<a href="https://kyzylorda-news.kz/">Kyzylorda-news.kz</a>&nbsp; Президентке өңірдің әлеуметтік-экономикалық дамуы мен орнықты өсімін қамтамасыз ету бойынша атқарылып жатқан шаралар туралы баяндалды.Нұрымбет Сақтағанов 2025 жылдың қорытындысына сәйкес облыста оң динамика байқалатынын айтты.Инвестиция, құрылыс, ауыл шаруашылығы және сауда салалары өсім көрсетіп отыр. Негізгі капиталға салынған инвестиция көлемі 838 миллиард теңгеден асты. Инвестициялық портфельде 101 жоба бар.Құрылыс жұмыстарының көлемі 460 миллиард теңгеге жуықтады. Ауыл шаруашылығындағы жалпы өнім 550 миллиард теңгеден, ал сауда саласында 2 460 миллиард теңгеден асты.407 мың шаршы метрден астам тұрғын үй пайдалануға берілді. Жұмыссыздық деңгейі 4,6 пайыз деңгейінде тұрақтап, 29 мың адам еңбекпен қамтылды.Жұмыспен қамтудың өңірлік картасы аясында биыл 17 440 жұмыс орнын ашу (І тоқсанның қорытындысы бойынша 3 317 жұмыс орны ашылды) қарастырылып отырғаны жөнінде мәлімдеді.Әлеуметтік салада АӘК алушылар саны азайып келеді.Ауылдық аумақтарды дамыту және қоныстанушыларды қолдау бағдарламалары, соның ішінде «Шығыс шақырады» өңірлік жобасы жүзеге асырылып жатыр.Шығыс Қазақстанда инфрақұрылымды жаңғыртуға баса мән беріледі. Былтыр ұзындығы 856 шақырым болатын жолдар мен көшелерде жөндеу жұмыстары аяқталды.Мемлекет басшысы Экологиялық ахуалды жақсарту, экономиканы әртараптандыру, инвестиция тарту және өңірдегі туризмді дамыту жұмыстарын жалғастыру бойынша бірқатар тапсырма берді.Фото: Ақорда

Мемлекет басшысы ШҚО әкімі Нұрымбет Сақтағановты қабылдады 

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың төрағалығымен актив отырысы өтті. Онда ҚР Президенті Әкімшілігінің, Мемлекеттік қызмет істері агенттігінің келісімдері негізінде, Әділет министрлігінің бұйрығымен облыстық әділет департаментінің басшысы болып тағайындалған Әлмеш Баукен Серікұлы таныстырылды.Облыс әкімі жаңа басшының қызметіне сәттілік тілеп, нотариалдық, адвокаттық, заң кеңесшілері қызметінің нәтижелілігін арттыру, құқықтық түсіндіру жұмыстарын жандандыруға қатысты міндеттерді айқындады.<blockquote>«Әділет министрлігімен өзара байланысты күшейтіп, өңірімізде нормативтік-құқықтық актілерді тіркеу және сараптау жұмыстарын ұйымдастыру қажет. Азаматтарымызға құқықтық қолдау көрсетуді, зияткерлік меншік құқықтарын қорғауды тапсырамын», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/658925380_1245793307741911_6523135102868722861_n_8846f10f15.jpg" alt="Облыстық әділет департаментінің басшысы таныстырылды"><figcaption>&nbsp;</figcaption></figure>Баукен Серікұлы 1991 жылы Түркістан облысында дүниеге келген. Қазтұтынуодағы Қарағанды экономикалық университетінде «Құқықтану» мамандығы бойынша білім алған.Еңбек жолын 2009 жылы Түркістан облыстық әділет департаментінде бастаған. Әр жылдары аталған департаментке қарасты Шымкент қалалық, Төлеби, Сарыағаш, Сайрам, Ордабасы аудандық әділет басқармаларында жауапты қызметтер атқарған.2017-2023 жылдары Алматы облысы Ескелді аудандық әділет басқармасының басшысы, Қызылорда облыстық әділет департаменті басшысының орынбасары болған.2023 жылдан бері Ақмола облыстық әділет департаментінің басшысы лауазымында қызмет еткен.Фото: Қызылорда облысы әкімінің баспасөз қызметі

