<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің география пәні мұғалімі Арай Нұрбаева Қарағандыда өткен «NIS үздік педагогі 2026» республикалық байқауында топ жарып, бас жүлдені жеңіп алды.Биыл бұл додада Зияткерлік мектептердің мектепішілік кезеңінен іріктелген 21 мұғалім бақ сынады. Қатысушылар ашық сабақтар өткізіп, авторлық педагогикалық тәжірибелерін таныстырды, сондай-ақ білім беруді дамытудың өзекті бағыттары бойынша зерттеу нәтижелерін ұсынды.Арай Талғатқызы – 13 жылдық еңбек өтілі бар, оның ішінде Назарбаев Зияткерлік мектептері желісінде 7 жыл қызмет етіп келе жатқан сарапшы-мұғалім. Ол NIS білім беру бағдарламаларын жаңарту және оқулықтар әзірлеу топтардың құрамында белсенді жұмыс жүргізіп келеді.<figure class="image"><img src="https://knadmin.beoblood.kz/uploads/NI_Sh_820760e247.jpg" alt="НИШ.jpg"></figure>Педагогтің кәсіби портфолиосында «Назарбаев Зияткерлік мектептері» ДББҰ Басқарма төрағасының Құрмет грамотасы, «Табысты тәжірибелер панорамасы» республикалық байқауында I орын, «Педагогикалық идеялар фестивалінде» III орын иегері секілді бірқатар маңызды жетістіктер бар.Сонымен қатар, Арай Нұрбаева ғылыми-әдістемелік бағытта да нәтижелі еңбек етуде. Ол халықаралық және республикалық деңгейде 7-ден астам ғылыми мақаланың авторы. WALS, NIS Conference сияқты беделді алаңдарда өз тәжірибесімен бөлісіп, кәсіби қауымдастықта жоғары бағасын алған.Бүгінгі жеңіс – табандылық пен кәсіби шеберліктің, үздіксіз ізденіс пен жаңашылдықтың нәтижесі.

NIS үздік педагогі-2026: Арай Нұрбаева Гран-при иегері атанды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде AQYL TECH / IT AIEL KYZYLORDA 2026 тақырыбында ауқымды воркшоп өтті.Іс-шараның мақсаты – әйелдер мен жастардың цифрлық сауаттылығын арттыру, IT саласындағы мүмкіндіктерді кеңінен таныстыру және стартап мәдениетін дамытуға серпін беру.Воркшопты университеттің Басқарма төрағасы – Ректор Наурызбай Байқадамов ашып, қазіргі таңда цифрлық технологиялар мен инновациялардың қоғам дамуындағы шешуші рөлін атап өтті.Ректор өз сөзінде мұндай алаңдардың тәжірибе алмасуға, жаңа идеяларды қалыптастыруға және кәсіби бағыт-бағдар алуға зор мүмкіндік беретінін айтып, қатысушыларға сәттілік тіледі.<img src="https://knadmin.beoblood.kz/uploads/Whats_App_Image_2026_04_24_at_18_03_13_3f0b2f3dd9.jpeg" alt="коркыт ">Жиын барысында «TechnoWomen» ҚҚ Басқарма төрайымы Азиза Шужеева «Әйелдер мен жастар үшін жаңа мүмкіндіктер. Aqyl Tech / IT Aiel» тақырыбында баяндама жасап, цифрлық ортадағы әйелдердің рөлін арттыру мәселесіне тоқталды. Сонымен қатар, Techno Tumar қыздарға арналған инкубациялық бағдарламасының қатысушылары марапатталды.Сондай-ақ «Азаматтық бастамаларды қолдау орталығы» КЕАҚ бас менеджері Амиша Хадай мемлекеттік қолдау бағдарламалары мен жаңа бастамалар жөнінде ақпарат берді. Ал Kyzylorda Hub директоры Жанарыс Түбекбаев өңірдегі стартап экожүйесінің дамуы мен хаб мүмкіндіктерін таныстырып, жас кәсіпкерлерге бағыт-бағдар ұсынды.<img src="https://knadmin.beoblood.kz/uploads/Whats_App_Image_2026_04_24_at_18_03_14_2_4638d75a7a.jpeg" alt="коркыт ">Воркшоп аясында тәжірибелі спикерлер өз білімдерімен бөлісті. Кәсіпкер, қаржы сарапшысы, FingWin қосымшасының тең құрылтайшысы Нұргүл Бексұлтанова «Қаржысын басқармайтын адамды қаржы басқарады» тақырыбында қаржылық сауаттылықтың маңызын түсіндірді.Ал AI Pro School IT мектебінің негізін қалаушы, Astana Hub резиденті, Strimmeo.com платформасының тең құрылтайшысы Надира Батырбаева «20–30 мың теңге 2–3 сағатта: AI-креатив арқылы табыс табу формуласы» тақырыбында жасанды интеллект мүмкіндіктерін тиімді пайдалану жолдарын көрсетті.Шара соңында қатысушылар спикерлерге өз сұрақтарын қойып, пікір алмасу алаңында еркін диалог құрды.

