&nbsp; <a href="https://kyzylorda-news.kz/">Kyzylorda-news.kz.</a> Кеше &nbsp;№35 Иса Тоқтыбаев атындағы мектеп-лицейі базасында Сырдария ауданы бойынша білім бөлімінің басшысы Берік Жанібеков һ білім бөлімінің сектор меңгерушісі, аттестацияға жауапты маман Ләззат Мығымбаева және аудан мектептеріндегі директордың бағдарлы оқыту жөніндегі орынбасарларының қатысуымен семинар өткізілді.&nbsp; Семинарда Қазақстан Республикасы Білім және ғылым министрінің 2016 жылғы 27 қаңтардағы №83 бұйрығына енгізілген өзгерістер бойынша түсіндірме жұмыстары жүргізілді. Семинарға қатысушылар толғандырған сұрақтарына толық жауап алып, өзара пікір алмасты. – Білім саласының мамандары алдағы уақытта аттестация бойынша біліктілігін қайта шыңдаудан өтеді. Әрбір ұстаздың сынаққа жауапкершілікпен қарап, сынықтан өтуі жіті қадағаланады. Өз кезегінде сала мамандарының білімін, тәжірибесін назарға алып, жан-жақты жұмыс жасауға мүдделіміз. Балаға сапалы білім беретін ұстаздар қауымына сенеміз. Аудан көлемінде әрбір мектеп бойынша &nbsp;сала мамандары сынақтан өтеді. Біз қашанда педагогтарды қолдаймыз. Жан-жақты бағдар береміз, – деді білім бөлімінің басшысы. &nbsp; Алдағы уақытта мектеп педагогтарына түсіндірме жұмыстарын жүргізу жөнінде бағдарлы оқыту жөніндегі орынбасарларға нақты тапсырмалар берілді.

Сырдарияда білім қызметкерлерін аттестациялаудан өткізу барысы талқыланды

&nbsp;<a href="https://kyzylorda-news.kz/">Kyzylorda-news.kz.</a> &nbsp;Қараөзек ауылындағы №39 «Қызылөзек» орта мектебінде «Ұлттық құндылықтар негізінде білім мен тәрбие беруді жаңа идеялармен ұштастыра отырып, шығармашылыққа баулу» тақы­ры­бындағы семинар аясында «Өткен­нің іс-тәжірибесімен бола­шақ­қа көз­қарас» атты Жәнібек Махамбетпен кездесу кеші өткізілген болатын.Тағылымы терең кездесуде сөз алған №39 «Қызылөзек» орта мектебі­нің директоры Жасұлан Байжанов кештің мән-мағынасына тоқталып, құрметті мейманға ілтипат көрсете білді.<blockquote>– Бүгін біздің ортамызға өлке­танушы, қолөнер шебері Жәнібек ағайымыз келіп отыр. Өткен ғасырдың соңғы жылдарында алтын ұя мек­тепте қызмет атқарып, шәкірт тәр­биелей білген еді. Оның қолынан шыққан әрбір құнды туындысы мектеп қорындағы жәдігерге айналғаны мәлім. Өз кезегінде біз қашанда өлке тарихына барынша үңіліп, оқушыларға білім нәрімен сусындата білген ел ағасын құрмет тұтамыз. Оның еңбектерін жас ұрпаққа кеңінен насихаттай береміз, – деді мектеп директоры.</blockquote>Кездесу барысында қолөнер шебе­рінің еңбектері негізінде арнайы бейнеролик көрсетілді. Сонымен қатар сыр-сұхбат форматта жүзеге асқан кездесу кешінде мәдениет майталманына ұстаздар сұрақ қойып, білім саласына қатысты толғандырған мәсе­лелер бойынша ой бөлісті. Айта кетейік, Жәнібек Асанұлының шәкірті Бану Ахметова арнайы келіп, өлең жолдарын арнады.<blockquote>– Мен білім және мәдениет саласында қатар еңбек ете білдім. Қараөзектегі мектебімде қызмет еткен жылдарды әлі күнге сағынамын. Ұстаздар қауымы мені жылы қарсы алып, айрықша құрмет көрсетіп жат­қанына дән ризамын. Осыған дейін әріптестерім кездесу ұйымдастыру жөнінде ойларын ортаға салған еді. Міне, сәті бүгінге түсіп тұр екен. Ауыл өмірімен біте қайнасқан жергілікті халықты әлі күнге іздеймін. Осында үй көтеріп, қоныс тойын жасаған едік. Осы мектептегі миссиям аяқталған сәтте мұражайды жасақтап берген едім. Әлі күнге сақталған еңбегімді көріп, қуанып қалдым. Барша әріп­тестеріме алғыс айтамын, – деді ардақты азамат.</blockquote>Кеш соңында ұстаздар қауымы ардақты азаматпен қызмет еткен жылдардағы естеліктерді көпшілікке айтып берді. Ән айтылып, күй төгілді. Ал Жәнібек Асанұлы өз қолымен жасаған жаңа туындысын мектеп ұжымына табыстады.

