<a href="https://kyzylorda-news.kz/">Kyzylorda-news.kz</a> Жаңақорған кентінің тұрғыны, жеке кәсіпкер Нарзилдаева Акмаржан – кәсібін табысты жүргізіп отырған тігін шебері. Қазіргі таңда ол “ DILNUR ” атты жеке брендімен танымал шағын тігін цехын басқарады.Негізгі мамандығы – математика пәнінің мұғалімі болғанымен, Акмаржан ханымның тігін ісіне деген қызығушылығы бала кезінен бастау алған. Соңғы алты жылдан бері осы салада тәжірибе жинақтап, кәсібін дамыту жолында аянбай еңбек етіп келеді. Көп балалы ана, жолдасы екеуі 4 баланы тәрбиелеп отыр.Бүгінде тігін цехы той көйлектері, мектеп формалары мен сырт киімдерді тігу бойынша кент тұрғындары мен ауыл-аймақтардан тапсырыстар қабылдап, ай сайын 50-ге жуық өнім дайындайды. Бір адамды тұрақты жұмыспен қамтып отыр.Кәсіпкер 2025 жылдың басында «Қызылорда» өңірлік инвестициялық орталығынан 6 %-бен 5 млн.теңге көлемінде жеңілдетілген несие алып, тігін цехын кеңейтуге қажетті тігін машиналары, кесте тігу машинасы,үтіктеуге арналған үстел, пішуге арналған қайшы сияқты құрал-жабдықтарын сатып алды.<blockquote>«Бұл мекеменің қаржылай қолдауы менің кәсібімді жаңа деңгейге шығаруға және менің жеке брендімнің қалыптасуына үлкен септігін тигізді. «Қызылорда» Өңірлік инвестициялық орталығы – кәсібін енді бастаған немесе кеңейткісі келетін жандар үшін үлкен мүмкіндік. Өз кәсібімді жаңа деңгейге көтеруге жағдай жасағандары үшін шексіз алғысымды білдіремін», – дейді кәсіпкер Ақмаржан Нарзилдаева.</blockquote>Кәсіпкердің талғамы мен шеберлігіне сенім білдіретін тұтынушылар күннен-күнге артып келеді. Іскер ана болашақта өз кәсібін одан әрі кеңейтіп, тағы да жұмыс орындарын ашуды жоспарлап отыр.Фото: «Қызылорда» Өңірлік инвестициялық орталығының баспасөз қызметі

Ақмаржан Нарзилдаева: “DILNUR” бренді – қолөнер мен талғамның үйлесімі

<a href="https://kyzylorda-news.kz/">Kyzylorda-news.kz</a> Қазалы ауданына қарасты Бірлік ауылының тұрғыны Жәнібек Тоқмырза 2024 жылы «Ауыл аманаты» жобасы арқылы 2,5% жеңілдетілген мөлшерлемемен 4 млн теңге несие алып, өз кәсібін бастады. Бұл қаржыға арнайы құрал-жабдық сатып алып, бүгінде ғимараттардың сыртын қаптауға арналған сапалы фасад плиталарын шығарып отыр.Қазірдің өзінде бір ауылдасына тұрақты жұмыс беріп отырған кәсіпкердің өніміне жергілікті тұрғындармен қатар көршілес ауылдардан, тіпті қала мен кенттен де сұраныс бар. Жәнібек өнім сапасына ерекше мән беріп, арнайы кварц құмын алдыртып, плитаның беріктігі мен ұзақ мерзімге шыдамдылығына ерекше мән беруде.<blockquote>«Ауыл аманаты» жобасы мен үшін үлкен мүмкіндік болды. Осындай қолдаудың арқасында кәсібімді бастап, ауылдасқа жұмыс беріп, сапалы өнім ұсынуға жағдай жасалды. Алған қаражатымды тиімді пайдаланып, істі өркендетуді көздеп отырмын. Ендігі ойым өндірісті кеңейтіп, тас төсеуіш (брусчатка) шығаруды қолға алу», – дейді Жәнібек Тоқмырза.</blockquote>Айта кетейік, Қазалы ауданында өткен жылы жоба аясында 399,2 млн теңгеге 63 жоба қолдау тапқан. Ал биыл бұл көрсеткіш 2 есеге артып, 835,1 млн теңгеге 124 жоба қаржыландырылады деп жоспарлануда.<img src="https://knadmin.beoblood.kz/uploads/Fasad_plitasy_2_9648b52892.jpg" alt="Фасад плитасы 2.jpg">