Қызылорда цифрлық экономикадағы әйелдердің рөлін күшейтуде

<a href="https://kyzylorda-news.kz/">Kyzylorda-news.kz</a> Өткен аптада Қызылорда қаласы бойынша білім бөлімінің кеңейтілген мәжілісі өтіп, онда білім беру жүйесіндегі маңызды бағыттар жан-жақты сараланды. Мәжіліске қала мектептерінің директорлары қатысып, өзекті мәселелер төңірегінде пікір алмасты.Жиында Қызылорда қаласы бойынша білім бөлімінің басшысы Бағдат Бердаулетов білім саласындағы жүйелі жұмыстар мен жауапкершіліктің маңыздылығына тоқталды.&nbsp;<blockquote>– Әрбір білім беру ұйымы тәрбие мен білім сапасына бірдей жауапкершілікпен қарауы тиіс. Әсіресе, оқушылардың қауіпсіздігі, олардың құқықтық сауаттылығы мен рухани дамуы біздің басты назарымызда. Алдағы уақытта да осы бағыттағы жұмыстарды күшейтіп, нақты нәтижеге бағытталған жүйелі жұмыстар жалғаса береді, - деді Бағдат Камбозұлы.</blockquote><img src="https://knadmin.beoblood.kz/uploads/Whats_App_Image_2026_04_24_at_18_39_04_1_6a6b7ddacc.jpeg" alt="Қалалық білім бөлімі кеңейтілген отырыс.jpeg">Күн тәртібіне сәйкес, ең алдымен кәмелетке толмағандар арасындағы қылмыс пен құқық бұзушылықтың алдын алу мәселесі қаралды. Бұл бағытта білім беру ұйымдары мен ата-аналардың бірлескен жұмысының маңызы ерекше екені атап өтілді.&nbsp;Келесі кезекте жалпы орта білім беру ұйымдарындағы психологиялық-педагогикалық қолдау қызметінің барысы талқыланды. Оқушылардың психологиялық ахуалын тұрақтандыру, олардың жеке дамуына жағдай жасау және кәсіби мамандардың жұмысын жетілдіру мәселелері кеңінен сөз етілді.Сондай-ақ, ағымдағы оқу жылының білім сапасы мен ұлттық бірыңғай тестілеу нәтижелері сараланып, алдағы кезеңге арналған міндеттер пысықталды. Оқушылардың функционалдық сауаттылығын дамыту бағытында жүйелі жұмыстарды жалғастыру қажеттігі айтылды.Сонымен қатар сыбайлас жемқорлық құқық бұзушылықтардың алдын алу және парасаттылық мәдениетін қалыптастыру мәселесі де назардан тыс қалмады. Бұл бағытта ашықтық пен әділдікті қамтамасыз ету басты басымдықтардың бірі.&nbsp;Жиын соңында күн тәртібіндегі мәселелер бойынша нақты тапсырмалар беріліп, білім беру ұйымдарының жұмысын жетілдіру бағытындағы міндеттер белгіленді.<img src="https://knadmin.beoblood.kz/uploads/Whats_App_Image_2026_04_24_at_18_39_04_4dc74a519b.jpeg" alt="Қалалық білім бөлімі кеңейтілген отырысjpeg">

