<a href="https://kyzylorda-news.kz/">Kyzylorda-news.kz</a> Ел Президентінің Жарлығымен «2025 жыл – Жұмысшы мамандықтар жылы» деп жарияланды. Бұл бастама жұмысшы мамандардың қоғамдағы беделін арттырып, кәсіптік бағытты дамытуға мүмкіндік бермек. Бүгінде құрылыс, энергетика, өндіріс, сауда және ауыл шаруашылығы саласындағы қарапайым еңбеккерлердің жұмысы дәріптеліп, салаға қызығушылық танытқан жастардың жаңа толқыны қалыптасып келеді.Іс-шара жоспарындағы «Жұмысшы күні» жалпы республикалық жобасы аясында мектеп оқушылары мамандық бағыттары бойынша өңірдегі ірі кәсіпорындар мен мекемелер базасын аралау, қамтамасыз ету іс-шарасына сәйкес, "Байтабын" ЖШС, «Тәтті әлемі» цехы, «Таң ЛТД» ЖШС,«Ер әлі» ЖШС, «Мираж» ЖШС, «Бақдәулет» ЖШС-на экскурсия жасап, өндіріс орындарының ішкі жұмысымен толық таныстырылып, жастар жұмысшы мамандарымен сұрақ-жауап алмасты.<img class="image_resized" style="width:93.2%;" src="https://knadmin.beoblood.kz/uploads/O_ushylar_ndiris_oryndaryn_aralady_3_be2f6d2a33.jpg" alt="Оқушылар өндіріс орындарын аралады 3.jpg"><img class="image_resized" style="width:92.46%;" src="https://knadmin.beoblood.kz/uploads/O_ushylar_ndiris_oryndaryn_aralady_394f2655ed.jpg" alt="Оқушылар өндіріс орындарын аралады.jpg">

Оқушылар өндіріс орындарына экскурсия жасады

<a href="https://kyzylorda-news.kz/">Kyzylorda-news.kz</a> Өз кәсібін ашып, жеке брендін қалыптастыруды көздейтін азаматтарға мемлекет тарапынан жан-жақты қолдау көп. Кәсіпкерлікті дамыту мақсатында гранттар мен жеңілдетілген несиелер, түрлі кеңес беру қызметтері де қарастырылған. Облыстық БАҚ өкілдері өңірлік коммуникациялар қызметінің ұйымдастыруымен мемлекет тарапынан қолдау тапқан кәсіпкерлердің жұмысымен танысты.Ең алдымен қазіргі заманға сай қыз жасауын дайындап, кәсібін кеңейткен жеке кәсіпкер Жанар Прекееваның кәсіпкерлік нысанына барды.<blockquote>– Мен өткен жылы «Бастау Бизнес» жобасының аясында кәсіпкерлік негіздерін оқыту бойынша онлайн курсын аяқтап, мемлекеттік грант жеңіп алдым. Жалпы, біздің нарыққа шыққанымызға 8 жыл болды. Былтыр «Мансап» орталығымен меморандумға қол қойып, жұмыссыз азаматтарды оқытып, әрі қарай жұмыспен қамтып жатырмыз. Бүгінде 17 тігінші жұмыс істейді. Айта кету керек, біз тек қыз жасауымен ғана емес, ұлттық дәстүрге негізделген барлық бұйымдар, яғни қазақы көрпе-жастықтар, сәнді жиынтықтарды тігеміз. Санға емес, сапаға баса мән береміз. Сол үшін де шығар сұраныс жоғары. Еліміздің өзге өңірлерінен бөлек, шет елдегі қандастарымыз да тапсырыс береді. Бұл біз үшін үлкен мақтаныш,- деді жеке кәсіпкер Жанар Прекеева.</blockquote><figure class="image"><img src="https://knadmin.beoblood.kz/uploads/K_sipkerlik_nysandar_4_0208f1a57f.jpg" alt="Кәсіпкерлік нысандар 4.jpg"></figure><figure class="image"><img src="https://knadmin.beoblood.kz/uploads/K_sipkerlik_nysandar_5_222484ee6e.jpg" alt="Кәсіпкерлік нысандар 5.jpg"></figure>Онан соң БАҚ өкілдері мемелкет қолдауының арқасында кондитерлік өнімдерді дайындап, қаланың экономикалық дамуына өз үлесін қосып жүрген Гүлфира Шамаханованың кондитерлік дүкеніне барып, атқарып жатқан жұмысымен танысты.<blockquote>– Ең алғаш кондитерлікпен үй жағдайында айналыса бастадым. Бұл іс маған ерекше шабыт сыйлады. Өзіңе ұнайтын іспен айналысудың үлкен бақыт екенін түсініп 2023 жылы осы кәсібімді дамыту мақсатында мемлекеттен қайтарымсыз грант ұтып, қажетті құрал-жабдықтарды сатып алдым. Бүгінде кондитерлік кәсібім тұрақты түрде дамып келеді. Тұрақты тұтынушыларым бар, мерекелік торттар мен тәттілерге де күн сайын сұраныс артып жатыр,- жеке кәсіпкер Гүлфира Шамаханова.</blockquote><figure class="image"><img src="https://knadmin.beoblood.kz/uploads/K_sipkerlik_nysandar_6_019bc5b381.jpg" alt="Кәсіпкерлік нысандар 6.jpg"></figure>Баспасөз турында журналистерді ерекше қызықтырған бизнестің бірі – «Аква әлем» жобасы. Әуелгіде хобби ретінде басталған оның бұл қызығушылығы бүгінде айтарлықтай табыс әкеліп отыр.<blockquote>– Мен көпбалалы ана ретінде өткен жылы 1 476 800 теңге көлемінде мемлекеттік грант жеңіп алып, жеке кәсібімді бастаған болатынмын. Қазіргі таңда нарықта аквариум және аквариум балықтарының бағасы өте жоғары. Балықтарды көбейту арқылы өз кәсібімді жүргізіп отырмын. Бұл аквариумдерді қолдан кесіп, силикон арқылы жабыстырамыз. Балықтарды Тайланд пен Индонезиядан алдырамыз. Бүгінде бізде 30-ға жуық балықтың түрі бар. Олар үлкен күтімді қажет етеді. Бұл кәсіп Қызылордада өте сұранысқа ие, одан бөлек өзге өңірлерден де жиі тапсырыс түседі,- деді Әсем Әлімова.</blockquote><img src="https://knadmin.beoblood.kz/uploads/Akvarium_5f9106556b.jpg" alt="Аквариум.jpg">Фото: Қызылорда облысының өңірлік коммуникациялар қызметі

