<a href="https://kyzylorda-news.kz/">Kyzylorda-news.kz</a>&nbsp; «Оқуға құштар колледж» жобасы аясында И.Әбдікәрімов атындағы Қызылорда аграрлық техникалық жоғары колледж кітапхана қызметкерлерінің ұйымдастыруымен 24 сәуірде Коворкинг орталығында «Ақындар жырлаған туған өлке» атты әдеби қонақжай өтті.Іс-шараның мақсаты Қазақстандағы және өлкедегі әдебиеттің танымал тұлғалары мен ақын-жазушылар шығармашылығын оқырмандарға таныту. Туған өлкеге деген сүйіспеншілігін арттыру, білім алушылардың өлеңді мәнерлеп оқу шеберлігін, кітап оқуға деген қызығушылықтарын арттыру, сөйлеу мәдениетін қалыптастыру. «Туған жер» құндылықтарының маңыздылығы туралы түсініктерін кеңейту.&nbsp;Жиында Асқар Тоқмағамбетов, Әбілда Тәжібаев, Зейнолла Шүкіров және өзге де көптеген ақындар туралы сөз қозғалды..&nbsp;Асқар Тоқмағамбетов – сексеннен астам кітаптың авторы. Оның жұмысы жанрлардың жан-жақтылығы мен кеңдігімен ерекшеленді. Ол кино мен драматургияда белсенді жұмыс істеді. Оның "егер әрқайсымыз болса" фильмінің сценарийі бойынша Сұлтанахмет Ходжиков фильм түсірді. Республика театрларының сахналарында оның пьесалары бойынша "Арман азабые" ("Муки мечты"), "Токсан толғау" ("тоқсан сөз") және басқа да спектакльдер қойылды.Әбілда Тәжібаев ХХ ғасырдағы қазақ көркем сөз өнерінің өсіп толысуына, қарыштап дамып, әлемдік өркениетті әдебиеттердің қатарынан орын тебуіне ірі үлес қосқандардың бірі, сыр елінің саңылақ ұлы.&nbsp;Ә.Тәжібаев поэзияда лирика мен поэма жанрын қатар алып жүрген ақын. Оның қаламынан туған 30-дан астам поэма мен өте көп сандағы өлеңдері сыршылдық, ойшылдығымен, шыншылдық, оттылығымен ерекшеленеді.З. Шүкіров – батылдық пен табандылықтың бейнесі. Сегіз жасында түйеден құлап, ауыр жарақат алды, бұл оны өмірінің соңына дейін төсекке байлады. Бала арбаға таңылса да өмір сүруге деген құлшынысы еш өшпеген. Ол кітаптардан жұбанышын тапты, оны оқуға ұзақ уақыт жұмсады, білім мен өзін-өзі жетілдіруге ұмтылды. Ақындық пен жазушылықты қатар ала жүріп, сан түрлі тақырыптардағы туындыларын өскелең ұрпаққа мұра етіп қалдырды.&nbsp;Әдеби қонақжайға «Геология және сандық техника» бөлімінің ЦТ-23о/1 оқу тобы топ жетекшісі Н .Ибрагимова қатысты. «Ақындар жырлаған туған өлке» әдеби қонақжайда жергілікті ақын,жазушылар «Сырдың сұңқар ақыны» Ә.Тәжібаев, «Сырдың қайсар қаламгері» З.Шүкіров, «Сырбаз сыншыл, әдебиет майталманы» А.Тоқмағамбетовтың шығармашылықтарына арналды.Іс-шара барысында оқырмандар үш топқа бөлініп төрт кезеңнен тұратын Отан, туған жер, туған елге қатысты шығармалары бойынша мәнерлеп оқу, түрлі әдістерді орындау тапсырмалары ұсынылды.&nbsp;Қорлан САРЫ Фото: &nbsp;freepik.com

Білім алушылар «Ақындар жырлаған туған өлке» атты шараға қатысты

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің 11-сынып оқушысы Алдияр Аппаздың «Изовалериан қышқылының моноглицеридтер синтезін микротолқынды белсендіру және оның микробқа қарсы белсенділігі» тақырыбында жүргізілген зерттеу нәтижелері әлемдегі ең ауқымды Scopus дерекқор жүйесіне енетін «Bulgarian Chemical Communications» болгариялық журналда жарияланды.Бұл жұмысты Алдияр әкесі – химия ғылымдарының кандидаты, профессор Нурбол Аппазов, мектептегі ұстазы Марат Сыздыкбаев және басқа да университет оқытушыларымен бірігіп дайындаған. Жұмысшы топ құрамында ол химиялық заттардың микротолқындық сәулелендіру арқылы синтездеу жолын қарастырып, алынған өнімді физика-химиялық талдау әдістері көмегімен зерттеді және оның ауру қоздырғыш бактериялар мен зең саңырауқұлақтарына қарсы белсенділігін анықтады. Алынған антибактериалды препараттың әлемдік медицинаға тигізер пайдасы туралы мақалада жан-жақты көрсетті.<img src="https://syrboyi.kz/wp-content/uploads/2024/04/nzm-1-1024x668.jpg" alt="" srcset="https://syrboyi.kz/wp-content/uploads/2024/04/nzm-1-1024x668.jpg 1024w, https://syrboyi.kz/wp-content/uploads/2024/04/nzm-1-300x196.jpg 300w, https://syrboyi.kz/wp-content/uploads/2024/04/nzm-1-768x501.jpg 768w, https://syrboyi.kz/wp-content/uploads/2024/04/nzm-1-1536x1002.jpg 1536w, https://syrboyi.kz/wp-content/uploads/2024/04/nzm-1.jpg 1775w" sizes="(max-width: 1024px) 100vw, 1024px" width="1024" loading="lazy">Айта кетейік, Scopus – бұл жаратылыстану- ғылыми және медициналық бағыттағы ғылыми еңбектер жинағына бай мұрағат. Бүгінге оның құрамында әлемдік деңгейдегі 22 000 басылымдар бар және 2004 жылдан бері бұл жүйеде 40 миллоннан астам ғылыми мақалалар жарық көрді.<blockquote>– Қазіргі заман талабына сай ғылыми зерттеу нәтижелерін осындай басылымдарда жариялау сұралады, тек осындай мақаласы бар ғалымдар ғылыми дәреже алуға диссертациясын қорғай алады немесе ғылыми атақтар (қауымдастырылған профессор, профессор) ала алады. Бұл оқушы үшін үлкен жетістік, – дейді ғалым Нұрбол Аппазов.</blockquote>Алдиярдың ғылымға деген қызығушылығы әкесінен дарыған. Мектеп зерттеушілік дағдыларды одан әрі дамытуға септігін тигізді. Химия ғылымымен қатар Алдияр IT саласында да үздік өнертабыстарымен ерекшеленіп жүр. Жақында ғана Қорқыт ата атындағы Қызылорда университеті кәсіпкерлік орталығының ұйымдастыруымен өткен «Kyzylorda Idea Battle» стартап жобалар байқауында Алдияр Аппаз сыныптасы Дінмұхаммед Абдиев екеуі жүлдегерлер қатарынан көрініп, «Мүмкіндігі шектеулі жадарға арналған қолғап» жобасын дамыту үшін қаржылай сыйақыға ие болды.

