<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің “Құқықтану” білім беру бағдарламаларының студенттері Мұрат Әлішер, Тынымбай Шыңғысхан "Қылмыстық сот өндірісіндегі тараптардың теңдігі және сайысушылығы қағидатын сотқа дейін жүзеге асырудың өзекті мәселелері" тақырыбындағы халықаралық студенттердің ғылыми-практикалық конференцияға қатысты.&nbsp;Конференцияны Қырғызстан Республикасы Ж.Баласағұн атындағы Қырғыз ұлттық университетінің Құқықтану институтының “Қылмыстық іс жүргізу және сот сараптамасы” кафедрасы ұйымдастырған.Онда білім алушылар Қазақстан Республикасының қылмыстық сотқа дейінгі өндіріс кезіндегі өзекті мәселелері жөнінде баяндама жасады. Конференция қорытындысы бойынша 3 курс студенті Мұрат Әлішер III орынмен марапатталды.<blockquote>− Бұл мен үшін үлкен тәжірибе алаңы болды. Себебі, өзге елдің заңы, тәртібін біле отырып, өзіме керегін алдым. Сондай-ақ, бұл жеңіс менің ғана емес, маған қолдау білдірген оқу ордамның, мені білім нәрімен сусындатып, мамандығымның қыр-сырын үйретіп, өмірге бағыттаған ұстаздар мен жетекшімнің арқасы. Өте қуаныштымын, алдағы уақытта да жоғары көрсеткіштерді көрсететін боламын, − деді ол. &nbsp;</blockquote>

Қызылордалық студенттер Қырғызстаннан жүлдемен оралды

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық жоғары колледжінде «Шетел тілі» бөлімінің студенттерімен «Оқуға құштар колледж» жобасы аясында «Кітап - сарқылмас рухани қазына» атты танымдық шара өткізілді.Мақсаты&nbsp; - студенттерге кітаптың адам өміріндегі маңызы, ғылым мен білімнің пайдасы жайлы түсіндіру.Студенттердің кітап оқуға деген қызығушылығын арттыру, қазақ және әлем әдебиетіне кеңінен құлаш кермейуге бейімдеу. Себебі кітап адам баласының сан ғасырлық ақыл-ойының жемісі, тарихы мен тағылымының алтын сандығы.&nbsp;Кітап адамға рухани азық. Оның бізге берері мол. Қашаннан да ақын-жазушылардың ұрпаққа берер асыл қазынасы мол. Ол ертеден қалыптасып келе жатқан қағида десекте артық емес.Осы танымдық іс-шара аясында студенттер Ә.Нұршайықовтың «Махаббат қызық мол жылдар» романын талдады. Кейіпкерлерге мінездеме беру отырып, өзіндік көзқарастарын білдірді.&nbsp;Шара барысында студенттер суреттер бойынша шығарманың атын тауып, туынды авторы туралы тың деректермен алмасты. Интерактивті тақтадан «WordWall» платформасы арқылы ұяшықтарды таңдау арқылы сұрақтарға жауап берді.Студенттер топқа бөлініп басты кейіпкерлерге мінездеме жазып шықты.&nbsp;Слайдта көрсетілген жағдаятты шешу аясында шағын пікірталас жүргізді. Студенттер бір-біріне сұрақ қойып, туындыны барлық қырынан ашты.&nbsp;

Кітап - сарқылмас рухани қазына

<a href="https://kyzylorda-news.kz/">Kyzylorda-news.kz.</a> Арғынбек ата әулетінен шыққан Қызылбай Оңғарбаев жас кезінен қойшы болып, адал еңбек еткен. Ауыл құрметтісі атанған азамат еңбектің ащы тері мен тәтті жемісінің қадірін біліп өсті.&nbsp; &nbsp; &nbsp; Келешек ұстаз 1961 жылы қазіргі Қоғалыкөл ауылында дүниеге келген. Білімге құштар азамат ауылдағы орта мектепті бітіріп, Қызылорда қаласындағы Н.Гоголь атындағы педагогикалық институтқа физика-математика факультетіне оқуға түсті. Институтты ойдағыдай бітірген соң алғашқы еңбек жолын 1984 жылы №147 мектепке физика-математика пәнінің мұғалімі болып бастайды. Ұзақ жылғы ұстаздық қызметінде директордың тәрбие ісі жөніндегі орынбасары да болды. Ардақты ұстаз 2003 жылдан бері қазіргі кезге дейін директордың бастауыш сыныптар жөніндегі орынбасары болып абыройлы еңбек етіп келеді.&nbsp; &nbsp; &nbsp; Мектеп оқушыларына білім мен тәрбие берудегі үздіксіз еңбегінің арқасында біршама марапат иесі атанып, абыройы үстем болды. Ауыл тарихы мен дамуында өзіндік қолтаңбасын қалдырған ұстаз әркез қоғамдық жұмыстың басы қасында жүреді. Қай уақытта да белсенді, жанашыр азаматтың еңбегі еленіп, Сырдария ауданының әлеуметтік-экономикасының дамуына елеулі үлес қосқаны үшін ауданның 90 жылдық мерекелік медалімен марапатталды. Тәжірибелі &nbsp;әрі білікті педагог Қазақстан Республикасы білім және ғылым министрлігінен Қазақстан Республикасының білім беру жүйесін дамытуға қосқан зор үлесі үшін Алғыс хатпен марапатталып, ауылдың, мектептің абыройын асырған болатын.&nbsp; &nbsp; &nbsp; – Мұғалім – мамандық болса, ұстаздық қасиет табиғат дарытқан дарын екен. Бойыңа қуат, жүрегіңе жарық жігер беріп өрге сүйрейтін де, жаныңа азық, өміріңе өзек боп төрге сүйрейтін де осы ұстаздық қасиет. Ұстаздар қауымын әр баланың жан дүниесін танып білуші әрі жеке тұлға етіп қалыптастырушы, ел болашағының қалаушысы десе де &nbsp;болады. Ұстаз еңбегінің шуағы тек балаға ғана емес, ата-анаға, қоршаған ортаға және ұжымдас әріптестеріне де молынан құйылып, оларды қанаттандырады, биікке жетелейді, баршаны жақсылыққа шақырады. Мұны мен ұстаздық мамандықтың иесі болғанымда түсіндім. Бала күнгі арманымның орындалып, абыройлы қызмет атқаруыма, кәсібімнің қыр-сырын толық меңгеруіме әріптестерімнің ықпалы зор болды. Күнбе-күнгі көп қырлы қызметімде өз ісінің майталманы, отыз жылдан астам уақыт бала тәрбиесі саласында қызмет етіп келе жатқан мектеп директорының бастауыш сыныптар жөніндегі меңгерушісі Қызылбай Оңғарбаевтың бағыт-бағдары, талапшылдығы, білім мен білігі таңдаған мамандығымның лайықты иесі бола білуіме септігін тигізді деп санаймын, – дейді жас ұстаз әрі әріптесі Самал Қосжанова.&nbsp; &nbsp; &nbsp; Білікті де білімді маман иесі Қызылбай ағай – ұстаздар әулетінің басшысы. Отанасы – Оразкүл Ахметова математика пәнінің мұғалімі, бес бала мен немерелер тәрбиелеп отырған бақытты, өнегелі отбасы. Ұлағатты ұстаздардың отбасында береке-бірлік берік орнаған. Ата-ана жолымен ұрпақтары саналы да, тәрбиелі болып өсіп келеді.&nbsp; &nbsp; &nbsp; Ұстаз – тереңде жатқан кенді ашып, армансызға арман ұялатып, қанатсызға дарын қанатын бітіретін ғажайып күш иесі. Осы ұстаздық жолында Қызылбай ағай мен әріптестері әлі талай табыстар мен жетістіктерге жетері анық деп ауыз толтыра айта аламыз.&nbsp;