Қолөнер шеберіне лайықты құрмет

<a href="https://kyzylorda-news.kz/">Kyzylorda-news.kz</a> &nbsp;Ақпараттық технологиялар саласы белсенді дамуда. Бүгінде IT бағыты үздіксіз жаңа жұмыс орындарын ашатын саланың біріне айналды. Мемлекет басшысы ақпан айында өткен Үкіметтің кеңейтілген отырысында елімізде ІТ саланы серпінді дамытуға бағытталған жобалардың қолданысын кеңейтуді тапсырған болатын. Бұл бағытта облыста көптеген игі істер атқарылуда. Қызылорда да ІТ саласын қолдауға үлкен басымдық берілген. Өңірде дәл осы саламен айналысамын деген жастарға мол мүмкіндік қарастырылған. Жыл өткен сайын салаға қызығушылық танытатын оқушылар мен студенттердің саны артып келеді. Олардың тың жобасы оң нәтижесін көрсетуде. Бұл туралы Өңірлік коммуникациялар қызметінің ақпарат алаңында Қорқыт ата атындағы Қызылорда университеті Kyzylorda Hub&nbsp; бизнес-инкубаторының жетекшісі Тубекбаев Жанарыс Алтынбекұлы мәлімдеді. Сонымен қатар мамыр айындағы іс-шаралар легіне тоқталды.<blockquote>– Мамыр айындағы іс-шаралардың біріне тоқталсам. Қызылорда облысының тұрғындары арасында «KyzylordaHack»&nbsp;облыстық білім технологияларының хакатоны өтеді. Өту мерзімі – 3 мамыр. Жеңімпаздарға&nbsp; 500 000 теңге және 1 оқу гранты табысталады, – деді Жанарыс Алтынбекұлы.</blockquote>Kyzylorda Hub бизнес инкубаторының резиденті, Қорқыт ата атындағы Қызылорда университетінің студенті Урикбаев Саят Қанатұлы Елордада өткен республикалық конференция туралы баяндады.&nbsp;<blockquote>– 4-5 сәуір күні Назарбаев Университетінде «Sustainability Living Lab» бағдарламасының конференциясы өтті. Конференцияға республика бойынша 12 университеттің студенттері қатысып, бағдарлама аясында іске асқан инновациялық экологиялық жобаларын таныстырды. Конференцияның алғашқы күні қатысушылар баяндамаларын ұсынып, гидропоникалық қондырғы жасау бойынша шеберлік сағатына қатыстық. Сондай-ақ жасыл жобалардың көрмесі ұйымдастырылып, қатысушылар қайта өңделген материалдардан күн панельдерін, жасыл шатырларды, гравитациялық генераторларды, биологиялық ыдырайтын каппа-карраген пленкаларын, су қоймаларынан пластмасса ұстайтын құрылғыларды жасау әдістерін көрсетті. Көрмеге келушілер түрлі экологиялық бастамаларды көріп, студенттердің атқарған жұмыстарымен танысуға мүмкіндік алды.&nbsp;Бұл жыл сайынғы конференция университет қауымдастықтарының тұрақты шешімдерін қолдап, оларды нақты жобаларға айналдыратын SLL бағдарламасына бағытталған.Бұл шараны Тұрақты даму офисі, «National Conservation Initiative»корпоративті қоры мен «Шеврон» компаниясы ұйымдастырды, – деді Саят Қанатұлы.</blockquote>Айта кетейік, Сыр елінің қара шаңырағы Қорқыт ата атындағы Қызылорда университетінің студентті Темірлан Абжанов пен Саят Урикбаев Өткен жылы «Сhevron» компаниясы ұйымдастырған «Sustainability Living Lab» жобалар сайысында 2 млн 600 мың теңге грант жеңіп алған болатын. Экологиялық инновациялық 2 жоба бүгінде жүзеге асуда.&nbsp;<blockquote>−&nbsp; «Smart Bench» жобасы − университетіміздің бас оқу ғимаратының алдына күн панельдері орнатылған смарт орындықтар қоюға бағытталған жоба. Негізгі мақсаты − кампус ландшафтарын өзгерту, экологиялық мәселелерді тұрақты шешіммен қамтамасыз ету, университетіміздің инфрақұрылымының дамуына үлес қосу. Жалпы айтқанда күн сәулесінен қуат алатын «ақылды» орындық. Ол әдеттегі орындықтардан зарядтау станциясы ретінде жұмыс істейтін кіріктірілген күн панелімен ерекшеленеді. Олардың көмегімен бір уақытта бірнеше телефонды қуаттауға болады, − деді жас стартапер.</blockquote>Сырбойылық жастардың келесі жетістігі – Үндістан мемлекетіне 10 күндік тағылымдамаға жолдама ұтып алды. Бұл туралы «NeoNomad» командасының мүшесі Раушан Тұрғанбай айтты.&nbsp;Түркістанда өткен республикалық байқауда студенттер мен оқушылардан құралған команда «ReDabyl» жобасын ұсынған.&nbsp;<blockquote>– Бұл су тасқыны секілді табиғи апат кезінде жұмыс істеуге арналған мониторинг және алдын ала болжау кешенді жүйесі. Жобаның міндеті&nbsp; – сенсорлар нақты уақыт режимінде өзен арналарының бойында орналасқан су деңгейін және басқа параметрлерді үздіксіз бақылайды. Су тасқынын көрсететін шекті мәннен асқан кезде сенсорлар автоматты түрде жауапты органдарға дабыл туралы ақпаратты жібереді. Осылайша мамандандырылған бригадаларды дәл қажет жерге жіберу арқылы жұмыс күшін азайтуға және автоматизациялауға көмектеседі. Біздің зерттеуіміз бойынша, мұндай цифрланған комплексті жүйе Қазақстан аумағында жоқ және ашық түрде ақпараттың базасы мен анализін бере алмайды. Ал біз пайдаланған сервер мен телефонға дабыл жіберу ашық түрде болады. Жобаның идеясы хакатон ережесі бойынша берілген тақырыптарды көргеннен кейін туындады. Екі күн ішінде жүйенің аппараттық бөлігін, веб сайт пен бизнес анализін жасап үлгердік, – деді Раушан Тұрғанбай.</blockquote>&nbsp;Фото: facebook.com/rskkzo

