымды қамтиды және бүйрек ауруын емдеуге негізделген. Бүгінде аудан тұрғындары гемодиализ орталығының игілігін көруде.Айта кетейік, «Ауылда денсаулық сақтауды жаңғырту» пилоттық ұлттық жобасы аясында республикалық бюджеттен 752,8 млн. теңге бөлініп, Мырзабай ахун және Есет батыр ауылдарында жаңа дәрігерлік амбулатория құрылысы жүргізілуде.

«Ауылда денсаулық сақтауды жаңғырту»: Жалағашта 2 дәрігерлік амбулатория құрылысы жүргізілуде

<a href="https://kyzylorda-news.kz/">Kyzylorda-news.kz.</a> Қазалы көпсалалы орталық аудандық ауруханасында жыл басынан бері жүрек-қан тамырлары аурулары бар науқастарға үш жүзден астам ота жасалды. Ангиографтың арқасында аурулар ерте кезеңде анықталып, жоғары технологиялық оталар жасалады. Инфаркт, инсульттің алғашқы белгілері қандай, пациенттер қалай аман қалғанын рентгенэндоваскулярлық бөлімшесінің меңгерушісі Кенесары Баспаевпен сұхбатында.2019 жылдың қыркүйек айында Қазалы аудандық ауруханасында ангиограф арқылы алғашқы ота жасалды. Кенесары Айтуғанұлы, қанша пациентке ота жасалды және бұл диагностикалық құрал-жабдық ауыл тұрғындарына қаншалықты сұранысқа ие?- Менің ойымша, медицинадағы ең маңызды ереже - жеделдік. Егер пациентке уақтылы медициналық көмек көрсетілсе, оның өмірін сақтап қалуға, мүгедектікке жол бермеуге болады. Бұл тұрғыда жақын маңдағы елді мекендердің (Қазалы, Арал, Қармақшы аудандары және Байқоңыр қаласы) тұрғындарына қызмет көрсететін ангиографтың көмегі зор. Бұған дейін пациенттер облыс орталығына, Астана, Алматы, Ақтөбе қалаларына жіберілген болатын. Олар бірнеше ай бойы өз кезегін күтетін. Өкінішке орай, жоғалған уақыттың салдарынан науқастардың денсаулығы да нашарлап, аймақта инфаркт пен инсульттан өлім-жітім деңгейі жоғары болды.Неліктен ангиограф Қазалы ауданында орнатылған? Мәселен, облыс орталығынан Әйтеке би кентіне (аудан орталығы) дейінгі қашықтық 300 шақырымнан асады, жол жүру уақыты - 4 сағат. Қызылорда – Арал бағытының ұзындығы 450 шақырым, автокөлікпен - 5 сағат. Егер пациент Қазалы аудандық ауруханасына жеткізілсе, уақыт небәрі 1 сағатты алады. Қармақшы ауданы Жосалы кентінен қалаға дейінгі қашықтық шамамен 170 шақырым, жол жүру уақыты – 1,5 сағат. Бізге науқас 50 минут ішінде жетеді.2019 жылы рентгенэндоваскулярлық бөлімнің ашылуының бірінші жылында ангиографта 87 ота жасалды. 2020 жылы әлемде пандемия өршіп тұрған кезде 216 пациентке, 2021 жылы - 300 – ге жуық, 2022 жылы – 361 адамға медициналық көмек көрсеттік. Ағымдағы жылдың 9 айында 316 ота жасалды. Жалпы 2019 жылдан бері 1200-ден астам адамның өмірі сақталды. Оталардың негізгі үлесі - коронарография және стенттеу.Мамандарымыз А.Н.Сызғанов атындағы Ұлттық ғылыми орталықта дайындықтан өтіп, көпсалалы облыстық ауруханада тәжірибе алмастып келгенін атап өткім келеді.Медицина саласында «алтын сағат» ұғымы бар. Дәл осы уақыт аралығында ең тиімді медициналық көмек және пациенттің өмір сүру мүмкіндігі жоғары. Шұғыл медициналық көмек қалай көрсетіледі?- Мамандарымыздың кәсіби шеберлігі мен ангиографтың арқасында кәсіби жедел медициналық көмек көрсетеміз. Егер науқастың бет келбеті қисаюы байқалса, басы өте қатты ауырса, жүрек айнуы, құсу, қолы кимылсыз қалса, мұның бәрі инсульттің белгілері. Алғашқы 2 сағат ішінде қан ағымын қалпына келтіруге, қан ұйығыштарын жоюға бағытталған тромболитикалық терапия жүргізіледі. Біз инсульттің өршу кезеңінде медициналық көмек көрсету хаттамасына сәйкес әрекет етеміз. МӘМС жүйесіндегі сақтандыру мәртебесіне, сондай-ақ, АИТВ, туберкулез, қатерлі ісіктер және т.