Қызылордалық зияткердің мақаласы халықаралық Scopus базасында жарық көрді

<a href="https://kyzylorda-news.kz/">Kyzylorda-news.kz</a> &nbsp;Орда жоғары колледжінің ұйымдастыруымен «Тілдер» бөлімінің апталығы аясында «Өрлеу» біліктілікті арттыру ұлттық орталығы АҚ Қызылорда филиалы бойынша кәсіби даму институтымен бірлескен І.Жансүгіров, С.Сейфуллин, Б.Майлиннің 130 жасқа толуына орай «Үш бәйтерек – үш алып» тақырыбында аргументативті эссе байқауы ұйымдастырылды. Байқауға қала мектептерінің &nbsp;9-сынып оқушылары қатысты.Оқушылардың сөз саптауына, стилистикалық және орфографиялық сауаттылығына, көркем ой мен шығарма мазмұнына, сыни тұрғыдан ойлауы мен өз тұжырымдарының болуына назар аударған қазылар алқасы байқау нәтижесін төмендегіше бағалады:Бахытжанова Жанель – І орын, С.Әлжіков атындағы&nbsp; №144 орта мектептің 9-сынып оқушысы; Қанатқызы Надира – ІІ орын, Н.Ильясов атындағы №9 мектеп-гимназиясының 9-сынып оқушысы; Саматқызы Аяна – ІІ орын, Қ.Мұхамеджанов атындағы &nbsp;№1 мектеп-гимназиясының 9-сынып оқушысы; Зейнуллақызы Айзере - ІІІ орын, №253 орта мектептің 9-сынып оқушысы; Әнтай Кәусар – ІІІ орын, И.В.Панфилов атындағы №5 мектеп-лицейінің 9-сынып оқушысы; Шадитөре Инабат – ІІІ орын, Т.Есетов атындағы №264 мектеп-лицейінің 9-сынып оқушысы.Қатысқан оқушылар «Өрлеу» біліктілікті арттыру ұлттық орталығы АҚ Қызылорда филиалы бойынша кәсіби даму институтымен бекітілген дипломдармен марапатталды.&nbsp;Ұйымдастырушы – Г.М.Фазылова&nbsp;Қорлан САРЫ

«Үш бәйтерек – үш алып» байқауы өтті

<a href="https://kyzylorda-news.kz/">Kyzylorda-news.kz</a>&nbsp; Оқушылар қазірдің өзінде маусымдық лагерьлерді сағынып жүр. Мектеп жанынан ашылған түрлі үйірмелер мен көңілді орталықтар дайындық жұмысын бастап кетті. Жалпы лагерьде балалар коммуникативтік дағдыларға, кәсіби бағыт беру кездесулеріне және салауатты өмір салтын насихаттауға, соның ішінде психологиялық денсаулық пен дұрыс тамақтануға ерекше назар аударып, көшбасшылықты, эмоциялық интеллектіні дамытады. Бұл туралы Жанқожа батыр атындағы №269 орта мектеп директорының тәрбие жұмыстары жөніндегі орынбасары Света Жалмағанбетова мәлімдеді.Биыл лагерьде біз ішкі жан дүниені тануға, шығармашылық әлеуетті дамыту резервтерін ашуға, құрбы-құрдастармен қарым-қатынас құру дағдыларын жақсартуға баса назар аудардық. Бұл мектеп оқушыларына кәсіби бағдар беруде өте маңызды. Тиімді оқыту қағидасын бірнеше жыл бойы іске асырып келеміз.Баланы лагерьге жіберу – ата-ана үшін өте жауапты іс. Әрине, олар баласының тынығып, демалыстан жақсы әсер алып қана қоймай, қауіпсіз және үлкендердің қатаң бақылауында болатын, мейлінше жайлы жерді таңдауға тырысады. Бүгінгі күні балалар лагерінің алуан түрі бар. Олар дәстүрлі сауықтыру лагері, спорттық-туристік, театралды болып бірнеше топқа бөлінеді.Лагерьде балалар бос уақытын тиімді пайдалануы тиіс. Яғни жаңа нәрсе біліп, үйреніп қайтуы қажет. Мысалы, олар лагерьде өз мүмкіндіктерін анықтай алады. Күнделікті мектеп жағдайында оқушылардың сабаққа келіп-кеткенін ғана аңғарамыз. Баланың қандай өнері бар, қандай іске бейім оны мұғалімдер байқай бермейді. Ал лагерьде балалар басқа қырларынан танылып, ашылып, өз өздерін жақсы жағынан көрсете алады.&nbsp;Фото: Нұрболат Нұржаубай