Қайтарымсыз грант – кәсіпке деген қолдау

<a href="https://kyzylorda-news.kz/">Kyzylorda-news.kz</a>&nbsp; Ара шаруашылығымен айналысу оңтүстікте кенжелеу кәсіптің бірі. Бүгінде оның пайдасы мен тиімділігін білгендер бал арасын ұстауға, одан көл-көсір пайда келетінін білді. Соның бірі омарташы – Елшат Қалиев.<blockquote>– Бал арасын өсіру оңай емес. Бұл жұмыс тиянақтылықты аса қажет етеді. Болашақ омартаның айналасында орман немесе ағаш шоғырларының, бау-бақшалардың болуы тиіс. Бұған Сырдың өңірінің жидесі, жыңғылы, жантағы гүлдегенде бал арасының белсенді әрекеті күшейеді. Сонда барып бала арасы сіздің үмітіңізді ақтайды.</blockquote>Жалпы, мен 1992 жылдан бері омарташы болып келемін. Ұстазым – әкем. Тәжірибем жеткілікті. Жақында бал дүкенін ашсам деймін. Қазір омартада 100-ге жуық ұя бар. Көктем енді келді, енді қызу жұмыс басталады, – дейді Елшат Хамитұы.Елшат Әбілхайыр хан көшесі, № 53 мекенжайында тұрады. Яғни қала тұрғыны. Омарташының айтуынша, бал арасы үлкен бизнеске жол бастар кәсіп. Әсіресе, жергілікті жердің өніміне сұраныс жоғары.Айта кету керек, шырын балды ежелден тағам ретінде тұтынумен қатар, халықтық емдеу дәстүрінде де түрлі сырқаттарға жиі қолданған. Сол себепті де оны тек тағам ретінде ғана емес, түрлі емге пайдалануға болады. Ең бастысы, Қызылорданың таза табиғи өнімін пайдаланып, ем шараларын дұрыс жасай білсек екен.<img src="https://knadmin.beoblood.kz/uploads/Omartashy_1_37a95cc898.jpg" alt="Омарташы 1.jpg"><img src="https://knadmin.beoblood.kz/uploads/2_martashy_475b9ef37d.jpg" alt="2 марташы.jpg"><img src="https://knadmin.beoblood.kz/uploads/3_Omartashy_6ec359e415.jpg" alt="3 Омарташы.jpg">

