<a href="https://kyzylorda-news.kz/">Kyzylorda-news.kz</a> Қазақстанда жеткілікті шегінің көтерілуі мен тұрғындардың сатып алу қабілетінің төмендеуі тұрғын үй нарығына әсер етуі мүмкін. Мәжіліс депутаты Дәулет Мұқаевтың пікірінше, алдағы уақытта баспана бағасы төмендеу бағытында өзгеруі ықтимал, деп хабарлайды <a href="https://baq.kz/qazaqstanda-uy-bagasy-tomendeui-mumkin-320030441/">BAQ.KZ </a>тілшісі.Депутаттың айтуынша, қазіргі таңда тұрғын үй нарығында белгілі бір тоқырау белгілері байқалады.<blockquote>Баспана нарығы қазір тұралап қалғандай күйде. Үй бағасы қатты өсіп кетті. Бұған бірнеше фактор әсер етті. Оның ішінде құрылыс компанияларына қатысты қосылған құн салығы, жалпы қымбатшылық және халық табысының бұрынғыдай қарқынмен өспеуі бар, – деді Мұқаев.</blockquote>Оның сөзінше, халықтың басым бөлігінің баспана сатып алу мүмкіндігі төмендеп келеді.<blockquote>Мысалы, осы уақытқа дейін орташа есеппен 250 мың теңге жалақы алып жүрген адам ай сайын 50-60 мың теңге жинап, депозитіне салып отырды делік. Қазір қымбатшылық күшейді. Соның салдарынан адамдардың бұрынғыдай 50-60 мың теңгені жинауға мүмкіндігі қалмай барады. Тиісінше, баспана алуға ниетті азаматтардың саны да азайды, – деді депутат.</blockquote>Мұқаев қазіргі нарықтағы тұрғын үй бағасы нақты сұраныстан гөрі жоғары деңгейде қалыптасқан деген пікірде.<blockquote>Халықтың басым бөлігі қазір үй алып жатқан жоқ. Сондықтан қазіргі нарықтағы үй бағасы белгілі бір деңгейде жасанды түрде өсіп тұрған секілді көрінеді, – деді ол.</blockquote>Мәжіліс депутатының пікірінше, баспана бағасы күрт құлдырамаса да, алдағы кезеңде төмендеу үрдісі байқалуы мүмкін.<blockquote>Баға бірден қатты төмендеп кетеді деп айту қиын. Бірақ алдағы уақытта үй бағасы аздап болса да төмендеуі керек деп ойлаймын, – деді Дәулет Мұқаев.</blockquote>Фото: Fingramota.kz