Жас ғалымдардың жетістіктері

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Назарбаев Зияткерлік мектебі CIS Халықаралық мектептер кеңесінің аккредиттеуінен қайта өтуде.Мектеп өмірі мен оқу үдерісін ұйымдастырудың халықаралық стандарттарға сәйкестігін бағалау үшін Сыр өңіріндегі NIS-ке Германия, Канада, Италия, Катар және еліміздегі халықаралық мектептерінен сарапшылар келді.Қауымдастық мүшелері CIS командасын қазақтың салт-дәстүрлерімен қарсы алып, мектепті таныстырды. Шетелдік сарапшылар нано, биотехнология кабинеттері мен NIS Engineering орталығында болып, оқушылардың ғылыми жобалары мен IT саласындағы өнертабыстарын тамашалады. Наурыз мерекесі қарсаңында ұйымдастырылған ұлттық ойындар сайысына қатысып, этнокөрмеде әртүрлі ұлттардың мәдениетімен танысты.Жоспар бойынша апта бойы комиссия мүшелері оқушылармен, ата-аналармен және жұмыс топтарымен әңгіме жүргізіп, «Мақсаттар мен бағыттар», «Басқару және көшбасшылық», «Оқу бағдарламасы», «Оқыту және бағалау», «Оқу және оқушылар саулығы», «Қызметкерлер құрамы», «Мектеп аумағы және материалдық-техникалық база», «Қоғаммен және жанұямен серіктестік», «Интернат» стандарттарының өкілдерімен сұхбаттасатын болады. Сонымен қатар сабақтарға, үйірме, спорттық секцияларға қатысып, тәрбиелік жобалардың жүзеге асырылу барысына бақылау жүргізеді.Айта кетейік, Қызылордағы NIS 2018 жылы Халықаралық мектептер кеңесінің аккредиттеу сертификатын алған болатын.Халықаралық мектептер кеңесі (CIS) – білім саласындағы соңғы жаңалықтар мен жоғарғы стандарттарды одан әрі ілгерілету үшін құрылған әлемдегі танымал ұйымдардың бірі. Бүгінгі таңда оның құрамына әлемнің жүздеген мемлекеттен 911 мектеп пен 622 университет енген.&nbsp;

NIS мектебі халықаралық аккредиттеуден өтуде

<a href="https://kyzylorda-news.kz/">Kyzylorda-news.kz</a> &nbsp;13-14 сәуір күні Түркістан қаласында «Respublica» партиясының ұйымдастыруымен өткен «Recodetau»&nbsp; республикалық хакатонында қызылордалық жастардан құралған «NeoNomad» командасы&nbsp; 1&nbsp; орын иеленіп, Үндістан мемлекетінде 10 күн тағылымдамадан өтуге жолдама жеңді.Сырбойының намысын қорғау үшін хакатонға қатысқан 3 команда финалдық кезеңге өткен.Бір команда жеңіс биігінен көрініп, қалған команданың жобаларын қазылар алқасы жоғары бағалады. Жаңа жобаларды жүзеге асыру,бизнес жоба жасау, шетелдік компанияда тәжірибеден өту мүмкіндіктері қарастырылған байқауға 18 бен 25 жас аралығындағы 150-ге жуық&nbsp; адам&nbsp; қатысты.«NeoNomad» командасы хакатон байқауына «ReDabyl» жобасын ұсынды.&nbsp;<blockquote>-«ReDabyl»&nbsp;-су тасқыны секілді табиғи апат кезінде жұмыс істеуге арналған мониторинг және алдын ала болжаудың кешенді жүйесі. Жобаның міндеті&nbsp; – сенсорлар нақты уақыт режимінде өзен арналарының бойында орналасқан су деңгейін және басқа параметрлерді үздіксіз бақылайды. Су тасқынын көрсететін шекті мәннен асқан кезде сенсорлар автоматты түрде жауапты органдарға дабыл туралы ақпаратты жібереді. Осылайша мамандандырылған бригадаларды дәл қажет жерге жіберу арқылы жұмыс күшін азайтуға және автоматизациялауға көмектеседі. Біздің зерттеуіміз бойынша, мұндай цифрланған комплексті жүйе Қазақстан аумағында жоқ және ашық түрде ақпараттың базасы мен анализін бере алмайды. Ал біз пайдаланған сервер мен телефонға дабыл жіберу ашық түрде болады, - деді команда мүшесі Ж.Мұңайтбасова.</blockquote>Республикалық хакатон екі күнге созылды. Бірінші күні қатысушыларды тіркеу, танысу, өзара байланыс орнату жүрді. Сонымен қатар, ашылу салтанаты мен алғашқы кезең өтті. Байқаудың екінші күнінде финалистердің тізімі жарияланды. Коворкинг құру мақсатында Retime диалог алаңы ұйымдастырылды. Байқаудың бас серіктестері – «Codetau»&nbsp; және «Respublica»партиясы.&nbsp;Айта кетейік, Қызылорда облысында жастарға арналған хакатон байқауы дәстүрлі түрде жыл сайын ұйымдастырылады. Өткен жылы Қызылорда облысы әкімінің қолдауымен «SmartCityKyzylordaHackathon» идеялар байқауы өтті. Бесінші мәрте өткізілген байқауға 350 қатысушы, 120-ға жуық жоба тіркелді. &nbsp;3 секция бойынша әр жеңімпазға 1 орын - 150&nbsp;000 &nbsp;теңге, 2 орын - 100&nbsp;000 теңге, 3 орын - &nbsp;50&nbsp;000 теңге сертификаттары табысталған болатын. Сонымен қатар, біршама оқушылар Қорқыт ата атындағы Қызылорда университетінің білім грантын иеленді.

