<a href="https://kyzylorda-news.kz/">Kyzylorda-news.kz</a> Жалағаш ауданында білім беру саласында өткен оқу жылы табысты аяқталды. Бұл жөнінде аудан әкімі Ардақ Ибраимов Өңірлік коммуникациялар қызметінде өткен баспасөз конференциясында мәлімдеді.2025-2026 оқу жылында аудан мектептерін 6885 оқушы аяқтады. Оның ішінде 470 түлек мектеп бітірып, үлкен өмірге жолдама алды. Биыл 19 оқушы «Алтын белгі» иегері атанса, 43 түлек үздік аттестатқа ие болды.<blockquote>«Аудан үшін ең үлкен жетістіктің бірі Ұлттық бірыңғай тестілеу қорытындысында Жалағаш ауданының бірінші орынға шығуы болды. Сонымен қатар Еңбек ауылындағы №232 М.Байділдаев атындағы орта мектептің түлегі Альфия Балхан ҰБТ-дан ең жоғары 140 балл жинап, аудан мерейін үстем етті. Жаңа оқу жылына дайындық жұмыстары да қарқынды жүргізілуде. Бұл мақсатқа 145 млн теңге бөлініп, жеті мектепте ағымдағы жөндеу жұмыстары қолға алынған. Сондай-ақ бір балабақшаға газдандыру жұмыстары жүргізілуде. Білім сапасын арттыру ауданның басты басымдықтарының бірі. Алдағы уақытта да білім беру сапасын көтеруге бағытталған жұмыстар жалғаса береді», - деді аудан әкімі.</blockquote>Оқушылардың қауіпсіздігін қамтамасыз ету бағытында барлық білім беру ұйымдары толықтай бейнебақылау жүйесімен қамтылып, олар полиция бөлімінің жедел басқару орталығымен біріктірілген.<figure class="image"><img src="https://knadmin.beoblood.kz/uploads/zhalagash_bilim_badb109d26.jpg" alt="жалагаш білім.jpg"></figure>Фото: Нұрболат Нұржаубай

Жалағаш ауданында білім сапасы артып келеді

<a href="https://kyzylorda-news.kz/">Kyzylorda-news.kz</a>&nbsp;Қытай Халық Республикасының Бейжің қаласында 3–16 шілде аралығында «Seminar on Digital Capacity Building for Developing Countries» атты халықаралық семинар өтті.Білім беру бағдарламасы Шанхай ынтымақтастық ұйымына (ШЫҰ) мүше мемлекеттер, сондай-ақ Латын Америкасы мен Кариб аралдары (Антиль аралдары) дамушы елдердің жоғары оқу орындары, мемлекеттік ұйымдары және кәсіпорындары қызметкерлерінің цифрлық құзыреттерін дамытуға, халықаралық тәжірибе алмасуды кеңейтуге және мемлекетаралық ынтымақтастықты нығайтуға бағытталды. Халықаралық семинарға Қорқыт ата атындағы Қызылорда университетінің жас ғалымдары – «Су шаруашылығы және жерге орналастыру» білім беру бағдарламасының аға оқытушысы, PhD Ақсәуле Олжабаева, Инфрақұрылымдық шешімдер басқармасының маманы, магистр Ұлжан Юлдашева және «Физика-химиялық талдау әдістері» инженерлік бейіндегі зертханасының бас ғылыми қызметкері, PhD, қауымдастырылған профессор Нұрғали Ақылбеков қатысып, тәжірибе алмасты.<figure class="image"><img src="https://knadmin.beoblood.kz/uploads/korkyt_4_6b4eb11e91.jpeg" alt="коркыт 4.jpeg"></figure><blockquote>«Семинар аясында ұйымдастырылған ғылыми-танымдық сапарлар бізге Қытайдың инновациялық даму тәжірибесін жан-жақты зерделеуге мүмкіндік берді. Хуаншань, Уху және Хэфэй қалаларындағы жоғары технологиялық өндіріс орындарын аралап, электроника, робототехника, жеңіл көлік жасау және байланыс технологиялары салаларындағы озық шешімдермен таныстық. Бұл тәжірибе ғылым мен өндірістің өзара ықпалдастығының маңызын айқындап қана қоймай, цифрлық технологияларды білім беру мен ғылыми зерттеулерге тиімді енгізудің жаңа бағыттарын көрсетті. Алдағы уақытта семинар барысында жинақтаған тәжірибемізді университеттің ғылыми-зерттеу жұмыстары мен білім беру үдерісінде пайдаланып, халықаралық әріптестік аясындағы бірлескен жобаларды дамытуға үлес қосамыз деп сенемін»,- деді Нұрғали Ақылбеков.</blockquote>Айта кетейік, семинарға Қазақстан, Әзербайжан, Барбадос, Эфиопия, Гренада, Гайана, Кения, Руанда және Оңтүстік Африка Республикасынан келген ғалымдар, кәсіпкерлер мен мемлекеттік ұйымдардың өкілдері қатысып, өзара тәжірибе алмасып, ғылыми ынтымақтастықты дамыту мәселелерін талқылады.<figure class="image"><img src="https://knadmin.beoblood.kz/uploads/korkyt_2_12ff1e24a4.jpeg" alt="коркыт 2.jpeg"></figure><figure class="image"><img src="https://knadmin.beoblood.kz/uploads/korkyt_3_476b4fd9bc.jpeg" alt="коркыт 3.jpeg"></figure>