Қазақстанда үй бағасы төмендеуі мүмкін

<a href="https://kyzylorda-news.kz/">Kyzylorda-news.kz</a> Қазалы ауданында тұрғындардың қауіпсіздігі мен жайлы қатынасын қамтамасыз етуге бағытталған маңызды инфрақұрылымдық жобалар кезең-кезеңімен жүзеге асырылуда. Соның бірі – ғасырдан астам тарихы бар Қазалы теміржол вокзалын жаңғырту және жаяу жүргіншілер көпірін салу жобалары.Өткен жылы «Қазақстан Темір Жолы» ұлттық компаниясы акционерлік қоғамының қолдауымен вокзал ғимаратын кешенді жаңғырту жұмыстары басталды. Жоба аясында ғимараттың негізгі конструкциялары күшейтіліп, шатыры жаңартылды.Сонымен қатар, жолаушыларға қолайлы жағдай жасау мақсатында күту залдары заман талабына сай қайта жабдықталды. Мүмкіндігі шектеулі азаматтарға арналған қолжетімді орта қалыптастырылып, қауіпсіздік жүйелері жаңартылды. Вокзал аумағында абаттандыру және көгалдандыру жұмыстары жүргізілді.Тарихи келбетін сақтай отырып жаңғыртылған нысан алдағы уақытта жолаушыларға көрсетілетін қызмет сапасын арттыруға және ауданның көлік-логистикалық әлеуетін дамытуға мүмкіндік береді.Ауданда жүзеге асырылған тағы бір маңызды жоба - теміржол үстінен өтетін жаяу жүргіншілер көпірінің құрылысы. Биыл пайдалануға берілген аспалы көпір тұрғындардың ұзақ жылдан бері көтеріп келген мәселесін шешті.Бүгінде теміржолдың арғы бетінде орналасқан Әйтеке би кентінің бөлігінде 13 мыңға жуық тұрғын өмір сүреді. Жаңа өткелдің іске қосылуы олардың қауіпсіз әрі қолайлы қозғалысын қамтамасыз етті.Жалпы, Қазалы ауданында жүзеге асырылып жатқан мұндай инфрақұрылымдық жобалар тұрғындардың өмір сүру сапасын арттырумен қатар, елді мекендердің сәулеттік келбетін жақсартуға және өңірдің әлеуметтік-экономикалық дамуына серпін беруде.<img src="https://knadmin.beoblood.kz/uploads/azaly_tarihi_nysandar_e60ac9a49b.jpg" alt="Қазалы тарихи нысандар.jpg">Бірнеше жыл бойы тоқтап тұрған Қарлан учаскесіндегі көпір құрылысы қайта жанданып, құрылыс алаңында қарқынды жұмыс басталды. Қазалы ауданындағы стратегиялық маңызы бар нысанның іске қосылуы оннан астам елді мекеннің көлік қатынасын жақсартып, мыңдаған тұрғынның тұрмыс сапасына оң әсер етпек.Қазір нысанда көпірдің негізгі тірек құрылымдарын орнату және бетондау жұмыстары жүргізілуде. Бүгінге дейін 84 дана қада толық қағылып, сегіз тіректің төртеуі орнатылған. Құрылыс жұмыстары бекітілген кестеге сәйкес кезең-кезеңімен жүзеге асырылып жатыр. Нысанда 14 арнайы техника мен 25 жұмысшы еңбек етуде.Жоба аясында Сырдария өзені арқылы өтетін өткелдің жалпы ұзындығы 2,5 шақырымды құрайды. Оның ішінде көпірдің ұзындығы - 248,29 метр, ал кірме жолдар 2,3 шақырымға созылады. Сонымен қатар, жол бойына жарықтандыру жүйелері орнатылып, қажетті инфрақұрылым толық қарастырылған.Жоба толық аяқталғаннан кейін Өркендеу, Бірлік, Қожабақы, Аранды, Бозкөл, Тасөткел, Лақалы, Ажар, Тасарық және Кәукей ауылдарының тұрғындары үшін қатынас мәселесі едәуір жеңілдейді. Нәтижесінде 10 мыңнан астам халықтың әлеуметтік және экономикалық байланысы нығайып, өңірдің дамуына жаңа серпін берілмек.<img src="https://knadmin.beoblood.kz/uploads/arlan_k_piri_5597205ef0.jpg" alt="Қарлан көпірі.jpg">Қазалы ауданында бұқаралық спортты дамыту және ауыл жастары үшін заманауи спорт инфрақұрылымын қалыптастыру бағытында ауқымды жұмыстар жалғасуда. «Ауыл - Ел бесігі» бағдарламасы аясында Әйтеке би кенті мен Қожабақы ауылында бой көтеріп жатқан екі спорт кешенінің құрылысы аяқталуға жақын.Әйтеке би кентінде, Қазалы мәдени-демалыс кешені аумағында салынып жатқан спорт кешенінде ішкі әрлеу жұмыстары қарқынды жүргізілуде. Қазіргі таңда ғимарат ішінде сылақ жұмыстары, кафель жапсыру, жылу жүйелерін орнату және абаттандыру жұмыстары қатар атқарылып жатыр. Нысан заманауи стандарттарға сай жабдықталып, тұрғындардың еркін спортпен шұғылдануына толық жағдай жасалуда.Ал Қожабақы ауылындағы спорт кешенінде құрылыс жұмыстары толық аяқталу кезеңіне өтті. Бүгінде ғимараттың сыртқы жұмыстары тәмамдалып, ішкі әрлеу, сырлау және сәндеу жұмыстары жүргізілуде. Инженерлік инфрақұрылым толық тартылып, нысанды пайдалануға беру бойынша соңғы дайындықтар жүргізілуде.Аталған спорт кешендері пайдалануға берілген жағдайда ауыл тұрғындары үшін қолжетімді спорт алаңдары көбейіп, жастардың спортқа қызығушылығын арттыруға және салауатты өмір салтын кеңінен насихаттауға мүмкіндік туады.Айта кетейік, бұған дейін Бекарыстан би ауылында да жаңа заманауи спорт кешені ел игілігіне берілген болатын. Бұл жобалар Қазалы ауданында бұқаралық спортты дамытуға бағытталған жүйелі жұмыстың нақты нәтижесі болып отыр.<img src="https://knadmin.beoblood.kz/uploads/Sport_kesheni_rylys_7419fbf07d.jpg" alt="Спорт кешені құрылыс.jpg">Қазалы ауданында тұрғындарды табиғи газбен қамтамасыз ету бағытында ауқымды жобалар жүйелі түрде жүзеге асырылуда. Соңғы жылдары бірнеше елді мекен көгілдір отынға қосылып, инфрақұрылымдық даму қарқыны айтарлықтай артты.Атап айтқанда, 2022 жылы Басықара, Қ.Пірімов және Жалаңтөс батыр ауылдары табиғи газ жүйесіне қосылған болатын. Ал 2024 жылдың соңында Абай ауылы толықтай көгілдір отынға қосылды. 2025 жылы Ақтан батыр ауылында да газдандыру жұмыстары толық аяқталып, тұрғындар табиғи газ игілігін пайдалануға мүмкіндік алды.Осы бағыттағы жұмыстардың жалғасы ретінде 2024 жылы Ақтан батыр, Жанқожа батыр, Бекарыстан би, Майдакөл және Түктібаев елді мекендеріне газ жеткізу магистралдық құбырларының құрылысы жүргізілді. 2025 жылы аталған жобалар жалғасып, негізгі жұмыстар толық аяқталды. Нәтижесінде елді мекендерді газдандыру инфрақұрылымы қалыптастырылды.2026 жылы Жанқожа батыр, Бекарыстан би, Майдакөл және Түктібаев ауылдарында орамішілік газ желілерін салу жұмыстары басталды. Қазіргі таңда құрылыс жұмыстары қарқынды жүріп жатыр. Жобалар кезең-кезеңімен жүзеге асырылып, әр елді мекенді толық қамту көзделген.Сонымен қатар, аудан бойынша газдандыруды кеңейту мақсатында Ақсуат және Байқожа ауылдарына орамішілік газ желілерін тарту, сондай-ақ Өркендеу, Бірлік, Қожабақы және Аранды ауылдық округтеріне магистралдық газ желілерін жеткізу бойынша жобалық құжаттамалар әзірленген.Жалпы, аудан аумағында көгілдір отынмен қамту деңгейін арттыру - тұрғындардың өмір сүру сапасын жақсартуға, әлеуметтік жағдайды көтеруге және экологиялық ахуалды оңалтуға бағытталған маңызды бастамалардың бірі болып отыр.<img src="https://knadmin.beoblood.kz/uploads/azaly_gaz_beru_derisi_625c0e158c.jpg" alt="Қазалы газ беру үдерісі.jpg">Қазалыда жол инфрақұрылымын жақсарту бағытында бірқатар жобалар жүзеге асуда. Сол жобалардың бірі - Әйтеке би кентіндегі «Жанқожа батыр көшесінің айналма жолын қайта жаңғырту» жобасы.Қазіргі таңда нысанда жер тегістеу, тас төсеу, каналдарға темірбетон плиталарын орнату жұмыстары толық аяқталып, жолға қара шебін төсеу мен асфальт төсеу жұмыстары жүргізілуде.&nbsp;Жобаның жалпы ұзындығы 3,192 шақырымды құрайды. Айналма жол құрылысы шілде айына дейін толық аяқталып, пайдалануға берілу жоспарлануда.Аталған айналма жол кент орталығындағы көлік қозғалысын реттеуге, Жанқожа батыр көшесіндегі жол жүктемесін азайтуға және тұрғындардың қауіпсіздігін қамтамасыз етуге бағытталған маңызды инфрақұрылымдық жобалардың бірі.Жалпы аудан орталығында жол-көлік инфрақұрылымын дамыту бағытында ауқымды жұмыстар жүргізілуде. Қазіргі уақытта В. Счастнов орамы, Жанқожа батыр көшесінің 3 шақырымдық бөлігі, Төремұрат жырау орамы, Ы. Жақаев және Ш.Қалдаяқов көшелерін қоса алғанда 13 көшеге ағымдағы жөндеу жұмыстары жүргізілуде. Сонымен қатар &nbsp;Р.Сабырбаев, С.Сейфуллин, Біржан сал, Жалаңтөс батыр, Ж.Аймауытов, М.Шоқай және С.Сүлейменов көшелеріндегі тозығы жеткен асфальт жабындарын жаңарту жұмыстары қолға алынған.Жол жөндеу жұмыстарымен қатар тұрғындарға қолайлы орта қалыптастыру мақсатында жаяу жүргіншілер жолдарын салу жобалары да жүзеге асуда. Бүгінде Т.Бөріқұлақов және Жетес би көшелерінде жаңа жаяу жүргіншілерге арналған жол салынуда. Ұзындығы 2,5 шақырымды құрайтын Т.Бөріқұлақов көшесі мен 1,6 шақырым болатын Жетес би көшесіндегі жаяу жүргіншілер жолдарына асфальт төсеу жұмыстары басталады.&nbsp;<img src="https://knadmin.beoblood.kz/uploads/azaly_zhol_infra_rylymy_15e85e04b1.jpg" alt="Қазалы жол инфрақұрылымы.jpg">