Қызылордалық жастар Үндістанға жолдама ұтып алды

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық жоғары колледжінде педагогтерге арналған «Бала тәрбиесіндегі ата-ананың рөлі» тақырыбында шеберлік сағаты өтті. Шараны «Физика-математика және ақпараттық жүйе» бөлімінің информатика пәнінің оқытушысы&nbsp; Тоты Султанова жүргізді.&nbsp;Бала тәрбиесіндегі ата-ананың рөлін дәріптеу және баламен жағымды қарым-қатынас құру, екі жақты тәрбиелеуді қолға алу мақсатындағы шеберлік сағатында бірқатар әдіс-тәсіл түрлері айтылып, қатысушы оқытушылармен түрлі тәжірибелер жасалды. Бала тәрбиесінде мұғалімнің рөлі мен қатар ата-ананың рөлі насихатталып, шеберлік сағатының басы психологиялық ахуал құрастырумен бастау алды. «Сәлемдесу» әдісі арқылы жағымды көңіл-күйді қалыптастыра отырып, жағдаяттарды шешу арқылы қиындықтан шығу жолдары көрсетілді. Сонымен қатар, «Губка» әдісі арқылы бала бойынша берілетін тәрбиеде жақсы мен жаманды ажырата отырып, эксперименттер жасалды.<blockquote>«Отбасы – адамның жақсылық жасауға үйренетін ең бірінші әлеуметтік ортасы», – деген В.А.Сухомлинский.&nbsp;</blockquote>Үздіксіз тәрбиенің басты сатысы – отбасы тәрбиесі. Отбасында бала еңбек етуге,жақсылық жасауға, өмір сүруге әлеуметтік қатынас тәжірибесін игеруге үйренеді, отбасында өзіндік өмірлік көзқарасы қалыптасады. Балалардың мінез-құлқына кері әсер ететін ата-аналардың қарым-қатынас типтері: орынсыз қамқорлық (бала ата-анасының орынсыз қамқорлығына еті үйреніп, дағдыланғаны сондай, өз бетімен шешім қабылдай алмайды); орынсыз&nbsp;жұмсақтық (көнгіштік) (баланың мінез-құлқын бүлдіреді, басқаларға түсіністікпен қарамайды); орынсыз қорқыныш, үрей (баланы мазасыз етеді, тіпті психосоматикалық ауруларға апарады).Балалардың махаббаты таза, риясыз. Олар өздерінің ата-аналарын бар жан-тәнімен жақсы көреді және оларға еліктейді. Кей-кейде балалар ата-аналарының тілін алмайды. Бірақ олардың мінез-құлықтарын, іс-әрекеттерін зер сала бақылайды. Бұл балаларға үлкен әсер етіп, ықпалын тигізеді. Олар ата-аналары өтірік айтып, алдап тұрса, екіжүзділік таныса, оны байқап қояды. Бала тәрбиесіндегі ананың рөлі бөлек екені айдан анық.&nbsp;Әйелдің басты миссиясы бар: барлық отбасы үшін сарқылмас энергетикалық қуаныштың, сұлулықтың, жарықтың көзі бола білуі. Қашан ана отбасында бақытты болса, онда барлық адам бақытты.Қатысушы ұстаздар барлық ойын-жаттығуларына белсене атсалысып, шара соңында Тоты Сұлтановаға зор алғыстарын білдірді.