Қорқыт ата университетінің жас ғалымдары халықаралық деңгейде тәжірибе алмасты

<a href="https://kyzylorda-news.kz/">Kyzylorda-news.kz</a> Биылғы оқу жылы Сыр өңірінің білім саласы үшін табысты болды.Жүйелі жүргізілген жұмыстар мен білім сапасын арттыруға бағытталған кешенді шаралардың нәтижесінде Қызылорда облысы республикалық деңгейде жоғары көрсеткіштерге қол жеткізді.Білім алушылардың білім жетістіктерінің мониторингісі (МОДО) зерттеуі қорытындысымен облыс жоғары жетістікке қол жеткізіп,&nbsp;4-сынып оқушылары арасында республика бойынша ІІІ орынды,&nbsp;9-сынып оқушылары арасында ІІ орынды иеленді. Бұл көрсеткіштер облыстағы білім беру сапасының тұрақты өсіп келе жатқанын айғақтайды.<figure class="image"><img src="https://knadmin.beoblood.kz/uploads/rejting3_31c01b282d.jpeg" alt="рейтинг3.jpeg"></figure><figure class="image"><img src="https://knadmin.beoblood.kz/uploads/rejting2_eea2c91bcd.jpeg" alt="рейтинг2.jpeg"></figure>Сонымен қатар, Қызылорда облысы Ұлттық бірыңғай тестілеудің орташа балы 74,90-ды құрап, республика бойынша үшінші жыл қатарынан І орынға тұрақтады. Бұл – білім беру жүйесінде жүргізіліп жатқан мақсатты жұмыстардың, педагогтердің кәсіби біліктілігі мен жауапкершілігінің және оқушылардың қажырлы еңбегінің нақты нәтижесі.<figure class="image"><img src="https://knadmin.beoblood.kz/uploads/rejting_0a384ed484.jpeg" alt="рейтинг.jpeg"></figure>Осындай нәтижеге қол жеткізу үшін білім саласына ерекше қолдау білдірген сол кездегі облыс әкімі, қазіргі ҚР Премьер-Министрінің бірінші орынбасары Нұрлыбек Машбекұлының және облыс әкімі Мұрат Нәлқожаұлының үлесі зор.Сондай-ақ әрбір шәкірттің бойына сапалы білім мен саналы тәрбие дарытып, кәсіби шеберлігімен өңір мерейін асырып жүрген ұстаздар қауымының еселі еңбегі бұл табыстың берік негізіне айналды.Бұл – Сыр өңірінің ортақ жеңісі әрі алдағы уақытта да білім сапасын арттыру бағытындағы жұмыстарды жаңа деңгейде жалғастыруға берік негіз.Фото: Нұрболат Нұржаубай&nbsp;

Қызылорда облысының білім саласы: жүйелі жұмыстың  жарқын жемісі

<a href="https://kyzylorda-news.kz/">Kyzylorda-news.kz</a> Байқоңыр қаласында білім беру инфрақұрылымын дамыту және балаларды мектепке дейінгі тәрбиемен қамту бағытындағы жұмыстар кезең-кезеңімен жүзеге асырылуда. Соңғы жылдары қазақстандық білім беру стандарттары бойынша жұмыс істейтін мектепке дейінгі ұйымдардың саны артып, бүлдіршіндерге сапалы білім мен тәрбие беруге қолайлы жағдай қалыптасуда. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай мәлімдеді.<blockquote>- Соңғы жылдары атқарылған жүйелі жұмыстардың нәтижесінде қазақстандық білім беру стандарттары бойынша 6 балабақша жұмыс істейді. Оның 3-і мемлекеттік, 3-і жекеменшік. Қазіргі таңда бұл мектепке дейінгі ұйымдарда 1 100 бала тәрбиеленуде. 2022 жылы қалада қазақстандық стандарт бойынша небәрі бір ғана мемлекеттік балабақша жұмыс істеген болса, бүгінде олардың саны алтыға жетіп, мектепке дейінгі біліммен қамту мүмкіндігі едәуір кеңейді. Биыл Мемлекет басшысының мектепке дейінгі тәрбиемен қамтуды кеңейту жөніндегі тапсырмаларын орындау аясында қазақстандық білім беру стандарты бойынша 180 орындық №26 мемлекеттік бөбекжай-бақшасы пайдалануға берілді. Сонымен қатар, Байқоңыр қаласы әкімшілігінен бір ресейлік мектеп ғимаратын жалдан шығару арқылы 2026-2027 оқу жылынан бастап қазақстандық білім беру стандарты бойынша жаңа жалпы білім беретін мектеп ашу бағытында жұмыстар жүргізілуде,- деді Қайрат Ырзақұлұлы.</blockquote>Фото: Нұрболат Нұржаубай&nbsp;