Жазғы лагерь шығармашылық қабілетті шыңдайды

<a href="https://kyzylorda-news.kz/">Kyzylorda-news.kz</a> &nbsp;Сейсенбі күні Қазалы аудандық орталық кітапхананың оқырмандарға қызмет көрсету бөлімінің ұйымдастыруымен «Үздік оқырман – 2024» жас оқырмандар байқауы өтті.&nbsp; Қазалы ауданы әкімдігінің қолдауымен, аудандық қоғамдық даму бөлімінің демеушілігімен өткен байқаудың мақсаты – оқырмандарды кітап оқу мәдениетіне, дүниетанымын кеңейтуге, көркем шығармалардың мән-мағынасын сезінуге, оқыған шығармаларын дұрыс бағалай білуге тәрбиелеуді көздейді. Сондай-ақ тарихи-мәдени және рухани мұрамызды сақтау, жастарды отаншылдыққа, адамгершілікке тәрбиелеуде кітап оқуға үндеу, көркем шығарманы оқыту арқылы әдебиеттің құндылығын арттыруды діттейді.&nbsp; Бүгінгі заманда кітапсыз, сондай-ақ, кітапханасыз адамның ойдағыдай дамуы мүмкін емес. Бүкіл әлемдегі кітапханалар – білім мен мәдениеттің ошағы, жаңа ойлар мен тың пікірлердің мекені. Электронды форматтың қарқынды дамып жатқанына қарамастан дәстүрлі кітапхананың ағартушылық рөлі ешқашан мәнін жоғалтпайды, – деді Мемлекет басшысы Қасым-Жомарт Кемелұлы Тоқаев.&nbsp; Жас ұрпақтың бойына ұлттық құндылықтарды сіңіре отырып, жаһандық өзгерістерге бейім әрі патриоттық рухта тәрбиелеу қашанда өзекті мәселе болып келген. Қай кезеңде де тәрбие және білім берудің негізгі міндеттері – ең алдымен, дені сау, ұлттық сана сезімі ояу, рухани әлеуеті биік, ар-ожданы мол, парасатты, іскер адамды қалыптастыру. – Тәуелсіз еліміздің болашағы – жастарымыздың интеллектуалды көрсеткіштері олардың білім деңгейімен тікелей байланысты. Білім – ұлттық жаңғырудың басты алғышарты. Өйткені ой жүйесі терең, алыстан пайымдап, тереңнен тамырланған дүниетанымы кең адам ғана бәсекеге төтеп береді. Осыған орай "Үздік оқырман – 2024" байқауы жыл сайын ұйымдастырылып келеді. Байқаудың атынан белгілі болып тұрғандай, қай оқушы кітапханамен жақсы қарым-қатынас жасайды, кім көп кітап оқығанын, кітап оқу арқылы кімнің білімі мен білігі артық екенін бүгін анықтайтын боламыз, – деді Қазалы аудандық орталық кітапхананың оқырмандарға қызмет көрсету бөлімінің маманы Нұргүл Әжіғұлова. Білім мен біліктілік тартысына арналған сайыс 4 кезеңге бөлінді. Оның әр кезеңі 5 ұпайлық жүйемен бағаланды. Алғашқы кезең "Кітап – білім бұлағы" деген тараумен басталды. Бұл кезеңде сайыскерлер оқыған кітаптарын алдын ала әзірленген электронды слайд арқылы таныстырды. Талапкер өзіне ұнаған &nbsp;қызықты кітабына қысқаша тоқталып, шығарма желісі бойынша шағын мазмұнды мәлімет берді.&nbsp; Келесі "Өлең – сөздің патшасы" атты кезеңде сайыскерлер ақын-жазушылардың шығармаларынан образға ене отырып, жатқа монолог немесе өлең оқыды. Үшіншісінде «Мақал – сөздің азығы» ұранымен аталған кезеңде қатысушы «Кітап», «Отан», «Достық» сынды тақырып төңірегіндегі және &nbsp;тағы басқа да мақал-мәтелдердің басын бастап, аяқталмай қалған бөлігін жалғастырады. &nbsp;Соңғысы «Кім тапқыр?» кезеңіне арналды. Онда ақын-жазушылардың әдеби-көркем шығармаларынан арнайы конвертте әзірленген сұрақтарды таңдап, жауап беру шарт етілді.&nbsp; Тартысты жарыста аудандағы білім ордаларынан қатысқан 10 оқушы өзара бақ сынасты. Байқауда өзінің оқыған кітаптары жайында &nbsp;жақсы дайындықпен &nbsp;келген, сондай-ақ, сұрақтарға дұрыс жауап беруі жағынан көзге түскен үздіктер әділ қазылардың төрелігімен анықталды. – Кітапхана – білімпаздар мекені, біз кітапханаға барып, кітап алып оқып, кітаптан берілген тапсырмаларға дайындалып, білімдерімізді жетілдіреміз. Жазушы және қоғам қайраткері Әбіш Кекілбаев: «Мен кітапханаларды ақыл-білім, адамгершілік, парасат ордасы деп білемін. Ал кітапханашыларды сол ешқашан жоғалмауға тиісті асыл қазынаның сақшылары деп санаймын» деген. Кітап – руханият бағының баға жетпес жемісі. Ол қай ғасырда да адамзат тарихында ерекше ардақталып келе жатқан ең басты мәдени құндылық. Ал кітапхана – бір ұрпақтың екінші ұрпаққа парыз бен парасат өсиетін жеткізіп отырған қасиетті орталық. Ғасырдан ғасырға адамзат тарихының керуенін сүріндірмей әкеле жатқан, шырағы биік білім мен біліктіліктің, әділет пен адамгершіліктің &nbsp;киелі ордасы.&nbsp; Қазіргідей ұялы телефон, әлеуметтік желі мен ғаламтордың дамыған кезінде арнайы кітапханаға келіп, кітап оқуға құштар жастардың барлығы көңілді көншітеді. Көз алдымызда ақыл мен ойды іске қосқан ізденімпаз жасөспірімдер бір-бірімен білім сайысына түсіп, өз қарым-қабілеттерін көрсетті. Бірінің актерлік шеберлігі мықты болса, бірі қоған сұраққа мүдірмей жауап берді. Араларынан шын мықтыны анықтадық. Жеңімпаздарды жеңісімен құттықтаймыз, – деді «Қызылорда облысының тілдерді оқыту» орталығы КММ Қазалы ауданы бойынша мемлекеттік тілдің оқытушысы Жұбатқан Таңжанов. «Үздік оқырман – 2024» жас оқырмандар байқауының қорытындысы бойынша Азат Қыстаубай бас жүлдені жеңіп алса, Әнел Амангелді бірінші орынды қанжығасына байлады. Екінші орынды Назым Нақыш пен Айзере Оразғали иемденді. Ал Балауса Қадірбек және Жаннұр Абдулла үшінші орынды қанағат тұтты. Қалған қатысушылар – &nbsp;Азамат Әбдібай, Сая Бақберген, Балнұр Боздан мен Зарина Амангелдіге "Дарынды оқырман", "Оқу шебері", "Белсенді оқырман" және "Үлгілі оқырман" бағамы бұйырды.