Қармақшы ауданының өнеркәсіп саласының кәсіпорындары 2026 жылдың 01 тамыз айында 5889,0 млн теңге өнім өндіріп, өткен жылдың тиісті кезеңімен салыстырғанда 142,4 пайыз болса, өңдеу өнеркәсібі бойынша 4874,0 млн теңгеге өнімі өндіріліп, өткен жылдың тиісті кезеңімен салыстырғанда 149,0 пайыз болды. Ал бөлшек сауда көлемі 6971,0 млн теңгемен 100,8 пайызды құрап отыр.&nbsp;Ауыл шаруашылығымен қатар, ауданның экономикалық дамуына тікелей әсер ететін шағын және орта кәсіпкерліктің дамуы да басты назарда. 2026 жылдың 1-ші тамызына тіркелген кәсіпкерлік субъектілердің саны 2 845 бірлік болса, оның ішінде, белсенді жұмыс жасайтыны 2 709 бірлікті құрайды (үлесі 95,2 пайыз).2026 жылдың 1 сәуіріне шағын және орта кәсіпкерлікте жұмыспен қамтылғандар саны 4412 адамды құрап, өткен жылдың сәйкес кезеңіне 84,5 пайызға орындалды.2026 жылғы қаңтар-наурыз аралығында шағын және орта кәсіпкерлік субъектілерімен шығарылған өнім көлемі 9 537,0 млн теңгені құрап, өткен жылдың есепті кезеңімен салыстырғанда 100,1 пайызға орындалған.Мемлекеттік бағдарламалар шеңберіндегі қаржылай қолдаулар 2026 жылдың басынан бері ауданда жалпы саны 59 жобаға 1565,1 млн теңге несие берілді.<ul><li style="text-align:justify;">Оның ішінде «Ауыл Аманаты» бағдарламасы шеңберінде «Байқоңыр» әлеуметтік кәсіпкерлік корпорациясы акционерлік қоғамынан 42 жоба 348,3 млн теңгеге несиелендірілді;</li><li style="text-align:justify;">«Қызылорда Өңірлік инвестициялық орталығы» ЖШС МҚҰ арқылы «Іскер» бағдарламасы шеңберінде 10 жобаға 108,0 млн теңге берілді;</li><li style="text-align:justify;">«Агрокредит» аграрлық несие корпорациясы арқылы «Кең дала 2» бағдарламасымен 5 жоба 1074,8 млн теңгеге несиелендірілді;</li><li style="text-align:justify;">«Қорқыт елі» несие серіктестігі арқылы 2 жоба 34,0 млн теңгеге несиелендірілді.</li></ul>Сурет: gov.kz

Кәсіпкерлік саласының дамуы тұрақты бақылауда

<a href="https://kyzylorda-news.kz/">Kyzylorda-news.kz</a> Қызылорда облысында отандық өндірісті қолдау және өңірдің экспорттық әлеуетін арттыруға бағытталған оқу-семинары өтті.&nbsp;Семинарды облыс әкімінің орынбасары Н. Аманқұл ашып, өңірдегі кәсіпорындардың бәсекеге қабілеттілігін арттыру және сыртқы нарықтарға шығуын қолдау — мемлекеттік саясаттың басым бағыттарының бірі екенін, бұл үдерісте “Атамекен” кәсіпкерлер палатасының маңызды рөл атқаратынын атап өтті.Оқу-семинары аясында Түркиядан арнайы келген сарапшы Неджметтин Өнер сыртқы нарықтарға бейімделу және өнімді жаһандық деңгейде ілгерілетудің озық стратегияларымен бөлісті. Сонымен қатар, «QazTrade» сауда саясатын дамыту орталығы» АҚ, «QazIndustry» Қазақстандық индустрия және экспорт орталығы» АҚ және «Қазақстанның экспорттық-кредиттік агенттігі» АҚ мамандары өңделген өнім экспортын ұлғайту мен мемлекеттік қолдау құралдарын таныстырды.Практикалық маңызы жоғары семинарға жергілікті кәсіпкерлер, мемлекеттік органдар мен даму институттарының 100-ден астам өкілі қатысып, өнімді сыртқы нарықтарға өткізу мүмкіндіктері, экспортқа шығу кезіндегі шығындардың бір бөлігін мемлекет тарапынан өтеу (субсидиялау) тәртібі және жеңілдіктер алу тетіктері кеңінен талқыланды.<img src="https://knadmin.beoblood.kz/uploads/Eksportty_damytu_bojynsha_o_u_seminary_2_27827797af.jpg" alt="Экспортты дамыту бойынша оқу семинары 2.jpg">