Байқоңырда мектепке дейінгі біліммен қамту мүмкіндігі артып келеді 

<a href="https://kyzylorda-news.kz/">Kyzylorda-news.kz</a> Елімізде Қорғаныс министрлігінің әскери оқу орындарына қабылдау науқаны жүріп жатыр. Талапкерлер 15-31 шілде аралығында әскери институттар мен колледждерге құжат тапсыра алады. Биыл әскери институттарға 723, ал әскери колледждерге 760 орын бөлінген. Оқу барысында курсанттар мен кадеттер мемлекет тарапынан толық қамтамасыз етіледі. Ал оқуын аяқтағаннан кейін Қазақстан Республикасы Қарулы күштерінде әскери лауазымдарға тағайындалады.Қабылдау науқанының барысы және әскери білім беру жүйесінің дамуы туралы Орталық коммуникациялар қызметінде өткен баспасөз мәслихатында Қазақстан Республикасы Қорғаныс министрлігі Әскери білім және ғылым департаментінің бастығы полковник Мұрат Олжабаев мәлімдеді.Оның айтуынша, қазіргі таңда Қазақстанда заманауи қарулы қақтығыстар жағдайында тиімді әрекет ете алатын жаңа буын офицерлері мен сержанттарын даярлауға бағытталған әскери білім беру жүйесін кешенді жаңғырту жүргізілуде.Аталған жүйе тоғыз әскери оқу орнын – үш институтты, бес колледжді және Ұлттық қорғаныс университетін біріктіреді. Сонымен қатар, ол орта арнаулы білімнен бастап магистратура мен докторантураға дейінгі барлық дайындық деңгейлерін қамтиды.Басты басымдықтар – тәжірибеге бағытталған оқыту, цифрлық технологияларды енгізу және қазіргі заманғы армия үшін аса қажетті бағыттар бойынша білікті мамандар даярлау.<blockquote>– Заманауи қарулы қақтығыстар әскери кадрларды даярлауда жаңа тәсілдерді талап етеді. Сондықтан оқу үдерісіне ақпараттық қауіпсіздік, криптология, радиоэлектрондық күрес, әскерді автоматтандырылған басқару жүйелері, ұшқышсыз авиациялық жүйелерді қолдану, сондай-ақ жасанды интеллект, виртуалды және толықтырылған шынайылық технологиялары бойынша пәндер белсенді енгізіліп жатыр, – деді полковник Мұрат Олжабаев.</blockquote>Реформаның негізгі бағыттарының бірі – қабылдау науқанын цифрландыру. Өткен жылдан бастап әскери оқу орындарына құжаттарды eGov.kz порталы арқылы тапсыруға мүмкіндік берілді. Мемлекеттік ақпараттық жүйелердің ықпалдастырылуының арқасында құжаттарды рәсімдеу мерзімі 120 күннен 30 күнге дейін қысқарып, іріктеу рәсімдері елдің барлық өңіріндегі талапкерлер үшін ашық әрі қолжетімді бола түсті.Спикердің мәліметінше, жастардың әскери білімге деген қызығушылығы артып келеді. Өткен жылғы қабылдау науқанының қорытындысы бойынша әскери колледждерде бір орынға орта есеппен үш үміткерден, ал әскери институттарда екі үміткерден келген. Ең сұранысқа ие мамандықтардың қатарында авиация, әскери медицина, автоматтандыру, ақпараттық коммуникациялық технологиялар және ақпараттық қауіпсіздік салалары бар.Қорғаныс министрлігі болашақ офицерлердің практикалық даярлығына ерекше көңіл бөліп отыр. Курсанттар әскери бөлімдерде тағылымдамадан өтіп, түраралық оқу-жаттығуларға оқу-жаттығуларға қатысады, сондай-ақ барлау, байланыс, радиоэлектрондық күрес және әскерді басқарудың заманауи құралдарын меңгереді. Сонымен қатар, оқу бағдарламасына қазіргі заманғы қарулы қақтығыстардың тәжірибесі мен ұшқышсыз авиациялық жүйелерді қолдану тәсілдері енгізілген.Әскери білім беру саласындағы халықаралық ынтымақтастық та кеңейіп келеді. Қазіргі уақытта 300-ден астам қазақстандық курсант Қытай, Түркия, Корея Республикасы, АҚШ, Ресей Федерациясы, Әзербайжан, Армения және Беларусь елдерінің әскери оқу орындарында Қазақстан Қарулы күштеріне қажетті мамандықтар бойынша білім алып жүр.Қорытындылай келе Әскери білім және ғылым департаментінің бастығы әскери білім беру жүйесін жаңғырту әскери қызметшілерді даярлаудың жоғары технологияларға негізделген жаңа моделін қалыптастыруға бағытталғанын атап өтті. Бұл модель тәжірибеге бағдарлануды, көшбасшылық қасиеттерді дамытуды және ұлттық қауіпсіздікті қамтамасыз ететін заманауи талаптарға сай білікті мамандар даярлауды көздейді.