Омарташы

<a href="https://kyzylorda-news.kz/">Kyzylorda-news.kz</a> Соңғы бірнеше жылдан бері қызылордалықтар томат, салат, аджика өнімдерін сырттан емес, жергілікті тауарөндірушілерден алуға көшті. Өткен жылдан бері оған түрлі тосаптар қосылды. Халық сүйіп жейтін өнімдерді әзірлеп жатқан кімдер? Бүгін осы тақырыпты кеңінен тарқатпақпыз.Сыр өңіріндегі Шиелі ауданына қарасты Бидайкөл ауылындағы Барлыбаевтар әулеті көкөніс пен бақша өнімдерін өсірумен қатар, өңдеумен айналысуды кәсіпке айналдырған отбасы.Әулеттің көшбасшысы Қанат Барлыбайұлы ең алдымен өз ақшасына кәсіпкерлік мақсатта ғимарат салады. Ал 2023 жылы «Ауыл аманаты» жобасы басталғанда жеңілдікпен несие алып, көкөністерді өңдеуді қолға алады.«Әке көрген оқ жонар» демекші әкесінің жасап жүрген кәсібіне қызыққан 25 жасар Ертуған өзінің ісін бастап көрмек болады. Ертуған Қанатұлының негізгі мамандығы инженер, машина құрастыруға маманданған.Қанат Барлыбайұлы кәсібін бастағысы келген ұлына қолдау көрсетіп, өз ғимаратынан арнайы орын бөліп береді. Ертуған Қанатұлы бақша өнімдерінен тосап қайнатып, шырын әзірлеуді көздейді. Осы мақсатта «Қызылорда» Өңірлік инвестициялық орталығынан 20 млн теңге жеңілдетілген несие алады.<blockquote>«Былтыр өңірде кәсіпкерлікті қолдау мақсатында облыс әкімінің тапсырмасымен пилот жоба жүзеге асырылып жатқанын естідім. Ол үшін жергілікті бюджеттен қаржы бөлініпті. Бағымды сынап көрмек болып қажет құжаттарды жинап тапсырдым. Орталық өтінішімді қолдап, кәсіпке қажет қаржыға қол жеткізе алдым», - дейді Ертуған Барлыбаев.</blockquote>Жас кәсіпкер қажет-құрал жабдықтарды Ресейден алдырады. Былтыр күзде өнімдерін шығарып бастады.<blockquote>«Әзірге қауын, қарбыз, қызанақ тосаптарын шығарып жатырмыз. Сертификатталған. «Қауын балы», «қарбыз балы», «қызанақ тосабы» атауымен өнімдерімізді халыққа ұсынудамыз, Алдағы уақытта шие, өрік, жүзімнен де тосап дайындау жоспарда бар. Бұдан өзге биыл қызанақ, қауын, қарбыз шырындарын шығаруды ойластырып жатырмыз», - дейді жас кәсіпкер.</blockquote>Әкелі-балалы Барлыбаевтар бүгінде 10-нан астам өнім түрлерін шығарып жатыр. Өнімдері Қызылорда қаласынан өзге аудандардың дүкендерінде сатылымда.<blockquote>«Өнімдерімізге сұраныс жоғары. Қызылорда облысынан өзге Қарағанды, Павлодар облыстары мен Астана қаласынан тапсырыстар түсуде. Қазір өзіміз жеткізіп жатырмыз», - дейді кәсіпкер.</blockquote>«Қызылорда» Өңірлік инвестициялық орталығынан жеңілдетілген несие алғаннан кейін Барлыбаевтардың өндірген өнімі екі есе өскен. Былтырдың өзінде 100 000 данадан артық өнімді тұтынушыларға ұсынды. 10 адамды жұмыспен қамтып отыр. Соның ішінде жас кәсіпкер Ертуған Барлыбаевтың жобасы аясында 5 адам жұмыс істейді.Кәсіпкерлік мақсатта мемлекеттік бағдарлама аясында жеңілдетілген несие алуға қатысты сұрақтар туындаған жағдайда «Қызылорда» Өңірлік инвестициялық орталығына хабарласа аласыздар. Байланыс телефоны: 8 /7242/ 40-03-60, 40-02-37.<img src="https://knadmin.beoblood.kz/uploads/auyn_baly_67bc27a1d0.jpeg" alt="Қауын балы.jpeg">Фото: «Қызылорда» Өңірлік инвестициялық орталығы

Қызылордада қауын мен қарбыздың балы шығатынын білесіз бе?