&nbsp; * Қазалы аудандық орталық кітапхана қызметкерлерінің ұйымдастыруымен "Табиғатты аялайық" атты мектеп оқушылары арасында көркемсурет байқауы өткізілді. Мұндағы мақсат – жасөспірімдерді табиғатты қорғауға тәрбиелеу, танымдық ой-өрісін кеңейту, қоршаған ортаны қорғау жұмыстарына баулу, экология және табиғатты қорғау саласындағы танымдық деңгейін арттыру болды. Байқау қатысушыларын шынайы бағалаған Қазалы аудандық мәдениет және тілдерді дамыту бөлімінің әдіскері Индира Ағлепесова және Қ.Күлетов атындағы №92 орта мектептің көркем еңбек пәнінің мұғалімі Ғалымбек Жылқыбай әділқазылар алқасында төрелік етті. Байқау нәтижесі бойынша Жаннұр Байдәулет пен Айя Мақсұт бірінші орын иегері атанды. Екінші орынды Жанна Қосанова мен Айнара Нағымет және Жания Серікова, Бейбарыс Хамза жеңіп алды. Үшінші орындар Инабат Кәмілжан мен Раушан Жаңабайға тиесілі болды. Шараны Қазалы аудандық мәдениет және тілдерді дамыту бөлімінің басшысы Болат Әбенұлы қорытындылады. Байқауға қатысқан барша оқырмандар мен қылқалам шеберлерін марапаттап, сый-сыяпат көрсетті. * Қазалы ауданы әкімінің қолдауымен, «Қазалы аудандық мәдениет және тілдерді дамыту бөлімі аудандық орталықтандырылған кітапханалар жүйесінің» ұйымдастыруымен Қазалы ауданы әкімдігінің орталық алаңында 23 сәуір – Дүниежүзілік кітап және авторлық құқық күніне орай «КІТАПшоу – 2024» кітап фестивалі өткізілді. Фестиваль бағдарламасы бойынша «Кітап – ғасыр мұрасы» атты тақырыпта кең көлемді кітап көрмелері ұйымдастырылды. Тақырыпқа сай маңайы &nbsp;безендіріліп, түрлі-түсті шарлар ілініп, жалаушалар қадалынды.&nbsp; Бағдарламадағы Ахмет Байтұрсынов «Оқуға шақыру», &nbsp; &nbsp; &nbsp;Сұлтанмахмұт Торайғыров «Қараңғы қазақ көгіне», Абай «Әсемпаз болма әрнеге», Мағжан Жұмабаев «Мен жастарға сенемін», Жетіскен Мәкеналы «Мен Ғанимын», Рүстем Жанай «Қазақпыз ұлы халықпыз», Алмагүл Қаржаубаева «Қазалым», Жұмабек Табынбаев «Қазалы» сынды ақын шығармаларынан әдеби монтаж №266 мектеп-лицей 9 сынып оқушылары орындады.&nbsp; Сонымен қатар «Кітаптар сөйлейді» тақырыбында Қазалы қалалық балалар кітапханасының жас оқырмандары Қ.Нұрмаханов атындағы №95 орта мектептің 6-сынып оқушысы Совет Нұрдәулет, Ғ.Мұратбаев атындағы №17 орта мектептің 6-сынып оқушысы Қанибай Нұрдәулет &nbsp;балалар кітабынан диалог ұсынды. Ауқымды шараны Қазалы ауданы әкімінің орынбасары Дәурен Оңғарбайұлы ашып берді. Кітап фестивалінің басты мақсаты – аудандық, қалалық, кенттік, ауылдық кітапханалар бойынша «Кітап – ғасыр мұрасы» атты өз өлкемізден шыққан ақын – жазушылардың өмірі мен шығармашылығын насихаттау. Әрбір кітапхана өз ауылынан шыққан белгілі тұлғалары, олар жайында жазылған кітаптар немесе баспасөз материалдарынан жинақталған кітапшалардан тұратын кітап көрмелері мен «Адал адам» –мәдени-тәрбие орталығы» тұжырымдамасына сәйкес «Сұхбат-TIME», «Әлем ВООК» жобасы аясында тағы басқа да түрлі тақырыпта өлкемізден шыққан ақын-сазгерлердің шығармаларынан рухани танымдық-тағылымдық іс-шаралар өткізілді.&nbsp; Кештің төрінен орын алған ауданның зиялы қауым өкілдері, ақын-жазушылар қатарында Шәмшия Жұбатова, ақын Едіге Кішкенеевтің жары Бағдагүл Кішкенеева, ақын Жетіскен Мәкеналының жары Мәрияш Марданова, Күләш Мергенбаева, Қадірбек Бекетов, Төлепберген Тілеуқабылұлы, Сахи Қапаров, Айжаһан Ысқақ, Ұлдай Рәшова, Бақытжан Түменбаев, Серік Қуанышбаев қонақ болды. Қазалы ауданының ақыны, ұстаз Сағыныш Утеулиеваның түрік тілінде жарық көрген «Сырұя» кітабының тұсаукесер рәсімі өткізілді. Сонымен бірге шара барысында «КІТАПшоу – 2024» фестиваліне арналып пісірілген тәтті торт кесілді. Фестиваль аясында «Үздік оқырман – 2024» &nbsp;байқауы, «Табиғатты аялайық» республикалық көркемсурет сайысы, «Ұлт денсаулығының кілті – саламатты өмір салты» атты спорттық ойындар сайысы өткізілді. Сонымен қатар «Білімдар ағашы» деп аталатын әдеби-викториналық сұрақтар жасырылған шара ұйымдастырылып, бақ сынаған оқырмандарға бағалы сыйлықтар табысталды. Іс-шара «Кітап – адамзаттың асыл қазынасы» атты мерекелік концертке ұласты. Кітап мерекесіне арналған рухани-мәдени шараны Қазалы аудандық мәдениет және тілдерді дамыту бөлімінің басшысы Болат Жолтаев қорытындылап, шараға қатысушыларды марапаттап, сый-сияпат табыстады. <img src="https://knadmin.beoblood.kz/uploads/fc24dc32_dda1_47c3_9b2e_98f6a8828e57_99e7bc7c96.jpg" alt="fc24dc32-dda1-47c3-9b2e-98f6a8828e57.jpg"><img src="https://knadmin.beoblood.kz/uploads/d6770018_7024_4382_ab4c_037a4aa5eb62_5b831a29d6.jpg" alt="d6770018-7024-4382-ab4c-037a4aa5eb62.jpg">Айнұр ҚАЗМАҒАМБЕТОВА