Қызылордада экспортты дамыту бойынша оқу-семинары өтті

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Әйтеке би кенті, Қарашеңгел және Арықбалық ауылдық округтеріндегі «Ауыл аманаты» жобасы аясында жеңілдетілген несие алып, кәсібін ашып, оны дамытып отырған кәсіпкерлердің жұмысымен танысты.Аудан басшысы кәсіпкерлердің шұбат өндіру, тігін шеберханасы, дизайн орталығы, кондитерлік өнімдер өндіру және темір бұйымдарын жасау бағытындағы жұмыстарын көріп, өндіріс барысымен танысты. Кәсіп иелерімен тілдесіп, олардың ұсыныс-пікірлерін тыңдады.<img src="https://knadmin.beoblood.kz/uploads/FB_IMG_1786681340612_d723627cfd.jpg" alt="FB_IMG_1786681340612.jpg">Жобалармен танысу барысында Қарашеңгел ауылдық округіндегі «Ауыл аманаты» жобасы арқылы қаржыландырылған наубайхана жұмысын көрді. Жеке кәсіпкер Асел Қыдырбаева 2023 жылы «Ауыл аманаты» бағдарламасы аясында 2,5 пайызбен &nbsp;5 300 000 теңге несие алып, нан өнімдерін шығаратын өндіріс орнын ашқан. Мұнда тәулігіне 60 дана нан, 100 дана пирожки, 100 дана тоқаш өнімдері өндіріліп, ауыл тұрғындарының сұранысы қамтамасыз етілуде.Сонымен қатар Жанқожа батыр ауылында «Қарасақал-2026» шаруа қожалығының жұмысымен танысты. Кәсіпкер «Ауыл аманаты» жобасы арқылы 20 млн. теңге жеңілдетілген несие алып, оған 40 бас асыл тұқымды қазақтың ақбас сиырын сатып алған. Қазіргі таңда шаруашылық мал басын көбейтіп, мал шаруашылығын одан әрі дамыту бағытында жұмыс жүргізуде.Кездесу барысында аудан әкімі Президент тапсырмасымен жүзеге асып жатқан «Ауыл аманаты» жобасының тиімділігіне тоқталып, оның ауыл тұрғындарына кәсіп бастауға және жұмысын кеңейтуге нақты мүмкіндік беріп отырғанын атап өтті.– Басты мақсат – ауылдағы кәсіпкерлікті дамыту, жаңа жұмыс орындарын ашу және тұрғындардың тұрақты табысын арттыру. Бүгінде жобаның игілігін көріп отырған азаматтардың қатары артып келеді. Кәсіпкерлердің кәсібін одан әрі дамытуына мүмкіндік мол. Бұл бағыттағы жұмыстар алдағы уақытта да жалғасын табады, – деді аудан әкімі.Айта кетейік, «Ауыл аманаты» жобасы аясында 2023–2025 жылдары аудан бойынша 1 млрд. 581 млн теңгеге 226 жоба қаржыландырылып, 270 жаңа жұмыс орны ашылды. Ал 2026 жылы жобаны іске асыруға 88 жоба бойынша 850 млн теңге қаржыландыру жоспарлануда. Нәтижесінде 103 жұмыс орнын ашу көзделіп отыр.<img src="https://knadmin.beoblood.kz/uploads/FB_IMG_1786681315034_d9e681f9e2.jpg" alt="FB_IMG_1786681315034.jpg">