б. қатар жүретін ауруларға қарамастан барлық пациенттерге шұғыл медициналық көмек көрсетеміз. Егер науқас отаға келісім бере алмаса, туыстарынан сұраймыз.Жедел инфарктпен пациентті қабылдағанда жедел жәрдем мамандары ЭКГ жасап, бізге науқастың жағдайы туралы хабарлайды. Біз пациентті күтіп алуға дайын тұрамыз. Инфаркттің белгілері: жүрек аймағында шаншу, арқаға, иыққа, қолға, мойынға, төменгі жаққа беру, сондай-ақ ауа жетіспеушілігі, суық тер, жүрек айнуы. Сонымен қатар, инфаркттың тағы бір белгісі - іштің жоғарғы бөлігіндегі ауырсыну (эпигастрий). Көбінесе инфаркт бейсенбі мен сенбі күндері болатын үрдісті байқап жүрміз. Жедел инфарктпен ауыратын науқастардың саны айтарлықтай азаюда. Егер 2019-2020 жылдары жоғарыда аталған солтүстік аудандардың әрқайсысынан ай сайын жедел миокард инфарктпен 8-9 адам түссе, бүгінгі таңда жоспарлы коронарографияның арқасында науқастардың саны 2-3 адамға дейін азайып отыр.Жоспарлы медициналық көмек МӘМС жүйесінде сақтандырылған азаматтар үшін қолжетімді. Отаға қарсы көрсетілімдері қандай?- Жоспарлы ем Емдеуге жатқызу бюросы порталы арқылы жүргізіледі. Егер тиісті көрсеткіштер болса, емхананың емдеуші дәрігері пациентті зертханалық талдаулар тапсыруға, консультациялық-диагностикалық қызметтерден өтуге жібереді. Осыдан кейін ғана науқас аурухананың кардиологиялық немесе инсульт бөліміне жатқызылады. Бірқатар қарсы көрсеткіштері бар. Мысалы, науқаста әртүрлі дәрежедегі анемия, ЖРВИ, тыныс алу жеткіліксіздігі, асқазан-ішек жолдарының ойық жаралы зақымдануларының болуы және т.б. бір сөзбен айтқанда, өршу кезеңінде барлық созылмалы аурулар.Айта кетейік, МӘМС жүйесі аясында қымбат жоғары технологиялық оталарды жасаймыз. Мысал келтірейн. Стенттеу құны – 1,5 миллион теңгеден астам, коронарография – 400 мың теңгеге жуық. Сақтандырылған азаматтарға бұл медициналық қызметтер тегін көрсетіледі. 2022 жылы Қазалы көпсалалы орталық аудандық ауруханасында 8 792 адам ем алды. Осы мақсаттарға әлеуметтік медициналық сақтандыру қорынан 1,2 миллиард теңгеден астам қаржы бөлінді. Биыл 1,8 миллиардтан астам қаражат қарастырылған.Байқоңыр қаласынан Қазалы аудандық ауруханасына дейін автокөлікпен 1 сағаттық жол. РесейФедерациясының құзырындағы бұл қаланың тұрғындары сізге жүгінеді. Ресейлік ұйымдарда жұмыс істейтін ҚР азаматтарына медициналық көмекті қалай көрсетесіз?- Байқоңыр қаласының аумағында 2 стационар бар. Бұл Байқоңыр қ. көпсалалы аурухана және ресейлік аурухана (ФГБУЗ ЦМСЧ №1 ФМБА РФ). Байқоңыр қаласының көпсалалы ауруханасында тек бастапқы медициналық-санитарлық көмек және медициналық оңалту қызметтері көрсетіледі. Төтенше жағдайларда ресейлік ұйымдарда жұмыс істейтін ҚР азаматтарында сақтандыру полисі болғандықтан, ресейлік ауруханаға жеткізіледі.Қазақстандық медициналық сақтандыру жүйесінде «сақтандырылған» мәртебесін алу және біздің стационарда жоспарлы медициналық көмек алу үшін МӘМС жарналарын дербес төлеуші ретінде төлеу қажет. Тағы да айта кетейін, шұғыл медициналық көмекті барлық азаматтарға тегін көрсетеміз. Біз бұл пациенттерді қабылдауға дайынбыз. Бірақ ресейлік ауруханада жоғарыда аталған пациенттерді жедел жәрдеммен тасымалдау қарастырылмаған. Осы күрделі мәселені шешеді деп үміттенеміз. Өйткені, Гиппократқа ант берудің этикалық принциптерінің бірі - науқасқа көмек көрсету міндеттемесі. Біз әрқашан пациенттердің денсаулығы мен өмірін қорғауға дайынбыз!Сұхбат үшін рахмет! &nbsp;