Қызылбай Оңғарбаев: Мұғалім – мамандық болса, ұстаздық қасиет табиғат дарытқан дарын 

&nbsp;<a href="https://kyzylorda-news.kz/">Kyzylorda-news.kz.</a>&nbsp;Облыс әкімі Нұрлыбек Нәлібаевтың қатысуымен Қызылорда музыкалық колледжінің жаңа ғимаратының іргетасын қалау рәсімі өтті. Іс-шараға «Саутс Ойл» компаниясының вице-президенті Серік Мырзабеков, &nbsp;Қазақстанның еңбек сіңірген қайраткері, жырау Алмас Алматов қатысты.Аймақ басшысы жиналған жұртшылықты жаңа нысан құрылысының басталуымен құттықтады.<blockquote>«Мемлекет басшысы Қасым-Жомарт Кемелұлы Ұлттық құрылтайдың «Адал адам – Адал еңбек – Адал табыс» атты үшінші отырысында «Мен Мемлекет басшысы ретінде азаматтардың, әсіресе, жастардың көзі ашық, дүниетанымы кең болғанын қалаймын» – деп атап өтті. Балаларға тәлімді тәрбие мен лайықты білім беруде баршамыздың ұстанымымыз бір, мүддеміз ортақ. Ол – туған елін шексіз сүйетін, өз ісіне адал, ізгілікті ұрпақ тәрбиелеу.Музыкалық колледждің қала орталығындағы қазіргі ғимаратының тозығы жеткен, заман талаптарына сай келмейді. Бұл проблеманы өнерпаздар да көптен бері көтеріп келеді. Ескірген ғимарат небәрі 350 орындық, ал онда оқитындар саны, жастардың музыкалық білім алуға сұранысы жыл сайын артуда. Осы жағдайды ескеріп, өткен жылдың соңында «Саутс Ойл» компаниясымен музыкалық колледжге арнап сол жағалаудан 650 орындық жаңа ғимарат салу туралы келісімге қол қойдық. Бірлескен игі іс жалғасын тауып, бүгін, міне, жаңа ғимараттың іргетасын қалаймыз. Жаңа нысан білім мен мәдениеттің ордасына айналып, шығармашыл жастардың өнерін шыңдауға жан-жақты мүмкіндік жасайтын болады», – деді Нұрлыбек Машбекұлы.</blockquote>Іс-шарада «Саутс Ойл» ЖШС вице-президенті Серік Мырзабеков пен музыкант, Мәдениет қайраткері Кеулімжай Ботабаев қызылордалықтарды құттықтап, ізгі лебіз білдірді.Үш қабатты ғимарат 650 орынға арналған, құрылыс жұмыстары тамыз айында аяқталады деп жоспарлануда. Жобаның жалпы құны 4,8 млрд теңге, бас мердігер – «Интегрострой» &nbsp;ЖШС.Айта кетейік, Мемлекет басшысы және Үкіметтің Сыр өңіріне жан-жақты қолдауының нәтижесінде аймақта бүгінгі күні ауқымды жобалар жүзеге асырылуда. «Жайлы мектеп» ұлттық жобасы аясында өңірде 12 300 орынға лайықталған 21 мектеп салынуда. Өткен жылы 10 мектептің құрылысы басталса, биыл тағы 11 мектептің іргетасы қалануда. Сол жағалаудағы «Білімді қолдау қорының» қаржысына бой көтерген, құны 7 млрд. 900 млн. теңгені құрайтын дарынды балаларға арналған 300 орындық жатахқанасы бар 400 орындық физика-математика бағытындағы мектеп-интернат тамыз айында аяқталып, жаңа оқу жылында пайдалануға беріледі.«ҚазГерМұнай» компаниясының демеушілігімен 2 млрд. 350 млн. теңгеге заманауи үлгідегі 350 орындық Оқушылар сарайының құрылысы қарқынды жүруде. Бұл ғимарат та тамыз айында тапсырылады.Мемлекет басшысының «Елімізде кем дегенде 3 жоғары оқу орны жасанды интеллект саласымен айналысуы керек» деген тапсырмасына сәйкес Қорқыт Ата университеті базасында Корея Республикасы Сеул ұлттық ғылым және технологиялар университетінің Жасанды интеллект және информатика жоғары мектебі құрылды. Облыс орталығында «Шығармашылық академиясы», екі ауданда Оқушылар үйі мен Өнер мектептерінің құрылысы салынады.Биыл өңірімізде «Руханият жылы» жарияланды. Наурыз айында Қызылорда қаласынан сәні мен сәулеті келіскен 1000 орындық «Өнер орталығы» ашылды. Одан бөлек, ауылдар мен елді мекендерде бірнеше мәдениет үйлері мен спорт кешендерінің құрылысы жүргізіліп, ел игілігіне табысталды.Бұған дейін облыстық филармонияның құрамында ұлт аспаптар оркестрі, камералық оркестр болған. Көрерменнің жоғары талғамына сай концерттерді кәсіби әрі жанды дауыста ұсыну үшін симфония оркестрі құрылды. Мүмкіндігі шектеулі өнерпаздардың шығармашылығын шыңдап, өнерін насихаттауға арналған Инклюзивті театр үйірмесі, Жастар театры өз алдына кәсіби ұжым болып өнер көрсетуде. Жыраулар үйі ашылып, сөз бен жыр құдіретін сыйлайтын халықтың көз қуанышына айналды.Қазіргі уақытта барлық ауданда неке қию залы, кітапхана, музей, архив, жастар сарайы, ардагерлер мен аналар үйінің басын біріктіретін, құны 11 млрд. 500 млн. теңгені құрайтын «Руханият» орталықтары салынуда.<img src="https://knadmin.beoblood.kz/uploads/FB_IMG_1713340843413_6a3315fa77.jpg" alt="FB_IMG_1713340843413.jpg"><img src="https://knadmin.beoblood.kz/uploads/FB_IMG_1713340835064_d8f5753609.jpg" alt="FB_IMG_1713340835064.jpg"><img src="https://knadmin.beoblood.kz/uploads/FB_IMG_1713340846402_bb31e47567.jpg" alt="FB_IMG_1713340846402.jpg"><img src="https://knadmin.beoblood.kz/uploads/FB_IMG_1713340838998_bcedc4a394.jpg" alt="FB_IMG_1713340838998.jpg">