Жасанды интеллекттен ұшқышсыз жүйелерге дейін: Қорғаныс министрлігінің жоғары оқу орындарына 1500 орын бөлінді

<a href="https://kyzylorda-news.kz/">Kyzylorda-news.kz</a> «Бір белдеу – бір жол» бастамасына қатысушы елдердің Қытай мәселелерін зерттеу жөніндегі сарапшыларын даярлауға арналған халықаралық бағдарлама аясында Қорқыт ата атындағы Қызылорда университетінің Экономика және құқық институтының директоры Айнұр Исаева мен аға оқытушы Гүлзат Өтегенова бірқатар ғылыми-білім беру іс-шараларына қатысты.Бағдарлама Қазақстан, Қытай, Палестина, Камбоджа, Лаос, Малайзия, Таиланд, Түркия, Бенин және Нигериядан келген қатысушылардың басын қосып, тәжірибе алмасуға және халықаралық академиялық ынтымақтастықты нығайтуға мүмкіндік берді.<figure class="image"><img src="https://knadmin.beoblood.kz/uploads/korkyt_d3393d27f5.jpeg" alt="коркыт.jpeg"></figure>Бағдарлама барысында университет өкілдері «Қытайдың ұлттық даму жоспарлауының эволюциясы мен әдіснамасы» тақырыбындағы семинарға қатысып, елдің стратегиялық жоспарлау жүйесі, бесжылдық даму жоспарларының қалыптасуы және олардың әлеуметтік-экономикалық дамудағы рөлі туралы жан-жақты мәлімет алды.Сонымен қатар қатысушылар «Қытайдың кедейлікті жою тәжірибесі және одан алынған сабақтар» тақырыбындағы дәрісті тыңдап, кедейлікті азайту, ауылдық аумақтарды дамыту, халықтың әл-ауқатын арттыру, өңірлік теңгерімді қамтамасыз ету және тұрақты әлеуметтік-экономикалық өсуді қолдау бағытындағы Қытайдың тәжірибесімен танысты. Сондай-ақ бұл саладағы жетістіктері мен халықаралық деңгейде мойындалған тәжірибесі кеңінен талқыланды.Бағдарлама аясында қатысушылар ЮНЕСКО-ның Бүкіләлемдік мұралар тізіміне енген Ұлы Қытай қорғанына барып, тарихи-мәдени ескерткіштің тарихы мен мәдени мұрасымен танысты.<figure class="image"><img src="https://knadmin.beoblood.kz/uploads/korkyt_8a97c73eb0.jpeg" alt="коркыт.jpeg"></figure>