Педагогтерге арналған шеберлік сағаты өтті

<a href="https://kyzylorda-news.kz/">Kyzylorda-news.kz.</a> &nbsp;Байқоңыр – ғарыш кеңістігіне жол салған ғажайып қала. Әлемде «Байқоңыр» ғарыш кешенін білмейтін жан жоқ десек артық айтқандық емес. Бүгінде Байқоңыр – Қазақстан мен Ресей мемлекеттері ынтымақтастығының бірден-бір көрінісі. Әлемге аты мәлім Байқоңыр қаласында осы өңірдің негізгі мектепті бітірген түлектері үшін Қазақстанның білім беру стандартымен білім беретін, заман талабына сай – экономист, электромеханик, заңгер-кеңесші, радио техник, экономист-бухгалтер, турагент, құрылыс технигі, тігінші секілді мамандар даярлайтын бірден-бір оқу орны – академик С.Жиенқұлов атындағы Байқоңыр жоғары колледжі.&nbsp;Биыл осы атаулы колледждің құрылғанына – 20 жыл толып отыр. Іргетасы 2004 жылы академик Серғазы Ахметұлының басшылығымен Байқоңыр «Космос» колледжі болып қаланып, кейін 2016 жылы «Академик С.А.Джиенкулов атындағы Байқоңыр колледжі» білім беру мекемесі болып өзгертілді. Ал 2021жылы білім ордасы жоғары колледж деген статусқа ие болды. Байқоңырдағы өскелең ұрпақтың жарқын болашағы үшін ашылған білім беру мекемесінің ерекшелігі ол – Байқоңыр қаласында Қазақстан Республикасы Білім беру стандартымен арнайы орта білімді кәсіптік мамандар дайындайтын бір ғана оқу орны болып табылады. Ғарышкерлер күні қарсаңында &nbsp;коллеждің құрылғанына 20 жыл толу мерекесіне орай ұйымдастырылған «Жас өнертапқыш – 2024» атты халықаралық форум өтті. Оның мақсаты – техникалық мамандықтардың әлеуетін арттыру, Қазақстан Республикасы мен Ресей Федерациясының талантты студенттерінің ғылыми тәжірибелерімен бөлісе отырып, ынтымақтастықты нығайту. Білім шаңырағының 20 жылдығына арналған форумға Қызылорда облысы әкімінің орынбасары, Қазақстан Республикасы &nbsp;Президентінің «Байқоңыр» кешеніндегі арнаулы өкілі Қайрат Нұртай, &nbsp;Қызылорда облысының Техникалық және кәсіптік білім беру мекемелерінің директорлар кеңесінің төрағасы Болатбек Ахметов, облыстық оқу орталығы кәсіптік білім бөлімінің әдіскері Ұлан &nbsp;Жетібайұлы, Байқоңыр қаласының өзін-өзі басқару Қоғамдық кеңесінің төрағасы, мемлекеттік органдармен және қоғамдық бірлестіктермен жұмыс басқармасының басшысы Виктор Новиков, Байқоңыр қаласы әкімшілігінің сәулет және қала құрлысы бөлімінің бас маманы Серік Жанұзақұлы, колледждің әлеуметтік серіктестері, мәслихат депутаттары, &nbsp;қоғамдық бірлестік өкілдері, колледж және мектеп директорлары, ардагер-ұстаздар, ата-аналар қатысты.Форум бағдарламасы бойынша 2 секциядан тұратын шара өткізілді. 1-секцияда білімгерлердің ғылыми жобаларын қорғауы &nbsp;бойынша «Жас өнертапқыш – 2024» халықаралық байқауы, 2-секция бойынша жоғары колледждің 20 жылдығына арналған форумы өтті.&nbsp;Халықаралық байқауда облыстық білім басқармасына қарасты техникалық және кәсіптік білім беру ұйымдары мен Байқоңыр қаласы әкімшілігінің қарамағындағы мемлекеттік бюджеттік кәсіптік білім беру ұйымдарының білімгерлері бақ сынады. Ол 3 бағыт – 1-інші бағыт – Көлік техникаларын құрастыру, 2-інші бағыт – Құрылыс және энергетика, 3-інші бағыт – Авиация бойынша жүзеге асты. Аталған байқауға облыстық оқу орталығы кәсіптік білім бөлімінің әдіскері Ұлан Жетібайұлы, Байқоңыр қаласы әкімшілігінің сәулет және қала құрлысы бөлімінің бас маманы Серік Жанұзақұлы, «Жастар ресурстық орталығы» Байқоңыр қалалық бөлімінің басшысы Индира Серікқызы қазылық етті.