Облыстық әділет департаментінің басшысы таныстырылды

<a href="https://kyzylorda-news.kz/">Kyzylorda-news.kz</a> Туризм және спорт министрі Ербол Мырзабосынов биыл Жапонияның Нагоя қаласында (19 қыркүйек – 4 қазан) ұйымдастырылатын XX жазғы Азия ойындарына ұлттық құраманы сапалы дайындауға арналған жұмыс кеңесін өткізді.Жиында ұлттық команданың құрамын қалыптастыру, спортшылардың бәсекеге қабілеттілігін арттыру және басым спорт түрлеріндегі дайындықты тиімді ұйымдастыру мәселелері талқыланды.Биылғы Азия ойындары бағдарламасына 43 спорт түрі енген. Спортшылар 438 медаль жиынтығы сарапқа салады. Алдын ала болжам бойынша, Қазақстан құрамасынан Азиадаға 30-дан астам спорт түрінен 500-ге жуық спортшы қатысады.Министрлік ұлттық спорт федерацияларымен бірлесе отырып дайындық жоспарын жасады. Онда оқу-жаттығу жиындарын өткізу, халықаралық жарыстарға қатысу, сондай-ақ спортшыларға медициналық, ғылыми және әдістемелік қолдау көрсету қарастырылған.Дайындық барысында арнайы штаб құрылып, ең көп медаль алу мүмкіндігі бар басым спорт түрлері анықталды.<img src="https://knadmin.beoblood.kz/uploads/Poryadka_500_sportsmenov_primut_uchastie_v_letnih_Aziatskih_igrah_2026_goda1_e64192d6a3.jpg" alt="Порядка 500 спортсменов примут участие в летних Азиатских играх 2026 года1.jpg">Ұлттық құраманы жасақтауда спортшыларды ашық және әділ іріктеуге баса назар аударылды. Іріктеу халықаралық жарыстардағы, соның ішінде әлемдік және Азия чемпионаттарындағы, сондай-ақ іріктеу турнирлеріндегі нәтижелерге негізделеді.

Жазғы Азия ойындарына 500-ге жуық спортшы қатысады – Ербол Мырзабосынов жұмыс кеңесін өткізді