<a href="https://kyzylorda-news.kz/">Kyzylorda-news.kz</a> Ғалым Прекешов басшылық ететін «NP Consulting» ЖШС 2013 жылдан бері су өткізбейтін каскалар шығарып келеді. Жаңашыл жобаны жүргізуге «Даму» кәсіпкерлікті дамыту» қоры қолдау көрсеткен. Кәсіпорын қала іргесіндегі Ақсуат ауылдық округінде орналасқан.&nbsp;Өндіріс орнында күніне 100-ге &nbsp;жуық қорғаушы каска шығарылады. Мұнымен қоса кәсіпкер су құтыларын, оған қажетті қақпақшалар дайындайды. Ол үшін өткен жылы Қытайдан кішкентай түтікшені жарты, бір литрлік құтыға айналдыратын тағы бір қондырғы алса, ал биыл осы түтікшенің өзін де &nbsp;өндірістің өзінде өндірмек. Қазір шығарған өнімдеріне тұтынушылар тарапынан сұраныс артып, барлық өңірлерге тасымалдануда.&nbsp;Қауіпсіз жұмыстың таптырмас атрибуты саналатын каскалардың сапасына 3 жылға дейін кепілдік беріледі. Жылдан-жылға бұл бұйымның саны артып, былтырдың өзінде 35 мыңнан аса каска шығарылған. &nbsp;Кәсіпкер 15-ке жуық ауыл тұрғынын тұрақты жұмыспен қамтамасыз етіп отыр.

Кәсіпкер кәдеге жарайтын каска шығарады

<a href="https://kyzylorda-news.kz/">Kyzylorda-news.kz</a> Қызылорда да шаруашылық өнімдеріне арнайы QR &nbsp;код орналастырылуда. &nbsp;Ендігі жерде тұтынушылар QR код арқылы қаржылық сауаттылық туралы ақпарат алып, құқық бұзушылық орын алған жағдайда тікелей &nbsp; ҚР ҚМА Telegram-ботымен байланыса алады.<blockquote>– Қазақстан Республикасының Президенті Қ.К. Тоқаевтың экономикалық құқық бұзушылықтардың алдын алуға және халықтың қаржылық сауаттылығын арттыруға бағытталған саясатын іске асыру, сондай-ақ ҚР Қаржылық мониторинг агенттігінің төрағасы Ж.Элимановтың тапсырмаларын орындау мақсатында Қызылорда облысы бойынша экономикалық тергеу департаменті азаматтарды қаржылық қауіптерден қорғау бойынша кешенді іс-шараларды жүзеге асыруда. Бүгінде облыстық кәсіпкерлер палатасының қолдауымен жеке кәсіпкер «Даулетпен» келісім жасалды. Сол келісім негізінде 30000 өнімге ҚР ҚМА логотипі бар QR-кодты орналастыратын боламыз. Бұл QR код қаржылық сауаттылық туралы акпарат бере отырып, қаржылық құқық бұзушылық орын алған жағдайда азаматтарды ҚР ҚМА Telegram-ботымен байланыстыратын болады. Мұндай жұмыстар жыл бойына жалғасады, – дейді облыс бойынша экономикалық тергеп-тексеру департаменті, ұйымдастыру-бақылау басқармасының басшысы Нұрбол Әлкебайұлы.</blockquote><img src="https://knadmin.beoblood.kz/uploads/Whats_App_Image_2025_02_28_at_17_31_48_f8b90e9bb6.jpeg" alt="WhatsApp Image 2025-02-28 at 17.31.48.jpeg">Фото: Қызылорда облысы бойынша ЭТД