&nbsp;Байқау қорытындысында қазылар алқасының шешімімен «Көлік техникаларын құрастыру» бағыты бойынша «Көпфункциялы бензин қыздырғыш» тақырыбын қорғаған Сырдария агротехникалық колледжінің студенті Асылжан Абайұлы (жетекшісі – Бақытжан Пірмағанбетов) 1-орын, «Су электр станциясы» жобасын қорғаған &nbsp;Жалағаш индустриальды-аграрлық колледжінің студенті Ақниет Меирханұлы (жетекшісі – Қайрат Қабылбай) &nbsp;2-орын, «Водородный &nbsp; двигатель» тақырыбын қорғаған Байқоңыр индустриальды техникумының (БИТ) білімгері Алексей Беляков (жетекшісі – Болатбек Мұратов) 2-орын, ал «Шиелідегі уран зауытының халыққа тигізіп &nbsp;отырған пайдасы мен зияны» туралы еңбектенген Қызылорда &nbsp;медициналық жоғары колледжінің студенті Бекзат Нағашыбай (жетекшісі – Гүлмира Жамалатова) мен «Теміржол өмірімнің &nbsp;сұлбасы» атты жоба әзірлеген Қазалы көлік-техникалық жоғары колледжінің студенті Даяна Жолбарыс (жетекшісі – Қуандық Ерімбетов) 3-орындарды иеленді.&nbsp;Байқаудағы Авиация бағыты бойынша 1-орынды «Қазақстанда &nbsp;спутниктерді өндіру» бойынша өз жобасын жариялаған академик С.Жиенқұлов атындағы Байқоңыр жоғары колледжінің А-120 оқу тобының студенті Нұрбол Ерболатұлы (жетекшісі – Нұргүл Әлімбаева), 2-орынды «Қысқа &nbsp;метражды &nbsp;анимациялық &nbsp;фильм &nbsp;жасауда Adobe бағдарламалық өнімдерінің мүмкіндіктерін пайдалану» туралы жоба ұсынған Қызылорда жоғары көпсалалы колледжінің студенті Жұлдызай Байзақ (жетекшісі – Нұргүл Скакова) қанжығасына байласа, құрылыс және энергетика бағыты бойынша жүлделі 1-орынды «Қол жетпейтін және адам денсаулығына зиян келтіретін жерлерде жұмыс істеуге арналған роботты құру» атты қызықты жобасымен «Оrda» жоғары колледжінің студенті Абылайхан Жомартұлы (жетекшісі – Ренат Сермаханов) жеңіп алды. «Жайлы үй» жобасын қорғаған Қазалы аграрлы-техникалық колледжінің білімгері Аружан Қуанышқызы (жетекшісі – Тұрар Смағұлов) мен «Керамикалық кірпіш зауыты» тақырыбын қорғаған И.Әбдікәрімов атындағы Қызылорда аграрлық-техникалық жоғары &nbsp;колледжінің студенті Әділет Асылбекұлы (жетекшісі – Кенжегүл Майханова) 2-орынға ие болды. «Ветряная энергетика» тақырыбын ұсынған М.Неделин атындағы Байқоңыр электрорадиотехникалық &nbsp;техникумының студенті Сұлтанбек Жарқынбекұлы мен (жетекшісі – &nbsp;Жора Ізтаев), «Қазақстандағы демалыс орындары үшін шағын қонақ үйдің 3D жобасын» ұсынған М.Мәметова атындағы Қызылорда &nbsp;педагогикалық жоғары колледжінің студенті Әли Ерболатұлы (жетекшісі – Ләззат Омарқызы) 3-орынды місе тұтты. Айтулы шараның 2-секциясында Қазақстан Республикасы &nbsp;Президентінің «Байқоңыр» кешеніндегі арнаулы өкілі Қайрат Нұртай колледж ұжымын мерейтоймен құттықтап, жастардың – елдің ертеңі, оларды болашаққа бүгіннен дайындаудың маңыздылығын атап, байқоңырлық жастардың өнертапқыштық және шығармашылыққа деген қызығушылығын қалыптастырып, бәсекеге қабілетті мамандар дайындап, жалпы білім саласына қосқан зор үлесі үшін бірқатар колледж қызметкерлеріне алғыс хат табыстады. Байқоңыр қаласының өзін-өзі басқару Қоғамдық кеңесінің төрағасы, мемлекеттік органдармен және қоғамдық бірлестіктермен жұмыс басқармасының басшысы В.Новиков колледж ұжымын құттықтап, қалалық әкімшілік басшысы Константин Бусыгиннің және орынбасары Николай Адасевтың алғыс хатын колледж басшысы Әнуар Дәуленбаевқа тапсырды.&nbsp;Форум соңында академик С.Жиенқұлов атындағы Байқоңыр жоғары колледжі, Байқоңыр қаласындағы М.Неделин атындағы «Байқоңыр электрорадиотехникалық техникумы» және «Байқоңыр индустриалды техникумы» өзара ынтымақтастық туралы екіжақты шартқа қол қойды.&nbsp; Кәсіптік білім елдің дамуында шешуші рөл атқарады. Осы салада білім беру, кәсіптік мамандарды даярлап, оны өндіріске қабілетті ету заман талабы. Жиырма жылдық тарихы бар киелі шаңыраққа айналған колледждің бүгінгі тіршілігі, сабақ беру үрдісі, студенттердің жетістігі бізге мақтаныш. Алдағы уақытта елдің көшін алға сүйрейтін талай талантты шәкірт¬тер осы білім ордасынан түлеп ұшары хақ.Иә, жиырма жылдық тарихы бар колледждің болашаққа деген бағыт-бағ¬дары айқын, мақсаты берік. Сон¬дықтан да колледж ұстаздары Қазақстанның кемел келешегіне өзінің салмақты үлесін қосатын шәкірт тәрбиелеп, елімізді алға жетелейтін дарынды да талапты болашақ мамандарды білім нәрімен сусындатуды жалғастыра бермек. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;