Оқушылардың қауіпсіздігі мен білім сапасы күн тәртібінен түспейді

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінде цифрлық технологиялар және педагогтерді даярлаудағы EdTech бағыттарын дамытуға арналған Қазақ ұлттық қыздар педагогикалық университеті жанындағы 012 – мектепке дейінгі тәрбиелеу және оқыту педагогикасы, 013 – пәндік мамандандырылмаған мұғалімдерді даярлау, 018 – әлеуметтік педагогика мамандарын даярлау бағыттары бойынша оқу-әдістемелік бірлестігінің көшпелі отырысы өтті. &nbsp;Жиынның ашылуында Қазақ ұлттық қыздар педагогикалық университетінің Басқарма төрағасы – ректор Бейбіткүл Каримова алғы сөз сөйледі. Ол өз сөзінде цифрлық технологиялар білім беру жүйесінің ажырамас бөлігіне айналып, ауқымды өзгерістерге жол ашып отырғанын атап өтті. ҚР Оқу-ағарту министрлігінің 2026 жылғы деректеріне сәйкес, елімізде 841 мың ашық педагогикалық вакансия тіркелгенін, оның ішінде әлеуметтік педагог пен педагог-психолог мамандары да бар екенін айтты. Сондай-ақ, бүгінгі кездесу білім беру жүйесіндегі стратегиялық маңызы бар заңнамалық өзгерістерді талқылауға арналған маңызды бақосу екенін айтты.Келесі сөз кезегінде университеттің Басқарма төрағасы – ректор Наурызбай Байқадамов жиынның маңыздылығына тоқталып, оқу орнында цифрлық білім беру платформалары енгізіліп, онлайн курстар әзірленіп жатқанын және оқытушылардың цифрлық құзыреттілігін арттыруға бағытталған арнайы бағдарламалар жүзеге асырылып жатқанын атап өтті. Оның айтуынша, алдағы уақытта педагогтерді даярлау жүйесінде EdTech мүмкіндіктерін тиімді пайдалану жұмыстары жалғасады. Басты мақсат – халықаралық стандарттарға сай, бәсекеге қабілетті, заманауи педагог кадрларды даярлау.Жиын аясында мазмұнды баяндамалар ұсынылды. Жоғары және жоғары оқу орнынан кейінгі білім комитетінің төрағасы Гүлжан Жарасова «Педагогтерді даярлау: өзекті мәселелер» тақырыбында баяндама жасап, білім беру жүйесіне жасанды интеллектіні енгізу, сондай-ақ оқушылар мен студенттердің цифрлық дағдылары мен IT құзыреттерін дамыту қажеттігін атап өтті.ҚР Оқу-ағарту министрлігінің Мектепке дейінгі білім беру департаментінің директоры Манара Адамова «Мектепке дейінгі білім беру саласының дамуындағы басым бағыттар және педагогтың кәсіби дайындығы» тақырыбында баяндама жасап, қазіргі мектепке дейінгі білім беру педагогтарының цифрлық құзыреттіліктеріне қойылатын талаптарды жан-жақты түсіндірді.Халықаралық және отандық сарапшылар да өз тәжірибелерімен бөлісті. Anikó Nagy Varga (онлайн) «Жасанды интеллект дәуірінде ерте жастағы балаларды оқытуды қалыптастыру: ықпалы, құралдары және этикалық мәселелері» тақырыбында баяндама жасады.Сондай-ақ, Қазақстан Республикасы Ғылым және жоғары білім министрлігінің Жоғары білімді дамыту ұлттық орталығы директорының орынбасары Ботагөз Бермұхамбетова «Болашақ зерттеу тәжірибелері: студенттер мен оқытушылардың ғылыми жұмысында жасанды интеллекттің рөлі» тақырыбында баяндама жасады.Аталған көшпелі отырыс педагог кадрларды даярлау сапасын арттыру, білім беру мазмұнын жаңғырту және цифрлық технологияларды тиімді енгізу бағытындағы өзекті мәселелерді талқылауға арналды.