Қазалы ауданында инфрақұрылымдық жобалар жүзеге асуда

<a href="https://kyzylorda-news.kz/">Kyzylorda-news.kz</a> Арал ауданы әкімдігінде аудан әкімінің орынбасары Нұрмұхамед Бохаевтың төрағалығымен кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті.Жиынға тиісті мекемелердің басшылары мен жауапты сала өкілдері қатысып, балалардың құқықтарын қорғау, олардың қауіпсіздігін қамтамасыз ету және отбасы жағдайына байланысты туындайтын мәселелерді шешу бағытындағы өзекті мәселелерді талқылады.Комиссия отырысына балалардың жазғы демалысы кезінде лагерь ұйымдарының санитариялық-эпидемиологиялық жағдайы, қауіпсіздік талаптарының сақталу барысы жөнінде Арал ауданы бойынша білім бөлімінің бас маманы Ғ.Сейтова мен Арал санитариялық-эпидемиологиялық бақылау басқармасының басшысы А.Сатекеева баяндады.Мұнан соң суға шомылу маусымына дайындық және қауіпсіздік талаптарын сақтау бағытында жүргізілген жұмыстар туралы «Қамбаш» олимпиадалар және қосымша білім беру орталығының директоры Р.Қалиев пен Арал аудандық төтенше жағдайлар бөлімінің басшысы А.Сыдықов, Арал ауданы бойынша білім бөлімінің бас маманы Ғ.Сейтова және Қамыстыбас, Қосжар, Аманөткел, Қаратерең ауылдық округ әкімдері хабарлады.&nbsp;Күн тәртібіне сәйкес жауапты органдарға балалардың құқықтарын қамтамасыз ету, жазғы демалыстарын тиімді ұйымдастырып, суға шомылу маусындағы қауіпсіздік шараларын қатаң бақылауда ұстау жөнінде бірқатар тапсырмалар берді.Аталған ауыл әкімдеріне өз аумақтарында орналасқан су айдындарындағы қауіпсіздік шараларын бақылауда ұстау жөнінде тапсырма берілді.&nbsp;Сонымен қатар кәмелетке толмағандардың құқықтары мен қауіпсіздігіне бақылау жасау, демалыс орындарындағы қауіпсіздік шараларын күшейту мәселесі назарға алынды.&nbsp;Жаз мезгілінде Қамбаш көліндегі «Аққұмшық» жағажайының басында рейд шараларын жиі ұйымдастырып, алкагольді өнім саудалау және тұтыну жағдайларына шектеу қою, балалардың суға шомылуы кезінде қауіпсіздік талаптарының қатаң сақталуына бақылау жасау бойынша жауаптыларға бірқатар тапсырма жүктелді.Балалардың құқықтары мен заңды мүдделерін қорғау бағытындағы жұмыстар алдағы уақытта да тұрақты бақылауда болып, жүйелі түрде жалғасатын болады.

Кәмелетке толмаған жасөспірімдердің құқықтарын қорғау мәселесі қаралды

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков тиісті сала басшыларымен бірге Жөлек ауылдық округінде бой көтеріп жатқан жаңа спорт кешенінің құрылыс жұмыстарының барысымен танысты.Жаңа спорт кешені ауыл жастарының бос уақытын тиімді ұйымдастырып, жасөспірімдердің спортқа деген қызығушылығын арттыруға, сондай-ақ өңірдегі спорт инфрақұрылымын жетілдіруге серпін беретін маңызды әлеуметтік нысан саналады.Спорт кешенінің жалпы ауданы 982,15 шаршы метрді құрайды. Ғимараттың құрылыс алаңы – 885,40 шаршы метр, ал құрылыс көлемі – 9 990 текше метр. Заманауи талаптарға сай жобаланған нысан өлшемі 20х42 метр болатын тіктөртбұрыш үлгісінде салынуда. Құрылыс жұмыстарын «Интегрострой» ЖШС жүзеге асыруда.Жалпы, Шиелі ауданында дене шынықтыру мен спорт саласын дамыту бағытында жүйелі жұмыстар атқарылып келеді. Қазіргі таңда ауданда 2 спорт мектебі, 2 стадион, 6 спорт кешені және 70 спорт залы халық игілігіне қызмет көрсетуде. Сонымен қатар, білім беру ұйымдарындағы спорт нысандарын қоса есептегенде 98 жазықтық спорт құрылғысы бар. Кент және ауылдық округтерде орналасқан жасанды жамылғысы бар 36 спорт алаңы тұрғындардың тұрақты пайдалануында.Айта кетейік, бүгінде аудан бойынша спорттың 28 түрімен 38 мыңға жуық адам тұрақты түрде айналысады. Бұл өз кезегінде бұқаралық спортты дамытуға және тұрғындардың денсаулығын нығайтуға бағытталған жұмыстардың нәтижелі жүзеге асып жатқанын көрсетеді.Нысанды аралау барысында аудан әкімі Айтбай Жандарбеков жауапты сала басшылары мен мердігер мекеме өкілдеріне құрылыс жұмыстарының сапасына ерекше мән беруді, барлық жұмыстарды бекітілген кестеге сәйкес уақытылы әрі сапалы аяқтауды тапсырды.<img src="https://knadmin.beoblood.kz/uploads/Shieli_audanyny_kimi_rylys_barysyn_tekserdi_2_e3a64b1429.jpg" alt="Шиелі ауданының әкімі құрылыс барысын тексерді 2.jpg">