Қорқыт ата университетінің өкілдері халықаралық тәжірибе алмасты

<a href="https://kyzylorda-news.kz/">Kyzylorda-news.kz</a> Бүгіннен бастап талапкерлерден білім беру гранттары конкурсына қатысу үшін өтініш қабылдау басталды, деп хабарлайды <a href="https://baq.kz/grantqa-quzhat-qabyldau-bastaldy-shekti-balldar-qanday-320034734/">BAQ.KZ</a> тілшісі.2026 жылғы 13–20 шілде аралығында үміткерлер құжаттарын жоғары оқу орындарының қабылдау орталықтары арқылы офлайн форматта, виртуалды қабылдау комиссиялары арқылы онлайн немесе eGov порталы арқылы тапсыра алады.Грант конкурсына қатысу үшін талапкерлер мына құжаттарды ұсынуы тиіс:<ul><li style="text-align:justify;">жеке куәлік;</li><li style="text-align:justify;">ҰБТ сертификаты;</li><li style="text-align:justify;">3х4 көлеміндегі фото;</li><li style="text-align:justify;">орта білім туралы аттестат (немесе ТжКБ түлектері үшін диплом).</li></ul>Ал жеңілдетілген санат бойынша қатысатын талапкерлер тиісті растайтын құжаттарды қосымша тапсырады.Шекті баллдар қандай?Білім беру гранттары конкурсына қатысу үшін ҰБТ нәтижелері бойынша келесі шекті баллдар белгіленген:<ul><li style="text-align:justify;">«Педагогикалық ғылымдар» және «Құқық» бағыттары – кемінде 75 балл;</li><li style="text-align:justify;">«Денсаулық сақтау» – кемінде 70 балл;</li><li style="text-align:justify;">«Ауыл шаруашылығы және биоресурстар», «Ветеринария» – кемінде 50 балл;</li><li style="text-align:justify;">ұлттық жоғары оқу орындары – кемінде 65 балл;</li><li style="text-align:justify;">басқа жоғары оқу орындары – кемінде 50 балл.</li></ul>Айта кету керек, жоғары оқу орындары ақылы бөлімге қабылдау үшін өздерінің ішкі шекті балдарын дербес белгілеуге құқылы.Квота мен цифрландыруҚабылдау науқаны аясында ауыл жастары мен әлеуметтік осал топтарға арналған мемлекеттік квоталар қарастырылған. Бұл олардың грантқа түсу мүмкіндігін арттыруға бағытталған.Сонымен қатар, 2026 жылы «Цифрлық университет» қағидаты жалғасып, қабылдау процесінің басым бөлігі автоматтандырылған. Бұл өз кезегінде конкурстың ашықтығын қамтамасыз етеді.Білім беру гранттарының иегерлері 10 тамызға дейін жарияланады.Сурет: Білім және жоғарғы ғылым министрлігі

Грантқа құжат қабылдау басталды: Шекті баллдар қандай?

<a href="https://kyzylorda-news.kz/">Kyzylorda-news.kz</a> 13 шілдеден бастап елімізде білім беру гранттарын тағайындау конкурсына қатысуға өтінім қабылдау басталады. "Ұлттық ақпараттық технологиялар" акционерлік қоғамы өкілдері құжаттарды қалай тапсыруға болатынын және биыл жүйеге қандай өзгерістер енгізілгенін айтты, деп хабарлайды <a href="https://kaz.nur.kz/society/2398151-qazaqstanda-grantqa-otinim-beru-erezhesi-ozgerdi-talapkerler-ushin-mangyzdy-aqparat-zhariialandy/">KAZ.NUR.KZ.</a>"Ұлттық ақпараттық технологиялар" АҚ сайтының хабарлауынша, құжаттарды онлайн түрде 13 шілде сағат 09:00-ден 20 шілде сағат 18:00-ге дейін eGov Mobile мобильді қосымшасы мен eGov.kz порталында тапсыруға болады."Биыл қызмет жаңартылды. Енді жүйе талапкерге мемлекеттік білім беру грантының конкурстан тыс тағайындалғанын автоматты түрде тексереді.<blockquote>Тексеру Ұлттық тестілеу орталығының мәліметтері негізінде автоматты түрде жүргізіледі. Егер талапкерге мемлекеттік білім беру гранты конкурстан тыс тәртіппен бұрыннан тағайындалған болса, жүйе бұл туралы өтінім беру кезінде хабарлайды. Мұндай жағдайда eGov.kz порталы немесе eGov Mobile мобильді қосымшасы арқылы қайта өтінім беру қажет болмайды", - делінген хабарламада.</blockquote>Қалған талапкерлер өтінімді жалпы тәртіппен береді. Егер талапкер жеңілдік санатына жатса, өтінім беру кезінде тиісті мәртебе көрсетіледі және автоматты түрде расталады.Өтінімді онлайн беру үшін пайдаланушыға:<ul><li style="text-align:justify;">eGov.kz порталында авторизациядан өтіп, "Азаматтарға" – "Білім" – "Жоғары білім" бөліміне кіру;</li><li style="text-align:justify;">"Білім беру гранттарын тағайындау, сондай-ақ жоғары және (немесе) жоғары оқу орнынан кейінгі білім беру ұйымдарында білім алушыларға әлеуметтік қолдау көрсету" қызметін таңдау;</li><li style="text-align:justify;">"Қызметке онлайн тапсырыс беру" батырмасын басу;</li><li style="text-align:justify;">міндетті жолдарды толтырып, сұрау салуға қол қоюдың қолжетімді тәсілдерінің бірі арқылы қол қою;</li><li style="text-align:justify;">жеке кабинетте өтінімнің мәртебесін қадағалау. Өтінімнің өңделгені туралы хабарлама "Қызметтерді алу тарихы" бөлімінде көрсетіледі.</li><li style="text-align:justify;">eGov Mobile мобильді қосымшасы арқылы өтінім беру тәртібі де осыған ұқсас.</li></ul><blockquote>"Өтінім қабылдау кезеңінде жүктеме жоғары болған жағдайда eGov.kz порталы пайдаланушылар ағынын электрондық кезек арқылы реттейді. Электрондық кезекке қосылғаннан кейін пайдаланушының кезегі келгенде жүйе қызметке автоматты түрде қолжетімділік береді. Кезекті қолмен бақыламау үшін "Кезектің жақындағаны туралы SMS арқылы хабарлау" чекбоксын белгілеуге болады. Хабарлама мобильді азаматтар базасында тіркелген телефон нөміріне 1414 нөмірінен жіберіледі. Егер телефон нөмірі базада тіркелмеген болса, оны қолмен енгізуге болады. Күту барысында браузер қойындысын жабуға немесе жаңартуға болмайды, әйтпесе пайдаланушы кезектегі орнынан айырылады", - деп ескертті қазақстандықтарды АҚ өкілдері.</blockquote>Өтінім бергеннен кейін талапкер eGov.kz порталындағы жеке кабинетінде білім беру грантын тағайындау конкурсына қатысқаны туралы электрондық анықтама алады.Конкурс қорытындысы бойынша талапкерге білім беру грантының тағайындалғаны туралы электрондық сертификат беріледі. Ол 10 тамыздан кешіктірілмей eGov.kz порталындағы жеке кабинетте қолжетімді болады. Егер конкурс нәтижесі бойынша білім беру гранты тағайындалмаса, жеке кабинетке бас тарту туралы ақпарат қамтылған хабарлама жіберіледі.Сурет: Нұрболат Нұржаубай