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Geoscience &amp; Exploration of Central Asia (GECA 2026) халықаралық геологиялық форумына қатысты.GECA 2026 форумы халықаралық ұйымдар, дипломатиялық корпус, сондай-ақ ұлттық және шетелдік компаниялар өкілдерін біріктірді.Геологиялық форумның пленарлық отырысында сөз сөйлеген Премьер-министр Олжас Бектенов сала мамандарын келе жатқан кәсіби мерекесімен құттықтап, ел экономикасы мен өнеркәсібінің тұрақты дамуы үшін геологиялық барлаудың стратегиялық маңыздылығын атап өтті.<blockquote>«Биыл – шын мәнінде, Қазақстан үшін тарихи жыл. Экономика мен қоғамның барлық саласын одан әрі жаңғырту ісіне тың серпін берген жаңа Конституция қабылданды. Жалпыхалықтық референдумда еліміздің азаматтары нағыз отаншылдықтың үлгісін көрсетіп, Мемлекет басшысы Қасым-Жомарт Кемелұлы Тоқаевтың ауқымды бастамаларына жаппай қолдауын білдірді. Қазірден бастап мемлекеттік басқарудың ашықтығын арттыруға, қолайлы инвестициялық ахуал қалыптастыруға және адам капиталын дамытуға бағытталған Ата заңның нормаларын жүзеге асыруға біз айрықша көңіл бөліп отырмыз. Аталған өзгерістер экономиканы дамыту үшін жаңа мүмкіндіктер ашады, соның ішінде геологиялық барлау саласы отандық өнеркәсіптің стратегиялық негізіне айналды», — деп атап өтті Олжас Бектенов.</blockquote>Мемлекет басшысы Қасым-Жомарт Тоқаевтың тапсырмасы бойынша Қазақстанда саланың инвестициялық тартымдылығын арттыруға, инфрақұрылымды жаңғыртуға және заманауи технологияларды қолдану аясын кеңейтуге бағытталған геология және жер қойнауын пайдалану саласындағы жүйелі реформалар жүзеге асырылуда.Мұндағы маңызды қадам қызметтерге ашық қолжетімділікті қамтамасыз ететін жер қойнауын пайдаланудың Бірыңғай порталын іске қосу болып отыр. Мәселен, «Бірінші келді – бірінші алды» деген әлемдік озық тәжірибенің негізінде жер қойнауын пайдалану құқығын беру үдерістері айтарлықтай жеңілдетілді. Бұл соңғы үш жылда геологиялық барлауға шамамен 280 млрд теңге жеке инвестиция тартуға мүмкіндік берді.Қорлар бойынша есептіліктің халықаралық стандарттары енгізілді. Алдағы уақытта геологиялық зерттеулерге орнықты көзқарас қалыптастыру үшін 1:50 000 масштабындағы геофизикалық карталарды жасақтау қолға алынды.Бүгінде елімізде геологиялық саланы дамытудың заманауи және технологиялық моделі қалыптасуда. Ұзақмерзімді басымдықтар қатарында – техногендік минералдық түзілімдерді экономикалық айналымға тарту, жерасты суларының кен орындарын түгендеу бойынша жүйелі жұмыс, сондай-ақ саланың цифрлық трансформациясы жағдайында жұмыс істеуге қабілетті жаңа формация мамандарын – геологтер, инженерлер мен сарапшылар даярлау бар. Астанада сараптамалық зертхана, керн қоймасы және геологиялық ақпарат қоры бар геологиялық кластер құрылуда. Орталық кадрлық әрі техникалық ресурстарды біріктіреді және салалық зерттеулерді жеделдетуге ықпал етеді.Қазақстан елеулі минералды-шикізаттық әлеуетке ие және оны инвесторлар пайдалы қазбаларды барлау, өндіру және қайта өңдеу бойынша басым аймақтардың бірі ретінде қарастырады. Елімізде шамамен 10 мың кен орны бар, шикізаттың негізгі түрлері бойынша қорлардың жалпы көлемі 2,3 мың тоннадан астам алтын, 4,3 млрд тонна мұнай, 3,8 трлн текше метр газ, 33,5 млрд тонна көмір және 26,7 млрд тонна темірді құрайды. Ресурстық базаның едәуір бөлігін сирек жер металдары, оның ішінде 2025 жылы ашылған 800 мың тоннаға жуық церий, неодим, иттрий және басқа да элементтердің қоры бар «Құйрықтыкөл» кен орны құрайды.Мемлекет басшысының тапсырмасын орындау шеңберінде ел аумағын геологиялық-геофизикалық зерделеуді 2,2 млн шаршы шақырымға дейін жеткізу бойынша жұмыс жалғасуда. Бүгінгі таңда бұл көрсеткіш шамамен 2,04 млн шаршы шақырымға жетті. Жер қойнауын геологиялық зерделеуді қаржыландыру 10 есеге ұлғайтылғаны және алдағы 3 жылда шамамен $500 млн-ды құрайтыны атап өтілді.Форум барысында цифрлық технологиялар мен ЖИ енгізе отырып, геологиялық барлау, жер қойнауын пайдалану саласындағы халықаралық ынтымақтастықты дамытуға және тәжірибе алмасуға назар аударылды. Қазақстан Республикасының өнеркәсіп және құрылыс министрі Ерсайын Нағаспаев, Өзбекстан Республикасы тау-кен өнеркәсібі және геология министрінің орынбасары Рустам Юсупов, Тәжікстан Республикасы Үкіметі жанындағы Геология бас басқармасының басшысы Илхомджон Оймухаммадзода және тағы да басқалар өзара іс-қимылды кеңейту жөнінде ұсыныстар айтып, пікір білдірді.Форумға қатысу аясында Премьер-министр «Жас геолог» стендін, минералдардың экспозициясын және геологиялық кластер макетін аралап көрді.