Шиеліде жаңа спорт кешенінің құрылыс жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a> Бүгін «Достық үйінде» көрнекті мемлекет және қоғам қайраткері Бердібек Машбекұлы Сапарбаевтың өмірі мен еңбек жолына арналған «Сапарбаев тұлғасы» кітабының таныстырылымы өтті.Оған облыс әкімі Мұрат Ергешбаев, құқық қорғау органдарының бірінші басшылары, мәслихат депутаттары, зиялы қауым өкілдері, жас мемлекеттік қызметшілер, азаматтық қоғам және бұқаралық ақпарат құралдарының өкілдері, кітаптың құрастырушысы Абай Сейфуллаұлы, ағайын-туысы қатысты.<img class="image_resized" style="width:100%;" src="https://knadmin.beoblood.kz/uploads/Saparbaev_t_l_asy_3_5a89dd5a31.jpg" alt="Сапарбаев тұлғасы 3.jpg">Аймақ басшысы Бердібек Сапарбаевтың ел дамуына сіңірген еңбегіне тоқталып, оның мемлекеттік қызметтегі өнегелі жолы жас ұрпаққа үлгі екенін атап өтті.<blockquote>«Мемлекет басшысының тапсырмасына сәйкес жүзеге асып жатқан «Әкімдер мектебі» жобасы аясында Мемлекеттік қызмет істері агенттігінің ұйымдастыруымен Астана қаласында «Сапарбаев тұлғасы» атты кітаптың тұсаукесері өткен болатын. Бұл – елге қызмет етуді өмірлік мұратына айналдырған ардақты азаматтың өнегелі жолын бейнелейтін тағылымды туынды. Қарапайымдылық пен адамгершілікті, кісілік пен кішілікті, талапшылдық пен әділдікті бір бойына сыйдырған ардақты азаматтың есімі Тәуелсіз Қазақстанның тарихына алтын әріппен жазылды. Уақыт оны арамыздан алыстатқанымен, рухани мұрасы ешқашан жоғалмайды», – деді Мұрат Нәлқожаұлы.</blockquote><img src="https://knadmin.beoblood.kz/uploads/Saparbaev_t_l_asy_2_ab975154b5.jpg" alt="Сапарбаев тұлғасы 2.jpg">Басқосуда кітаптың құрастырушысы Абай Сейфуллаұлы, ел ағалары Самұрат Имандосов, Бекмырза Еламанов, Мұрат Бақтиярұлы, облыстық қоғамдық даму басқармасының басшысы Руслан Каюпов сөз сөйледі.Бердібек Машбекұлы мемлекеттік қызметтің түрлі сатыларында абыройлы еңбек етіп, сындарлы кезеңде халық пен билік арасындағы өзара түсіністік пен сенімді нығайтты. Еңбек және халықты әлеуметтік қорғау министрі, Премьер-министрдің орынбасары, Қызылорда, Оңтүстік және Шығыс Қазақстан, Ақтөбе, Жамбыл облыстарының әкімі ретінде ел дамуына зор үлес қосты.<img src="https://knadmin.beoblood.kz/uploads/Saparbaev_t_l_asy_4_a36aef0bf5.jpg" alt="Сапарбаев тұлғасы 4.jpg">

Қызылордада «Сапарбаев тұлғасы» кітабының таныстырылымы өтті

<a href="https://kyzylorda-news.kz/">Kyzylorda-news.kz</a>&nbsp;Қазақстан Республикасының Президенті Қасым-Жомарт Кемелұлы Тоқаевтың «Әкімдердің халықпен кездесулерін өткізу туралы» Жарлығына сәйкес, Шиелі ауданының әкімі Айтбай Жандарбеков І жартыжылдық қорытындысы бойынша Ортақшыл, Телікөл және Керделі ауылдық округтерінің тұрғындарымен есептік кездесу өткізді.Ауыл тұрғындарымен өткен кездесулер барысында аудан әкімі Мемлекет басшысы мен Үкіметтің қолдауымен аудан көлемінде жүзеге асырылып жатқан ауқымды жобаларға, әлеуметтік-экономикалық даму көрсеткіштеріне және алдағы жоспарларға жан-жақты тоқталды. Сонымен қатар, тұрғындардың әл-ауқатын арттыру, ауылдардың инженерлік-инфрақұрылымын дамыту, елді мекендерді абаттандыру және көркейту бағытындағы жұмыстар жүйелі түрде жалғасатынын атап өтті.Ортақшыл ауылдық округінде кәсіпкерлікті дамыту бағытында оң нәтижелер қалыптасуда. Атап айтқанда, 5 ауыл тұрғыны қайтарымсыз мемлекеттік грант иегері атанып, өз кәсіптерін бастаған. Сонымен қатар, Алтынсарин және Сейфуллин көшелері бойына заманауи LED экрандар орнатылып, ақпараттық инфрақұрылымның сапасы арттырылды. Қызылқайың елді мекеніндегі Достық және Бейбітшілік көшелеріне қиыршық тас төселген.&nbsp;Телікөл ауылдық округінде биылғы жылы 4,6 шақырым ауылішілік жол жөнделіп, асфальт төселді. Ауыл көшелеріне 132 жарық диодты шам орнатылып, тұрғындарға қолайлы жағдай жасау бағытындағы жұмыстар жүргізілді. Сондай-ақ, «Таза Қазақстан» республикалық экологиялық бағдарламасы аясында санитарлық тазалық жұмыстары тұрақты түрде ұйымдастырылуда. Аталған жұмыстарға 5 мемлекеттік мекеме, 1 кәсіпкерлік нысан, 37 тұрғын және 3 арнайы техника жұмылдырылып, нәтижесінде 3 тоннадан астам тұрмыстық қатты қалдық шығарылған.Керделі ауылдық округінде әлеуметтік және мәдени нысандарды жаңғырту жұмыстары жүзеге асырылуда. Атап айтқанда, «Қарлығаш» бөбекжай-бақшасының қоршауы заманауи үлгіде жаңартылып, абаттандыру жұмыстары жүргізілді. Сонымен қатар, Нартай Бекежанов музейінде жыл басынан бері 128 экскурсия ұйымдастырылып, мәдени-ағартушылық жұмыстар жүйелі түрде жүргізілуде. Егістік алқаптарын сумен қамтамасыз ету мақсатында Нартай аяқ су каналы қазылып, тазаланды.Бұдан бөлек, ауылдық округтің 9 тұрғыны мемлекеттік қолдау шаралары арқылы жеңілдетілген несие алып, кәсіпкерлікпен айналысуда.Кездесулер барысында ауыл тұрғындары өз ұсыныс-пікірлерін ортаға салып, елді мекеннің әлеуметтік-экономикалық дамуына қатысты бірқатар мәселелерді көтерді. Аудан әкімі тұрғындар тарапынан айтылған әрбір ұсыныс назардан тыс қалмайтынын айтып, көтерілген мәселелер кезең-кезеңімен шешімін табатынын жеткізді.<img src="https://knadmin.beoblood.kz/uploads/Shieli_audany_kimi_t_r_yndarmen_kezdesu_2_0e60ffb12e.jpg" alt="Шиелі ауданы әкімі тұрғындармен кездесу 2.jpg">