Қазалыда рухани танымдық-тағылымдық іс-шаралар легі өткізілді

<a href="https://kyzylorda-news.kz/">Kyzylorda-news.kz</a> Сырдария аудандық орталық кітапхана мен Тереңөзек кенті мәдениет үйінің қызметкерлерімен бірлесіп,&nbsp;"Дүниежүзілік кітап және авторлық құқық қорғау күніне" орай «Ашық кітапхана – адал оқырман» тақырыбында кітап фестивалін өткізді. Кітапфестке кітапхананың тұрақты әрі белсенді оқырмандары мен Сырдария агро-техникалық колледж студенттері қатысты.&nbsp;Мәдени іс-шараның ашылуында Халықаралық «Қазақ тілі» ҚБ Сырдария ауданы филиалының төрағасы Шахарбек Нұрсейітов сөз сөйлеп, кітап рухани қазына екенін, жас ұрпақ кітапқұмар болу керектігін айтты.Кітапфестте дана ақын Абай Құнанбайұлы мен белгілі жазушы Мұхтар Әуезовтің кітап жайлы айтылған нақыл сөздері оқылды. Мұнан соң «Бір ел – бір кітап» акциясы бойынша жыл бойына насихатталатын қазақ әдебиетінің классигі Бердібек Соқпақбаевтың «Менің атым – Қожа» атты шығармасынан үзінді көрсетілді.&nbsp;Сонымен қатар, тағылымды іс-шарада жерлесіміз, театр анасы атанған Сәбира Майханованың туғанына 110 жыл толуына орай «Ана - Жер - Ана» трагедиясындағы Толғанай бейнесі сомдалып, Қоғалыкөл ауылының ақыны Байрон Есенбайдың «Майхантөбе» атты өлеңі назарға ұсынылды.Іс-шара барысында&nbsp;аудандық әуез мектебінің қобызшысы Сәрсенкүл Түгелбаева мен Тереңөзек кенті мәдениет үйінің әдіскері Ербол Сағымбайұлы «Саранжап», «Балбырауын» күйлерін орындады.&nbsp;

Сырдарияда «Ашық кітапхана – адал оқырман» тақырыбында кітап фестивалі өтті

<a href="https://kyzylorda-news.kz/">Kyzylorda-news.kz</a> Биыл өңірде 500-ге жуық студент мемлекеттік тапсырыс негізінде жоғары оқу орындарын аяқтайды.Осыған орай ҚР Мемлекеттік қызмет істері агенттігінің Қызылорда облысы бойынша департаменті мемлекеттік қызмет басқармасының басшысы Ж.Шынтасов, Қорқыт Ата атындағы Қызылорда университетінің Рекрутинг және мансап басқармасының басшысы Ж.Оразмаханов және әдіскері А.Жұмалғұлованың қатысуымен мемлекеттік тапсырыс негізінде оқуын бітіруші, GPA көрсеткіштері 3,33 төмен емес нәтиже көрсеткен түлектерімен кездесті.Кездесу барысында ҚР «Мемлекеттік қызмет туралы» Заңына енген өзгірістермен тоқталып және осы Заңда берілген мүмкіндіктері пайдалануға шақырды.&nbsp;Сондай-ақ аталған Заңның 15-бабының 6-тармағына сәйкес Жоғары және (немесе) жоғары оқу орнынан кейінгі білім беру бағдарламалары бойынша мемлекеттік тапсырыс шеңберінде білім беру ұйымдарында уәкілетті орган белгілеген мәннен (GPA 3,33) төмен емес оқу нәтижесімен оқуын бітіргендер, осы оқуды бітіргеннен кейін бір жыл ішінде конкурс өткізілместен “Б” корпусының төмендегі мемлекеттік әкімшілік лауазымдарына орналаса алатындығын атап өтті.Атап айтқанда, облыс ауданының немесе облыстық маңызы бар қаланың (облыстың әкімшілік орталығы болып табылатын қаладан басқа) әкімі және мәслихаты аппараттарының төменгі лауазымына; – жергілікті бюджеттен қаржыландырылатын облыс ауданы және облыстық маңызы бар қала (облыстың әкімшілік орталығы болып табылатын қаладан басқа) атқарушы органының басшылық емес лауазымына; – аудандық маңызы бар қала, ауыл, кент, ауылдық округ әкімі аппаратының басшылық емес лауазымына; – орталық мемлекеттік органның және оның ведомствосының облыс ауданындағы немесе облыстық маңызы бар қаладағы (облыстың әкімшілік орталығы болып табылатын қаладан басқа) аумақтық бөлімшесінің басшылық емес лауазымына орналаса алатындығын айтылды.Сонымен қатар, аудандық немесе ауылдық жерлерде жұмыс жасауға ниет білдірген жастарға бұндай мүмкіндікті жіберіп алмауға шақырды. Кездесу соңында студенттер көкейлеріндегі сұрақтарды қойып, нақта жауаптар алды. &nbsp;