Олжас Бектенов: Қазақстан геологиялық барлауды күшейтеді және саланы дамыту үшін жаңа инфрақұрылым құрады

<a href="https://kyzylorda-news.kz/">Kyzylorda-news.kz</a>&nbsp; Соңғы жылдары жүргізушілер арасында ерекше немесе әдемі автокөлік нөмірлеріне қызығушылық артып келеді. Көпшілік қарапайым мемлекеттік нөмірлермен шектелсе, кейбір азаматтар ерекше комбинациядағы нөмірлер үшін қомақты қаржы төлеуге дайын. Қызылорда қаласында да мұндай нөмірлерге сұраныс аз емес.Қазақстанда автокөлікті тіркеу кезінде берілетін стандартты мемлекеттік нөмірлердің құны тіркеу қызметіне кіретін мемлекеттік баж арқылы төленеді. Мұндай нөмірлер кездейсоқ беріледі және олардың бағасы салыстырмалы түрде қолжетімді.Ал ерекше немесе «VIP» нөмірлердің бағасы әлдеқайда жоғары. Мұндай нөмірлерде көбіне қайталанатын сандар немесе есте сақтауға жеңіл комбинациялар болады. Мысалы: 111, 222, 333 сияқты бірдей сандар,001, 007 секілді ерекше комбинациялар, 777, 888 сияқты танымал нөмірлер.Осындай нөмірлердің бағасы бірнеше жүз мың теңгеден бастап, бірнеше миллион теңгеге дейін жетуі мүмкін.Қаладағы жүргізушілердің пікірінше, әдемі нөмір – көбіне мәртебе немесе жеке талғам мәселесі. Ал кейбір жүргізушілер үшін нөмірдің ерекше болуы маңызды емес. «Маған нөмірдің қандай болғаны маңызды емес. Ең бастысы – көлік дұрыс жүрсе болды», – дейтін пікірлерде кездеседі.Автокөлік нөмірлері арнайы тіркеу орталықтары арқылы беріледі. Қазақстанда көлік тіркеу қызметтерін Азаматтарға арналған үкімет мемлекеттік корпорациясы жүзеге асырады. Мұнда жүргізушілер көлігін тіркеп қана қоймай, ерекше мемлекеттік нөмірлерді де заңды түрде таңдай алады.Қазіргі уақытта Қызылорда қаласында автокөлік саны артып келеді. Соған сәйкес ерекше мемлекеттік нөмірлерге қызығушылық та көбейіп отыр. Дегенмен көпшілік үшін ең маңыздысы – көліктің қауіпсіздігі мен жайлылығы болып қала береді.Мерей ЖалғасбекҚорқыт ата атындағы Қызылорда университетінің 4 курс студентіФото: freepik.com&nbsp;

Көлік нөмірі сәнге айналды ма? 

