<a href="https://kyzylorda-news.kz/">Kyzylorda-news.kz</a> Астана қаласында өткен «INFOMATRIX-ASIA 2026» халықаралық байқауда Қызылорда қаласындағы Назарбаев Зияткерлік мектебінің оқушылары жоғары дайындық деңгейін көрсетіп, 5 жүлделі орынға ие болды.Биылғы байқауға 10-нан астам мемлекеттен 250-ден астам команда қатысып, жасанды интеллект, стартап жобалар, робототехника және басқа да заманауи бағыттар бойынша өз жобаларын ұсынып, халықаралық сарапшылар алдында қорғады.Hardware Control категориясы бойынша:<ul><li style="text-align:justify;">ІІ орын – Исмаил Шарапат пен Байбарыс Сұлтанғазы (жетекшілері: Нұркен Абджалиев, Жадыра Ажибаева);</li><li style="text-align:justify;">ІІ орын – Ару Махамбетова мен Айғаным Ернатқызы (жетекшілері: Гүлмира Бакулова, Анар Кенесары);</li><li style="text-align:justify;">ІІІ орын – Гауһар Бисембай мен Айжан Айбек (жетекшісі: Диас Асылбек).</li></ul>AI Programming бағыты бойынша:<ul><li style="text-align:justify;">ІІІ орын – Амина Омарова (жетекшілері: Рахматулла Кадиров, Адильжан Науан).</li></ul>Applied Science категориясы бойынша:<ul><li style="text-align:justify;">ІІ орын – Аяулым Тәуекел (жетекшісі: Айнұр Құрақбаева).</li></ul>Қызылорда қаласындағы Назарбаев Зияткерлік мектебі оқушылардың STEM бағытындағы құзыреттерін жүйелі түрде дамытуда.<img src="https://knadmin.beoblood.kz/uploads/nish3_8f06ba9b46.jpeg" alt="ниш3.jpeg">

INFOMATRIX-ASIA 2026: Сыр зияткерлері халықаралық байқауда 5 жүлделі орын иеленді

<a href="https://kyzylorda-news.kz/">Kyzylorda-news.kz</a> Қызылордадағы көпбейінді облыстық ауруханасында 30 төсек-орынға арналған ревматология бөлімшесі ашылды. Оған облыс әкімінің бірінші орынбасары Данияр Жаналинов қатысты.Жаңа бөлімше Денсаулық сақтау министрлігінің медициналық профильді бөлімшелерді кеңейту бағдарламасы аясында іске қосылды. Облыс тұрғындарына сапалы әрі уақытылы медициналық көмек көрсету, ревматологиялық ауруларды ерте кезеңде анықтау және тиімді ем жүргізу, сондай-ақ асқынулардың алдын алу мақсатында ашылған бөлiмде ревматологиялық ауруларды диагностикалау мен емдеудің заманауи тәсілдерін енгізуге мүмкіндік берiп, нәтижесінде пациенттерге кешенді және үздіксіз медициналық көмек көрсету деңгейі артатын болады.&nbsp;Статистикалық мәліметтерге сәйкес 2025 жылы Қызылорда облысында қаңқа-бұлшықет жүйесі және дәнекер тін ауруларымен 40 771 науқас тіркелген, оның ішінде 18 629 жаңа жағдай анықталған. Сонымен қатар, дәнекер тіннің жүйелі аурулары 642 жағдайды құрады.Көпбейінді облыстық ауруханасында 2025 жылы 282 науқас стационарлық ем қабылдап, орташа ем қабылдау ұзақтығы 13,5 күнді құраса, қазіргі таңда 44 адам жоспарлы госпитализацияны күтуде.Осыған байланысты ревматология бөлімшесінің ашылуы өңір халқы үшін жоғары мамандандырылған медициналық көмекті қолжетімді етіп, ауруларды ерте анықтау мен тиімді ем жүргізуге мол мүмкіндік береді.