«Ауыл аманаты»: Бірлік ауылында жас кәсіпкер фасад плитасын өндіруде

<a href="https://kyzylorda-news.kz/">Kyzylorda-news.kz</a> Биыл "Аралтұз" АҚ ерекше күнді, яғни 100 жылдық мерейтойын атап өтуде. Ғасыр бойындағы тарихында кәсіпорын шағыннан Қазақстандағы ең ірі ас тұзын өндірушіге айналды, оның өнімдері халықаралық сапа стандарттарына сай болып табылады және бүкіл еліміз бойынша және одан тысқары да тасымалданып, өткізіліп отырады.&nbsp;Бүгінгі таңда зауытта 1000-нан астам қызметкер жұмыс істейді, олардың 94%-ы - Арал ауданының тұрғындары. Көптеген отбасы үшін "Аралтұзда" жұмыс істеу — бұл тұрақты табыс қана емес, сонымен қатар бірнеше буын ұрпағы мақтан тұтатын қадірлі іс. Компания өндіріске жаңа технологияларды белсенді енгізіп, инфрақұрылымды дамытуда, әлеуметтік жобаларды қолдап, өңір экономикасына да елеулі үлес қосуда.Заманауи және қауіпсіз өндірістің негізгі элементтерінің бірі-зауыт территориясының ұйымдастырылған және қорғалған болуы. Бұл - формальдылық емес, адамдарды қорғауға, санитарлық нормаларды сақтауға және кәсіпорынның үздіксіз жұмысына бағытталған халықаралық тәжірибе.&nbsp;<img src="https://knadmin.beoblood.kz/uploads/Aralt_z_ef958c9ad8.jpg" alt="Аралтұз.jpg">Қауіпсіздік - біздің басымдығымыз&nbsp;Өндіріс алаңында күн сайын ондаған техника жұмыс істейді, ауыр машиналар ары-бері қозғалып, көптеген технологиялық процестер қызу жүріп жатады. Территорияның жабық жәнеөткізурежимінің болуыбөгде адамдардың, соның ішінде балалардың аяқ-асты жоғары қауіпті аймаққа тап келуін болдырмауды қамтамасыз етеді.&nbsp;<blockquote>- Біздің зауыттағы күзет және өткізу режимі жүйесі адамдарды, жабдықтарды және өндірістік процестерді қорғау үшін құрылған. Біз заманауи бейнебақылау технологияларын қолданамыз, тек қызметкерлер мен шақырылған қонақтарға ғана территориямызда болуға рұқсат, мұны сырттай бақылап отырамыз. Қоршау зауыт пен қоғам арасындағы барьер емес, керісінше өнеркәсіптік қауіпсіздік элементі болып табылады. Оның арқасында біз жазатайым оқиғалардың алдын аламыз, технологиялық процестерді қорғаймыз, санитарлық нормаларды сақтаймыз және кәсіпорынның тұрақты жұмысын қамтамасыз етеміз, — дейді зауыт директоры Дәулет Рахымбаев.&nbsp;</blockquote>Өндірістің бақыланатын аймағы-қазақстандық санитарлық ережелердің (СанПиН), сол секілдітамақ кәсіпорындарына арналған ISO халықаралық стандарттарының міндетті талабы. Олар аумақты бөтендерден қорғауды, вандализмнің алдын алуды, тазалықты сақтауды және технологиялық процестердің қауіпсіздігін қарастырады.<blockquote>— Біздің қоршау ISO халықаралық стандарттарына сәйкес келеді: ол өндірістік аймақтарды оқшаулап қоршауды, зауыт аумағына кіріп-шығуды бақылауды және аумақты толық визуалды шолуды қамтамасыз етеді, - дейді Дәулет Рахымбаев.&nbsp;</blockquote><img src="https://knadmin.beoblood.kz/uploads/Aralt_z_94cb5d43b7.jpg" alt="Аралтұз.jpg">Ашықтық және даму&nbsp;Адамдардың қауіпсіздігі-компанияның басты басымдығы. "Аралтұз" АҚ үнемі баспасөз турларын, тұрғындарға экскурсиялар мен кездесулер өткізеді, онда қауіпсіздік шаралары тек адамдарды қорғауға және жоғары сапа стандарттарын сақтауға бағытталғанына жекелей көз жеткізуге болады.&nbsp;Кәсіпорын диалог үшін әрдайым ашық және өңірдің ұзақ мерзімді дамуына бағдарланған қалпын сақтап келеді. Компания алда да жаңа технологияларды енгізуге, экологиялық тиімділікті арттыруға, адами капиталға және әлеуметтік жобаларға инвестиция салуға, жұмыс орындарын құруға, инфрақұрылымдарды жақсартуға және аймақтың әлеуметтік-экономикалық дамуына үлес қоса береді.Фото: “Аралтұз” АҚ