Шиелі: Ауылдық округ тұрғындарымен есептік кездесу өткізді

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Мұрат Ергешбаев &nbsp;«Петро Қазақстан Құмкөл Ресорсиз» АҚ президенті Чэнь Даю және компанияның бас директоры Чжун Фэйчаомен кездесті. Кездесуде өңірдің инвестициялық әлеуеті, тау-кен металлургия саласын дамыту перспективалары талқыланды.Аймақ басшысы облыстың минералды шикізат қорының көлемі инвестиция тартуға мол мүмкіндік беретінін атап өтті. Бүгінде өңір жаңартылатын энергия көздерін дамытуға қажетті стратегиялық маңызы бар пайдалы қазбаларға бай. Қазақстандағы ванадий қорының 66 пайызы, мырыштың 16 пайызы, қорғасынның 11 пайызы және уранның шамамен 15 пайызы осында шоғырланған.Кездесуде «Шалқия Цинк» АҚ-ның полиметалл кен орнын игеру жобасына ерекше назар аударылды. Бұл кен орны мырыш қоры бойынша әлемдегі ең ірі бестікке кіреді, жалпы қоры 104 млн тонна.Жоба аясында жылына 4 млн тонна кен өндіретін жерасты кеніші іске қосылып, 1500 жаңа жұмыс орны ашылады. &nbsp;Жалпы инвестиция көлемі 414,7 млрд теңге. Қазіргі уақытта жерасты шахтасының құрылысы мен қажетті инженерлік инфрақұрылым нысандары толық аяқталған. Алдағы жылы заманауи тау-кен байыту комбинаты мен қалдық сақтау қоймасының құрылысын бастау жоспарланып отыр.Кәсіпорын іске қосылғаннан кейін ішкі және сыртқы нарықта сұранысқа ие концентраттарды тұрақты өндіреді. Сонымен қатар, өңірдегі энергетика, логистика және машина жасау салаларының дамуына серпін беретін ірі өндірістік орталықтың біріне айналмақ.