Қызылордадағы көпбейінді облыстық ауруханасында ревматология бөлiмшесi ашылды 

<a href="https://kyzylorda-news.kz/">Kyzylorda-news.kz</a> «Таза Қазақстан» экологиялық акциясы аясында Жаңақорған ауданының ерікті жастары Ақүйік ауылдық округінің таулы демалыс аймағы мен су қоймасы маңында кең көлемді тазалық жұмыстарын жүргізді.Тазалық акциясына 100-ге жуық белсенді жас қатысып, нәтижесінде 5 тоннаға жуық қоқыс арнайы орындарға жеткізілді.Жаңақорғандық ерікті жастар осындай игі істері арқылы қоғамда экологиялық мәдениетті қалыптастыруға, табиғатты қорғауға деген көзқарасты нығайтуға үлкен үлес қосуда.<img src="https://knadmin.beoblood.kz/uploads/Molodezh_iz_Zhanakorgana_provela_subbotnik_85e5f88bf1.jpg" alt="Молодежь из Жанакоргана провела субботник.jpg">

Жаңақорған жастары табиғат тазалығына үлес қосты

<a href="https://kyzylorda-news.kz/">Kyzylorda-news.kz</a> Байқоңыр қаласында арнайы іс –сапарда болған «AMANAT» партиясы Қызылорда облыстық филиалының төрағасы Жандос Базартай жасөспірімдер арасында республикалық бокс турнирінің салтанатты ашылу рәсіміне қатысты.Төраға жас спортшыларға сәттілік тілеп, спорттық шараларды қолдаудың партия жұмысының басты бағыттарының бірі екенін атап өтті.<blockquote>«Бұл спорттық жарыс соңғы үш жыл қатарынан «AMANAT» партиясының қолдауымен тұрақты түрде өткізіліп, жас спортшылар үшін дәстүрлі алаңға айналып отыр. Мемлекетімізде бұқаралық спортты дамытуға, жастарды салауатты өмір салтына баулуға ерекше көңіл бөлінуде. Бұл бағытта партия да жүйелі жұмыстар атқарып келеді. Партиялық бағдарламалар мен жобаларда жастар саясатын дамыту, спорт инфрақұрылымын жетілдіру және бұқаралық спортты қолдау басты басымдықтардың бірі ретінде белгіленген. «AMANAT» партиясы әрдайым жастардың жан-жақты дамуына, спортпен тұрақты айналысуына және өз қабілеттерін толық жүзеге асыруына қолдау білдіріп келеді. Осындай турнирлер арқылы партия жас ұрпақтың денсаулығын нығайтуға және оларды отансүйгіштік рухта тәрбиелеуге өз үлесін қосуда», – деді Жандос Базартай.</blockquote>Спорттық додаға еліміздің әр өңірінен келген 200-ге жуық жас спортшы қатысуда. Ашылу рәсімінде қатысушы командалар мен төрешілер таныстырылып, арнайы көрсетілімдік жекпе-жек ұйымдастырылды. Жекпе-жек жеңімпазы республикалық турнирдің арнайы белбеуімен марапатталды.Бұл турнир тек спорттық жарыс қана емес, жасөспірімдердің таланты мен табандылығын шыңдайтын, олардың денсаулығы мен рухани дамуына серпін беретін маңызды шара болып табылады.Партияның қолдауымен осындай дәстүрлі іс-шаралар жастарға өз мүмкіндіктерін толық ашуға мүмкіндік береді және болашақ чемпиондарды дайындауға жол ашып отыр.<img class="image_resized" style="width:100%;" src="https://knadmin.beoblood.kz/uploads/Boks_respublikaly_turnir_2_7cac3dc70c.jpg" alt="Бокс республикалық турнир 2.jpg">