Қызылордада биыл 500-ге жуық студент мемлекеттік тапсырыс негізінде диплом алады

<a href="https://kyzylorda-news.kz/">Kyzylorda-news.kz</a> Қызылорда қалалық орталықтандырылған кітапханалар жүйесіне қарасты&nbsp; № 1, 13, 20 кітапханалар С.Майханова атындағы мәдениет үйінде 23 сәуір – Дүниежүзілік кітап және авторлық құқық мерекесіне орай&nbsp;«BOOKКРУИЗ»&nbsp; жобасы аясында&nbsp; «Кітап дәуір айнасы»&nbsp; атты мерекелік кеш өткізді.&nbsp; &nbsp;Шараны Тасбөгет кентінің қоғамдық кеңесінің мүшесі, еңбек ардагері Тобағабылов, «Кәсіпкер келбеті»газеті редакторы, ҚР Жазушылар одағының мүшесі Ж.Таңрықбаев, ҚР құрметті ұстазы А.Тіллеуова кіріспе сөзбен ашып, кітаптың рухани құндылығына тоқталып, оқырмандарды кітап мерекесімен құттықтады.&nbsp;Іс-шара барысында&nbsp;мәдениет үйі фойесінде&nbsp; «Coffee Book», «Қоржын ВООК» бұрыштары ұйымдастырылып оқырмандар арасында түрлі қызықты сұрақтар бойынша ойындар жүргізілді. Кітап мұқабасын киген екі оқырман жыр дискіге арнайы жазылған ұлағатты сөздер айтып, «Шаттық» би үйірмесінің&nbsp; бишілері «Құпия кітап» биімен&nbsp; кешті түрлендірді.Оқырмандар кең көлемді кітап көрмесі бойынша қазақ, әлем жазушыларының әдебиеттерімен қатар жас толқын ақын-жазушыларының шығармаларымен таныстырылды. Кітапхананың тұрақты оқырмандары белгілі ақындар Адырбек Сопыбеков «Кітап», Әбілда Тәжібаев «Сырдария», Фариза Оңғарсынова «О, туған жер», Сазанбаева Динара «Кітап білім бұлағы», Досболат Санат «Кітаптың қадірі» өлеңдерін мәнерлеп жатқа оқыды.&nbsp; Сонымен қатар оқырмандар арасынан оқыған 5 кітаптың&nbsp;үзіндісінен көрініс жасап, «Дарын» ән үйірмесінің өнерпазы Жолдасбай Ерасыл «Мен қазақтың баласы» әнін шырқады. Шараны Қалалық кітапханалар жүйесінің директоры Рахметова Гулмира Шамсутдинқызы қортындылап, белсенді қатысқан оқырмандарға алғысын білдірді.

Тасбөгетте «Кітап дәуір айнасы»  атты мерекелік кеш өтті

<a href="https://kyzylorda-news.kz/">Kyzylorda-news.kz</a> Жуырда, «Академик С.А.Джиенкулов атындағы Байқоңыр жоғары колледжі» білім беру мекемесінің 20 жылдығына орай ұйымдастырылған «Жас өнертапқыш – 2024» халықаралық байқауында Қазалы көлік-техникалық колледжінің СОБ 22/9 тобының студенті Даяна Жолбарыс жүлделі үшінші орын иеленді. Даянаның жетекшісі СОБ 22/9 тобының өндірістік оқу шебері Қуандық Ерімбетов.Аталған байқаудың мақсаты – техникалық мамандықтардың әлеуетін арттыру, Қазақстан Республикасы мен Ресей Федерациясының талантты студенттерінің ғылыми тәжірибелерімен бөлісе отырып, ынтымақтастықты нығайту.&nbsp;Өндірістік оқу шебері Қуандық Ерімбетов пен шәкірті Даяна Жолбарыс дайындаған «Теміржол өмірінің сұлбасы» атты жоба көзге ерекше түсіп, жүлделі жобалар қатарына ілікті. Шәкірттеріне бар білгенін үйретіп, шығармашылық жұмыстарға баулып жүрген Қуандық Ерімбетовті мүсіндеу өнерінің де шебері десе болады.&nbsp;Қуандық Қайрбайұлы Арал ауданына қарасты Қамыстыбас станциясында дүниеге келген. Әкесі теміржол саласында аға механик болып еңбек еткен. Әке жолын қуған Қуандық мектеп бітірген соң Ақтөбе теміржол көлігі колледжінде «Темір жол көлігіндегі қозғалысты басқару, автоматика және телемеханика» мамандығын меңгереді. Бұдан кейін Қазақ қатынас жолдары университетін, автоматтандыру және басқару бакалавры мамандығы бойынша бітіріп шықты.&nbsp;– Әкем сияқты Теміржол саласында жұмыс жасағым келді. 2006 жылдан бастап Қазалы көлік-техникалық жоғары колледжінде «Сигналды орталықтан басқару» мамандығы бойынша оқыту шеберімін. Оған қоса техникалық шығармашылық жұмыс үйірмесімен айналысамын. Халық тұтынатын тауарларды мүсін, ғимарат макеттерін жасаймын. Студенттердің бос уақытын тиімді өткізу үшін әр кезде түрлі макеттер дайындатамын. Шығармашылыққа жақын шәкірттер аз емес. Оларды бағыттап, бағдар беріп отырамыз. Нәтижеміз де жаман емес. Жарыстарға қатыстық. Жүлдесіз де емеспіз, – дейді Қуандық Ерімбетов.