Қазақстанда грантқа өтінім беру ережесі өзгерді

<a href="https://kyzylorda-news.kz/">Kyzylorda-news.kz</a> &nbsp;ҚР Оқу-ағарту министрі Жұлдыз Сүлейменова Үкімет отырысында мектепке дейінгі және бастауыш білім беру саласындағы кешенді жоспар мен жаңартулар туралы <a href="https://kaz.inform.kz/news/mektep-bagdarlamasina-zhana-mndett-pander-engzld-56bca202">баяндады.</a><blockquote>– Осы негізде 2026-2028 жылдарға арналған мектепке дейінгі және бастауыш білім беруді дамытудың кешенді жоспары әзірленді. Негізгі басымдықтардың бірі мектепке дейінгі тәрбие және оқытумен қамтудың жұмысын кеңейту, – деді министр.</blockquote>Оның айтуынша, бастауыш білім беру жүйесінде елеулі өзгерістер енгізілген.<blockquote>–&nbsp;Себебі алғаш рет біздің жаңа Конституцияда бастауыш білім конституциялық мәртебеге ие&nbsp;болды. Осы негізде балалардың жас ерекшеліктері ескеріле отырып, оқу бағдарламаларының мазмұны кешенді түрде қайта қарастырылды,&nbsp;– деді Жұлдыз Сүлейменова.</blockquote>Министр бастауыш сыныптардағы математика пәні бойынша өзгерістерге тоқталды.<blockquote>–&nbsp;Атап айтар болсақ, 1-4 сыныптарға арналған математика пәні бойынша 244 оқу мақсаты толық қайта қаралды. Оның ішінде оқушылардың жас ерекшеліктеріне сәйкес келмейтін бірқатар мақсаттар алып тасталды, бірқатар мақсаттар жоғары сыныптарға ауыстырылды. Сонымен бірге пәннің практикалық бағыты күшейтілді, күрделі теориялық тақырыптардың көлемі қысқартылды және оқу жылының басы мен соңында өткенді қайталау бөлімдері сағаттармен енгізілді. 1-сынып оқушылары үшін бейімделу кезеңі енгізілді. Бұл әртүрлі дайындық деңгейімен келген бүлдіршіндеріміздің білім беру процесіне жеңіл бейімделуіне, санау, оқу және жазу дағдыларын жүйелі қалыптастыруға зор мүмкіндік береді,&nbsp;– деді ол.</blockquote>Сонымен қатар спикер тілдік пәндер бойынша да&nbsp;жаңартулар бар екенін атап өтті.<blockquote>–&nbsp;Тілдік пәндердің мазмұны айтарлықтай жаңартылды. Әліппеге дейінгі кезең 12 сағатқа ұзартылды. Әліппе пәнін оқуға 84 сағат бөлінді. Сонымен бірге «Ана тілі» пәні екінші жартыжылдықта 102 сағат көлемінде оқытылатын болады. Оқу бағдарламаларында ауызша сөйлеу мәдениеті, коммуникацияны дамыту, мәтінді түсініп түйсіну оқуы, оқырман сауаттылығы мен жазбаша коммуникация дағдыларын дамытуға бағытталған тапсырмалар күшейтілді,&nbsp;– деді министр.</blockquote>Оның айтуынша, білім беру мазмұны жаңа талаптарға сай жаңартылып жатыр.<blockquote>–&nbsp;Бұдан бөлек, тұтастай алғанда мектепке дейінгі және бастауыш білім жаңа конституциялық білім беру саясатының берік іргетасына айналуы үшін бұл сапалы бастауышты білім сапалы орта білімнің, ал&nbsp;сапалы орта білім елдің бәсекеге қабілетті адам капиталының негізіне айналуы тиіс,&nbsp;–деді Жұлдыз Сүлейменова.</blockquote>Сондай-ақ министр жаңа оқу жылынан бастап енгізілген міндетті пәндерге тоқталды.<blockquote>–&nbsp;Жаңа оқу жылынан бастап білім беру мазмұнына бірқатар жаңа міндетті курстар толықтырылды. Бұл 5-7 сынып оқушылары үшін «Конституция негіздері» пәні, 8-11 сыныптарда «Заң және тәртіп» міндетті курсы, 5-11 сыныптарда «Жеке қауіпсіздік» міндетті курсы енгізілді. Келесі оқу жылынан бастап 8-9 сыныптарда «Қазақстан географиясы» пәні қайта енгізілді. Бұған дейін таңдау пәні ретінде жүргізілген «Құқық негіздері» ендігі уақыттан бастап барлық оқушыларымыз үшін міндетті пәнге айналды. Жаңа Конституцияның қағидаттарына толық сәйкестендіріліп, жаңа мазмұнда оқытылатын болады,&nbsp;– деп толықтырды министр.</blockquote>Фото: Оқу-ағарту министрлігі