"Аралтұз" - адамдар мен аймақ үшін қауіпсіздік және даму кепілі

<a href="https://kyzylorda-news.kz/">Kyzylorda-news.kz</a> «ҚазАгроҚаржы» АҚ Қызылорда облысы бойынша филиалында егін жинау науқанына орайластырылған Ашық есіктер күні өтті.&nbsp;Іс-шарада облыс аудандарының шаруалары, Ауыл шаруашылығы басқармасының, сондай-ақ «Атамекен» өңірлік кәсіпкерлер палатасының өкілдері бас қосты.&nbsp;Қызылорда облысы – сын-қатер тәуекелдеріне бейім өңір: жұмыс жауын-шашынның маусымдылығына және судың қолжетімділігіне тәуелді болғандықтан, шаруалар үшін өнімді дер кезінде жинау мен техниканың үздіксіз жұмысы аса маңызды. Осы тұрғыда кездесуге қатысушылар машина-көлік паркін кідіріссіз жаңартуға мүмкіндік беретін құралдарға назар аударды. Филиал биылғы жылы лизинг бағдарламаларына 6,2 млрд теңге бағыттауды жоспарлап отыр, оның 3,1 млрд теңгесі игерілді - 61 бірлік техника өңір шаруаларына табысталды.<img src="https://knadmin.beoblood.kz/uploads/agro2_d055c478f7.jpg" alt="агро2.jpg">Лизингке өтінім берудің жаңа онлайн-сервисіне жеке блок арналып отыр. Филиал мамандары бұл сервис бір қатысушысы бар қожалықтардың өтінімдері бойынша 10 минут ішінде шешім қабылдайтынын түсіндірді. Егер қожалық құрамында бірнеше қатысушы болса, құжаттарды тексеруге құқық департаменті қатысады; тіпті бұл жағдайда да құжаттарды қарау жеделдетіліп, екі күнге дейін ғана созылады. Техниканың сирек түрлерін ресімдеу кезінде, сервистік орталықтардың болуын нақтылау қажет болған кезде де осындай мерзім талап етіледі.&nbsp;<blockquote>«Бүгінде цифрландыру агробизнестің ажырамас бөлігіне айналуда. Біз техниканы лизингке рәсімдеуге өтінім берудің онлайн тәсілін іске қостық және Қызылорда шаруаларына оның қалай жұмыс істейтінін тікелей эфирде көрсеттік. Сонымен бірге, біз шаруалардың әлсіз интернет, цифрлық сервистермен жұмыс істеу кезінде тәжірибенің жетіспеуі секілді қиындықтарға тап боларын да ескердік. Сол себепті «Атамекен» өңірлік кәсіпкерлер палатасының біздің бастамамызды қолдап, шаруаларға сервиспен жұмыс істеуде практикалық көмек көрсетуге келісуі аса маңызды», - деді «ҚазАгроҚаржы» АҚ басқарма төрағасының орынбасары Еркебұлан Жұмжаев.&nbsp;</blockquote>«ҚазАгроҚаржы» АҚ Қызылорда облысы бойынша филиалы мен «Атамекен» өңірлік кәсіпкерлер палатасы арасында ынтымақтастық туралы меморандумға қол қойылды. Енді Палата қызметкерлері шаруалар үшін «жолбасшы» болмақ, өтінімдер толтыруға көмектеседі, әр кезеңде сүйемелдеуді қамтамасыз етеді.&nbsp;<blockquote>«Қызылорда облысы кәсіпкерлер палатасы «ҚазАгроҚаржы» АҚ Қызылорда облыстық филиалымен бірлесіп кәсіпкерлік бастамасы бар азаматтарға және бизнес өкілдеріне мемлекеттік бағдарламаларды түсіндіру, сервистік қызмет және тағы басқа қызмет көрсетіп келеді. Бүгінгі таныстырылған «ҚазАгроҚаржы» акционерлік қоғамының жеңілдетілген лизингке онлайн өтінім беру сервисі кәсіпкерлердің уақытын үнемдеуге мол мүмкіндік берері сөзсіз. Осы орайда, Палата тарапынан облыс көлемінде цифрландырылған онлайн өтінім беру жүйесін қала, аудан, ауыл кәсіпкерлеріне Палатаның кеңесшілері арқылы барынша түсіндіруге атсалысамыз», - деді Қызылорда облысы кәсіпкерлер палатасының директоры Пірмұхаммед Сыздық.&nbsp;</blockquote>Кездесу соңында «ҚазАгроҚаржы» АҚ басқарма төрағасының орынбасары Еркебұлан Жұмжаев облыс шаруаларына жаңа ауыл шаруашылығы техникасының кілттерін табыстады. Компания Қазақстан өңірлеріндегі көшпелі кездесулерде лизинг бағдарламалары және цифрлық сервис жұмысы бойынша консультацияларын әрі қарай жалғастыра бермек.<img src="https://knadmin.beoblood.kz/uploads/agro3_88e663a41f.jpg" alt="агро3.jpg">