Ауылдық ауруханаға инсульт немесе инфарктпен түскен пациенттердің өмірін қалай арашалап қалады?

<a href="https://kyzylorda-news.kz/">Kyzylorda-news.kz.</a> Биыл біліктілігін арттыруға мүдделі дәрігерлер мен орта медициналық персоналға Қазақстанның жоғары оқу орындарынан 7 мыңнан аса орын бөлінеді, деп хабарлайды <a href="https://kaz.inform.kz/">ҚазАқпарат</a>.«Осы бұйрықтың 1-қосымшасына сәйкес «Мемлекеттік денсаулық сақтау ұйымдары кадрларының біліктілігін арттыру және қайта даярлау» 005 республикалық бюджеттік бағдарламасы шеңберінде денсаулық сақтау саласындағы кадрлардың біліктілігін арттыру үшін 7 420 орынға 2023 жылға арналған тапсырыс орналастырылсын», - делінген Денсаулық сақтау министрінің бұйрық-жобасында.Оқу орындарының атауын, дәрігерлер және орта медициналық персоналға бөлінетін орындардың санын <a href="https://legalacts.egov.kz/npa/view?id=14714094">мына сілтеме</a> бойынша өтіп, көруге болады.&nbsp; Бұйрық-жобасы 2 қазанға дейін көпшілік талқылауда болады. Кейін қол қою үшін Денсаулық сақтау министріне жолданады.