Қызылорда музыкалық колледжінің жаңа ғимаратының іргетасы қаланды 

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық жоғары колледжінде “Оқуға құштар колледж” жобасы аясында “Шетел тілі” бөлімінің ұйымдастыруымен “Мен оқыған кітап” тақырыбында ашық тәрбие сағаты өтті.Шараға “Шетел тілі” бөлімі меңгерушісі Мөлдір Меңдібаева, колледж кітапханашысы Зульфия Пазылова, ШТ-М-22 тобының жетекшісі Сания Ибрагимова және білім алушылар қатысты.&nbsp;Ашық тәрбие сағаты “Ой қозғау” сәтінен басталып, “Әлемдегі ең көп кітап оқитын ел” тақырыбындағы интеллектуалды сұрақ аясындағы пікірталас өтті. Сонымен бірге топ студенттері Fast-translator мақал мәтел ойынын ойнап, әр ұяшықта жасырылған мақал мәтелді жылдам ағылшын тіліне аударудан шапшаңдық деңгейін салыстырды. Шара барысы пікірталас алаңына ұласып, “Электронды оқулықтардың зияны” және “Электронды оқулықтардың пайдасы” тақырыбында пікір таластырды. Сабақ соңында әр топ студенті өзінің оқыған ең сүйікті кітабы туралы қызықты, тың деректермен бөлісіп, оқырман қауымға түрлі әдіспен жарнама жасады.«Оқуға құштар колледж» жобасы аясында&nbsp; «Филология» бөлімі және кітапхана қызметкерлерінің ұйымдастыруымен білім алушы жастар арасында «Бабалар үні» атты book-slam өтті.Мақсаты - білім алушыларды эпостық жырларға құштарлығын арттыру.«Бабалар үні» атты book-slam сайысы төрт кезең бойынша жүргізілді.&nbsp;І кезең -&nbsp; Топ ұраны мен таныстыру.&nbsp;II кезең - "Ойлы болсаң, озып көр!" (Эпостық жырлар бойынша сұрақтарға жауап беру)&nbsp;III кезең - "ДҰРЫС-БҰРЫС" әдісі (эпостық жырлардың дұрыс нұсқасын табу)&nbsp;IV кезең -&nbsp;"ПАЗЛ" әдісі (Жырдан алынған суреттерді құрастыру)Іс-шара барысында білім алушылардың патриоттық рухы&nbsp; көтеріліп, эпостық жырларға деген қызығушылығын артты. Шараға&nbsp; ҚТ-Ж-23, ШТ-М-23, КЕ-23 оқу тобы белсене қатысты. Білім алушылар арнайы орындармен марапатталды.

“Оқуға құштар колледж” жобасы аясында шаралар өтуде

<a href="https://kyzylorda-news.kz/">Kyzylorda-news.kz.</a> &nbsp;Биыл аттестаттау мерзімі келген барлық мұғалім еркін тіркеле алады.Оқу-ағарту министрлігі Орта білім комитетінің төрағасы Қаныбек Жұмашев педагогтердің білімін бағалаудың мерзімі бекітілгенін мәлім етті, деп хабарлайды&nbsp;<a href="https://sn.kz/sn-gylym-bilim/111812-mug-alimderdin-attestatsiiasy-kashan-bastalatyny-belgili-boldy">Skifnews.kz</a>&nbsp;ақпарат порталы.Педагогтерді аттестаттаудан өткізу мерзімдері мен біліктілік санаттарын беру, растау рәсімдері биыл 17 сәуір мен 1 қыркүйек аралығында өтеді деп бекітілді. Осылайша аттестаттау қағидалары мен шарттарына енгізілген өзгерістерге сәйкес педагогтердің білімін бағалау, яғни тестілеу жүргізу биыл 18 сәуір мен 13 мамыр аралығында өтеді, - деді комитет басшысы.Оның сөзінше, 17 сәуірден бастап Ұлттық тестілеу орталығының ресми сайтында онлайн тіркелу ашылады. Биыл аттестаттау мерзімі келген барлық мұғалім еркін тіркеле алады, деп жазады&nbsp;BAQ.KZ.Тестілеу өңірлердегі тестілеу өткізу пунктерінде аптаның алты күнінде үздіксіз өтеді. Осылайша барлық педагогке тестілеуден өтуге жағдай жасалып отыр. Бірінші рет тестілеу тегін, ал екінші рет ақылы негізде өтеді, - деп айтты Қаныбек Жұмашев.Комитет төрағасы атап өткендей, су тасқыны салдарынан табиғи сипаттағы төтенше жағдай режимі енгізілген өңірлердің педагогтер үшін тестілеу мерзімі тамыз айына ауыстырылды. Ал тұрғын үйінен айырылған педагогтердің аттестаттау кезеңі бір күнтізбелік жылға шегерілді.Фото: Pixabay