Цифрлық білім беру және EdTech: Педагог кадрларды даярлаудың жаңа бағыттары

<a href="https://kyzylorda-news.kz/">Kyzylorda-news.kz</a> Корея Республикасының жетекші телекоммуникациялық компаниясының өкілдері Қорқыт ата университетінде болды.Шетелдік делегацияны Басқарма төрағасы – Ректор Наурызбай Байқадамов қарсы алып, университеттің бай тарихы мен толымды табыстары және инфрақұрылымдық жобаларымен таныстырып өтті.Шығыс Азиялық меймандар 5-оқу ғимаратын аралау барысында сирек кездесетін кітаптар қорына таңданыс білдірді. Әсіресе 18-ғасырда көне корей тілінде жазылған көптомдық жинақтың тарихи мән-маңызына айырықша тоқталды.&nbsp; Корей түбегінен келген қонақтар одан әрі Мәделхан Нәлібаев атындағы су шаруашылығы музейін аралап көрді. Сонымен қатар Инженерлік бейіндегі зертхана жұмысы, Жасанды интеллект институтының қызметі, студенттердің ғылыми жобалары және «Kyzylorda Hub» инновациялық бастамалары таныстырылды.<img src="https://knadmin.beoblood.kz/uploads/korkyt_12a80f7e40.jpeg" alt="коркыт.jpeg">Ресми кездесуде Басқарма төрағасы – Ректор Наурызбай Байқадамов университеттің құрылу тарихы 1937 жылы Қызылорда қаласына Қиыр-Шығыс корей педагогикалық институтының көшіп келуімен тығыз байланысты екенін жеткізді. &nbsp;Сондай-ақ Ректор Қазақстан мен Оңтүстік Корея арасындағы стратегиялық серіктестіктің маңыздылығына тоқталып, екі елдің 30 жылдан астам уақыт бойы сенімді дипломатиялық қарым-қатынаста екенін атап өтті.Корея делегациясы атынан Хан Донг-Гун мырза Корея Республикасы тарихына шолу жасап, негізгі даму бағыттарына тоқталды. Сонымен қатар кореялық тарап университетпен ұзақ мерзімді ынтымақтастық орнатуға қызығушылық танытатынын жеткізді.<img src="https://knadmin.beoblood.kz/uploads/korkyt_4ff58a81eb.jpeg" alt="коркыт.jpeg">Жиын барысында Кореяның жетекші телекоммуникациялық компаниясы мен Хон Бом До қоғамының басшылары екіжақты жазғы мектеп ұйымдастыру, тіл үйрену бағдарламаларын іске қосу, студенттерге арналған стипендиялық жобаларды жүзеге асыру мәселелері қарастырылды.Кездесу қорытындысында тараптар білім, ғылым және мәдениет салаларында бірлескен жобаларды жүзеге асыруға келісіп, алдағы уақытта серіктестікті нығайтуға ниетті екендерін жеткізді.

Қорқыт ата университеті Оңтүстік Кореямен ынтымақтастықты нығайтады

<a href="https://kyzylorda-news.kz/">Kyzylorda-news.kz</a> Бүгінде еліміздің көптеген университеттері білім беруді интернациоландыру, оқу бағдарламаларын әзірлеу бойынша қарқынды жұмыстар жүргізіп, студенттерін алыс-жақын шетелдерге оқуға жіберу арқылы академиялық ұтқырлықтың білім мен тәжірибе алмасу алаңы ретіндегі мүмкіндіктерін оңынан пайдаланып, бірегейлі танымдық үрдістер шеңберін қалыптастыруда.Осыған орай, Қорқыт ата атындағы Қызылорда университетінің «Информатика және АКТ» білім беру бағдарламасының 17 студенті академиялық ұтқырлық бағдарламасымен Жүсіп Баласағұн атындағы Қырғыз ұлттық университетінде тәжірибе алмасуда.&nbsp;Академиялық ұтқырлық бағдарламасы студенттердің білім көкжиегін кеңейтуге және халықаралық тәжірибе жинақтауға бағытталған. Бағдарлама аясында білім алушылар заманауи ақпараттық технологиялар, бағдарламалау және цифрлық жүйелер бойынша білімдерін жетілдіріп, шетелдік жоғары оқу орнының тәжірибесімен танысады. &nbsp;Айта кетейік, Қорқыт ата университеті академиялық ұтқырлық бағдарламасын жүйелі түрде жүзеге асырып, студенттердің шетелдік жоғары оқу орындарында білім алуына қолдау көрсетіп келеді.Еліміздің әр университеті ұсынған академиялық ұтқырлық бағдарламаларының жүзеге асу қағидасы әртүрлі болғанымен, барлығы дерлік білім алушы мен білім берушінің мүддесіне қызмет етеді. Бұл үрдіс кеңейіп, бағытын одан әрі кеңейткен сайын, отандық білім беру жүйесінің сапалы жетілуіне үлесін қоса бермек.<img src="https://knadmin.beoblood.kz/uploads/korkyt_1_2892b677a4.jpeg" alt="коркыт 1.jpeg">