Біліктілігін арттыруға ниетті дәрігерлерге ЖОО-лар 7,4 мың орын бөлмек

<a href="https://kyzylorda-news.kz/">Kyzylorda-news.kz.</a> ЖРВИ мен тұмау маусымы алдында дұрыс тамақтану мен ұйқы, дене шынықтыру иммунитетті жақсартуға көмектеседі. Бұл туралы Алматы қаласы N36 қалалық емхананың дәрігері Әйгерім Исағалиева айтты, деп хабарлайды <a href="https://www.inform.kz/kz">ҚазАқпарат</a>.«Гормондардың ырғағын сақтау үшін сағат 23.00-ге дейін жатып, таңғы 7 немесе 8-де оянған дұрыс. Күніне кем дегенде 7-10 мың қадам жүрген дұрыс және шынығу процедурасын шектен асырмау керек, мысалы, аяғыңызды суық сумен жуу кезінде. Талшық пен дәруменге бай жеміс пен көкөністі көбірек жеңіз. Күнделікті тамақтан кофе мен алкогольді алып тастаған дұрыс. Алкогольді және кофеинді сусындар иммундық жүйені әлсіретіп, жүрекке қосымша салмақ түсіреді», - дейді дәрігер.Ол стрестен аулақ болуға кеңес берді, себебі, стресс иммундық жүйеге кері әсер етуі мүмкін. Гигиена ережелерін сақтау, қолды жуу, инфекцияның алдын алу үшін дезинфекциялық құралдарды қолдану қажет. Сонымен қатар, дәрігер тұмауға қарсы вакцина алуды еске салды, себебі, ол аурудың алдын алуға және иммундық жүйені нығайтуға көмектеседі. Вакцинаны тұрғылықты жеріңіз бойынша емханада тегін алуға болады.Әйгерім Исағалиева сондай-ақ профилактикалық дәрі-дәрмектерді де қабылдауға болатынын айтты.«Қолданар алдында суық мезгілге дейін иммунитетті нығайту үшін қандай дәрумен мен минералды қабылдау керек екенін дәрігерден белгеніңіз жөн. Сондай-ақ әрине маусымға сәйкес киіну керек», - деп түйіндеді дәрігер.

Күзде иммунитетті қалай сақтау керек?