Мұғалімдердің аттестациясы қашан басталатыны белгілі болды

<a href="https://kyzylorda-news.kz/">Kyzylorda-news.kz.</a> &nbsp;Қазалылық жас кітапханашы Ұлдана Қалиқызы ең алғашқы жұмыс тәжірбиесін Ыбырай Алтынсарин атындағы №204 орта мектепте кітапхана меңгерушісі болып бастады. Аталған киелі шаңырақта жұмыс жасап жатқанына сегіз жыл болып қалды. Осы уақыт арасында мектеп оқушыларының кітап оқуға деген қызығушылығын ояту мен дамыту жұмыстарымен айналысып келеді.&nbsp; &nbsp; – Мектепшілік іс-шараларға белсене араласып, өз білгенімді қызметкерлермен бөлісіп оларданда үйренерім аз емес. Мектеп ішінде «Кітап апталарын» өткізіп оқушылармен бірге ертегілер әлеміне саяхат жасап, кітап оқуға деген қызығушылығын ояту жұмыстарын жүргізудемін. 1996 жылдың 15 шілдесінде Қызылорда облысы Қазалы ауданы Қазалы қаласында дүниеге келдім. Қасиетті қара шаңырақ Максим Горкий атындағы №16 мектеп табалдырығын 2003 жылы аттадым. Дарынды дара ұстаздардың білімімен сусындап 2014 жылы мектепті бітіріп өзім қалаған мамандық иесі болу мақсатында 2014 жылы Мәншүк Мамедова атындағы Қызылорда гуманитарлық колледжіне кітапхана ісі мамандығын 2016 жылы тәмәмдадым. 2019 жылы Қызылорда облысындағы Болашақ универсетін кітапхана ісі саласы бойынша жоғары деңгейде тәмәмдадым, – деді Ұлдана Ақбай.&nbsp; Ұлдана Қалиқызы өз ісіне берілген, нағыз маман иесі. Оның ұйымдастырушылық қабілеті мен жұмысқа деген жауапкершілігі жоғары. Әр кездері тиянақтылығы мен тындырымдылығы, іскер еңбегі бағаланып, жыл сайын жетістіктер қоржынын толтырып келеді. 2021 жылы мемлекеттік тілдің қолданыс аясын кеңейтуге және «Тіл сақшысы» газетінің таралымын көбейтуге қосқан үлесі үшін облыстық «Қазақ тілі» қоғамының төрағасы С.Аңсатовтың Алғыс хатымен марапаталды. 2022 жылы «Халықаралық Білім академиясының» желтоқсан айында ұйымдастырған республикалық балалар байқауына шәкірттеріңізді жоғары деңгейдегі дайындығыңыз үшін «Халықаралық Білім академиясы» басшысы Д.К.Койбагарованың Алғыс хатын алды. Аудандық балалар кітапханасының ұйымдастыруымен 2022 жыл – Балалар жылы аясында Британдық жазушы Ж.К.Роулиңнің шығармаларынан өткізілген «Үздік Портер» атты байқауына оқушысы Қуаныш Жанель қатысып, ІІІ-орын Диплом қағазымен марапатталған. ҚР Оқ-ағарту министрлігі және Республикалық ғылыми-педагогикалық кітапханасы «Оқуға құштар мектеп» жобасы аясында 25 қазан – Республика күніне орай «Менің Республикам» атты челленджіне қатысқаны үшін Жақсұмұрат Әзиза, Ермұрат Бахар Алғыс хат қағазын иеленді. Мұғалімдер күні мерекесі қарсаңында Мектеп директоры Л.Ізбасқан және Кәсіподақ ұйымының төрайымы Р.Жұмағазиеваның Алғыс хат қағазымен, Қазалы ауданы бойынша білім бөлімінің басшысы Ә.Жөлекешовтың алғысымен, «Ustaz tilegi» Республикалық ғылыми – әдістемелік сайытында оқу әдістемелік материал жариялағаны үшін «Ustaz tilegi» ғылыми – әдістемелік орталығының директоры С.А.Джамбулованың алғыс хатыменмарапатталды. 2023 жылда Ұлдана үшін табысты болды. Жаңашыл идеяларды жүзеге асырып, заман ағымына қарай тың ойларын жұмыс барысында сәтті қолдана білетін маманның қиялы шексіз. Сонысынан болар оның әрбір орындаған тапсырмасы, өткізген кеші көптің көңілінен шығып, ерекше қолдауға ие болады. Ол аудандық балалар кітапханасының ұйымдастыруымен «Кітап жанашыры» номинациясымен белсене қатысқаны үшін И.Назарованың алғыс хатымен марапатталған. ҚР Оқу-ағарту министірлігінің 2011 жылғы 7 желтоқсандағы №514 бұйрығына сүйене отырып, «Akberen Education» – Ақберген республикалық танымдық – шығармашылы журналы ұйымдастырған қазан-қараша айындағы Республикалық «Мақатаев оқулары» конкурсына қатысып, жүлделі бірінші орын Болатбек Камшат оқушысы марапатталды. Аудандық балалр кітапханасының ұйымдастыруымен жергілікті ақын-жазушылардың шығармаларынан «Қазалым – &nbsp;ұлағатты ұлылардың ұясы» атты поэзия сағатына белсене араласқаны үшін аудандық орталыұтандырылған кітапханалар жүйесі КММ директоры И.Назарованың алғыс хатын алды. Аудандық балалар кітапханасының ұйымдастыруымен жас оқырмандар мен оқушылар арасында «Шәкәрім оқулары» атты байқауында оқушысы Ертарғын Дельназ үшінші орын иеленді. Республикалық педагогтардың ғылыми-әдістемелік және өнер-білім орталығы ұйымдастырған республикалық «Мағжан оқулары» мәнерлеп оқу сайысында оқушылары Балтабай Бағжан және жетекшісі Алғыс хатпен марапатталды. «Кітапхана – озық тәжірибе зертқанасы» тақырыбында тәжірибе алаңына қатысып, «Кітап-тарих, кітап-шежіре» тақырыбында жұмыс көрсеткені үшін орталық директоры Асқаровтың Сертификат қағазын алған. «Серіктес директорлар» лигасының іс-шаралар жоспары аясында өткізілген «Мобильді кітапхана-кітап оқуды дамытудың көшбасшысы» тақырыбындағы аудандық семинарда озық іс-тәжірибесімен бөліскені үшін үздік деп танылды. 1 маусым – Халықаралық балаларды қорғау күніне орай балалар мен жасөспірімдер арасында ұйымдастырылған «Әдеби коктейль» байқауында «Батырлар жыры» бойынша оқушысы Зейнадин Фархат үшінші орын иеленді. «Аброй» интелектуалды білім парталы ұйымдастырған Республикалық «Ілияс оқулары» байқауына оқушылары қатысып бірінші орын Қарлыбай Дәурен, бірінші орын Асылбек Абылай, екінші орын Зейнадин Шаһзада, екінші орын Аманқос Ақзер марапатталған. Жетекшісі алғыс хатпен марапатталды. «Абайтану» олимпиадасына «Өлең сөздің патшасы, сөз сарасы» номинациясы бойынша оқушылары Жеткерген Фариза бас жүлде, Ержан Ернұр бас жүлде, Бақбергенова Жұлдызай бірінші орын, Мыңболсын Кәусәр бірінші орын, Шорабай Байтөре бірінші орын жәнеде жетекшісі құрмет грамотасы және Алғыс хатпен марапатталды. Халықаралық М.Мақатаев шығармашылығын мінерлеп оқу онлайын байқауында оқушылары Сырлыбай Жарбол бірінші орын, Садуахас Сымбат екінші орын иеленген. Аудандық балалар кітапханасының ұйымдастыруымен «Үздік оқырман» номинациясы мен оқушысы Абдуллақызы Жаннұр марапатталған. Республикалық педагогтардың ғылыми әдістемелік және өнер-білім орталығы «Әбіш оқулары» тақырыбындағы балалар шығармашылығына арналған байқауға оқушысы Қайратұлы Мақсат қатысып бірінші орын алды.Республикалық «Мұқағали мәңгілік ғұмыр» байқауына қатысып оқушысы Болатбек Құндыз бірінші орын және жетекшісі Алғыс хатпен марапатталды. «Халықаралық Білім академиясы» ұйымдастырған «Қысқы пейзаж» балалар байқауына қатысып оқушысы Таңатар Инабат бірінші орын иеленген. Республикалық «ПЕДСТАРТ – 2023» байұауында заманауи білім беру тәжірибелерімен бөлісіп, «Үздік кітапханашы» номинациясы бойынша үшінші орын С.Шәмшиеваның Дипломмен марапатталған. Республикалық «ПЕДСТАРТ – 2023» байқауында заманауи білім беру тәжірибелерімен бөлісіп, «Үздік мақала» номинациясы бойынша бірінші орын С.Шәмшиеваның Дипломмен марапатталған. Республикалық «ПЕДСТАРТ – 2023» байқауында заманауи білім беру тәжірибелерімен бөлісіп, жұмысы «Үздік» деп танылғаны үшін бірінші орын С.Шәмшиеваның Дипломмен марапатталған. С.Торайғыровтың туғанына 130 жыл толуына орай «Сұлтанмахмұт Торайғыров: Ағартушылық идиялар мен педагогикалық көзғарастары» тақырыбындағы конференцияда «Үздік»деп танылғаны үшін оқушысы Болатбек Құндыз Ж.Т.Серғазықызының дипломын иеленді. Аудандық балалар кітапханасының ұйымдастыруымен өткізілген «Наурыз мейрам жүректерге нұр сепкен» атты кешке оқушысы Төреханов Құдірет белсене араласқаны үшін аудандық орталықтандырылған кітапханалар жүйесі КММ директоры И.Назарованың алғысымен марапатталған. Республикалық «Педагогикалық идиялар фестивалі» байқауында «Үздік кітапханашы» номинациясы бойынша заманауи білім беру тәжірибесімен бөлісіп, жұмысы «үздік»деп танылғаны үшін ІІ орын дипломмен марапатталған. Аудандық орталық кітапхананың оқырмандарға қызмет көрсету бөлімінің ұйымдастыруымен халық ақын Байназар Өтепұлының «Халқына қадірменді сөзі жеткен» атты жыр мүшайрасынан оқушысы І орын Алғыс хатымен марапатталған. Халықаралық білім академиясы ұйымдастырған «Өнерлі өрге жүзер» атты балалар байқауында көркем сөз бағыты бойынша қатысып, оқушысы Нысанжан Нұрай І орын, Қайратов Айсұлтан І орын иеленді. Республикалық «Ұранды елдің ұрпағы қайсар» байқауына қатысып Ж.Т.Серғазықызының алғыс хатымен марапатталған. ҚАЗҰУ тарих факультетінің алғыс хатымен марапатталған. А.С.Пушкин атындағы Шығыс Қазақстан облыстық кітапханасының «Certificate of Appreciation Media Literacy for Lidrarians» марапатталған. «Кітапхана жұмысы: Жаңа ізденіс, жаңа талап» облыстық семинарға қатысып, «Мобильді кітапхана» тақырыбында жұмыс көрсеткені үшін С.Асқаровтың сертификаты мен марапатталған. «Цифрлық дәуір талабы заманауи кітапхана» тақырыбындағы бағдарлама бойынша қырық сағат курысын аяқтағаны үшін А.А.Баймаханованың сертификатымен марапатталған. «Мектеп кітапханашыларының кәсіби даму жүйесінде медия ақпараттық сауаттылықты қалыптастыру» тақырыбы бойынша 80 академиялық сағат көлемінде аяқтағаны үшін Б.Т.Елеусинованың сертификатымен марапатталған. Қазақстан Республикасы білім беру ісінің үздігі, Қазақстан журналистер одағының мүшесі, суретші, спортшы Қуантай Ршымбетовтың туғанына жетпіс жыл толуына орай ұйымдастырылған «Құдіреті мол қылқалам» тақырыбындағы сурет сайысына оқушы қатыстырғаны үшін Ұлдана Ақбай және оқушылары Абдулла Нұрқанат алғыс хатымен және оқушысы Сақтапберген Айнамкөз екінші орын аудандық орталықтандырылған кітапханалар жүйесінің директоры И.Назарованың арнайы алғысын алды.