“Amanat” партиясы қолдауымен бокстан республикалық турнир басталды

<a href="https://kyzylorda-news.kz/">Kyzylorda-news.kz</a> Қазақстан Республикасының Мемлекет басшысы ұсынған «Заң мен Тәртіп» қағидасы бүгінгі қоғамның тұрақтылығы мен дамуының негізгі тірегіне айналды. Бұл қағида жай ғана құқықтық нормаларды сақтау емес, ол қоғамдық тәртіптің, азаматтардың құқықтары мен бостандықтарының шынайы қорғалуын, мемлекеттік биліктің тиімділігін қамтамасыз ететін кешенді идеология. «Тәртіпсіз ел болмайды, тәртіпке бағынған құл болмайды» деп Бауыржан Момышұлы айтқандай, «Заң мен Тәртіп» қағидасының қоғам үшін маңыздылығы оның әрбір азаматтың күнделікті өмірінде, мемлекеттік басқарудың барлық деңгейінде көрініс табуымен маңызды. Ол қоғамдық келісімді нығайтып, заң бұзушылықтың алдын алуға, әлеуметтік әділеттілікті орнатуға және мемлекеттің халыққа деген сенімін арттыруға бағытталған.«Тәртіппен өскен тал артық» дейді бабаларымыз. «Заң мен Тәртіп» қағидасын орнату тек жазалау шараларымен немесе профилактикалық жұмыспен ғана шектелмейді. Оның ең маңызды құрамдас бөлігі – сапалы кадрларды даярлау. Заңды орындаушылар мен басқарушылардың жоғары кәсіби және адамгершілік деңгейі болмаса, ешқандай заң тиімді жұмыс істей алмайды. Осы тұрғыда Қазақстан Республикасы Бас прокуратурасының жанындағы Құқық қорғау органдары академиясының рөлі ерекше. Академия құқық қорғау жүйесіндегі ерекше мәртебесіне ие: ол құқық қорғау органдары үшін алғашқы кәсіби даярлықтың негізгі ордасы ретінде танылған. Мұнда болашақ офицерлер мен мамандар тек теориялық білім ғана емес, практикалық дағдыларды, этикалық нормаларды және мемлекеттік қызметке адалдықты бойына сіңіреді.Заң – әділдіктің тірегі болса, тәртіп –тұрақтылықтың негізіАкадемияның тағы бір маңызды бағыты – Президенттік резерв. Бұл мемлекеттік деңгейдегі басқарушы кадрларды даярлаудың жаңа тәсілі. Президенттік резерв арқылы іріктеуден өткен үздік мамандар стратегиялық басқару дағдыларын, заңнаманы терең талдауды және қоғамдық өзгерістерге бейімделуді үйренеді. Осылайша, «Заң мен Тәртіп» қағидасының идеялары мемлекеттік аппараттың жоғары буынына дейін жеткізіледі. Академияда магистратура мен докторантура бағдарламалары да белсенді жұмыс істейді. Бұл деңгейлерде ғылыми зерттеулер жүргізіліп, құқық қорғау саласының өзекті мәселелері шешіледі, ал түлектер мемлекеттік қызметтің жетекші лауазымдарына дайын болады.Академия ғалымдарының заңнаманы жетілдіруге қосқан үлесі зор. Олардың ғылыми еңбектері, сараптамалық қорытындылары және ұсыныстары Қазақстанның құқықтық базасын жаңартуға тікелей ықпал етеді. Заң жобаларын әзірлеу барысында Академия мамандарының пікірі ескеріледі, бұл заңнаманың өміршеңдігі мен тиімділігін арттырады.«Заңды білу емес, құрметтеу – нағыз тәртіп» деген тәмсіл бар. «Заң мен Тәртіп» қағидасының мәні тек заңды білумен шектелмейді. Ол – заңды құрметтеу, оны жүрекпен қабылдау. Академияның тәрбиелік миссиясында қатаң іріктеу жүйесі, тәртіптің ең жоғары стандарты студенттерге «Заң мен Тәртіп» идеологиясын терең сіңіреді. Күнделікті тәртіп, жауапкершілік, ұжымдық тәртіп – осының бәрі болашақ құқық қорғаушылардың мінез-құлқына айналады. Академия қабырғасында қалыптасқан осы мәдениет қоғамға шыққан соң да сақталады және «Заң мен Тәртіп» қағидасының негізгі тасымалдаушысы болады.Құқықтық мәдениетті қалыптастыру – Академияның басты миссиясы. Мұнда білім беру үдерісі тек кәсіби дағдыларды дамытумен шектелмей, азаматтық жауапкершілікті, адам құқықтарын құрметтеуді және мемлекетке адалдықты тәрбиелейді. Осы арқылы әрбір түлек қоғамның құқықтық санасының үлгісіне айналады.«Заң мен Тәртіп» қағидасын сақтау жолындағы Академияның стратегиялық рөлі айрықша. Ол жай ғана білім ордасы емес, мемлекеттің құқықтық тірегі, сапалы кадрлардың кәсіби және моральдық ордасы. Алғашқы кәсіби даярлықтан бастап Президенттік резервке дейінгі барлық деңгейдегі жұмысы арқылы Академия «Заң мен Тәртіп» идеологиясын ұрпақтан-ұрпаққа жалғастырып, Қазақстанның тұрақты дамуына өзіндік үлес қосады. Бұл – болашақтың негізі.Д.Ә.Мейрханов,Академия тыңдаушысыР.Ш.Кабиденов,Кәсіптік оқыту институтының&nbsp;прокурорлық қадағалау кафедрасының аға оқытушысыФото: &nbsp;freepik.com