«Ауыл аманаты»: Қазалылық кәсіпкерлерге қолдау көрсетілуде 

Қызылорда облысында кәсіпкерлікті дамыту мен сауда инфрақұрылымын жаңғырту бағытындағы жұмыстар жүйелі түрде жалғасуда. Жылдың алғашқы алты айында бұл салалардағы негізгі көрсеткіштер оң динамика көрсетіп, мемлекеттік қолдау шараларының тиімділігі айқын байқалды. Бұл туралы Қызылорда облысының кәсіпкерлік және өнеркәсіп басқармасының басшысы Мөлдір Тәуіпбаеваның қатысуымен Өңірлік коммуникациялар қызметінің ақпарат алаңында өткен баспасөз конференциясында белгілі болды.Қазіргі таңда облыста 60 мыңға жуық шағын және орта кәсіпкерлік субъектісі жұмыс істейді. Бұл секторда экономикалық белсенді халықтың 29,3 пайызы немесе 102 мыңнан астам тұрғын еңбек етеді. Кәсіпкерлік өңір экономикасының негізгі қозғаушы күштерінің біріне айналып отыр.<blockquote>«Жыл басынан бері жеке кәсіпкерліктің 750 жобасына мемлекеттік қолдау көрсетілді. Оның ішінде «Іскер аймақ» бағдарламасы арқылы 14 жоба, ал өңдеу өнеркәсібін дамытуға бағытталған «Өрлеу» бағдарламасы аясында 70 жоба қаржыландырылды. Сонымен бірге, «Қызылорда» өңірлік инвестициялық орталығы арқылы 16 кәсіпкерге шағын несие берілді. Бұдан бөлек, «Байқоңыр» әлеуметтік кәсіпкерлік корпорациясы мен «Аграрлық несие корпорациясы» арқылы ауыл шаруашылығы саласындағы жобаларды қаржыландыру жалғасуда. Алдағы кезеңде кәсіпкерлікке бағытталған қаржылық қолдау банктер мен даму институттарының несие ресурстары есебінен ұлғайтылмақ», - деді басқарма басшысы.&nbsp;</blockquote>Сауда саласында да тұрақты өсім қалыптасты. Биылғы алты айда жалпы сауда көлемінің нақты көлем индексі 102,6 пайызға жетті. Бұл халықтың сатып алу белсенділігінің сақталғанын және ішкі нарықтың тұрақты дамып отырғанын көрсетеді.<blockquote>«Саланы одан әрі дамыту үшін биыл 25 инвестициялық жобаны іске асыру жоспарланды. Қазіргі уақытта «Сыбаға», «Талғат» және «Асбол» әмбебап базарларын жаңғырту жұмыстары жүргізілуде. Бұл жобалар сауда орындарының материалдық-техникалық базасын жақсартып, кәсіпкерлер үшін қолайлы жағдай қалыптастыруға бағытталған. Жүзеге асырылатын жаңа жобалар өңірдегі сауда инфрақұрылымын жаңғыртып қана қоймай, ішкі сауда айналымының артуына, кәсіпкерлік белсенділіктің күшеюіне және тұрғындарға көрсетілетін қызмет сапасының жақсаруына ықпал етеді», - деді Мөлдір Сұлтанбекқызы.</blockquote>

Өңірде кәсіпкерлік саласы дамып, сауда көлемі артып келеді 

Қызылорда облысында өңдеу өнеркәсібінің көлемін 13,8 пайызға, өнеркәсіп өндірісін 102,4 пайызға, жеке инвестициялар 20,6 пайызға және сауда айналымы 2,6 пайызға артты. &nbsp;Өңірлік коммуникациялар қызметінің ақпарат алаңында өткен баспасөз конференциясында Қызылорда облысының кәсіпкерлік және өнеркәсіп басқармасының басшысы Мөлдір Тәуіпбаева баяндады. Есепті кезеңде өңірдің негізгі макроэкономикалық көрсеткіштері оң өсім көрсетіп, экономиканың тұрақты дамуы жалғасып отырғаны айтылды.<blockquote>«Өнеркәсіп саласында бүгінде 635 кәсіпорын жұмыс істейді. Оның 24-і ірі, 15-і &nbsp;орта және 596-сы шағын кәсіпорындар. Биылғы жылдың алғашқы алты айында өнеркәсіп өндірісінің көлемі 2,4 пайызға ұлғайды. Алдағы үш жылда өңірде 48 инвестициялық жоба жүзеге асырылып, 10 мыңнан астам жаңа жұмыс орны ашылады. Басым бағыттар қатарында агроөнеркәсіп кешені, құрылыс индустриясы, химия өнеркәсібі, энергетика, тау-кен металлургиясы және көлік-логистика салалары белгіленген. Биыл 21 инвестициялық жобаны іске қосу жоспарланған. Қазіргі таңда жолаушылар вагондарына жөндеу және техникалық қызмет көрсету кешені, жылдық қуаты 3,5 мың тонналық құс фабрикасы, «Сұлтан-2» базары және жол бойындағы қызмет көрсету пункті пайдалануға берілді. Жыл соңына дейін 5 мың тонналық тауарлы сүт фермасы, әк өндіру, мотоцикл құрастыру және гофрленген картонға арналған қағаз өндіру зауыттары іске қосылады», - деді Мөлдір Сұлтанбекқызы.</blockquote>Сонымен қатар спикердің айтуынша 14 ірі инвестициялық жобаның құрылысы басталған. Оның ішінде төрт жобада құрылыс жұмыстары жүріп жатса, екі жобаның капсуласы салынды. Қалған сегіз жобаның құрылысы жыл соңына дейін басталмақ.<blockquote>«Инвесторлар үшін тартымды алаңдардың бірі «Қорқыт ата» арнайы экономикалық аймағы. Мұнда жүзеге асырылуы мүмкін 18 басым қызмет түрі бекітілген. Қазіргі таңда арнайы экономикалық аймақтың инженерлік инфрақұрылымы салынуда және өндірістік жобаларды орналастыру үшін әлеуетті инвесторлармен келіссөздер жалғасуда. Сондай-ақ, «Тау Групп» серіктестігі қытайлық «Тика» компаниясымен бірлесіп желдету және ауаны баптау қондырғыларын шығаратын өндірісті қолға алды. Осы жылдың тамыз айында жобаның алғашқы кезеңі іске қосылып, желдету қондырғыларын құрастыру өндірісі басталады. Жалпы, жүзеге асырылып жатқан индустриялық және инвестициялық жобалар өңірдің өндірістік әлеуетін арттырып, жаңа жұмыс орындарын ашуға және экономиканың тұрақты өсімін қамтамасыз етуге мүмкіндік береді, - деді басқарма басшысы.</blockquote>