<a href="https://baq.kz/mams-7-ay-ishinde-95-mln-meditsinalyq-qyzmetti-qarzhylandyrdy-287441/">ФОТО</a><a href="https://kyzylorda-news.kz/">Kyzylorda-news.kz.</a> Жыл сайын өтетін науқан екі ай бойы, 15 қыркүйектен 15 қарашаға дейін созылады. Осы жолы қазақстандықтар бастапқы медициналық-санитарлық көмек көрсететін 1935 ұйымның біріне тіркелуге мүмкіндік алмақ. Атап айтар болсақ, 710 мемлекеттік және 1225 жекеменшік клиника. Биыл қандай өзгерістер мен жаңашылдықтар бар? Әлеуметтік медициналық сақтандыру қорында ең өзекті сұрақтарға жауап берді.Емханасын ауыстырғысы келіп жүрген азаматтар тіркеу науқаны кезінде бұл мүмкіндікті пайдалана алады.&nbsp; Әлеуметтік медициналық сақтандыру қоры 15 минуттық жерде орналасқан емханаға тіркелуді ұсынады. Бұл ең алдымен пациент үшін әрі дәрігерді үйге шақырған кезде тез келуіне ыңғайлы. Мұны, әсіресе кішкентай балалары бар отбасылар, жүкті әйелдер, мүмкіндігі шектеулі жандар, дәрілік терапияда немесе клиникаға жиі баруға мәжбүр пациенттер ескеру керек. Бұл ретте таңдаған медициналық ұйым алғашқы медициналық-санитарлық көмек көрсетуге Әлеуметтік медициналық сақтандыру қорымен шарт жасасқан болуы тиіс. Мекемелердің тізімін Қордың fms.kz сайтында «Клиниканы таңдау» бөлімінен көруге болады. &nbsp;Айта кетерлігі, пациент жаңадан тіркелген емханасында 2024 жылдың 1 қаңтарынан бастап медициналық көмек ала бастайды, яғни 31 желтоқсанға дейін бұрынғы емханасына барады. Ал емханаға тіркеу науқанына қатыспаған азаматтар бұрын өзі қаралған алғашқы медициналық-санитарлық көмек көрсететін ұйымда тіркелген күйі қалады.Емханаға қалай тіркелуге болады?Емханаға тіркелу жолдары өзгерген жоқ. Оның 2 түрлі тәсілі бар. Біріншісі – egov.kz электронды үкімет веб-порталы арқылы «Бастапқы медициналық-санитарлық көмек көрсететін медицина ұйымдарына тіркеу» қызметін пайдалану керек. Ол үшін сайтта авторизациядан өтіп, қызмет түрін таңдап, ашылған бетті толтыру қажет. Осы ретте сізді қызықтыратын емхананың учаскелерінде бос орындардың бар-жоғын алдын ала нақтылап алған абзал. &nbsp; &nbsp;&nbsp; Екіншісі – емханаға барып, өтініш жазу арқылы тіркелу. Айта кететін жайт, бұл тәсілді зейнеткерлер, мүгедектігі бар адамдар, бала кезінен мүгедектігі бар баланың заңды өкілдері, бас бостандығынан айыру орындарында жазасын өтеп жатқандар, студенттер, әскери борышын өтеп жатқандар, шетелде туған балалар, сенімхат бойынша тіркеуді ресімдейтіндер, жетімдер, сәбилер, қарттар үйіндегі жандар, ерікті және жүктелген медициналық сақтандыру шарты бойынша тіркелгендер пайдалана алады.Шетелдік азаматтарды емханаға тіркеу ережелері өзгердіБиыл еңбек мигранттары – шетелдіктерді және олардың отбасы мүшелерін (балалары мен жұбайларын), ЕАЭО-ға мүше елдердің (РФ, Беларусь, Қырғызстан, Армения) бірінің азаматтығы бар, ҚР-да уақытша тұратындарды емханаға тіркеу ережелері өзгерді. Енді алғашқы медициналық санитарлық және шұғыл стационарлық көмек алу үшін шетелдік азаматтардың ерікті медициналық сақтандыру шарты немесе жүктелген медициналық сақтандыру шарты болуы тиіс. Олар шарттың қолданылу мерзімінде емханаға тіркеліп, кейін &nbsp;автоматты түрде медициналық ұйымнан шығарылады. Жаңа ережелер осы жылдың 14 тамызынан бастап күшіне енді.&nbsp; Егер сіздің қосымша сұрақтарыңыз болса, өз емханаңыздағы «Пациенттерді қолдау қызметіне» жүгіне аласыз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз: fms.kz ресми сайты, Qoldau 24/7 мобильді қосымшасы, Telegram-дағы @SaqtandyrýBot, 1414 Бірыңғай байланыс орталығы. Азаматтар мәртебесін келесі қосымшалар арқылы тексере алады: • Qoldau 24/7 &nbsp; мобильді қосымшасы&nbsp; • fms.kz &nbsp;ресми сайты • Telegram-дағы @SaqtandyrýBot &nbsp; • 1414 байланыс орталығы&nbsp; • Damumed мобильді қосымшасы. • Екінші деңгейдегі банктердің мобильді қосымшалары – Kaspi.kz, Halyk, Bcc.kz.Сондай-ақ, Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp;