Заң мен тәртіп: Академия қалыптастыратын құндылық

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен ведомствоаралық штаб отырысынан кейін аудан әкімі Алмасбек Есмаханов арнайы жиын өткізіп, нашақорлықтың алдын алу және есірткі қылмыстарына қарсы іс-қимылды күшейту, сыбайлас жемқорлықтың алдын алу бағытында тиісті сала басшыларына бірқатар тапсырмалар жүктеді.Жиын барысында есірткіге қатысты ахуал, оның ішінде синтетикалық есірткілердің таралуы мен жастар арасындағы қауіптің артуы мәселелері жан-жақты талқыланды. Аудан басшысы бұл бағыттағы профилактикалық жұмыстарды күшейтіп, түсіндіру іс-шараларын жаңа деңгейге көтеру қажеттігін атап өтті. Аудандық полиция бөлімі, денсаулық сақтау және аудандық білім бөлімдерінің басшыларына есірткі қылмыстарының жолын кесу жұмыстарын күшейту, есірткіге тәуелділікке ұшыраған азаматтарға дер кезінде және сапалы көмек көрсету және білім беру ұйымдары мен жастар көп шоғырланатын орындарда жүйелі жұмыстар жүргізу жөнінде бірлескен түрде іс-шараларды қолға алуды тапсырды.&nbsp;Аудан басшысының төрағалығымен өткен жиында сыбайлас жемқорлыққа қарсы іс-қимыл мәселелері де назардан тыс қалмады. Аудан әкімі аймақ басшысының тапсырмасына сәйкес бұл бағыттағы жұмыстарды жүйелендіріп, әрбір мемлекеттік қызметшіге жоғары жауапкершілік жүктелетінін жеткізді. Мемлекеттік қызметкер - елге адал қызмет етуді өзінен бастау керектігін айтып, сыбайлас жемқорлық көріністерінің жолын кесу және шектеу шараларын бірлесе атқаруға шақырды.&nbsp;Жиын қорытындысында аудан басшысы барлық жауапты сала жетекшілеріне жиында берілген тапсырмаларды сапалы әрі мерзімінде орындауды міндеттеп, атқарылған жұмыстар қатаң бақылауда болатынын ескертті.

Нашақорлық пен сыбайлас жемқорлықтың алдын алу мәселелері қаралды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары А.Зебешев Нидерландтан келген Green.Earth жасыл жобаларды басқару компаниясының жобалық бөлімінің басшысы Мохилей Анубхав Аллахабадпен кездесіп, Арал ауданында жүзеге асырылып жатқан экологиялық жобаның іске асырылу барысын талқылады.Жобаны іске асыру мақсатында «Арал Си Лэнд» ЖШС жаңа кәсіпорын тіркелді. Аталған жоба «Арал теңізінің экожүйесін орман өсіру арқылы қалпына келтіру» бастамасы аясында жүзеге асырылуда. Жоба Өңірлік үйлестіру кеңесінің отырысында қаралып, қолдау тапқан.Қазіргі таңда жоба үшін Арал ауданынан 1 мың гектар жер учаскесі беріліп, оның 530 гектарына сексеуіл көшеттері отырғызылды.Жобаның жалпы құны 8,7 млрд теңгені құрайды. Бүгінгі күні оның 80 млн теңгеден астамы игерілді. Жоба аясында 35 жаңа жұмыс орнын құру жоспарланған, қазіргі уақытта 4 адам тұрақты жұмыспен қамтылған.Кездесу барысында тараптар жобаны одан әрі дамыту және кеңейту мәселелерін талқылады.