ҚазАгроҚаржы Қызылорда шаруаларына өтінім берудің онлайн-сервисін ұсынды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты, «AMANAT» партиясының депутаттық фракциясының мүшесі Мұрат Ергешбаев Талсуат ауылдық округіндегі тігін цехінің жұмысымен танысты.«Расул» жеке кәсіпкерлігінің иесі Айгүл Ахметова өткен жылы «Ауыл аманаты» жобасы аясында 7 миллион теңге несие алып, кәсібін бастаған. Қазіргі таңда 2 адамды тұрақты жұмыспен қамтып отыр.Әзірге жергілікті мекемелердің мемлекеттік сатып алу конкурсына қатысу арқылы өз өнімдерін өткізіп отыр. Алдағы уақытта тігін цехін кеңейтуді жоспарлап, қазіргі таңда қосымша ғимараттың іргетасын құюды бастаған.<blockquote>"Фракция мүшесі Мұрат Нәлқожаұлы: Шағын кәсіпкерліктерді жан-жақты қолдау біздің басты мақсат. Жүйелі жұмыстардың қолға алынғанын көріп отырмын. Оның үстіне қосымша ғимарат салып, кәсіп аясын кеңейтуді бастаған екенсіз, бастамаңызға сәттілік тілеймін",-деді.</blockquote>Кәсіпкер соңғы үлгідегі түрлі тігін құралдарын алып, ұлттық киімдер, күнделікті қолданылатын киімдер мен ою, жазу тігу қызметтерін көрсетуде.

Фракция мүшесі тігін цехінің жұмысымен танысты

<a href="https://kyzylorda-news.kz/">Kyzylorda-news.kz</a> Бүгін өңіріндегі жұмыс сапары барасында ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Ергешбаев Талсуат ауылдық округіндегі ерекше жобаның бірі бекіре тұқымды балық өсірумен айналысып отырған "Хан Бекіре 11" ауыл шаруашылығы өндірістік кооперативі жұмысымен танысты.&nbsp;«Хан Бекіре 11» ауыл шарушылығы өндірістік коопертиві иесі Ғалым Нағиев өткен жылы ауыл ішінен нысан салып, бекіре тұқымды балықтарын өсіруді қолға алған. Қазір тереңдігі 50 метрді құрайтын жерасты ұңғымасы арқылы тазарту сүзгісінен өткен судың көмегімен көптеген бекіре балықтарын өсіріп отыр. Балықтың басым бөлігі қарапайым бассейндерге жіберілген. Шабақтары бөлек сақталуда.<blockquote>"Бекіре балығында көптеген ауруларға қарсы иммунитет қалыптасқан. Балықтың өзі де таза, вируспен сирек аурады. Аталмыш балықтың уылдырықтарын да тұтынушыларға сату ойда бар. Бірақ, оған кемінде бес жылға жуық уақыт қажет. Алдағы уақытта"AMANAT" партиясының" Ауыл аманаты" жобасы аясында несие алып, толық жағдай жасауды жоспарлап отырмын", -дейді Ғалым Нағиев.&nbsp;</blockquote>"Ауыл аманаты" жобасы аясында жеңілдетілген 31 480 000 теңге қаржы алған жағдайда нысан ішін толықтай инфрақұрылыммен қамту жоспарланып отыр.&nbsp;Талсуат ауылдық округінің әкімі Ерлан Тұтқабайұлы: Алдағы уақытта кооператив нысаны орналасқан көшеге тас төсеу жұмыстарын жүргізу жоспарланған. Бұл арқылы шаруашылық тұтынушыларына қолайлы жағдай жасалмақ,-деп атап өтті.