Қазалылық жас өнертапқыш халықаралық байқаудан жүлдемен оралды

<a href="https://kyzylorda-news.kz/">Kyzylorda-news.kz</a> Жанкент ауылындағы «Аққоян» бөбекжай-балабақшасы 2009 жылдың желтоқсан айында ашылды. Сол жылы 50 бала қабылданды. 2013 жылы балабақша ғимараты күрделі жөндеуден өтіп, жаңадан екі топ қосылды. Бұл кезде бала саны 90-ға, қызметкер саны 32-ге жетті.Балабақша әр жаңа оқу жылынан бастап жазғы сауықтыру шараларына дейін түрлі мерекелік іс-шаралар өткізеді. Мұнда «Ақжүрек», «Балбөбек», «Балдырған», «Балдәурен» топтары бар. Ересек топтағы тәбиеленушілер «Сиқырлы қалам» сурет, «Мен әнші боламын» ән, «Шебер қолдар» қолөнер үйірмелеріне қатысып, шығармашылық қабілеттерін шыңдайды.Балабақша меңгерушісі Шаттық Сапарбайқызы бұл салада 15 жылдан бері басшылық қызметте. Жүзі жылы, жайдарлы мінезді жан алдымен балабақша жұмысының жоғары өрлеуіне аянбай үлес қосып отырған жұмысшы-қызметкерлердің еңбегін айрықша айтып өтті.Бірлік пен ынтымақты, тәртіп пен тазалықты сүйетін ұжымдағы әрбір жанның орны ерекше. Есепші Бақытгүл Құтжанова еңбек ақының дер кезінде қызметкерлердің қолына тиюін, шаруашылық меңгерушісі Айнагүл Баймағанбетова күнделікті балалардың тамағы уақытылы әрі сапалы берілуін, жылу жүйесінің сапалылығын қатаң қадағалайды. Ал, техникалық қызметкерлер Гауһар Қалманова, Бейбігүл Игілік, Гүлзира Бөлегенова, Қайрат Көбегенов, Еркебай Медетовтер ғимарат ауласына егілген тал, жеміс-жидектер мен гүлдердің жайқалып, өсіп, жанға сая сыйлауына үлес қосады. Психолог Жеңіскүл Меңдібаева өткізген түрлі тренингтер бүлдіршіндерге сергіту сәтін сыйлайды. Мейіркеш Мадира Сағындықова таңертең балаларды қабылдап, тазалықтары мен дене қызуын тексереді. Тамақтың сапасы мен оның қалай дайындалып жатқандығын қадағалау да мейіркештің міндетіне кіреді.Светлана Сырманова, Жанна Аязбаевалардың еңбегін балабақша ішіндегі мұнтаздай тазалыққа қарап-ақ аңғарасыз. Тәрбиешілердің көмекшілері Әсия Қалжанова, Ғалия Аралбаева, Гүлзат Есмаханова, Ұлболсын Мырзалиевалар бала жанының нағыз бағбаны. Дәмі тіл үйіретін тәтті тағамдармен тәрбиеленушілерді үнемі таңғалдырып отыратын аспазшы Задаш Абзалова, Гүлжайна Қалқамановлар балдырғандардың ең сүйікті апайлары.Баланы бастан өнер-білімге баулитын тәрбиешілер аудандық облыстық, республикалық жарыстарға балдырғандарды үнемі қатыстырып отырады. Әрі жүлдемен оралады. «Тәуелсіздік – мәңгілік елдің тұғыры» атты республикалық байқауда үздік шығармашылық жұмысымен тәрбиеленуші Айзере Мырзамұрат және Ақкербез Әбілқайыр бірінші дәрежелі дипломды жеңіп алды. Оларды өнерге баулыған жетекшілері Гүлназ Әбдікемалова мен Шаттық Көбеген. Осы сайысты Аяулым Бимырзақызы екінші дәрежелі дипломға қол жеткізді. Жетекшісі Нұргүл Айзақова. Республикалық «Жас дарын» дарынды балалар орталығы ұйымдастырған «Самға Самұрық VIII» байқауында «Бейнелеу өнері» аталымы бойынша Айзере Дінислам бірінші орын, «Қолөнер» номинациясында Айдәулет Қозыбағар бас жүлдені иеленді. «Елін сүйген, елі сүйген Елбасы» атты республикалық байқауда «Қолөнер» аталымы бойынша Әдеміай Серіктің туындысы бірінші орынға лайық болды.Тәуелсіздіктің 30 жылдығына орай Мемлекет басшысы Қасым-Жомарт Тоқаевтың «Тәуелсіздік бәрінен де қымбат» атты бағдарламалық мақаласын педагогтер мен білім алушылар арасында кеңінен насихаттау мақсатында «Білім беру саласының көшбасшысы» атты республикалық байқауда тәрбиеші Ақмарал Кадирова бірінші дәрежелі дипломмен марапатталды. Білім беру саласына қосқан елеулі еңбегі үшін Зияш Өмірзақова облыстық кәсіподақ комитеті төрайымының «Құрмет» грамотасын иеленді. Республикалық «Үркер» зияткерлік орталығының директоры Данагүл Құрақбаеваға жас өреннің бойына білімге құштарлық нәрін себе білгені үшін «Алғыс» хат берді. «Бақытты бала әлемі» екінші республикалық байқауында шәкірті ерекше дарынымен көзге түскен Мөлдір Сарман «Үздік тәрбиеші» атанды. Халықаралық «ПОНИ» сайысында жеңімпаздар мен жүлдегерлерді дайындаған Дәметкен Жиенбаева, Бақыт Аязбаева арнайы диплом иеленді. А.Байтұрсынұлы атындағы республикалық педагогикалық шығар­машылық олимпиадасында Нұргүл Айзақова екінші орын алды. Тәрбиеші Аманкүл Өтепбергенова білім басқармасының Алғыс хатын алды. Тәуелсіздіктің 30 жылдығы аясында республикалық балалар арасында мәнерлеп оқу сайысында Ақнұр Әлиева дайындаған тәрбиеленуші Нұрсәуле Нұрлан бірінші орын иеленді.Өткен жылы балабақшада ашық есік күні өткізіліп, «Ойын – бала үшін өмірлік тәжірибе» тақырыбында іс-тәжірибемен бөліскен Мөлдір Сарман, Ақнұр Әлиева, Ақмарал Кадирова, Бақыт Аязбаева, психолог Жеңісгүл Меңдібаева аудандық білім бөлімінің Алғыс хатымен марапатталды. Аймақтық «Ертегілер әлемі» сайысында екінші, «Қазақстан үміті» республикалық байқауында балабақша бүлдіршіндері бас жүлдені жеңіп алды. Қазалы ауданының 95 жылдық мерейтойы кезінде балабақша ұжымы аудан әкімінің арнайы Алғыс хатын иеленді.Ал, биыл аққояндық балдырғандар «Балапан» телеарнасының ұйымдастыруымен өткен «iBars-kids» зияткерлік ойынына қатысып, бірінші орынмен оралды. Тәрбиеші Бақыт Аязбаева «Құрмет» грамотасы берілді. 8 наурыз – халықаралық әйелдер мерекесіне орай балабақша меңгерушісі Шаттық Көбеген, музыка жетекшісі Аманкүл Өтепбергенова, облыстық білім басқармасының «Құрмет» грамотасымен марапатталды.– Жанкент ауылында өтетін түрлі іс-шаралардан біздің ұжым қалыс қалмайды. Атап айтар болсақ, «Ауылым – ақбоз мекенім», «Өнердің қайнар көзі – ауылымда» атты сайыстарда әріптестерім белсенділік танытты. «Таза Қазақстан» республикалық экологиялық акциясына үн қосу мақсатында балабақша ауласына гүлдер, жеміс ағаштарын отырғызып, күтімге алдық. Ұлттық жоба «Туған өлкем – тұнған шежіре» тақырыбында отбасындағы әже тәрбиесі және ертегімен сусындаған тәрбие мектебін қалыптастырудағы «Ертегі айтып беремін» және «Шешендік өнер – ұрпаққа мұра» сайыстарын өткізді. Біздің мақсатымыз балаларды ерте жастан ұлттық құндылықтарды бойына сіңірген тәрбиелі, тәлімді ұрпақ етіп тәрбиелеу, – дейді балабақша меңгерушісі Ш.Сапарбайқызы.Жіпке тізсек, жетістіктер жетерлік. Тәрбиешілер де тәрбиеленушілер де талаптың тұлпарын мініп, талай белесті бағындырарына бек сенімді. Бар білімнің баспалдағына баланған балабақшада басты талап – тәрбие мен тәртіп екенін аққояндықтар ерекше атады.