QR код арқылы құқық бұзушылықтың алдын алуға болады

<a href="https://kyzylorda-news.kz/">Kyzylorda-news.kz</a> Қармақшы ауданы прокурорының бастамасымен жергілікті атқарушы және уәкілетті органдар өкілдерінің кәсіпкерлермен бірлескен кездесу өтті.Жиынға аудан әкімінің орынбасары Шыңғыс Сыдықов, аудан прокуроры Мейрамбек Маханбетжанов және арнайы іссапармен келген Қызылорда облысы бойынша Мемлекеттік кірістер департаментінің өкілдері қатысты.&nbsp;Кездесуде аудан прокуроры кәсіпкерлердің құқықтарын қорғау, заңдылықты сақтау және бизнестің дамуына қолайлы жағдай жасау қажеттігін атап өтті. Одан кейін &nbsp;түсіндіру жұмысы және байланыс орталығы басқармасының басшысы Гүлсара Қарымсақова жеке балабақшаларға қатысты салық заңдылықтарын, мүлік салығын есептеу, кәсіпкерлік мақсатқа ауыстыру, қайта бағалау жұмыстары және бөлшек салықтың арнаулы салық режиміне көшу мәселелерін түсіндірді.Өндірістік емес төлемдер басқармасының басшысы Гүлжамал Шортанбаева жергілікті бюджетті толықтыру мақсатындағы мүлік және көлік салығының есептелуі, ауылшаруашылығы өнімін өндірушілер мен шаруа қожалықтарына қатысты салық заңнамасындағы өзгерістер туралы баяндады. Сонымен қатар, Мемлекеттік қызмет көрсету басқармасының басшысы Мария Ысқақова бақылау-касса машиналарын тіркеу, чек беру тәртібі, салық есептілігін тапсыру және салық мәдениетін арттыру бойынша түсіндіру жұмыстарын жүргізді.Кездесу барысында кәсіпкерлер өздерін толғандырған сұрақтарын қойып, сала мамандарынан нақты жауаптар алды.Фото: Қармақшы ауданының әкімдігі

Кәсіпкерлермен бірлескен кездесу өтті

<a href="https://kyzylorda-news.kz/">Kyzylorda-news.kz</a> &nbsp;Бүгінгі таңда шағын және орта кәсіпкерлікті дамытуға мемлекет тарапынан барлық қолдаулар жасалуда. Әсіресе, кәсіпкерлікпен айналысуға ниетті ауыл тұрғындары үшін мемлекеттік бағдарламалар арқылы жеңілдікпен берілетін несиелер қарастырылған.Қолдау алған кәсіпкерлердің бірі – Талсуат ауылдық округінің тұрғыны Гүлжан Кәрімова. Ол «Қызылорда» өңірлік инвестициялық орталығы» микроқаржы ұйымы арқылы кондитерлік цех жұмысына 5 млн. теңге несие алып, қаражатына негізгі құрал-жабдықтарын түгендеді. Бүгінде нан өнімдерін және жартылай фабрикаттарды тапсырыс бойынша пісіруде.Ал, “Ауыл аманаты” бағдарламасы арқылы кәсібі қолдауға ие болған Талсуат ауылдық округінің тұрғыны Гүлжан Ахметова 2,5 пайызбен 7 млн.теңге несие алып, тігін шеберханасын ашты. Тігінші анасының ізін жалғап келеді. Алты баланың анасы, алтын алқа иегері.&nbsp;Шеберханада алғашқы тапсырысын алып, мектептің 22 оқушысына қазақша киім тікті.<img src="https://knadmin.beoblood.kz/uploads/Talsuat_2_0e842d3f9c.jpg" alt="Талсуат 2.jpg"><img src="https://knadmin.beoblood.kz/uploads/Talsuat_1_99f5f5bc20.jpg" alt="Талсуат 1.jpg">