Экономиканы әртараптандыру – өңір дамуының басты бағыты 

<a href="https://kyzylorda-news.kz/">Kyzylorda-news.kz</a> Бүгін Қызылорда облысының кәсіпкерлік және өнеркәсіп басқармасының басшысы Мөлдір Тәуіпбаева Париж қаласында өткен халықаралық көрмеге қатысқан өңір кәсіпкерлеріне облыс әкімі орынбасарының Алғыс хатын табыстады.Биыл мамыр айында Париж қаласында Еуропа қазақтарының құрылтайы аясында Қызылорда облысының 9 тауар өндірушісі өз өнімдерін халықаралық хауымдастыққа ұсынып, ұлттық өнімдердің сапасы мен ерекшелігін кеңінен таныстырды.Көрмеде «Абзал и К» толық серіктестігі күріш өнімдерін, «Аралтұз» АҚ табиғи ас тұзын, ЖК «Н. Қазбергенов» «Қазалы» кондитерлік өнімдерін, ЖК «М. Халиев» ұлттық құрт өнімдерін, «Aral Organic» кәсіпорны түйе сүтінен жасалған табиғи сабындарын, ЖК «Ж. Кушжанова» жантақ шайын, ЖК «Юсупова» ұлттық нақыштағы үйге арналған тоқыма бұйымдарын, ЖК «Светлана Цой» қолөнер бұйымдары мен сәндік аксессуарларын, сондай-ақ «Айман Абди» балалар сән үйі ұлттық нақыштағы ересектер мен балалар киімдерін таныстырды.Айта кету керек, халықаралық көрмеге қойылған жергілікті &nbsp;кәсіпкерлердің бірқатар өнімдері Қазақстан Республикасының Франциядағы Елшілігінде орналасқан музей экспозициясына қойылып, ұлттық брендтердің халықаралық деңгейде насихатталуына өз үлесін қосты.Кездесу барысында кәсіпкерлердің өңір экономикасын дамытуға, отандық өндірісті өркендетуге және ұлттық құндылықтарды халықаралық деңгейде дәріптеуге қосқан үлесі ерекше аталып өтті.Еліміздің басты Заңына деген құрметтің және құқықтық мемлекет қағидаттарын дәріптеудің белгісі ретінде марапат иелеріне Қазақстан Республикасы Конституциясының кітаптары табысталды.