Мектеп бағдарламасына жаңа міндетті пәндер енгізілді  

<a href="https://kyzylorda-news.kz/">Kyzylorda-news.kz</a> Аккредиттеу және рейтингтің тәуелсіз агенттігі (АРТА) жариялаған «Қазақстан Республикасы жоғары оқу орындарының сұраныс рейтингі – 2026» қорытындысы бойынша Қорқыт ата атындағы Қызылорда университеті еліміздің үздік жоғары оқу орындарының алғашқы ондығына еніп, 7-орынға тұрақтады.Биылғы рейтингке Қазақстанның көпсалалы, техникалық, гуманитарлық-экономикалық, медициналық, педагогикалық және өнер бағытындағы 32 жоғары оқу орны қатысты. Сонымен қатар, рейтингке енгізілген білім беру бағдарламаларының саны өткен жылмен салыстырғанда 10,7 пайызға артты.Рейтинг қорытындысында университеттің 31 білім беру бағдарламасы Қазақстан бойынша үздік үштікке енді.Бұл нәтиже университеттің білім беру сапасының жоғары деңгейін, профессор-оқытушылар құрамының кәсібилігін, ғылыми әлеуетін және түлектерінің еңбек нарығындағы сұранысын тағы бір мәрте дәлелдейді.

Қорқыт ата университеті үздік ондықта

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Назарбаев Зияткерлік мектебінің 2026 жылғы түлектеріне аттестат табыстау салтанатты рәсімі өтті. Биыл мектепті 135 оқушы аяқтап, жаңа өмір жолына қадам басты.<img src="https://knadmin.beoblood.kz/uploads/Nish_attestat_2_18b18d4318.jpeg" alt="Ниш аттестат .jpeg">Бітіруші зияткерлердің қатарында 17 оқушы Үздік аттестат иегері атанса, 2 түлек «Алтын белгі» төсбелгісін растады. Сонымен қатар әрбір алтыншы түлек Назарбаев Университетіне шақырту алып, тағы 15 жас Гонконг, Италия, Жапония, Оңтүстік Корея, Литва және Венгрияның жетекші жоғары оқу орындарының білім гранттарын жеңіп алды.<img src="https://knadmin.beoblood.kz/uploads/Nish_attestat_3_d9254490e2.jpeg" alt="Ниш аттестат .jpeg">Оқу жылдары ішінде түлектер халықаралық және республикалық олимпиадаларда, ғылыми жобалар мен инженерлік байқауларда жоғары нәтижелер көрсетті. IESO жас геологтардың халықаралық олимпиадасы, WRO дүниежүзілік робототехника олимпиадасы, Infomatrix Asia, Samsung Solve for Tomorrow, Kazakhstan Smart Space және өзге де беделді жарыстарда жеңімпаз атанып, мектеп абыройын асқақтатты. Түлектер арасында IELTS халықаралық емтиханынан 8.0–8.5 балл жинаған, SAT емтиханынан 1500-ден жоғары нәтиже көрсеткен дарынды оқушылар көп. Бұл көрсеткіштер олардың жоғары академиялық әлеуетін дәлелдеді.<img src="https://knadmin.beoblood.kz/uploads/Nish_attestat_4_9f209b0526.jpeg" alt="Ниш аттестат 4.jpeg">Салтанатты жиында мектеп директоры Акбар Тусупбаев түлектерді жетістіктерімен құттықтап, алдағы өмір жолында сәттілік тіледі.<blockquote>«Шәкірттеріміздің бұл жетістігі – олардың қажырлы еңбегінің, ұстаздарымыздың кәсіби біліктілігінің және ата-аналардың сенімі мен қолдауының нәтижесінде келген бүкіл мектеп қауымдастығының ортақ жеңісі. Мектеп қабырғасында алған білім мен тәрбие түлектерімізге қай жерде жүрсе де дұрыс бағыт көрсетіп, биік мақсаттарға жетелейді деп сенемін. Қандай мамандық иесі болса да, білімдерің мен қабілеттерің туған елдің өркендеуіне жұмсайтын азамат болып қалыптасуларыңа тілектеспін», – деді Акбар Асқарұлы.