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында жастарды жұмыспен қамту – ең өзекті әлеуметтік-экономикалық мәселелердің бірі. Өңірде жұмыссыздық көрсеткіші төмендеп келсе де, оның ішінде жастардың жағдайы әр жерде әртүрлі көрінеді. 2025 жылдың нәтижесі бойынша облыстағы жалпы жұмыссыздық деңгейі шамамен 4,6 %-ға дейін азайды, бұл облыста жаңа жұмыс орындары артқанын көрсетеді. &nbsp;Қызылорда қаласындағы жастардың жұмысқа орналасуына арнайы мемлекеттік қызметтер көмектеседі: қалада Жұмыспен қамту және әлеуметтік бағдарламалар бөлімі бар, онда жастарға кеңес беріледі, бос орындар туралы ақпарат таратылады.Қалада дипломы бар жастар көбіне алғашқы жұмысты «Жастар тәжірибесі» сияқты бағдарламалар арқылы алады, бұл бағдарлама 2023 жылы облыс бойынша 3 443 жасқа жұмысқа орналастыруға мүмкіндік берген.Қызылорда қаласының жастары көбіне қызмет көрсету, білім беру, IT-салаға қызығушылық танытады, бірақ тәжірибе талап етілетіні жиі айтылады.Сырдария ауданында жастардың басым бөлігі маусымдық жұмысқа немесе аграрлық бағыттағы жобаларға тартылуда. Мысалы, Қорқыт Ата атындағы Қызылорда университетінің студенттері жазғы маусымда ауыл шаруашылығы, құрылыс және экология салаларында еңбек етуге қатысуда, бұл жастарға тәжірибе жинауға көмектеседі. &nbsp; Бұл жобалар жастарға тұрақты жалақыдан басқа болашақ мамандығын практикалық жағынан түсінуге мүмкіндік береді.Арал, Қазалы, Қармақшы, Жалағаш, Жаңақорған аудандарда кәсіпкерлік пен шағын бизнеске жастардың тартылуы артуда:&nbsp;«Digital Kyzylorda» сияқты жобалар аясында барлық осы аудандардан онлайн-бизнес және цифрлық дағдылар бойынша курс алған жастар саны артты. Аталған бастама ауыл жастарына өз кәсібін ашуға және электронды коммерцияда жұмыс жасауға септігін тигізуде. &nbsp;Бұл аудандарда шағын кәсіпкерлікті дамыту, ауыл шаруашылығы мен туризм салаларында жаңа жұмыс орындарын ашу бойынша бастамалар бар, алайда дамушы аймақтар ретінде жастардың қалаларға қарай көшу тенденциясы әлі де байқалады.Жастар арасында жұмыспен қамту мәселесі туралы талқылаулар, семинарлар өткізіліп келеді. Мысалы, Көрқыт Ата университетінде жастарды еңбек нарығына дайындау, жаңа кәсіби трендтерді түсіндіру және жұмыс табуға көмектесу туралы семинарлар ұйымдастырылды. &nbsp;<ul class="todo-list"><li style="text-align:justify;"><label class="todo-list__label"><input type="checkbox" disabled="disabled">Бұндай шаралар жастарға сұранысқа ие мамандықтарды түсініп, еңбек нарығына бейімделуге мүмкіндік береді.</label></li></ul>Мерей ЖалғасбекҚорқыт ата атындағы Қызылорда университетінің 4 курс студентіФото: freepik.com

Жастарды жұмыспен қамту

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев, ҚР Парламенті Сенаты төрағасының орынбасары Жақып Асанов өңірдегі жас мемлекеттік қызметшілермен кездесті.Аймақ басшысы жастар саясатын қолдау бағытындағы жұмыстарға тоқталды.<blockquote>«Президентіміздің басшылығымен, қоғамның белсенді қолдауымен жазылған жаңа Ата Заңымыз жалпыхалықтық референдумда қабылданды. Мемлекет басшымыздың Әділетті, Қуатты әрі Таза Қазақстанды құру жолындағы барлық бастамаларын Сыр жұртшылығы, оның ішінде жастарымыз әрдайым қолдайды.Еліміздегі ауқымды рефформаларды іске асыруда жастарға айрықша көңіл бөлініп, жан-жақты қолдау көрсетілуде. Бүгінде аймақ халқының 30%-н жастар құрайды. Өткен жылы жастар саясатын дамытуға және қолдауға жергілікті бюджеттен 2 млрд. 105 млн. теңге бөлінді. «Сыр жастары» жеңілдетілген ипотекалық несие беру бағдарламасына бюджеттен 1 млрд. 200 млн. теңге, «Отбасы банктен» 500 млн. теңге қаралған. Бағдарлама аясында 2023 жылдан бері жыл сайын 100 жас отбасыға тұрғын үй беріліп келеді. Олардың арасында жас мемлекеттік қызметшілер де бар. Жастар бастамалары мен жобаларын қолдап, жүзеге асыру үшін 310 млн. теңгеден астам қаржы бөлінді», – деді Нұрлыбек Машбекұлы.</blockquote>Кездесуде Жақып Асанов жас мемлекеттік қызметшілермен маңызды мәселелер жайында пікір алмасты. Тың бастамалар мен ұсыныстарын тыңдап, өз ойын бөлісті.Айта кетейік, бүгінде облыста 3 300-ден астам мемлекеттік қызметші еңбек етсе, 430-дан астамы жас мемлекеттік қызметшілер, 58-і басшылық лауазымдарда жас басқарушылардың пулын қалыптастырып келеді.Өңірлік кадр резервшілері арасынан 14 жас маман мемлекеттік қызметке қабылданды. Білімді жастардың мемлекеттік қызметке орналасу талаптары жеңілдеп, жоғары оқу орнын үздік бітірген 18 түлек аудандық, ауылдық жерлердегі лауазымдарға конкурссыз тағайындалды.Фото: Қызылорда облысы әкімінің баспасөз қызметі