Қызылордада өңірдің дамуына үлес қосқан кәсіпкерлер марапатталды

Жосалы кентінде жаңа «Ырыстыжан» сауда орталығының салтанатты ашылу рәсімі өтті. Жаңа кәсіпкерлік нысанының ашылуына Қармақшы ауданы әкімінің орынбасары Диас Асылбекұлы Молдабаев қатысып, кәсіпкерді айтулы қуанышымен құттықтап, жұмысына табыс пен береке тіледі.<img src="https://knadmin.beoblood.kz/uploads/FB_IMG_1784258160263_5f886ed7de.jpg" alt="FB_IMG_1784258160263.jpg">– Ел экономикасының тұрақты дамуы мен халықтың әл-ауқатының артуында кәсіпкерліктің алар орны ерекше. Мемлекет басшысы кәсіпкерлікті экономиканың қозғаушы күші ретінде айқындап келеді. Осындай нәтижелі жобалардың ауданымызда көбейіп, жаңа өндірістер мен сауда нысандарының ашылуы ауданның әлеуметтік-экономикалық әлеуетін одан әрі арттыра түсетініне сенімдімін, – деді Диас Асылбекұлы.Пайдалануға берілген «Ырыстыжан» сауда орталығы – аудандағы кәсіпкерліктің дамуына қосылған маңызды жобалардың бірі. Сауда орталығы тұрғындарды сапалы әрі қолжетімді азық-түлік өнімдерімен қамтамасыз етіп қана қоймай, 13 азаматты тұрақты жұмыспен қамтып отыр. Бұл – халықтың тұрмыс сапасын жақсартуға, кәсіпкерлік белсенділікті арттыруға және аудан экономикасының дамуына оң серпін беретін игі бастама.Айта кету керек, бүгінде Қармақшы ауданында кәсіпкерлік саласы тұрақты қарқынмен дамып келеді. 2026 жылдың 6 айдың қорытындысымен ауданда 2837 кәсіпкерлік субъектісі тіркелсе, оның 95,2 пайызы белсенді жұмыс жасауда. Сонымен қатар, кәсіпкерлерге «Ауыл аманаты» бағдарламасы және Аграрлық несие корпорациясы арқылы мемлекеттік қолдау көрсетіліп, жаңа инвестициялық жобаларды жүзеге асыруға қолайлы мүмкіндіктер жасалуда.

Жосалы кентінде жаңа кәсіпкерлік нысан ашылды 

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Нұриддин Аманқұлұлы өңірдегі бірқатар өндірістік кәсіпорындардың жұмысымен танысып, өндірістік үдерістердің барысын саралады.Сапар барысында өңдеу өнеркәсібінің ірі жобаларының бірі саналатын «Orda Glass Ltd» ЖШС шыны зауытының қызметімен танысты. Кәсіпорын заманауи технологиялар негізінде табақша шыны өндіруді жүзеге асырып, отандық құрылыс индустриясының сұранысын қамтамасыз етуде. Зауытта өндірістік процестер толық цифрландырылып, өнім сапасын бақылау мен шыныны өңдеудің автоматтандырылған жүйелері енгізілген. Сонымен қатар, кәсіпорын өнімдері ішкі нарықпен қатар шетел мемлекеттеріне экспортталуда.Сондай-ақ, облыс әкімінің орынбасары «AynaGlass» ЖШС айна өндіру зауытының жұмысымен танысты. Кәсіпорында өндірістің барлық кезеңдері автоматтандырылған және цифрлық басқару жүйелері арқылы жүзеге асырылады. Роботтандырылған желілердің көмегімен өндірістік процестердің дәлдігі мен тиімділігі артып, адам факторының ықпалы барынша төмендетілген.Іссапар аясында «ALTYN BRICKS KYZYLORDA» ЖШС кірпіш зауытының өндірістік әлеуеті зерделенді. Кәсіпорын құрылыс саласына қажетті сапалы кірпіш өнімдерін шығарып, өңірдің құрылыс индустриясын дамытуға үлес қосып келеді.Бұдан кейін темір-бетон бұйымдарын өндіруге маманданған «КСМ КЗ» ЖШС зауытының жұмыс барысы қаралды. Кәсіпорында құрылыс саласына қажетті темір-бетон өнімдерінің кең көлемі өндіріліп, өңірдегі инфрақұрылымдық және тұрғын үй құрылысы жобаларын отандық өніммен қамтамасыз ету бағытында жұмыстар жүргізілуде.Сондай-ақ, облыс әкімінің орынбасары өңірдегі ірі күріш өңдеу кәсіпорындарының бірі саналатын «Жан-Арай» ЖШС күріш зауытында болып, өндірістік желілердің жұмысымен танысты. Кәсіпорын күрішті терең өңдеу және дайын өнім өндіру бағытында жұмыс жүргізіп, ішкі нарықты сапалы өніммен қамтамасыз етуге өз үлесін қосуда.Сапар барысында «Панабек» ЖШС жиһаз өндіру цехының қызметі де таныстырылды. Кәсіпорын тұрғындар мен мекемелердің сұранысына сәйкес түрлі бағыттағы жиһаз өнімдерін шығарып, өндіріс көлемін ұлғайту және өнім түрлерін кеңейту жұмыстарын жүргізуде.Кездесу барысында кәсіпорын басшыларымен өндірісті дамыту, жаңа жұмыс орындарын ашу, өнім көлемін ұлғайту, өндірістік қуаттарды тиімді пайдалану мәселелері талқыланды.Өз кезегінде облыс әкімінің орынбасары Нұриддин Аманқұлұлы Мемлекет басшысының экономиканы цифрландыру және жасанды интеллект технологияларын кеңінен енгізу жөніндегі тапсырмалары аясында өңірдің өнеркәсіптік әлеуетін арттыру, импортты алмастыру және жергілікті тауар өндірушілерді қолдау және кәсіпорын басшыларының ой-пікірлері тиісті министрліктермен жұмыстар жасалатынын атап өтті.&nbsp;