Жетістігі мол қазалылық жас маман

<a href="https://kyzylorda-news.kz/">Kyzylorda-news.kz.</a>&nbsp; "Ұстазы жақсының ұстамы жақсы" деген тәмсіл өз өміршеңдегін жойған емес. Мұғалім болу – айтуға оңай болғанымен, нағыз ұстаз болу екінің бірінің қолынан келе бермейтіні рас. Ұстаз жолы – қиындығы мен қызығы қатар жүретін құрметті мамандықтың төресі десек болады. Осы бір ұлағатты мамандықтың ыстығына күйіп, суығына тоңып, шәкірттерінің арқасында абырой мен бақыт тауып жатқан жандар шын бақытты деу­ге болады. Жүзден озған жүйріктер, мыңнан озған тұлпарлар болатындай ұстаздың да ұстазы болады. Сондай ұлағатты ұстаздардың бірі – Жаналтын Нұрмаханова.Кейіпкеріміз Жаналтын Шермағанбетқызы алғашқы еңбек жолын 1991-1993 жылдары Жалағаш ауданындағы №232 орта мектебінде қазақ тілі мен әдебиеті пәнінің мұғалімі болып бастады. Ұлағатты ұстаз өз қызметін 1993-1998 жылдары Қорқыт ата атындағы Қызылорда мемлекеттік университетінің шақыруымен қазақ тілі кафедрасында оқытушылықпен жалғастырды. 1998-2005 жылдар аралығында аталған университет жанындағы «Қабілет» мектеп-гимназиясында қазақ тілі мен әдебиетінен сабақ берді. 2007 жылдан бастап Бесарық ауылындағы №147 орта мектепте қазақ тілі мен әдебиеті пәнінің мұғалімі болып жұмыс атқарып келеді. Мектеп тренері ретінде «Тәжірибедегі рефлексия» жалпы білім беретін мек­теп­тердегі педагогика кадрларының кәсіби даму курсын жүргізді. Әдеби мұраларды дәріптеу, мектеп оқу­шыларының клас­сикалық әде­биеттерді оқу­ға деген қызы­ғу­шы­лық­тарын арт­ты­руда ұйымдастырылатын республикалық «Абай оқулары» байқауының алғашқы қарлығаштарын дайындап, жүлделі орындар иеленді. Семей өңірінен жүлделі 3-орын иеленген оқушысы Гүлфайруз Нияз­бек ұстазының жолын қуып, Алматы қаласында қазақ тілі мен әдебиеті пәнінің мұғалімі болып қызмет атқаруда.<blockquote>– Халқымызда «Атына заты сай екен» деген мақтау сөз тіркесі бар. Десек те, аты мен заты үйлесе қалатын жандар сирек. Адамға есім таңдаудың астарында жақсы тілек жатады. Сондай жақсы тілек, ниет­пен қойылған есімі ерекше жан – Жаналтын апай. Алтын қандай бағалы, құнды болса, біздің апай да сондай жан. Жүрегі таза, жаны жайсаң, жақсы адаммен бірге жүріп замандас, әріптес болу да бір бақыт. Жақсылықтың шуағын шашып, мейірім сәулесін төгіп тұратын жаныңнан жақсы адамдардың табылуы қазіргі қасаңданған заманда өте қажет деп білер едім. Жаналтын апаймен әріптес болып ұстаздық қызметте бірге келе жатқан 15 жылда ол кісіден үйренерім көп болды. Алғаш мектепте дебат клубын жүргізіп, көптеген ұшқыр ойлы, өткір сөзді дебатшылардың шығуына өз септігін тигізді. Қай істі бастаса да үздіктер қатарынан көрінетін өз саласының майталманы де­ген­ді мен осы кісіге айтар едім, – дейді әріптесі Эльмира Тайғараева.</blockquote>Ұстаздық жолда пе­дагог-зерт­теу­шінің 33 жылдық ең­бек өтіліндегі соңғы бес жылдағы жетістіктерін бір мақалаға сыйғызу мүмкін емес. Сондықтан биылғы оқу жылындағы жетістіктерін айтудың өзі ғанибет. Атап айтқанда республикалық жалпы білім беретін пәндер бойынша ғылыми жобалар байқауының аудандық кезеңінен оқушысы Талшын Сейтбек «Тіл білімі» секциясы «Қазақ тілі мен әдебиеті» пәні бойынша жүлделі 1-орын, облыстық кезеңінен 2-орын алды. 7-8 сынып оқушыларының Жалпы білім беретін пәндер бойынша республикалық пәндік олимпиаданың аудандық кезеңінен Дінмұхаммед Төлебаев 1-орын алып, ұстаз мерейін өсірді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;Заманымыздың заңғар жазушысы Мұхтар Әуезов: «Адам баласы жан жемісін татпай, өмірдің терең мағынасын, шын мақсұтын түсіне алмайды» деген екен. Жан жемісі – алдымен, оқу-білім, тәрбие десек, сол жемісті берер мәуелі ағаш – мектеп, ал мектептің жүрегі – мұғалім. &nbsp;Ұстаздық жолда өзінен кейінгіге үлгі, жас маманға ақылшы бола білген ұстаз мектептің, әріптестерінің мақтанышы.