Академиялық ұтқырлық: Қызылордалық студенттер шетел университетінде оқиды

<a href="https://kyzylorda-news.kz/">Kyzylorda-news.kz</a> Қазақстанда педагогтерді аттестаттау жүйесі қайта қаралып, мұғалімдерге түсетін артық жүктеме қысқартылады. Бұл туралы Оқу-ағарту вице-министрі Шынар Ақпарова Орталық коммуникациялар қызметінде өткен брифингте мәлімдеді, – деп хабарлайды <a href="https://kaz.inform.kz/news/pedagogterd-attestattau-zhuyesnde-neozgered-8cb2a8/">Қазақпарат.</a><blockquote>— Қолданыстағы аттестаттау тетіктері педагогтерге негізсіз артық жүктеме түсіріп отыр. Әсіресе тестілеуге дайындықтың көп уақыт алуы, портфолио қалыптастырудың күрделілігі және авторлық материалдардың практикалық маңызына қатысты сұрақтар мұғалімнің негізгі міндетіне — білім сапасына көңіл бөлуіне кедергі келтіреді, — деді вице-министр.</blockquote>Осыған байланысты аттестаттау жүйесі оңтайландырылып, артық талаптар қысқартылады.<blockquote>—&nbsp;Енді педагогтің кәсіби деңгейі тест нәтижесімен емес, оның күнделікті жұмысы мен білім беру сапасына қосқан нақты үлесі арқылы бағаланады,&nbsp;— деп нақтылады ол.</blockquote>Вице-министрдің мәліметінше, өзгерістердің бірі&nbsp;— педагогтер үшін міндетті пәндік тестілеудің алынып тасталуы.<blockquote>—&nbsp;Бұл талап тек педагогикалық қызметке жаңадан келген мамандарға, жұмысын қайта бастаған мұғалімдерге, сондай-ақ білім беру ұйымдарының басшылары мен әдіскерлеріне қатысты сақталады,&nbsp;— деді ол.</blockquote>Сонымен қатар педагог кадрларды даярлау жүйесінде де&nbsp;өзгерістер бар.<blockquote>—&nbsp;Жоғары оқу орындарына қабылдауда тест нәтижелерімен қатар арнайы емтихандарды қамтитын аралас бағалау моделіне көшу көзделіп отыр. Бұдан бөлек, педагогикалық мамандықтарға қойылатын талаптар күшейтіліп, шекті балл 75-ке дейін көтерілді,&nbsp;— деп толықтырды вице-министр.</blockquote>Бұдан өзге, аттестаттау талаптары да&nbsp;жеңілдетілді.<blockquote>—&nbsp;Енді эссе жазу, ғылыми мақала жариялау және авторлық бағдарламалар әзірлеу міндетті емес. Бұл мұғалім еңбегін қағазбастылықтан арылтып, нақты нәтижеге бағыттауға мүмкіндік береді,&nbsp;— деді ол.</blockquote>Тағы бір маңызды өзгеріс&nbsp;— аттестаттау процесін толық цифрландыру.<blockquote>—&nbsp;Барлық рәсім «Ұстаз» платформасы арқылы жүргізіледі. Бұл құжат айналымын қысқартып, процестің ашықтығы мен қолжетімділігін арттырады,&nbsp;— деп атап өтті Шынар Ақпарова.</blockquote>Оның айтуынша, жаңа жүйе педагогтің кәсіби еркіндігін арттырып, оның шығармашылық және әдістемелік әлеуетін толық іске асыруға жағдай жасайды.Сонымен қатар қолданыстағы тәртіпке сәйкес, белгіленген талаптарды орындаған педагогтерге тиісті біліктілік санаты бойынша қосымша ақы жаңа оқу жылының басынан бастап төленеді.<blockquote>—&nbsp;Ал&nbsp;алғашқы тестілеуде шекті деңгейге жете алмаған педагогтерге қайта тапсыру мүмкіндігі беріледі,&nbsp;— деп түсіндірді вице-министр.</blockquote>Фото: Нұрболат Нұржаубай

Педагогтерді аттестаттау жүйесінде не өзгереді?