Өңірдегі өндірістік кәсіпорындардың жұмысымен танысты

Қызылорда облысының кәсіпкерлік және өнеркәсіп басқармасының басшысы Мөлдір Тәуіпбаева Париж қаласында өткен халықаралық көрмеге қатысқан өңір кәсіпкерлеріне облыс әкімі орынбасарының Алғыс хатын табыстады.Биыл мамыр айында Париж қаласында Еуропа қазақтарының құрылтайы аясында Қызылорда облысының 9 тауар өндірушісі өз өнімдерін халықаралық хауымдастыққа ұсынып, ұлттық өнімдердің сапасы мен ерекшелігін кеңінен таныстырды.Көрмеде «Абзал и К» толық серіктестігі күріш өнімдерін, «Аралтұз» АҚ табиғи ас тұзын, ЖК «Н. Қазбергенов» «Қазалы» кондитерлік өнімдерін, ЖК «М. Халиев» ұлттық құрт өнімдерін, «Aral Organic» кәсіпорны түйе сүтінен жасалған табиғи сабындарын, ЖК «Ж. Кушжанова» жантақ шайын, ЖК «Юсупова» ұлттық нақыштағы үйге арналған тоқыма бұйымдарын, ЖК «Светлана Цой» қолөнер бұйымдары мен сәндік аксессуарларын, сондай-ақ «Айман Абди» балалар сән үйі ұлттық нақыштағы ересектер мен балалар киімдерін таныстырды.Айта кету керек, халықаралық көрмеге қойылған жергілікті &nbsp;кәсіпкерлердің бірқатар өнімдері Қазақстан Республикасының Франциядағы Елшілігінде орналасқан музей экспозициясына қойылып, ұлттық брендтердің халықаралық деңгейде насихатталуына өз үлесін қосты. Кездесу барысында кәсіпкерлердің өңір экономикасын дамытуға, отандық өндірісті өркендетуге және ұлттық құндылықтарды халықаралық деңгейде дәріптеуге қосқан үлесі ерекше аталып өтті.Еліміздің басты Заңына деген құрметтің және құқықтық мемлекет қағидаттарын дәріптеудің белгісі ретінде марапат иелеріне Қазақстан Республикасы Конституциясының кітаптары табысталды.