Қызылордалық кәсіпкер бекіре шаруашылығымен айналысуда

<a href="https://kyzylorda-news.kz/">Kyzylorda-news.kz</a> &nbsp;Жеке кәсіпкер Алтынбек Жұмаділов Шиелі ауданына қарасты Майлытоғай ауылында 2021 жылдан бастап Омарта (ара) шаруашылығымен айналысып келеді. Кәсіпкер өз ісін алғашында 555 000 теңге көлемінде грант қаражатын жеңіп алып бастаған. Жобаның бастамасы сәтті болып, бал өнімдеріне деген сұраныс арта түскен.<blockquote>«Кәсіпкерлік жолымды небәрі 10 ара жәшігімен (ұямен) бастадым. Өзім — 3-топ мүгедегімін, әрі көп балалы әкемін. Отбасымды қамтамасыз ету және ауылдағы баламасы аз кәсіпті дамыту мақсатында осы бағытты таңдадым.», - дейді кәсіпкер.</blockquote>Кәсібін одан әрі дамыту мақсатында 2023 жылы «Қызылорда» Өңірлік инвестициялық орталығының «Іскер» бағдарламасы арқылы 4 миллион теңге көлемінде жеңілдетілген несие алып, өндіріс көлемін ұлғайтқан. Бұл қаражатқа қосымша 70 ара жәшіктерін, бал тарту құрылғысы мен басқа да қажетті құралдарын сатып алған.Қазіргі таңда кәсіпкердің ара ұялары Шиелі кенті мен Майлытоғай ауылындағы полигондарға орналастырылған.Бүгінде кәсіпкердің омартасы аймақтағы табысты шағын бизнестердің бірі. Ара шаруашылығынан алынатын өнім – табиғи балдың түрлері, прополис, балауыз және тозаң (пыльца) секілді басқа да ара өнімдеріне сұраныс жоғары. Тапсырыс тек Шиелі ауданынан ғана емес, сондай-ақ Қызылорда қаласы мен көршілес аудандардан да жиі түседі. Сонымен қатар жергілікті сауда дүкендері мен базарлар арқылы да сатылуда. Жылына 2000 келі жуық өнім жинайды.<blockquote>«Мемлекет тарапынан және жергілікті ұйымдардан көрсетілген қолдауды жоғары бағалаймын. Біз сияқты шағын кәсіпкерлерге нақты көмек көрсетіп отырған «Қызылорда» өңірлік инвестициялық орталығына алғысымды білдіремін. Бұл&nbsp;орталық&nbsp;ісін енді бастап жатқан кәсіпкерлерге тиімді шарттармен несие ұсынып, олардың аяқтан тұруына үлкен мүмкіндік жасап отыр», - дейді кәсіпкер Алтынбек Амангелдіұлы.</blockquote>Фото:&nbsp;«Қызылорда» Өңірлік инвестициялық орталығының баспасөз қызметі

Қайтарымсыз қаражат – үлкен қолдау

<a href="https://kyzylorda-news.kz/">Kyzylorda-news.kz</a> «Ауыл аманаты» жобасы – ел тұрғындарын аграрлық бизнеске тарту, азық-түлік қауіпсіздігі және азаматтардың өмір сүру сапасын жақсартуға байланысты мәселелерді шешуге бағытталған. Яғни, жоба аясында ауылдық жердегі халықтың табысын арттыру негізгі шарт саналады.Арал қаласының тұрғыны Аңсаған Мұхиядинқызы пайыздық мөлшерлемесі әлдеқайда төмен жобаның 7 млн. 130 мың теңге қаржылай қолдауына ие болды. Бұл қаржыға кәсіп иесі кондитерлік өнімдер шығаратын цех ашты. Бүгіні таңда цехта 7 қызметкер жұмыс жасайды. Жеке кәсіпкер несие арқасында өнімдер дайындайтын арнайы аппараттар мен құрал жабдықтар алған атап айтқанда италияндық смек пештерін кондитерлік өнімдерді пісіретін қосалқы пештерді алған. Цехта торттың 10, мини десерттің 6 түрі дайындалып күніне 400 ге жуық өнім аудан орталығымен ауылдық жерлерге сатылымға шығады.Аңсаған Мұхиядинқызы алдағы уақытта өз кәсібін дамытып цехты үлкейтуді және нан өнімдерін дайындайтын қосымша жұмыс көзін ашуға ниетті.–Қазір еңбек етемін деген азаматқа мүмкіндік көп. Соның ішінде «AMANAT» партиясының «Ауыл аманаты» жобасын ерекше атап өтер едім. Азаматтар үшін өте тиімді жоба. Пайыздық мөлшері, төлеу шарты барлығы кәсіпкердің аяғына тұрып кетуіне ойластырылған.Жоба нәтижесінде осы кәсіпті бастадым. Алдағы уақытта алғашқы қарызымды қайтарып, қосымша жаңа кәсіп көзін ашсам деген ниетім бар, – деді ол.«Ауыл аманаты» жобасының игілігін көрген жеке кәсіпкер алдағы уақытта кәсібін кеңейтуді де көздейді.