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде дәстүрлі түрде ұйымдастырылатын «Студенттік ғылым – 2026» ХХVIII ғылыми конференциясы биыл да жоғары деңгейде өтті. Ауқымды ғылыми шара «Әлемді ғылым құтқарады – IV» ғылым айлығы аясында ұйымдастырылды.Конференция жұмысына Басқарма төрағасы – Ректор Наурызбай Байқадамов қатысып, студенттердің ғылыми жетістіктері ұсынылған көрмені аралады. Биыл 31 ғылыми көрме ұйымдастырылып, онда білім алушылардың зерттеу жұмыстары мен инновациялық жобалары таныстырылды. Қазіргі таңда университетте 500-ге жуық студент ғылыми-зерттеу жұмыстарымен белсенді айналысып келеді. Ректор жас зерттеушілердің еңбектерін жоғары бағалап, ғылымға бет бұрған жастарға қолдау жалғасатынын атап өтті.Жиынның ресми бөлігінде конференцияны Академиялық мәселелер бойынша проректор Дана Абдрашева ашып, студенттердің ғылыми-зерттеу жұмыстарының маңыздылығына тоқталды. Сонымен қатар, Жас ғалымдар кеңесінің төрағасы Нұрғали Ақылбеков конференцияның негізгі мақсат-міндеттері туралы айтып, студенттік ғылымды дамыту бағытындағы жұмыстарға кеңінен тоқталды.Конференция барысында қатысушылар өз ғылыми баяндамаларын ұсынып, зерттеу жобалары мен инновациялық идеяларын қорғады. Әртүрлі бағыттағы ғылыми жұмыстар студенттердің ізденіс деңгейін көрсетіп, жаңа бастамаларға жол ашты.Аталған шара студенттердің ғылыми әлеуетін арттыруға, зерттеу дағдыларын дамытуға және жас ғалымдардың қалыптасуына үлкен мүмкіндік берді. Конференция қорытындысы бойынша үздік ғылыми жобалар анықталып, жеңімпаздар арнайы марапаттарға ие болды.

«Студенттік ғылым – 2026»: жас зерттеушілердің жарқын жетістіктері

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – мәдениет және ақпарат министрі Аида Балаева Қазақстанда енді жоғары оқу орнына түсуге арналған Ұлттық біріңғай тестілеу тек бір рет өткізілетінін мәлімдеді. Бұл туралы <a href="https://stan.kz/-433256/">Stan.kz </a>ақпарат агенттігі хабарлайды.Министрдің сөзінше, бүгінде әлем елдері білім беруді жаңартып, цифрлық жүйелер мен жаңа әдістерді енгізіп жатыр. Сол арқылы балалардың қабілетін ерте анықтап, оларды болашақта қажет мамандықтарға жақсырақ дайындауға мүмкіндік бар.<blockquote>“Бұл – кезекті реформа емес, сапалы жаңа кезеңге көшу. Көпжылдық тәжірибе ҰБТ жүйесі жоғары оқу орындарына түсу кезінде ашықтықты, қолжетімділікті және бірыңғай талаптарды қамтамасыз ететін тиімді құрал екенін көрсетті. Алайда әр заманның өз талабы бар. Уақыт өте келе білім берудегі трендтер, еңбек нарығы, құзыреттер мен ережелер өзгеріп жатыр. Біз білім саласында кеткен кемшіліктерді анықтап, оларды түзетуіміз қажет. Атап айтсақ, ҰБТ-ны бірнеше рет тапсыру жүйесі талапкерлерді сапалы іріктеу мәселесін толық шешпейді”, – деді ол.</blockquote>Балаева осы тұста елімізде жоғары оқу орындарының көпшілігі білімді, дарынды жастарды өздері еркін іріктей алмайтынын алға тартты. Айтуынша, бұл мәселе әсіресе педагогикалық жоғары оқу орындарына көбірек қатысты.Осыған байланысты министр бірқатар шаралар қабылданатынын мәлімдеді:Педагогикалық жоғары оқу орындарына талапкерлерді қабылдағанда тестілеу мен арнайы емтихандарды бірге қолданатын аралас жүйе енгізу. Бұл кезде пәндік білім ғана емес, сонымен қатар ойлау қабілеті, талдай білуі, оқуға дайындығы сияқты маңызды дағдылар да ескеріледі.<blockquote>“Өйткені, "педагог" жай ғана мамандық емес. Бұл – балалармен жұмыс істейтін, үлкен жауапкершілік жүгін арқалаған тұлға. Сондықтан бұл мамандық үшін біліммен қатар, сыныппен жұмыс істеу, оқушылардың ерекше қабілеттерін анықтай білу аса маңызды. Келесі жылдан бастап педагогикалық мамандықтарға түсу кезінде ҰБТ-мен қатар ауызша емтихандардың нәтижелері де ескерілмек. Бұл емтихандарда талапкерлердің сыни ойлау қабілеті мен коммуникациялық дағдылары негізгі критерий болады. Сондай-ақ бұл мәселеде халықаралық сарапшылармен бірлесіп әзірленіп жатқан жаңа Admissions Insight Test тапсырмаларына ерекше мән беріледі”, – деді министр.</blockquote>ҰБТ тұтастай жаңғыртылып, тек бір рет тапсыратындай бекітіледі. Бұл грант конкурсына қатысу үшін объективті әрі ең басты баға ретінде қарастырылады.Сонымен қатар білім деңгейін өзін-өзі бағалау және дайындық әдістерін уақытылы түзету үшін сынақ тестілеу жүйесі сақталады.Жоғары оқу орындарына дайындық бағдарламалары (Foundation) арқылы шартты түрде қабылдау жүйесінен бас тарту қажет.Соңғы көрсеткіштер бойынша шартты түрде қабылданған студенттердің шамамен 50-60 пайызы оқу жылы ішінде ең төменгі шекті балды жинай алмайды. Сондықтан талапкерлердің болашақ мамандығын саналы түрде таңдауы аса маңызды.<blockquote>“Құрметті достар! ҰБТ жүйесін өзгерту – тестілеуден бас тарту емес екенін тағы да атап өткім келеді. Бұл – дарынды талапкерлерді анықтауға, әділ іріктеуге бағытталған маңызды қадам. Сондықтан ұсынылып отырған өзгерістер білім беру сапасын арттыруға және елдің ұзақ мерзімді дамуына берік негіз болады деп сенемін”, – деп қорытты Балаева.</blockquote>Фото: Нұрболат Нұржаубай