Өңір кәсіпкерлері марапат төрінен көрінді 

<a href="https://kyzylorda-news.kz/">Kyzylorda-news.kz</a> Бүгін «Құзыреттілік орталығында» облыс әкімі Мұрат Ергешбаевтың, мәслихат депутаттары, жергілікті бизнес өкілдері, даму және қаржы институттары басшыларының қатысуымен «Қазақстанның үздік тауары – 2026» өңірлік көрме-байқауы өтті.Аймақ кәсіпкерлері мен тауарөндірушілері жыл сайынғы «Алтын сапа» сыйлығы мен «Қазақстанның үздік тауары» дәстүрлі республикалық көрме-байқауына белсенді қатысып келеді. Бұл – отандық тауарөндірушілерді қолдауға, өнім сапасын арттыруға және ұлттық брендтерді дамытуға бағытталған маңызды шара.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti_21ed3f65f1.jpg" alt="«Қазақстанның үздік тауары – 2026» өңірлік көрме-байқауы өтті.jpg">Аймақ басшысы бәсекеге қабілетті өнім шығарып, сапалы қызмет көрсету еліміздің өркендеуіне нақты іспен үлес қосу екенін атап өтті.<blockquote>– Бұл міндетті жүзеге асыруда кәсіпкерлер қауымының еңбегі мен жауапкершілігі ерекше. Көрмені аралау барысында сапалы өнімдерді өзімізде шығаруға болатынын көрдік.Президентіміз Қасым-Жомарт Кемелұлы: «Қазақстанда жасалған» деген таңба ең мықты сапаның, ең жақсы өнімнің белгісіне айналуға тиіс. «Алтын сапа» байқауының басты мақсаты – осы» деп атап өткен болатын.Облыс экономикасын әртараптандыруда жоғары сапалы, экспортқа бағытталған өңдеу өнеркәсібі қарқын алды. Алдағы 3 жылда 48 инвестициялық жобаны жүзеге асырып, 10 мыңнан астам жаңа жұмыс орнын құру көзделген.Бүгінгі көрме-байқау алаңы – кәсіпкерлер арасындағы өзара ынтымақтастықты күшейтіп, жергілікті өнімдерді тұтыну мен өткізуді арттыруға мүмкіндік береді»,– деді Мұрат Нәлқожаұлы.</blockquote>Жақында «Марал Нұр» серіктестігінің жоғары технологиялық вагондарды жөндеу және техникалық қызмет көрсету кешені ашылды. Бұл компания теміржол инфрақұрылымын дамытудағы сапалы жұмысы үшін өткен жылы «Алтын сапа» сыйлығының лауреаты атанды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti1_c926f57b9d.jpg" alt="«Қазақстанның үздік тауары – 2026» өңірлік көрме-байқауы өтті1.jpg">Өткен айда испандық «Рока Груп» компаниясының санитарлық-техникалық бұйымдар, «Севен Риверс» компаниясының шыны ыдыстар шығаратын зауыттарының капсуласы салынды. Алдағы уақытта жаңа өндірістердің жоғары сапалы өнімі облыс экономикасын өркендетуге септігін тигізеді.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti2_fe3ec0dad6.jpg" alt="«Қазақстанның үздік тауары – 2026» өңірлік көрме-байқауы өтті2.jpg">Биылғы көрме-байқауға экономиканың түрлі салаларынан 62 тауарөндіруші қатысты. Сарапшылардың бағалау қорытындысы бойынша «Өндірістік мақсаттағы үздік тауарлар», «Үздік азық-түлік тауарлары» және «Халыққа арналған үздік тауарлар» номинациялары бойынша 9 жеңімпаз марапатталды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti3_93ed9897ca.jpg" alt="«Қазақстанның үздік тауары – 2026» өңірлік көрме-байқауы өтті3.jpg">Қазір Қызылорда облысында 60 мыңға жуық шағын және орта кәсіпкерлік субъектісі жұмыс істейді. Бұл секторда 113 мыңнан астам адам еңбекпен қамтылған. Биыл кәсіпкерлікті қолдауға шамамен 25 млрд теңге бөлініп, 553 жоба қаржыландырылды.<img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti4_9be8df63f8.jpg" alt="«Қазақстанның үздік тауары – 2026» өңірлік көрме-байқауы өтті4.jpg"><img src="https://knadmin.beoblood.kz/uploads/aza_stanny_zdik_tauary_2026_irlik_k_rme_baj_auy_tti5_f728f6e2a5.jpg" alt="«Қазақстанның үздік тауары – 2026» өңірлік көрме-байқауы өтті5.jpg">Фото: Қызылорда облысы әкімінің баспасөз қызметі&nbsp;