Байқоңырда «Жас өнертапқыш – 2024» байқауы өтті

<a href="https://kyzylorda-news.kz/">Kyzylorda-news.kz.</a>&nbsp; Көктем келіп, күн жылынды. Көпшілік егін егуге дайындықты бастап та кетті. Жазды күтпей-ақ сіз бен біз қыс бойы жеп жүрген жеміс-жидек, көкөністің түр-түрі көбіне жылыжайда өсіріледі. Жылыжайда жеміс өсіру – ең табысты әрі халықты таза азық-түлік өнімдерімен қамтамасыз етудің таптырмас тәсілі. Жылыжай шаруашылығының да өзіне тән қиындығы аз емес. Соған қарамастан қазір елімізде жылыжайлар саны артып келеді.&nbsp;«Жасыл мектеп» жобасы оқушылардың мектеп қабырғасында білім алып қана қоймай, тәжірибе толықтыруларына сеп болуда. Бірнеше жылдан бері тұрақты жұмыс жүргізіп келе жатқан жылыжайлардың бірі Қармақшы ауданы орталығында орналасқан Тәйімбет Көмекбаев атындағы №250 мектеп-лицейінің жылыжай кешені. 2012 жылдан бері мектеп ауласына өсіретін әдемі гүлдердің көшеттері және көкөніс өсірумен айналысатын жылыжайды жасаудағы басты мақсат мектеп оқушыларының биология пәнінен алған білімдерін тәжірибемен ұштастыру, еңбекке баулу, қоршаған ортаға, оның ішінде жасыл желекке құрметпен қарау, &nbsp;келешекте жылыжай ісіне, ауылшаруашылығы саласына бейім мамандарды дайындау болып табылады.&nbsp;<blockquote>Егіс алқабындағы егінге қарағанда жылыжай ішінде өсетін дақылдар көп күтімді қажет ететіні анық. Тиісінше, өнімі де мол. Уақытында дәрілеп, құнарландырып, іштегі температураны тұрақты ұстаса болғаны. Биология пәнінің мұғалімдері Айвелюк Шигенова, Айгүл Қуанышбекова, Гүлмира Баймбетова, Айнұр Буркуловалар қолы қалт етсе осы жерден табылады. Жылыжайдың қызынақтары түйнек салып, қиярлары пісіп жатыр. Оны жайқалтуға «Өсімдіктер әлемі» үйірмесіне қатысатын 5-6-7-8-сынып оқушыларының үлес қосып жатқанын көруге болады. Жыл сайын мектепте эко-био жәрмеңкесін ұйымдастыру қолға алынған. Нәтижесінде көкініс, гүл көшеттері егіліп, сатылып жүр. Жәрмеңкеде сатылған көшеттер қаржысы жылыжайға қажет топырақ пен тұқым сатып алуға жұмсалады, – дейді мектеп директорының бағдарлы жұмыстар жөніндегі орынбасары Гауһар Әлиева.&nbsp;</blockquote>Жылыжайда өсірілген гүлдер арқылы мектеп жанындағы оқу-тәжірибе шарасына да, мектеп ауласын көгалдандыруға да мүмкіндік туады.&nbsp;<blockquote>Жылыжайда биология, жаратылыстану пәндері бойынша практикалық жұмыстар жүргізіледі. Оқушылар жылыжайда көкөністер өсіруді, оларды күтіп-баптауды үйреніп қана қоймай өсімдіктер туралы білімдерін кеңейтеді. Мектеп бітіргеніне 30 жыл болған &nbsp;түлектердің демеушілігімен биыл жаңа жылыжай құрылысы қолға алынып, салынды. Енді оқушылармен қарқынды жұмыс жасап, ғылыми жоба бойынша зерттеулер жүргізілуде, – дейді мектептің іші мен сыртын гүлдендіруге, көгалдандыруға аса мән беретін, жылыжай салуға бастама көтерген және оның жұмысын тоқтаусыз жүргізуді жолға қойған &nbsp;мектеп директоры Гүлжахан Мұнарбаева.&nbsp;</blockquote>Оқушылар мұғалімдерімен бірге жылыжайға қияр, тәтті бұрыш, қызанақ, қызылша, аскөк және гүлдердің түр-түрін еккен. Қазіргі уақытта жылыжайда еңбек қызған шақ.Тетігін тапсаң, бұл жан-жақтылы тиімді жұмыс болатынын түсінетін мектеп ұжымы алдағы уақытта жылыжайды жайқалтып, өнімін арттыруды көздеп отыр. &nbsp;

«Жасыл мектеп»: Қармақшылық оқушылар жылыжайда тәжірибе жинап жатыр 

<a href="https://kyzylorda-news.kz/">Kyzylorda-news.kz.</a> Қызылорда қалалық орталықтандырылған кітапханалар жүйесіне қарасты №13 балалар кітапханасының ұйымдастыруымен 12 сәуір – Дүниежүзілік ғарыш және авиация күніне орай №176 орта мектептің 6«Б» сынып оқушыларының қатысуымен «Мен ғарышкер боламын» атты танымдық ойын өткізілді. Ондағы мақсат – оқушылардың патриоттық, отаншылдық, сезімін оята отырып, елін жерін, сүюге, құрметтеуге тәрбиелеу, ғарышкерлер туралы толық түсінік беру, білімдерін одан әрі кеңейту. Ғарыш саласында елімізде айрықша орын алатын «Байқоңыр» ғарыш айлағы орналасқан. Сонымен қатар қазақтың атын танытып жүрген ғарышкерлерімізде бар. Шара барысында оқушыларға есімдері Қазақстан тарихында алтын әріппен жазылған қазақ ғарышкерлері – Тоқтар Әубәкіров, Талғат Мұсабаев, Айдын Айымбетов туралы мағлұмат берілді. Сондай-ақ «Мен – ғарышкер боламын» атты 10 минуттық бейнебаян көрсетіліп, кітапхананың белсенді оқырмандары Ақтілеу Мерей, Жасмин Мәдиқызы, Жансұлу Қайырбекова, Нәби Төленов ғарышкерлер тақырыбында бірнеше сұрақтардың жауабын тауып, белсенділік танытты.&nbsp; Сонымен қатар «Аспанды бағындырған батырлар» атты кітап көрмесі ұйымдастырылып, №176 мектептің аға кітапханашысы Айман Асанова шараны қортындылады. &nbsp;