 Талсуатта кәсіпкерлік өркендеуде

<a href="https://kyzylorda-news.kz/">Kyzylorda-news.kz</a> «Ар-Меди» өнімдері жаңақорғандықтарға жақсы таныс. Оның тұшпарасы, мантысы мен қатырылған самсасы, жартылай фабрикат өнімдерге қажет қамырлары ауданда жоғары сұранысқа ие.Кәсіп иелері ерлі зайыпты Қуаныш Абутрапов пен Қаракөз Бектөреева. Қаракөздің негізгі мамандығы медицина саласы, сол салада әлі де жұмыс істейді. Дегенмен, оның жартылай фабрикат өнімдер жасауға деген қызығушылығы отбасылық бизнестің негізін қалауға сеп болады.<blockquote>«Кәсіпті 10 жыл бұрын бастадық. Алғаш өзім жасаған өнімдерді жақындарым мен таныстарым алып жүрді. Сұраныс арта түсті. Сонымен осыдан 5 жыл бұрын нақты кәсіп ретінде қолға алуға бекіндік. Жолдасым қолдау көрсетті. Мемлекеттің көмегімен берілген 550 мың теңге грантқа қамыр илейтін аппарат алып, кәсібімізді бастап кеттік», - дейді Қаракөз Бектөреева.</blockquote>Кәсіп иелерінің шығарған сапалы өнімдері аудан тұрғындары арасында тез тарап, іздеп жүріп алатын тауарға айналды. Кәсіп иелері өнімді өткізу аумағын кеңейтуді ойластырып жүргенде былтыр облыс әкімінің тапсырмасымен өңірдің азық-түлік қауіпсіздігін қамтамасыз ету бағытында бюджеттен қаржы бөлінгенін естиді. Пилот жобаны жүзеге асырушы «Қызылорда» Өңірлік инвестициялық орталығының талаптарымен танысып, аудандық ауыл шаруашылығы бөлімі арқылы керек құжаттарын жинап, өтінім береді.<blockquote>«Құжат жинау, қаржыландыру кезеңі көп уақытты алған жоқ. Орталық мамандары цехымыздың жұмысымен танысып, әлеуетімізді көргеннен кейін сұратқан 50 млн теңге жеңілдетілген несиені берді. Бұл қаржыға мұздатқыш аппараттар және нан өнімдерінің түр-түрін пісіруге арналған пештер, түрлі тоқаштарды дайындауға, пісіруге арналған құрал-жабдықтар алдық», - дейді кәсіпкер.</blockquote>Қаракөз Бектөреева жергілікті бюджеттен берілген қаржы кәсібіне жақсы қолдау болғанын жеткізді. Нәтижесінде өнімділік 60 пайызға артып, бүгінде өнімдерін Жаңақорған ауданынан өзге Түркістан, Қызылорда қаласына да жеткізіп жатқанын айтты.<blockquote>«32 адамды тұрақты жұмыспен қамтып отырмыз. 28 түрлі мұздатылған жартылай фабрикат өнімдер, сан түрлі тоқаштар, нан өнімдерін дайындап жатырмыз. Түшпараның өзінен күніне ең кемі 60 кг дайындаймыз. Өзге өнім түрлерінен орта есеппен 20-25 кг-нан әзірленеді. Соңғы кезде жайма мен самсаға арналған қамыр хит өнімге айналды. Той, ас, өзге де шақырыспалардың дастарханына керек ас түрлеріне сұраныс жоғары», - дейді жаңақорғандық кәсіпкер.</blockquote>Кәсіп иелерінің алдағы жоспары аса көп сұранысқа ие өнімдерін өзге өңірлерге де кең таныстырып, бизнестерінің ауқымын ұлғайту.Кәсіпкерлерге жұмысында табыс тілей отырып, өзге де бизнесіне қолдау қажет азаматтарды «Қызылорда» Өңірлік инвестициялық орталығына хабарласуға шақырамыз. Тел.: 8 /7242/ 40-03-60, 40-02-37.<img src="https://knadmin.beoblood.kz/uploads/Whats_App_Image_2025_02_21_at_16_51_50_1_ed81013cd5.jpeg" alt="WhatsApp Image 2025-02-21 at 16.51.50 (1).jpeg">Фото: «Қызылорда» Өңірлік инвестициялық орталығы

Жаңақорғандық кәсіпкер: «Мемлекеттік қолдаудың арқасында кәсібімізді кеңейтіп жатырмыз"