Жас мемлекеттік қызметшілермен кездесу өтті

<a href="https://kyzylorda-news.kz/">Kyzylorda-news.kz</a>&nbsp; Соңғы жылдары Қызылорда қаласында автокөлік саны айтарлықтай артты. Соған байланысты кейбір көшелерде қозғалыс қиындап, жол-көлік оқиғалары да жиі тіркеліп жатады. Әсіресе қарбалас уақытта орталық көшелерде көлік кептелісі байқалады.Қала тұрғындарының айтуынша, қозғалыс ең көп болатын көшелердің қатарында Әбілқайыр хан көшесі, Жібек жолы көшесі және Тәуелсіздік даңғылы бар. Кейбір қиылыстарда көлік соқтығысу жағдайлары да тіркеліп жатады. Бұл көшелер қала орталығын бірнеше ауданмен байланыстыратын негізгі жолдар болғандықтан, көлік ағыны тәулік бойы үзілмейді. Таңертең және кешкі уақытта жұмысқа немесе оқуға баратын адамдардың көлігі көбейіп, қозғалыс баяулайды. Кей жүргізушілер бұл көшелерде кептеліс жиі болатынын айтады.Жол-көлік оқиғалары көбіне жылдамдықты асыру, жол ережесін сақтамау, көлік ағынының көп болуы, кей жүргізушілердің асығыстығы сияқты себептерден болады.Жалпы алғанда, Қызылорда қаласында көлік қозғалысы толықтай қиын деп айтуға болмайды. Алайда автокөлік санының артуы орталық көшелердегі қозғалысқа әсер етіп отыр. Тұрғындардың пікірінше, жол инфрақұрылымын дамыту мен жол ережесін сақтау көлік қозғалысын қауіпсіз әрі ыңғайлы етуге мүмкіндік береді.Мерей ЖалғасбекҚорқыт ата атындағы Қызылорда университетінің 4 курс студентіФото: Нұрболат Нұржаубай

Көлік қозғалысы қашан реттеледі?

<a href="https://kyzylorda-news.kz/">Kyzylorda-news.kz</a> Тәлімнің таралғысы түптеп келгенде тәртіппен ұштасатыны ұғынықты. Әсіресе, ел алдында еңбек етіп жүрген жандардың мінез-құлық мәнерінен бөлек, киім-киісі мен жүріс-тұрысы да қоғам назарында. Бұған мән беретін ҚАЖ департаментіне қарасты №68 мекемесінің қызметкерлері маусымдық талапқа сәйкес жазғы киім үлгісіне көшті.Яғни, мекеме бастығының тәрбие ісі жөніндегі орынбасары Мирамбек Ұзақұлы Тұрымбетовтың қатысуымен саптық тексеріс өтіп, қызметкерлердің жазғы киім үлгісіне толыққанды көшуі мен жеке құрамның қызметтік куәліктері тексерілді.<blockquote>– Әр қызметкердің жинақылығы мен ұқыптылығы мекеменің ішкі мәдениетін көрсетеді. Сондықтан маусымдық киім үлгісіне көшу – тәртіп пен ұйымшылдықты сақтаудың заңды жалғасы. Жазғы кезеңде де қызметтің қарқыны бәсеңдемейді. Керісінше, кәсібилікке қойылатын талап күшейе түседі. Осы ретте сыртқы келбеттен бастап, қызметтік міндеттерді орындауға дейінгі әрбір қадам жауапкершілікпен атқарылуы тиіс. Жеке құрам белгіленген стандарттарды сақтай отырып, алдағы уақытта да жүктелген міндеттерді сапалы орындауға әзір, - дейді мекеме бастығының тәрбие ісі жөніндегі орынбасары М.Тұрымбетов.</blockquote>Иә, тәртіпке бас игенде ғана кесір иектемей, қызметте абыройлы болудың мүмкіндігі мол.З.Қонысжан