Қазалылық бүлдіршіндер «Балапан» телеарнасындағы  «iBars-kids» зияткерлік байқауына қатысты

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария аудандық білім бөлімінің айлық жоспарына сәйкес №35 И.Тоқтыбаев атындағы мектеп-лицейде «Жазғы маусымда балалардың демалысын, сауықтыруды тиімді ұйымдастыру» тақырыбында семинар-кеңес өткізілді. Семинар-кеңеске Сырдария ауданы бойынша білім бөлімінің басшысы Берік Жәнібеков, аудандық төтенше жағдайлар бөлімі, аудандық санитарлық-эпидемиологиялық бақылау басқармасының мамандары, аудандық аурухана медбикесі, мектеп директорларының тәрбие ісі жөніндегі орынбасарлары мен лагерь басшылары және мектеп медбикелері қатысты.Іс-шара «Балдырғанның бал күні» сахналық қойылымымен ашылды. Аудандық білім бөлімі басшысы Берік&nbsp;Жәнібеков алдағы тынығу маусымында «Жалын» сауықтыру лагерін және мектеп жанындағы жазғы тынығу лагерлерінің жұмысын сапалы ұйымдастырудың маңыздылығын айтып, семинар жұмысына сәттілік тіледі.Сырдария аудандық төтенше жағдайлар бөлімінің инженері, азаматтық қорғау лейтенанты А.Мұхтар жазғы тынығу лагерьлеріндегі өрт қауіпсіздігі ережесімен таныстырып, өрт болған жағдайда атқарылуы тиісті жұмыстар жайлы айтты. Сонымен қатар, судағы қауіпсіздік шаралары, суға кеткен адамды құтқару тәсілдері, алғашқы медициналық көмек көрсету, төтенше жағдай орын алғанда автоматты дабыл қондырғысын қағу ережесін түсіндірілді.Сырдария аудандық санитарлық-эпидемиологиялық бақылау басқармасының бас маманы А.Құлмағанбетов «Балалардың сауықтыру және санаторий обьектілеріне қойылатын санитарлық –эпидемиологиялық талаптар туралы» хабарлама жасап, санитарлық қағидаларын бекіту туралы бұйрығымен таныстырды. Семинар барысында жазғы сауықтыру лагерьлердегі санитариялық қағида талаптарын сақтау, атап айтқанда, тамақтану, медициналық қызмет көрсетуді ұйымдастыру бойынша айтылды.Сонымен қатар, семинар кеңес барысында №35 мектеп-лицейдің шығаршашыл ұжым ұстаздары түрлі тақырыптарда сыныптан тыс жұмыстар мен шебер сынып сағатын, қызықты коучинг және оқушылардың танымдық қабілеттерін ашу сабақтарын көрсетті. Қолөнер үйірмесі мүшелерінің «Жүннен сурет салу», «Тігіссіз құрақ» өнері, өру техникасы, «Мозайка» техникасы арқылы жасаған өнімдерін таныстырса, дене шынықтыру пәнінің мұғалімдері «Жазғы лагерь көңілді» тақырыбында &nbsp;спорттық эстафеталық ойын ұйымдастырды.

Сырдарияда оқушылардың жазғы демалысы қалай ұйымдастырылады?

&nbsp;<a href="https://kyzylorda-news.kz/">Kyzylorda-news.kz</a> Сырдария ауданына қарасты Қалжан ахун ауылдық клубында «Үйірмеден үйрендім өнер түрін» атты аудандық семинар өтті. Аудандық мәдениет және тілдерді дамыту бөлімінің ұйымдастыруымен, сондай-ақ аудандық мәдениет үйінің қолдауымен өткізілген семинар кент, ауылдық мәдениет үйлері, клуб кәсіпорындары әдіскерлері және мәдени ұйымдастырушылары арасында іс-тәжірибе алмасу мақсатында ұйымдастырылды.Аудандық семинар ауылдық клуб жанындағы «Ақ әжелер» ансамблі әжелері шашу шашып, әуезді әнімен қарсы алды. Ауылдық клуб меңгерушісі Д.Разақов клубтың тыныс-тіршілігін және «Адал адам» мәдени-тәрбие орталы­ғының бұрыштамаларын таныс­тырып өтті. Ал кәсіпорынның мәдени ұйымдастырушысы Г.Иманқұл жеті бағыт бойынша тоқталып, атқарылып жатқан жұмыстар жайлы ақпараттармен бөлісті. Семинарда «Сұхбат-ТІМЕ» жобасы аясында ауылымыздың, ауданымыздың, облысымыздың мақтанышы, жай­дар­­ман­ның түлегі, «Әзіл әлемі» театры­ның әртісі Қ.Әлжаппаровпен көңілді сұхбат болды. Конақпен сұх­бат бастамас бұрын семинарға қатысу­шылардың көңілдерін көтеру мақсатында «Сергіту сәті» ойыны ойнатылып, қонақтарға сый-сия­пат пен тәттілер таратылып көтеріңкі көңіл-күй сыйлады. Одан кейін семинардың басты мақсатының бірі үйірме жұмыс­тарына тоқталып, кәсіпорын әдіскері Г.Сырғабаева баяндама жасады.Өз кезегінде семинарға қаты­су­шылар жақында жаңадан ашылған «Қуыршақ» үйірме мүшелерінің көр­сеткен өнерін тамашалап, үйір­ме мүшелерінің ұйымдастырған кон­церттік бағдарламасына куә болды. Іс-тәжірибе алмасу мақсатында өткізілген мәдени іс-шаралардан дайын­далған әдістемелік нұсқаулық кітапша қонақтарға таратылды. Семинар соңында аудандық мәдениет үйі директорының орынбасары А.Садықов сөз сөйлеп, аудандық мәдениет үйінің әдіскері Г.Сәрсенбаева қорытын­дылап, аудандық семинар жұмысына оң баға берді.

Қазақстан және Қызылорда облысының жаңалықтары: Білім