<a href="https://kyzylorda-news.kz/">Kyzylorda-news.kz</a> Адамды адам еткен – еңбек емес пе, сол еңбек табыс тауып, жағдайды жақсартуға жол ашатын, әрі абыройға жеткізетін алтын арқау десек болады. Ондай асыл борышты осы жолда жүрген әрбір жан жақсы біледі. Бүгінгі кейіпкеріміз Ерболат Маханбетов те елге қызмет көрсету үшін білекті бекем түрген жігерлі азаматтардың бірі. Ол қалалық «Су жүйесі» мекемесінде он жылдай уақыт қызмет жасайды. Еңбектің ыстық-суығына көнген, бүгінде тәжірибелі мамандардың қатарында.Ерболат Қызылорда аграрлық техникалық колледжін автокөлікті жөндеу және техникалық қызмет көрсету мамандығы бойынша бітірген соң «Қызылорда РемЛокомотив»,«Ремводпроект» мекемелерінде, «СМП Бейнеу» серіктестігінде түрлі еңбек сатысынан өтті.Наны тәтті еңбектің шеберлік мектебінде шыңдалды. Соның нәтижесінде облыс әкімінің Алғыс хатымен марапатталды.<blockquote>– Маған мемлекет басшысының: «... Өз кәсібін жетік меңгерген мамандар ұлт сапасын арттырады. Жұмыстың жаманы жоқ, кез келген еңбек – қадірлі. Ең бастысы - әркім жауапкершілікті терең сезініп, өз міндетін сапалы атқаруға тиіс», – деген сұңғыла сөзі қанаттандырады. Қазіргі қаланың коммуналдық қызмет көрсету саласы өте жауапты жұмысты талап етеді. Біз техникалық құрылғылардың, агрегаттардың ақаусыз жұмыс істеуін қамтамасыз етуге міндеттіміз. Сол үшін уақыт пен мүмкіндікті тиімді пайдаланып, сапалы қызмет жасауды жолға қойдық. Бүгінде ерінбей жасалған еңбектен көптің ризашылығын көремін. Еңбек рахатын сезінемін. Осы орайда қатарластарыма елге қызмет ету үлкен бақыт екенін жеткізгім келеді. Мұндай ізгі ниет отбасылық тәрбиенің негізгі түйініне айналған. Жұбайым Жадыра Қуанышқызы №6 қалалық емханасында аға мейірбике болып еңбек етеді. Екеуміз екі ұлымызды халықтың ұлы болғанын қалаймыз, – дейді Ерболат Аханұлы.</blockquote><img src="https://knadmin.beoblood.kz/uploads/K_sipker_2_248c6643ef.jpg" alt="Кәсіпкер 2.jpg">Фото: Қызылорда қаласының әкімдігі

Ерболат Маханбетов: "Елге қызмет ету – үлкен бақыт"

<a href="https://kyzylorda-news.kz/">Kyzylorda-news.kz</a> Жалағаш ауданында қаржы институттары арқылы кәсіпкерлер ұсынған 325 жоба &nbsp;қаржыландырылып, 176 жаңа жұмыс орны ашылды. Бұл туралы Өңірлік коммуникациялар қызметінің баспасөз алаңында аудан әкімі хабарлады.Мемлекет басшысының ауылдық жерлердегі тұрғындардың табысын арттыру туралы тапсырмасына сәйкес, 2023 жылдан бастап ауданда «Ауыл Аманаты» жобасын іске асыру жұмыстары сәтті жүзеге асырылып келеді.<blockquote>- «Байқоңыр ӘКК» ҰК» АҚ арқылы «Ауыл аманаты» жобасы аясында қаржылық қолдауға ие болу үшін әртүрлі бағыттар бойынша 268,4 млн. теңгені құрайтын 48 жоба «Ауыл Аманаты» цифрлық платформасына енгізілді. Оның ішінде 60 млн. теңгені құрайтын 11 жоба қаржыландырылып 11 жұмыс орны құрылды. Бұдан бөлек, өткен жылы желтоқсан айында 43 млн. теңгені құрайтын 10 жоба комиссияда мақұлданып, 2025 жылдың басында толық қаржыландырылды. Ауданда өңдеу саласын дамыту мақсатында жеке кәсіпкер Халық Серіктің жеке қаражаты есебінен жалпы құны 300,0 млн. теңгені құрайтын «AKNIET» құрылыс қоспаларын шығару цехы іске қосылды. Сонымен қатар, «Таң ЛТД» ЖШС-нің жалпы құны 422 млн. теңгеге «Өндірістік база» цехының құрылысы жүргізілуде, жақын уақытта іске қосу жоспарлануда. Цех мақсарыдан май, жүгеріден ұн және күріштен лапша өнімдерін шығаруды жоспарлауда. Цех іске қосылған кейін жаңадан 22 жұмыс орны құрылатын болады, - деді аудан әкімі Ардақ Ибраимов.</blockquote>Айта кетейік, былтыр Жалағаш ауданында кәсіпкерлердің бастамасымен құны 600 млн. теңгені құрайтын 3 сауда орталығы ашылып, пайдалануға берілген.