Жаналтын Нұрмаханова: Ұстаздық – ұлық емес, ұлы қызмет

<a href="https://kyzylorda-news.kz/">Kyzylorda-news.kz</a>. &nbsp;Қазалы ауданындағы кенттік кітапхананың ұйымдастыруымен 2024 жылғы «Бір ел – бір кітап» Республикалық акциясы аясынада көрнекті жазушы, балалар әдебиетінің классигі Б.Соқпақбаеватың «Менің атым Қожа» атты шығармасынан оқырмандар конференциясы болып өтті.&nbsp; Ұлттық әдебиетіміздегі ең үздік деген туындыны оқу және насихаттау, рухани мұрамызды сақтап, жастарды өнегелілікке тәрбиелеу мақсатында ұйымдастырылған бұл шарада қанша заман өтсе де, құнын жоймайтын, халықпен бірге мәңгі жасайтын шығармалар болады десек, соның бірі – бізге бала күннен таныс, қанша оқысаң да, жалықтырмайтын шығарма, қанша көрсең де, жалықтырмайтын фильм – «Менің атым Қожа» повесі бойынша өткізілді. Шараға, Ыбырай Алтынсарин атындағы №204 мектептің 5 сынып оқушылары мен аталған білім ордасының қазақ тілі және әдебиеті пәні мұғалімі Қ.Телеуованың қатысып, шығарма желісі қызу талқыланды. Шығарманы талқыламас бұрын жазушының өмірдерегіне, шығармашылығына кітапханашы шолу жасап, бейнеролик көрсетті. Жазушының шығармашылығына арналған «Балалар әдебиетінің бәйтерегі» тақырыбындағы кітап көрмесі таныстырылып, ары қарай Қожа бейнесінің отбасындағы, мектептегі тәртібі мен тәрбиесі, жалпы, аталмыш повестің бала тәрбиесіндегі рөлі туралы өрбіді. Қатысушы оқырмандарға сауалдар қойылып, балалар жауап бере отырды. Шығармадағы оқиғалардан өздерінің түйген ойларымен бөлісті. Кітапты талдауда өз ойларын толық жеткізіп, талдау жасаған оқушылар “Ең үздік кітап оқу лидері”, “Ең үздік оқырман”, “Ең үздік пікір білдіруші”, “Ең үздік сарапшы” номинациялары бойынша марапатталды.