Маусымдық талап – қызметтік мәдениет өлшемі

<a href="https://kyzylorda-news.kz/">Kyzylorda-news.kz</a>&nbsp; Бүгін&nbsp;Сырдария&nbsp;ауданы әкімі Берік Сәрменбаев азаматтарды жеке мәселелері бойынша қабылдады. Жеке қабылдауға «AMANAT» партиясы облыстық филиалының төрағасы Жандос Базартай, аудандық мәслихат төрағасы Ержан Әжікенов қатысты.Аудан басшысы тұрғындардың арыз-шағымдарымен өтініштерін тыңдап, тиісті түсіндірмелер берді.Қабылдау барысында азаматтар жұмыспен қамту, жол инфрақұрылымын дамыту, атап айтқанда елді мекен көшелерін асфальттау, сондай-ақ әлеуметтік және тұрмыстық сипаттағы бірқатар мәселелер бойынша жүгінді.Тұрғындардың мәселелері бойынша тиісті сала басшыларына қолданыстағы заңнаманың шеңберінде мәселелерді шешуге жұмыс жасауды тапсырды.Фото: Сырдария ауданы әкімінің баспасөз қызметі

Жеке қабылдау өтті

<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасы Үкіметінің қаулысымен 2026–2030 жылдарға арналған бокс дамуының тұжырымдамасы бекітілді, деп хабарлайды <a href="https://kaz.zakon.kz/kogam-tynysy/6079171-kmet-20262030-zhyldara-arnalan-boks-damuyny-tzhyrymdamasyn-bektt.html">Zakon.kz.</a>Сала үшін стратегиялық маңызы бар бұл құжаттың негізгі мақсаттары – бокспен айналысатын азаматтар санын арттыру, спортшыларды даярлау сапасын жақсарту және қазақстандық боксшылардың халықаралық аренадағы бәсекеге қабілеттілігін күшейту.Тұжырымдама 6 негізгі бөлімнен тұрады және саланың барлық даму бағыттарын қамтиды.Соның ішінде 5 басым бағыт айқындалған:<ul><li style="text-align:justify;">&nbsp;бокс инфрақұрылымын дамыту;</li><li style="text-align:justify;">&nbsp;бұқаралықты кеңейту және спорттық резерв қалыптастыру;</li><li style="text-align:justify;">&nbsp;ғылыми-әдістемелік және медициналық қамтамасыз етуді жетілдіру;</li><li style="text-align:justify;">&nbsp;жаттықтырушылар мен төрешілердің біліктілігін арттыру;</li><li style="text-align:justify;">&nbsp;халықаралық ынтымақтастық пен кәсіби боксты дамыту.</li></ul>Қойылған міндеттерді іске асыру тетігі 31 іс-шараны қамтитын бекітілген кешенді жоспар арқылы айқындалған. Бұл шаралар саланың өзекті мәселелерін жүйелі шешуге және нақты нәтижелерге қол жеткізуге бағытталған.Қазіргі таңда Қазақстанда 153 мыңнан астам адам бокспен айналысады, олармен еліміздің барлық 20 өңірінде 2 мыңнан астам жаттықтырушы жұмыс істейді.Ұлттық құрама сапында негізгі, жастар, жасөспірімдер және кіші жасөспірімдер құрамдарын қоса алғанда 595 спортшы бар.Өткен жылдың қорытындысы бойынша 39 мыңнан астам бала балалар-жасөспірімдер спорт мектептерінде бокспен шұғылданады, олармен 1385 жаттықтырушы жұмыс істейді.2030 жылға қарай бокспен айналысатындар санын арттыру, даярлау жүйесінің тиімділігін күшейту және қазақстандық спортшылардың әлемдік деңгейдегі позициясын нығайту жоспарланып отыр.Құжатты әзірлеушілердің пікірінше, тұжырымдаманы іске асыру саланың жүйелі дамуына жаңа серпін беріп, отандық спортты дамытуға, жастар арасында салауатты өмір салтын насихаттауға және елдің халықаралық беделін нығайтуға маңызды үлес қосады.Фото: kfb.kz