«Ауыл аманаты» - тиімді жоба

<a href="https://kyzylorda-news.kz/">Kyzylorda-news.kz</a> Үкімет Президент Қасым-Жомарт Тоқаевтың тапсырмасына сәйкес, еліміздің өнеркәсіптік берік іргетасын құру бойынша кешенді жұмыс жүргізіп келеді. Отандық тауар өндірушілерді қолдауға және өңдеуші саланы дамытуға ерекше көңіл бөлініп отыр.Өнеркәсіп және құрылыс министрі Ерсайын Нағаспаев индустрияландыру нәтижелері өңдеу өнеркәсібінің тұрақты өсуін көрсетіп отырғанын атап өтті.<blockquote>«Биылғы 7 айдың қорытындысы бойынша өңдеу өнеркәсібі 6,1%-ға өсті, ал өнім өндіру көлемі 16 трлн теңгеден асты. Бұл жерде экономикадағы өңдеу өнеркәсібінің үлесі 13,9%-ға дейін артқанын атап өткім келеді»,&nbsp; — деді министр.</blockquote>Отандық өндірістің өсуін ынталандыру мақсатында қаржылық қолдау құралдары пайдаланылуда.<blockquote>«Біз жергілікті, отандық өндірушілердің өсуін ынталандыру мақсатында белсенді жұмыс жүргізіп жатырмыз: өңдеу өнеркәсібінің 115 жобасын қолдауға 500 млрд теңге бөлінді. Бұл "Бәйтерек" холдингі сияқты даму институттары арқылы жүзеге асырылды, — деп атап өтті Ерсайын Нағаспаев.</blockquote>Сонымен қатар мемлекеттік сатып алуда отандық өндірушілерге басымдық берілді: 2025 жылдың 7 айында сатып алу көлемі 1,5 есеге өсіп, жалпы құны 1,2 трлн теңгеден асты.Тағы бір маңызды қолдау құралы – қазақстандық тауар өндірушілердің бірыңғай тізілімі, ол сатып алудың ашықтығын арттырып, жалған өндірушілерді жоюға мүмкіндік береді. Оның іске қосылуы осы жылдың күзіне жоспарланған.

Өңдеу өнеркәсібі 2025 жылы 6,1%-ға өсіп, өндіріс көлемі 16 трлн теңгеден асты

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Тереңөзек кентіндегі "Әдемі" тігін шеберханасының жұмысымен танысты.Мектеп формасын тігу, құрақ құрау және басқа да көптеген қызметтер көрсететін тігін цехы 2014 жылы жұмысын бастаған. Кәсіпкер Нұрсулу Ажарова «Ақниет» бағдарламасымен грант және «Микробизнес-Қызылорда» бағдарламасымен 3 млн. теңге несие алып, кәсібін дөңгелетуде.<blockquote>– Мемлекет басшысы Қасым-Жомарт Кемелұлы Тоқаевтың тапсырмасымен елімізде шағын және орта бизнестің дамуы үшін барынша қолайлы жағдай жасалуда. Өз кезегінде кәсіпкерлер өздеріне жүктелген міндетті, атап айтқанда салық төлеу, экономикаға инвестиция құю, жұмыс орындарын ашу, қызметкерлеріне қолайлы еңбек орта қалыптастыру секілді міндеттерді адал орындауы тиіс. Мемлекеттік қолдаулардың да тиімділігін пайдалану керек. Тігін шеберханасы жұмысын кеңейтуге мүмкіндіктерді қарастыру қажет, – деді Берік Әбдіғаппарұлы.</blockquote>Аудан басшысы кәсіпкердің ұсыныстарын тыңдап, тиісті сала орынбасалы мен бөлім басшысына тапсырма жүктеді.Айта кетейік, биыл Алматы қаласында «Аламан құрақ» ұлттық құрақшылар қауымдастығының ұйымдастыруымен еліміздің 20 өңірінен келген 660 құрақшы бір мезетте құрақ құрап, 1366,8 шаршы метрге 660 дана құрақ көрпесі тігілген. Дүниежүзілік рекордтар кітабы саналатын «GLOBAL BOOK OF RECORDS GBR» және халықаралық рекордтар тіркеу қызметі агенттігінің сүйемелдеуімен қазақ құрақшылары әлемдік рекорд орнатып, оның қатарында Нұрсұлу Ажарова болып, арнайы сертификатпен марапатталды. Сондай-ақ, жеке кәсіпкер 2022 жылы "Жыл үздігі" атанған,