</blockquote>Салтанатты шараға Қамқоршылық кеңес мүшелері, өңірдің бизнес қауымдастығы өкілдері мен ата-аналар қатысты. Қонақтар түлектерге ақ жол тілеп, ізгі лебіздерін білдірді. Кеш барысында бітіруші түлектер ән шырқап, мектепке, ұстаздары мен ата-аналарына жүрекжарды алғыстарын жеткізді. Жылы естеліктер мен әсерлі сәттерге толы мереке ерекше атмосферасымен есте қалды.

Қызылордадағы NIS-тің 135 түлегіне аттестат табысталды

<a href="https://kyzylorda-news.kz/">Kyzylorda-news.kz</a> Қызылорда облысының білім басқармасының басшысы Асқарбек Есжанов, И.Әбдікәрімов атындағы Қызылорда политехникалық жоғары колледжінің директоры Абайбек Жүнісов Қытай Халық Республикасының Бейжің қаласында халықаралық білім беру саласындағы маңызды құжатқа қол қойды.Төртжақты ынтымақтастық туралы меморандум Қызылорда облысының білім басқармасы, Чунцин электрондық ғылым және технологиялар кәсіптік университеті, И.Әбдікәрімов атындағы Қызылорда политехникалық жоғары колледжі және «Чунцин баспасы» компаниясы арасында жасалды.Аталған келісім техникалық және кәсіптік білім беру саласындағы әріптестікті нығайтуға, тәжірибе алмасуға және еңбек нарығына қажетті маман даярлауға бағытталған.Меморандум аясында тараптар оқытушылар мен студенттер алмасады. Қытайда білім алатын шетелдіктерді даярлау жүйесі дамиды, бірлескен оқу-тәжірибе орталықтарын, мамандандырылған шеберханалар құру көзделген. Екі тілде оқулықтар мен заманауи цифрлық білім беру ресурстары әзірленеді. Сонымен қатар «Қытай тілі + кәсіптік дағдылар» бағдарламасы енгізіледі. Өндірістік тәжірибеден өту, түлектерді жұмыспен қамту мүмкіндіктері кеңейтіліп, білім беру мен өндірісті ықпалдастыратын халықаралық жобалар іске асады.<figure class="image"><img src="https://knadmin.beoblood.kz/uploads/akimat_aa16a65b11.jpg" alt="акимат.jpg"></figure>Сапар Чунцин қаласындағы келіссөздермен жалғасып, білім беру және мәдениет салаларындағы ынтымақтастықты дамытуға бағытталған бірқатар кездесу өткізу жоспарланған. Бұл жаңа бастамалар мен бірлескен жобаларға жол ашпақ.Кейінгі жылдары Мемлекет басшысының және Үкіметтің ерекше қолдауымен &nbsp;аймақтың білім беру саласында 46 заманауи нысан ел игілігіне табысталды. Олардың қатарында сол кездегі аймақ басшысы Нұрлыбек Нәлібаевтың бастамасымен Қызылорда қаласында бой көтерген еліміздегі алғашқы «Құзыреттілік орталығы» да бар.Бүгінде орталық жастардың кәсіби дағдыларын шыңдауына, тұрақты жұмыспен қамтылуына оң ықпалын тигізіп келеді.<figure class="image"><img src="https://knadmin.beoblood.kz/uploads/akimat_854c6299c0.jpg" alt="акимат.jpg"></figure>

Қазақстан және Қызылорда облысының жаңалықтары: Білім