Қазалыда оқушылар «Менің атым Қожа» повесін талқылады

<a href="https://kyzylorda-news.kz/">Kyzylorda-news.kz</a>. &nbsp; Жыл басында аймақтың бас ұстазының идеясымен бастау алған облыстық байқау өз мәресіне жетті. Өңірдегі білім беру ұйымдары басшыларының инновациялық және кәсіби тәжірибелерін анықтау, тәжірибе алмасу, білім беру жүйесіндегі өзіндік кәсіби имиджді қалыптастыру мақсатында өткізілген байқау қорытындысымен “Құндылықтарға негізделген тәрбие үдерісін модельдеу” тақырыбындағы ұлттық құндылықтарды ұлықтаған жобасымен Ғани Мұратбаев атындағы №17 орта мектептің директоры Сматуллаева Элмира жеңімпаз атанды. Білім саласында ширек ғасырлық тәжірибесі бар білікті басшы Эльмира Сматуллаева жаңа оқу жылы қарсаңында мәртебе мінберінен көрінді. Қазір ұлағатты ұстаздың кеудесінде «Ыбырай Алтынсарин» атындағы төсбелгі жарқырайды. Бұған дейін де бірнеше рет биік белестерді бағындырып, құрметке бөленіп үлгерген ұстаздың бұл жетістігі ауыз толтырып айтуға тұрарлық.Эльмира Айтжанқызы бала күнінен мектеп комсомол комитетінің секретары, аудандық комсомол комитетінің бюро мүшесі, пәндік олимпиаданың жеңімпазы, облыстық комсомол жастар конференциясының, мектеп оқушыларының республикалық слетінің делегаты болды. Еңбек жолын 1990 жылы №14 теміржол балабақшасында тәрбиеші болудан бастаған. 1991-1995 жылдары А.С.Пушкин атындағы Орал педагогика институтының филология факультетінде оқып, қазақ тілі мен әдебиеті мамандығы бойынша үздік дипломмен бітіріп шыққан. Әр жылдары №17 теміржол орта мектебінің мұғалімі, «Серік ТВ» телеарнасының жүргізушісі, Батыс Қазақстан гуманитарлық университетінің оқытушысы, №226 мектеп-гимназия мұғалімі, оқу ісі жөніндегі орынбасары, №249 мектеп-лицей директорының оқу ісі жөніндегі орынбасары болып жұмыс жасады. 2013 жылдан бері №17 мектеп директоры қызметін атқарып келеді.Бірнеше рет аудан, облыс әкімінің Құрмет грамотасының және Алғыс хатының иегері. Аудандық білім бөлімінің және облыстық білім басқармасының Құрмет грамотасымен марапатталған. Облыстық «Үздік ұстаз», «Үздік сынып жетекшісі» бағамдарына ие болған. Халықаралық «Лучшее люди» энциклопедиясының «Славные сыны и дочери Казахстана» рубрикасына енген. Облыс әкімінің арнайы қабылдауында болып, бағалы сыйлыққа ие болған. Ұлттық Бизнес-Рейтингі қорытындысымен «Сала көшбасшысы – 2014», «Сала көшбасшысы – 2015» бағамдарына лайық деп танылды.Республикалық «Жыл сынып жетекшісі – 2001» сайысына қатысып, екінші орын иемденген. Аудандық «Үздік оқу ісінің меңгерушісі – 2011» сайысының бірінші орын иегері. Шығармашылыққа жаны жақын ұстаздың Академик Т.Тәжібаевтың 90 жылдығына арналған республикалық ғылыми- теориялық конференцияда жасаған «Сырлы сөз һәм ырым-тәрбие құралы» атты баяндамасы арнайы жинақта жарық көрді. «Тәуелсіздік және қазақтың қайраткер қыздары» атты республикалық ғылыми-тәжірибелік конференция материалдарының жинағына «Сарабдал саясаткер, рухани сәулеткер» атты мақаласы жарияланды. Бірнеше жыл «Жантану мәселелері» республикалық журналының этнопсихология айдарының жүргізушісі болды. Облыстық педагогикалық оқуда «Қазақ тілі сабақтарындағы ұлттық тағылым нақыштары» атты баяндамасы Құрмет грамотасымен марапатталды.Шәкірті С.Қуанышбаева халықаралық «Жас тілшілер» форумының лауреаты, үш дүркін облыстық олимпиада жеңімпазы, «Ұлан» газетінің меншікті тілшісі, республикалық қазақ тілі мен әдебиеті пәнінен өткен олимпиадада үшінші орын иегері атанса, Г.Бозғұланова екі дүркін облыстық олимпиада жеңімпазы, Абай – Пушкин жылына арналған облыстық шығармалар байқауында екінші орын иемденді. И.Құттымұратова облыстық олимпиаданың жеңімпазы. Н.Бұрхан аудандық, облыстық олимпиаданың жеңімпазы. Ж.Жалғас республикалық «Жарқын болашақ – 2011» олимпиадасының екінші кезеңінің жүлдегері. Қ.Шарападин қазақстандық интернет олимпиаданың екінші орын иегері.Эльмира Айтжанқызы Сорос-Қазақстан қоры Демократиялық білім беру орталығы өткізген халықаралық семинарға қатысып, АҚШ ғалымдары Кен және Йетта Гудманның дәрісін тыңдап қайтты. Тараз қаласында өткен республикалық семинарға қатысушы. Ол облыстық, республикалық деңгейде сын тұрғысынан ойлау технологиясы бойынша шығармашылық сабақтар көрсетті. Үздік мұғалім ретінде облыстық «Жыл мұғалімі», «Жыл сынып жетекшісі» байқаулары мен облыстық олимпиадада қазылар алқасының құрамында төрелік жасады. Халық педагогикасы төңірегінде зерттеу жұмыстарымен үздіксіз айналысады. 2000 жылы СТО технологиясы бойынша, 2002 жылы М.Жанпейісованың МОТ бойынша, 2015 жылы «Назарбаев Зияткерлік мектептері»ДББҰ Педагогикалық шеберлік орталығы Кембридж универститетінің Білім беру факультетімен бірлесіп әзірлеген ҚР жалпы білім беру басшыларының біліктілігін арттыру бағдарламасы бойынша курстан өтіп, сертификатталды. 2014 жылы «Қазақстан ұстазы» энциклопедиясына еніп, «Қазақстан ұстаздары» қоғамдастығының мүшелігіне қабылданды. 2017 жылы «Абай аманаты» төсбелгісімен Қазалы қаласынының атауына 150 жыл толуына орай мерекелік медальмен марапатталды. 2017 жылы «Сыр елінің ұлағатты ұстаздары» атты энциклопедияға енді. 2018 жылы Елбасының «Рухани жаңғыру – болашаққа бағдар» бағдарламасы аясында жарық көрген Сыр өңірі педагогикасының дамуы мен өркендеуіне сүбелі үлес қосқан үздік педагогтардың І облыстық «200 жылдық тарихы бар Сыр өңірі педагогикасындағы қадірлі 200 есім» антологиясына ғұмырнамасы енген үшін дипломмен марапатталды. 2019 жылы ұстаз мәртебесін көтеру және ынталандыру мақсатында қашықтықтан «NOBEL EDUCATION» халықаралық педагогикалық орталығының ұйымдастыруымен өткізілген, «Білім берудің жарқын болашағына арналған құндылықтар, әл-ауқаттылық және иновация» тақырыбындағы халықаралық конференциясына қатысып, «Абай 175 жыл» төсбелгісімен, Құрмет грамотасымен марапатталды.IT – білімді дамыту, қала мен ауыл мектептері арасындағы білім беру сапасының алшақтығын азайту мақсатында ұйымдастырылған «Үздік сандық білім беру ресурсы - 2019» тақырыбында өткен аудандық байқауында жаңартылған білім беру мазмұны аясында 5-7 сыныптарға арналған «Өлкетану» курсының оқу бағдарламасына сәйкес қазақ тілі мен әдебиеті пәні бойынша үздік бейнеролик әзірлеп, жүлделі І орын иеленді. «Қазақ тілі пәнінен 10-сыныпқа арналған қысқа мерзімді жоспарлар» әдістемелік құралына сабағы жарияланды. 2020 жылы білім алушылардың көркем және танымдық әдебиетке деген қызығушылығын арттыруға арналған цифрлық ресурстарды құру үшін педагогтердің ақпараттық-медиа құзыреттіліктерін дамыту мақсатында «Оқуды ілгерілетудің заманауи цифрлық ресурстары» тақырыбында өткізілген облыстық онлайн буктрейлер байқауында «Абай әлемі» аталымы бойынша І, республикалық байқаудан екінші орын алды.Орта білім беру директорлары мен техникалық және кәсіптік білім беру ұйымдарының басшылары арасында өткен «Табыс кілті» Республикалық онлайн ғылыми жұмыстар конкурсына белсенді қатысқаны үшін Алғыс хат және сертификатпен марапатталды. «Nobel education» халықаралық педагогикалық орталығының «Білім берудің жарқын болашағына арналған құндылықтар, әл-ауқатылық және инновация» атты республикалық үздік ұстаздар жинағына мақаласы мен сабағы жарияланып, арнайы диплом мен сертификат және куәлік иеленді. 2020 жылы жалпы орта, техникалық және кәсіптік білім беру ұйымдарының білім алушылары арасында «Қазақ халқының салт-дәстүрлері» республикалық қашықтықтан жарнамалық бейнероликтер байқауында оқушысы А.Тағыберген сертификат иеленді.2021 жылы «Өркениет» Қазақстан республикасы педагогтарының біліктілігін арттыру және қайта даярлау әдістемелік орталығының ұйымдастыруымен өткізілген «Дарынды ұрпақ» атты республикалық ғылыми жобалар байқауында үздік нәтиже көрсеткені үшін оқушысы А.Шахарова бірінші Дәрежелі дипломмен марапатталды. «Үздік қазақ тілі мен әдебиеті пәні – 2021» атты облыстық кәсіби байқауында үздік нәтиже көрсеткені үшін бірінші дәрежелі дипломмен марапатталды. «Филологиялық білімді модернизациялау жаңартылған білім беру аясында» атты халықаралық ғылыми-тәжірибелік конференцияда «Тұлғаның құндылық бағдарын дамытудағы сынып жетекшінің қызметі» туралы баяндама жасады. «Қазақ тілі мен әдебиеті сабақтарында ақпараттық – коммуникативтік технологияны қолдану» туралы әдістемелік құралы жарық көрді.