Келесі жылдан бастап Ұлттық біріңғай тестілеу тек бір рет өткізіледі

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің оқытушылары академиялық ұтқырлық бағдарламасы аясында 30 наурыз бен 10 сәуір аралығында Ташкент KIMYO халықаралық университетінде дәрістер оқуда.Аталған бағдарламаға Экономика және басқару білім беру бағдарламасының доценті, э.ғ.к. Алмакүл Абдимомынова және аға оқытушы, э.ғ.м. Ұлжан Берикболова қатысып, білім алушыларға өз тәжірибелерімен бөлісуде.Ташкент KIMYO халықаралық университеті – Орта Азиядағы ірі жеке жоғары оқу орындарының бірі. Университетте 38 бакалавриат және 22 магистрлік бағдарлама бойынша шамамен 82 мыңға жуық білім алушы өзбек, орыс және ағылшын тілдерінде білім алады.&nbsp;Іс-сапар барысында оқытушылар «Менеджмент және маркетинг» кафедрасының профессор-оқытушылар құрамымен кездесіп, халықаралық деңгейде тәжірибе алмасты. Сонымен қатар, ғылыми-академиялық байланыстарды нығайту және болашақтағы бірлескен жобаларды жүзеге асыру мәселелері талқыланды.Сапар аясында оқытушылар университеттің ғылым және инновациялар жөніндегі проректоры, профессор Джамшид Каниев және «Менеджмент және маркетинг» кафедрасының меңгерушісі, Дилшода Рамазановнамен кездесіп, академиялық ынтымақтастықты дамыту бағыттарын талқылады.&nbsp;Академиялық ұтқырлық бағдарламасы оқытушылардың кәсіби тәжірибесін жетілдіріп қана қоймай, екі оқу орны арасындағы халықаралық серіктестікті нығайтуға мүмкіндік береді.