2024 жылы азаматтар қаралатын емханасын қазір ауыстыра алады

<a href="https://kyzylorda-news.kz/">Kyzylorda-news.kz.</a> Медицинада «алтын сағат» деген ұғым бар. Дәл осы кезеңде медициналық көмек ең тиімді және науқастың өмірін сақтауға мүмкіндігі жоғары болады. Бұл ережені Қазалы көпсалалы орталық аудандық ауруханасының рентген-эндоваскулярлық хирургия бөлімінің мамандары қатаң сақтайды. Дәрігерлердің кәсіби шеберлігі мен ангиографтың арқасында біраз адамның өмірі сақталды.Қазалы ауданы, Әйтеке би ауылының тұрғыны Әскербек Доспенбетов шұғыл түрде ауруханаға түскен. Таңертең 51 жастағы ер адам өзін нашар сезініп, жүрегі ауырған. Оған қарамастан жұмысқа шығып, базарда саудамен айналысқан. Жағдайы күрт нашарлағанда, жедел жәрдем шақырған. Науқасқа ангиограф көмегімен стенттеу мен коронарлық ангиография жасалды.<blockquote>«Сол қолым ұйып қалды, ентігу болды, бірақ оған назар аудармадым. Уақытылы көмек көрсеткені үшін медицина қызметкерлеріне мың алғыс» дейді Әскербек Доспенбетов.</blockquote>Қармақшы ауданы, Төретам ауылының тұрғыны Ақбай Нұрлыбаевтың жүрек тамырларын стенттеу барысында ангиограф оның оң аяғының тамырлары зақымданғанын анықтады.<blockquote>«Жүрекке стент қою кезінде аяқтың қан тамырларының бітелуі анықталды. Одан әрі емдеу үшін хирургқа жіберді. Қазір денсаулығым әлдеқайда жақсы. Айта кетейін, Қармақшы ауданынан Қазалы ауданына дейін көлікпен бір жарым сағаттай жүреміз. Осындай кәсіби медициналық көмек алу үшін алысқа барудың қажеті жоқ болғанына қуаныштымын» дейді Ақбай Нұрлыбаев.</blockquote>Арал ауданы Сексеуіл кентінің тұрғыны Орынкүл Меңдібаева Қазалы аудандық ауруханасына қайта түсті. Бұрын егде жастағы әйелге жүректің ишемиялық ауруына байланысты стенттеу отасы жасалған. Екі жылдан кейін қазалық дәрігерлер ми тамырларына церебральды ангиография (рентгенологиялық зерттеу әдісі) жасап, науқаста аневризма анықталды. Кәзір Орынкүл апа геморрагиялық инсульттің алдын алу мақсатында отаға дайындалуда.<blockquote>«Қазір денсаулығым әлдеқайда жақсы. Үйден бір сағаттық жерде осындай жақсы мамандар мен жоғары дәлдіктегі медициналық жабдықтардың барына қуаныштымын» деді Орынкүл Меңдібаева.</blockquote>Мамандардың айтуынша, 2019 жылы жұмыс басталғалы бері ангиографтың арқасында 1200-ден астам адамның өмірі сақталды. Бұл Қазалы, Арал, Қармақшы аудандарының, Қызылорда, Байқоңыр, Астана, Ақтөбе қалаларының тұрғындары. Науқастардың ең үлкені 90 жаста, ең жасы 35-те.<blockquote>«Ангиографтың арқасында жүрек, ми, аяқ-қол және басқа да мүшелердің қан тамырларының түрлі патологиясын ерте анықтау айтарлықтай артты. Мәселен, бұрын ай сайын инфарктпен 8 адам түссе, қазір 1-2 адам түседі. Міндетті әлеуметтік медициналық сақтандыру жүйесінің іске қосылуымен халықтың барлық топтары үшін жоғары технологиялық медициналық көмек қолжетімді болды. Бұрын пациенттер жоспарлы түрде облыс орталығында, Астанада, Алматыда ангиографияға өз кезегін бірнеше ай күтетін. Өкінішке орай, уақыт жоғалтқандықтан денсаулық жағдайы да нашарлайды. Денсаулықты сақтаңыздар. Уақтылы диагностикадан өтіңіздер» деп атап өтті рентген-эндоваскулярлы хирургия бөлімінің меңгерушісі Кенесары Баспаев.</blockquote>2022 жылы Қазалы көпсалалы орталық аудандық ауруханасында 8 792 адам ем алды. Осы мақсаттарға әлеуметтік медициналық сақтандыру қорынан 1,2 миллиард теңгеден астам қаржы бөлінді. Биыл 1,8 миллиардтан астам қаражат қарастырылған. <img src="https://knadmin.beoblood.kz/uploads/6_9cf55f2a8e.jpeg" alt="6.jpeg">

Қазақстан және Қызылорда облысының жаңалықтары: Денсаулық