Тау-кен металлургия саласындағы мәселелер талқыланды

<a href="https://kyzylorda-news.kz/">Kyzylorda-news.kz</a> &nbsp;Қазақстан экономиканы әртараптандыру және сапалы инвестициялар тарту бағытын дәйекті түрде жүзеге асырып келеді.Президент Қасым-Жомарт Тоқаевтың басшылығымен елімізде өңдеуші өндірістер, жасыл энергетика, фармацевтика және заманауи инфрақұрылым қарқынды дамуда. 2026 жылы бірқатар өңірлерде ірі өнеркәсіптік жобалар іске қосылды немесе мақұлданды. Бұл жобалар жаңа жұмыс орындарын ашуға, экспорттық әлеуетті арттыруға және технологиялық дамуға елеулі үлес қосуда.<h2 style="text-align:center;">Ауыл шаруашылығы өнімдерін өңдеу және агротехнологиялар</h2>Павлодар облысында құны 2 млрд теңге болатын майлы дақылдарды өңдеу зауыты іске қосылды. Кәсіпорын жылына 60 мың тоннаға дейін шикізат өңдеп, 35 мың тоннаға дейін тазартылмаған күнбағыс майын өндіре алады. Өнім ішкі нарыққа да, экспортқа да жеткізілетін болады. Солтүстік Қазақстан облысында қытайлық XIYU AGRICULTURAL PTE. LTD компаниясы тағы бір ірі май өңдеу зауытын салуда. Инвестиция көлемі – 53 млрд теңге. Кәсіпорынның қуаттылығы тәулігіне 1,4 мың тонна өнімді құрайды. Іске қосылуы 2028 жылға жоспарланған. Нәтижесінде 150 жаңа жұмыс орны ашылады. Түркістан облысында жылына 500 бірлікке дейін агродрон өндіретін зауыт іске қосылды. Ұшқышсыз аппараттар ауыл шаруашылығы алқаптарын өңдеуге арналған және бір ұшуда 5 гектарға дейін жерді бүркей алады. Болашақта өрт сөндіруге және жүк тасымалдауға арналған дрондар шығару жоспарлануда.<h2 style="text-align:center;">Фармацевтика және биотехнологиялар</h2>Үкімет Қарағанды облысында құны 42,5 млрд теңге болатын фармацевтикалық кешенді салу және жаңғырту жобасын мақұлдады. Кәсіпорында онкологиялық, аутоиммундық және орфандық ауруларды емдеуге арналған дәрілерді қоса алғанда, 74 атаулы дәрілік препарат өндірілетін болады. Сондай-ақ белсенді фармацевтикалық субстанциялар мен иммунобиологиялық препараттар шығарылады. Жоба шамамен 70 жұмыс орнын құруға мүмкіндік береді. Алматы облысындағы «Алатау» арнайы экономикалық аймағында құны 32,5 млрд теңге болатын толық циклді биофармацевтикалық кешен салу жоспарланған. Жобаны іске қосу 2031 жылға белгіленген. Зауыт онкологиялық және орфандық ауруларды емдеуге арналған дәрілерді қоса алғанда, 20 атаулы препарат пен иммунобиологиялық өнім шығаратын болады.<h2 style="text-align:center;">Энергетика және жасыл технологиялар</h2>Қазақстандық Baskan Irrigation компаниясы Жетісу облысында қуаты 30 МВт болатын Покатилов су электр станциясын салуды жоспарлап отыр. Пайдалануға беру мерзімі – 2028 жыл. Жоба аясында көлемі 80 млн текше метрге дейінгі су қоймасы салынып, шамамен 32 мың гектар ауыл шаруашылығы жерін суаруға мүмкіндік береді. Сонымен қатар жылына шамамен 30 мың МВт·сағат электр энергиясы өндіріледі. Түркістан облысында құны 307 млн АҚШ долларын құрайтын күн электр станциясының құрылысы басталды. Жобаны қытайлық China Energy Overseas Investment Co. Ltd. компаниясы Qazaq Green Power PLC және «Самұрық-Энергоның» қолдауымен жүзеге асыруда. Станция 2027 жылы іске қосылғаннан кейін жыл сайын шамамен 674 млн кВт·сағат электр энергиясын өндіреді.<h2 style="text-align:center;">Қазақстан өнеркәсіптік әлеуетін арттыруда: жаңа зауыттар, энергетика және өңірлерге инвестициялар</h2><h2 style="text-align:center;">Металлургия және тау-кен өндірісі</h2>Ең ауқымды жобалардың бірі – Павлодар облысында сингапурлық XINFA компаниясы салатын алюминий кластері. Инвестиция көлемі – 15 млрд АҚШ доллары. Жоба бокситтерді терең өңдеуді көздейді және жыл сайын 4,8 млн тонна глинозем, 2,4 млн тонна электролиттік алюминий және 1,2 млн тонна терең өңделген өнім өндіруге мүмкіндік береді. Құрылыс 2026 жылы басталып, алғашқы кезеңі 2028 жылы іске қосылады. Жоба шамамен 10 мың жұмыс орнын ашады. Қытайлық Sinolnvest Group Ltd. компаниясы Қарағанды облысындағы темір кені кен орнын игеруге кіріседі. Өндірістік қуаты жылына 100 мың тонна кенді құрайды. Пайдалану мерзімі 2027–2034 жылдарға жоспарланған. Ақтөбеде құны 100 млн АҚШ долларын құрайтын Еуразиялық интеграцияланған жасыл мыс өнеркәсібі зауытының құрылысы басталды. Жоба қытайлық Beijing Jinvi Yuanfang Group инвестициялары және қазақстандық Phoenix Industrial Group компаниясының қатысуымен жүзеге асырылуда. Зауыт мыс сынықтарынан жылына 25 мың тоннаға дейін тазартылған мыс өндіретін болады. Іске қосылуы 2027 жылға жоспарланған. Өнім ішкі нарыққа және ЕАЭО мен ЕО елдеріне экспортталады.<h2 style="text-align:center;">Туризм және инфрақұрылым</h2>Almaty SuperSki тау шаңғысы курортын жүзеге асыруға Франция, Канада және АҚШ компаниялары тартылды. Француз тарапы 11 аспалы жол салады, канадалық компаниялар инженерлік жобалаумен айналысады, ал америкалық тарап құрылыс жұмыстарын басқару мен үйлестіруді жүзеге асырады. Курортты іске қосу 2028 жылға жоспарланған. Баку кеме жасау зауытында Каспий теңізінде жұмыс істеуге арналған алғашқы контейнерлік кеменің құрылысы басталды. Жоба «Қазмортрансфлот» пен Abu Dhabi Ports компанияларының қатысуымен жүзеге асырылуда. 2027 жылдың соңына дейін сыйымдылығы әрқайсысы 780 TEU болатын екі кеме салу жоспарланған.<h2 style="text-align:center;">Жобалардың маңызы</h2>Аталған жобаларды жүзеге асыру Қазақстанға:<ul><li style="text-align:justify;">мыңдаған жаңа жұмыс орындарын ашуға;</li><li style="text-align:justify;">жоғары қосылған құны бар өңдеуші өндірістерді дамытуға;</li><li style="text-align:justify;">экспорттық әлеуетті арттыруға;</li><li style="text-align:justify;">жасыл энергетика мен фармацевтика салаларын дамытуға;</li><li style="text-align:justify;">өңірлерге ірі шетелдік инвестициялар тартуға және олардың дамуын жеделдетуге мүмкіндік береді.</li></ul>Барлық аталған жобалардың жүзеге асырылуы Президент Қасым-Жомарт Тоқаевтың Әділетті Қазақстан құру және ауқымды экономикалық трансформация жүргізу жөніндегі дәйекті саясатының нақты нәтижесі болып табылады.Мемлекет басшысы экономиканы әртараптандыру, өңдеуші өндірістерді дамыту және сапалы шетелдік инвестициялар тарту міндетін қойған болатын. Бүгінде бұл саясат нақты нәтижелер беруде: өңірлерде заманауи кәсіпорындар ашылып, мыңдаған жұмыс орындары құрылуда, экспорттық әлеует артып, елдің өнеркәсіптік тәуелсіздігі нығаюда.Металлургия, фармацевтика, жасыл энергетика және ауыл шаруашылығы салаларындағы ірі жобалар Қазақстанның Президент белгілеген бағыт бойынша жоғары технологиялық, әртараптандырылған және бәсекеге қабілетті экономика құру жолымен сенімді түрде алға жылжып келе жатқанын көрсетеді.

Қазақстан өнеркәсіптік әлеуетін арттыруда: жаңа зауыттар, энергетика және өңірлерге инвестициялар