Қызылордада оқушылар арасында «Мен ғарышкер боламын» атты танымдық ойын өтті

<a href="https://kyzylorda-news.kz/">Kyzylorda-news.kz.</a> Қызылорда қалалық білім бөлімінің ұйымдастыруымен ағылшын және орыс тілі кабинеттері арасында «Үздік кабинет – 2024» байқауы өтті.Байқауға ағылшын тілі кабинетінен 10, орыс тілі мен әдебиеті бойынша 3 кабинет қатысты. Байқау оффлайн форматта жүргізілді және алдын ала бейнероликтер жинақталды.Жалпы мұндай байқауды ұйымдастырудағы мақсат – педагогтардың кәсіби деңгейін арттыру, инновациялық идеялар мен жетістіктерін насихаттау, креативті идеяларға үндеу.Байқауға қатысушы білім ошақтары арасында үздіктер анықталып, &nbsp;нәтижесінде жүлделі ІІІ орынды Н. Ергешбаев атындағы № 172 орта мектебі, Ә. Молдағұлова атындағы №173 орта мектебі және №257 орта мектебі иеленді. Ал, жүлделі ІІ орынға Ж.Қизатов атындағы № 23 мектеп-лицейі лайық деп танылды. Ал І орынды Абай атындағы дарынды балаларға арналған мектебі алды. «Үздік кабинет – 2024» Ә.Мүсілімов атындағы №101 мектеп-лицейі атанды. Сондай-ақ Ж.Махамбетов атындағы № 43 орта мектебі алғыс хатпен марапатталды.Ал, орыс тілі мен әдебиеті кабинеттері бойынша Ж.Қизатов атындағы №23 мектеп-лицейі «Современный кабинет – 2024» атанды.

Қызылорда қаласында мектептер арасында «Үздік кабинет – 2024» байқауы өтті

<a href="https://kyzylorda-news.kz/">Kyzylorda-news.kz.</a> &nbsp;Қызылорда қаласы бойынша білім бөлімінің ұйымдастыруымен №39 «Қызылөзек» орта мектебінде көркем еңбек пәні мұғалімдеріне арналған «Ұлттық құндылықтар негізінде білім мен тәрбие беруді жаңа идеялармен ұштастыра отырып шығармашылыққа баулу» тақырыбындағы қалалық семинар өтті.Семинарға Қызылорда қаласы бойынша білім бөлімінің әдіскері Ғазиз Убаев қатысты. Семинардың мақсаты – білім алушыларды ұлттық құндылықтарды құрметтеуге тәрбиелеу. Ұлттық салт-дәстүрлеріміздің ескірмейтіндігін еске салып, ұлттық мұраны қайта жаңғыртуға, терең ойлауға, өнерді сүюге, ұлттық салт-дәстүрімізге байланысты білімдерін дамыту арқылы нығайту.Шара барысында ұстаздардың жетекшілігімен шәкірттерінің қолдан жасаған этностильдегі бұйымдарының «Шеберлік бастауы – ізденіс» тақырыбында көрме жұмысы таныстырылды.Сонымен қатар семинарда білім алушыларға «Өткеннің іс-тәжірбиесімен болашаққа көзқарас» тақырыбында ҚР суретшілер одағының мүшесі, қолөнерші, Маханбетов Жәнібектің өмірбаяны мен шығармашылығы таныстырылды.Семинар соңында үздік шеберлік сыныбын көрсетіп, өз тәжірибелерімен бөліскен ұстаздар алғыс хаттармен марапатталды.

Қызылорда қаласында мұғалімдер арасында семинар өтті

&nbsp;<a href="https://kyzylorda-news.kz/">Kyzylorda-news.kz</a> Оралда оқушы асылған күйде табылған. Қайғылы оқиға 8 сәуірде болды, - деп хабарлайды <a href="https://massaget.kz/basty-zhaalytar-438/105320/?fbclid=IwAR2OK_Htr3OVgSAaieRdIGr3C50iE4egkgRjVNo2-MoockMY9xcq_6OdE9g">Massaget.kz.</a>БҚО Полиция департаменті оқушының денесі үйдің ауласындағы құрылыстан табылғанын хабарлады.Ал жасөспірімнің әкесі ұлы 9-сыныпта оқығанын айтты.<blockquote>"Ол - отбасымыздағы екінші бала. Ұлым шапшаң, көңілді және өмірге құштар болды. Жақсы оқыды, оның досы да көп еді. Көрші балалармен де араласатын. Спортпен шұғылданды. Егер ақша керек болса, менен немесе анасынан сұрайтын. Дүкенге барып, оларды қарындастарына тәтті алуға жұмсайтын. Оларды қуанту үшін дүкеннен шоколадты қарызға да алатын. Оларды қатты жақсы көрді, еркелетіп жүретін. Әрқашан оларға қамқор болды", - деді баланың әкесі.</blockquote>Қайғылы оқиға болған күні әкесі ұлын жұмысқа кетіп бара жатқанда ұйықтап жатқанын көрген. Қайтып келгенде аулада жедел жәрдем, полиция қызметкерлері болыпты."Анасы оны сарайда асылып тұрған күйде тапқан. Өз-өзіне қол жұмсағанына сенбеймін. Полиция қызметкерлері тергеу жүргізіп жатыр. Ұлым махаббатқа бөленіп, жақсы өсті. 9-сыныптан кейін колледжге түскісі келді", - деді әкесі.Тәртіп сақшылары бұл дерек бойынша тергеу жүргізіліп жатқанын айтты.Еске салайық, бұған дейін&nbsp;Ақтөбеде олимпиадалық резерв мектебінің оқушысы да қайтыс болғаны хабарланды. Артынша күдікті ұсталғаны белгілі болды.Фото: Фото: Нұрболат Нұржаубай

Қазақстан және Қызылорда облысының жаңалықтары: Білім