Жалағашта 176 жаңа жұмыс орны ашылды

<a href="https://kyzylorda-news.kz/">Kyzylorda-news.kz</a> Қазалылық Талғат Ембергенов көпбалалы әке, негізгі мамандығы дизайнер. Қолына диплом алғаннан кейін білім саласына бет бұрып, балаларға суреттен сабақ беруді, олардың шығармашылығын дамытуға үлес қосуды көздейді. Жұмыс істеп те көреді. Алайда кейін жоспарын &nbsp;өзгертеді. Халықтың арасында сол кезеңде кең сұранысқа ие болған евро жөндеумен айналысады. Бұл салада 10 жылдай еңбек етіп, тәжірибе жинайды.<blockquote>«Ағаштан түйін түю маған таңсық дүние емес. Атадан келе жатқан мұра. Жай сөз үшін айтып тұрғаным жоқ, шынымен солай. Атам, әкем, әулеттегі ағаларым осы кәсіппен айналысқан. Бала күннен ағаларыма, әкеме көмектесіп, ағашты кәдеге асырудың қыр-сырын көріп өстім. Ағаларымның цехында көмекші болдым, әкем құлпытас жазады. Оған қолғабыс еттім. Соның бәрі бекер болмапты. Евро жөндеумен айналысып жүргенде арзандау бағада ағаштан бұйым жасайтын станоктар алдым. Қазіргі кәсіпке жолым осылай басталды», - дейді Талғат Ембергенов.</blockquote>Талғатқа кәсібін бастауда, жүргізуде, дамытуда «Қызылорда» Өңірлік инвестициялық орталығы айтарлықтай көмектескен.<blockquote>«Бастапқыда кәсіпке қаржы тарту оңай болмады. Қаржы институттарының алдында нақты мақсат-мүддеңді дәлелдеу керек. Бұл дұрыс та. «Қызылорда» Өңірлік орталығы 2018 жылы сеніп, бизнесімен алғаш жеңілдетілген несие берген ұйымның бірі. Сенімді кәсіпкер екеніне көздері жеткеннен кейін, әріптестік байланысты жалғастырдық», - дейді кәсіпкер.</blockquote>Осылайша Талғат Ембергенов одан кейін де Өңірлік орталықтан кәсібін дамытуға бірнеше рет несие алып, аяққа тұрып кетеді. Несие мемлекеттік бағдарлама аясында жеңілдікпен 6 пайызбен берілген.Кәсіпкер Қазалы ауданында тұрғын үй, ғимараттарға арналған баспалдақтар, түрлі жихаздар шығарады.<blockquote>«Алғашқыда айына 1-2 тапсырыс қана түсетін. Қазір халықтың бізге сенімі артты. Айына ең кемі 30 тапсырыс аламыз. Бұдан да көп қабылдауға болатын еді, бірақ әзірге бізге тиімсіз болып тұр. Себебі жабдықтарымыз жартылай автоматтандырылған. Бұл жағдайда адам қолы көбірек керек. Ал ол қосымша шығын», - дейді Талғат Ембергенов.</blockquote>Кәсіпкер қазір 8 адамды жұмыспен қамтып отыр. Өнім жасауда жаңа деңгейге шығуды көздеуде. Қазір шығарып жатқан өнімдерімен қоса, ерекше балаларға қажет ойыншықтар жасауды қолға алмақ. Ол үшін алдағы 2 жылдықта құрал-жабдықтарының барлығын автомоттандыруды жоспарлауда.Ол замандастарын кәсіппен айналысуға шақырады. Өнім шығарып, тұрғындарға жұмыс тауып беру арқылы еліміздің дамуына әр адам үлес қоса алады деген сенімде.<img src="https://knadmin.beoblood.kz/uploads/K_sip_6e91443821.jpeg" alt="Кәсіп.jpeg">Фото: «Қызылорда» Өңірлік инвестициялық орталығы

Қазақстан және Қызылорда облысының жаңалықтары: Кәсіпкерлік