<a href="https://kyzylorda-news.kz/">Kyzylorda-news.kz</a> &nbsp;Бүгін Қазақстан Республикасы әкімшілік соттарының құрылғанына 5 жыл толуына арналған «Әкімшілік әділет – мемлекет пен қоғам арасындағы тиімді диалогтың кепілі» атты ғылыми-тәжірибелік конференция өтті. Оған облыс әкімі Мұрат Ергешбаев, облыстық сот төрағасы Әділхади Шағымбаев, құқық қорғау органдарының басшылары, сот жүйесінің ардагерлері, адвокаттар, мемлекеттік органдар қызметкерлері, ғалымдар мен құқық саласының мамандары қатысты.<img src="https://knadmin.beoblood.kz/uploads/kimshilik_dilet_memleket_pen_o_am_arasynda_y_dialog_kepili_atty_ylymi_t_zhiribelik_konferencziya_tti2_b636d6374d.jpg" alt="«Әкімшілік әділет – мемлекет пен қоғам арасындағы диалог кепілі» атты ғылыми-тәжірибелік конференция өтті2.jpg"><blockquote>Аймақ басшысы бес жыл бұрын қабылданған Әкімшілік рәсімдік-процестік кодекс азаматтардың құқықтары мен заңды мүдделерін қорғаудың жаңа стандарттарын қалыптастырғанын атап өтті.&nbsp;Мемлекет басшысы: «Әкімшілік істер бойынша сот тәжірибесі мемлекеттік аппарат жұмысының сапасын айқындайтын сынақ болды. Оның нәтижесі сотқа деген сенімнің арта түскенін көрсетті. Әкімшілік әділет рөлі нығайып келеді», – деді.Бұл мемлекеттік органдардың жұмыс мәдениетін өзгертіп, қабылданатын шешімдердің сапасы мен заңдылығына қойылатын талаптарды күшейтті.&nbsp;Азаматтардың сотқа деген сенімі – құқықтық мемлекеттің ең басты көрсеткіштерінің бірі. Осы ретте өңіріміздегі сот қауымдастығы заңдылықты нығайтуға, азаматтардың құқықтары мен заңды мүдделерін қорғауға, қоғамдық тұрақтылықты қамтамасыз етуге бағытталған маңызды міндеттерді абыроймен атқарып келеді.Сіздердің кәсібиліктеріңіз бен жауапкершіліктеріңіз еліміздегі құқық үстемдігін нығайту ісінде маңызды рөл атқарады. Алдағы уақытта да Президентіміздің Әділетті әрі Қуатты Қазақстан құру жолындағы ортақ жұмысымыз жалғаса беретініне сенімдімін», – деді Мұрат Нәлқожаұлы.</blockquote>Жиында облыс прокуроры Ризабек Ожаров, Қызылорда облысының мамандандырылған ауданаралық әкімшілік сотының төрағасы Гүлжан Мырзатаева, Қорқыт Ата атындағы Қызылорда университеті экономика және құқық институтының директоры, PhD докторы Айнұр Исаева сөз сөйледі.Аймақта әкімшілік әділет институтының тиімділігі нақты нәтижелерімен көрініс тапты. Кейінгі бес жылда облыс соттарына 6 мыңға жуық әкімшілік талап қою арызы түсіп, 5 мыңнан астамына тиісті шешім қабылданған.<img src="https://knadmin.beoblood.kz/uploads/kimshilik_dilet_memleket_pen_o_am_arasynda_y_dialog_kepili_atty_ylymi_t_zhiribelik_konferencziya_tti1_f7ab0711b0.jpg" alt="«Әкімшілік әділет – мемлекет пен қоғам арасындағы диалог кепілі» атты ғылыми-тәжірибелік конференция өтті1.jpg">Мемлекет пен қоғам арасындағы өзара байланысты жаңа деңгейге көтерген маңызды бастамалардың бірі «е-Өтініш» бірыңғай платформасы. Аталған жүйе азаматтардың өтініштерін ашық әрі тиімді қарауға, өзекті мәселелерді жедел шешуге мүмкіндік беріп, «Халық үніне құлақ асатын мемлекет» тұжырымдамасын іске асырудың маңызды құралына айналды.<img src="https://knadmin.beoblood.kz/uploads/721265941_1301663362154905_1088343031191486105_n_8084a66ae4.jpg" alt="721265941_1301663362154905_1088343031191486105_n.jpg">2021 жылдан бері өңірдің мемлекеттік органдарына 220 мыңнан астам өтініш келіп түскен. Бұл азаматтар мен мемлекеттік институттар арасындағы өзара іс-қимылдың жаңа мәдениеті қалыптасып, мемлекеттік органдар қызметінің ашықтығы мен қолжетімділігі арта түскенін көрсетеді.<img src="https://knadmin.beoblood.kz/uploads/719126419_1301663368821571_7986440989199979265_n_a3b19cfe55.jpg" alt="719126419_1301663368821571_7986440989199979265_n.jpg">Фото: Қызылорда облысы әкімінің баспасөз қызметі

«Әкімшілік әділет – мемлекет пен қоғам арасындағы диалог кепілі» атты ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz</a> &nbsp;26 маусым – Халықаралық нашақорлыққа қарсы күрес күніне орай ұйымдастырылған айлық аясында Қызылорда облысы Полиция департаментінің Есірткі қылмысына қарсы іс-қимыл басқармасы «Туризм есірткіге қарсы!» атты есірткіге қарсы профилактикалық іс-шара өткізді.Іс-шараға Қызылорда облысы білім басқармасының «Сыр жұлдыздары» балалар мен жасөспірімдерге арналған шығармашылық және инновациялар академиясы» қосымша білім беру орталығы» коммуналдық мемлекеттік мекемесінің жанындағы жазғы лагерьде демалып жатқан балалар қатысты. Сонымен қатар шараны ұйымдастыруға және өткізуге Есірткі құқық бұзушылықтарының алдын алу жөніндегі кеңес мүшелері, үкіметтік емес ұйымдардың өкілдері мен еріктілер белсенді атсалысты.Іс-шараның негізгі мақсаты – жасөспірімдер арасында есірткіге деген тұрақты теріс көзқарас қалыптастыру, салауатты өмір салтын, белсенді демалысты және жазғы демалыс кезеңіндегі пайдалы бос уақытты насихаттау.<img src="https://knadmin.beoblood.kz/uploads/yzylordaly_o_ushylar_a_arnal_an_profilaktikaly_is_shara_tkizildi_6ade9a645d.jpg" alt="қызылордалық оқушыларға арналған профилактикалық іс-шара өткізілді.jpg">Қатысушылар үшін командаларды таныстыру, туристік эстафеталар, шығармашылық байқаулар, ән орындау, есірткіге қарсы ұрандар айту, туристік жабдықтарды жинау және тақырыптық көріністер қою секілді түрлі сайыстар ұйымдастырылды. Барлық тапсырмалар командалық бірлікті нығайтуға, шығармашылық қабілеттерді дамытуға, көшбасшылық қасиеттерді қалыптастыруға және белсенді азаматтық ұстанымды дәріптеуге бағытталды.Іс-шара барысында балалар өздерінің дайындық деңгейін, тапқырлығын, ұйымшылдығын және белсенділігін көрсетті. Сонымен қатар қатысушыларға есірткінің зияны, салауатты өмір салтының артықшылықтары және туризм, спорт пен шығармашылық сияқты пайдалы қызығушылықтардың маңыздылығы жөнінде түсіндіру жұмыстары жүргізілді.Байқау қорытындысы бойынша қазылар алқасы жеңімпаздар мен жүлдегерлерді анықтады. Барлық қатысушылар дипломдармен және естелік сыйлықтармен марапатталды.Осындай іс-шаралар балалар мен жасөспірімдердің өз денсаулығына жауапкершілікпен қарауын қалыптастыруға, есірткіге қарсы дүниетанымды нығайтуға және оң өмірлік құндылықтарды насихаттауға ықпал етеді.«Туризм есірткіге қарсы!» іс-шарасы жарқын әсерлер, жаңа тәжірибе, достық пен белсенді демалыс зиянды әдеттер мен қауіпті әуестіктерге ең жақсы балама екенін тағы бір мәрте дәлелдеді.