 «Әдемі» тігін шеберханасының жұмысымен танысты

<a href="https://kyzylorda-news.kz/">Kyzylorda-news.kz</a>&nbsp;Дүкеннен бір қорап тұзды сатып алғанымызбен, оның ас үйімізде пайда болғанға дейін қандай жолды артқа тастағанына көбіміз ойланып, басымызды ауырта бермейміз. Ал шынтуайтында, бір қарағанда қарапайым көрінетін осы өнім түрі кәсіби команда мен заманауи техниканың атқарған үлкен жұмысының нәтижесі болып табылады. Адамдар өмірін елестете алмайтын осы ақ түйіршіктердің артында Қазақстанда жүз жылдан бері дамып келе жатқан тұтас бір индустрия тұр.&nbsp;Тұз - ас үйдегі дәмдеуіш қана емес, адамзат тарихында шешуші рөл атқарған ежелгі минералдардың бірі. Оны кезінде стратегиялық ресурс ретінде бағалап, тіпті валюта түрінде де пайдаланған. Бүкіл қалалар мен сауда жолдары тұз кен орындарының арқасында пайда болды. Ғасырлар бойы ол байлықтың символы, консерві өнімдерінің басты құрамы және тамақтанудың маңызды элементі болып келеді. &nbsp;Тіпті, бүгінгі күндері де тұз адамзатқа ауадай қажет.Кішкентай артельден тұз алыбына дейін«Аралтұз» АҚ - Орталық Азиядағы ірі тұз өндірушілердің бірі және Қазақстанда йодталған ас тұзын шығаратын бірегейі. Кәсіпорын өз қызметін 1925 жылы Қызылорда облысы, Арал ауданы, Жақсықылыш ауылының көлдерінде алғашқы тұз артелі құрылған кезден бастады. Сол кезде балық шаруашылығына қажет тұз бүгінгі мыңнан астам адамды жұмыспен қамтамасыз ететін компанияға негіз болады деп кім ойлады дейсіз?Ол кездері бәрі қол еңбегінен және шағын тасымалдан басталды. Бүгінде кәсіпорын «Аралтұз» және «Славяночка» брендтерімен ас және техникалық тұз өнімдерін шығарып, Қазақстан, Ресей, Қырғызстан, Грузия және ТМД-ның басқа елдерінің нарығына жөнелтіп отыр. Бірақ, ең бастысы, жүз жылдық тарихында өндіріс технологиялық, тұрақты әрі жауапты бизнес үлгісінің озық мысалына айнала алды.Кәсіпорын дамуының негізгі бағыттарының бірі - тұз өндіру процестерін модернизациялау. Бұл өндіріс саласына жаңа сапалы тәсіл енгізуге мүмкіндік берді. Ғасыр толған жылында &nbsp;«Аралтұз» кейіннен самосвалдарға тиеу немесе арнайы жалдарға орналастыру үшін тұз қатпарының жоғарғы қабатын заманауи комбайндар көмегімен ұқыппен бөліп алу секілді жаңа технологияны қолдана бастады.<img src="https://knadmin.beoblood.kz/uploads/Whats_App_Image_2025_08_05_at_09_37_21_83c09a0efc.jpeg" alt="Жарнама 3.jpeg">Өндірісті модернизациялауЖаңа жүйе тұз өндіру учаскесін қайта өңдеуге мүмкіндік беріп, өнімнің тазалығын арттырып қана қоймай, шығындарды және өндірісте қолданылатын техника санын да қысқартады. Маңыздысы сол табиғи тұз қабаты сол қалпында сақталады. Бұған қоса, қоршаған ортаға әсерді барынша азайтуға да айрықша назар аударылады. Осы міндетті орындауда жаңа технологиялардың көмегі зор.Сонымен қатар логистика тиімділігі де артып, өнеркәсіптік қауіпсіздік жоғарылайды, себебі техниканың жұмыс барысындағы әрбір қадамы жіті қадағаланып, ауытқулар мен кідірістер тіркеліп отырады.Соңғы 10 жыл ішінде компания үлкен серпіліс жасады. Атап айтқанда, өндірістік желілер жаңартылып, Испания мен Украинадан әкелінген жаңа жабдықтармен жабдықталған цехтар ашылды. Олардағы ауа тазартқыш аспирациялық жүйелер де іске қосылды. Кәсіпорын алдағы жоспарында Қазақстанда алғаш рет вакуумды тұз өндіретін зауыт ашуды көздейді. Бұл қадам компанияның өнім түрлерін көбейтіп қана қоймай, халықаралық стандартқа сай өніммен жаңа нарықтарға шығуына мүмкіндік береді. Қазір зауыт жобасы әзірлену үстінде.Мықты ұжым - табыстың кілтіӘрине, кез келген өндірістің басты әрі бағалы ресурсы - адамдар. Компания қызметкерлеріне ерекше көңіл бөледі. Қазіргі таңда кәсіпорында мыңнан астам қызметкер жұмыс істейді. Олардың 94 пайызы Жақсықылыштағы өндірістік алаңда еңбек етеді. «Аралтұз» ұжымына кірген әр қызметкер тұрақты табыс, кәсіби өсу және мансаптық даму мүмкіндігіне ие болады.Кәсіпорын қызметкерлерге барынша жайлы жағдай жасауға ұмтылады: оларға әлеуметтік көмек, өтемақылар және қосымша демалыс қарастырылған. Біліктілігін арттырғысы келетіндер үшін арнайы білім беру бағдарламалары да бар.Стандарттар жай ғана формалдылық емес«Аралтұздағылар» тұрақты әрі адал бизнестің тәжірибе мен дәстүрге ғана емес, нақты қағидаларға да негізделеді деп сенеді. Сондықтан компания халықаралық стандарттарды жай ғана енгізіп қоймай, оны іс жүзінде ұстанып отыр. Кәсіпорын өнім сапасына (ISO 9001), қоршаған ортаға (ISO 14001), қызметкерлердің қауіпсіздігіне (ISO 45001), азық-түлік қауіпсіздігіне (FSSC 22000) ерекше мән береді. Сондай-ақ, энергия тұтынысы (ISO 50001) және әлеуметтік жауапкершілікке (SA 8000) де баса назар аударылады.Осы стандарттардың әрқайсысы кәсіпорын қызметін ашық әрі тұрақты етуге көмектеседі. Компания бизнестің табысты ғана емес, адамдар мен қоршаған орта үшін де пайдалы болуы керектігіне сенімді.Компанияның миссиясы – озық технологияларды пайдалана отырып, табиғи байлықты, мәдени және өндірістік мұраны сақтау, миллиондаған адамның күнделікті өміріне енетін сапалы өнім жасау.«Аралтұз» акционерлік қоғамы дәстүрлі өндірістің заманауи, экологиялық таза әрі әлеуметтік жауапты салаға айналатынын, пайда табумен ғана шектелмей, елдің дамуына үлес қоса алатынын дәлелдеп отыр.<img src="https://knadmin.beoblood.kz/uploads/Whats_App_Image_2025_08_05_at_09_37_15_dd8ea6375a.jpeg" alt="Жарнама 2.jpeg">Фото: «Аралтұз» АҚ