«Қазақстанның үздік тауары – 2026» өңірлік көрме-байқауы өтті

<a href="https://kyzylorda-news.kz/">Kyzylorda-news.kz</a> Қызылорда қаласы Тасбөгет кентінің тұрғыны Бауыржан Сәрсенов бала күнгі арманы болған жиһаз жасау кәсібін «AMANAT» партиясының «Ауыл аманаты» жобасы аясында табысты кәсіпке айналдырды. Жас кәсіпкер қазір облыс көлемінде сапалы жиһаз өнімдерін дайындайтын заманауи цехтың жұмысын жолға қойған.Бауыржан Сәрсенов «AMANAT» партиясының «Ауыл аманаты» жобасы аясында 2,5 пайыздық жеңілдетілген несие алып, өзінің көптен бергі арманы болған кәсіпті бастады. Бүгінде ол облыс көлемінде сапалы жиһаз өнімдерін дайындайтын заманауи цехтың яғни «Baukin» жеке кәсіпкерлігін иесі. &nbsp;Кәсіпкердің айтуынша, жиһаз жасауға деген қызығушылығы бала күнінен басталған. Алайда кез келген істі қолға алу үшін ең алдымен қаржылай қолдаудың маңызы зор. Осы тұрғыда «AMANAT» партиясының бастамасымен жүзеге асқан «Ауыл аманаты» жобасы оның кәсібін ашуына үлкен мүмкіндік берген.Қазіргі таңда «Baukin» жиһаз цехы тұрғындардан түрлі тапсырыстар қабылдап, асүй жиһаздары, кеңсе үстелдері, шкафтар мен заманауи интерьерге арналған бұйымдарды әзірлеумен айналысады. Сапалы өнім мен жауапкершіліктің арқасында кәсіпкердің тұтынушылары күн санап артып келеді. Бүгінде облыстың әр ауданынан тапсырыс түсіп, цех жұмысы қарқын алған.<blockquote>«Ауыл аманаты» жобасы – кәсіп бастаймын деген азаматтарға берілген үлкен мүмкіндік. Төмен пайызбен несие алып, өз кәсібімді дамытуға жол ашылды. Жиһаз жасау – бала күнгі арманым еді. Сол арманымды жүзеге асыруға қолдау көрсеткен «AMANAT» партиясына алғысым шексіз. Осындай бағдарламалардың арқасында көптеген азамат өз кәсібін бастап, ел экономикасының дамуына үлес қоса алады»,-дейді кәсіпкер Бауыржан Сәрсенов.</blockquote>Бүгінде цехта 10 адам тұрақты жұмыспен қамтылған. Бұл өз кезегінде өңірдегі жұмыссыздық деңгейін төмендетіп, жергілікті тұрғындардың табысын арттыруға оң әсерін тигізуде. Бауыржан алдағы уақытта жұмысшылар санын көбейтпек. Ол үшін өндіріс ауқымын кеңейтіп, жаңа құрал-жабдықтармен қамтылған ірі өндірістік база салуды көздеп отыр.<blockquote>«Жалпы кез келген мәселенің сұрауы болады. Осы несиенің мақсатты жұмсалуын партия өкілдері арнайы келіп, өздері қадағалап, цех жұмысымен танысты. Ұсыныстарымды айтып, алдағы жоспарларыммен бөлістім. Сол кезде өндірісті кеңейту үшін қосымша жер телімі қажет екенін айттым. Партия өкілдері жергілікті әкімдік мамандарын шақырып, жер телімін беруге қолдау көрсету жөнінде ұсыныс білдірді. Қазіргі таңда бұл бағытта нақты жұмыстар жүргізіліп жатыр. Алдағы уақытта нәтижесін береді деп сенемін», - дейді ол.</blockquote>Партия қолдауының нақты нәтижесін көрсететін мұндай мысалдар өңірде аз емес. «Ауыл аманаты» жобасы ауылдық жерлерде кәсіпкерлікті дамытуға серпін беріп қана қоймай, жаңа жұмыс орындарының ашылуына, халықтың әл-ауқатының артуына және отандық өндірістің дамуына оң ықпал етіп келеді.<img src="https://knadmin.beoblood.kz/uploads/Whats_App_Image_2026_05_28_at_16_29_45_b4c65fa7da.jpeg" alt="WhatsApp Image 2026-05-28 at 16.29.45.jpeg">

«Ауыл аманаты» жобасы аясында жиһаз өнімдерін дайындайтын цех ашты

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы, Жосалы кентінде халықты сапалы өніммен қамтып отырған іскер жандардың бірі – жеке кәсіпкер Асарбаева Күлпаш Алдабергенқызы. Ол аудан тұрғындарын күнделікті сұранысқа ие нан өнімдерімен және жартылай фабрикат өнімдерімен қамтамасыз етіп келеді.Кәсібін кеңейту мақсатында кәсіпкер «Қызылорда» өңірлік инвестициялық орталығы арқылы жылдық 6 % мөлшерлемемен 40 млн. теңге көлемінде жеңілдетілген несие алып, өндіріске қажетті заманауи құрал-жабдықтар сатып алған. Нәтижесінде өндіріс көлемі айтарлықтай артып, цех жұмысы жандана түсті.Бүгінде «Береке нан» цехында тәулігіне 2000 дана нан, 300 дана батон, 200 дана тәтті тоқаш түрлері және 50-80 кг жартылай фабрикат өнімдері дайындалады. Табиғи әрі сапалы өнімдер тұрғындардың сұранысына ие болып, бүгінде «Береке нан» өнімдері аудандағы ірі маркеттер мен көптеген дүкен сөрелерінен орын алған.Қазіргі таңда цехта 8 адам тұрақты жұмыспен қамтылған. Бұл – өңірдегі кәсіпкерліктің дамуына, халықтың әл-ауқатының жақсаруына қосылған үлес.Күлпаш Алдабергенқызы алдағы уақытта цех жұмысын дамытуды көздеп отыр. Алдағы уақытта кәсіпті кеңейтіп, қызметкерлер санып көбейтпек.&nbsp;

Қазақстан және Қызылорда облысының жаңалықтары: Кәсіпкерлік