Туризм есірткіге қарсы: Қызылордалық оқушыларға арналған профилактикалық іс-шара өткізілді

<a href="https://kyzylorda-news.kz/">Kyzylorda-news.kz</a> Қызылорда облысында міндетті әлеуметтік медициналық сақтандыру жүйесіне жекеменшік медициналық ұйымдардың белсенді қатысуы&nbsp;арқылы медициналық көмектің қолжетімділігі артып келеді. 2026 жылы Әлеуметтік медициналық сақтандыру қорының филиалы 125 медициналық ұйыммен шарт жасасты, олардың 93-і жекеменшік ұйымдар.Қор филиалының директоры Жақсылық Әбдусаметов атап өткендей, МӘМС жүйесі пациенттерге меншік нысанына қарамастан медициналық ұйымды таңдауға мүмкіндік береді.<blockquote>-МӘМС жүйесінің негізгі қағидаттарының бірі – «қаражат пациенттің соңынан ереді» қағидаты. Бұл азаматтардың Қордың жеткізушілері болып табылатын мемлекеттік те, жекеменшік те клиникалардан қажетті медициналық көмекті алуына мүмкіндік береді. Жергілікті дәрігердің немесе тар буынды маманның жолдамасы болған жағдайда пациент тексеруден өту, кеңес алу немесе емделу үшін медициналық ұйымды өзі таңдай алады, – деді Жақсылық Әбілқасымұлы.</blockquote>Бүгінде өңірдегі Қор жеткізушілерінің құрамында:<ul><li style="text-align:justify;">31 мемлекеттік медициналық ұйым (24,8%);</li><li style="text-align:justify;">93 жекеменшік медициналық ұйым (74,4%);</li><li style="text-align:justify;">1 квазимемлекеттік ұйым (0,8%).</li></ul>Өңірде жекеменшік медициналық ұйымдар мемлекеттік секторға, әсіресе консультативтік-диагностикалық, стоматологиялық және стационарды алмастыратын көмек көрсету бағыттарында айтарлықтай бәсекелестік қалыптастырып отыр. Сонымен қатар оңалту қызметтері, бастапқы медициналық-санитариялық көмек (БМСК) және стационарлық медициналық көмек көрсету салаларында да жекеменшік сектордың белсенділігі жоғары.Филиал басшысының айтуынша, жекеменшік медициналық ұйымдардың МӘМС жүйесіне қатысуы медициналық көмектің қолжетімділігін арттыруға, күту мерзімдерін қысқартуға және пациенттердің таңдау мүмкіндігін кеңейтуге ықпал етеді.<blockquote>- Облыс тұрғындары МӘМС аясында жекеменшік клиникаларда тар буынды мамандардың кеңестерін, диагностикалық зерттеулерді, оңалту қызметтерін және басқа да медициналық көмекті тегін ала алады. Көрсетілген қызметтердің ақысын Әлеуметтік медициналық сақтандыру қоры төлейді, – деп атап өтті Жақсылық Абдусаметов.</blockquote>2026 жылы өңір тұрғындарына медициналық көмек көрсету үшін 125 жеткізушіге 135,9 млрд теңге бөлінді. Бұл қаражат халықты тегін медициналық көмектің кепілдік берілген көлемі (ТМККК) және МӘМС жүйесі аясындағы медициналық қызметтермен қамтамасыз етуге бағытталған.Сондай-ақ Қор филиалының басшысы тіркелген емханада қажетті қызметті көрсету мүмкіндігі болмаған жағдайда дәрігер пациентке осы қызметті көрсету бойынша бірлесіп орындау шарты жасалған басқа медициналық ұйымға жолдама беруі тиіс екенін түсіндірді. Сонымен қатар пациент қажетті қызметті көрсететін Қор жеткізушілерінің ішінен медициналық ұйымды өз бетінше таңдауға құқылы. Мұндай жағдайда жергілікті дәрігердің жолдамасы бірлесіп орындау шартын рәсімдеуге негіз болады.Қор сайтында медициналық қызмет жеткізушілер тізімін қалай пайдалануға болады?ТМККК және МӘМС аясында қызмет көрсететін медициналық ұйымдардың өзекті тізімі Қордың сайтындағы «Жеткізушілер картасы» бөлімінің «Жеткізушілерге» бөлімшесінде орналастырылған. Іздеу үшін өңірді және қажетті медициналық көмек түрін таңдау қажет.Сілтеме: <a href="https://msqory.kz/kk/postavshchikam/kak-stat-postavshchikom/podat-zayavku-dlya-vklyucheniya-v-bazu-postavshchikov-i-soispolniteley/">https://msqory.kz/kk/postavshchikam/kak-stat-postavshchikom/podat-zayavku-dlya-vklyucheniya-v-bazu-postavshchikov-i-soispolniteley/</a>Медициналық қызметтердің сапасы немесе қолжетімділігі бойынша сұрақтар туындаған жағдайда пациенттер медициналық ұйымның Пациенттерді қолдау және ішкі аудит қызметіне немесе Әлеуметтік медициналық сақтандыру қорына 1414 байланыс орталығы, Qoldau 24/7 мобильді қосымшасы және&nbsp;Telegram-дағы SaqtandyryBot&nbsp;арқылы жүгіне алады.

Өңірдегі 93 жеке клиникалары МӘМС жүйесінде медициналық көмек көрсетеді

<a href="https://kyzylorda-news.kz/">Kyzylorda-news.kz</a> Қызылорда қаласында «WornerBros» қаржы пирамидасының құрылымдық бөлімшесін басқарған тұлғаға қатысты сот үкімі шықты.Тергеп-тексеруді ҚМА Қызылорда облысы бойынша департаменті жүргізді.Ұйымдастырушы азаматтарды «WornerBros» платформасы арқылы қысқа бейнероликтер мен фильмдерді көргені үшін табыс табуға болады деген желеумен қаржы пирамидасына тартқан.Қатысушыларға рефералдық сілтеме арқылы тіркеліп, құны 10 мың теңгеден 11 млн теңгеге дейінгі VIP-пакеттердің бірін сатып алу ұсынылған. Бұл ретте күніне 735 мың теңгеге дейін табыс түсетіні уәде етілген.Әрбір жаңа қатысушы үшін бонус төленіп отырған, бұл азаматтарды жүйеге тұрақты түрде тартуға ынталандырған.Схеманы насихаттау үшін WhatsApp топтары, әлеуметтік желілердегі жарнамалар және үгіт-насихат кездесулері пайдаланылған.Тергеу барысында салымшылардың қаражатын жинақтау және аудару үшін қолданылған криптоәмияндар анықталды.Сот санкциясымен&nbsp;3 млн USDT көлеміндегі криптоактивтерге тыйым салынды.Сот айыпталушыны кінәлі деп танып,&nbsp;5 жылға бас бостандығынан айыру жазасын тағайындады.Сондай-ақ 24 жәбірленушінің азаматтық талап-арыздары қанағаттандырылды.Үкім заңды күшіне енді.Фото: gov.kz

Архив