Үкімет 2026–2030 жылдарға арналған бокс дамуының тұжырымдамасын бекітті

<a href="https://kyzylorda-news.kz/">Kyzylorda-news.kz</a> Қызылорда облыстық көпбейінді ауруханасында заманауи ситуациялық орталық ашылып, жасанды интеллект негізінде радиологиялық-ақпараттық жүйе жобасы іске қосылды. Бұл бастама өңірдегі денсаулық сақтау саласын цифрландыруға бағытталған маңызды қадам болып саналады. &nbsp;Жоба аясында ТМД елдерінде теңдесі жоқ жүйе құрылып, 27 медициналық нысан бірыңғай ақпараттық платформаға біріктірілді. Нәтижесінде радиологиялық зерттеулер орталықтандырылып, диагностиканың сапасы мен жеделдігі айтарлықтай артпақ.Әлеуметтік маңызы бар ауруларды ерте анықтау және олардың алдын алу, қатерлі ісікпен күресті күшейту, бюджет қаражатын тиімді пайдалану және радиологиялық қызметтердің сапасын арттыру мақсатында ашылған жоба DigitalEL тізіміне енгізіліп, Дүниежүзілік денсаулық сақтау ұйымы тарапынан ұсынылған. Бұл оны Қазақстандағы медицина саласын цифрландырудағы үздік жобалардың бірі ретінде айқындайды. &nbsp;Аталған жобаға ПАКС (PACS) жүйесі енгізіліп, x-Eye Mammo, Toraks, Ribout Pneumonia секілді жасанды интеллект шешімдері қолданылуда. Бұл технологиялар медициналық кескіндерді жоғары дәлдікпен талдауға мүмкіндік береді. &nbsp;Жобаға облыстық онкология орталығы мен облыстық фтизиопульмонология орталығы қамтылған. Медициналық мекемелер заманауи құрал-жабдықтармен толықтырылды: 57 жұмыс станциясы мен дербес компьютер, әр дәрігерге арналған UPS және принтерлер, 28 жоғары ажыратымдылықтағы медициналық монитор, сондай-ақ Agfa 15X цифрландырғышымен жабдықталған 7 рентген аппараты іске қосылды. Бұдан бөлек, цифрландырғыш құрылғыларға 13 лицензия орнатылды. &nbsp;Жасанды интеллектті енгізудің нәтижесінде ағзадағы ісікті 1 мм көлемінен бастап анықтау мүмкіндігі пайда болды. Сонымен қатар, қашықтан диагностика жүргізу жолға қойылып, адами фактор әсері 95 пайызға дейін төмендеді. Бұл уақыт пен ресурстарды тиімді пайдалануға жол ашады. &nbsp;Жоба шеңберінде цифрлық мұрағат қалыптастырылып, пленкасыз технология енгізілді. Нәтижесінде жылына 300 млн. теңгеге дейін үнемдеу мүмкіндігі туындап, зерттеу сапасы артып, клиникалық есеп жүргізу жүйесі жеңілдетілді.

Архив