Өңірдің ірі жұмыс берушісі - «Аралтұз» АҚ: тұз, адамдар және технологиялар

<a href="https://kyzylorda-news.kz/">Kyzylorda-news.kz</a> Қызылорда облысы Сырдария ауданына қарасты Бесарық ауылында былтыр шағын өндіріс орталығы ашылды. Аумағы 1 мың шаршы шақырымды құрайды. Бүгінде орталықта оннан астам кәсіпкер кәсібін жүргізуде. Орталықта кәсібін ашқан ауыл тұрғындарының бірі Сәрсенкүл Аралбаева екі жылдан бері шұлық шығарып, оны пайдалы кәсіп түріне айналдыруға бар күшін салуда.Көпбалалы ана 2012 жылдан бері кәсіпкерлікпен айналысады. Сауда-саттық саласындағы тәжірибесі он жылдан асады. Уақыт өте кәсіптің жаңа бағытын игеруді ойластырады.<blockquote>"Біз отбасымызбен Қызылорда қаласының жанындағы Махамбет ауылында тұрамыз. Жолдасым, бала-шағаммен ойласа келе өндірістік бағытта бақ сынап көрмек болып, шұлық шығаруды қолға алдық. Алғашында 2 станокпен күніне 250 дана шұлық шығарып жүрдік. Бағасы нарықтағы құннан төмен, әрі өніміміз сапалы болған соң сұраныс арта түсті. Кәсібімізді кеңейту үшін қосымша қаржы іздеп, "Қызылорда" Өңірлік орталығына келдік. Орталық кәсібіміздің әлеуетін көріп, қолдап, 6 пайызбен 15 млн теңге несие берді", - дейді қызылордалық кәсіпкер.</blockquote>Бұл қаржыға қосымша құрал-жабдықтар алады. Нәтижесінде өнім өндіру көлемі 4-5 есеге дейін артқан. Бүгінде кәсіпкер &nbsp;тәулігіне 1000-1200 данаға дейін шұлық шығарып жатыр. &nbsp;6 адамды жұмыспен қамтыған.Тұтынушылардың басым бөлігі облыс тұрғындары екен. Қазір тауарды маркетплейстер арқылы сатуды жолға қою шараларын қолға алған. Кәсіпкердің сөзінше, өзге өңірлерден түсетін тапсырыстар легі күн сайын артып жатыр.<img src="https://knadmin.beoblood.kz/uploads/1_yzylordada_auyl_k_sipkeri_sh_ly_shy_aryp_zhatyr_b67320b331.jpg" alt="1 Қызылордада ауыл кәсіпкері шұлық шығарып жатыр.jpg"><img src="https://knadmin.beoblood.kz/uploads/2_yzylordada_auyl_k_sipkeri_sh_ly_shy_aryp_zhatyr_886bfeadce.jpg" alt="2 Қызылордада ауыл кәсіпкері шұлық шығарып жатыр.jpg"><img src="https://knadmin.beoblood.kz/uploads/3_yzylordada_auyl_k_sipkeri_sh_ly_shy_aryp_zhatyr_b7ce1a570f.jpg" alt="3 Қызылордада ауыл кәсіпкері шұлық шығарып жатыр.jpg">Фото:&nbsp;«Қызылорда» Өңірлік инвестициялық орталығының баспасөз қызметі

Қазақстан және Қызылорда облысының жаңалықтары: Кәсіпкерлік