Қорқыт ата университетінің оқытушылары Ташкентте дәріс оқуда

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде ұйымдастырылған &nbsp;«Дәстүр – ұлт діңгегі» атты этнофестиваль жоғары деңгейде өтті. Іс-шараға университеттің өзге ұлт өкілдерінің студенттері белсене қатысып, халқымыздың рухани бірлігін айшықтай түсті.Этнофестивальдің басты мақсаты – түрлі этностардың ұлттық құндылықтарын дәріптеу, салт-дәстүрлерді насихаттау және жастар арасындағы достық пен өзара құрметті нығайту болды. Кешті Жастар ісі жөніндегі комитет төрағасы Салтанат Бижігітқызы жүргізіп, қатысушылар мен қонақтарға жүрекжарды лебізін білдірді.Фестиваль аясында ұлттық ойындар ұйымдастырылып, жиналғандар арқан тартыс, гір көтеру, асық ату сынды дәстүрлі ойындарда өз бақтарын сынады. Сонымен қатар қазақ, түрікмен және корей халықтарының ұлттық киімдері мен тағамдарынан құралған көрме көпшілік назарына ұсынылды.<img src="https://knadmin.beoblood.kz/uploads/Whats_App_Image_2026_04_02_at_09_38_50_1_bd5ab2d234.jpeg" alt="WhatsApp Image 2026-04-02 at 09.38.50 (1).jpeg">Концерттік бағдарламада студенттер ұлттық өнердің түрлі жанрларын паш етті. Күй күмбірлеп, әсем әндер шырқалып, қазақ, кәріс және түркімен халықтарының билері сахналанды. Әсіресе «Қазағым», «Қазақ осы», «Ақжайнақ», «Мен қазақтың ұлымын» секілді патриоттық әндер көрермендердің ерекше ықыласына бөленді.Іс-шара барысында қазақ халқының маңызды салт-дәстүрлері – «Сырға салу», «Қыз ұзату», «Тұсаукесер» көрініс ретінде сахналанып, жастарға ұлттық тәрбиенің терең мәні түсіндірілді. Бұл көріністер көрермендерге ерекше әсер сыйлап, ата-баба мұрасына деген құрметті арттырды.Этнофестиваль достық пен бірліктің, мәдени әртүрліліктің жарқын көрінісіне айналып, түрлі мәдениеттердің үндестігін көрсеткен тағылымы мол кеш болды.

Дәстүр мен бірлік үндескен кеш

<a href="https://kyzylorda-news.kz/">Kyzylorda-news.kz</a> Ғылым және жоғары білім министрі Саясат Нұрбектің айтуынша, «Болашақ» бағдарламасы бойынша шәкіртақы мөлшерін қайта қарау қажеттілігі бұрыннан туындаған, өйткені төлемдер 15 жылдан астам уақыт бойы индексацияланбаған, – деп хабарлайды <a href="https://baq.kz/bolashaq-shakirtaqysy-zhana-oqu-zhylyna-deyin-ozgerui-mumkin-320020643/">BAQ.KZ.</a><blockquote>Шәкіртақыны арттыру мәселесі пісіп-жетілді. 15 жылдан астам уақыт бұрын мен “Болашақ” бағдарламасын басқардым және индексацияны соңғы рет сол кезде ескерген едім. Ол кезде Лондон, Нью-Йорк сияқты ірі қалаларда өмір сүру құны өте жоғары болғандықтан, шәкіртақы мөлшерін арттырдық. Содан бері шәкіртақы қайта қаралған жоқ. Сондықтан біз арнайы зерттеулер жүргіздік, осы қалалардағы тұтыну қоржынының қаншалықты өскенін, инфляция деңгейін қарадық. Қазір көп жағдайда бұл шәкіртақы жеткіліксіз, стипендиаттар қосымша жұмыс істеуге мәжбүр, бұл білім сапасына әсер етеді. Сонымен қатар шәкіртақыдан айыру жағдайлары және өзге де мәселелер туындап жатыр, – деп түсіндірді Саясат Нұрбек.</blockquote>Оның айтуынша, қазіргі уақытта министрлік шәкіртақыны арттырудың ықтимал тетіктерін қарастырып жатыр, алайда түпкілікті шешім әлі қабылданбаған.<blockquote>Қазір бұл мәселені пысықтап жатырмыз, нақты шешім әлі жоқ. Бұл не республикалық бюджеттен қосымша қаржы бөлуді, не Халықаралық бағдарламалар орталығының ішкі бюджетін оңтайландыруды талап етеді. Мысалы, шәкіртақылар санын қысқарту арқылы үнемделген қаражаттың бір бөлігін ай сайынғы төлемдерді арттыруға бағыттауға болады. Жыл соңына дейін бұл мәселені шешеміз деп жоспарлап отырмыз. Жаңа оқу жылына дейін нақты шешім табуға тырысамыз, – деді министр.</blockquote>Министрдің сөзінше, жалпы шәкіртақылар саны қазірдің өзінде қысқартылып жатыр. Соңғы үш жылда «Болашақ» бағдарламасы атом энергетикасы, жасанды интеллект, киберқауіпсіздік сияқты тар бағыттарға басымдық бере бастаған.<blockquote>“Болашақ” бағдарламасы трансформацияланып жатыр, – деді Саясат Нұрбек.</blockquote>Фото:&nbsp;

Қазақстан және Қызылорда облысының жаңалықтары: Білім