Қазалылық директор облыс орталығында өткен додада жеңімпаз атанды 

&nbsp; <a href="https://kyzylorda-news.kz/">Kyzylorda-news.kz.</a> Кеше &nbsp;№35 Иса Тоқтыбаев атындағы мектеп-лицейі базасында Сырдария ауданы бойынша білім бөлімінің басшысы Берік Жанібеков һ білім бөлімінің сектор меңгерушісі, аттестацияға жауапты маман Ләззат Мығымбаева және аудан мектептеріндегі директордың бағдарлы оқыту жөніндегі орынбасарларының қатысуымен семинар өткізілді.&nbsp; Семинарда Қазақстан Республикасы Білім және ғылым министрінің 2016 жылғы 27 қаңтардағы №83 бұйрығына енгізілген өзгерістер бойынша түсіндірме жұмыстары жүргізілді. Семинарға қатысушылар толғандырған сұрақтарына толық жауап алып, өзара пікір алмасты. – Білім саласының мамандары алдағы уақытта аттестация бойынша біліктілігін қайта шыңдаудан өтеді. Әрбір ұстаздың сынаққа жауапкершілікпен қарап, сынықтан өтуі жіті қадағаланады. Өз кезегінде сала мамандарының білімін, тәжірибесін назарға алып, жан-жақты жұмыс жасауға мүдделіміз. Балаға сапалы білім беретін ұстаздар қауымына сенеміз. Аудан көлемінде әрбір мектеп бойынша &nbsp;сала мамандары сынақтан өтеді. Біз қашанда педагогтарды қолдаймыз. Жан-жақты бағдар береміз, – деді білім бөлімінің басшысы. &nbsp; Алдағы уақытта мектеп педагогтарына түсіндірме жұмыстарын жүргізу жөнінде бағдарлы оқыту жөніндегі орынбасарларға нақты тапсырмалар берілді.

Сырдарияда білім қызметкерлерін аттестациялаудан өткізу барысы талқыланды

&nbsp;<a href="https://kyzylorda-news.kz/">Kyzylorda-news.kz.</a> &nbsp;Қараөзек ауылындағы №39 «Қызылөзек» орта мектебінде «Ұлттық құндылықтар негізінде білім мен тәрбие беруді жаңа идеялармен ұштастыра отырып, шығармашылыққа баулу» тақы­ры­бындағы семинар аясында «Өткен­нің іс-тәжірибесімен бола­шақ­қа көз­қарас» атты Жәнібек Махамбетпен кездесу кеші өткізілген болатын.Тағылымы терең кездесуде сөз алған №39 «Қызылөзек» орта мектебі­нің директоры Жасұлан Байжанов кештің мән-мағынасына тоқталып, құрметті мейманға ілтипат көрсете білді.<blockquote>– Бүгін біздің ортамызға өлке­танушы, қолөнер шебері Жәнібек ағайымыз келіп отыр. Өткен ғасырдың соңғы жылдарында алтын ұя мек­тепте қызмет атқарып, шәкірт тәр­биелей білген еді. Оның қолынан шыққан әрбір құнды туындысы мектеп қорындағы жәдігерге айналғаны мәлім. Өз кезегінде біз қашанда өлке тарихына барынша үңіліп, оқушыларға білім нәрімен сусындата білген ел ағасын құрмет тұтамыз. Оның еңбектерін жас ұрпаққа кеңінен насихаттай береміз, – деді мектеп директоры.</blockquote>Кездесу барысында қолөнер шебе­рінің еңбектері негізінде арнайы бейнеролик көрсетілді. Сонымен қатар сыр-сұхбат форматта жүзеге асқан кездесу кешінде мәдениет майталманына ұстаздар сұрақ қойып, білім саласына қатысты толғандырған мәсе­лелер бойынша ой бөлісті. Айта кетейік, Жәнібек Асанұлының шәкірті Бану Ахметова арнайы келіп, өлең жолдарын арнады.<blockquote>– Мен білім және мәдениет саласында қатар еңбек ете білдім. Қараөзектегі мектебімде қызмет еткен жылдарды әлі күнге сағынамын. Ұстаздар қауымы мені жылы қарсы алып, айрықша құрмет көрсетіп жат­қанына дән ризамын. Осыған дейін әріптестерім кездесу ұйымдастыру жөнінде ойларын ортаға салған еді. Міне, сәті бүгінге түсіп тұр екен. Ауыл өмірімен біте қайнасқан жергілікті халықты әлі күнге іздеймін. Осында үй көтеріп, қоныс тойын жасаған едік. Осы мектептегі миссиям аяқталған сәтте мұражайды жасақтап берген едім. Әлі күнге сақталған еңбегімді көріп, қуанып қалдым. Барша әріп­тестеріме алғыс айтамын, – деді ардақты азамат.</blockquote>Кеш соңында ұстаздар қауымы ардақты азаматпен қызмет еткен жылдардағы естеліктерді көпшілікке айтып берді. Ән айтылып, күй төгілді. Ал Жәнібек Асанұлы өз қолымен жасаған жаңа туындысын мектеп ұжымына табыстады.

Қазақстан және Қызылорда облысының жаңалықтары: Білім